View
4
Download
0
Category
Preview:
Citation preview
Rauði krossinn á Íslandi
1. útgáfa 21. september 2018
Sjálfboðaliðastjórnun Handbók
1
Efnisyfirlit Sjálfboðaliðastjóri ................................................................................................................................ 2
Leiðtogastílar .................................................................................................................................... 3
Sjálfboðaliðahringurinn ........................................................................................................................ 4
Þarfagreining ........................................................................................................................................ 5
Áætlun .................................................................................................................................................. 6
Sjálfboðaliðaöflun ................................................................................................................................ 7
Móttaka nýrra sjálfboðaliða ................................................................................................................. 8
Fyrstu kynni og áhrif þeirra .............................................................................................................. 8
Umsóknir sjálfboðaliða ..................................................................................................................... 8
Viðtalið ............................................................................................................................................. 8
Kynning ......................................................................................................................................... 8
Grundvallarhugsjónir Rauða krossins ........................................................................................... 9
Viðtalið sjálft ..................................................................................................................................... 9
Úthlutun verkefna .............................................................................................................................. 10
Samningur....................................................................................................................................... 11
Skrá á verkefni ............................................................................................................................ 11
Félagsaðild .................................................................................................................................. 11
Persónuvernd .............................................................................................................................. 11
Sakavottorð ................................................................................................................................. 11
Rafrænt kerfi .................................................................................................................................. 12
Tímabundnir sjálfboðaliðar ............................................................................................................ 12
Fyrirvaralausir sjálfboðaliðar .......................................................................................................... 12
Ungir sjálfboðaliðar ........................................................................................................................ 13
Fræðsla og þjálfun .............................................................................................................................. 13
Eftirfylgni og stuðningur ..................................................................................................................... 15
Ánægðir sjálfboðaliðar ................................................................................................................... 15
Óánægðir sjálfboðaliðar ................................................................................................................. 16
Viðbrögð við gagnrýni .................................................................................................................... 16
Viðurkenning og hvatning .................................................................................................................. 17
Mat ..................................................................................................................................................... 18
Sjálfboðaliði hættir ............................................................................................................................. 19
Sjálfboðaliði sem hentar ekki verkefni ............................................................................................... 19
Um meðferð persónuupplýsinga ....................................................................................................... 20
Lokaorð............................................................................................................................................... 21
Viðaukar ............................................................................................................................................. 23
2
Sjálfboðaliðastjóri Sjálfboðaliðastjóri samhæfir störf sjálfboðaliða, hann stýrir starfinu og ber ábyrgð á sjálfboðaliðum
í viðkomandi verkefni eða svæði þó hann taki að jafnaði ekki þátt í framkvæmd þess.
Sjálfboðaliðastjóri hjá Rauða krossinum á Íslandi getur verið stjórnarmaður í deild, útnefndur
sjálfboðaliðastjóri eða hópstjóri af stjórn deildar eða starfsmaður ráðinn af deild eða landsfélagi.
Sjálfboðaliðastjóri er leiðtogi í hópi sjálfboðaliða og fer með eitt af lykilhlutverkum innan hreyfingarinnar. Ýmiss konar ástæður geta legið að baki vali á einstaklingi í hlutverk sjálfboðaliðastjóra; viðkomandi gæti hafa sýnt leiðtogahæfni í hópi, haft frumkvæði að framþróun, sýnt áhuga á að vinna með öðrum og/eða sýnt málstaðnum hollustu og skuldbindingu.
Hlutverk sjálfboðaliðastjóra er margþætt en í hnotskurn snýst það um:
Umfram allt ber sjálfboðaliðastjóra að þekkja grundvallarhugsjónir, hefðir og sjónarmið Rauða kross
hreyfingarinnar mjög vel og bera til hennar jákvætt viðhorf.
Leiðtogahlutverk sjálfboðaliðastjóra er tækifæri fyrir persónulegan þroska viðkomandi og tilvalið að
bjóða reyndum og hæfileikaríkum sjálfboðaliðum að fara í hlutverk sjálfboðaliðaliðastjóra. Eins og
áður sagði leikur sjálfboðaliðastjóri eitt af lykilhlutverkum í starfi Rauða krossins og eru í beinum
samskiptum við sjálfboðaliða. Sjálfboðaliðastjóra verður að líða þægilega í hlutverki sínu sem
leiðtogi og til þess að það megi verða þarf sjálfboðaliðastjóri að vita af réttindum sínum og skyldum,
gagnvart sér og sjálfboðaliðum sínum. Jafnframt er áríðandi að sjálfboðaliðastjóri sé vel upplýstur
um ábyrgðina sem starfinu fylgir og valdssvið.
Meginhlutverk sjálfboðaliðastjóra er að leiða sjálfboðaliða í störfum og fylla þá af eldmóði í anda
grundvallahugsjóna hreyfingarinnar.
Góður leiðtogi er:
• skýr og skipulagður og hefur gott utanumhald.
• traustur og ákveðinn; nauðsynlegt getur verið að ljóst sé hver það er sem ræður og hver
tekur endanlega ákvörðun.
• skilningsríkur og veitir góða áheyrn; leiðtogi verður að virða og treysta sjálfboðaliðunum,
vera til staðar ef vandamál koma upp, hrósa þegar vel gengur og styðja eftir aðstæðum.
• hvetjandi; allir vinna betur þegar þeir eru áhugasamir og ánægðir. Leiðtogi getur gert mikið
til að hafa áhrif á líðan og úthald sjálfboðaliðans.
Að afla sjálfboðaliða
Að sjá til þess að skráningar séu
réttar
Að sjá til þess að sjálfboðaliðar fái
viðeigandi fræðslu og
þjálfun
Að sinna eftirfylgni og
stuðningi
Að veita viðurkenningu og hvatningu
Að leggja mat á störf
sjálfboðaliða
Að kveðja sjálfboðaliða
3
Leiðtogastílar
Háttalag leiðtoga og aðferðafræði um leiðtogafærni hefur um árabil verið mikið til umræðu og
rannsóknar.
Sígildar flokkanir eru leiðtogar sem eru: ráðandi, áhyggjulausir (kærulausir) og lýðræðislegir en nú á
dögum er ólíklegt að einhver sé annað hvort eingöngu ráðríkur eða lýðræðislegur. Flest allir leiðtogar
hafa blandaðan stjórnunarstíl og bregðast mismunandi við í mismunandi aðstæðum.
Þrátt fyrir margslunginn stjórnunarstíl er ljóst að markmið, viðfangsefni og einstaklingar hafa
þýðingarmikil áhrif á val á stjórnunarstíl leiðtogans. Ánægja og áhugi eykst þegar fólk upplifir
samvinnu og einhug í því að ná að uppfylla markmið með góðum árangri.
Þegar leiðtoginn hvetur til hugmyndaauðgi og skapar andrúmsloft sem er hvetjandi, stuðlar hann að
skuldbindingu og samvinnu.
Í sumum tilfellum er óhjákvæmilegt fyrir leiðtoga að sýna ákveðni og beita ákvörðunarvaldi sínu.
Sjálfboðaliðastjóri hjá Rauða krossinum ætti að temja sér eftirfarandi leiðtogafærni í anda
grundvallarhugsjóna Rauða krossins:
MANNÚÐ
• Byggja upp tiltrú og traust og styðja og styrkja fólk sem vill takast á við nýjar áskoranir.
• Vera heiðarlegur og hreinskiptinn.
ÓHLUTDRÆGNI
• Skapa andrúmsloft sem hvetur alla til þátttöku eftir eigin getu.
HLUTLEYSI
• Takast á við árekstur og ágreining milli fólks án þess að taka afstöðu með eða á móti.
SJÁLFSTÆÐI
• Styðja samvinnu í hópnum og hreyfingunni, með yfirvöldum og öðrum stofnunum á grundvelli Rauða krossins og grundvallahugsjónanna.
SJÁLFBOÐIN ÞJÓNUSTA
• Sjálfboðaliðastjórar og sjálfboðaliðar taka á sig skuldbindingar af fúsum og frjálsum vilja í anda grundvallarhugsjóna.
EINING
• Vera í fararbroddi í samræmi við samþykkta nálgun Rauða krossins um hugsjónir, siðareglur og leiðarljós.
• Bjóða upp á samræmda þjálfun og tækifæri til þróunar innan hreyfingarinnar.
ALHEIMSHREYFING
• Rauði krossinn er alheimshreyfing og sjálfboðaliðastjórar eru hluti af henni.
• Leiðtogar laga sig að heildarsýn hreyfingarinnar og draga úr því að einblína einvörðungu á nærumhverfið.
4
Sjálfboðaliðahringurinn Þegar smellt er á ákveðinn stað í sjálfboðaliðahringnum birtist viðeigandi kafli í handbókinni.
Þarfagreining
Áætlun
Sjálfboðaliða-öflun
Móttaka
Úthlutun verkefna
Fræðsla og þjálfun
Eftirfylgni og stuðningur
Viðurkenning og hvatning
Mat
Sjálfboðaliði hættir
5
Þarfagreining Rauði krossinn á Íslandi sinnir margvíslegum verkefnum innanlands.
Hlutverk félagsins er fyrst og fremst að koma að þar sem þörfin er mest og úrræðin fæst og eru
forgangsverkefni ákveðin út frá rannsóknum og þarfagreiningum. Félagið gerir reglulega
landskönnunina „Hvar þrengir að?“ til að komast að því hvaða hópar á Íslandi standa höllum fæti í
samfélaginu til þess að geta veitt þeim stuðning.
Auk kannana á landsvísu
standa deildir félagsins fyrir
staðbundnum könnunum til
frekari upplýsingaöflunar um
sitt starfssvæði. Notast má
við eyðublað sem þetta á
stjórnarfundum deilda eða
starfshópum við val á
verkefnum. Eyðublað þetta
og frekari leiðbeiningar er
einnig að finna hér.
6
Áætlun Þegar ákveðið hefur verið að starfrækja nýtt verkefni eða starfssvið verkefnis þarf að ýmsu að huga.
Leggja þarf fram áætlun til að meta þörfina á aðföngum. Hægt er að sækja um styrk í verkefnasjóð
Rauða krossins á Íslandi (hér má sjá reglur og umsóknareyðublað).
Ef ekki er sótt um styrk úr verkefnasjóði er gagnlegt að fara í gegnum áætlanalíkan til að öðlast betri
yfirsýn verkefnisins. Ætlunin með áætlun sem þessari er að auðvelda starf stjórna og starfsmanna
hvað varðar skipulag verkefna, framsetningu þeirra og framkvæmd. Þetta áætlanalíkan má nota sem
undirstöðu og hafa til til hliðsjónar á stjórnarfundum og fundum sem varða skipulag verkefna. Einnig
má notast við þessa verkefnaáætlun sem undirstöðu framkvæmdar- og fjárhagsáætlana og
ársskýrslu.
Áætlanalíkan nýs verkefnis/starfssvið verkefnis
Verkefni Rauða krossins hafa verið flokkuð í tíu yfirflokka af líkum verkefnum og starfssvið greina
verkefnin að (sjá kafla um úthlutun verkefna).
Hverju starfssviði sjálfboðaliða þarf að fylgja greinagóð starfslýsing svo sjálfboðaliði og
sjálfboðaliðastjóri skilji hlutverk sjálfboðaliðans í verkefninu. Formleg starfslýsing sjálfboðaliða er
eins konar samkomulag milli sjálfboðaliðans og félagsins þar sem hlutverk og kröfur til hans eru
útskýrðar og verndar þannig bæði hann og hreyfinguna gegn misskilningi. Starfslýsing sjálfboðaliða
segja til um kröfur um vinnuframlag, vikudag, tíma dagsins, kröfur um fræðslu og hver ábyrgð
sjálfboðaliða er. Gert er ráð fyrir að að starfslýsingar í verkefnum séu endurskoðaðar reglulega.
Hér má finna eyðublað fyrir starfslýsingu.
Verkefni
• Yfirheiti
• Starfsheiti
Markmið
• Hverju viljum við ná fram með verkefninu?
• Vísun í stefnu félagsins
Aðgerðarlýsing
• Hverjir?
• Hvernig?
• Hvar?
Tímaáætlun
• Upphaf verkefnis
• Endir verkefnis
• Endurskoðun
Ábyrgðarmaður
• Hver?
Samverkandi þættir
• Samstarfsaðilar
• Aðföng
Útreikningar
• Kostnaður
• Tekjur
Mat
• Hvenær?
• Hver?
• Árangur
7
Sjálfboðaliðaöflun Þegar áætlun um nýtt verkefni liggur fyrir eða þegar kemur að öflun sjálfboðaliða er gagnlegt að vita
hvað það er sem deildina vantar aðstoð við, í hvaða verkefni og fjölda sjálfboðaliða í verkefni. Margar
leiðir eru fyrir hendi í sjálfboðaliðaöflun og engin ein leið rétt heldur er mikilvægt fyrir deildir að hafa
allar klær úti ef notast má við það orðatiltæki. Ef margir taka þátt í öflun sjálfboðaliða koma þeir víða
að og hafa fjölbreyttan bakgrunn. Ef reynt er að afla sjálfboðaliða eins víða og mögulegt er gefst
tækifæri til þess að ná til hópa sem eiga sér fáa fulltrúa innan deildarinnar.
Nokkrar leiðir eru færar í sjálfboðaliðaöflun í deild:
• Að mynda hóp sem er ábyrgur fyrir því starfi að afla nýrra sjálfboðaliða.
• Kunningjatengsl. Kunningsskapur er grundvöllurinn að öflun helmings allra sjálfboðaliða
Rauða krossins.
• Að hafa beint samband við valda aðila.
• Eiga samstarf við önnur félög á svæðinu eða annars staðar.
• Auglýsa á samfélagsmiðlum eða í nærsamfélaginu.
• Einbeita sér að ákveðnum markhópum í auglýsingum.
• Að grípa öll tækifæri við opinberar kynningar til að veita upplýsingar sem gætu laðað að
sjálfboðaliða.
• Að skrifa greinar eða þiggja tækifæri til að koma fram í fjölmiðlum í samstarfi við
upplýsingafulltrúa Rauða krossins.
• Að nýta það aðdráttarafl sem Rauði krossinn fær í umfjöllun í fjölmiðlum.
• Í viðtölum við væntanlega og áhugasama sjálfboðaliða:
o Leggja meiri áherslu á að sannfæra viðkomandi frekar en að skora á fólk að gerast
sjálfboðaliði.
o Hægt að laða fram áhuga með eigin áhuga og þátttöku.
o Árangursríkt getur verið að skapa tengingu milli verkefnisins og persónulegra áhugamála
viðkomandi.
o Hlusta og svara spurningum.
o Virða neitun viðkomandi.
Þeir sjálfboðaliðar sem aflað er verða að geta fengið svör við eftirfarandi spurningum:
• Hvað þarf ég að vita?
• Hvers vegna sinnir Rauði krossinn þessu verkefni?
• Hvar verður verkefnið mitt?
• Hvað tekur þetta mikinn tíma?
• Hvenær get ég hafið störf?
• Hverjir verða samstarfsmenn mínir og hver mun stjórna verkinu?
• Hvernig get ég haft áhrif?
• Hvaða aðstoð og þekkingu öðlast ég?
• Hver getur veitt mér meiri upplýsingar?
• Hver getur aðstoðað mig við lausn vandamála sem upp kunna að koma?
• Hvað gerir Rauði krossinn yfirleitt, í þessari deild, í landinu, í heiminum?
8
Móttaka nýrra sjálfboðaliða
Fyrstu kynni og áhrif þeirra
„Ég er þeirrar skoðunar að þú færð eitt tækifæri til fyrstu
kynna“ (Kelin McCarthy)
Móttaka sjálfboðaliða er mikilvæg fyrir Rauða krossinn og
gefur tóninn í framtíðar samskiptum. Á þetta jafnt við um
samskipti augliti til auglitis og tölvupóstsamskipti og
símtöl.
Með fagmannlegri og jákvæðri móttöku eru árangursrík
samskipti og samstarf líklegri en ella.
Umsóknir sjálfboðaliða
Flestir sækja um að gerast sjálfboðaliðar í gegnum heimasíðu Rauða krossins og fær viðkomandi
deild upplýsingar um umsóknir. Í deildum þar sem
starfsmenn sinna umsóknum sjálfboðaliða sjá þeir sjálfir
um að fylgjast með nýjum umsóknum í skráningarkerfinu,
formenn deilda sem ekki eru með starfsmenn fá
umsóknirnar sendar í tölvupósti. Þeir upplýsa svæðis-
fulltrúa á svæðinu um framvindu málsins sem skrá í
skráningarkerfi Rauða krossins.
„Hamra skal járnið meðan heitt er“ segir máltækið og á það vel við hér. Góð regla er að hafa sem
allra fyrst samband við væntanlegan sjálfboðaliða og í síðasta lagi innan viku frá umsókn en þar sem
starfsfólk sinnir sjálfboðaliðastjórnun er gerð krafa um að ekki líði meira en þrír virkir dagar frá
umsókn.
Í viðauka má sjá skýringarmyndir sem skýra ferli sjálfboðaliðaumsókna eftir því hvort um er að ræða
deildir með starfsmenn eða ekki. Ferlin eru ólík sem og hlutverk hvers og eins í ferlinu.
Viðtalið
Boðið umsækjanda í viðtal við fyrsta tækifæri og gefið upp tímalengd viðtalsins í boðinu.
Gott að hafa í huga:
• Veldu afvikin stað þar sem hægt er að ræða í rólegheitum.
• Bjóddu upp á vatn, kaffi eða te (eftir aðstæðum).
• Þakkaðu umsækjandanum fyrir að hafa áhuga á að gerast sjálfboðaliði.
• Farðu yfir dagskrá viðtalsins.
Kynning
Segðu í örstuttu máli frá Rauða krossinum (5 mín hámark) ef viðkomandi er nýr.
- Upphafinu að stofnun Rauða krossins, stærstu mannúðarsamtaka heims.
- Starfseminni hér á Íslandi, t.d. fjölda sjálfboðaliða, þjónustu við skjólstæðinga o.s.frv.
9
Grundvallarhugsjónir Rauða krossins
Upplýstu umsækjanda um þá hugmyndafræði sem Rauði krossinn starfar eftir (5 mínútur hámark):
- Mannúð: Alþjóðahreyfing Rauða krossins og Rauða hálfmánans vinnur að því að létta
þjáningu fólks og koma í veg fyrir hana, að vernda líf og heilsu og tryggja einstaklingnum þá
virðingu sem að honum ber. Rauði krossinn vinnur að gagnkvæmum skilningi, vináttu,
samstarfi og friði meðal þjóða.
- Óhlutdrægni: Hreyfingin gerir engan mun milli manna eftir þjóðerni þeirra, uppruna,
trúarbrögðum, kyni, stétt eða stjórnmálaskoðunum. Hún reynir að draga úr þjáningum
einstaklinga og tekur þá eingöngu tillit til þarfa hvers og eins en veitir forgang þeim sem verst
eru staddir.
- Hlutleysi: Til að hreyfingin megi áfram njóta almenns trausts skal hún gæta hlutleysis í ófriði
og aldrei taka þátt í deilum vegna stjórnmála, uppruna, trúarbragða eða hugmyndafræði.
- Sjálfstæði: Hreyfingin er sjálfstæð. Þótt landsfélög veiti aðstoð í mannúðarstarfi stjórnvalda
og lúti lögum lands síns, verða þau ætíð að varðveita sjálfstæði sitt svo þau geti starfað í
samræmi við grundvallarhugsjónir hreyfingarinnar.
- Sjálfboðin þjónusta: Hreyfingin er borin uppi af sjálfboðnu hjálparstarfi og lætur aldrei
stjórnast af hagnaðarvon.
- Eining: Í hverju landi má aðeins vera eitt landsfélag Rauða krossins eða Rauða hálfmánans.
Það skal vera öllum opið og vinna mannúðarstarf um landið allt.
- Alheimshreyfing: Hreyfing Rauða krossins og Rauða hálfmánans nær um heim allan, og öll
landsfélög hafa jafnan rétt og ábyrgð og sömu skyldur til gagnkvæmrar hjálpar.
Viðtalið sjálft
Í viðtalinu skaltu hlusta eftir:
• áhugasviði umsækjanda
• hæfileikum
• þörfum
• getu viðkomandi
Gott getur verið að styðjast við viðtalsblað. Sjá dæmi hér:
Sjálfboðaliðaviðtal Nafn sjálfboðaliða: Dagsetning viðtals: Hver tekur viðtal:
Hvað gerði það að verkum að þú sóttir um hjá Rauða krossinum?
Á hvaða tímum getur þú sinnt sjálfboðastarfi?
Hvað hefur þú fram að færa til starfsins?
Bakgrunnur, menntun og reynsla. Áhugamál eða annað sem viðkomandi vill koma á framfæri.
Eitthvað sérstakt verkefni (af hverju):
10
Úthlutun verkefna Hafa ber í huga að sumir sjálfboðaliðar hafa ákveðna hugmynd um verkefni sem þeir vilja sinna, aðrir
hafa annað hvort ekki skoðað málið eða er sama.
Í viðtalinu þarf að gera fólki grein fyrir ábyrgð og skyldum sem Rauði krossinn gerir til allra
sjálfboðaliða og í hverju verkefni fyrir sig.
Sjálfboðaliðar allra verkefna Rauða krossins eiga að (hægt að smella á texta):
- taka grunnnámskeið um Rauða krossinn
- starfa eftir grundvallarhugsjónum
- starfa eftir siðareglum félagsins
Misjafnt er eftir verkefnum hversu mikil ábyrgð og miklar skyldur eru lagðar á herðar sjálfboðaliða.
Skyldur og ábyrgð geta verið:
- námskeið/fræðsla sem tilheyrir verkefni
- tímarammi verkefnisins (tími dags, tímafjöldi á viku/mánuði)
- skuldbinding í ákveðið fyrirframgefið tímabil
Á hverju starfssviði á að vera til starfslýsing sjálfboðaliða og öllu jöfnu geymt í skjalavistunarkerfi
Rauða krossins eða í fórum
stjórnar eða starfsmanna
deildar. Þessar lýsingar er
hægt að nota í viðtölum til
að skýra enn betur en áður
hlutverk sjálfboðaliðans.
Verkefni í deildum eru
misjöfn, fer það eftir þörfum
samfélagsins og umfangi
verkefna. Hægt er að flokka
öll verkefni Rauða krossins í
tíu yfirflokka sem sést hér á
þessari mynd. Starfssvið
verkefna geta verið
breytileg, hér má sjá dæmi
um starfssvið verkefna á
landinu. Uppfærða mynd er
að finna á sjálfboða-
liðavefnum hér.
11
Samningur
Þegar sjálfboðaliði og sjálfboðaliðastjóri hafa náð saman um verkefni er samningur lagður fyrir
sjálfboðaliðann og hann upplýstur um tilgang samningsins.
Tilgangur með samningnum er:
• að slysatryggja sjálfboðaliða þegar hann starfar á vegum Rauða krossins
• að skuldbinda hann til að vinna eftir siðareglum, grundvallarhugsjónum og leiðarljósi Rauða
krossins
• yfirlýsing sjálfboðaliðans um trúnað og þagnarskyldu um málefni þiggjendur þjónustunnar
(þegar það á við)
• að gera starfs hans formlegra
Á samningnum þurfa að koma fram almennar upplýsingar um sjálfboðaliða s.s. kennitala,
heimilisfang, netfang og símanúmer.
Ef áður hefur verið gerður samningur við viðkomandi, hann er til í rafrænum kerfum Rauða krossins
og ekki hafa liðið tvö ár frá skráningu hans þá dugar sá samningur en gott er að rifja upp innihald
samningsins og tilgang.
Skrá á verkefni
Á samningseyðublaðinu er skráð í hvaða verkefni sjálfboðaliði ætlar að vinna og á hvaða starfssviði.
Í sumum tilfellum ætlar sjálfboðaliði að starfa í fleiri en einu verkefni og dugir að skrifa undir einn
samning fyrir öll verkefnin en nauðsynlegt er að skrá hann í skráningarkerfinu í öll verkefni sem hann
ætlar að sinna.
Félagsaðild
Á samningseyðublaðinu er spurt hvort sjálfboðaliði vilji gerast félagi hjá Rauða krossinum á Íslandi.
Skrifar hann sérstaklega undir þá yfirlýsingu.
Upplýsa þarf sjálfboðaliðann um það sem felst í því að gerast félagi:
• félagsmenn fá sendan reikning fyrir árgjaldi, sendur út í apríl ár hvert (gefa upp upphæð sem
er breytileg milli ára)
• félagsmenn eru kjörgengir í stjórnir deilda, að því gefnu að þeir hafi greitt árgjald
• félagsmenn taka þátt í að móta stefnu og starf Rauða krossins
Persónuvernd
Á samningseyðublaðinu er sjálfboðaliða jafnframt gerð grein fyrir tilganginum með því að halda utan
um persónuupplýsingar og skráningu hans í skráningarkerfi félagsins. Honum er bent á
persónuverndarstefnu Rauða krossins á heimasíðunni.
Sakavottorð
Í þeim verkefnum sem unnið er með þiggjendum þjónustu t.d. heimsóknavinir, námsaðstoð, starf
með fólki af erlendum uppruna o.s.frv. er óskað eftir að sjálfboðaliði útvegi sakavottorð sem nær
yfir kynferðisbrot, önnur ofbeldisbrot og brot gegn lögum um ávana- og fíkniefni. Er
megintilgangurinn að staðreyna hvort viðkomandi hafi verið fundinn sekur um refsiverða háttsemi
12
af því tagi að hann/hún teljist ekki hæf/ur til að gegna því sjálfboðaliðastarfi sem um er rætt. Hér
má finna eyðublaðið.
Nægilegt er að sýna sjálfboðaliðastjóra sakavottorð og engin ástæða til að geyma slíkan pappír og
mælt er með því að forðast það í lengstu lög.
Rafrænt kerfi
Þegar samningur liggur fyrir og hvaða verkefni sjálfboðaliði mun sinna, þarf að skrá samninginn í
skráningarkerfi Rauða krossins, Salesforce. Starfsmenn hafa aðgang að þessu kerfi og í þeim deildum
sem ekki eru starfsmenn sjá svæðisfulltrúar um að skrá samningana og sjálfboðaliðann í verkefni
deildarinnar.
Ef umsókn hefur komið í gegnum vefsíðu Rauða krossins eru til upplýsingar um sjálfboðaliðann en
gott er að yfirfara upplýsingarnar og breyta því sem breyta þarf.
Athugið:
• heimilisfang
• netfang
• símanúmer
Skráið:
• ef viðkomandi vill gerast félagi (setja hak)
o í hvaða deild (venjulega eftir búsetu nema
annað sé tekið fram)
o inngönguár
• eða ef viðkomandi vill ekki gerast félagi (setja hak)
Þegar samningur hefur verið skráður í skráningarkerfi
félagsins sér starfsmaður á skrifstofu um að prenta skírteini
sjálfboðaliða og senda í pósti ásamt hálsbandi og
upplýsingariti um Rauða krossinn.
Tímabundnir sjálfboðaliðar
Tímabundnir sjálfboðaliðar eru þeir sem vinna ákveðið verk í stuttan tíma. Til að mynda sækja árlega
margir háskólanemar um að gerast sjálfboðaliðar tímabundið til að uppfylla skólaskyldu sem þeir
geta unið í sjálfboðavinnu. Nauðsynlegt er að gera samning við þessa sjálfboðaliða líkt og aðra og
skylda þá til að taka grunnnámskeið Rauða krossins á vefnum áður en störf hefjast (sjá meiri
upplýsingar hér að neðan). Sum verkefni eru til þess fallin að vera tímabundin, svo sem fjáröflun
ýmiss konar og önnur tilfallandi verkefni. Móttökuferli þessara sjálfboðaliða er að jafnaði það sama
og hefðbundinna sjálfboðaliða.
Fyrirvaralausir sjálfboðaliðar
Fyrirvaralausir sjálfboðaliðar eru þeir sem bjóða fram aðstoð sína á neyðarstundum. Þessir
sjálfboðaliðar hafa jafnan samband við Rauða krossinn þegar mikið gengur á og vilja gjarnan leggja
hreyfingunni lið. Sumir með ákveðna hjálp í huga meðan aðrir vilja leggja fram vinnufúsar hendur í
13
hvaða verkefni sem er. Sérstök áætlun er til um móttöku og stjórnun fyrirvaralausra sjálfboðaliða í
handbók fyrir neyðarnefndir Rauða krossins Fjöldahjálp (bls. 40).
Ungir sjálfboðaliðar
Fyrir kemur að fólk yngra en 18 ára sækir um að gerast sjálfboðaliðar. Í þeim tilfellum er nauðsynlegt
að vanda vel valið á verkefnum, bæði hvað varðar öryggi og ábyrgð þeirra. Ekki eru öll verkefni jafn
heppileg ungum einstaklingum. Nauðsynlegt er að fyrir liggi samþykki foreldra eða forráðamanna
um að viðkomandi einstaklingur megi ganga til liðs við Rauða krossinn og starfa sem sjálfboðaliði.
Samþykkið má vera á sama eyðublaði með undirritun og kennitölu foreldra/forráðamanns.
Fræðsla og þjálfun Öllum sjálfboðaliðum og starfsfólki er skylt að taka grunnnámskeið Rauða krossins sem finna má á
námskeiðssíðu Rauða krossins, namskeid.raudikrossinn.is. Á námskeiðinu er fjallað um sögu og
uppbyggingu Rauða krossins, grundvallarhugsjónir félagsins, merki hreyfingarinnar,
Genfarsamningana og starfsemi Rauða krossins á Íslandi
auk þátttöku í alþjóðastarfi. Námskeiðið tekur um eina
klukkustund og hægt er að taka hlé og taka þráðinn upp
að nýju. Þátttakendur taka könnun í lok námskeiðsins um
innihaldið og til að standast það þarf að svara 70%
spurninganna rétt. Rauði krossinn fær staðfestingu í
rafræna kerfið að námskeiði loknu en þó eru
upplýsingarnar einungis sendar einu sinni á sólarhring.
Jafnframt eru sjálfboðaliðar hvattir til að taka námskeið í skyndihjálp sem stendur til
boða þeim að kostnaðarlausu meðan þeir starfa sem sjálfboðaliðar hjá félaginu.
Námskeið eru reglulega auglýst á skyndihjálparvef Rauða krossins. Bóklegan hluta
skyndihjálpar er ávallt hægt að taka af namskeid.raudikrossinn.is og fæst fullnægjandi
þátttökustaðfesting þegar tveggja klukkustunda verklegu námskeiði hefur verið lokið.
Það er í höndum sjálfboðaliðastjóra að fylgja því eftir að sjálfboðaliðar taki þau
námskeið sem þeim er ætlað. Þeir sem ekki hafa aðgang að skráningarkerfi félagsins geta nálgast
upplýsingar um þátttöku sjálfboðaliða hjá svæðisfulltrúa eða starfsmanns skrifstofu Rauða krossins
sem sinnir skráningum og námskeiðsmálum hverju sinni. Jafnframt geta sjálfboðaliðarnir sjálfir
óskað eftir yfirliti yfir námskeið sem þeir hafa sótt og verkefni sem þeir eru skráðir í hér.
Er það í höndum sjálfboðaliðastjóra að sjá til þess að sjálfboðaliði fái viðeigandi þjálfun fyrir valið
verkefni og er misjafnt til hvers er ætlast eftir verkefnum. Í starfslýsingu verkefna er nauðsynlegt að
taka fram hversu viðamikillar þjálfunar er krafist. Áður en sérhæfð námskeið fyrir verkefni eru sótt
er nauðsynlegt að sjálfboðaliðar hafi lokið við grunnnámskeið Rauða krossins á vefnum.
Gott er að fá reynda sjálfboðaliða til að taka þátt í að þróa námskeið og taka þátt í þjálfun nýrra
sjálfboðaliða.
14
Þjálfun sjálfboðaliðans þjónar þrenns konar markmiðum.
• Í fyrsta lagi að vinna að hugsjónum hreyfingarinnar.
• Í öðru lagi að uppfylla þau skilyrði um þekkingu sem verkefnið og þjónustan krefst.
• Í þriðja lagi mætir þjálfunin þörf sjálfboðaliðans fyrir aukna þekkingu og hæfni.
Mikilvægt er að þátttakendur sjái tilgang með þjálfuninni og í lokin að þeir skynji að unnið hafi verið
að yfirlýstum markmiðum.
Á námskeiðum þarf að huga að því að vel fari um þátttakendur og að skipta námskeiði niður í
viðráðanlega kennslutíma með viðeigandi hléum. Mikilvægt er að þægindi í rýminu sem kennt er í
séu ásættanleg til dæmis góð lýsing, kynding og uppröðun stóla. Í hléum er boðið upp á drykki og ef
um lengri námskeið er að ræða er boðið uppá annars konar hressingu, að öðrum kosti að tekið sé
fram að fólk taki með sér nesti. Leiðbeinandinn þarf að skapa andrúmsloft þar sem fólk finnur sig
öruggt til að tjá skoðanir sínar og deila reynslu sinni.
Við skipulagningu á námskeiðum skal hafa í huga fjölbreytni í kennsluháttum og uppbroti. Auk
hefðbundinna fyrirlestra má einnig notast við myndefni, umræður, hlutverkaleiki og æfingar.
Ég heyri og ég gleymi.
Ég sé og ég man.
Ég geri og ég skil.
Uppbygging námskeiðs ætti ávallt að hefjast á að sýna dagskrá þar sem kemur fram yfirferð
námskeiðsins ásamt þeim hléum sem áætluð eru, stutt og löng. Því næst að renna yfir hvað Rauði
krossinn stendur fyrir, grundvallarhugsjónir með áherslu á skilning, siðareglur og leiðarljós
hreyfingarinnar.
Þjálfun á vettvangi er mismunandi eftir verkefnum. Aftur getur verið heppilegt að fá reynda
sjálfboðaliða til að þjálfa nýtt fólk í starfið og tilgangurinn m.a. að spara vinnukrafta starfsfólks þar
sem það er eða mikið upptekna formenn deilda. Fyrir reyndan sjálfboðaliða getur það líka verið
upphefð að á hann er treyst og honum falið það ábyrgðarhlutverk að þjálfa nýtt fólk.
Vert er að taka fram hér að þau námskeið sem haldin eru af Rauða krossinum eru sjálfboðaliðum að
kostnaðarlausu.
15
Eftirfylgni og stuðningur
Ánægðir sjálfboðaliðar
Nokkur atriði geta skipt sköpum um ánægju sjálfboðaliða í störfum.
Mjög mikilvægt er að hlutverk sjálfboðaliðans sé skýrt frá upphafi.
Góð regla er að hafa samband við sjálfboðaliða eftir að hann hefur hafið störf fyrir Rauða krossinn
og öðlast smávegis reynslu. Ætla mætti að tvö til fjögur skipti í verkefni gefi sjálfboðaliða smá innsýn
og að þeim tíma loknum gætu spurningar hafa vaknað. Stutt stuðningsviðtal eða símtal við
sjálfboðaliða eftir að hafa öðlast smá reynslu gæti skipt sköpum í ánægju hans í starfi.
Sjálfboðaliðastjórinn gæti skipulagt fundi með hópi sjálfboðaliða í líkum verkefnum þar sem þeir
hittast, ræða málin, sækja stuðning hver til annars og fá góð ráð um starfið. Hópumræður gætu
orðið góður vettvangur fyrir einlægar samræður í opnu og uppbyggilegu umhverfi þar sem reynsla,
þekking og viðhorf hvers og eins eru tekin alvarlega. Engin fyrirfram tilbúin svör eru til staðar, heldur
vinnur hópurinn að uppbyggilegum lausnum í sameiningu. Forðast skal þó að ræða einstaka
skjólstæðinga í umræðuhópum og ef til þess kemur að ítreka við umræðuhóp að það sem fram fer
er trúnaðarmál.
Öllum sjálfboðaliðum Rauða krossins stendur til boða að sækja handleiðslu sálfræðings félagsins ef
þeir óska eftir því en einnig geta þeir óskað eftir félagastuðningi þar sem því hefur verið komið við.
Gott er að sjálfboðaliði viti að hann hafi tækifæri til að þróa sig í starfi með fenginni reynslu m.a.
með aðkomu að námskeiðahaldi, þjálfun og hópstjórn.
Ánægðir sjálfboðaliðar taka þátt í því að afla nýrra sjálfboðaliða meðvitað eða ómeðvitað.
16
Hundsun
Vörn
Afsökun
Skilningur
(Breyting)
Óánægðir sjálfboðaliðar
Nokkur atriði hafa sýnt sig að leiðir af sér óánægða sjálfboðaliða.
Það sem getur valdið óöryggi og óánægju í starfi eru atriði eins og skortur á stuðningi, ónóg þjálfun
og óskýrt hlutverk.
Forðast skal að ofhlaða viljuga sjálfboðaliða með tímafrekum verkefnum. Ef kröfur eru of miklar og
óraunhæfar væntingar gerðar til sjálfboðaliða getur ánægja af starfinu farið þverrandi.
Sjálfboðaliða þarf að vera ljóst að hann geti hætt í verkefni eða skipt um verkefni sé hann ekki
ánægður. Slíkri breytingu þarf sjálfboðaliðastjórinn að mæta með opnum huga og aðstoða
sjálfboðaliðann við að finna réttan farveg.
Viðbrögð við gagnrýni
Rauði krossinn er ekki hafinn yfir gagnrýni og hvorki starfsfólk né sjálfboðaliðar heldur, en fólk bregst
misjafnlega við gagnrýni. Með réttum viðbrögðum við gagnrýni er hægt að nota hana til að
betrumbæta aðstæður sem getur verið félaginu eða einstaklingnum til framdráttar. Ef gagnrýni er
hundsuð eða varin getur það leitt til deilna. Afsakanir eru ekki til framdráttar. Ef þú hlustar, lest milli
línanna og reynir að skilja hvers vegna viðkomandi líður á þann hátt sem hann lýsir, þá færðu betri
innsýn. Þannig geturðu ákveðið hvort eitthvað sé hæft í orðum viðkomandi og brugðist við því eða
ekki.
Mismunandi viðbrögð við gagnrýni geta verið þessi:
Verum tilbúin að taka við gagnrýni sjálfboðaliða og verum viðbúin því hvernig sjálfboðaliðar geta
brugðist við þegar þeirra störf eru gagnrýnd eða þeim gert að hætta í verkefnum (sjá kafla um
sjálfboðaliða sem henta ekki í verkefni).
17
Viðurkenning og hvatning Það er í mannlegu eðli að vilja fá einhvers konar viðurkenningu fyrir störf sín, staðfestingu á að fólk
sé á réttri leið og að eftir því sé tekið. Það kemur í hlut sjálfboðaliðastjóra að hvetja sjálfboðaliða í
störfum og veita uppbyggjandi gagnrýni og er það mikilvægur verkliður í störfum hans.
Viðurkenning og hvatning þarf að vera:
Sjálfboðaliðastjórar þurfa að leggja sig fram við að hrósa sjálfboðaliðum fyrir góð störf og gæta þess
að þeir finni að tekið sé eftir þeim og verk þeirra séu metin að verðleikum. Viðurkenning og hrós
þarf að vera vel tímasett, vera veitt eins fljótt og auðið er þegar það á við.
Veitum hrós sem hefur merkingu!
Viðurkenning og hvatning getur komið fram á fjölbreyttan
máta; í formi beinnar viðurkenningar (í orði eða á blaði),
hróss eða í formi umbunar, t.d. leikhús- eða bíómiða,
samverustunda, þátttöku í ráðstefnum o.þ.h.
Kynnumst sjálfboðaliðunum svo við vitum hvernig við
eigum að umbuna þeim. Fólk sækir í sjálfboðaliðastörf af
mismunandi ástæðum og hafa þar af leiðandi ólíka þörf
fyrir hvatningu og umbun.
Gætum þess þó að halda samræmi í því hvernig við
hrósum og veitum viðurkenningu í sömu verkefnum
eða líkum verkefnum. Ef tveir sjálfboðaliðar bera
ábyrgð á svipuðu verkefni, ættu þeir að fá svipaða
viðurkenningu.
Fréttabréf til sjálfboðaliðahópa getur verið góð hvatning þegar fjallað er á jákvæðan hátt um gengi
verkefnis sem þeir vinna að og gengi eða upplifun einstakra sjálfboðaliða í verkefnum.
Eftirfylgni í upphafi og svo reglulegir fundir eða viðtöl við sjálfboðaliða er kjörið tækifæri til þess að
veita umbun og hvatningu.
Hvatning og hrós þarf hvorki að vera flókið né tímafrekt.
Það eitt að muna nafn sjálfboðaliðans og segja einfaldlega takk, getur skipt sköpum.
Sjálfboðaliði í Frú Ragnheiði sem brennur
fyrir málefninu um skaðaminnkun finnst
mikil umbun í því falist að fá niðurstöður úr
skýrslum og tölulegar staðreyndir um
framgang verkefnisins. Meðan sjálfboðaliði í
verkefninu Föt sem framlag getur haft
gaman af ýmis konar uppákomum og
samverustundum.
Hópur barna kemur með afrakstur tombólu til
deildar og fær mynd af sér í bæjarblaðið og jafnvel
smáhlut. Í næsta bæjarfélagi við hliðina er hvorki
myndbirting né smáhlutur veittur sem umbun.
regluleg
fjölbreytt
einlæg
persónuleg
18
Mat Með því að meta gengi verkefna og líðan sjálfboðaliða fást mikilvægar upplýsingar fyrir
sjálfboðaliðastjóra ef þeim er safnað með skipulegum hætti.
Spurningakönnun er send út, af verkefnastjóra í sjálfboðaliðamálum á skrifstofu Rauða krossins,
með tölvupósti þremur mánuðum eftir að sjálfboðaliði skrifar undir sinn fyrsta samning. Spurt er um
þjálfun, stuðning, samskipti og álag í starfi.
Auk spurningakönnunarinnar er gott fyrir sjálfboðaliðastjóra að vera í beinu sambandi við
sjálfboðaliða. Um þremur mánuðum eftir að sjálfboðaliði hefur störf í verkefni er nauðsynlegt að
ræða við sjálfboðaliða, einslega eða í hópi, til að meta upplifun hans og líðan í starfi.
Matsferli felur í sér
Jafnframt er mikilvægt að meta hæfni viðkomandi í verkefni með því að fylgjast með starfi hans eða
með því að ræða við skjólstæðinga hans. Fer það eftir verkefnum hvernig best er að nálgast slíka
úttekt eða mat. Hægt er að gera þessa athugun með formlegum og óformlegum hætti.
Að minnsta kosti tvisvar á ári ætti sjálfboðaliðastjóri að bjóða sjálfboðaliða upp á að hittast og ræða
saman um gang mála í verkefnum. Það geta verið einstaklingsviðtöl, símtöl eða fundir innan
verkefna.
Reglulegt mat á starfi sjálfboðaliða í verkefni er ákveðinn lærdómur fyrir sjálfboðaliðastjórann og
sjálfboðaliðann sjálfan. Með þessum upplýsingum sköpum við vettvang þar sem við lærum af árangri
og mistökum og gefa vísbendingar um næstu skref.
Með mati á störfum sjálfboðaliðans erum við ekki einungis að stuðla að vellíðan hans í starfi og hæfni
í verkefni heldur erum við að fullvissa okkur um að við séum með rétt fólk á réttum stað. Aukinheldur
eru betri líkur á að hann endist lengur í sjálfboðaliðastarfinu, afli nýrra sjálfboðaliða og tali máli
Rauða krossins í samfélaginu.
1. Spurningar skilgreindar
2. Upplýsingum safnað
3. Upplýsingar greindar
4. Endurskoðun og/eða breytingar á áætlunum, verkferlum og verkefnum
19
Sjálfboðaliði hættir Flestir sjálfboðaliðar hætta störfum vegna breytinga á eigin aðstæðum. Ef sjálfboðaliði vill hætta í
verkefni þar sem hann er þreyttur á því eða ósáttur í því verkefni er sjálfsagt að bjóða viðkomandi
að skoða önnur sjálfboðaliðastörf innan hreyfingarinnar.
Hver sem ástæðan er fyrir brotthvarfi einstaklings skiptir miklu máli fyrir alla aðila við lok starfs að
því sé tekið með opnum og jákvæðum huga. Viðurkenning til sjálfboðaliða fyrir unnin störf eða
þakkarorð gera sjálfboðaliða kleift að hætta án þess að fá sektarkennd eða finna til neikvæðni
gagnvart Rauða krossinum. Þetta er hægt að gera með einu símtali þar sem þeim er þakkað fyrir
stuðninginn. Þeir sem yfirgefa hreyfinguna taka heilmikla reynslu með sér og hefur það áhrif á
orðspor hreyfingarinnar. Með þessu eina viðtali eða símtali eru meiri líkur á að viðkomandi geti
hugsað sér að vinna með hreyfingunni í framtíðinni þegar aðstæður leyfa.
Sjálfboðaliði sem hentar ekki verkefni Það er ómögulegt að tryggja að allir sem bjóða fram krafta sína séu hæfir til að sinna hjálparstörfum.
Margar ástæður geta legið að baki því að sjálfboðaliði telst óhæfur til að sinna ákveðnum störfum.
Eftirtalda punkta má nýta sér til að hafna á virðingarverðan hátt boði um aðstoð sem ekki er hægt
að nýta:
• Útskýrðu að í augnablikinu séu engin verkefni sem henti viðkomandi einstaklingi.
• Þakkaðu honum fyrir boðið og taktu fram að þú hafir skráð hjá þér boð hans um aðstoð.
Ekki:
• Senda sjálfboðaliða til annarra sjálfboðaliðastjóra og færa þannig þína ábyrgð á aðra.
• Lofa að vera í sambandi við sjálfboðaliða síðar ef það er ekki ætlunin.
Þegar sjálfboðaliði hefur hafið störf í verkefni og sjálfboðaliðastjóri sér að sjálfboðaliði hentar ekki
verkefninu þarf að taka á málinu og ekki er talið líklegt að annað verkefni henti viðkomandi betur.
Gátlisti ef nauðsynlegt þykir að víkja sjálfboðaliða úr starfi:
• Mikilvægt er að tveir sjálfboðaliðastjórar séu viðstaddir þegar sjálfboðaliðanum er vikið úr
starfi. Æskilegt er að annar þeirra tveggja hafi reynslu af sálrænum stuðningi.
• Taktu fram að allt sem fram fari á fundinum sé trúnaðarmál.
• Þakkaðu sjálfboðaliðanum fyrir framlag hans.
• Notaðu samninginn, siðareglurnar, grundvallarhugsjónirnar eða leiðarljós Rauða krossins til
grundvallar brottrekstrinum.
• Gefðu ákveðin dæmi fyrir því sem hefur ekki gengið sem skyldi og útskýrðu hvers vegna.
• Spurðu sjálfboðaliðann um hans hlið á málinu.
• Tilkynntu um brottreksturinn til verkefnastjóra í sjálfboðaliðamálum á skrifstofu Rauða
krossins.
20
Um meðferð persónuupplýsinga Þann 15. júlí 2018 tóku í gildi ný lög um persónuvernd og vinnslu persónuupplýsinga með rafrænum
hætti til samræmis við nýja persónuverndarreglugerð Evrópusambandsins.
Persónuverndarstefnu Rauða krossins á Íslandi má finna hér.
Starfsemi Rauða krossins gefur tilefni til að vinna með persónuverndarupplýsingar þeirra sem
tengjast okkur með einum eða öðrum hætti.
Tíu meginreglur Rauða krossins um meðferð persónuupplýsinga
1. Persónuupplýsingar geta verið t.d. nafn, kennitala, ljósmynd eða hvers kyns upplýsingar um
skjólstæðinga, sjálfboðaliða og starfsmenn Rauða krossins.
2. Við skráningar og aðra vinnslu persónuupplýsinga skal afla upplýsts og undirritaðs samþykkis
í þeim tilfellum þar sem hægt er að afla slíks samþykkis.
3. Ef einstaklingur er yngri en 18 ára þarf að afla samþykkis foreldra eða forráðamanna.
4. Ef samþykkis er ekki aflað þarf að skoða aðrar heimildir til vinnslu persónuupplýsinga.
Persónuverndarfulltrúi Rauða krossins metur hvort slíkar heimildir séu til staðar.
5. Gæta skal sérstaklega að vinnslu með viðkvæmar persónuupplýsingar, sem eru t.d.
heilsufarsupplýsingar, upplýsingar um kynhneigð, uppruna, stjórnmálaskoðanir eða
trúarbrögð.
6. Gæta skal þess að unnið sé með upplýsingar í lögmætum, málefnalegum tilgangi og ekki
umfram það sem nauðsynlegt er miðað við tilgang vinnslunnar.
7. Gæta skal öryggis persónuupplýsinga, t.d. með því að læsa tölvum og skjölum með
persónuupplýsingum með lykilorðum.
8. Gæta skal þess að persónuupplýsingar séu ekki afhentar þriðja aðila án þess að afla
samþykkis fyrst. Einnig skal passa að upplýsingum sé komið áleiðis til þriðja aðila með
öruggum hætti, hvort sem það er gert með tölvupósti eða með öðrum hætti.
9. Persónuupplýsingar skulu ekki varðveittar lengur en nauðsyn krefur.
10. Hafa skal í huga rétt hins skráða til upplýsinga um þær persónuupplýsingar sem unnið er með
um hann hjá Rauða krossinum ásamt réttinum til að fá upplýsingar leiðréttar eða eytt. Slík
erindi skulu send til persónuverndarfulltrúa Rauða krossins.
Persónuverndarfulltrúi Rauða krossins getur veitt aðstoð og leiðbeiningar ef einhverjar spurningar
vakna. Hægt er að senda erindi á teitur.skulason@redcross.is
21
Lokaorð
Orðið sjálfboðaliðastjóri er hugtakasmíð þróunarteymis á höfuðborgarsvæðinu og notað í þessari
handbók til að ná utan um þann hóp sem kemur að því að vinna sem næst sjálfboðaliðum í
verkefnum. Vegna eðli starfseminnar, þar sem ýmist eru það starfsmenn eða mismunandi
sjálfboðaliðahópar sem stýra öðrum sjálfboðaliðum, þá þótti hópnum best að finna eitt samheiti
sem næði til allra þessara ólíku hópa.
Handbókin er í stöðugri þróun og er því gefin út hér sem rafræn handbók. Uppfærslur á henni eru
skráðar á forsíðunni með dagsetningu svo sjálfboðaliðastjórar hafa ávallt aðgengi að nýjustu
uppfærslu. Myndir og hlekkir sem tengdir eru handbókinni eiga að virka en ef svo er ekki vinsamlega
látið vita svo hægt sé að laga á helen@redcross.is, eða til að koma öðrum athugasemdum á
framfæri.
22
Áhugavert lesefni:
The Membership Model e. Niklas Hill og Angeli Sjöström Hederberg hægt að fá að láni á skrifstofu
Rauða krossins.
Volunteer leadership – Swedish Red Cross leadership training programme
Voluntary service – Volunteer management cycle
23
Viðaukar
24
Recommended