Mala biblioteka »Dragutin Domjanić« knjiga 45.

Nakladnik Pučko otvoreno učilište Sv. Ivan Zelina

Za nakladnika Ivica Kukovačec, dipl.ing.el.

Urednik Dr. sc. Ivo Kalinski

Lektura Dr. sc. Ivo Kalinski

Naslovnica i ilustracije: Z. Crnec: Pogled, detalji, 1998. Grafičko-tehnička priprema POU Sv. Ivan Zelina

Tiskano u 500 primjeraka Tisak i uvez: Tiskara Zelina d.d.

CIP zapis dostupan u računalnom katalogu Nacionalne i sveučilišne knjižnice u Zagrebu pod brojem 636306

Kaj

Na natječaj 26. recitala suvremenoga kajkavskog pjesništva »Dragutin Domjanić« – Sv. Ivan Zelina 2007. odazvalo se 100 autora sa 420 pjesama. Ocjenjivačko povjerenstvo u sastavu: dr. sc. Ivo Kalinski (predsjednik), prof. dr. sc. Joža Skok i mr. sc. Božica Pažur (članovi), odabralo je 50 pjesama za objavljivanje u ovoj zbirci.

Ivo KALINSKI: Kaj je videl gartlic? IX

Zlata BUJAN - KOVAČEVIĆ: Othajanje Valburgine ščere 15 Zlatko CRNEC: Love story tople svibanjske večeri na Cvetnemu placu v središču Agramercitya 18 Zlatko CRNEC: Fruštikrunda v scenografiji vangogovske jeseni 19 Maja CVEK: Letna skica 21 Željka CVETKOVIĆ: Restepno liepi akvarel 22 Nadica ČIŽMEK: Slikam II 23 Milan FRČKO: Travovabec 24 Željko FUNDA: Daj da me bu i gda me ne bu 25 Željko FUNDA: Kak sem več bliže nigdine 26 Vinko HASNEK: Živi ružmarini 27 Vinko HASNEK: Popevka 28 Ivan HORVAT – HLEBINSKI: Odmenka dej si 29 Ivan HORVAT – HLEBINSKI: Togovanka v jačmenom zlatu 31

Franjo HRG: Paleg naši liet 32 Branka JAGIĆ: Čkomina se glasniješa 35 Branka JAGIĆ: Ižine kosti 37 Božica JELUŠIĆ: Den ide k sivomu 39 Božica JELUŠIĆ: Očajno črni golob 40 Ivica JEMBRIH: Za pričetek ne znamo 41 Štefica KAMENARIĆ-FILIPOVIĆ: Dosti je 42 Dragutin KONTAK: Misel kroži 43 Dubravko KORBUS: Haiku niz: Stari Bartol 45 Stjepan KOVAČEC – ŠTEF: Sedmica 46 Ivan KUTNJAK: Protivuletna II. 47 Ivan KUTNJAK: Protivuletna XII. 48 Evica LAZAR: Duha jesianska 49 Evica LAZAR: Sigdi 51 Đurđa LOVRENČIĆ: www.?????.com 55 Zdenka MALTAR: Črni metulji 56 Zdenka MALTAR: Harcuvanju vični 57 Biserka MAREČIĆ: Šanse ni 58 Biserka MAREČIĆ: Zlatepersta brez persta 59

Biserka MAREČIĆ: Kam su prešle sive grlice 60 Biserka MAREČIĆ: Zdilitani človek 61 Biserka MAREČIĆ: Pravokutna popiefka 63 Ana Ruža PAVEK: Se san svoje pjesme v goro poslala 65 Stanislav PETROVIĆ: oblaki 67 Stanislav PETROVIĆ: človek žuhko 68 Darko RAŠKAJ JALŠOVEC: Sele a nie sele 69 Tomislav RIBIĆ: Nemir broj 7 70 Tomislav RIBIĆ: Popevka o prokšenosti 72 Nada RUKAV-BOGOJEVIĆ: Megleni tronuš 74 Slavica SARKOTIĆ: Gliblina vremena 77 Željka SKLEDAR: Korači 79 Valentina ŠINJORI: Moji srčeko medenaki 80 Valentina ŠINJORI: Orionova zakletva 84 Željko ŠTEFAN: Ora pro nobis 87 Nevenka VIDEK: Hodim čez pole 89 Davorka VIDOVIĆ – LIPLJIN: Zapis o Isadori ceramic power ženi... koja nestaja 91 Davorka VIDOVIĆ – LIPLJIN: Portret Isadore ceramic power žene koja nestaja (2) 93

IX

Kaj je videl gartlic? Prije no što se usudimo izreći kaj je gartlic videl, treba

priznati neke prozaične, ali nimalo bezazlene stvari. Prvo, da je ovogodišnja "produkcijska žetva" recitalnih kajkavskih pjesničkih ostvaraja po ocjeni stručnoga suda jedna od slabijih, istini za volju - s vrijednim pojedinačnim ostvarajima; drugo, tješimo se mišlju da će koja od idućih biti znatno bolja, doduše svjesni da bi, nedajbože, mogla biti i gora.

Svakom božjem stvoru sklonom riječima, pogotovo onom koji ih stavlja na papir u vjeri da je s njima dodirnuo skute vrhunaravnoga, ipak je jasno da se pjesnikovanjem ne mogu/ne uspijevaju uvijek postizati visokovrijedni estetski rezultati, dohvatiti izvanserijske književnoestske visine, jer da je tako onda bi ljudski rod bez ikakve krivnje umjesto neke druge mogao doživjeti (pa tko proživi!) pravu pjesničku invaziju. No čovjek, taj neobičan kreativan stvor, poigravajući se i hrvajući se s riječima i ne shvaćajući pritom vrebajuće opasnosti što iz njih sa svih strana izbijaju, skroz-naskroz čudno je biće koje do kraja svog života uporno smišlja taktiku kako da kreativno nadmudri bar onu jednu božicu od njih devet, naime božicu poezije. Ali, zna se, da božica Erato, ta prevrtljiva muza poezije ima prečesto i nekih svojih briga i ne voli se - kao svaka prava božica - odveć baviti običnim smrtnicima, koji su počesto dobrovoljno ušli u poetski glib te, unatoč kasnijoj iskustvenoj želji da ga napuste, nikako da iz njega izvade noge, kamoli umornu glavu.

I, kaj je, onda, gartlic videl? Fakat, kaj je taj poetski cvijetnjak videl? Možda kakve metulje, i k tomu još črne metulje (frapantno sonetiranom aluzijom na Domjanića!), dok "smišlja" metuljasto drfčeč (...) kak zleteti z noči. (Zdenka Maltar, Črni metulji). A ta noč, reći mi je, ta simbolička noč, koju je u oblikovanoj ljudskoj glavi tako zorno vidio genijalni Michelangelo!, ta noć s pićem od nektara i otrova, ta prastara Nikta - majka Neba i Zemlje, prepuna je opreka i skrivenih mogućnosti. A kako će drukčije?!

Onda, k tome, kakva se to na primjer prokšenost naselila u ljude, kakav to fizički i psihički pekmez (očito nije bezvraga

X

stara uzrečica: mekan kao govno!) pak se u njih uz tu mekoću/statkastost/ženskastost ugnijezdio i Črni, tj. Nečastivi (što je sasma razumljivo - ta, kud će suza nego na oko!), taj danas modernizirani, inače prastari guru za svakovrsne tentacije: tri su bahornice vu megli stale/ Črnome su jajca prale/ smejale se, cecke kazale/ mladog gizdelina mamile (Tomislav Ribić, Popevka o prokšenosti).

Morda On/Črni tekar zlatoperstu mami koja izgubljena u sebi i otkoljena od sebe plazi ovim svijetom bez glave? I pita li se još igdo pod kapom nebeskom kam su prešle sive grlice? Nema ih, dakako da ih nema više. Dragi štioče, onih grlica našeg djetinjstva - nema više. Ove današnje nekako su beživotne, apšisane izvana i u krhku tijelu: kratko lete, dugo umiru! Po treperenju izvanjskoga svijeta ona prosuta bolna zrnca vlastite intime iz vlastitoga poetskoga gartlica nikako da nađu mir, utjehu. Živimo li danas samo u webu? Je li sve ovo oko nas jedan veliki web, jedan zaweb, jedan veliki zaheb? Zdilitani človek! (Delete!) - pita se taj unutarnji gartlic: Sfinga. Ili ja. Ja. Ili Sfinga. Kakva je razlika./ I cvok cvok cvokota sveker je hmuoril kokuota... (Biserka Marečić, Zdilitani človek).

Ali i sfinga bdije, uvijek budna, nikad ne spava. Kao ceri nam se svojom postojanošću, naime postojanošću zagonetke onoga što ona zapravo jest: vlastita naša sudbina koja upravlja nama i neizvjesnost koju nikad nećemo moći izbjeći. A možda je kombinatorika weba upotrebljivi izazov, tehnička pogodnost koja nam se na tanjuru nudi, samo je ne znamo podrediti sebi? Nikako da uspješno domislimo načine za kakvu novu eugeniku, nikako da uspješno uspostavimo nova poboljšanja, fizička i duševna, a traume se gomilaju.

Iako duboko svjestan da je živlenje kak listje na vietru kak zbliedeli vieš z molcojedinami, iako duboko svjestan da človek ka je tuo čudapuot čuti žofko, ipak ga neka stara varka iznova tjera da povjeruje u novu opsjenu, prem vrlo dobro zna da tak retko sprehaja se guola venera spred sonca. (Stanislav Petrović, Človek žohko). Tako mu i treba, rekli bi nepopravljivi realisti, kad vjeruje glupostima!

Drugi će autor sentimentima u jedinstveno klupko ispovjedno izaranžirati i osobne putene/senzualne osjećaje, i urbani ambijent, i koloritne floreale, i naknadnu amneziju. Što će nadvladati: želja za sjećanjem ili želja za zaboravom?: Za

XI

pušlec cvetja kaj sem joj poklonil/ jene tople svibanjske večeri na Cvetnemu placu,/ zajne sem peneze za to dal./ (...)/ bila je, to sem navek znal, topla svibanjska večer/ leta, leta, leta.../...nemrem se setiti teruga... (Zlatko Crnec, Love story tople svibanjske večeri na Cvetnem placu v središču Agramercitya).

Neki će se, pak, pjesnici stopiti s osjećajem neumoljive prolaznosti svega, s osjećajem sveopće praznine i vapeći mole za odmak: /.../(Dosti je/ Pokri me z sinokošu/ da se naspim (Štefica Kamenarić - Filipović, Dosti je), neki će pojašnjavati zašto je to što jest upravo tako kako jest: Pred raspelem na križanju/ nieki je ostavil svieču vužgatu/ a Isusek glavu nagnul je/ sele je tu a nie sele/ človek je bil tu a de ve je? (Darko Raškaj, Sele a nie sele), neki će harcuvanju vični (Zdenka Maltar) svoju misao protegnuti i na druge koji su, na vrijeme shvativši sve, i mogli u stih stoički upregnuti spoznaju: Fala ti Bože, tua je tua, tj. na standardu Hvala ti Bože, to je to. (Evica Lazar, Duha jesianska).

Među novim imenima, što svakako raduje, pravo mi je otkriće pjesnikinja s dubokim osjećajem premreženih melankolijskih amplituda, hoda po rubu ponora, koja tako suvereno razmeđuje jasne predjele samosti: O, kak je lepo vse ljude odhititi, lažlive misli,/ žufka čučenja... osim one zdavnašnje želje/ smrti objemanja./ Lepo je, tak je lepo nestajati!/ Zarobiti se jedino z mučanjom.../ fkrotiti ga!/ Odhititi vse kaj je balast,/ A balast je zapraf vse... i hoditi sam/ kak gladni tiger... v totalni.../ totalni kmici. (Davorka Vidović – Lipljin, Zapis o Isadori ceramic power ženi… koja nestaja, 2).

Kajkavski pjesnici jačih kanona, stječe se dojam, kao da gotovo performerski sve više nastoje poetsku riječ fizički iznijeti na samosvojan pijedestal; na koncu, u čkomini se glasniješoj, što pjesmi i pjesniku drugo i preostaje? Krik? Pomirba? Ili riječ - kao zadnji bedem koji bi da brani intimu?: naj me zadušiti/ naj mi riječ jemati/ same njou imam i ona mi je se. (Branka Jagić, Čkomina se glasniješa).

No, zna li gartlic za to? Kaj je gartlic videl?

Dr. sc. Ivo Kalinski

15

ZLATA BUJAN-KOVAČEVIĆ Samobor

Othajanje Valburgine ščere (rojena trejsetiga aprilja o polnoči)

rečen van zbogon šumski poti mojih starih majki zbogon starini va ruševinah okol bujanske šterne bok skrivenimu zakopanimu jatačkimu blagi kaj je za hajdukimi nigder ostalo bok milin hišan va kojih ljubaf još čeka bok bitorajskimi vrhimi va sunci kaj stenami oblake kišovite parašte tan ke sidijo duhi prošlih z našiga ognjišča na poti othajanja do nebeskiga pašinca bok kleki i koli coprničkimu va nj mi nikat noga ni koraknila bok zelene vode va jezerimi okol kojih kanta divojačko govorenje miliga zvuka i narejenja kaj pita reče smeje se i joka zbogon zajamo nesujena njivo za nonetovo farmo va kojo je deda zabiu dolore a da ni poslau va školo svoje ščere (a sini mu niso teli bit praščari) zbogon moje livade ke so mi po stranah njedra ko prčiči preskakala dokler sen krave zavračala z šenice a da nis ljubavna draganja provala i ke mi je čoban z nožičkon frulico i ščap zirizljau a š njin nis svoje pirne dočekala

16

bok mahovini i rudevini na glavičini na koji je lipu spat truden ot košnje žetve nagrinjanja i skapanja bok ognjišči bok hišici ke so tata i mama mene načinili i ime mi zibirali bok barbaroli kupljenimu za mahaniga bratca bok vernimu pasi starinskiga soja bok ljubavi med rožicami kraj jezera bok moji nerojeni dičini bok nenapisani knjigi bok zagrebi školan i muzejon kazališči dokler zvoni na drugi čin samoborskimi izletimi bok savi i čiklji na dunavi tan ke reka valja zlato i tancimi na glatkimu kameni največje saloče na sveti na straduni bok i mojimu deli kaj ga još vavek sanjan svimi vami bok to večer jer se je ko voda ko more ko zaliv istruga i se je jen kratek čas sa ta lipota va koji se roni duboko ko da se ljubav stori ko da se glas mojiga človeka čuje se tan va najdalji kot zemaljskiga raja ot najvišljega vrha denali ot najdaljiga jezera amisted do sake moje bukve jelve i jabuke i do zadnjiga prijatelja kojiga poznan

17

se je ko glazba i niš ni presitno na svimu se Tvorci zafaljevat užan za život za trud za dare za slatki greh za pokajanje i krščenje i novi život na poti va bitorajsko čistilišče ke se pri šižnici okolomotajo va coprničkimu koli coprnice i maliki zeleni čovik kudlak vile i anđeli ko uno isto apriljsko noč kat sen ja prispela na svoj pot narečen vilami sujenicami maminimi rojakinjami kojimu danas rečen zbogon puna poštivanja za se kaj je bilu dokler z kišnon maglon guri va bitoraj brodin čekat novo počinjanje zajedno zi simi najdražjimi kan se moje trudno telo i moja duša videlica jutri otpotili bodo

18

ZLATKO CRNEC Sv. Ivan Zelina

Love story tople svibanjske večeri na Cvetnemu placu v središču Agramercitya

Za pušlec cvetja kaj sem joj poklonil jene tople svibanjske večeri na Cvetnemu placu, zajne sem peneze za to dal.

Grafopis glazbenosnega kušleca kaj sem zate dobil navek me ognjeno speče gda stiha prejdem črez Cvetni plac v središču Agramercitya gledeč kak se voda vrnula v reku, kak je reka prhnula vu nebo, kak se nebo ciklamaste sfarbalo s kušlecovu popevku zaznamnano.

Oktogonski se obračam naokol iskajoč čistepravi izlazek. Beli pesek laje na svojega cugera v cvetni rubači. Šansonjeri šansonjeraju z naopak obrnuti škrlaki. Kak smehi smržnjeni curiju hiladarke. A žice su zopet spucale v krive vrieme.

A velim, zajne peneze ze žepa za pušlec črlenoga cvetja ja sem dal i nigdar mi zato nebu žal, a bila je, to sem navek znal, topla svibanjska večer na Cvetnemu placu v središču Agramercitya leta, leta, leta... ... nemrem se setiti teruga ...

19

ZLATKO CRNEC Sv. Ivan Zelina

Fruštikrunda v scenografiji vangogovske jeseni

Denešnja sakidešnjica v cajtungima z obrnutemi rečmi javla se. Dišeče naranče v logožaru sokovito čkomiju. Žota jesen vu vangogovskemi farbami brezvetreno prihaja. Ženske vročega gledenja tancljivo se sprehajaju. Čistoča jutra obesila se v njijof smeh. Zalubleni jelen raspametil se. Z rogmi draple dežđenosne oblake za kaplu vodene friščine. Za mali povratek na cvetnu senokošu maline.

Prosim jenu fruštikrundu, za vse! Osem i petnaest je predi poldana.

Tringelt za buljeočenje. Jalnuši ližeju suhe žlice na kavu dišeče. Usamljeniki se voziju s tramvaji prema nekam. I na listju jesenskemu arhitektura denešnjice narisana je. Vulica se trepetljivo zatahala v rascvetenem devičanskem bokovrtu. Krajolik otprtoga jutra rascvetava se. Zalublen znorelo v čistu sliku mužikalnega špancirtanca, z vuru se spominjam.

Prosim jenu fruštikrundu, za vse! Osem i tridesetpet je predi poldana.

20

Fijolice v ljubičastegrimiznu obleku oblečene prešle su na drugu stran. Tie prizorek v moj je mozek zanavek jesenski žarke narisan. Jezero prhečih tičof zaigrale je v kljunoinštrumente. Bože, kakuv predpoldan v scenografiji vangogovske jeseni, v gradu dalekometnega kanona, svilenih lajbekof, cukrenih pajdašic i z modrezelenu mužiku nadrealističkega valctanca. Igrajoč se z pohotljivu miselju, roke su moje zadrftale i kupica se spraznila.

Još jenu fruštikrundu, za vse, prosim, žuri mi se!

21

MAJA CVEK Zagreb

Letna skica

Požgal je serpen mekote i luge. Joj, kak bi gartlic rada pil!

Metuli na cvetju, bal pripravili. Morti se buju pitvine vžili.

Ponucani gartlic - zdihavle dišeči. Totentanz na soncu.

Čkomeči...

22

ŽELJKA CVETKOVIĆ Mala Mlaka

Restepno liepi akvarel

Črlena, meglena lava z očmi se zakovoala za ovo respeto tielce. Restepno liepa, voabna, žitka, ali ne i sliepa, premierja svoje dielce.

Jarbol se v trule višnja gloanca, i dieble škuolke sevideče. Lava-sirena na pramcu toanca, al me ošumasteti neče.

Kristalna popievka v roskaste pene Naviešča večer pod kuožum. Z otoka naranđasti zvon pokreče Pupek z olandrovum ruožum.

Čavluovje frca od dna do sna. Sloboda je ciglovata, bruncna tica.

Črlena, meglena lava i joa si mekivamu paspartu z lica.

23

NADICA ČIŽMEK Zagreb

Slikam II

Na moje slike, modra tienta razlita, Ivančica. Med dva potoka, kula od kamena, Stari grad. V gniezdu cvetuče medovnike i rodnika, moje sele, črleni krovi i turenj Svetog Dominika. Slika v srce zaključana. Z korakom steza zbita, prek polja zavija duga, z kadulju i potočnicu skrita. Na bekovine fučka vuga. V potoku se som i ščuka igraju skrivača. Divlja raca, ligice grije na gniezdu od sita. Trava mefka i svilena. Za Gradem v kupinju opravu preslači kača. Falačec vremena, slika ne zgubljena. Gda got došla sim, znova se čudim, - za kaj srce z rukami držim?

Stari grad – obrambena kula u Konjščini kod koje se 1545. dogodio sukob bana Nikole Zrinskog s Turcima, medovnika – vrsta rane šljive, rodnik – vrsta šljive, liga – mala patka, bekovina – vrsta žute žilave vrbe, pogodne za vezanje trsa i pletenje košara

24

MILAN FRČKO Koprivnica

Travovabec

Višepot zviranjek tak dušo voha kaj fsaki vogel vredno vrači. V dušinom vrčaku zleje se i ploha s kojom nas travovabec zvlači.

Sveta ftica je trpotec za fse veke i scifra i one trde podoje. Trefil sem ja i trdokorne trence. Neki od njih i ve šrek stoje.

Špancer do štancuna ščebral je dušo. Šenkanjem sem začel novi den. Peciklin se pajsa pri plebanušu a ja vu prodekalnico pem.

"Pri vas šepčem i fsakaj si privoščim kak na proščenju" - sem mu rekel, "čez pripovest svoje grehe stočim i otsakot me kušuje cvetje!"

Višepot zviranjek tak dušo voha kaj fsaki vogel vredno vrači. V dušinom vrčaku zleje se i ploha s kojom nas travovabec zvlači.

25

ŽELJKO FUNDA Varaždin

Daj da me bu i gda me ne bu

Daj da me bu i gda me ne bu, da po žitku kot senja romarim, da v reči koje obstojim, daj da kak god ja bum šče tu.

Jedino tu je istina, žmaha je i ljubavi, lepote, vse je kot rep pavi, v hipu vsakom' je kruha i vina.

Nu, naj me nema če Ti hočeš, od tela, čutkov naj ni zera ne ostane, niti zpomen.

Na memu mestu naj bu pleš, taman da tu pervo dojde vera i mam, lekmestu tu pusti koren.

26

ŽELJKO FUNDA Varaždin

Kak sem več bliže nigdine

Kak sem več bliže nigdine, kak me se več ona prima, kak me je vse več strah, zima, povsud su vse več balerine

z' zvezd kaj dučeju, z mesečine, z smehov, z vsakem korakom sejuč' togu, najavljujuč' zlom moj, konec jene droptine

Tebe hlepeče. Dok reči dine postaju, neke živi pesek, doklam me dnevi opleču

kot slak – a slak kak slak v' višine mora (ja z njim!) – navek, i zginjavajuč', sem iščuč' Te, sreču.

27

VINKO HASNEK Glavnica Donja

Živi ružmarini

Odkud pučeš tuliku jakost odkud vupiraš leskuv ščap a v druge roke prebiraš čisle vu cintoru pločice po zidu hiščeš zahvalu za moje ime

Stara moja mati ti moliš za me kak i vse naše mame

tvoje melodije z patinum domači klasični evergrini deni si kazetu- deni CD Po zemle posadila žive ružmarine posluhni nekaj veselešega stare gizdave tamburaše melodije orsaške zafalnosti marijanske romarske

Stara moja mati ti moliš za me kak i vse naše mame

Vulica – bušpuna – breza – čempresa vupiraš leskov ščap hodiš po zemle posađene žive ružmarine zalevaš z molitvom.

28

VINKO HASNEK Glavnica Donja

Popevka

Nagrađali se z oščuki mahali snimali teleče noge spodi škrin i blazin furke zašlajsali zasedali pute

ti glediš kak bi koga privinula

htela si da živlenje popevka bude ali ne - sami sebe zalevame odhajame

spreorana zemla rasipavlje se pepel se pepeli

a htela si da popevka živlenje bude

29

IVAN HORVAT – HLEBINSKI Zagreb

Odmenka dej si

Čkomi, srce, čkomi, živlenju ovom mekni se s pota.

Otišli tvoji so cajti nekam vu gluho nigdino gde trava je zvehla i žota,

gde cvete ledeno cvetje meglino - gde nemreš više spokoja si najti.

Čkomi, srce, čkomi, razmeti moraš - mora tak biti.

Ftonoli stari so cajti kaj kamen v zdeno gliblino gde mraki kaj krti so skriti,

gde zvezde nigdar se nemro roditi - gde senje tvoje vu grobni so bajti.

Čkomi, srce, čkomi i odmenka dej si zero.

Počini si malo... odsenjaj stiha još senjico jeno,

mehko i lehko kak pero, kaj trava vu prolet zeleno...

Odmenka dej si, odremaj si malo.

30

Čkomi srce, čkomi... se lekše i lekše diše. Morti falačec senje još negdi si fkralo

pak se kaj čonek na Dravi v dalekom detinstvu niše?

Il srce je trudno med zvezde otišlo - zanavek zaspalo? Čkomi srce.

Ne trepče više.

31

IVAN HORVAT – HLEBINSKI Zagreb

Togovanka v jačmenom zlatu

Dravski je vetrek vu zorjo podragal klasje jačmeno. Lehko je dehnol, zazibal zlatno valovje žetveno.

Igra se vetrek kak dečec vu polu zlatnozelenom, zible se v zipki švasteči, v zrelom klasovju jačmenom.

Neso to vali šumeči ni zlatni klasi jačmeni. V joku so mojem sozečem plavi ji lasi svileni.

Niše se vetrek i senja vu žitnom kolu svadbenom. Mojo tožbalko ne čuje milom za mojom lublenom.

Zibal se jačmen v ravnici gda smehi nejni zaspali... Zlatni ji lasi dišeči vali jačmeni postali.

32

FRANJO HRG Ivanec

Paleg naši liet

ad tvega mobitela ne čujem niti glasa a štel sam te na kavu pazvati

de si nier i zake bež njega a znaš da bi si rad da goad de goad i ap čem goad s tuabum paklafral

a znom da i ti tua imaš rada gli kak znome i ti i ja da je f toam nie ničesa ad ljubavi jerbo je zo nju našu več niti vrierne nie paleg naši liet

paleg naši liet – zbog naših godina, štel – htio, de si nier – gdje li si; da goad – kad god, de – gdje, ap čem – o čem, paklafral – počavrljao, znom, znome – znam, znamo, f toam – u tome, jerbo – jer

35

BRANKA JAGIĆ Velika Gorica

Čkomina se glasniješa

naj me zadušiti naj mi riječ jemati same njou imam i ona mi je se našla sem jou il mi se ona javila i k mene došla stiha kak čkomina

čijem sem jou zgovorila ja kak da sem se narodila i lokot sem najnjou i nase dijela niš nije na posvojejnje se je zrovane z prašine zhitila sem paučinou štera jou je zapregla spovezala jou i zela je govorejnje ja sem jou prebudila čkomine čkominou zhitila i čkomina je mene pregovorila

čkomina se više govori ti ne govoriš ljudi ne govorijou čkomijou čkomina sikout govori

36

naj riječ mi zeti naj jou rezlačiti i navlačiti je lafrou kak najjeftiniješou dodrtinou z rečjou se ne sme tržiti ž njou se ne sme cijejnkati za groš more otcinkati pak duojde se po groš

čkomina moja z zemlje skopana stara rinđica il prsten stari od zoubi zemlje ves nagrizen muoj stari rezbiti tenijer oljejnjka stara ili sviečnjak nakrhnjen ja znam gda zgašen

pustite me z mojou čkominou se je zapisane vu moje čkomine ja sem jou prebudila se mi nek spripovijeda

al ti od ounda sejene nijesi pregovoril 26. 12. 2004.

37

BRANKA JAGIĆ Velika Gorica

Ižine kosti

veter se zabuhava vu rescuojkanou stijenou škripeči kuosti stare iže škriplje i cvili stijena kak stara gouba škripelj vouglič stari svija se al još je vujnjem žilavosti kak goužva bekovine pruoba biti

ne smem i ne smem popustiti opčuvati trebam ižine kosti

i pobijegne veter nekam visuoke i dalke za šumu za brijek i još daljše tam de doma nijsou naši cajti

veter male tam predehne za nuovi zalet sape si zeme i več opet se zabuši vu ižnu stijenou vu stare plajnke štere sou sounce veter i dešč spili sprali spisali i zrezali kak z uoštrem nožem

38

išče veter ljuknu od obloukof il vrat same da mu je f ižu zajti kak pot kiklju vujti a ounda se bou zdigel se obrnoul i čez rešetasti krof zletel vun pak opet f ižu i opet čez krof če ga još bou vun i se bou to tak ponavljal ponavljal i povaljal se dek ga vetraste noge nesile boujou

jen čriep je zaciljejngal rezbil se vu komadiče kak da se čerljene rescvel po tratine

kosti ižine se jakše škripe ljucske več douge douge čkome

vouglič pak i dalje se žilavi z vetrem ide f kriš to duša ižina još se neda iak ot iže več niš

39

BOŽICA JELUŠIĆ Đurđevac

Den ide k sivomu

Den ide k sivomu, potlam se v črno smica. Zahuknjena su okna, luč čmrži kak na stenku. Na sakem listu vidiš hrđavu piknju, zlamenku; V utvajde i mekote natočila se kmica.

Prahasti jagnjedi beli, jogenj v kukuruzišču. Čkomimo, dok pod nami tandrču nori kotači. Jesen se vre za bregom v megleni reklec pres'lači, Zdruzgani dnevi v grozdju pređašnju slatkoču išču.

Ništi se ništ i se∗, i škriplje polivinil: Znucana stara ploča, sentiš za staru gospodu. Nek ti ne bude žal kaj den je prešel nuz vodu, A če si jenoj duši bar zeru dobra včinil...

∗ Aluzija na Galovićev stih "Tam gore, gde je ništ i se…"

40

BOŽICA JELUŠIĆ Đurđevac

Očajno črni golob Očajno crni golub, pokislo jadno ptiče...

M. Krleža

Očajno črni golob, na dežđu zmočen ftič: Do kreluti i kosti sfundal ga je hudič. Z koje je strane doletel, otkud se je doklatil, Čije je griehe herbal, čiju je štibru platil?

Čez varaši prlantal, po oknima je ružil, Gda festunge i rake po svietu plug je plužil. Gda ris od jognja i krvi po morju se razlejal, A v glibljini od kmice rutav se Haron smejal.

Lovili su ga z mrežom, našprihali ga z šprihom, Z olovnom sačmom i slogom, cicerima i štrihom. Peljajoč žejne prek vode i željne prek lobode, Risali su ga na nebu i pisali mu ode...

On služil je za frazu, za predstavu i štimu, Gda rovale su čambe čez drob i čez intimu. Gdi trlo se i žgelo, i rušilo se zdušno, Melin je mirotvornu hrž drobil ravnodušno.

To kaj z škatulje šlavra i kaj na plotu piše, Nek veter fkraj odnese i nočni dežđ pobriše. Ergo, za život se vuči, ne štreba se za školu- Gda golob mira skonča ne generalskem stolu!

41

IVICA JEMBRIH Čakovec

Za pričetek ne znamo

Nemrem ja, dobri človečec, ozdraveti, em ja i niesem betežen, em sem takov,

a od sebe se nemre ozdraveti... Ivo Andrić

Ne zvira voda vu tebi - zvuna te okrepljuje; nie bol vu tebi rojena - zvun tebe je rojena, nie ga nesreče vu tebi - zvuna te nasajaju kak sekiru na heljb; soz ni smehoče vu tebi nie - ti si stoprem kakti antena, štera zaderšče, ar se zdronca, gda do serca kača, munja, z bližjega moždane ti hvrazi i "aubiks" zakriči; niesi ti diete samo od jenoga oče i matere jene - potomek si od vsih predi - i z pečine Altamire i ze Hušnjakovoga brega takaj; nie ga vračtva suprotivne vumljenja, zumljenja, i volje za opstojenjem - to su sferuši Stvoritelja vsega. Vu tebi je čuntenje Rieči, svetloče, betega, pravice, žeje, lačnoče, ljubavi, poštenoče, gniloče, šteče požderoče, ne/smiloče, merzloče, tatoče; vu tebi je nagonišče, hamzigadrpišče, vkanišče, pomorišče, hmorišče, egoišče, dvoličnišče, vulizišče; vu tebi je, negde na briegu, breščecu duše, jošče dalke sončani lampaš šteroga Stvoritelj vu derhteči roka derži. A imaš i ti roke - jošče do kolena... Kaj niesu te roke za draganje cvietja? Kaj su te roke za spravljanje moke? Vu semu temu si ti, stvor, ne/božji; i nemreš; kaj nemreš se zvračiti od sebe? Niesi ti takov, Bog takvoga stvoril te nie, če su gli na denešnji den vmorili Federica Garcia Lorcu. Vumerl je od ljubavi, viečno zelene! A vse ima sviet. „Vse imam – zastavu, barjak, korugvu i stieg, viečno vu tri farbe, na pol koplja."

42

ŠTEFICA KAMENARIĆ-FILIPOVIĆ Sv. Ivan Zelina

Dosti je

Od jutra do zutra Od pandielka do nedele Od drugoga do prvoga Od teškoga do još težešega Od bieloga do črnoga Od smrdlivoga do smrdlivoga Od velikoga do maloga Od zločestoga od mrzloga od vručega do ne znam čega Samo rintam Samo rintam Dosti je

Pokri me z sinokošu da se naspim

43

DRAGUTIN KONTAK Zagreb

Misel kroži

Bila je njiva. Sad je senokoša, žota od nekakvoga cvetja. Kre nje hosta, črnezelena. Na breščeku groblje i tujice podkresane pod vinklin. Tam dalje veliki breg. Zmed zelenja vidiju se krovi i turenj kak štrči v zrak. Ze sem tem pak gora. Plava kak morje, kak da je veliki tsunami štel k nebu. Bok ga je zastanovil na pol pota i tak je ostal, kak Snjegulica da je zaspala. Nebe plavkaste, sivkaste, tenki oblačeki, kak konci sprepleteni ili povesme.

Gosenice z oreha okoli mene, ocvel je, vrapci po njemu živkaju.

Mislim si, bo kaj penzija porasla. Vraga, kaj bi.

44

Ku-ku, ku-ku z hoste. Fazan se javlja z visoke trave.

Hosta črnezelena, plava gora kak da spi, i nebe. To je zapraf se. Se druge je nič. Ni vredne spomena niti mi treba.

I to bom taki moral napustiti.

I misel je bedastoča: sama navek kroži.

45

DUBRAVKO KORBUS Ivanić Grad

Haiku niz: Stari Bartol

ivajnska noč z mesecom vu kosi vile v rosi

jutro vu rosi čez mokru travu beži mačkof drobec

pod listjem cikle tak se je nežno zlubil par golih pužof

jafče babica dedek kleple ščera kuplenu kosu

debele kaple delaju kolobare na prašnomu potu

raširil roke na guste, letne kiše stari Bartol

46

STJEPAN KOVAČEC – ŠTEF Zagreb

Sedmica

Sedmica nam se stalne nudi stalne nas mami makar je to same dopisivanje spram sreče deluje jednak na optimiste i pesimiste tu ne vriedi stara narodna po jutru se dan razaznaje izvlačenje je tek pret večer. Ni vu škuole nije glavna petica sedmica donese pune više sedem je Homerovih gradof sedem je na Tebu jurišale junakov sedem je svetih tajnah a i sedem vragov. Vu pesmi ima sedem nota sedem je dana vu tjednu a vu Rimu sedem bregov. Buda je sedem danov sedel pod svetom smokvom tera je imela sedem zrelih smokvi sedem mudracov govori o postanku svieta za sedem danov sedem je gladnih godina sedem je smrtnih griehov. Sedem je zviezda šest ih svietli, a sedma je črna i to zate kaj se oženila za krivoga čoveka smrtnoga Sizifa. Sedem je planeta za sudbinu ludskoga pokolienja... A kaj vi velite za sedmicu?

47

IVAN KUTNJAK Čakovec

Protivuletna II.

znovič bu toplo i sunca gda bu me hitilo jemput nutri vu grabu

znovič bu leto i zima sima a jezuš bode kralima trima

i jezuš bode kralima sima vu temu svetu kulko nas ima

znovič bu svet se po šeregu zidal jezuš bu znovič vu ropcu ridal

zopet bu cesar vivaldi i valdi bumo se zišli si štiri pri haldi

šereg - množina, grupa (metafor.), halda - velika rudnička hrpa zemlje, prenes.: humak, grob

48

IVAN KUTNJAK Čakovec

Protivuletna XII.

z paše smo komaj se dimo z dima smo komaj se mimo čez leso gda smo nešteči bilo je toga na pleči

jesem te ono sem imal v kapučeco zatekneno prvomo ratnomo pleno i oči i vusta sem limal

je, al' bila je zdavna za dunaja dokač je ravna mozla i vina ivina

z pepača delati klina se se zašuralo v šušu z mužikum potlam vu fušu

49

EVICA LAZAR Cestica

Duha jesianska

Duha jesianska kaj jea tua? Tua je topli veter keari miahku puše. Puše ud Dravea preti hosti. Čes pole kuruznih mlečicuf, jivu ukopane repe, zrialuga graha f kuruzi. Ud fčeara pukošenuga ataviča, na žerjafki peačenuga mlečica.

Duha jesianska kaj jea tua? Tua je zriala jabuka mušancika i teapka hruška na dvurišči. Gemaj na brajdi, težačka pugača na ugišči. Pud strehum simieje z vrta i suhe tikvine kuščice. Kalanka bistrica sliva, na frišku pubielene pivnice.

Duha jesianska kaj jea tua? Tua je jabučnica v brinki, jabučije v uctenki, zamočeni lagif z vuaduj, kuhana zapura zi suaduj. Uprana preaša i rodna gurica. Čučina juha, uduajčik, urehuva puvatica.

50

Duha jesianska kaj jea tua? Fala ti Bože. Fala ti Bože, tua je tua.

51

EVICA LAZAR Cestica

Sigdi

Pu travniku, kuruzišči, leadini, strnišči pu pluatu pu klajcu šumi i lazu, čez putoke i šikare, gmajne i mlake, umiajke i sloge pu zavrtji i vrti na mialu i prialogu prahi i gurici. Vliavle se kak zi škafa. Fini, druabni, riatki, guasti, mrzli.

Dešč.

Pu hiži, rolu, škiadju i pivnici, kualnici, kružjaku, pu pluatu i drvjaku. Pu škrlaku, kapi pluzi i sukji i mišu pre lukji. Mareli, na slamnatum kupu zdeli. Vliavle se kak zi škafa.

52

Fini, druabni, riatki, guasti, mrzli.

Dešč.

Pu klupici na briagu i kupu siana, rasušeni brinki i jabuki hrženki. Slivi drubnici, na jajci kusici, puranu Đuri i jiaguvu puri. Kravi, kuali, pu suaseduvimi vuali.

Prasici na paši, de kokuš se raši. Diteačji zibajki i mojimi petajki.

Spušča se. Pika, kaple, curi, zahlikuma curi, vliavle kak zi škafa. Fini, druabni, riatki, guasti, mrzli.

Dešč.

55

ĐURĐA LOVRENČIĆ Sveti Križ Začretje

www.?????.com

Kuljike pamtiju gerljice na krovu? Kuljike pamti metafulj jene pretuljeti? Gde zapisuje črljeni kod glava maka? Gdo hlavlja sečanja za nastavek puta? www.naj-pozabiti.com

Kuljike stare krove pamtiju nove generacije gerljic? Kuljike lanjske cviete pamtiju ljetešnji metafulji? Tere seme skrivlje sunce lanjskoga cvieta? E sme osposobljeni bilježiti sebe? www.nema-odgovora.com

Letiju pitanja kak gerljice, Kak metafulj, Zmed cvetja, Spram sunca. www.zgorelji-me.com

56

ZDENKA MALTAR Novi Marof

Črni metulji

(Dragutinu Domjaniću)

Porojeni z samine, gde se bršlen svil, sprhli su v tanec, iti, z kmice ziti vun,

spreluknale ih zviezde, mesec kaj se hmil, tak so zmožno šteli vloviti tief čun.

Fkanil jih je jogenj svetloču nudeč, zahliknula vunshajanja goreča luč, skončali su v jarku, osmojeni čuteč,

fkisli v blato, skaližno listje povehnuč.

Tmice v modrini, zadrvenele im joči, metuljasto drfčeč, tak v samini sami,

noroga li štenja, kak zleteti z noči, kreluti im šume, v jablani med nami.

57

ZDENKA MALTAR Novi Marof

Harcuvanju vični

Med nas su sklali duhu puščave, z črnih rok kojnski švic,

puntarske kriese su nojsili v jočjah, ne bilo moči pozabiti čemer z tieh lic.

I smrdeče su gujne prestirali na se, gotali rieči, korake vlekli črez noč, nevidljive vozde navek so držali,

vabila jih puščava, žugala vetra moč.

Harcuvanju vični, te divi lovasi, kaj so v prsnica skrivali puriflam,

niesu se vjavili, prešli su stiha, mi smo prignuli glave, čutili sram.

V kadeči zorji zgubil se trag, pod kopitah i zviezde se ruše,

med nas su sklali kojnski švic z rok i duhu puščave, puščavu nam v duše.

58

BISERKA MAREČIĆ Kašina

Šanse ni

Pocukni se z pepela, geni se z mrtvila, nikuoga nemreš fkaniti. Nemreš sat stati.

Vehnul je na pleča. Veter je tropil z vrati.

Igrajte mi svirci, najte stati, snuočka su mi došli snuočka su mi duošli čudni črni svati.

Se je napravil spuolu. A se kaj je trebal... Zosienčaš suonce i prejdeš na suončenu stranu živlejna... A ovak vetri mu buju rasporili vutrobu.

Sviet ga bu šibal, on bu šibal sviet i obadva buju imali žilke za naviek.

Al kaj češ, muoj glas je padobranček regmanta f uorkanu vremena f pruostuorju bezumlia.

Fundal bu me uorkan ak zozna, ziher bu me fundal ak mi glas raspuozna. Sveta šiba šiba sviet...

Šlobučka želiezje. Vidim same drievje i kamiejne.

Znamiejne.

I zate duojdi stiha i priberi mi lasi da ne splašiš lastiča kaj f njih spi (kaj naj ne sprhne) Duojdi stiha ili rajše naj opče duojti

Friške ofrajhana kukuriezne žuota miglala mu se f krile z kuota.

Kak mi zgledi za me ni tu šanse ni.

59

BISERKA MAREČIĆ Kašina

Zlatepersta brez persta

Ganjk je zgledel duog. Prešel ga je f tri kuoraka.

Ni mu bile do ničesa I baš ga je bolela ona stvar za se i sakuoga. Ma kakva pruoza, ma kakva poetika...

Mučili su ga vuklinki f trsju. Mučil ga je vuklinek f živlejnu. Sliepa vulica.

Rekli su da f Jadranu hara alga smerti. očaril je afte onak male zvišega. Bile mu je sega dosti.

Ali rodil se je. Alea iacta est. Kuocka je hičena. F muorje. Met muorske pese.

Tam gde je i zlatepersta ostala brez persta.

Kuocka je hičena. čorava, čuklava sudbina...

60

BISERKA MAREČIĆ Kašina

Kam su prešle sive grlice

Iščem obične sasma obične sive grlice.

Kam su prešle, kam su netraguom nestale. Jel im zrnevle bile zatruovane zaorane sprebrazdane il su senak bile f pitajnu stare rane, grlice mi znane, grlice neznane.

Zduošle su se duhe, zlauta i tamjani, morti su ih prešle iskati ili su pozabile prhati dok su luofci strielali.

Morti sme jih f računala zaprli.

Kam su prešle, kam su netraguom nestale sasma obične sive grlice.

Kam met tulikemi zemlami z internetom sprekrižani da ih ni muoči najti.

Spozabili sme praf za praf iskati spozabili sme biti mali al senak tak veliki met zviezdami.

Sme ih sprestrašili. Snizil se bum na svoju pravu meru i pem jih iskati.

Same ak več ni prekesne...

61

BISERKA MAREČIĆ Kašina

Zdilitani človek

G luhi su zidi čkomine. Pak praf za praf i ne muora me nigduo čuti. Pa kaj.

Tihotapim zmet velikemi na stricanuomu ruobu sveg apšisanuoga zastuora prileplen na marginu svetckieh scen pretstavlajna. Tu sem ionak... incognito.

Ja - mali čvrčkavi čvrček, Buožji šlaprček tekar bruoj teri riše i piše sluova sveg živlejna na papier potrplejna. Same človek.

E muoji veliki mertvi i živi pesniki takve konkurencije se ni treba buojati. Morete zmirom otdehnuti.

Pak kaj bi ja mali papieruoluog i imel met vami iskati. Al dejte i mene pravicu do senjanja.

Jer rieči mi se guliju z duše kak kuora z rasta i raskrivleju kapilare mojega sna. Zaprl bi oluofku f krlietku al ona bi pisala i po gitrami rešta. Ne trebam je ni ja. Gluhi su zidi čkomine.

Črez čkominu rieč kaple kap po kap met bruojke na mojemu stuolu. Čkomina. A oluofka piše nevideče, črte nerazmeče, hieroglife, riše puzzle teremi za naviek faliju komačeci ljutckoga.

62

Sfinga. Ili ja. Ja. ili Sfinga. Kakva je razlika. I cvok cvok cvokota sveker je hmuoril kokuota...

Na zbagieranuomu LCD zasluonu fotoaparata ni slikice ni črknjice... Čutim met riečmi presipavlajne.

Pesem išče puota dole... a ja iščem sebe. Al, negduo je stisnul - Delete...

63

BISERKA MAREČIĆ Kašina

Pravokutna popiefka

Dan mu je bil... Mrak Film. Zakelil se je za šank.

Ruknul bi još jen gimišt. Ali advocatus diaboli za šankom je rekel -Dosti! Nemre več. Niesi platil ni one ot ščera.

Taman je našpulal jezik da mu otbrusi. Špula se spoplela, a on je najempuot pak bil persuona non grata. Persti su drftali. Nota bene, negda su vriedeli zlata.

Negda. Negda gda još naviek f negve glave ni zvonel zvuon svuoj svakdašnji ton-ton-toaa-an-tauu-un ton-ton-ton...

Bieli su miši nahrdavali ogriske nečesa i ničesa. Zošvindlana realnuost kak da je za tiem šankem male šenula. Bil je maruot. Držal se je još same za truli druot.

I se je bila same pravokutna pruoza nalievajna i zlievajna za pravokutniem šankem živlejna, ogrizek ruška, ogrizek jabuka fasada, gruba žbuka, kuka-halabuka.

Pravokutna popiefka. Kvrgava. Pikava. Praf za praf čista gruoza-viruoza. Zahaklal je škrlak na hakl vremena.

64

Z podrtuoga cipeliša nagledat se zaštuopani štumf velikuoga svetckuoga rajzera.

Spuot strohe sprhnula je čista biela gugutka splašena, razgnieždžena, brez staništa...

Ni ostale ničesa. Nikuoga. Zišel je na svetle dana. Negduo je rekel -ecce homo- gleč, evo čoveka...

65

ANA RUŽA PAVEK Zagreb

Se san svoje pjesme v goro poslala

Se san svoje pjesme v goro poslala

V gore je izvor s črno mahovino pukrit i iz njega reči žive zvirjejo

V gore je tica i visoko zgora med oblakime glase nikad još čute kanta

V gore je jama duboko pod zemljo i patuljke zdola reči nikad još napisane zmišljevajo

Se san svoje pjesme v goro poslala

Da najdejo izvor s črno mahovino pukrit i tico visoko zgora med oblakime i jamo duboko pod zemljo

66

I da mi izvor reči žive i tica glase nikad još čute i patuljke reči nikad još napisane posodijo...

67

STANISLAV PETROVIĆ Čakovec

oblaki

potujete ruomari gromačasti lipicaneri bieli

čudovite ladje pernati pozoji ovčice drobne plašlive

sončni smetjaki spoduobe človeka

ruomnarske steze suoze biešene samotjaki

črni i bieli sivi pobegli jeleni plašlivi goropadni vukodlak! tolvaji divjaki znoreli

hudogledi z mavricom v dlaki

kak košute paseju mirno spiju pesi

mladci na ceckaj visiju

hvečer kak črleni vajkuši na sonca skrajcu

glavu držiju

oblaki hmajaki negda vu običnoj mlaki

zaspiju

68

STANISLAV PETROVIĆ Čakovec

človek žuhko

živlenje kak listje na vietru kak zbliedeli vieš z molcojedinami

otpadaju ljudi sagdajno

a diete kak želna se svetost na noge postavi

unda kak ruomar po svietu išče

delo človeka veru z riečima moli i kuone i vara

na ista vusta

piše knige sadi cvietje riše zdiže oltare

i za vrat grabi kak zobmi z istimi rokami

človek kak je tuo čudapuot čuti

žuhko

a tak rietko sprehaja se guola venera spred sonca

69

DARKO RAŠKAJ JALŠOVEC Lobor

Sele a nie sele

Vražji stric kupinje suha trava suhe sljivje ake na hižu vahtaju zdavna več h šporhetu nieki je hgasil žeravku

Gacija trnje koprivlje šipkova ruoža trnje ak okuolji hiže spleteju se zamrlu Trnoruožicu h selu niti souve več ne oblječeju

Touča dežđ debelji joževski fuci zapuhi vetri divlji ruondači po cielem selu haraju pokojnikem ne smetaju

Pred raspelem na križanju nieki je ostavil sviječu vužgatu a Isusek glavu nagnul je sele je tu a nie sele čovek je bil tu a de ve je?

70

TOMISLAV RIBIĆ Varaždin

Nemir broj 7

nemiri curiju črez tvoje rečenice obešene vu zraku oblečene vu sivo vu nekom rastrojstvu gda si pokušala zalečiti rane blagim rečima i gda si iskala ime z kojim bi nazvala nežnost a stišala si sam glase kaj su se rojili vu tebi i mamili noč hrapavu kak lan šepetala bi mi bajku o vodenduhu i sireni o otoku vu toplem morju gdi se ostvaruju senje čutila si da ti noč mrzlim dodirima ljubi telo i tvoja koža napetih možganov soba tesna, črno-beli film v vanzahajanju z platna kina park postaje premala za nas obloki se topiju, zidi pomakivaju se okoli tebe postaje plin nebo curi polahko vu postelo

71

pod debelim naborima noči najdeš se vu jezeru rastoplenih misli bleda i tiha razmeš sam jezik riba koje ti šepetaju o dalkim zvezdama i ribočuvaru a tvoje suze postajeju biseri koje vodenduh skivle vu nemirne školke

72

TOMISLAV RIBIĆ Varaždin

Popevka o prokšenosti

tri su bahornice vu megli stale Črnome su jajca prale smejale se, cecke kazale mladog gizdelina mamile coprale spod raskolenog križa naj zgori saka druga hiža zazivale konec sveta opči potop za konec protuletja tri su bahornice črne, kudrave kak kmice, kak zamusikane ciganice popevale popevku himbenu, jezljivu: hudi nese pradu, naj se ide k vragu gizdelinček, kokotiček poždri samega sebe naj ne ostane nič od tebe

čul je glas Črnega vu kmici gda su ga odpirali na stolu troglavi pesi poždrli su se kaj jim je bilo na volu mozek, srce, jetra, videl je lunu na obloku kak se vesi i Črnega kak se kesi tri bahornice kak ščiju po križu like nekšne kaj je mislil da ih zna smejali su se, naganjali goli i pijani koze plodili pak ih klali

73

pred saku hižu donesli su obest, beli prah i alkohol i odleteli vu noč na krilima mladih dekli kak netopiri pri hiži su ih čekale žene vu zlatnimi sobami zagrnute pavkovim mrežami

74

NADA RUKAV-BOGOJEVIĆ Varaždin

Megleni tronuš

Zmed neba i zemle, po zatrajbanom vremenu, viseča se pavučina verti. Podrapana mladost cvili i žaluje, kak brez obeda ostavleni pes. Klupke mušic okoli ternovitoga germa, vu šteromu zgubeča kriesnica dogorieva, svoj tanec spelava. Čez skosmanu gustu meglinu nakinđeni se tronuš zible.

Lačna se kača na megleni tronuš spinja i rastancane mušice z leplivim jezikom lovi.

77

SLAVICA SARKOTIĆ Lekenik

Gliblina vremena

Sem vre pozabila gda sem napisala zajnu pesmu o vremenu Puno je odunda več prešlo Vremena

A i ta je pesmica bila kak bi to babica rekla na našemu lepomu, gospockemu jeziku Napisana

Kaj se čoveku čini da o tak nečemu važnemu i glibokemu kak je vreme i ne moči na vem našem kajkavskem Pisati

Kaj ti je to nekaj tak gliboko i pregliboko To z vremenom Zato kaj je vse zbog vremena i po vremenu i kaj ga nigdar ni Dosti

Zato kaj si nekteri misle i navek su si mislili da je of naš kajkavski jezik samo za obične, smešne reči Stvoren Kak na primer grintavec, zmotanec, norc, zarulenec, frkafulec

78

Em se to zbilam na gospocki jezik prevesti Nemre

Se je to lepo i praf povedano ali z tem gospockem jezikom nekak nemrem čez drobec vremena Pregledati

Mene baš taj moj kaj pela f gliblinu do kuvač i do grovač do gumene opanjkof do stepenic i snovač i do druge reči tere se mejne ljudi zna i tere budu z nami Vmrle

Pa kad se negda zavjenem da si o zajnem času spremišlam se pitam: Bogek moj, Bogek dragi gda dojdeš po me i gda moje vreme popolnoma scuri

Buš li mi rekel: Dođi idemo! Ili buš rekel: Ojdi, dete z menum vu raj, ne vu pekel

grintavec – kržljavac, slabić, zarulenec – rumen, priprost čovjek, frkafulec – balavac, derište, snovača – naprava kojom se snuje konac za tkanje, grovača – drvena zdjela za brašno, stepica – drvena posuda s poklopcem u kojoj se tuče vrhnje kako bi se dobio maslac

79

ŽELJKA SKLEDAR Zaprešić

Korači

Korači, Nu, de korači. Živlenje megleno, spremrženo. Koračiti je treba.

Mrzlu kaču ščapiti. Mrzlu kaču vubiti. Mrzlu kaču van hititi.

Korači, Nu, de korači. Živlenje zeskubeno, oklojbano. Koračiti je treba.

Kaj se zastanavlaš? Kaj se spremišlavaš? Kaj spelavaš?

Korači, Nu, de korači. Morti zijde na dobro. Koračiti je treba.

ščapiti – uhvatiti, zastanoviti – zaustaviti, zeskuben – očupan, oklojban – ogoljen

80

VALENTINA ŠINJORI Presečno

Moji srčeko medenaki

Z male kuharice vu verzima pod imenom Kuharica, malo zbori da ti kolač ne zagori

Dve deci meda pretočiš v posudu i deneš na šporet Na ogenj mlačni (čutiš čmele majčinu dušicu lavandu kostanj bezgu gaciju metvicu sonce je sebe dehnulo v cvet)

Osem žlic cukorja, braun, od trske, ne drobnoga (zible se trska popevleju robi deni su scepani dlani su zrezani betve trstike senje zarobile muži popevleju potni pleča se svetliju bezglavni tiči šake i prsti za njimi ostajeju)

Četiri jajca, jeno po jeno primešaj (z toploga gnezdva kokošinskoga skritoga vu parmi tam smo se skrivali tam se kušuvali i lasi i seno šakami grabili) Se pomalem premešaj z kuhaču drvenu dok se ne restopi i fejst farbu potamni do glanca

81

Z ognja vmekni pak dodaj:

Deci volja sunčaničinoga ili sojinoga sejeno je (cvet šteri soncu se obrača sonce je v cvet sebe preslikalo esenciju lepotu masnu scedilo) cimeta, naribati koricu dve žličke (Cejlon? Kitaj? Indija? Dalka je zemla Asia pazi! neje cimet za nervčike) žličku sode bikarbone (kamen rahlo zemla zrak) i na koncu dvanajst deci mele črne (Žito. Raž. Tritikal. Ječem. Šenica. Koruza. Ženji. Drešaj. Čisti. Toči. Presipli. Presej.) Se zamesiš – roka šaka boleti mora se do lakta preobračaš točeš vlečeš prst debelo

82

Z kupicu okruglu zrežeš na saki žličku pekmuza il marmelade deneš (višja, črešja, marelica, sliva, jagoda) dva i dva skup prikeliš srce modlicu zemeš pak još jemput ftisneš

Pečeš

Širom obloke rezmekneš Da se duha sebi vrne Trava travi cvetu cvet voče voču sonce soncu I se skupa zmesno v svet Ohladiš

Zgora ih v čokoladu reztopljenu zamočiš (mahunu kakaovca žena je asteška kuhala saki den mužu za afrodizijak, detetu za lefki sen) I posušiš

Nota bene: Moraš vole dobre biti gda ih delaš I nesmeš imeti ženskoga betega I moraš si stiha popevati Najbolše predvečer, je li, Poklem plahti opranih vanjkušof zluftanih kušlecof i Dežđa nagloga

83

Baš su ti dobri ti medenaki I napujeni su z pekmuzom Fiinoo Ostavi meni još jenoga Doneseš mi recept Mi napišeš Meni nikak tak da zideju!

84

VALENTINA ŠINJORI Presečno

Orionova zakletva

Onakvi den: svet je znova Rojen bil Ali z vetra? Na akordi? Reči, ali znova Z reči? Kaj je zapraf prvo bilo?

Spoda voda nebo zgora Gore visoko trdo doli sonce zvezde mesec kam sami nemir sami plam. Asfalti zalejali nasipe Ftiče stebla šume Perje zemla gotala je Nasukala se v pesku grana Smolu kapal plakal bor Prizivali smo protuletje Savršeno se zapraf: Posušene brusnice Duha Kanade Amerike Poslušala se Edit Piaf Kozmopoliti v hrvacki zabiti.

85

Onda: Pak početek Pondelek zgublen z svoje biti Niti teški niti jaj svet je dihal kocal z nami bili jesmo njegvo bilo bili jesmo srce sveta reči gotile se sobom same Nove su pesme prhale Došlo mi je nekak milo:

Nove su pesme zletale Nove su pesme sebi se čudile Kuliko su fletne bile i vriskal kaj sponova se rimal z raj.

Pak su zaprli nas v terarij Gujice kačice Mučkine Zmijice Koli cvetja vodenoga puzi plazi plavaj Detinje oko prislonjeno v steklo Širilo se rascvetalo v glavi film je nemi bil: Srndač zajec veper čeka Drva svijaju se pod pogledom Na koleni zver je saka

86

Znova kmica: Fpregnuti vu Mala kola vrtel se je planetarij

Tek vu kmici sama jesam Ja na svoje komaj došla sa od zvezdah od glibinah Šepčem šepčem šepčem Orionovu zakletvu Kak molitvu.

87

ŽELJKO ŠTEFAN Varaždin

Ora pro nobis

Kava sobotnjega jutra, lovim kruge kaj jih Sunce meče (rišem brke) po novina, prelistavam reklam-letke...

Z radija glas lasi mi kostrieši: ''Porast pada stope rasta...'' Naslovi se bedastieši! Koža pecka me od frasta.

... vešmašine, mobiteli, WC školjke, četke...

Vun! Nemrem ostat nutra! Ruke, noge, glava mi otieče, zaprt tu sam kak živina! Znovič čitam iste retke.

''... u potresu, ...bez kočenja, ...ispalio metke...''

Sitniš v žepu, ciferšljus po putu, ''Jeger z ledom i z limunom vodu! Thanks!'' Žufki okus cedi se po gutu, Dim kak preja, SMS vu hodu.

Klipič (kruliju mi črieva) na klupe pri Grguru; biciklin ciganica rieva, z cierkve meša vu D-duru:

88

''Vratite se na pravi put, ostavite imetke!''

Igra farbi pod sunčanu vuru - ljubičasta vušla je vitraju ... Prelievaju se, vure cure, traju ... pod zidom pri Grguru.

Zvira, teče žitka ljudska rieka, miešaju se glasi, zlejani v grubu ariju:

''Aj, bok!'' ''Sorry!'' ''Čujemo se!?'' ''Vidimo se zutra!''

Nište nikoga ne čeka! Milosti pun veter - v grane zapletava Ave Mariju.

89

NEVENKA VIDEK Zagreb

Hodim čez pole

Hodim čez pole. Sonce smejoče razprlo lalovke na brege brez snega sredi zime... (nisu zime kaj so negda bile) zemla vubita muči. Sredi neba oblački kakti mozli lukaju navzdol gde dehneju skurjene rozge v goricah, fuflavi gde tiči grajaju čez njive, nori i pijani. V dvoriščih čubiju kamijoni, črleni traktorji, mercedesi zlickani. Počivle si človek v nedelni dan i na pet kilometrov nigde se ni pes ne pocukne. Gde su, spitavlem se, gde zdaj spiju kmeti spuntani, muži zbantuvani ki s kosami, roglami i koli, rasfucani i goli iskali su pravicu od Stubice do Zabrega, i stoletja potlam spreganjali Tahije i tate čez Savo, čez Dravo i dale ?... (pak su jim i kipe vrgli v muzej!) Čez pole hodim, gde od zdavnaj pod krvavom zemlinom skorjum v draču sprhli žitek v črvini s koščem čkomi, veter zgorec tišinu v zdehe obrača, sredi zime sunce piče kak kača i grize zmržnjenimi zubmi. Čez senokoše i njive friško zrasli, kinčasti dičiju se šoping centri i dok si megnul, skladišča, avtomobilski štacuni, vijaduktove baze, kupi šudra, smetišča maršerajo čez parcele (na terih ne bu več cvetja, ne tiča, ne čele).

90

S pola i dola hitro, bez vole Bože, med Ijuctvo i rože fletno koraka napredek, zcementerano živlenje stopram kipi. I nišče se več baš nikaj ne toži, ne buni.

Gda zemla itak od vekomaj v tožbalki čaka, i zakaj bi....?

91

DAVORKA VIDOVIĆ – LIPLJIN Varaždin

Zapis o Isadori ceramic power ženi... koja nestaja

Vu sablasnomu burgu na kraju pozablenoga baroknoga varaša stanuvala je jejna vstreptala tenja. Z nepodnašanjom rezdirjana, neprifčena, othičena, v mozgu poremečena i vdilj prokletoga trplenja morti samo centimeter ili dva, v beli se je gajbi pomekavala na mestu papkajoč z povezom prek zelenih očeh. Godota čekajoč z poznanjem o nedohajanju. Polek zadovolstva čekajoč, bedastoči v spomen. Na kipcu jednoga jedinoga obloka vsamlena svetlost kristalnoga dneva se je zrcalela, i vu nji tenja pisanih špancirerov i pogdagda kak gešenk je čez njega pogledala i rekla najdrakšemu prijatelu: "Katayaku, pogleč! To je samo minijatura sveta vugel nekakšnoga varlivoga vufanja samo... jena črka, tak malo ljudih, tak malo tenjah, kak je lepo sam sedeti, i od seh črnih kontitentov lučeni biti čak i od žalosti." Kak je lepo sam v reštu kmice sedeti z črnimi lanci okovani, na dno jame zahičeni, vuz jedinu muziku opajajoče tirkizne duhe otkucajov z dalekoga turna.

92

O, kak je lepo vse ljude odhititi, lažlive misli, žufka čučenja... osim one zdavnašnje želje smrti objemanja. Lepo je, tak je lepo nestajati! Zarobiti se jedino z mučanjom... fkrotiti ga! Othititi vse kaj je balast, A balast je zapraf vse... i hoditi sam kak gladni tiger... v totalni... totalni kmici.

93

DAVORKA VIDOVIĆ – LIPLJIN Varaždin

Portret Isadore ceramic power žene koja nestaja

Rezbita plesniva škatula i bol za nepodnesti trga moje telo na dva nejednake dele povampirena z scenami z hostela znam još z norostjum prekrita dotikavati kmične trage miluvanjih... ... besprekorno kak i navek, a ve mučim kak drevo, ne smejem se danu, i noč mi žmefko dojde restrgati još malo mene prava je tentacija stalnosti časa vu kojemu se sam slepci znajti znaju z jakostjum lilastoga dotikanja, ona krvava Isadora sedi na dnu himmelovske škatule dobrovolno zverižena z novom vizijom čistoče v jejni roki nema topline samo mučeče črke i pozablanje meglenih beleh predelov, sam sneg na vrhu planine F. Štrajfana z pogledom bivšega šoca na nogah vidim kak raste te kmični lanec, kak divje meso i opkivle me kak jeziva plima a duha algah vezda samo dalka, črna senja postaja. Š črnimi klešči objeta v buncanju je čula samu sebe kak mu pripovesti o tirkizni sreči pripoveda. Pak nove i nove laži v trepčočemu norijanju jejnoga uma više neje bilo mesta niti za koga. Čak niti za bol. Vezda više ne. Ne.

tentacija – napast, izazov, stalnost – čvrstoća, nepokolebljivost, zveriženi – okovan, sapet, črka – slovo, grafem, šoc – ljubavnik, dojebnik, divje meso – tumor, novotvorina

9 7 8 9 5 3 6 5 4 0 3 2 7