Upload
nuala
View
93
Download
1
Embed Size (px)
DESCRIPTION
4.3 Kartof bitkisinin dəmgil xəstəlikləri və onlarla mübarizənin əsas prinsipləri. Kartofun səpgili dəmgili – Spongospora subterranea ( Wallr .) Yagerh. Təsnifatda yeri : - PowerPoint PPT Presentation
Citation preview
4.3 Kartof bitkisinin dəmgil xəstəlikləri və onlarla mübarizənin əsas prinsipləri
Təsnifatda yeri:
Protozoa aləmi, Plasmodiophoramycota şöbəsi,
Plasmodiophoramycetes sinfi, Plasmodiophorales sırası,
Plasmodiophoraceae fəsiləsi, Spongospora cinsi
Müasir adı:
Spongospora subterranea f.sp. subterranea I.A.Tomi
Bioloji qrupu:
Biotrof
Kartofun səpgili dəmgili – Spongospora subterranea (Wallr.) Yagerh.
Patogenin morfologiya və biologiyası. Bu xəstəlik əsasən torflu
torpaqlarda geniş yayılmışdır. Xəstəliyin törədicisi olan göbələk
hüceyrədaxili parazitdir. Bu onun təhlükəlilik dərəcəsini daha da
artırır. Kartofun səpgili dəmgil xəstəliyinin törədicisi ölçüsü 70
mkm-ə qədər olan çoxnüvəli plazmodiyə malikdir. Yoluxmuş
hüceyrələrdə onlar kip spor topaları formalaşdırır. Torpaqda spordan
zoosporlar çıxır və kartofun köklərini və yumrularını yoluxurlar.
Bəzən onlar kartofun stolonunu da sirayətlənir. Parazit oliqofaq
olmaqla pomidor və quşüzümü fəsiləsinin (Solonaceae) digər bitki-
lərini də yoluxur. Xəstəlik yumruların səthində dərinləşmiş ulduza-
bənzər açıq yaralar formasında zühur edir. Belə yaraların içərisi
qəhvəyi spor yığımı ilə doludur. Sirayətlənmiş köklərdə şişlər əmələ
gəlir.
Yayılması. Bu xəstəlik dünyanın sənaye əhəmiyyətli kartof becərən ölkələrindən olan ABŞ, Çin, Hindistan, Türkiyə, İran və s. ölkələrin plantasiyalarında əhəmiyyətli dərəcədə yayılmışdır. Ədəbiyyat məlu-matlarına əsasən kartofun səpgili dəmgil xəstəliyi MDB məkanında yalnız Belorusda və Rusiyanın ayrı-ayrı vilayətlərində qeydə alın-mışdır. Ölkəmizdə bu xəstəliyin mövcudluğu haqqında məlumatlar yoxdur.
Ekologiyası. Xəstəlik kifayət qədər rütubətli və torpağın yüksək olmayan temperaturunda meydana çıxır. Göstərilən şərait və 12-180C temperatur patogenin optimal inkişafına yol açır.
Təsərrüfat əhəmiyyəti. Yumrular güclü yoluxan zaman onların tam məhvi baş verir. Xəstəlik güclü surətdə kartofun qidalılıq və əmtəə keyfiyyətini aşağı salır, onun çürümə törədən mikroorqanizmlərlə sirayətlənməsini stimullaşdırır.
Mübarizə tədbirləri. Bu xəstəliyə qarşı ən səmərəli mübarizə növ-bəli əkinə əməl edilməsi və eyni sahəyə kartofun beş ildən sonra qaytarılmasıdır. Əkin qabağı yumruların dərmanlanması da vacib tədbirlərdəndir.
Təsnifatda yeri:
Aktinomisetlər və ya şüalı göbələklər,
Streptomyces cinsi
Bioloji qrupu:
Torpaq patogeni
Kartofun adi dəmgili – Streptomyces scabies (Thaxter)Waksman et Henrici.
Patogenin morfologiya və biologiyası. Yoluxma nəticəsində yumrunun
səthində qeyri-düzgün formalı, diametri bir-neçə millimetrdən 1 sm-ə və daha
artıq olan, getdikcə ölçüləri böyüyən və mantarlaşan yaralar meydana çıxır.
Adi dəmgilin dörd növünü fərqləndirirlər: yastı (qabıq və ya yalnız
peridermanın ən üst qatı yoluxur), qabarıq (qabarıq ziyilcik şəklindədir), dərin
(lətli hissənin yaraları ətrafları boyunca qalxır və dibi qəhvəyidir) və torlu
(bütöv xətli səth, tozu xatırladır). Dəmgilin müxtəlif növlərinin inkişafı
patogenin dərinliyə təsirindən, öz növbəsində kartofun sort xüsusiyyətlərindən
və mühit şəraitindən asılıdır. Adi dəmgil xəstəliyini törədən aktinomisetlər
torpaqda müxtəlif üzvi qalıqlarda və toxumluq yumrularda yaşayırlar.
Yumruların infeksiyaya uğra-ması yumru əmələgəlmə fazasından başlayır.
Patogen yumruya adətən mərcilər vasitəsilə keçir, böyüyür və müxtəlif
istiqamətlərdə qabığı cırır və perider-manın böyük hissəsi aşağı sağlam
toxumalardan mantarlaşmış ölü hüceyrələrə ayrılırlar. S.scabies göbələyinin
mitseli buğumsuz ağacaoxşar budaqlanandır.
Yayılması. Xəstəlik kartof becərilən bütün ölkələrdə geniş yayılmışdır.
Ekologiyası. Adi dəmgilin törədicisi – aerobdur, onun inkişafı üçün
optimal temperatur 25-270C-dir. Yumruların əmələgəlmə dövrü torpağın
aşağı temperaturu streptomisetlərin inkişafını ləngidir. Xəstəliyin inkişafı
üçün neytral və ya zəifqələvi reaksiyalı torpaqlar (pH 6,0-7,5) optimaldır.
Zəif qələvi reaksiyalı yüngül və qumsal torpaqlarda yumrular daha çox
sirayətlənirlər. Quru və isti hava xəstəliyin inkişafını stimullaşdırır.
Təsərrüfat əhəmiyyəti. Əsas zərər yumruların keyfiyyətinin aşağı
düşməsi ilə səciyyələnir. Dəmgilə yoluxmuş yumruların cəlbedici görkəmi
yoxdur, tərkibində nişasta az olduğundan dad və əmtəəlik keyfiyyətləri
aşağıdır. Adətən dəmgil yumrulara quru və yaş çürümə törədicilərinin
daxil olmasına köməklik edir. Güclü yoluxmuş yumruların cücərmə
qabiliyyətləri aşağı olduğundan əkin üçün yararsızlaşır.
Mübarizə tədbirləri. Sağlam əkin materialı, toxumluq yumruların
dərmanlanması, davamlı sortların becərilməsi, növbəli əkin və sideral
(yaşıl) gübrələrin tətbiqi önəmlidir.