Конкурс: «Мектептегі бір мезет»Қатысушы: Кусаинова Жамиля ДемесқызыЖамбыл облысы, Қордай ауданы, №12 Масанчи орта мектебі

«Жақсының жақсылығын айт- нұры тассын, жаманның жамандығын айт- құты қашсын» деген қазақта тамаша мақал бар. Нұры тасысын, еңбек жолында қанаты талмасын деген мақсатта, көптеген ұстаздарға үлгі бола алатын әріптесімнің соңғы жылдардағы табыстары жайлы айтуды азаматтық борышым деп есептеймін.

Кусаинова Жамиля Демесқызы 1996 жылы Қазақ мемлекеттік қыздар педагогика институтын орыс сыныптарындағы қазақ тілі мен әдебиеті мамандығы бойынша үздік дипломмен тәмәмдап, Масанчи ауылындағы №12 Масанчи орта мектебінде еңбек етіп келеді. Осы уақыт ішінде өзін білікті, білімді, оқушыларға бүгінгі күн талабына сай дәріс бере алатын, өз жұмысына шын берілген ұстаз ретінде көрсете білді.

Ол теориялық біліммен жақсы қаруланған, өмірмен тығыз байланыстыра алатын қазіргі талапқа сай білімділікті талап ете алатын тұлға. Барлық жаңалықтар мен өзгерістерден хабардар болып, оқыту түрлерін, әдіс- тәсілдері мен құралдарын жетілдіріп, оларды тиімді қолданудың жолдарын іздестіріп, өз кәсібіне шығармашылықпен қарайтын ұстаз. Ол әрбір сабағын қызықты, мазмұнды, үлкен шеберлікпен өткізеді.

Құсаинова Жамила өздік білімін үнемі жетілдіріп отырады. Ол Қазақстан Республикасы педагог кадрларының біліктілігін арттырудың деңгейлі бағдарламалары аясында екінші (негізгі) деңгей бағдарламасы бойынша мұғалімдерді оқыту курсын аяқтады. Мектепте «Достық» атты қоғамдастық құрып, коучингтер, зерттеу сабақтарын (lesson studi) ұйымдастыруда. Жас мамандармен тәлімгерлік жұмыстарын жүргізіп, оларға көмек ретінде әдістемелік ұсыныстар дайындап отырады. Ол үнемі ізденіс үстінде. «Ақпараттық коммуникациялық технологияны қолдана отырып, тіл дамыту» тақырыбына өткен аудандық семинарда «Сын тұрғысынан ойлау әдістерін қолдана отырып, оқушылардың коммуникативтік сөйлеу дағдыларын дамыту» атты коучин өткізді. Ауданда өтетін мұғалімдердің Тамыз кеңесінде «Оқушыларды аудандық, облыстық олимпиадаға дайындау жолдары» тақырыбына баяндама жасады. Ол әр түрлі байқауларға да қатысып, білімін сынап отырады.

Аудандық «Қазақ тілінің үздік оқытушысы» конкурсына қатысып, 1 орынды иеленді.

«Аудандық панорамалық сабақтар» байқауында да 1 орынды қанжығасына байлады.

Білім жүйесіндегі шығармашылық еңбегі және жеткіншек ұрпақты оқыту мен тәрбиелеудегі табыстары үшін Қордай ауданы әкімдігі білім бөлімінің басшысы мадақтама грамотасымен марапатталды.

Жамила тек аудан көлемінде ғана емес, биыл

«Педагогикалық ізденіс» атты 1Y Халықаралық оқытушылар сайысында «Сабақ» номинациясы бойынша 3 орынға ие болды.

«Білім берудегі жаңа инновациялық технологиялар» атты Республикалық ғылыми-тәжірибелік конференциясында «Оқыту мен оқудың нәтижесін жақсартуда желілік қоғамдастық қызметінің маңыздылығы» атты баяндама оқыды.

«Ұстазы жақсының- ұстамы жақсы» дегендей оқушылары да әр түрлі конкурс, олимпиадалардан жүлделі орынмен оралып жатады. Оқушылары (дүнген) Суларов Эдик пен Весыр Рахме ұстазының жолын қуып, орыс сыныптарында қазақ тілі мен әдебиеті мұғалімі болып еңбек етуде. Локияева Аминат (балкар) соңғы үш жылда аудандық олимпиададан қатарынан жүлдемен оралып жүр. Бейшанло Диляра «Ана тіл аруы» атты аудандық байқауда мемлекеттік тілдің қолдану аясын кеңейту, оны оқып үйренуге ықыласы мен шығармашылық қабілетіне және белсене қатысқаны үшін 3дәрежелі дипломмен марапатталды. Бейшанло Диляра өзге ұлт өкілдері арасында өткен «Абай оқулары» атты аудандық байқауында тілдерді меңгеруге деген шығармашылық қабілеті үшін Қордай ауданы әкімдігінің мәдениет және тілдерді дамыту бөлімінің 1 дәрежелі дипломымен марапатталды.

Соңғы 3 жылда оқушылары Ұлттық бірыңғай тестілеуден 100% сапа мен 100% үлгерім көрсетіп, мұғалім еңбегін ақтады.

Оқушылармен қарым- қатынасында шыдамдылық, сыпайылық, ізгілік танытып, жағымды әдеттерімен оқушыларды сынып жетекші ретінде де өзіне тарта біледі. Жамила еңбекқор, әріптестері мен ата- аналар арасында беделді.

Ол тек жұмыста ғана өнегелі ұстаз емес, тәртіпті ұл мен қыз тәрбиелеп отырған үлгілі ана.Ұлы Қазақ Мемлекеттік медицина университетінде грант иегері, қызы 10 сыныптың озық оқушысы.

Әріптесіме еңбек жолында шығармашылық табыс пен қажымас қайрат тілеймін.