2015 оны 04 сарын 24 өдөр Дугаар А/53 Улаанбаатар хот

Эко клуб байгуулах тухай

Хот, тосгоны эрх зүйн байдлын тухай хуулийн 20 дугаар зүйлийн

20.2, Нийслэлийн Иргэдийн Төлөөлөгчдийн Хурлын 2014 оны 21/33 дугаар тогтоолоор батлагдсан Нийслэлийн эдийн засаг, нийгмийн 2015 оны зорилтын 1 дүгээр хэсгийн 1.3.2, Нийслэлийн Засаг даргын 2014 оны А/279 дүгээр захирамжаар батлагдсан Захирамжлалын баримт бичиг боловсруулах, батлах, хянах, мэдээлэх журам¤-ын 2 дугаар хэсгийн 2.4.1, Улаанбаатар хотын Захирагчийн ажлын албаны дүрмийн 2 дугаар хэсгийн 2.9 дэх заалтыг тус тус үндэслэн ТУШААХ нь:

1. Нийслэл Улаанбаатар хотын ногоон байгууламжийг нэмэгдүүлэх, агаарын бохирдлыг бууруулах, сургууль орчинд мод, сөөг, зүлэг, цэцэг тарих, арчлах, орчны хог хаягдлыг цэвэрлэх, түүнийг цуглуулах, ангилан ялгах үйл ажиллагаанд хүүхэд, залуучуудын оролцоо, идэвхи, санаачлагыг дээшлүүлэх үүрэг бүхий Эко клуб-ыг Ерөнхий боловсролын сургууль бүрт байгуулсугай.

2. Эко клуб байгуулах ажлыг удирдан зохион байгуулах ажлын хэсгийг нэгдүгээр, Эко клуб ажиллуулах, түүний үйл ажиллагааны чиглэл, ажлыг нь дүгнэх, урамшуулах удирдамж¤-ийг хоёрдугаар хавсралтаар тус тус баталсугай .

3. Эко клубуудын ажлыг хянах, дүгнэх, урамшуулах ажлыг зохион байгуулж ажиллахыг Нийслэлийн Боловсролын газар /Ц.Отгонбагана/, Нийслэлийн Байгаль орчин, ногоон хөгжлийн газар /Г.Болормаа/, дүүргүүдийн Засаг даргын Тамгын газарт үүрэг болгосугай.

4. Эко клуб-уудын үйл ажиллагаанд мэргэжлийн заавар, зөвөлгөө өгөх, сургууль орчны тохижилт, цэцэрлэгжүүлэлт, хог цэвэрлэгээний ажлын явц, үр дүнг хэвлэл, мэдээллийн хэрэгслээр нийтэд сурталчилах ажлыг холбогдох байгууллага, Төрийн бус байгууллагуудтай хамтран зохион байгуулж, тайлагнаж ажиллахыг Тохижилт, хог хаягдлын удирдлагын хэлтэс /Т.Батбаяр/ -т даалгасугай.

ХОТЫН ЕРӨНХИЙ МЕНЕЖЕР БӨГӨӨД ЗАХИРАГЧИЙН АЖЛЫН АЛБАНЫ ДАРГА Б.БАДРАЛ