Edifice survival kit for fm 2014 2015

READY TO BE

AN EDUC STUDENT?

4 September 2014

EDIFICE-Student Society of

Department of Education Studies

教育學系 Survival

Kit

EDIFICEStudent Society 2014-2015Department of Education Studies

目 錄

EDIFICEStudent Society 2014-2015Department of Education Studies

1- 本會介紹2- Buniport與Moodle之別3- 飲食好去處？4- Printing Stations 及增值方法5- 教育學系係邊到，有咩做？6- 寫Paper要注意d咩？7- Useful Links8- 教協證申請指引9- 活動highlight

本學會的理念為EDUC而EDUC不但是所有教育學科的課程編號，

亦代表Enlightening Minds, Developing Spirits, Uniting Hearts, Cultivating Communities。

我們希望以此為動力，為各位即將開始的大學生活，帶來美好的回憶。

學會歷史不長，作為第8屆委員，我們期望，Edifice甚至其後的內閣能為大家舉辦各種活動，爭取福利。

萬事起頭難，由之前Postgrad師兄姐手中接棒到實行令學系學生會更強大，在校內建立我們作為教育學系學生同樣應有的形象，地位的確不易！

故此，你們一點一滴的支持將會成為極大的鼓勵和肯定。

本會介紹

Buniport與Moodle之別?

BUniPort 係類似中學時期的內聯網，所有有關科目的資訊，學費資料以至係考試時間表都可以喺呢度搵度！網址係：https://buniport.hkbu.edu.hk/

而Moodle就係教授上載教材的地方，絕大部分的教材以至係日常交功課，你都係會用Moodle，網址係：http://buelearning.hkbu.edu.hk/login/index.php

有時候教授會喜歡用 Blackboard，而佢個功能同 Moodle 一樣，網址係：https://hkbu.blackboard.com/。

飲食好去處？ 1. 聯合興

地址: 樂富聯合道198號樂富廣場匯富坊4號

食BU Canteen食到悶？成日唔係大家樂就係美心覺得好反感？如果係，不妨食下潮州打冷野啦！一大班人開心分享大頭飯或者一大碟菜真係可以好溫馨好窩心嫁！最緊要係聯合興既老細會見你係BU人而比折扣你，佢地仲好可能會同你吹埋水過下日晨嫁！特別係夜晚十點左右個陣，你都唔知邊間仲開緊的時侯，聯合興會為你大開中門，笑笑口咁問你地，「喂！幾多位啊！」的時侯，你個刻都咪話唔感動啊！

飲食好去處？ 2. 昭拍耶 CHAO PHRAYA

地址: 九龍城龍崗道19號地下

由九龍塘去九龍城既時間大約只係要15-20分鐘，所以有唔少住宿舍的BU人都好鐘意去個邊食野嫁！講到九龍城，就梗係要數個度好好味既泰國野啦！呢間泰國野就係其中一間正野啦！佢個Ｄ芒果糯米飯、冬蔭功同蝦餅真係唔講得少！至於唔係好食得辣既同學仔，其實唔緊要嫁，只要同個靚姐講返聲少辣其實都已經OK嫁啦！呢間野係六點左右比較少人，不過一過七點左右出面就可能排哂長龍嫁啦，識食既，都要識選岩時間去食嫁：）

飲食好去處？ 3. Canteens

BU總共有3個Canteen，分別係新Can、舊Can同Hall Can。新Can係新教學大樓AAB五樓，而舊Can則係舊校Canteen，新舊Can都係大家樂集團，價錢又無話特別貴或平，但大部份學生對佢既食物質素都有所保留，而舊Can更被稱為新餿Can或頹Can。有新餿Can，姐係有舊餿Can啦！其實個故事係咁既，係AAB五樓Canteen未開前，新Can係指位於思齊樓二樓既聯福Can。餿Can係指Canteen供應既食物好似豬餿一樣難食。Hall Can就係指係Hall 樓下由美心集團經營既Canteen。食物種類選擇較大家樂集團多少少，而佢部份既下午茶都幾抵食嫁！

飲食好去處？ 4. Cafes

如果同學仔想嘆返杯咖啡，食件Cake都有唔少選擇嫁！係賽馬會師生活動中心既一樓就有間Starbucks啦。而係李作權大道都開左間新既iCafe，其實係Pacific黎既，座位會多D。除左連鎖Cafe外，係舊校五樓，恆生銀行上面都有間由YMCA經營既「甜在心」佢既理念係提供職位比外展弱勢青少年同埋供應健康食物比學生，同學仔不妨支持下啦~

Printing Stations 及增值方法

入到黎大學梗係要影印MOODLE或BLACKBOARD 的Lecture notes 啦，要列印既話，大家可以去舊校既RRS2樓（恆生下面的電腦房），係旁邊仲會有間比你為自己帳戶增值，每次增值額為30元正，不過只可以用八達通比錢，所以大家記得要為自己八達通增左值先去為帳戶增值！如果大家只係要影印唔係列印，方便Ｄ可以去福仔個度印，個度係以八達通付款既。

至於入到新校，大家可以入圖書館、AAB 4樓、 6樓既學生會室同埋電腦房影印／列印，個度有Ｄ係可以用自己帳戶餘額付款，既方便又快捷嫁！不過大家如果唔記得左點影印／列印就問下在場既師兄師姐啦，佢地都好樂意幫你嫁！

教育學系係邊到，有咩做？

登登登登! 歡迎黎到AAB八樓!

我地教育學系嘅主場就係呢到喇!

身為教育學系一份子嘅你,

無理由唔知呢到有咩啩?

就等我地為你介紹下啦! :D

教育學系係邊到，有咩做？

首先, 呢到就係教育學系辦公室

記得, 呢到除左係平日你可以去問

有關課程嘅野嘅地方, 亦係你交功課嘅地方!

見唔見到左下嗰個收集箱啊? 無錯, 就將你份嘔心瀝血做出黎嘅功課放入去啦!

GENERAL OFFICE COLLECTION BOX

教育學系係邊到，有咩做？

唔係啩? 班房都要介紹?

睇清楚啲, 呢個絕對唔係一般班房.

呢個就係一個我地教育學系學生獨享專利嘅地方!

教育學系係邊到，有咩做？

COMPUTERS, SCANNERS

當AAB 四樓learning commons無位, 又要用電腦嘅時候點算? 唔怕! 819幫到你! 當人在AAB, 又要scan野嘅時候點算? 無理由行十分鐘行返過舊校啩? 唔怕! 819幫到你!819電腦同scanners雖然唔算十分多, 但勝在只有我地教育學系同學先去得. 讀教育嘅同學有幾多? 你懂的.....

教育學系係邊到，有咩做？

RESOURCES

當要準備教材(甚至要交功課), 又無頭緒嘅時候點算? 唔怕! 819幫到你!呢到除左有部分past paper之外, 仲有大量教科書同參考書! 睇完包你靈感多到用唔哂!

溫馨提示: 上黎819嘅時候, 記得帶埋你嘅學生證啊, 如果唔係入唔到去架!

好快你就會發現八樓就係你最想留嘅地方!

寫Paper要注意d咩？ 學習錦囊

:) 相信大家都reg好科了！無錯，BUniport就係你大學生活經常會上到嘅網了！無論係reg科、交學費、申請宿舍等等，都係喺BUnipoint處理的，所以你地都要快快手學下點用了～

:) 上堂之後就係功課！記著準時交功課，黎到大學唔會有人催你交功課，遲交通常會被扣分，甚至零分！

:) 喺大學好強調學術道德，亦即係同學做功課的時候會引用好多學術的權威，但同學記著要註明出處，亦即係經常講的reference，否則視為抄襲處理！

寫Paper要注意d咩？ 學習錦囊:) 教育學系的功課同其他學系唔同的地方就係喺交的時候你要簽一份確認書 (有關樣本會由教授提供)，目的係要證明你份功課係出自你手筆同原創！

:) 大學的功課通常都係以論文同小組報告為主。但因為我地係教育學系的同學，好多時微型教學都會係其中一個常見的評核模式，亦即係教授會比大家15至20分鐘的時間出黎試教，而教學的議題同所有教材都係由自己一手包辦，目的係比大家係正式出去實習前有實戰的機會！

寫Paper要注意d咩？ 學習錦囊:) 講到交功課，如果要交教育系功課的hardcopy就當然係交去8/f collection box，但係softcopy呢？咁你就要上BU MOODLE啦！只要入番要交功課個科，入面就會有個submission page上載完你就成功交左了！

:) 記得記得記得！因為要檢查份功課有無抄襲所以當你交係softcopy個陣會有個程式－－turnitin檢查。因為檢查需要，所以唔好到最後一刻先交啊，安全少少無壞！

寫Paper要注意d咩？ 學習錦囊:) 一份論文要拎到高分，組識係非常重要！除左內文之外，更重要係有引言同總結，可以的話，嘗試利用不同的圖表去幫助說明，更能突顯你份論文的組織同深度！

:) 大學同中學的分別係你會有多姿多彩的生活，除左上堂之外，你可能會上莊，住hall，或者參加其他林林種種的活動，有部分同學可能因此而走堂 (即係唔上堂)，但作為未來社會的老師，教育學系係非常重視同學課堂的出席率，如低於70%，你將會失去該科的考試資格，同時你整科亦會被「肥佬」！如該科為必修科目，你就需要重讀該科，否則你會畢唔到業！

寫Paper要注意d咩？ 學習錦囊:) 教書呢行並唔易行，經驗更加之非常重要，所以我地好建議同學仔唔好等四年級實習的時候至黎教，而係喺實習前主動搵一些學校的教學工作黎試，常見的工作包括一些課後的功課輔導班或者係假期時候的拔尖補底班，過程中你會學到好多課堂上學唔到的教學技巧，以及同學生相處同處理課堂秩序的技能！

:) 當然搵唔到的同學唔駛驚，我地教育學系每年都有同教育局合作，開一些小學的課後學習支援班，俾一些有志從事小學教育的同學試下實習，鍾意教中學的同學可以喺暑假參加學系舉辦的義務教學計劃，呢個計劃提供超過100份的不同科目同類型的教學工作，並分佈於全港18區！同學仔喺暑假冇野做絕對值得參加，亦唔冇介意人工的問題，緊記作為一個毫無經驗的「新仔」，呢個會係一個非常難得的機會去幫你建立教學的網絡，更重要的係你會識到一班令你深刻難忘的同學仔，呢個亦係教育的最大的得著！

寫Paper要注意d咩？ 學習錦囊:) 如果學術或者教學上有咩問題，大家可以搵我地的教授問，教育學系的教授們出名友善同幫得手，佢地絕對能夠比到大家有用的建議！當然你地可以好好善用你的組爸媽，佢地有好多讀書心得同經驗可以同你地分享，你地一定會獲益良多！

Useful Links

交 paper 嘅時候寫參考資料就靠晒佢啦~ Copy 條 Link 又得，直打ISBN 又得，自動幫你轉成APA格式，真係方便又快捷!!!!

用PPT用到悶??不如轉用Prezi啦~ 給你一個較有趣同互動嘅展示方式 =)

Useful Links

依個豆丁網有好多有用嘅資料，雖然未必錦有權威，但勝在儲庫量大，可以作參考/攞靈感之用!

搵參考資料係痛苦嘅尤其係你搵左好耐先知一早俾人借走左，宜家唔洗驚啦！佢有成6百萬本電子書俾你揀，梗有一本啱用嘅 (最重要係啲書唔洗 $)。

Useful Links

用英文寫紙最忌錯Grammar，但有左佢，寫紙? So easy!

有啲課程只係俾你turnitin 一次，唔想有 plagiarism?Plagiarisma 可以幫到你 ~

Useful Links

唔知啲Classrooms 係邊?同埋Classrooms 好多時係short form，睇呢個網就一清二楚

教協證申請指引

讀ed又點少得申請返張教協證！即係香港教育專業人員協會(Hong Kong Professional Teachers Union)會員證啊大家登入http://www.hkptu.org/加入PTU會員，用師訓學生的身份辦返張證，除左免費之外，仲有好多教育界人員享有的優惠，例如電腦電器、書籍等等購物優惠，仲有醫療例如牙醫優惠、保險、旅遊同埋康樂等等。呢個網仲有教育界人士刊登的文章，仲有行業內活動及課程的資訊updates。申請做會員當然有更多優惠同資訊啦，所謂工欲善其事，必先利其器，我就買左一大袋零食同文具獎勵學生喇，你呢？

P.S. EDUC的同學如果想訂教師咪高峰或者粉筆套等等老師專用工具，可以等我地sales week落訂架！

活動 highlight

EDIFICEStudent Society 2014-2015Department of Education Studies

Oday之後，係咪好期待我地Educ Soc來年嘅活動呢？長話短說，就等我地喺呢度

略講一下黎緊嘅重點活動啦！首先，為我地會有第二次嘅 YM Talk

(For Youngsters’ Minds)。繼上次嘅嘉賓鄭丹瑞之後，我地今次會邀請多位名人講者

作分享，精彩度絕對不會比上年弱！緊接住嘅將會係我地破天荒同HKU Educ Soc

合作舉辦嘅聯校辯論比賽。到時會有知名政界議員及學者擔任比賽評判，聲勢浩大！

有興趣嘅同學記住要留意稍後公佈嘅活動詳情呀！除左學術方面嘅發展，我地都

不忘關心社會，就正如我地教育學系學生會嘅宗旨所講：培養社區。所以我地將會

於11月與區內志願團體合辦第三次嘅義工服務，希望能夠將Educ Soc嘅愛傳送開去！

以上只係部分重點活動嘅精華，仲有更多精彩嘅項目等緊你地架！記得要密切留意

同擁躍參與呀！�