10
STUDIEMATERIELL CHARLIE OG SJOKOLADE- FABRIKKEN

CHARLIE OG SJOKOLADE- FABRIKKEN...1. Charlie Bucket ønskjer veldig å komme inn i Willy Wonkas sjokoladefabrikk. 4. Utanfor fabrikken møter dei Willy Wonka for første gong. Han

  • Upload
    others

  • View
    0

  • Download
    0

Embed Size (px)

Citation preview

Page 1: CHARLIE OG SJOKOLADE- FABRIKKEN...1. Charlie Bucket ønskjer veldig å komme inn i Willy Wonkas sjokoladefabrikk. 4. Utanfor fabrikken møter dei Willy Wonka for første gong. Han

STUDIEMATERIELL

CHARLIE OG SJOKOLADE-FABRIKKEN

Page 2: CHARLIE OG SJOKOLADE- FABRIKKEN...1. Charlie Bucket ønskjer veldig å komme inn i Willy Wonkas sjokoladefabrikk. 4. Utanfor fabrikken møter dei Willy Wonka for første gong. Han

DET NORSKE TEATRETCHARLIE OG SJOKOLADEFABRIKKEN INNLEIING

Charlie og sjokoladefabrikken er ei herleg dryg og mørk historie for både barn og vaksne, der dei slemme får som fortent og dei snille får oppfylt sine søtaste draumar. Hovudpersonen er Charlie Bucket. Han bur saman med mora og besteforeldra i eit falleferdig hus.

Charlie er lei av kålsuppe og drøymer om å komme inn i den enorme sjokoladefabrikken til Willy Wonka, den fenomenalaste sjokoladefabrikanten i verda!

Men ingen har sett Wonka på mange år, og ingen får komme inn i fabrikken. Alt ein ser er mystiske skuggar i vindauga, og uendelege mengder sjokolade som blir køyrt ut gjennom jernportane.

Men ein dag kjem nyheita: Willy Wonka har gøymt fem gullbillettar i fem sjokoladeplater. Dei fem heldige vinnarane får bli med inn i fabrikken. Jakta på gullbillettane er i gang. Vil Charlie få oppfylt sitt største ønske? Vil han få oppleve magien i Wonka sitt fantastiske godteriunivers?

I dette studiemateriellet får du ein inngang til framsyninga, tematiske artiklar og utdrag frå manus.

Velkommen inn i Willy Wonkas sjokoladeunivers, og velkommen til Det Norske Teatret!

Beste helsing

Erlend Tårnesvik Dreiåsformidlings- og pedagogisk ansvarlegDet Norske Teatret

Bli med inn i Willy Wonkas fantastiske sjokoladefabrikk!

SPØRSMÅL:Har du vore på

teater før? Snakk i klassen om kva

ein kan oppleve på teater!

Page 3: CHARLIE OG SJOKOLADE- FABRIKKEN...1. Charlie Bucket ønskjer veldig å komme inn i Willy Wonkas sjokoladefabrikk. 4. Utanfor fabrikken møter dei Willy Wonka for første gong. Han

DET NORSKE TEATRETCHARLIE OG SJOKOLADEFABRIKKEN GALLERI

Mike Teavee

Violet Beuregard

Augustus Gloop

Veruca Salt

Charlie Bucket

Det er mange som skal til for å lage ei framsyning som Charlie og sjokoladefabrikken. Nokon må skrive historia, og lage musikken. Nokon må framføre musikken. I tillegg må ein lage scenografi, kostyme og koreografi, lyd og lys!

Og så er det sjølvsagt mange skodespelarar på scenen. Ole og Peter (til venstre) deler på å spele rolla som Charlie Bucket. Under ser du dei andre barna som vinn gullbillett til å komme inn i Willy Wonka sin fabrikk.

Vil du sjå alle dei andre som har vore med å lage framsyninga og som speler på scenen? Gå inn på detnorsketeatret.no

EIN STOR GJENG PÅ OG BAK SCENEN

SPØRSMÅL:Kan du gjette kor mange som er på

scenen totalt? Gå inn på nettsida til teateret

og finn svaret!

Page 4: CHARLIE OG SJOKOLADE- FABRIKKEN...1. Charlie Bucket ønskjer veldig å komme inn i Willy Wonkas sjokoladefabrikk. 4. Utanfor fabrikken møter dei Willy Wonka for første gong. Han

XXXXXX DET NORSKE TEATRETCHARLIE OG SJOKOLADEFABRIKKEN

Roald Dahl har skrive nokre av dei mest lesne og elska bøkene for barn som Heksene, SVK, Danny og den store fasanjakten og Matilda. Felles for bøkene er ei magisk-realistisk verd der hovudpersonen blir transportert frå den grå kvardagen til det spektakulære. Hovudpersonen og helten er barn, og dei vaksne er ofte både dumme og slemme. Men også barn kan vere ufordragelege i Dahl sitt univers, som til dømes i Charlie og sjokoladefabrikken.

Her kjem litt fakta om Roald Dahl

• Født 13. september 1916, og døydde 23. november 1990. • Født i Wales, men både faren og mora kom frå Noreg.• Kalla opp etter polfararen Roald Amundsen, ein nasjonalhelt på den tida. • Kvar sommar fram til han var 17 år ferierte han i Noreg, i Oslo og Tjøme.• Snakka engelsk, norsk og swahili. • Var sjokoladesmakar for ein sjokoladefabrikk da han var ung. Dette sette

fart i draumen om å bli sjokoladeoppfinnar. Ideen om dette kom tilbake til han da han skulle skrive si andre barnebok.

• Kjend for å ha funne opp mange nye ord: Trogglehumper betyr mareritt, Wizzpopping betyr å fise, og Quogwinkle som betyr romvesen.

• Hadde ei lita skrivestue i hagen, og i eit intervju fortalde han at han så å seie aldri rydda eller vaska der. Der sat han i ein lenestol og skreiv historiene for hand.

• Han brukte seks spissa blyantar gjennom skriveøkta som vara i 4,5 timar.• Quentin Blake er den mest kjende illustratøren av Dahls barnebøker.• Roald Dahl skreiv totalt 30 barnebøker. Bøkene er omsette til 60 språk og

har selt i over 250 millionar eksemplar.• I originalmanuset var Charlie mørkhuda, men Roald Dahl blei anbefalt å

gjere det om. Forlaget til Dahl meinte at det var for kontroversielt i den tida boka kom ut.

• Roald Dahl endra nesten alle namna på karakterane i boka. Til dømes blei Ompa Lompa eigentleg kalla Whippler-Scrumpets, og Willy Wonka var Mr. Ritchie fram til Dahl hugsa på bumerangen broren Louis fann opp da dei var små. Bumerangen blei kalla Skilly Wonka.

• I 1972 kom bok nr to, Charlie og glassheisen, og det skulle eigentleg bli ei tredje bok om Charlie, kalla Charlie in the white house. Boka var dessverre ikkje skriven ferdig da Roald Dahl døydde i 1990.

MANNEN BAK CHARLIE

ARTIKKEL

Over ser du eit foto av Roald Dahl. Under ser du bokomslaget til Charlie og sjokoladefabrikken.

SPØRSMÅL:Har du lese nokre

av bøkene til Roald Dahl? Eller kanskje du har sett nokre av

filmane? Snakk om det i

klassen!

Page 5: CHARLIE OG SJOKOLADE- FABRIKKEN...1. Charlie Bucket ønskjer veldig å komme inn i Willy Wonkas sjokoladefabrikk. 4. Utanfor fabrikken møter dei Willy Wonka for første gong. Han

XXXXXX DET NORSKE TEATRETCHARLIE OG SJOKOLADEFABRIKKEN

2. Heldigvis finn han ein gullbillett, og saman med fire andre barn får han besøke Wonkas fabrikk!

3. Mike Teavee har også fått ein gullbillett, men han er mest interessert i tv og data.

1. Charlie Bucket ønskjer veldig å komme inn i Willy Wonkas sjokoladefabrikk.

4. Utanfor fabrikken møter dei Willy Wonka for første gong. Han er ein merkeleg type.

5. Wonka har mellom anna mange Ompa Lompaar som lagar sjokoladen.

6. Og dei har ein godteribåt som dei kan bruke på sjokoladeinnsjøen.

FOTO FRÅ FRAMSYNINGA

Page 6: CHARLIE OG SJOKOLADE- FABRIKKEN...1. Charlie Bucket ønskjer veldig å komme inn i Willy Wonkas sjokoladefabrikk. 4. Utanfor fabrikken møter dei Willy Wonka for første gong. Han

XXXXXX DET NORSKE TEATRETCHARLIE OG SJOKOLADEFABRIKKEN

SJOKOLADEHISTORIE• Kakaotreet har blitt dyrka i Mellom-Amerika sidan 600-talet, men ein trur

at bønnene kan ha blitt brukt i minst 2500 år. • Verdas første sjokoladekake blei laga i 1847.

SJOKOLADE I NOREG• I Noreg blei den første sjokoladen introdusert i 1895.• 1906 kom Freias melkesjokolade, og den er framleis den sjokoladen vi et

mest av i Noreg.• Frå 1922 har det vore luksusskatt på sjokolade. I dag kallar vi avgifta for

sukkeravgift.• I Noreg kjøper vi sjokolade for om lag 5 milliardar kroner kvart år! Det

tilsvarar 173 010 381 melkesjokoladar på 200 gram. Wow!

LUKTA AV SJOKOLADE• Lukta av sjokolade skal kunne få deg til å slappe av.• Ein fransk oppfinnar har funne opp ei pille som skal få promp til å lukte

sjokolade.

SMAKEN AV SJOKOLADE• gjer deg mindre stressa og trøytt,• gir deg betre hukommelse og konsentrasjonsevne,• gir nok energi til å springe 150 meter.

KJENSLA AV SJOKOLADE• Å ete sjokolade skal kunne gi den same lykkekjensla som når vi er

forelska, på grunn av innhaldet av teobromin og fenyletylamin.• Sjokolade inneheld også antioksidantar. Det betyr at du både kan halde

deg frist og leve lengre, om du et sjokolade.

FARLEG SJOKOLADE• Sjokolade, spesielt den mørke, kan vere farleg å ete for hundar og kattar,

og kanskje også hestar.

MØRK SJOKOLADEHISTORIEDet er ikkje alt med sjokolade som smakar godt! For eksempel er det enkelte kakaoplantasjar som bruker barn som arbeidarar. Nokre av desse barna er røva frå familiane sine. Barna får ikkje gå på skole, arbeider lange dagar og nyttar skarpe reiskapar når dei klatrar opp i trea for å kappe ned kakaofrukt.

ARTIKKEL

VISSTE DU AT?Her er nokre raske fakta om sjokolade:

Desse er dei tre sjokoladane vi et mest av i Noreg. (Kjelde: adressa.no)

Dette er ei kakaofrukt som heng på eit kakaotre.

SPØRSMÅL:Kva er favoritt-sjokoladen på

din skole? Lag ei spørjeundersøking og finn ut i neste

friminutt!

Page 7: CHARLIE OG SJOKOLADE- FABRIKKEN...1. Charlie Bucket ønskjer veldig å komme inn i Willy Wonkas sjokoladefabrikk. 4. Utanfor fabrikken møter dei Willy Wonka for første gong. Han

XXXXXX DET NORSKE TEATRETCHARLIE OG SJOKOLADEFABRIKKEN

PALMEOLJE I SJOKOLADEPalmeoljeindustrien er hovudårsaka til at regnskogen blir øydelagt i Søraust-Asia. Dette er ein trussel for både menneske, dyr og plantar. Palmeolje aukar konsentrasjonen av kolesterol i blodet, og kan føre til hjarte- og karsjukdom. Enkelte sjokoladar blir laga med palmeolje, så undersøk om det er tilfelle for din favorittsjokolade. (kjelde: Regnskogfondet)

SJOKOLADEKRISEForskarar fryktar at verda skal gå tom for kakao innan 30 år. Grunnen til dette, er klimaendringar og ein spesiell type sopp som gjer kakaoavlingane dårlege.

SJOKOLADESPIONARSjokoladespionar var eit problem på 1920-talet. Stadig sleipare metodar blei brukt for å stele superhemmelege oppskrifter og triks for å få den aller beste sjokoladen. Har du ete kokos-sjokoladen Bounty? Den liknar mistenkeleg mykje på den amerikanske sjokoladen Mounds, men fekk namnet Bounty da den blei lansert i England. Det gjekk så langt at fabrikkane måtte tilsette eigne detektivar som smaug seg rundt og snuste opp spionar mellom putrande kjelar av drops, sjokolade og karamell.

WONKA-SJOKOLADEUnder ser du eit bilde av korleis Willy Wonkas sjokolade ser ut i framsyninga.

Dette er sjokoladane Bounty og Mounds. Ganske like, sant?

SPØRSMÅL:Kva kan vi som kjøper sjokolade gjere for å stoppe barnearbeid og

miljøøydelegging?

Page 8: CHARLIE OG SJOKOLADE- FABRIKKEN...1. Charlie Bucket ønskjer veldig å komme inn i Willy Wonkas sjokoladefabrikk. 4. Utanfor fabrikken møter dei Willy Wonka for første gong. Han

XXXXXX DET NORSKE TEATRETCHARLIE OG SJOKOLADEFABRIKKEN

SCENE 1. UTANFOR FABRIKKEN/I BYENOverture. Vi ser ein trist og forfallen by. I bakgrun-nen er ein fabrikk som lyser og er i drift, men ingen går inn eller ut. Vi følgjer Charlie, vår mann, rundt i byen. Han er kald, svolten og trist. SCENE 2. KYRKJEGARDENVi endar ved kyrkjegarden i byen. Charlie er åleine ved farens grav. Det musikalske går over i ein bit av “Viss far din var her”. Han græt og kjenner seg einsam. Inn kjem ein merkeleg mann. Han stiller seg opp ved ei grav ved sidan av Charlie.Han byrjar å gråte, litt rart. MANNENBuuhuuu! Abuhuhu!Er det slik ein gjer det?

CHARLIEEg veit ikkje…Er det far din?

MANNEN (lettare paranoid)Min, hæ? Kvifor spør du om det? CHARLIEDet er far min.

MANNENÅ. Det var flautt. Eller trist. Eg veit ikkje. Kjensler!

(Charlie græt litt. Mannen observerer Charlie.)

Er det ok at eg noterer litt?

UTDRAG

(Charlie nikker, Mannen tek fram ei notatblokk. Noterer.)

“Guten græt jækla bra. Det piplar tårer ned frå andletet hans. Men andletet i seg sjølv er ganske roleg. Det er akkurat som om kjenslene er inne i han, ikkje utanpå.”

Sjå her. Eg har noko for det problemet du har i fjeset ditt akkurat no.(Han vil gi Charlie eit lommetørkle, men finn berre eit gammalt sjokoladepapir.)

CHARLIETakk.(tørkar tårene med ermet, og les på papiret.)

CHARLIEWonkas Chilisjoko-strøssel-eksplosjon.Kvar har du fått denne?

(Charlie skal til å spørje mannen, men i det han kikar opp frå papiret, er han borte.)

Hm, den må vere ny.

(Han spring av garde mot grønsaksbutikken, spent og glad.)

UTDRAG FRÅ MANUS 1Første akt, scene 1 og scene 2.ROLLER: Charlie og Mannen (Willy Wonka i forkleding)

OPPGÅVE:Dette er eit utdrag frå manus. Les det

høgt i klassen.

OPPGÅVE:Snakk om skilnaden på ”scenetilvising” og ”replikk”. Finn eksempel på det i

utdraget frå manus.

Page 9: CHARLIE OG SJOKOLADE- FABRIKKEN...1. Charlie Bucket ønskjer veldig å komme inn i Willy Wonkas sjokoladefabrikk. 4. Utanfor fabrikken møter dei Willy Wonka for første gong. Han

Over: Charlie i byen, utanfor butikken der han kan kjøpe kål... eller sjokolade? Høgre: Charlie på rommet sitt, og mora og beste-foreldra i senga/stua. Under: Willy Wonkas fanstastiske fabrikk!

Page 10: CHARLIE OG SJOKOLADE- FABRIKKEN...1. Charlie Bucket ønskjer veldig å komme inn i Willy Wonkas sjokoladefabrikk. 4. Utanfor fabrikken møter dei Willy Wonka for første gong. Han

XXXXXX DET NORSKE TEATRETCHARLIE OG SJOKOLADEFABRIKKEN

UTDRAG FRÅ MANUS 2Første akt, scene 4, heime hos Charlie. SONG: «EIT BREV FRÅ CHARLIE BUCKET» ROLLER: Charlie

UTDRAG

CHARLIE EG VEIT DU ER EIN TRAVEL MANNOG DU FÅR SIKKERT BREV I FLENGEG SKRIV PÅ VEGNER AV FAMILIENSJØLV SÅ HAR EG ALT EG TRENG

OG KANSKJE VIL DET LØNE SEGÅ LESE BREVET MITTFOR EG HAR GODE FORSLAG TILSORTIMENTET DITT

TIL MOR SOM ALLTID JOBBAR HARDTOG FÅR SÅ VONDT I FOTEN SINSÅ KAN DU SY MED LAKRISTRÅDEIN TRØFFEL-MOKKA-MOKASIN

TIL JOSEPHINE SOM ALLTID ROTARBORT GEBISSET SITTKAMFERTREKTE JEKSLAR MEDEIT EKSTRA KRAFTIG BITT

DÅ EG VAR LITEN TOK HAN FAR OSS MED PÅ SØNDAGSTUR EIN STADHO MOR FEKK IS OG EG HAR ALDRI SETT HO LIKE BLID OG GLADSÅ EG VIL FINNE OPP EIN IS SOM ALDRI DRYP OG RENNSÅ HO KAN TA EIN BIT KVAR DAG OG BLI SÅ GLAD IGJEN

TIL BESTE GEORGE OG HANS GEORGINASOM ALLTID ER SÅ VELDIG TRØYTTPUTER SYDD AV SUKKERSPINNSÅ DEI KAN DRØYME EKSTRA SØTT

OG BESTE JOE SOM ER SÅ UNG OGFYLLER NITTITREEI VITSEBOK AV MARSIPANFOR HAN LIKAR BEST Å LE

JA, DET VAR ØNSKELISTA MIMIN EIGEN FANTASI-MENYOG OM DU NO FÅR LAGA ALTOG OM DET IKKJE ER TIL BRY

SÅ KAN DU KOMME MED DEI SJØLVSÅ VI KAN SEI’ “GOD DAG”OG TA GJERNE MED EIN SJOKOLADESOM VI KAN ETE I LAG

SIGNERT, CHARLIE BUCKETDIN STØRSTE FAN (Charlie har laga eit papirfly av brevet.Han kastar det ut i natta.Charlie legg seg for å sove.)

SONG:Her syng Charlie om alt

han vil at Wonka skal lage på fabrikken, som han skal gi til mora og

besteforeldra sine.

OPPGÅVE:Kva slags godteri

ville du laga? Bruk fantastien - og teikn det!