Etj spöud mie aul langsomm.....

Jedichta

von Tatjana Klassner

Bilda von Josef Klassner

Meat eene CD

Bielefeld 2013

Üt Bläda saumele sijch Betja

Timm louta vebreane eam Fija

etj saumel, wiel’s etj sie een Setja

ne daut, waut fem Hoat eas söu dija

Mien Lewe, aus ne stroulende Retsch, waut mie drajcht meat

earen Ströum. Seand deepe meat reinet Wouta meat jlitje,

straume Eewasch, Floße voll meat Feasch. Seand ok tliene

Retschtjes, wu de Ströum afens te seene eas, vewosse meat

Röuwa en Woutagraus. Doa seand de Poage, Moschtjes, en te

latzt vefealt se ean een Moa, oda Somf. Ouba beid woare se

jenant- ne Retsch en stroule oppe Ed. Meate Joare woat daut

Wouta breeda, ruhja. See ritt aul teenen vonne Been, ditt

Wouta eas derchjewoamt. Söu vehl wieda vonne Tjwal, söu

vehl langsoma, jedoldja. See moakt sijch oup verre gottliche

Netü en vewaust sijch ean een Gaunzet. Von hie, nijch wiet,

schehlt see eam een uneantlichja Ozeoun, wu sijch ditt Wouta

vemescht en brinjt ea oppoatet, besondret neana eam

Woutaleewe. Daut’s de woame Stroul, waut sijch söu onjiren

mescht meat koaldet Wouta. Ditt Boarmwouta ütte Ed, es aus

onnse Uhellre, wu wie daut Wouta nehme. Eam Boarmwouta

schiene sijch ok de Stierentjes vom Himmel auf, wann se ok

seeja huch seand von unje, söu woare ok onnse Gröuttjinja

ean onns sijch aufschiene. De Eewichtjeetstjed veklaumat aule

Tjedtjes eam Schnöuwa. Ditt eas de menschlichje Ouda, waut

darscht nem Lewe, ditt’s Gott sien Mechanissmuss

Waut’s mien Lewe…

Dee Mensch, waut meent hee aules weet- eas wiet vom kluke!

Dee Mensch, waut meent hee aules kaun - eas wiet vom tjeane!

Dee Mensch, waut meent hee aules deit - deit goa nuscht döune!

Dee Mensch, waut meent hee eas onns needich - eas wertlich needich!

Hee eas eenfach doa, te Tiet, ohne Jered, ohne opp sijch te wiese.

Seand ok söune, ok söune, ouba daut seand aules Mensche.

***

Etj fiel aune Tatjste

aus een Bilthauwa Steena,

en mohl meate Wed,

aus en Künstla meat Foaw.

Bechewel de Reje,

jeweas jeftitt ok Schpeena,

söu redt dearche Seel

miene tjwelende Noaw.

Etj ha söune Tiede,

wu hindat böult eena,

(en töum Enj, daut Jeleatj,

waut vom schriewe etj oaw).

Etj spöud mie aul langsomm.....

He niemuls opp auntefange,

fang niemuls aun opptechere.

Onjre Hüt schlijcht sijch tjwelendet Fija,

timm mien Schetjsol beschiene meat Lijchta,

söu traffe mien Hoat de Jedijchta,

waut koume ne mie, aus een Frija.

Pulsiere de Wed sijch ean Reje,

en waust eane schlouplöuse Ouda,

dee brinje twee Wealte wa nouda,

de Tiet blifft dann stoune eam fleje.

Etj spöud mie daut langsomm te speare

mien Enj, aus en Aunfang vestoune,

dearch schwoarem eam leichten te goune,

jelejende Wed - seand dee Deare. 24 moatz 2009

Waut`s mien Lewe

Mettim Wint vejelitj etj mien Lewe

kratjt söu ritt sijch daut eama veropp,

tweschenean schoubanak noch jedrewe

tjand mien Lewe teen stoune, teen "stopp".

Sproudelt daut kratjt söu aus Woutatjwalle

deep ean sijch - jeheimlijchet Speal,

ütte Ed deit daut spieje en pralle,

en aul doa eane Retsch - ruhjech, steal.

Eas mien Lewe, aus tratjendet Fija,

daut breant söu en schmealt miene Broßt.

Etj lew aus ditt Fija, noch frija,

fe mie - aus ne tjastlijche Koßt.

Littjent louta mien Lewe no Bläda,

lew aus Bläda eam Hoawst bunt en fein,

noch weape mien Wouta de Räda,

waut schliepe sijch lewelangs rein.

Ütte Woutatjwall drintj etj daut Lewe,

de nieschaja Wint neamt mie omm,

Fijafunktjes- dee dache en bewe,

en tratje ne bouwe sijch fromm.

Leewes Sout.

Schliepe Joare sijch eam fleje

schmiete Flijchte aul de Veajel,

döu etj mie ne ounje beje

Ridje, aus en Ahmabeajel.

Woat jesajcht - ritj moake Joare,

saumeld dehn etj eane Tjiste,

mien Ritjtum sull de Tjist bewoare

blöus eas see ladijch, kratjt söu's Jestre.

Doch de Joare broachte Sealwa

timm bestreije miene Hoa,

we mien Wajch - veschloagne Schealwa,

boaft opp dehn - daut jentj sijch schwoa.

Daut aule baste - wehre Tjinja

nü waus etj langsomm ean dehn nean,

blifft nijch steal de Dearetjlinja

Tjinja seand mien Lewesean.

Healt de Frocht sijch aun’em Steanjel,

eas de Steanjiel - Leewesstaum,

schoutze onns dochwoll de Eanjels

wie seand söu vehl, wie tjanen’s kaum.

Höule Leewes sijch aum Lewe,

Leewes - tjeamt vom „ Lewe“ Wout,

en woat noch lang onns Leewes jewe,

wiel's seije Leewes scheenet Sout.

Wudd te söunt mie rehtje?

Aus grouwet Soalt schleidt rauf de Hoagel,

kloppt aum Iesatün en Kraunz,

flautat, töupjehoult de Zoagel,

lijcht een Hunt, vemukat gaunz.

Deit de Hunt sijch aul nuscht wensche,

rahne Troune vellenjste Schnütz,

moatjtj, aus wann, hee teene Mensche,

doch röupt hee wehm meat sien kejütz.

Lijcht hee hie aul miere Doage,

unjre Ed eas hie sien Weht,

schleidt von buwe wee de Hoagel,

lajcht sijch oppe freasche Ed.

Woat aul tjeene Freid mea jewe

eane woame veeja Weanj,

ohne Krauft en Loast timm Lewe

deent hee sienem Weht töu Eanj.

Eane Ouge deep, doa beane,

eas noch lewend, bladt sien Hoat,

woat hee hie söu lange seane,

bitt sien Fahl woat stiew en hoat.

Schwoata Eanjel brugd nijch sehtje,

hee wees ahm ne sien Weht de Stratj.

Etj froag mie, wud te söunt MIE rehtje?

(De Hunt we desse Nacht verratjt)

2007, dezamba

***

Büw een Hüß en sat een Böumtje,

en eachjten Mensch moak von dien Tjint,

ne Schoakelwej flacht ahm üt Blöumtjes

en sie fem Tjint een noudja Frind.

Schoutz ditt aules, tjeen jetimmel

doch neamet ierenst mien Jered,

schoutz daut Stierntje aum Himmel,

waut nanne wie söu leuwtul - Ed.

Etj en de Realitet.

De Wimpasch schlöute de Ouge en etj sounk ean miene Deepe neana,

wu fe mie oleen moa Plautz we, wu de Wealt gaunz aundere Foaw haud,

wu etj Etj we.

Etj deed;

Vonnim Stiern oppem Stiern

staupe,

meate Fricheit eane Haunt

goune,

eam Himmelswouta lehre

schwame,

meate Eanjeltjes eam Trees

dreije,

meat Jeleatjveajeltjes töup

dounze,

jesoundet Soht ean Mensche

streije,

üttem Maltjstejch Maltj üt

prasse,

timm de Seel ean witt omm

foawe,

pröuwd een steenjet Hoat wetj

stretje,

deejde Meijglocktjes mie

röupe,

sull etj Farja breet ve-

plaunte,

no dimm Himmel Heanj üt-

stratje.

Pröuwd mie Flejchte aul aun-

pausse,

deed daut schwoare von mie

faule,

Himmelsfeansta röupd mie

nouda,

Reajenboage deed wa

locke

timm dem Wajch vear mie be-

dache.

Irjent waut deed mie nü

stehre,

must etj miene Ouge

oupne,

etj sah...........

vear mie stounde mien Maun en Tjinja.

Dee woulle ...

ähte!? 2011

Ich und die Realitet

Aus den Küchenfenster kriecht der Abend gähnend,

ich stehe in der Dämmerung am Esstisch lehnend.

…Die W impern schließen die Augen und ich sinke tief in mein Inneres

rein, wo die Welt ganz andere Konturen annimmt, wo ich ganz alleine

bin.

Ich tue…

Von einen Stern auf den anderen stapfen,

Der Milchsraße entlang in die Weite gehen,

Wie’ne Wolke überden Himmel schweben,

Mit den Engelnbefreundet spazieren,

Aus den Sonnenstrahlen Stoffe weben,

Daraus mir eine Tracht zu nehen.

Aus den Milchblümchen Milch pressen,

Damit die Steine vom herz waschen,

Dass die Maiglöckchen erwachen,

Und die Hofnung weit erklingen lassen.

Nach dem Himmel die Hände ausstreichen

Um die Flügel mir anzupassen,

Und die Schwere fällt von mir nieder.

Die Himmelsfenster locken mich näher,

Um den Weg vor mir beleuchten.

….Aber irgentwas ist im Raum am Stören

Und sehe vor mir meinen Mann mit den Kindern stehen.

Die wollten essen.

, Autorisierte Übersetzung von Elvira Fast.

Я и реальность

...Веки закрыли глаза, и я ушла в свою глубину, где мне

одной только есть место, где мир в других красках, где я

есть Я...

И Я свершала:

От звезды к звезде

ступала,

Со свободой рядышком

шагала,

В небесной воде плавать

училась,

С ангелами в хороводе

кружилась,

С птицей счастья

встречалась,

Здоровое семя в землю

сеяла,

Из пути Млечного молоко

доила

Всем душy в белый цвет

белила,

Сердце каменное лаской

смягчала.

Колокольчики меня

будили

Чтобы весну в просторы

сеяла,

А в рассаде надежда

веяла.

В мольбе руки к небу

протягиваю,

Уж и крылья к себе

примериваю,

Все тягости с меня

спадают,

Окно небесное меня

манит,

Радуга радужная всѐ

зовѐт,

Дорогу сердца моего

освещает...

Но вдруг что-то извне в меня проникает.

Открываю глаза.

Предо мной стоят мой муж и дети.

Они есть хотят.

***

Fe jieda Ougeblitj eam Lewe

fe aul’et boasjet Hoat jefeel,

wann doalet, storret wie rommjewe,

vedunkelt onnse scheene Seel.

Fe Trüa, Onnjeleatj en Troune,

fe Weedoag aune framde Seel,

wann wie verret schlachte stoune,

veleh wie vonne Seel een Deel.

Fe leje, faulschet en fem stehle,

segoa fe jiedet schwoatet Rucktje,

fe aules, waut wie schlajchtet wehle,

de Reatjnenj - oppe Seel ea Boucktje.

En wann meat Joare tjletja woare,

opeemul deantj wie aune Seel,

doch Roasta eanjefretne- Joare,

velachjat habe se ahr tjeel.

De Schoamf fangt drifftijch aun te boare,

en diene Seel deit die nü wee,

daut woat en jiedra sealwst erfoare,

see mahlt sijch- dee fejetne Seel.

***

Лист еще висит, и держится за древо,

Всего один лиш лист, что рвется к небесам,

А ветер злыдень рвет направо и на лево,

Опавшею листвою, бъет больно по ногам.

Лист еще висит, последнею надеждой,

Что станет он единственным на перекор

судьбе,

л не боится он, стать силой безнадежною,

Не хочет он на землю, не хочет гнить в

земле.

Лист еще висит, но сколько надо силы,

Не быть таким как все, свет - важней всего,

л пусть он одинок, и пусть в нем рвутся

жилы,

Тянутся к небесам . стоит оно того.

А лист еще висит сухой и одноцветный,

И в жилах у него нет жизни уж давно,

Но он висит для нас, как символ всем

заветный.

Ведь избранными стать, не каждому дано.

Лист еще висит, земное притяженье

Ему не преодолеть, таков земной закон,

Но он тянулся к свету, ему - мое почтенье.

Хочу не по теченью, хочу я жить как он.

Лист еще висит, про это мир не внемлет.

Блаженно он трепещет, любуясь с высоты,

Он будет вспоминать уж падая на землю.

Что смог пожить в миру душевной красоты.

А лист еще висит. 2009

***

Foalde schniede Beem aul eam Jeseajcht

jefloachtnet Naht oppe Hüt jedrehwe.

Jo, klautade de Kraufte ischt ne heacht,

en nü, aus wann endöuntejch aul nujehwe.

De Foalde tratje, aus beschrewne Reje,

dehn lest monn, aus een scheenet Leedt.

Vom lache dee – waut romme Ouge vleje,

vom hiele- waut rommem Mühl vebreet.

Fe mie seand Foalde, waut maunchen Ziere,

ok miene öule Hüt woat niemuls stramf,

en lout de Joare entjejen mie merschiere,

etj ha noch Krauft bestoune deßem Tjamf.

Püst koalt de Himmel

Püst koalt de Himmel üt siene Deepe,

unboademje Lofftozeon tjreampelt sijch töup,

Woaltjeschüm deit wa dimm Himmel eanseepe,

en tratjt mie de Wint, aus wann mie doa wea röupt.

Aum Stierenjen Himmel döu ditt Schapte etj finje,

meat Stierentjeslijcht veal daut bett buwe voll,

deit miene Seel äare Wounde vebinje,

eam Himmelsbad meat eene Stierentjesroll.

Lat miene Tiet leis dimm Wiesa ütblahde,

aul spreedt mie dem Wajch de Himmlesche Jeajent,

jeaft mie de Ed meat de Leew, timm mie rade,

en gou etj de Eewijchteet wealich entjeajen. Moatz 2008

Последний педьестал

Заусинки- былинки

рвутся как-то с болью,

сыпью дрож- живинки,

дебют последней роли.

Жизнь сплошная сцена,

Ты - главный персонаж

ищющий проблемы,

придуманный типаж.

Но роль лепилась вкусно

и аплодисменты, лесть.

Как вспомню. даже грустно,

оставить это здесъ.

В дымке вечер тает

в пепле от огня,

жизнь-драмматург меняет

сценарий для тебя.

Ах, жизнь моя матрѐшка-

закрылся карнавал,

прощяльная дорожка,

последний педьестал.

***

Nietneajel lat daut Lewe,

dee riete ean meat Wounde,

Nerwedaunz jeaft Lewend

de latzte Roll bewoundre.

Daut Lewe eas en Spehlrüm

de Hauptroll spehlst blöus dü

eam Dreijbook we ok Seepschüm,

töu latzt spehlst irenst nü.

De Roll tjleiwd etj mie schmackhaft

Applaus ok schmeichel- mie,

nü es dee Tiet fe Öumacht

en aules lout etj hie.

Eam Dounkel dauwt de Uwent

üt Ausch vom Doageslijcht,

ditt latzte mull noch stounend

steist dü vear Bienelecht.

Töupklaupspopp jewelde

Weil’s üt es Karnaval,

de Aufscheidswajch jeschpelda-

mien latzta Pedjestal.

Pedjestal übersetzt von Kat. Peters

Die Nietnägel

meines Lebens

Reißen ein

so schmerzhaft...

Ich spiele noch mal

eine Rolle

Dieses mal

ist es meine letzte...

Das Leben -

die große Szene

In der ich

die Hauptrolle habe,

Alles

nur Farse und Täuschung,

Und Dehmut -

letztendliche Gage...

Und doch -

es tut weh zu gehen,

So -

es war meine Rolle!

Ich spielte

aus allen Kräften!

Ich spielte

Himmel und Hölle!

Im Dämmerlicht

schmilzt der Abend...

Die Szene

wird neu gestaltet

Versiechen

Applaudismente

In den

Kulissenfalten...

Marionettenähnlich

Die Hände

zum Abschied hebend,

Steh ich

auf meiner Szene,

Auf dem Podest

des Lebens...

***

Etj woard oppeemul wach de Nacht,

aus wann etj hed aum Feansta kloppt,

daut kloppt dree mull- meat volle Macht,

etj tjitjt mie Ouge üttim Kopp.

Teen' Auntwout kaum, etj horcht noch lang,

doa büte jüld blöus koalda Wint.

Etj saut beeanjstlijch eam Nachtsemfang,

de Nacht bleew stomm en blint.

We daut de Tehtjen aul fe mie

jescheatjt von buwe rauf?

Daut jintj mien Schaute nachts vebie,

hee soacht fleicht Plautz v’im Grauf?

Dankscheen

Wann etj vestoune sull, waut mie nuscht mea healt,

nijch miene Tjinja, nijch miene Leew,

nijch waut noch pessiet en desse gröute Wealt,

mie noanijch hanporrt, woa endöunt,

wann miene Lewendskrauft gaunz ne onje fealt,

en miene Healp brockt schiens aul tjeena mea,

sie fe Mensche, speare woa, ne Laust,

etj stou blöus oppim Wajch, fe aulem aul te dwea,

wann mien Tjarpa prachat aul ne Rüh,

en mien Feschtaunt eas aul, aus "Onjefea"

Dann gou etj wajch, eane Himmelblauwe Welt,

meat Aufscheedt tjitj ditt latzte mull noch tridj,

von mie de schwoare Tjarpa eane Deepe fealt.

Wud Dankescheen etj saje, waut mie tjande,

mie wehre Mensche dija, nijch daut Jealt.

Etj nehm nuscht oppim Wajch, blöus miene Seel,

en seane woat mie leicht, ohne’m ejnem Tjarpa,

fleicht lat mie Gott be mie noch mien Jefeel

daut etj ahm Danke kunn, en aulem woame

aus een Eanjel. Doch de Herr vedeelt........

De latzte Wajch es leicht, dü sittst die vonne Sied,

schwebst leicht tweaschne Woaltje, tjitjst von buwe,

en jeist meat Freid eane aundre Mehtenstiet,

die eas endöunt aus Reajen, Schnee, aus Hoagel,

etj gou mull wajch, daut tjeamt noch mull söu wiet.

Moak langsom töu de Dea, en gou de Sonn jesejent,

gou von Mensche, waut söu veschieden seand,

de aundre Dea jeit oup, etj gou mien Gott entjeajen,

etj gou mull wachj, de Vesion blifft blöus meat jünt.

Meat Dankescheen koum tridj aus woama Reajen. okt. 2007

Eam rahne

Aumpelde,

höuwe onns,

de Heanjtjes veropp,

iewerejch,

drenjend,

wie wulle blöus opp.

Ischta Schreat,

dann de Wajch

bett ditt Nubadarp. Wiet!

Ütte Wej

eam galopp

porrd wie oanse Tiet.

Foale.

Hewde onns

söu huch aus’et jintj,

en wehre

de Deare

timm Jeleatj ohne Tjlintj.

Rahnde,

stealpade,

onns schopst waut veropp,

ok Bühle,

ok Troune,

segoa Heistakopp.

Jintje,

soachte,

wie moste ne feare.

Onns jankad

doahan,

wu se louwe en Äare,.

Schloade,

meat´m Gounstock,

wie moste "Doahan".

De Froag

oune Auntwout:

"Wuchan onns jerahn?"

Punkt.

Lijcht üt.

De Jeseajchta seand naut.

Jefloage,

jerahnt,

ouba sajcht mie te waaaaaaautttttt?

Wie rahne dimm Strijch

tweaschen

Jeboure - Jestoarwe

Jeblewe?

Dutem en Tjrietza,

waut schwoat seand jefoarwe. 14 novemba 2011

Leew en Hass – aus Lijcht en

Schaute

Te gaust bie de Leew. (Leedt)

Nejch leanjs wer etj wada te gaust bie de Leew

dimm Wajch weese Stierentjes -Koate,

wu lewe de Leeda, waut etj mie ean eew

wu - Eanjels ne mie - oppe foate.

Wu Woaltje mie witjzde dimm Himmel söu rein,

en kroagde eam Fadabad rühe,

daut himmlesche Wouta loackd nitlejch en fein,

dimm Wajch ewr'e Reajenbredj trühe.

Doa han- wu de dünenda Dreemejeruch

mie drouch meate töunende Ouge,

wu – Speatze üt Woaltje wa leide mie huch,

wu- Eanjels opp Flejchte mie drouge.

Te Jast wer etj wa bie de Leew, waut nijch hie,

waut lewt ean'im Hoat, noch beht heajcha,

De Leew naum mie omm, en vedauwd see ean mie,

daut we- waut etj soacht, sit'tj mie seajcha. 24 julie 2011.

Leew.

Meat Gottesleew funk etj töu Lewe aun.

Meat Muttaleew funk etj daut Lewe aun.

Meat miene Leew steatj etj onns Lewe aun.

Meat Gottesleew neamt hee ne sijch mie aun.

Miene Leew, eas diene Leew, eas onnse Leew, eas Gottesleew.

Leew schauft de Wealt.!

Etj sie de Wealt ! 1998

Любовь

Божьей любовью зачалась моя жизнь,

Маминой любовью началась моя жизнь,

Моей любовью я зажигаю жизнь,

Божьей любовью он берѐт мою жизнь.

Моя любовь, твоя любовь, наша любовь

есть Божья любовь.

Любовь есть жизнь.

Жизнь есть мир.

Я есть жизнь.

Я есть мир.

Jeleatj

Wea de Sonnesied vom Lewe jeniesse weal,

brockt nijch emma ne de Woltje tjitje.

De Ouge ne bouwe uneantlijchet Eanj,

ditt Jeleatjscheap üt Woaltjstjes, schwamt mie oppe Heanj.

Stratj dehn rüt nimm Himmel, ne mien Teenijchsreijch,

von doa mie eantjejen, staupt de Prinz fadaleijcht.

Opp Stierens boaftföutejch, eas ditt nü onns Wajch,

de Maltjwajch veleidt onns vom Wealtlijche wajch.

Etj seat oppim Mohnraunt, dü schoakelst mie aun,

en sealwst oppe Woaljstes schwamt mie henjaraun.

Nehm ahm unjrem Oarm, mien Dröum faust jedreatjt,

de Prinz ratjt de Haunt mie, en nand sijch "Jeleatj"

Diene Leew

Eam Huchwouta schwahme miene Ouge,

daut Wouta stoppt tjeene Daumb,

ouba diene Leew.

Eam Drejwada breant mien Hoat,

timm daut lasche halpt teen Wouta,

ouba diene Leew.

Eam Louthoafst hubba etj söu,

en doa halpt ok teene Datj,

ouba diene Leew.

Eanjewintat seand aul miene Hoa,

ouba etj brock goa teene Foaw,

blöus diene Leew.

Blöus diene Leew eas daut , waut mie heawt,

blöus diene leew, eas daut, waut mie drajcht,

blöus diene Leew eas daut, waut etj ha.

Diene Leew, brockt miene Leew,

Töup eas daut dee gröute Leew,

Menschlijche Leew, waut niemuls aufblejcht.

Eewijche Leew tweaschen Maun en Früh.

En daut seand etj en dü. 1 augost 2011

Твоя любовь.

В половодье плывут вновь глаза,

не остановит и Дамба ту воду,

но твоя любовь.

В сухостое горит сердце вновь,

погасить и вода не поможет,

но твоя любовь.

В бабью пору дрожу замерзaю,

одеяло? забудь - не согреет.

Но твоя любовь.

Заметелился волос сединкой

и краска вроде уж не нужна,

только твоя любовь.

Только твоя любовь что меня возвышает,

Только твоя любовь что меня бережѐт,

Только твоя любовь что меня окрыляет,

Только твоя любовь, на руках что несѐт.

Твоя любовь питает мою любовь,

а вместе - это большая любовь,

человеческая любовь,

не отцветающая любовь,

вечная любовь

между мужчиной и женщиной,

и это мы, ты и я.

2011, mai.

***

Моя любовь к тебе - как птица.

Словно в высь пронзает небо.

То камнем бьется об распутья,

То ищет путь свой к сердцу слепо.

Моя любовь ростком младенца

Сей свет любви в себя вбирает,

То радужностью водопада

Свою безудержность питает.

Моя любовь бурлит, клокочет,

Под сердце стелится тебе....

Так бредит сердце одиноко

Засыпая в тишине.

2007

***

Etj spreed die onja duftjet Sommagraus,

datj die töu meat wittim Neweldoanst.

Flajcht die meate Blöume een’im Kraunz

miene Leew. En ditt jechet nü onns,

aules, waut de Ouge fröu erblitje

oppe Ed en bouwere Ed, daut Himmelsrüm,

deit ne Herlichtjeit ditt aules ritje,

etj boud mie eane Leew Schampanjaschüm.

Ne Sommalatj scheantj etj die aunstaut Reajen,

höul de Haunt blöus opp, timm dea te tjrije,

wie send meat onnse Leew jeweas jeseajent,

onns seeta Kuß brinjt wa Jefeela nije .

Dann watjt wa opp daut tjribeljet Jefeel,

waut vehl seeta eas, aus Sommahonnich,

rett ne die sijch leewtoul miene Seel,

neamt die omm, en dreatjt sijch aun Hoatsonnijch.

De Woaltje Ne Blöum waut sijch upmoakt,

moakt üt daut teen Jetees.

De Morjesonn betjitjd dem Himmel

wuhan en wada we ne Woaltj,

bejoagde dee, daut waut söu wejchtejch,

waut aule needste we fem Voaltj.....

De Woaltje weapde eane Wad,

en reete sijch nimm Horrisont,

doa hann ... (wou teena loud ne dehn.)

Eene Woaltj funk meat ditt aun,

de aundre hinja ahr, dann aula.

Doa han, jeweas,

wou behta eas.

wou eene Woaltj eam gaunzem Himmel,

ne wöune loure’se aul lang.

De eensje, en de baste,

de ströumste en de natste,

wou blöus fe ahr daut Himmelsbad,

na fleijcht noch eene Woaltj timm woame

timm schwame töup,

wu Leew ahr röupt....

see soacht sijch waut oppoatet straumet.

Doch nou dissem Horrisont,

kaum en aundra Horrisont,

en daut jeweanschte rahnd von dehn,

daut "scheene" spehld vestoppa.

De Woaltje rahnde söu vebie,

eenje stoawde ohne Reajen,

de aundre woarde wuttend blauw

en roade romm ean eare Jejent.

Dann kaum eam Sonneblitj ne Woaltj

üt Newel, waut hewd sijch vonne Ed

en troack sijch ne dimm wiede’n Himmel.

Wu aula wehre söu aus aula.

See wull söu jieren lewe

en jewe

timm hewe,

doachann,

wu aula porrde,

wu jiedra wesst wuhann hee porrd.

Wu Tlien en Gröut de Wint deit joage,

en aula töup, veropp jeschlorrt.

Blöus eene Woaltj we gaunz töufred,

daut we daut Woutadoanst zemorjens.

Dee naum ea Wouta eam Koße omm,

see weßt, see moßt opp emma goune,

von äaren Blauwougjem,

en feinstem,

von aulem Wetjstrouljem

en reinstem

ne wöunem darschte see söu deed,

fe wehm see stoawe we aul reed

en we söu dankboa desse Tiede,

waut ditt Jeleatj ahr mejlejch mouck,

en lout ok korrt,

ouba see we dorrt,

Ne waut sijch aula riete.

Die Wolken

übersätzt von Valentina Penner

Die Wolken eilten um die Wette

Und reihten sich am Horizont,

sie zogen hin, wo keiner wartet.

Erst zog nur eine Wolke auf,

die and´ren folgten, und dann alle

dahin, gewiss,

wo´s besser ist.

Wo eine Wolk´ im ganzen Himmel,

auf die man schon so lange harrt.

Die einzige, die schönste,

die gar so lieb und zart.

Wo nur für sie das Himmelbett

Und eine Wolk vielleicht zum wärmen,

um dann gemeinsam dort zu schweben

dort, wo die Liebe ihr ruft zu.

Sie suchte was apartes, schönes…

Aber hinter diesem Horizont

Kam der nächste Horizont,

und das Gewünschte lief von denen,

sowie das schöne Spiel Verstecken.

Die Wolken zogen so vorbei,

und manche starben ohne Regen,

die anderen wurden wütend blau

und so vergeudeten ihr Leben.

Die Wolk, die sich von Erd´ gehoben,

und in den weiten Himmel zog,

wo alle gleich und ähnlich sind.

Sie wollte auch so gerne leben

und in den Himmelshöhen schweben

es zog sie hin, wo Wolken eilten,

wo jeder weiß, wohin zu streben,

Wo klein und groß vom Wind getrieben,

um dann gemeinsam fort zu kommen.

Nur eine Wolke war zufrieden,

dass sie in Morgenrot durch Kuss

aus Dunst und Wasser ward geboren

Sie wusste, dass sie das verliert:

sein Augenblau und sein Gemüht.

Vor allem aber sein´ Ausstrahlen,

wonach es dürstete sie sehr.

das Umfeld war für Liebe tödlich.

Und dennoch gab sie sich ihm hin.

War dankbar für die Möglichkeit,

selbst dieses kurzes Glück zu leben

wo nach so viele viele streben.

Bejejnenj.

Dü?

Wöu söu?

Na, jo....

Jefonge wehm timm poare?

Oleen.!?

Hast grauwe Hoa....

Na, jo......

Daut tjeamt je schiens meat Joare!

Mien Wach?

Hm...Nejch schlacht?!

Na, jo...

Tridj jeit nijch mea te foare!

En dü?

Werom?

Na, jo...

Söunt lat sijch schwoa te koare.

Vezei.

Etj gou.

Na, jo....

Daut woat noch aules woare!!

Göut.

Oteej!

na, jo...

Daut göude fleicht bewoare?

Aus en Lecht,

aus en Heht...

Na, jo..

Tjeamt huch, waut we veloare!!!

Blöus

doa beane,

na, jo.....

deit söu tjwelend boare.

Ouba roare?

Na, jo................ 5 novemba 2011.

Wada, aus iescht….

De Wajch ne Moarje es noch framd,

de blinja Reajen - woamt nijch,

en schweet de Wiesa, rant en rant,

kratjt söu, aus Mensche, porrt sijch.

Doch porrt nijch moarje mie- vondoag

Jeleatjschmehd püst ditt Fija

de Fijatong lascht Onnrüh, Ploag,

vewaundelt sijch eam Frieja.

Nimm Schwormlaund leidt hee mie han

ne dee veleewde Joare,

wu etj daut aundre noch nijch tjand,

de Weij- noch nijch vefoare.

Ean miene 60- selwst vefiet,

(waut dee mull wode koume.)

Mien Maun, docht etj haud aul veleht,

haft mie … wa..... ommjenoume.

Meij 2013

Wea jeaft mie ’ne Auntwout?

Wea jeft mie ’ne Auntwout eam wealtlijche Lewe,

daut frerende Hoat wea fealt mie freasch seet?

Wea woat mie dimm Sean timm Lewe wa jewe,

ouda eas ewerhaupt wea, dee de Auntwout ok weet?

Vebreit sijch daut Nerwejeflauta meat Krauftlöus

de eanjstlijche Seel sehtjt sijch Plautz decht biem Hoat,

daut Hoat eas veschlohte, verode, kratjt söu aus

veklaumt en vesteenat es, vefroare en hoat.

Beiest seand Jefeela ean wealtliche Wiede

de Troune veschlocke mien seene, mien Etj,

en feele sijch Tüß ean mie hoafstlijche Tiede,

daut schrijcht ean mie beane, von büte tjeen Meatj....

Wea jeft mie ne Auntwout? Wou lout opp mie Somma,

wou eas fe mien Hoat Paradies oppe Ed?

Etj waunda opp sehtje eam Uniwersium romma

fe mie vejeseenene jeleatjlijche Sted.

Wounde

Daut plautzt,

daut spreanjt,

healt eenfach nijch mea üt!

De Lofft es schwoa

en boadt

dearch'im Festaunt.

Jesajcht?

Jeschreaje...

Daut Jefft

kaum Porzwies rüt.

De Rahn eam Hoat

velangt

aul teen Vebaunt.

Daut tjwelt,

daut rett,

en deit söu scheantlijch weej!

Te nuscht!!!

Ewarehte

meat Satj voll

schlajchte Wed.

Diesel,

faul,

teel - aus koalda Schnee.

Kepputt!

Te noscht!

Üt,

daut eewijch tjwelende Jered.

Fefeht,

vebleaft,

rahne de Wed üteneen,

schmiete

aum steale,

en loute mie stoune oleen.

Wu seand

dee Wed?

Dee ha mie eenfach veloute .

Söu koalt

jeschmehte,

en de Angst jefoute.

Wausch

de Floure

meat ejenje Troune,

De Dea...

schleadt,

de Lofft blifft mie stoune.

Jesoacht,

jefonge

timm omsajcht vewounde,

Donnablitzwada

daut's, daut

waut onns ploagt?

Etj

we die

töu göut,

daut seand woll de Gronde?

Die

tredj

schrieje?

Lüd?

Mie niemulls jewoagt.

Töupjehulde Weedoag.

Wöu kaum daut?

Weromm?

Doa kaum

teene Auntwout.

Ean mie

wehr'et stomm. 13 oktöba 2011

Tweaschen Steela eas tjeen Seat

Recholejch äht etj drejet Bröut

en drintj daut töu meat gröute Troune,

be mie te gaust seat miene Nöut,

see deit mie wee, en weal nijch goune.

Wöu söu? Werom? Schrejcht daut eam Hoat,

Lout löus, lout goune, waut nijch dient eas,

eas miene Seel aul meed, veroat,

en ok mien Stolz - onnmeilich tlientjes.

Jedolt eas Tratjpedt verre Tiet,

etj brock ahr te mien wiedalewe.

Ne die- aus Mouhltiet etj mie riet

vebettst dü die met mienem jewe.

Etj lew wu wintat aul mien Somma

wiel's tweaschen Steela eas teen Seat.

Etj waunda manke Froage romma,

mien Hoat sehtjt eam Feschtaunt ne Steat.

***

Wie lewe töu twee, en seand doa bie eensomm

Wu eas daut jeblewe timm göut senne Loast,

Onns omsajcht velehre eas leichta, aus eenfach

Doch fresch töup te finje, goanich söu prosst.

Kelenda bledat Joarestiede….

Aus de Sauntklock oppem Deasch,

etj döu ditt aules weartlich liede

wiels „wa“ en „we“ lewt opp aus freasch

De Somma ritjt

De Somma ritjt ne Rouck von strockne Asta,

nem Hej, nem Reajen, en ne brejend heete Lofft,

Noch ne Schiepatjes, waut tjitje rüt üt Nasta,

en noch nem Staul, nem Meast, ne Fleje en ne Stoff.

De Somma ritjt nem Darp, wu Tweeback backe,

noh Pappeldüntjes, waut tjitele de Nehs,

ne Schweet en Hoalt, waut deit mien Maun kratjt hake,

en noch ne Schwientjekrüt jeploaknet, vonne Wehs.

De Somma ritjt ne ditje Maltj üt Tjreesa,

ne Warmeit, Biene, en nem Woutafaudt,

ne Moaschtjes, waut von mie etj schlounend peesa,

waut tjrejele de bunte, haulf veratjte Kaut.

Eam Blöumetjleedt speziedt de Somma büte,

seand aul de Graußschöu oppe Sommafeedt,

aul pitje Tjitjeltjes sijch üt Eija rüta

en tratjt de Potjenott ea lüdet Stappeleed.

De Somma ritjt ne koarte woame Nachte,

ne tiedjet Schwoalimtjes ea Poarenjsleedt jesang,

en diß jeruch döu etj aus Tjinjawachte,

ditt droag etj met mie'm gaunzet Lewe lang.

Dem dünenda Jeruch von Fleeda - Lielapöute,

waut stoune oppim Deasch vondoag be mie,

dee döune tredj Kemalesomma röupe,

waut watjt ean mie ne woame Fantasie.

Haleluja

Sommasonn schwamt aul eam Newel,

Morjedauw fealt darschtejch rauf,

nautet Grauß leatjt miene Tjnewels

scheanjt mie ütte Ed wa Krauft.

Teelt en brejcht, vestoppt de Stöupe

graußnet Fahl koßt boafte Feet,

deit daut Staphante mie röupe

tjeamt em Hoat te Wealt een Leed.

Sinje met mie Haleluja

Beem en Stappe, Himmel, Ed,

eas segoa een Tija ruhja

wenn ditt Hoat sinjt sonnje Wed.

26 septamba 2011

***

De Dach meat nuschte aunjeschnede

vetreemelt sijch de Tiet,

mien weale deit ean mie vewese

bett' Uwent eas noch wiet..

Drefft de Dach eanöulent romma,

Onlosst dreatjt de Ouge,

es aulwa vedommt de Somma

en mien Dröum te schoude.

Oppem Wach Kemalle pleatje,

eane Retsch mie boude,

Sonneblöumeschiewe pleatje

mettim Wint jeroude.

Aunstaut ditt, ledj etj Tüß romma

glotz meed ütte Rüte.

Eas des Somma - nijch mien Somma,

reajene deet daut Büte.

Nijch saut jedrounke vonnim Somma

Nijch saut jedrounke vonnim Somma

nijch saut jetjitjt von mienem Hoafst,

aul jajcht de Winta mie eantjejen

mie nijch jefroacht, aus monn daut doaft.

Poar nijch, bruck etj noch teen Schneewitz,

lout mie noch de blöumje Wealt,

droag etj bie mie: Foaw en Peansel,

dee mien vondoagschet noch voll fealt.

Etj veschloh mie gaunz ean Schoawels,

wann vonne Kold mien Tjarpa plautzt,

en ditt latzte Bilt - dimm Himmel,

etj oppim schneeje Feansta krautz.

Nachtsimfonie.

Fül vebreant daut Himmelsröut-

fijaröude Striep,

veweele Woaltje sijch eam Glöut

en woare langsomm riep.

Söu heanje dee opp Gottes Böum

en tjrejele mien Oug

nü brokt de Seel jeweas een Töum,

aus flejcht se Himmelshuch.

***

Fealt de Uwent, aus een faulendet Blaut

tratjt de Himmel de schwoate Gerdiene,

nü eas aul nijch wichtejch nijch ditt uk nijch daut,

wijchtich eas daut, daut de Nacht eas nü miene.

***

De Himmel bestreit mettim Saunt,

vestoppt sijch de Sonn hinjrem Raunt,

see schmitt blöus noch Stroule no sijch,

söu jeaft see noum Aufscheed ea Lijcht.

Daut Schemma dreanjt langsomm sijch rauf,

hee foadat de Macht en de Krauft,

söu brinjt hee de Rüh oppe Ed,

en aules tjeamt freasch oppe Sted.

Dee Heat deampelt sijch mettim Tjeel

eane Nacht brinjt de Ouwent sien Deel,

de Nacht tratjt sijch ouwens schwoat aun,

daut eas söu bezaubat - etj staun.

***

Mensch, etj weal die nijch vesieme,

weet'st dü, wöu Jedijchta rieme,

jeleew etj nijch, wiels etj auleen

flajcht Jefeela eane Reem.

Wann de Nacht stokdiesta eas,

haft en jiedra Angst jeweas,

fe mie eas Nacht - Jecheemnes röupe,

etj gou nou dea meat Stierensstöupe.

De Nacht eas ferre Leew jesteamt,

wann de Mohn fe onns opptjeamt,

Stieren oppem Himmel schiene,

de Nacht eas hia, de Nacht eas miene.

De Wealt eas Nacht's meat Steal venoagelt,

hann en wada schrijcht een Voagel,

en stehnt gaunz langsomm noch de Ed,

sonnst eas de Nacht meat sijch töufred.

Etj lou ne die- Nachtsimfonie,

dü büwst ne Wealt üt Fantasie,

saul mie doach bett öult jeleatje,

nie üt dienem Launt vescheatje.

***

Ditt Peatj sunk langsomm eane Edkaunt,

en ütte Ed tjwald Lijcht en Fred,

de Moarjestond schmett aul ea Siedbaunt

söu brinjt de Nacht töu Wealt de Ed.

***

Etj nehm Aufscheed vonne Nacht

de Wealt steit opp, steit opp de Dach.

De Morjestond tjeamt leise nean

daut eas ok goanijch aul söu schleam.

De Sonn schmett ähre ischte Stroul,

schleidt daut Dunkel leewtul doul.

Etj stratj Jeleantja, höjen lüd,

krüp em Bad en schlüt mie üt.

Reajen

De Reajentwierem fleatjt wa

de grauwe, schwoate Woaltje,

de Himmelsloakestriepe,

waut stieppere sijch vear daut,

daut Sonneblöumtje neatjt wa

en nautz deit ewaschoaljtje,

de Reajenschöuwasch riepe

de Welt es tjwitjschent naut.

De Reajen maljt en schliesat

en petscht üt aule kraufte,

vewausche maunche Jeajent

eas teene -Kunst fe ahm.

Meat Hoagel, wanna piesakt,

moakt hee aul noch Jeschaufte,

ditt eas blöus nijch dee Reajen

waut etj söu reachtich tjan.

Mien Reajen eas dee woama,

waut röupt söu rüt onns lockend,

waut wauscht en wetjzt de Omwealt

en dreanjt daut Lewend saut.

Von dehm woat aules strouma,

söu wundafein, endzokend,

wie seand en siene Omfeald

en woare jieren naut.

De Reajen eas aus Metjjlied

ean onsem Menschenslewe,

hee reht ean onns de Seide,

ean onnsem deepen "Wie"

Fe mie es aule Reajentiet

waut deet ditt Wada jewe,

betetjent aus "Jescheide"

en weata doarewa nie.

Wiewasomma.

Schlapt de Dach eam Himmelsröut,

meat Hoafst beschmeat de Woaltje.

Bläda opp' Septambaschöut-

dreije de hepsche Kroltjes.

Ok de Ed eas ütjeschtraumt

meat goldne Boatjetjleeda,

sinjt ditt Wada ean sien Aumt

de aule scheenste Leeda.

Schniet de Wiewasomma rauf

kloabunte Flöuadatje,

jeaft Vondoag dem Jestre auf

en tjleedat nije Stratje.

Daunzt daut Fija tweaschen Beem,

söun Wada deit mie ziere

Spreatze üt mie fiene Reem,

waut ean mien Hoafst speziere.

Stifft de Seel sijch betstje auf,

en freascht de bunte Freide.

Schleidt de Loast von buwe rauf

opp schloupende aul Seide.

Lewt de Tjinjstla opp ean mie

de Peansel- reed timm foawe,

de Hoafst watjt miene Simpatie

tim enne Wealt veoawe.

Bläda roschele Musitj

sinjt Blädafaul biem faule,

wiet en breet speziet mien Blitj,

wou Hearlichtjeit deit schaule.

Haft Septamba mie jekröunt,

meat zastijch- waut dreewe romma,

bescheanjt Jeburtstag mie daut't löunt

meat Bleij vom Wiewasomma. Septamba 2012

Woama Ouwe.

Jejen ditt Feansta schleidt sijch de Hoagel,

dee puttat en mount :"Lout nimm Koald romme Atj“,

haft de Hoafst hinja sijch dee Dea töujenoagelt,

de Wöult püst söu meed, en schlapt aul de Hatj.

Etj weatjell de Heanj ok aul eam wehtje,

daut packt aune Tjleeda, eas de Winta straxs hie.

En biestat de Nehs eane Mauwe- woam sehtjend,

timm Jeleatj lout doa Tüß de woama Ouwe ne mie.

Meatim Ouwe eas eenimm iesja Winta nijch schratjlijch,

de Schitz healt dimm woam, en stiepat dimm Koald,

etj weatjill mie deep, scheen eas daut en macklijch,

söu fejaht monn vom Winta, waut doa Büte aul rollt. 1998

Kouckewada

Hoafstduft, von resiedne Stappe,

tratjt sijch eane Loaft entleanjd,

schmiete Weaj sijch- lange Shlange,

aus mien Blitj, waut wiet en eanj.

Iestaupubomeltjes - Wehde,

hiele meatim Reajen meat,

dreemt opp Jleise aul de Schlehde,

sealtna stijcht eam Blott onns Schrett,

Kukuksklock - fetjelt en leise,

sinjt opp Veajelnastalgie,

ischte Schneeflocke, aus Weise,

vestoppe sijch vom Hoafst be mie.

Lewt de Hoafst sien deepa Ella,

Reajensoada tratjt sien Boat,

stalt sijch omm ditt Wada stella,

opp ne wintalijche Foat.

Weatjelt sijch de Ed vom koalde

eane Bläda jejen Tjeel,

stappele sijch Bläda -Foalde,

daut nijch ütfrest ea Jefeel.

Deit daut Onjezeffa schloupe,

eam sewenda Dröum speziet de Wint,

ean söunem Wada äht wie Koucke,

be mienem seeja scheenem Frind. 24.01.2008

***

Nijch jieda Dach es scheenet Wada

ok reajne deit nijch jieda Dach,

eas diene Seel böult aus ne Fada

böult dreatjt se meate volle Macht.

Nijch jieda Dach schient mie eantjejen

doch büt üt mie eene Persöun

en es onns Lewe ok deswejen

söu wundascheen- waut etj betöun.

Осень

Бьет поземкой - листьев стая,

Наотмаш осень наготой,

В судорогах, в муках, злая,

В гамме цветовой толпой.

То взметнyтся в столб вихрастый,

То растyт в капризный ком,

Oceнь - в гневе ты прекрасna,

Ты - осенний вальс «Бастон»

Дождь - твой недруг, листьевкаша

Грязью лижет сапоги,

А в доме ждет кто сердцу краше,

Манят вкусно пироги. 2008

De Boarm

Spuckt de Himmel Sodareajen,

dearchem Sehw daut Wouta rüt...

De louta Hoafst eas auleweajent,

dee tjneadat oppe Ed daut Krüt...

Stachelt Hoafst sijch wee meat Stoppel,

veschleepat rahne Woaltje töup,

de Ruscha Boarm stratj sien Goackel,

aus wann hee tridj de Mensche röupt.

Meat Reajen - Troune' Wajch begoute,

aul wiet en breet tjeen menschen's Tjint,

en de Boarm steit veloute,

jült eam Ahma blöus de Wint.

Dietsche deede ahm hie brocke,

Wouta seut- meat Lewekrauft,

drunke dee hie volle Krocke,

üt deepe Ed dimm reine Sauft.

De Ruscha Boarm deed dehn deene,

ahm we endöunt wea Wouta drunk,

blöus deede Mensche aundasch seene

rand tweaschen dehn ne boasje Funk.

Seand vom Boarm Weij vewosse,

Veajel sinje steala hie,

deit de rauwa Wint sijch bosse,

en püst biem Boarm storr vebie.

Goanijch leanjs we hie noch lewend

rande Tjinjatjis runtomm,

nü tjwirtjst de Boarem -Wrang blöus stenend

en heanjt de Ahma boamelnt romm.

***

-De Boatje hiele jieda Farja... -Hiele?

-Ach, lout daut seane,

lout die rauf.

Tjitj mull aundasch opp dee Dinja,

dee jewe eenfach

Blöut onns auf.

Wie halpe ok meat Blöut,

wehm needijch,

wie rade aundre Mensche.

-Göut!

-Spende Boatje fe ons wealich!

-Doch seand fleicht sealwst ean gröute Nöut?

Onns rade!?

-Doch!

Dee Sauft üt Boatje,

aus en Doakta, Medizin,

reint onns Blöut

von Himmiekalje,

aus gröut, aus tlien,

aus ditj, aus fien.

Drinjt Boeatje - Wien!

Beschtalt jünt

schwenda

bie onnse Boatjebeem Termien!

-De Boatje hiele jieda Farja...

Hiele..

Hiele...

Hiele!!!!!!!!! okt.2011

Miene Hoafst.

Daut Hoafstetiet Wada eas foaken veschieden,

böult Sonnech en kloa, dann Reajen en Schnee,

de Hoafst drajcht meat sijch ne gröute Bediedenj,

aus weartlijch ditt Gold eas, waut etj romm mie see.?

Dü beast miene Hoafst, fleidascht meensch dearche Jeajent,

blewst stoune vear mie, meat kloa bunte Ratj ,

en stratjst mie jeearente Fruchte entjejen

meat Bläda spreedst wetj dee jeblewne mie Stratj.

Söu fleje de Bläda eam Waulsa dearch Joare,

Jedanke, aus Hoafstveajel tratje vebie,

dankend tjritz etj de Heanj, waut ditt kunn erfoare,

daut etj vondoag sie...... daut waut etj sie. 2008

Wintschnieda.

De Hoawstedach es aul jebroake

heesch lehst hee nü sien Tietbefehl:

"Wie moate de Fresü ommoake,

söun Bozhawöult eas een jetjwehl".

De Schnieda- Wint schnett koart de Stappe

schwend en featjz, schmock, rein reseht,

dearjch dimm Schnippsa -Bläda schlappe,

wiel's ahm de Scheeja nü jechet.

Von Schautebeem berdöune Bläda

opp Veajelbeem röutbackje Kröun,

daut jeaft nijch unjeschoarne Stehda,

wiel’s schöunt hee tjeenin eensjen Böum.

De Reajen hollp Hoafstoabet moake

meat Bläda neijd hee üt romm sijch,

opp siene Drehd deed hee nopphoake

vom Wint jeschoadne Hoafstjeschecht.

Seand wajch de krüse Lockebläda,

eas reesch jevolle deepet Grauß,

en feelt sijch scheen opp kohle Wede,

Wintschnieda meat dimm Wintapauß.

4 oktober,2011

Etj weansch jünt waut, etj weet nijch

waut…

De Zug ean Nirjentswoh Timm Jübileum fe A.Gossen

Onns jajcht de Zug ean Nirjenswoh,

von Nirjenswoh seand wie eam foare,

de Zug befoat de Weaje noh

waut aul befoare seand meat Joare.

De Wajch, aus wann aul lang bekaunt,

de Aunhöulstehde tjean wie tahle,

ean Tjinjatiede helld hee aun,

dann bette Schöul- em steandje prahle,.

Wie reis'de dearjche ischte Leew,

daut ischte Tjint, daut ischte - "Mama",

foaken jintjet hullprijch, scheew,

doch jintje Joare- aus de Lamma.

Hild aun Femieljelewe onns,

wu wie daut „betta“ pröuwe musste,

de Joare troacke aus Wagons,

wu han se jüge? Jeweas nijch wusste?

De Zug dee tratjd veropp, ne veare,

jelohde meat veschiedne Taht,

eas jieda Aunhöulspunkt - ne Ähre?

Ouda biem Schwoaten eane Naht?

De Froag bruckt Agness sijch nijch stahle.,

ea Zug tratjt 60 Joa mett Stolt,

meat scheene Tahten ewatjwahle

diene 60, -fejelitj meat Gold.

Ok noch ean 60 schaule Leeda,

em Zug seand aul de Tjinja meat,

dien Menschenswajch woat meat dehn breeda,

en eane Jeschijcht jeleist dien Schreat.

Dien Hoat deit schloune verre Mensche,

Talent timm schriewe,- aule Moht,

wie weale die blöus göudet weansche!

Lout lang noch freije onns dien " Woot"

***

Lout dien Eanjel meat die seane,

lout die beschöune vonnim schwoatim Dach,

lout dien Öuwa Leeda here, Steame,

lout feale sijch dien Hüß meat Tjinjalach.

Lout ditt Sonntje woame die en schiene,

lout de Wint schmock tjame diene Hoa,

lout dien Lehwe- aus Honnich vonne Biene,

ha doch daut Jefeul, es Wundaboa.

Lout de Reajen Loast vejeete,

lout de Reajenboage schiene,

lout daut Lewe schmatje seeta,

fe de Gröute, en fe tjliene.

***

Lout desse goldne Wed, Jeleatj eam Lewe brinje,

lout desse woame Wed, aum Wintaouwe sinje,

lout desse needje Wed, ne Steat eam Lewe seane,

lout desse diere Wed, be die eam Hoat nean breane.

Lout desse nije Wed, aus freascha Wint die deene,

seand desse seete Wed, de scheenste vonne scheene.

Lout desse baste Wed, nie üttem Öuwa goune,

waut seand ditt dann fe Wed,

dü deest jeweaß aul oune?

Lout jünt Nijoa brinje

Lout jünt Nijoa brinje

aules , waut jie weale,

aules, waut jie sehtje,

aules, waut jie seale

Lout jünt Nijoa brinje

aules, waut deet schmatje,

aules, waut jünt jankat,

aules, waut deet tratje.

Lout jünt Nijoa brinje

aules , waut deet lehre,

aules, waut deet finje,

aules, waut deet mehre.

Lout jünt Nijo brinje

aules , waut deet hewe,

aules, waut deet freije,

lout jünt Nijo jehwe.

2012

Lout vondoag en moarje seane.

Zemoarjens stiejch etj üttim Bad,

Büte schiend de Sonn söu frentlijch.

Docht etj:- " Eas jenau, aus jestre.

Wannit moarje wada tjeamt,

wannit moarje wada schient,

daut's doch daut, waut aula weale?"

Jestre docht etj aun vondoag,

eas daut nemlijche, waut jestre.

Wann ok moarje schient vom Himmel,

daut's doch daut, waut aula weale?"

Ewens.- docht etj,- Jestre,

aun vondoag, aun moarje,

en vendoag, en moarje,

vejeht etj nijch von jestre.

Jestre ,- docht etj - eas vondoag,

en vondoag - saj wie söu moarje.

Stou etj ewens moarje opp,-

deantj etj wa: - de Himmel schient

kratjt söu's ejestre en jestre.

Tjeamt daut Morje aus vondoag,

dit's doch daut waut aula weale?

Aules endat sijch, tjeamt wada,

lijcht daut nijch aun onnsem Weale?

Saul de Himmel eewijch schiene,

lout vondoag en moarje seane! 16 Sep. 2011

Las heute und morgen sein.

Morgens stand ich aus dem Bett

draussen schien die Sonne herlich,

dacht ich- "Ist ja so wie gestern!".

Wenn sie morgen wieder kommt,

wenn es morgen wieder scheint,

das ist doch, was alle wollen!?

Gestern dachte ich an heute,

heute nemliche, was gestern!

Wenn auch morgen scheint vom Himmel,

das' doch das, was alle möchten?

Eben, dachte ich, gestern

an heute, an morgen.

Heute und Morgen

vergesse ich nicht von gestern.

"Gestern dachte ich- ist heute!"

Heute war für gestern- morgen.

Steh ich eben morgen auf,

denk ich wieder-"Alles scheint

wie vorgestern und gestern!"

Kommt der morgen wie auch heute,

das ist doch was alle wollen!?

Alles endert sich, bloss wieder

kommt es wenn wier's wirklich möchten!

Soll der Himmel ewig scheinen,

lass der Morgen immer kommen!

Inhalt:

1. Etj fiel aune Tatjste 4

2. Etj spöud mie aul langsomm 5

3. Waut’s mien Lewe 6

4. Leewes Sout 7

5. Wudd te söunt mie rehtje? 8

6 Büw een Hüß 9

7. Etj en de Realitet 10

8. Realitet (deutsch) 11

9. Realitet (russisch) 12

10. Fe jieda Ougeblitj 13

11. Das Baumblat hengt noch (russisch) 14

12. Foalde schniede Beem aul eam Jeseajcht 15

13. Püst koalt de Himmel 16

14. Pedjestal (russisch) 16

15 Pedjestal ( Platt) 17

16. Pedjestal ( deutsch) 18

17. Etj woard oppeemull wach de Nacht 19

18. Dankscheen 20

19. Eam rahne 21

20. Te gaust bie de Leew 25

21. Leew 26

22. Leew (russisch) 27

23. Jeleatj 27

24. Diene Leew 28

25. Diene Leew (russisch) 28

26. Meine Liebe zu dier 28

27. Etj spreed die onja 29

28. De Woaltje

29. Die Wolken 31

30. Bejeinenj 32

31. Wada aus ischt 33

32. Wea jeaft mie ne Auntwout? 34

33. Wounde 35

34. Tweaschen Steela eas tjeen Seat 37

35. De Somma ritjt 39

36. Haleluja 40

37. De Dach meat nuschte aunjeschnede 40

38. Nijch saut jedronke vonnem Somma 41

39. Nachtsimfinie 41

40. Reajen 44

41. Wiewasomma 45

42. Woama Ouwe 46

43. Koukewada 46

44. Nijch jieda Dach eas scheenet Wada 47

45. Hoafst (rusch) 47

46. De Boarm 48

47. De Boatje hiele 49

48. Miene Hoafst 50

49. Wintschnieda 50

50. De Zug ean Nirgentwoh 52

51, Lout de Enjel 53

52. Lout desse goldne Wed 53

53. Lout jünt Nijoa 54

54. Lout vonodoag en moarje seane 55

E-Mail: t.klassner@ mail.ru