Embed Size (px)
DESCRIPTION
NWU Pukke Heide Dameskoshuis se nuusblad 2014
Citation preview
ORAKEL Oor die HEIDE dames, vir die HEIDE dames, deur die HEIDE dames.
SJGD gaan groot
Liefdadigheidsweek
BOSaksie Heide het familie-
Boetie-sussie naweek
SEr & Debat Pons my en pons my nou
Waardeweek
April 2014
Oud-Heide Dames
HUISMOLES
My wonderlike Heidedogter
Dit was verseker een van die meer opwindende
jare wat ons al in Heide beleef het. Natuurlik is
Heide as ‘n reël heel opwindend (en dinamies!)
en daar is altyd die een of ander
aandagwekkende storie aan die ontwikkel.
Vanjaar het ons egter ‘n paar dinge op kampus
beleef wat Heide nogal gaan verander. Of gaan
dit werklik?
Ek het al ‘n hele paar interessante dinge beleef in
Heide en van hulle skiet baie vinnig in my kop as
ek dink aan ons koshuis. Byvoorbeeld, Broomball
is een van die lekkerste gebeurtenisse en ek mis
dit nie sommer nie. Daarmee saam is dit lekker
om te sien hoe ‘n Heidedame ‘n Heidema kry –
met die gepaardgaande sussies of ouma en selfs
‘n oupa! As my Heidedogters sing, gee hulle my
hoendervleis. Ek wil TV-dekking hê vir Heide’s
Got Talent! Debat is iets om te aanskou. Ek dink
die eerste sokkerspan is regtig fiks (die
tweedespan minder so, maar hulle skop snaakser,
wat in hulle guns tel). Ek het die voorreg om met
ongelooflik briljante jong leiers te werk op die
huiskomitee, en ek word elke keer verras met die
HK se vindingrykheid, werksvermoë en
kanniedood-houding. So kan ek aangaan: toneel,
netbal, tafeltennis, Battle of the Brains, SJGD, ‘n
braai in die braaituin, ‘n party in die klubhuis...
Ons gaan in die paar weke voor die einde van die
eerste semester geleenthede skep waar ons kan
gesels en planne beraam vir die pad vorentoe. Ek
weet dat Elané en haar HK alreeds begin werk het
aan ‘n paar idees, en ons kan nie wag om te hoor
watter ander idees daar vir Heide is nie. Met
liefde van jou koshuispa,
G.P.
Liewe Heide-dogter,
Julle het so stadig maar seker hier in my hart kom
vassit… julle meisiekinders met blink oë, slim
planne, interessante stories en baie energie!
Nou kan kry ek myself gereeld aan die sing…
‘Binne in Heide wil ek bly, hierdie is die plek net
vir my!’ Is dit die woorde? Dit is wat ek hier uit
die huisouerwoning 24h00 in die nag hoor. Soms
is dit so mooi dat ek sommer hoendervleis kry en
dan volg julle dit op met die koshuisgroet wat ‘n
traan in die oog bring.
Ja, na 3 jaar is ek regtig ‘n trotse Heide-moeder!
Vir julle wens ek die beste toe, nie net in die
wêreld nie, maar veral baie Hemelse skatte wat
nooit gesteel kan word nie. Onthou dat julle deur
Jesus geseën is met al die seëninge wat daar in
die hemel is. As julle vashou aan Hom en glo dat
God elke belofte in die Woord vir JOU bedoel is,
sal jou hart altyd dankbaar wees!
Ons gaan nou ‘n splinternuwe era in Heide
tegemoet, dit gaan dalk vreemd wees – maar
moet nooit die wat na julle kom verwyt nie.
Koester hulle en gee vir hulle Heide-liefde! Wie
weet, dalk is julle juis vir ‘n tyd soos hierdie
gekies om in Heide te wees…
Liefde
Ma Marise
Eerstejaars:
Die het ook ‘n sê...
Ons almal weet dat in ons eerstejaar was daar lekker oomblikke en slegte oomblikke tydens
O&B. Jy moes kilometers stap na die JOOLplaas of na jou sleep se koshuis, net om weer al
die pad terug te stal na die voorhuis. Hier is oomblikke wat vir 2014 se eerstejaars
uitgestaan het.
Scary senior Scary gang Lekkerste oomblik
van O&B
Dzata Natalie Joubert Cool Runnings Bos-aksie
Esperanza Ineke Meyer Emoyeni Vrugtefees
Cool Runnings Kimberly Ketsise Wild West Bos-aksie
Wild West Jane Janse van
Rensburg
Emoyeni Dinee
Phenomenal Michelle Oosthuizen Cool Runnings 1stejaarskonsert
Deja Vu Ancke Botha Cool Runnings Vertas aksie
Emoyeni Jamie Ramage Cool Runnings 1stejaarskonsert
Slegste oomblik
van O&B
Lekkerste
voorhuismaal
Mooi man 1stejaars
Dzata Selo se groet Burgers Veritas
Esperanza JOOL deurnag Roomys Veritas
Cool Runnings Blommetjies vou Hoenderpastei Patria
Wild West Seniorontmoeting Chicken Schnitzel Patria
Phenomenal Caput toe loop Plaatkoekies De Wilgers
Deja Vu Vrugtefees Chips en groente Veritas
Emoyeni Veritas aksie Hotdog en chips Veritas
JOOL “You never know what you had until it‟s lost”
Zeusrealisme, wat „n einaardige tema (jool stel nooit telleur nie!). Maar dit het nie Charne Eyssel
en haar komittee afgeskrik nie! Joolweek was voorwaardlik „n sukses gewees. Dié dat ons
onder die top vyf (vyfde) geëindig het. Maar dit was verseker nie maklik nie, met uitdagings
soos te min plastiek vir die blommetjies, duursame popkoppe, nood belagrikke eerstejaars slaap
en reën, baie reën.
Ag en toe kom die lang verwagte ou Caputters met hul kaki‟s en vaardigheid op die flot! Kom
dag of nag daar is gebou met ywer en toeweiding aan Lagy Gaga, Marilyn, dr. Seus, ou Nelson
en Poseidon. Dankie jou Caputter jy‟s sowaar „n yster!
So wie weet of joolweek „lost‟ is. Al wat ek weet is dat dié jaar se jool beslis een is om te onthou.
Daarom wil ek ook dankie sê aan die joolkomittee en Eyssel wat dit „n memorable ene gemaak
het!
“Vir jou, Heide, sal ons blomme vou tot ons geld opraak
vir jou sal ons blomme vou, ja dit maak nie saak
solank jy, Heide, net vir ons sal se dat jy ons sal lief hê
sal ons vir jou, Heide, blomme vou!”
Blikkieskosdag
Om 05:00 in die oggend op te staan is
glad nie enige student se gunsteling
vorm van tydsverdryf nie, maar vir 4202
blikkies en 4645 algehele punte, was dit
beslis die moeite werd!
Die gange het die volgende
hoeveelhede ingesamel:
1. Esperanza: 1763.14
2. Emoyeni: 1509.64
3. Phenomenal: 367.64
4. Déjà vu: 317.14
5. Dzata: 246.64
6. Wild West: 191.14
7. Cool Runnings 134.14
SJGD-Blikkieskosdag 2014 was
verseker vir Heide ‘n groot sukses!
Saam met Groenweek was die stalletjie
opgemaak as ‘n army-kamp en het ons
mooi by die tema ‘Gaan Groen’ ingepas.
Heide het ook hierdie jaar die meeste
blikkies ingesamel!
Baie dankie aan elkeen wat gehelp het
om die dag ‘n sukses te maak, vir elke
blikkie, borg, seer spier van die blikkies
aandra en dan spesiaal vir Dene vir al
haar moeite!
Saam maak ons definitief ‘n verskil! Ons
sien uit om die glimlagte op die honger
gesiggies te sien! Om te gee is soveel
beter as om te ontvang!
Intense love does not measure it just gives
Heide Bachelorettes Dit is nou een aand wat mens jou
boeke vir so uur of 2 kan alleen los.
Dit was ‘n baie groot aand vir
Heide se Hk-lede en ek is seker
hulle het dit net so baie geniet soos
die seniors. In die balkonkamers het
die seniors die Hk-lede opgedress vir
die geleentheid, elkeen van hulle het
baie interesant gelyk. Dis nou nie
die tipiese ‘outfit’ waarmee jy sal
Impala toe gaan nie. In die
balkonkamers het elkeen vreemde
konkoksies gekry om te drink en
daarna is hulle afgegaan. Met
hulle pragtige ‘outfits’ het hulle
verby die geskokte eerstejaars geloop
tot in die klubhuis. Die seniors het
gelê soos hulle lag vir al die vreemde
dinge wat die Hk aangevang het in
die ontspanningsaal. Hulle het
begin met ‘n speletjie waar elke Hk-
lid ‘n piesang deur ‘n sykous moes
eet, dit was een van die minder
lekker speletjies. Micheala aan die
ander kant het dit baie geniet en
heel eerste haar piesang opgeeet.
Daarna het die seniors die
geleentheid gekry om hulle te ‘fine’.
Die lekkerste en verseker die
snaakste speletjie van die aand was
die lepel-en-bottel speletjie. Elke
Hk-lid kry ‘n lepel wat met ‘n tou
om haar lyf gebind word en dan
moet sy die glasbottel op die grond,
met die lepel, omslaan. Hierna het
hulle twee op ‘n slag vir die seniors
gedans. Dit was ‘n baie opwindende
aand en die Prim-komitee het baie
moeite gedoen. Ek is seker na dit
was die Hk-lede gereed om te trou.
Na bachelorettes is ek seker die
Hk wil nie enige fotos van hulself
sien nie..
Bosaksie Deur: Joanna Skoczynski
Die sprong van eerste-na tweedejaar is
altyd „n groot. Aan die begin is dit vreemd
dat jy nie meer die een is wat name moet
vra nie en ook om gewoond te raak aan
jou eie titel: Juffrou.
Al hierdie nuwe goed is opwindend, maar
om MANSTYE (Whoop) te kry is die beste
ding van tweedejaar wees! Ongelukkig,
om iets lekker in die lewe te kry, moet jy
deur “blaar en modder” gaan.
By hierdie jaar se bosaksie, het al die HK
van 2013 gekom om die “blygemaakte
dore” te onthef. Die tweedejaars het
vinnig bos gegaan en hulself gekamofleer
met blare en modder. “It was a jungle out
there!”
By De Wilgers en Laureus het die
tweedejaars omtrent VROT geruik. Soos
afkop hoenders het hulle voorhuis, Veritas
en Calvyn toe gehardloop. Hulle het met
trots afgesluit deur hulle ganggroete te
doen. Daarna was dit mooi maak tyd voor
die groot troue.
Wat het „n paar van die tweedejaars
gehad om te sê oor bosakie?
Jo Vani Steytler:
Vrot melk en
Mayo!
Violah January:
Bitter lekker!
Nicolette Venter:
Spesiaal saam ons HK en
jaar groep vriendinne!
Natasha te Baerts:
Ons het gestink, maar
was baie pret. Gaan
dit vir altyd onthou.
Joanè Botha:
Definitief lekkerder as
die eerste een!
Nuwe jaar –nuwe Heide talent! deur Tru-handé Kotze
Dis weer daardie tyd van die jaar, wat die kattte kloue wys . Die mans- en-
vrouekoshuise sal oudergewoonte hulle titels as debatkonings en -koninginne
verdedig. Heide skop die jaar af met ‘n splinternuwe A en B- span. Uitdunrondtes het
reeds verlede week begin. Die A- span het ‘n werkswinkel bygewoon, om hul
struktuur en tegniek op te skerp.
. ‘n Bedrywige debatsprogram sal ‘n goeie dosis adrenalien verseker vir elke
deelnemer in die stryd. Elke Heide dame se ondersteuning sal waardeer word…
Duime op vir Heide wat algeheel 2de in die jaar se koshuisdebat is!
A- Span : (Links) Annerine Niemand
(Middel) Tru-handé Kotze en
(Regs) Ané Briel
B- Span : ( 2de van Links) Leani Coetzee
(Middel) Natalie van Niekerk en (Regs)
Carli Coetzee
Boetie & Sussie
Naweek Die boetie en Sussie naweek van 2014
was beslis ʼn naweek wat nie vergeet
sal word nie. Die naweek het begin
met sussies wat hulle boeties of
sussies opgewonde gaan groet het.
Daar is dié naweek lekker gebraai,
die boeties en sussies het die Draak
beleef met ʼn lekker ontbyt en ten
spyte van die slegte weer het almal
steeds fun gehad die Saterdag en is
ons algemene kennis behoorlik
getoets. Die Safari ete en Club
hopping het die boeties en sussies
ook ʼn smaak gegee van hoe lekker ons
studente lewe eintlik is. ʼn Naweek
van nuwe vriende maak, familie en
liefde.
Safari –ete:
Cocktails:
River Café- Brulpadda
Fine Things- Jam Jar
Primi Piatti- Tea Pot
Picasso’s- Sex Bomb
Voorgereg
Akker- Akker Krakker
Primi Piatti- California Pizza
Beefboys- Steak
Neptunes Fish Monger- Seekos
Draak- Schalk Burger
Nagereg
Draak- Chocolate Brownie
Fiori’s- Fudge Picasso &
koffie
Primi Piatti- Chocolate Nemesis
Mystic Boer- Amarula Hot
chocolate
Akker- Dom Pedro’s / Amarula
koffie
Heide gives back By Judy Phakula
When Dene van Wyk stood to be on the
house committee, her heart was to bring
SRCS back into the residence. From the
17th to the 21st of February, that’s exactly
what happened. It was a week dedicated
to doing altruistic work. A week of going
out of your way for someone else; a week
of sharing and ultimately a week of giving
back.
A visit to the old age home on Monday
morning kick started the week, where
conversations and the aroma of freshly
baked cake filled the room. Tuesday night
was all about giving back your time.
People gathered in the braai area and
made a braaibroodjie for someone else.
Animals were pampered on Wednesday
afternoon. They were bathed and treated
like sovereigns. Thursday was dedicated
to a hospital visit, where all you had to do
was share a smile; they are the most
precious thing you can give because they
resonate even after you’ve left the room.
The conclusion of the week called for
Neknominations from the residents of
Heide. There was not a shortage of those
at all.
The week was a tremendous success.
Residents came together and gave back
every way possible. Heide gave back
Die Sêr-sensasie Dis weer die tyd van die jaar wat almal
gons oor wie sêr gaan sing en wat die jaar
vir ons op daardie front gaan inhou. Sêr
was nog altyd „n trots vir Heide en dié jaar
gaan geen uitsondering wees nie. Met „n
sêr-wise coach (Stefan van Zyl, beter
bekend as Annie se boetie), op-dit HK-lid
(Germs) en dames wat oorloop van
entoesiasme en talent, beloof vanjaar se
sêr om niks anders as „n sukses te wees
nie.
Soos altyd is ons sêr-verslaafdes, met „n
paar nuwe gesigte, weer te sien op die
verhoog. Al die dames is alreeds hard
aan die werk om weereens Heide se
naam hoog te hou op kultuurgebied.
Baie geluk aan die volgende mense met
jul verkiesing tot Heide se sêr-groep 2014:
Mariëtte Sorgdrager, Dané Vermeulen,
Esté Malan, Anneri van Zyl, Christinah
Motshwane, Mart-Mari Howell, Madelaine
Rossouw, Grace Serfontein, Liezel White,
Tarene Wium, Michelle Cilliers, Carla van
Wyk, Moné Ehlerss, Tru-handé Kotze,
Jolani Blom Jordaan, Andrea Muller, Jana
Snyman, Jurene Kruger, Ane Venter en
Violah January. Sterkte met julle
voorbereiding, ons kan nie wag om te hoor
wat die jaar gaan oplewer nie!
Boodskap aan alle sêr-dames vanaf Germs:
“Eerstens wil ek net weer baie geluk sê aan elkeen van die
meisies wat deel uitmaak van Heide Sêr 2014. Ek is al klaar
so trots op julle.
Tweedens is my wens vir elkeen van julle, dat julle hierdie tyd
wat voorlê sal gebruik om te groei as mens, jou talent verder
sal ontwikkel, jouself beter leer ken asook om nuwe vriende te maak. Dat hierdie jaar se
Sêr vir elkeen iets besonders sal beteken, iets wat jy altyd sal kan koester tot in jou oudag.
Geniet elke oomblik daarvan en wees jy die verskil wat jy in ander mense wil sien.
Laastens, sing elke dag in die stort en gaan voluit, want jy is net eenkeer deel van HEIDE
Sêr 2014.”
Deur: Katinka Erasmus
Wellness week
Wellness week: ‘n Week wat jou die geleentheid bied om jou én ander mense se “wellness” te verbeter. As jy braaf genoeg was om bloed te skenk het jy tot 3 lewens gered. As jy geregistreer het as ‘n orgaanskener kan jy tot 7 lewens red en 50 lewens verbeter ! Indien jy die MIV toetse gedoen het, het jy ‘n sjokolade gekry so dit was ‘n wen-wen en om uit te vind wat jou bloedgroep is, is ook uiters belangrik vir talle gesondheidsredes.
Indien jou rooster gepak was of jou gym skedule te streng was, is daar nogsteeds ‘n manier wat jy kan help:
Gaan na : http://www.odf.org.za/
Daar kan jy meer uitvind oor orgaanskenking en online registreer om amptelik ‘n skenker te word. En as jy wonder hoekom JY moet registreer… Heaven doesn’t need the organs, Earth does.
As jy meer oor bloedskenking wil uitvind gaan na: http://www.sanbs.org.za/.
Kultuurdag Daleen Botha
As mens dink kultuur dan dink jy: “It’s my
culture”, “vir volk en land”, halfgaar ‘steak’ en
ander vreemde disse. In Heide is kultuur egter
die fyn dingetjies wat ons van mekaar
onderskei, maar wat ons op een of ander
manier ook saambring...
Met Kultuurdag wat op die 11de April vanjaar
plaasgevind het, het ‘mHei hart se Punt’ eg
Suid-Afrikaans gegaan, met ‘n suiwer Zoeloe
tema.
Die pret het begin met ‘n gras-stalletjie wat
oral rondom versier was met bokvelle en
vlakvarkies. Potjies en vuurhout het pragtig
met die heerlikste Zoeloe disse gepryk.
Properse Inkukhu (hoender), Amagwinya
(Vetkoek) en Morogo (Spinasie tipe dis). Daar
was ook ‘n ‘photo-booth’ en Zoeloe gesigverf
wat ‘n baie unieke geur aan die amper cliché
kultuurdag roetine gegee het. Toneelspel en
vermaak was daar beslis, van troues tot
danspassies, waaraan selfs die beoordeelaars
en verbygangers deelgeneem het. Dit
beklemtoon weer dat die ware “vir volk en
land” en ‘united we shall stand’ kom juis nie
daaruit dat ons almal Average Joe is nie.
Wat beteken Kultuurdag vir jou?
Hestia Victor: “Om ander kulture te leer ken
en waardering daarvoor te skep sodat mens in
harmonie beter kan saamleef. As jy verstaan
waaroor dit gaan dan het jy meer begrip
daarvoor en geduld daarmee en ek dink dis ‘n
goeie ding, om student bewus te maak van
ander kulture in die wêreld en Suid-Afrika
spesifiek.”
Lize Odendaal: “Ek geniet dit om so bietjie
meer van ander se leefstyl uit te vind. Dis vir
my baie lekker.”
Wat het jy van die stalletjie gedink?
Lize Odendaal: “Dit was mooi gewees, baie
huislik met die vuurtjie en die potjie. Toe hulle
getrou het, het hulle op die matjie gaan sit en
saam geëet en sy het vir haar man opgeskep.
Dit was baie ‘cute’.
Wat dink jy was die van sukses van
Kulltuurdag?
Nika Claassen : ‘n Baie goeie komitee wat my
gehelp het en ook beplanning en
betrokkenheid. (Die photo-booth) was nie so
suksesvol as wat ons dit wou gehad het nie,
maar ek dink daar kan definitief daarop gebou
word vir ander jare. Dis moeilik om sulke
aksies te hou gedurende klastyd. Die
beoordeling het baie goed gegaan; “die judges
het impressed gelyk en daar was na die tyd
baie goeie terugvoer gewees.”
Foto’s wat volg, verskaf deur Jennifer Williams
BOND VIR OUD-HEIDE DAMES Eerstens wil ons net baie dankie sê vir almal
se terugvoer op die vorige Orakel. Dit is lekker
om van oud-Heide Dames te hoor en hoe die
koshuis in hul tyd was.
Ons het uitgevind dat Esperanza die
jellietennis begin het en ‘n paar foto’s
ontvang.
Stuur gerus nog Heide stories en foto’s wat
ons in die volgende uitgawe kan publiseer.
Ons sal graag meer gereeld wil kommunikeer
met julle met die oog op die reunie van 2015.
Indien jy belangstel om deel te wees van die
organisasie en beplanning daarvan skakel ons
gerus.
Nika Claassen ([email protected]) OF
Elane Botha ([email protected])
Onthou asseblief dat indien jy trou en jou van
verander of jy verander van adres en
kontakbesonderhede om PukAlumni in kennis
te stel sodat hul die databasis kan opgradeer
en ons steeds in kontak kan bly.
Like ook ons Facebook page NWU-Pukke
Heide Dameskoshuis.
Sportweek 2009 (Esperanza)
NUUS VAN HEIDE DAMES Doré de Kock
Eerstejaar in 2010 is verloof aan Pieter Wagener.
Esmari Venter
Eerstejaar 2010 is verloof aan Phillip De Wet
Idale Welman
Eerstejaar 2011 is verloof aan Jacques Trudoux
Alecia Pienaar
Eerstejaar in 2010 is verloof aan Ruan Koch
Charlize Conradie
Eerstejaar in 2012 is aangewys as Miss Varsity Cup van NWU-Pukke en is algeheel as eerste prinses
gekroon.
Baie geluk aan die Oud-Heide Dames en aan almal anders wie se prestasies onbekend aan ons is.
HOOGTEPUNTE
Canvas
Basketbal ligawenners
Eerste Huisdans
Sien uit vir
Dr Dr Aksie 6 Mei
Opedag 10 Mei
Informal 15 Mei
Pa en Dogter naweek 16 – 18 Mei
