9 1ST GENERATION MODULES - VERSION 2bnvhsmodules.com/wp-content/uploads/2020/10/FIL9-Q1-MOD2-FIN… · Malugod na pagtanggap sa Filipino 9 ng Alternative Delivery Mode (ADM) Modyul

Nabubuo ang sariling paghatol o pagmamatuwid sa mga ideyang

nakapaloob sa akda

9

_______________________________________________________________________________________________________________________________________________________________Subject to further validation for IP compliance, this material is for first quarter use only. Circulation shall be limited to public schools within the jurisdiction of the Division of Cebu Province. LR-PIPCV

1ST GENERATION MODULE

S - VERSION 2.0

Filipino – Ikasiyam na Baitang

Alternative Delivery Mode

Unang Markahan - Modyul 2: (F9PB-Ia-b-39) Nabubuo ang sariling paghatol o pagmamatuwid sa mga ideyang nakapaloob sa akda Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring

magkaroon ng karapatang-sipi sa anumang akda ang Pamahalaan ng Pilipinas.

Gayunpaman, kailangan muna ang pahintulot ng ahensiya o tanggapan ng

pamahalaan na naghanda ng akda kung ito ay pagkakakitaan. Kabilang sa mga

maaaring gawin ng nasabing ahensiya o tanggapan ay ang pagtakda ng

kaukulang bayad.

Ang mga akda (kuwento, seleksiyon, tula, awit, larawan, ngalan ng

produkto o brand name, tatak o trademark, palabas sa telebisyon, pelikula, atbp)

na ginamit sa modyul na ito ay nagtataglay ng karapatang-ari ng mga iyon.

Pinagsumikapang matunton ang mga ito upang makuha ang pahintulot sa

paggamit ng materyales. Hindi inaangkin ng mga tagapaglathala at mga may-

akda ang karapatang-aring iyon. Ang anumang gamit maliban sa modyul na ito

ay kinakailangan ng pahintulot mula sa orihinal na may-akda ng mga ito.

Walang anumang parte ng materyales na ito ang maaaring kopyahin o

ilimbag sa anumang paraan nang walang pahintulot mula sa orihinal na may-

akda ng mga ito.

Inilathala ng Kagawaran ng Edukasyon

Kalihim: Leonor Magtolis Briones

Pangalawang Kalihim : Diosdado M. Antonio



S - VERSION 2.0

Department of Education – Region VII

Office Address: IPHO Bldg. Sudlon, Lahug, Cebu City

Telefax: (032) 255-6405

E-mail Address: [email protected]

Tagasulat:

Tagasuri:

Tagaguhit:

Tagapag-ugnay:

BUMUO SA PAGSUSULAT NG MODYUL

Irene G. Noval

Anna Zhusette Z. Pintor

Irene G. Noval

Dr. Necifora M. Rosales

Tagapamahala: Dr. Marilyn S. Andales, SDS, Cebu Province Division

Dr. Leah B. Apao, ASDS, Cebu Province

Dr. Mary Ann P. Flores, Chief, CID

Mr. Isaiash T. Wagas, EPSVR, LRMDS Mrs.

Araceli A. Cabahug, EPSVR, Filipino



S - VERSION 2.0

Nabubuo ang sariling paghatol o

pagmamatuwid sa mga ideyang nakapaloob sa akda



S - VERSION 2.0

v

Paunang Mensahe

Para sa tagapagdaloy:

Malugod na pagtanggap sa asignaturang Filipino 9 ng Alternative Delivery

Mode (ADM) Modyul para sa araling Mga Akdang Pampanitikan sa Timog Silangang

Asya ( Nang Minsang Naligaw si Adrian )

Ang modyul na ito ay pinagtulungang dinisenyo, nilinang at sinuri ng mga

edukador mula sa pampublikong institusyon upang gabayan ka, ang gurong

tagapagdaloy, upang matulungang makamit ng mag-aaral ang pamantayang itinakda

ng Kurikulum ng K to12 habang kanilang pinanagumpayan ang pansarili, panlipunan

at pang-ekonomikong hamon sa pag-aaral.

Ang tulong-aral na ito ay umaasang makauugnay ang mag-aaral sa

mapatnubay at malayang pagkatuto na mga gawain ayon sa kanilang kakayahan, bilis

at oras. Naglalayon din itong matulungan ang mag-aaral upang makamit ang mga

kasanayang pan-21 siglo habang isinasaalang-alang ang kanilang mga

pangangailangan at kalagayan.

Bilang karagdagan sa materyal ng pangunahing teksto, makikita ninyo ang

kahong ito sa pinakakatawan ng modyul:

Bilang tagapagdaloy, inaasahang bibigyan mo ng paunang kaalaman ang mag-

aaral kung paano gamitin ang modyul na ito. Kinakailangan ding subaybayan at itala

ang pag-unlad nila habang hinahayaan silang pamahalaan ang kanilang sariling

pagkatuto.

Bukod dito, inaasahan mula sa iyo na higit pang hikayatin at gabayan ang mag-

aaral habang isinasagawa ang mga gawaing nakapaloob sa modyul.

Para sa mag-aaral:

Malugod na pagtanggap sa Filipino 9 ng Alternative Delivery Mode (ADM)

Modyul ukol sa Maikling Kwento ng Singapore. Ang modyul na ito ay ginawa bilang

tugon sa iyong pangangailangan. Layunin nitong matulungan ka sa iyong pag-aaral

habang wala ka sa loob ng silid-aralan. Hangad din nitong madulutan ka ng mga

makabuluhang oportunidad sa pagkatuto.



S - VERSION 2.0

vi

Ang modyul na ito ay may mga bahagi at icon na dapat mong maunawaan.

Alamin

Sa bahaging ito malalaman mo ang mga kasanayan na dapat

mong matutuhan sa modyul.

Subukin

Dito makikita kung ano ang kaalaman mo sa aralin ng modyul.

Kung nakuha mo ang lahat ng tamang sagot (100%) maari

mong laktawan ang bahaging ito ng modyul.

Balikan

Ito ay maikling pagsasanay o balik – aral upang matulungan

kang maiugnay ang kasalukuyang aralin sa naunang leksiyon.

Tuklasin

Sa bahaging ito, ang bagong aralin ay ipakikilala sa iyo sa

maraming paraan tulad ng isang kuwento, awitin, tula,

pambukas na suliranin, gawain o isang sitwasyon.

Suriin

Sa seksiyong ito, bibigyan ka ng maikling pagtatalakay sa

aralin. Layunin nitong matulungan kang maunawaan ang

bagong konsepto at mga kasanayan.

Pagyamanin

Binubuo ito ng mga gawain para sa mapatnubay at

malayang pagsasanay upang mapagtibay ang iyong pang –

unawa at mga kasanayan sa paksa. Maaari mong iwasto

ang mga sagot mo sa pagsasanay gamit ang susi sa

pagwawasto sa huling bahagi ng modyul.

Isaisip

Naglalaman ito ng mga katanungan o pupunan ang patlang

ng pangungusap o talata upang maproseso kung anong

natutuhan mo mula sa aralin.

Isagawa

Ito ay naglalaman ng gawaing makatutulong sa iyo upang

maisalin ang bagong kaalaman o kasanayan sa tunay na

sitwasyon o realidad ng buhay.

Tayahin

Ito ay gawaing naglalayong matasa o masukat ang antas ng

pagkatuto sa pagkamit ng natutuhang kompetensi.

Karagdagang Gawain

Sa bahaging ito, may ibibigay sa iyong panibagong gawain

upang pagyamanin ang iyong kaalaman o kasanayan sa

natutuhang aralin.

Susi sa Pagwawasto

Naglalaman ito ng mga tamang sagot sa lahat ng mga

gawain sa modyul.



S - VERSION 2.0

vii

Sanggunian

Ito ang talaan ng lahat ng pinagkukunan sa paglikha o

paglinang ng modyul na ito.

Ang sumusunod ay mahahalagang paalala sa paggamit ng modyul na ito:

1. Gamitin ang modyul nang may pag-iingat. Huwag lalagyan ng anumang

marka o sulat ang anumang bahagi ng modyul. Gumamit ng hiwalay

na papel sa pagsagot sa mga pagsasanay.

2. Huwag kalimutang sagutin ang Subukin bago lumipat sa iba pang

gawaing napapaloob sa modyul.

3. Basahing mabuti ang mga panuto bago gawin ang bawat pagsasanay.

4. Obserbahan ang katapatan at integridad sa pagsasagawa ng mga

gawain at sa pagwawasto ng mga kasagutan.

5. Tapusin ang kasalukuyang gawain bago pumunta sa iba pang

pagsasanay.

6. Pakibalik ang modyul na ito sa iyong guro o tagapagdaloy kung tapos

nang sagutin lahat ng pagsasanay.

Kung sakaling ikaw ay mahirapang sagutin ang mga gawain sa modyul

na ito, huwag mag-aalinlangang konsultahin ang inyong guro o

tagapagdaloy. Maaari ka rin humingi ng tulong kay nanay o tatay, o sa

nakatatanda mong kapatid o sino man sa iyong mga kasama sa bahay na

mas nakatatanda sa iyo. Laging itanim sa iyong isipang hindi ka nag-iisa.

Umaasa kami, sa pamamagitan ng modyul na ito, makararanas ka ng

makahulugang pagkatuto at makakakuha ka ng malalim na pang-unawa

sa kaugnay na mga kompetensi. Kaya mo ito!



S - VERSION 2.0

1

Panimula

Sa Modyul na ito, ilalahad ang isang kuwento na tatalakay sa suliraning

kinakaharap ng isang anak sa pagbuo ng tamang desisyon.

Nilalayon ng modyul na ito na makabuo ng sariling paghahatol o

pagmamatuwid sa mga ideyang nakapaloob sa akda.

Sa pagtalakay ng mga aralin, ang mga mag-aaral ay inaasahang:

1. nakapaglalahad ng kaisipan hinggil sa paggawa ng mabuting desisyon;

2. nakabubuo ng sariling paghahatol o pagmamatuwid;

3. napapahalagahan ang tungkuling ginagampanan ng isang ama sa pamilya

sa pamamagitan ng pagsulat ng liham pasasalamat.

ALAMIN



S - VERSION 2.0

2

Panuto: Sagutin ang mga sumusunod na katanungan. Isulat sa sagutang papel ang

titik ng tamang sagot.

1. Gumagawa tayo araw-araw ng maraming desisyon, malalaki at maliliit. Alin sa mga

sumusunod ang nagpapakita ng tamang pagpapasiya?

a. paghinto sa bisyo nang may determinasyon

b. pagtikim ng sigarilyo upang maging “in” sa mga kaibigan

c. pagbili ng damit na nauuso kahit ito ay may kamahalan

2. ang mga sumusunod ay nagpapakita ng pagkakaroon ng matinong kaisipan sa

paggawa ng desisyon, maliban sa:

a. pag-isipang mabuti ang sitwasyon

b. maging makatuwiran

c. magpadalos-dalos

3. Ang mga sumusunod ay gabay sa paggawa ng responsableng desisyon, maliban

sa:

a. paggawa ng desisyon nang may matinong kaisipan.

b.paggawa ng desisyon dahil sa bugso ng damdamin.

c. pagsasaalang-alang kung ito’y nakabubuti para sa iyo at para sa lahat.

4. Kailan mo masasabi na ang iyong ginawang desisyon ay tama?

a. kapag ito ay nakapagpaligaya sa ibang tao.

b. kapag ito ay nakabubuti sa pansariling interes.

c. kapag ito ay naaayon sa Likas na Batas Moral.

5. Bakit kailangang isaalang-alang natin ang mga pagpipilian sa paggawa ng desisyon

sa buhay?

a. Dahil sa kagustuhang matupad ang mga hiling at maabot ang mga gusto

nating gawin sa buhay.

b. sapagkat mayroon itong kaakibat na epekto sa ating sarili at sa ating buhay.

c. Upang makagawa ng desisyon para sa ating sarili.

SUBUKIN



S - VERSION 2.0

3

Panuto: Isulat sa loob ng kahon ang iyong mga kaalaman hinggil sa kultura ng

dalawang bansa sa ibaba. Paghambingin ang dalawang at tukuyin ang kanilang

pagkakatulad. Gawin ito sa iyong sagutang papel.

BALIKAN

Mga Tala para sa Guro Basahin at ipaunawa nang mabuti ang mga

panuto sa bawat hakbang at gawain. Ipaalala sa

mag-aaral na gumamit ng hiwalay na papel sa

pagsulat ng kanilang mga sagot sa mga gawain.

lahat ng sagutang papel at mga proyektong

nagawa ay ipapasa sa guro upang mabigyan ng

nararapat na marka.

Singapore

__________________________________________

Pilipinas

__________________________________________

Pagkakatulad

________________________

________________________

________________________

________________________

________________________

_______________



S - VERSION 2.0

4

Panuto: May pagkakataon ba sa iyong buhay na nag-away o hindi pagkakaunawaan

ng iyong mga magulang? Lagyan ng tsek ( √ ) ang bilang kung ang sumusunod na

sitwasyon ay naging sanhi ng inyong di pagkakaunawaan. Isulat ang iyong kasagutan

sa iyong sagutang papel.

1. _________ 2. ___________ 3. _________

4.__________ 5.___________ 6.__________

7.__________ 8.__________ 9. _________

TUKLASIN



S - VERSION 2.0

5

Panuto: Basahin nang mabuti ang teksto sa ibaba.

Nang Minsang Maligaw si Adrian

( Ito’y kuwento batay sa text message na ipinadala kay Dr. Romulo N. Peralta.

Sa kaniyang muling pagsasalaysay, ang pangalan at ilang mga pangyayari

ay pawing mga kathang-isip lamang.)

Bunsong anak si Adrian sa tatlong makakapatid. Siya lamang ang naiba

ang propesyon dahil kapwa abogado ang dalawang nakatatanda sa kaniya.

Dahil may kaya as buhay ang pamilya, natupad ang pangarap niyang maging

isang doctor.

Lumaki siyang punong-puno ng pagmamahal mula sa kaniyang mga

magulang at mga kapatid na nakapag-asawa rin nang makapagtapos at

pumasa sa abogasya. Naiwan siyang walang ibang inisip kundi mag-aral at

pangalagaan ang kaniyang mga magulang.

Matagumpay niyang natapos ang pagdodoktor at hindi nagtagal ay

nakapagtrabaho sa isang malaking ospital. Ngunit sadya yatang itinadhana na

matapos ang dalawang taon mula nang siya’y maging ganap na doctor,

puamanaw ang kaniyang pinakmamahal na ina. Naiwan sa kaniya ang

pangangalaga ng ama na noon ay may sakit na ring iniinda.

Malimit siyang mapag-isa tuwing nabibigyan ng pagkakataong

makapagpahinga dulot na rin ng hindi niya maiwan-iwan na ama. Naisin man

niyang magtrabaho at manirahan sa ibang bansa katulad ng kaniyang mga

kapatid, ang katotohanang may nakaatang na responsibilidad sa kaniyang

balikat ang pumipigil sa kaniyang mangibang-bayan upang manatili sa piling ng

ama at alagaan ito hanggang sa kahuli-huling yugto ng kaniyang buhay.

Inggit na inggit siya sa mga kasabayang doctor na nasa kanila nang lahat

ang luho at oras na makahanap ng babaeng makakasama habambuhay. Ayaw

rin niyang mapag-isa baling-araw kapag nawala na ang kaniyang ama.

Isang araw, habang nagpapahinga matapos ang halos limang oras na

operasyon, nakatanggap siya ng tawag mula sa kasambahay na sinusumpong

ng sakit ang kaniyang ama. Nagmadali siyang umuwi at sa kabutihang-palad,

naagapan naman niya ang ama.

SURIIN



S - VERSION 2.0

6

Bahay. Ospital. Bahay. Ospital. Paulit-ulit na takbo ng buhay na

pakiramdam ni Adrian ay matatapos lamang kapag tuluyan nang mawala ang

kaniyang ama. Hindi niya namamalayan , unti-unti niyang nararamdaman ang

pagkaawa sa sarili. Nais niyang nakawala sa responsibilidad at magkaroon ng

panahon sa sarili.

“Daddy, patawad po. Nais ko lamang na lumigaya sa buhay. Nasa

katanghalian nap o ako ng buhay ko. Ayaw ko pong mag-isa balang-araw kapag

kayo’y nawala.”

Dahan-dahan niyang binuhat ang ama na halos hindi na makapaglakad

nang maayos. Pinasan niya ang ama at isinakay sa kaniyang kotse. Walang imik

na sumama sa ama.

Naglakbay sila nang halos isang oras. Nang sila’y nakarating sa isang

lugar, huminto ang kotse at pinasan ni Adrian ang ama. Tinunton nila ang daan

papasok sa isang kagubatan. Mabigat ang ama kaya paminsan-minsan ay

tumutigil sila sa lilim ng puno upang magpahinga . Wala pa ring imik ang ama

habang binabali ang maliliit na sanga. Napansin niyang tumutulo ang luha ng

anak.

“Bakit ka umiiyak?” tanong ng ama kay Adrian.

“Wala po, Dad.”

Nagpatuloy sa paglalakad si Adrian na pasan-pasan ang ama. Patuloy

rin ang pagtulo ng kaniyang luha. Alam niyang labag sa kalooban ang kaniyang

gagawin.Maraming beses din silang tumigil upang magpahinga at paulit-ulit din

ang pagbabali ng ama ng maliliit na sanga ng puno. Napansin ito ni Adrian.

“Bakit n’yo po binabali ang mga sanga ng puno sa tuwing tayo’y

nagpapahinga, Dad?” tanong ni Adrian.

Tumugon ang ama na may ngiting namutawi sa kaniyang labi.

“Alam ko nais mo akong iligaw sa loob ng kagubatan. Anak, palatandaan

ito na dito tayo dumaan, para sa pagbalik mo ay hindi ka maligaw.”

Lalong bumilis ang pag-agos ng luha ng binate. Walang kaimik-imik,

muling pinasan ni Adrian ang ama at natagpuan ang sariling bumabalik sa lugar

kung saan sila nanggaling.

Alam ni Adrian na hindi na siya maliligaw. Hinding-hindi na.



S - VERSION 2.0

7

Panuto: Bigyan ng sariling paghuhusga (judgment) / pagmamatuwid (justify) ang

mga sumusunod na pangyayari halaw sa akdang binasa. Gawin ito sa iyong sagutang

papel.

Panuto: Anu-anong kaisipan ang iyong mabubuo mula sa larawan? Isulat sa sagutang

papel ang iyong kasagutan.

1. ____________________________________

2. ____________________________________

3._____________________________________

PAGYAMANIN

ISAISIP

________________________________

________________________________

________________________________

________________________________

________________________________

________________________________

________________________________

_______________________________

_______________________________

_______________________________

_______________________________

_______________________________

_______________________________

_______________________________

_______

“unti-unti niyang

nararamdaman ang

pagkaawa sa sarili. Nais

niyang nakawala sa

responsibilidad at

magkaroon ng panahon

sa sarili.

“Alam ko nais mo akong

iligaw sa loob ng kagubatan.

Anak, palatandaan ito na dito

tayo dumaan, para sa

pagbalik mo ay hindi ka

maligaw.”



S - VERSION 2.0

8

Panuto: Gamit ang graphic organizer, paghambingin mo ang dalawang tauhan

sakwentong “Ang Ama” at “Nang Minsang Naligaw si Adrian” batay sa kanilang

kaasalan (ugali, kilos, gawain). Pagkatapos ay bigyan ng paghahatol (judgment) o

pagmamatuwid (justification) ang kaasalang kanilang ipanakita. Gawin ito sa sagutang

papel.

ISAGAWA

Tauhan

Ama ni Mui Mui

( Ang Ama )

Ama ni Adrian

( Nang Minsang Naligaw si Adrian )

kaasalan:

1._______________________________

2._______________________________

3._______________________________

kaasalan:

1._______________________________

2._______________________________

3._______________________________

Paghahatol /Pagmamatuwid

___________________________________

___________________________________

___________________________________

___________________________________

Paghahatol / Pagmamatuwid

___________________________________

___________________________________

___________________________________

___________________________________



S - VERSION 2.0

9

Panuto: Sariwain mo sa iyong isipan ang lahat ng kabutihang nagawa sa iyo

ng iyong sariling ama mula nang ika’y magkamalay. Ilahad mo ang lahat ng ito

sa iyong gagawing sulat. Huwag mag-alinlangan upang ipakita ang pagtanaw

ng utang na loob sa isang nag-aruga’t patuloy na nagmamahal sa iyo nang

walang kapalit. Isulat sa sagutang papel ang iyong mabubuong liham.

RUBRIKS SA GAWAIN:

Krayterya at

lebel

Pinakamahusay

(10pts.)

Mahusay

(8pts.)

Di- gaanong

mahusay

(6pts.)

Nilalaman Lubusang

naipakita at

pasasalamat at

pagpapahalaga

para sa

magulang.

Naipakita at

pasasalamat at

pagpapahalaga

para sa magulang.

Simpleng

naipakita at

pasasalamat at

pagpapahalaga

para sa

magulang.

Paggamit ng mga

Salita

Walang mali sa

paggamit ng

salita.

May 1-3 maling

paggamit ng salita.

May 4 o higit

pang

pagkakamali sa

paggamit ng

mga salita.

Kalinisan at

Kaayusan

Wastong-wasto at

napakalinis ng

pagkakasulat.

May 1-2 bura/ dumi

sa pagkakasulat.

Hindi Mabasa at

may 3 o higit

pang bura/ dumi

sa pagkakasulat.

TAYAHIN



S - VERSION 2.0

10

Panuto: Sa iyong sagutang papel, ilahad ang akdang “ Nang Minsang Naligaw si

Adrian gamit ang yugto-yugtong pagbuo.

KARAGDAGANG GAWAIN

SIMULA

GITNA

WAKAS Kaugnay na

Pangyayari

Kaugnay na

Pangyayari

Kaugnay na

Pangyayari



S - VERSION 2.0

11

Sanggunian

Mga Aklat at Iba pang Sanggunian

Lontoc, Nestor S. et.al, Pinagyamang Pluma 9. Quezon City, Phoenix

Publishing House Inc., 2015

Peralta, Romulo N. et.al, Panitikang Asyano 9. Pasig City, Vibal Group, Inc.,

2014

Silverio, Julio F., Bagong Diksyunaryonng Pilipino-Pilipino. Mandaluyong City,

National Book Store, Inc., 1980

Media/ websites/ Internet Sites

https://www.google.com/search?q=children+not+doing+chores+clipart&tbm=i

sch&ved=2ahUKEwijnZKLyrzqAhXpxosBHWYNAesQ2cCegQIABAA&oq=chil

dren+not+doing+chores+clipart&gs_lcp=CgNpbWcQAzoECAAQQzoHCAAQ

sQMQQzoFCAAQsQM6AggAOgYIABAIEB5Q2V9YsJkBYKWfAWgAcAB4AY

ABuQSIAdMpkgEMMS4yOS4xLjAuMS4xmAEAoAEBqgELZ3dzLXdpei1pbW

c&sclient=img&ei=ZCsFX6PbN-mNr7wP5pqE2A4&bih=657&biw=1366

http://emilybayla.blogspot.com/2014/06/panitikang-asyano-unangmodyul.html

https://www.academia.edu/36814582/Nang_minsangmaligaw_si_Adrian

https://www.google.com/search?q=decision+making+clipart&tbm=isch&ved=

2ahUKEwjNiviez7zqAhULCpQKHd45DgoQ2-

cCegQIABAA&oq=decisio&gs_lcp=CgNpbWcQARgAMgQIABBDMgQIABBD

MgcIABCxAxBDMgQIABBDMgQIABBDMgQIABBDMgQIABBDMgQIABBDM

gQIABBDMgUIABCxAzoCCAA6BggAEAUQHjoGCAAQChAYOgQIABAYUIB

SWLF3YJaGAWgCcAB4AIABsgGIAZ8KkgEDMC45mAEAoAEBqgELZ3dzLX

dpei1pbWc&sclient=img&ei=zDAFX830JIuU0ATe87hQ&bih=657&biw=1366

https://www.scribd.com/document/371644559/Rubrik-Sa-Pagbuo-Ng-Liham

SUSI SA PAGWAWASTO

Subukin

1. a

2. c

3. b

4. c

5. b

Isagawa

Ama ni Mui-mui Ama ni Adrian

KAASALAN:

1.Iresponsable 1. Mapagmahal 2.Makasarili 2. Maunawain



S - VERSION 2.0

https://www.google.com/search?q=children+not+doing+chores+clipart&tbm=isch&ved=2ahUKEwijnZKLyrzqAhXpxosBHWYNAesQ2cCegQIABAA&oq=children+not+doing+chores+clipart&gs_lcp=CgNpbWcQAzoECAAQQzoHCAAQsQMQQzoFCAAQsQM6AggAOgYIABAIEB5Q2V9YsJkBYKWfAWgAcAB4AYABuQSIAdMpkgEMMS4yOS4xLjAuMS4xmAEAoAEBqgELZ3dzLXdpei1pbWc&sclient=img&ei=ZCsFX6PbN-mNr7wP5pqE2A4&bih=657&biw=1366






http://emilybayla.blogspot.com/2014/06/panitikang-asyano-unangmodyul.html

https://www.academia.edu/36814582/Nang_minsangmaligaw_si_Adrian

https://www.google.com/search?q=decision+making+clipart&tbm=isch&ved=2ahUKEwjNiviez7zqAhULCpQKHd45DgoQ2-cCegQIABAA&oq=decisio&gs_lcp=CgNpbWcQARgAMgQIABBDMgQIABBDMgcIABCxAxBDMgQIABBDMgQIABBDMgQIABBDMgQIABBDMgQIABBDMgQIABBDMgUIABCxAzoCCAA6BggAEAUQHjoGCAAQChAYOgQIABAYUIBSWLF3YJaGAWgCcAB4AIABsgGIAZ8KkgEDMC45mAEAoAEBqgELZ3dzLXdpei1pbWc&sclient=img&ei=zDAFX830JIuU0ATe87hQ&bih=657&biw=1366







https://www.scribd.com/document/371644559/Rubrik-Sa-Pagbuo-Ng-Liham

12

Para sa komento at katanungan, maaaring sumulat o tumawag kay: Irene G. Noval 09231113755 [email protected]



S - VERSION 2.0

Documents

9 1ST GENERATION MODULES - VERSION 2bnvhsmodules.com/wp-content/uploads/2020/10/FIL9-Q1-MOD2-FIN… · Malugod na pagtanggap sa Filipino 9 ng Alternative Delivery Mode (ADM) Modyul