Upload
ioraclekc
View
81
Download
7
Embed Size (px)
Citation preview
50th
Wedding Anniversary
of
Ramon & Adelina
Sto.Niño Parish ChurhMakilala, Cotabato
September 30, 20119:00 a.m.
Commentator: "Unsay gihiusa sa Diyos, walay tawo nga makabulag
niini."
Kini ang mga pulong nga kanunay natong madunggan ilabi na
kong adunay kaslon dinhi sa atong simbahan. Mao usab kini
ang mga pulong nga atong gihuptan sukad pa sa atong
paghimo ug desisyon nga mouban sa atong nahimong mga
bana ug asawa.
Mao nga karong adlawa, malipayon kitang tanan nga
makigduyog niining magtiayon nga magbag-o sa ilang mga
panumpa isip magtiayon agi'g pakighiusa usab nato sa
kasaulogan sa atong simbahan. Ang maong pagbag-o sa ilang
panaad makapadungag sa kalig-on sa ilang panag-uban. Ug
mas milig-on ang ilang panaghiusa tungod kay ilang gihimong
sumbanan sa kahiusahan ang Santisima Trinidad.
Tungod niini, moduyog usab kita sa ilang kalipay karong
adlawa sa ilang pagbag-o sa ilang panumpa sa tagsa-tagsa ug
ngadto sa Diyos.
Niining atong kasaulogan karon, atong pasidunggan ang magti-
ayon nga si Ramon ug si Adelina nga sa hataas na nga
panahon nagpabilin sa ilang mga gipanumpaan sukad pa sa
adlaw sa ilang kasal bisan pa sa mga unos nga mihampak sa
ilang kinabuhi.
Palihog manindog ang tanan ug atong awiton ang pasiunang
awit.
THE BRIDAL PROCESSIONAL MARCH
Choir: Entrance Hymn
GREETING
Priest: Sa Ngalan sa Amahan ug sa Anak, ug sa Espirito Santo.
All: Amen.
Priest: Ang Ginoo maanaa kaninyo.
All: Maanaa usab kanimo.
Penitential Rite
Priest: Mga igsoon, maghinulsol kita sa atong mga sala; aron
maandam kita alang sa pagsaulog sa Santos nga Misa.
All: Nagakompisal ako sa Diyos nga makagagahom sa tanan
ug kaninyo, mga igsoon nga nakalapas ako ug dako
uyamot sa hunahuna, sa pulong, sa buhat ug sa wala
pagbuhat sa angay'ng buhaton kay akong sala, akong
sala, akong dakong sala. Busa nangamuyo ako kang
Santa Maria, kanunay'ng Birhen. Sa tanang mga Anghel
ug mga Santos, ug kaninyo mga igsoon, aron inyo akong
i-ampo sa Ginoo nga atong Diyos.
Priest: Kaloy-an unta kita sa Diyos nga makagagahom sa tanan ug
pasayloon sa atong mga sala. Dad-on unta kita niya ngadto sa
kinabuhing dayon.
All: HIMAYA SA DIYOS DIDTO SA LANGIT....
PAG-AMPO SA KATILINGBAN
Priest: Mag-ampo kita:
0 Ginoo, gidugtong mo ang imong mga alagad nga si
Ramon ug si Adelina sa dili malugti nga bugkos sa
kaminyuon, ug gihiusa mo sila taliwala sa ilang mga
kabudlay ug kalipay. Nangamuyo kami, niining adlaw sa
ilang kasumaran nga imong dugangan ug pitlon ang ilang
panaghigugmaay aron malipay sila pinaagi sa
pagtinabangay sa usag-usa sa pagkab-ot sa pagkabalaan
uban sa tanan nilang mga anak.
Kini among gipangayo pinaagi sa among Ginoong
Hesukristo imong Anak nga buhi ug hari uban kanimo ug
sa Espiritu Santo. Diyos nga usa hangtod sa
kahangturan.
All: Amen.
Commentator: Palihog manglingkod ang tanan ug atong pamation ang
mga pulong sa Ginoo.
LITURGY OF THE WORD
FIRST READING
Reader: Kinutlo gikan sa unang sulat ni San Juan (John 4:7-12). Mga
igsoon, maghigugmaay kita kay ang gugma naggikan sa Diyos.
Ang nahigugma sa iyang isigkatawo anak sa Diyos ug nakaila
sa Diyos. Ang wala mahigugma sa iyang isigkatawo wala
nakaila sa Diyos, kay ang Diyos gugma man. Gipadayag sa
Diyos ang iyang gugma kanato pinaagi sa pagpadala sa iyang
Bugtong Anak nganhi sa kalibutan, aron makabaton kita sa
kinabuhing walay katapusan pinaagi kaniya. Ang matuod nga
gugma mao kini: Dili kita maoy unang nahigugma sa Diyos, kon
dili siya maoy unang nahigugma kanato, ug gipadala niya ang
iyang anak aron pinaagi kaniya mapasaylo ang atong mga sala.
Mga igsoon, kon ingon niini ang paghigugma sa Diyos kanato,
nan maghigugmaay kita. Wala pay tawo nga nakakita sa Diyos,
apan kon maghigugmaay kita, magpuyo kanato ang Diyos ug
mahingpit dinhi kanato ang iyang gugma.
Ang Pulong sa Ginoo.
All: Salamat sa Diyos.
RESPONSORIAL PSALM
Response: Ang sa Dios gihiusa sa tawo dili pagbulagon sila
Psalmist: Salig kamo sa Ginoo sa grasya nga gigahin kaninyo.
Sa mga grasya sa paghigugmaay
Sa kawad-on ug kahamugaway
All: Ang sa Dios gihiusa sa tawo dili pagbulagon sila
Psalmist: Sangpit kamo sa Ginoo sa takna nga moabot kaninyo ang
pagsulay sa paghigugmaay kung sakiton sa pagbinatiay
All: Ang sa Dios gihiusa sa tawo dili pagbulagon sila
Psalmist: Laum kamo sa Ginoo ang tuburan sa tumang kayo
maglilig-on sa paghigugmaay hupti ninyo ang diosnong
kalipay
All: Ang sa Dios gihiusa sa tawo dili pagbulagon sila
SECOND READING
Reader: Kinutlo gikan sa sulat ni San Pablo sa mga Taga Colasas
(3:12-17)
Kamo ang katawhan sa Diyos; gihigugma kamo niya ug
gipili aron maiya. Busa kinahanglan nga magmaluloy-on
kamo, magmahigugmaon, magmapaubsanon,
magmaaghop, ug magmapailubon. Pagtinabangay ug
pagpinasayluay kamo kon duna kamoy mulo batok kang
bisan kinsa kaninyo. Pagpinasayloay kPamo ingon nga
gipasaylo kamo sa Ginoo.
Ug idugang niining tanan ang paghigugma nga maoy
magbugkos sa tanan ngadto sa hingpit nga panaghiusa.
Pahari- a sa inyong kasingkasing ang kalinaw nga gikan
ni Kristo, kay alang niining kalinawa gitawag kamo sa
Diyos aron mahiusa kamo diha sa usa kalawas, ug
magmapasalamaton kamo. Papuy-a sa inyong
kasingkasing ang mensahe ni Kristo, uban sa tanang
kabahandianon niini. Pagtinudluay kamo uban sa tanang
kaalaman. Pag-awit kamog mga salmo ug balaanong
mga alawiton; awiti ninyo ang Diyos uban sa
pagpasalamat diha sa inyong mga kasingkasing.
Ang Pulong sa Ginoo.
All: Salamat sa Diyos.
GOSPEL ACCLAMATION
Commentator: Palihog manindog.
Choir: Alleluia (to be sung)
Priest: Ang Ginoo maanaa kaninyo.
All: Maanaa usab kanimo.
Priest: Ibayaw ang inyong mga kasingkasing.
All: Amo nang gibayaw ngadto sa Ginoo.
Priest: Magpasalamat kita sa Ginoo nga atong Diyos.
All: Angay ug matarong.
Priest: KINUTLO GIKAN SA EBANGHELYO SUMALA NI SAN
JUAN (John15:12-16)
Si Hesus miingon sa iyang mga tinun-an, "Kini mao ang
akong sugo; paghigugmaay kamo ingon nga ako
nahigugma kaninyo. Ang labing dakong gugma nga
ikahatag sa usa katawo ngadto sa iyang mga higala mao
ang pagpakamatay alang kanila. Kamo akong mga higala
kon buhaton ninyo ang gisugo ko kaninyo. Dili ko kamo
tawgon nga mga sulugoon, kay ang sulugoon dili
mahibalo sa gibuhat sa iyang agalon. Hinunoa, tawgon ko
kamo nga akong mga higala, kay gisultihan ko man kamo
sa tanan nga nadungog ko sa akong Amahan. Dili kamo
maoy nagpili kanako; ako ang nagpili kaninyo, ug gipili ko
kamo aron manlakaw ug mamungag daghang mga bunga
nga mulungtad. Busa ihatag kaninyo sa Amahan bisag
unsay inyong pangayuon kaniya sa akong ngalan."
ANG EBANGHELYO SA GINOO.
All: Daygon ikaw, O Kristo.
Commentator: Palihog manglingkod.
Homily:
PAGBAG-0 SA MGA PANAAD SA KAMINYOON
Priest: Mga igsoon kong Ramon ug Adelina, hinumdumi ninyo, mga
igsoon, nga kamo nakadangat niining adlawa diin makatan-aw
kamo pagbalik sa dalan nga inyong gilaktan sulod sa inyong
panaghiusa. Palandungon ninyo ang mga kalipay nga inyong
natagamtam sulod niining ika-singkwenta ka tuig (50 years) sa
inyong pagpuyo nga duha sa inusara nga paghigugma. Apan
labi sa tanan palandonga ninyo ang mga panalangin ug mga
panabang nga gikan sa kahitas-an nga nadawat ninyo aron
maglipay gihapon kamo hangtod niining adlawa- kadtong mga
panabang sa Diyos nga kinahanglan gyud nato kay matud pa
sa Ginoo, "Kon wala ako, walay inyong mahimo".
Busa, karon maoy adlaw sa dakong pagpasalamat:
pagpasalamat sa Diyos alang sa tanang kaayohan nga inyong
nadawat labi na nga nakaabot pa kita niining panahona.
Sa katapusan, taliwala sa atong pagsaulog karong adlawa,
hingpiton ninyo ang inyong pag-alagad sa Diyos - ang pag-
ampo kaniya aron siya sa kanunay nagapauswag sa kaayohan
sa inyong kinabuhi. Ang kaminyoon maoy larawan sa
panaghiusa ni Kristo ug ang iyang Katawhan. Mao usab ang
larawan nga makapadani kaninyo sa pagsaad pag-usab nga
hugoton ninyo sa inyong gugma sa usag-usa hangtod sa
katapusan sa inyong kinabuhi.
Sa inyong pagbalik-balik sa inyong gigikanan, nakighiusa uban
kaninyo ang atong Kristohanong Katawhan nga ang
pangamuyo mao ang panalangin sa Diyos nga Gamhanan aron
kamo makalampos sa inyong padulngan.
Minahal kong Ramon ug Adelina atubangan sa Diyos ug sa
iyang Katawhan.
Paggunitay xamo sa inyong tuong kamot ug bag-ohon ninyo
ang inyong tinguha sa kasabutan sa Santos nga Sakramento
sa Kaminyoon.
Ramon: Atubangan sa Diyos ug sa iyang Katawhan bag-ohon ko
ang akong panaad sa una nga ikaw akong dawaton nga
akong Asawa sa kalisdanan ug sa kahamugaway, sa kapit-
os ug sa kalipay. Ikaw iamang ang akong mahalon ug
isipong sumpay sa akong kinabuhi karon ug hangtod sa
akong kamatayon.
Muingon ang asawa:
Adelina: Atubangan sa Diyos ug sa iyang Katawhan bag-ohon ko
ang akong panaad sa una nga ikaw akong dawaton nga
akong Bana sa kalisdanan ug sa kahamugaway, sa kapit-
os, ug sa kaiipay. Ikaw Iamang ang akong mahalon ug
isipong sumpay sa akong kinabuhi karon ug hangtod sa
akong kamatayon.
Mag-ampo ang Magtiayon:
Ramon & Adelina: Amahan namong maamomahon, Amahan
namong matinud-anon, panalangini kaming
nagkasabot sa pagminyo; mosanag unta sa tanang
panahon ang among panag-uban nga putli ug tim-os.
Sa kasing-kasing ug huna-huna, sa kanunay
magkahiusa unta kita, sa kalisdanan ug pagsulay
magmalig-on sa kanunay, sa kahamugaway, ug
kalipay mag-inambitay, karon ug sa kahangturan.
Priest: Isip tigpamatuod sa Simbahan, lig-onon ko ug panalanginan
ang gibag-ong kasabutan sa pagbugkos sa kasing-kasing nga
inyo karong gihimo, sa ngalan sa Amahan ug sa Anak, ug sa
Espiritu Santo.
All: Amen.
PAGPANALANGIN UG PAGHATAG SA MGA SINGSING UG ARAS
Commentator: Palihog anhi sa atubangan ang tigbitbit sa singsing, aras
ug bibliya.
Priest: Amahan namong maloloy-on, ipadayon ang imong
pagpanalangin ug pag-amping sa imong mga alagad nga
sila si Ramon ug Adelina. Ipadayon ang paghatag kanila
sa sarang nga kabuhian nga maoy gihulagway niining
mga aras aron madangat nila ang kinabuhing walay
katapusan.
Kini among gipangayo pinaagi ni Hesukristo uban sa
Espiritu Santo hangtud sa kahangturan.
All: Amen.
Priest: Amahan namong mahigugmaon, ipadayon ang imong
pagpanalangin ug pag-amping sa imong mga alagad nga
sila si Ramon ug Adelina. Himoa nga sila magasul-ob
niining mga singsing mahisama kanimo diha sa imong tim-
os nga gugma ug walay sukod nga pagkamatinud-anon.
Kini among gipangayo pinaagi ni Hesukristo uban sa
Espirito Santo hangtud sa kahangturan.
All: Amen.
Ramon: Adelina, laumi nga bisan kanus-a dili ko ikaw luiban.
sul-ob kining singsing nga maoy
pasalig sa akong gugma ug
pagkamatinud-anon kanimo. Sa ngalan
sa Amahan sa Anak ug sa Espiritu Santo. Amen.
lAdelina: Ramon, laumi nga bisan kanus-a dili ko ikaw luiban.
Isul-ob kining singsing nga maoy pasalig sa akong
gugma ug pagkamatinud-anon kanimo. Sa ngalan sa
Amahan sa Anak ug sa Espiritu Santo.Amen.
Ihatag sa lalaki ang mga aras aron itugyan sa babaye samtang siya
moingon:
Ramon: Adelina, bisan kanus-a dili ko ikaw talikdan. Itugyan ko
kanimo kining mga aras nga maoy timaan sa akong pag
manggad kanimo ug pag-unong alang sa imong kaayohan
ug alang usab sa atong mga anak. Sa ngalan sa Amahan
ug sa Anak ug sa Espiritu Santo. Amen.
Ang asawa motubag:
Adelina: Dawaton ko kini ug nagasaad ako nga
makigtambayayong kanimo sa hustong paggamit ug
pagpakabana alang sa atong katigayonan. Inubanan
sa akong pasalig nga padayon usab akong motabang
kanimo sa tanan mong mga paningkamot alang sa
atong banay.
Commentator: Palihog manindog.
PAG-AMPO SA KATILINGBAN
Priest: Masaligon kitang mopadangat sa Amahan sa tanan natong
mga panginahanglan. Ug sa matag pag-ampo motubag kita sa
pag- ingon: "Ginoo, lig-ona kami sa imong gugma".
All: Ginoo, lig-ona kami sa imong gugma.
Reader: Alang sa atong Santo Papa, mga Obispo, mga kaparian,
ug sa tanan lumilihok sa atong Simbahan nga huptan
unta nila ang ilang gipanumpaan nga mao ang pag-
alagad sa iyang mga katawhan, mag-ampo kita sa Ginoo.
All: Ginoo, lig-ona kami sa imong gugma.
Reader: Alang usab sa atong panggamhanan, ilabi na sa mga
nagapanday sa atong mga balaod, nga hugot unta nilang
babagan ang paglegalize sa diborsiyo dinhi sa atong
nasud aron magpabilin ang kasagrado sa Sakramento sa
Kasal, mag- ampo kita sa Ginoo.
All: Ginoo, lig-ona kami sa imong gugma.
Reader: Alang kang Ramon ug Adelina nga nagbag-o sa ilang
panumpa sa kaminyoon nga padayon silang lig-onon ug
dasigon sa Santisima Trinidad aron ang ilang gibag-o nga
panumpa mas mamahimong kusog sa ilang pamilya sa
pagpadayon bisan pa sa mga pagsulay nga ilang
nahiaguman, mag ampo kita sa Ginoo.
All: Ginoo, lig-ona kami sa imong gugma.
Reader: Alang usab sa tanang minyo nga wala dinhi karon, hinaut
nga madasig sila pagpadayon sa pagtuman sa ilang
kaakuhan ngadto sa ilang mga pamilya, mag ampo kita sa
Ginoo.
All: Ginoo, lig-ona kami sa imong gugma.
Reader: Alang kanatong tanan, nga mag pabilin unta kitang
mainiton sa pagsaksi sa ebanghelyo sa Ginoo ngadto sa
kabus tang mga kaigsoonan, mag-ampo kita sa Ginoo.
All: Ginoo, lig-ona kami sa imong gugma.
Priest: Makagagahum ug tunhay nga Diyos, sud-onga nga
mapuangoron kining imong mga alagad nga karon
nagbag-o sa ilang mga panumpa isip magti-ayon. Itugot
nga magpabilin sila nga maunongon kanimo ug sa usag-
usa. Tapos sa taas ug maayong kinabuhi, gantihi sila sa
kalipay nga dayon uban sa ilang mga anak ug sa tanan
nga nahigugma kanila. Kini among gipangayo pinaagi ni
Kristo among Ginoo. Amen.
Commentator: Palihog manglingkod alang sa paghalad.
LITURGY OF THE EUCHARIST
PRESENTATION OF THE GIFTS AND PREPERATION OF THE ALTAR
Priest: Daygon ikaw, Ginoong Diyos sa tanang kalibutan, kay gikan sa
imong kamanggihatagon nadawat namo kining among gihalad
kanimo, ang pan nga abut sa yuta ug ginama sa kamot sa mga
tawo. Mahimo kini nga kalan-on sa kinabuhi alang kanamo.
All: Daygon ang Diyos hangtod sa kahangturan.
Priest: Daygon ikaw, Ginoong Diyos sa tanang kalibutan, kay gikan sa
imong kamanggihatagon nadawat namo kining among gihalad
kanimo, ang bino nga abut sa yuta ug ginama sa kamot sa mga
tawo. Mahimo kini nga ilimnon nga espirituhanon alang
kanamo.
All: Daygon ang Diyos hangtod sa kahangturan.
Priest: Madawat unta kami nimo, Girioong Diyos, ug makapahimuot
kanimo ang sakripisyo nga among gihalad sa kasingkasing nga
mapaubsanon ug mahinulsulon. Hugasi ako, Ginoo sa akong
kadautan, ug linisi ako sa akong kasal-anan.
Mga igsoon pag-ampo kamo, aron ang ako ug ang inyong
sakripisyo dawaton unta sa Diyos nga Amahan, makagagahum
sa tanan.
Commentator: Palihog manindog.
All: Dawaton unta sa Ginoo ang sakripisyo gikan sa
imong mga kamot: alang sa pagdayeg ug paghimaya
sa iyang ngalan, alang usab sa atong kapuslanan ug
sa tibuok niyang Santos nga Simbahan.
PAG-AMPO SA MGA GASA
Priest: O Dios, dawata kining mga gasa dinhi sa pagpasalamat sa
imong mga alagad nga si Ramon ug si Adelina aron gikan
niini mabuhong sila sa kadait ug kalipay. Kini among gipangayo
pinaagi ni Kristo among Ginoo.
All: Amen.
EUCHARISTIC PRAYER
Priest: Ang Ginoo maanaa kaninyo.
All: Maanaa usab kanimo.
Priest: Ibayaw ang inyong mga kasingkasing.
All: Amo nang gibayaw ngadto sa Ginoo.
Priest: Magpasalamat kita sa Ginoong atong Diyos.
All: Angay ug matarong.
MARRIAGE III
THE GREAT SACRAMENT OF MARRIAGE
Preist: Santos nga Amaahan, Diyos nga tunhay ug
makagagahom sa tanan, angay ug matarong gayod nga
magpasalamat kami kanimo kanunay sa tanang dapit,
pinaagi ni Hesukristo among Ginoo.
Pinaagi kaniya gihimo mo ang usa kabag-ong kasabutan
tali kanimo ug sa imong katawhan. Giuli mo sa tawo ang
grasya diha sa makaluwas nga misteryo sa pagpanubos.
Gihatagan mo siya nga makaambit sa kinabuhing
Diyosnon pinaagi sa iyang pagpakighiusa kang Kristo.
Gihimo mo siya nga manununod sa himaya nga walay
katapusan ni Kristo. Kining manggihatagong pagpaambit
sa gugma diha sa bag-ong kasabutan sa kaminyoon nga
nag- atiman sa gugma sa bana ug sa asawa ug
nagasalamin sa Diyosnon mong laraw sa gugma.
Ug busa uban sa imong mga anghel ug sa tanang mga
Santos sa langit nagsangyaw kami sa imong himaya ug
moduyog sa ilang walay hunong nga awit sa pagdayeg
diha sa pag-ingon
SANCTUS
Choir: Santos, Santos, Santos nga Ginoo, Diyos sa
kagahuman. Puno ang langit ug yuta sa imong himaya.
Osana sa kahitas-an. Daygon ang nagaanhi sa ngalan
sa Ginoo.Osana sa kahitas-an.
Commentator: Palihog mangluhod. Gihangyo ang Candle Sponsors sa
pagdagkot sa kandila ug pagasundan kini sa Belo ug Cord.
EUCHARISTIC PRAYER II
Preist: Santos gyud ikaw, 0 Ginoo, ang tuburan sa tanang
kasantos. Ipadala ang imong Espiritu aron pagsantos
niining mga gasa, aron mahimo kining alang kanamo nga
Lawas ug Dugo ni Hesukristo among Ginoo.
Sa pagpakasakit sa iyang kaugalingon, mikuha siya ug
Pan mipasalamat kanimo, mipikas og mihatag niini
ngadto sa iyang mga tinun-an, ug miingon: “DAWATA
KINI NINYO NGA TAnAN UG KAN-A KAY KINI MAO
ANG AKONG LAWAS NGA ITUGYAN ALANG
KANINYO”.
Sa samang paagi, tapos ang panihapon, mikuha siya sa
Kalis, mipasalamat kanimo pag-usab, mihatag niini
ngadto sa iyang mga tinun-an ug miingon: “DAWATA
KINI UG PANGINOM KAMO NGA TAN AN
GIKAN NIINI : KAY KINI MAO ANG KALIS SA
AKONG DUGO, SA BAG-O UG TUNHAY NGA
KASABUTAN. ANG DUGO NGA IULA ALANG
KANINYO UG ALANG SA TANANG MGA TAWO
ARON ANG MGA SALA MAPASAYLO. BUHATA
KINI ARON PAGHANDUM KANAKO”.
Kini ang misteryo sa pagtuo.
Choir: Si Kristo namatay.
Si Kristo nabanhaw.
Si Kristo mubalik nganhi.
Priest: Aron paghandom sa kamatayon ug pagkabanhaw ni Hesukristo
nagahalad kami kanimo, Amahan, niining Pan sa kinabuhi
ug Kalis sa kaluwasan. Nagapasalamat kami kanimo
tungod kay imo kaming giisip nga angayan nga muatubang
ug mualagad kanimo.
Himoa kami nga mangalawat sa Lawas ni Kristo,
magkahiusa sa Espiritu Santo.
Hinumdumi Ginoo ang imong Simbahan sa tibuok
kalibutan, himoa nga mahingpit kami diha sa gugma, uban
ni Benedicto, among Santo Papa, ni Romulo among
Obispo, ug sa tanang mga pari.
Hinumdum usab ang among mga igsoon nga
nangamatay, nalaumon nga mabanhaw sila, ug ang
tanang nangamatay diha sa imong kaluoy. Dad-a silang
tanan sa pagsud-ong sa kahayag sa imong nawong,
kaloy-i kaming tanan: Himoa kaming angayan nga
makaambit sa kinabuhing tunhay, uban ni Maria, ang
inahan nga Ulay sa Diyos, ni Senior San Miguel, among
Patron, uban sa mga Apostoles, Pedro ug Pablo ug sa
tanang mga Santos nga nagatuman sa imong kabubut-on
latas sa katuigan. Uban kanila amo ikaw nga daygon, ug
amo ikaw nga himayaon, pinaagi ni Jesucristo, imong
Anak.
Pinaagi kaniya, uban kaniya, ug diha kaniya, gihatag
nganha kanimo makagagahum nga Amahan, diha sa
kahiusa sa Espiritu Santo, ang tanang dungog ug himaya
hangtod sa kagahuman.
All: Amen.
COMMUNION RITE
Priest: Karon mag-ampo kita Amahan, atong gamiton ang mga
pulong nga gitudlo kanato sa atong manunubos.
All: Amahan namo....(to be sung)
Priest: Mangayo kami kanimo Ginoo, nga imo kaming luwason sa
tanang dautan. Hatagi kami sa kalinaw niining panahona, aron
tinabangan sa imong kaluoy, mahalikay kami kanunay sa sala
ug mahilayo sa tanang kasamok samtang nagapaabot kami
nga malaumon sa pagbalik ni Jesucristo, among manunubos.
All: Kay imo man ang gingharian ang gahom ug ang himaya
hangtod sa kahangturan.
SIGN OF PEACE
Priest: Ginoong HesuKristo, nag-ingon ka sa imong mga
Apostoles:
"Ang kalinaw ibilin ko kaninyo". Ayaw tan-awa ang among
mga sala kon dili ang pagsalig sa imong Simbahan, ug
sibo sa imong kabubut-on, hatagi kami sa imong kalinaw
ug kahiusa, ikaw nga buhi ug hari hangtod sa
kahangturan.
All: Amen.
Priest: Ang kalinaw sa Ginoo sa kanunay maanaa kaninyo.
All: Maanaa usab kanimo.
Priest: Ipakita ta ang pag-inigsuonay.
Commentator: Palihog mangluhod.
BREAKING OF THE BREAD
PRIVATE PREPARATION OF THE PRIEST
COMMUNION
Priest: Kini mao ang Kordero sa Diyos nga nagawagtang sa mga sala
sa kalibutan. Bulahan ang gidapit alang sa panihapon sa
Ginoo.
All: Ginoo, dili ako angay nga mukalawat kanimo, apan
ipamulong mo lamang ug mamaayo ako.
ANG PANGALAWAT
Choir: Communion songs
PAG-AMPO HUMAN SA PANGALAWAT
Priest: Mag-ampo kita.
O Diyos, gikaloy-an mo pagtambong sa imong banay
kining managtiayon nga si Ramon ug si Adelina uban sa
ilang mga anak ug mga higala. Itugot nga magtubo unta
sila nga malig- on ug madasigon sa ilang
panaghigugmaay hangtod nga sa imong panabang
mahiusa sila nganha sa bangkite sa langit. Kini among
gipangayo pinaagi ni Kristo among Ginoo.
All: Amen.
CONCLUDING RITE
Priest: Mga hinigugma kong kaigsoonan karon nga nakahimo na kamo
sa pagbag-o sa inyong mga panumpa sa sakramento sa
kaminyuon, pabilin kamo nga makanunayon sa usa'g usa.
Adelina, padayon nga higugmaa ang imong bana nga si
Ramon ug pagpabiling buotan nga asawa; pagpadayon diha
sa pagtuo, paghigugma ug kasantos.
Ramon, padayon nga higugmaa ang imong asawa nga si
Adelina maingon nga si Kristo nagpabiling nahigugma sa
iyang Santa Iglesya ug pagpakigtipon sa imong asawa hangtud
sa inyong katigulangon diha sa Santos nga kahadlok sa Diyos.
Ang Ginoo maanaa kaninyo.
Al l: Maanaa usab kanimo.
Priest: Iduko ang inyong mga ulo, ug atong pangayuon ang
panalangin sa Ginoo.
Panalanginan unta kamo diha sa inyong mga anak, ug
ang gugma nga inyong ibubo kanila, baslan unta ug usa
kagatos kapilo.
All: Amen.
Priest: Ang kalinaw ni Kristo magpuyo unta kanunay diha sa inyong
kasingkasing ug sa inyong panimalay; makabaton unta kamo
ug mga higalang tinuod nga mubarog uban kaninyo diha sa
kalipay ug kaguol.
All: Amen.
Priest: Andam unta kamo kanunay sa pagtabang ug paghupay sa
tanang moduol kaninyo diha sa ilang kinahanglan ug ang
panalangin nga gisaad alang sa mga maloloy-on mokunsad
unta diha sa inyong panimalay.
AlI: Amen.
Priest: Hatagan unta kamo sa Ginoo ug dugang mga tuig nga
malambuon, aron makaani kamo sa bunga sa usa ka
maayong kinabuhi. Ug tapos makaalagad kamo kaniya
nga makanunayon dinhi sa iyang gingharian sa yuta.
Dad-on unta kamo niya ngadto sa iyang tunhay nga
gingharian sa langit.
All: Amen.
Priest: Manalangin kaninyo ang Diyos nga makagagahom sa tanan.
Ang Amahan, ug Anak, ug sa Espiritu Santo.
All: Amen.
DISMISSAL
Priest: Tapos na ang misa dad-a ang kalinaw ni Kristo.
All: Salamat sa Diyos.
ORDER OF PICTURE TAKING
- Couple with Priest
- The Couple
- Couple with Best Man and Maid of Honor
- Couple with Groomsmen and bridesmaids
- Couple with Bearers and Flower girls
- Couple with Secondarysponsors
- Couple with the Immediate Family
- Couple with Offerers
- Couple with Relatives and Friends