ESKU-HARTZE DIDAKTIKORAKO PRINTZIPIOAK Gelan elkarren arteko
ulermena, mundua, errealitatea, norberaren burua
eta besteak ulertzea bilatuko duen bizimodua lortu nahi
dugu.
Xedea mundu erreala ikertzeko eta miatzeko ibilbideak
planifikatzea da. Ibilbide horretan proiektua izango da
ardatza.
Ikasgaiak ulermen hori lortzen lagunduko diguten tresna gisa
erabiliko ditugu. Horretarako ekintzaz, irudikapenaz,
elkarrizketaz…baliatuko gara.
Gelan gai ezberdinak agertzen dira, ikasleek galderak
planteatzen dituzte, gai batzuen inguruan jakin-minak agertuko
dira, gai hoien planteamenduetan hipotesi ezberdinak agertuko dira.
Gure erronka, guzti horiei erantzuna ematea da.
Testuinguru honek lotura dauka funtzionaltasunarekin ere. Egiten
dugunak arrazoi bat dauka. Galderak egiten dizkiogu gure buruari,
eta horientzako erantzuna bilatuko dugu. Galdera horiek ez dituzte
helduek egingo,umeek baizik. Galdera horiek beti daukate helburu
bat, mundua, besteak eta gu- geu ezagutzeko eta ulertzeko nahiak
eragindako kezka bat.
Erantzun behar ditugun galdera horien arabera ezagutza batzuk
edo beste batzuk agertuko dira.
