View
7
Download
0
Category
Preview:
Citation preview
AKTA
OHIKO OSOKO BILKURA
2016-07-11
Bilera: Ohiko Osoko Bilkura
Bilera-zenbakia: Lehenengo deialdia
Eguna: 2016-07-11 (astelehena)
Ordua: 19:00-20:35
Tokia: Dimako udaletxeko batzar aretoa
Bertaratuak:
Nekane Intxaurtza Etxebarria, Alkatea
Ibon Iza Totorika, zinegotzia.
Francisco De Borja Ruiz Huerta, zinegotzia.
Maria Yolanda Palacios Palacios, zinegotzia.
Josune Gorospe Elezkano, zinegotzia.
Jose Antonio Aurrekoetxea Olabarria, zinegotzia.
Felix Perez Santirso, idazkaria
Bertaratu ezina adierazo dabe:
Jose Maria Atutxa Olabarri , zinegotzia .
Iurdana Acasuso Atutxa, zinegotzia.
Francisco Javier Arteaga Plaza, zinegotzia.
Diman, udaletxeko batzar aretoan, bi mila ta hamaseiko uztailaren hamaikako
arrastiko zazpiak diranean, goian aipatutako zinegotzi jaun-andreak bildu dira
Nekane Intxaurtza Etxebarria alkate buru dala eta Felix Perez Santirso
idazkariaren laguntzaz.
Jarraian Alkateak, Udalbatzak 16-05-30 eta 16-06-27ko aktak onartu eta 16-
05-09ko aktaren onarpena hurrengo osoko bilkurarako atzeratu ondoren, gai
zerrenda aztertzeari ekin dautso.
GAIAK
1. 2015eko Kontu Orokorraren barri emotea.
2. 16/10 zki.dun aurrekontu aldaketaren barri emotea.
3. 16/11 zki.dun aurrekontu aldaketaren onarpena.
4. Banda zabalaren proiektuaren adjudikazioa.
5. EH Bilduko taldeak aurkeztutako udalkutxari buruzko mozioa.
6. EH Bilduko taldeak aurkeztutako mandelaren arauei buruzko mozioa.
7. LAB sindikatuak aurkeztutako mozioa.
8. Errefuxiatuen inguruko mozioa.
9. Udal batzordeetan jorratutako gaien barri emotea.
10. Dekretuen barri emotea.
11. Eskari eta galderak.
2015EKO KONTU OROKORRAREN BARRI EMOTEA
2015eko Kontu Orokorraren espedientearen barri Udal Osoko Bilkurari emon
jako.
Francisco De Borja Ruiz Huerta EH BILDUko zinegotzi jn.k berba hartu dau
azaltzeko igazko kontu orokorraren onartzeko prozedurari uztailean hasiera
emon dautsola eta udal ogasun batzordetik igaro ostean, Bizkaiko Aldizkari
Ofizialean aldeko txostena argitaratuko dala eta jendeaurrean hamabost eguneko
epean jarriko dala alegazioak jaso ahal izateko.Beraz, hurrengo osoko bilkurari
egokituko jako bere onarpena.
Udal Osoko Bilkura jakitun geratu da.
16/10 ZKI.DUN AURREKONTU ALDAKETAREN BARRI EMOTEA
16/10 zki.dun aurrekontu aldaketaren barri Udal Osoko Bilkurari emon jako.
Francisco De Borja Ruiz Huerta EH BILDUko zinegotzi jn.k berba hartu dau
ondorengo aurrekontu aldaketa hau azaltzeko 16/10 zki.dun aurrekontu aldaketa
kreditu gaikuntza bidez burutu da 2016eko udal aurrekontuetan ondorengoa
barrusartzeko: alde batetik, Bizkaiko Foru Aldunditik jasotako udaletxeko sarrera
egokitzeko dirulaguntza; eta bestetik, herriko guraso batzuek egindako 2016ko
udalekuetarako kuotaren ordainketak.
SARRERAK
HASIERA ALDAKETA AMAIERA
480 01 Udalekuak 2016 _ 1.650 1.650
720 03 BFA Udaletxeko sarbidearen birmoldaketa _ 11.277,37 10.277,37
Guztira ………………11.927,37
GASTUAK
HASIERA ALDAKETA AMAIERA
134 601 02Udaletxeko sarbidearen birmoldaketa _ 10.277,37 10.277,37
334227 04 Ikastaroak 8500 1.650 10.150
Guztira ………………11.927,37
Udal Osoko Bilkura jakitun geratu da.
16/11 ZKI.DUN AURREKONTU ALDAKETAREN ONARPENA
16/11 aurrekontu aldaketa onartzeko proposamenaren barri Udal Osoko Bilkurari
emon jako.
Francisco De Borja Ruiz Huerta EH BILDUko zinegotzi jn.k berba hartu dau
partiden arteko transferentzien bidez osatu gura dira zenbait partida honako
proiektuetarako: ikastetxeko teilatua konpontako arkitektoaren proiektua, 2016ko
udalekuen finantziaziorako falta dan zenbatekoa, udalmugartetik banda zabala
hedatzeko sistema barri baten adjudikaziorako falta dan kopurua eta 2015eko
udalkutxa negatiboaren itzulpenerako aurtengo urrian eta azaroan ordaindu
beharreko kuotei aurre egiteko kopurua.
Beraz proposamena honako hau izango da:
BAJA
151 227 07 Aholkulariak eta lan teknikoak 30.000 9.593,36 20.406,63
1522 22401Etxebizitza eta lokalen asegurua 3.500 644,09 2.855,91
161 601 00 Lapurreketa Makaztui ur hornidura 49.341 17.355 31.986 920 622 01 Brigadarako pabelloi barria 23.000 23.000 _
Guztira….50.592,45
ALTA
HASIERA ALDAKETA AMAIERA
323 227 07 Eskolako teilatuaren proiektua 9.593,36 9.593,36
334 227 04 Udalekuak 2016 1.650 7.425 9.075
920 227 99 Banda zabala internet 30.000 9.930 39.930
011 92200 Udalkutxa negatiboa 2015 23.644,09 88.864,09
Guztira….50.592,45
Josune Gorospe Elezkao and. EAJ/PNVko udal taldearen zinegotzi and.k hartu
dau berba adierazoteko aurrekontu aldaketa honen alde bozkatuko dabela.
Jarraian 16/11 aurrekontu aldaketa onartzeko proposamena botutara jarri da
ondorengo emoitzagaz:
Botoak guztira: 6, aldekoak: 6.
Udal Osoko Bilkurak, 16/11 aurrekontu aldaketa onartzeko proposamena
bozkatu ondoren, aho batez eta gehiengo osoz onartu eban.
BANDA ZABALAREN PROIEKTUAREN ADJUDIKAZIOARI
BURUZKO AKORDIOA
Opentel Norte S.L. enpresak aurkeztutako banda zabaleko konektibitatea
emotearen zerbitzuaren ganeko eskaintzaren barri Udal Osoko Bilkurari emon
jako.
Alkate and.k udaleko idazkariari emon dautso berbea gai hau azaltzeko.
Idazkariak adierazo dau Opentel S.L. enpresa izan dala, DOUEn eta BOEn
aldizkari ofizialetan argitara emon ondoren, esleipen honetara aurkeztu dan
bakarra. Bere eskaintzaren edukina udaletxeko erregistroko 724 zenbakia
daukien B) eta C) gutunazaletan barrusartuta egoan eta bertan bere ezaugarri
teknikoen barri emoteaz gain, azaldu da zeintzuk izango diran giza baliabideak
eta baliabide teknologikoak zerbitzu hau emoteko eta zelango hobekuntzak
opatzen dauzan hasierako proiektua hobetzeko.
Azken batean Opentel S.L. enpresak adierazo dau zerbitzu hau hamabi astetan
eta 33.000,-€ko prezioan (BEZ barik) egingo dauala eta proposatu dau migrazioa
eta konektibitatearen hasiera prest egongo dala udalmugartean aurtengo urriaren
31rako.
Azken batean ganeratu da fontoia aurreikusita eukien basea beste kokapen
batean, udalagaz adostuta, jarriko dabela herri ikastetxetetik aldentzeko.
Josune Gorospe Elezkao and. EAJ/PNVko udal taldearen zinegotzi and.k hartu
dau berba, alde batetik, adjudikazioaren alde dagozala adierazoteko eta bestetik,
galdetzeko zelan bermatu dauan enpresak bere konektibitatea udalmugarte osora
allegatuko dala eta holan ez bada zelango neurriak hartu ahal dauzan udalak
egoera hori zuzendu eta beharrezkoa bada enpresak opatutakoa betearazoteko.
Udaleko idazkariak erantzun dau Opentel S.L. enpresak bere gain hartutako
konpromisoari aurre egin beharko dautsola eta eurekaz sinatu beharreko
administrazio kontratoan legediak eskaintzen dauzan bermeak aurreikusiko
dirala balizko ezbetetzeak zuzendu eta hala bajagoko zigortzeko.
Jarraian, Opentel S.L. enpresaren aldeko adjudikazio proposamena, Dimako
udalmugarterako banda zabaleko konektibitatea emotearen zerbitzuaren ganekoa,
bozkatu ondoren, aho batez onartua izan da.
EH BILDUKO TALDEAK AURKEZTUTAKO UDALKUTXARI
BURUZKO MOZIOA
EH Bilduko taldeak aurkeztutako 2016ko Udalkutxaren ganeko mozioaren barri
Udal Osoko Bilkurari emon jako.
Francisco De Borja Ruiz Huerta EH BILDUko zinegotzi jn.k berba hartu dau
mozioaren ondorengo testua irakurtzeko:
Jarraian Josune Gorospe Elezkao and. EAJ/PNVko udal taldearen zinegotzi
and.k hartu dau berba aurreratzeko mozio honen kontra bozkatuko dabela
ondorengo arrazoi desberdinengaitik: alde batetik, udalkutxaren funtzionamendu
bera urte amaieran eztabaidatuko dalako eta ganera gogoeta horretan zer esanak
eukiko dau antza Espainiako Gobernuak Konstituzionalean aurkeztuko dauan
Euskadiko Toki Erakundeei buruzko legearen kontrako helegitea. Beraz,
ikuspegi honetatik ebaluetako dago erabagi horrek euki leiken eragin
ekonomikoa. Bestalde gure alderdiaren jarrera beti izan da daukagun zerga eta
finantza sistema, Kontzertu ekonomikoan oinarriturik, defendatzea. Jakin
badakigu sistema horren funtzionamendua, bai kanporantza begira bai
barrurantza begira, arriskuko sistema dala eta ekonomiaren bilakaeraren arabera
emoitzak hobeak edo txarrak izango dirala eta diru bilketaren onurak eta galerak
politika publikoetan igerriko dirala gorabehera horien menpe geratuko diralako.
Dana dala, euren ustez sistemaren diseinuaren balorazioa orokorrean ona da eta
jakina beti egin daikez aldaketak edo doikuntzak bere funtzionamendua hobetu
daiten eta ildo honetatik azpimarratu gura izan dau Euskal Finantza Kontseiluan
tokiko erakundeen partaidetzak suposatuko aurrerapausua euren interesak
defendatzeko. Azken batean onartu dau igazko aurreikuspenak ez dirala bete
dirubilketa bajuagoa izan zalako espero zana baino, eta aurtengorako
aurreikuspena ez da baikorra, baina uda ostera arte, datu sendoagoak euki arte,
itxaron beharko da eta igaz pasatu zana aurten be gertatzea: aurreikuspenak eta
benetako dirubilketa bat ez egitea.
Nekane Intxaurtza Etxebarria Alkate-Udalbatzarburuak hartu dau berbea EH
Bilduko taldeak aldeko botoa emongo dautsiela mozioari. Era berean
aurreikuspenen aldetik adierazo gura dau interes politikoen arabera egiten dirala.
Igazko urrian bagenekien itzulpena egongo zala, 65.000,-€ ingurukoa, baina
aurtengo hasieran konfirmatutako itzulpena ia bikoitza izan da eta ulergarria bada
be aurreikuspenetan desbideraketaren bat eukitea sinisgaitza suertatzen da gero
gertatutakoa. Aurten be jakinarazo jaku gauza bera edo beharbada larriagoa
gertatuko dala eta horren aurrean gure ustez danok, jakina, geuk be bai, baina
Diputazinotik hasita ahalegin berezi bat egin behar da eta horregaitik eskatan
dautsiegu balizko desbideraketa horren %50a euren gain hartu dagiela,
aurreikuspen okerren erantzuleak diralako.
Josune Gorospe Elezkao and. EAJ/PNVko udal taldearen zinegotzi and.k hartu
dau berba erantzuteko interes politikoen araberako erabagia ez zala hartu baizik
eta ekonomiaren bilakaeran eta horren ondorioz ustezko diru bilketaren
ebaluaketan oinarriturik, zoritxarrez aurreikuspenak ez ziran bete eta gure
sistema herri erakunde guztien alkar banatutako arriskuan jarrita dagoan lez, herri
erakunde guztiek zuzenketak eta doikuntzak egin beharko dabez.
Nekane Intxaurtza Etxebarria Alkate-Udalbatzarburuak geitu dau Eusko
Jaurlaritzak eta batez be Diputazinoak ardura gehiago hartu beharko leukie euren
aurreikuspeneen akatsei aurre egiteko.
Jarraian EH BILDUko taldeak aurkeztutako 2016ko Udalkutxaren ganeko
mozioa botutara jarri da ondorengo emoitzagaz:
Botoak guztira: 6, aldekoak: 4; kontrakoak: 2.
Aldeko botoak: Nekane Intxaurtza Etxebarria and. (EH BILDU), Ibon Iza Totorika jn. (EH
BILDU), Maria Yolanda Palacios Palacios and. (EH BILDU) eta Francisco De Borja Ruiz
Huerta jn. (EH BILDU).
Kontrako botoask: Josune Gorospe Elezkano and. (EAJ/PNV) eta Jose Antonio Aurrekoetxea
Olabarri jn. (EAJ/PNV).
Udal Osoko Bilkurak, EH BILDUko taldeak aurkeztutako 2016ko
Udalkutxaren ganeko mozioa bozkatu ondoren, gehiengo soilaz onartu dau.
EH BILDUKO TALDEAK AURKEZTUTAKO MANDELAREN ARAUEI
BURUZKO MOZIOA
EH BILDUko taldeak aurkeztutako Mandelaren arauei buruzko mozioaren barri
Udal Osoko Bilkurari emon jako.
Nekane Intxaurtza Etxebarria Alkate-Udalbatzarburuak hartu dau berbea
adierazoteko EAJ/PNVko udal taldeak gai honen inguruan aurkeztutako mozioa
mozio honen ostean eztabaidatu eta bozkatuko dala.
Mozioaren edukina honako hau da:
Jarraian Ibon Iza Totorika EH Bilduko taldearen zinegotzia danak aurreratu dau
eurek euren moziari aldeko botoa emongo dautsiela eta EAJ/PNVkoari ezezkoa.
Euren ustetan EAJ/PNVko mozioan aitatzen dan testuingurua ezin da izan
aitxakia presoen giza-eskubideen urraketak eta espetxe politika ez salatzeko.
Berez urraketa horiek eta orain arte burututako espetxe politikoaren salaketa
ezin dira egon testuinguruaren menpe.
Era berean ganeratu dau eskubideen bortxaketak egon dirala alde guztietan eta
guk gure hausnarketa egin behar badogu, EAJ/PNVk be, beste alderdi batzuekaz
batera, gauza bera egin beharko leukela tortura sistematikoaren erantzuletako bat
izan eta dalako, gaur egun tortura jarraitzen dalako eta familia asko milaka
kilometro egin behar dabezalako euren senideak ikusi ahal izateko.
Josune Gorospe Elezkao and. EAJ/PNVko udal taldearen zinegotzi and.k hartu
dau berba aurreratzeko mozio honen kontra bozkatuko dabela eta eurek
aurkeztutakoari, aldiz, baiezko botoa emongo dautsiela. Bere ustez Eusko
Jaurlaritza azken legealdi honetan, urrinago ez joatearren, esaterako hitzeman eta
zuzenbide agirien bidez, gai honetan bere jarrera agerian itxi dauala presoen giza-
eskubideen errespetoaren alde baita beste expetxe politika bat egitearen alde egon
dalarik.
Bestalde torturaren aldetik, ezagutu barri dogun lez Eusko Jaurlaritzak
bultzatutako ekimen bati esker tratu txarreko ia bost mila kasuen zerrenda
egiaztatu eta eurei emon beharreko tratamendua eta erreparazioari buruzko legea
onartzeko bidean dagoala Legebiltzarrean.
Azken batean esan dau prest dagozala, gura izan ezkero, euren mozioa puntuz
puntu bozkatzeko haietako batean adostasuna lortu ahal izateko.
Ibon Iza Totorika jn.k esan dau EAJ/PNVkoen mozioan ETAren bortxaketak
eta urraketak argi eta garbi agertan dirala baia ez Guardia Zibilak edo
Ertzaintzak, besteak beste, eragindakoak eta horrek erakusten dau desoreka
nabarmena dagoala gaiaren planteamenduan eta tratamenduan, guk ETAk
eragindako kalteak onartzen doguzalako, baina EAJ/PNV ez dago prest,
esaterako, dispertsioan eukitako jokabidea onartzeko.
Josune Gorospe Elezkao and.k esan dautso Ibon Iza Totorika jn.ri gauzak
nahasten dabilela esparrua desberdinak diralako eta planteamendu horregaz ez
dirala talde biak bat etorriko
Nekane Intxaurtza Etxebarria Alkate-Udalbatzarburuak hartu dau berbea
EAJ/PNVko udal taldeari bere harridura erakusteko EH Bilduren mozioan
presoen eskubideen defentsa eta Mandela nazioarteko eguna baino ez dalako
aitatzen eta ez dau aituten zelan egon ahal dan inor horren kontra.
Josune Gorospe Elezkao and.k erantzun dautso espetxe politikoan bere
alderdian jarrera finko bat daukala eta hori dala gai honetan jarraitzen daben
ibilbidea.
Jarraian EH BILDUko taldeak aurkeztutako Mandelaren arauei buruzko mozioa
botutara jarri da ondorengo emoitzagaz:
Botoak guztira: 6, aldekoak: 4; kontrakoak: 2.
Aldeko botoak: Nekane Intxaurtza Etxebarria and. (EH BILDU), Ibon Iza
Totorika jn. (EH BILDU), Maria Yolanda Palacios Palacios and. (EH BILDU)
eta Francisco De Borja Ruiz Huerta jn. (EH BILDU).
Kontrako botoask: Josune Gorospe Elezkano and. (EAJ/PNV) eta Jose Antonio
Aurrekoetxea Olabarri jn. (EAJ/PNV).
Udal Osoko Bilkurak, EH BILDUko taldeak aurkeztutako Mandelaren arauei
buruzko mozioa bozkatu ondoren, gehiengo soilaz onartu dau.
EAJ/PNVKO UDAL TALDEAK AURKEZTUTAKO ESPETXE
POLITIKOAREN MOZIOAREN GANEKO AKORDIOA
EAJ/PNVko udal taldeak aurkeztutako espetxe politikoaren mozioaren barri
Udal Osoko bilkurari emon jako.
Josune Gorospe Elezkao EAJ/PNVko udal talde politikoaren zinegotzi and.k
berba hartu dau mozioaren testua irakurtzeko:
MOZIOA: ESPETXE POLITIKOAREN INGURUAN
Zioen azalpena
Espetxe politikak zerikusi handia du euskal errealitate soziopolitikoan, euskal erakunde
esparruetan eragina duten eztabaidetan dago. Gizartearen sektore zabalek espetxe politika
horren gorabeherak bizi dituzte, eta politika hori aldaraztea eskatu dute.
Espetxe politikak, halaber, errealitate zaurgarri eta ahuletan du eragina, besteak beste, preso
dauden pertsonengan, beren familiengan eta hauek guztiek dituzten eskubideetan. Zentzu
honetan, espetxe politika batek humanizatzeko edo deshumanizatzeko izan dezakeen
gaitasunaren isla argia da.
Zio horiengatik,hain zuzen, espetxe politika bizikidetza politika baten zatitzat jo beharra dago;
are gehiago, oraingoa moduko testuinguru batean. Espetxe politikaren dimentsio hau ulertzeko,
ezinbesteko dugu funtsezko erreferentzia bi gogoratzea :
·Espainiar Konstituzioaren 25.2 artikuluaren arabera, askatasuna murrizteko zigorrek preso
dauden pertsonak berreztera eta birgizarteratzera bideratuak behar dute izan.
·Konstituzioan ematen den azalpen honek balore berezia hartzen du orain, ETAren bortxakeria
behin betiko amaitu den testuinguruan, halako delituetan berriz erortzeko mehatxua desagertu
dela esan nahi duelako .
Marko honetan, eta espetxe politika bizikidetza politika baten parte izan dadin, bere aplikazioa
aldarazi behar da, ETAren bortxakeriari erantzuteko hartu ziren salbuespen estandarrek
zehaztuta dagoen neurrian. Orduan ere neurri batzuk eztabaidagarriak eta eztabaidatuak ziren.
Oraingo testuinguru honetan, ezinbesteko dugu normaltasun estandarrak berreskuratzea.
Espetxe politika horrek, bizikidetza politika baten zatia den moduan ulertuta, bi alderdi ditu:
alde batetik dago Gobernuaren eskuetan dagoena, erakundeen eta zigor zuzenbidearen
eskuetan; eta , beste alde batetik, presoen eta beren erakundeen eskuetan dagoena. Zentzu
honetan, ondo ezberdindu behar diren lau maila daude:
·Lehenengo eta behin, preso dauden pertsonen eskuetan dago legearen arabera beren egoera
hobetzeko dagozkien neurriak eskatzea, esate baterako, beren bizitokietatik hurbil dauden
espetxeetara hurbiltzea (LOGP legearen 12.1. artikulua) , gaixotasun larriak dituzten presoak
espetxetik ateratzea ( Espetxe Araudiaren 104.4 artikulua) edo 70 urtetik gorako kartzelaratuak
espetxetik ateratzea ( Araudi bereko 92. artikulua). Neurri horiek aplikatu ahalko dira preso
dagoen pertsonari baldintza apartekorik eskatu beharrik gabe. Bitxia eta harrigarria bada ere,
hainbat hamarkadatan, presoen elkargoak uko egin dio halako eskariak egiteari; orain beren
irizpidea aldatu dute eta,zorionez, eskari horiek tramitatzen hasi dira.
·Bigarrenez, Gobernuaren eskuetan dago espetxe politikak berarekin daraman helburu
humanizatzailea betetzea, eta legeriak berak preso dauden pertsonen egoera hobetzeko
aurreikusten dituen neurriak normaltasunez eta berdintasunez aplikatzea. Horrek berarekin
dakar hurbiltze prozesua egitea edo preso gaixoentzat eta 70 urtetik gorakoentzat irtenbide
humanitarioak ezartzea.
·Hirugarren lekuan dago, gizarteratzeko lege prozesuak aktibatzea bortxazko delituengatik
kartzelaratuta dauden pertsonen eskuetan dagoena. Kasu hauetan, bete beharreko baldintza da
biktimei eragindako kalteari buruzko hausnarketa autokritikoa egitea, kalte bidegabea,
pertsona haien giza eskubideak urratzea ekarri zuelako. Autokritika hau ezin da soilik preso
dagoen pertsona bakoitzaren ardurapean utzi. Zentzuduna da erakundeek eta bortxakeriaren
erabilerari balore politikoa eman ziotenek autokritika hori egiteko lehenak izatea .
·Laugarren tokian, Estatuari dagokio askatasuna murrizteko zigorren helburu
birgizarteratzailea garatzea eta birgizarteratzeko prozesuak sustatzea, legeak birgizarteratzeko
prozesuen markoan aurreikusten dituen ohiko espetxe onurei bidea emanez .
Irizpide horiek argi utzirik eta espetxe politikaren inguruan planteatzen diren aldarrikapen
ezberdinen aurrean, Dimako Udal Txit Gorenak honako akordio hau hartu du.
1. Espainiar Gobernuari espetxe politika bizikidetza politikaren zati bihurtzeko gonbidapena
luzatzea, eta ondorioz, espetxe politika hori aldaraztea eskatzea, salbuespen estandarrak
gaindituz. Halaber, euskal erakundeekin adostea eskatzen da eta espetxe politika Eusko
Jaurlaritzaren ardurapean uztea, Gernikako Estatutuak berak 10.14 artikuluan ezartzen duena
betez.
2. Espetxe Erakundeei presoak beren bizitokietatik hurbil dauden espetxeetara hurbiltzea, zigor
legeriak hala ezartzen duelako (LOGP legearen 12.1 artikulua). Era berean eskatzen da
Espetxe Araudiaren 104.4 artikulua aplikatzea gaixo larrien kasuan eta araudi bereko 92.
artikulua aplikatzea 70 urtetik gorako presoen kasuetarako.
3. Presoei eta babesa ematen dieten erakundeei birgizarteratzeko lege barruan aurreikusten
diren urratsak ematen hastea eskatzea. Prozesu hauek norbanakoaren ekimen bidez bideratu
ahal dira eta , egin den delituaren arabera, hausnarketa arduratsu eta autokritikoa egin
beharko da biktimei urratu zaizkien giza eskubideen inguruan.
4. Gure gizartean, giza eskubide guztiak defendatzeko konpromisoa sustatzea, ikuspegi integral
eta ez baztertzailetik abiatuta, eta oraina, etorkizuna eta iragana konpentsatzen dituena. Horrek
berarekin dakar urratua izan den giza eskubide bakoitzarekiko aitorpen kritiko eta berariazkoa
egitea, urraketa hori ETAk gauzatua izan bada zein bestelako iturritik eragindako bortxakeria
izan bada.
Dima, 2016ko uztailaren 7an
Dimako EAJ-PNVren UDAL TALDEA
Jarraian EAJ/PNVko udal taldeak aurkeztutako espetxe politikoaren mozioa
botutara jarri da ondorengo emoitzagaz:
Botoak guztira: 6, aldekoak: 2; kontrakoak: 4.
Aldeko botoak: Josune Gorospe Elezkano and. (EAJ/PNV) eta Jose Antonio
Aurrekoetxea Olabarri jn. (EAJ/PNV).
Kontrako botoak: Nekane Intxaurtza Etxebarria and. (EH BILDU), Ibon Iza
Totorika jn. (EH BILDU), Maria Yolanda Palacios Palacios and. (EH BILDU)
eta Francisco De Borja Ruiz Huerta jn. (EH BILDU).
Udal Osoko Bilkurak, EAJ/PNVko taldeak aurkeztutako espetxe politikoaren
mozioa bozkatu ondoren, gehiengo soilaz ezetsi dau.
LAB SINDIKATUAK AURKEZTUTAKO MOZIOAREN GANEKO
AKORDIOA
LAB sindikatuak aurkeztutako mozioaren barri Udal Osoko Bilkurari emon
jako.
Mozio honen edukina ondorengoa da:
Nekane Intxaurtza Etxebarria Alkate-Udalbatzarburuak adierazo dau bere
taldeak mozio honen alde bozkatzeaz gain, bere gain hartzen dauala konpromisoa
mozioan esaneko klausulak aztertzeko eta udal kontratazioan barrusartzen
joateko.
Jarraian Josune Gorospe Elezkano and. EAJ/PNVko udal taldearen zinegotzi
and.k hartu dau berba aurreratzeko mozio honen kontra bozkatuko dabela. Bere
ustez mozioan jasotako klausula batzuek egokiak dira, esaterako: genero
klausulak, euskararen aldekoak eta beste batzuek. Dana dala, hainbat gauzagaitik
kontrako botoa emongo dabe. Alde batetik gogoratu dau Espainako Gobernuak
2012an hartutako neurri gogorrei aurre egiteko, zenbait ataletan eta
administraziotan neurriak hartu zirala ondorioak ekiditeko eta lan baldintzak
mantenidu ahal izateko eta horren adibide izan zan Bizkaiko Foru Aldundia
2013an argitaratutako neurri sozialekaz lan erreforma ekiditeko.
Bestalde, mozio honetan aurrerantzean planteatutako neurrien aldetik,
idazkaritzari egokituko jako ebaluatzea euren legalitatea eta ondorioz euren
bideragarritasuna horren menpe geratuko da.
Azken batean adierazo dau hau ez dala mozio objetiboa EAJ, PSOE eta UPN
alderdiek agintan daben herri erakundeetan enplegu publikoaren ordez erabilitako
azpikontratazioak bakarrik salatzen diralako eta ez orokorrean, eta gogoratu
behar da herri administrazio honetan be azpikontratazio hori sarritan erabilten
dala: aparejadorea, udal eraikinetako garbikusia eta bideen garbiketaren
kontratazioan, besteak beste. Beraz, koherentzia falta nabarmena dago salaketa
horietan begibistan dagoalako azpikontratazioaren formula kolore guztietako
administrazioetan erabilten dalako. Gure alderdiak beti defendatu dau formula
horren erabilera zenbait egoeretan egokia dalako eta era berean enplegu
publikoaren erabilera jagokon esparruan.
Nekane Intxaurtza Etxebarria Alkate-Udalbatzarburuak adierazo dau ez dauala
arrazoirik ikusten EAJ/PNVkoen jarreran klausula sozialen kontra egoteko. Bere
ustez, mozioaren helburua da klausula sozial horiek aztertu ondoren, udal
kontratazioan barrusartzen joatea.
Josune Gorospe Elezkano zinegotzi and.k erantzun dau eurek agintan dabezan
erakundeen kontratazioan 2013tik klasusula sozialak barrusartzen dabizala mozio
hau barik eta bere ustez ez da zintzoa alderdi batzuei bakarrik egindako salaketa
azpikontratazioa leku guztietan apliketan dalako, eta horregaitik mozio hau
politizatuta dago.
Nekane Intxaurtza Etxebarria Alkate-Udalbatzarburuak ganeratu dau euren
konpromisoa dala udalak azpikontratatutako zerbitzuak kasurik kasu aztertu
klausula sozialak apliketan joateko, eta azterketa horretan be barrusartuta dagoala
ebaluaketa legala. Bestalde gogoratu dau enplegu publikoaren aldeko apustua
egiten dabela eta azpikontratazioa ez dala euren gustuko urtenbidea baina danok
dakigu zelan eta zergaitik eta noren erruz egon dan udala egon dan moduan.
Josune Gorospe Elezkano zinegotzi and.k galdetu dautso horrek esan gura
dauan azpikontratazioa baztertuko dala eta horreik zerbitzuak ahal danean
eskaintza publikora atarako diran.
Nekane Intxaurtza Etxebarria Alkate-Udalbatzarburuak erantzun dautsola ahal
danean, bai.
Jarraian LAB sindikatuak aurkeztutako mozioa botutara jarri da ondorengo
emoitzagaz:
Botoak guztira: 6, aldekoak: 4; kontrakoak: 2.
Aldeko botoak: Nekane Intxaurtza Etxebarria and. (EH BILDU), Ibon Iza
Totorika jn. (EH BILDU), Maria Yolanda Palacios Palacios and. (EH BILDU)
eta Francisco De Borja Ruiz Huerta jn. (EH BILDU).
Kontrako botoak: Josune Gorospe Elezkano and. (EAJ/PNV) eta Jose Antonio
Aurrekoetxea Olabarri jn. (EAJ/PNV).
Udal Osoko Bilkurak, LAB sindikatuak aurkeztutako mozioa bozkatu ondoren,
gehiengo soilaz onartu dau.
ERREFUXIATUEN INGURUKO MOZIOA
Irune Gaskon Alboniga and.k aurkeztutako Errefuxiatuen inguruko mozioaren
barri Udal Osoko Bilkurari emon jako.
Jarraian Alkate and.k mozioaren edukinaren barri emon eta udal talde politiko
biek euren babesa adierazo eta bozkatu ondoren, aho batez honako mozio hau
onartu da:
MOZIOA
1. Errefuxiatuei dagokienez Europar batasunak eta Turkiak lortutako akordioa arbuiatzen
dogu.
2. Europa mailan asilo eta migrazio politika berri bat eskatzen dugu, pertsonak eta giza
eskubideak lehenetsiko dituena. Sarbide ibilbide legal eta seguruak eskatzen ditugu.
Guztiontzako babes eta harrera berme duinak eskatzen ditugu.
3. Gatazka politikoen eta gerren zein pobrezia arrazoien ondoriozko lekualdatzeak
eragiteko muineko arrazoiak lantzeko eskaera egiten dugu.
4. EAEko erakundeekin lankidetzan aritzeko konpromisoa hartzen dugu, pertsona
errefuxiatu, migratzaile eta asilo eskatazaileei harrera egiteko. Erakunde horiei jarrera
argitu eta batez ere jarduketa zehatzak eskatzeko konpromisoa hartzen dugu.
Horretarako, udal gisa, eskuragarri ditugun baliabideen inbentarioa egiteko
konpromisoa hartzen dugu (epe laburrera), besteak beste, etxebizitza baliabideak,
baliabide ekonomikoak eta bestelakoak, azaldutako krisialdi humanitarioari erantzun
eraginkorra emateko.
5. Dimako herritarrei edozein motatako gertaera xenofobo arbuiatzeko eskatzen diegu. 6. Arazo honen gainean sentsibilizatzeko antolatuko diren gizarte ekimeneko jardueretan
parte hartzeko gonbidapena egiten diegu herritarrei. 7. Dimako udal gisa, bat egiten dugu harrera herrien/hirien sarearekin, eta Dima Babes
Herria dela adierazten dugu. Adierazpena eskualdeko beste herrietara ere zabal
daiteke, Arratia Tierra de Acogida – Arratia Babes Herria izendatuz.
UDAL BATZORDEETAN JORRATUTAKO BESTELAKO GAIEN
BARRI EMOTEA
Nekane Intxaurtza Etxebarria Alkate andreak batzordeburuei berbea emon
dautsie Udal Batzordeetan jorratutako gaien barri emon dagien:
Francisco de Borja Ruiz Huerta EH BILDUko zinegotziak hartu dau berba
adierazoteko osoko bilkura honetara ekarritako gaietaz gain, gai garrantziskoena
ikastetxeko teilatuaren konponketarena izan dala.
Adierazo dauan lez, proiektua egiteko kontratatutako arkitektoak diseinua egin
ondoren, hiru enpresa gonbidatu ziran lanak ikasturteko udako oporraldian
burutu ahal izateko. Dana dala proiektuan ezarritako hasierako prezitik gora egon
dira eskaintza guztiak eta ondorioz adjudikatu barik geratu da. Horiek horrela
ikastetxekoekaz egon ondoren, adostu da proiektua birdiseinatzea teilatuaren
konponketaz gain, teilatu azpikoan erabilera desberdinak eukitearen aukera
ahalbidetzeko. Era berean Eusko Jaurlaritzako Hezkuntza Sailekoekaz egin da
berba aurtengo udako oporraldian burutu beharrekoan, datorren urtekoan egingo
dala eta aurtengo dirulaguntzari uko egingo dautsogula jakinarazoteko eta
datorren urteko deialdian proiekto barri baterako atzera dirulaguntza eskatuko
jakela adierazoteko. Izan be datorren astean eurekaz alkartzekoak gara proiektu
barri horretaz berba egin eta euren iradokizunak jasotzeko. Azken batean
adierazo dau bien bitartean lehenbailehen URAkoei baimena eskatuko jakela
lanak burutu ahal izateko.
Udal Osoko Bilkura jakitun geratu da.
DEKRETUEN BARRI EMOTEA
2016ko 65. Alkatetz-Dekretutik 2016ko 106. Alkatetz-Dekretura (biak barne)
informazioaren barri Udal Osoko Bilkurari emon jako.
Nekane Intxaurtza Etxebarria Alkate-Udalbatzarburu and.k berba hartu dau
azken Osoko Bilkuratik hona onartu dauzan dekretuen barri emoteko:
16/65 2016-05-09 Hauteskunde lekuak eta hitzaldi lokalak hauteskundeetarako 16/66 2016-05-10 Artaungo ZRVF18NC-04 ejekuzio unitatearen proiektoa onartzea
16/67 2016-05-13 I. Aldape: etxe bizitza eraikitzeko lan baimenaren luzapena
16/68 2016-05-16 Ikastetxeko galdaran desinertizazioaren adjudikazioa
16/69 2016-05-16 Kultur eta kirol diru laguntzen onarpena
16/70 2016-05-16 Agenda 21: Diru laguntza eskaera
16/71 2016-05-17 16/09 zkidun aurrekontu aldaketa
16/72 2016-05-18 Ikastetxeko teilatuaren proiektuaren adjudikazioa
16/73 2016-05-19 Indusi eta Obako bideen konponketarako lau enpresari gonbidapena
16/74 2016-05-23 Bidearen konponketa eta eskollerak egiteko 5 enpresari gonbidapena
16/75 2016-05-25 Dimnasioan aizea kanporatzeko garbiketa beharraren adjudikazioa
16/76 2016-05-25 Pol. 12 Parc.102an eskatutako obra baimena ez emotea
16/77 2016-05-27 Taxi zerbitzuaren igoera
16/78 2016-05-31 Egur sortaren zerrenda
16/79 2016-05-31 MAIATZAKO nominen onarpena
16/80 2016-05-31 MAIATZAKO fakturen onarpena
16/81 2016-06-09 Herri sport enpresakoei luzatutako gonbidapena
16/82 2016-06-09 Indusi ta Obako bidea konpontzeko adjudikazioa
16/83 2016-06-09 Mendatea eta Elexaldeko bideetako lur jausiak konpontzeko
adjudikazioa
16/84 2016-06-09 Indusi oba, mendatea eta Elexaldeen egiteko obren segurtasun
koordinazioa
16/85 2016-06-09 Batzokian balkoi barria jarri, eta ortu ondoko itxidura egiteko baimena
16/86 2016-06-09 Zamakola, 6 etxe ondoan egurrezko etxola jartzeko obra baimena
16/87 2016-06-09 Telleri, 1.A zkian dutxa jartzeko obra baimena
16/88 2016-06-09 Taberna barri jatetxean egokitzapen lanak
16/89 2016-06-09 Bargondia, 19 zkian baranda aldatu eta apaitze lan txikiak egiteko
baimena
16/90 2016-06-09 Aroztegieta, 9 zki ondoko lastategia barriztatzeko proiekturako
baimena.
16/91 2016-06-09 Oba bekoa 2 zkiko baserriko lanen legalizazio lanak
16/92 2016-06-09 Artaun, 3 zkiko baserriko lanen legalizazioa.
16/93 2016-06-09 Aratungo ZRVF18NC-04 birpartzelatzeko proiektua
16/94 2016-06-09 Landaburu, 7 zkiko miradora pintatzeko obra baimena
16/95 2016-06-09 Pol.12-102 lursailean pabelloi prefabrikatu bat ipinteko baimena
16/96 2016-06-10 suña eraiketak aurkiztutako arriskuen ebaluaketa onartzea
16/97 2016-06-13 Iris enpresa: frontoiko ur lohien garbiketa eta egoera aztertzea
16/98 2016-06-13 Landa eremutarako dirulaguntza eskaera
16/99 2016-06-14 Egur sortaren zozketa.
16/100 2016-06-15 Udaletxeko sarbidea egokitzeko gonbidapenak.
16/101 2016-06-15 Ikastetxeko teilatua konpontako eskaintza ekonomikoaren
gonbidapenak luzatzea.
16/102 2016-06-30 Hileko fakturen onarpena.
16/103 2016-06-30 16/09 zki.dun aurrekontu aldaketa.
16/104 2016-06-30 Udaletxeko sarbidea egokitzeko adjudikazioa.
16/105 2016-06-30 Ikastetxeko teilatua konpontako adjudikazioa bertan behera ixtea.
16/106 2016-07-05 Udaletxeko sarbidea egokitzeko lanetarako osasun eta segurtasuneko
koordinazioaen adjudiakzioa.
Dekretu honeik dekretu liburuan gordeta geldituko dira.
Udal Osoko Bilkura jakitun gelditu da.
Jarraian Alkate jn.k, 2568/1986 Errege Dekretuaren 91.4 artikuluan
ezarritakoan oinarriturik, EH BILDUko udal taldeak osoko bilkura honen gai
zerrendan barrusartu eta eztabaidatzeko:
2016-2017 ikasturterako Dimako Udalaren eta Arratiako musika hitzarmena
sinatzeko proposamena.
Udal Osoko Bilkurak, jakitun gelditu ondoren, aho batez eta gehiengo osoz
ebatzi dau gai hau gai zerrendan barrusartzea.
2016-2017 IKASTURTERAKO DIMAKO UDALAREN ETA
ARRATIAKO MUSIKA ESKOLAREN ARTEKO HITZARMENA
SINATZEKO AKORDIOA
2016-2017 ikasturterako Dimako udalaren eta Arratiako musika eskolaren
arteko hitzarmena sinatzeko proposamenaren barri Udal Osoko bilkurari emon
jako.
Alkate-Udalbatzarburu and.k adierazo dau gai hau Kultura Batzordetik igaro
arren, ahaiztu bat dala eta ez da gaurko osoko bilkuraren gai zerrendan
barrusartu. Akats hori zuzentako eta iraileko osoko bilkurara arte ez
itxaroteagaitik, komenigarritzat joten da gaurko bilkura honetan erabagitea.
Hitzarmen horren edukina aurreko urte guztietako bardina dan lez, ezinbestekoa
da agiri hau lehenbailehen sinatzea Dimako ikasleak ikasturtearen hasieratik bere
abantaietaz baliatu ahal izateko.
Jarraian bozketa egin da eta 2016-2017 ikasturterako Dimako udalaren eta
Arratiako musika eskolaren arteko hitzarmena sinatzeko proposamena aho batez
onartua izan da.
ESKARI ETA GALDERAK
Ez da eskaririk ezta galderarik be egon.
Eta beste gairik ez dagoanez, alkateak batzarrari amaiera emon dautso.
Eztabaidatutakoa nahiz erabakitakoa jasota geratzeko, nik, idazkaria nazen
honek, hori guztia idatzi eta ziurtatu egiten dot, alkateak ontzat emonda.
Recommended