12
19 Me, 2020 Uso e ma Tuafafine Pele: Toefoi Atu ma le Saogalemu i Sauniga ma Gaoioiga a le Ekalesia I le aso 12 Mati, 2020, sa faasilasila atu ai e le Au Peresitene Sili ma le Korama a Aposetolo e Toasefululua e faapea o faatasiga uma i nofoaga faitele a tagata o le Ekalesia ia taofia lē tumau i le lalolagi atoa ona o le aafiaga o le faama’i pipisi o le KOVITI-19. Faatasi ma lenei tusi, ua matou faatagaina ai nei nisi o sauniga ma gaoioiga ina ia toe amatalia i se tulaga faatapulaaina e faaaoga ai se auala faaeteete faavaega. O le a galulue Au Peresitene o Eria faatasi ma le uso o le Korama a Aposetolo e Toasefululua ma le uso o le Au Peresitene o Fitugafulu o loo vaavaaia i latou e fuafua le taimi ma le nofoaga e mafai ona amatalia ai sauniga/fonotaga i o latou eria. I le faaaogaina o faaeteetega ma le usitaia o tulafono i le lotoifale, o le a latou logoina ai taitai o siteki ma uarota i le taimi e faagaoioi ai e amata i taiala o le vaega 1 po o le vaega 2 ma le taimi e toefoi ai i faiga masani ua laugatasia. O mea ua auina atu faatasi ma lenei tusi ua tuu atu ai ni mataupu faavae ma auiliiliga e taiala ai lenei faagasologa, lea e mafai ona fetuunaia e Au Peresitene o Eria pe a manaomia ai e tulaga. I totonu o taiala e tuuina atu e le Au Peresitene o le Eria ma i fefautuaa’iga ma ana epikopo, o le a fuafua ai e peresitene o siteki taitasi le taimi patino e toe amatalia ai sauniga ma gaoioiga a uarota ma siteki. Matou te faafetai tele mo le faatuatua o o tatou tagata a o latou tapuai ai i aiga atoa ai ma le lotofaafetai mo faamanuiaga o le a oo mai a o tatou potopoto ai mo tapuaiga ma gaoioiga. Ma le faamaoni lava, O le Au Peresitene Sili Faaliliuga o le First Presidency letter, 19 May 2020: Safely Returning to Church Meetings and Activities. Samoan. 17736 890

19 Me 20 · E tatau i taitai ona faamautinoa ua faamamaina mae’ae’a lelei fale pe a mavae seti taitasi o sauniga, aemaise lava vaega e tagofia, e pei o au o faitotoa, ki o moli,

  • Upload
    others

  • View
    2

  • Download
    0

Embed Size (px)

Citation preview

Page 1: 19 Me 20 · E tatau i taitai ona faamautinoa ua faamamaina mae’ae’a lelei fale pe a mavae seti taitasi o sauniga, aemaise lava vaega e tagofia, e pei o au o faitotoa, ki o moli,

19 Me, 2020

Uso e ma Tuafafine Pele:

Toefoi Atu ma le Saogalemu i Sauniga ma Gaoioiga a le Ekalesia

I le aso 12 Mati, 2020, sa faasilasila atu ai e le Au Peresitene Sili ma le Korama a Aposetolo e Toasefululua e faapea o faatasiga uma i nofoaga faitele a tagata o le Ekalesia ia taofia lē tumau i le lalolagi atoa ona o le aafiaga o le faama’i pipisi o le KOVITI- 19.

Faatasi ma lenei tusi, ua matou faatagaina ai nei nisi o sauniga ma gaoioiga ina ia toe amatalia i se tulaga faatapulaaina e faaaoga ai se auala faaeteete faavaega. O le a galulue Au Peresitene o Eria faatasi ma le uso o le Korama a Aposetolo e Toasefululua ma le uso o le Au Peresitene o Fitugafulu o loo vaavaaia i latou e fuafua le taimi ma le nofoaga e mafai ona amatalia ai sauniga/fonotaga i olatou eria. I le faaaogaina o faaeteetega ma le usitaia o tulafono i le lotoifale, o le a latou logoinaai taitai o siteki ma uarota i le taimi e faagaoioi ai e amata i taiala o le vaega 1 po o le vaega 2 male taimi e toefoi ai i faiga masani ua laugatasia.

O mea ua auina atu faatasi ma lenei tusi ua tuu atu ai ni mataupu faavae ma auiliiliga e taiala ai lenei faagasologa, lea e mafai ona fetuunaia e Au Peresitene o Eria pe a manaomia ai e tulaga. I totonu o taiala e tuuina atu e le Au Peresitene o le Eria ma i fefautuaa’iga ma ana epikopo, o le a fuafua ai e peresitene o siteki taitasi le taimi patino e toe amatalia ai sauniga ma gaoioiga a uarota ma siteki.

Matou te faafetai tele mo le faatuatua o o tatou tagata a o latou tapuai ai i aiga atoa ai ma le lotofaafetai mo faamanuiaga o le a oo mai a o tatou potopoto ai mo tapuaiga ma gaoioiga.

Ma le faamaoni lava,

O le Au Peresitene Sili

Faaliliuga o le First Presidency letter, 19 May 2020: Safely Returning to Church Meetings and Activities. Samoan. 17736 890

Page 2: 19 Me 20 · E tatau i taitai ona faamautinoa ua faamamaina mae’ae’a lelei fale pe a mavae seti taitasi o sauniga, aemaise lava vaega e tagofia, e pei o au o faitotoa, ki o moli,

Taiala mo le Toefoi Atu ma le Saogalemu i Sauniga ma Gaoioiga a le Ekalesia

19 Me, 2020

I le aso 12 Mati, 2020, sa faasilasila atu ai e le Au Peresitene Sili ma le Korama a Aposetolo e Toasefululua e faapea o faatasiga uma i nofoaga faitele a tagata o le Ekalesia ia taofia lē tumau i le lalolagi atoa ona o le aafiaga o le faama’i pipisi o le KOVITI- 19.

Ua faatagaina nei e Uso nei ia sauniga ma gaoioiga ina ia toe amataliaina e faaaoga ai se auala faavaega pe a faatagaina ai e tulafono faalemalo i le lotoifale ma pe a logoina ai foi e Au Peresitene o Eria ia taitai i le lotoifale. Pe a faamatuu atu se faatagaga faapena mo le nofoaga o tou i ai, faamolemole ia faatautaia i se faiga faautauta ua fuafuaina ma faamaopoopoinama le faaeteete e fua i tulafono faalemalo i le lotoifale.

Taiala AoaoFaamolemole tagai i le tusi a le Au Peresitene Sili ua faapipii atu o le aso 16

Aperila, 2020, “Mataupu Faavae Faalepulega i Taimi Lu ’ itauina,” e aofia ai mea ua auina atu faatasi ma “Mataupu Faavae Faalepulega i Taimi Lu ’ itauina” ma “Faatonuga mo Sauniga Taua , Faamanuiaga , ma Isi Gaoioiga a le Ekalesia.” Ia tagai foi i le pepa o faamatalaga “Tali Atu i le COVID - 19: O Tali i Fesili.”

Faamolemole ia iloilo mataupu faavae ma taiala faaopoopo nei:

• Ia matuā faaaoga le faaeteetega i le puipuia o le soifua maloloina ma le saogalemu otagata o le Ekalesia. Ia gauai patino atu i tagata o lo latou soifua maloloina po o lematua e ono oo ai i latou i se tulaga maualuga o le lamatia.

• Ia fautuaina tagata taitoatasi e le o lagonaina le malosi, po o ē ua talosagaina iakuarenitini i latou lava, po o ē ua alia’e mai ai soo se āūga nei e le tatau ona auai isauniga: fiva, tale, tau puni le mānava, tiga le ulu, tafe le isu, pe tiga le fa’a’i.

• Mulimulitai i le vāvāmamao faaagafesootai, fufuluina o lima, ma isi faiga uafaamatalaina atu i le “Preventative Measures for Members.”

• Mulimuli i tulafono faalemalo i nofoaga taitasi e faatatau i faatasiga i nofoaga faitele,e aofia ai le aofaiga o tagata e auai i sauniga, o le tele e fai ai, ma le umi. Faamolemoleia tausisia tulafono faalemalo.

• Faamolemole ia toefoi lemu i faiga masani, ia faaauau pea ona faagaoioi mai inofoaga i tua e faaaoga ai tekinolosi a o amatalia sauniga/fonotaga faafesagai i seauala faavaega e pei ona faamatala atu i lalo. E tatau ona tuu atu le faamuamua ifaatasiga faafesagai i sauniga ia e faatino ai sauniga [faale- ekalesia], e pei opapatisoga ma sauniga faamanatuga.

Page 3: 19 Me 20 · E tatau i taitai ona faamautinoa ua faamamaina mae’ae’a lelei fale pe a mavae seti taitasi o sauniga, aemaise lava vaega e tagofia, e pei o au o faitotoa, ki o moli,

2/4

Taiala mo le Toefoi Atu ma le Saogalemu i Sauniga ma Gaoioiga a le Ekalesia19 Me, 2020

Auala FaavaegaO le a logoina e Au Peresitene o Eria, faatasi ma le faamaoniga a uso o le Korama a le

Toasefululua ma le Au Peresitene o Fitugafulu o loo vaavaaia i latou, ia taitai o siteki ma uarota i le taimi e faagaoioi ai e faaaoga ai le vaega 1 po o le vaega 2 ma le taimi e toefoi atu ai i faiga masani ua laugatasia. O le siata lenei ua tuuina atu ai faataitaiga ma e mafai ona fetuunaia e Au Peresitene o Eria, pe a manaomia ai e tulaga. I totonu o taiala e tuuina atu e le Au Peresitene o le Eria ma i fefautuaa’iga ma ana epikopo, o le a fuafua ai e peresitene o siteki taitasi le taimi patino e toe amatalia ai sauniga ma gaoioiga a uarota ma siteki.

Sauniga Vaega 1 Vaega 2Aso Sapati Faapupuu sauniga i falelotu

e oo atu i le 99 tagata, ia mulimuli i tulafono faalemalo i le lotoifale

Sauniga i falelotu faatasi ma tagata e 100 pe sili atu, ia mulimuli i tulafono faalemalo i le lotoifale

Isi sauniga ma gaoioiga uma, e aofia ai maliu, ma faaipoipoga

Faapupuu sauniga, mulimuli i tulafono faalemalo i le lotoifale pe mafai foi ona faia i nofoaga maotua e faaaoga ai tekinolosi

Sauniga i falelotu e mafai ona faia e mulimuli i tulafono faalemalo i le lotoifale.

Vāvāmamao faaagafesootai. Iloilo ni auala e tausisia ai le vāvāmamao talafeagai i taimi o sauniga ma vasega ma le taimi e ulufale ai ma ulufafo ai mai le falesa ma potuaoga. O tagata mai le aiga e tasi e mafai ona nonofo faatasi, ae o isi e tatau ona nonofo i le vāvāmamao talafeagai. E fautuaina ia taofia lē tumau ia aufaipese.

Pe a mananao nisi tagata toatele atu ia auai. Pe a mananao nisi tagata toatele atu ia auai nai lo mea ua faatagaina e taiala o loo i luga, e mafai e taitai ona faia ni sauniga faaopoopo i le aso pe valaaulia tagata e auai feauauai i vaiaso.

Uarota po o paranesi e tele i se falelotu. Pe a sili atu ma le tasi se uarota po o se paranesi e auai i se falelotu se tasi, e tatau i peresitene o siteki ona fetuunaia lē tumau taimi o sauniga ia aloese ai mai faatulagaga fesopoa’i.

Eria e i ai uarota tetelē. O uarota e tetele auai i sauniga atonu e manaomia ona faatali se’i amata tou sauniga i le vaega 2. O nei uarota atonu foi e manaomia ona feauauai vaiaso e auai ai e taulima ai tagata uma o le au paia. I Aso Sa pe a le auai tagata o le au paia i falelotu, e mafai ona latou faia ni sauniga tapuai i le fale ma, pe a faatagaina ai e le epikopo, ia faatautaia le faamanatuga i le fale e se tasi o umiaina ma le agavaa le perisitua.

Page 4: 19 Me 20 · E tatau i taitai ona faamautinoa ua faamamaina mae’ae’a lelei fale pe a mavae seti taitasi o sauniga, aemaise lava vaega e tagofia, e pei o au o faitotoa, ki o moli,

3/4

Taiala mo le Toefoi Atu ma le Saogalemu i Sauniga ma Gaoioiga a le Ekalesia19 Me, 2020

Peraimeri. I taimi o le vaega 1 ma le 2, e mafai e taitai ona fuafua pe fai le vasega pepe ma nisi vasega laiti a le Peraimeri. E mafai foi ona latou fuafua pe fai uma taimi o pesepesega ma vasega.

Faiga faavae o le tumamā. E tatau i taitai ona faamautinoa ua faamamaina mae’ae’a lelei fale pe a mavae seti taitasi o sauniga, aemaise lava vaega e tagofia, e pei o au o faitotoa, ki o moli, masini vai, faaleotele leo, ma pulelaa. E mafai e uarota ona tuu i luga ni faailoilo i falelēta’ua o ni faamanatu ia fufulu lima. I nofoaga e maua ai, e tatau ona tuu mea fululima i totonu o faapaologa o falelotu. E tusa ai ma tulafono faalemalo i le lotoifale, e mafai ona uunaia tagata o le Ekalesia ia fai ufi fofoga. E mafai ona iloilo uarota e faamuta le lolomiina o polokalama seia toefoi i tulaga masani.

Faamanuiaina o tamaiti. E mafai e le epikopo ona faatagaina faamanuiaga ina ia faatinoina ‘a le o le fale o le aiga po o le falelotu.

Papatisoga ma le faamauga. O le papatisoga ma le faamauga e manaomia ai le faamaoniga a taitai perisitua o loo i ai ki e tatau ai. O sauniga o papatisoga e mafai ona faia i ni tagata toalaiti se toafa, pe sili atu foi i nofoaga e faatagaina ai. E mafai e isi ona maimoaina le papatisoga e faaaoga ai tekinolosi mai nofoaga maotua. E mafai ona faamauina tagata fou liliu mai i le taimi lava e mae’a ai le papatisoga nai lo le faia i se lotu faamanatuga, seia toefoi lotu faamanatuga i faatulagaga masani. E mafai foi ona faaee atu le Perisitua Arona i alii o vaitausaga e tatau ai i le taimi lava e mae’a ai o latou papatisoga ma faamauga, i lalo o le taitaiga a le epikopo.

Faatautaiga o le Faamanatuga—Mataupu Faavae AoaoIna ia fesoasoani e faatumauina le soifua maloloina ma le saogalemu o tagata o le

Ekalesia, e tatau i ē umiaina le perisitua i tulaga uma ona mulimulitaia taiala aoao nei i le sauniaina ma le tufaina o le faamanatuga e tusa lava po o fea o loo faatautaiaina ai.

• O ē umia le perisitua e le o lagonaina le malosi e tatau ona nofo i le fale.

• I nofoaga e maua ai, e mafai e ē umia le perisitua ona fai ia ufi fofoga a o sauniaina,faamanuiaina, ma tufaina le faamanatuga.

• A o le’i sauniaina, faamanuiaina, pe tufaina le faamanatuga, e tatau i ē umia leperisitua ona fufulu lelei o latou lima i le fasimoli ma le vai ia le itiiti ifo ma le 20sekone. Afai e le o maua se fasimoli fululima, e tatau ona latou faaaogaina semeafululima sanitaisa. Ona tatau lea ona latou aloese mai le faatalofa atu pe tago io latou mata, isu, po o le gutu a o le’i sauniaina, faamanuiaina, pe tufaina lefaamanatuga.

Page 5: 19 Me 20 · E tatau i taitai ona faamautinoa ua faamamaina mae’ae’a lelei fale pe a mavae seti taitasi o sauniga, aemaise lava vaega e tagofia, e pei o au o faitotoa, ki o moli,

4/4

Taiala mo le Toefoi Atu ma le Saogalemu i Sauniga ma Gaoioiga a le Ekalesia

19 Me, 2020

• E tatau i tagata uma ona pupuni fofoga i se pepa solo pe a tale pe mafatua. E tatauona latou tia’i ese le pepa solo i le lapisi ma fufulu pe sanitaisa o latou lima. O tinoo fata faamanatuga, e aofia ai ‘au, e tatau ona faamamā ma solo e le aunoa i sevailaau tapē siama.

Faatautaiga o le Faamanatuga i totonu o Aiga• O nisi tagata o le Ekalesia atonu e le mafai ona potopoto mo se taimi ma e tatau ona auauna

patino atu i ai. I nofoaga e manaomia ai, e mafai e epikopo ona faaauau pea ona faatagainaē umia ma le agavaa le perisitua e saunia ma faatautaia le faamanatuga i le aiga. Afai e leo i ai ni alii o umiaina ma le agavaa le perisitua i totonu o le aiga, e mafai e le epikopo onafaatagaina isi alii o loo umiaina ma le agavaa le perisitua i totonu o le uarota e saunia mafaatautaia le faamanatuga i totonu o aiga o tagata o loo talosagaina maia.

Faatautaiga o le Faamanatuga i totonu o Falelotu *

• E mafai e epikopo ona iloilo ni fetuunaiga i le tufaina o le faamanatuga. Mo se faataitaiga,atonu latou te talosagaina tagata o le au paia e nonofo i le isi nofoa umi ae faamisi le isinofoa umi pe faavāvā foi nofoa ina ia mafai ai e ē umiaina le perisitua ona tuu atu fata itagata uma, nai lo le tuu atu i tagata taitoatasi latou te pasi atua faasolosolo fata i le atunofoa.

* O ata o loo faaalia ai le auala e faaaoga ai ma le talafeagai nei mataupu faavae o loomaua i le Newsroom .ChurchofJesusChrist .org.

Page 6: 19 Me 20 · E tatau i taitai ona faamautinoa ua faamamaina mae’ae’a lelei fale pe a mavae seti taitasi o sauniga, aemaise lava vaega e tagofia, e pei o au o faitotoa, ki o moli,

16 Aperila, 2020

Mo: Au Pulega Aoao; Taitai Aoao; Fitugafulu Eria; Peresitene o Siteki, Misiona, Itu, ma Malumalu; Epikopo ma Peresitene o Paranesi

Uso e ma Tuafafine Pele:

O Mataupu Faavae Faaletaitaiga i Taimi Faigata

Matou te faafetai atu mo taumafaiga o loo faia e le toatele o outou e mulimulita’i ai ma le faaeteete i faatonuga mai taitai faaleatunuu, setete, ma lotoifale i le tele o atunuu e tali atu ai i le faama’i oti o le KOVITI- 19. O Le Ekalesia a Iesu Keriso o le Au Paia o Aso e Gata Ai o loo faatinoina foi se faautagamua talafeagai ma o loo saunia ma tuuina atu fesoasoani ia i latou o loo manaomia.

I lalo o tulaga o loo i ai nei ma i lalo o tulaga faaletino e ono tulai mai i le lumanai, o le a faaalia ma le faamaoni e le Ekalesia ma ona tagata la tatou tautinoga o ni tagatanuu lelei ma ni tuaoi lelei.

O loo avatu faatasi i lenei tusi ia pepa o faamatalaga o loo faamalamalama atu ai mataupu faavae faaletaitaiga mo le Ekalesia i taimi faigata. O loo avatu faatasi ai ma faatonuga mo sauniga e tatau ai, o faamanuiaga, ma isi galuega a le Ekalesia e taiala ai taitai i le auga o le mala o i ai nei ma aso faigata o i luma.

O nei pepa o faamatalaga ua tusia e tali atu ai i faalavefau i taualumaga a le Ekalesia ma gaoioiga a tagata o le au paia, na afua mai i le faama’i oti o le KOVITI- 19. E tatau ona maua ai le ta’ita’iala po o le a lava le umi e i ai lenei faama’i oti i se atunuu po o se itulagi patino. E ono toe auina atu nisi faatonuga i se taimi.

Ma le faamaoni lava,

O Le Au Peresitene Sili

Faaliliuga o le First Presidency letter, 16 April 2020: Administrative Principles in Challenging Times. Samoan. 17661 890

Page 7: 19 Me 20 · E tatau i taitai ona faamautinoa ua faamamaina mae’ae’a lelei fale pe a mavae seti taitasi o sauniga, aemaise lava vaega e tagofia, e pei o au o faitotoa, ki o moli,

O Mataupu Faavae Faaletaitaiga i Taimi Faigata

16 Aperila, 2020

O Le Ekalesia a Iesu Keriso o le Au Paia o Aso e Gata Ai e taulai atu i tiutetauave paia e tofia i ai, e fesoasoani ai i tagata o le au paia a o latou agaigai atu i luma i luga o le ala o feagaiga agai atu i le ola e faavavau. Ina ia fesoasoani ia ausia lenei faamoemoega paia, ua saunia ai ma tuuina atu e le Ekalesia ma ona taitai le pule ma ki o le perisitua, o feagaiga ma sauniga paia, ma faatonuga faaperofeta. Ua valaaulia e le Ekalesia ia tagata uma e o mai ia Iesu Keriso ma ia usitai ma le faamaoni i Ana poloaiga.

O Taimi FaigataE manino lava tusitusiga paia e faapea o le tisipenisione lenei, o le a tatou oo ai i taimi

faigata. I le lotolotoi o tulaga faigata, o le a folafola atu lava e le Ekalesia ia mataupu faavae autu ma faatautaia ia sauniga paia e manaomia ina ia faamanuiaina ai fanau a le Tama Faalelagi. Po o le a lava le taimi po o tulaga faaletino, e i ai mea patino e taua i le Ekalesia a le Alii. O nei mea e aofia ai aoaoga faavae paia ma sauniga paia.

Tiutetauave Aoao o TagatanuuO tagata o le Ekalesia e faafetai mo tulafono a le tele o atunuu i le salafa o le lalolagi

o loo puipuia ai le saolotoga faalelotu ma faaaloalogia le saolotoga paia o le lotofuatiaifo.O loo aoao atu e le Ekalesia e faapea, e ao i ona tagata ona lagolagoina ma tausisia ia

tulafono i mea o loo afifio ma papa’a’ao ai. E faia ma pasia e nei malo na ituaiga o tulafono e tusa ai ma la latou lava faautaga silisili ona lelei ia mautinoa ai le manuia o tagata lautele. Tatou te aloaia faapea i tulaga e le taatele, e ono tapuia aia tatau uma a tagata taitoatasi i se tulaga onomea, mo se taimi ina ia puipuia ai le saogalemu o tagata lautele.

I taimi o le faama’i oti po o mala faalenatura o le a tali atu le Ekalesia i poloaiga aloaia e faatino mea e manaomia e pei o le soloia po o le tolopo o fonotaga po o sauniga po o isi tauaofiaga. Ua tautino atu le Ekalesia ma ona tagata e avea o ni tagatanuu lelei ma ni tuaoi lelei. Ua i ai i le Ekalesia se talaaga ua loa o le aapa atu ma le saunia ma tuuina atu o fesoasoani ia i latou e manaomia.

Faatasi ai ma la tatou tautinoga ia avea o ni tagatanuu lelei i le lalolagi, ua tatou faamautinoa atu ai ma le faaaloalo e faapea ia tuuina atu apitaga talafeauga i tagata uma o faatuatuaga a o latou taumafai e auai i le faatinoga o sauniga paia, ia ua avea o ni faavae i o latou faatuatuaga.

Ua Saunia e le Alii Lana EkalesiaO taitaiga musuia i le tele o tausaga ua saunia ai le Ekalesia a le Alii ma ona tagata, i le

faaletino ma le faaleagaga, mo taimi o fesuiaiga ma le faigata.

Page 8: 19 Me 20 · E tatau i taitai ona faamautinoa ua faamamaina mae’ae’a lelei fale pe a mavae seti taitasi o sauniga, aemaise lava vaega e tagofia, e pei o au o faitotoa, ki o moli,

2

E le gata i fautuaga ua loa mo tagata o le au paia ia teu ma faaputu meaai i o latou fale, ae o loo tulimata’i atu foi tagata o le Ekalesia i le tausiga o le Aso Sapati, auauna atu i isi, ma le faamalolosia o korama o le Perisitua Mekisateko ma Aualofa. E ala mai i Ana perofeta, ua faateleina ai e le Alii le taulai atu i le aoaoina ma le ola i le talalelei e faatotonugalemu- i- le- aiga e lagolagoina e le Ekalesia. Ua fautuaina tagata o le au paia ia fai o latou maota ma laoa o ni malutaga mo le faatuatua e aoao atu ai tamaiti ma le autalavou i le talalelei. O le mataupu aoaoina o le Sau, Mulimuli Mai ia te A’u ua tuuina atu ai se atafaata’ita’i e aoao ai e tagata o le au paia i soo se mea le talalelei i o latou fale ma i le Lotu. O le polokalama a Tamaiti ma le Autalavou e faatotonugalemu foi i le aiga, e mafai ai e matua ona faafailele a latou fanau i le faaleagaga, faaleatamai, faaletino, ma faaleagafesootai.

Ua uma foi ona fautuaina tagata o le au paia e faaaoga le tekinolosi e faasoa atu ai ia savali o le talalelei i ala e masani ai faalenatura. Ua tuuina atu foi i faifeautalai ia masini ua faatagaina ai i latou e saili ma aoao atu tusa lava pe le mafai ona fesootai fesagai ma le tagata. E mafai e tagata o le au paia ona punouai i le galuega o talafaasolopito o aiga mai o latou fale.

Pe a tatou tagatagai i mamanu fesopoa’i o nei taumafaiga ma le tele o isi, e mafai ona tatou iloa atu ai le ala o loo faatulaga ai ma le faaeteete ma faatautaia soloa’i i tatou e saunia ai mo taimi faigata.

O Uluai Mataupu Faavae Ma Sauniga O Le Ekalesia a Iesu Keriso o le Au Paia o Aso e Gata Ai o se ekalesia o le faatulagaga

maoopoopo. O sauniga ma faamanuiaga o faatinoga e paia ua saunia ma tuuina mai i le pule o le perisitua. E ui o nisi taualumaga e ono suia e faalagolago i tulaga, o uluai aoaoga faavae, mataupu faavae, ma sauniga e tatau lava ona puipuia.

E tele sauniga e manaomia ai le faaee atu o lima, e pei o faamauga, faauuga, faamanuiaga, vaetofiaina, ma le faaeeina atu o ki o le perisitua. O na sauniga e manaomia ai faapea, o le e umia le perisitua e faatinoina le sauniga, e tatau ona i ai i le nofoaga e tasi e i ai le tagata o le a mauaina lena sauniga. O sauniga faaleperisitua e le mafai ona faatino i se tulaga taumamao ese ae faaaoga ai le tekinolosi. A manaomia i tulaga o i ai, e mafai e isi ona maimoaina le sauniga i se tulaga taumamao e faaaoga ai le tekinolosi pe afai e faatagaina ai e le pulefaamalumalu.

I nei taimi faigata, e tatau i pulefaamalumalu ona faaaoga le faautaga poto pe o a sauniga e tolo i tua mo se taimi le tumau. Pe afai o se faama’i pipisi o se popolega lea, o i latou e

Page 9: 19 Me 20 · E tatau i taitai ona faamautinoa ua faamamaina mae’ae’a lelei fale pe a mavae seti taitasi o sauniga, aemaise lava vaega e tagofia, e pei o au o faitotoa, ki o moli,

33

faatinoina ia sauniga e tatau ona faaaoga le faautagamua e tatau ai e puipuia ai i latou lava ma isi.

O loo faapipii atu i le tusi lenei ia faatonuga mo sauniga taua, o faamanuiaga, ma isi galuega a le Ekalesia.

O nei pepa o faamatalaga ua tusia e tali atu ai i faalavefau i taualumaga a le Ekalesia ma gaoioiga a tagata o le au paia, na afua mai i le faama’i oti o le KOVITI- 19. E ao ona faaaoga e avea o ni ta’ita’iala po o le a lava le umi o lenei faama’i oti ma ona tapulaa aloaia e aumai faatasi ai i sauniga po o fonotaga a le Ekalesia ma le tulai mai i tulaga lautele i se atunuu patino po o se vaega faalefaafanua o se atunuu. E ono toe auina atu nisi faatonuga i se taimi.

FaaiugaE pei ona fai mai le perofeta o Nifae, “e le aumai e le Atua ni poloaiga i le fanauga a

tagata, sei iloga Na te saunia le ala mo i latou ia mafai ai e latou ona fai le mea ua Ia poloaiina ai i latou” (1 Nifae 3:7). O le a fesoasoani le Alii ia i tatou. O le mana o le perisitua ma le amiotonu o tagata o le au paia o le a fesoasoani ia i tatou e agai atu ai i luma i aso o i luma.

Page 10: 19 Me 20 · E tatau i taitai ona faamautinoa ua faamamaina mae’ae’a lelei fale pe a mavae seti taitasi o sauniga, aemaise lava vaega e tagofia, e pei o au o faitotoa, ki o moli,

O Faatonuga mo Sauniga e Tatau Ai, o Faamanuiaga, ma isi Galuega a le Ekalesia

16 Aperila, 2020

I taimi e le taatele, e masani lava e mafai ona faataunuu ia sauniga a o faaaogaina foi ia faautagamua e tatau ai. Mo se faataitaiga, pe afai o se faama’i pipisi o se popolega lea, o i latou e faatinoina ia sauniga e tatau ona fufuluina mae’ae’a o latou aao ma e mafai foi ona faaaoga ia totinilima ma ufimata.

Papatisoga ma FaamaugaO papatisoga ma faamauga e manaomia ai le faamaoniga a se taitai perisitua o loo umia

ki talafeagai. Pe a manaomia ai, e mafai ona faaauau ia sauniga o papatisoga ma ni nai tagata pe toafa: o le tagata e papatiso, o le ositaulaga po o le e umia le Perisitua Mekisateko e faatinoina le papatisoga, ma molimau e toalua. E faatinoina se papatisoga i lalo o le pule ma le faatagaga a se epikopo po o se peresitene o le misiona o loo umia ki e tatau ai o le perisitua. O le epikopo po o le peresitene o le misiona po o se tasi la te tofia (e mafai ona avea o se tasi o molimau) e tatau ona mataituina ma tusifaamaumau le papatisoga ma le faamauga. Afai e tatau ai, o le tagata na tuuina atu le faatagaga e mafai ona faaaogaina i se tulaga taumamao ese ia le tekinolosi. O taitai, aiga, ma uo e mafai ona matamata mai i se tulaga taumamao ese e faaaoga ai le tekinolosi. Pe a taofia mo se taimi le tumau le faiga o sauniga faamanatuga, e mafai ona faamauina loa lava ia tagata liliu mai pe a uma le papatisoga.

O Faauuga i le Perisitua ma le VaetofiainaO faauuga i le perisitua ma le vaetofiaina, e manaomia ai le vave faamaonia e le tagata

o loo umiaina ki talafeagai o le perisitua. E manaomia ai foi le faaee tino atu o lima o se e umia le perisitua ua faatagaina. O le sauniga e tatau ona mataituina ma tusifaamaumau e le tagata o loo umia ki o le perisitua po o se tasi na te tofiaina. Afai e tatau ai, e mafai e le tagata lea ona matamata mai i le sauniga, i se tulaga taumamao ese e faaaoga ai le tekinolosi. O taitai, aiga, ma uo e mafai ona matamata mai i se tulaga taumamao ese e faaaoga ai le tekinolosi.

O faauuga, valaauga, ma vaetofiaina e mafai ona faatino e aunoa ma se muai lagolagoina i faatulagaga faale- uarota ma le siteki pe afai e vave faamaonia e le tagata o loo umiaina ki talafeagai o le perisitua. O lea faiga e mafai ai ona solo i luma le galuega a le Alii, ma e faamaonia mulimuli le faatinoga pe a toe amatalia ia sauniga po o fonotaga.

Page 11: 19 Me 20 · E tatau i taitai ona faamautinoa ua faamamaina mae’ae’a lelei fale pe a mavae seti taitasi o sauniga, aemaise lava vaega e tagofia, e pei o au o faitotoa, ki o moli,

Faauuina o e MamaiE manaomia i se faamanuiaga faaleperisitua le faaee tino atu o lima. E masani lava, e

toalua pe sili atu i latou e umia le Perisitua Mekisateko e faatautaia ae e mafai e le toatasi ona ia faia na o ia. A uma ona faia faautagamua uma e tatau ai, pe afai ona o tulaga faaletino ua faasa ai le tuu o lima i luga o le ao o se tagata, e mafai ona faia se tatalo, e aofia ai le faaaogaina o tekinolosi. O se tatalo lea o le faatuatua, ae le o se faamanuiaga faaleperisitua. Soo se tasi i soo se taimi e mafai ona tatalo, anapogi a leai ia auauna atu i isi.

Faatautaiga o le FaamanatugaE ao i tagata o le au paia ona faaaoga ia faamanuiaga o le auai atu i sauniga faamanatuga

ma taumamafa i le faamanatuga i vaiaso taitasi pe a mafai. I tulaga e le taatele, pe a le o faia ia sauniga faamanatuga a uarota mo se taimi faaumiumi, e mafai e se epikopo ona faataga ni e umia le perisitua o loo agavaa i lana uarota e saunia ma faatautaia le faamanatuga i o latou lava fale po o fale o isi tagata o le uarota, o e e leai se ositaulaga agavaa po o se e umia le Perisitua Mekisateko i le fale. (Tagai i le Tusitaulima Aoao 18.9.1 .) Pe a manaomia, e mafai ona faatautaia le faamanatuga e se ositaulaga e toatasi po o se e umia le Perisitua Mekisateko.

E mafai e tagata o le au paia ona saunia a latou lava falaoa po o le vai. Peitai, o le sauniaina o le faamanatuga e tatau ona faia e e umia le perisitua ma ua faatagaina. O e umia le perisitua e faatautaia le faamanatuga e tatau ona i ai i le nofoaga e tasi o i ai i latou o e e mauaina, pe a latou tofitofi le falaoa, faia ia tatalo, ma tufatufa ia faatusa. I tulaga e le masani ai pe a le o maua le faamanatuga, e mafai ona faamafanafanaina tagata o le au paia e ala i le suesueina o tatalo o le faamanatuga ma toetautino atu e ola i feagaiga ua osia e le au paia ma tatalo mo le aso o le a latou toe maua tino ai, a o faatautaia faalelei ai e le au perisitua.

E faamanuiaina tagata taitoatasi ma aiga pe a mafai ona latou faia se sauniga tapuai patino o le Sapati e faatotonugalemu- i- le aiga, e i latou lava po o se tulaga taumamao ese. O na tapuaiga e mafai ona aofia ai tatalo, viiga, ma le suesueina o le talalelei. Pe a faatagaina ai, o e umia le perisitua o i ai, e mafai ona faamanuiaina ma tufatufa le faamanatuga.

O Isi Galuega a le EkalesiaSauniga po o Fonotaga I tulaga faaletino ogaoga, e mafai e taitai ona tolo mo se taimi le

tumau ia sauniga po o fonotaga ma gaoioiga. Pe a manaomia i tulaga o i ai, e mafai ona faia fonotaga faale- au epikopo, faatalanoaga, ma fonotaga a aufono a uarota i tulaga taumamao ese e faaaoga ai tekinolosi, e pei o telefoni po o vitio. E mafai e epikopo ma taitai o uarota

5

Page 12: 19 Me 20 · E tatau i taitai ona faamautinoa ua faamamaina mae’ae’a lelei fale pe a mavae seti taitasi o sauniga, aemaise lava vaega e tagofia, e pei o au o faitotoa, ki o moli,

ona faaaoga tekinolosi mo savali e faaopoopo i tapuaiga a le au paia e faatotonugalemu i aiga.

Auaunaga O le auauna atu i uso ma tuafafine o le a iloa ai e i ai auala eseese e saunia ai ma tuuina atu le lagolago manaomia i tagata ma aiga ua tofia i ai i latou. Pe faatino le auaunaga i tulaga patino pe o tulaga taumamao ese e faaaoga ai tekinolosi, e faalagolago i tulaga faaletino i le lotoifale ma manaoga, ma naunauga, ma le soifua maloloina o i latou e aofia ai. O faatalanoga o auaunaga e mafai ona faia i tulaga mamao ese e faaaoga ai tekinolsi pe a manaomia. I tulaga ogaoga, o auaunaga patino i tagata e ono faatapulaaina i le talanoaina o se manaoga matuia ma faavavevave faaletino, faalemafaufau, pe faalelagona. O uso ma tuafafine a auauna, e tatau ona faaalia lo latou alolofa ma le lagolago i ala talafeagai.

6