Upload
aileen-claro
View
1.059
Download
15
Embed Size (px)
Citation preview
ANG KAUGNAYAN NG BILIS SA PAGBASA NG AKADEMIKONG TEKSTO AT ANGKAKAYAHAN SA PAG- UNAWA NG MAG-AARAL SATERSYARYA
NG SOUTHERN CHRISTIAN COLLEGE
LEDESMA, ANGELU S.ALBAY, ELIEZA C.
ISANG UNDERGRADWET TESIS NA INIHARAP SA MGA KAGAWAD NGKARUNUNGAN SA KOLEHIYO NG PAGTUTURO, SOUTHERN
CHRISTIAN COLLEGE,MIDSAYAP, COTABATO BILANGKATUPARAN SA PANGANGAILANGAN NG DIGRING
BACHELOR OF SECONDARY EDUCATION(FILIPINO)
MAY 2013
KABANATA 1
SULIRANIN AT SANDIGAN NG PAG-AARAL
Panimula
Ang mga kabataan ngayon na mahilig magbasa ng mga libro at iba pang babasahing
materyal na may kaugnayan sa kanilang sariling interes ay nagpapakita lamang na ang pagbasa ay
isang pamamaraan sa pagkatuto at pagkakaroon ng interaksyon sa awtor na sumulat sa binasang
teksto. Sa pagbasa, mapapalawak at mapapaunlad ang kritikal na pag-iisip at pag-
uunawa.Pangunahing layunin ng pagbabasa ang paghugot ng impormasyon sa tekstong
binasa.Nagbabasa tayo ng diyaryo halimbawa dahil gusto nating malaman ang pinakasariwang
balita.Nagbabasa tayo ng mga teksbuk dahil kailangan natin ang impormasyong naroroon upang
makipagbahagi ng kaalaman sa klase.Nagbabasa tayo ng mga kwento,tula,sanaysay at nobela dahil
ibig nating makibahagi sa buhay ng ibang nilalang na inilalarawan sa ganitong uri ng teksto.Ibig
nating maaliw sa pagtikim ng isang bahagi ng buhay ng iba. Ngunit, hindi sapat na kumuha lamang
ng impormasyon o humango ng kasiyahan sa tekstong binabasa.Upang maging tunay na kapaki-
kapakinabang ang ating pagbabasa, kailangang maging malay tayo sa mapanuri o kritikal na
pagbasa.
Ayon sa akda nina Beldez, P., Baira, N.T. at et.al(1990), 80% ng ating mga gawain
ay kasangkot ang pagbasa. Binabasa natin ang ngalan ng kalye, ang mga patalastas, ang mga tala ng
pagkain sa restoran, pamilihan, at mga babala sa daan.Bumabasa tayo ng pahayagan, magasin,
komiks at iba’t ibang uri ng babasahin at aklat para sa ating kasiyahan. Sinasabing 90% sa napag-
aralan ng tao ay mula sa kanyang karanasan sa pagbasa.
Ang pagbasa ay isa ring pamamaraan ng mga guro upang masukat ang
komprehinsyon ng mga mag-aaral kaakibat dito ay ang oras na inilaan sa pagbasa. Sa isang
pagganap ng mga mag-aaral na nagtapos sa kanyang kursong nangangailangan ng Board Exam,
kinakailangan ang bilis at tahimik na pagbasa upang masagot ang mga katanungan sa pagsusulit na
naaayun sa ibinigay na oras sa kanila.
Sa pamamaraang ito nais linawin ng mga mananaliksik kung may kaugnayan ba ang
bilis sa pagbasang akademikong teksto sa kakayahan sa pag-unawa ng mag-aaral. Aalamin din ng
mga mananaliksik kung may ibang salik na nakaimpluwensya sa bilis ng pagbasa at komprehensyon
ng mga respondente. Ang mananaliksik ay natatangkang matukoy kung ang tribu, kurso at paaralang
pinagtapuasan sa sekondarya ay may kaugnayan sa bilis sa pagbasa at kakayahan sa pag-unawa ng
mga respondente . Ito ang nagtulak sa mga mananaliksik na siyasatin at bigyan ng linaw ang
mga suliranin.
Paglalahad ng Suliranin
Nais ng mga mananaliksik na masagot ang mga sumusunod na katanungan:
1. Ano ang katangian ng mga respondente batay sa kanilang
a. Kurso
b. Tribu
c. Paaralang pinagtapusan
2. Ilan ang kabuuang minuto na nagamit ng mga mag-aaral sa pagbasa ng
akademikong teksto kung ito’y i-grupo ayon sa kanilang kurso?
3. Ilan ang kabuuang bilang na nakuhang tamang sagot ng mga respondente ayon sa nabasang
teksto kung ito ay i-grupo ayon sa kanilang kurso?
4. May kaugnayan ba ang bilis sa pagbasa ng akademikong teksto sa kakayahan sa pag-unawa
ng mga mag-aaral sa Unang taon ng Tersyarya?
5. May kaugnayan ba ang bilis sa pagbasa ng akademikong teksto ng mga mag-aaral ayon sa
kanilang :
a. Kurso
b. Tribu
c.Paaralang pinagtapusan
Ang bilang 1,2,3 ay hindi na kinakailangan ng palagay na pinaghahanguan ng katwiran. Ngunit ang
bilang 4 at 5 ay nagkakroon ng sumusunod na pinaghahanguan ng katwiran.
Ho1:Walang kaugnayan ang bilis sa pagbasa ng akademikong teksto sa kakayahan sa pag-unawa ng
mga mag-aaral sa unang taon ng tersyarya sa kolehiyo ng Southern Christian College.
Ha1:May kaugnayanang ang bilis sa pagbasa ng akademikong teksto sa kakayahan sa pag- unawa
ng mga mag-aaral sa unang taon ng tersyarya sa kolehiyo ng Southern Christian College.
Ho2: Walang kaugnayan ang bilis sa pagbasa ng mga mag-aaral sa akademikong teksto ayon sa
kanilang Kurso, Tribu at Paaralang pinagtapusan.
Ha2:May kaugnayan ang bilis sa pagbasa ng mga mag-aaral sa akademikong teksto ayon sa kanilang
Kurso, Tribu at paaralang pinagtapusan.
Kahalagahan ng Pag-aaral
Naniniwala ang mananaliksik na mahalaga ang pag-aaral na ito upang masuri ang kaugnayan
ng bilis sa pagbasa ng akademikong teksto sa kakayahan sa pag-unawa ng mga mag-aaral.
Naniniwala rin ang mga mananaliksik na malaki ang maitutulong ng pag-aaral na ito upang
makapaglahad ng kaalaman sa kaugnayan ng bilis sa pagbasa at sa kakayahan sa pag-unawa ng mga
mag-aaral sa akademinkong teksto. Mahalaga ang pag-aaral na ito sa mga:
Mag-aaral. Ang resulta ng pag-aaral na ito ay magsisilbing hanguan ng mga mag-aaral na
magkaroon ng sapat na pang-unawa upang mapaunlad ang kasanayan sa pagbasa upang magiging
angat sa kasalukuyang kalakalan ng mundo.
Mga Guro. Ang resulta ng pag-aaral ay magiging basehan o magiging sukatan sa pangangailangang
palihan (workshop) at kasanayan sa pagbasa nang mabilis at pag-unawa na siyang mahalagang
sandata ng tao sa pagdukal ng karunungan na magagamit sa pang-araw-araw na pakikisalamuha sa
lipunan.
Mga Institusyon. Ang magiging kalalabasan ng pag-aaral na ito ay magagamit bilang gabay sa
pagpapahalaga ng kasanayan sa pagbasa at pag-unawa na siyang pinakapondasyon ng edukasyon.
Saklaw at Limitasyon
Sumasaklaw ang pag-aaral na ito sa bilis sa pagbasa ng akademikong teksto at kaugnayan sa
kakayahan sa pag-unawa ng mag-aaral sa unang taon ng tersyarya ng Southern Christian College.
Gagamitin ang Sloven Formulasa pagkuha ng populasyon.
Gagamit ang mananaliksik ng isang Akademikong teksto na napabilang sa panghumanidadis na
kung saan ay sumasaklaw sa lawak ng kalinangan ng tao na masasalamin sa kanyang sining at
literatura bilang paraan ng pagpapahayag ng kanyang sarili. Ito ay binubuo ng isanglibo apat
nadaan, apat naput isang salita (1441) .
ANG KAUGNAYAN NG BILIS SA PAGBASA NG AKADEMIKONG TEKSTO AT ANG KAKAYAHAN SA PAG- UNAWA NG MAG-AARAL SA
TERSYARYA NG SOUTHERN CHRISTIAN COLLEGE
Balangkas sa Kabanata 2
I.Kahulugan ng Pagbasa
1.1. Bilang unang hakbang sa pag-aaral
1.2. Bilang susi sa pagdukal ng karunungan
1.3. Bilang pag-unawa sa kahulugan na nakalimbag na simbolo
1.4. Bilang pagkain ng utak
1.5. Pagtanggap sa mensahe
1.6. Bilang pundasyon sa edukasyon
II. Proseso ng Pagbasa
2.1. Interaktibo
2.2. Metacognitib
III. Elemento ng Pagbasa
3.1. Bokabularyo at Talasalitaan3.2. Kahusayan sa Pagbasa3.3. Pag-unawa3.4. Palabigkasan
IV. Pamamaraan sa Pagbasa
4.1. Mabilis
4.2. Mabagal
4.3. Tahimik
4.4. Malakas
KABANATA 2
MGA KAUGNAY NA LITERATURA AT PAG-AARAL
Ang pagbasa ay nagbibigay ng impormasyon na nagiging daan sa kabatiran at karunungan.
Itoy isang aliwan, kasiyahan, pakikipagsapalaran, paglutas sa mga suliranin at nakapagdudulot ng
iba’t ibang karanasan sa buhay.Malaki ang papel na ginagampanan ng pag-unawa sa binasang teksto
sapagkat dito maisanib ang pagpapalawak ng kaisipan at pagbabago ng pananaw ng mga taong
mahilig bumasa.
Kahulugan ng Pagbasa
Ang pagbasa ay unang hakbang sa anumang larangan ng pag-aaral at pagkatuto. Malaki ang
impluwensya ng pagbababasa sa pagkatao o personalidad ng isang nilalang.Ayon sa akda
ninaBeldez, P., Baira, N.T. at et.al (1990).
Ang pagbasa ay gintong susi na nagbubukas ng pinto sa daigdig ng karunugnan at kasiyahan.
Pangunahin itong kasangkapan sa pagtuklas ng kaalaman sa iba’t ibang larangan ng buhay. Ang
kasaysayan ng tao, ang kanyang pagkakalikha, panlulupig at pananagumpay, ang kanyang mithiin,
mga pagnanasa at pag-asa sa hinaharap ay napapaloob sa mga aklat. Ang pagbasa’y tiket sa
paglalakbay sa mga lugar sa daigdig na nais mong marating, ang pagkilala sa mga bantog at
dakilang taong hindi mo nakikita. Ito’y patnubay sa landas sa mga karanasan at mga mithiing iyong
pinapangarap.
Binigyan kahulugan ni Hank (1983) ayon sa akda ni Austero, C.S., Mateo
E.C.,et.al (2011), ang pagbasa bilang pag-unawa sa kahulugan ng nakalimbag o nakasulat at
pagbigay ng interpretasyon dito. Pinaunlad pa ito nina Bond at Tinker (1967)at sinasabing ang
pagbasa ay rekognisyon ng anumang nakasulat o nakalimbag na mga simbolo na nagiging stimuli
upang maalala ang kahulugan ng mga nakalimbag na kaalaman/ karunungan mula sa karanasan ng
mambabasa.
Samantala, sinabi ni G. Valentine, J.L. (2000) sa akda niAustero, C.S., Mateo
E.C.,et.al (2011) , na ang pagbasa ang pinakapagkain ng utak sapagkat ang anumang binasa o
kaalaman inilagak sa utak ang pinakapagkain nito.
Ayon kay Sauco(2004) sa akda ni. Espina, L.D.,at Plasencia, N.R.,et.al. (2009),ang pagbasa
ay pagtanggap ng mensahe sa pamamagitan ng pagtugon ng damdamin at kaisipan sa mga titik at
simbolong nakalimbag sa pahina. Ang pagbasa ay isa sa apat nakasanayang pangwika,kasama nito
ang pakikinig, pagsasalita at pagsulat. Ito ay gawaing mental ng pagpapakahulugan sa mga
nakalimbag na mensahe ng kaisipan at damdamin.
Sa mga mag-aaral, ang pagbasa ay maituturing na pundasyon sa edukasyon.Ayon kay Conan
sa Lalunio 1985, banggit ni Geronimo et.al 2007,pinakamahalagang kakayahang maituturing kung
kaya nararapat na linangin ng mga kabataan upang makasabay sa mabilis na takbo ng panahon. Sa
pamamagitan ng pagbasa, natutulungan ang mga mag-aaral na masanay at mahasa sa kritikal na pag-
unawa sa mga teksto. Totoong napakalaki ng naidudulot ng pagbasa sa isang tao, dahil ito ang
magbubukas sa kanyang isipan sa mga kaalaman sa iba’t ibang larangan.
Mga Proseso ng Pagbasa
May dalawang (2) proseso ng pagbasa, ito ay ang Interaktibong pagdulog sa pagbasa at
Metakognitib na pagbasa.
Interaktibong pagdulog sa pagbasa
Mahalagang magkaroon ng sariling pagtasa o pagkaunawa ang tao sa mga bagay-bagay na
kanyang nakakatagpo lalo na sa pagbabasa. Kailangan naihahanda niya ang isipan sa
pagtugon,pakikipag-interaksyon sa mga kaisipang kanyang nababasa sa teksto nang sa gayon ay
makukuha niya ang mensaheng ipinapahiwatig ng tekstong kanyang binabasa. Ang ganitong proseso
ay makatutulong upang maging mas malawak ang pag-unawa sa mga opinyon o saloobing
pinaniniwalaan ng isang tao o mga grupo ng tao sa ating paligid.
Binanggit ni Alejo ayon sa akda ni Espina L.D.,et.al.(2009),na kailangang tandaan na ang
proseso ng interaktibong pagbasa ay nangangailangan ng masalimuot na koordinasyon sa
pinagmulan ng maraming impormasyon; ang teksto ng pahina, nilalaman mula sa naunang teksto,
dating kaalaman at layunin sa pagbasa.
Ayon sa akda nina Austero C.S., Mateo E.C. et.al.(2008), ang kombinasyong ibaba-
itaas(bottom-up) at itaas-ibaba (top-down) ay kailangan mangyari upang magkaroon ng pagkatuto.
Kapag nagawa ang kombinasyong ito, matutulungan ng guro ang mambabasa sa kanyang pagbasa.
Ang interaksyong namagitan sa guro at mambabasa ay tinatawag na interaktibo. Sinang-ayunan din
ito nila Galang T.T., Samson L.P. et.al.(2010), na napahakahalaga sa isang guro at mag-aaral ang
pagkakaroon ng isang matibay na pag-unawa sa proseso ng pagbasa.
Metakognitib na Pagbasa
Isa sa mahahalagang konsepto sa paglinang ng kahusayan sa pagbasa ay tinatawag na
kamalayang metakognitiv.Ayon kina Baker at Brown(1987)ayon sa akda nina Austero C.S., Mateo
E.C. et.al.(2008), ang metacognitive na pagbasa ay tumutukoy sa kaalaman at pagkontrol sa sariling
pag-iisip at mga gawain sa pagkatuto ng mga estudyante.Ang pagkatuto sa tiyak na impormasyon at
paggamit ng impormasyong ito para magawa ang ilang gawain ang nagiging hangarin o layunin ng
pagbasa. Ang ganitong uri ng pagbasa ay kasama sa ilang masalimuot na gawain gaya ng pag-unawa
at paggunita sa pangunahing ideya ng seleksyon, pagsusubaybay sa pag-unawa , pagkatuto at pag-
alam kungkailan at paano gagamitin ang metakognitive na estratehiya kapag hindi naunawaana ang
binasa.Ang metakognitiv na estratehiya ay binigyan ng kahulugan ni Ciardiello (1998) na
“pinatnubayang Pamaraan ng pagkatuto para maisaloob ang bagong impormasyon at magampanan
ang pamamahala sa pinakamataas na antas ng kaisipan”.
Ang pagbuo ng mga tanong ay mahalaga sa metakognitib na pagbasa. Si Bloom(1984) ay
gumawa ng kategorya sa paraan ng pagbuo ng mga tanong na saklaw ng kognitibong kaalaman. Ito
ay pagkilala, pag-unawa, aplikasyon, pagsusuri, sintesis at ebalwasyon. Ginagamit na gabay ng mga
guro ang ibinigay na paraan ni Bloom sa pagbuo ng ma tanong dahil natutulungan nito ang mga
mag-aaral na maunawaan ang teksto.
Elemento ng Pagbasa
Ayonsa akda niAlejo, C.T., Astorga R.E. et.al.(2005), may apat na elemento ng pagbasa.
Una, Bokabularyo o talasalitaan,ito ay ang mga salitang nalalaman ng isang tao. Kailangan na
magkaroon ng malawak na talasalitaan para maging mahusay na mambabasa. Mas maraming alam
na salita ay mas malaki ang posibilidad na maunawaan ang tekstong binasa. Ang pagkakaroon ng
malawak na talasalitaan ay nakatutulong na maging matagumpay sa loob at labas ng paaralan.
Ikalawa, Kahusayan sa pagbasa .Ito ay tumutukoy sa kakayahan sa pagbasa nang mabilis at wasto
sa teksto. Alam ng isang mahusay na mambababasa kung paano magagawang masigla ang isang
kwento, kung saan hihinto sa kuwit, tuldok at pag-iiba-iba ng tono sa mga tanong o iba pang uri ng
mga pangungusap. Ang isang mahusay na mambabasa ay nakauunawa kung ano ang kanyang
binabasa.Ikatatlo,Pag-unawa, Ito ay ang pag-intindi sa kahulugan ng teksto o sa mga susing salita
nito. Maaaring gumagamit ng iba’t ibang paraan ng pagtuklas ng kahulugan ang mambabasa gaya
ng paglikha ng magagandang tanong at pag-uugnay nito sa ibang materyal na nabasa ng mag-
aaral.at pang-apat,Palabigkasan at Palatanungan.Ito ay ang pag-aaral kung paano nagiging tunog
ang mga letra. Sa pamamagitan din ng palabigkasan at palatunugan, natututong magbasa at
magbaybay ng mga salita ang mga mambabasa. Ayon sa pag-aaral na isinagawa ni Mangagel A.B.
at Raboy J.V. (2013), na sa resulta ng kanilang pag-aaral na may sariling palabuuan at palatunugan
ang iba’t ibang pangkat entiko partikular ang pangkat Maguindanaon.
Mga Pamaraan sa Pagbasa
Mabilis
Ayon sa akda ni Austero,C.S., Mateo,E.C. et.al.(2012),ang isang mag-aaral sa kolehiyo ay
nakababasa ng dalawandaa’t limangpung salita (250) hanggang tatlundaa’t limangpung salita (350)
bawat minuto. Tinatayang ang magaling na pagbasa ay nasa pagitan ng limang daan (500) hanggang
pitong daang(700) salita bawat minuto o kaya’y mas higit pa. Idinagdag pa nila, natatanggap ng
mambabasa ang 75% na komprehenyon o pag-unawa kapag nabasa na may pag-unawa ang 200
hanggang 220 salita bawat minuto, Kadalasang ginagamit ng mambabasa ang Scanning,ito ay isang
masusing pagtingin sa babasahing material o pagbabasa sa isang tiyak na impormasyong kailangan
sa isang pahina Ayon sa akda ni Cecilia S. Austero, Emilia C. Mateo etal.(2012), at sinang-ayunan
rin ito Roldan (1993) sa akda ni Alejo,C.T., isinasagawa ito ng mambabasa upang matukoy o
mahanap agad ang partikular na impormasyon. Ipinapakita sa estratehiyang ito ang paghanap sa
tiyak na imporamasyon gaya ng salita, bilang at ideya. Ang Skiming, ayon sa akda ni Cecilia S.
Austero, Emilia C. Mateo etal.(2012), ito ay ang pinaraang pagbasa (glancing). Isang paraan ng
pagbasa kung saan ang mga mata ay mabilis na tumutingin sa mga nakalimbag na papel upang
maghanap ng informasyon. Ito ay sinang-ayunan rin ayon sa akda nina Alejo,C.T., Astorga, E.R.
et.al. (2005), ito ay isang paraan ng pagkuha ng nilalaman ng teksto o materyal sa mabilisang paraan
upang madali nilang mahanap ang nais nilang basahin na ayon sa kanilang kagustuhan at
mapapadali pa ang kanilang pagbabasa at malakap ang mga impormasyon na nais maunawaan.
Mabagal
Ayon sa akda ni Austero, C.S., Mateo E.C. et.al.(2012),may mga salik na sinasabing dahilan
kung bakit nagiging mabagal ang pagbasa. Ito ay ang mga sumusunod: Una, mahinang mata. Ang
pinakamahalang gamit sa pagbasa ay ang ating mga mata, kapag malabo ang paningin ng
mambabasa ay mas lalo siyang mahihirapan na tukuyin ang salita na binasa kaya kailangan niya pa
itong tingnan ng mas mabuti hanggang sa kanyang mabasa.Pangalawa, kulang sa konsentrasyon,
nawawalan ng konsentrasyon ang mambabasa kapag ang paligd nito ay maingay o magulo at may
taong kinakausap siya habang nagbabasa, sapagkat ito ay maaring makakaagaw ng kanyang
atensyon. Pangatlo, kasanayan na ang mabagal magbasa, sapagkat may mga mambabasa na ang
nakasanayan ng paraan sa pagbasa ay mabagal. Ito rin ay epekto ng kung ang mambabasa ay hindi
naturuaan ng tamang paraan ng pagbasa simula pagkabata nito. Dahil dito, ito ay nagreresulta na ang
mambabasa ay nangangailangan pa na gumamit ng maraming oras bago maunawaan ang binasang
teksto.
Malakas na Pagbasa
Kung ang mga inihanda o hinalaw na diskurso ay binabasa sa harapan ng
mgatagapakinig. Sa pagbasa ng malakas ay dapat na isaalang-alang ng nagbabasa ang mga
sumusunod: ang tindig, tamang pagbigkas ng mga salita, kontak sa mga tagapakinig, at tamang
paghawak ng aklat o anumang babasahin. Austero, C.S., Mateo, E.M.(2012).Sa pagbasa ng malakas,
nahahasa ng mambabasa ang kanyang boses na bumigkas ng may tamang lakas upang marinig nito o
ng mga tagapagpakinig ang kanyang mga sinasabi. Isa rin itong mabisang paraan upang
madedebelop ang kumpyansa sa sarili ng mambabasa na humarap sa maraming tao habang
nagbabasa. Madaling maunawaan ng mambabasa ang kanyang mga binabasa sapagkat itoy kanyang
nababasa ng tama,maayos at kanya rin itong naririnig mula mismo sa kanyang bibig na syang
maging dahilan upang sya ay hindi mahirapan umintindi sa kanyang binasa.
Tahimikna Pagbasa
Ang tahimik na pagbasa ay isang uri ng pagbasa na kinasasangkutan ng mataas na
kasanayan sa wika.Ang karaniwang gumagamit ng ganitong pamamaraan ay ang mga sanay na at
bihasa na sa pagbasa sapagkat sa paraang ito ay mata lang ang ginagamit.Mahahalagang salik sa
pamamaraang ito ang; posisyon sa pagbasa,kahandaan ng bumabasa,kapaligiran at kakayahan sa
pag-unawa.Tanging mga mata lamang ang ginagamit sa pagbabasa. Hindi nangangailangan ng tinig
upang mabigkas ang mga salita. Kadalasan sa isang tahimik at komportableng lugar ito
isinasagawa.May konsentrasyon sila. Hangga’t maaari ay ayaw nilang sagabal. Umiiwas sila sa mga
ingay sa kapaligiran at may fokus ang kanilang pagbabasa.Austero, C.S., Mateo, E.M.(2012).
.Schematic Diagram
Ang dayagram ay nagpapakita ng kaugnayan ng bilis sa pagbasa sa kakayahan sa pag-unawa
sa tekstong binasa na sinisimbuluhan ito ng palaso. Ang tribu ,kurso at paaralang pinagtapusan ay
mga salik na maaring makaapekto sabilis sa pagbasa at pag-unawa ng mga respondente.Natutukoy
ang kakayahan sa pag-unawa sa pamamagitan ng resulta ng pagsusulit na inihanda ng mananaliksik.
May kakayahan sa pag-unawa ang mag-aaral kung ang resulta ng pagsusulit ay 17-20, katamtaman
ang kakayahan kung ang resulta ng pagsusulit ay 13-16, may kahinaan kung 9-12, at walang
kakayahan kung 8-pababa ang magiging resulta ng pagsusulit. Ang bilis sa pagbasa ay susuriin sa
pamamagitan ng mga konseptong makikita sa kaugnay na literature at pag-aaral.
Schementic Diagram
KABANATA 3
Metodolohiya
Tribu, Kurso at Paaralang Pinagtapusan
Kakayahan sa Pag-unawa
1. May kakayahan2. Katamtaman3. Kahinaan4. Walang kakayahan
Pagbasa sa Akademikong Teksto
Paraan: Tahimik Bilis: Oras na inilaan 1,441 / 2 minuto-
mabilis 1,441/3 minuto-
katamtaman 1,441/4 minuto-
mabagal 1,441/5 minuto-
mahina
Inilalahad sa bahaging ito ang istilo ng pag-aaral, pangangalap ng datos at kung paano
mabigyang lunas ang mga suliranin sa pamamagitan ng maayos at maingat na pagsususri.
Lugar ng Pananaliksik
Ang pananaliksik na ito ay isasagawa sa Southern Christian College, Pob.5 Midsayap,
Cotabato sa taong panunuruan 2013- 2014 sa mga mag-aaral ng unang taon ng tersyarya.
Disenyo ng Pag-aaral
Ang pag-aaral na ito ay ginagamitan ng mga correlation designna kung saan ay inuugnay
ang bilis sa pagbasa sa kakayahan sa pag-unawa. Upang masuri at masiyasat ang mga nakalap na
datos at impormasyong kailanganin sa pag-aaral.
Paraan sa Pag-aaral
Lilikumin ang mga datos sa pamamagitan ng deskriptibong talatanungan kung saan sinususi
at siniyasat kung may kaugnayan ang bilis sa pagbasa ng akademikong teksto at ang kakayahan sa
pag-unawa ng mga mag-aaral sa unang taon sa tersyarya ng Southern Christian College.
Instrumentong ng Pananaliksik
Ang akademikong tekstong humanidades ang gagamitin bilang instrument sa pagbasa. Ito at
binubuo ng 1,441 mga salita. Kukuha o bubuo ng mga katanungan ang mananaliksik mula sa
tekstong ito na babasahin ng mga respondent.
Mga Respondente
Ang mga respondente sa pag-aaral ay magmumula sa unang taon sa tersyarya ng Southern
Christian College na galing sa iba’t ibang kurso.
Pagproseso ng Datos
Susuriin ang mga datos sa pamamagitan ng pagtabulate at pagkuha ng bilang at bahagdan
upang malinaw na mailahad ang mga impormasyon. Ang magiging sukatan sa kakayahan sa pag-
unawa ay ang magiging resulta sa pagsusulit ng mga respondent. Sa loob ng dalawangpung
katanungan, susukatin ang kakayahan sa pag-unawa kung ang mga respondente ay makakakuha ng
iskor na isinasaad sa sumusunod na batayan:
Iskor Deskriptibong paglalarawan
17-20 - may kakayahan sa pag-unawa
13-16 - katamtaman sa pag-unawa
9-12 - may kahinaan sa pag-unawa
8- pababa - walang kakayahan sa pag-unawa
Susukatin ang kakayahan sa bilis sa pagbasa ng mga respondente ayon sa isinasaad na batayan:
Bilis sa pagbasa Deskriptibong paglalarawan
1,441/ 2 minuto - mabilis
1,441/ 3 minuto - katamtaman
1,441/ 4 minuto - mabagal
1,441/ 5 minuto - mahina
Talasanggunian
Alejo,C.T.(2005) Pagbasa at Pagsulat Tungo sa Pananaliksik,Manila,Phil. C & E Publishing,Inc.
Austero,Cecilia.,et al.(2007).Komunikasyon sa Akademikong Filipino.Morning Breeze Subd.Caloocan City,Philippines:Grand C. Graphic Inc.
Austero,Cecilia S.,et al.(2008). Pagbasa at Pagsulat Tungo sa Pananaliksik, # 200 – C Insilay Street,Pineda,Pasig City : UNLAD PUBLISHING HOUSE
Austero,Cecilia S., et al (2011) Pagbasa at Pagsulat Tungo sa Pananaliksik. Unit 401 4 th floor.Maui Oasis Sta.Mesa, Manila: RAJAH PUBLISHING HOUSE INC.
Austero,Cecilia S.,et al (2012) Komunikasyon sa Akademikong Filipino :Unit 4 th floor Maui Oasis,Sta.Mesa,Manila: RAJAH PUBLISHING INC.
Belvez,Paz M. et al (1990) Gamiting Filipino,Pagbasa at Komposisyon :REX BOOKSTORE
Espina, Leticia T. et al (2009) Pagbasa at Pagsulat Tungo sa Pananaliksik (Filipino 2) 61 Muralla St.Intramuros,Manila:MINDSHAPERS CO.,INC.
Galang ,Teresita T., et al (2007) Pagbasa at Pagsulat Tungo sa Pananaliksik.856 Nicanor Reyes,Sr. St. REX BOOK STORE INC.
Mangagel A.B,Raboy J.N et.al (2013) Ang pagkakaiba at Pagkakatulad ng Dayalektong Maguindanawun sa Wikang Filipino na ginagamit sa Barangay Nalin 2.Midsayap Cotabato.
Pangalan: Petsa:
Kurso: Paaralang Pinagtapusa:
Tribu: Pribado
Pampumbliko
Panuto: Lagyan ng tsek ang kahon ng tamang sagot.
1. Sino ang nagsabing “Sadyang ang pagsayaw ay hindi mapigilan ng tao,dahil para sa kanya,ito ay katumbas na rin ng kanyang buhay at ng kanyang pagiging tao.Bago paman niya naunawaan ang kahulugan ng mga salita,naunawaan na niya ang kahulugan ng sayaw”?
a. Abraham Lincoln
b .Edru Abraham c. Edie Abraham d. Eric Abraham
2. Saan namayani ang konsepto ng animismo sa pakikitungo nila sa kanilang kaligiran?
a. Grupong Aeta b. Grupong Malay c. Grupong Etniko sa Cordillera d. Grupong Etniko sa Cagayan
3. Ano ang ibinigay na halimbawa na sayaw ni Abraham?
a. Sayaw Pampestibal b. Sayaw Pangkultural c. Sayaw Pang ispiritwal d. Sayaw Pampatay
4. Anong lugar na inaalayan ng sayaw na alay sa Diyos ng mga ulan?
a. Benguet b. Kalinga c. Bontok d . Ifugao
5. Anong lugar na may takiling na sayaw ng tagumpay?
a. Benguet b. Ifugao c. Kalinga d. Bontok
6. Anong lugar ang may sayaw na naglalayong bigyang-buhay ang espiritu ng mga
patay?
a. Kalinga b. Benguet c. Bontok d. Ifugao
7. Saang mga Bansa maaring ihambing an gating mga sayaw?
a. Indonesia,Thailand,Malaysia b. Malaysia,Singapore,Korea c. Korea,Thailand,Sweden d. Indonesia,Malaysia,Korea
8. Ano ang dalawang bahagi ng Kuntao?
a. Langka at Kuntao b. Langka at Bunuan c. Kuntao at Saot d. Bunuan at Kuntao
9. Anong uri ng Kuntao na ipinapakita ang banayad na kilos ng mga kamay?
a. Bunuan b. Saut c. Genum d.Langka
10. Anong yugto ng panahon napaloob ang konsteksto ng katolisismo ang mga katutubong sayaw ngunit naglalayon pa ring maipahayag ng mga ito ang mga saloobin sa buhay?
a. Panahon ng Hapon b. Panahon ng Espanyol c. Panahon ng Tsino d. Panahon ng Amerikano
11. Saan matatagpuan ang panata sa Mahal na Pook ng Sta.cruz?
a. Subli sa Batangas b. Obando,Bulacan c. Gasan Marinduque d. Subli ng Cordillera
12. Sino ang nagsabi na para sa manunubli ay hindi nila itinuturing na estriktong sayaw ang kanilang ginagawa?
a. Edru Abraham b. Elena Mirano c. Elena Abraham d. Elena Edru
13. Anong sayaw ang nagbibigay ng ginhawa sa katawan at ipinapahiwatig sa ideya ng elegansiya sa mga mananayaw?
a. Street dancing b. ballroom dancing c. hiphop dancing d. cultural dancing
14. Ano ang nagging ritwal ng buhay ng Pilipino?
a. sayaw b. pag-awit c. pagguhit d. pag-ukit
15. Ano ang tinatawag na “mahal na poon” at itinuturing na buhay,umiimik,lumilibot at nagpapagaling, kasa-kasama sa pang araw- araw na buhay lalo na sa panahon ng kahirapan at sakuna?
a. Icon b. Langka c. Subli d. Genum
16. Bakit nasabi ni Edru Abraham na ang pagsayaw ay hindi mapigilan ng tao?
a. dahil itoy kanyang kahiligan b.katumbas ng buhay at pagiging tao c.magandang ehersisyo d.aliwan ng mga tao
17. Paano isinasagawa na mga Igorot ang kanilang sayaw upang pakitunguhan ang mga anito ng kalikasan at kabahayan?
a.lapit ng mga galaw sa lupaa,tila tiklop ng mga tuhod habang lumulukso b.sumasayaw sabay sa saliw ng tunog ng tambol c.sumasayaw habang umaalay ng putting manok d.sumasayaw kasama ang lahat ng angkan
18. Anong tribu ang sumasayaw na naglalayong gawing buhay ang mga patay?
a.Ifugao b.Benguet c.Kalinga d.Bontok
19. Bakit mahalaga ang sayaw ng mga katutubong Pilipino?
a. sapagkat ito ang nagpapakita ng kultura ng Pilipino b.nakatutulong ito sa ideya ng etnisidad natin bilang bahagi ng timog Silangang
Asya c.sapagkat ito ang nagbibigay saya sa mga Pilipino d.sapagkat ito ang nakalakihan na sayaw
20. Paano mapanatili n gating mga ninuno ang mga katutubong sining?
a.dahil sa pagtaggi sa mga mananakop na Espanyol
b.dahil sa itinuturo nito sa kanilang anak c.dahil sa isinusulat sa libro d. dahil sa ikinukwento ng matatanda