View
228
Download
0
Category
Preview:
Citation preview
Hugvísindasvið
Kostum drepur kvenna
karla ofríki
Heimur og hefndir
Guðrúnar Gjúkadóttur
Ritgerð til B.A.-prófs
Særún Gestsdóttir
Maí 2011
Háskóli Íslands
Hugvísindasvið
Íslensku- og menningardeild
Kostum drepur kvenna
karla ofríki
Heimur og hefndir
Guðrúnar Gjúkadóttur
Ritgerð til B.A.-prófs
Særún Gestsdóttir
Kt.: 131178-4099
Leiðbeinandi: Kolfinna Jónatansdóttir
Maí 2011
1
Ágrip
Ritgerð þessi fjallar um skyldurækni og hefndir goðsöguhetjunnar Guðrúnar Gjúkadóttur.
Leitast verður við að sýna fram á tengsl á milli stöðu Guðrúnar Gjúkadóttur og stöðu kvenna á
þjóðveldisöld. Til þessa verður hugað að lagasafninu Grágás, fornleifafræði sem og fornum
bókmenntum, en þessir þættir eiga það sameiginlegt að varpa ljósi á stöðu og hlutverk kvenna
á þjóðveldisöld. Til samanburðar verður hugað að samfélagi því sem Guðrún tilheyrir og
kannað hvort það setji henni skorður líkt og samtímakonur hennar í raunheiminum stóðu
frammi fyrir. Þá verður einnig hugað að þeim afleiðingum sem slíkar takmarkanir höfðu á
skyldurækni og hefndir Guðrúnar. Einnig verður hugað að ættarböndum Guðrúnar og þá
sérstaklega er viðkemur tryggð og orðstír sem reynast undirstöður hefnda hennar.
2
Efnisyfirlit
1 Inngangur ................................................................................................................................ 3
2 Heimildirnar ............................................................................................................................ 4
2.1 Konungsbók eddukvæða .................................................................................................. 4
2.2 Völsunga saga .................................................................................................................. 6
2.3 Snorra-Edda ...................................................................................................................... 7
3 Heimur íslenskra kvenna á þjóðveldisöld ............................................................................... 8
3.1 Grágás og fornleifafræði .................................................................................................. 8
3.3 Fornar bókmenntir .......................................................................................................... 11
4 Yfirfærsla tryggðar, orðstír og hefndarskylda ....................................................................... 12
4.1 Yfirfærsla tryggðar ......................................................................................................... 12
4.2 Orðstír ............................................................................................................................. 13
4.3 Hefndir ........................................................................................................................... 14
5 Saga Guðrúnar ....................................................................................................................... 16
6 Skyldurækni og hefndir Guðrúnar ......................................................................................... 18
6.1 Guðrún og skyldurækni hennar við bræður og eiginmenn ............................................. 19
6.2 Guðrún og synir hennar og Atla ..................................................................................... 24
6.3 Guðrún og synir hennar og Jónakurs .............................................................................. 28
10 Lokaorð ............................................................................................................................... 30
Heimildaskrá ............................................................................................................................ 32
3
1 Inngangur
Guðrún Gjúkadóttir er ein af þeim goðsöguhetjum sem finna má í hetjukvæðum eddukvæða
og skipar hún stórt og mikið hlutverk í allmörgum þeirra. Sögu Guðrúnar er einnig að finna í
forníslensku ritunum Völsunga sögu og Snorra-Eddu. Birtingarmynd Guðrúnar í þessum
heimildum er sú af stórfenglegri konu hæfri til hrottalegra hefnda og segja mætti hefndir
hennar siðlausar. Vilhjálmur Árnason segir í grein sinni Saga og siðferði um siðferði almennt:
,,Siðferði það sem við búum við skapar okkur sjónarhól sem er forsenda siðferðilegrar reynslu
og þekkingar, en getur einnig staðið í vegi fyrir skilningi á mannlegu framferði sem er á
einhvern hátt frábrugðið því sem við eigum að venjast“.1 Í ljósi þess ber að varast við að horfa
á Guðrúnu slíkum augum enda falla goðsöguhetjur eins og Guðrún ekki undir sömu
siðferðislög og raunverulegir menn. Clover segir marga lesendur hrökkva við eða jafnvel
hneykslast þegar lesið er um einstakar konur og þá sérstaklega sterkar konur einkum þegar
hegðun þeirra fer fram úr því sem þykir eðlileg.2 Þó að Clover sé hér að fjalla um viðhorf
gagnvart raunverulegum konum eiga orð hennar ekki síður við um bókmenntapersónur.
Guðrúnu ber að nálgast út frá þeim sagnarheimi sem hún tilheyrir sem sýnir þann mikla styrk
sem hún býr yfir og þá sérstaklega er varðar skyldurækni hennar og hefndir sem eru helstu
viðfangsefni þessarar ritgerðar.
Skyldurækni og hefndir eru þeir þættir sem varpa hvað mestu ljósi á stöðu Guðrúnar
sem dóttur, systur, eiginkonu, móður og konu og tilgangur þessarar ritgerðar er einmitt sá að
huga að samfélagslegri stöðu Guðrúnar sem konu og skyldum hennar sem slíkri. Því verður
fyrst og fremst hugað að Guðrúnu sem konu í því samfélagi sem greina má í sögum og
kvæðum sem um hana fjalla og skoðuð tengsl þess við samfélag þjóðveldisaldar. Skoðuð
verða samskipti Guðrúnar við bræður, eiginmenn og syni með von um að nálgast þau áhrif
sem skyldurækni hafði á hefndir hennar. Jafnframt verður hugað að heiðri og hefndarskyldu
samfélagsins sem Guðrún tilheyrir og hlutverki hennar í ljósi slíkra gilda. Leitast verður við
að finna ástæðu þess að Guðrún hefnir dauða bræðra sinna, með hrikalegum hætti, en ekki láti
Sigurðar eiginmanns síns.
Ritgerðin byggist upp á eftirfarandi hátt: Fyrst verður farið yfir helstu heimildir sem
varðveita sögu Guðrúnar og varðveislu og aldri þeirra gerð skil. Þá verður stöðu norrænna
kvenna á þjóðveldisöld gerð skil út frá lagalegum ákvæðum, fornleifafræði og
1 Vilhjálmur Árnason 1985: 22.
2 Clover 1993: 64.
4
miðaldabókmenntum. Því næst verður fjallað um yfirfærslu tryggðar, orðstír og hefndarskyldu
Guðrúnar. Síðan verður sögð saga Guðrúnar með það að markmiði að sameina heildstæða
sögu út frá þeim heimildunum sem um hana fjalla. Til þessa verður saga hennar eins og hún
kemur fram í eddukvæðunum höfð að mestu til grundvallar ásamt því að bætt verður inn í
hana úr Völsunga sögu. Í kjölfarið fylgja kaflar um sambönd Guðrúnar við þá karlmenn sem
skipa stóran sess í lífi hennar og skyldurækni hennar gagnvart þeim. Fyrst verður samböndum
hennar við bræður sína þá Gunnar og Högna gerð skil. Þá verður samböndum hennar við
eiginmennina Sigurð og Atla gerð skil og að lokum verður hugað að samböndum Guðrúnar
við syni sína.
2 Heimildirnar
Hvers vegna og hvern hefnir Guðrún Gjúkadóttir? Til að leita svara við því þarf að huga að
helstu textum sem fjalla um Guðrúnu og eru það eddukvæði sem eru einna helst varðveitt í
Konungsbók eddukvæða, Völsunga saga og Snorra-Edda, nánar tiltekið Skáldskaparmál
Snorra-Eddu. Textarnir eiga það sameiginlegt að söguþráður þeirra er að mestu sá sami og
þær persónur sem þar finnast tengjast á einn eða annan hátt. Til að sýna fram á mikilvægi
heimildanna, gagnvart hefndum Guðrúnar og samfélagsgildum sem í þeim er að finna, þarf að
gera varðveislu og aldri heimildanna skil enda hafa þær gefið mörgum fræðimanninum
vísbendingar um stöðu norrænna kvenna sem og um hlutverk þeirra á miðöldum.
2.1 Konungsbók eddukvæða
Eitt af mikilvægustu fornritum Íslendinga er
Konungsbók eddukvæða eða Codex Regius, GKS
2365 4to. Konungsbók eddukvæða hefur að geyma
flest þau eddukvæði sem hafa varðveist fyrir utan
Baldursdrauma, Rígsþulu, Hyndluljóð, Svipdagsmál,
Hlöðskviðu og Grottasöng.3 Konungsbók eddukvæða
er eitt af þeim miðaldarhandritum sem skipt hafa
sköpum í að varpa ljósi á goðverur og hetjur hinnar
fornu samgermönsku menningar og í henni eru flest
eddukvæðanna geymd. Hetjukvæðin sem skipa
3 Sjá mynd 1. Myndin er úr Gísli Sigurðsson 1998a: xii.
Mynd 1. Varðveisla eddukvæða.
5
stærsta hluta eddukvæða eiga það sameiginlegt að fjalla um dauðlegar persónur sem ofar öllu
huga að hetjuskap og drenglyndi, en í goðakvæðunum er að finna ódauðlegar verur sem
gjarnan skipta um ham og ólíkt hetjunum forðast bardaga.4 Af öðrum heimildum sem
varðveita eddukvæði má geta AM 748 I 4to frá um 1300, Snorra-Eddu og Norna-Gests þátt,
en þær heimildir varðveita þó aðeins lítinn hluta af þeim kvæðum sem Konungsbók hefur að
geyma sem Vésteinn Ólason og Gísli Sigurðsson segja fræðimenn almennt sammála um að
hafi verið rituð á 13. öld.5 Margir fræðimenn, þar á meðal Gísli Sigurðsson, telja að
Konungsbók hafi verið skrifuð upp eftir eldra handriti, en enn sem komið hafa slík handrit
ekki fundist.6
Þegar hugað er að aldri kvæðanna sjálfra torveldast málin. Erfitt hefur reynst að
tímasetja kvæðin enda slíkar tímasetningar að mestu getgátur. Leitast hefur verið við að nota
orðaforða, rithátt, bragfræði, tökuorð svo fátt eitt sé nefnt til að tímasetja þau. Þá hefur einnig
verið notast við yrkisefni kvæðanna. Rekja má efni hetjukvæða aftur til þjóðflutningsaldar og
goðakvæðin enn lengra jafnvel aftur fyrir kristnitöku Norðurlandabúa.7 Kvæðin geta því verið
misgömul en það eina sem er hægt að ganga að vísu um aldur þeirra er út frá aldri
Konungsbókar eddukvæða.
Kvæðasnið Konungsbókar er fjölbreytt. Ekki verður mikið drepið á bragarháttum
eddukvæðanna, en má þó geta þess að aðalhættir kvæðanna eru tveir. Annars vegar
fornyrðislag sem finna má á norrænum rúnaristum frá 9. öld og hins vegar ljóðaháttur, sem er
nær óþekktur nema í íslenskri geymd.8 Þar sem ljóðahátt er hvergi annars staðar að finna en á
Íslandi er hægt að færa fyrir því rök að kvæðin séu íslensk, þó svo að söguefnið geti verið
samgermanskt. Annað snið eddukvæða sem skipar því sérstöðu og auðveldar aðgreiningu
eddukvæðanna frá öðrum skyldum germönskum kvæðum er erindaskipting, en
erindaskiptingu er hvorki að finna í forn þýskum né enskum hetjukvæðum. Slík kvæði voru
kveðin sem ein heild.9
Hetjukvæðin bera flest þau einkenni að vera frásagnar- og samtalskvæði. Í flestum
hetjukvæðum skiptast á frásögn og samtöl persóna og í nokkrum hetjukvæðum er að finna
beina ræðu, þ.e. eintalskvæði.10
Nokkur eddukvæðanna, þá einna helst Guðrúnakviða I, II og
4 Vésteinn Ólason 2006:125.
5 Véstein Ólason 2006: 75; Gísli Sigurðsson 1998a: xiii.
6 Véstein Ólason 2006: 75-76; Gísli Sigurðsson 1998a: xiii.
7 Vésteinn Ólason 2006:76.
8 Hugtök og heiti í bókmenntafræði 1983: 95 og 171.
9 Gísli Sigurðsson 1998a: xi.
10 Einar Ól. Sveinsson 1962: 201.
6
III og Guðrúnarhvöt, eru ort í orðastað Guðrúnar. Í þeim lýsir hún lífi sínu sem dóttur, systur,
eiginkonu, móður og konu í karllægu samfélagi. Farið verður yfir þau kvæði sem fjalla um
Guðrúnu og líf hennar, enda spannar saga Guðrúnar stóran hluta hetjukvæða Konungsbókar.
Í Konungsbók eru hetjukvæðunum að mestu leyti raðað upp í tímaröð og því oft litið á
þau sem hluta af einni og sömu sögunni. Völsunga saga er til vitnis um að litið var á þau
eddukvæði sem fjalla um Sigurð og ætt Guðrúnar sem eina sögu. Flest kvæðin fjalla um
Guðrúnu, bræður hennar eða eiginmenn og oft er farið yfir sömu atburði í kvæðunum sem
sýnir fram á tengingu kvæðanna, að Völundarkviðu undanskyldri. Vésteinn Ólason segir að
aðalpersónur hetjukvæðanna séu allar tengdar á einhvern hátt og þar af leiðandi sé hægt að
rekja keðju þeirra persóna eða sögu með framgangi kvæðanna.11
Því verður litið svo á að með
kvæðunum, þó ekki þeim sem fremst eru, megi rekja sögu Guðrúnar Gjúkadóttir og þau
myndi eina heild.
2.2 Völsunga saga
Völsunga saga er talin til fornaldarsagna. Um nákvæman aldur Völsunga sögu er erfitt að
segja. Anderson segir að nokkur sátt ríki meðal fræðimanna og nefnir Finn Jónsson, Jan de
Vries og Kurt Schier sem allir telja að Völsunga saga hafi verið rituð um miðja 13. öld.12
Talið er að Völsunga saga sé að mestu rituð eftir hetjukvæðum Eddu, en er þrátt fyrir
það að mörgu leyti frábrugðin hetjukvæðunum.13
Ólíkt hetjukvæðunum er í Völsunga sögu
langur inngangur að því efni sem ort er um í hetjukvæðum Konungsbókar ásamt því að í
henni er að finna efni sem talið er vanta í Konungsbók, nánar tiltekið í Eyðunni í
Konungsbók.14
Eyðan í Konungsbók kemur á milli Sigurdrífumála og Broti af Sigurðarkviðu
og er talið að í henni hafi verið fjallað um Sigurð frá því hann var í læri hjá Sigurdrífu.15
Vésteinn Ólason segir um efni eyðunnar ,,Í eyðunni hefur bæði verið sagt frá fyrstu fundum
Sigurðar og Brynhildar og frá því hvernig hugur hans hverfðist til Guðrúnar við hirð Gjúka,
hvernig hann síðan gekk að eiga Guðrúnu Gjúkadóttur og hjálpaði Gunnari mági sínum með
brögðum að komast yfir Brynhildi Buðladóttur“.16
Þá er í Völsunga sögu að finna mun
11
Vésteinn Ólason 2006: 130. 12
Anderson 1999 í þýðingu Ármann Jakobssonar: 92-93. 13
Guðni Jónsson 1950: XIV-XV; Vésteinn Ólason 2006: 129; Gísli Sigurðsson 1998a: xxvii. 14
Í Konungsbók vantar átta blöð sem þekkjast undir nafninu Eyðan í Konungsbók, um efni hennar er einkum
styðst við frásögn Völsunga sögu. Gísli Sigurðsson 1998a: xxvii. 15
Gísli Sigurðsson 1998b: 252. 16
Vésteinn Ólasin 2006: 147.
7
heildstæðari sögu en lesa má úr hetjukvæðunum sem talið er til vitnis um að tilhneiging hafi
verið með varðveislu efnisins að mynda úr því eina heild, þ.e. eina sögu.17
2.3 Snorra-Edda
Um varðveislu Snorra –Eddu er það helst að segja að elsta handrit hennar er Uppsalabók, sem
talin er hafa verið rituð í byrjun 14. aldar og í henni stendur: ,,Bók þessi heitir Edda. Hana
hefur saman setta Snorri Sturlu sonur“.18
Önnur handrit sem varðveita Snorra-Eddu frá
miðöldum eru Konungsbók, einnig þekkt sem Codex regius, 2367 4to og Wormsbók sem
ritaðar eru á fyrri helmingi 14. aldar. Þessi rit ásamt fimm öðrum handritum geyma að jöfnuði
hluta af Snorra-Eddu, enda hefur hún hvergi varðveist heil.19
Í Snorra-Eddu er saga Völsunga
sögð í Skáldskaparmálum en þar var sögum líkt og sögu Völsunga komið fyrir sem ekki
rúmuðust innan Gylfaginningar.20
Heimildirnar sem fjallað er um hér að ofan varðveita minningar af sögum um hetjur og goð
sem þekktust um allt germanska menningarsvæðið sem rekja má samkvæmt Gísla Sigurðssyni
aftur til 4. og 5. aldar.21
Sumar af þeim persónum sem finna má í hetjukvæðum eddukvæða
má tengja við konunga sem voru við völd frá 4.öld fram á 7. öld. Talið er að söguefnið hafi
varðveist í munnlegri geymd áður en hafist var handa við að rita það niður. Í slíkri geymd er
líklegt að efnið hafi tekið breytingum og sést það einna helst á söguefni er tengist Sigurði
Fáfnisbana og eftirmálum vígs hans. Í hetjukvæðum eddu er vígi hans ekki hefnt andstætt því
sem gerist í þýsku textunum Niflungaljóði frá um 1200 og Þiðreks sögu af Bern frá ofanverðri
13. öld.22
Í þeim þýsku handritum er það kona Sigurðar, Kriemhildr, sem sér til þess að vígi
hans sé hefnt og skírskotar sú kona til Guðrúnar Gjúkadóttur.
Heimildirnar hafa þá gjarnan verið notaðar til að varpa ljósi á norrænt samfélag sem
og stöðu norræna kvenna á miðöldum enda líklegt að þær gefi vísbendingar um hvernig lífinu
var háttað á ritunartíma þeirra og jafnvel á sögutíma. Í þessari ritgerð verða heimildirnar
túlkaðar út frá ritunartíma þeirra og hugað að þáttum sem á einhvern hátt má túlka sem svo að
endurspegli raunveruleika kvenna á þjóðveldisöld. Þrátt fyrir að slík túlkun sé vafasöm verður
17
Vésteinn Ólason 2006: 129. 18
Árni Björnsson 1975: v. 19
Sverrir Tómasson 2006: 534. 20
Sverrir Tómasson 2006: 540-541; Árni Björnsson 1975: viii-ix. 21
Gísli Sigurðsson 1998a: ix. 22
Gísli Sigurðsson 1998a: xxi.
8
reynt að tengja ýmis efni heimildanna sem og atburði sem í þeim er að finna við raunheiminn
og verður til þess hugað að stöðu kvenna á þjóðveldisöld með sérstöku tilliti til laga og
fornleifafræði.
3 Heimur íslenskra kvenna á þjóðveldisöld
Þar sem Konungsbók eddukvæða og Völsunga saga eru að öllum líkindum ritaðar á 13. öld
má gera ráð fyrir því að það sé sá tími sem þær sögur og kvæði sem varðveist hafa um
Guðrúnu Gjúkadóttur hafi þróast í ritunarmynd. Því verður hugað að stöðu íslenskra kvenna á
miðöldum með sérstakri áherslu á þjóðveldisöld. Í þessum kafla verður heimur og hlutverki
kvenna á þjóðveldisöld skoðað með það að leiðarljósi að sýna fram á stöðu þeirra í samfélagi
sem var að mestu stjórnað af karlmönnum. Hugað verður að þremur mikilvægum þáttum sem
varpa ljósi á stöðu kvenna þess tíma sem eru lagasöfn, fornleifafræði og fornar bókmenntir.
Grágás, lagasafn Íslendinga á þjóðveldisöld, mun gegna því hlutverki að sýna fram á lagalega
stöðu kvenna með sérstöku tilliti til festaþáttar, fjárlaga og vígslóða. Hugað verður að
fornleifafræði og fornum bókmenntum og hvaða ályktanir megi draga af þeim um stöðu og
hlutverk kvenna á miðöldum.
3.1 Grágás og fornleifafræði
Í Grágás er að finna hinar ýmsu lagasetningar sem voru við gildi hér á landi frá Íslandsbyggð
til 1271 en þá ár var Járnsíða í lög leidd.23
Nafnið Grágás í miðaldaheimildum skírskotar til
norskra laga en hefur frá því á 16. öld skírskotað til fornra laga goðaveldisins. Varðveisla
Grágásar er fremur flókin því í þeim varðveittu textum sem lögin geyma er að finna nokkuð
misræmi á milli laga. Misræmi er meðal annars að finna í Konungsbók og Staðarhólsbók sem
eru helstu handritin er varðveita Grágás og að öllum líkindum ritaðar á 13. öld. Í þeim liggur
sá munur að í Konungsbók er að finna fleiri þætti en í Staðarhólsbók.24
Því er með öllu óvíst
hversu rétta mynd varðveitt handrit Grágásar gefa af lögum þjóðveldistímans.
Þrátt fyrir að munur sé á varðveittum lagaskrám Grágásar sem segja má dragi úr
áreiðanleika laga þá verður hún í ritgerð þessari ein mikilvægasta heimildin til að varpa ljósi á
lagalega stöðu kvenna og réttindi þeirra á þjóðveldisöld Íslands enda er Grágás samkvæmt
Gunnari Karlssyni ,,ómetanlega heimild um réttarvitund, siðferðiskennd, atvinnuvegi,
23
Sverrir Tómasson 2006:564. 24
Sverrir Tómasson 2006: 562-564.
9
þjóðhætti og daglegt líf á Íslandi á fyrstu öldum byggðar.“25
Því má draga þá ályktun að
lagasafn Grágásar skírskoti til gildandi reglna eða siða sem ríkjandi voru á þjóðveldisöld og
varpi þar með ljósi á stöðu og réttindi kvenna sem samkvæmt ýmsum lagaþáttum Grágásar
má túlka sem svo að hafi einskorðast mikið sökum kyns.
Í þeim fornum lögum Grágásar er að finna lagaákvæði sem veitir feðrum eða
bræðrum réttindi til að ráðstafa dætrum eða systrum í hjónaband eftir hentisemi. Í Festaþætti
Grágásar kemur fram feður eða bræður höfðu ákvörðunarvald um val á maka og aðeins ef
hvorugt fyrirfyndist mátti móðir fastna dóttir: ,,Þar aðeins fastnar kona konu.“26
Slíkar
ráðstafanir voru sem sagt yfirleitt í höndum feðra sem fyrst og fremst huguðu að því að
styrkja ætt sína sem m.a. var gert með það að markmiði að sameina tvær ættir og því voru
sonum líkt og dætrum oft ráðstafað í hjónaband til þess að sameiningin gæti átt sér stað. Þrátt
fyrir það er ekki að finna lagaákvæði um að feður hafi slíkan rétt yfir sonum sem er
andstæðan um rétt feðra yfir dætrum. Því leiddu ráðstafanir um hjónaband oftar en ekki til
þess að kona var neydd í hjónaband, enda ekki þörf á samþykki hennar.27
Fyrir kom að þörf var á samþykki konu til að ganga í hjónaband og þá aðeins ef konan
var ekkja og/eða fjárráða án föður og bróður, en samkvæmt Erfðaþætti Grágásar urðu konur
fjárráða eftir tvítugt ,,Mær á að taka arf þegar er hún er sextán vetra gömul og svo vöxtu á
sínu fé, en eigi varðveislu, hvorki síns fjár né annarra manna, og eigi ráða fyrir vistfari sínu
fyrr en hún er tvítug.“28
Þrátt fyrir að til væru lög er veittu ekkjum og fjárráða konum þann
kost að lifa lífi án karlmanns þá stóðu þær frammi fyrir erfiðleikum sökum kyns. Clover segir
í grein sinni Regardless of Sex: Men, Women, and Power in Early Northern Europe að
ágætlega efnaðar ekkjur og fjarráða konur hafi ekki staðið frammi fyrir hindrunum sökum
kyns vegna þess að samkvæmt Grágás gátu þær ráðið yfir eigin fé og landi sem og átt
goðorð.29
Orð Clover stangast þó á við aðra þætti Grágásar því þar kemur fram að konur gátu
ekki selt land sitt né sótt til sakar án lögráðanda.30
Lögráðandi er skilgreint sem ,,karlmaður
sem ræður fyrir ógiftri konu tvítugri eða eldri“.31
Konur áttu því brattann að sækja sökum
kyns og í raun má túlka sem svo að konur á tímum þjóðveldisaldar hafi í raun ekki verið
25
Gunnar Karlsson 1992: vii. 26
Grágás 1992: 109. 27
Jochens 1995: 27. 28
Grágás 1992: 51-52. 29
Clover 1993: 67. 30
Grágás 1992: 123, 191, 255 og 291. 31
Grágás 1992: 544.
10
sjálfstæðar því lagaleg staða þeirra kom í veg fyrir slíkt. Eftir að kona giftist réð eiginmaður
yfir fé þeirra og kaupum eins og segir í Grágás: ,,Það er samfarar hjóna eru, og skal hann ráða
fyrir fé þeirra og kaupum.“32
Sem ekkjur eða fjarráða konur þá urðu þær að hafa lögráðanda
og eins og fram kemur ‟réð„ hann fyrir ógiftri konu. Því var veik von fyrir ekkjur og fjarráða
konur að lifa án karlmanns.
Réttindi kvenna skorðuðust mikið á þjóðveldisöld vegna kyns og óhætt að segja að
konur á þeim tíma voru að mestu leyti háðar karlmönnum. Lagaákvæði sáu til þess að kona
gat aldrei án karlmanns verið því að baki hennar þurfti alltaf að standa karlmaður, ef ekki
faðir, bróðir eða eiginmaður þá lögráðandi. Lögin sáu til þess að viðhalda feðraveldinu og
halda stöðu kvenna óbreyttri enda voru það einungis karlmenn sem sátu í þeim sporum að
geta sett lög, konur máttu ekki fara með goðorð, sitja í dómi né bera vitni.33
Þjóðfélagið sem var að mestu karllægt gerði þó ráð fyrir að konur gegndu vissum
hlutverkum. Í Festaþætti Grágásar er að finna ákvæði um lagalega stöðu kvenna innan
hjónabands og þar segir ,,..ef hún á í búi með honum, þá á hún að ráða búráðum fyrir innan
stokk, ef hún vill, og smalanyt.34
Hér er konunni veitt viss völd og jafnframt sýnt fram á
mikilvægi hlutverks hennar innan hjónabandsins. Clover segir staða kvenna og karla sýna
fram á staðalímynd kynjanna á tímum miðalda sem sýni jafnframt fram á þá miklu andstæðu
sem lá í hlutverkum kynjanna. Karlmaðurinn tengdist því sem kalla má utan stokks svo sem
veiði, landbúnaði, smalamennsku, stjórnmálum og lögum. Konur aftur á móti tengdust því
sem er innan stokks eins og heimilishaldi, uppeldi og eldamennsku.35
Konur voru því ekki með öllu valdalausar þar sem töluvert vald fólst í því að ráða því
sem var innanstokks eins og yfirráð yfir mat og drykk sem í tilviki Guðrúnar Gjúkadóttur
reynist mikilvægt til að koma á hefndum, en vikið verður að því síðar í ritgerð þessari.
Fornleifafræði er einn af þeim þáttum sem stutt hafa þau viðhorf sem líst er hér að
ofan og þá sérstaklega um hlutverk kvenna á miðöldum. Í bók sinni Women in the Viking Age
nýtir Jesch m.a. fornleifafræði til að varpa ljósi á konur og stöðu þeirra á tímum víkinga. Þar
segir hún að til þess að greina í sundur hvort líkamsleifar séu af karlmanni eða konu megi
notast við tvenns konar nálganir. Annars vegar með því að rannsaka líkamsleifarnar og hins
vegar með því að skoða muni og hluti sem finna má í gröfinni.36
Ástæða þess að seinni
32
Grágás 1992: 123. 33
Grágás 1992: 371, 227 og 237. 34
Grágás 1992: 123. 35
Clover 1993: 63. 36
Jesch 1991: 13.
11
nálgunin á rétt á sér má rekja til þess að í gegnum tíðina hafa rannsóknir á líkamsleifum leitt
til þeirrar niðurstaða að grafir karlmanna innihalda yfirleitt vopn og skildi að einhverju tagi en
í gröfum kvenna er einna helst að finna klæði, skartgripi, heimilisáhöld sem og ýmis áhöld til
iðnaðar. Af þessu dregur Jesch þá ályktun að staða kvenna á miðöldum tengdist heimilishaldi
og athöfnum sem tilheyrðu því.
3.3 Fornar bókmenntir
Bókmenntapersónur í fornum sögum hafa að jafnaði nýst fræðimönnum við að tengja við
þjóðfélagsmynd þess tíma. Vitaskuld eru ýmis vandkvæði er fylgja því þá sérstaklega vegna
þess að um skáldskap er að ræða en talið er að í fornum bókmenntum, þá sérstaklega
Íslendingasögunum, leynast vísbendingar um siði, venjur og gildi í hinu miðaldasamfélagi
enda eru náin tengsl á milli hugmynda nútímamanna um miðaldasamfélag og þess samfélags
sem finna má í fornum bókmenntum.37
Íslendingasögur, fornaldarsögur og eddukvæði eru
meðal þeirra fornrita sem skipað hafa það hlutverk meðal fræðimanna að varpa ljósi á stöðu
og hlutverk kvenna á þjóðveldisöld enda litið svo á að í þeim endurspeglist viðhorf
sagnaritara til kvenna og þar með stöðu þeirra og hlutverk.
Í bók sinni Women in the Viking Age nýtir Jesch birtingarmynd Guðrúnar Gjúkadóttur
til að sýna fram á hvernig konur á tímum víkinga lentu gjarnan á milli steins og sleggju vegna
baráttu á milli karlmanna og hvaða afleiðingar slík staða hafði í för með sér. Jesch notar til
þessa einna helst Atlakviðu sem hún telur sýna hvað best þá stöðu sem Guðrún lendir í og
afleiðingar sem þeirri stöðu fylgdi.38
Hér er Jesch að sýna fram á þá erfiðleika og togstreitu
sem örsakaðist vegna erja á milli karlmanna sem í tilviki Guðrúnar leiddi til hrottalegra
hefnda. Jesch telur einnig birtingarmynd Guðrúnar varpa ljósi á hefndarskyldu kvenna og þær
aðstæður sem urðu til þess að konur tóku að sér hlutverk hefnarans, en vikið verður að því í
fjórða kafla.
Ekki þykir ástæða til að fjalla ítarlegra um þau áhrif sem miðaldabókmenntir hafa haft
á fræðimenn nútímans heldur bent á þá staðreynd að fræðimenn hafa notað bókmenntir
miðalda til að nálgast konur þess tíma og því er hægt að líta á sem svo að í birtingarmynd
Guðrúnar Gjúkadóttur liggi vísbendingar um stöðu miðalda kvenna og hlutverki þeirra á
miðöldum.
37
Jesch 1991: 4. 38
Jesch 1991: 144-147.
12
Þættirnir sem hérna hefur verið fjallað um varpa ljósi á fremur karllægt samfélag stjórnað af
karlmönnum. Konur áttu erfitt uppdráttar sökum kyns og voru að mestu leyti háðar
karlmönnum. Lagaákvæði sáu til þess að konur þurftu og reiddu sig á karlmenn. Túlka má
sem svo að konur voru karlmönnum óæðri og það viðhorf víða að finna í Grágás enda er í
flestum lagaákvæðum fjallað um réttindi mannsins, þ.e. karlmannsins. Sonurinn átti til að
mynda fyrsta réttinn t.d. var það sonur sem átti að taka arf eftir föður og móðir og þá dóttir.39
Faðir hafði afdráttarlausan rétt til að ráðstafa hjúskap dóttur sinnar og karlmenn réðu oftast
festum kvenna og ekki var þörf á samþykki þeirra nema í einstaka tilvikum. Þá var konum
einnig haldið frá lögum og lagasetningum og áttu þar með litla sem enga möguleika að breyta
lífskjörum sínum og réttindum. Af þessu má draga þá ályktun að staða kvenna snérist um
karlmenn og hlutverk þeirra var heimilið sem var því þeirra valdasess.
4 Yfirfærsla tryggðar, orðstír og hefndarskylda
Áður en farið verður yfir sögu Guðrúnar og samböndum hennar við eiginmenn, bræður og
syni gerð skil er mikilvægt að huga að þremur þáttum sem eru yfirfærsla tryggðar, orðstír og
hefndarskylda. Þessir þrír þættir eru mikilvægir í ævi bókmenntapersónunnar Guðrúnar og
útskýra gjörðir hennar sem og varpa ljósi á skyldurækni hennar. Tilgangur þessa kafla er í
fyrsta lagi að skilgreina hvað átt er við með yfirfærslu tryggðar sem skiptir miklu máli þegar
fjallað verður um sambönd Guðrúnar við bræður, eiginmenn og syni síðar í þessari ritgerð. Í
öðru lagi verður hér fjallað um hefndarskyldu og í þriðja lagi um orðstír sem skipta ekki síður
máli fyrir framgang þessarar ritgerðar þar sem slík viðhorf og félagsleg gildi endurspegla
viðhorf sem finna má á Íslandi á tímum þjóðveldisins sem og í því samfélagi sem Guðrún
tilheyrir og hafa jafnframt afgerandi áhrif á Guðrúnu og hennar gjörðir.
4.1 Yfirfærsla tryggðar
Í bók sinni Old Norse Images of Women setur Jenny Jochens fram kenningu um yfirfærslu
tryggðar. Kenningin miðar að því að konur myndi tryggð við blóðfjölskyldu sína sem
yfirfærist að jafnaði eftir giftingu til eiginmanns. Þegar konur giftust var tryggð þeirra í fyrstu
hjá bræðrum eða blóðfjölskyldu, en færðist svo í flestum tilvikum til eiginmannsins. Ástæðu
fyrir yfirfærslu tryggðar kvenna rekur Jochens til þeirrar staðreyndar að konur neyddust oft til
39
Grágás 1992:47.
13
þess að kveðja heimili sín eftir giftingu og flytja á heimili eiginmannsins, enda menn yfirleitt
bundnir jörð eða eignum feðra sinna. Þar af leiðandi hafi blóðtengslin rofnað og konur þurft
að mynda nýja tryggð við þá fjölskyldu eða til sinnar eigin fjölskyldu sem þær sköpuðu með
eiginmönnum sínum.40
Sú tryggð fól m.a. í sér verndartilfinningu á heiðri og virðingu hinnar
nýju fjölskyldu sem konum bar að vaka yfir og viðhalda.
4.2 Orðstír
Á þjóðveldisöld var orðstírinn í hávegum hafður og finna má vísbendingar um mikilvægi hans
í Íslendingasögum, fornaldarsögum og eddukvæðum. Mikilvægi orðstírsins kemur hvað einna
best fram í Hávamálum sem finna má Konungsbók eddukvæða og þar segir:
Deyr fé,
deyja frændur,
deyr sjálfur ið sama
en orstír
deyr aldregi
hveim er sér góðan getur.
Deyr fé,
deyja frændur,
deyr sjálfur ið sama.
Eg veit einn
að aldri deyr,
dómur um dauðan hvern.41
Þessi orð eru lögð í munn æðsta goðsins Óðins sem í senn má túlka sem svo að endurspegli
samfélagsleg gildi er ríktu í upphafi þjóðveldisaldar þegar hetjuhugsjónin var við völd. Hetjur
eins og þær birtast í eddukvæðunum eru hugdjarfar, sem fyrst og fremst huga að mannorði
sínu og líkt og bræður Guðrúnar hörfa aldrei undan bardaga. Bjarni Guðnason kemur svo til
orða að ,,Hetja er sá sem lætur ekki hafa sæmd af sér, þótt við ofurefli sé að etja og leggur
þar líf sitt við“.42
Af þessum má túlka sem svo að orðstírinn var hetjunni mikilvægara en lífið.
Til að viðhalda orðstírnum og þar með virðingu er honum fylgdi þá var það í hlutverki
kvenna að vaka yfir orðstírnum og hvetja eða egna menn sína til hefnda ef á hann væri sótt,
þ.e. að vernda heiðurinn innan frá. Hlutverk karlmannsins var hins vegar að gæta heiðursins
utan frá með því að hefna og verja.43
Það var sem sagt ekki í höndum kvenna að verja
40
Jochens 1996: 153. 41
Hávamál, erindi 76. Allar vitnanir í eddukvæði eru úr Eddukvæðum,1998, ekki verður vitnað í blaðsíðutal
heldur heiti kvæða og erindi. 42
Bjarni Guðnason 1990: 40. 43
Meulengracht-Sørensen 1993: 238.
14
orðstírinn heldur var það hlutverk þeirra að vakta yfir honum og hvetja menn til hefnda. Frá
þessari ábyrgðartilfinningu sem hver og einn hafði gagnvart orðstír sínum og heiðri er
hefndarskyldan sprottin, en ekki frá réttlætiskennd eða refsingu.44
4.3 Hefndir
Á þjóðveldistímanum var hefndin hér á landi ríkjandi siður og almennt við gildi.
Hefndarskyldan hafði hreiðrað um sig meðal almennings á þjóðveldisöld og slík skyldurækni
eins og Vilhjálmur Árnason kemst að orði var ,,inntak þeirrar sjálfsvirðingar sem er lífstaug
drengskaparins“.45
Hefndin var sem sagt sprottin út frá skoðunum manna um orðstír:
Hin forna, norræna lífsskoðun mat góðan orðstír, gott mannorð hæst af
öllum gæðum lífsins. Góður orðstír dó aldregi, allt annað, fé og
frændur, var hverfult. Þessa góða orðstírs varð maðurinn að afla sér
sjálfur með mannkostum sínum. Af þessari lífsskoðun spruttu hefndir
forfeðra vorra.46
Heimildir um hefndir á þjóðveldisöld hér á landi er einna helst að finna í lögum og sögum
þess tíma. Grágás skipar þar stóran sess og í henni er að finna mikinn og ítarlegan þátt er
nefnist Vígslóði sem sýnir fram á mikilvægi þess að festa efni hans í lög og útlista refsiverð
athæfi og viðurlög þeirra.47
Viðurlögin samkvæmt Grágás voru ýmist fjörbaugsgarður,
skóggangur eða manngjöld.48
Samkvæmt Grágás voru hefndir aðeins leyfilegar fyrir tilteknar misgerðir og þar með
stangast lög Grágásar á við þau viðhorf sem finna má í fornum sögum þjóðveldistímans en
samkvæmt þeim var talið rétt að hefna fyrir allar misgerðir.49
Ástæðuna fyrir mikilvægi
hefnda rekur Ólafur Lárusson til þess að Ísland byggðu víkingar sem voru bæði herskáir og
stórlátir menn sem ofar öllu huguðu að sæmd sinni og virðingu. Þegar þessir ágætu menn
stofnuðu hér þjóðfélag var það á þeirra herðum að verja réttindi sín og sinnar ættar enda
ekkert alsherjarvald að finna. Þetta leiddi til þess að menn gripu til sinna ráða ef á þá eða ætt
þeirra væri gengið og orðstír þeirra lagður að veði. Þar með var eðlileg þróun að hefndin festi
sig í sessi sem helsti þáttur réttarvörslunnar á þjóðveldisöld.50
44
Anderson 1970: 575. 45
Vilhjálmur Árnason 1985: 34. 46
Ólafur Lárusson 1958: 177. 47
Kristján Sveinsson og Gunnar Karlsson 1992: xx. 48
Samkvæmt Grágás þá þýddi fjörbaugsgarður þriggja ára útlegð úr landi, skóggangur var ævilöng útskúfun úr
samfélaginu og manngjöld voru bætur fyrir veginn mann. Grágás 1992: 209. 49
Ólafur Lárusson 1958: 173. 50
Ólafur Lárusson 1958: 174.
15
Hefndarskyldan var því skylda sem erfitt var að víkjast undan, því afleiðingarnar gátu
verið alvarlegar og þá sérstaklega er varðar drengskapinn og þar með orðstírinn. Orðstírinn
náði ekki aðeins til einstaklingsins því ekki var síður mikilvægt að halda uppi heiðri og sóma
ættarinnar. Litið var svo á að hefndin væri uppreisn fyrir hinn vegna. Ólafur Briem tekur svo
til orða: ,,Sá er var veginn var, hvíldi ekki með fullri sæmd í haug sínum eða gröf, fyrr en
hefndum hafði verið komið fram“.51
Þegar menn stóðu í þeirri stöðu að þurfa að hefna
ættmenna sinna eða vina var það ábyrgð þeirra að bregðast ekki þeirri skyldu en slíkt var
fyrirlitið, var mönnum til ósæmdar og gat kostað menn orðstírinn.52
Hefndin var því mönnum
viss kvöð þar sem þeir báru ábyrgð á sæmd hins látna og aðeins með hefnd gat sá látni hvílt í
friði. Það var því í höndum nánustu skyldmenna að framfylgja hefndinni, sonur hefndi vígi
föðurs, faðir hefndu vígi sonar.
Það var því í hlutverki karlmanna að fylgja hefndarskyldunni eftir en í hlutverk kvenna
að eggja menn til hefnda enda þeirra að vakta yfir heiðri ættarinnar. Í sögum þjóðveldistímans
eru þess greinileg merki að konur voru ósparar við að eggja menn sína til hefnda í stað þess að
þiggja manngjöld.53
Ástæðu þess rekur Clover til stöðu kvenna sem hún telur hafa verið slíka
að það var í þeirra hag að egna til hefnda frekar en að þiggja manngjöld. Þetta segir Clover
annars vegar sökum þess að manngjöld til kvenna voru mun minni en þau sem runnu til
karlmanna og hins vegar sökum þess að konur höfðu takmörkuð tækifæri til að njóta
manngjaldanna sökum kyns.54
Hefndin var karlmannsverk og er það viðhorf staðfest í Grágás en þar segir ,,Ef konur
klæðist karlaklæðum eða sker sér skör eða fer með vopn fyrir breytni sakir, það varðar
fjörbaugsgarð.“55
Með öðrum orðum þá áttu konur sem tóku í sínar hendur að hefna sekt yfir
höfði sér vegna slíks athæfis enda þurftu þær að grípa til vopna til þessa. Á þessu er þó að
finna undantekningu. Í Baugatali Grágásar er sagt:
Sú er og kona ein er bæði skal baugi bæta og baug taka, ef hún
er einberni, en sú kona heitir baugrýgur. En hún er dóttir hins
dauða, enda sé eigi skapþiggjandi til höfuðbaugs en bætendur
lifi, þá skal hún taka þrímerking sem sonur ef hún tók eigi
fullsætti að vígsbótum, til þess er hún er gift, enda skulu frændur
á lengur taka. Nú er hún dóttir veganda, en engi er skapbætandi
til höfuðbaugs, en viðtakendur sé til. Þá skal hún bæta
51
Ólafur Briem 1972: 36. 52
Ólafur Briem 1972: 29-30. 53
Ólafur Lárusson 1958: 170-171. 54
Clover 1985: 170. 55
Grágás 1992: 125.
16
þrímerkingi sem sonur, til þess er hún kemur í vers hvílu, en þá
kastar hún gjöldum í kné frændum.56
Þar með er gert ráð fyrir að konur í þessum sporum taki að sér hlutverk sonar og því
má túlka sem svo að þær geti ef þörf krefur gripið til vopna og fylgt hefndarskyldunni eftir
enda er hér sýnt fram á að í sérstökum tilvikum er gert ráð fyrir að konur setji sig í spor
karlmannsins og aðhafist. Þetta eins og áður kom fram er sú aðstaða sem Jesch segir verða til
þess að konur tóku að sér að hefna.
Þættirnir sem hér hefur verið fjallað um sýna hvað best tengslin á milli samfélagsins á
þjóðveldisöld og samfélagsins sem Guðrún tilheyrir. Lýsing Vésteins Ólasonar um
hetjusamfélagið sem Guðrún tilheyrir sýnir að samfélögin voru álíka og gildin þau sömu:
Þau afrek sem mest eru lofuð í hetjukvæðum eru hermennskudáðir,
og þær dyggðir sem þar varða mestu tengjast einnig samfélagi
stríðandi manna: líkamleg hreysti, vit og ráðsnilld, óttaleysi gagnvart
dauðanum, fullkomin trúnaður við höfðingja og félaga og
skilyrðislaus varðveisla eigin sæmdar og ættarinnar. Dyggðir
hetjualdar koma fram hjá konum eins og körlum, þótt þær eigi minni
hlut í vígaferlum. Þeim er annt um sæmd sína og ættarninna engu
síður en körlum og sýna einatt síst minni hefndarþorsta og
viljastyrk.57
Bæði samfélögin eru mjög svo karllæg þar sem hetjudáðir, hugprýði, orðstír og hefndir voru
dyggðir sem voru í hávegum hafðar. Lýsing Vésteins á ekki síður við það samfélag sem uppi
var á þjóðveldisöld og myndar þar með tengsl á milli skáldskaparpersónunnar Guðrúnar
Gjúkadóttur við raunheiminn sem mun síðar í ritgerð þessari gegna þeim tilgangi að sýna
fram á skyldurækni og hefndir Guðrúnar í ljósi slíkra dyggða.
5 Saga Guðrúnar
Þar sem saga Guðrúnar er ekki til í samfelldu máli þykir ástæða til að skrifa kafla um
söguþráð textana þar sem saga hennar er rakin og hvernig helstu persónur sem koma við sögu
tengjast henni. Til þess verður notast við söguþráð þann sem lesa má úr eddukvæðunum ásamt
56
Grágás 1992: 453. 57
Vésteinn Ólason 2006: 127.
17
því að notuð verða einstök atriði úr Völsunga sögu enda ber heimildunum ekki alltaf saman
um efni og söguþráð, en þetta eru almenntustu atriðin.
Saga Guðrúnar hefst þegar hún giftist Sigurði Fáfnisbana og eins og nafn hans gefur til
kynna þá er hann hvað þekktastur fyrir að hafa drepið drekann Fáfni og með því eignast allt
gull hans. Guðrún er dóttir Gjúka og Grímhildar og bræður hennar eru þeir Gunnar, Högni og
Gotþormur. Sigurður, Gunnar og Högni sórust bræðralagsböndum og í kjölfarið gekk
Sigurður að eiga Guðrúnu.
Dag einn að biður Gunnar Sigurð um að hjálpa sér að biðjast Brynhildar systur Atla
Húnakonungs. Sigurður verður við þeirri beiðni og fer með honum á hennar fund. Að biðja
Brynhildar reyndist þrautinni erfiðari þar sem vafurlogi lá um sal hennar.58
Gunnar gat ekki
riðið vafurlogann og Sigurður fór því í hans stað, dulbúinn sem Gunnar. Brynhildur og
Sigurður eru ekki að hittast hér í fyrsta sinn því Sigurður hafði áður riðið vafurlogann og lofað
sér Brynhildi, en sökum óminnisveigar sem Grímhildur móðir Guðrúnar hafði byrlað honum
man hann ekki eftir því að hafa lofast henni.
Brynhildi grunaði ekki að hér væri á ferð blekking og gekk því að eiga Gunnar.
Brynhildur komst þó fljótt að því að hún hafi verið blekkt. Hún komst að því að Sigurður hafi
verið með í þeim svikum og hann hafi í raun riðið vafurlogann. Hún leitaði því hefnda og
egndi Gunnar til þess að drepa Sigurð. Gunnar og Högni hvöttu þá Gotþorm til þess að drepa
Sigurð sem hann og gerði. Eftir dauða Sigurðar var Guðrún harmi þrungin en Brynhildur gat
ekki lifað án hans. Brynhildur bað þess að vera lögð á bál með Sigurði og lagði svo að sér
sverði og fylgdi Sigurði í dauðann.
Guðrún harmi sleginn yfir bæði dauða Sigurðar og svikum bræðra sinna hverfur á
brott. Hún fer og dvelst í Danmörku í sjö misseri þar sem hún saumar með Þóru dóttir Hákons
konungar. Móðir hennar, Grímhildur, fréttir af því hvar hún er niðurkomin og fer á hennar
fund. Ástæður fyrir komu Grímhildar er annars vegar fyrir hönd bræðra Guðrúnar sem bjóða
henni manngjöld fyrir víg Sigurðar og hins vegar til þess að fá Guðrúnu til að kvænast að
nýju. Guðrún þiggur hvorki bætur né vill hún giftast.
Grímhildur gefur Guðrúnu þá drykk sem veldur því að hún gleymir sökum þeim sem
hún á við bræður sína. Guðrún þráast samt enn við að giftast og Grímhildur hótar henni að ef
hún þiggi ekki að ganga að eiga Atla Húnakonung, bróðir Brynhildar, þá muni hún engan
mann fá. Guðrún sér sig þá tilneydda og samþykkir ráðahaginn. Guðrún varar móður sína við
58
Vafurlogi er eldveggur sem myndast utan um bústað ungrar meyjar og til þess að komast á hennar fund verður
hetjan að ríða vafurlogann, þ.e. komast í gegnum eða yfir logann. Simek 1993: 246.
18
þeim forlögum sem ráðahagurinn mun hafa í för með sér og segir henni að það muni leiða til
þess að bræður hennar verði drepnir. Þrátt fyrir aðvörunina þá er Guðrún gefin Atla.
Eftir að Atli gengur að eiga Guðrúnu og hún hefur þangað flutt býður Atli bræðrum
hennar í heimsókn þar sem hann hyggst drepa þá til þess að eignast það gull sem Sigurður átti.
Guðrún varar þá við en bræðurnir koma samt. Eftir að þeir koma til Atla gerist það sem
Guðrún spáði fyrir um og Atli drepur þá. Guðrún hyggur á hefndir fyrir bræður sína og
framkvæmir. Hefnd Guðrúnar var að drepa syni sína sem hún átti með Atla, blanda blóði
þeirra í mjöð og gefa Atla að drekka og steikja hjörtu þeirra og gefa Atla að borða. Guðrún
segir svo Atla hvað hann hafði lagt sér til munns og drepur hann. Guðrún kveikir því næst í
höll Atla og brennir alla sem þar voru.
Eftir þetta vill Guðrún ekki lifa og kastar sér í sjóinn til að stytta sér aldur en tekst ekki
til. Hana rekur á land þar sem Jónakur konungur býr og fær hann hennar. Þau eignast þrjá syni
og ala ásamt þeim upp dótturina Svanhildi sem Guðrún átti með Sigurði. Svanhildur er gefin
manni að nafni Jörmunrekur en hann lætur drepa Svanhildi vegna gruns um að hún hafi verið
honum ótrú. Guðrún bregst illa við þeim fréttum og egnir syni sína sem hún á með Jónakri til
að hefna hennar sem þeir og gera en við það deyja þeir. Guðrún situr þá ein eftir sinnar ættar
og lætur byggja sér bálköst og kallar á Sigurð til að sækja sig. Þar með endar saga hennar.
6 Skyldurækni og hefndir Guðrúnar
Hér á eftir verður hugað að skyldurækni Guðrúnar gagnvart þeim sem standa henni næst, sem
eru bræður hennar, eiginmenn og börn. Hugað verður sérstaklega að því hvað stendur að baki
hefnda hennar og af hverju og hvern hún telur þurfa að hefna, hvort sem það er hún sem
hefnir eða egnir. Til þessa verður sérstaklega hugað að samböndum Guðrúnar við bræður sína
þá Gunnar og Högna en Guðrún átti þrjá bræður, þá Gunnar, Högna og Gotþorm, nefndur
Guttormur í Snorra-Eddu og Völsunga sögu. Þar sem saga Gotþorms er stutt og hans aðeins
lítillega getið verður ekki hugað frekar að sambandi Guðrúnar við hann. Þess má þó geta að
Gotþormur er sá sem leggur sverði að Sigurði eftir áeggjun bræðra sinna og veitir honum
banamein, en áður en Sigurður deyr drepur hann Gotþorm og þar með er saga hans sögð. Þá
verður einnig hugað að samböndum hennar við eiginmenn og syni. Þessi sambönd verða
skoðuð með það að leiðarsljósi að sýna fram á skyldurækni hennar þar sem hugað verður
sérstaklega að Guðrúnu sem konu og skyldum hennar sem slíkri. Þar koma til afkastanna þau
19
atriði sem fjallað var um fyrr í þessari ritgerð þá sérstaklega samfélagsleg gildi, yfirfærsla
tryggðar, orðstír og hefndarskylda.
6.1 Guðrún og skyldurækni hennar við bræður og eiginmenn
Guðrún sem dóttir og systir er vogarafl fyrir fjölskylduna sem hægt er að ráðstafa í hjónaband
eftir hentisemi sem eins og áður kom fram var ákvörðun feðra eða bræðra. Slíkt
ráðstöfunarvald opnaði þann möguleika fyrir fjölskyldur að styrkja tengsl á milli tveggja ætta
eða eins og í tilviki Guðrúnar að tengja mikilmenni og gulli hans við ættina. Guðrún var gefin
Sigurði í þeim tilgangi að styrkja ætt Gjúka og rekur hún upphaf rauna sinna til þess ráðahags.
,,Mær var eg meyja,
móðir mig fæddi,
björt í búri,
unna eg vel bræðrum,
uns mig Gjúki
gulli reifði,
gulli reifði,
gaf Sigurði.59
Af þessu má túlka að Guðrún var ástkær systir og ást hennar endurgoldin þar til bræður
hennar drepa Sigurð en þá telur hún þá hafa fyrirgert þeirri ást: ,,Uns mér fyrirmundu / mínir
bræður“.60
Í Guðrúnarkviðu II eru viðbrögðum og tilfinningum Guðrúnar gagnvart bræðrum
hennar eftir að hafa uppgötvað aðild þeirra að dauða Sigurðar hvað best gerð skil. Guðrúnu
finnst hún vera svikin og er jafnframt forviða yfir því að hennar eigin bræður skuli valda
henni slíkum harmi ,,Hví þú mér, Högni, / harma slíka / viljalaussi / vil um segja?“ 61
Högni
svarar: ,,Þess áttu, Guðrún, / græti að fleiri / að hjarta mitt / hrafnar slíti.“62
Högni meinar með
þessu að ef hann yrði drepinn myndi harmur Guðrúnar aðeins aukast. Það má túlka sem svo
að Högni telur böndin á milli blóðfjölskyldu vega meira en böndin á milli eiginmanns og
eiginkonu og þrátt fyrir að hafa valdið systur sinni miklum harmi og böl þá sé á milli þeirra
órjúfanleg ættarbönd. Samkvæmt orðum Högna telur hann þessi bönd óslitin því þrátt fyrir að
hafa drepið Sigurð telur hann Guðrúnu muna harma dauða síns.
Í ljós kemur að systkinaböndin voru óslitin en þrátt fyrri það kennir Guðrún þeim
Gunnari og Högna í Guðrúnarkviðu I um að hafa valdið sér slíkri böl ,,valda megir Gjúka, /
59
Guðrúnarkviða II, erindi 1. 60
Guðrúnarkviða II, erindi 3. 61
Guðrúnarkviða II,erindi 9. 62
Guðrúnarkviða II,erindi 10.
20
valda megir Gjúka / mínu bölvi / og systur sinnar / sárum gráti“ 63
og í Broti af Sigurðarkviðu
varar hún Gunnar við hefndum:
Þá kvað það Guðrún
Gjúka dóttir:
,,Mjög mælir þú
miklar firnar.
Gramir hafir Gunnar,
götvað Sigurðar,
heiftgjarns hugar
hefnt skal verða.“64
Ólíkt því sem fram kemur í kvæðunum sem á eftir fara, þar sem Guðrún reynir að vara bræður
sína við svikum Atla og hefnir síðan dauða þeirra með hrottafengnum hætti, þá hótar hún
þeim hér hefndum. Guðrún er gott dæmi um konu sem er á milli steins og sleggju og veit ekki
hvar tryggð hennar á að liggja.65
Orð Guðrúnar sýna fram á að hún sé vís til hefnda og hafi
yfirfært tryggð sína frá blóðfjölskyldu yfir til eiginmanns síns Sigurðar sem er þó ekki raunin.
Ef Guðrún hafi í raun yfirfært tryggð sína til Sigurðar þá bæri henni að sjá til þess að
dauða hans yrði hefnt sem hún framfylgir ekki. Þess er þá að geta að í þýsku heimildunum
Niflungaljóði og Þiðreks sögu af Bern giftist Guðrún eða Kriemhildr Atla til þess að ná fram
hefndum og hefur í þeim heimildum yfirfært tryggð sína til Sigurðar. Ástæðu þess að hún
hefnir ekki dauða hans mætti útskýra með óminnisveigi þeim er hún er látin drekka í því skyni
að gleyma sökum þeim sem hún átti við bræður sína. Þá má einnig rekja hefndarleysi til þess
að yfirfærsla tryggðar hafi ekki átt sér stað eftir að Guðrún er gefinn Sigurði. Ástæðu þess að
yfirfærslan hafi ekki átt sér stað má rekja til þess að Guðrún flytur ekki að heiman þar sem
Sigurður sest að hjá fjölskyldu hennar og Guðrún hefur þar af leiðandi ekki fetað í spor þau
líkt og Jochens lýsir um yfirfærsluferlið. Guðrún nær að halda í bönd þau er hún hefur
myndað við bræður sína frá fæðingu og þótt þeir hafi sært hana með því að drepa mann
hennar eru bönd hennar og skyldurækni við bræður sterkari en þau sem hún hefur myndað við
Sigurð og því hefnir hún ekki dauða hans.
Þessa tryggð nýtir blóðfjölskylda Guðrúnar sér og leitast við að gefa hana að nýju sem
Guðrún neitar og þá sérstaklega að vera gefin Atla vitandi um þau forlög þess ráðahags.
Guðrún lætur undan að lokum og er gefin Atla. Glendinning setur fram þá kenningu að
Guðrún hafi í raun játast Atla til þess að hefna dauða Sigurðar þar sem hún veit hvað það
63
Guðrúnarkviða I, erindi 20. 64
Brot af Sigurðakviðu, erindi 10-11. 65
Borovsky 2002: 8; Jesch 1991: 144.
21
hjónaband leiðir til, þ.e. dauða bræðra sinna.66
Ástæðu þess að Guðrún hefnir síðan dauða
þeirra með því að drepa Atla og syni sína telur Glendinning megi rekja til þess að Guðrún
telur Atla deila ábyrgð á dauða Sigurðar og með því að drepa syni hans tvöfaldist hefndin
fyrir Sigurð.67
Glendinning virðist þó ekki taka tillit til þess að Guðrún þráast við að giftast Atla og
varar fjölskyldu sína jafnframt við þeim afleiðingum sem sá ráðahagur muni hafa í för með
sér. Þegar kona hyggur á hefndir líkt og Glendinning telur Guðrúnu hafa gert er undarlegt að
Guðrún segi hjónaband hennar og Atla gegn hennar vilja eins og kemur fram í Guðrúnarkviðu
II þar sem hún segir þann ráðahag jafnframt leiða til þess að bræður hennar og börn muni
deyja:
,,Þann mun eg kjósa
af konungum,
og þó af niðjum
nauðig hafa,
verður eigi mér
ver að yndi
né böl bræðra
að bura skjóli.“68
Eins og túlka má af orðum Guðrúnar þá er hún neydd í hjónaband af fjölskyldu sinni
og samþykir að giftast að nýju eftir að hafa verið hótað að ef hún gengi ekki að vilja þeirra um
að giftast þá fengi hún engan mann. Af hverju leiðir hótun um engan mann til þess að Guðrún
játast því að vera gefin Atla? Gísli Sigurðsson segir að ,,Kona sem ekki á sér mann sem varpar
á hana ljóma virðist hér vera lítils virði“.69
Í Guðrúnarkviðu I endurspeglast þetta viðhorf þar
sem Guðrún segir að án Sigurðar finnist henni hún vera lítilsvirði:
,,Svo var minn Sigurður
hjá sonum Gjúka
sem væri geirlaukur
úr grasi vaxinn,
eða væir bjartur steinn
á band dreginn,
jarknasteinn
yfir öðlingum.
Eg þótta og
þjóðans rekkum
hverri hærri
66
Glendinning 1983: 260-261. 67
Glendinning 1983: 261. 68
Guðrúnarkviða II, erindi 34. 69
Gísli Sigurðsson 1986: 143.
22
Herjans dísi;
nú em eg svo lítil
sem lauf sé
oft í jölstrum
að jöfur dauðan.70
Erindið sýnir hvað best þá stöðu sem Guðrún stendur í sem kona og þá í því samfélagi sem
hún tilheyrir. Að hennar mati virðast konur ekki hafa verið metnar nema út frá dýrðum og
gjörðum eiginmannsins. Guðrún er því fórnarlamb karlaveldis þar sem hugmyndir sem þessar
eru sprottnar úr. Hún hefur einnig skyldum að gegna gagnvart fjölskyldu sinni og sem
einsetukona, þ.e. án eignmanns, getur hún ekki gengt skyldu sinni að varpa sóma og sæmd á
fjölskyldu sína. Gísli Sigurðsson segir jafnframt að eina leiðin fyrir Guðrúnu til þess að njóta
þeirrar virðingar sem ætt hennar sæmir og sem ætt hennar ætlast til af henni er að hún giftist.71
Helga Kress segir að „Þær máttugu meyjar sem koma fyrir í íslenskum
fornbókmenntum eru ekki frjálsar, en þær eru sterkar, og styrkur þeirra felst einmitt í því að
þær neita að láta kúga sig.......og er það jafnframt einn helsti drifkraftur þeirra.“72
Guðrún
sýnir það og sannar að hún er sterk þegar hún hefnir bræðra sinna og drepur Atla, en kúguð er
hún. Hún er kúguð af fjölskyldu sinni sem neyðir hana til þess að giftast, í Völsunga sögu með
hótun um engan mann og í eddukvæðunum með því að vera byrlað óminnisdrykk til þess að
hlýða. Konum bar að hlýða og því giftist húna Atla enda veitir samfélagið sem hún býr í
konum hvorki valfrelsi né svigrúm til að blómstra án karlmanns.
Guðrún er því gefin Atla. Guðrún flytur til Atla sem verður til þess að forlögin
rætast.73
Atli boðar þá Gunnar og Högna á fund sinn og Guðrún reynir að vara þá bræður við.
Allt kemur fyrir ekki og þeir bræður koma á fund Atla. Í Atlamálum hefst bardagi á milli
Gjúka og Húna og þegar Guðrún heyrir að bræður hennar berjast fyrir utan höllina eru
viðbrögð hennar mikil:
Ötul var þá Guðrún
er hún ekka heyrði,
hlaðin hálsmenjum
hreytti hún þeim gervöllum,
slöngdi svo silfri
að í sundur hrutu baugar.74
70
Guðrúnarkviða I, erindi 18 og 19. 71
Gísli Sigurðsson 1986: 143. 72
Helga Kress 1993: 12. 73
Forlagatrú felur í sér þann eiginleika að sá sem á hana trúir, telur að um óhjákvæmilega atburði sé að ræða og
þetta séu í raun örlög manna og ekki hægt að breyta þeim. 74
Atlamál in Grænlensku, erindi 44. Hér eftir verður vitnað til þessa kvæðis sem Atlamál.
23
Guðrún kastar hér af sér hlutverki sínu sem eiginkona og sýnir að hún tekur blóðbönd fram
yfir eiginmann enda liggur tryggð hennar hjá bræðrum hennar sem hún sýnir og sannar þegar
hún gengur út og berst með bræðrum sínum, drepur syni sína og Atla og drepur Atla.
Hjónaband Guðrúnar og Atla má segja hrekja þá kenningu sem Jochens setur um
yfirfærslu tryggðar. Þegar Guðrún er gefin Atla þá flytur hún á heimili hans og fjarlægðist þar
með blóðfjölskyldu sína og ætti samkvæmt því að yfirfæra tryggð sína til hans. En af hverju á
yfirfærslan sér ekki stað? Í ljósi þess að Guðrún er tilneydd í hjónaband má færa fyrir því rök
að Guðrún þráast við að mynda náin tengsl við Atla og yfirfærir því ekki tryggð sína til hans.
Hún sinnir sínum skyldum sem eiginkona, á með honum börn og tekur að sér hlutverk
húsfreyjunnar en tryggð hennar liggur hjá blóðfjölskyldu hennar.
Þar sem tryggð Guðrúnar liggur hjá blóðfjölskyldu sinni og þar með bræðrum hennar
þá er það henni eðlislægt að uppfylla skyldurækni sína gagnvart bræðrum sínum þegar þeir
eru drepnir. Þegar Atli hefur drepið þá bræður stendur Guðrún ein eftir sinnar ættar og sér sig
knúna til að leita hefnda. Hér stendur Guðrún í þeim sporum að vera ein eftir sinnar ættar og
veit að það er í hennar höndum að hefna vígi bræðra sinna til að endurheimta reisn þeirra og
sóma sem útskýrir af hverju hún drepur syni sína og Atla, vikið verður nánar að því hér á eftir.
En hvers vegna drepur Guðrún Atla? Var það til að hefna bræðra sinna eða til að endurheimta
heiður sinn sem Atli lagði að veði með því að saka hana um hjúskaparbrot?
Í Guðrúnarkviðu III er að finna atburð sem á sér stað eftir að Alti hefur drepið bræður
Guðrúnar. Þess ber þó að geta að söguþráðurinn í Guðrúnarkviðu III stangast á við söguþráð
Atlakviðu og Atlamála. Í Guðrúnarkviðu III drepur Guðrún ekki Atla þrátt fyrir að hann hafi
drepið bræður hennar og hvergi kemur fram að hún muni drepa hann. Þá er heldur ekki minnst
á atburði úr Guðrúnarkviðu III í Atlamálum né Atlakviðu.
Kviðan fjallar um það þegar Herkja, frilla Atla Húnakonungs, sakar Guðrúnu um að
hafa sængað hjá Þjóðreki. Atli ber það undir Guðrúnu sem hreinsar sig sökum með því að taka
steina úr sjóðandi vatni án þess að brenna. Herkja er látin gera slíkt hið sama en brennur öll og
er leidd ,,í mýri fúla“.75
Guðrún hefur þrátt fyrir að hafa sýnt fram á sakleysi sitt hlotið mikinn
skaða af þessum rógburð. Bæði vegna þess að Atli tekur orð frillu sinnar fram yfir orð konu
sinnar og vegna þess að Guðrún áttar sig á því að nú eftir lát Gunnars og Högna á hún engan
sér til varnar eða hefndar fyrir þá lítilsvirðingu sem hún hefur hlotið. Guðrún áttar sig á því að
hún stendur ein á báti. Guðrún segir við Atla ,,hrinktu mig að bræðrum / og að brynjuðum, /
75
Guðrúnarkviða III, erindi 11.
24
hrinktu mig að öllum / á höfuðniðjum.“76
Atli hefur hér ekki bara drepið bræður hennar heldur
séð til þess að Guðrún hefur misst helstu ættingja sína sem gætu hefnt þeirrar svívirðingar sem
Atli hefur sýnt henni.
Atli hefur bæði lagt heiður Guðrúnar að veði og sýnt fram á að hún er ekki meira
metin en frilla. Guðrún á því mikla harma að hefna, hún segir sjálf ,,sverði myndi Högni /
slíks harms reka“ og segir jafnframt ,,nú verð eg sjálf fyr mig / synja lýta.“77
Það er því
Guðrúnar að verja orðstír sinn sem Alti hefur lagt að veði og gefur henni tilefni til þess að
drepa Atla. Túlka má því sem svo að Guðrún drepi Atla til að verja orðstír sinn. Gísli
Sigurðsson segir ,,Guðrún er ekki að hefna bræðra sinna þegar hún drepur Atla. Hún er að ná
sér niðri á honum eftir þá svívirðu sem hann gerði henni þegar hann lét hana sverja sig
saklausa af framhjáhaldi í augsýn 700 manns“.78
Ólafur Briem segir í kafla sínum um lífsskoðanir að flestar deilur á miðöldum,
sérstaklega á Íslandi, megi rekja til særðrar sómatilfinningar því án sæmdar eða góðs orðspors
væri lífið lítils virði.79
Anderson tekur í sömu strengi og segir heiðurinn á tímum miðalda hafa
verið eins mikilvægan og daglegt brauð.80
Það var, eins og áður hefur komið fram, mönnum
eðlislægt að verja heiðurinn og hefna ef á hann væri gengið og berjast til þess að eins að halda
í hann. Guðrún gengur því við þeim gildum og endurheimtar reisn sína með því að drepa Atla.
Hér eru bein tengsl að finna á milli samfélagsins sem Guðrún tilheyrir og samfélagsins á
þjóðveldisöld þar sem í báðum eru þau gildi ríkjandi að verja heiðurinn og hefna ef á hann er
gengið.
6.2 Guðrún og synir hennar og Atla
Þegar bræður Guðrúnar hafa verið drepnir stendur hún í þeim sporum að vera ein eftir sinnar
ættar og því sú eina sem gat séð til þess að bræður hennar gætu hvílt með sæmd. Í þeim
tilvikum þegar kona stóð ein eftir sinnar ættar þá féll það samkvæmt siðum og gildum
samfélagsins í hendur kvenna að koma á hefndum og taka að sér hlutverk sonarins. Clover
kemur að því í grein sinni að regla um karlmennskuarfleiðina hafi verið það sterk að þegar
kona var síðust sinna systkina, þ.e. án bræðra, varð hún að taka sér stöðu sem virkur sonur og
76
Guðrúnarkviða III, erindi 5. 77
Guðrúnarkviða III, erindi 8. 78
Gísli Sigurðsson 1986: 151. 79
Ólafur Briem 1972: 32-33 80
Anderson 1970: 576.
25
hafi til þessa klætt sig og borið vopn líkt og menn.81
Clover er hér að tala bæði um samfélag
sem finna má í forn bókmenntum sem og í forn Evrópsku samfélagi.
Það var því skylda Guðrúnar að hefna víg bræðra sinna og til þessa ákveður Guðrún að
drepa syni sína og Atla. Með því að drepa þá sér Guðrún til þess að Atli standi í sömu sporum
og Guðrún, ættlaus og án vonar um að sín verði hefnt. Þar með kemur Guðrún einnig í veg
fyrir að synir hennar muni seinna ganga gegn henni fyrir að hafa drepið föður þeirra, sem var
samkvæmt hefðum og gildum á þjóðveldisöld skylda sona.
Með það í huga áttar Guðrún sig á því að synir hennar og Atla eru fyrst og fremst
karlmenn og skylda þeirra til að hefna vígi föður síns jafnmikil og skylda hennar til að hefna
bræðra sinna. Guðrún sem nú stendur í slíkum sporum gerir sér grein fyrir því að synir hennar
muni einn daginn þurfa að hefna föður síns, sem var staðalgildi í því samfélagi sem hún
tilheyrir. Þar af leiðandi urðu synir þeirra hjóna að deyja.
En hvað veldur því að móðir geti afsalað sér móðurástinni líkt og Guðrún gerir til þess
eins að hefna? Jochens telur að túlka megi hefnd Guðrúnar þannig að þegar kona þurfti að
hefna dauða bræðra sinna með því að drepa eiginmann sinn varð hún einnig að fórna börnum
sínum til þess að koma eiginmanninum í skilning um að nú væri öll von úti um að hans yrði
hefnt. Guðrún hafi því verið tilneydd til að þagga niður móðurást sína.82
Sonarmorðin sýna þó
fram á mun meira en þöggun móðurástar því atburðir í kjölfar morðanna eru hrottalegir ef
ekki ofsalegir.
Clark segir að hefnd Guðrúnar í Atlamálum megi rekja til meinfýsi frekar en til neyðar
og segir Atlamál sýna fram á grimmd Guðrúnar og jafnframt iðrunarleysi hennar þegar hún og
Atli rífast eftir sonarmorðin og átið.83
Þá sitja þau saman og það eina sem kemst að er hatur
þeirra til hvors annars og allt annað virðist hafa gleymst.
Sátu samtýnis,
sendust fárhugi,
hendust heiftyrði,
hvortki sér undi.84
Skoðanir Clark um sonarmorðin ganga því út frá því að Guðrún hafi í raun drepið syni Atla
vegna andstyggðar sinnar á honum sem jafnframt gæti útskýrt ofsa og skerandi heift hefnda
hennar.
81
Clover 1986: 39 og 45. 82
Jochens 1996: 140. 83
Clark 2005: 188-189. 84
Atlamál, erindi 90.
26
Í Atlamálum kallar Guðrún syni sína til sín og segir þeim að hún ætli að forða þeim frá
elli:
Lokkaði hún litla
og lagði við stokki,
glúpnuðu grimmir
og grétu þeygi,
fóru í faðm móður,
fréttu hvað skyldi.
,,Spyrjið lítt eftir,
spilla ætla eg báðum,
lyst vorumk þess lengi
að lyfja ykkur elli.“ 85
Þá svara synirnir fyrir sig og vara móðir sína við að það muni vera skammvin sefjun á reiði
hennar.
,,Blót sem vilt börnum,
bannar það manngi,
skömm mun ró reiði
ef þú reynir gerva.“86
Kvæðin sem þarna fara eru átakanleg og sýna fram á grimmd og ofsa Guðrúnar og þar með á
skerandi heift hefnda hennar því Guðrún drepur ekki bara syni sína, heldur býr til
drykkjarföng úr höfuðkúpu þeirra, blandar blóði þeirra í mjöð og gefur Atla að drekka:
Mága hefir þú þinna
misst, sem þú síst skyldir,
hausa veist þú þeirra
hafða að ölskálum,
drýgða eg þér svo drykkju,
dreyra blett eg þeirra.87
Hún eldar líka hjörtu þeirra: ,,Tók eg þeirra hjörtu / og á teini steiktag,“88
og gefur Atla og
viðstöddum að borða. Þar með sýnir hún eins og áður kom fram að viss völd láu í því að ráða
yfir því sem var innanstokks. Helga Kress kemur svo til orða að ,,Með þessu sýnir hún
kvenlegt vald sitt“.89
Helga er hér að vitna í að með því að drepa syni sína og gera að líkum
þeirra sýni hún fram á valdasess sinn sem henni hefur hlotnast og þá vegna kynferðis. Í tilviki
Guðrúnar þá réð hún yfir matargerð og borðhaldi sem gerði henni kleift að gera að líkum sona
sinna og nota leifar þeirra í matargerð. Guðrún hefur sem sagt ekki bara drepið drengina
85
Atlamál, erindi 76-77. 86
Atlamál, erindi 78. 87
Atlamál, erindi 83. 88
Atlamál, erindi 84. 89
Helga Kress 1993: 89.
27
heldur unnið úr líkum þeirra líkt og þeir væru ekkert annað en lambaskrokkar sem mætti túlka
sem svo að skírskoti til þess hlutverks sem konur höfðu í því samfélagi sem Guðrún tilheyrir,
þ.e. konur réðu yfir því sem er innanstokks rétt eins og raunverulegar konur samkvæmt
Grágás á þjóðveldisöld.
Í Atlakviðu er ekki fjallað jafn ítarlega um sonarmorðin og í Atlamálum. Í Atlakviðu
ólíkt Atlamálum upplýsir Guðrún Atla og öðrum viðstöddum hvaða kjöt hafi verið á
boðstólum, þ.e. kjöt þeirra Erps og Eitils. Þá má heyra kveinstafi allra viðstaddra en Guðrún
grætur ekki. Hún er óbuguð í hefnd sinni sem sýnir fram á styrk hennar.
Ymur varð á bekkjum,
afkár söngur virða,
gnýr und guðvefjum,
grétu börn Húna.
Nema ein Guðrún
er hún æva grét
bræður sína berharða
og buri svása,
unga, ófróða
þá er hún við Atla gat.90
Guðrúnar stærir sig einnig af gjörðum sínum.
,,Sona hefir þinna,
sverða deilir,
hjörtu hrædreyrug
við hunang of tuggin,
melta knáttu móðugur
manna valbrúðir,
eta að ölkrásum
og í öndugi að senda.
Kallar-a-ðu síðan
til knjáa þinna
Erp né Eitil,
ölreifa tvo,
sér-a-ðu síðan
í seti miðju
gulls miðlendur
geira skefta,
manar meita
né mara keyra.“91
90
Atlakviða, erindi 40. 91
Atlakviða, erindi 38-39.
28
Þrátt fyrir að birtingarmynd Guðrúnar í Atlakviðu og Atlamálum sé af hrikalegri konu
hæfri til ódáðaverka þá má einnig finna aðdáun um hefndir hennar og atferli enda falla hetjur
undir annan mælakvarða en dauðlegir menn. Í lok Atlakviðu stendur:
Fullrætt er um þetta,
fer engi svo síðan
brúður í brynju
bræðra að hefna.
Hún hefir þriggja
þjóðkonunga
banorð borið,
björt, áður sylti.92
Ljóðskáldið lýsir hér aðdáun á viðbrögðum Guðrúnar og lofar tryggð hennar við bræður sína
og því að hún gekkst við þeim samfélagslegum viðmiðum um tryggð og hefndarskyldu og vék
aldrei frá hlutverki sínu sem systir og þeim kvöðum sem því hlutverki fylgdi. Hann segir
jafnframt að hegðun hennar sé einsdæmi þar sem enginn feti í spor hennar í hefndum, enda
hefnd hennar sú hrottalegasta sem hugsast getur.
6.3 Guðrún og synir hennar og Jónakurs
Guðrún er ekki bara sú sem hefnir heldur einnig sú sem egnir. Fyrri hluti Guðrúnarhvatar og
fyrri hluti Hamdismála fjalla að mestu um það sama og segir þar frá því þegar Guðrún egnir
syni sína til að hefna Svanhildar systur þeirra. Hamdir segir við móður sína að hún hafi illa af
ráði sínu farið þegar hún myrti syni sína og Atla því ef þeir lifðu gætu allir bræðurnir farið og
hefnt dauða Svanhildar. Guðrún hlær við þessu og sækir stríðsbúnað þeirra. Áður en þeir fara
þá sakar Hamdir Guðrúnu um ófarir þeirra bræðra þar sem hún sendir þá út í dauðann og segir
að hún geti nú drukkið erfi allra barna sinna. Jochens segir að túlka má eggjun Guðrúnar sem
svo að hún taki dóttur sína og Sigurðar fram yfir afkvæmi sín og Jónakurs.93
Í ljósi þeirra hrottafengnu hefnda Guðrúnar fyrir dauða bræðra sinna þá má einnig
túlka sem svo að með því að egna syni sína til hefnda þá sýni hún hversu trúföst hún er
gagnvart hefndarskyldunni og er fyrir tilskili hennar tilbúin að senda syni sína í dauðann til að
hefna Svanhildar. Þrátt fyrir að það leiði þá í dauðann telur Guðrún það skyldu þeirra þar sem
þeir verða að fara eftir þeim hefðum sem samfélagið hefur sett er varðar hefndir og þá einnig
til að viðhalda í orðstír þann er ætt hennar fylgir. Í Guðrúnarhvöt ber Guðrún syni sína saman
92
Atlakviða, erindi 45. 93
Jochens 1996: 147.
29
við bræður sína og segir að þeir séu komnir af stórhuguðum mönnum og beri að feta í spor
þeirra sem ekki myndu hika við að leita hefnda.
Urðu-a ið glíkir
þeim Gunnari
né in heldur hugðir
sem var Högni,
hennar mynduð ið
hefna leita
ef ið móð ættið
minn bræðra
eða harðan hug
Húnkonunga.94
Þegar Guðrún hefur hefnt bræðra sinna, fórnað sonum sínum, drepið Atla og hirð hans,
misst dóttur sína og sent syni sína út í rauðann dauðann er hún tilbúin til að deyja. Guðrún
rekur harma sína og segir frá þeim mönnum sem hún var gefinn, þeim Sigurði, Atla og
Jónakri. Þá segir hún ,,einn var mér Sigurður / öllum betri“.95
Hún elskaði aðeins Sigurð og
vill nú vitja hans. Guðrún lætur hlaða upp bálköst sem hún ætlar sér að brenna á og segir:
Minnstu, Sigurður,
hvað við mæltum,
þá er við á beð
bæði sátum,
að þú myndir mín,
móðugur, vitja,
halur, út helju,
en eg þín úr heimi.
Hlaðið ér, jarlar,
eikiköstinn,
látið þann und hilmi
hæstan verða,
megi brenna brjóst
bölvafullt
eldur um hjarta,
þiðni sorgir.“96
Hún kallar á Sigurð , manninn sem hún elskaði, og biður hann að vitja sín eins og þau höfðu
mælst um áður en hann dó. Orð Guðrúnar sýna fram á að hún hafi þurft að fylla hjarta sitt af
böl og harmi sem eru afleiðingar hefndar og skyldurækni hennar sem rekja má til
hetjuhugsjónarinnar og samfélagslegrar hefða og gilda. En nú þegar eldur mun umlykja hana
94
Guðrúnarhvöt, erindi 3. 95
Guðrúnarhvöt, erindi 10. 96
Guðrúnarhvöt, erindi 19-20.
30
vonar hún að minningar um gjörðir sínar og harma brenni burt og hún geti enn á ný verið
hamingjusöm í faðmi Sigurðar.
10 Lokaorð
Birtingarmynd Guðrúnar er sú af konu er býr yfir miklum styrk og fylgir gildum og siðum
samfélagsins sem hún tilheyrir sem ekki eru ólík þeim er fyrirfinnast í samfélagi
þjóðveldisins. Guðrún á um margt sameiginlegt með kynsystrum sínum á þjóðveldisöld.
Henni er ráðstafað í hjónaband, fyrst gefin Sigurði og þá Atla sem hún neitar að giftast en
neyðist til engu að síður. Sá ráðahagur endurspeglar lög Grágásar um vald það er feður og
bræður höfðu yfir dætrum og systrum. Guðrún líkt og konur á þjóðveldisöld var vogarafl fyrir
fjölskylduna sem hægt var að ráðstafa eftir hentisemi og sem kona hafði ekki rétt til þess að
neita.
Guðrún hlýðir tilskipunum ættmenna sinna, stundum með mótþróa, og uppfyllir
jafnframt skyldur sínar sem eiginkona. Í hjónabandi sínu með Atla sem hún neyðist til að
giftast uppfyllir hún skyldu sína með því að eiga með honum börn. Þessa skyldu uppfyllir hún
líka með Jónakri og eignast með honum þrjá syni. Í þeim sporum stendur Guðrún ekki lengur
í þeim sporum að þurfa hefna heldur er hún sú sem þarf að egna. Hún sendir syni sína til að
hefna dauða systur þeirra og tekur að sér skyldu sína til þess að egna, þ.e. hún stendur vörð
um heiður fjölskyldunnar og egnir til hefnda þegar á hann er gengið. Jafnvel þó hún viti að
með því að senda syni sína til að hefna Svanhildar þá standi hún ein eftir sinnar ættar gegnir
Guðrún skyldu sinni sem sýnir fram á styrk hennar og trúfestu í að fylgja hefðum og siðum
samfélagsins sem hún gerir af skerandi heift.
Í samfélagi þjóðveldisaldar var hefndarskylda ríkjandi þáttur, í hávegum höfð og
mikilvægur þáttur í lífi fólks og á það ekki síður við um það samfélag sem Guðrún tilheyrir.
Guðrún tekur hefndarskylduna alvarlega, sem hún sýnir og sannar þegar hún hefnir bræðra
sinna með því að fórna sonum sínum og drepur þar að auki eiginmann sinn Atla, sem stóð að
falli bræðra hennar. Hún heldur tryggð við blóðfjölskyldu sína og sem eini eftirlifandi ættingi
tekur hún á sig hefndarskylduna og sér til þess að heiður og orðstír fjölskyldu hennar haldist
óbreyttir.
Í Grágás er sagt að ef kona stendur ein eftir sinnar ættar væri það í hennar hlutverki að
taka að sér skyldur sonarins. Þetta eru nákvæmlega þau spor sem Guðrún finnur sig í þegar
Atli hefur drepið bræður hennar. Guðrún skilur hvað það er sem hún þarf að gera og
31
framkvæmir eina heiftarlegustu hefnd sem finna má þó víðar væri leitað. Í hefnd sinni sýnir
Guðrún fram á valdasess sinn sem er heimilishald, þá sérstaklega yfirráð yfir mat og drykk
sem samkvæmt Grágás var í hlutverki giftra kvenna að stjórna. Guðrún nýtir sér
yfirráðssvæði sitt til þess að gera hefnd sína enn meiri því í skjóli heimilisins gerir hún að
líkum sona sinna, eldar og gefur Atla og viðstöddum að borða. Þar með er hefnd Guðrúnar
fyrir víg bræðra hennar gerð stórfengleg ef ekki óhefluð og hrottaleg. Guðrún í því ljósi birtist
lesendum sem siðlaus og miskunnarlaus.
Goðhetjur líkt og Guðrún falla þó ekki að sömu siðareglum og dauðlegir menn og þar
af leiðandi erfitt að láta þann dóm falla að Guðrún sé siðlaus. Það þarf að gæta þess að falla
ekki í þá gryfju að dæma goðsagnarhetjur eins og Guðrúnu út frá eigin siðferðismati né í
samanburði við raunverulega menn. Persónu hennar þarf að nálgast með tilliti til hennar
bókmenntalega heims og þeim veruleika sem þar er að finna.97
Hetjur eins og Guðrún bera
heiti sitt vegna þess að þær voru stærri í sniðum og sterkari en hinn raunverulegi maður, þær
lútu ósveigjanlegu siðalögmáli og orðstír þeirra var verðmætari en lífið sjálft og því fyrirgerðu
þær líf sitt honum til verndar.98
Því má ætla að afrek hetjanna sé meiri og gjörðir þeirra stærri
í sniðum.
Birtingarmynd Guðrúnar þó tilkomumikil sýnir að í persónu hennar eru að finna
vísbendingar sem endurspegla raunveruleika samfélagsins á ritunartíma sögu hennar sem var
á þjóðveldisöld. Guðrún var kona í karllægu samfélagi og skorðaðist því líkt og kynsystur
hennar á þjóðveldisöld sökum kynferðis. Í Atlamálum eru að finna orð Guðrúnar, eftir að Atli
hefur drepið bræður hennar og rétt áður en hún hefnir vígi þeirra, þar sem hún segir ,,Kostum
drepur kvenna / karla ofríki,“.99
Þar með sýnir hún fram á að vegna þeirra stöðu sem hún
stendur í og þá sem kona neyðist hún til þess að aðhafast. Hún þarf að stöðva
karlmennskuarfleiðina og neyðist til þess að hefna sem og stöðva arftaka Atla. Þar af leiðandi
er eini kosturinn fyrir Guðrúnu í ljósi þessa karlaveldis að þagga niður móðurást sína og drepa
sína eigin syni.
97
Vilhjálmur Árnason 1985: 22. 98
Vésteinn Ólason 2006: 125. 99
Atlamál, erindi 71.
32
Heimildaskrá
Anderson, Theodore M. 1970. ,,The Displacement of the Heroic Ideal in the Family Sagas.“
Speculum, 49, bls. 575-593. Medieval Academy of America, Cambridge.
Anderson, Theodore M. 1999. ,,Goðafræði eða sagnfræði?“ Heiðin minni: Greinar um fornar
bókmenntir, bls. 91-101. Ármann Jakobsson íslenskaði. Heimskringlan Háskólaforlag
Máls og menningar, Reykjavík.
Árni Björnsson. 1975. Formáli. Snorra Edda, bls.v-xvi. Árni Björnsson bjó til prentun.
Iðunn, Reykjavík.
Bjarni Guðnason. 1990. ,,Hetjur Íslendingasagna“. Yrkja: Afmælisrit til Vigdísar
Finnbogadóttur 15. apríl 1990, bls. 37-4 6. Ritstj. Heimir Pálsson, Jónas Kristjánsson,
Njörður P. Njarvík og Sigríður Th. Erlendsdóttir. Iðunn, Reykjavík.
Borovsky, Zoe. 2002. ,,“En hon er blandin mjök”:Women and Insults in Old Norse
Literature.“ Cold Counsel: Women in Old Norse Literature and Mythology, A
Collection of Essays, bls. 1-14. Ritstj. Sarah M. Anderson með Karen Swenson.
Routledge, New York og London.
Clark, David. 2005. ,,Undermining and En-Gendering Vengeance: Distancing and Anti-
Feminism in the Poetic Edda.“ Scanidanavian Studies, bls. 173-200. Society for the
Advancement of Scandinavian Study, Easton.
Clover, Carol J. 1985. ,,Cold are the Counsels of Women: The Tradition Behind the
Tradition.“ The Sixth International Saga Conference 28.7.-2.8. 1985: Workshop
Papers I, bls. 151-175. Det arnamagnæanske Institut Københavns Universitet,
København.
Clover, Carol J. 1986. ,,Maiden Warriors and Other Sons.“ Journal of English and Germanic
Philology, bls. 35-49. Illinois.
Clover, Carol J. 1993 ,,Regardless of Sex: Men, Women, and Power in Early Northern
Europe.“ Studying Medieval Women, bls. 61-85. Ritstj. Nancy F. Partner. The
Medieval Academy og America, Cambridge.
Eddukvæði. 1998. Gísli Sigurðsson sá um útgáfuna. Mál og menning, Reykjavík.
Einar Ól. Sveinsson. 1962. Íslenzkar bókmenntir í fornöld. Almenna bókafélagið,
Reykjavík.
Gísli Sigurðsson. 1986. ,,Ástir og útsaumur: Umhverfi og kvenleg einkenni hetjukvæða
Eddu“. Skírnir, tímarit hins Íslenska bókmenntafélags, bls. 126-52. Ritstj. Kristján
33
Karlsson og Sigurður Líndal. Hið Íslenska bókmenntafélag, Reykjavík.
Gísli Sigurðsson. 1998a. Inngangur. Eddukvæði, bls. ix-li. Gísli Sigurðsson sá um útgáfuna.
Mál og menning, Reykjavík.
Gísli Sigurðsson. 1998b. Skýringar. Eddukvæði. Gísli Sigurðsson sá um útgáfuna.
Mál og menning, Reykjavík.
Glendinning, Robert J. 1983. ,,Guðrúnarqviða forna: A Reconstruction and Interpretation.“
Edda : A Collection of Essays. Ritstj. Robert J. Glendinning og Haraldur Bessason.
Winnipeg, University of Manitoba Press, bls. 258-282.
Grágás: Lagasafn íslenska þjóðveldisins. 1992. Gunnar Karlsson, Kristján Sveinsson og
Mörður Árnason sáu um útgáfnuna. Mál og menning, Reykjavík.
Guðni Jónsson. 1950. Formáli. Fornaldar sögur Norðurlanda I, bls.XIII-XIV. Guðni
Jónsson bjó til prentunar. Íslendingasagnaútgáfan. Prentsmiðjan Edda h.f., Reykjavík.
Gunnar Karlsson. 1992. Formáli. Grágás: Lagasafn íslenska þjóðveldisins, bls. vii-
viii. Gunnar Karlsson, Kristján Sveinsson og Mörður Árnason sáu um útgáfuna. Mál
og menning, Reykjavík.
Helga Kress. 1993. Máttugar meyjar: Íslensk fornbókmenntasaga. Háskólaútgáfan, Reykjavík.
Hugtök og heiti í bókmenntafræði. 1983. Ritstj. Jakob Benediktsson. Bókmenntafræðistofnun
Háskóla Íslands. Mál og Menning, Reykjavík.
Jesch, Judith. 1991. Women in the Viking Age. The Boydell Press, Woodbridge.
Jochens, Jenny. 1995. Women in Old Norse Society. Cornell University Press, Ithaca og
London.
Jochens, Jenny. 1996. Old Norse Images of Women. University of Pennsylvania
Press, Philadelphia.
Kristján Sveinsson og Gunnar Karlsson. 1992. Inngangur. Grágás: Lagasafn íslenska
þjóðveldisins, bls. vii-viii. Gunnar Karlsson, Kristján Sveinsson og Mörður Árnason
sáu um útgáfuna. Mál og menning, Reykjavík.
Meulengracht Sørensen, Preben. 1993. Fortælling og ære : studier i islændingesagaerne.
Universitetsforlag, Osló.
Ólafur Briem. 1972. Íslendinga sögur og nútíminn. Almenna bókafélagið, Reykjavík.
Ólafur Lárusson. 1958. Lög og saga. Lögfræðingafélag Íslands gaf út. Hlaðbúð, Reykjavík.
Simek, Rudolf. 1993. Hugtök og Heiti í Norrænni Goðafræði. Ritstj. Heimir Pálsson. Ingunn
Ásdísardóttir íslenskaði. Heimskringla, Háskólaforlag Máls og menningar, Reykjavík.
34
Snorra Edda. 1975. Árni Björnsson bjó til prentun. Iðunn, Reykjavík.
Sverrir Tómasson. 2006. ,,Snorra-Edda.“ Íslensk bókmenntasaga I, bls. 534-542. Ritstj.
Vésteinn Ólason. Mál og menning, Reykjavík.
Vésteinn Ólason. 2006. ,,Eddukvæði.“ Íslensk bókmenntasaga I, bls. 75-179. Ritstj. Vésteinn
Ólason. Reykjavík: Mál og menning, Reykjavík
Vilhjálmur Árnason. 1985. ,,Saga og siðferði: Hugleiðingar um túlkun á siðfræði
Íslendingasagna.“ Tímarit Máls og Menningar, 46. árgangur, bls. 21-37. Mál og
Menning, Reykjavík.
,,Völsunga saga“. Fornaldar sögur Norðurlanda I, bls. 107-218. 1950. Guðni Jónsson bjó til
prentunar. Íslendingasagnaútgáfan. Prentsmiðjan Edda h.f., Reykjavík.
Recommended