PAROKI St. KRISTOFORUS SIBORONGBORONGKEUSKUPAN AGUNG MEDANJln.
Siswa No. 32 Siborongborong 22474Tapanuli Utara Sumatera
UtaraEmail: [email protected]
Horas ma di hita saluhut na,Selamat Hari Natal 2014 dahot Tahun
Baru 2015 tu hamu Amang / Inang dohot sude keluarga, sai anggiat ma
dame ni Natal mangolu jala mamboan pasu pasu tu rumah tangga ta
be.Di tingki on, ro do hami tu adopan mu amang/inang laho paboahon
Aksi Natal. Aksi Natal on, ima sada kegiatan na imbaru di
Parokinta, alai di Keuskupan dohot di sandok Huria Katolik na
diportibion, on nungnga be leleng manang biasa di adonghon. Lapatan
ni Aksi Natal ima :1. Hata mauliate dohot silehon-lehon tu Yesus
Kristus na tubu tu portibion laho paluahon hita sian dosanta be.2.
Songon sada hamuliate on ta, ala nungnga diramoti Tuhan hita
dibagasan taon 2014 naung salpu, songon hahipason, angka sinur na
pinahan gabe na niula dohot sude pasu-pasu naung ta jalo di gulmit
ni ngolunta.Tujuan dohot haporluan ni Aksi Natal on asing do siang
APP Paska, haporluan ni Aksi Natal on ima, songon Dana Pembinaan,
alana pembinaan manang pangajarion na mansai porlu do on asa sude
hita ruas lam mangantusi haporseaon hakatolikhon. Saleleng on
pembinaan di Parokinta otik dope, ala ni i ngolu parhuriaonta pe
lam so tarida be.Songon on ma partonding ni Aksi Natal on:1. Tu
stasi ma i 50 %, na 50 % na tinggal di stasi, di bahen ma on tu
haporluan pangajarion manang pembinaan. Umpama na: Pangajarion tu
ruas, Parhalado manang Pengurus, tu Sikkola Minggu (SEKAMI), dohot
tu OMK.2. Tu Rayon ma i 20 %, na 20 % on di bahen Rayon ma i tu
angka keperluan Pertemuan Rayon dohot Pangajarion manang Pembinaan
Pengurus Rayon.3. Tu Paroki ma i 30 %, na 30 % on di bahen ma tu
angka Pangajarion manang Pembinaan tu Ruas, Parhalado / Pengurus,
Anak Sikkola Minggu (SEKAMI), dohot OMK.Aksi Natal on di bahen ma
tu bagasan amplop naung di parade Paroki, jala di papungu ma on tu
angka Parhalado / Pengurus, alai amplop i ingkon di lem (tertutup).
Di papungu ma on tu inganan manang kotak Aksi Natal 2014 na di
bahen di jolo ni pintu ni garejanta be, di tingki laho marminggu di
Ari Rea Natal.Tu angka pengurus ni stasi: sude amplop dohot hepeng
na ro ingkon di catat jala di laporhon muse tu ruas, songon na ta
adong hon di tingki APP Paska, goar-goar ni na mangalehon di tempel
ma i di bagas ni garejanta be. Asa sude ruas boi marnida sadia Aksi
Natal na di lehon na, asa unang adong roha na sungkun-sungkun di
hita saluhut na.Songon i ma jo isi ni surat nami tu hamu Amang /
Inang, sai anggiat ma Tuhan ta mangaramoti jala ma masu masu hita
saluhut na. Mauliate
.....................Horas...............Horas....................Horas
Selamat Hari Natal 2014 dahot Tahun Baru 2015
Sunggul LumbantoruanMurpi SimamoraSaidi Perri MarbunKetua
DPPHBendahara DPPHSekretaris DPPH
Fr. Cornelius Maro, SVD Komunitas Suster KSFLTim Pastoral
ParokiTim Pastoral Paroki
RP. Yanto Laung, SVD RP. Antonius Lelaona, SVDPastor Paroki
Pastor Rekan
