Upload
others
View
2
Download
0
Embed Size (px)
Citation preview
2
INHOUDSOPGAWE
1. SKOOLKARAKTER ................................................................................................ 4
2. PERSONEELBESONDERHEDE ............................................................................ 5
3. ALGEMENE INLIGTING
3.1 Skoolkalender .......................................................................................................... 6
3.2 Skooltye ................................................................................................................... 6
3.3 Skoolgelde ............................................................................................................... 6
3.4 Didaktiese ondersteuning ........................................................................................ 7
4. OUERBETROKKENHEID
4.1 Skoolbestuur, Beheerliggaam en Direksie ................................................................ 7
4.2 Ouerkomitees ........................................................................................................... 7
4.3 Ma’s Wat Omgee ...................................................................................................... 7
5. KLEREDRAG
5.1 Skoolklere ................................................................................................................ 8
5.2 Voorkoms ................................................................................................................. 9
6. AKADEMIE
6.1 Assessering ............................................................................................................. 10
6.2 Afwesighede ............................................................................................................. 10
7. SPORT
7.1 Sportsoorte aangebied ............................................................................................. 10
7.2 Regulasies en voorskrifte by Sport
7.2.1 Leerders ..................................................................................................... 10
7.2.2 Ouerbetrokkenheid ..................................................................................... 11
7.3 Toere en uitstappies
.................................................................................................
12
8. KANTOOR
8.1 Spreekure ................................................................................................................ 12
8.2 Kommunikasie
8.2.1 Poskoevert ................................................................................................. 12
8.2.2 Nuusbrief .................................................................................................... 12
8.2.3 SMS-stelsel ................................................................................................ 12
8.2.4 Webwerf en Facebook ............................................................................... 12
9. SKOOLLEIERS
3
9.1 Diensgroep .............................................................................................................. 12
10. SLOT ....................................................................................................................... 13
4
AGTERGROND AANGAANDE FUTURUM AKADEMIE
Adres N 18 Posbus 656
TADCASTER Jan Kempdorp
8550
Web-adres www.futurumakademie.co.za E-pos [email protected]
Telefoon 0784531245
VISIE
Christelik verantwoordbare onderrig en opvoeding aan ons leerders te bied vir optimale ontwikkeling van elkeen se Godgegewe potensiaal op akademiese, kulturele, sport – en leierskapgebied. Ons doel is om toegeruste, gebalanseerde jongmense, wat produktiewe en funksionele burgers kan wees, aan die samelewing te lewer. MISSIE Daar word gestrewe na hierdie visie deur:
‘n spanpoging van onderwysers, ouers en die gemeenskap;
uitnemendheid en ‘n hoogstaande akademiese standaard te handhaaf en uit te bou;
‘n toegeruste en gemotiveerde onderwyskorps te verseker;
handhawing van praktyk-relevante en toekomsgerigte onderwys;
die vestiging en handhawing van ‘n gelukkige (veilige) omgewing, wat vir elke leerder die beste geleentheid skep om ten volle as mens te ontwikkel;
die eie karakter en tradisie van die skool te koester en uit te bou en skooltrots aan te wakker;
te fokus op balans en ‘n hoër strewe met sinvolle betekenis;
die handhawing van Afrikaans as medium van onderrig;
leerders op te voed volgens Bybelse beginsels en ‘n Christelike waardestelsel en -
lewenswyse.
5
1. SKOOLKARAKTER
Ons streef daarna om ons leerders aan soveel as moontlik ontwikkelingsgeleenthede
bloot te stel en só gebalanseerde, gelukkige kinders te kweek. Wat dissipline en
menswees betref, val die primêre fokus op die vestiging van ‘n sterk karakter. In die
vorming van ‘n kind se karakter, fokus ons op die doelgerigte ontwikkeling van die
volgende sewe waardes:
Omgee Vir ons as kinders van die God van Liefde, is dit logies dat liefde die dryfveer
van ons aksies en karakter is. Met “omgee” word ten doel gestel die herstel van die
verhouding in gesinne, tussen kollegas en rasse deur meelewing, empatie,
bedagsaamheid, dankbaarheid en vergifnis toe te pas.
Betroubaarheid is ‘n noodsaaklike waarde wat onderrig en vasgelê moet word, omdat
ons ‘n land nodig het met mense van integriteit, eerlikheid en lojaliteit en te sorg dat
hierdie waardes kan voortbestaan – so ook die teenwerking van oneerlikheid, diefstal
en leuens.
Respek is die kernwaarde oor hoe ons mense behandel: Erken ons verskille? Luister
ons na mekaar? Los ons konflik op sonder geweld en toon ons goeie maniere?
Verantwoordelikheid is die kern van persoonlike waarde – om nie ‘n slagoffer van jou
omstandighede te wees nie, selfbeheersing, positiewe houding, strewe na
uitnemendheid en om ‘n goeie voorbeeld te stel.
Regverdigheid vereis dat die individu ander moet behandel soos wat hy of sy
behandel wil word – mededeelsaamheid, geen voorkeur behandeling nie,
onpartydigheid en veroordeel nooit.
Goeie Burgerskap behels al bogenoemde waardes wat ‘n Suid-Afrikaner kweek wat
met trots sal bydra tot die gemeenskap – deur wette te gehoorsaam, die omgewing en
natuur te respekteer en goeie buurmanskap.
Geloof is die essensie van ons bestaan. Geloof in Jesus Christus, Sy volmaakte
karakter en Sy voltooide werk, is die eienskap wat ons van die wêreld onderskei. In
hierdie geloof lê ons krag, hoop, verwagting en die vermoë om tot ons beste self te
ontwikkel.
6
2. PERSONEELBESONDERHEDE
Skoolhoof Johan Pienaar 0731845649 Sekretaresse Marlene du Plessis 0845889462 Grondslagfase Sanja Schalekamp 0823278494 Grondslagfase Ronel-Mari Pienaar 0832851151 Grondslagfase Jolani Pienaar 0724272191 Grondslagfase Christelle Van Heerden 0828392661 Seniorfase Gus Gericke 0733226848 Seniorfase Werner Meyer 0834452316 Seniorfase Elana Combrinck 0836379364 Seniorfase Rindie Swanepoel 0845836943 Seniorfase Monique Otto 0724604476 Seniorfase Alet Tolmay 0724022760
GRONDSLAGFASE
Graad R Sanja Schalekamp 0823278494 Graad 1 Ronel-Mari Pienaar 0832851151 Graad 2 Jolani Pienaar 0724272191 Graad 3 Christelle Van Heerden 0828392661
GRAAD 4
Afrikaans Rindie Swanepoel 0845836943 Engels Monique Otto 0724604476 Wiskunde Werner Meyer 0834452316 Natuurwetenskap Gus Gericke 0733226848 Tegnologie Gus Gericke 0733226848 Sosialewetenskappe Alet Tolmay 0724022760 Lewensvaardigheid Monique Otto 0724604476 Kuns-en-Kultuur Elana Combrinck 0836379364
GRAAD 5
Afrikaans Rindie Swanepoel 0845836943 Engels Monique Otto 0724604476 Wiskunde Werner Meyer 0834452316 Natuurwetenskap Gus Gericke 0733226848 Tegnologie Gus Gericke 0733226848 Sosialewetenskappe Alet Tolmay 0724022760 Lewensvaardigheid Monique Otto 0724604476 Kuns-en-Kultuur Elana Combrinck 0836379364
GRAAD 6
Afrikaans Rindie Swanepoel 0845836943 Engels Monique Otto 0724604476 Wiskunde Werner Meyer 0834452316 Natuurwetenskap Johan Pienaar 0731845649 Tegnologie Gus Gericke 0733226848 Sosialewetenskappe Alet Tolmay 0724022760 Lewensvaardigheid Alet Tolmay 0724022760 Kuns-en-Kultuur Elana Combrinck 0836379364
7
GRAAD 7
Afrikaans Rindie Swanepoel 0845836943 Engels Monique Otto 0724604476 Wiskunde Werner Meyer 0834452316 Natuurwetenskap Johan Pienaar 0731845649 Tegnologie Gus Gericke 0733226848 Sosialewetenskappe Alet Tolmay 0724022760 Ekonomiese-en Bestuurswetenskap
Gus Gericke 0733226848
Lewensvaardigheid Alet Tolmay 0724022760 Kuns-en-Kultuur Elana Combrinck 0836379364
3. ALGEMENE INLIGTING
3.1 SKOOLKALENDER VIR 2017
Eerste kwartaal Tweede kwartaal
Skole heropen 11 Januarie Skole heropen 18 April
Skole sluit 31 Maart Skole sluit 30 Junie
Derde kwartaal Vierde kwartaal
Skole heropen 24 Julie Skole heropen 9 Oktober
Skole sluit 29 September Skole sluit 6 Desember
3.2 SKOOLTYE
Gr. R – 2 07:30 – 12:30
Gr. 3 07:30 – 13:00
Gr. 4 – 7 07:30 – 13:30
3.3 SKOOLGELDE
Bedrag R1500.00 per maand vir 12 maande.
Korting Wanneer volle skoolgeld voor die einde van Februarie betaal word, word ʼn
korting van 5% toegestaan.
Betaling Betaalbaar voor die sewende van die maand.
Tjeks kan uitgemaak word aan FUTURUM AKADEMIE
Geen vooruitgedateerde tjeks word aanvaar nie.
Skoolgeld is ook betaalbaar d.m.v. ‘n debietorder. Die bedrag van
skoolgeld word jaarliks op debietorder aangepas.
Met alle direkte inbetalings, asook enige korrespondensie, moet die
rekeningnommer as verwysing gebruik.
Bankbesonderhede
Rekeningnaam Futurum Akademie
Standard Bank Tjekrekening
Rekeningnommer 282881999
Takkode 632-005
8
State Die eerste state word Januarie uitgestuur en die laaste state einde
November. Rekeninge word ook per e-pos gestuur.
Alle e-pos adresse wat verander moet asseblief dringend aan die
skool deurgegee word.
3.4 DIDAKTIESE ONDERSTEUNING
Didaktiese ondersteunig word op Maandae tot Donderdae, na afloop van die skooldag
deur die personeel aangebied. Direk na afloop van die skooldag sal daar ‘n etensbreek
vir leerders wees, waarna die didaktiese klasse ‘n aanvang sal neem. U is welkom om
‘n ete in te pak of by die skool etes te bestel. Skakel Elna Strauss (0824929140) vir
bestellings.
Tye vir die didaktiese klasse, is soos volg:
Gr.1 – 2: 13:00 – 14:00
Gr. 3: 13:30 – 14:30
Gr. 4 – 7: 14:00 – 15:00
Hierdie klasse is nie verpligtend nie en word gratis deur die skool aangebied.
4. OUERBETROKKENHEID
4.1 SKOOLBESTUUR, BEHEERLIGGAAM EN DIREKSIE
Die algemene en dag-tot-dag bestuur van die skool word behartig deur die skoolhoof
en bestuurspan bestaande uit personeel.
Die Beheerliggaam bestaande uit ouers, personeel en 'n verteenwoordiger van die
Direksie word elke drie jaar tydens die Nasionale Beheerliggaamsverkiesing verkies.
Die Beheerliggaam is gemoeid met die beheer van die skool wat o.a. insluit die beleide,
finansies, keuse van buitemuurs en kurrikulum.
Die Direksie verteenwoordig die aandeelhouers wat die vaste eiendom besit. 'n
Verteenwoordiger van die Beheerliggaam sal ook Direksievergaderings bywoon om
noue skakeling te verseker.
In 2017 sal 'n interim-komitee, bestaande uit lede van die Direksie en
ouerverteenwoordiging, dien. 'n Beheerliggaam sal in 2018 tydens die Nasionale
Beheerliggaamsverkiesing verkies word.
4.2 OUERKOMITEES
Ons nooi u uit om saam eienaarskap van die skool te neem en te dien op die
onderskeie ouer- en graadkomitees.
4.3 MA’S WAT OMGEE
Ons ma’s kom weekliks bymekaar om saam te bid. Die groep vergader elke
Donderdag om 8:00 by die skool. Alle ouers en grootouers is welkom om by hierdie
groep in te skakel. Die groep bid anoniem vir die skool se kinders, ouers, onderwysers,
ons omgewing en land.
9
5. KLEREDRAG
Skool- en sportklere word by die skool te koop aangebied. Wit skoolhemde, skoene en
dogterssokkies kan by enige klerewinkel aangekoop word.
5.1 SKOOLKLERE
Somersdrag
Seuns Futurum kortbroek met wit kortmouhemp. Seuns mag sonder skoene in
die eerste en vierde kwartaal skool toe kom. As skoene gedra word, moet
dit donkerbruin (bv. Toughees) skoolskoene met Futurum kouse wees.
Dogters Futurum rompie met wit kortmouhemp. ’n Navy broekie kan onder die
skoolrok gedra word – geen ander kortbroek word toegelaat nie. Dogters
kan ook sonder skoene skool toe kom in die eerste en vierde kwartaal.
As skoene gedra word, moet dit swart skoolskoene (met 'n gespe – nie
veters nie) wees met kort wit sokkies.
Beide seuns en dogters mag slegs ʼn navy Futurum trui (lang- of kortmou)
of die skoolbaadjie as warmdrag by hul somersdrag dra.
Wintersdrag
Seuns Futurum langbroek met wit hemp. Bruin skoene en skoolkouse. Navy
Futurum trui (lang- of kortmou) en/of skoolbaadjie. Skooldas.
Dogters Futurum rompie met wit hemp. Swart skoene en dik navy sykouse
(“tights”). Navy Futurum trui (lang- of kortmou) en/of skoolbaadjie.
Dogtersdas.
Skoolbaadjie
Die skoolbaadjie kan saam met somers- en wintersdrag gedra word. Wanneer
leerderds die skoolbaadjie dra, word daar van hulle verwag om skoolskoene daarmee
saam te dra.
Formele uitgaandrag
Daar bestaan ook ʼn formele uitgaandrag wat (soos nodig) gedra moet word.
Hierdie drag is verpligtend vir saalopeninge (elke Maandag) en eerste skooldag
van ʼn kwartaal, amptelike skooluitstappies en soos deur die kantoor
aangekondig.
Seuns Skoolbaadjie. Futurum lang- of kortbroek. Wit hemp. Skooldas. Grys
kouse en skoene.
Dogters Somer, dieselfde as somersdrag met dogtersdas,skoene en skoolbaadjie.
Winter, dieselfde as wintersdrag met skoolbaadjie.
10
5.2 VOORKOMS
Leerders moet asseblief voldoen aan die volgende reëls met betrekking tot fisiese
voorkoms:
Dogters
- Dogters se hare moet vasgemaak word, sodra dit oor die kraag hang. Hare mag nie
gekleur word nie.
- Dogters se kuiwe moet vasgemaak word wanneer dit lank word en in die gesig of
voor die oë hang.
- Oorkrabbetjies vir dogters word tot die goue/silwer knoppie-tipe of klein
oorringetjies sonder hangende variasies daarvan beperk. Slegs een krabbetjie per
oor word toegelaat.
- Dogters se rokke moet die voorgestelde lengte wees, tussen 10 cm en 13 cm van
die grond af, as die dogter op haar knieë staan.
- Dogters word nie toegelaat om juwele te dra nie, behalwe horlosies en die
voorgeskrewe oorkrabbetjies.
- Slegs wit en navy linte, haarbolletjies en plastiese- of materiaalbande word
toegelaat.
- Dogters mag geen grimering skool toe dra nie - dit sluit naelpolitoer en vals of “gel”
naels in.
Seuns
- Seuns se hare moet kort en netjies gedra word. Geen gel word toegelaat nie. Hare
mag nie gekleur word nie.
- Die gedeelte om die ore moet skoon geknip wees. Hare mag nie aan die ore raak
wanneer die hare regaf gekam word nie.
- Wanneer die hare afgekam word, mag dit nie die wenkbroue raak nie.
- Wangbaard (“sideburns”) kan tot by die middel van die oor strek.
- Hare moet agter reëlmatig opgesny word.
- Geen vreemde haarstyle word toegelaat nie.
- Haarstyle wat onder uitgeskeer of –geknip word, oftewel “undercuts”, is verbode.
- Geen juwele, behalwe horlosies, mag gedra word nie.
11
- Leerders moet te alle tye, wanneer dit redelikerwyse moontlik is, ʼn netjiese en
skoon voorkoms handhaaf.
NS: Geen afwyking van hierdie reëls sal toegelaat word nie, tensy dit in
ooreenstemming is met ʼn bepaling van die Beheerliggaam of die skriftelike
toestemming van die skoolhoof, wat slegs in uitsonderlike omstandighede verleen
sal word.
6. AKADEMIE
ʼn Hoë premie word op akademiese werk geplaas. Daar word na elke leerder, na
gelang van sy/haar vermoëns, omgesien en individuele aandag sal so veel moontlik
gegee word. Hoewel formele assessering in die vorm van toetse en eksamens
plaasvind, moet ouers en leerders daarop let dat leerders se werk deurlopend
geassesseer word.
6.1 ASSESSERING
Assessering word deur die jaar afgehandel volgens CAPS voorskrifte. Een formele
assesseringsweek word per kwartaal uitgehou om oorvleueling te voorkom. Ouers
moet asseblief die toetse onderteken. By vakke wat nie in die assesseringsrooster
verskyn nie, word deurlopende evaluering deur die kwartaal toegepas. Eksamens word
kwartaalliks geskryf.
Sien kwartaalkalenders vir 2017 se assesserings- en eksamendatums.
6.2 AFWESIGHEDE
Indien leerders ʼn geldige rede het om nie eksamen/assessering te skryf nie, word ʼn
kwartaalpunt bereken. Alle beskikbare deurlopende punte word hiervoor gebruik.
* Ouers moet afwesighede vanaf eksamen met groot erns bejeën.
7. SPORT
7.1 Sportsoort
Eerste
kwartaal
Tweede
kwartaal
Derde
kwartaal
Vierde
Kwartaal
Atletiek X X
Hokkie X
Krieket X X
Landloop X X X
Mini-krieket X
Mini-tennis X X X
Netbal X X
Rugby X X
Skaak X X
Swem X X
Tennis X X X
7.2 REGULASIES EN VOORSKRIFTE BY SPORT
7.2.1 LEERDERS
12
Hou by die reëls (vuilspel, swak gedrag en oneerlikheid sal nie geduld word nie).
Afwesigheid van oefeninge sonder toestemming is onaanvaarbaar. Wanneer met ʼn
sportsoort begin word, moet daarmee volhard word. ʼn Volledige buitemuurse rooster
word aan die begin van elke kwartaal uitgegee. Ander bedrywighede moet so gereël
word, dat dit nie bots met skoolaktiwiteite nie.
Daar moet vroegtydig met die betrokke afrigter gereël word, in die geval van botsings.
Onthou ons speel om te wen, maar ook om as wenners van ʼn verloorveld af te stap.
Deelnemers in sport :
- Leerders wat die skool verteenwoordig as deelnemers in enige sportaktiwiteit, moet
geklee wees in die skool se amptelike sportdrag.
- Leerders wat deelneem aan gemelde sportaktiwiteite, moet lojaal wees teenoor die
skool en mede-deelnemers. In die besonder moet deelnemers betyds en stiptelik
aanmeld by die plek waar die aktiwiteit plaasvind of vanwaar die deelnemers
vertrek na die betrokke plek van deelname. Daar word van leerders, wat gekies is
om die skool te verteenwoordig, verwag om die betrokke aktiwiteite te alle tye by te
woon. In die geval van afwesighede, moet ʼn skriftelike verskoning aan die afrigter
oorhandig word.
- Deelnemers aan gemelde sportaktiwiteite moet te alle tye hoflik optree en voldoen
aan die beslissings, voorskrifte en opdragte van :
- die sporthoof en die opvoeder betrokke by die spesifieke sport;
- die skeidsregter of beoordelaar van die betrokke aktiwiteit;
- die spankaptein.
- Leerders wat aan sportaktiwiteite deelneem, moet dit met oorgawe en met volle
inspanning doen, maar met die nodige selfbeheersing en dissipline. In die
besonder mag leerders nie op ʼn onsportiewe wyse optree, vuil- of beledigende taal
gebruik, betrokke raak by insidente of hulle skuldig maak aan onbehoorlike spel van
enige aard nie.
- Alle leerders wat enige skoolaktiwiteit as toeskouers of ondersteuners bywoon, sal
hulle weerhou van ontwrigtende, opruiende of onbetaamlike gedrag. In die
besonder mag leerders nie negatief reageer op die beslissings van beoordelaars of
skeidsregters nie. Sodanige leerders moet geklee wees in skool- of amptelike
sportdrag.
7.2.2 OUERBETROKKENHEID
Ouerbetrokkenheid is ‘n belangrike deel van die sukses van die skool en word baie
waardeer. Ouers word vriendelik versoek om nie betrokke te raak by ander skole se
beamptes (skeidsregters) nie. Indien daar ʼn ongelukkigheid ontstaan, kan u die
skoolhoof kontak.
Ons vra vriendelik dat ouers die leerders betyds sal afhaal na aktiwiteite. Ons maak
staat op u ondersteuning langs die velde en hoop om u in groot getalle daar te sien.
13
Ons vra ook dat ouers die leerders sal aanmoedig om aan die verskeie buitemuurse
aktiwiteite deel te neem.
Ouers wat graag betrokke wil raak met afrigting en/of hulp by spanne, kan ook
gerus die skoolhoof kontak. Hulp word altyd verwelkom.
7.3 TOERE EN UITSTAPPIES
Daar word gepoog om soveel as moontlik uitstappies en toere met die leerders te
onderneem. Ouers moet asseblief daarop let dat hulle altyd die toestemmingsbriefie
volledig moet voltooi en onderteken, voordat u kind op ʼn uitstappie vertrek.
8. KANTOOR
8.1 SPREEKURE
U is welkom om die skool te skakel, indien daar enige onsekerheid of besorgdheid by u
as ouer ontstaan.
Ons nooi u hartlik uit om van die geleentheid gebruik te maak.
8.2 KOMMUNIKASIE
8.2.1 POSKOEVERT
Die “Poskoevert” wat elke leerder aan die begin van ʼn jaar ontvang, vorm ʼn baie
belangrike skakel tussen die skool en die ouerhuis. Alle omsendskrywes en ander
skriftelike inligting waarvan die ouers moet kennis dra, word hierin geplaas. Gaan
asseblief u kind se “Poskoevert” daagliks na om te verseker dat alle inligtingstukke u
wel bereik.
8.2.2 NUUSBRIEF
‘n Nuusbrief word elke Vrydag uitgegee. Belangrike nuus van die afgelope week en
inligting van die komende week word hierin deurgegee. Die nuusbrief is ook
beskikbaar op die skool se webwerf.
8.2.3 SMS-STELSEL
Ons hou u graag op hoogte van gebeure en aktiwiteite d.m.v. ‘n SMS-stelsel. Skielike
kennisgewing bv. verandering in buitemuurs, asook nuus vanaf skooltoere, word
hiermee uitgestuur.
8.2.4 WEBWERF EN FACEBOOK
U kan gerus die skool se webwerf besoek (www.futurumakademie.co.za) vir enige
inligting rakende skoolaangeleenthede en ons op Facebook volg om deel te bly van al
die gebeure.
9. SKOOLLEIERS
9.1 DIENSGROEP
Die skool fokus in leerders se Gr. 7 jaar op formele leierskapontwikkeling. Dit bring mee
dat Gr. 7’s in diensgroepe verdeel word, wat sal optree as leiers. Elke Gr. 7 leerder
word onderwerp aan ‘n leierskapskursus.
14
10. SLOT
LEERDERS
Baie welkom aan ons baanbrekers! Ons personeel kan nie wag om die skool se
geskiedenis saam met julle te begin skryf nie. Gebruik asseblief die geleenthede wat
die skool jou bied om te ontwikkel. Mag 2017 ‘n hoogtepunt vir jou wees en mag jy
hierdie jaar onvergeetlike herinneringe bymekaarmaak en met trots ons skool se naam
uitdra.
OUERS
Ons nooi u elkeen uit om betrokke te raak by die skool. Onthou, die sukses van ons
skool hang in ’n groot mate af van u ondersteuning en vrymoedigheid. Ons sien daarna
uit om die jaar saam met u te geniet.