FIREFOX eta EUSKALBARNOLA INSTALATU ETA NOLA ERABILI

FIREFOXZer da, bada, Firefox?

Zergatik erabili behar dut Firefox?

Nola instala dezaket?

EUSKALBAREuskalbar instalatu

Euskalbarren hobespenak

Hizkuntza

Azalak

Interfazea

Nola kontsultatu, kontsulta motak

Kontsulta arrunta

– Tresnabarrako botoiak sakatuz

Kontsulta aurreratuak

– ENTER tekla sakatuz

– SHIFT + ENTER teklak sakatuz

– KTRL + ENTER teklak sakatuz

– Web orri bateko testua hautatuz

Hiztegien menua

Informazio gehiago

1 / 16

FIREFOX

Zer da, bada, Firefox?

Firefox web nabigatzaile bat da, gehienok zuen ordenagailuan duzuen Internet Explorer-en modukoa.

Zergatik erabili behar dut Firefox?

Ikastaro honetan ez dugu inor ezertara behartuko, baina Firefox eta Internet Explorer alderatuz gero, badira Firefoxen alde egiteko zenbait argudio.

Programa librea da eta EUSKARAZ. Bizkorra eta segurua da. Pertsonalizatzeko aukera zabala eskaintzen du. Milaka eta milaka gehigarri dituzu

eskura itxura aldatzeko, bilaketa zehatzak egiteko, musika entzuteko, txateatzeko, orriak gordetzeko, gogoko helbideak gordetzeko...

Euskalbar bilatzailea erabili nahi badugu, Firefox erabili behar dugu, Internet Explorerren ez baitu funtzionatzen. Lan egiteko ordenagailu aurrean eta interneten ordu ugari pasatzen baduzu, azken arrazoi honek nahikoa behar luke izan Firefoxen alde egiteko.

Nola instala dezaket?

1. Sartu Mozillaren webgunean: http://www.mozilla-europe.org/eu/

2. Klikatu “GET FIREFOX” koadroaren gainean. Fitxategia ordenagailuan gordetzeko esan. Gordetakoan klikatu bi aldiz, instalatzen hasteko.

2 / 16

3. Segi agertzen diren jarraibideak:

4. Lizentzia onartu:

5. Instalazio mota: oinarrizkoa.

3 / 16

6. Sakatu "Amaitu"-ren gainean eta Firefox abiatuko da.

7. Kitto, Firefox erabiltzeko prest daukazu. Honen antzeko leiho bat irekiko zaizu:

4 / 16

EUSKALBAR

Euskalbar Firefox-erako tresnabarra da, itzulpenak egiten lagunduko diguna, Interneten dauden hiztegi ofizialak kontsultatuz (Euskalterm, Elhuyar, Hiztegia3000, Euskaltzaindia, ItzuL posta zerrendaren artxiboa, Harluxet, Mokoroa, Opentrad itzultzaile automatikoa...). OSO-OSO ERABILGARRIA DA.

EUSKALBAR INSTALATU

Euskalbar erabiltzeko Firefox nabigatzailea behar duzu (2.0 bertsioa gutxienez). Firefox instalatu ondoren, EUSKALBAR gehigarria instalatu behar duzu.

1. Ireki Firefox nabigatzailea. MENU BARRAN sakatu TRESNAK menua eta ondoren GEHIGARRIAK lotura:

5 / 16

2. Sakatu ESKURATU GEHIGARRIAK leihoaren gainean, laukitxoan euskalbar idatzi eta lupa sakatu, bilaketa egiteko:

2. Ondoren, Euskalbar barraren azalpena agertuko zaizu eta ondoan GEHITU FIREFOXERA botoia. Sakatu botoi hori.

6 / 16

3. Instalatzeko esan:

4. Firefox BERRABIARAZI.

7 / 16

5. Kitto. Euskalbar lan egiteko prest daukazu:

Instalatzeko beste aukera bat da Mozilla-Firefoxen gehigarrien orrian sartze eta 2. pausotik aurrerakoak jarraitzea.

https://addons.mozilla.org/eu/firefox/addon/5811

8 / 16

EUSKALBARREN HOBESPENAK

Euskalbarren barran bertan, ezkerreko aldean, Aukerak > Hobespenak... atalean sartuz gero, Euskalbar konfigura dezakezu:

HIZKUNTZA

Bilaketak egitean, zein hizkuntzatan bilatuko duzun zehaztu dezakezu: euskaratik gaztelaniara, gaztelaniatik euskarara, euskaratik ingelesera, frantsesera...

9 / 16

Kontsulta gehienak, esate baterako, gaztelaniatik euskara egiten badituzu, aldiro-aldiro hizkuntza aukeratzen ibili ordez, HOBESPENAK atalean aukeratu dezakezu Euskalbar abiaraztean zein hizkuntza aukeratu:

AZALAK dioen atalean, bilaketa konbinatuen itxura molda dezakezu:

Azkenik, INTERFAZEA atalean, bi aukera dituzu: Erakutsi hiztegien menua eta Erakutsi testuinguru menua.

10 / 16

NOLA KONTSULTATU, KONTSULTA MOTAK

KONTSULTA ARRUNTA

1.- Tresnabarrako botoiak sakatuz

KONTSULTA AURRERATUAK

2.- ENTER tekla sakatuz

3.- SHIFT+ENTER teklak sakatuz

4.- KTRL+ENTER teklak sakatuz

5.- Web orri bateko testua hautatuz

1. KONTSULTA ARRUNTA, TRESNABARRAKO BOTOIAK SAKATUZ.

Modu horretan hiztegi bat kontsultatzen da klik bakoitzeko.

Esate baterako, Euskalbarren barrako laukian idatzi PEDIR hitza eta sakatu hiztegien botoiak: Elhuyar hiztegia, Euskalterm, 3000 hiztegia... Hiztegien botoiak sakatu ahala irekiko da hiztegi bakoitza fitxa batean.

2. KONTSULTA AURRERATUA, ENTER TEKLA SAKATUZ.

Modu horretan "Aukerak > Hobespenak..." atalean hautatu diren hiztegiak kontsultatzen dira, aldi berean, bakoitza fitxa batean.

Esate baterako, Euskalbarren barrako laukian idatzi PEDIR hitza eta sakatu ENTER tekla. Hobespenak atalean aukeraturik dituzun hiztegien fitxak irekiko dira batera.

11 / 16

3. KONTSULTA AURRERATUA, SHIFT+ENTER TEKLAK SAKATUZ.

Modu horretan "Aukerak > Hobespenak..." atalean hautatu diren hiztegiak kontsultatzen dira aldi berean, fitxa bakarrean, pantaila berean. Oso-oso lagungarria da hiztegi batean baino gehiagotan dauden ordainak eta azalpenak konparatzeko.

Zein da SHIF tekla eta non dago? Tekla hau teklatuaren ezkerreko aldean dago, batzuetan, Mayús izena du eta goranzko gezitxo bat dauka.

Esate baterako, Bilaketa barran propuesta hitza idatzi. Adi, bilatu nahi dugun hitzak tiletik (tilderik) baldin badu, behar den bezala idatzi behar dugu, tilet eta guzti.

• Aukeratu hizkuntza-noranzkoa: ES>EU. • Idatzi propuesta hitza Euskalbar barraren laukitxoan.• Sakatu Shift / Mayús / gezitxoa duen tekla. • Tekla hori sakaturik duzula, sakatu ENTER tekla • Okerrik ez bada, hainbat hiztegi agertuko zaizkizu pantaila berean.

12 / 16

Hona adibidea:

4. KONTSULATA AURRERATUA, KTRL+ENTER TEKLAK SAKATUZ.

Modu horretan "Aukerak > Hobespenak..." atalean hautatu diren sinonimoen hiztegiak kontsultatzen dira, aldi berean, bakoitza fitxa batean. Modu horretan sinonimoen hiztegiak kontsultatzen dira, aldi berean eta fitxa berean.

13 / 16

Zein da KTRL tekla eta non dago? Tekla hau Shift teklaren azpian aurkituko duzu.

Esate baterako, Bilaketa barran proposamen hitza idatzi.

• Idatzi proposamen hitza Euskalbar barraren laukitxoan.• Sakatu Ktrl / Ctrl tekla. • Tekla hori sakaturik duzula, sakatu ENTER tekla • Okerrik ez bada, Adorez sinonimoen hiztegia eta UZEIren sinonimoen

hiztegia agertuko zaizkizu pantaila berean.

Hona adibidea:

14 / 16

5. KONTSULTA AURRERATUA, WEB ORRI BATEKO TESTUA HAUTATUZ: Web orrialde bateko testu bat hautatu, saguaren eskuineko botoia sakatu eta kontsultatu nahi den hiztegia aukeratuz "Euskalbar" menuan.

15 / 16

HIZTEGIEN MENUA

Bilaketa barraz gain, Euskalbarren menua gehitzen dio Nabigatzailearen Menu-barrari. Menu honi esker, euskarazko hainbat hiztegi eta baliabidetara erraz sar gaitezke bakoitzaren web helbidea gogoratu eta idatzi gabe.

Baliabide hauek ondorengo atal nagusi hauetan daude antolaturik:

• Orokorrak• Sinonimoak• Entziklopediak• Gaikakoak • Herriak• Corpusak• Bilatzaileak

Hiztegien menua ikusteko, "Erakutsi hiztegien menua" hautatu behar da tresnabarraren "Aukerak" atalean. Hiztegien menua Firefoxen menu barra nagusian aurkituko duzu, "Tresnak" eta "Laguntza" menuen artean.

INFORMAZIO GEHIAGO

Informazio gehiago aurkituko duzu EUSKALBARREN web orrian:

http://euskalbar.eu/

16 / 16