Saman vil vi ære den treeinige Gud,

ved å forkynne Kristus,

byggje kyrkjelyd og

fremje rettferd

Årsmelding for Fjell sokn 2015

2 Årsmelding for Fjell sokn 2015

Saman vil vi ære den treeinige Gud,

ved å forkynne Kristus,

byggje kyrkjelyd og

fremje rettferd

Visjonen til Fjell sokneråd har gitt retninga på arbeidet vårt også i 2015 – og alle planane våre byggjer

på denne visjonen.

Planane våre er basis for arbeidet vårt, og soknerådet har gjort ulike prioriteringar i forhold til kva

som skulle leggjast vekt på i året som har gått.

Denne årsmeldinga er utarbeidd med utgangpunkt i følgjande planar:

Plan for barn og unge

Plan for kyrkjemusikk

Plan for diakoni

Plan for rekruttering og oppfølging av frivillige medarbeidarar

Plan for oppgradering av kyrkjene og gravplassane

Fjell sokn var delt i tre nye sokn (Foldnes, Fjell og Landro) per 1. november 2015. Denne årsmeldinga

gjeld for det samla arbeidet. Frå 2016 vil dei einskilde nye sokneråda ha kvar sine årsmeldingar.

Alle vedtak og planar frå det gamle soknerådet er gjort gjeldande for dei nye råda. Dette betyr at dei

nye sokneråda har tid til å setje seg inn i forholda i kvar sitt sokn før dei må vedta nye planar og

ordningar. Der dei nye sokneråda finn det føremålstenleg, vil planar – eller delar av planar – bli

utarbeidd i fellesskap mellom dei tre nye sokna.

Barn og unge

Arbeid med Barn, unge og familiar i Fjell, Landro og Foldnes kyrkjer.

Våren 2015 arbeidde vi med å ferdigstille Plan for barn og unge som vart sendt inn til bispedømet for

godkjenning i juni 2015. Bispedømet gav i november 2015 tilbakemelding på plana. Desse innspela

har no blitt tatt til følgje, og plana er på nytt sendt inn til godkjenning. Tilbakemeldingane på ønska

endringar i plana frå bispedømmet gjekk i hovudsak på tekniske ting, og ikkje i så stor grad på

innhald.

Med bakgrunn i dette har vi arbeid etter den reviderte plana i skuleåret 2015/2016.

I årsmeldinga vert det vist til det til arbeidet i «kyrkjelyden» og «soknet», og ikkje «dei tre sokna».

Årsaka til dette er at det årsmeldinga gjeld blei arrangert før soknet blei delt i tre.

3 Barn og unge

T-dagane I T-dags teamet har det vore store endringar i tilsette dette året. Til sommaren 2015 gjekk Astrid Myskja og Elisabeth Møll Jung ut i permisjon, og Linn Elise Richardsen og Søgnie Nilsen tok til i deira vikariat. T-dagsløpet blei i den reviderte plana for barn og unge lagt om. Nokre T-dagar arrangerast som før, andre blei revidert, og nokre T-dagar blei heilt nye. Det har vore spennande å sjå utover hausten korleis dei nye T-dagane har blitt tatt imot. Dei «nye» t-dagane i haust er T10, T11/12 og T3.

Ei gledeleg tilbakemelding angåande oppslutning på T-dagen er at på nye T10 hadde vi ei god oppslutning med 60 deltakarar i tillegg til 33 andre 11 og 12 åringar. Ein del av desse har og vore med på tweens vidare i haust. Det er kjekt å sjå at intensjonen med å koble T-dagen nærare på det kontinuerlege arbeidet i dette tilfellet ser ut til å ha hatt ein god effekt. Det er framleis eit stort behov for frivillige medarbeidarar på dei ulike T-dagane. Utfordringa er å bygge opp eit mannskap av frivillige medarbeidarar som deltar på T-dagar år etter år. På ein del T-dagar har vi foreldrehjelp som vi set stor pris på. Hadde vi i tillegg hatt frivillige medarbeidarar som kjende godt den T-dagen dei skulle delta på hadde vi vunne stabilitet, og styrka motivasjonen og kompetansen i teama rundt den enskilde T-dag. Ein av dei tilsette i T-teamet har særskilt ansvar for dei frivillige medarbeidarane, for å halde oppe satsinga og oppfølginga gjennom året. Vi jobbar i fellesskap for at eit team av frivillige rundt ein særskild T-dag blir etablert meir tydeleg, og at vi også gjer konkrete avtalar med einskildpersonar om at han/ho til dømes er ein del av «T9-teamet» eller «T5-teamet» Slik blir vi meir eit felles team av frivillige og tilsette som saman jobbar for det same målet. Dei frivillige i kyrkjelydane og T-dagen er ikkje ei «hjelp», men ei kraft og eit fellesskap som gjer at vi saman kan ære den treeinige Gud ved å gje, og inspirere til, trusopplæring til det beste for kvart barn og den einskilde familie i kyrkjelydane i Fjell.

4 Årsmelding for Fjell sokn 2015

Konfirmasjon Talet på konfirmantar ligg ganske stabilt, og i konfirmantåret 2014/2015 var det 304 konfirmantar i Fjell sokn.

Undervisning: Konfirmantundervisninga går føre seg klassevis i 9 samlingar fordelt utover konfirmantåret. I tillegg til dette er det og ei undervisningsøkt i forbindelse med fasteaksjonshelga. På første samlinga etter jul hadde vi eit Tabu-seminar der tema var seksualitet, kropp og identitet. Seminarhaldarar var eit team med utgangspunkt i Salem og skulelaget.

Dette konfirmantåret hadde vi 13 konfirmantklassar.

Interessegrupper: Konfirmantane hadde ulike interesegrupper å velge mellom. Også i år var det populært å vere med på leir. Årets leirar var haustleir på Sætervika, Konfcamp i Etne og vårleir på Skjergardsheimen. Andre grupper konfirmantane kunne velge er; lysmesse, Lukas, KRIK Ulveset, KRIK Fjell, lydgruppe, Basement, golfgruppe, diakonigruppe og Bibel og pizza. Det er i hovudsak frivillige medarbeidarar som har desse gruppene. Tusen takk for innsatsen til kvar og ein!

Arrangement: T14 er ei felles oppstartssamling for konfirmantar og foreldre/føresette. Der får dei møte konfirmantlærarane, og dei får nødvendig informasjon om året. Konfirmantane deltok også dette året i Fasteaksjonen og var denne dagen spreidd over heile kommunen. Dette året la vi ned ei t stort arbeid i å løfte Fasteaksjonen til å bli ein aksjon heile kyrkjelyden kunne kjenne eigarskap til, og ikkje berre konfirmantane. Konfirmantteamleiar Beate Sørhus gjorde ein svært god og viktig jobb med å lage nye ruter og kart til aksjonen slik at vi skulle rekke over eit større område enn tidligare. Resultat frå aksjonen blei rekordstort for Fjell. Vi samla inn 250 370 kr i 2015. Det er ei auke på nesten 100 000 kr frå 2014. Vi er svært nøgd med dette!

Vi hadde planar om å ha ein Konfirmantfest som ei avslutning av konfirmantåret. På grunn av

ressursmangel let dette seg diverre ikkje gjennomføre.

5 Barn og unge

Kyrkje – barnehage I 2015 hadde vi påskevandring med 31 barnehagegrupper. Dette er fine samlingar der vi går frå post til post i kyrkjerommet. Kvar post fortel om kva som hende med Jesus på dagane i påskeveka. I adventstida blei barnehagane inviterte til adventsgudsteneste. 1044 barnehagebarn og ca 235 vaksne var på adventsgudsteneste for barnehagane i kyrkjene våre før jul. Tilbakemeldingane er gode og det er tydeleg at barnehagane set pris på denne samlinga! Vurdering: Samarbeidet med barnehagane er særs viktig og både kyrkja og barnehagane uttrykkjer at dei set stor pris på dette. Denne relasjonen er det viktig å ta vare på, derfor vil vi prioritere å halde fram med dei møtepunkta vi no har.

Kyrkje-skule I 2015 har vi hatt samarbeid med skulane om desse tiltaka:

Zippy-vandring (1.klasse)

3-klasse besøk i kyrkjene

Utdeling av Bibel til 5-klasse med timeopplegg på skulane

Vandring gjennom Bibelen (for dei 5.klassene som ynskjer det). Vi hadde 12 kurs i 2015.

Adventsgudstenester for skulane.

Adventsgudsteneste for spesialavdelinga på Hjelteryggen skule, Sørlibasen og spesialklassen frå Tranevågen ungdomsskule.

SKU-utvalet er ein viktig samarbeidspartnar når det gjeld møtepunkta med skulen. Dette er ei viktig gruppe som sikrar ein god kommunikasjon mellom kyrkja og skulane. Vurdering: Vi har eit godt etablert samarbeid med skulane i Fjell. Inntrykket er at møtepunkta er verdsatt av både lærarar og elevar. I møte med elevane er det og tydeleg at dei kjenner oss tilsette i kyrkja igjen frå gong til gong, noko som skapar gode relasjonar. Grundige evalueringar av tiltaka er viktig slik at vi kan vere i fornying og utvikling.

6 Årsmelding for Fjell sokn 2015

Kontinuerleg barnearbeid og familietiltak KM KLUZZ har eit stabilt oppmøte på ca 40 - 60 personar. Mange brukarar av Åpen barnehage og Home Start(Fjell KM) har vore innom fleire gongar. Fjell KM og kyrkja samarbeider om KLUZZ. Det har og i 2015 vore eit stort behov for fleire frivillige medarbeidarar på KLUZZ. Familie KRIK Fjell er i aktivitet og har ei flott styringsgruppe som arbeidar godt. Dei har samlingar kvar laurdag i Bildøyhallen, eller ute dei gongane hallen er opptatt . Informasjon om Familie KRIK blir spreidd på Facebook. Kvar sommar har dei ei overnatting på Skogtun der heile familien er velkomne til ein dag med aktivitet og moro. ”Hallo Ven” I 2015 fortsette vi tradisjonen med «Hallo Ven». Arrangementet vart halden i Ågotneshallen og det var ca 700 deltakarar. «Hallo Ven» er eit samarbeid mellom kyrkjelyden i Landro, Metodistkyrkja og Tremorkirken. KLUNF, Metodistkyrkja, komiteen for «Hallo ven», dei frå staben som deltok og alle dei frivillige medarbeidarane gjorde ein utmerka innsats og var med og gjere dette til eit flott arrangement!

Ungdomsarbeid og leiarkurs:

Tweensklubben i Fjell: Også i år har deltakartalet lagt stabilt på ca. 40-50 born på kvar tweenssamling. Det er tydeleg at borna likar seg i eit fellesskap der dei kan nytte ulike aktivitetar, møte vener og ete snop. Geografisk ser det ut til at borna kjem frå heile Fjell, men med ei hovudvekt på born frå Ulveset-området og vestsida elles. Det har hatt ein positivt effekt for det kontinuerlege tweensarbeidet å knytte T10 og tweens saman. Tweens treng framleis fleire vaksenleiarar.

Tweens+: Tweens+ har samling i etterkant av ordinær tweens nokre gonger i semesteret. Dei som deltek på tweens + fungerer som hjelpeleiarar på tweensklubben. Arbeidet med tweens+ er svært viktig for å «halde på» ungdomane dette året før konfirmasjonstida.

7 Barn og unge

Lukas Ten Sing: Lukas er eit godt fellesskap både sosialt, åndeleg og musikalsk.

Mange av ungdommane som er med her er og med som forsongarar og band på ulike gudstenester. Det er kjekt å sjå dei igjen i ulike arrangement uavhengig av Lukas. Lukas har øvingshelger, konserthelg og er med på Vinterfestivalen på Voss. Lukas er eit samarbeid mellom Fjell kyrkjelege fellesråd og Fjell KFUK/KFUM.

Adventsfest og sommarfest: Det har blitt ein tradisjon å arrangere sommarfest og adventsfest for ungdommane i sokna. Begge festane var svært godt besøkte. Det er tydeleg at desse markeringane er noko ungdomane ser fram til. Dagen etter sommarfesten var det og Ung Messe med utsending av ungdommar som skulle flytte frå Fjell. Dei blei bedt for og fekk med seg ei gåve.

Ungdomslørdag: Ungdomslørdag har hatt varierande oppslutning i 2015. I vårsemesteret var det stabil god oppslutning, men i haustsemesteret har det vore mindre oppslutning om dette. Det kan vere mange årsaker til dette, men vi har stor tru på at vi vil sjå ei auke i tida som kjem. Ungdomsteamet saman med MILK’arar som er i praksis har ansvar for dei ulike samlingane.

KRIK: KRIK Ulveset og KRIK Fjell har tatt i mot konfirmantar i mange år. Hausten 2015 var det kun KRIK Ulveset som starta opp igjen. Leiarane i KRIK-laga gjer ein viktig og god innsats!

Landroklubben: Landroklubben går framleis godt. Det er kjekt å sjå at ungdomane frå klubben og er med på felles arrangement med ungdomar frå dei andre kyrkjene. Det er behov for frivillige medarbeidarar i Landroklubben.

Leiarkurs og MILK: Vi er heldige som har MILK’arane i kyrkjelyden vår. Dei er positive ungdommar som er med og tek stort ansvar i mange samanhengar. Hausten 2015 starta 16 MILK’arar på leiarkurset.

8 Årsmelding for Fjell sokn 2015

LED: LED er ei påbygging til MILK’kurset. Dette er for ungdom i vidaregåande skule og oppover. På LED-kurset jobbar vi meir med personleg utvikling, og det å lære å kjenne seg sjølve enn vi gjer på MILK-kurset. Andre tema på LED er knytta til undervisning om andelege spørsmål, fellsskap og leiarskap.

Bibelgrupper: Bibelgruppene for ungdom er leia av vaksne i kyrkjelyden. Vi vil rette ein stor takk til dykk! Tilbakemeldingane frå desse gruppene er at ungdomane trivst godt og opplever at dei har stort utbytte av å vere med her. Det er starta 3 bibelgrupper for ungdom.

Ungdomsrådet: Ungdomsrådet består av engasjerte ungdommar frå kyrkjene våre. Dei er med i planlegginga av Ung Messe og andre arrangement, dei er med og drøfter retninga på arbeidet og setter tema for semesteret. Tema for året 2015/16 har vore «Basics» - det grunnleggjande i kristentrua.

Ung Messe: Om lag ein søndag i månaden har det vore Ung Messe. Det har variert mellom dei ulike kyrkjene kor gudstenesta har vore. Ung Messe er ei gudsteneste med ungdommane sitt uttrykk, deltaking og planlegging. Ung Messe har blitt ein møtestad mellom ungdommane som går fast i kyrkjelyden og konfirmantane som høyrer til i kyrkjene våre. Ung Messe er ei gudsteneste for alle, ikkje berre for ungdom. Derfor vil vi understreke at det er ønskjeleg om kyrkjegjengarar i alle aldrar finn vegen til Ung Messe. Det betyr mykje for ungdommane å kunne sjå at vaksne støttar opp om det dei er med på, og det kan vere positivt for vaksne å få oppleve ei gudsteneste med ein ungdommeleg «vri». Ei Ung Messe det er all grunn til spesielt å trekke fram denne gongen er MOT-gudstenesta som blei arrangert i Sotra Arena i oktober: Denne gudstenesta var eit samarbeid mellom MOT og Den norske kyrkja. Kor frå fleire kyrkjelydar frå Sotra og Øygarden deltok og på arrangementet. Alle kyrkjelydane var inviterte til gudstenesta, og det kom ca 1200 menneske. Ungdomspresten vår Maria og soknepresten i Øygarden, Espen Tveten var prestar på gudstenesta. Dei gjorde ein svært god jobb, og tilbakemeldingane både frå involverte og frå deltakarar vitnar om at dette var ei særs god gudsteneste som det er ønskjeleg å arrangere igjen.

9 Barn og unge

Punktvise arrangement i ungdomsarbeidet:

TT2015: Nokre av deltakarane i Lukas reiste på TT sommaren 2015. Denne festivalen er eit høgdepunkt for Ten-Singarane våre.

IMPULS: I januar 2015 reiste 11 ungdommar frå Fjell for å delta på IMPULS i IMI-kirken i Stavanger. Turen blei arrangert saman med kyrkjelydane i Sund, Askøy og Øygarden. Dette blei ei flott helg der ungdommane fekk god undervisning og blei kjent med ungdommar frå dei nærliggande kyrkjelydane.

Ungdomstur til Thailand og Laos: I oktober reiste 13 ungdommar i alderen 15 – 18 år på teamtur til Thailand og Laos. Målet med turen var å besøke misjonsprosjekta som Landro og Fjell kyrkje støttar i desse landa. Turen gav ungdommane eit innblikk i misjonsarbeid i praksis, NMS og IMI kyrkja sitt arbeid i Thailand og School Support Laos (SSL) sitt arbeid i Laos. Dei fekk møte menneske som lever under heilt andre kår enn vi gjer i Noreg, og dei fekk innblikk i ein framand kultur.

Møtet med menneske som delte si tru og sitt liv som Jesu disiplar gjorde mykje med mange. Dette blei ein uforglemmeleg tur som har satt spor i ungdommane som var med. Vi kan og sjå frukter av eit auka misjonsengasjement gjennom ungdommane si deltaking med å spreie informasjon om prosjekta etter turen.

10 Årsmelding for Fjell sokn 2015

Kyrkjemusikk

1. Gudstenester og kyrkjelege handlingar Det vart i 2015 nytta forsongarar, kor, band, einskilde blåsarar/blåsegrupper og songsolistar.

Kyrkjemusikkutvalet har i 2015 planlagt og gjennomført konsertar i Fjell, Landro og Foldnes både vår

og haust, herunder også sjangergudstenester (Pop og gospel Ung Messe/ Brass- og kor-

gudsteneste/Jazzgudsteneste, TV- og radiogudstenester)

TV-gudstenester og radiogudstenester, i Foldnes kyrkje i påska og i Landro kyrkje i haustsemesteret,

var eit stort løft for alle tre kyrkjelydane. Det krevde mykje arbeid (særleg TV-gudstenestene), og

involverte alle kantorar og prestar og andre tilsette i Fjell sokn pluss mange frivilligenog innleigde

musikarar/songarar. Kjensla av å lukkast med eit så stort felles løft var til stor insprirasjon både for

alle involverte i musikkarbeid i kyrkjelydane, og for kyrkjelydane i sin heilskap.

Ei nysatsing på møteområdet er RAMP-samlingane i Foldnes kyrkje (frå

hausten 2015), eit lågterskelmøtetilbod med stor vekt på

kvalitetsmusikk meint for lytting. Eit fast husband av profesjonelle og

semiprofesjonelle musikarar deltek fast på frivillig basis, organisert av

organisten.

Det er fast forsongarteneste ved gudstenester, i Fjell ved Sotra

Reviderte, i Foldnes ved faste forsongarar organisert gjennom den

generelle lista for frivillige tenester under gudstenestene, som vert

utarbeidd av frivillige.

Tweens-jenter (Fjell) har sporadisk gjort forsongararteneste på

familiegudstenester og T-dagsgudstenster.

Liturgisk musikk har i 2015 vore den same som tidlegare vart vedteke innført under den nye

liturgireforma, i alle tre kyrkjene.

2. Kor- og orkesterverksemd Foldnes kyrkje: TenSing-koret ”Lukas”. Forsongarar. Frivillige musikarar. Husband til Ramp.

Landro kyrkje: Barnekor ilag med Tweensgruppe. Ungdomsband frå Landroklubben. Frivillige

musikarar, for det meste blåsarar og songarar.

Fjell kyrkje: Barnekor. Tweenskor t.o.m vår 2015, i haustsemesteret har dei gått over til Lukas

tensing. Vokalensemblet Sotra Reviderte (med forsongarteneste). Fjell kyrkjebrass. Frivillige

musikarar.

Fjell sitt ”husorkester” på ungdomsnivå har i 2015 framleis fungert sporadisk, det har vore vanskeleg

å få framdrift i å etablert fast gudstenestedeltaking.

11 Kyrkjemusikk

3. Kyrkjemusikk i trusopplæringa Kyrkjemusikarane har i 2015 teke del ved

fasegudstnester, T-dagsgudstenester og T-dagar.

I barne-/tweens-korarbeidet har ein i Fjell i stor

grad involvert foreldra i drifta av kora.

Kora har i 2015 vore i tydeleg relasjon til

kyrkjelydsutvalet, dette er eit arbeid som i 2015

har vore ein stabil positiv faktor i kyrkjelyden.

Ein har halde fast på øvingar med ein felles

samling/andakt etter øvinga med barnekoret og før øvinga med tweensjentene. Andaktsdelen har

tweensjentene teke seg av på eiga hand.

Barne- og tweenskora var i 2015 gode aktørar og medspelarar i samband med familie- og T-

dagsgudstenester.

4. Kyrkjemusikk i samarbeid med barnehage og skule (SKU) Kyrkjemusikk i samarbeide med skule/barnehage var i 2015, som tidlegare, gjort i samanheng med

opplegg som SKU (skule/kyrkjesamarbeid) har utarbeida (skulegudstenester, barnehagegudstenester,

3. klassevandring, påskevandring, Vandring gjennom Bibelen (5. klasse), Zippivandring).

Borna fekk undervisning om orgelet og ein øvde på liturgi og salmesong (3. klassevandringa).

I samband med konfirmantundervisninga vart det gjort etter same mal.

5. Kyrkjemusikk i samarbeid med kulturskulen Kulturskulen har i 2015 hatt eigne elevkonsertar i kyrkjene.

Kulturskulen hadde sin årlege ottesong på Luciadagen, 13.desember, denne gongen i Foldnes kyrkje, i

samarbeid med kyrkja.

Kulturskulen hadde også 2015 tilgang til kyrkjene i samband med orgelundervisning, utan at det vart

nytta.

6. Kyrkjemusikk i diakonien Kantor tok del på dei månadlege retreatsamlingane i Fjell kyrkje.

Organistane tok i 2015 regelmessig del ved andaktar på institusjonane.

12 Årsmelding for Fjell sokn 2015

7. Konsertar 2015 var eit godt musikk-år i soknet.

Kora har i 2015 strekt seg og vore med på regionalt- og

nasjonalt konsertsamarbeid, som Hallo-ven/Mozart`s

Requiem/TV- og radiogudstenester for NRK/Marianne Juvik

Sæbø´s julekonsert.

Kyrkjemusikkutvalet og kantorane arrangerte til saman 15

konsertar i soknet.

Konsertane omfatta reint kyrkjemusikalske framføringar,

allmenn kulturformidling innanfor kyrkjelege rammer og dekka i

2015 stilartar som gospel, pop, jazz, brass, klassisk kor-song,

rytmisk barnekormusikk.

Det vart produsert brosjyre med «Konsert- program» for vår- og haustsemester som vart lagt ut i

kyrkjene.

Kyrkjemusikkseksjonen, i samarbeid med kyrkjemusikkutvalet, har dei siste åra disponert ein årleg

sum til konsertverksemd. Denne økonomiske ramma har vore eit godt verktøy som har gitt

inspirasjon, handlekraft og evne til gjennomføring.

Kyrkjene var i 2015 etterspurte konsertlokale for eksterne aktørar (utleige), og seksjonen har vore

involvert for å arbeide m.a. for best mogleg samkøyring mellom dei forskjellige julekonsert-aktørane.

13 Kyrkjemusikk

8. Instrument og bemanning

Kyrkjene er bra utstyrt på instrumentsida og vedlikhald er vert jamnleg teke hand om.

I Fjell er ein i ikkje kome langt nok i 2015 når det gjeld sluttføring av PA-anlegget, når det gjeld

utforming og plassering av miksepulten, lys, estetiske omsyn og lerret. Gruppa som arbeider i dette

prosjektet gjer ein formidabel friviljug innsats.

Det har vore jobba meir seriøst med opplæring av teknikarar, det er i haustsemesteret sett i gang

opplæring for ei teknikargruppe med utgangspunkt i konfirmantar.

I 2015 vart arbeidet med å skaffa nytt flygel i Fjell

kyrkje fullført, flygelet vart kjøpt og teke i bruk i juni

2015.

For Foldnes vart det i 2015 meldt inn behov for

oppgradering av høgtalarar til PA anlegg.

Soknet hadde i 2015 tre kyrkjemusikarar i faste

stillingar: Landro 100%, Foldnes 100% (f.o.m. 1. mars

gjekk Aasmund Brekke inn att i stillinga som organist

etter 3 års permisjon), Fjell 100%.

Kantorar/organist utgjer i staben seksjon for kyrkjemusikk.

Kyrkjemusikkseksjonen hadde i løpet av 2014 fire møte.

Kyrkjemusikkseksjonen er drivarar i arbeidet i kyrkjemusikkutvalet og antal møter må sjåast i

samanheng med aktiviteten i musikkutvalet.

Kyrkjemusikkutvalet er såleis ei forlenging av kyrkjemusikkseksjonen ( jfr.1).

Kyrkjemusikkutvalet stod i 2015 som planleggjar, arrangør og samarbeidspartnar for ulike konsertar

og gudtenestar og hadde 8 møter i løpet av året (jfr.kap.1 og 6).

14 Årsmelding for Fjell sokn 2015

Diakoni

PROSTIDIAKONIUTVALET:

Temakveldar: Prostidiakoniutvalet har dette året arrangert 1 temakveld om sorg i Foldnes kyrkje. Alle i prostiet som

hadde mista noko i løpet av det siste året hadde fått ein skriftlig invitasjon til denne samlinga i tillegg

til annan annonsering.

Det var psykolog Undis Bergås som hadde foredrag om temaet: Barn og unge i møte med sorg.

Samlivskurs/sorggruppe: Det vart arrangert samlivskurs i mars i samarbeid med dei andre kyrkjelydane i prostiet. 12 par deltok

på kurset. Det kom gode tilbakemeldingar og dei som deltok opplever dette som nyttig for sitt samliv.

På grunn av få påmeldte vart det ikkje starta sorggruppe hausten 2015. Gjer eit nytt forsøk vinteren

2016

Føremiddagstreff: Det vert arrangert føremiddagstreff i Landro og

Foldnes kyrkje, ein gong i månaden i kvar kyrkje.

Til desse arrangementa kjem det mellom 30 – 40

menneske på kvart arrangement. Dette er tiltak

som er viktige og fungerer både som ein sosial

treffstad og ein stad der ein får høyra Guds ord

forkynt.

Ellen Ebbesvik er leiar for dette, og ho har ein del frivillige med seg som hjelper til med det praktiske i

samband med arrangementa.

Besøksteneste/sjelesorg/samtalar: Både soknediakonen og diakoniarbeidaren driv med besøksteneste og samtalar. Dette dreier seg om

samtale med eldre einsame, sørgjande, sjuke, sjelesorg og samtale med menneske i ulike krisar.

Desse samtalane har funne stad både på kontoret, heimebesøk og på institusjonane. Det er ein

aukande etterspurnad etter samtalar, noko som kan ha samanheng med soknediakonen sitt

engasjement i palliativt team.

Arbeid retta mot utviklingshemma: I dette arbeidet har vi samlingar i Foldnes kyrkje 3 gonger i semesteret som er spesielt retta mot

utviklingshemma. Soknediakonen er leiar av dette i samarbeid med sokneprest Terje Aannerød og eit

styre på 3 frivillige.

BASECAMP: Basecamp har eiga årsmelding

15 Diakoni

MISJON: Vi har er ein misjonskontakt til kvar kyrkje som skal informere

om misjonsprosjekta og inspirere til misjonsengasjement i

kyrkjelyden. I september vart det arrangert misjonstivoli, for

heile kyrkjelyden, i Foldnes kyrkje i samband med

ungdommane sin tur til Thailand hausten 2015. Dette var eit

arrangement som samla mykje folk og som sette fokus på

misjon.

SOKNEDIAKONEN: Soknediakonen er medlem av kriseteamet og palliativt team i kommunen.

Det spesielle med dette året er at eg hadde ferie og permisjon i 3 månader hausten 2015. I denne

perioden var eg vollontør i misjonsprosjekt i Thailand og Laos. Opphaldet gav mange opplevingar som

skapte fornya engasjement både innan internasjonal diakoni og misjonsarbeid.

Felles ansvar: Soknediakonen gjekk ut av styret i 1. semester 2015.

Basecamp: Soknediakonen sit som styreleiar i Basecamp

Kriseteam: Som kyrkja sin representant i kriseteamet er soknediakonen med på møter og med på dei tiltak

kriseteamet set i verk når det er tragiske hendingar i lokalmiljøet.

Palliativt team: Dette er eit tverrfagleg tiltak i som skal ivareta den lindrande behandlinga for sjuke både i institusjon

og i heimane. Dei kommunale tenestene ser på kyrkja som ein naturleg del av dette teamet der heile

mennesket med lekam, sjel og ande skal ivaretakast.

Gravferder: Soknediakonen har nokre gravferder i løpet av året. Dette har

ofte samanheng med menneske som har vore i kontakt med

kriseteamet, der diakonen har følgt opp sjuke og døyande, vikar

for prestane eller når det er ønskt av familien.

16 Årsmelding for Fjell sokn 2015

Gudstenesta

Målsetjing for gudstenesteliv:

Eit rikt og variert gudstenesteliv der Gud og menneske møtest

1. Generelle trekk Gudstenesta er kyrkjelyden si hovudsamling. Her skjer eit

møte mellom Gud og menneske, og menneske i mellom. Det

er ei veksling mellom høgmesser, Ung messe og

familiegudstenester. Tema for gudstenestene vert styrt av

kyrkjeåret. Nokre gonger i året vert det feira gudsteneste

utanfor kyrkjene våre. I 2015 gjeld det på bedehuset på

Bjorøy, forutan friluftsgudstenester på Fjell festning og

Langøy.

I tillegg til dei ordinære søndags gudstenestene, er det skule- og barnehagegudstenester i samband

med jul, særskilde dåpsgudstenester (laurdagar) og konfirmasjonsgudstenester. Jamnleg er det også

gudstenestlege samlingar (dvs. andaktar med nattverd) på institusjonar i kommunen (Kvednatunet,

Fjell Sjukeheim, Straume Bu- og Service senter). Forutan dette er det andre samlingar i kyrkjene som

har gudstenestleg karakter ved særskilde høve. (retreatsamlingar, nokre T-dagar o.l)

For å få eit meir variert gudstenesteliv er det og nokre

gudstenester på ettermiddag- og kveldstid. I Foldnes har ein

revitalisert det gamle Treffpunkt. Frå hausten 2013 har ein

kalla dette Bibel Bøn og Lovsong (BBL). Dette er ei

kveldssamling med mykje lovsong, og eit meir uformelt

utrykk samanlikna med gudstenestene elles. Ca. ein gong i

månaden er det Ung messe. Tidspunkt og kyrkje varierar,

nokre gongar i høgmessetida, andre gonger på kvelden.

Det har og vore fokus på varierte musikkuttrykk med veksling mellom orgel/piano og

band/forsongarar. Forsongartenesta er mest utvikla i Foldnes. Men kyrkjemusikarane i alle kyrkjene

arbeider godt med å involvere andre i det musikalske arbeidet rundt gudstenestene.

I 2015 vart det sendt 3 tv gudstenester frå Foldnes kyrkje i påska. Det ble lagt ned eit stort arbeid

med dette, der kyrkjemusikarane våre, kyrkjetenarar, prestane og mange frivillige deltok. Særleg må

Endre Dåvøy og Bjarte Nese takkast for dette arbeidet. Dette vart flotte gudstenester, med mange

deltakarar. Det er kome mange gode tilbakemeldingar både her i Fjell, og frå andre plasser i landet.

Hausten 2015 hadde vi to radiogudstenester frå Landro kyrkje. Også desse blei fine gudstenester,

med gode tilbakemeldingar.

Ny gudsteneste vart innført i advent 2012, og vart implementert i løpet av 2013. I 2015 har vi stort

sett følgd opp dei vedtaka som er gjort. Gudstenesteordningane våre skulle etter planen evaluerast i

2015, men på grunn av soknedelinga fekk vi utsett dette til 2016.

Våren 2015 vedtok soknerådet inspirasjonsdokumentet «Kyrkjevekst i Fjell» som har mange innsteg

til vidare samtale om det som skjer i og rundt gudstenestene våre. Dei nye sokneråda vil ha god hjelp

i dette notatet i det vidare gudstenestearbeidet.

17 Gudstenesta

Det vil bli viktig i åra som kjem å inkludere kyrkjelydane i førebuing og gjennomføring av

gudstenestene for å skape eigarforhold til samlingane. Her er vi berre komne eit stykke på veg. Som

nemnd også i fjor må arbeidet med oppfølgjing av dei frivillige medarbeidarane i gudstenesta

utviklast vidare.

2. Statistikk Fordelt på kyrkjene fordeler det seg slik for 2015 (skule/barnehagegudstenester er ikkje med):

Kyrkje Gudstenester antall/snitt nattverd/snitt dåp

Fjell

utan konf.gudst.

53

49

9623/181

7781/159 2129/73 110

Foldnes

utan konf.gudst.

62

55

10525/169

815/147 2204/78 66

Landro

utan konf.gudst.

47

44

5147/110

3955/90 1340/46 37

Tilsvarande tal for 2014 utan skule/barnehagegudstenester og musikkandakter:

Kyrkje Gudstenester antall/snitt nattverd/snitt dåp

Fjell

utan konf.gudst.

58

54

9652/166

8072/149 2263/78 133

Foldnes

utan konf.gudst.

62

53

10118/163

7038/133 2179/62 63

Landro

utan konf.gudst.

46

44

4839/105

3715/84 1416/47 21

I alle kyrkjene våre går snittet opp frå ifjor. For Landro er dette andre året på rad, mens Foldnes gjekk

ned ifjor. At det går opp i Fjell er ekstra gledeleg då talet på dåp gjekk ned med over 20. Oppgangen i

Landro kan delvis forklarast ved fleire dåp.

3. Dåp og nattverd Det er mange som ønskjer dåp i kyrkjene våre og dette får konsekvensar for planleggjinga av

gudstenestene. Omlag ved annankvar gudsteneste er det høve til å melde dåp. I Landro er det noko

oftare. I 2015 vart det utført 213 dåp i Fjell sokn (217 i 2014, 248 i 2013 og 217 for 2012). Fjell kyrkje

er mest populær i forhold til dåp, som tallene viser, men det er 23 færre dåp i Fjell enn ifjor, mens

det er auke i Foldnes (3), og Landro (16), om dette er ei tilfeldige utslag eller ei trend er tidleg å seie.

Nattverdtala viser ei klar oppgang i Foldnes, 78 mot 62, mens tala i Fjell er 73 mot 78, og Landro 46

mot 47 året før

18 Årsmelding for Fjell sokn 2015

Drift

Fjell kyrkje Det er blitt lagt ny raud løpar i Fjell kyrkje. Flaggstanga framfor

kyrkja er skifta ut og hoveddørene er pussa ned og olja.

Landro kyrkje I Landro kyrkje er utvendig treverk måla og det er nye fuger

mellom vinduspartia i kyrkja

Vi har også fått på plass luftfuktar til orgelet.

Foldnes kyrkje Koparen rundt glassmåleriet i kyrkja er skifta ut, dermed er også

lekkasjen tetta. Vestfløyen er måla og brannalarmanlegget er

oppgradert med ekstra alarmklokker.

Frå Landro Kyrkjegard ein fin junidag.

Foto Ingjerd Hauge Johansen

Kyrkjegardane/Gravplassane Gangvegane på Straume gravplass er asfaltert. Deler av gjerdet rundt gravplassen er også skifta ut frå

tregjerde til nettinggjerde. Flaggstonga ved Straume gravplass er skifta ut.

Arbeidet med fjerning av «gamle» gravminner (frå sletta graver) har også halde fram dette året.

Kurs/opplæring Dei tilsette på driftsseksjonen har delteke på ein del kurs og vår første lærekandidat bestod i vår

kompetanseprøve som lærekandidat i anleggsgartnerfaget.

Frå rigginga til NRK før TV-

gudstenestene i påskehelga

2015

19 Økonomi

Økonomi Den «totale» verksemda (Fjell sokneråd januar-oktober, Fjell kyrkjelege fellesråd november-

desember) gjekk i 2015 med eit lite underskòt.

I alt hadde vi inntekter på 23,2 mill kroner, og ‘underskòtet’ vart på rundt 0,4 mill kroner. Dette blir

dekka av avsette fond frå tidlegare år.

Inntektsfordeling:

Utgiftsfordeling:

Ved årsskiftet var det fond på til saman om lag 5,1 mill kroner, av dette er 1,6 mill kroner i

disposisjonsfond og 1,3 mill i investeringsfond. Resten er ulike fond som er bundne opp til særskilte

oppgåver.

Fjell kommune58 %

Staten24 %

Brukarbetaling, utleige

9 %

Innsamla9 %

Løn/sosiale kostnader

58 %

Kjøp varer/tenester

mm36 %

Eksterne offer/gåver

6 %

20 Årsmelding for Fjell sokn 2015

Den delen av økonomien som omhandlar ‘soknerådsarbeidet’ som no er overført til dei nye

sokneråda, er ein mykje mindre del.

Inntektene består i hovudsak av eigenbetalingar, billettinntekter, gjevarteneste og innsamlingar/offer

til eige arbeid og eksterne (til saman rundt 1,8 mill kroner)

Pengane går i hovudsak ut til offer til eksterne, misjonsprosjekta våre, undervisingsmateriell og

kostnader ved arrangement.

Dei seinare åra har kostnadane vore noko høgare enn inntektene i denne delen av arbeidet.

Oppgåvene og inntektene er overførte til dei nye sokneråda, som må finne ut korleis dette arbeidet

kan drivast i økonomisk balanse.

Den nye sokneråda har ‘fått med seg’ oppsparte pengar frå dei gamle kyrkjelydsutvala, slik at ved

årsavslutninga for 2015 vart det overført til saman over 330 000 kroner til sokneråda.