View
2
Download
0
Category
Preview:
Citation preview
Tus Mob Chronic Wasting Disease Yog Dabtsi?
CWD Txoj Kev Kis Thiab Kev Huam
Lub Chaw Minnesota Center for Prion Research and Outreach Kos Duab Los Ntawm Pa Gar Vang
Phab 2
© 2020 Regents of the University of Minnesota. Muaj txhua txoj cai tswj cia. Lub University of Minnesota yog ib lub chaw muaj kev vajhuam sib luag qhia ntawv thiab ua haujlwm.
Phau ntawv no muaj ntaub ntawv qhia txog kev totaub tus kabmob chronic wasting disease, uas yog ib tug kabmob keeb prion ntawm hom tsiaj moslwj, thiab tsim tawm
los ntawm Minnesota Center for Prion Research and Outreach, uas yog ib feem ntawm University of Minnesota College of Veterinary Medicine.
Cov Lus Txhais
Kabmob Bacteria — tej keeb kab me me uas muaj nyob rau ntau qhov chaw, uas muaj feem kawj tau kabmob rau tib neeg thiab tsiaj. (phab 8)
Bovine spongiform encephalopathy — zoo xws li hom mob CWD tiamsis kis rau nyuj. Kuj muaj lub npe hu ua “nyuj mob aws.” (phab 7)
Lub Pajhlwb — lub twj hauv nrog cev uas tswj lub cev txoj kev ua haujlwm. Nyob rau CWD, thaum tus kabmob mus txog rau lub pajhlwb ces yuav ua rau tus tsiaj tuag tau. (phab 3, 6, 19, 24)
Cervid — ib hom tsiaj ntawm cov moslwj xws li: deer, moose, elk, caribou, thiab reindeer. (phab 6, 9)
Kabmob Creutzfeldt-Jakob —ib hom mob uas tsis muaj ntau uas zoo xws li CWD, tiamsis kis tau rau tib neeg. (phab 7)
Txoj Hlab Mov — txoj hlab uas txuas lub qhovncauj los rau lub plab (phab 3, 14)
Phomsij — tuag tau (phab 6)
Noj — nkag hauv lub qhovncauj lossis lub qhovntswg mus rau lub cev. Cov tsiaj muaj feem tau kabmob CWD los ntawm kev noj, haus, lossis nqus pa tau cov keeb CWD prion. (phab 12)
Plab Hnyuv — cov twj hauv lub nrog cev uas muab cov zaub mov ntawm lub plab txheeb ua yam zoo thiab tsis zoo, thiab muab yam tsis zoo txav tawm ntawm lub cev. (phab 15, 18)
Cov Qog Lymph Nodes — cov qog me me uas yog ib feem ntawm lub cev txoj kev tuaj kabmob. Lawv muaj feem o tuaj nyob rau tej chaw uas tau kawj cov keeb CWD prion. (phab 3, 18)
Lub Qhovncauj — qhov chaw uas CWD nkag tau los rau tus tsiaj lub cev thaum noj tau tej zaub muaj kabmob, haus dej muaj kabmob, lossis yaim thiab tu lwm tus moslwj uas muaj kabmob. (phab 3)
Txoj Leeg Xov —ib co xov uas xa xovxwm ntawm lub cev mus rau lub pajhlwb. Lawv yog cov kev CWD mus tau ntawm lub cev mus rau txoj xaim qab qaum thiab lub pajhlwb. (phab 3, 18)
Keeb Prion — tej yam me heev uas feem ntau yeej muaj nyob rau tib neeg thiab tsiaj. Cov keeb prion muaj feem kawj tau mob thiab tshwmsim tej kabmob xws li CWD. (phab 2, 7, 8, 9, 10, 11, 12, 13, 14, 16, 17, 18, 19, 20, 22, 23, 24, 25, 26)
Protein —ib yam hauv tib neeg thiab tsiaj lub cev uas txuas lus tau nrog cov keeb cev, txav tau tej yam zoo thiab tsis zoo hauv lub cev mus mus los los. (phab 8)
Kabmob Scrapie — ib hom kabmob uas xws li CWD tiamsis kis tau rau yaj thiab tshis. (phab 7)
Txoj Xaim Qab Qaum — ib co xov ntau sib txuas uas khiav ntawm lub pajhlwb thiab lub cev uas tau kev tiv thaiv los ntawm cov pobtxha qab qaum. Nws yog ib txoj kev uas CWD mus ncaj nraim tau ntawm lub cev mus rau lub pajhlwb. (phab 3, 18)
Lub Plab — lub twj uas ceev zaub mov cia thiab pib zom zaub mov ua ntej yuav nkag tau mus rau cov plab hnyuv. Nyob rau CWD txoj kev kis, tus kabmob yuav nkag tau rau tus tsiaj lub plab ces kis mus thoob lub cev. (phab 3, 15)
Transmissible spongiform encephalopathies (TSEs) — Ib hom kabmob, kuj hu ua “kabmob keeb prion (prion disease).” Cov no muaj hom kabmob uas kawj tau rau tej hom tsiaj thiab tib neeg. (phab 7)
Kabmob Virus — tej keeb kab me me uas kawj tau kabmob rau tib neeg lossis tsiaj. (phab 8)
Phab 3
Tus Kabmob Chronic Wasting Disease (CWD) Yog Dabtsi?
CWD Txoj Kev Kis thiab Kev Huam
Lub Nrog Cev MoslwjCWD kis tau rau tej qhov chaw ntawm tus tsiaj lub cev uas muaj mob.
Kev totaub txog tus moslwj lub cev yog ib yam tseemceeb kom paub tau tias CWD cuam tshuam thiab mus tau rau tus moslwj lub cev licas.
Plab Hnyuv
Txoj Leeg Xov
Lub Plab
Txoj Xaim Qab Qaum
Cov Leeg Xov
Lub Pajhlwb
LubQhovncauj
Lub Qog Lymph
NodeTxojHlabMov
Lub Qog Lymph
NodeLub Qog Lymph Node
Cov Qog Lymph Nodes
Phab 4
Tejzaum koj twb tau hnov txog hom kabmob chronic wasting disease lossis CWD txoj kev kawj rau cov moslwj los ntawm koj lub zejzog lawm.
Lossis tejzaum koj thiab koj tsev neeg kuj tau raug nug kom xa ib qho qauv mus kuaj lossis saib seb kuaj tau licas ua ntej mam li noj cov nqaij moslwj.
Phab 4
Phab 5
Tiamsis chronic wasting disease yog dabtsi tiag?
Thiab kis tau licas?
Phab 5
Phab 6
Chronic wasting disease (CWD) yog ib hom kabmob ntawm lub pajhlwb uas muaj feem kis tau thiab ua tau rau hom tsiaj moslwj (cervid) tuag tau.
Txhua hom qus thiab nyeg ntawm cov moslwj, moose, elk, caribou, thiab reindeer yeej yog ib feem ntawm hom moslwj cervid.
Phab 6
Phab 7
CWD yog ib feem ntawm hom kabmob hu ua kabmob prion lossis hu ua transmissible spongiform encephalopathies (TSEs).
Lwm hom TSE kuj muaj cov xws li bovine spongiform encephalopathy (nyuj mob aws) ntawm cov nyuj twm, hom kabmob aws rau yaj thiab tshis, thiab hom hu ua Creutzfeldt-Jakob ntawm tib neeg.
Phab 7
Phab 8
Cov keeb prion yog tej hom protein. Lawv tsis yog cov keeb kab virus lossis cov kabmob.
Phab 8
Cov keeb prion uas zoo yeej muaj ncig lees tej keeb hauv lub nrog cev ntawm cov tsiaj thiab tib neeg uas tsis muaj mob.
Cov prion kuj zoo xws li tej txoj xaim hlau ntswj vim tias cov prion kuj hloov tau yoojyim, xws li tej xaim hlau ntawd ncab tau thiab txav tau mus los.
Protein Kabmob Virus
Kabmob Bacteria
Phab 9
Txawm li ntawd los, yog tias ib feem ntawm txoj xaim ntawd nkhaus lossis ncab ntev dhau, yuav ua tau rau txoj xaim ntawd rov qab los zoo li qub tsis tau lawm.
Qhov zoo li no kuj muaj rau cov CWD prion. Lawv yuav nkhaus tau tsis zoo lossis ua laujvaub, thiab ua haujlwm li qub tsis tau lawm.
Phab 9
Thaum cov CWD prion ncab ntev thiab nkhaus, lawv yuav ua laujvaub nrog rau lwm cov prion.
Thaum cov CWD prion chwv tau lwm cov prion uas tseem zoo, yuav ua tau rau cov zoo ntawd cia li nkhaus thiab laujvaub tuaj, tib yam. Qhov no yog txoj kev uas tus kabmob kis tau mus deb hauv tus moslwj lub cev.
Phab 10Phab 10
Cov CWD prion uas tsis zoo muaj nyob rau cov moslwj uas muaj tus kabmob chronic wasting disease.
Moslwj yog ib hom tsiaj uas nyiam sib ntsauv. Ib tug moslwj uas muaj mob lawm yuav kis tau tus tsis mob los ntawm kev yaim, tu, lossis hnia lwm tus thiab yog thawj txoj kev uas CWD kis tau ceev heev tshaj.
Phab 11
Cov prion no kuj kis tau mus rau ib puag ncig chaw thiab – xws li cov av, zaub mov, thiab dej – los ntawm cov quav, zis, thiab lwm hom kua los ntawm cov moslwj uas muaj mob los.
Thaum cov prion nyob rau ib puag ncig chaw li no lawm, lawv yuav nyob mus ntau xyoo heev. Lub sijhawm no, lawv muaj feem yuav kis tau ib qho mus rau ib qho.
Phab 11
Phab 12
Lwm txoj kev uas CWD kis tau rau moslwj yog los ntawm txoj kev noj lossis nqus tau cov CWD prion uas tsis zoo los ntawm ib puag ncig lawv tus kheej.
Phab 12
Phab 13
Xws li, ib tug moslwj uas tsis muaj mob yeej muaj feem tau cov CWD prion uas muaj mob los ntawm txoj kev noj tau cov nyom uas muaj cov CWD prion muaj mob nyob rau.
Phab 13
Phab 14
Thaum nyob hauv lub cev lawm, cov CWD prion uas muaj mob no mus tau rau tus moslwj txoj hlab mov…
Phab 14
Phab 15
...ces mus rau lub plab thiab cov plab hnyuv.
Phab 15
Phab 16
Cov CWD prion uas muaj mob los chwv tau cov uas tsis muaj mob hauv lub nrog cev.
Phab 16
Phab 17Phab 17
Qhov sib chwv no kawj tau kom cov prion uas tsis muaj mob ntawd cia li hloov nkhaus thiab rais mus ua cov CWD prion uas muaj mob lawm, ces yuav muaj ntau qhov CWD prion uas muaj mob tuaj.
Cov prion tsis muaj mob Cov prion muaj mob
Qhov prion uas tsis muaj mob thiab CWD prion uas muaj mob sib chwv.
Qhov prion uas tsis muaj mob cia li rais mus ua CWD prion uas muaj mob lawm.
Phab 18
Cov CWD prion uas muaj mob yuav muaj ntau zuj zus tuaj nyob rau hauv tus moslwj lub cev.
Cov prion no muaj feem kis tau ntawm cov plab hnyuv mus rau cov qog lymph nodes thiab cov leeg xov uas taug mus rau txoj xaim qab qaum.
Phab 18
Phab 19
Nyob mus ces cov CWD prion uas muaj mob yuav nkag tau rau lub pajhlwb.
Phab 19
Phab 20
Yuav siv sijhawm rau cov CWD prion uas muaj mob ntawd huam ntau tuaj nyob rau hauv lub cev. Thaum tus kabmob kawj loj zuj zus, tus tsiaj yuav pib ua tej yam pom tau tias muaj mob lawm.
Phab 20
Phab 21
Qhov muaj feem ntau uas pom tau ntawm CWD ces yog yuag heev tuaj. Koj kuj yuav pom tau tias tus moslwj ntawd yuag heev.
Phab 21
Phab 22
Rau lub sijhwm cov CWD prion uas muaj mob kis thoob tus tsiaj lub cev, nws kuj kis tau cov prion uas muaj kabmob ntawd poob rau ib puag ncig chaw thiab rau lwm tus tsiaj uas nws nyob ze.
Nco ntsoov, ib tug moslwj uas muaj CWD feem ntau kis tau cov CWD prion mus rau tus tsis muaj mob los ntawm kev sib chwv.
Phab 22
Phab 23
Cov CWD prion kuj kawj tau mus rau ib puag ncig chaw los ntawm cov moslwj uas muaj mob ntawd tej kua hauv lub cev, thiab ntawm cov plaub kub moslwj.
Cov CWD prion yuav nyob rau tej av, zaub mov, thiab dej, ntev mus tom qab uas tus moslwj twb tuag lawm.
Phab 23
Phab 24
Txoj kev pib kis mus txog thaum tuag yog ib lub sijhawm ntev – kav mus txog li ob xyoos.
Phab 24
Rau lub sijhawm kis ntawd, cov CWD prion uas muaj mob yuav muaj ntau zuj zus hauv lub nrog cev thiab muaj ntau txog qib uas puas tau hlwb.
Qhov no yog qhov uas kawj tau txoj kev tuag rau tus tsiaj.
Phab 25
Tom qab tus tsiaj tuag lawm, lub cev ntawm tus tsiaj yuav lwj thiab rais mus ua ib feem ntawm ib puag ncig chaw nyob. Cov CWD prion uas muaj mob uas nyob sab hauv lub cev kuj yuav nyob rau ib puag ncig ntawd thiab.
Cov nyom uas tuaj rau thaj chaw tus tsiaj tuag ntawd muaj feem yuav muaj cov CWD prion uas muaj mob ntawd.
Phab 25
Phab 26
Ntev mus, lwm tus tsiaj muaj feem yuav los tau rau ib puag ncig chaw ntawm qhov thawj tug moslwj tau tso cov CWD prion uas muaj mob ntawd cia.
Phab 26
Phab 27
Tus moslwj no yuav noj tib co nyom no, uas kuj muaj feem yuav yog txoj kev kis tau lwm tus rau kabmob CWD ntxiv mus thiab.
Ntev mus, txoj kev kis kabmob no yuav kawj ib tom ntxiv.
Phab 27
Phab 28
Lub Minnesota Center for Prion Research and Outreach (MNPRO) yog ib lub chaw tshawb txog ntau fab nyob rau University of Minnesota uas tsom saib txog fab biology thiab epidemiology ntawm tib neeg thiab tsiaj cov kabmob prion thiab lwm yam kabmob kawj cuam tshuam txog tib neeg thiab proteins txoj kev hloov nkhaus. mnpro.umn.edu
COV SAU
Lub Center for Animal Health and Food Safety (CAHFS) yog ib lub chaw txog fab tsiaj txhu kev noj qab haus huv ntawm U of M, uas nrhiav kev txhim kho tsiaj txhu txoj kev noj qab haus huv los ntawv kev tshawb fawb uake, saib xyuas tsiaj txoj kev muaj mob, thiab yais ntaub ntawv tawm txog yam no. cahfs.umn.edu
TSIM PHAU NTAWV THIAB
Pa Gar Vang yog ib tug tib neeg kos duab hauv vassab thiab tsim duab nyob rau University of Minnesota–Twin Cities. Nws tabtom kawm tes dejnum nyob rau Target thiab yog ib feem ntawm pab pawg tsim duab uas pab tsim cov duab rau tej khoom muag, khoom yuav qhauj tawm, thiab sojntsuam. Nws kuj yog ib feem ntawm qhov Genesys Works Talent Development Pipeline. linkedin.com/in/pagarvang
TUS KOS DUAB
Phau ntawv no muaj ntaub ntawv qhia txog kev totaub tus kabmob chronic wasting disease, uas yog ib tug kabmob keeb prion ntawm hom tsiaj moslwj, thiab tsim tawm
los ntawm Minnesota Center for Prion Research and Outreach, uas yog ib feem ntawm University of Minnesota College of Veterinary Medicine.
Tus Mob Chronic Wasting Disease Yog Dabtsi? CWD Txoj Kev Kis thiab Txoj Kev Huam
Recommended