Upload
others
View
11
Download
0
Embed Size (px)
Citation preview
Azamat XODJAKOV
Arsenal-D® hostingida
WordPress o’rnatish
www.azamat.uz sayti mahsuloti © 2015-yil
Ushbu elektron kitobdan foydalanish shartlari Azamat.uz sayti orqali yuklab olingan bu elektron qo’llanma uchun hech qanday kafolat taqdim etilmaydi. Kitobda berilgan ma’lumotlarning to’g’riligiga muallif javobgar. Shu o’rinda, ushbu kitobda tushuntirilgan, yangi saytni tashkil etish uchun foydalaniladigan Arsenal-D kompaniyasining hosting xizmati tariflaridagi o’zgarishlar, Arsenal-D kompaniyasi xizmatlarining boshqa o’zgarishlari va ular oqibatida kelib chiqadigan holatlar uchun kitob muallifi ham, Azamat.uz sayti ham javobgar hisoblanmaydi. Kitobda tushuntirilgan yo’l-yo’riqlar asosida yangi sayt tashkil qilgan haridor o’z saytining xavfsizligi, undagi ma’lumotlarning to’g’ri va ishonchliligi hamda yangi ochgan sayti orqali amalga oshiradigan barcha harakatlari uchun o’zi javobgan hisoblanadi.
Mazkur kitob www.azamat.uz sayti orqali yuklab olingan va kitobdagi barcha ma’lumotlarga tegishli mualliflik huquqi O’zbekiston Respublikasining 2006-yil 23-mart kuni qabul qilingan “Mualliflik huquqi va turdosh huquqlar to’g’risida”gi Qonuni bilan himoyalangan. Qonunning to’liq matni www.uzraap.uz saytida. Bu qonunga ko’ra, Siz ushbu elektron kitobni muallifning yozma ruxsatisiz chop etishingiz, kitobdan nusxa ko’chirishingiz, kitobdagi ma’lumotlarni boshqa saytlarda chop etishingiz ta’qiqlanadi. Kitobdan faqat uni Azamat.uz sayti orqali yuklab olgan kishi foydalanishi mumkin. Uchinchi shaxslarga ushbu kitobni faqat Azamat.uz saytiga havola berish orqali ulashishingiz mumkin. Muallifning barcha huquqlari O’zbekiston Respublikasi Qonuni bilan himoyalanadi va unga amal qilmaslik qonunda belgilangan tartibda javobgarlikka tortilishga olib kelishi mumkin.
Elektron kitobdagi ma’lumotlarning barchasi “qanday bo’lsa shundayligicha” taqdim etiladi va yuklab olingandan so’ng foydalanuvchiga yangi sayt ochish bo’yicha hech qanday qo’shimcha maslahatlar berilmaydi hamda amaliy yordam ko’rsatilmaydi. Muallif yuklab oluvchining saytlari bo’yicha kitobda berilgan ma’lumotlardan tashqari hech qanday qo’shimcha yordam ko’rsatish majburiyatini olmaydi.
Ushbu sahifa bo'sh qoldirildi
Arsenal-D® kompaniyasining domen va
hostingini oldingiz. Endichi?
Siz Arsenal-D® kompaniyasidan domen va hosting
xizmatini harid qilganingizdan so’ng email manzilingizga
hostingning asosiy boshqaruv paneli (cPanel)ga kirish uchun
ma’lumotlar yuboriladi.
Domen va hostingni bitta kompaniyadan harid
qilganligingiz sababli domeningiz hostingga allaqachon
bog’langan bo’ladi. Shu sababli domen va hostingni
bog’lash haqida o’ylamasangiz ham bo’ladi.
Siz harid qilgan hosting va domen ishga tushganligi
haqida email orqali xabar olganingizdan so’ng yangi
saytingiz uchun ajratilgan yangi hosting va yangi domen
rostdan ham ishlayotganligini tekshirib ko’ring. Buning
uchun shunchaki yangi ro’yxatga olingan domenni
brauzerda yozib, saytga kirishga urinib ko’ring.
Biz ushbu qo’llanmani tayyorlashda www.moziygoh.uz
domenidan foydalandik. Siz o’zingiznikidan foydalanasiz.
Yuqoridagi rasmdan ko’rinib turibdiki, bizning yangi
harid qilgan www.moziygoh.uz domenimiz ishlayapti.
Sahifa yuklanayapti, demak domen ulangan hosting ham
ishlayapti. Aks holda, domen yoki hosting ishlamasa,
yuqoridagi rasmda ko’rsatilgan ko’rinishga guvoh bo’la
olmaymiz – sayt umuman ochilmaydi va xatolik
ko’rsatiladi.
Yangi domen va hosting ishlaganini ko’rganimizdan
so’ng FileZilla dasturini olishimiz kerak bo’ladi. Bu dastur
FTP kliyent hisoblanib, uning yordamida
kompyuterimizdagi sayt fayllarini hostingda biz uchun
ajratilgan joyga yuklashimiz mumkin. Uni filezilla-
project.org saytidan yuklab oling.
FileZilla dasturini o’rnatganingizdan so’ng uni ishga
tushiring. Dasturning yuqori chap qismida joylashgan “File”
bandi menyusining birinchi o’rnida joylashgan “Site
Manager” qismini ochamiz.
Bu menyu quyida ko’rsatilgan oynani ochadi:
Uning quyi chap qismidagi “New Site” tugmasini
bosing va yangi saytingiz nomini yozing va ENTER bosing.
Bizning holatimizda, yuqorida ko’rib turibsizki, sayt nomi
“Moziygoh.uz” deb yozilgan.
Endi shu oynani yopmagan holda bizga hosting
kompaniya tomonidan email orqali yuborilgan login va
parolni oynaning o’ng qismidagi joyda yozamiz. “Host”ga
saytingiz manzilini yozing. “Logon type” bandini “Normal”
qilib belgilang. “User” bandida email orqali olgan loginingiz
va “Password” qismida email orqali olgan parolingizni
kiriting. Amaliyot so’ngida quyida ko’rsatilgandek
ma’lumotlar to’liq kiritilgan bo’lishi kerak:
Endi oynaning pastki qismida joylashgan “Connect”
tugmasini bosing. FileZilla dasturi darhol Siz kirilgan
ma’lumotlarga asosan hosting serveriga ulanishni boshlaydi.
Agar Siz kiritgan barcha ma’lumotlar to’g’ri bo’lsa, dastur
serverga ulanadi. Aks holda ularning to’g’riligini tekshiring.
Dastur hosting serveriga muvaffaqiyatli ulana olsa,
yuqoridagi rasmda ko’rsatilganidek, oynaning chap
tomondagi qismida Sizning kompyuteringizda joylashgan
fayllar, o’ng tomondagi qismida esa hosting serverida
joylashgan fayllar ro’yxati ko’rsatilishi kerak.
Bizning asosiy maqsadimiz - kompyuterimizda (chap
tomonda) bo’lgan fayllarni serverga (o’ng tomonga)
yuklash.
Serverga FTP orqali ulanib oldik, endi WordPress
dasturini ru.wordpress.org saytidan yuklab olishimiz kerak.
Saytga kiring va WordPress dasturini yuklab oling:
Yuqorida ko’rsatilgan WordPress dasturining rasmiy
rus tilidagi saytida dasturning eng ohirgi versiyasi bo’ladi.
Uni ZIP fayl ko’rinishida yuklab olamiz. Yuqoridagi rasmda
ko’rsatilgan yuklab olish tugmasini bosing va yuklanuvchi
ZIP faylni oling. Bu faylda WordPress dasturining sayt
sifatida ishlashi uchun kerak bo’ladigan barcha fayllari
joylashgan. Yuklab bo’lingandan so’ng ZIP faylni oching va
uning ichidagi “wordpress” deb nomlangan eng asosiy, bosh
papkani ZIP fayldan ajratib oling.
Yuqoridagi rasmda ko’rsatilgan holatda men yuklab
olingan “wordpress-4.1-ru_RU.zip” faylini ochib, ichidagi
birinchi, eng asosiy “wordpress” papkasini ZIP fayldan
tashqariga chiqardim. Bundan keyin biz aynan shu, ZIP
fayldan tashqariga chiqarilgan “wordpress” papkasi bilan
ishlaymiz.
Yodingizda bo’lsin, serverga FTP orqali ZIP faylning
o’zini chiqarish mumkin emas! Aksincha, uning ichidagi
“wordpress” papkasini alohida joyga ajratib olib, uning
ichidagi fayl va papkalarni FTP orqali hosting serveriga
chiqarish zarur.
Endi FileZilla dasturini ochamiz va yuqoridagi rasmda
ko’rsatilganidek, dasturning chap tomonida biz avvalroq ZIP
fayldan chiqarib olgan “wordpress” papkasi ichidagi
fayllarni, o’ng tomonida esa serverimizning “public_html”
nomli papkasini ochamiz. Boshlanishida hostingdagi
“public_html” papkasi ichida bir necha fayllar bo’ladi.
Ularni o’chiring. Hovotir olmang, ular bizga kerak
bo’lmaydi. Yuqoridagi rasmda men “public_html”
papkasidagi fayllarni o’chirib, uni bo’sh holatga
keltirganman. Siz ham huddi shunday qiling. Endi
“wordpress” papkasidagi fayllarni serverga chiqaramiz.
Fayllarni hosting serveriga chiqarish uchun yuqoridagi
rasmda ko’rsatilganidek, chap tomondagi “wordpress”
papkasi ichida joylashgan barcha fayllarni CTRL+A
tugmalarini birgalikda bosish orqali belgilab olamiz. So’ng
uning ustiga sichqoncha ko’rsatkichini olib borib,
sichqonchaning o’ng tomonini bosamiz. Sichqoncha
menyusining birinchi o’rnida joylashgan “Upload” bandini
bosamiz va FTP dasturi ko’rsatilgan fayllarni hosting
serveriga yuklashni boshlaydi.
WordPress yuklanishi bir oz vaqt olishi mumkin.
Internetingizning qanchalik tez ishlashiga qarab
WordPress fayllarini serverga chiqarish bir oz uzoqroq vaqt
olishi mumkin. Bizning fayllar yuklanguniga qadar
bajaradigan ishlarimiz bor, shuning uchun FileZilla dasturini
pastki panelga tushirib qo’yib, brauzerni ochamiz va
WordPress dasturini serverda o’rnatish uchun kerak
bo’ladigan ma’lumotlar bazasini tashkil etishga kirishamiz.
FileZilla orqali fayllar serverga chiqarilaversin, biz bu
vaqt oralig’ida email orqali bizga login paroli yuborilgan
boshqaruv paneli (cPanel)ga kirib, yangi ma’lumotlar bazasi
va foydalanuvchisini tayyorlaymiz.
Bizga, Moziygoh.uz sayti uchun email manzilga
boshqaruv panelining web1.webspace.uz:2083 manzili
yuborilibdi. Sizga boshqa manzil yuborilishi ham mumkin.
Iltimos, hosting kompaniyasi tomonidan yuborilgan emailda
ko’rsatilgan boshqaruv paneli manziliga o’ting.
Emailda ko’rsatilgan manzilga o’tganingizda
yuqoridagi rasmda ko’rsatilganidek, foydalanuvchi login va
parolini talab qiluvchi sahifa ko’rinishi kerak. Bu yerda
emailingizga yuborilgan login va parolni xatosiz kiritib,
asosiy boshqaruv paneliga kirishingiz mumkin.
Login va parolingiz to’g’ri kiritilgan holatda Siz
yuqoridagi rasmda ko’rsatilgan boshqaruv panelining ichki
qismiga kirasiz.
E’tiborli bo’ling, boshqaruv paneliga kirish uchun Sizga
email orqali yuborilgan parol harf shakliga sezgir. Ya’ni, bu
parolda katta va kichik harflar turlicha belgi sifatida qabul
qilinadi. Misol uchun, Sizga parol “wEstBoT” deb
yuborilgan bo’lsayu, Siz parolni “westbot” shaklida
yozsangiz, xatolik kelib chiqadi va panelga kira olmaysiz.
Login va parolni email manzilingizga qaysi shaklda
yuborishga bo’lsa, huddi shu shaklda kiriting.
Boshqaruv paneli ichida “Базы данных MySQL”
bandiga kiring. U yerda quyidagicha sahifani ko’rasiz:
“Создать базу данных” bo’limida yangi ma’lumotlar
bazasining nomini yozing. Bu nom saytingiz nomi bilan
boshlanadi. Bizda “moziygoh_” bo’lib boshlangan. Sizda
boshqacha bo’ladi. Biz bazaga “baza” deb nom berdik. Endi
bizdagi ma’lumotlar bazasining nomi “moziygoh_baza”
bo’ladi.
Ma’lumotlar bazasi nomini kiritganingizdan so’ng
“Создать базу данных” tugmasini bosing.
Barchasini to’g’ri bajargan bo’lsangiz, yangi baza
yaratilganligi haqida quyida ko’rsatilganidek xabar chiqadi:
Baza tayyor, endi bizga bu baza bilan ishlash uchun
foydalanuvchi kerak. “Назад” tugmasini bosish orqali ortga
qayting va sahifaning bir oz pastroq qismiga tushing.
U yerda “Добавить нового пользователя” bandini
topasiz. Yangi foydalanuvchi ismini yozing va bu
foydalanuvchiga yangi parol bering. Bilasizki, yangi parol
tasdiqlash maqsadida ikki marta kiritilishi kerak. Biz
foydalanuvchimizga “foyda” degan nom berdik.
“Создать пользователя” tugmasini bosamiz va yangi
foydalanuvchi tashkil etilganligi haqida xabar ko’rsatiladi.
Yana “Назад” orqali ortga qaytamiz va sahifaning
yanada pastroq qismiga o’tamiz. Bu yerda biz tashkil etgan
yangi bazaga yangi foydalanuvchini biriktirishimiz kerak.
“Добавить пользователя в базу данных” bandiga
tushib, biz avvalroq yaratgan foydalanuvchi nomi va baza
nomini tanlash menyusidan tanlaymiz. Shundan so’ng
tanlovlar oxirida ko’rsatilgan “Добавить” tugmasini
bosamiz.
Keyingi sahifada bizdan bazaga qo’shilayotgan
foydalanuvchiga beriluvchi ruxsatlar haqida so’raladi:
Biz foydalanuvchimizning bazada barcha amaliyotlarni
cheklovlarsiz amalga oshirishini xohlaymiz. Shuning uchun
bu foydalanuvchiga bazada barcha huquqlarni (ruxsatlarni)
berishimiz kerak. Buning uchun eng yuqoridagi “Все
права” bandiga belgi qo’yamiz, natijada barcha ruxsatlar
avtomatik tanlanadi. Shundan so’ng “Внести изменения”
tugmasini bosamiz. Hammasi tayyor ekanligi ko’rsatiladi:
Bo’ldi! Boshqaruv panelida qiladigan ishimiz qolmadi.
Biz ma’lumotlar bazasini tashkil etgunimizga qadar
FileZilla dasturi barcha fayllarni hosting serveriga chiqarib
bo’lgan bo’lishi kerak. Tekshiring. Agar barcha fayllar
xatosiz serverga chiqarilgan bo’lsa, brauzerni oching va
yangi saytingiz domeni orqali saytingizga kiring. Bizning
holatimizda brauzer manzil yozish bo’limida “moziygoh.uz”
deb yozamiz va WordPress dasturini hostingda o’rnatish
sahifasini ko’ramiz. Sizda ham (agar barcha fayllar to’liq
chiqarilgan bo’lsa) huddi shunday ko’rinishdagi sahifa
ochilishi kerak:
“Вперёд!” tugmasini bosib, o’rnatishni boshlaymiz.
Ochilgan sahifada ma’lumotlarni quyidagicha kiriting:
Hammasini to’ldirib, “Отправить” tugmasini bosing.
Barcha ma’lumotlar to’g’ri to’ldirilgan bo’lsa, quyidagicha
ko’rinishga guvoh bo’lasiz:
“Запустить установку” tugmasini bosing va saytning eng
asosiy ma’lumotlarini kiritish sahifasiga o’tkazilasiz.
Sayt ma’lumotlarini yuqoridagi rasmda ko’rsatilganidek
to’ldiring: sayt nomi, administrator logini (ismi), paroli (ikki
marta), administrator email manzili va qidiruv mashinalarida
saytning ko’rinishiga beriladigan ruxsat. Barchasini
to’ldirib, “Установить WordPress” tugmasini bosing.
Barchasi to’g’ri bajarilgan bo’lsa quyidagi xabar
ko’rsatiladi:
Bu xabar yangi saytingiz to’liq o’rnatilganligidan
dalolat beradi. “Войти” tugmasini bosing va administrator
login / parolini yozish qismiga o’tkazilasiz:
O’rnatilish vaqtida ko’rsatilgan administrator login va
parolini to’g’ri yozing. Shunda Siz saytingizning boshqaruv
paneliga yo’naltirilasiz:
Yangi saytingiz muborak bo’lsin! Siz hozirgina yangi
hostingda yangi saytingizni o’rnatdingiz!
Endi saytingizga maqolalar kiriting, yangi shablon
(tema) o’rnating, saytingizni rivojlantiring, ko’proq
foydalanuvchilarni jalb qiling va O’zbekiston internetini
yangi ma’lumotlar bilan boyiting!
Kelajakda saytingiz orqali daromad olish haqida ham
o’ylab ko’rishingiz mumkin. Sayt orqali pul topishning
cheksiz imkoniyatlari mavjud. Bu imkoniyatlar faqat
Sizning tasavvuringiz bilan chegaralanishi mumkin, xolos!
Sayt orqali daromad olishning yangi usullari haqida
bilib olish uchun www.azamat.uz saytini kuzatib boring.