Institute for Classical Studies, part of the Institute for Philosophy, Czech Academyof Sciences in Prague

CENTESIMUM VOLUMENAuthor(s): Jan MartínekSource: Listy filologické / Folia philologica, Roč. 100, Čís. 1 (1977), p. 1Published by: Institute for Classical Studies, part of the Institute for Philosophy, Czech Academy ofSciences in PragueStable URL: http://www.jstor.org/stable/23464003 .

Accessed: 16/06/2014 10:45

Your use of the JSTOR archive indicates your acceptance of the Terms & Conditions of Use, available at .http://www.jstor.org/page/info/about/policies/terms.jsp

.JSTOR is a not-for-profit service that helps scholars, researchers, and students discover, use, and build upon a wide range ofcontent in a trusted digital archive. We use information technology and tools to increase productivity and facilitate new formsof scholarship. For more information about JSTOR, please contact support@jstor.org.

.

Institute for Classical Studies, part of the Institute for Philosophy, Czech Academy of Sciences in Prague iscollaborating with JSTOR to digitize, preserve and extend access to Listy filologické / Folia philologica.

http://www.jstor.org

This content downloaded from 185.44.77.82 on Mon, 16 Jun 2014 10:45:37 AMAll use subject to JSTOR Terms and Conditions

CENTESIMUM VOLUMEN huius ephemeridis sollemniter auspicanti bus Iiceat paulisper respicere necnon illud temporis spatium, quod a primo volumine edito praeteriit, cogitatione et memoria comprehendere.

Mirabitur fortasse aliquis nos denuo iam intra breve tempus epheme ridis nostrae primordia recordari. Neque enim ignorant homines litte rarum periti annum 1973 sollemnem huic ephemeridi, quippe quae centum annis ante edi coepta esset, a quibusdam esse appellatum. Quae bina; ut ita dicamus, sacra saecularia intra paucos annos celebrata

quibùs rationibus tueamur, facile inveniemus. Nam annis 1943—45 nul lum volumen ephemeridis, quae temporibus belli gentium secundi cum actis: philologorum modernorum coniuncta erat, in lucem prodisse con stat. Annus deinde etiam 1952 sine ullo ephemeridis nostrae volumine

praeteriit, quo efficitur, ut acta nostra 104 annis ante condita non

amplius centum volumina numerent..

Neque tamen hic minor (si rationem annorum spectes) voluminum numerus honore quodam et gloria caret. Hoc ipsum, quod ephemeris nostra, quae aliquamdiu non continuata occasui iam proxima videba tur, tamen resuscitata est, quod a proposito conditorum (qui in ea phi lologiam classicam cum Bohemica coniunctam esse voluerunt) num

quam declinavit, satis aperte dilucideque monstrat, quam utilis civitati

philologorum sit, quam gravi et honorifico munere in philologia colenda

fungatur. Neque multae ephemerides Bohemicae reperiuntur, quae ei

antiquitate pares esse possint. Mos est, ut in hoc sollemnium saecularium genere eorum facta re

cordemur, qui de ephemeridibus bene meruerunt. Quae provincia in annosis hisce voluminibus quam ardua sit, quivis intellegere potest. Neque enim in talibus negotiis antiquum illud repetere desinimus, diffi cile esse non aliquem, nef as quemquam praeterire. Ceterum quid istis laudationibus opus? Qui hanc ephemeridem felicibus auspicìis condi

derunt, qui doctis opusculis auxerunt, qui utilibus consiliis iuverunt, qui moderátorům officio cum gloria et laude functi sunt, ipsi sibi in hominum mentibus monumentům posuerunt sempiternum. Neque enim eorum nomina in obscuro latent, sed in Clara luce conspiciuntur, siqui dem non tam obsoleta voluminum adhuc editorům argumenta esse

videntur, ut defore putemus, qui antiquissimos etiam ephemeridis tomos

non sine gratia aliqua benevola et proprio emolumento evolvant. Quare illi ipsi, qui multos abhinc annos inter homines esse desierunt, in ope ribus suis florent et in aliorum libris laudantur et, quamvis mortui sint, vivi tamen, ut ait poeta, per ora virum volitant.

Quae quia ita se habent, nullis iam ambagibus lectores morabimur.

Neque enim ignoramus multos viros doctos iam occasionem arripere velie, ut et hoc centesimum volumen et illud, quo altera voluminum centuria inchoabitur, disputationibus suis ornent. Est autem utilius iis locum concedere, qui scientiam eruditis commentationibus promovere cupiunt, quam in longa temporis acti recordatione versari et rerum

praeteritarum memoria paginas replere. Horum itaque, qui disputatio nes suas centesimo volumini inserere honori sibi tribuent, necnon ilio

rum, qui post eos sequentur, studia huic ephemeridi consecrata omnibus votis prosequimur. Quis enim non pro certo et explorato habeat fore, ut philologicis eorum successibus huius etiam ephemeridis honor et auctoritas augeatur? Neque tamen a philologorum antiquorum virtute et gloria degenerare volumus, sed nos etiam dignos praestare, qui ephemeridem ab illis fausto ornine conditam cum bono scientiae con tintiemus. Jan Martínek

1 — Listy filologické

This content downloaded from 185.44.77.82 on Mon, 16 Jun 2014 10:45:37 AMAll use subject to JSTOR Terms and Conditions