Upload
others
View
2
Download
0
Embed Size (px)
Citation preview
1. Tru bãhce fãrã tãmbari
Tru bãhce, moi, fãrã tãmbari
Mi-acãtsă, moi, ‘nã ploai mari
Mi-acãtsă, moi, ‘nã ploai mari
Sum trandafilu ãnj shideamu
Sum trandafilu ãnj shideamu
Sh-trandafili, moi, nj-adunamu
Sh-trandafili, moi, nj-adunamu
Sh-tumbi, tumbi, moi, li ligamu
Sh-tumbi, tumbi, moi, li ligamu
Sh-pi la soatsi, moi, li-asprãndeamu
Sh-pi la soatsi, moi, li-asprãndeamu
Sh-ali vruti, moi, nu-i dideamu
Sh-ali vruti, moi, nu-i dideamu
Trã inatea, moi, tsi – i aveamu
2. Tsi-nj vidzurã oclji
Tsi-nj vidzurã oclji
‘Nã lilici aroshi, lea dada mea
‘Nã lilici aroshi
Roshi ca mirgeanã, lea mană, lea
Roshi ca mirgeanã
‘Naltã sh-ca fidanã, lea dada mea
‘Naltã sh-ca fidanã
Tru gãrdinã xeanã, lea mană, lea
Tru gãrdinã xeanã
Cum sã-nj facu s-mi ducu, lea dada mea
Cum sã-nj facu s-mi ducu
Lilicea s-u arupu, lea mană lea
Lilicea s-u arupu
Crushuva s-u aducu, lea dada mea
Crushuva s-u aducu
Pit firidz s-u arucu, lea mană, lea
Pit firidz s-u arucu
Fciorlji s-u anjurdzeascã, lea dada mea
Fciorlji s-u anjurdzeascã
Feati s-isuseascã, lea mană, lea
3. O, lăi munte…
O, lăi munte shi o, lea dzeană
Pleacanj-ti nica niheamã
Pleacã-nj-ti shi fă-nj-ti padi
Ta sã-nj vedu casa a li dadi
Fă-nj-ti padi fă-nj-ti locu
Ta sã-nj vedu vatra cu focu
S-mi fãtseamu azbuirătoru
Ta s-azboiuru la nioru
S-cadu la dada tru uboru
Ta sã-nj plãngu sh-lailu doru
Mi dideshi, lea dada mea
Diparti di casa ta
4. Unã vearã mari….
Unã vearã mari, mari
S- nu - nj ti tornj cãrvãnare
Cum s-mi tornu, lea muljeare
Nu ari iarbã s-pascã caii
Nu ari iarbã s-pascã caii
Sotslji s-dusirã ti sari
Sari lai s-lã si facã
S-da ‘nã ploai s-u tucheascã
S-da ‘nã ploai s-u tucheascã
Sh-unã spidã s-u arsprãndeascã
5. La valea di Ianina
La valea, lea mano, lea
La valea di Ianina
La valea di Ianina
Unã ‘nveastã mash-plãndzea
Unã nvea’, lea mano, lea
Unã nveastã mash-plãndzea
Unã nveastã mash-plãndzea
Ia valea pãlãcãrsea
Ia valea, lea mano, lea
Ia valea pãlãcãrsea
Ia valea pãlãcãrsea
Fă-nj-ti vale cama’ncoa
Fă-nj-ti va’, lea mano, lea
Fă-nj-ti vale cama ’ncoa
Fă-nj-ti vale cama ’ncoa
Sã-nj ti-antrebu di Ianina
Sã-nj ti-antrebu, lea mano, lea
Sã-nj ti-antrebu di Ianina
Sã-nj ti-antrebu di Ianina
Ianina hoarã di furi
Ianina, lea mano, lea
Ianina hoarã di furi
Ianina hoarã di furi
Vãtãmarã gionli a ljei
Vãtãma’, lea mano, lea
Vãtãmarã gionli a ljei
Vãtãmarã gionli a ljei
Gionli a ljei protu capidan
6. ‘Nã featã di Ianina
‘Nã featã di Ianina, a bre
‘Nã featã di Ianina
‘Nã featã di Ianina, bre
Gionli iara dit Poli
Ei doilji s-andãmusea, a bre
Ei doilji s-andãmusea
Ei doilji s-andãmusea, bre
Pi-una apunti arafimã
Pi-un-apunti arafimã, a bre
Pi-un-apunti arafimã
Pi-un-apunti arafimã, bre
‘Rafimã shi s-leagãnã
Tsi stai, feată, pi-apunti, a bre
Tsi stai, feată, pi-apunti
Tsi stai, feată, pi-apunti bre
Nj-am sh-un gioni lãndzidu
Nj-am sh-un gioni lãndzidu, a bre
Nj-am sh-un gioni lãndzidu
Nj-am sh-un gioni lãndzidu, bre
Shi-nj ticni ti arustico.
Shi-nj ticni ti arustico, a bre
Shi-nj ticni ti arustico
Shi-nj ticni ti arustico, bre
Cash dultsi di ljepuru
Du-nj-ti, feată, Oleambo, a bre
Du-nj-ti, feată, Oleambo
Du-nj-ti, feată ,Oleambo bre
Sh-dãmãndal-a muntsãloru
Sh-dãmãndal-a muntsãloru, a bre
Sh-dãmãndal-a muntsãloru
Sh-dãmãndal-a muntsãloru bre
Ta sh-adunã ljepurlji
Ljepurlji cu strănjurli.
7. La fãntãna di alunu…
La fãntãna di alunu
Tsãni-nj calul sã-nj dipunu
Tsãni-nj calul sã-nj dipunu
Cu a meu lali sã-nj mi adunu
Cu a meu lali sã-nj mi adunu
S-ãi pitrecu ancljinãciunj
Ancljinãciunj multi ali dadi
Ali dadi shi cu al afendi
Nu vrea dada s-mi aibã in hoarã
Că va-nj avdã sh-laili zboarã
Că va-nj avdã sh-laili zboarã
Laili zboarã di chirauã
Nu vrea dada s-ãi hiu vitsinã
Că va-i negu seara pi tsinã
8. Ficiori di Samarina…
O, voi ficiori, more, di vlahuhori
Ficiori di Samarina, o voi, ficiori livendzã
Ficiori di Samarina, moi, tiniri shi alãvdats
Cara s-tritsets, more, pit hoara mea
Tufechilj s-nu aminats, o voi, ficiori livendzã
Sh-cãntitsi s-nu cãntats, moi, tiniri shi alãvdats
Cara s-vã avdã, laia, dada mea
S-dzãtsets că-nj mi-ansuraiu, o voi, ficiori livendzã
S-dzãtsets că-nj mi-ansuraiu, moi, tiniri shi alãvdats
9. Totna intr-apã, dado…
Totna intr-apã dado
La shopatu cãn’ negu
Un gioni - nj iasi in cali
Nu shitu tsi sã-i dzãcu
Ref. :
Crechi gione, crechi
Crechi sh-plãscãnea
Dada la tini, gione
Nu va sã-nj mi da
Inj caftã dit ghium apã
Dado, ta sã-shi bea
Tsi sã-i dzãcu mãrata
Inima va-nj ia
Sh-di cãndu-nj iasi-n cali
Lai, dada mea
Ghiumili-nj si paru ma greali
Greauã sh-inima
10. Dipriunã-nj mi minduiescu
Dipriunã-nj mi minduiescu
Mash la tini, lea, vruta mea
Inima, lea,-nj dzãtsi s-duchescu
Cãndu-i dorlu di la vruta.
Unã dzuã, lea, s-nu-nj ti vedu
Pari, lea, ca-nj chirui tsiva
Un lucru, lea,-i scumpu pi lumi
Estu-i dorlu di la vruta.
Tini dorlu va-l tucheshtsã
Cãndu noi va-n-andãmusim
S-caftsã ghini, lea, s-mi mutreshtsã
Noi, dolji, s-nã ayãchisim.
Eshtsã, vrută, ayãchisitã
S-ti-agãrshescu, lea, nu va s-pot
Cu musheata ta mutritã
Mushutsăshtsã, lea, loclu tut.
Ti-ashtept shi-a-nj-armãnj pi suflit
Fatsa, truplu, ocljii-msheats
S-nã videm, lea, oarã di oarã
Shi s-bãnăm doilji ca frats.
11. Vrute, nu mi-aspar zboara & iho: Sirma Guci
Pi-unã pishtireauã mi-alinai
Sh-mutrii dzeana tutã di-anvãrliga
Nu mi-aspar cu oili cãndu-a s-yinj
Că di cãnjlji a tăi nu mi ia frica.
Refren : Vrute, nu mi-aspar că ploaia a mi udã
Vrute, nu mi-aspar că vimtul-a mi pingã
Mash di vrearea ta tsi va s-astingã.
Noptsãli di vreari tsi li-avum
Canda furã ti noi doi pirmithi
Cafi searã shed, vrute, sh-mi anchin
Unã mash cu njata ta tu minti.
Naca Dumnidzălu-nj ti urghi
Sh-nu vedz a mea vreari cari moari
Ma s-astingã, vrute, shi-a meu dor
Va s-armãnj cu cãnjlji la cutari.
12. A lea, primuveară zboara & iho : Sirma Guci
-A lea ,primuveară, primuveară
Ghin’ vinishi in hoarã, lea, sora mea
Sh-tini, gione soari, picurare
Cãt chiro s-ashteptu vrearea ta.
Refren: -Lea, feata mea, cu oclji ca di-amurã
Lea, ‘msheata mea, ascultã tsi-a-nj ts-aspun
Că multu-i greu ‘ndzeanã la cutari
La tini daima-nj yini sã-nj dipun.
-S-dipuneai, lăi gione, s-dipuneai
Mash unã minutã, gione, s-mi videai
Că hiu pãrãpusitã, hiu cãrtitã
Cu altu vrea dada s-mi mãritã.
A lăi, dorlu doari, vrute, soare
Cãtã ‘ndzeanã, gione, nu mutrea
Tora hii cu mini sh-cu-a mea vreari
Sh-cãt as fudz dorlu di mini sã-nj ti lja.
13. Sheadi musheata la poartã
Sheadi musheata la poartã,
Le, le, la poartã
Sheadi musheata la poartã
Le, le shi chi-oi-bo-bo.
Cãntã shi adunã iadinã
-Tsi nj-amãnashi hara ta s-yinj?
-Iaram la teta oaspitã!
-Tsi tsinã bunã ma-nj ts-adră ?
-Ljepuru friptu cu stafidz
Sh-pãni frimtatã cu simitsã.
14. Dzuã sh-noapti mi-anyisedz zboara: Cola Fudulea
iho: Hrista Lupci
Dzuã sh-noapti mi-anyisedz
Lea, vrută cu tini
Dzuã sh-noapti mintea nj-easti
Vrută mash la tini.
Tahina anda-nj mi scol
Cu mintea la tini
Calea pãn’ la poarta ta
Io u-adrai di-asimi.
Tutã noaptea mi uhtai
Feată, lea, feată
Cãnticlu-aestu lu adrai
Feată musheatã.
Cãntic di cãndu-a s-hiu mari
Feată, lea, feată
Ta s- tsu-l cãnt la isuseari
Feată musheatã.
15. Di-ahati ori…….. zboara: Cola Fudulea
iho: Hrista Lupci
Di-ahãti ori ti-am antribatã
Tsi-ai pi suflit, more, feată
Tsi shedz ahãt nãrãitã
Sh-nu mash nã oarã gãilisitã.
Refren: Ai feata mea, ai steaua mea
Aidi feată, aidi-msheată
Aidi s-hii a mea.
Di-ahãti ori ti-am pãlãcãrsitã
S-mutreshtsã niheam la mini
Că bana mea-i dipisită
Fãr’ giuiapea di la tini.
Di-ahãti ori ts-am spus-andreptu
Dzãli sh-noptsã anfãrmãcati
Mi giur cu mãnjli pi cheptu
Că pãn’ la moarti va-nj ti-ashteptu.
16. Bati, vimtul, bati zboara: Cola Fudulea
iho: Hrista Lupci
Bati, vimtul, bati
Vimtul uscatlu
Bati, vimtul, bati
Vimtul ca turbatlu.
Bati, vimtul, bati
Vimtul pisti hoari
Sh-inima mea, vrută
Arhati nu-shi ari.
Di cãndu, lea, vrută
Inj fudzishi diparti
Zbor nu-am di la tini
Nitsi vãrã carti.
Inima mea, vrută
Inima nj- ascultã
Sh-yin acasã, vrută
S-adrăm dolji numtã.
Refren : Aidi, aidi, lea, feată
Aidi, aidi yinu, vruta mea
17. Vruta mea cu oclji lăi
Vruta mea cu oclji lăi
Cu fatsa hrisusitã
Spuni-nj, feată, ma s-mi vrei
I dip mi-ai agãrshitã.
Spuni-nj, lilici di dor
Tsi shedz pãrãpusitã
Fãrã tini bana mea
Iasti dipisitã.
Cã tse ‘mseata fatsa ta
Sheadi-anvirinatã
Cã tse dolji oclji-ts plãngu
Aspuni-nj, lea feată ?
-Tsi s-ts-aspun, gionli-a meu
Că sh-mini-nj ti-am tu vreari
A mei pi altu vor s-mi da
C-ari ma multã aveari.
-Las –avearea, vruta mea
Shi pãrãpusearea
Sh-yin’ cu mini, steaua mea
VREAREA s-nã hibã AVEAREA!
18. Gionj armãnj, tiniri vlãstari zboara & iho: NINI
Haidits, gionj armãnj, inshits tu lumi
Di la voi s-avdzãm daima lucri buni.
Refren : Gionj armãnj, tiniri vlãstari
Ti voi nu-ari greu anda-i alumtari
Di la voi Armãnamea-ashteaptã
‘Msheatã numã sã-i dats că-i mileti-aleaptã.
Vini oara-s grim : « Dishteaptã-ti, armãne! »
Shi s-nu minduim mash la dzua di mãne.
La marli sculii mintea a voastã–s hibã
An di an s-avdzãm anvitsats s-amintã
Armãnescul zbor ma nãpoi s-nu-armãnã
Deadun pi a lui tor miletea armãnã.
Di tut naima-n sus s-vrets armãneasca numã
Pirifanj–s purtăm hlambura armãnã.
19. Munte, frate zboara : NUSI TULLIU
iho : NINI
Munte, frate, munte sedz cu sãnãtati
Izvurli tsã plãngu vimtul ma-nj ti bati
Turmili-nj ti-alasã, cuclu nu-nj tsã cãntã
Munte, frate, munte inima nj-u frãmtã.
Inima nj-u frãmtã cãnd mutresc la tini
Iu tsã sunt’ pãdurli di birblj amplini
Avdzã, frate, munte bradzlji cum vãzescu
Mushuteasta adzã canda ts-u jilescu.
Mushuteatsa sãmtã shi alba primuvearã
Cãnd’ pit văiuri s-avdi cãntic dit fluiarã
Di dishteaptã noaptea bacilji la cãsheari
Sh-furlji dit limeri anda lun-ansari.
Munte, frate, munte-ts cãdzu frãndza toatã
Shi doilji oclji tu lăcrãnj greali, greali-anoatã
Puilji a tăi jilescu gionj tsi fug tu xeani
Gionj tsi alasã dinãpoi zuyrãpsiti dzeani.
Zuyrãpsiti dzeani s-fats ca di nãvai
Sh-oclji lăi tsi plãng’ cu lăcrãnj di sivdai
Lăcrãnj tsi tuchescu mushutets di dzani
Cum sunt, munte, frate, featili armãni.
Munte, vrute, munte sedz cu sãnãtati
Inima-nj ti plãndzi, jealea-nj ti stribati
Cãnd ni-aduc aminti ca va-nj mor diparti
Munte, frate, munte bana ari shi moarti.
20. Treamburã luna…. Zboara & iho : Sirma Guci
Treamburã luna
Tu mes di tser
Shi-a mea lilici
Tsi u-am tu per.
Treamburã luna
Pisti virdeatsã
Shi-a meali lăcrãnj
Tsi cad pi fatsã.
Treamburã luna
Pisti pãduri
Shi-a meali arãsi
Di la lãhuri.
Treamburã luna
Tu noapti veara
Sh-cu mini dorlu
Treamburã iara.
Refren : Nj-am un dor a meu
Tsi nu-i di can’ shtiut
Io va-nj ti-ashteptu, vrutlu a meu, vrut
Tini iara s-yini la mini cum tsã yineai
S-mi tsãnj pi bratsã cum mi tsãneai
21. Frãmti ninga frãmti zboara & iho: Sirma Guci
Vruta mea dă-nj mãna
Sh-angãtan la zboarã, le,le
Tut ashi di-msheatã
S-ti-aflu sh-mãni searã.
Sh-tut sum frãndza nuclui
S-nã veaglj di lumi, lele
Altã arãhati
Iu-i ma bun, aspuni?
Frãmti ninga frãmti
Zboarã ninga zboarã
Va li-astupã dorlu, lele
Lishurat v–as chiarã.
Va-ts andredz cusitsã
Va s-iai furca sh-lãna le, le
Io va s-yin ca furlji
Sh-va ts-adar cu mãna
Sã-nj mi-asteptsã sh-mãni
Ca s-yin di la stani le, le
Iu a s-alas mash cãnilji
S-aibã angãtani.
Mãni searã dorlu
Va nã-aducã iara
Frãmti ninga frãmti, le, le
Tut ca tora seara !
22. Tini amari, tini aspuni zboara & iho : Nushi Vanghele
Ti caftu cafi oarã
Sh-nu pot s-ti aflu io
Mardzina di amari
Inj plãngu a meu caimo.
Dit dzuã sh-pãn’ tu noapti
La tini minduiesc
Ni somnul nu-nj mi-acatsã
Cu tini s-mi anyisedz.
Refren : Tini amari, tini aspuni
Iu iasti, moi, vruta mea ?
Cãtã iu su caftu tora
Că-nj plãndzi inima.
Shideam, mãratlu, singur
Shi-aminti nj-adutseam
Di-anda iaram noi dolji
Sh-tsi multu noi nã vream.
Di-atumtsea tricu ‘nã etã
Sh-di noi nu shtim tsiva
Canda di canã oarã
Nu fum dealihea noi.
23. Iu anchisishi, lea, Lenă
-Iu-anchisishi, lea Le..
I-oi lea Lena lea
Iu-anchisishi Le..
Lenă singurã.
Tora pi ninga searã
I-oi lea Lenă featã-msheatã
Tora pi ninga searã
I-oi lea Lenă, featã hãidipsitã
-Io-anchisii la da..
I-oi lea Lenă lea
Io-anchisii la dada
La dada oaspitã.
Ta sã-nj torcu lãna
I-oi lea Lenă lea
Ta sã- nj torcu sh-lãna
Lãna ti doarã.
Ta sã- nj cosu shi bumbaclu
I-oi lea Lenă featã-msheatã
Ta sã- nj cosu shi bumbaclu
I-oi lea Lenă, featã hãidipsitã.
Ta s-adar arma..
I-oi lea Lenă lea
Ta s-adar arma..
Armata frati- njui.
Ta s-adar sh-tãcã..
I-oi lea Lenă lea
Ta s-adar sh-tãcã..
Tãcãmea di yrambo.
24. DUPA CUMU S-VEADI zboara: George Perdichi
iho: folclor popular
Dupa cumu s-veadi
Vruta nj -u chirui
Inima sh-u deadi
Cari shtii a cui.
Refren: Lasã, lasã, lasã
Că mini shtiu ghini
Că vruta va s-toarnã
Iara, moi la mini.
Canda di vãr’ oarã
Nu nã cãnãscum
Vdzi. Va- nj crep tri oarã
Vrearea s-featsi scrum.
Mi-adunai cu nãsa
In calea mea inshi
Zbor nu nj -ari dzãsã
Canda- nj mi agãrshi.
Mash cu dultsi zboarã
Ea- nj mi diznirda
Neca “bunã seara”
Tora nu- nj ma da.
Esta vream sã shtibã
Ti ea nu-i tsiva
Mi-agãrshi? As hibã
Iara va- nj mi va!
25. IMSHEATI VRERI
Zboara & iho : Nini Greu uhteadzã picurarlji
Că lungã fu iarna
Sh-di naua banã s-hãrsescu
Yini primuveara !
Refren : Imsheati vreri sh-mirachi anyeadzã iara
Imsheati vreri sh-mirachi hãrsescu bana.
Pupizi sh-turturi pi darmi
Cãntã dzua tutã
Sh-di harauã njeilji-msheats
Cãti doi s-alumtã.
Pi chilinj di iarbã veardi
Musheat oili s-priimnã
Sh-di fluierli-a picurarlor
Vlãstarlji s-ancljnã.
Tini, ‘msheatã muzichie
Tsi ti-avdzãm vãroarã
Toamna sh-iarna alãxeali
In grai di primuvearã.
Primuvearã, primuvearã
Lunjnã di soari
Dipun-ti pi-anoasti plaiuri
S-facã sãrbãtoari.
26. DA-ÑI MANA TA zboara & iho : Stelian Arau
Alargu hiu di tini
Shed singur ninga foc
Udălu mari - nj pari
Iuva nu nj -aflu loc.
Refren : Dă- nj mãna ta sh-apleacã-ts lishor
Budzãli di njari
Lăcrãnj pi fatsã s-tsã cadã di dor
Feata ti-a mea vreari.
Tu suflit amintirlii
Cad ca veara ploili
Tu vimtu, tu fãrtunã
Nã chirum noi dolji.
Va- nj ti-ashteptu feată
Va- nj ti-ashteptu seara
Mintănj nj -adar io tora
Sã- ñi ti tornj iara.
27. PROTA VREARI
Va-nji ti-ashteptu pi munti-ndzeanã
La oara cãndu vimtul bati
Iu lutseafirlu di analtu
In Sãrunã-nj mi pitreatsi.
Refren : Prota vreari sã-nj ti-agiungã
Shi s-ti-aducã tu nãpoi
Inima tu chept s-tsã greascã :
Tsi multu nã vream noi doi.
Va s-banam ca tu pirmithi
Tu padurea di asimi
Bana mea-ñi si luñineadza
Lutseafirlu-anlacarmeadza.
Va-ñi ti-ashteptu la fantana
Va-ñi ti-ashteptu feata-armana
Va-ñi ti-ashteptu cu-apa arattsi
Candu Lutseafirlu t treatsi !
28. IESHI, LEA FEATA, LA PURTITSA prelucrare folclor :Stelian Arau
Ieshi, lea feata la purtitsa, la purtitsa
Cu musheata ta cusitsa,lea cusitsa
Ieshi lea feata tu gardina
Seara candu-i luna mplina
Tini armana, tini buna.
Ieshi, lea feata tu gardina, tu gardina
Seara candu-i luna-mplina, luna-mplina
Sa-ñi ti tsan feata di mana
S-neam pi dzeana la fantana
Tini armana, tini buna.
Sa-ñi ti tsan feata di mana, lea di mana
S-neam pi dzeana la fantana, la fantana
S-na-ambitam cu apa-aratsi
Ca dorlu dit suflit treatsi
Tini armana, tini buna.
Ca dorlu dit suflit treatsi, suflit treatsi
Vrearea noasta u pitreatsi, u pitreatsi
Pi-una cali mash di-asimi
S-banedz feata mash cu mini
Tini armana, tini buna.
29. CANTICLU A NEAUALJEI zboara : Marcu Beza
iho : Hrista Lupci
Mushatili plaiuri
Az dorm tacuti
Navaiuri, navaiuri
S-ashternu pi tuti. Agalea ca rouiuri
Di albi lilici
Cad peani sh-azboaira
Sh-tu vimtu anyilici. Dit tserlu tsi nu-avdi
Criparea na-i greaua
Ñiloasa sh-ambara
S-na yiñi alba neaua. Aclotsi diparti
Iu fara mea s-frandzi
Dipuni shi-astupa
Cararli di sandza.
30. DU-ÑI-TI OARA BUNA zboara & iho: Gica Godi
Mea, vini oara s-ti marits
Shi fortuma s-tsa iai,
Tu casa xeana, va-ñi ti duts
La gionli-atselu tsi-l vreai.
Refren: Du-ñi-ti oara buna
Du-ñi-ti la casa ta
Pi tuts sa-i tiñiseshtsa
S-hii vruta, hillia mea.
Cuscarlli vinira sa-ñi ti ia,
Nu shedz pi minduiari,
Du-ñi-ti, lea hillie, la casa ta
S-n-ascots pi ihtibari.
Mea, fa-ñi-tsa crutsea sh-anchisea,
Nu sedz parampusita,
Mea, Dumnidza palacarsea
S-ts-agiuta bana tuta.
Ia-ts oara buna sh-anchisea
Pi cali luninata,
S-nu fats di-arshini soia ta
Zilipsita sh-alavdata.
31. FANTANA VREARILJEI
zboara: Nicolae Velo(prelucrare folclor)
iho: folclor popular
Una luni catra seara
Anda ia soarli ta s-cheara
Muluvishte-nghios tu padz
La musheatili livadz.
Rasuna bots di mullieri
Shi cantitsi dit fluieri
Tsi s-parea ca tiva steali
‘Clo sa ftsea na numta mari.
Cuscarlli tuts dipriuna
Cu fartats, cu nun sh-cu nuna
Baga ‘nveasta s-traga corlu
Nu-i ancapi-i ñic uborlu.
Cum s-nu yina lumea s-veada
‘Nveasta noaua corlu s-traga
Ñicu sh-mari s-adunara
Sa-i harseasca shi s-la oara.
Corlu creashti tut ma creashti
Pit valoaga s-anvarteashti
Ma mutrits ‘nveasta tsi-ari
Canda-i yini na lahtari.
Ma sh-adusi corba aminti
Ca fu isusita ninti
Pi un gioni-msheat ca soari
Tsi sh-lu-avea laia tu vreari.
Tu-atsea oara ‘ncalari
Yini om di calea mari
El s-aproachi, sta , mutreashti
Can di cuscri nu-l canoasti.
-Bun va-i dzua voi numtari
Sa-ñi banats cu ñic cu mari
Preaclea s-va-anchirdiseasca
Bana lunga s-ausheasca !
Grits a ‘nveastallei ta s-yina
Ca u-am prota cusurina
Ca u-am cusurina veara
Voi sa-i dzac io doaua zboara.
‘Nveasta s-toarna aspareata
-Mi canoshtsa tini feata?
Ai andreptu s-mi agarsheshtsa
Sh-ni tu ocli s-mi mutreshtsa.
Noaua añi sun’ lea marata
Yislu ñi-l chirui io feata
Ca ñi-aveam na piturnichi
Sh-ñi azbuira dit dzanuchi !
Ia-ts Mushe nelu di-asimi
Ca nu mi ashtiptashi pi mini
-Tini Yoryi, Musha fatsi
Sh-diunaoara-i cadi ‘nbratsa.
Ma grambolu candu veadi
Scoati arma el nu sheadi
Tradzi ndreptu lu agudeashti
Cadi Yoryi sh-ashi greashti :
-Sa-ñi tsa creasca gione mana
Sh-tsa baneadza atseia-armana
Ma marata Mushi ñica
Palnili sh-da shi-s disica.
-Ah, blastem, blastem pi tini
S-nu ti aprochi ninga mini
Luats-lu aestu afurisit
Cu mortul va mi marit.
Clo sh-muri shi-msheata armana
Sh-ma si featsi na fantana
Jealea Armanamiellei
La Fantana Vrearielli.
32. TU UNA TAHINA LEA DADA MEA
zboara & iho : Sirma Guci
Tu-una tahina lea dada mea, lea dado
Tu-una tahina lea dada mea, lea dado
Iñi vidzui dado sh-un yis musheat
Lea, iñi vidzui dado sh-un yis musheat :
Tu gardina iaram
Lilici ñi-arupeam
Sh-un trandafil iñi dzatsi :
« Feato, nu-ñi mi frandzi ! »
« Cara s-mi-aruchi, feata a ta vreari, lea feato
Cara s-mi-aruchi, feata a ta vreari, lea feato
Va s-chiara cu mini dinacali
Lea, va s-chiara cu mini dinacali. »
Tu gardina iaram
Lilici ñi-arupeam
Sh-un trandafil iñi dzatsi :
« Feato, nu-ñi mi frandzi ! »
Lele, dado yislu tsi lu-avui, lea dado
Lele, dado yislu tsi lu-avui, lea dado
Mintea la vrutlu-a meu ñi-u pitricui
Lea, mintea la vrutlu-a meu ñi-u pitricui.
Ca iasti tu xeani
Fara cana vreari
Lea dado, lea muma
Fara can vreari.
33. CANTIC DI ZAMANI zboara : Kira Mantsu
iho : Hrista Lupci
Gione oclji-ts ca di-amura
Nu vedz ? Anjili - alaga sh-cura
A, s-nidzem niheama-n hoara
A papanjilor dor s-na doara.
Gione oclji-ts ca di-amura
Zboarali-nj s-lilici-n gura
Mana ta ‘shteptu s-li aduna
Zboara tufi pirpiruna.
Gione ocli-ts ca di-amura
Picurari sh-cupii s-chirura
Yin s-na-aflam dolji uidia
Anjlji s-na hiba cupia.
Gione ocli-ts ca di-amura
Carvanari di mult tricura
Caiurli tuti-s dishcljsi
Agarshea veclj yisi.
Gione ocli-ts ca di-amura
Papanjlji candu tricura
Nu-nj tsa dzasira atseia
Ca mini-ts escu haryia ?
34. IARAI IMSHEATA CANDU ARADEAI
zboara & iho : Sirma Guci
Tsañi minti prota dzuua
Candu-n bratsa ti tsanui
Candu avea vinita primuveara
Tini tatseai lea feata
Shi-io di vreari-ñi tsa-azburam
Nu shtiam di dor cum treatsi oara.
Refren: Iarai imsheata candu-aradeai
Ah, feata mea cu perlu lai
Ca tse mi pidipseai?
Tu-alanta dzuua feata
Candu dolli na-adunam
Oclii-a tai imsheats s-anvirinara
Cum di putushi lea feata
Doaua zboara ta sa-ñi dzats
Inima ñi-u anfarmacara.
Tora ma ca tricu
Shi-msheata primuveara
Tut la tini io mi minduiescu
Singur tu lumi feata
Mi-alasashi lea di fudzishi
Cata alti yisi tsi-ñi tsa grescu.
35. VIDZUI UNA FEATA ‘MSHEATA IO
Vidzui una feata ‘msheata io
Cumu-i luna di pi tser
Ah, imsheata-i feata
Musheata-i, oh, ore lea mano
Shi-io di dorlu-a ei mi cher.
Oili li-agarshii nimulsi io
Di cum mana u vidzui
Ni matritsa, capari, ñiali
Oh, ore lea mano
Pi tuti, lea mano io li-agarshii.
Cafi dzuua feata-msheata ea
Pi la stani treatsi ea
Cum s-adar aspuni-ñi
Aspuni-ñi, oh, ore lea mana
Cum s-adar lea mana, oh s-hiba a mea?
36. NAFIMATS MATA, LEA FEATA
Nafimats mata lea feata
Tsi-ñi ti featsi ahat di-a musheata
Haidi di-u-ts ligashi ahtari ñiata
Sufrantseaua-ts more gaitanata.
Nafimats, oclii-a tai verdza
Tahina lea anda-ñi ti-andredza
Haidi tuta dzuua lea pi cantari
Ah, budza more sh-gura di ñiari.
Candu nedz seara moi la fantana
Cu doauli lea-m ghiumi-n tru mana
Haidi ti mutresc shi-ts fac siryiani
Ah, lai anghil moi tsi-ñi ti-am tu vreari.
Nu-am un bair lea di mardzeali
Nafimats feata cusitsali-a tali
Haidi lea zarcada padarushi
Cu doauli more flurii lea di gushi.
37. SHOPAT SHULINAR zboara & iho : Gica Godi
Shopat, shopat apa-aratsi
Candu beai dorlu tsa treatsi.
Refren : Shur-shur, shopat shulinar
Urdina armañilli chindinar !
Shopat, apa hrisusita
Cupañia-ts malamasita.
Poarta armañilli cu haraua
Apa di la pishtireaua.
Featili cu cubilitsa
‘Nveastili umplu buchitsa.
38. A LEA UN LAI MUNTI
A, lea un lai munti,
Lea un lai munti
Analtu sh-fuvirosu, lele
Un lai munti
Analtu sh-fuvirosu.
A lea sh-dupa munti
Na livadi veardi
A lea sh-tu livadi
‘Na fantana aratsi
A lea inima mea
‘Mplina-i cu farmatsi
A lea nu-am na dada
Sa-i li spun cu-arada.
39. FEATA FARA NUMA zboara : Mihaela Shutsu
Iho : Hrista Lupci
Feata fara numa
Gean curat shi-aleptu
Tini pots s-ñi-astindza
Dorlu-amar dit cheptu.
Feata fara numa
Boatsi hrisusita
Tini a ñi-andultseshtsa
A mea bana tuta.
Feata fara numa
Dultsea ta mutrita
Iutsido mi afla
Canda-i mayipsita.
Feata fara numa
Boatsi ca di ñiari
Ñi-aduseshi tu suflit
Naima marea vreari.
Feata fara numa
Budza ca di ñiari
Inima-ñi umplushi
Di ahanta vreari.
Feata fara numa
Iu hii tu-esta oara ?
Sa-ñi ti-astringu la cheptu
S-nu ti cher varoara!
40. TINI-AMARI, TINI - ASPUNI
Ti caftu cafi oara
Sh-nu pot sti aflu io
Di mardzina di-amari
Inj plangu a meu caimo
Di dzua sh-pana noapti
La tini minduiesc
Ni somnul nu-nj mi-acatsa
Cu tini mi-anyisedzu.
Refren:
Tini - amri, tini-aspuni
Iu iasti, moi vruta mea
Cata iu s-u caftu tora
Ca-nj plandzi inima.
Shideam maratlu singur
Sh-aminti nj-adutseam
Candu iaram noi doilji
Sh-tsi multu noi na vream.
Deatumtsea tricura anjlii
Sh-di noi nu shteam tsiva
Canda di canaoara
Nu fum dealihea noi.
41. HAI VRUTA MEA
Toamna sh-yini pri noi
Sh-ia yini sh-vimtul cu ploi
Luna dit njori
Ocljii va-i ancljda
Tini sa-nj ashteptsa ca va-s yinu
S-nu plandza ca va-s aman
Fatsa musheata s-ts-u ved
Tut la firida.
Refren:
Hai vruta mea
Mutats ocljii dit padi
Mutrea la steali
S-apreasira pi tser
Hai vruta mea
Da-nj a ta mana alba
Voi s -hii cu mini
Nu voi iara s-ti cheru.
Candu va-s yinu s-nu ti-aspari
Aestu lucru s-nu adari
Shedz tas ts-aspun dorlu a meu
Ca fara tini-i greu
Daima tu itsi tsi-am
Sh-voi tas hii daima a mea
V-a tsa dau luna dit njori
S-hiba mashi a ta.
42. NUMTA ARMANEASCA Gica Godi
1.Fanfara tumbara shuira, tampanjli-s batu
Ficiori tsi harau
Featili canta, fciorljii arsar
Nunta-s featsi-n hoara.
Refren:
Nunta-armaneasca, moi
Nunta-armaneasca
Lumea s-ciuduseasca
Arhondu Grambe, Arhondu lua inveasta
Lumea sa-i harseasca.
2. Dia-ahanta anami sh-pirifanj
Soarli-avina niorlu
Pi funii teiuri di harsali
Lunjneadza sh-uborlu.
3. Ies tababilji dit mahaladz
Umplura sh-misiharea
Dzoaca sh-granghiadzai arhundadz
Sj-la si umpla valea.
4. Cor di haraua, moi sh-ahurhira
Di gioaca sh-cilimeanjlii
Gioaca sh-aushlji sh-tsangasescu
Sh-agarshira sh-anjlii.
43. LAI, TINIR PICURARE
1. Lai, tinir picurare
Cari-i bana ta
Ore tini-armana
Io sh-cupia mea.
2. La tinir picurare
Cari-i macarea ta
Ore tini-armana
Cashlu sh-cu ghiza
3. La tinir picurare
Cari-i hoara ta
Ore tini-armana
Muntsalji sh-padurea
4.Dumnidzau sanatati
Picurare s-tsa da
Du-nj-ti tini-armana
Du-nj-ti pi calea ta.
44. SA-NJ MI DUC LA EA
1. Cafi dzua, na sihati
Ici nu pot s-shedu arahati
Iutsido io ma mutrescu
Vruta nj-u duchescu
Refren:
Sa-nj mi duc la ea
Sa-nj mi duc la vruta mea
Sa-nj mi duc la ea
La lilicea mea.
2. S-yina s-treaca-ndaua dzali
Far di vruta jar vas macu
Inima cumats s-adara
Sh-la canj v-a u-arucu.
3. Lunea-n cali u-acatsai
La shopat vruta nj-aflai
Sh-anda io la ea mutream
Le le -nj mi tucheam.
4. La shopat io u basheai
Lilici-n peru-i bagai
Ma lilicea nai ma-msheata
Iasti a mea feata.
45. TASH LA TREILI SHOPATI
1. Tsh la treilji shopati
Ca tu dultsi aropati
Canda sunt tu clopati
2. Plangu aclotsi izvurli
Izvurli sh-fantanjli
Yinu s-aspeala dzanili.
3. Yinu s-aspeala dzanili
Dzanili daileanili
Cu musheati dzeanili.
46. NU POT-S PISTIPSESCU
Stere C-tin
1. Avdzai sh-mini aseara
Cum lumea sh-azburashti
Ca una feata-armana
Cu xen fcior s-araseashti.
Refren:
Nu potu-s pistipsescu
Tsi iasti tu mintea ei
Cum nu-s minduiashti, shcreta
La maratslji parintsa a ei.
2. Diparti iu v-as hii
Diparti pisti-amari
Nu v-a ti acatsa dorlu
Di casabadz sh-di hori.
Refren:
Sh-atumtsea urghisita
Pishmani v-a ti fatsa
Ca nu v-a ti acatsa somnul
Candu v-as nedz s-ti badz.
3. Nu va ti acatsa somnul
Tu noptsali di vreari
Cand puiljii va tsa canta
La giamea di n-afoara.
4. Lea feata, lea armana
Ma ghini minduiati
Pi tini s-nu ti arada
A ta minti di feata.
5. Voi, featili armani
Un zbor voi sa-nj ascultats
Ca aesta feata armana
Cana s-nu adratsa.
47. MA-MSHEATA IASTI ITSA
1. Dit featili dit lumi
Ma-msheata iasti Itsa.
Refren:
Aroshi tsa-i cusitsa
Ma-msheata iasti Itsa
Cu perlu neali, neali
Oh, cat u-am tu vreari.
2. Di candu io-nj ti-aflaiu
Multi cantitsa tsa cantaiu
3. Di candu io ti-aflaiu
Altu gioni nu-alasai
Pi tini sa-nj ti iau
Lea Itsa, vruta meau
4. Mas nu u-acats in chiari
Ca sh-tini me-ai tu vreari
Noi doilji s-n-arasimu
Doiljii s-na yisusimu
48. TOARNA-TI (DZANA DIT YISU)
Stere C-tin
1. Hai aspuni, calea la tini
S-tsa harsescu perlu di-asimi
Hai dishcljidi bratsali a tali
Di njii di ori s-ti astringu tu vreari.
Refren:
Toarna-ti, dzana dit yisi
Hai taorna-ti ca tu pirmithi
Nu agarshea vrearea curata
Armanj daima a mea
Oh1 tsi dultsi feata.
2. Zborlu a tau iasti achinarea
Livatsa dultsi, s-mearda vrearea
Njurizma di meari coapti
Lutseafir dultsi di njeadza noapti.
3. Zborlu a tau iasti uidia
Tsi s-aminta cu haria
Ii habarea tsi u-ashteptu
Di la tau suflit aleptu.
4. Vruta mea ii lunjina
Izvor dultsi dit harii
Araduiali s-nu duchescu
S-nu mi-alashi s-mi pidipsescu
49. DA-NJ MOASHE FEATA
1. Da-nj moashe feata
Oh, cat na vrem doilji
Ca na vinim doiljii
Nu-ari altsa ca noii
Refren:
Crechi, more, gione sh-plascanea
Dada la tini nu-nj mi da
Pri yinatea tau sh-a meaua
2. Da-nj, lea moashe, feata
Oh, cat na vrem treilji
Ca na vrem treilji
Tas adram hareii
3. Da-nj, lea moashe, feata
Oh, cat vinim patru
Ca na vinim patru
Un ma bun ca alantu.
4. Da-nj, lea moashe feata
Oh, ca na vinim tsintsi
Ca na vinim tsintsi
Tuts cu una minti.
5. Da-nj, lea moashe feata
Oh, ca na vinim shasi
Ca na vinim shasi
Tuts cu 'na cameashi.
50. NU-NJ MI-ACATSA SOMNUL, MOI
Stere C-tin
1. Nu v-as pistipseasca vara, moi
Vruts armanj tsi v-a v-aspunu
Nu shtiu tsi-ari, le le vruta mea
Mutreashti la altu vara
Refren:
Nu-nj mi-acatsa somnul, moi
Tuti noptsali sunt albi
Mana s-anvirina, moi
Oh, le le fciorlu nu-nj poati.
2. Altu var' ca tini, le le, moi
Tini, vruta, nu v-as afli
Tini shtii, le le ca bana mea
U-ampartsam pi giumitati
R: Io-nj mi minduiescu, le le moi
Cari cali v-as anj iau
Lailu nu shtiu tsi s-adaru
A mea bana-i multu greaua.
4. Asculta tini vruta, steaua mea
Inima-nj si lunjineadza
Dorlu a tau, yitria mea
Mash el poati sa-nj mi-anyiadza.
R: Nu-nj ti-aspari, gionli-a meu
Shedz-tsa tini arahati
Altu io pi lumi nu-amu
Inima ti tini bati.
51. YINA VRUTA, YINA SEARA Stere C-tin
1. Vruta mea di cafi oara
Yislu a meu ti-adutsi iara
Tas tsa bag minghiushi di-asimi
S-me-ai tru minti mash pi mini.
R: Yina vruta, yina seara
Ca una landuri
Yina-n bratsa sa-nj ti-astringu
Sa-nj ti bashu pi frunti sh-fatsa
Oh, pi dultsea gura
S-anyisedzu, s-aradu shi-s plangu.
2. Cafi dzua nj-am tru minti
Andalmasearea di ma ninti
Pi-atsea dzeana di spri hoara
Iu ti vidzui prota oara.
3. Mana ta cu a mea mana
Tsi lai zboara apriuna
Zboara amaxi anyripsiti
Mash di noi angaldasiti.
4. Tu a tai oclji adghivasescu
Vrearea mea sh-nj mi harsescu
Nu nj-am zori ti duneaua
Ti mini bana-i haraua.
52. PIT PADURI VRUTA
1. Pit paduri vruta
Mash si priimna
Un cantic di vreari
Vruta mash canta.
2. Vruta pri iu calca
Lilici dishljidea
Lilici di vreari
Oh, dultsi basheari.
3. Nj-am 'na vruta-msheata
Luna di pi tser
Lailu dupa vruta
Mi tuchescu, mor
4. Asculta-mi vruta
Feata cu ocljiul lai
Tas tsa dzac un grai
5. Ti-am tu vreari, gione
Doilji va na luam
Bunili sh-arali
Doilji-a li tritsem.
53. TINI FEATA NJCA, TINI MUSHUTICA
1. Tini feata njca, tini mushutica
Spuni tsi s-tsa iau
A tseia s-tsa dau:
Minghiushi s-tsa iau
Dzatsi njii s-dau.
2. Tini feata njca, tini mushutica
Spuni tsi s-tsa iau
A tseia s-tsa dau:
Fustani s-tsa iau
Una njii s-dau.
3. Tini feata njca, tini mushutica
Spuni tsi s-tsa iau
A tseia s-tsa dau:
Paputsa s-tsa iau
Una njii s-dau
4. Tini feata njca, tini mushutica
Spuni tsi s-tsa iau
A tseia s-tsa dau:
Di la mana-s iau
Fluria s-tsu dau
5. Tini feata njca, tini mushutica
Spuni tsi s-tsa iau
A tseia s-tsa dau:
'Nelu di la mana-s iau
A tseia-s-tsa-l dau
54. YINA SA-NJ TI VEDU
Stere C-tin
(Nini)
1. Dza-nj, lai gione, dza-nj
Tsi-i pi la armanj
Cum baneadza a noshtsa papanj
Dor di ei mi lua
Sh-tu aestu chiro
Nu shtii tsi greu
Ii diparti di armanj.
R: Yina sa-nj ti vedu
Pi tini-s-ti-antrebu
Tsi-adrats voi, pri iu hits, priu iu banats
Yina sa-nj ti vedu
Pi tini s-pitrecu
Ancljnaciunj la vrutsa-a mei fartats.
2. Gione tas nu crep
La tini-nj mi-angrec
S-nedz acasa sh-la a mei s-la dzats
Mi-acatsai di 'vdzii
Sh-na ieta xinii
Sa-nj mi iarta
S-nu hiba cartits.
3. Di-armanj mi chirui
Ma xenii-i vrui
Shi-s mi tornu-n hoara nu v-as potu
Di-nj mi lua sh-un doru
Sh-tu a nostu uboru
Canda-nj mi vedu
Tora sh-a meu nipot.
4. Cantitsli-agarshii
Zboarali chirui
Shcretlu suflit nj-easti pliyuit
Di nj-eram tu sots
Naima vruts di tuts
Mi-azburashti lumea dipriuna.
55. CUM S-ADAR (Nini)
C-tin Stere
1. Un suflit inj greashti, lea dado
Alantu inj mi miipseashti, lea muma
2. Fitica cu suflit di anyil, lea dado
La cheptu voi s-u am ca trandafil, lea muma
3. La una nu-nj nesh di inati, lea dado
La alanta ca-i multu diparti, lea muma
4. Nj-a frica di oara tsi-shi yini, lea dado
Lishor nu-i s-aledz nai ma ghini, lea muma
5. Tu suflit nj-armass io ascumtu, lea dado
Tu soni di cana pitrumtu, lea muma
Refren: Cum s-adar, la cari-s mutrescu
Tsi s-adar, tas nu alutusescu
Vrearea mea nu pot s-uadaru daua
Cari s-hiba a mea-nveasta naua.
56. FEATA PLANDZI, MANJLI-SH FRANDZI
1. Tu gardina-n vali
Una feata
Sheadi cu cupia
Tas adapa
Vimtul bati aratsi
Greu arau ii treatsi.
2. Tini, gionli a meu
Candu vas yini
Calea pan la tini
Ts-u adaru di-asimi
S-na harseasca gione
Lumea tuta, s-hiba la a noasta numta.
Refren: Feata plandzi, manjli-sh fradzi
Gionli-a ei imsheat ca soari
Nu va s-yina tas aduna
Nu vas yina di la stani.
57. LASA, LASA, LASA
1. Dupa cumu-s veadi
Vruta nj-u chirui
Inima sh-u deadi
Cari shtii a cui.
2. Mi-adunai cu ea in cali
In calea mea inshi
Zboru nu nj-ari dzasa
Naca mi-agarshi.
3. Mash cu dultsi zboara
Ea mi diznjarda
Ii ded buna seara
Sh-nu dzasi tsiva.
4. Canda di varna oara
Nu na canascum
‘Vdzi, va-nj crep ti oara
Vrearea-s featsi scrum.
5. Aesta veari nu shtitsa
Ti ea nu-i tsiva
Mi agarshi, vas hiba
Iara va-nj mi va.
Refren: Lasa, lasa, lasa
Ca mini shtiu ghini
Ca vruta vas toarna
Iara, moi la mini
58. DOR NJ-U DOR...
C-tin Stere (Stere)
1.Dada ocljul iara-nj bati
Naca-nj yini vara carti
Oh, di la vrutlu-a meu
Di doi anj sh-giumitati
Cashti iu alaga sh-cat diparti.
Oh, ca vai di io.
2. Deanda lua-n calea mari
Io nu shtiu tsi-i sarbatoari
Oh, xeani-nj shedu tu prag
Nu-am ni prandzu, nu-am ni tsina
A lui gaile mi-astuhina
Oh, cum vas pot s-arabdu.
3. Mintea-nj iasti araita
Iu su aflu a lui vinita
Oh, nu pot s-agarshescu
A lui vreari mi pitrundi
Durearea-n suflit ascundi
Oh, ghideili-a meali cresc
4. Cum s-mi-alasa minduierli
Nu-nj mi-aduna-n casa serli
Oh, singura-nj mi-antreb
Cari dzua na-i ursita
S-harsescu a lui vinita
Oh, cu el iara s-mi ved.
Refren: Dor nj-u dor
Di-un, lai gioni, msheat, lea dado
Dor nj-u dor
Di birbilu-a padurlor.
59. TSI TS-AI, BRE GIONE, OCLJUL DI-AMURA
1. Tsi ts-ai,bre gione, ocljul di-amura
Tsi-nj tsa eshtsa tini un arman
Budzali aroshi, mushata-ts gura
S-mi-alashi na oara
Dultsi s-ti bashu.
2. Itsido lucru tsi-l iau tu mana
Tut inj si pari ca-i mana ta
Sh-atumtsea lacranj ca dit fantana
Cura, bre gione, pi fatsa ta.
3. Aidi, bre gione, preachlj s-na fatsim
Untrup sh-un suflit doilji s-avem
Sh-aesta bana doilji s-u treatsim
Apa di moarti doiljii s-u bem.
60. ANLJII YINU SH-TRECU, LEA MANO
1. Anljii yinu sh-trecu, lea mano
Sh-mini nu-nj mi-andregu
2. Di a tali zboara, lea mano
Mini nu-nj mi loara
3. Di a tau gura, lea mano
Mini nu-nj mi vrura
4. Va-nj eram martata, lea mano
Vas aveam sh-na feata.
61. MUTRESCU DI PI DZEANA-N HOARA
1. De-analtu luna mutreashti
Iutsido horlu na pashti
Tut pi loc inj shed inj pari
Oh, tsi noapti lai ahtari.
2. Ca-nj mi-ashteapta sh-a mea vruta
Mor di nearabdari
De-anda vdzii io-nj mi turnai
Oh, ti Pashti-n Grailu Mari.
3. Gaileadz tora-nj mi frimita
Can’ nu shtii a mea vinita
Un dor zurlu nj-am tu cheptu
Oh, pi ruta mea nu ved.
4. S-u ambunedz, s-u diznjerdu
S-u astringu la meu cheptu
S-agarsheasca a mea vgari
Oh, sa-i treaca a ei cripari.
Refren: Mutrescu di pi dzeana-n hoara
Mutrescu tsi zandani amara
Analtu tserlu-i amplin di steali
S-agiung, agiutats-mi, voi surarli-a meali.
62. YINA, YINA-N SUS PI DZEANA Yioryi Nicolae
1. Suflitlu mash plandzi
Plandzi shi suschira
Ti-una feata-armana
Msheata ca trandafila
2. Hii imsheata feata
Lambrusea yilia
Hii imsheata feata
Has – Sta Maria.
3. Malma tsa-i truplu
Ocljul lai di-amura
Perlu-ts di harsafi
Ts-aspun a tali njati.
4. Suflitlu mash plandzi
Plandzi cu harau
Tini feata-armana
S-ti vedu inveasta naua
Refren: Yina, yina-n sus pi dzeana
Tas na isusim astara
Luna v-a na hiba nuna
Steali s-na baga caruna.
63. La mushata armana C. Ionescu
1. La mushata armana
La shopatlu dit vali
Totna cand trets
Inj fats mirachi mari
2. La mushata armana
Trup ca fidana
Cum s-fac s-tsa dzacu
Pi suflit nj-am arana.
3. La mushata armana
Voi s-tsa dzac sh-un zbor
Ca tora cu tini
Mini voi-s mi-nsoru.
4. Mas vrei tini gione
S-hiu inveasta tau
Hai la mini acasa
S-na fatseam haraua.
Refren: Oh, le le le le, oh
Multu-nj ti-am tu vreari
Oh, le le le le, oh
Da-nj sh-una basheari.
64. Hai feata mea Cola Fudulea
1. Di-ahanti ori te-am antribata
Tsi-ai pi suflit, tini feata
Tsi shedz ahanta naraita
Nu mash na oara yilista
2. Di-ahanti ori te-am placarsita
S-mutreshtsa niheam la mini
Ca bana mea ai dipisita
Far’ giuiapea di la tini.
3. Di-ahanti ori ts-am dzas-andreptu
Dzali sh-noptsa anfarmacati
Mi giurai cu manjli pi cheptu
Pan’ la moarti va-nj ti-ashteptu.
Refren: Hai feata mea
Hai steaua mea
Haidi feata, haidi msheata
Tini-s hii a mea.
65. Pi atsea candushi vinita
1. Pi atsea candushi vinita
Ioi, lea Leno vinita
2. Pi atsel grai tsa damandai
Ioi, lea Lena damandai
3. Ma vinj acasa, lea sh-nu-nj ti-aflai
Ioi, lea Lena, nu-nj ti-aflai
4. Mea prit bahce, lea ti priimnai
Ioi, lea Lena, priimnai
5. Ma cu altu gioni, lea ti-ariseai
Ioi, lea Lena, te-ariseai
6. Mea lilici aroshi ts-adunai
Ioi, lea Lena ts-adunai
7. Ma tufi tufi, lea, li ligai
Ioi, lea Lena li ligai
8. Ma pi la soatsa, lea, li-asprandeai
Ioi, lea Lena, li-asprandeai
9. Ma sh-ali vruti, lea, nu-i dideai
Ioi, lea Lena, nu-i dideai.
66. Multu-msheatu-i gioclu armanescu
1. Multu-msheatu-i gioclu armanescu
Fciori-ss feati daima lu-anchisescu.
2. Prota-n cap isusitili-anchisescu
Soia tuta yin ma di li mescu.
3. Gioaca-n cap di Ceamurlia feati
Cari di cari s-hiba cama-msheati.
4. Fciorljii-n coada tuts armanj ca noii
Sh-anvartescu imsheati cambaloghi.
Refren; Aiditsa fciori tas n-acatsam in cor
Shi s-na giucam pi armanescu zbor.
67. Mi sculai lunea tahina
1. Mi sculai lunea tahina
2. Feciu crutsea s-neg la vruta mea.
3. Nj-aflai vruta iu mash durnja
4. Pi crivati arcata iara
5. Sh-carvatea mash sh-u ligana
6. Luai pocilu di u-aspurcuclji
7. Vruta mea mash si lahtarsi
8. S-ascula sh-cu mini-anchisi.
68. Pi tser Luna
1. Yina vruta sa-nj ti vedu
Ca multu-nj iasti greu
Alargu io sa-nj shedu
Singur tu geamlu a meu
2. Mutrescu mash pi Luna
Sh-nj pari na yilii
Iu, vruta,-nj ti mutreshtsa
Oh, shi-nj cadi milii.
3. Tsi-nj vedu, corbul di mini
Ved fatsa ta aroshi
Vruta cari-i cu tini
Sh-pi fatsa cari ti bashi.
Refren: Pi tser Luna
Si priimna
Noptsalii li lunjneadza
Somnul, vruta
Nu-nj mi-acatsa
Inima di dor uhteadza.
69. Vidzui sh-una feata, lai
1. Vidzui una feata lai
Multu, bre, cu hari
Inima-nj dzatsea, lai
S-hiba sh-a mea muljiari
2. Di cansu u vidzui io
Multu u-arisiu
Pitricui io tati, lai
Di mi isusi io.
3. Sh-anchiseam la vruta mea
Pit ploai sh-furtuna
Agiundzeam la vruta mea
Yinshea dzua buna.
4. Sh-anchiseam la vruta
Pit ploai sh-arcoari
Agiundzeam la vruta mea
Yinshea bunlu Soari.
5. Nu mutream ni vimtul, lai
Nu mutream ni neaua
Inima-nj dzatsea, lai
S-neg la steaua mea.
R: Sh-ai la la la la
Multu bre cu hari
Sh-ai la la la la la
Oh, sivdai mari.
70. Picurar cu albi oi 1. Picurar cu albi oi
Cu precea chiptinata
S-yini astara pi la noi
Sa-nj ti veada sh-dada (Dada sa-nj ti veada)
2. Picurar cu albi oi
Cu perlu neali-neali
S-yini astara pi la noi
Ca multu-nj ti-am tu vreari.
3. Picurar cu albi oi
Cu percea chiptinata
Suschira di dorlu-a tau
Una feata imsheata.
4. Feata vream ta-s yinu la voi
Ca multu-nj ti-am tu vreari
Nu-aveam cari s-alas la oi
Ca sh-oili vor pashteari.
Refren: Hai, lai gione, s-yini acasa
Sa-nj ti veada dada.
71. Xeana dza-nj Nini
1. Tsi vimtu aratsi bati, di-nj mi cutreambura tut
Sa-nj caftu un loc caldu, tu-a tau suflit chirut
Has puilu-atsel tsi-azboaira tu ahandoslu tser
Nu-nj aflu isihia di frica s-nu-nj ti cher.
2. Carari dishcljd tu noapti cu mintea tas ti vedu
Tu-amarea di-ascutidi mi-adasta ca la nec
Cu framtea aplicata sh-di minduieri ursit
Batuta-nj prite asea cum …dit chirut..?????????????
3. Cu dauli bratsa teasi, daima-nj ti ashteapta s-ieshi
S-agiung s-tsa beau njurizma, lilici dit ciresh
Ah, dultseamea chiruta – aumbra far’ di grai
Cu sirma (???) vreari vrei defturi tas mi ai
4. La inima-tsa di gljatsa mi pidipseshtsa s-agiung
Cu a meali zboara caldi di daima voi s-ti am
Icoana Sta Mariei, io-nj hiu un anghil bun
Cararea cata bana s-u-anchisim deadun.
Refren: Xeana dza-nj? Tsi-ahanti Mari-nj ports tu cheptu
Sh-cari hii? Canta-nj dorlu-a tau s-ti ascultu
Pots sa-nj aspunj? Nj-alasashi un loc tu suflit
Cu haraua io tu el s-dipun.
72. Minduindalui la vreari
1. Minduindalui la vreari
La a zboaralor puteari
Tut a-nj pari ca-nj dishcljdi bana
Sh-anda sa-mi arup di lumi
Zbor s-tsa aspun tsi greu s-aspuni
Umbra di gaile mi ia azvarna.
2. Noptsa n-acatsau arada
N-afiream di lumi anda
Dultsi zboara nj-aspuneai dit suflit
Nj-aspuneai cu dorlu-ts mari
Tsa dzatseam ca hii ti hari
Na parea ca bana tuta-i cantic.
3. Ts-aspuneam di-a vrutslor grai
Dit pirmithi cu sivdai
Tiniri tsi-s giurau pi bana vreari
Mi mutreai dip ciudusita
Shi-nj spuneai ashi harsita.
4. Tut cu mintea la ma ghini
Di daima ampartsats di lumi
Ti-ashteptu tu atsea dit soni oara
S-anchisim mana di mana
Di-aua sh-ninti dipriuna
S-agarshim atseali anaxi zboara.
Refren: Yisi sh-minduieri adrati
Aradapsiti has tu carti
Yin deadun tu minti sa-nj ti
aduca
Diznjrdari di vreari cati
Ambartsatsari di lumi-ascumti
Tu-n greu plansu shi-n suschiru
mi-aruca
73. Hai vreare, vreare
1. Xeani-nj suntu tuti sh-chiruti a mea vreari
Sh-neadghisit tsa eshtsa oarfan a meu dor
Tsi ducheshtsa tini sh-tsi nj-am io tu hari
Nu-i cali di mesi, s-nj-arman s-nu mor
2. Stihilja-ts puteari tsi-nj mi thimiseashti
S-mi avina pi caiuri di baia chiro
Ca na spida-nj treatsi tu minduierli-a meali
Sh-mi amparti duchescu di un intreg lao.
3. Ma aumbra agiumsi truplu a meu, oaminj
Sh-grailu-nj vimtu aratsi ninga a tau iho
Ti a mea bana cavai tsi treatsi
Minduind la tini cu cantic sh-caimo.
Refren: Hai vreare, vreare yis niangaldasit
Nu tsanj di eshtsa lumi
Mash di imsheat pirmith
Hai vreare, vreare tsi zbor mayipsit
Pira-nj hii tu cheptu
Foc niayalisit.
74. Hoarali tuti-nj li-alagai
1. Hoarali tuti-nj li-alagai
Feata ca tini nu-nj aflai
2. Tu misihori anda giucai
Tu-a tali soatsa ti alidzeai
3. ‘Clo iu giucai, lilicea mea
Padea tuta anyilicea.
4. Yina, lea vruta, s-aduts haraua
S-ti veada dada tu yuneaua.
5. Yina, lai gione, io-nj ti-ashteptu
Yina s-tsa bagu lilicea tu cheptu.
Refren: Ca-nj eshtsa mintimena
Sh-ti-atsea multu-nj ti voi
Di njata ta, lea feata
Tora as yinu s-ti iau la noi.
75. Un trandafil
1. Un trandafil creashti la firida mea
Ts-sh apleaca frandzali lishor
Lunga-nj pari calea pan’ la vruta mea
Shi-nj si pari ca va-nj mor di dor.
2. Mi-anyisam deanda iaram doiljii deadun
Sh-nu puteam tsiva io tas aspun
Puiljii tuts di-anvarliga di noi shidea
Lilicili tuti na mutrea.
3. Shed la masa una carti tas ascriu
S-ts-anyripsescu, vruta, sh-a meu dor
S-ts-anyripsescu, vruta, tora a meu dor
Le le le lilicea padurlor.
4. Candu-nj mi sculai dit somnu, vruta mea
Ni pui, ni lilici nu iara
Ni tini langa mini, vruta, nu iarai
Lahtarsit dit somnu-nj mi sculai.
76. Le le, lilici galbina
1. Adza iasti njercuri
Mani-as faca gioi
Lea feata mea I-ats furca sh-lana
Sh-yina pi la noi.
R: Nu pot vrute
Nu pot soari
Tsi vas adram
Cu a noasta vreari
Ah, lumea a-nj mi-azburasca
Ca nu tsa hiu, gione, - nveasta
Lele lilici galbina.
2. Mani iasti gioi
Paimani a s-faca viniri
Yina feata mea la mini
Ca noi doi na him tiniri.
R: A nu pot ca-i vinirea mari
Sh-nu-am lucru ti adrari
Ma ghini s-nidzem priimnari
Tu casabalu nai ma mari
Le le lilici galbina.
3. Casabalu-i mari
Multi lucri ari
Va-nj ts-ancupur una njii
Di fustanj, feata, sh-di neali.
R: Paralu, vrute, nu-l aruca
A njeia vrearea ta nj-agiundzi
Nu-nj mi cripa cu a tali zboara
Va-nj frangu dorlu s-anj mi doara
Le le lilicea galbina.
77. Hai Tanina, moi di Ianina
1. Ia bagats, moi, stulia ghini
Sh-yina feata, moi, pi la mini.
2. Mi bag somnul, moi, nu-nj mi-acatsa
S-mi-anyisedzu, moi, cu tini-n bratsa.
3. Feata perlu, moi, neali-neali
Pisti dauli, moi, sufrantseali.
4. Feata voi s-tsa dzac sh-un zboru
Io cu tini, moi, voi s-mi-ansoru.
5. Maca ashi tsa iasti zborlu
Hai gione, moi, s-inshim la coru
6. Hai gione doilji s-na luamu
Preaclj doiljii, moi, s-na adramu
7. Gimbushi mari, moi, s-na adramu
Bana lunga, moi, s-pitritsemu.
R: Hai Tanina, moi, di Ianina
Vruta –li dadi, moi, tsi-shi avea
Vruta-li dadi atsea mushata
Percea ei, moi, nichiptinata.
78. Hai vruta mea
1. Un fcior una feata vrea
Un fcior una feata vrea
Fara ea el nu putea
Fara ea el nu putea.
2. Candu him doilji tu-n loc
Anj yini s-ansar shi-s gioc.
3. Anda nu hii langa mini
Mintea-nj iasti mash la tini
4. Tora ei doiljii ma-s luara
Nunta mari ma sh-adrara
R: Hai vruta mea
Dultsi iasti, lea, gura ta
Hai gura ta
Cat va s-am va s-dau di ea.
79. Stau ‘na dzua tru livadi
1. Stau ‘na dzua tru livadi
Treatsi un gioni sh-mi veadi
2. Treatsi un gioni sh-mi veadi
Bun’ tsa-I dzua, lea mushata
3. Bun’ tsa-I dzua, lea mushata
Di-iu-nj ts-aflashi ahtari njata
4. Di-iu-nj ts-aflashi ahtari njata
Alba-aroshi ca mirgeana
5. Alba-aroshi ca mirgeana
‘Nalt-analta ca fidana
6. Dzasi zborlu sh-trapsi calea
Sh-io, marata, -nj mutream valea
7. Mutream valea sh-lacramamu
Sh-ca tru somnu-nj mi-anyisamu.
8. Tsi fu zborlu-atsel tsi-nj dzasi
Tru inima-nj mi patrumsi.
80. Vruta mea cu oclji-ts lai
1. Vruta mea cu oclji-ts lai
Cu fatsa hrisusita
Spuni-nj feata mas mi vrei
I me-ai agarshita.
2. Ca tse, msheata, fatsa ta
Sheadi anvirinata
Ca tse msheatsai ocljii plangu
Aspuni-nj, lea feata.
3. Spuni-nj lilici di dor
Tsi shedz parapusita
Fara tini bana mea
Iasit bitisita.
4. Tsi s-ts-aspun, lai gionli-a meu
Mini-nj ti-am tu vreari
Dada pi altu-nj mi da
C-ari mult-aveari.
5. -Lasa-avearea vruta mea
Shi parapusearea
Shi-yin cu mini steaua mea
VREAREA s-na hiba AVEAREA!
81. Feata oclju-ts ca di-amura
1. Feata oclju-ts ca di-amura
Tsi-araseshi na njii di gionj
Piturnichi dit paduri
Tsi tut cants pi la fantanj
2. Nu-nj cant, gione, di inati
Ni atseia s-tsa fac rau
Io-nj cant dorlu-a meu di frati
Ca-I diparti sh-nu-l ved io.
3. Curma-ts canticle,lea feata
Sh-toarna-ti pi calea ta
Ca-nj tsa dau sh-un gioni-aleptu
Ca-I pacat di Dumnidza.
4. Tuti aesti nanaparti
Ma cu vrearea tsi-s adram
Ca un grai di dipartari
Na dzatsea doiljii s-na luam.
82. Lea uryisita
1. Lea uryisita
Nu ts-agarshishi dzua
Di candu, lea vruta
Noi doilj iaram deadun.
2. Ca sa-nj s-apreasi
Tu patruli coltsuri
Sh-mini maratlu
Ca tseara-nj mi tuchlji.
3. Cum nu-ts fu njla
Ni tsi-am martii
S-mi-alashi tu lumii
S-banedz fara di tini.
4. Ma tihea oarba
Nu vru tas n-alasa
S-banam doiljii deadun.
83. Haidi tini vruta
1. Anchisii la vruta
Nica tahina
Agiunshu la vruta, more
Soarli ma dugurea
2. Yina tini, gione
Tini gionli-a meu
Gione fara tini, more
Nj-asti multu greu.
3. Nj-anchisii la vruta
Soarli dugurea
Vruta mea mushata
La poarta-nj mi-ashtipta
4. Nesh la ei parintsa
Vruta u caftai
Nu tricu chirolu, more
Nunta ma-I-adrai.
R: Aidi tini vruta
Aidi vruta mea, haide
Aidi tini-msheata
Ai ta-s hii a mea.
84. Lea Chirato,lea
1. Tsintsi dzali martsu
Lea Chirato, lea
Tsintsi dzali martsu
Lena-arhondisa.
2. Tihneadza s-mutari
Lea Chirato, lea
Tihneadza s-mutari
Lena-arhondisa.
3. Tihneadza-armaneshtsa
Lea Chirato, lea
Tihneadza-armaneshtsa
Lena-arhondisa.
4. Tashi lu-a lu Stila
Lea Chirato, lea
Cu Stila-l tsal Giogiu
Lena-arhondisa.
5. Luara pit Turkii
Lea Chirato, lea
Mardzina di-amari
Lena-arhondisa.
6. Inshira Kavala
Lea Chirato, lea
Seara prindu Pashti
Lena-arhondisa.
7. Prindu Grailu Mari
Lea Chirato, lea
I-anvartira furljii
Lena-arhondisa.
8. Furljii cu-arbineshlji
Lea Chirato, lea
Tas la ia birbetslji
Lena-arhondisa.
9. Fciori nu v-aspareatsa
Lea Chirato, lea
Tu feclj-amintsa
Lena-arhondisa.
10. Pana-s yina lali
Lea Chirato, lea
Di la Grailu Mari
Lena-arhondisa.
85. O, tsi-i cu-aesta seara, lea mana
1. O tsi-I cu-aesta seara, lea mana
Seara sh-tuta noaptea.
2. O, un gioni ma njcu, lea mana
Njcu sh-agiamitu.
3. O, mi-acatsa di mesi, lea mana
Nj-arupsi curaua.
4. O, mi-acatsa di gushi, lea mana
Nj-arupsi minghiushlji.
5. O, mi-acatsa di mana, lea mana
Nj-arupsi biligica.
6. Io gura mea u dedu, lea mana
Mini nu-nj mi dedu.
86. Dza-i, lea dada al fendi
1. Dza-i, lea dada al fendi, lea
Di cu njc s-mi-ansoara.
2. Di cu njc s-mi-ansoara
S-iau feata dit hoara
3. S-iau feata dit hoara, lea
S-iau vitsina noasta
4. S-iau vitsina noasta, lea
‘Tsea di dupu casa.
5. ‘Tsea di dupu casa, lea
Cu fustanea lunga.
6. Cu fustanea lunga
Lunga pan di padi.
7. Lunga pan di padi, lea
Sh-iu miliia-nj cadi.
8. Sh-io miliia-nj cadi, lea
Seara tru livadi.
9. Seara tru livadi
V-ai dzac sh-ali dadi.
10. V-ai dzac sh-ali dadi
Dada-aradea cu mini.
11. Dada-aradea cu mini
Sh-io muream di-arshini.
87. Feata armana
1. Feata armana
Cu poala di lana
2. Yinu-n vali
Io va tsa ies in cali.
3. Moi yinu-n dzeana
Sa-nj ti ved niheama.
4. Fatsa-ts roshi
Ca una cireashi
Tuts ficiorljii
Cafta sa-nj tsu bashi.
R: Lea armana, lea mushata
Analta sh-cundiata.
88. Nafimats mata, lea feata
1. Nafimats mata, lea feata
Tsi-nj ti featsi ahat mushata
Le le di iu-ts ligashi ahtari njata
Sufrantseaua-tsa, more, gaitanata.
2. Nafimatsa, moi ocljii – a tai verdza
Tahina, more anda-nj te-andredza
Le le tuta dzua pi cantari
Ah budza sh-gura, lea di njari.
3. Cand nedz seara, moi, la fantana
Cu duali, more, ghiumi tru mana
Le le ti mutresc shi-tsa fac siriani
Oh, lai anghil, moi, tsi-ni te-am tu vreari.
4. Nu am un bair, lea, di mardzeali
Nafimats, more, cusitsali-a tali
Le le zarcavi padurushi
Cu dauli, more, flurii, lea, di gushi.
89. Nj-aduc aminti
1. Nj-adcu aminiti di la hoara
Candu cu fciori n-agiucam
Canda u ved sh-veacljea moara
Giucandaluio iu n-ascundeam.
2. Ah muntili ca tora-l ved
Canda l-uam aua dininti
Pi iu nidzeam tas mi prived
Sh-tora nj-aduc aminti.
3. Tu agri io-nj mi-agiucam
Tu misurli tuti sh-tu garnu
Pi langa agri na pashteam
Cai mari fara di farmu.
4. Tsi casi apusi in hoara aveam
Tuti anvaliti cu Shumac
Foc di cucuci noi adram
Sh-di turli un ugiac.
5. Iarna parei n-adram
Cu fciori multsa sh-cu multi feati
Tut misurlu lu- azdruminam
Sh-cantam cantitsa mushati.
6. Di multsa anj pi-aclo nu ded
S-ved hoara mea vruta
Nica na oara io s-u ved
Sh-s duca bana-nj tuta.
90. Tonca-ali dadi
1. Imna Tonca pit livadi
Cu fustanea pan’ di padi
2. Treili lari pi saptamana
S-alichi mailu di mana.
3. Trei frimtari pi saptamana
S-alichi sistra di mana.
4. Treili lari, treili frimtari
Lucarli li-adra cu hari.
R: Tonca mea, Tonca-ali dadi
Tonca nishidzuta-n padi.
91. Samiotisa
1. Samyiotisa, Samyiotisa
Candu va s-yiñi Samo?
Chitca tu-amari va-ñi ts-u-aruc
Samyiotisa
Sh-trandafila tu-arina.
2. Samyiotisa, Samyiotisa
Cu ocllii lai a tai’i
Tini ñi-adrashi inima mea, Samyiotisa
Patrudzats di cumatsa.
3. Cu arca tsi-am Samyiotisa
Va s-yinu sh-va-ñi ti iao
Cu stranjli di lucru tsi-am, S / Pi-una
flurii di malma, Samyiotisa
Va s-yinu sh-va-ñi ti iao.
4. Samyiotisa, Samyiotisa
Yin pi minti buna.
Va-ñi tsa dau in bratsa s-iai, Samyiotisa
Un fcior ca una luna.
5. Cati steali-s la Orano
Ahats fciori va s-aie
Sh-di-ahanti ori va ti marits, Samyiotisa
Sh-tut veduva va s-armañi.
92. Un gioni mushat, mushat
1. Un gioni mushat, mushat El maratlu el
Un gioni mushat, mushat
El pirifanlu.
2. Dusi gionli priimnari
El maratlu el
Dusi gionli priimnari
El pirifanlu.
3. Priimnari sh-privideari
El maratlu el
Priimnari sh-privideari
El pirifanlu.
4. Cu mustaca pi sum nari
El maratlu el
Cu mustaca pi sum nari
El pirifanlu.
5. L-u-acatsara furljii-n cali
El maratlu el
L-u-acatsara furljii-n cali
El pirifanlu.
6. Di i-arcara greu, lai, greu
El maratlu el
Di iarcara greu, lai, greu
El pirifanlu.
7. Greu, lai greu neascumpirat
El maratlu el
Greu, lai greu neascumpirat
El pirifanlu.
8. Vindi gione sarica
El maratlu el
Vindi gione sarica
El pirifanlu.
9. Ta-s ascachi inveasta ta
El maratlu el
Ta-s ascachi inveasta ta
El pirifanlu.
93. Heia, heia, heia, heia, hei
1. Mana-nj dasi sa-nj mi-ansoru
Heia, heia……
Sa-nj mi duchescu di dor
Heia, heia……
Io va-nj neg tu lumea mari
Heia, heia……
S-iau feata tsi u-am tu vreari
Heia, heia……
R: Feata msheata
Tu a noasta armanami
Perlu galbin
Imsheati sufrantseali.
2. V-a u iau ma-nj iasti frica
Heia, heia……
Feata iasti multu njca
Heia, heia……
Lasa ca v-as creasca mari
Heia, heia……
V-a u iau ca u-am tu vreari
Heia, heia……
3. Adza-I dzua di sarbatoari
Heia, heia……
V-as adram na numta mari
Heia, heia……
Nunji sunt multu harsits
Heia, heia……
Ca sh-au hlinji hrisusits
Heia, heia…….
94. Tsi-nj si-aura, lea dado
1. Tsi-nj si-aura, lea dado
Di distimelea aesta.
2. Di distimelea aesta
Tsi voi s-u chindisescu.
3. Tsi voi s-u chindisescu
Sh-cu ea s-mi isusescu
4. Cu ea s-mi isusescu
Mi-ashteapta sh-una feata
5. Mi-ashteapta sh-una feata
Di-un an di dzali
6. Di un an di dzali
Pana si coaca garnul
7. Pana si coaca garnul
Garnul sh cu sicara.
95. Du-nj –ti feata
1. Du-nj-ti feata pana acasa, ai le le
2. Ta-s adari sh-una turta, ai le le
3. Fara apa ta-s u firmitsa, ai le le
4. Fara sita s-u antsernj, ai le le
5. Fara focu s-u cotsa
6. -Da lai Doamne un lai di ciur
7. Ta s-ñi-antsernu a mea farina
8. Da lai Doamne sh-una ploaie
9. Ta s-frimitu shi-a mea turta
10. Da lai Doamne sh-un lai soari
11. Ta s-ñi cocu shi-a mea turta.
96. URSITS, URSITS VOI OASPITS
Ursits, ursits voi oaspits,
Ursits shi aghachisits
Ca io pi soari mi giurai
Putes nu vream sa-ñi cantu
Mea di hatarea oaspitsloru
Sh-di hatra nicuchirlui
Va-ñi dzac un cantic
Va-ñi dzac un cantic ñilaos
Multu-i parapusitu
Va-ñi fac muntsalli ta s-planga
Sh-campurli s-lacarmeadza
Ca tsi-ñi vidzura oclii a mei
Tu mes’ di Marea Laii
Avea un mer arosh
Ipurar yinea di-anvarliga
Cuibair vrea sh-adara…..
97. NA THAMA CIUDII MARI
-« A lea na thama ciudii mari
NIJOPOLEA s-umplu di-arali
A lea armanili ‘msheati ca steali
Ahurhira s-faca turcali
A lea TANA cum di-apufusishe
Laia sh-corba di ti anturchipsishe ? »
-«A lea mi-anturchipsii di zori mari
Di laia noapti-a-lucrari
A lea nathima oara tsi neshu
La shopatlu di la cireshu,
A lea mi- aplicai ta sa-ñi iau apa
Iasi turcul di dupa cheatra »
-« A lea TANA da-ñi na chica di-apa
Ca inima di dor va-ñi creapa ».
-« A lea mini-i dzashi va-ñi tsa dauo
Elu-ñi dzasi va-ñi ti iauo.
A lea iara noapti fara steali
Mi loara fara vreari
A lea iara noapti fara luna
Mi loara fara caruna”.
98. NOI HIM ARMAÑI DI VAR CHIRO
zboara: IANCU TRAIAN
iho: dupa un cantic mucanescu
« Eu sunt student la Bucuresti »
Noi him armañi, armañi di var chiro
Shi armañi va s-armanem di-aua shi-nclo
Noi limba noasta nu-agarshim
Nu na-i arshini s-azburam
Di atsei tsi fug di ea na pizuim.
Armañilli a mei s-nu va yina hava
S-nu va-aradets di Atsel tsi bana na-u-adra
Ca bana-i greaua, ea s-afla
Anyrapsita ashi di DUMNIDZA
Sh-na borgi avem cu tuts ta s-u banam.
Tu dzua di aza s-trets pit mahala
S-vedz armanamea cum s-civiliza
Ca di la ñicu sh-pan’ la mari
Nu shtiu tsi-i atsea tambari
Sh-cu taruhi nu s-duc in pazari. Fciori di armañi, ore ficiori marats
Candu va s-yina oara s-va -ansurats
S-va minduits s-nu hits ciapcañi
Ca nu s-baneadz cu minciuñi
Ca bana iasti data s-u banam.
-O fati ‘ncoa, lai pap s-ti-antreb tsiva
S-ñi-aspuñi tu Pindu armanamea cum bana
Ca gioñilli pana s-ansurau
Featili nu li canushteau
Nu-shtiu ma s-iara ma ghiñi ashi.
Ma paplu dzasi oi-bo-bo-bo
Tsi va s-adram ca va na chiara DUMNIDZA
Ca ahata arañi pit lao
Nu s-ari avdzata var chiro
Tsi banai ta s-ved marat di io.
99. NOI HIM ARMANJ – VAR 2.
1. Noi him armanj, armanj di var’ chiro
Sh-armanj v-as armanem di-aua sh-inclo
Noi limba noasta nu-agarshimu
Sh-nu na-i arshini s-u-azburam
Di-atselj tsi fugu di iea na pizuim.
2. Mea, a lai papo, voi – s ti-antrebu tsiva
Tu Pindu Armanamea cumu bana
Ca fciorlji anda s-isusea
Pi feati nu li canushtea
Sh-io nu shtiu m-as iara ma ghini ashi.
3. Mea, cara s-edz ‘na dza’ pit casaba
‘S vedz Armanamea cumu-s dilasa
Ca di la njcu sh-pan’ la mari
Nu shtiu tsi-i atsea tambari
Sh – cu tsaruhi nu-s duc ampazari.
4. Mea, paplu dzasi « Oi, bo, bo, bo, bo«
Ma, v-a na cheara, el le , Dumnidza
C-ahanti-arani di lao
Nu s-ari avdzata var’ chiro
Ma tsi banai t-as ved, marat di io.
100. ROIDA
Roi-roi-eehe-eee !!!
Haidi ,moi pi-atsel munti sh-pi-atsea dzeana
Ioi lea Roida lea
Pi-atsel munti sh-pi-atsea dzeana
Ioi lea roida lea.
‘Clo sh-avea na apa aratsi
Mi-aplicai ta sa-ñi beau apa
Di-ñi cadzu dubla di gushi
Cari s-u afla s-ñi-u pitreaca
Pi-un gioni niisusitu
Tahma mari io va-i dau.
101. SIVDILINA FEATA
-Sivdilina feata
Tsi-ñi ti doari caplu,
-Caplu nu-ñi mi doari
Ni tsiva nu ñi-amu
Dumnidza s-u bata
Pi nihita-ñi muma
Ca-ñi mi deadi alargu
Pi un gioni ñicu
Cat un ficiricu
Anchisescu ti-apa
Yini dupa mini
Mash, mini marata
Ah, va-ñi mor di-arshini !
102. TU PADURI VEARDI
Tu paduri veardi
Tsi lai boatsi s-avdi.
Una feata plandzi
Plandzi shi azghileashti
Paduri, paduri
Cu noaua frats viñiu
S-cu-unu-ñi mi turnaiu
Sh-el cu cap plicatu
In cali lu-alasaiu.
Cara s-neg acasa
Dada va-ñi mi-ntreaba
Iu i-ai hillie fratsalli ?
Sh-mini va-i-aspunu
Ca tuts i-ansuraiu
Sh-casi mari l-adraiu
Shi-aclo i-alasaiu.
103. TREILI ‘NVEASTI
Treili ‘nveasti pit gardina mash si priimna
Imna arada, arada-arada ‘ntrocli nu s-mutrea.
Ma ca ‘nveasta al Andoni iuva lea nu-shi avea
Ma u shtii, ma u vidzui lea ma sh-u canascui.
Asarnoaptea la fantana apa sh-ascutea
Tu alica fustani, scurtu-scurtu lipadi.
Gionli a llei vini ambitatu dusi di u taille
Tahina anda si scula dusi di-u plandzea
Scoal lea ‘nveasta, scoal lea buna, scoal lea pirdica
Ta sa-ñi ies mini maratlu sa-ñi mi marescu
104. VOI LAI MUNTSA ANALTSA
Iaram gioni bun, livendu
Vream s-mi fac un parmateftu
Ancuparai doasprats mulari
Tuti-ncarcati cu hari
Li lucram muntsalli di ‘n-Poli
Danasii t-una livadi
Iñi teshi masa sa-ñi mac pani
Mutai plosca sa-ñi beau yinlu
Luai s-la or a muntsaloru:
-Voi lai muntsa analtsa sh-grei
Ancarcats cu pishtirei
Pi voi iarba putridzashti
Sh-cana turma nu ma pashti.
Mash un gioni carvanaru
Tsi yinea pi cal calaru
Shi-l lo pofta ti-a cantari
Tush la guva di Ianuri
Clo sh-avea ceata di furi
-Prida-ti lai carvanari
Cara vrei s-banedza sh-mani
-Nu hiu nveasta s-mi pridao
Ni ca feata sa-ñi mi dao.
Ti-atsea va parcarsescu
Tradzets-va voi furi napoie.
105. SARACACEANA Zboara: Nushi Tulliu
Iho: Hrista Lupci
Hei, hei tu munti striga
Musheata sarcaceana
Sh-caparli s-alina
Anarga-anarga ndzeana.
Niscanti ori aruca
Carliglu dupa eali
Sh-cantandalui li scoati
La treili fantaneali.
Fatsa iasti alba
Shi dultsi iasti grailu
I-aradi gura totna
Ma nostima ca mailu.
Cand yini la muldzeari
Shi celnitsii uhteadza
Ma s-tinda mana varnu
Varoara nu cuteadza.
La stani picurarilli
Di ea tuts azburascu
Di-arusa sarcaceana
Cashearlli mash glarescu.
Ea mash cu puilli alghi
Sh-dizñiarda a ei mushuteata
Nibasheata-i nica
Pi trandaflia fatsa.
106. UNA VALOAGA ÑICA
Una valoaga nica
Mplina cu trandafile
Moi trandafili aroshi
Li-a moi ‘duna na feata
Feata lea gramusteana
Dado lea va-ñi mi-nsoru
Feata lea io va u iau
-Hiilu moi nu-ts undzeashti
Ca noi bahce nu-avemu
Bahce cu trandafile,
Moi trandafili-aroshi.
107. SHCRETA PISUDERI
Haidi screta Pisuderi moi
Cari va-ñi ti tsana,
Fumeaia va s-fuga moi
‘Nveastili ca shcreti.
Hai fudzim la soatsa moi
Di na dipartamu
Shcreta Pisuderi moi
Curi a u alasamu.
Haidi una cati una moi
Niadznopts pi luna
Daua cati daua moi
Tahina pi araua.
108. Papañilli a mei zboara: Kira Mantsu
iho: Hrista Lupci
Papañilli a mei tu muntsa ma banara
Fudzeau di iarna soarli ma-l caftau
Ashitsi adrara hoara dupa hoara
Sh-tu cafi casa soarli danaseau.
Ca s-vearsa sandza varnaoar nu vrura
Ti malma, ti locuri sh-ti aveari
Di multi ori ni casa nu-shi avura
Ta s-afla iarba buna ti-a pashteari.
Arauri mari di lapti elli virsaù
Dit stañiurli di dzeñi aspindzurati
S-nu cheara limba sh-fara anghisaù
Shi analtul munti la iara crivati.
Tufechea tut in cap cafi ficioru
Ma varnaoara polim nu-shi avura
Harnira amirarii cu cashlu a loru
Sh-cu lana oiloru lumea u-anviscura.
Pit yis iñi trec papañilli a mei aghali
Carvañi, carvañi andreptsa ca la numta
Ma candu l-avdu cantitsli di jeali
Ca penuri tu inima-ñi si plamta.
109. MAKIDUNIA zboara : Kira Mantsu
iho : Hrista Lupci
Di daima alargu di tini
La barnu ti portu ca apala
Shi maia nu poati ta s-moara
U-angreaca mash dor di Cavala.
Makidunie luñina di steaua
Papañillii s-cu paplu-a meu Mina
Di eti cantara sh-murira
Ti fciorllii di Samarina.
Ñiurizma ta nu-ñi mi-alasa
Sa-ñi dormu tu noptsa cu luna
Caravi hii cari mi treatsi
Pit yisi s-agiungu-n Saruna.
Tu tini adyii di daima
Ti mini nai’ msheata ciudie
La tini tut yin ta sa-ñi dormu
La sinlu di Makidunie.
Tini hii partea dit mini
Iu Minduiarea lucreadza
Tu ocllii-a tai ca luñini
Papañii nica baneadza.
110. STEAUA PAPAÑILOR zboara : Kira Mantsu
Iho : Hrista Lupci Nu pot s-cheara papañii
S-parintsalli cana oara
Arman tu bana noasta
Tu cantitsi, tu zboara.
Di ñii di añi na limba
Nu cheari ca na apa
Cand adza lumea tuta
Dartsina sh-u dizgroapa.
Di pot aesti zboara
Tu carti s-li-anyrapsescu
Iasti ca tuts papañii
Dit groapa-ñi mi mutrescu.
Ca va-azburascu tora
S-mi-agachisits putets
Iasti ca hiu ligata
Di voi di multi ets.
111. CANTIC TI GIOÑI ARMAÑI
zboara : Hrista Lupci
iho : folclor popular Ascultats voi gioñi armañi un cantic
Tsi tora seara va va-l cantu io
Ti armanami tora io va s-cantu
Ca-i armanescu shi suflitlu-a meu.
Cata papañi avem na veacli borgi
Grailu armanescu-n lumi s-lu aspunem
Cu dultsi zbor sh-di multi ori pit cantic
Limba-armaneasca fciorlli s-na-anvitsam.
TACHI PAPAHAGI n-azburashti
Cum vimturli batura pisti armañi
BELIMACE cu-a lui cantic di jeali
N-adutsi aminti di-anoshtsa papañi.
MURNU tu-albi sh-cu palasca-n barnu
TULLIU amarea laii u canta
Ma cum s-asparsi marea Muscupoli
NIDA BOGA na mari carti adra.
VELO NICULACHI na-aspusi Shana
Di Hagi-Steryiu sh-ardirea Gramustei
Di-acasa na canta TACHI CACIONA
Shi MARCU BEZA di vreari minduieri.
CHIRATSA IORGOVEANU prota armana
Cari na-aspusi steaua ei di dor
Un gioni picurar ma-l canta CEARA
Sh-ZICU ARAIA caimolu armanilor.
112. BATI CUCLU, BATI MORE zboara : prelucrare A.A.-1922
iho: folclor popular
Bati cuclu, bati more bat sh-puilli pit munts
Deadi iarba, deadi more ies armañilli tuts.
Refren: Un cati un ti ia haraua
Sa-i zilipseasca tuta duneaua.
Deadi iarba, deadi more deadi sh-tindilina
Ies fumeili aromani-n hoara Samarina.
Loclu añiurdzeashti more, ca di canila
Soarli-anghiliceashti more-nsus la Avdela.
Musheats muntsa pascu more primuveara oili
Ies armañilli tuts more-n hoara Pirivoli.
Canta armañilli canta more cupiili sunt multi
Canta armañilli canta more bana lor dit munti.
113. CANDU VA S-YINA PRIMVEARA zboara & iho : folclor popular
Cadu va s-yna primveara oi lea fea’ lilici ditru mai
Haidi cu campul di virdeatsa voi lai gioñi armatuladz
Haidi cu campul di virdeatsa voi lai tiniri sh-alavdats.
Ta s-pasca oili, oili atseali laili, lilici ditru mai
Haidi cu clopatli di-asimi voi lai gioñi armatuladz
Haidi cu clopatli di-asimi voi lai tiniri sh-alavdats.
Ta s-iasa furlli, furlli dit paduri, lilici ditru mai
Haidi cu tufechili di-anumir, voi lai gioñi armatuladza
Haidi cu tufechili di-anumir, voi lai tiniri sh-alavdats.
Ta s-iasa armañilli, armañi dit vlahuhori, lilici ditru mai
Haidi s-acats-un mari coru voi lai gioñi armatuladz
Haidi s-acats-un mari coru voi lai tiniri sh-alavdats.
114. LIMBA ARMANEASCA zboara: Kira Mantsu
iho: Hrista Lupci Di multi ori tu-alumta
Di multi ori murii
Sh-cu featili la numta
Cameasha u-alaxii.
Refren: Io limba armaneasca
Ti voi u feciu sa shtits
Mash una tiñie caftu
Nu voi ta s-mi agarsits.
Chirolu cum tritsea
Marata nu ducheam
Di multi ori s-nu mor
Mi feciu ca iñi durñiam.
Tu locuri pondi, ermi
Di multi ori chirui
Ta s-anyiedzu s-mi tornu
Puteari io ni-avui.
Di multi ori sa shtits
Arau ti voi mi feciu
Inshits dit ascutidi
Io tserlu va-l disfeciu.
115. A LEA FEATA LEA MUSHEATA zboara & iho : folclor popular
-A lea feata lea museata
-Spuni-ñi numa cum ti chiama.
-Tini Soari sh-mini Luna
-Mini Soari sh-tini Luna
S-na bagam dolli caruna
S-na aiba soia tu tiñie
Ca na him dolli uidie
116. ARMANA MEA zboara: prelucrare A.A.- 1922
iho: folclor popular
Armana, armana dipunea
Di ‘ndzeana-nghios tu vali
Armanlu gioni s-alina
Shi u-astallie in cali
Armana ea.
-Armana, armana, armana mea
Di-iu yiñi sh-iu-ñi dipuñi
Musheata iasti calea ta
Armana voi s-ni-aspuñi.
Armana mea.
-Di la cutari gione-ñi yin
Shi-n hoara io-ñi mi duco
S-lliau pani, taruhi s-alin
La picurari s-aduco.
Lai gione lai.
-Armana, armana, armana mea
Da-ñi na basheari armana
S-nu pot s-ti-ascot dit minti io
Na-ntreaga saptamana.
Armana mea.
Feata-acasa s-dusi ea
Sh-a mumasa-i-aspusi
Cum picurarlu u-astallie
S-dorlu a ei i-aspusi
Armana ea.
-Hii isusita feata mea
Pi hii di celnic mari
Ah, tini cari va-ñi ti llia
Cu truplu-a tau ti hari.
Lea feata mea.
-Io mana celniclu nu-l voi
Pi bana mea, pi ñiata
Voi picurarlu di la oi
Cu percea chiptinata
Lea mana mea.
117. NAPARTI DI LAIA MARI
Naparti di laia mari,
Lea, tar’iari’iru sh-mar’iari’iru.
Ñi-alavdara na musheata
Lea, tar’iari’iru sh-mar’iari’iru.
-‘Ncalica gione bineclu
Lea, tar’iari’iru sh-mar’iari’iru.
Sa-ñi ti duts pan’ la musheata
Lea, tar’iari’iru sh-mar’iari’iru.
Una dzua ti Sum’Chetru,
Lea, tar’iari’iru sh-mar’iari’iru.
‘Ncalica gionli bineclu
Lea, tar’iari’iru sh-mar’iari’iru.
Di si dusi pan’ la musheata
Lea, tar’iari’iru sh-mar’iari’iru.
U-afla feata, lea umplea apa
Lea, tar’iari’iru sh-mar’iari’iru.
118. PLEACA-TS FRAMTEA
prelucrare folclor dupa “Pleaca-ts fesea” di Nushi Tulliu
Pleaca-ts framtea lea fidana
Armana musheata
Di-altsa gioñi gura ta dultsea
S-nu-ñi ts-u ved basheata.
Pleaca-ts framtea, pleaca-ts ocliul
Gioñilli s-nu-shi faca-ntrocliu
Ca musheatlu ocliu-ts moari
Tiniri gioni di shapti hoari.
Pleaca-ts framtea sh-nu-ñi mi creapa
Candu nedz ‘ntreapa
Pleaca-ñi-tsu pi scumpa-ts bana
Moi lavdata pirusheana.
Pleaca-ts framtea cu flurie
Ca nu pot s-ñi-aflu yitrie
Sa-ñi tsa ved cusitsa laie
Ca-ñi ti-am tu ti sivdaie.
Pleaca-ts framtea tsa dzac musheata
Cambañi sh-toaca s-nu bata
Ca mi giur pi Sta-Marie
Va s-vers sandza ti ciudie.
119. ‘RAFTE TSI NU-ÑI GIOTSA
-‘Rafte, tsi nu-ñi giotsa?
‘Rafte, tsi nu-ñi giotsa?
-Tsi lai drac di gioc sa-ñi fac
Nu-am cameashi ta sa-ñi bag !
-‘Rafte, tsi nu-ñi giotsa?
‘Rafte, tsi nu-ñi giotsa?
-Tsi lai drac di gioc sa-ñi fac
Giumidani nu-am sa-ñi bag !
-‘Rafte, tsi nu-ñi giotsa?
‘Rafte, tsi nu-ñi giotsa?
-Tsi lai drac di gioc sa-ñi fac
Nu-am candushi ta sa-ñi bag !
-‘Rafte, tsi nu-ñi giotsa?
‘Rafte, tsi nu-ñi giotsa?
-Tsi lai drac di gioc sa-ñi fac
Shilivari nu-am ta sa-ñi bag !
-‘Rafte, tsi nu-ñi giotsa?
‘Rafte, tsi nu-ñi giotsa?
-Tsi lai drac di gioc sa-ñi fac
Nu-am tsaruhi ta sa-ñi bag !
120. AH, MOI LILICI DITR-UN MAI
prelucrare folclor dupa « PRI UN PURUMBU » di Nushi Tulliu-Hrista Lupci
Ah, moi lilici ditr-un mai
Ah, moi lilici ditr-un mai
Voi di la tini mash un grai
Voi di la tini mash un grai
Fara carti lea mash cu zbor
Sa-ñi pitrets vruta shi-a tau dor.
Sa-ñi pitrets dorlu-a tau curat
Sa-ñi pitrets dorlu-a tau curat
Sh-tuti mirachili tsi-ñi ti bat
Sh-tuti mirachili tsi-ñi ti bat
Sa-ñi pitrets vrearea ca sa shtii
Pi-una peana lea di birbii.
Lasa furca, lea feata mea
Lasa furca, lea feata mea
Sh-tu campul veardi ma mutrea
Sh-tu campul veardi ma mutrea
Ia mutrea calea, feata mea
Picurar gioni va-ñi ti ia.
Gioaca lea feata tu ubor
Gioaca lea feata tu ubor
S-la-adari inati a tuturor
S-la-adari inati a tuturor
Va s-gioc lea feate, va-ñi-ansar
Ca va-ñi iau gioni picurar.
121. MUNTSA ANALTSA SH-GREII (varianta II)
di la Nashcu Vlahbei
Pisti muntsa analtsa sh-greii
Muntsa chitroshi cu pishtireii
Iu nu s-avdi ni fluiara
A armanlui picurar
Clo iu iarba putridzashti
Sh-cana turma nu mai pashti
Ca hits ermi sh-cu ianuri
Pishtirei cuibair di furi.
Nu-apuca gionli ta s-greasca
Sh-canticlu s-l-u bitiseasca
Cand diunaoara-ansarira
Ca dit loc canda inshira
Multsa furi, na taifa mari
Tsi-ascuteau bots di lahtari :
-Ia prida-ti tini gione
Ma s-vrei s-hii yiu sh-mani
-Nu hiu feata s-mi pridau
Nitsi ‘nveasta ta s-va stau!
Escu sh-io gioni ca voi
Sh-va dzac: tradzets-va napoi!
Capitanlu-atumtsea striga :
-Tsi-l mutrits, tsi stats nica
Di un ca nas va iasti frica ?
Trapsi cu-arma sh-l-u agudi
Sh-di-ncalar l-u-arucuti
Arcutit aclo-ncali
Cu cat dor sh-cu cata jeali
S-minduia la ma-sa acasa
Sh-la isusita tsi va u lasa.
-Ah, Niveasca, hoara-msheata
Eshtsa multu dipartata
Io tu(la) tini am criscuta
Sh-bana ñi-iasti nishtiuta.
Capitanlu avdi a lui plangu
Sh-lo sa-i bata ocliu-astangu
S-toarna cata carvanaru
Sh-ma l-u-antreaba : Bre, giunar,
Nu ñi-aspuñi tini di-iu eshtsa,
Shi tsi suflit scumpu jileshtsa ?
-I-i gri : ah, bre blastimate
Di Niveasca escu io
Ca ti-asteasi Dumnidza
Tini bana ñi-u anchiseshi
Doaua iniñi li arseshi
Una-i vruta(‘nveasta) isusita
Sh-doaua-i dada curbusita
Tsi di trei ficiori tsi-avea
Mash cu mini si harsea
Cola frati ma ñic tu xeani
Mitra capitan cu-anami.
Candu-avdza numa ca-i gri
Capitanlu s-ciuldui
-Ia yinits aua voi tuts
Frati-ñi-lu s-l-u vindicats
Ca giuyiapi nu va-ñi dats.
-O, lai Mitra, frati ma mari
A mea rana nu-ari vindicari
Ca hiu agudit di frati
Namisa tush tu hicati.
-Doamne, Doamne, Dumnidzali
Iu-s moi seamnili-a tali
Frati s-vatama pi frati
Duri feciu pacati
Io di bana nu ñi-u dor
Cola iarta-mi ca mor.
Scoati pala sh-da tu cheptu
Cadi capitanlu aleptu
Cad dolli stanshi-n bratsa
Crima ti a lor tinireatsa.
122. VRUTA MEA CA PIRUSHEANA zboara shi iho : Coli Suflaru & Hrista Lupci
Vruta mea ca pirusheana
Sheadi la casa di-ndzeana
Cand ved vruta tu ubor
Mi tuchescu di-a ei dor.
Di-aynanghea u mutrescu
Dupa imnat lea u cunoscu
I-i cunoscu a ei trup
Ca iasti lea na hari tut.
I-i cunoscu aruslu per
Galbin ca luna din tser
Shi-l poarta arcat pi paltari
Sh-ñi fatsi lea ‘neia cripari.
I-i cunoscu lea ochii-a ei
Tsi mi mor lele, vrei nu vrei
Ca luna lele, ascantieadza
Ei mi mor lele sh-ei mi-anyieadza.
123. YINA,YINA VRUTA MEA
-Yina, yina vruta mea, vruta mea
Yina anda luna da,luna da.
-Nu yin gione, gione io, gione io
Ca ñi-arshini di lao, di lao.
-Oara lo di s-apriuna, s-apriuna
Va-ñi ti-ashtept seara pi luna. io pi luna.
Vruta cara s-yiñi la mini, s-yiñi la mini
Va ti tsan c anel di-asimi, nel di-asimi.
Nel di-asimi va-ñi tsa dau, va-ñi tsa dau
Sh-pi tini ‘nveasta va-ñi ti iau, va-ñi ti iau.
-Nu shtiu dada cara s-va, dada mea
Iñi dzatsea ti-altu iuva, dada mea.
-Ca s-va dada ta s-nu va, dada ta
Tini a s-hii ‘nveasta mea , ‘nveasta mea.
124. NOAPTEA CANDU YINI
Noaptea candu yini
La firida mea
Tu yis iñi ti-adutsi
Pi tini steaua mea.
Lilici-aroshi ditr-un mai
Dultsea mea feata cu perlu lai.
Luna ti-analtsa
Un cantic ts-adutsi
Cu bratsali caldi
Pi cheptu ca na crutsi
Da-ñi tini feata mana ta
Ma s-vrei ta s-hii ‘nveasta mea.
Pi bratsali-a meali
Vruta mea sa-ñi shedz
Tserlu cu lutseafir
Vruta mea sa-l vedz.
Dolli lea feata s-anyisam
Na bana ‘msheata ca na banam.
125. ADZA IASTI ÑIERCURI zboara & iho: Sirma Guci
-Aza iasti ñiercuri
Mani a s-hiba gioi
Vruta mea ia-ts furca sh-lana
Sh-yina , yina pi la noi !.
-Ma nu pot vrute, nu pot soare
Tsi va s-adram cu-anoasta vreare
Ah, hoara tuta a na azburasca
Ca nu tsa hiu giane inveasta
Lele, lilici galbina.
-Mani a s-hiba joi
Paimani a s-faca viniri
Vruta mea yina la mini
Ca noi dolli na him tiniri !
-Ma nu pot ca-i vinirea mari
Sh-am alti lucri ti-adrari
Ma ghiñi s-nidzem priimnari
Tu casabalu cama mari
Lele, lilici galbina.
-Casabalu-i mari
Multi lucri ari
Vruta mea io va-ñi ts-ancupur
Multi fustañi shi neali
-Paralu vrute nu l-u-aruca
A ‘ñeia vrearea ta-a-ni-agiunga
Sh-nu-ñi mi cripa cu a tali zboara
Ca-ñi fuga dorlu sh-va-ñi mi doara
Lele, lilici galbina.
126. ETA-‘TSEAUA SHCRETA zboara :Hrista Lupci
iho :perl. folclor
Ma cum vini eta
Eta-‘tseaua shcreta
Armañilli tuts di na araspandim
Armañi dit Armanie
Sh-dit Makidunie
Cana oara di-adun nu va s-him.
Refren : Armañi dit Armanie
Sh-dit Makidunie
Di daima-armañi
Noi na him frats.
Un zbor n-azburamo
Un strañ’ na purtamo
La un lucru tuts na minduim
S-him di-adun nu s-poati
Ma ta s-na harsimo,
Haidits tuts un cantic s-ahurhim!
127. HAIDI VRUTA MEA, HAIDI STEAUA MEA
Vidzui una feata
Oh, lea dada mea
Iasti multu musheata
Ti ea va-ñi dau bana.
Refren :Haidi vruta mea, haidi steaua mea
Va s-yin, va s-yin, va s-yin s-ti iau la noi.
Iasti multu musheata
Iasti vruta mea
Mi giurai lea dado
Ti ea va-ñi dau bana.
Ah, tsi dzua-msheata
Noi dolli na lom
Preachi cu anami
Noi dolli n-adram.
128. NA FEATA MUSHEATA BRE DADO
Haidi na feata musheata bre dado
Lele sheadi minduita.
Haidi sheadi minduita, bre dado
Lele pi un lai di gioni.
-Haidi gione cara s-fudza, lai gione
Lele sa-ñi trets pi la mini.
Haidi pi praglu di usi, lai gione
Lele sa-ñi ti-acats di gushi.
129. GURA TA ‘TSEA DULTSEA zboara&iho : Dafina Geamalinga
-Di multu mi-araseshtsa
Ma tut nu caidiseshtsa
Ta s-yiñi acas’ la mini
Sa-ñi mi isuseshtsa.
Refren : Shi-ai lai-la-la-lai-la-la
Gura ta tsea dultsea
Shi-ai lai-la-la-lai-la-la
Ca una cireashi.
Candu va s-yina oara
Noi dolli ta s-na lomu
S-adram gimbushi mari
Un mari cor s-adram.
-Ashteapta-mi, lea feata
Tu mirindi oara
Ca s-yin cu a mei parintsa
S-na isusim astara.
-Yina, gione, yina
Yina isuseami
Io va s-hiu harsita
Yina ‘nveasta ia-mi.
-Gura-ts iasti dultsi
Ocliu-ts lai di-amura
Ashteapta-mi musheata
Ca hii a mea aleapta.
-Yina, gione, yina
S-avem aghapi mari
S-veada soia tuta
Ca iau tsi ñi-am tu vreari.
130. UNA FEATA ÑICA
Una feata nica
Multu mushutica
Dada nu ñi-u dauo
S-hiba ‘nveasta meauo.
Haidi feata ñica
Dolli s-na primnamu
Mardzina di-amari
Aclo dada nu-ari.
Haidi feata ñica
Multu mushutica
S-neam tu hoara noasta
Sa-ñi ti iau ‘nveasta.
131. VOI S-TI AGARSHESCU zboara : Mihaela Liuta
iho : Hrista Lupci
Dupa niori alargu vruta, alargu
Dipuni aroshlu soari, aroshlu soari
Io voi sa-ñi ti-agarshescu, s-ti agarshescu
Ma dorlu a tau mi moari.
Dipusa dit pirmithi, dit pirmithi
Ca una steaua, na steaua di vreari
Tricushi pit a mea bana, a mea bana
Ca dultsi val di-amari.
Suschira lailu shopat, lailu shopat
Ca shtie-a mea dureari, a mea dureari
Sh-padurea veardi plandzi, tut ma plandzi
A mea chiruta vreari !
132. YINU, YINU GIONLI A MEU
Iaram feata nica
Gione mi-araseshi
Iñi fudzishi tu xeani
Gione tsi-ñi fatseshi?
Refren : Yinu, yinu gionli-a meu
La tini minduiescu
Yinu, yinu s-veada lumea
Gionli tsi-arisescu.
Iñi criscui ma mari
Gionli-a mea tsi-adrashi
Tini vdzishi tu xeani
Ah, iñi mi-alasashi.
Iaram multu-msheata
Lumea iñi dzatea
Tu-armanami nu-ari
Gione sa-ñi mi ia.
Mash tu-una dzuua
Inshira la cor
S-ciuduseasca lumea
Di mushuteatsa lor.
Refren : Yinu, yinu gionli-a meu
Lumea s-ciuduseasca
Yinu, yinu sh-io va s-hiu
Oh, a taua ‘nveasta.
133. ARUSLU MAI zboara: George Ceara
iho: Mihai Prefti
Ghiñi vini aruslu mai
Cu fatsa lui sirina
Lilici-adusi pisti plai
Lilici tu gardina.
Aruslu mai, aruslu mai !
Tu cupa voi turnats-ñi yin
Caimadzilli s-agarshescu
La cupa di yin io s-mi-anclin
Sh-la canticlu armanescu.
Turnats-ñi yin, turnats-ñi yin !
Turnats-ñi yin sh-cantats ficiori
Cantats tuts armaneashti
Miletea-anoasta pan’ la niori
Agiumsi sh-tut ma creashti
Cantats ficiori, cantats ficiori !
134. LILICEA VREARILLEI Zboara&iho:Hrista Lupci
Aclo, aclo in dzeana na lilici
Siminata-i di-una feata
Lea lil, liliicea vrearillei.
Aclo, shidea na feata armana
Ma shidea ea dipriuna
La lili, lilicea vrearillei.
Pi-aclo, pi-aclo un gioni-arman tritsea
La ea , la msheata-armana el mutrea
Sh-arupea, lilicea vrearillei.
135. PADURI, LAIE PADURI
Paduri, laie lea paduri
Dolli a na laimo.
Di laie dushmanilli
Sh-di frandzali-a tali
Tsi-s galbini sh-cadu
Va s-yina primveara lea sora
Iara va-ñi tsa creasca
A mea tinireatsa lea sora
Nu-ari sa-ñi si toarna.
136. O VOI FICIORI CARA VINIT LA AESTA MASA
O, voi ficiori cara vinit la aesta masa
S-fatsim muabeti ca na fudzim noi di-acasa.
Ca fudzim di-acasa sh-na alasam, moi tu xeani
Na-alasam tu xeani Tashi, Flora sh-Traiani.
Tuts ficiorllii plangu mash Traiani aradealu
Ca iara el ñicu , nu shi shtea el tsiva-lu.
O lai , Traian, o lai cushuri, o lai, frate
Nica di cu ñicu-ñi ti dispartsa di tate.
137. CADI FRANDZA DI ALUN zboara & iho : Sirma Guci
Ore, cadi frandza, cadi frandza
Dado lea dado di alun
Sh-mini dzeana ñi-u dipun.
Sh-mini dzeana ñi-u dipun.
Ore, ñi-u dipun lea
Ñi-u dipun lea dado anvirinat
Sh-cu suflitlu-anfarmacat
Sh-cu suflitlu-anfarmacat.
Ore, di trei dzali, di trei dzali
Dado, lea dado alin sh-dipun
Ma cu vruta nu-ñi mi-adun
Ma cu vruta nu-ñi mi-adun.
Ore, sa-ñi mi-adun,lea sa- ñi mi-adun
Lea dado sa-i dzac tsiva
Ca-ñi mi doari inima
Ca-ñi mi doari inima.
138. CANTIC DI VREARI zboara : Kira Mantsu
iho: Mihai Prefti
Nu ti-aspari ca nu-shi iasti
Cantic di birbii sum luna
Pisti noptsa vrute a s-avdza
Mash giurdanea mea ti-asuna.
Tsi-avdza vrute nu-i ghioclu
‘Tsel albu tsi-ñi pitricushi
Pisti locuri pondi asuna
Canticlu di-a mei minghiushi.
Minduind s-tsa dau luñina
Ca luna sh-ca stealili
Di pi tserlu-atsel analtul
Vrute-ñi ts-arcai nealili.
Perlu-a meu ahat di lungu
Cat calea di mes di noi
Vrute apunti va ts-u-l tindu
S-nu cheri calea s-yiñi napoi.
Am caruna di luñina
Tut tsi port pi mini canta
Mash tini pots s-anyiedza
Bana mea tsi tora-i framta.
139. FEATA FARA NUMA zboara: Mihaela Liuta
iho: Hrista Lupci
Feata fara numa
Gean curat shi-aleptu
Tini pots s-ñi-astindza
Dorlu-amar dit cheptu.
Feata fara numa
Boatsi ca di ñiari
Ñi-aduseshi tu suflit
Naima marea vreari.
Feata fara numa
Dultsea ta mutrita
Iutsido mi afla
Canda-i mayipsita.
Feata fara numa
Iu hii tu-esta oara ?
S-yiñi s-ti-astringu la cheptu
S-nu ti cher varoara!
140. CRUSHUVEANA zboara : George Merca
iho : Mihai Prefti
Una oara tu-a mea bana
Vidzui sh-io na crushuveana
Crushuveana feata armana
Na icoana, una dzana !
Intra-n casa ca na luna
‘Ndreapta dultsi pirpiruna
Ca un soari dit haryie
Sta-Marie, ti ciudie !
Ma mutrita ?Na babuna
Dultsi, alba di la luna
Fatsa aruda, alba spuma
Pani calda di samuna.
Itsi zbor i na cantari
Gioc pi undi dit amari
Halat, liva dit paduri
Di aferits sh-di ianuri.
Ma araslu ? Na prum’veara
Canticlu di una veara
A birbiilor mushutets
Ti-armaname sh-ti zahmets.
141. LUAI CARLIGLU SH-CU TAMBARE zboara :prelucrare dupa « Seara » & « Luai carliglu » di Nushi Tulliu(Hrista Lupci)
iho : Hrista Lupci
Luai carliglu more sh-cu tambarea
Feciu ‘nsus, ‘nsus iñi cararea,
Sa-ñi mi duc la oili,oili mñioari
‘Nsus tu muntsa more la cutari.
La cutari tuti oili-azgheara
Sus tu munti s-avdi na fluiara
Di pi dzeñi ansari luna-mplina
Trec cupiili sh-dzeana ma shi-alina.
La cutari s-alumta picurarilli
Lapti l-u-ancleaga mash casharilli
La shopat mushatili armani
Yinu, s-duc cu buclitsili-mplini.
Ah, tsi seara-msheata-ñi pari-amara
Nu-am ninga io vruta-ñi ca fidana
‘Nbratsa s-u iau la cheptu s-u-astringu
Mesea ei ca nelu, sa i-u frangu.
Va-ñi mi bag tora shi noaptea tuta
Va-ñi mi anyisedz cu a mea vruta
Lasa ca va s-yina primuveara
Sh-va-ñi mi-adun mini cu vruta iara !
142. AMAREA LAIE zboara: Nushi Tulli
iho: folclor popular
I noapti sulfa vimtul moi
Amarea ancaneashti
Ca munti yini apa moi
Fartuna greu zghileashti.
S-leagana pamporea moi
Has coajea di nuca
O Doamne, toraseara moi
Tuts oamiñillii va s-duca.
Iuva nu s-veadi luna moi
Iuva nu s-veadi steaua
Ca noaptea-i multu laii moi
Sh-fartuna-i multu greaua.
Mñierli tuti plangu moi
Barbatsalli tuts s-anclina
Ascapira pamporea moi
Di apa iasti-mplina.
Fciorii sh-feati striga moi
Shi treambura di frica
Zghileashti tuta lumea moi
Pamporea va s-disica.
T-un loc na mana strindzi moi
Un ficiuric la cheptu
Sh-nas la ea mutreashti moi
C-un ochi ahat dishteptu.
Il bashi laia muma moi
Sh-dzatse : Dumnidzali
Ascapa-na di apa moi
Ca mari-s puterli-a tali !
Ascapa-na Lutsite moi
Harsea-na a noasta bana
Sh-na tseara hrisusita moi
Va s-arda la icoana.
Ma ‘nclo doi frats ca anghili moi
Di mañi cu dor s-acatsa
La plang di frica oclii moi
Ca tseara sunt tu fatsa.
Lishina multa lumi moi
Alts’ crutsea fac dipriuna
Aurla capitanlu moi
Sh-chipurlu asuna.
Hriste-mu dzac aushilli moi
Ascapa-na di moarti ;
Mash io mutresc amarea moi
Sh-mi minduiesc diparti.
Mi minduiesc la mana moi
Tsi-ñi dzasi-nvirinata
S-ti torñi vrute Nushi moi
Ambara a ta turnata.
S-ti torñi ma ayonea moi
Ma s-nu yiñi pit amari
Ca amarea anchidi casi moi
Sh-alasa suschirari.
Ashitsi-ñi dzasi mana moi
Cripata sh-lacarmoasa
Cand mi bashe tu framti moi
Cu inima jiloasa.
Sh-mi minduiesc cum plandzi moi
Tu somnu sh-dishtiptata
Ca Nushi vdzi tu zeani moi
Sh-nu shtii a lui turnata.
Mi minduiam la nasa moi
Sh-la sora-ñi dipriuna
Sh-ñi aradeam di amari moi
Di vimtu sh-di fartuna.
Sh-cand tuta lumea plandzea moi
Pi Amarea Laie
Io acatsai sa-ñi cantu moi
Un cantic di sivdaie.
Un cantic di sivdaii moi
Ah canticlu a li vruti
Sh-vream s-mi-anec tu-amari moi
S-ñi-angrop mirachili tuti.
S-ñi-angrop mirachili tuti moi
Shi pusta mea di jeali
S-ascap di-aesta bana moi
S-ascap di-ahate-arali.
Ca-ahate-am trapta mini moi
Cu derturli sh-cu xeana
Ca nu sa spun cu gura moi
Shi nu si scriu cu peana.
Ti-atsea mutream amare moi
Shi-ñi aradeam dipriuna
Di apa ei mintita moi
Di vimtu sh-di fartuna.
Sh-ti-atsea cantam cand’ lumea moi
Zghilea cu boatsi mari
Ca vream ta si disica moi
Pamporea tu imnari.
S-mi ‘nec s-ascap ti totna moi
Di caiuri sh-di uhtari
S-am stealili candili moi
Sh-murmintul larga mari.
143. FEATA ÑICA SHEDZ NIHEAMA
zboara & iho: Hrista Lupci
-Feata ñica shedz niheama
Feata ñica shedz niheama
‘Spuni-ñi numa cum ti chiama
‘Spuni-ñi numa cum ti chiama.
-Nunlu-ñi deadi numa mari
-Nunlu-ñi deadi numa mari
Gionli cari-ñi mi ia moari
Gionli cari-ñi mi ia moari
Hai ia-mi gione pi mini
Hai ia-mi gione pi mini
S-videarim ma s-banedz tini
S-videarim ma s-banedz tini !
-Feata ñica-ñi ti-am tu vreari
-Feata ñica-ñi ti-am tu vreari
Gionli mash far’ vreari moari!
Gionli mash far’ vreari moari!
144. TU AMURGISH zboara: George Merca
iho: Mihai Prefti
Tu amurgish cu luna-aroshi
La umbrata sum cireshi
Io cu suflitlu la gura
Ti-ashtiptam lea vruta s-ieshi.
Iñi yineai ca purumbitsa
Fara tropat, fara zbor
Tu-adiat di frandza-avroasi
Iñi mi dirinai di dor.
Ti-afireai s-nu na veada
Soatsali dolli diadun
Ca a na loa lumea pi-ngura
Iñi dzatseai iuva s-nu-aspun.
Ma videam cati na-aumbra
Dupa garduri n-ascundeam
Lahtarsit ti luam in bratsa
Di basheri ti-astricuram.
Tini trimburai di frica
Sh-fatsa-aruda foc ts-ardea
Iñi ti diznirdam ca nica
Sh-doauli iniñi na batea!
Gainusha shi a llei steali
Pit lumachi na luñina
Iarai ca na trandafila
Sh-fatsa tuta ts-aradea!
Ca na landura deapoaia
Tsi ts-azboaira dit mañi
Ti zmuldzeai di ninga suflit
Shi-ñi dzatseai: mani s-nu amañi!
145. VRUTA MEA TSI A-ÑI TS-ASPUN
Vruta mea tsi a-ñi ts-aspun
Di candu iaram di-adun
Ina vruta mea buna
Haidi s-hii a mea sumpa
Feata armana!
N-ancacem di pi tsava
Nu shtiu cari-astipsea
Haidi s-na-ampacam vruta
Sh-iara noi s-na vrem scumpa
Feata armana.
Noi na vrum sh-va na vrem
Cata bana a s-avem
Haidi ta s-na lom vruta
Bana s-na banam scumpa
Feata armana!
146. LA HASAPLU
La hasaplu pi cuprii lele
La hasaplu pi cuprii, tsina-i more!
S-acatsara treii coruri
Doau di feati sh-un di-nveasti
Yini pashe s-faca siryii
Scoati punga ta s-li measca
Acuri un, acuri doii
A li Tsime doi di tsintsi
Ta sa-si ia cara buiaua
Ta sa-si unga laili araua
Laili-araua tihi ‘raua.
147. A NOASTA-I HOARA CEAMURLIA Zboara: Cola Fudulea
Iho: C.F.&H.L.
A noasta-i hoara atsea musheata
Sh-aproapea-i di maghuli
Di va si pari lucru ñic
Bagatsi-i voi casuri.
A noasta-i hoara hrisusita
Sh-avdzata tu dumani
Cu gioñi ca tserghi sh-cu barbats
Tsi deadira anami!
A noasta-i hoara ‘tsea cu feati
‘Msheati ca fluria
Ampaturats ta s-luats-nveasti
Tush di Ceamurlia!
A noasta-i hoara iu adetea
Ca ‘nveasta sheada-nproasta
Iu omnlu nica-l tiñiseashti
Ceamurlia-anoasta!
Tsiva nu shtits ma nu vidzut
Un cor tu armaname
Cu lali Dinca-li mai’ Lenca
Sh-cu-anostu lali Dame!
148. FEATA OCLII MASINATS
Feata oclii masinats
La musheata-armana
S-nu-ñi ti duts tini-amanat
Seara la fantana.
Ca ficiorilli suntu-arai
Feata va-ñi ti-arapa
Vruta mea , sivdaia mea
Candu nedz-‘ntreapa.
Yinu, yinu vruta mea
Tsi-ashteptsa parcaseari
Nu-ts iasti ñila niheam
Di anoasta vreari.
Ma s-ti iau lilicea mea
La musheata-armana
Va-ñi ti tsan sivdaia mea
Ca nelu tu mana.
Ca di cand ti canuscui
Bana ñi-iasti greaua
Sh-una inima tsi-avui
Ea si featsi doaua.
Una atseia va-ñi tsa dau
Sh-una s-aramana
S-am un semn tu bana mea
Ca-ñi vrui feata armana.
149. IU SUNTU CUPIILI DI OI?
zbora & iho: Nicu Arau
‘Ndzeana ‘nsus tu canara
Un lai aush di var chiro
Ca ñitsilli tsi plang cu iho
Plandzea maratlu a lui caimo.
Refren: Iu suntu cupiili di oi
Cu picurarilli dinapoi
Iu suntu ‘msheatsalli alghilli ñei
Iu suntu msheatsalli ani a mei?
Iu sunt cupii, iu sunt falcari
Iu sunt msheatsalli munta mari,
Iu sunt locuri di arniu
Cu picurari tsi trag ziliu?
A curi s-plang, a curi s-aspun?
Noi, mortsalli nu i-avem diadun
Marlai armañi hits blastimats
Pi iu tritsets murmints lasats.
O voi armañi, marats marats
Tiñia voi s-nu alasats
Pri iu a nidzets, pri iu v-aflats
Daima s-va hits ca tsiva frats.
150. PI MAYULA-ANALTU
Pi mayula-analtu
Analtu pi mayula
Analtu pi mayula lea dado
Trei cupii di stearpi.
Trei cupii di stearpi
Shapti picurari
Tu-amiridz li-adnara
Ei laii s-bagara
Greu somnu-i calcara
S-anda si sculara
Oili nu li-aflara
Lelim oi musheati
Tuti laii sh-baii
Sh-pa’ tsintsi caleshi.
Tuti oili s-cheara
Mash muza s-nu cheara
Muza ‘tsea cu clopat
Clopatlu-i di-asimi
Lana-i di harsafi.
151. ASARNOAPTEA MI ANGHISAI DADO
Asarnoaptea mi-anghisai dado
Asarnoaptea mi-anghisai haide
Ca iaram tu-una paduri dado
Ca iaram tu-una paduri.
‘Clo sh-avea doisprats di furi
Tuts macaii tuts biia
Naima ñiclu fur shidealu
Ni macalu ni biia.
La tufechi ma mutrea
Tufechi pirifana
(Sh-lai catsut di malma)
Multi ori-ñi mi-ascapashi
Sh-esta arada va ñi-ascachi.(?)
152. TI UN LAI DOR
zboara & iho: Hrista Lupci
Ti un lai dor sh-ti unã vreari
Ñi-alãsai fara, vdzii dit armãnami
Ti un lai dor sh-ti unã vreari
Io îñi luai calea shi fudzii tru xeani.
Ma tsi lai dor, tsi pustã vreari
Mi-alasã vruta, lele mintea-ñi chiari.
Cheptul ñi-aranã sh-nu curã sãndzã
Iu hii, lea dado, lele sã-ñi mi plãndzã.
Ia-mi, lăi Doamne, cã mintea-ñi cheari
Si dusi dorlu sh-pusta-ñi di vreari.
Ia-mi, lăi Doamne, sh-adu-ñi-mi acasã
S-ved armãnamea, sh-dada-ñi mãratã.
153. S-ADUNA GIUNAMEA Zboara: Dina Cuvata
Iho: Steryiu Steriov(Tugear)
Trec shi doauli Stã Mãrii
Shi tserlu tut s-aniură
Añiurdzeashti trandaflii
S-andreadzi-ntreaga hoarã.
R: S-adunã giunamea
Shidea cafi searã
Ma lã fac mãslatea
Feati, fciorilli dit hoarã.
Tu-unã searã nã vidzurã
Sutsata pri iu shideam
Cãntic, vrută, chindruirã
Ti vrearea tsi nã u-aveam.
Tut dzãtseam ca a s-yinã oara
Shi tut geanlu s-antriba
Dãmãndărli s-ducã-acasã
Cu semnul ta s-na ashtipta.
154. MAVRUMATA MU
zboara & iho: Sirma Guci
O, pleacã-ts ochii, pleacã-ts ochii, lea fidană,
Mavrumata mu
Cãndu-ts dipuñi di-aclo dit dzeanã,
Mavrumata mu.
O, featã cu, featã cu budzãli-aroshi
Mavrumata mu
Tsi lai shinghir portsî di gushi,
Mavrumata mu.
O, featã cu, featã cu budzãli-aroshi,
Mavrumata mu
Di-asimi shcretsalli di minghiushi,
Mavrumata mu.
Dipuni valea, dipuni valea mavrumatã,
Mavrumata mu
Ta sã-ñi ti ved cãt hii di-msheatã,
Mavrumata mu.
155. CANDU VA S-VEDZ
Tsi mi mutreshtsã-ashi
Nu vedz cã-ñi mi tuchishi
Mutrea mash lailu tser
Sh-la ochii-a mei anchishi.
Tsi zboarã vrei sã-ñi dzãts
Cã zborlu-a tău nu-i zbor
Ma ghini tats, nu grea
Hãrsea mash a meu dor.
Refren: Cãndu va-s vedz
Cã vrearea s-dusi
Shi-io va mi-anvirinedz
Tini sã shtii
Cã io dit minti
Luai di ti agãrshii.
Analtu ‘nsus pi tser
Luna anghilicea
Io singurã-ñi shideam
Sh-tut minduiam la ea
S-anghiliceam ca ea
Poati cã va mi vreai
Io ñi-am avearea mea
Mash cãnticlu dit grai.
156. TSI-ÑI TS-AI TINI FEATA zboara: Hrista Lupci
iho: Stere Mihai
Tsi-ñi ts-ai tini featã
Perlu neali neali
Pisti frunti arcati
Sh-pisti sufrãntseali.
Ah nu shtiu mãrat di mini
Cum s-adar vrută cu tini
Cum s-tsî grescu io lea vrută
Ñi-iasti mari arshini.
Tsi-ñi ts-ai tini featã
Ochii doau steali
Di nu pot s-agiungu
Vrută pãn la eali.
Ah nu shtiu mãrat di mini
Cum s-adar vrută cu tini
Cum s-tsî grescu io lea vrută
Ñi-iasti mari arshini.
Tsi-ñi ts-ai tini feată
Boia ca fidană
Va-ñi ti iau lea vrută
Cu tini a s-trec bană.
Ah nu shtiu mãrat di mini
Cum s-adar vrută cu tini
Cum s-tsî grescu io lea vrută
Ñi-iasti mari arshini.
157. FEATA CU PERLU NEALI-NEALI Zboara & iho: Sirma Guci
Featã, cu perlu neali-neali
Ţi plãndzã mardzina di-amari
Ma-s ti chiruşi, io calea featã va-ñi ţ-aspun
Şi-n hoarã va nidzem armãna mea deadun.
Ţi ghiñi tora cã ti vidzui
Mini, cupia ñi-u chirui
Ş-ţi va-s aspun acasã, gione, cãndu-a neg
Ma ghiñi s-mor ş-tu-aestã apã sã-ñi mi-nec.
Featã, cu perlu neali, neali
Ţi zboarã aspun budzãli-a tali
Ma ghiñi dă-ñi ş-unã bãşeari ta-s ţ-aspun
Cã oili-a tali cu-a meali suntu-li deadun.
Gione, io va ţã dau ş-‘nã sutã
Ma s-li ved unã minutã
Ş-dapoaia ta ţi s-hibã, gione, va n-adnăm
La mardzina di-amari, gione, s-li pãştem.
158. TU YIS, TU SOMNU zboara & iho: Dumitru Galavu
Tu yis , tu somnu-ñi si parea, iñi si parea
Ca gionli-a meu fudzea, tu xeani el fudzea.
Cu mana-ndreapta perlu-ñi haidipsea
Sh-cu alanta mana el mi aduna.
Lilicea mea, sivdaia mea
Cu mana-ndreapta perlu-ñi haidipsea
Sh-cu alanta mana el mi aduna.
Mi giur pi ñiata mea, pi ñiata mea
Ca bana mea va s-hiba a ta, va s-hiba a ta
Io va-ñi ti-ashteptu tini gionli-a meu
Ca fara tini-ñi iasti multu greu.
Lilicea mea, sivdaia mea
Io va-ñi ti-ashteptu tini gionli-a meu
Ca fara tini-ñi iasti multu greu.
Marata cand mi dishtiptai, mi dishtiptai
Dit suflitu iñi suschirai, iñi suschirai.
Io va-ñi ti-ashteptu tini gionli-a meu
Ca fara tini-ñi iasti multu greu.
Lilicea mea, sivdaia mea
Io va-ñi ti-ashteptu tini gionli-a meu
Ca fara tini-ñi iasti multu greu!
159. Cantic di Jali
1. Sunt golj di turmi muntsalj
Shi plaiurli di stanj
Padurli plang’ jiliti,
S-dirina lailj-armanj.
2. Cararli suntu udi
Di sandza armanesc
Pri leshuri nu vedz vulturi,
Corghilj mashi laiesc.
3. Ca vulturlji dit Pindu
Diparti fug di dor,
S-nu-shi avda zghic di jali,
Caimolu-armanjlor.
Ref : Tu plaiurli dit Pindu,
S-analta fumlu n-sus.
Ca ardi vatra noastra
Si grailu na i dus.
Tu plaiurli dit Pindu
Nu-azgheara njelu-n maiu
Shi plangu a noastri feati
Ca framti di navaiu.
Tu plaiurli dit Pindu
Padurli mashi arman,
Ca ardu a noastri casi
Shi moari lailu arman !
160. Spuni-nj,yilie
Spuni-nj, yilie, tsi-anyiliceshtsã
Cari-i ma-msheatã tu-aestã ietã
R : Lea feată, njata ta, trandafil albu
Albu ca neaua sh-ca vãrnã steauã.
Spuni-nj, lăi shopat cu ap-aratsi
Cari-i ma-msheatã tu-a meali soatsi
Spuni-nj, pãdure cu frãndza linã
Cari-i ma-msheatã featã armãnã.
Spuni-nj ursită a curi va-i dau
A meali njati s-aibã harauã
161. BEA, NUNE, BEA!!! Meshilli tritsea
Numta s-apruchea
A nunlui voli,
Voli-i si fatsea!
Refren: Bea, nune, bea
Ca tora-ts iasti arada
Bea, nune, bea
Un pahar cu yin !
Bea, nune, bea
Aza-ancurunashi
Hllinlu-a tau sh-hllina
Preaclli ma i-adrashi !
Dupa un an
Iara va s-ti-andredz
Ca sh-unu fcior
Nune va s-patedz !
Sh-tu alantu an
Iara va s-ti-andredz
Ca sh-una feata
Nune va s-patedz !
Nune, nu-ñi ti-aspari
Di-ahanta patidzari
Cat va s-banedz
Tini va s-patedz !
Dzalili tritsea
Numta s-bitisea
Soia nunlui mari
Loara multa hari !
162. CANTIC TI NUNA Esta-i nuna atsea buna
Nuna, nuna moi
Tora vini dit(n) Saruna
Nuna sh-nunlu moi.
Tora vini dit(n) Saruna
Nuna, nuna moi
Ta s-ancupara samuna
Nuna sh-nunlu moi.
Esta-i nuna, nu-i shicaii
Nuna, nuna moi
Tu lumi ca ea nu-shi ari
Nuna sh-nunlu moi.
Esta-i nuna ca pirdica
Nuna, nuna moi
Iasti multu mushutica
Nuna, nuna moi.
Esta-i nuna ca fidani
Nuna, nuna moi
Shi-ari multa pirifañi
Nuna, nuna moi.
Bagats nuna catifelu
Nuna, nuna moi
Sa-ñi ti veada tut laolu
Nuna, nuna moi.
Ia, bagats lea nuna yupa
Nuna, nuna moi
Sa-ñi ti veada tuta numta
Nuna, nuna moi.
‘Ai norocu shi sanatati!
Nuna, nuna moi
S-va baneadza noaua preaclli
Nuna sh-nunlu moi.
163. DAMANDARI zboara&iho: Nini
Ascultats-mi fciori sh-feati
‘Ndoaua zboara voi s-v-aspun
S-nu v-ampartsats di isnafi
S-vrets tuts s-him di-adun.
Grailu-a nostu vrem s-nu chiara
Varnaoara, iutsido
Ca-aestu iasti di daima
Caimolu armanilor.
Pit hoari, pit casabadz
Tu itsi locuri va s-hits
PARINTEASCA DAMANDARI
Voi s-nu u-agarshits.
Livadzli, Saruna, Searlu
Baneadza nica tu voi
Nu va s-agarshim varoara
Plaiurli cu oi.
Voi, armañilli di pit hoari
Di-aclo voi cara s-fudzits
‘Msheati cantitsli armaneshtsa
Voi s-nu li-agarshits.
Feati-armani s-tsanets minti
Cu-armañi gioñi di v-adunats
Armaneashti s-i-azburats. Voi
S-nu v-arushunats.
Ca-ñi mi-arupshu di-a mea hoara
Nu-astipsescu cu tsiva
Di la mini zbor nu-a s-cheara
Zbor di limba mea.
164. Nu-nj ti-arãdi, featã njcã
Nu-nj ti-arãdi, featã njcã
Nu yina la noi, nu yina la noi
La noi sh-ari munit-analtu
Sh-nu va s-pots ta s-trets.
Piturnichi va-nj mi facu
Muntili va-l trecu sh-io la voi va s – yinu.
Nu-nj ti-arãdi, featã njcã
Nu yina la noi, nu yina la noi
La noi sh-ari apã mari
Sh-nu va s- pots ta s-trets, nu va s-pots ta s-trets
Pescu mari va-nj mi facu
Apa io va u trecu sh-io la voi va s-yinu.
Nu-nj ti-arãdi, featã njcã
Nu yina la noi, nu yina la noi
La noi sha-ri soacr-arauã
Sh-nu va s-pots ta s-trets, nu va s-pots ta s-trets
Soacr-arauã sh-nora bunã
Dauli va s-tritsem sh-io la voi va s-yinu
Ti inatea ta, lăi, gione
Sh-ti sivdaia ta, sh-ti sivdaia ta
165. Gioni picurar
1. Haidi un lai gioni picurar
Sh-ari oili tuti tu cutar
El li veaghlj dzua sh-noapti
Tas li mulga el nu poati
2. Haidi gionli sh-ari, lea, un caimo
Primuveara-I tu multu-nclo
Candu vas yina primuveara
S-canta gionli cu fluiara.
3. Haidi gionli dusi, lea, la irnat
Cutarlu shidea-nvirnat
Candu vas yina primuveara
S-canta gionli cu fluiara.
166. Oi bo bo bo bo..
1. Vidzui tu-a mea bana
Una crushuveana
Feat-msheata armana
Tsi parea na dzana
2. Zborlu-i ‘na cantari
Ca unda di-amari
Lima dit paduri
Njuridma di-amuri.
3. Araslu di primveara
Canticlu di veara
Ari mushuteatsa
Sh-ari a ei fatsa.
R: Oi bo bo bo
Mi-adunai cu feata cu cari mi-anyisai
Oi bo bo bo
Di cand u vidzui mari vreari io nj-arcai.
167. Ei, he, he
1. Na feata plandzi sus pi munti
Sh-padurea treambura di njla
Un shopat plandzi shi suschira
Di-atsei tsi alargu ei fudzira.
2. Ti tsi plandzets fciorii a mei
Antriba muza dit paduri
Ti tsi plandzi feata-msheata
Ti tsi-nj stai tini anvirinata
3. Ah, cum s-nu plangu ti un gioni
Tsi el iara ma multu vrutu
Tsi iara mushat ca varna soari
Cum tu Armanami altu nu ari.
4. Tsi vdzi tu xeani sh-nu va s-toarna
Canticlu di vreari
Ari mushuteatsa
Sh-ari a ei fatsa.
R: Ei, he, he, he
Lilici aroshi dit paduri
Ei, he, he, he
Ochi di-afrandza, oclji di-amura.
168. Hari, hari multu sh-ari
1. Tu liva, tu livadi mi priimnamu
A li vru, a li vruti ii cantamu
2. Inima, inima-nj palacarseamu
Cata ti, cata tini cand yineamu
3. Gione mi, gione mini multu ti voi
Di mani, di mani vas yinu la voi
R: Hari, hari multu sg-ari
Feat pi cari u-am tu vreari
O cu perlu neali, neali
Doilji n-avem uidiseari.
169. O, Sime
1. O, Sime tsi-nj ti zurlisishi
O, Sime tsi-nj ti zurlisishi
Tsa lasashi norta la hani
Tsa lasashi norta la hani
2. O-nj tsa lasashi norta la hani, lea
O-nj tsa lasashi norta la hani
La hanea di Iuvasili
La hanea di Iuvasili
3. La hanea di Iuvasili, lea
La hanea di Iuvasili
Iasi hangilu sh-u antreaba, lea
Iasi hangilu sh-u antreaba
4. O, iasi hangilu sh-u antreaba
O, iasi hangilu sh-u antreaba
Inveasta a curi nora ieshtsa, ai le
Inveasta a curi nora eshtsa.
5. O, inveasta a curi nora eshtsa, lea
O, inveasta a curi nora eshtsa,
Escu nora, lea, al Vizire, ai lea
Escu nora, lea, al Vizire
6. O, escu nora al Vizire, lea
O, escu nora al Vizire
Sh-nipoata al Cir Agnoste, lea
Sh-nipoata al Cir Agnoste.
170. Candu-n cor
1. Cata-i dzua mari
Ashteptu –s yina seara
Shtiu ca va-nj mi-adun
Io cu vruta mea iara.
2. Sum alunlu veardi
Doilji vas shidem
Zboara mash di vreari
Doiljii v-a na dzatsem.
3. Candu-n hoara s-avdi
Armonica cum canta
Atumtsea io shtiu
Ca iara iasti numta.
4. Yini sh-ea la numta
Mini anchisescu
Shtiu ca as gioaca vruta
Shi voi tas u mutrescu.
R: Candu-n co
S-acatsa multi feati
Vruta mea di tuti ia s-aleadzi
Iasti msheata
Doiljii n-arisimu
Na vrem multu
Sh v-a na isusimu
171. Dauli feati
1. Dauli feati
Dauli capidani
Anchisira
S-neaga-n calea mari.
2. Anchisira
S-neaga calea mari
Di sh-aflara
Io, moi, Yoryi-n cali
3. Di sh-aflara
Io,moi, Yoryi-n cali
Bun’ va-I dzua
Feati ca giuneali.
4.Bun’ va-z dzua
Feati ca giuneali
Iu nidzetsa voi
Feati capidani.
5.Iu nidzetsa voi
Feati capidani
Ia shidetsa
S-va dau na purticalj.
6.Ia shidets
S-va dau na purticalj
Ma ti-ayapea
Ayapea tsi n-avemu.
172. LEA, MARIE ÑIATA TA
Ti vidzui imnai pi cali
Ma nu ti mutreai la mini
Di-atumtsea-ñi vidzura ocllii
Marie, mash pi tini.
Refren : Lea Marie ñiata ta
Iñi anghiatsa inima
Yina tu bratsali-a meali
Ca multu-ñi ti-am tu vreari.
Un Lutseafir iñi ti-adusi
Vruta mea shi steaua mea
Yin Marie pan’ la mini
Ca voi s-tsa dzac tsiva.
Refren : Lea Marie ñiata ta
Iñi anghiatsa inima
Yina tu bratsali-a meali
Ca multu-ñi ti-am tu vreari.
173. HAIDI, LEA MARUSHE
Haidi, lea Marushe, featã njcã
Lea Marushe, lea
Tu vreari-nj ti-aveam di njcã
Lea Marushe, lea.
Di-anda ti-adrashi ti-a mãrtari
Vrearea iasti cama mari !
Haidi, lea Marushe, di a tau dor
Io duchescu că va-nj mor
Haidi, lea Marushe, di a ta
vreari
Fricã nj-i ti-a niputerari !
Haidi cu-unã mãnã ia buchitsa
Lea Marushe, lea
Cu alantã ia ghiumbitsa
Lea Marushea, lea.
Anda dai di nedz intreapã
Tuts ficiorlji vor s-ti veadã !
Haidi, lea Marushe, di a tău dor
Io duchescu ca va-nj mor
Haidi, lea Marushe, di a ta
vreari
Fricã nj-i ti-a niputerari !
Haidi lea Marushe, feata-msheata
Lea Marushe lea
Ca tini-n hoara nu-i alta
Lea Marusha lea.
Di-anda ti-adrashi ti-a martari
Vrearea iasti cama mari!
Haidi, lea Marushe, di a tău dor
Io duchescu ca va-nj mor
Haidi, lea Marushe, di a ta
vreari
Fricã nj-i ti-a niputerari !
Hai’ di gushi ‘nã flurie
Lea Marushe, lea
S-creapa gioñilli di ciudie
Lea Marushi lea.
Anda va s-ieshi dit ubor
S-creapa gioñilli di-a tau dor !
Haidi lea Marushe di a tau dor
Io duchescu ca va-ñi mor
Haidi lea Marushe di a ta vreari
Frica ñi-i ti-a niputerari !
174. SCOAL’, LEA MARUSHE !
-Scoal’, lea Marushe
S-ti duts ‘ntreapã
-Nu pot, lea dado, s-neg aclo
Că nj-am, mãrata, greu caimo.
-Scoal’, lea Marushe
S-ti duts ti leamni
-Nu pot, lea dado, s-neg aclo
Că nj-am, marata, greu caimo.
-Scoal’, lea Marushe
S-adari mãcari
-Nu hiu, lea dado, ti macari io
Că nj-am, marata, greu caimo.
-Scoal’, lea Marushe
S-tsã dau sh-un gioni !
-Hopata ! ayonia, lea dada mea
Că io, mãrata, nu-am tsiva !
-Că tuts ficiorlji
Ma fug tu xeani
Ei fug diparti cama-nclo
Sh-nj-armash, mãrata, cu greu caimo!
175. Lea Marie
zboarã : Dina Cuvata
iho : Steryiu Tugear ???
Di tsãnj minti, lea Marie
Di njts noi anda iaram
Pit muntsãlj di Pilistera
Afinghi aroshi n-adunam.
Refren : Lea Marie, lea Marie
Feat-armãnã ocliul lai
Io, lea tini-nj ti hãrseamu
Pilistera-aclo tu plai !
Plailu, plailu cu lilici
Hrisusea, mushutsa
Io, lea-nbratsã-nj ti tsãneamu
Doauli budzã-nj tsã bãsheamu !
Di soatsãli-nchizmusitã
Lea Marie, tsi iarai
La pãrintsã nu spunea
S-nu videa iu ti-ascundeai !
Mash’că nj-aveam sots di bunjlji
Lea Marie, bunj stri bunj
Căiurli li-ampãtura
Pui tsi-azboairã i-antritsea !
Cara sã-nj ti facu-nveastã
Lea Marie, va sh-fãrtats
Numtã dolji va n-adrăm
Sotsilji fãrtats va-i bãgăm !
176. Lăi, tinir capidane
-Lăi, tinir capidane, di-iu yinj ahãntu-armas?
Lăi, tinir capidane, di-iu yinj ahãntu-armas?
-Dit focu-nj yin sh-dit PIRA ☺ sh-di dushmanj inj fug
Dit focu-nj yin sh-dit PIRA ☺ sh-di dushmanj inj fug.
-Lăi, tinir capidane, nu-nj vidzushi gionli-a meu?
Lăi, tinir capidane, nu-nj vidzushi gionli-a meu?
Aclotsi pit l’ianuri Coli al Ianuli
Aclotsi pit l’ianuri Coli al Ianuli.
-Lea, tinirã-nvisticã, io gionli-ts-lu vidzui
Lea, tinirã-nvisticã, io gionli-ts-lu vidzui,
Cu tinjie mari tu polim muri
Cu tinjie mari tu polim muri.
-Lea, tinirã-nvisticã, nu vrei s-hii a mea?
Lea, tinirã-nvisticã, nu vrei s-hii a mea?
……………………………………….
…………………………………….
-Lea, tinirã-nvisticã, io hiu gionli-a tău
Lea, tinirã-nvisticã, io hiu gionli-a tău
………………….
-Ma s-hibã di hii tini Coli al Ianuli
Ma s-hibã di hii tini Coli al Ianuli,
Doljii va nã lomu, bana s-u bãnăm
Dolji va nã lomu, bana s-u bãnăm.
177. Armãnă
1. Mushata mea
Cãt ti-am tu vreari
Cu oclji-a tăi
Ca dauã steali.
Refren 1. : Armãnă, armãnă
Armãnă tsi-mshatã hii
Mash di vrearea ta, lea, feată njcã
Io-nj mi tuchii
2. Hii njcã, lea
Io ti voi multu
Voi–s hii a mea
Ti pãlcãrsescu
3. Vreari mãratã
Mini-nj aveamu
La feata mshatã
Tsi u-ariseamu
Budzãli-aroshi
Zboarãli njari
Msheatã mutritã
Mult le-am tu vreari
4. Miracli s-frãngu
‘Ndzeanã sh-la steali
Pi feata armãnã
Tsi u-am tu vreari
Tsi hii…..
Spuni-nj, lea feată
Mutritã oarbã
Io nu-am cãftatã
Refren 2. : Tsi hari, tsi hari
Tsi hari mini-nj ts-arcai
Di-anda-nj ti vidzui prota, lea feată
Arãhati nu-nj aflai.
178. Iu-nj iarai 1. Iu-nj iarai, feată, pãn’ tora
R: Io , moi, mesi di-arbinesi
2. Io-nj iaram la mă’ sh-la fendi
3. Ieshi-nj tora tu migdani
4. Sã-nj ti veadã njcu sh-mari
5. Njcu sh-mari sh-hoara tutã
6. Hoara tutã sh-treili hoari
7. Treili hoari armãneshtsã.
179. Tora-nj inshii, măle, la coru 1. Tora-nj inshii, tora-nj inshii, măle, la coru
2. Sh-va-nj dzãcu sh-un cãntic njlãosu
3. Sh-multu-i pãrãpusitu, lea feată, lea mushată / cu ocljul lai
4. Sh-va-nj facu muntsãlj ta s-plãngã
5. Sh-văiurli–s lãcãrmeadzã, lea feată, lea mushată / cu ocljul lai
6. Sh-di shcretili di zboarã, lea feată, lea mushată / cu ocljul lai
7. Nu potu ta s-iesu nafoarã, lea feată, lea mushată / cu ocljul lai
180. Nj-aveam un dor di hoarã dupa G. Merca
1. Nj-aveam un dor di hoarã
Di muntsã anăltsã di fag
S-mi videam nica ‘nã oarã
Pit pãduri ca njcu–s alag.
2. ‘Nã dzuã oara vini
Di mi vidzui aclo
Di plãndzea soia cu mini
Lãcrãmai sh-io di caimo.
3. Nj-arcai ocljii nafoarã
Di-acasã di la noi
Dzenurli di pisti hoarã
Suschira cupii di oi.
4. Ma hoara-i giumitati
Ca pustii-nj si pãrea
Casili tuti surpati
Nicuchirlj-a lor cãfta.
5. Mutream, mutream pi loclu
‘Nã oarã tsi-nj cãnta
Sh-tsi-nj si anistisea di ninti
Bana-ntreagã-nj trunduia
181. Shtii, feată, cãndu zburam dupa G. Merca
1. Shtii, feată, cãndu zburam
Nitsi doilji cãndu iaram
Nã pãshteam njelji di-adun
Sh-nu puteam tsi vream s-ts–aspun
Nj-ara arshini di-atsel zbor
Cum di tini nj-ara dor.
2. Tu valodz, la muntsã-n sus
Tsã luai caier, furcã, fus
Fuslu gol seara-l trunai
Cãtã mini tut mutreai
Fãrã prisini yineai
Sh-ti-ntribai iu l-ualãsai.
3. Anjlji dipriunã trec
Sh-multi ori pi-aclotsi neg
Ieshi di ninti cum insheai
Dit ianuri anda ashtiptai
Nj-ardi inima ahãndã
Iu hii adzã msheata mea.
182. Mi sculai tahina Mi sculai tahina
Sã-nj mi duc la vruta mea
Refren 1: Vruta-n cali mi-ashtipta
Vruta mea shi steaua mea
Mi sculai, mi-alãcsii
La vruta nj-anchisii.
R1
Tsi u voi tutã avearea
Cã ma msheatã –i vruta mea.
Refren2: Astarã v-a neg la ea
Vruta mea shi steaua mea
Nu voi malmã sh-aveari
Mash cu vruta–s ies pi cali.
R2
183. Tana-a li dadi Io-nj mi mãream
Tana-li dadi
Vruta la fendi.
S-creshtsã mari sã-nj ti dau
Tana-li dadi
Vruta la fendi.
Va-nj ti dau pi hilju-al Ghãltslu
Tana-li dadi
Vruta la fendi.
Ghãltslu-i di soi mari
Tana-li dadi
Vruta la fendi.
Soi mari di ugeac
Tana-li dadi
Vruta la fendi.
Ta s-tsã portsã
Tana li dadi
Ta s-tsã portsã
Paputsã anăltsã.
Cãndu-s imnj s-cãrtsãneascã
Tana-li dadi
Vruta la fendi.
Soatsili ma s-plãscãneascã
Tana-li dadi
Vruta la fendi. 184. Tu ashcheri hiu, lea vrută
1. Tu-ashcheri hiu, lea vrută
Cu mintea mea chirută
La tini cãndu mi minduiam
Perlu dit cap nj-arupeam.
2. Cãndu-nj vini biletea
Multu-nj si featsi chefea
U disfeciu, lea, di u citii
Greu, lea vrută, - nj lãndzidzãi.
3. ‘Nã dzuã di Stã Mãrii
Mi sculai dit harii
Ta s-yinu la tini, lea, vruta mea
Ta s-ts-astingu vrearea ta.
4. La voi cãndu yineamu
Pi tini nu-nj ti-aflamu
Pit bahce, lea, ti priimnai
Cu altu gioni tsi-nj ts-aveai.
5. Ti-ashtiptai dzua tutã
Ta s-yini tini, lea vrută
Ti-ashtiptai, lea, nu-nj vinishi
Vruta mea tsi-nj mi-agãrshishi
185. Dor, dor t-as neg la cutar Haidi, haidi moi
Voi-s neg pãn’ la oi
Nj-am ‘nã cali mari
Tãsh pãnã la cutari
Refren: Dor, dor t-as neg la cutar
Dor, dor la a meu picurar.
Haidi, haidi, hop
Tora voi sã-nj gioc
Multu-nj lu am tu vreari
Că ii multu cu hari.
Picurarlu shtia
Sh-tutu-s minduia
Că a ei pãrintsã
La el nu u da.
Voi, a mei pãrintsã
Voi sã-nj mi ascultats
Cu-a nost picurar
Voi sã-nj mi mãrtats.
Feată, ma dzãts tini
C-ashi iasti ghini
S-fãtsem numtã mari
Că multu lu ai tu vreari
186. Vini oara sã-nj mi duc
1. Vini oara sã-nj mi duc
Cu-a mea vrutã sã-nj mi-adun
Sã-nj mi duc la vruta mea
Că-nj mi-ashteaptã acasã ea.
2. Tini feată, tini-msheatã
Di iu-nj ts-aflashi ahtari njatã
Ca lilicea dit gãrdinã
Luna-msheatã, luna-mplinã.
3. Haidi vrută doilji-s nã luăm
Bana doilji s- nã bãnăm
S-nã hãrseascã soia tutã
Că nj-alepshu a mea vrutã.
187. A lăi, Coli lu - a li dadi
1. A lăi, Coli lu-a li dadi
Li dadi cumitu.
2. Cãndu va yini, Cole, in hoarã
Dada va-nj ti-nsoarã.
3. Dado io-nj hiu ansuratu
Hiu sh-ancurunatu.
4. Io-nj mi-ancurunai pi crutsi
Că-n hoarã nu yinu.
5. Nveasta mea-i far di ilichi
Shcreta di tufeclj.
6. Tãmbarea cu albi ciorii
Nj-am tu loc di fciorii.
7. Pãdurea iasti a mea soro
Io tu ea va-nj moru.
8. Tutã dzua-nj pascu oilii
Mi batu vimturli sh-ploili
188. Tanasi al Bardzu
1. Ore, laile, Tanasi al Bardzu
Ioi lili, lea, lilicea mea
Ore, laile, Tanasi al Bardzu
Trandafilã ioi garofilã.
2. Ore iu lu-ai Dima, capidanlu
Ioi lili, lea, lilicea mea
Trandafilã ioi garofilã.
3. Ore dusi-s leagã, lai, grãmusteanlu
Ioi lili, lea, lilicea mea
Trandafilã ioi garofilã.
4. Ore, scoasi funea, lea, t-as lu leagã
Ioi lili, lea, lilicea mea
Trandafilã ioi garofilã.
5. Ore, nu, lăi Dima, nu-nj fă ashitsi
Ioi lili, lea, lilicea mea
Trandafilã ioi garofilã.
6. Ore, ca-i cljmat, lăi, di Dumnidză
Ioi lili, lea, lilicea mea
Trandafilã ioi garofilã.
189. Bunã ta-aveai mesea
1. Bunã ts-aveai mesea
Tsi-nj tsu vreai ciuprachi
H nu da asimea
Ti-alavdã sucachia.
2. Bunãts-aveai fruntea
Tsi-nj tsu vreai ciuparea
Fruntea-ts didea anamea
Fruntea-ts didea harea.
3. Bunã tsa-aveai njata
Tsi-nj tsã vreai hãrsteplu.
4. Bunã ts-aveai gusha
Tsi-nj tsu vreai fluria
Malmã tsã-i truplu
Limbrusea yilia.
190. Dzatsi anj tu zîndari
1. Dzatsi anj tu zîndari, moi
Adz-avdzãi ‘nã nauã
Că la mini acasã, moi
S-fatsi ‘nã harauã
2. S-isuseashti Lenca, moi
Pi un gioni aleptu
Pi un gioni aleptu, moi
Cu frãndza pi cheptu
3. Cuscrii vinirã, moi
Lenca chirniseashti
Lenca chirniseashti, moi
Sh-la fensu minduiashti.
4. A lăi, fende car’ sã shteai
Că tini a s-yineai
Anj di dzãli a-nj ti-ashtiptam
Io nu-nj mi mãrtam.
191. Aidi ‘nã featã
1. Aidi ‘nã featã
Le, le, shadi minduitã
2. Le, le, shadi minduitã, bre dado
Le, le, pi un lai di gioni
3. Le, le, pi un lai di gioni, bre dado
Le, le, tsi sh-fudzi tru xeani
4. Gione cara s-fudz tru xeani, bre gione
Le, le, sã-nj trets sh-pi la mini
5. Le, le, sã-nj trets pi la mini, bre gione
Le, le, pi praglu di ushi.
6. Le, le, pi praglu di ushi, bre gione
Le, le, sã-nj ti-acats di gushi.
192. Aidi vruta mea, aidi steaua mea Miciu Babu
1. Vidzui sh-unã featã
Oh lea, dada mea
Mi giurai pi cheptu
Că va s-hibã a mea.
Ref: Aidi vruta mea
Aidi steaua mea
Va s-yinu, va s-yinu
Va s-yinu s-ti iau la noi.
2. Ah, tsi bunã iasti
Le, le, vruta mea
Io u voi pi vruta
Sh-ea multu –nj mi va.
3. Ah tsi dzuã-msheatã
Doilji v-a nã luăm
Preaclj cu anami
Doilji va s-adram.
193. La shopatlu dit vali
1. La shopatlu dit vali
La treili shulinari , moi
2. La treili shulinari, moi
Cupanja-i di sturnari, moi
3. Cupanja-i di sturnari, moi
Mi lam-nj mi-aspilam, moi
4. Mi lam-nj mi-aspilam, moi
Nj-arcai oclji n-andreapta, moi
5. Nj-arcai oclji n-andreapta, moi
Vidzui sh-un gioni-aleptu, moi.
6. Vidzui sh-un gioni-aleptu, moi
Cu percea chiptinatã, moi.
7. Cu percea chiptinatã, moi
Sh-arcatã pi pãltari, moi
194. Lili more
1. Tsi multu-nj ti am
Ti-am tu sivdai-io, moi
Lili, lilici galbinã
Ref: Lili, lili, more, lilici galbinã
Lili, lili, more, lili trandafilã.
2. Pi ochi s-ti bash
Că-nj ti-am tu vreari, moi
Lili, lilici galbinã
3. Cu tini s-mi-ansor
Că-nj ti-am tu vreari, moi
Lili, lilici galbinã
195. Dada – tsea zurla
1. Dada-tsea zurla rafimã
Pi urutlu Yioryi l-u-avină
Urutlu Yioryi l-u-avină
Sã-nj fudz, Yioryi-lu-a meu,di-aua.
2. Sã-nj fudz, Yiori-lu-a meu, di-aua
Iu sã-nj mi duc, lea, dada mea
Iu sã-nj mi duc, lea, dada mea
Tu iermul loc, Yioryi, s-ti duts.
3. Tu iermul loc, Yioryi, s-ti duts
Ursa-tsea laia s-ti mãcã
Ursa-tsea laia s-ti mãcã
Sh-atumtsea Yioryi lãcrãmă.
4. Sh-un greu blãstem u blãstimă
S-da Dumnidză, lea, dada mea
S-da Dumnidză, lea, dada mea
Pushchea in casã s-tsã intrã.
5. Dado, s-tsã moarã naulji hilj
Mea, naulji hilji livendz-a tăi
Mea, naulji hilji livendz-a tăi
Dada blãstemlu u-acãtsă.
6. Dada blãstemlu u-acãtsă.
Mea, naulji hilji ii murirã
Mea, naulji hilji ii murirã
Ursa-tsea laia ii mãcă.
196. O lăi, cuc O lăi, cuc cu msheata-ts peanã
Tsi tut cãntsã, lãi, in sus pi dzeanã
Primuveara cãndu yini
O lăi, cuc, lăi, sã-nj cãntsã ghini.
Corbul suflit, lăi, tsi-nj mi doari
A ta boatsi, lăi, inj mi moari
Plãngu jalea că-nj mi-alagã
Doilji oclj inj mi seacã.
O lăi, cuc cu msheata-ts boatsi
Fă-ti-n vali, lăi, cama-ncoatsi
Ta s-ts-spun io mash dauã graii
Dauã graii di sivdai.
197. Ciudii, lai, ciudii
Ciudii, lai, ciudii
Bachitsa tu Vãryãrii
Bachitsa tu Vãryãrii
Dauã suti di cãlivi
Caramana sh-li urseashti
Sh-cãti dauã li-asprãndeashti.
Una-I Laia sh-altã-i Baia.
Sh-cama multi-armãn Bachitsa
198. Feată, lea, feată
1. Feată, lea, feată
Tsi-nj ti-ancaci măta
Ref: Moi, cusitsã galbinã
Fatsa di trandafilã
Olju-ts lai di iarachinã
Di la Dumnidză s-tsã yinã
2. Mana nu-nj mi-ancaci
Ni tsiva nu-nj dzãtsi
3. Mana-nj mi pitreatsi
S-umplu ap-aratsi.
4. Apa ‘tse-aratsea
Nu shtiu di iu s-azvoami
5. Valea, valea-n ghiosu
La livădzli verdzã.
6. Aclo-s vãtãmarã
Trei tufeclj-anăltsã
7. Aclo-s vãtãmarã
Trei, lai, prãmãteftsã
8. Trei, lai, prãmãteftsã
Trei, lai, gionj aleptsã..
9. Atsel ma marli
Dzãsi le, le, tate
10. Atsel dit mesi
Dzãsi le, le, mană
11. Atsel ma njclu
Dzãsi le, le, soro.
199. Pirushanã lai
1. Anchisii sh-di ehnî,
Lea pirushanã, lai
Anchisii sh-di ehnî
Vasili cu ocljul lai.
2. Cu soatsãli tuti
Lea, pirushanã, lai
Vasili cu ocljul lai.
3. Cu Yioryi cumnatlu
Lea, pirushanã, lai
Vasili cu ocljul lai.
4. Cu Dimci sh-‘tsal Dimci
Lea, pirushanã, lai
Vasili cu ocljul lai.
5. Luarã valea-n ghisu
Lea, pirushanã, lai
Vasili cu ocljul lai.
6. ‘Flarã ‘nã fãntãnã
Lea, pirushanã, lai
Vasili cu ocljul lai.
7. Yioryi luă tufeclja
Lea, pirushanã, lai
Vasili cu ocljul lai.
8. Ta s-vatãmã Dimci
Lea, pirushanã, lai
Vasili cu ocljul lai.
9. S-armãnã ‘tsal Dimci
Lea, pirushanã, lai
Vasili cu ocljul lai.
10. Apã că-nj cripaiu
Lea, pirushanã, lai
Vasili cu ocljul lai.
11. Nu-am tu tsi s-dau
Lea, pirushanã, lai
Vasili cu ocljul lai.
12. Dă-nj tu mãnjli-a tali
Lea, pirushanã, lai
Vasili cu ocljul lai.
13. Mãnjli nu sunt chelchi
Lea, pirushanã, lai
Vasili cu ocljul lai.
200. Lea feată
1. Dzua ti mutreamu, lea feată
Sh-noaptea-nj ti-anyisamu
2. Tru naua gãrdinã, lea feată
I sum dultsili meru.
3. ‘Clo iu-nj ti-alãxeai, lea feată
Sh-nj ti-armutuseai.
4. Tru yilii ti mutreai, lea feată
Perlu ts-chiptinai.
5. Perlu-atsel di-asimi, lea feată
Perlu-ts di hãrsafi.
201. Dumba, dumba, dumba, ba
1. Vini vrond dit hagilichi
Vini vrond dit hagilichi
Mari fandarii adusi
Dumba-dumba-dumba ba
Dumba-dumba-dumba ba
2. Mari fandarii adusi
Mari fandarii adusi
Cu Yioryi că s-ancuscreadzã-ai
Dumba-dumba-dumba ba
Dumba-dumba-dumba ba
3. Cu Yioryi că s-ancuscreadzã
Cu Yioryi că s-ancuscreadzã
Hilj-al Yioryi-nveasta naua-ai
Dumba-dumba-dumba ba
Dumba-dumba-dumba ba
4. Hilj-al Yioryi-nveasta naua-ai
Hilj-al Yioryi-nveasta naua-ai
S-adunarã tuts cuscrii
Dumba-dumba-dumba ba
Dumba-dumba-dumba ba
5. S-adunarã tuts cuscrii
S-adunarã tuts cuscrii
Tãmpănjli bat vãzescu
Dumba-dumba-dumba ba
Dumba-dumba-dumba ba
202. Yiulyicilu a li dadi
A lăi, Yiuryicilu a li dadi
Tsi ts-cãftai, Yioryi, in Sãrunã?
Ts-ai inveastã ca nã yãryunã
Dado, ma s-iara ea yãryunã
Nu s-dutsea Yioryi-n Sãrunã
S-aflã ‘nveastã di ea ma bunã
A lăi, Yioryicilu a li dadi
Nu vrei casã, nu vrei masã
Nitsi liri nimisurati
Că suntu di paplu amintati
203. Alumta, alumta Nini
1. Mi poartã dorlu ca ‘nã cãravi
Pi chimatli di yisi
S-alumtã-n suflit iara el s-aflã
Căljuri la vruta dshcljsi.
Ref: Alumta, alumta tu greaua zundani
Ah! Dor că ts-ai căljuri hiadzã?????
Sh-anda v-a u afli a mea ca fidani
Ma ayonja la io s-agiundzã.
2. ‘Clo iu sh-da Soarli, Luna ansari
‘Clo iu Lutseafir, lutseashti
Sh-iu s-tindi tserlu tu hitiseari
Dorlu iara-sh anchiseashti.
3. Tu fearits verdzã agiundzi-n treacã
Tu locuri vãrãoarã vidzuti
Iu canticlu-sh iasti zghic di fluiarã
Sh-boatsea căparlor amuti.
204. Sãrună, Sãrună Nini
1. Anda-nj ti-agiundzi ponlu
Di anji di-altã oarã
Pãlãcãrsea chirolu
C-arana hiu sh-mi doari
Analtsã atumtsea frãmtea
Sh-cuvetea lãcrãmatã
Harauã s-tsã hibã numa
Sãruna-anvirinatã.
Ref: Sãrună, Sãrună, armãnjlji a tăi s-adunã
Pitreatsi-lã hãbari că bana-ts moarti nu ari
Că ayisita-ts numã pit eti va s-armãnã
Sh-ti tini a noastã vreari
Nu s-cljamã agãrsheari.
2. Anda tu somnu ts-caftsã
Bãrbatslji s-lãhtãrseshtsã
Vãrãoarã a lor turnati
Pute s-nu pistipseshtsã
Nã iartã tsã grim di alargu
Cu boatsea dip tuchitã
Noi dupã a noastã vreari
Ashi nã fu ursitã
3. Di chimati sh-di jali
Nã iasti bana-mplinã
Sh-ti tsi nu minduieshtsã
Truplu aslãghitu s-ancljnã
Di araderi sh-furii
Dichea nu nã da minti
Ca greu-i s-pistipseshtsã
Tsi s-
4. Inati s-nu nã portsã
Daima ti avem tu minti
Tini hlamburã nã eshtsã
Cu tini a nidzem ninti
Tu a nost durut suflit
Lilicea-ts di ambireatsã
Va s-creascã nicãrtitã
Cu a noastã mushuteatsã.
5. Cu dauli bratsã teasi,
Daima-nj ti-ashteaptã s-ieshi
S-agiung’ s-tsã beau njurizma
Lilici di ciresh
Ah! Dultseamea chirutã
Aumbra fãr’ di grai
Cu sirma vreari vrei defturi ca s-mi ai
6. La inima-ts di gljatsã
Mi pidipseshtsã s-agiungu
Cu a meali zboarã caldi di daima voi s-ti ambunu
Icoana Stã Mãriljei, io-nj escu un anghil bun
Cãrarea cãtã banã s-anchsimu deadun.
205. Calea di-asimi G. Godi
1. Tutu ma trecu, trecu calea mari
Sã-nj ti vedu, cã-nj ti-am tu vreari
Ref: Minduia-ti la mini
Că u-adrai calea di-asimi
Nu tsã-i njlã di mini
Că u-adrai calea di-asimi
2. Truplu msheatu, tini, daileană
Fatsãli di pirusheanã
3. Tutu ma trecu pi ninga searã
Cãndu s-avdi zghic di fluiarã.
4. Tutu ma trecu tu hãrayii
Sã-nj ti vedu tu-msheata avlii
5. Tutu ma trecu sh-tutu mi-agãrshescu
Un lai graiu tini nu-nj greshtsã.
206. Tana a li dadi 2
1. Io-nj mi mãreamu, Tana a li dadi
Io-nj mi mãreamu, vruta a lu-afendi
Sã-nj ti dau pi hiljul al Gãrtsu, Tana ali dadi
Sã-nj ti dau pi hiljul al Gãrtsu, vruta alu-afendi
2. Că hiljul al Gãr’, Tana ali dadi
Că hiljul al Gãrtsu-i soi mari
Soi mari di ugeacu, Tana ali dadi
Soi mari di ugeacu, vruta alu-afendi
3. Mea, sã-nj portsã, Tana ali dadi
Mea, sã-nj portsã sheami shi cumashu
Shilivari di cãstura, Tana ali dadi
Shilivari di cãstura, vruta alu-afendi
4. Ia-i cuscãrlji, Tana ali dadi
Ia-i cuscãrlji, mea, iu mash yinu
Tuts adrats, armãtuladz, Tana ali dadi
Tuts cu calji tãcmanladz, vruta alu-afendi
207. Vrui ‘nã oarã, vrui ‘dauã ori
1. Vrui ‘nã oarã, vrui ‘dauã ori
Vrui di-ahãti sãrbãtori
Sh-tut ma vreamu t-as yinu la voi
Tu turnata di la oi.
2. Ma lăi, tata sotsã–sh–ari
Oili sh-căparli-a meali
Acãtsara tuti-s featã
Cãnd v-as yinu la voi mushată
3. Afitarã-n tsãmuricã
Sh-di zulapi nj-ara fricã
Io mãtritsili-s li alas
Vrută singuri la mas’
4. Iestã seara- nj ascapai
Un fãrtatu di-a meu lãsai
Di la noatinj pãn’ la neali
Ta s-ãnj veagli oili-a meali
5. Sh-ia că yinu la voi in hoarã
Tãsh ca puilu cãnd azboairã
Sh-că di tini-nj iara doru
Sh-io di dorlu-a tău va s-moru.
208. Ai mutã caplu, armãne!
1. Ai mutã caplu, armãne
Ai ia sh-tufeclja tru mãnã.
2. Avdzã cãmbana cum bati
Sh-tu cheptu inima-armãnã
3. Ai mutã caplu, armãne
Ai–s nu tsã hibã arshini.
4. Anveatsã fciorljii s-tsã greascã
Pi veacljea limb-armãneascã.
5. Aidi, mãratã armãnă
Aidi ia-ts furca tru mãnã.
6. C-un fus, c-un prisini, armãnă
Toartsi cairlu di lãnã.
7. Ai mutã-ti, lăi giuname
Aidi tuts voi, tinirame
8. Un mari coru s-acãtsămu
Coru armãnescu ti-anami
9. Aidi sh-un cãntic giunescu
Aidi deadun s-lu-ahurhimu.
10. Pi dultsi grai armãnescu
Suflitlu t-as nã-l hãrsimu.
209. Vruta mea di cafi oarã
zboara & iho: NINI
Vruta mea di cafi oarã
Yislu-a meu ti-adutsi iara
Ta s-tsã bag minghiushi di-asimi
S-mi-ai tu minti mash pi mini!
Cafi dzuã nj-am tu minti
Andãmusearea di ma ninti
Pi-atsea dzeanã di stri hoarã
Iu-nj ti vidzui prota oarã!
Mãna ta cu a mea manã
Tsi lai zboarã ampriunã?
Zboarã ascumti anyrãpsiti
Mash di noi angãldãsiti!
Tu-a tăi ochi adghivãsescu
Dultsea vreari sh-mi hãrsescu
Sh-nu nj-am zori di duneauã
Ti mini bana-i Harauã!
Refren:
Yina vrută, yin pi searã ca unã lãndurã
Yina-nbratsã sã-nji ti-astringu
Sã-nj ti bash pi frãmti sh-fatsã oh, pi dultsea-ts gurã
S-mi suschiru, s-arãdu shi-s plãngu!
210. Ma s-vrei dishcljdi
zboarã& iho: Sirma Guci Vruta mea mash lãcãrmeadzã
Vruta mea i-i lãndzitã
Vruta mea di dor uhteadzã
Shi-i singurã, aman
Shi-i singurã….
Refren: Ma s-vrei dishcljdi
Dishcljdi usha, tini, lea feată
Ta s-ti ved cãt hii di-msheatã
Io shtiu, lea feată, yitrii ta s-tsã hiu!
Ai, dishcljdi sh-nu ti-aspari
‘Ndoauã zboarã ta s-ts-aspun
Dor cu dor vrută s-adunã
S-hibã deadun, aman
S-hibã deadun!
Pãn-asearã ts-arãdeai, lea
Di-a tău dor tsi ti cãfta
Nu shtiai cã tse mi doari
Lea inima, aman
Lea inima……
211. Le, le, ma s-iaram ‘nã piturnichi
Ai mutrii-nghios, mutrii sh-ndzeanã
Ma pi vruta nu-u vidzui
Ai mutrii-nghios, mutrii sh-ndzeanã
Că nji-u dor di oclji-a ljei !
La firida mea trandafil albu
Tsi si leagãnã lishor
La firida mea trandafil albu
Shi-io tsi-nj mi tuchii di dor.
Haidi-aestã noapti nu-shi fu noapti
Capidanjlu nj-u-l udai
Haidi-aestã noapti nu-shi fu noapti
Cãti lăcrãnji io virsai.
Lele, ma s-iaram Albu Lutseafir
Ca soarli s-anyiliceam
Lele, ma s-iaram un vimtu caldu
Perlu tut va ts-u-l hãrseam!
Refren : Le le. ma s-iaram ‘nã piturnichi
Pit nior la ea s-azbuiram
Le le, ma s-iaram ‘nã piturnichi
Cãt di dultsi va-i cãntam !
212. Pi calea cu lilici
zboarã & iho: Stelian Arău -1991
Pi calea cu lilici
Tu-msheata pãdurici
Ti vidzui pi tini, lea feată
Mash pi tini…
Tu yis inj ti vidzui
Tu yis inj ti chirui
Cum s-cheari puilu
Cãnd sh-azboairã ‘nsus pi tser.
Refren 1: Pit căiuri antunicati
Ti caftu tu njedz di noapti
Că-nj mi luă dor di-a ta vreari
Tsi mi tucheashti sh-mi moari.
Nj-am un suflit bun
Nu shtiu cum s-lu-adun
S-lu-adun tu cheptu, lea vrută
Sã-l dishteptu…
Tsi vimtu-aratsi bati
Tu cheptu-nj mi stribati
Un dor tsi-nj greashti,
Lea feată, shi-nj mi pashti…
Refren 2: Cari gioni dit Sãrunã
Feată vrearea ts-u-adunã
Ti diznjardã tu-a lui bratsã
Ti bashi pi ochi, pi fatsã?
213. Mash cu tini…..
Un pon nj-am sh-inima nj-iasti frãmtã
Că durearea tsi u am nu va s-mi-ascultã
Vruta nj-u-am multu diparti
Nu-nj pitreatsi canã carti.
Haidi, vrută, yina tini sã-nj ti vedu
Mash di vrearea shi di dorlu tsi-nj ts-u-l portu
Sã-nj tsã vedu fatsa, lea ‘msheată
S-mi hãrsescu io lea feată.
R : Mashi cu tini, mashi cu tini
Mashi cu tini, mash cu tini !
Pisti hoari dzua lunjna sh-u cheari
Noaptea sh-yini sh-io va-nj cad pi minduiari
Mintea tut alargu-nj fudzi
Inima di dor inj dzãtsi :
Haidi, vrută yina tini sã-nj ti vedu
Mash di vrearea shi di dorlu tsi-nj ts-u-l portu
Sa-nj tsã vedu fatsa, lea ‘msheată
S-mi hãrsescu io lea feată.
R : Mashi cu tini, mashi cu tini
Mashi cu tini, mash cu tini!
214. Noaptea cãndu yini
Noaptea cãndu yini
La firida mea
Tu yis inj ti-adutsi
Pi tini, steaua mea.
R : Lilici-aroshi ditr-un mai
Dultsea mea feată cu perlu lai.
Luna ti-analtsã
Un cãntic ts-adutsi
Cu bratsãli caldi
Pi cheptu ca nã crutsi.
R : Dă-nj tini, feată, mãna ta
Ma s-vrei ta s-hii ‘nveasta mea.
Pi bratsãli-a meali
Vruta mea sã-nj shedz
Tserlu cu lutseafir
Vruta mea sã-l vedz.
R : Dolji, lea feată, s-anyisăm
‘Nã banã ‘msheatã că nã bãnăm
215. S-iaram, vrută…
zboarã : Hrista Lupci prel dupa V. Alecsandri
iho : Hrista Lupci
S-iaram, vrută –‘msheatã lilici
Tsi creshtsã-n vali ninga arãu
Nu vream s-mi veadã ni lunã, ni soari
Di oclj-a tăi mutrit vream s-hiu !
S-iaram, vrută – vimtul di searã
Canã lilici nu va s-didea
Cãt lungã-i noaptea di primuvearã
Perlu-a tău ‘msheat nu va-l dispiltea !
S-iaram, vrută – njc pilister
Tsi azboairã pit vimtu sh-alinã lishor
Pi-a tali bratsã as shideam fãrã fricã
Pit lumi ici nu vream ta s-azbor !
S-iaram, vrută - Lutseafir cari
Seara la tini pi geami mutrea
Searã di searã dultsi bãsheari
Io va s-furam di pi gura ta !
216. Vimturlj s-batu
Vimturlj s-batu
Sh-tufănjli s-greali
Sh-mini mi mãcã
Mea, laili, xeani.