Ang Kuwento ng Aking Pamilya

Kuwento ng Aking Pamilya Natutuhan mo sa mga naunang pagtalakay na ang pamilya ay mga pang araw-araw na gawain. Nagtutulungan ang mga kasapi ng pamilya upang matulungan ang isa’t isa. May mga gawain ang pamilya na patuloy na nagbabago at mayroon din namang mga tradisyon na patuloy pa ring pinapahahalagahan. Ang ganitong mga pangyayari sa iyong pamilya ay maaari mong gawan ng kuwento.

Ako po si Drake. Gusto mo bang malaman

ang kuwento ng pamilya ko? Halina at

silipin natin.

Ito ang aking pamilya

Ako ang bunso sa aming magkapatid.

Ito si daddy. Siya ay

naghahanapbuhay. Maaga siyang

umaalis ng bahay upang hindi siya

mahuli sa trabaho.

Ito naman si mommy.

Naghahanapbuhay rin siya. Guro siya

sa isang maliit na eskuwelahan na

malapit sa aming bahay, ang Christian

Heritage Academy.

Sila naman sina Lola Carmen at Lolo Bino. Sila ang

mga magulang ni daddy. Naglilinis ng bahay si Lola

Carmen. Nagwawalis siya ng sahig at nagpupunas ng

mga kasangkapan. Si Lolo Bino naman nagkukumpuni

ng mga sirang kasangkapan. Tumutulong din siya sa

paglilinis ng bahay at bakuran. Pinapakain niya din si

Roro, ang alaga naming aso.

Si Ate Faith at ako ay nagtutulungan

sa paghuhugas ng pinagkainan.

Nagtutulungan din kami sa

paghahanda ng hapag-kainan.

Si daddy ang nagluluto ng

aming hapunan. Si Ate ang

tumutulong sa kusina kay

daddy. Si mommy naman ang

tumutulong sa akin sa mga

takdang-aralin. Pagkatapos,

sama-sama kami sa hapag-

kainan.

Tuwing Sabado naman, si mommy ang

naglalaba ng marurumi naming damit. Si

daddy naman ang namamalengke.

Pagsapit ng Linggo ay sumasamba kami.

Namamasyal kami sa mall at doon

kumakain. Madalas ay nagkukuwentuhan

kami tungkol sa mga nagawa naming sa

klase.