Upload
others
View
2
Download
0
Embed Size (px)
Citation preview
2 Årsmelding Foldnes kyrkje
Innleiing Året 2018 har vore prega av stor aktivitet. Mykje fungerer godt i kyrkjelyden, men det er også
stort potensiale for vekst på fleire område. I denne årsmeldinga gjev vi ei oversikt over
arbeidet i soknerådet, arrangement og aktivitetar i året, og statistikk for m.a. deltaking på
gudstenester og nattverd.
Overordna målsetjingar I samsvar med strategien for soknet har arbeidet hatt fire overordna målsetjingar:
Forkynna Kristus.
Byggja kyrkjelyd.
Fremja rettferd.
Utvikla medarbeidarar, organisasjon, eigedom og miljø.
Foldnes sokneråd Foldnes sokneråd hadde i 2018 følgjande medlemmar:
Velte Karlsen Eide (vikarierande sokneprest fram til mars)
Maria Tveten (sokneprest frå mars)
Per Helge Refvik (leiar)
Olav Ingard Fjeldstad (nestleiar)
Magne Supphellen (deltakar i AU)
Astrid A. Myskja
Hein Kvalheim
Harald Rød
Renate Olsen
Øyvind Angelskår
Jorunn Drotningsvik
Jan Terje Sønstabø (vara)
Trond Høvik (vara)
Nils Ivar Honningdal (vara)
Ingrid Smith (permisjon frå august 2017)
Alle vararepresentantar får innkalling og har open invitasjon til å delta på møtene, og 1. vara
stiller fast på alle møta.
Det var handsama 81 saker i 2018. Døme på saker er: ny diakoniplan og etablering av
diakoniutval, val av nytt misjonsprosjekt, nytt lyd og lys anlegg, offer og auke av eigne
inntekter, gjevartjeneste, kyrkjeval 2019, kyrkja i ny kommune m.m.
Arbeidsutvalet («AU») har i 2018 bestått av Maria Tveten, Per Helge Refvik, Olav Ingard
Fjeldstad og Magne Supphellen. AU har fulgt opp vedtakene i soknerådet.
Strategiske satsingsområde 2018-2019 Følgjande område vert og skal prioriterst i perioden 2018-2019:
Styrke lokal leiing, spesielt leiing av det frivillige arbeidet.
Auke eigne inntekter.
Styrke det diakonale arbeidet og utarbeide ny diakoniplan. Det er i 2018 utarbeida ein
ny plan og etablert eit diakoniutval.
Økonomi 2018 Offer til eige arbeide auka frå 103.443 kr i 2017 til 162.499 kr i 2018. Dette er ei positiv
utvikling som vi håpar kan fortsetje, og som er naudsynt om vi skal klare å oppretthalda det
3 Årsmelding Foldnes kyrkje
gode arbeidet i soknet. Inntektene kjem i stor grad gjennom offer til eige arbeid, men og
gjennom gjevartjeneste. Det vert arbeidd med å verve fleire faste gjevarar.
I offer til andre organisasjonar kom det i 2018 inn 106.000 kr.
10% av alle offer som vert teke opp i gudstjenestene vert satt av til eit diakonalt fond.
Ved utgangen av 2018 er underskotet vi har med frå 2016 redusert med 2000 kr til 17.000 kr.
Resten av underskotet må vi dekkja inn i løpet av 2019.
Det er kjøpt inn og montert nye monitor høgtalarar. Dette er første del av arbeidet med å få på
plass eit nytt lyd og lys anlegg i kyrkja. I 2018 fekk vi 20.000 kr i støtte frå Sparebanken Vest
og 40.000 kr frå basargruppa til dette formålet.
Misjonsprosjektet
I Foldnes kyrkjelyd har vi i fleire år hatt eit misjonsprosjekt i Mali i samarbeid med
Normisjon. Prosjektet har vore todelt. For det første har det vore støtte til bibelskulen i
Bafoulabé, og for det andre har det vore støtte til arbeidet med omsetjing av Bibelen til lokale
språk – malinké og kasonké
I 2018 kom det inn totalt 79.000 kr til misjonsprosjektet. Av dette var 43.000 kr gjennom
gjevarteneste og 36.000 frå basargruppa.
Arrangement og aktivitetar i året
Innsetjing av ny sokneprest
I mars hadde vi innsetjingsgudstjeneste for vår nye sokneprest Maria Tveten. Det er veldig
inspirerande og kjekt å ha fått henne som vår sokneprest!
Juletrefest Søndag 7. januar møttes 160 små og store til den tradisjonsrike juletrefesten i Foldnes kyrkje.
På programmet var Foldnes barnegospel, blåsegruppa frå Fjellklang, andakt ved sokneprest
Vetle Karlsen Eide, jultregang, og dei tre heilage kongane. Soknerådet var arrangør.
Kyrkjelydsweekenden
Kyrkjelydsweekenden vart også i 2018 arrangert på Skjergardsheimen. Det fungerer godt å
bruke denne leirstaden, og det vart en kjekk helg. 58 deltakarar var innom i løpet av helga.
Det var spesielt gledeleg at ekstra mange born var med denne gongen.
Søndagsskule og Søndagsring
Det vert halde søndagsskule på dei fleste søndagane det er vanleg gudstjeneste, og ikkje
familiegudstjeneste, i kyrkja. Vi har inndeling av søndagsskulen i ei gruppe for småskulen, og
ei gruppe for dei frå 5.klasse og oppover (Søndagsringen). Søndagsskulen er eit svært viktig
arbeide for å leggje til rette for at fleire barnefamiliar kan finna sin plass i forsamlinga, og vi
treng fleire frivillege til å delta i dette arbeidet. Vi har i 2018 hatt 16 samlingar, og 19
betalande barn. Antall deltakarar på samlingane varierer mykje.
Sjå meir på http://www.facebook.com/foldnessondagsskole
T-dagen
Fjell, Foldnes, og Landro sokn samarbeider om trusopplæring. Trusopplæringa, eller T-
dagane er eit tilbod som blir gitt til barn og unge frå dei er 0 til 18 år.
Arbeidet med trusopplæringa i kyrkjelyden er framleis eit stort og viktig arbeid.
Oppslutninga om T-dagane har vore varierande frå T-dag til T-dag. Det er bra oppmøte på dei
4 Årsmelding Foldnes kyrkje
fleste T-dagene og det er stadig fleire som kjem på Babysong. Vi har et arbeid på gang å
evaluere de T-dagane med lite oppmøte og jobbar kontinuerlig med å prøve ulike tiltak for å
auke oppmøtet.
I planen som no gjeld(2015-2019) er det skissert at det i T-dagen «skal jobbast for ein
tydelegare heilskap med gudstenesta og det kontinuerlege arbeidet for barn og unge i
kyrkjelyden. Det skal også vere eit endå tydelegare fokus på samarbeidet med heimane...»
(Om mål og visjon for trusopplæringa, sjå Plan for Barn og Unge.)
Vi opplever at samarbeidet med heimane har blitt ein stadig større del av fokuset hos oss som
jobbar i T-dagen, og at samanhengen mellom breddetiltaka og det kontinuerlege arbeidet er
blitt tydelegare ved at vi jobbar målretta for at fleire barn, unge og familiar skal finne ein
naturleg plass i eit kristent fellesskap i kyrkja. Vi ynskjer også å styrkje denne målsetninga
framover.
T-dagane for babyar/1-åringar, 2-, 3-, 4-, og 6-åringar (i tillegg til T14, som er ein del av
konfirmanttida) er eigne dagar/arrangement i kvar sokn. Dei andre T-dagane er felles-
samlingar med Landro, Foldnes, og Fjell sokn, og blir arrangerte i éin av kyrkjelydane, men
felles for alle.
Vi er glade og takksame over alle frivillige i kyrkjelyden som tar del i
Trusopplæringsarbeidet, både på T-dagane og i det kontinuerlege arbeidet blant barn, unge og
familiar. Vi jobbar for at det skal vere godt å ha ei teneste inn i T-dagen, anten som frivillig
eller tilsett.
Samarbeidet Skule-Barnehagar-Kyrkja
Vi kan rapportere om eit allsidig samarbeid på denne sektoren. Samarbeidet er tufta på tillit
og tradisjonar bygd opp over mange år. Eit godt fellestiltak mellom skule og kommune som vi
kan være stolte over. I så måte er det mange som «ser til Fjell» for å utvikle liknande
samarbeid andre stader i landet.
Eit Skule/kyrkje utval (SKU) driv dette arbeidet Utvalet består av ein lærar frå kvar skule, ein
kommunal representant og to kyrkjeansatte.
Alle tiltak vert planlagde i god tid, gjennomført etter planen og evaluert grundig. Slik held ein
kvalitet i fokus. Det har også dette året blitt skipa eit pedagogisk forum som består av
pensjonerte og erfarne pedagogar. Desse er med på fleire av tiltaka og gir større pedagogisk
nærvær. Dette har skulane uttrykt stor glede over.
I år ha vi hatt desse tiltaka:
Januar: 3.klasse vandringar. Der alle klassane kjem til si kyrkje og tilbringe føremiddagen
der og blir kjent med kyrkja si.
Mars: Påskevandringar for barnehagane
Mai: Zippy-vandringar. Vandring med samtalar om gravplass, kyrkja sine skikkar og tema
som død, sorg trøst og håp.
Oktober: Utdeling av Bibel til alle 5.klassane, med påfylgjande time om Bibelen.
November og mars/april: Vandring gjennom Bibelen-kurs. Alle femteklassane i soknet har i
2018 hatt eit fire timars «Vandring gjennom Bibelen»-kurs, med kurshaldar frå staben. Vi har
fem tilsette i staben som er kursa i dette, og som fordeler kursa mellom seg. Lærarane og eleb
November/desember: Adventsgudstenester for alle barnehagane og skulane. Her kjem alle
barneskulane og så og seie alle barnehagane.
Nytt i år var at Fjell ungdomsskule ynskte adventssamlingar på skulen. Vi hadde to slike. I
tillegg har Tranevågen ungdomsskule for andre år på rad yngst adventsgudsteneste i
Landrokyrkja, og Danielsen har hatt eigen julesamling i Foldnes kyrkje.
5 Årsmelding Foldnes kyrkje
Felles tilbod til FjellUngdomen i Kyrkja (FUNK)
FUNK er namnet på alt tweens-og ungdomsarbeidet vi har i Fjell, Foldnes og Landro sokn.
Deira visjon er «Vi vil at unge i Fjell skal få bli kjent med Jesus og vokse i troen på ham».
Fellesskap som mange unge i Foldnes sokn tar del i, er: TenSing Lukas (mandagar i Foldnes
kyrkje), Ungdomslaurdag (annankvar laurdag i Foldnes kyrkje), KRIK Ulveset (kvar tysdag
på Fjell-ly), bibelgrupper heime hos vaksne i kyrkjelyden, Leiarweekend og leiartrening, Ung
Messe, tur til Impuls i Stavanger siste helga i januar, Landroklubben(annankvar fredag i
Landro kyrkje). I tillegg arrangerer FUNK en stor Adventsfest for FUNK (i år ca 70
deltakarar), og Sommarfest (eit samarbeid med Tremor og Straume forum, samla i 2018 ca
160 ungdomar).
Viktige samarbeidspartnarar for FUNK er Fjell KFUK/M, KRIK og dei lokale forsamlingane
som også har tilbod til ungdom i kommunen; Straume Forum, Fjell-ly/Basement (Imf-Ung)
og Tremorkirken (NLM).
Vi gler oss over ei KRIK-gruppe for ungdom som blei starta dette året, ein fin gjeng frå litt
ulike stader i kommunen (også frå Foldnes kyrkjelyd) som samlast til trening og andakt kvar
veke. Dei har også vore med på KRIK-cup med andre lag frå Hordaland.
Foreldre og sokneprest har i år starta med arbeid for tweens i Foldnes. Dei har møttest ein
gong i månaden, og ein fin og engasjert gjeng med tweens og vaksne har vore med!
Nokre av bibelgruppene som har vore i FUNK har tatt ei pause frå i haust av (fordi ein del av
ungdomane reiste bort på skule), nokre få er fortsatt i gong, og vi håpar og ber om at fleire
slike grupper vil kome til. Vi ser at bibelgrupper betyr svært mykje for dei ungdomane som er
med.
På grunn av langtidssjukemelding i seksjonen i haust, har vi hatt mindre ressursar i staben
som har jobba med FUNK. Vi gler oss over eit dyktig og svært motivert Ungdomsteam, som
har gode og verdifulle møter med ungdomane. Like fullt har vi vald i haust å arrangere færre
Ung Messe enn det hadde tenkt, sidan det også har vore langtidssjukemelding blant prestane i
haust. Elles har det vore godt oppmøte og høg aktivitet i FUNK både vår og haust 2018. Det
er vi takksame for!
Vi gler oss over å sjå at fellesskapa i FUNK er gode møteplassar og fellesskap der unge blir
kjent med Jesus og veks i trua på han.
MILK/LED
Det har vore arrangert MILKkurs (leiarkurs for fjorårskonfirmantar) og LEDkurs (eit
leiarkurs for vidarekomne leiarar) med deltakarar frå Foldnes, Fjell og Landro sokn, skuleåret
2017/2018 og skuleåret 2018/19.
• Skuleåret 2017/18 var det 10 deltakarar på MILK, 5 av dei er frå Foldnes sokn. Det er
9 deltakarar på LED, 3 av dei frå Foldnes sokn.
• Skuleåret 2018/2019 er det 11 deltakarar på MILK, 5 av dei var frå Foldnes sokn. Det
er 5 deltakarar på LED, 4 av dei frå Foldnes sokn.
Leiartreninga startar året med ei leiarhelg saman på Wallemtunet, der både kursdeltakarar og
andre ungdomar med ei teneste i kyrkjelydane i Fjell, Foldnes og Landro sokn er med. Så har
6 Årsmelding Foldnes kyrkje
dei 7 samlingar gjennom året, ettermiddagar som startar med felles middag på kyrkjekontoret
og påfølgande undervisning; MILK for seg og LED for seg. Dei har felles erfaringsdeling og
liturgisk avslutning og bøn på slutten av kvar samling. Både MILKarane og LEDarane har
praksis i kyrkjelyden i løpet av kurstida.
Lillelørdag
Hausten 2018 starta Lillelørdag opp igjen etter ett års pause. Det ble bestemt å utvide alderen
på målgruppa frå 7.klasse og oppover, til 5.-7.klasse. No er det Lillelørdag ei onsdag i
månaden. Vi har fokus på aktivitet og lek, og trivast best ute. Så avsluttar vi kveldane med ein
bibelsamling i kyrkjerommet.
Denne hausten har det vore 24 ulike tweens innom og det brukar å vere 10-12 born på kvar
klubbkveld. Leiarar i haust har vore Kristi Hus Karlsen, Torunn Sannarnes, Renate Olsen,
Atle Seim og Maria Tveten
Ungdomslaurdag
Annakvar veke er det Ungdomslørdag i Vestfløyen i Foldnes kyrkje. Ungdomslørdag er for
alle ungdommane i FUNK(Fjell, Foldnes, Landro) frå 8.klasse og oppover. Kveldane vert
organiserte av ungdommar og ungdomsarbeidar. I 2018 har soknerådet ansvaret for ein
ungdomslaurdag i månaden. I praksis vil det seie at soknerådet lønnar Jørn Ynnesdal for å ta
ansvar for å arrangere ungdomslørdag ca éin gong i månaden. Den andre laurdagen har det
vore ein av ungdomsarbeidarane ifrå kyrkjestaben og FUNK som har vore hovudansvarleg.
Det er aktivitetar inne/ute, laurdagskveldmat, snacks og andakt. Deltakartal varierer, alt frå 10
til 30. Sjå meir på: http://www.facebook.com/FUNKFjellUNgdomiKyrkja
Lukas Ten Sing Tensingkoret Lukas er eit felleskor saman med Fjell og Landro, og har base i Foldnes kyrkje.
Kyrkja og Fjell KFUK-KFUM har eigarskap til koret. Begge partar tilfører ressursar til
arbeidet og uttrykker glede og stolthet over konfirmantar og andre ungdommar som finn seg
til rette i eit kristent fellesskap i kyrkja og i koret. I konfirmantåret 2018/2019 er det svært få
konfirmantar som har vald tensing som si «interessegruppe», det er noko av forklaringa på
kvifor tensing dette året har mykje færre medlemmer enn året før. Det har vore jamt ca 20-25
ungdommar på korøvingane.
Året i Ten Sing har vært prega av stor aktivitet. Blant anna har koret delteke på Vinterfestival
på Voss, hatt sommarkonsert og julekonsertar, basarar, hatt øvingsweekend både vår og
vintar, og elles hatt litt kontakt med andre tensingkor i regionen. Eit høgdepunkt for ein del av
ungdommane var at dei dro saman på den store tensingfestivalen «Spekter» i august 2018. Kyrkja har ein vaksenleiar frå stab som er med på øvingar og weekendar, vår 2018 var det
Håkon Syrstadeng, og hausten 2018 har det vore Renate Olsen som har hatt denne rolla i
Lukas Tensing. Fjell KFUK-KFUM har sidan hausten 2018 tilsett ein hovudleiar i Lukas
tensing, det er Andrea Ådland som har denne jobben. Kyrkja og Fjell KFUK-KFUM har
jamlege samarbeidsmøter om Tensing.
Sjå meir på: https://kyrkja.no/funk/tensing
KM-Kluzz
KM KLUZZ har eit stabilt oppmøte på ca 30 – 50 personar. Mange brukarar av Åpen
barnehage og Home Start(Fjell KM) har vore innom fleire gongar. Fjell KM og kyrkja
samarbeider om KLUZZ. Vi har fått fleire frivillige medarbeidarar i år, noko vi er
takknemlege for! I 2018 har KLUZZ vore arrangert ein gang i månaden, tysdag ettermiddag.
Tilsett frå stab i dette samarbeidet er Kari Bruke-Romarheim.
Følg med på facebook: https://www.facebook.com/KMKluzz/
7 Årsmelding Foldnes kyrkje
Konfirmantåret 2018
I 2018 var det 103 ungdommar som blei konfirmert i Foldnes kyrkje, dette tilsvarar 91% av
medlemmene i kullet. Gjennom året fram mot konfirmasjonen har konfirmantane vore med på
gudstenester, interessegrupper, eigne konfirmantarrangement og konfirmantundervisning.
Gjennom interessegruppene har konfirmantane deltatt i TenSing Lukas, fått opplæring i
lydanlegget i kyrkja, laga til ei flott lysmesse og vore på leir på Skjergardsheimen. Saman
med over 60 frivillige, deltok konfirmantane òg på Fasteaksjonen, der dei var med på å samle
inn 60.000 kr til Kirkens nødhjelp.
Musikkarbeid
Organist Aasmund Brekke er som før sentral i musikkarbeidet. I tillegg til gudstenestene har
han vore ein dyktig musikalsk leiar for konsertar, Ung Messe, «Vi syng Jula inn», RAMP,
Foldnes Barnegospel og nokre T-dagar.
Foldnes Barnegospel Foldnes Barnegospel starta opp att hausten 2017. Dei deltok på «Syng jula inn» og
juletrefesten. Om lag 10 ungar i alderen 5 til 8 år er med. Dirigent er Andrea Ådland og
pianist er Aasmund Brekke.
«Bibel, Bønn og Lovsong»
Siste søndag i månaden er gudstenesta lagt til kl 19 med tittelen «Bibel, Bønn og Lovsong»
(BBL). BBL har ei anna form enn dei ordinære gudstenestene og når ut til fleire enn dei som
vanlegvis samlast søndag formiddag.
RAMP
RAMP-samlingane (Romslig, Aktuell, Motiverande, Pusterom) vart videreførte i 2018, med
samlingar anna kvar tysdag. Dette er eit lågterskeltilbod med brei appell, korte innlegg om
kvardagsaktuelle tema og god musikk. Aasmund Brekke har med seg eit fast husband av særs
dyktige musikarar som deltek på frivillig basis. I 2018 var mellom andre Henrik Syse, Thor
Brekkeflat, og Maria Tveten på programmet. Vanlegvis møter ca. 50-70 på desse samlingane.
BaseCamp
BaseCamp er eit unikt tilbod i vårt nærområde, som vert drive av kyrkja i samarbeid med
kommunen og leiinga ved Sartor Senter. BaseCamp held til ved Sartor Senter og er eit tilbod
for ungdom, spesielt dei som droppar ut av skulen, med å få orden på kvardagen, setje seg mål
om aktiv deltaking i arbeids- og samfunnslivet og hjelp til realisera måla. Basecamp driv
fleire tiltak, til dømes: Åpent Hus som er ein «drop in» stad på Sartor Storsenter.Basecamp
RePro som er ein sykkelverkstad og ein redesingverkstad der ungdom som står utan jobb-
8 Årsmelding Foldnes kyrkje
eller skuletilbud kan få arbeidspraksis fire dagar i veka på dagtid. Dei får og hjelp til å komme
vidare i jobb, praksis eller skule. Medvandrerprosjektet er eit utadretta arbeid med faste
besøk på skulane i kommunen og med oppsøkjande arbeid på Sartor Storsenter.
Godhet i Fjell 2018
Foldnes var med på "Godhet i Fjell 2018". Dette er ein tverrkyrkjeleg aksjon der folk som
treng hjelp med ulike oppgåver melder inn, og frivillige utfører oppdraga. Nokre dagar i
slutten av mai var vi blant anna med på å vaska kjøkken, klippe hekk, vaska biler, mala hus.
Som ein del av aksjonen stilte Basecamp opp ein dag med gratis sykkelreparasjoner ved
Foldnes skule. Vi vert med i 2019 også.
Basargruppa
Basargruppa samlar ein engasjert gjeng med kvinner som gjennom basararbeidskveldar kjem i
lag for å lage gevinster og gjere klart til den årlege basaren. Gruppa er eit lågterskeltilbud som
er åpent for alle, og som lagar ei god og sosial ramme rundt arbeidet deira med å skaffe
midlar som kjem kyrkja og misjonsprosjektet til gode. Basararbeid vert annonsert via
kunngjeringar, plakat og Facebook. Hovudansvar: Toril Kvalheim, 907 29 222,
Treff
Treff vert arrangert ein onsdag i månaden kl 11.30 – 14.00. Dettte er eit felleskap med varm
mat og god tid til slå av ein prat med kjente og mindre kjente. Her møtast vaksne i alle aldrar.
Dette er og eit felleskap der Jesus står i sentrum. Hovudansvar: Kyrkjetenar/diakon Ellen Ebbesvik, kyrkjekontoret.
Livets Lys
Livets Lys er ei samling vi har i Foldnes kyrkje, for psykisk utviklingshemma. Først samlast
vi inne i kyrkja der vi syng mykje, og alle får lov til å delta om dei sjølv har lyst med både
song og diktlesing.Det er samlingar 2-3 gonger i semesteret. Møteinnslag: Andakt,
underholdning og god mat.
Mannsgruppa
Mannsgruppa møtast månadleg med unntak av juni, juli og desember i Foldnes kyrkje.
Gruppa ønskjer å vera eit varmt og levande kristent og sosialt fellesskap for menn. På
samlingane tek dei opp interessante og aktuelle tema.
Kontaktperson: Morten Nygaard, 924 82 896
Forsongarar
Forsongarane bidreg til musikalske løft på gudstenestene og andre arrangement.
Hovudansvar: Trond Høvik, 917 32 565, [email protected]
Kyrkjevertar, tekstlesarar og teknikarar
Mange tenester er aktuelle under gudstenestene i Foldnes: Kyrkjevertane ønskjer velkomen,
tek inn kollekt, og hjelper til under gudstenesta. Det er og eigne tekstlesarar og teknikarar som
ordnar med AV-utstyr. Mange medarbeidarar tek del i tenesta, men det er alltid behov for
fleire. Hovudansvar: Trond Høvik, 917 32 565, [email protected]
Kyrkjekaffivertskap
Ansvaret for kyrkjekaffien har i stor grad blitt fordelt på ulike grupper, mellom anna
husgrupper og mannsgruppa. Etter gudstenesta er det mange som stopper igjen for ein kopp
kaffi og ein prat i kyrkjelydssalen.
Kontaktperson: Trond Høvik, 917 32 565, [email protected]
9 Årsmelding Foldnes kyrkje
Statistikk for Foldnes kyrke – hovedtal
Pr. januar 2018 er det ca 8500 medlemmer i Foldnes sokn
Figuren over: Den blå søyla viser totalt antall deltakarar på gudstenester i Foldnes sokn per år.
Det er ein liten nedgang i talet for total antall deltakarar på gudstenester i 2018 i høve til
2017, men i tala frå 2017 er det medrekna nokre gudstenester som ikkje er med i statistikken
for 2018 (til dømes skulegudstenestene for Danielsen skule der skulen står for programmet
sjølv).
Figuren under: Den blå søyla viser totalt antall deltakarar på søndagsgudstenester i Foldnes
sokn per år. Talet på deltakarar på søndagsgudstenester er auka i høve til 2017.
11828
10118
12495 1297611566 11394
0
2000
4000
6000
8000
10000
12000
14000
2013 2014 2015 2016 2017 2018
Deltakelse på gudstenester, totalt
9216
75508210
0
1000
2000
3000
4000
5000
6000
7000
8000
9000
10000
2016 2017 2018
Deltakarar søndagssgudstenester
10 Årsmelding Foldnes kyrkje
Figuren over: Den blå søyla viser gjennomsnitt antall deltakarar per gudsteneste, og den raude
viser gjennomsnitt antall nattverdsdeltakarar.
Figuren under: Den blå søyla viser antall nattverdsgudstenester i Foldnes kyrkje. Den raude
søyla viser gjennomsnittled antall nattverdsgjester i desse gudstenestene i kyrkja. Den grøne
søyla viser antall nattverdsgudstenester andre stader enn i kyrkja, til dømes på institusjonar
som Fjell sjukeheim.
171 163 169188
131 129
7862
7866 64
51
0
20
40
60
80
100
120
140
160
180
200
2013 2014 2015 2016 2017 2018
Gjennomsnitt antall deltakarar per gudsteneste og per nattverdsamling
4233 37
48
64 68
13 15
0
10
20
30
40
50
60
70
80
2016 2017 2018
Antall nattverddeltakarar, totalt
Nattverdsgud. i kyrkja
Snitt nattverdsgjester i kyrkja
Nattverdsgud. andre stadar
11 Årsmelding Foldnes kyrkje
Figuren over: Den blå søyla viser totalt antall nattverdsdeltakarar i nattverder i kyrkja. Den
raude søyla viser totalt antall nattverdsdeltakarar i nattverder i kyrkja eller andre stader.
Figuren under: Den blå søyla viser totalt antall døypte i Foldnes kyrkje per år.
2044 2111
25052257
2658
0
500
1000
1500
2000
2500
3000
2016 2017 2018
Nattverddeltakarar i kyrkja
Nattverddeltakarar totalt
73 72 78
1
10
100
2016 2017 2018
Antall døypte
12 Årsmelding Foldnes kyrkje
Figuren over: Den blå søyla viser totalt antall konfirmantar i Foldnes kyrkje per år.
Foldnes sokneråd, mars 2019.
122
104 105
0
20
40
60
80
100
120
140
2016 2017 2018
Antall konfirmantar