Upload
dangnhan
View
230
Download
7
Embed Size (px)
Citation preview
David Walliams
Vondafrænkan
Teikningar eftir Tony Ross
Guðni Kolbeinsson þýddi
Vonda frænkan
Texti: © David Walliams 2014Myndskreytingar og kápa: © Tony Ross 2014
Grafísk vinnsla á nafni höfundar á kápu © Quentin Blake 2014
Útgefandi: BókafélagiðBókafélagið er hluti af BF-útgáfu ehf.
Reykjavík 2016
David Walliams og Tony Ross áskilja sér siðferðislegan rétt til að teljast höfundur/myndskreytir þessarar bókar.
Prentað í SvíþjóðÞýðing: Guðni Kolbeinsson
Bókin heitir á frummálinu Awful Auntie og kom fyrst út hjábarnabókaarmi HarperCollins-útgáfunnar árið 2014 í Bretlandi.
Bók þessa má eigi afrita með neinum hætti, svo sem ljósmyndun, prentun, hljóðritun eða á annan sambærilegan hátt, að hluta eða í heild,
án skriflegs leyfis höfundar. Þó má birta tilvitnanir í ritdómum um bókina.
ISBN 978-9935-486-05-9
Handa Mayu, Elise og Mitch
Þetta er Saxby-setrið þar sem sagan okkar gerist.
Hér sjáum
við inn í
Saxby-setrið.
Hér er kort af húsinu og lóðinni.
.
GRÓÐURHÚS
HLIÐ
SAXBY-SETRIÐ
TJÖRN
BÍLSKÚR
MÚRVEGGUR
HEIMREIÐ
15
Formáli
Átt þú vonda frænku? Frænku sem leyfir þér aldrei
að vaka fram eftir og horfa á uppáhaldsþáttinn þinn
í sjónvarpinu? Eða frænku sem lætur þig klára hverja
einustu örðu af ógeðslegum rabarbaragraut, þótt
hún viti alveg að þér finnst rabarbari vondur? Kyssir
frænka þín kannski hundinn sinn rembingskoss og kys-
sir þig svo líka rembingskoss strax á eftir? Eða borðar
frænka þín alla bestu molana úr kassanum og skilur
bara eftir skelfilega mola með líkjör í? Heimtar hún
kannski að þú sért í ljótu peysunni sem hún prjónaði á
þig fyrir jólin og þig klæjar svo skelfilega undan? Þessa
sem stendur á með stórum, fjólubláum stöfum: Ég elska
frænku?
En hversu vond sem frænka þín er kemst hún aldrei
í hálfkvisti við Albertu frænku.
Alberta frænka er hræðilegasta og versta frænka
sem til hefur verið.
Langar þig að hitta hana?
Já, mér datt í hug að þig langaði til þess.
Hér er hún í öllum sínum hryllilega hryllingi.
Bæjaralands- fjallugla
Tvídjakki
Þykkur leðurhanski
Pokabuxur
Klossar með stáltá
Veiðimannahúfa
Rautt hár
Pípa
Ugluhálsmen
Sífellt urr
Hvöss, svört augu
Einglyrni
Fer vel um þig? Þá byrja ég …
Hér eru aðrar persónur í sögunni …
Hin ungalafði Stella Saxby.
Þetta er Sót.Hann er sótari.
Wagner er fjallugla frá Bæjaralandi.
Forni er eldgamall bryti á Saxby-setrinu.
Strausser lögreglumaður.
I
Frost
Það var allt í móðu.
Fyrst voru bara litir.
Svo komu línur.
Smám saman fór Stella að sjá allt skýrar og að lokum
tók herbergið á sig sína kunnuglegu mynd.
Stúlkan litla áttaði sig á að hún lá í rúminu sínu.
Her bergið hennar var bara eitt af fjölmörgum á stóra
sveitasetrinu. Hægra megin við hana var fataskápurinn
og vinstra megin lítið
snyrtiborð undir
stórum glugga.
Stella þekkti her-
bergið sitt eins og
lófann á sér.
Vonda frænkan
22
Hún hafði alltaf átt heima á Saxby-setrinu. En á
þessari stundu var samt allt eitthvað svo skrítið.
Ekkert hljóð heyrðist að utan. Það hafði aldrei fyrr
verið svona þögult í húsinu. Allt var hljótt. Stella sneri
höfðinu og leit út um gluggann.
Allt var hvítt. Þykkur snjór lá yfir öllu. Hann þakti
allt sem sást – stóra grasflötina, stóra og djúpa tjörn-
ina og engin fyrir utan múrvegginn. Grýlukerti héngu
í trjágreinunum. Allt var gaddfreðið.
Frost
23
Sólin sást hvergi. Himinninn var gráfölur. Það
var eins og ekki væri nótt en ekki heldur dagur. Var
morgunn eða kvöld? Litla stúlkan hafði ekki hugmynd
um það.
Stellu fannst hún hafa sofið í óratíma. Voru það
dagar? Mánuðir? Ár? Hún var skraufþurr í munninum
og líkaminn þungur sem blý. Og hún lá grafkyrr eins
og stytta.
Vonda frænkan
24
Eitt andartak hélt Stella að hún væri sofandi og þetta
væri bara draumur. Hana væri að dreyma að hún væri
vakandi í herberginu sínu. Hana hafði dreymt þannig
áður og það var skelfilegur draumur því að sama hvað
hún reyndi þá gat hún ekki hreyft sig. Var þetta sama
martröðin aftur? Eða eitthvað enn skuggalegra?
Hún ákvað að gá hvort hún væri vakandi eða sof-
andi með því að reyna að hreyfa sig. Hún byrjaði á að
reyna að hreyfa litlu tána á öðrum fætinum. Ef hún
væri vakandi og hugsaði um að hreyfa litlu tána hlyti
táin að hreyfast. En hvernig sem hún reyndi að kreppa
tána eða teygja úr henni þá haggaðist hún ekki. Hún
reyndi að hreyfa hverja einustu tá á vinstri fætinum
og svo hverja einustu tá á þeim hægri. En hver á fætur
annarri neitaði að gera nokkurn
skapaðan hlut. Óttinn fór
að ná tökum á henni og
hún reyndi að hreyfa
ökklana, teygja úr fót-
unum, beygja hnén og að
Frost
25
lokum reyndi hún eins og hún mögulega gat að lyfta
handleggjunum. En hún gat ekkert gert. Það var eins
og hún hefði verið grafin í sand upp að hálsi.
Skyndilega heyrði Stella hljóð fyrir utan dyrnar
hjá sér. Húsið var nokkurra alda gamalt og þar höfðu
margar kynslóðir af Saxby-ættinni átt heima. Það var
svo gamalt að þar brakaði í öllu og svo stórt að hvert
hljóð bergmálaði um nánast endalaust völundarhús af
göngum. Stundum hélt Stella að það væri reimt í hús-
inu. Að einhver vofa færi um húsið á nóttunni. Þegar
hún fór að sofa fannst henni hún heyra einhvern eða
eitthvað hreyfa sig hinum megin við herbergisveggina.
Þá þaut hún skelfingu lostin inn í herbergi mömmu
sinnar og pabba og skreið upp í hjá þeim. Foreldrar
hennar héldu þá þétt utan um hana og sögðu henni að
hafa með neinar áhyggjur. Öll þessi skrítnu hljóð væru
bara glamur í rörum og brak í gólfborðum.
Stella var engan veginn viss.
Augu hennar hvörfluðu í áttina að eikarhurðinni
fyrir herberginu. Í mittishæð á hurðinni var skráargat
Vonda frænkan
26
þótt hún hefði aldrei læst dyrunum hjá sér og myndi
ekki einu sinni hvar lykillinn var. Sennilega hafði
einhver langa-langa-langaafi hennar eða -amma týnt
lyklinum fyrir hundrað árum. Einhver af þessum lá-
vörðum af Saxby eða konunum þeirra sem mátti sjá
á myndunum sem héngu á gangaveggjunum; olíumál-
verk af grafalvarlegu fólki, ekki nokkur manneskja
með bros á vör.
Einhver hreyfing var hinum megin
við hurðina og litlu stúlkunni fannst
hún sjá hvítuna í auga sem starði á
hana gegnum skráargatið en hvarf svo
skyndilega.
„Mamma? Ert þetta þú?“ hrópaði Stella. Og þegar
hún heyrði sína eigin rödd vissi hún að þetta var ekki
neinn draumur.
Á ganginum fyrir framan ríkti grafarþögn.
Stella hleypti í sig kjarki til að taka aftur til máls.
„Hver er þar?“ spurði hún. „Segðu mér það.“ Það
brakaði í gólffjölunum. Einhver eða eitthvað hafði
Frost
27
verið að njósna um hana gegnum skráargatið.
Hurðarhúnninn hreyfðist og dyrnar voru opnaðar
hægt og varlega. Það var dimmt í herberginu en bjart
frammi á ganginum svo að fyrst sá Stella bara skugga.
Vonda frænkan
28
Þetta var skuggi af einhverju tvennu sem var álíka
hátt og það var breitt. Og þótt þetta væri hvorttveggja
breitt var það ekki mjög hátt. Annað var manneskja
í klæðskerasaumuðum jakka og pokabuxum (svona
eins og golfleikarar eru stundum í). Hún var með der-
húfu á höfði og eyrnaskjólin flöksuðust til og frá. Hún
var með langa og svera reykjarpípu í munninum og
brátt fyllti súr tóbaksreykur herbergið. Hún var með
þykkan leðurhanska á annarri hendinni. Á hanskanum
mátti greinilega sjá útlínur uglu.
Stella vissi strax hver þetta var. Þetta var vonda
frænkan hennar, hún Alberta.
„Jæja, ertu loksins vöknuð, stelpa?“ sagði Alberta
frænka. Rödd hennar var drynjandi og djúp. Hún
gekk nú inn í herbergið og það glumdi í þegar stóru
klossarnir hennar með stáltánni skullu á gólfinu.
Í rökkurskímunni sá Stella þykk tvídfötin og lang ar,
hvassar klær sem uglan vafði utan um leður hanskann.
Þetta var stór fjallugla frá Bæjaralandi, stærsta uglu-
tegund sem til er. Í þorpum í Bæjaralandi voru þær
Frost
29
Vonda frænkan
kallaðar „fljúgandi birnir“ vegna þess hvað þær voru
hrikalega stórar. Uglan hét Wagner. Það var óvenjulegt
nafn á óvenjulegu gæludýri en Alberta frænka var líka
mjög óvenjuleg manneskja.
„Hvað er ég búin að sofa lengi?“ spurði Stella.
Alberta frænka sogaði að sér pípureykinn og brosti.
„Ó, bara nokkra mánuði, væna mín.“