MAELEZO KUHUSU TUZO YA ANZISHA. (ANZISHA PRIZE).Tuzo hii
ilianzishwa na Chuo cha Uongozi Afrika (African Leadership Academy)
cha Afrika kusini kwa lengo la kuwawezesha wajasiriamali vijana
barani Afrika kupanua biashara zao ili kutatua changamoto za
kijamii na kiuchumi barani Afrika.Kwa hapa nchini tuzo hii
inasimamiwa na Taasisi ya Sekta Binafsi Tanzania (TPSF) ambayo ina
jukumu la kuitangaza na kuwahamasisha vijana wajasiriamali wenye
umri wa miaka 15-22 kuomba kushiriki katika tuzo hii.Kila mwaka,
washindi 12 kutoka nchi mbalimbali barani Afrika hupata nafasi ya
kushiriki mafunzo ya wiki mbili ya ujasiriamali katika Chuo cha
Uongozi Afrika (ALA) ambapo pia hupatiwa tuzo ya fedha taslim kiasi
cha dola za kimarekani 75,000 ambapo kati ya hizo mshindi wa kwanza
atajinyakulia dola 25,000 ili kukuza biashara yake ambapo dola
50,000 zinazobaki watagawana washindi wengine 11 waliobaki.Tayari
vijana 12 wameingia fainali kuwania tuzo kuu (Grand Award) kwa
mwaka 2015 ambao wamepatikana baada ya mchujo wa zaidi ya maombi
500 yaliyoshindanishwa, kati ya hao 12 watanzania wawili Sirjeff
Dennis ambaye anafanya biashara ya ufugaji wa kuku na George
Mtemahanji anayefanya biashara ya umeme-jua wamefanikiwa kuingia
fainali.Tuzo za Anzisha zimelenga kuongeza kasi ya vijana wengi
zaidi barani Afrika kupata mwamko wa kuingia katika ujasiriamali
ili kuchochea mabadiliko ya kiuchumi barani Afrika.Fomu za maombi
ya kushiriki tuzo hii hupatikana kwa lugha za Kiingereza,
Kifaransa, Kireno na Kiarabu.Katika kufanikisha zoezi hili timu ya
Anzisha itafanya ziara katika nchi rafiki ili kushiriki
uhamasishaji kupitia vyombo vya habari.TPSF ni miongoni mwa Taasisi
washirika zaidi ya 25 barani Afrika ambazo zinasimamia na kuratibu
zoezi la kuhamasisha ushiriki wa vijana katika tuzo hii ya
Anzisha.Maombi ya mwaka kesho yataanza kupokelewa Machi 15 - Aprili
15, 2016.Tunawakaribisha vijana wote wenye sifa watume maombi
yao.Maombi yatapokelewa kwa njia ya barua za kawaida na barua pepe
kupitia anuani zifuatazo:-Senior Programs Manager, Mkurugenzi
Mtendaji,African Leadership Academy Taasisi ya Sekta Binafsi
Tanzania.Postnet Suite 413,Private Bag X1 NorthCliff 2115S.L.P
11313 Dar Es Salaam.South Africa Email:[email protected]:
[email protected]
