28
Средно економско-правно училиште на град Скопје “Васил Антевски - Дрен” Проектна задача по Организација Тема: Лидерскиот стил на менаџерот, фактор за зголемување на ефективноста во работењето Ментор Изработи Проф. М-р. Тања Јовановска Симона Весковска IV-4

Проектна задача

  • Upload
    mon4i92

  • View
    1.007

  • Download
    3

Tags:

Embed Size (px)

Citation preview

Средно економско-правно училиште на град Скопје

“Васил Антевски - Дрен”

Проектна задача по Организација

Тема: Лидерскиот стил на менаџерот, фактор за зголемување на

ефективноста во работењето

Ментор Изработи

Проф. М-р. Тања Јовановска Симона Весковска IV-4

Скопје, 2011 година

, Лидерскиот стил наменаџерот фактор за зголемувањена ефективноста во работењето

Содржина:

Вовед...............................................................................................................................2

1. Поим за лидерство.........................................................................................................3 1.1 Дефиниции за лидерство.........................................................................................4 1.2 Стилови на лидерство..............................................................................................5

2. Ефективен лидер...........................................................................................................6 2.1 Особини на ефективниот лидер.............................................................................7

3. Бихејвиористички теории за лидерството....................................................................9 3.1 Теории на веројатност...........................................................................................10

4. Факти за развој на лидерството во организациите....................................................11

5. Важноста на ефективноста во работењето................................................................13

Заклучок.........................................................................................................................16 Користена литература..................................................................................................17

1

, Лидерскиот стил наменаџерот фактор за зголемувањена ефективноста во работењето

Вовед

Во нашиот живот секојдневно се појавуваат лидери. Дали станува збор за лидерот во

фудбалскиот тим, лидерот на политичката партија или лидерот во компанијата е

сеедно. Тие сите имаат нешто заедничко, а тоа е нивната способност да ги водат

другите луѓе кон замислената цел.

Во деловниот свет, каде се води битка помеѓу менаџерските умови, тие, менаџерите

мораат да поседуваат истакнати лидерски способности за да го водат своето

претпријатие кон успех. Според дефиницијата, менаџерите се оние луѓе кои го

насочуваат напорот на вработените кон остварување на зацртаните цели на

претпријатието.

Насочувањето на напорот на вработените е работа не лидерот која не е ни најмалку

лесна и едноставна. За да добие предност пред конкурентите, тој мора да

се труди да ги натера работниците што поефикасно да ја извршуваат својата работа

за на крај работата да се заврши ефективно, односно со успех.

Ефективноста се постигнува со посветеност, со желба, со стручност и со ред други

активности кои менаџерот мора да се погрижи да бидат под конец.

Лидерскиот стил на менаџерот му помага во остварувањето на овие задачи. Имено,

кога вработениот гледа во својот претпоставен, човек со стил, визија и самодоверба,

лесно ќе се потруди да ги оправда очекувањата и да ја заврши својата работа целосно

и на време, според очекувањата и целите.

Стилот на менаџерите е многу важна одлика, која мора постојано да се негува и да го

следни трендот. Во денешното флексибилно окружување сите се во трка со времето,

а менаџерите се тие кои мораат да бидат рамо до рамо со него. Се со цел да ги

оправдаат ангажираните средства, да ги задоволат потребите и да ја постигнат целта.

Менаџерите за да работат ефективно, треба да воведуваат и новини во работењето,

како што се посетување на семинари, тимски тренинзи, стручни предавања, обуки,

тестирања, курсеви итн. Се со една цел, ефективност.

2

, Лидерскиот стил наменаџерот фактор за зголемувањена ефективноста во работењето

1. Поим за лидерство

Лидерството е релативно нов феномен, меѓутоа овој концепт брзо се призна во

светот, со преку 2000 наслови за лидерството само во САД. Лидерството е најмногу

истражувано подрачје од организационото однесување. Кон крајот на триесетите

години на 20 век кога во светската литература уште не се знаело за организационото

однесување се појавиле првите студии за лидерството. Поентата на овие студии била

ефикасно управување со капиталот и материјалните ресурси, целта била да се

постигне конкурентска предност по пат на ефикасност. Лидерството се гледа како

начин или облик на управување на однесувањето на луѓето како најзначаен ресурс во

современото општество. Лидерството се трансформира од статичен стереотипен

модел до флексибилен модел на менаџерот.

Лидерството е една од најистражуваните делови, но и најмалку разбрана промена на

однесувањето во групите и организациите. Лидерството вклучува влијание без

принуда врз вработените, тие да ги извршуваат обврските во организацијата.

Квалитетот на лидерстовото се заснова на личните карактеристики на менаџерите,

вклучувајки такви кои се општи за ефективните лидери и карактеристиките на

окружувањето во кое лидерството се извршува.

Кога говориме за лидери и лидерство не смееме да ги заобиколиме,а да не ги

спомнеме лидерите како што се Линколн ,Мендела итн.и нивните лидерски

способности и вештините,кој и тоа како биле вазни за нивниот успех или пак неуспех

на организациите кои тие ги предводеле.Многу научници,теоретичари го проучувале

лидертсвото,нивната особеност,лидерското однесување и стуациите и околностите во

кои делувале.

Лидерството значи нееднаква поделба на моќта,помегу лидерот и членовите на

групата. Членовите на групата не се без моќ,оние можат да влијаат врз активностите

на групата на различни начини,само што Лидерот има повеке моќ,што повеќе ресурси

на моќ,тоа ке ја зголеми можноста за успешноста на лидерот.Врз основ на проучување

на организацискит зивот,заклучено е дека лидерите на исто ниво,со истата легитимна

моќ различно ја користат својата моќ:моќта на наградување, моќта на

3

, Лидерскиот стил наменаџерот фактор за зголемувањена ефективноста во работењето

принуда,референтната и стручната моќ.На различни начини се користат различни

облици на моќ,со цел да се влијае на однесувањето на следбениците.

1.1 Дефиниција за лидерство:

Постојат речиси толку многу различни дефиниции за лидерството колку што постојат

автори кои се обиделе да дефинираат концепт на лидерството. Како позначајни се

издвојуваат следниве:

Лидерството е процес и сопственост. Како процес, лидерството вклучува

користење на влијание без принуда. Како сопственост, лидерството е збир на

карактеристики својствени за секој поединец за кој се претпоставува дека

успешно ќе го примени споменатото влијание.

Лидерството е меѓуперсонално влијание кое се случува кога една личност е

способна да добие согласност од друга во остварување на саканите цели на

една организација.

Лидерството е динамичен процес на работа во група каде што поединецот, во

определен период, во определен организационен контекст, влијае на другите

членови на групата своеволно да се обврзат за остварување на целите или

задачите на групата.

Лидерството е динамичен процес кој е под влијание на променливите барања

на задачата, самата група и поединечните членови.Лидерството не се

ограничува само на едно лице. Обично, поставениот лидер (менаџер)

формално се грижи за групата но тој не мора во практика да биде и лидер на

групата.

Лидерсвото се извршува и е под влијание на специфичен збир на околности

коишто го создаваат организациониот контекст. Овој контекст е важен за

определување на степенот на моќта што ја поседува лидерот.

Лидерството не е индивидуална туку колективна активност која е водена од

заедничка визија. Лидерството се темели на воспоставување врски, внатре, во

соодветната организација.

4

, Лидерскиот стил наменаџерот фактор за зголемувањена ефективноста во работењето

1.2 Стилови на лидерство

Лидер командант - Модел на лидерство кога менаџерот од врвот формулира

стратегија и по хиерархија ја доставува на другите менаџери за нејзино

извршување.За да се примени овој модел потребно е да бидат исполнети определени

предуслови, како што се: лесно извршување на стратегијата; добра информираност;

објективни планери; поделба на организацијата на оние кои размислуваат и на оние

кои работат.

Лидер на промени - Модел на лидерство кога менаџерот од врвот презема промени за

извршување на стратегијата. Откако стратегијата е формулирана, лидерот

овозможува таа да се оствари со преземање на определени чекори (промени)

во:структура на организацијата, системите на планирање, приспособување на нивната

култура.

Лидер на соработка - Модел на лидерство кога менаџерот од врвот ги координира и

ги вклучува другите менаџери во формулирањето и извршувањето на стратегијата. За

разлика од првите два модела,моделот на соработка,поради своите

карактеристики,дава подобри ефекти во покомплексно и помалку стабилно

окружување.

Лидер на култура - Модел на лидерство кога во формулирањето на стратегијата

учествуваат менаџерите од средно и од пониско ниво на менаџмент. Ограничувања:

претпоставката луѓето да се добро информирани и интелигентни

постоење конзистентност на одлуките на сите нивоа

потребата подолго време да се воспостави овој модел.

Лидер на развој - Модел на лидерство кога менаџерот на врвот овозможува

партиципација, иновација и креативност во формулирањето на стратегијата.

5

, Лидерскиот стил наменаџерот фактор за зголемувањена ефективноста во работењето

2. Ефективен лидер

Секоја организација тежнее кон постигнување на извонредна перформанса. Главната

улога кон овој пат ја имаат лидерите во организацијата кои што треба да ја поттикнат

извонредноста. За да се постигне ваквата посакувана перформанса пред сe лидерот

треба да поседува карактеристики на ефективен водач. Извонредноста започнува со

лидери со добар и цврст карактер кои целосно се препуштаат на лидерството, а

првиот чекор кон тоа е да се биде личност со карактер кој е достоен на почит.

Постојат различни тврдења и теории за времето кога карактерот се формира.

Како и да е може да се каже дека формирањето на карактерот започнува уште од

најраната возраст, но она што е важно е дека карактерот не се менува брзо.

Индикатор за нечиј карактер е доколку се опсервира неговото однесување, врз основа

на што може да се добие слика дали карактерот е силен или слаб, добар или лош.

Лице со силен карактер покажува поттик, енергија, детерминираност,

самодисциплина, волја и смелост. Цврсто и сигурно се насочува кон она што сака да

го постигне, а таквото однесување со сигурност привлекуваат следбеници. Од друга

страна пак, лицето со слаб карактер не знае што сака и се карактеризира со

дезорганизираност, колеблив е и неконзистентен во своите ставови.

Ефективниот лидер пред сe треба да изгради доверба кај своите следбеници. Во

секоја организација, лидерот е оној кој ја поставува патеката, кој го дава ритамот.

Градењето на довербата се постигнува со манифестирање на карактер кој во себе

содржи верувања, вредности, вештини и соодветни особини.

- Верувања - Може да бидат претпоставки или убедувања што личноста ги има

во поглед на луѓето, концептите, работите... Верувања за животот, што е добро,

што е лошо, каква е човековата природа.

- Вредности - Вредностите се важен сегмент за еден лидер бидејќи имаат

влијание на неговото однесување и можноста соодветно да ја оцени важноста

на одредени активности.

- Вештини - Знаењето и вештините кои што ги стекнува личноста во текот на

животот. Способноста за учење нови вештини зависи од личност до личност.

6

, Лидерскиот стил наменаџерот фактор за зголемувањена ефективноста во работењето

Одредени вештини се стекнуваат многу лесно, додека за други потребна е

целосна посветеност.

2.1 Особини на ефективниот лидер

Лидерите се луѓе од доверба

Лидерите се ефективни не затоа што имаат најкомпетентни практики, или најдобри

процеси, или затоа што остваруваат многу телефонски јавувања. Потрошувачите ќе

прават бизнис со луѓе кои тие ги сакаат. Тие сакаат луѓе на кои може да им веруваат, а

им веруваат на луѓе кои покажуваат интерес и компетентност. Вработените ќе работат

подобро ако се чувствуваат слушнато, ако јасно знаат што се бара од нив и ако

сметаат дека Вие разбирате дека и тие се луѓе.

Лидерите слушаат

Умешноста да се сослуша соговорникот не е наследна, таа се стекнува. Повеќето

вештини се стекнуваат во раното детство и ако децата не се чувствуваат сослушани,

тогаш голема е веројатноста дека и тие како возрасни нема да ја поседуваат

вештината на сослушување. Луѓето се мотивирани од лидери кои ги сослушуваат. Тие

повеќе би следеле пример отколку совет, затоа треба да се креираат подобри

слушатели за да се биде добар сослушувач.

Лидерите не осудуваат

Ако се критикува нечија идеја, многу е голема веројатноста дека нема да ја прифатат

твојата. Две глави размислуваат подобро од една и ефективна тимска работа секогаш

треба да биде опција. Ова не значи само да ги научите другите како да работат заедно

и да ги прифаќаат идеите една на други, туку значи и вие да се вклучите во целиот тој

процес.

Лидерите делегираат

Потенцијалот на вработените најчесто е потценет. Добриот лидер не управува со секој

детал. Тие знаат да ги препознаат квалитетите на вработените и им веруваат дека ќе

ги искористат тие квалитети мудро.7

, Лидерскиот стил наменаџерот фактор за зголемувањена ефективноста во работењето

Лидерите мотивираат

Вработените тендираат да стагнираат во работењето кога паѓа нивото на мотивација.

Мотивацијата не е она старомодното “ Прави како што ти кажувам или ќе биде тешко

тебе!”- тоа е страв. Може да има краткотрајни, но не и долгорочни резултати. Наместо,

предизвикајте ги вашите вработени, тоа иницира возбудливост и креативност. Дајте

им задачи што се малку надвор од нивниот досег и видете ги резултатите. Потоа,

водете ги до решението, но не им го давајте. Тренирајте ги како да се откријат себеси

и нивното самопочитување ќе расте, заедно со подобри резултати за вас.

Лидерите ги разбираат луѓето 

Луѓето во принцип, не се менуваат. Гледајте ги вашите вработени како што се сега, не

ги споредувајте со некоја личност што се истакнува.

Лидерите учат

Лидерите гледаат на себе и на своите акции во стил што можеле да направат подобро

и тоа да го сторат подобро наредниот пат.Лидерите се образуваат барајки

информации, читајќи за управување, зборувајќи со други лидери, разменувајќи идеи и

искуства, и никогаш не забораваат дека промената е константна. Тие ги следат сите

трендови во менаџментот, технологијата, индустријата и прашањата поврзани со

човечкиот фактор. Кога нивниот бизнис ќе порасне на 5-15 вработени, лидерите се

менуваат од менаџери на ствари во менаџери на луѓе, и од технички експерти на

стратегиски.

Лидерите планираат однапред

Не е доволно да дојдете на работа за само да ја завршите работата и на крајот од

работното време да си одите. Тоа го прават вработените, тоа е нивниот договор.

Лидерите размислуваат за тоа што ќе се случи следно, што ако и имаат готови

одговори и планови за акција. Постојано размислуваат за иднината, запишуваат идеи

8

, Лидерскиот стил наменаџерот фактор за зголемувањена ефективноста во работењето

за подобрување и наоѓаат начини како секојдневните процеси да се одвиваат во

најдобар можен ред.

 

9

, Лидерскиот стил наменаџерот фактор за зголемувањена ефективноста во работењето

3. Бихејвиористички теории за лидерството

Научниците започнаа да се прашуваат дали има нешто посебно во однесувањето на

ефективните лидери. Овој приод ќе има многу различни импликации од оние на

приодот на особини.

Особинските и бихејвористичките теории се разликуваат по своите претпоставки.

Претпоставките на теориите на особини: Лидерството е во суштина вродено во

човекот, така што можеме да ги селектираме вистинските водачи.

Претпоставката на бихејвористичкиот пристап: тој сугерира дека ние можеме да ги

истренираме луѓето да бидат водачи. Можеме да дизајнираме програми кои ќе ги

вградат матриците на однесувањето. Ако обуката дава резултати, тогаш можеме да

имаме бесконечен број на ефективни лидери.

Врз основа на истражувањата на Блејк и Мутон, менаџерите биле најдобри во стилот

9,9 наспроти авторитарниот вид од 9,1. За жал, овој ГРИД нуди подобра рамка за

концептуализирање на лидерски стил одколку за презентирање на нови информации.

3.1 Теории на веројатност

Моделот на Фидлер:

Прв јасен модел на веројатност за лидерство беше развиен од Фред Фидлер кој

сметаше дека ефективна групна реализација зависи од добриот спој меѓу лидерскиот

стил и колку ситуацијата му дава контрола на лидерот.

Идентификување на лидерски стил:

Фидлер верувал дека клучниот фактор во успехот на лидерството е индивидуалниот

основен лидерски стил. Тој го создаде прашалникот кој се однесува на

најнепосакуваниот соработник токму за таа цел.

Целта е да се определи личноста дали е работно ориентиран или ориентиран кон

работниците.Прашалниокот се состои од 16 спротивни придавки ( пријатен –

непријатен, ефикасен – неефикасен, помага – одмага ) Анкетираните треба да

одговорат за една личност со која најмалку им било убаво да работат, опишувајќи ја

личноста со понудиените придавки.

10

, Лидерскиот стил наменаџерот фактор за зголемувањена ефективноста во работењето

Фидлер верувал дека со одговорите на овие прашалници може да се открие основниот

лидерски стил. Ако најмалку посакуваниот соработник е оценет со релативно

позитивни зборови, анкетираниот е во основа заинтересиран за добра соработка со

овој соработник. Ако соработникот се прикаже со релативно негативни придавки,

тогаш анкетираниот е заинтересиран за продуктивноста и е работно ориентиран.

Дефинирање на ситуацијата:

Одкако ќе се определи лидерскиот стил, неоходно е да се состави лидерот со

ситуацијата. Фидлер дефинирал 3 случајни димензии:

Однос меѓу лидер – член: Степенот на доверба и почит што членовите ја имаат кон

лидерот.

Работна структура: Степенот на кој што задачите се процедурални.

Позициска моќ: Степен на моќ што ја има лидерот во однос на вработување, давање

откази, унапредувања и наградувања.

Следниот чекор е да се вреднува ситуацијата во однос на трите случајни варијабили.

Односот меѓу лидер – член се или добри или лоши.

Работната структура е или висока или ниска.

Позициската моќ е или силна или слаба.

Според Фидлер, колку е подобар односот меѓу лидерот и работникот толку е подобра

структурата на работата а со тоа се зајакнува позициската моќ. Во овој случај толку е

поголема контролата што ја има лидерот.

Со помешување на трите случајни варијабили, се појавуваат 8 различни ситуации или

категории во кои лидерите може да се најдат себеси.

Верувањето во вредноста на искуството како предвидувач на лидерската ефикасност

е многу силно и широко прифатено. За жал, Само по себе искуството е генерално

слаб индикатор за лидерство.

11

, Лидерскиот стил наменаџерот фактор за зголемувањена ефективноста во работењето

4. Факти за развој на лидерството во организациите

Постојат многу факти околу потребата за развој на лидерството во организациите,

меѓу поважните се издвојуваат следниве:

1. Задоволството на вработените го зголемува задоволството на клиентот

2. Задоволството на клиентот ја зголемува вредноста на акционерите.

3. Лидерскиот развој го зголемува задоволството на вработените

Овие факти ја покажуваат директната поврзаност помеѓу лидерскиот развој и

акционерската вредност, која поминува низ задоволството на клиентот и исполнетоста

на вработените. Овој спој е присутен кај сите успешни компании. Имено, цената на

лимитирачките вредности и лошата култура е огромна. Таа е директно поврзана со

вредностите на лидерите во еден систем односно организација. Според ова,

организациите кои се стремат да бидат најдобри на пазарот несмеат да си дозволат

висок степен на лимитирачки вредности кај своите главни менаџери. Дополнително,

вистински квалитетна организациска култура и/или културна трансформацијата во

една организација неможе да се случи без промена на вредностите и однесувањата

на лидерите на истата. Ова е значајно од две причини и затоа лидерско менаџерскиот

тим мора:

а) да биде свесен за длабочината на културниот капитал

б) да биде спремен и волен да не прави нешто, вклучувајки и посветеност кон лична

промена, пред останатиот дел од компанијата да биде вклучен во трансформативниот

процес.

Ако лидерскиот тим не е спремен да биде вклучен во промената на целиот систем,

тогаш најдобро е да не ги подига очекувањата на вработените, барајки од нив само

тие да учествуваат во истиот. Ако тимот не е спремен за промена на вредностите и

однесувањата, културата нема да се измени.

12

, Лидерскиот стил наменаџерот фактор за зголемувањена ефективноста во работењето

Поради горните причини голем број на компании неповратно губат големи средства

кога се обидуваат да направат промена или напредок кај своите вработени и на

обуките за иновативни менаџерски вештини како на пример коучинг, менаџирање на

промени или лидерство, ги праќаат сите освен оние што најмногу треба да бидат таму.

Се разбира станува збор за извршниот менаџерски тим.

Предизвикот во процесите на реструктуирање на културата во организацијата е да се

обедини лидерскиот тим и вишиот ешалон на менаџери низ процес на изедначување

на личните вредности и создавање на тимска кохезија. Овие луѓе се одговорни за

креирањето на моменталната култура која постои во организацијата. Истите треба да

ја креираат и новата култура.

Еден од клучните а воедно и први чекори за постигнување на напоменатите промени е

мерење на лидерските вредности на секој член на лидерскиот тим со помош на

таканаречениот 360 степени Лидерски Вредносен Асесмент (ЛВА).

Извршниот директор или лидерот на организацијата мора да е спремен и посветен кон

сопствената трансформација со цел да може да ја води културната трансформација

во организацијата. Лидерите мора да бидат

т.е. да станат промената која сакаат да ја видат. Тие мораат да го постават примерот

со тоа што ќе го прават она што го говорат. Според сето ова, вистинската

улога на извршниот директор, или било кој извршен лидер e да ги менаџира

вредностите во организацијата

13

, Лидерскиот стил наменаџерот фактор за зголемувањена ефективноста во работењето

5. Важноста на ефективноста во работењето

За вработените да бидат ефективни во своето работење пред сe мора да ги знаат и

да ги разберат групните и индивидуалните цели. Кога сфаќањето на целите е слабо,

вработените се неефикасни, квалитетот на работата е слаб и како резултат се јавува

низок морал кај вработените. Голем број од лидерите слабата јасност на целите ја

припишуваат како проблем во индивидуалната изведба на вработениот. Ова води кон

обвинувања, конфликти и зголемување на фрустрациите кај вработените кои работат

напорно, но не ги остваруваат резултатите кои што ги очекува организацијата.

Најчеста реакција на организациите во вакви ситуации е промена на кадарот, но со

само тоа што всушност идентификуваат одреден симптом, а не причината за

симптомот истиот проблем се повторува и со следниот вработен. Кој е виновен овде?

Кога вработените ги сфаќаат целите, лидерите можат да креираат атмосфера

фокусирана кон решавање на проблемите, отстранување на постоечките пречки во

изведбата на вработениот и постигнување на очекуваниот исход од работењето. Со

ова се елиминира било какво обвинување и набедување за несоодветно исполнување

на работните задачи, затоа што кога секој ја сфаќа важноста од придонесот на секого

во организацијата, вработените имаат зголемена свесност за нивната меѓусебна

врзаност, а со тоа имаат и зголемена почит еден за друг. Како резултат на тоа,

вработените се чувствуваат повредни за организацијата, а воедно нивната работа

станува помотивирачка што од друга страна доведува до поголема приврзаност за

организацијата, подобар индивидуален придонес и секако зголемено задоволство.

Ефективните лидери го промовираат концептот на подобро разбирање на целите

преку отворено комуницирање на организациската мисија, вредностите и

стратегиските цели. Ваквата комуникација за да го оствари целиот круг им даваат

можности на вработените да дадат свој фидбек за пренесените информации.

Лидерите не можат да имаат организација која што има висока перформанса,

доколку нема компетенти вработени кои што го имаат потребното знаење и доколку

истите ги немаат соодветните алатки за извршување на нивните задачи. Секој човек

сака да го работи она што најдобро го знае. Доколку форсирате да извршува одредени

работни задачи за кои што не е квалификуван, многу е веројатно дека нема да биде

среќен, а на сметка на тоа ќе трпи и перформансот и квалитетот на работата.

Кога вработените имаат недостаток на одредено знаење нема во целост да ги

14

, Лидерскиот стил наменаџерот фактор за зголемувањена ефективноста во работењето

искористат ниту ресурсите кои што им се на располагање. Меѓутоа од друга страна,

доколку имате недостаток на ресурси и оној вработен кој што го поседува потребното

знаење ќе биде обесхрабрен, што често води до фрустрација, незадоволство и не

извршување на работните задачи. Со сето ова, голем дел од организациите се

справуваат така што преземаат одредени промени во персоналот, наместо на

вработените да им обезбедат соодветен тренинг. Промената на вработените не значи

дека лидерот нема да се соочи со истиот проблем во иднина.

Кога вработените ги имаат соодветните знаења и потребните ресурси, тие се

подобро информирани, побрзо ги решаваат проблемите и донесуваат одлуки кои што

се во насока да се подобри севкупната перформанса на организацијата. Овие

вработени многу лесно можат да идентификуваат што е она што им недостасува како

напредно знаење или одредена вештина за да бидат уште подобри во иднина.

Многу се порелани, објективни и лесно можат да направат идентификување на

потребите за дополнителен тренинг. Во сето ова големо влијание има улогата на

лидерот, претпоставениот. Односно, дали има тенденција да гради организација која

учи или едноставно ги испраќа вработените на обуки затоа што „ништо не знаат“ и

мораат да одат на обука за да ја подобрат својата перформанса. Со таквиот став на

претпоставениот реализирана обука нема да ги постигне саканите ефекти. Напротив

може само да се појави револт кај вработените, да се наруши комуникацијата со

претпоставениот, а вработените да ја сфатат обуката како казна.

Дури и кога ги имате најдобрите вработени кои ги поседуваат соодветните

знаења и кои што ги имаат на располагање сите расположливи средства, сепак

невозможно е поединците да постигнат некаков резултат како група доколку не постои

ефективна интеракција. Несоодветната интеракција помеѓу вработените води до

намалување на перформансата. Не треба да се заборави дека голем дел од

работните проекти во една организација бараат одлична интеракција помеѓу различни

оддели, сектори кои што се вклучени во реализација на работниот проект.

Погрешната комуникација доведува до слабо ширење на информациите и

претставува потешкотија да се идентификуваат и да се вклучат вистинските луѓе кои

што ќе ги донесат најдобрите одлуки за конкретниот работен проект.

15

, Лидерскиот стил наменаџерот фактор за зголемувањена ефективноста во работењето

Во голема мера овде се зборува за комуникацијата помеѓу раководителите на

одредени сектори, како и воопшто односот на вработените со својот раководител.

Односно дали нивната комуникација е отворена и се насочени кон успешно

реализирање на поставената задача или фокусот е ставен на индивидуалното

реализирање на задачата имајќи на ум дека ќе ја земе заслугата и ќе се покаже како

подобар раководител. Ефективната комуникација ја поттикнува можноста за учење и

стекнување на знаења и кај менаџерите и кај вработените. Во одредена организација,

ефективната комуникација креира култура на соработка и го поттикнува

споделувањето на идеите и информациите кои што се значајни за одредени иновации.

Лидерите можат да ја фасилитираат интеракцијата на повеќе начини. Можат да

креираат средина каде што вработените ќе се чувствуваат слободно да поставуваат

одредени прашања. Кога лидерот ќе даде одговор без никакви негодувања, влијаат на

формирањето на однесување потребно за соодветна интеракција. Најдобриот модел

на лидер кој поседува интерперсонално ефективно однесување, започнува со

поставување на прашање и слушање. Многу е едноставно да се каже, но многу често

е тешко да се постигне.

16

, Лидерскиот стил наменаџерот фактор за зголемувањена ефективноста во работењето

ЗАКЛУЧОК

Лидерството е значајна тема за водачите,менаџерите и нивната улога е клучна во

остварување на групната или организационата ефикасност.

За да се биде лидер, човек мора да е способен да влијае врз другите луѓе, ги

инспирира и мотивира, ги насочува нивните активности за да им помогне на

групата и на организацијата да ги постигнат своите цели. Пред се треба да се

има дарба, и многу знаење. Како што кажавме лидерството е процес во кој

поединецот влијае врз другите луѓе, ги инспирира и мотивира, ги насочува

нивните активности за да им помогне на групите и на организациите да ги

постигнат своите цели, лидер е човек кој го остварува својот врв, кој има

одлична положба, положба со која тој човек е влијателен, знае како да се

организира себеси и останатите мегу себе, знае што е потребно за да работата се

изврши, знае како да ги мотивира останатите вработени успешно да ја извршат

и сработат својата работа, а исто така и да ги награди. Ако лидерите не се

ефективни, нивното влијание не придонесува за тоа, и често пати ги отстранува

кон постигнување на целите.

17

, Лидерскиот стил наменаџерот фактор за зголемувањена ефективноста во работењето

Користена литература

1. Џејмс А.Ф. Стонер, Едвард Фримен и Даниел Р. Гилберт – “Менаџмент” 1995

2. Кирил Постолов, Љубомир Дракулевски – “Организација” 2010

3. Д-р. Ранко Лончаревич - “Менаџмент” 2006

4. http://despotovskidooel.blogspot.com/2010/11/blog-post_23.html

5. http://www.islamski-centar.org/forum/showthread.php?t=1606

6. www.wikipedia.org

7. www.pretpriemac.mk

18

, Лидерскиот стил наменаџерот фактор за зголемувањена ефективноста во работењето

19