Kabanata I

Panimula

Sa kasalukuyan, ang mass media tulad ng dyaryo, pelikula, radio, telebisyon at

internet ang pangunahing paraan para makakalap ng impormasyon. Ang telebisyon ang

pinakatanyag na paraan kung saan ang mga bata ay nalalantad. Ito ay may kakayahang

manlibang at magbigay-kaalaman. Ayon sa statistics, ang mga bata (edad 6 hanggang

12) na gumugugol ng 28 na oras sa isang linggo sa panonood ng telebisyon, ay

nakakaranas ng masamang epekto ng telebisyon sa iba’t ibang aspeto tulad ng pisikal,

mental, emosyonal, at sosyal.

Una sa lahat, ang mga bata ay nararapat na may magandang kundisyong pisikal.

Kailangan nilang mag-ehersisyo tulad ng paglalakad, paglalaro ng basketbol at pagsali

sa isports, ngunit ang panonood na kinahihiligan ng mga bata ay isang sedentary

activity. Kung ang mga bata ay maglalaan ng mahabang oras sa harap ng telebisyon, at

hindi mag-eehersisyo, sila ay magkakaproblema ng obesity. Karamihan ng mga bata

ay mahilig sa junk foods tulad ng kendi, mga chichirya, at kung anu-ano pa habang

nanonood.

Ayaw nilang kumain ng mga pagkaing pampalusog tulad ng prutas, gulay,

gatas, karne at isda. Ayon sa isang pag-aaral sa Estados Unidos na pinamagatang

“Television Addiction”, ang telebisyon ay nag-aambag sa childhood obesity sa

pamamagitan ng puspusang pagpapatalastas ng junk foods sa mga batang manonood.

Karamihan sa mga patalastas ng pagkain ay para sa mga fast foods, kendi at mga

minatamis na cereals.

Kaugnay ng mga hindi magandang epekto sa mental, emosyonal at aspetong

sosyal, maraming bata ang nanonood ng mga palabas na may karahasan sa telebisyon.

Madalas, hindi nila alam ang pagkakaiba sa pagitan ng katotohanan at pantasya, at

gisto nilang tularan ang kung anumang nakikita nila sa kanilang mga paboritong

programa. May mga batang nananakit ng kanilang kalaro, pati na rin ng kanilang sarili

dahil sa paggaya sa mga kanilang napapanood. Sabi ni Dr. Jeremy Lohr Jordan, ang

karahasan ay makikita sa cartoons, soap opera at mga palabas sa prime time. Isang

pangunahing suliranin ay kapag ang mga bata ay nanonood ng TV, tila nakapatay ang

utak nila; ito ay nakakapekto sa kanilang intellectual development.

Ang mga may-akda ng pag-aaral na ito ay naglalayong makapagbigay-alam sa

mga mambabasa ng mga epekto ng panonood ng cartoons. Sakop ng pag-aaral na ito

ang pagbbibigay-diin sa mga epekto ng panonood ng cartoon sa mga batang 6

hanggang 12. Pinili ng mga may-akda and age bracket na ito sapagkat ito ang stage sa

pag-unlad ng mga bata kung saan nahuhugis ang kanilang pisikal, mental, emosyonal

at sosyal na aspeto. Kabilang sa mga uri ng cartoons na tatalakayin ay tulad ng anime,

edukasyonal na cartoons, at ang mga cartoons na may tinatawag na adult humor.

Layunin rin ng pag-aaral nito ang pakapagbigay-impormasyon kung paano maiiwasan

ang mga hindi magandang epekto ng panonood ng cartoons sa mga bata edad 6

hanggang 12.

Kabanata II

Layunin ng Pag-aaral

Ang pag-aaral na ito ay nauukol sa isang suliranin na may kinalaman sa epekto

ng mga panooring “cartoons” sa mga batang nasa edad na 6-12. Naglalayon ang pag-

aaral na ito na sagutin ang mga sumusunod na katanungan:

1. Anu-ano ang mga bagay na nagbubunsod o nagiging sanhi sa pagkahilig ng mga

bata sa panonood ng “cartoons”?

2. Paano nakaaapekto sa buong pagkatao ng isang bata ang mass media na

kaugnay sa panuoring “cartoonss”?

3. Bakit ang mga bata ay nahihilig sa ganitong uri ng panuorin?

4. Anong aspeto ng buhay ang sumasaklaw sa kahiligan ng mga bata sa panonood

ng isang panuorin na produkto ng pag-usbong ng makabagong teknolohiya para

sa “Libangan”?

Kahalagahan ng Pag-aaral

Ang panunuod ng telebisyon ay may tiyak na epekto sa pagkatao ng bawat

mamamayang tumatangkilik sa mga produkto ng media at ng makabagong teknolohiya.

Bunga ng maraming pag-aaral, mas naging epektibo sa mga manonood ang iba’t-ibang

anyo ng “grapiks”, kakaibang mga disenyo ng mga ilustrasyon, at mga “larawang

gumagalaw” na kung saa’y naging kapansin-pansin ang mga panuoring “cartoons”,

mapabata man o matanda. Dahil sa patuloy na pagyabong ng mga masining at

malikhaing tuklas na pantelebisyon, unang-unang tinagkilik ng mga bata ang mga

palabas na “cartoons” na nagbibigay-aliw sa kanila. Mahalagang malaman natin ang

mga sanhi at ang mga posibleng maging bunga ng pagkahilig o pagkahumaling nila sa

nasabing bagay sapagkat matutukoy natin ang aspeto na nagbibigay sa kanila ng

kagalakan, pagkarelaks at ibayong kasiyahan sa buhay.

Saklaw at Limitasyon

Sinasaklaw ng pag-aaral na ito ang mga sumusunod:

1. Ang mga bagay na nakaaapekto sa kabuuang aspeto ng isang bata.

2. Ang mga dahilan ng kanilang kahiligan sa panuoring “cartoons”.

3. Ang katotohanan ukol sa mass media at ang teknolohikal na impluwensya ng mga

ito sa mga bata.

Sa kabilang dako, limitado naman ang pag-aaral na ito sa mga sumusunod:

1. Ang mga ispesipikong sanhi ng pagkahumaling sa mga produkto ng mass

media.

2. Ang opinyon ng mga nakatatanda ukol sa isyung ito.

Depinisyon ng mga Terminolohiya

Mass media- mga bagay tulad ng diyaryo o pahayagan, telebisyon, radyo,

internet, pelikula at iba pa na ang pangunahing layunin ay manghikayat at

magbigay-aliw sa mga tagatangkilik nito.

Anime- isang pabalbal na pananalita sa Wikang Hapon ng "animasyon", na

nangangahulugang gumagalaw na kartun o guhit larawan na kadalasang

tinatawag na Japanimation o Haponimasyon sa Kanluraning mundo.

Cartoon- ito’y tinatawag na guhit-larawan o karikatura na kung saa’y

ipinalalabas na karaniwan sa telebisyon sa anyo ng mga karakter ng tao, bagay,

hayop at iba pa.

Childhood obesity- isang kondisyon na kung saa’y ang sobrang mga taba sa

katawan ng tao ay negatibong naaapektuhan ang kalusugan ng isang bata.

Sedentary activity- isang kondisyon sa mga bata na mailalarawang isang gawain

na may kinalaman sa paglilibang at pamamahinga habang nakaupo.

Intellectual development- o ang Kaunlarang Pangkaisipan, ay may kinalaman

unang-una sa bahagi ng buhay ng isang bata na kung saa’y natututunan niyang

unawain ang kanyang kapaligiran at sa gayo’y makakalap ng mga kaalaman.

Kabanata III

Presentasyon at Pagsusuri ng Datos

Uri ng Cartoons na Pinanunood

Mula sa 40 respondents, 12 sa kanila ang pumili ng panuoring adult humor na

may 30 bahagdan. Apat naman ang nagsabing edukasyonal na panuorin ang uri ng

cartoon na nais nila na may 10 bahagdan. Samantala, 24 sa 40 respondents ang

nagsabing anime ang uri ng cartoon na kanilang pinanunuod na may 60 bahagdan.

Oras ng Panunuod ng Cartoons sa Araw araw

Mula sa 40 respondents, 20 ang nagsabi na isa 0-1 oras silang nanunuod ng

cartoons sa loob ng isang araw na kinakatawan ng 50 bahagdan. 11 naman ang nagsabi

ng 2-4 oras silang manuod ng cartoons sa loob ng isang araw na may 27 bahagdan.

Ayon naman sa 5 respondents, kalahating araw sila umanong manuod ng cartoons na

kinakatawan ng 13 bahagdan. Sa kabilang dako, 10 bahagdan naman ang bumubuo sa

mga nagsabing maghapon o magdamag sila kung manuod ng cartoons na binubuo ng 4

na respondents.

Bukod sa isinagawang sarbey, gumugol ang mga may-akda sa pagmamasid ng

ilang mga pangkat na may iba’t ibang edad (age groups). Pinanood naming ang mga

palabas na kanilang sinusubaybayan at tinalakay kung ano ang kanilang pananaw sa

karahasan, edukasyon at kultura. Aming napuna na karamihan sa mga palabas na

cartoons na tumatarget sa mas batang manonood ay pawing pangkaalaman

(educational). Isang halimbawa ay ang Dora, the Explorer na nakatuon sa pagkakaiba

ng kultura sa pamamagitan ng pagtuturo ng mga satilang Espanyol sa mga bata. Hindi

lamang ito nagtuturo ng Espanyol ngunit bumibilang din sa Ingles. Ilang oras kaming

nanood ng mga ito at wala kaming nakitang karahasan.

Ngunit habang ang mga grupo ay tumatanda, ganun din ang kapansin-pansin na

pag-angat ng porsyento ng karahasan at adult humor sa palabas na kanilang

pinanonood. Para sa amin, hindi dapat hayaan ang mga batang 9 na taon pababa na

manood ng spongeBob Squarepants dahil sa nilalaman ng palabas. Gayundin ang

Powerpuff Girls at Power Rangers na puno ng karahasan. Ano ang matuturo nila sa

mga bata? Kung kayo ay naniniwalang walang epekto ang marahas na cartoons sa mga

bata, ganito ang inyong gawin. Hayaan ang batang 6 na taon na manood ng palabas na

may kung fu o anumang uri ng paglalaban. Suriin sila pagkatapos ng ilang araw.

Ginawa naming ito sa isang bata, na pamangkin ng isa sa may-akda. Ilang araw ay

libot na siya ng libot sa buong bahay at kina-karate chop ang sofa, sinusuntok ang

pusa, at tinatawag na nya ang kanyang sarili na kung fu princess.

Posible ba na ang tila inosenteng cartoons na pinanonood ng isang paslit ay

maaaring magturo sa kanya ng kawalan ng disiplina at respeto sa nakakatanda? Ang

mga cartoons sa ngayon ay ibang iba sa mga cartoons noong dekada 60’s at 70’s.

Noong panahong nabanggit, napakadalang na may karakter sa cartoons na sinusuway

ang mga magulang. Marahl ay dahil din ito sa pag-ban ni Presidente Marcos sa

mararahas na palabas na pambata. Sabi nga ni Jessica Zafra, pinatay ni Marcos ang

Voltes V. ito ang direktang kasalungat ng makikita ngayon sa telebisyon. Sa

pamamagitan ng madalas na pagkahayag, ang mga bata ay may napupulot na

masasamang kaugalian. Maraming bata ang Hindi nahihiwalay ang katotohanan sa

pantasya, at ginagaya nila ang mga ginagawa sa TV.

Ang mga may-akda ay nanood ng ilang episode ng Rugrats at nagbasa ng ilang

librong base sa palabas na iyon. Ang Rugrats ay base sa mga sanggol hanggang pre-

school na mga bata na nakikipagsalamuha sa isa’t isa. Karamihan sa bahagi ng palabas

ay nasa kanilang kuna (playpen), bahay at bakuran. Hindi katulad ng ibang palabas,

ang mga magulang at mga taong may kapangyarihan ay may mahalagang bahagi sa

palabas na ito. Ang Rugrats ay walang humpay na nagpapakita ng pagsuway ng mga

bata sa mga magulang. Ang mga karakter ay walang pakialam sa mga batas na itinakda

ng mga nakakatakda. Halimbawa, isang serye ang nagpapakita kay Tommy at Chucky

na nakaupo sa kuna. Gusto nilang lumabas at maglaro ng Raptor Doll ni tommy pero

nag-aalinlangan sila. Ngunit si angelica ay kinumbinsi ang dalawa upang kumawala sa

kuna at tumakas patungo sa bakuran nang hindi napapansin.

Isa pang serye ang nagpakita sa mga sanggol na palihim na nagpunta sa kusina

upang kumuha ng cookies mula sa cookie jar bagamat ilang ulit na silang binalaan

tungkol dito. Wala ni isang serye ng Rugrats ang nagpakita ng parusa sa mga batang

ito sa kabila ng kanilang paglabag.

Ang mga maliliit na bata na nanonood ng palabas tulad ng Rugrats na

nagpapakita ng hindi pagsunod sa mga magulang, pagiging lapastangan at hindi

pagkilala sa kapangyarihan (authority) ay maaaring maimpluwensyahan ng ganitong

hindi magandang pag-uugali hanggang sa makalakihan na ito.

Kabanata IV

Lagom, Konklusyon, at Rekomendasyon

Ilang dekada nang paksa ng mga debate kung paano ang telebisyon ay

nakakaapekto sa mga bata. Maraming mga magulang na rin nababahala dito. Sa

pamamagitan ng masusing pag-aaral sa nakalipas na mga dekada, ang telebisyon ay

nakakapgdulot ng masamang epekto sa mga bata. Isang dahilan ito upang ang mga

bata ay mahubog na walang diplomasya, walang habag, at walang katiwasayan ng

pakiramdam. Ang panood ng telebisyon ay nagtataguyod ng karahasan, hindi tamang

sekswal na kasanayan, at mga suliranin sa pagkain ng mga bata.

Karaniwan sa isang bata ang nanonood ng telebisyon ng 28 oras sa isang

linggo. Sa edad na ang bata ay tumuntong sa edad na 18, siya ay nakapanood na ng

16,000 na patayan at 200,000 na ibang pang uri ng karahasan. Ang American media

and pinakamarahas sa buong bundo. 80% ng kanilang palabas sa TV ay may

karahasan. Hindi pa dito kabilang ang ibang anyo ng media tulad ng pelikula, video

games, musika at internet. Hindi nalalayo dito ang Pilipinas, sapagkat karamihan sa

ating mga palabas ay mula sa Amerika. Ang karahasan sa telebisyon ay madalang na

kinokondena. Ito ay dahil ang mga bata ay hindi nakikita ang seryosong epekto ng

palabas na may karahasan. Hindi nila nakikita ang tunay na impact ng mga

pangyayari, tulad ng kung ano ang kahihinatnan ng isang tao kapag binaril.

Natututunan ng mga bata na ang karahasan ang sagot sa mga suliranin. Ang mga

batang babae at lalake na mula sa mababang antas ng lipunan ang mas madalas na

nanonood ng telebisyon.

Kung gayon ang mga batang ito ang dapat matyagan, ang mga batang 6 na taon

ay hindi pa sapat ang kakayahan para pagtagpi-tagpiin ang mga eksena sa palabas

kung at kaya’t hindi nila naiintindihan ang mga motibo ng karakter at mga epekto ng

mga pangyayari. Dahil dito, nalilihis ang kaisipan ng mga bata.

Epektong mental at sikolohikal at pisikal ng Cartoons sa mga bata

Ang mga bata ay matindi ang interes sa cartoons. Karaniwan, nagsisimulang

manood ng cartoons ang isang bata ad na 6 na buwan, at o sa edad na 2 o 3, sila ay

nagiging tumatangkilik na manonood. Ito ay nagiging problema sapagkat ang mga

kasalukuyang palabas ay nagiging mas marahas at mas nakakaadik. Ang mga cartoons

ay may tinatawag na subliminal message, o mensaheng patago. Bagaman ang cartoons

ay para sa bata, tinatarget ng mga produktong komersyal ang mga magulang ng mga

batang manonood. Kung kaya’t ang nagiging dulot nito ay ang pagkalantad ng mga

murang kaisipan sa mga palabas na hindi angkop sa kanilang edad. Ang mga batang

madalas na nanonood ng telebisyon ay mas karaniwang nagkakaroon ng suliraning

mental at emosyonal, gayundin and mga sakit na may kinalaman sa utak at mata.

Sa aming pananaw, ito ay nagpapakita lang sa atin na ang mga magulang at mga

nakatatanda ay dapat na alam ang mga palabas na sinusubaybayan ng mga bata. Hindi

naman siguro nakakatuwa na ikaw at ipatatawag sa eskwelahan ng iyong anak dahil sa

pananakit niya sa ibang bata, dahil lamang napanood ito sa telebisyon.

Talasanggunian

Adams, Cecil (1992, July 24). Will sitting too close to the TV, reading with bad light, etc., ruin your eyes? The Straight Dope. Retreived November 3, 2004 fromhttp://www.straightdope.com/classics/a5_105.html Author Unknown (2001, February). Rugrats: Television for Pedophiles. Retrieved Oct. 7, 2004, from http://www.landoverbaptist.org/news0201/rugrats.html

Author Unknown. SpongeBob SquarePants: You Wish ("Shanghaied")/Gary Takes A Bath - TV Tome. Retrieved Oct. 7, 2004, from http://www.tvtome.com/tvtome/servlet/GuidePageServlet/showid-3428/epid-          53338

Author Unknown. Spongebob Squarepants. Retrieved Oct. 7, 2004 from            http://www.jumptheshark.com/s/spongebobsquarepants.htm

Author Unknown (2004, May/June). TV Linked to Attention Defecit in Youth. Today’ Chiropractic, 33, 18. Retreived from Alt Healthwatch database.

Cohen, Karl F. (1997).  Forbidden Animation: Censored Cartoons and Blacklisted Animators in America. Jefferson, NC: McFarland and Company.

Copeland, Jeff B. (1996, Sep 5).   Lawsuit Says Disney Hid Sexy Messages in Cartoons.  E! Online.  Retrieved Sept 30, 2004, from            http://www.eonline.com/News/Items/0,146,00.html?yhnws .Josephson, Wendy, Ph. D (1995, February). Television Violence: A Review of the Effects on Children of Different Ages. Retrieved from            http://www.cfc-efc.ca/docs/mnet/00001068.htm Kalin, Carla (1997, June). Television, Violence, and Children. Retrieved from            http://web.archive.org/web/20030429094130/http://interact.uoregon.edu/MediaLit            /mlr/readings/articles/kalin.html

McIntyre, Selena. (2002). Is Subliminal Advertising Effective? Retrieved Oct 7, 2004 from http://bpsoutdoor.com/articles/subliminalads.htm.            

SARBEY

Pangalan:Edad:

Survey:

1.) Nanonood/nanood ka ba ng mga cartoons?

o YESo NO

2.) Anong klaseng cartoons and pinanonood/pinanood mo?

o Carebears, Rainbrow Brite, Flying House, Superbook, SpongeBob, Blues Clueso Voltes V, Knock Out, Naruto, Mobile Suit Gundam o0 , Shin Mazinger Edition

Z at iba bang cartoons na may paglalabano Simpsons, SpongeBob

3.) Ilang oras ka kung manood ng cartoons sa isang araw?

o 0 – 1 oraso 2-4o Kalahating arawo Maghapon, magdamago Hindi ako lulubay hanggat may palabas sa Cartoon Network,

Nickelodeon at Hero Channel

4.) May natututunan ka ba sa cartoons?

o MERONo WALA

5.) Nakakatulong ba ang cartoons sa mga manonood lalo na sa mga batang edad 6 hanggang 12?

o OOo HINDI

6.) Ipaliwanag ang iyong kasagutan sa bilang 5.

_____________________________________________________________________________________________________________________________________________________________________________________________________________________________________________________

Epekto ng mga Panuoring Cartoons sa mga Batang nasa Edad 6-12

Filipino II, Saint Mary’s College of Baliuag

Bilang Pagtupad sa Isa sa mga Pangangailangan sa

Asignaturang Filipino II

Pagbasa at Pagsulat Tungo sa Pananaliksik:

Ang Pamanahunang Papel na ito na pinamagatang

Epekto ng Panunuod ng Cartoon sa mga Batang nasa Edad 6-12

Inihanda at Iniharap ng mga Mananaliksik mula sa BSHM-1 na binubuo nina

Ronald TadeoRishvert Romano