Аршанскі музей У.С.КараткевічаЗнікаюць імёны, мінаюць гады А ён Быў,Ёсць, Будзе з сябрамі

заўжды. Жыве Караткевіч у горадзе

родным У творах, музеі, у сэрцы

народным…

У 2000 годзе да 70-годдзя з дня нараджэння пісьменніка быў адчынены будынак музея

з невялікай экспазіцыяй толькі ў адной зале.

З 1 лютага 2002 года музей гасцінна адчыніў дзверы для сваіх наведвальнікаў.

На першым паверсе будынка размясцілася музейная экспазіцыя пад агульнай назвай “Партрэт пісьменніка і чалавека”.

Сярод экспанатаў - унікальныя фотоздымкі і дакументы, рукапісы і кнігі, малюнкі будучага пісьменніка, абстаноўка пасляваеннай хаты Караткевічаў.

Цэнтральную частку экспазіцыі займае фрагмент кабінета пісьменніка мінскай кватэры.

На кніжных паліцах - сувеніры: цікавыя каменьчыкі, цацкі, кнігі з бібліятэкі пісьменніка.

У 2005 годзе да 75-годдзя з дня нараджэння У.С.Караткевіча была адчынена другая зала музея, якая прысвечана яго літаратурнай спадчыне.

У афармленні гэтай залы - ўзнёслы і рамантычны настрой. Бо па стылі сваёй творчасці Караткевіч быў пісьменнікам-рамантыкам. Рукапісы аўтара, фотаздымкі са спектакляў і кінафільмаў.

У раздзеле гістарычнай прозы - рыцарскія даспехі і меч – як сімвалы мужнасці і высакароднасці.

За некалькі год музей У.С. Караткевіча стаў сапраўдным культурным цэнтрам горада.

Тут праходзяць літаратурныя вечары і святы, прэзентацыі новых кніг.

Кожны год у лістападзе ў горадзе праходзіць Тыдзень памяці Уладзіміра Караткевіча.