Upload
others
View
0
Download
0
Embed Size (px)
Citation preview
Plenchi
Bèl a bati TRINGG TRINGGG bèlèm........ TRINGG TRINGGG bèlèm........
Efo ta tras di lomba. Plenchinan tabata yen di boroto djabierne ku a
pasa. Muchanan ku a kaba ku EFO a fiesta i selebrá ku EfO ta tras di
lomba i un etapa nobo ta na kaminda.
Eksamen si ta den full swing ainda. Hobennan di VSBO, Havo i VWO
ta kabes den buki i ainda tin 2 siman mas di trabou pa nan mustra kon
leu nan a logra e metanan stipulá.
Eksito na tur. Anto nan esnan ku ainda tin ku drenta nan periode di
tuts, traha duru i bai pe. Aña a bula pasa masha lihé, laga ku kada aña
ku pasa ta un ku bo tin sigur ba duna tur ku tin. Un felis dia di mama ta
tur esnan ku ta duna amor i kuida na nos hóbennan. Pabien i masha
danki.
Riba roster Awe nos plenchi ta dediká kompletamente na st. Fransicus College.
Sint Franciscus College un skol katóliko kampeon!
Sint Franciscus College ku honor i amor ta karga e título di skol katóliko.
Hesus ta nos maestro prinsipal . Komo tal den tur loke nos ta hasi nos fe
katóliko ta keda reflehá. Balornan katóliko manera fe, amor, pas, rèspèt
mutuo i disiplina ta e fundeshi pa nos 446 alumnonan. Esaki nos ta mira bèk
den nos aktividatnan ku nos ta hasi pa nos alumnonan i famia manera: Santa
Eukarista riba djadumingu, selebrashon di nos patrono San Francisco ,
fiestanan kristian manera pasku di nasementu , nos kaminata pa rekordá
pashon di Kristu, su morto i resurekshon i anochi di alabansa. Tambe nos ta
pone hopi atenshon na konsientisá nos yunan di e balor di duna servisio na
nos komunidat(community service).
Kuido i atenshon pa nos komunidat. Parti di nos trabou ta pa hasi nos alumnonan konsiente ku nan ta biba den un
komunidat i ku nan tambe mester yuda kuida esnan den nesesidat. Kon nos ta
hasi esaki? Ku diferente aktividat: den dezèmber i aprel nos alumnonan ta trese
komestibel pa traha pakete pa famianan den nesesidat . E aña aki meskos ku
aña pasá nos muchanan a partisipá na e kolekta di Fundashon Ronald Mc
Donald, pa rekaudá fondo pa e Ronald Mc Donald Charity Group. Ku e ♥ ku e
alumnonan a bende nos a traha un obra di arte mashá bunita i risibí promé
premio serka fundashon RMCH. Resientemente nos muchanan despues di a
siña kiko ta outismo a partisipá na e dia pa konsientisá nan kiko ta outismo.
Nos tur a ‘Rock nos socks’ na un manera dibertido i kreativo. Nos muchanan a
presentá kantika, baile, skèch i poesia riba e tema di outismo.
Kompetensia porta di grupo mas kreativo.
Tur aña di nobo nos maestronan ta drecha nan grupo den un ke otro te
tema p’asina krea un ambiente dushi pa nos muchanan. Nos maestronan ta pone
hopi atenshon i tempu den e porta. Awèl aña eskolar 2018-2019 tim di maneho
a organisá un kompetensha pa e porta mas original i bunita akabá. E
kompetensha tabata fuerte pero ta un ganador por tin i yùfrou Nadeshka di
grupo 8A a gana esaki. Atmirá e presiosidat di porta ku tema “colour your
future” kua ta alabes un bunita mensahé.
Selebrashon di fiesta di nos Patrono San Francisco di Asis.
Bo tabata sa ku dia 4 di òktober nos ta selebrá fiesta di nos patrono San
Francisco di Asissi?
E aña aki nos tabatin komo invitadó Dr. Does ku a bin siña nos muchanan e
importansha di kuido di bestia. Alabes e dia ei nos tabatin un feria di siensia.
Nos muchanan a prepará diferente eksperimento ku nan a bin demostra na nan
kompañeronan. Aki nos por mira e flamingo di dòkter ta bishitá e estatua di
San Francisco i algun di nos alumnonan presentando nan eksperimento
Lesamentu nos prioridat!
Un di e materia ku nos komo skol ta pone hopi énfasis riba dje ta lesamentu.
Dikon nos mester lesa?
Lesamentu ta amplia bo konosementu, yuda bo konsentrashon, stimulá bo
fantasia i e ta siña bo skucha. Nos ta hasi tur nos posibel pa krea e amor pa
lesamentu serka nos alumnonan. Kon? Djaluna, djamars i djárason nos
alumnonan ta bai “Francitheek” ku ta nos biblioteka di skol. Aki nan por fia tur
siman un òf dos buki. Nos ta sumamente gradisido na nos “leesoudersnan” ku
ta hasi esaki posibel. Nan ta yuda nos dor di registrá e bukinan, guia e
alumnonan, lesa ku nan i motivá nan pa sigui lesa.
Djaweps nos tin lesamentu riba nivel i nos chiktinnan di grupo 1-2 ta na turno
pa bai Francitheek. Alumnonan ku ta lesa riba nivel ta sali mitar di ocho for di
nan grupo bai un otro grupo kaminda tin muchanan di mes un AVI ku nan. Den
luna di òktober nos a organisá un anochi di lesamentu, nos a yamé; “ Konta mi
un kuenta promé mi drumi”. E anochi aki alumnonan bistí den nan pidjama pa
skucha un invitadó ku ta konta nan un kuenta. E mayornan turesten por a
skucha un charla tokante importansha di lesamentu den nos biblioteka.
Sint Franciscus College ganadó apsoluto lesa na Hulandes
Tur aña nos ta partisipá ku dos alumno na e kompetensha, di SIGE,’ Lesa pa
otro skucha’. E aña aki nos ta kontentu ku nos a bolbe kai den premio. Tarshmé
Parisius a sali ganador apsoluto den e kategoria di Hulandes.
E alumno komo un ser holístiko.
Na Sint Franciscus College nos ta traha pa nos deasoyá nos muchanan den tur
area di nan bida, no solamente e parti akademiko sino den deporte tambe nos
alumnonan ta destaká.
Nos selekshon a partisipá na torneo di futbòl di skolnan FO i nos a gana e di
tres lugá. Mester menshoná ku esaki tabata posibel ku e yudansa di mayornan i
e esfuerso grandi di mener Chalton Paul.
100% partisipashon di mayor
Sint Franciscus College ta gosa i ta bendishoná ku mayornan atento, motivá i
semper kla pa duna un man. Tambe skol tin un komishon di mayor hopi aktivo
ku ta yuda skol karga e trabounan na skol.
Nos iglesia katóliko , fundeshi di skolnan katóliko
Sint Franciscus College ta un skol bendishoná. Nos por kana na pia bai misa di
Janwé i semanalmente pastor Carlos di parokia di Janwé ta pasa grupo pa grupo
pa alimentá nos ku e palabra di Dios. Djabièrnè 7 di mei na inisio di prueba
koordiná pastor Carlos a pasa resa ku nos alumnonan di grupo 8. Ku Fe den
Dios tur alumno di grupo 8 lo pasa pa skol avansá.
“The best teachers are from Sint Franciscus College”
Nos ta un tim, no pasombra nos ta traha huntu. Nos ta un tim pasombra nos ta
respetá, konfia i kuida otro. Huntu nos ta hasi asina tantu !!! Traha huntu ta nos
éksito i esaki ta danki na kada parti di nos “ pùzel” : Anne-Aysheline-Brigit-
Chalton-Danielle-Dari-Giselle-Jeanella-Kenyi-Liyanthe-Linda-Margaritha-
Moniek-Mila-Nihaila-Nadeshka-Rochalda-Rose-Rychandella-Sue-Anne-
Tusayna i Yakira. Tur aña di nobo nos tin tambe hopi stazjère ku ta yuda nos
den nos skol.
Dream big
Komo skol nos gusta soña grandi i perseverá pa logra nos soñonan. Nos
sõnonan pa aña binidero ta entre otro : traha riba e ser “saludabel i felis” ,Koló
ta trese alegria: yena nos skol ku koló p’asina nos muchanan por bini skol
kontentu. Traha riba e alumnon pa siglo 21 dor di traha riba e parti kreativo di
kada alumno. Nos ke presentá lèsnan atraktivo riba bòrchinan digital “touch
screen” i duna e alumnonan chèns pa eksplorá trahando riba tablet. Kada soño
ta kosta sèn. Kada yudansa pa konkretisá nos soñonan ta “welcome”!.
Porta habrí
Bo ke sa mas di Sint Franciscus Collegenos ? Djis sigui nos riba nos facebook:
FranciscusCollegeRKCS. Ta deseá pa pasa personalmente? Laga nos sa ku bo
ke pasa i nos lo traha tempu pa risibí bo. Por lokalisá nos na: tel 4655794/
4615040 . Nos adrès ta: Tulpenboomstraat 2 i nos “emailadrèsnan ta:
[email protected]/[email protected] Nos ta warda bo!
Manera mama, no tin 2!
Ser mama ta algu bunita i úniko. Na skol nos tur ta purba ta komo un mama pa
e yunan konfiá na nos. Laga nos komo mama eduká nos yunan segun e 10
mandamentunan di Dios. Purba semper tin tempu pa skucha bo yu(nan) i ta un
bon ehèmpel pa nan. Un simpel brasa òf palabra bunita ta bal mas ku regalo
kostoso. Un felis dia di mama na tur nos maestranan, mamanan di Sint
Franciscus College i na mam
Den agenda Liber di skol
30 i 31 di mei
2 yuli
8 di yuli pa 15 di augustus.
Mucha Djispou Koma kakalaka tabata baila sin fin. Su amiga a para djaleu ta gosé. El a
hala serka i a puntré: “Ta bachata of tumba?”
Koma kakalaka a kontestá: “No ta Baygon, kore pa bo tambe no haña.”