Gasteizko Ingeniaritzako Unibertsitate Eskolako Buletina

INFORMAZIO-BULETINA, 90. Zk. 2015eko maiatza

Buletin honek EZ du hizkuntza sexistarik erabiltzen

(http://www.ehu.eus/es/web/berdintasuna-direccionparalaigualdadehu.es

Ikastaroak eta Jardunaldiak “Soft skills” prestakuntzarako ikastaroa

Eduardo Fernández de Betoñok, AFF SA enpresako Giza Baliabideetako zuzendariak, "soft skills" prestakuntzarako ikastaroa eskaini zuen, martxoaren 26an, osteguna. Pertsona baten trebetasun bigunak oso garrantzitsuak dira banakoak erakunde baten arrakastarako egin dezaken ekarpenari dagokionez. Hiru orduko iraupena izan zuen ikastaroan, Ingeniaritza Mekanikoko Graduko laugarren mailako 17 ikaslek parte hartu zuten.

Tituluen sustapena

Geomatika eta Topografiako jardueren zirkuitua

Urtarrilaren 15ean, Topografia Ataleko Meatzaritza Ingeniaritza eta Metalurgia eta Materialen Zientzia Sailak hainbat jarduera antolatu zituen bigarren hezkuntzako ikastetxeetako eta heziketa moduluetako ikasleentzat. Saioak bi taldetan banatuta egin zituzten: bata goizez, eta arratsaldez bestea. IES MURGIA BHIko ikasleak orientatzaile batekin joan ziren; CPEIPS SAN PATRICIO HLBHIPkoak eta IES IPINTZA BHIkoak, berriz, inoren laguntzarik gabe. Hiru jarduerako zirkuitu bat egin zuten: GPSa, Teledetekzioa eta Fotogrametria. Era berean, Geomatika eta Topografia Ingeniaritzako Graduari buruzko orientazioa ere eman zieten.

Unibertsitate Orientaziorako Azoka, Gipuzkoan, Araban eta Bizkaian

Urtarrilaren 24an, Unibertsitate Orientaziorako Azoka egin zen Gipuzkoan, batxilergoko eta heziketa zikloetako ikasleentzat. IAZk antolatu zuen, eta IM BARRIOLA IKASTEGIAN egin zen. Topografia Ataleko Meatzaritza Ingeniaritza eta Metalurgia eta

Materialen Zientzia Saileko Ane Lopeteguik Geomatika eta Topografia Ingeniaritzako Graduari buruzko informazio hitzaldi bat eman zuen, eta Mª Dolores Encinasek, berriz, Industria Kimikaren Ingeniaritzako Graduari buruzkoa. Josean Ramosen laguntza izan zuten, eta huraxe egon zen Eskolak eramandako erakusmahaian.

Aurten, Arabako Orientaziorako Azoka urtarrilaren 31n egin zen, goizez, FARMAZIA FAKULTATEAN. Xabier Sancho, Ruperta Delgado eta Álvaro Rodríguez irakasleek eskolan irakasten dituzten graduei buruzko informazio hitzaldi bat eman zuten, eta bertan izan ziren, halaber, Jaione Martínez de Aguirre eta Roberto Gómez ikasle ohiak.

Otsailaren 17an, goizez, Beñat Garcíak Geomatika eta Topografia Ingeniaritzako Graduari buruzko informazio hitzaldi bat eman zuen, eta Natalia Villotak, berriz, Industria Kimikaren Ingeniaritzako Graduari buruzkoa. Batxilergoko eta heziketa zikloetako ikasleei zuzendutako Azoka, IAZk antolatutakoa, Sarrikoko Ekonomia eta Enpresa Zientzien Fakultatean egin zen, eta bertan parte hartu zuten Inmaculada Tazok eta Xabier Sanchok.

Ikaslearen eta Enpleguaren Europako Aretoa, 2015, Iruñea

Otsailaren 5ean eta 6an egin zen, goizez eta arratsaldez, Baluarte Batzar Jauregia eta Nafarroako Auditoriumean, Iruñean. Iruñeko Unibertsitate Orientaziorako Azoka batxilergoko eta heziketa zikloetako ikasleei zuzendutakoa da. Gure bost graduen, masterraren eta Ingeniaritzaren alorreko ikasketa osagarrien berri eman eta horiek eskaini genituen. Han izan ziren, besteak beste, Juan Arrugaeta eta Josean Ramos.

Expouniversitas 2015, Miranda de Ebro

Miranda de Ebroko eta inguruko batxilergoko eta heziketa zikloetako ikasleei ondorengo ikasketak aukeratzeko beharrezkoa duten informazioa emateko helburuarekin, Espouniversitas Unibertsitate Azoka egin zen, otsailaren 26an, Miranda

de Ebron. Eskolak erakusmahai bat jarri zuen, eta han izan ziren Ruper Delgado eta Josean Ramos, eskaerei erantzuten.

Ikaslearen eta Enpleguaren Europako Aretoa, 2015, Vitoria-Gasteiz

Otsailaren 25ean eta 26an, goizez eta arratsaldez, Ikaslearen Europako Aretoa egin zen Artium Museoan. Eskola ordezkatzen eta bertan irakasten diren tituluak eta ikastaroen berri ematen izan ziren, hain zuzen, Josean Ramos, Estibaliz Apiñaniz, Luis Maria Berrio-Ochoa, Juan Arrugaeta eta Ruper Delgado.

Ateak Zabaltzeko Eguna

Martxoaren 9an, 10ean eta 13an, Ateak Zabaltzeko Egunak egin ziren ikastegian. Parte-hartzaileei ongietorria egin zitzaien Ekitaldi Aretoan. Bertan, Eskolako zuzendariak informazio hitzaldia eman zien. Ondoren, ibilaldi bat egin zuten, bakoitzaren intereseko tituluaren eta aukeratutako hizkuntzaren arabera, eta Eskolako ikasleen laguntzarekin. Horren berri emateko eta iragartzeko, 20 segundoko 30 irrati printza jarri genituen Euskadi Gaztea eta SER irratietan, eta baita Correo Digitalean ere.

Aurten, hainbat ikastetxetako 90 ikasle izan dira. Hain zuzen, Arabako 15 ikastetxe, Bizkaiko 5 ikastetxe, Gipuzkoako 10 ikastetxe eta Nafarroako 3 ikastetxetakoak.

Egindako ibilbideetan zehar, honako espazio hauek eta bertan egiten dituzten jarduerak ikusi ahal izan zituzten ikasleek: SMC Gela; Makina-erreminta Tailerra; Jariakinen Mekanika Laborategia; Karrera Amaierako Proiektuak, TE eta ISA Laborategia; Elektronika Laborategia; 3D inprimagailua; Kimika Laborategia; Informatika Laborategia; eta Geomatika eta Topografia Laborategia. Zuzendaritza taldetik eskerrak eman nahi dizkiegu ikasleei, irakasleei eta administrazio eta zerbitzuetako langileei, Eskolaren eta bertan irakasten diren tituluen sustapenerako egin diren ekintza guztietan parte hartzeagatik eta laguntzeagatik.

Bestelakoak

Eguzki eklipsea

Martxoaren 20an, ostirala, eguzki eklipsea izan zen. Eskolan, eklipsearen bilakaera ikusi ahal izan genuen, ekitaldi aretoko pantailan Eguzkiaren zuzeneko irudi bat jarrita; era horretan, behaketan, bermatuta zegoen segurtasuna. Gainera, atartearen gaineko terrazan, teleskopikoak, iragazki egokidunak, eta "eklipserako betaurrekoak" jarri ziren.

Kafetegia

Ohartuko zineten bezala, berritze lanak egin ditugu tabernan. Batetik, akustika hobetu dugu, sabaian xafla isolatzaile batzuk jarrita; bestetik, altzariak aldatu ditugu; eta baita argiztapena hobetu ere. Hori guztia espazioa modernizatzeko eta atseginagoa izan dadin.

Motostudent

Eskolako ikasle talde batek Motostudent Taldea sortu du, datorren urtean Motostudent lehiaketan parte hartzeko asmoz. Adierazpen Grafikoa eta Ingeniaritzako Proiektuak Saileko Karle Olalde irakaslea da tutorea, eta orain, babesle bila dabiltza.

Dronak

José Manuel López Guede irakasleak baimena eskatu du gure Ikastegiko barne patioan Dronak hegaldatzeko, eta era horretan, laborategiko praktikak egin ahal izateko. Baimena eman diote.

Jarduera akademikoa

Graduen akreditazio prozesua

Urtearen lehen hiruhilekoan, Ikastegiko gradu guztien akreditaziorako autoebaluazio txostena prestatu da. Urtarrilaren amaieran, Amaya Zárraga Gradu Ikasketen arloko errektoreordeak bilera bat deitu zuen Campusean, eta han izan ziren zuzendaritza taldeko zenbait kide. Bilera hartan, datak eta erabili beharreko prozedura proposatu ziren, eta informazio hori eskolako langile guztiei igorri zitzaien bere garaian. Hala bada, urtarrilaren 29an, osteguna, bilera bat eskatu zitzaion Unibertsitateko Kalitate Zerbitzuari, eman beharreko urratsak argitzen eta zehazten joateko.

Martxoaren 18an, Eskolako Batzarraren ezohiko saioan, gradu guztien autoebaluazio txostenak onartu ziren, eta martxoaren 20an igorri ziren Kalitate Zerbitzura. Ekainaren 9an etorriko dira kanpoko adituak.

Bilerak

Urtarrilaren 21ean, asteazkena, Xabi Sanchok eta Josean Ramosek bilera egin zuten Irakasleen errektoreordearekin, 2015-2016 ikasturteko irakaskuntza plangintzari buruz hitz egiteko.

Otsailaren 4an, 1. bilera gelan, bilera bat egin zen mailetako ordezkariekin. Bertan, zenbait iradokizun jaso ziren, eta horiek izapidetzen joan gara, ahal izan dugun neurrian.

Xabi Sanchok ikastegietako zuzendarien bileran parte hartu zuen. Gai hauek landu zituzten: 2015-2018 aldirako Unibertsitate Plana; 2015eko plazak; Graduen plan estrategikoa eta UPV/EHUko graduko ikasketen erreforma; UPV/EHUko ikastegien berrantolaketaren ezarpena; aurrekontuen aurreproiektua, eta ikerkuntza. 3+2 sistema ezartzeko aukera dela eta, UPV/EHUk, Deustuko Unibertsitateak eta Mondragon Unibertsitateak 2017-2018 ikasturteko irailera arte orain arteko sistema mantentzea adostu dute.

UPV/EHUko Komunikazio Bulegotik zuzendaritzako kide batzuekin bilera egitea eskatu zuten. Bertan izan ziren Inmaculada Tazo eta Xabi Sancho, eta Unibertsitatearen

egungo komunikazio planari buruzko iritzia eskatu zieten, baita komunikazioko bulegoen funtzionamenduari buruzkoa eta web orri korporatiboari buruzkoa ere. Bide batez, gure kexak adierazi zituzten.

Geomatika eta Topografia titulua sustatzeko eta babesteko asmoz, Xabier Sanchok (Eskolako zuzendaria), Mª Luisa Palanquesek (MMI eta Materialen Zientzia saileko zuzendaria) eta Karmele Artanok (Geomatika eta Topografia Ingeniaritzako Graduaren koordinatzailea) zenbait bilera egin dituzte c2 + i izeneko komunikazio enpresarekin, egungo matrikulazio kopurua handitzen lagunduko duten plan estrategikoa eta komunikazio plana finkatzeko.

Bestalde, estatuan, Geomatikako Zuzendarien Konferentziak bultzatutako lantalde batean parte hartzen ari gara. Talde horren helburua tituluak sustatzea da.

Martxoan, Ikastegiko zuzendariak eta bi zuzendariordek Burgosko Unibertsitateko Goi Mailako Eskola Politeknikoa bisitatu zuten, bi aldeentzat interesgarriak izan daitezkeen itunak sinatzeko asmoz. Aipatu zen Geomatika eta Topografiako Ingeniaritzako egresatuei ia 90 kreditu baliozkotuko zitzaizkiela Ingeniaritza Zibileko Gradua egin nahi izanez gero.

Harrera atzerritarrei

Martxoaren 25ean, Estíbaliz Apiñanizek 2014-2015 ikasturtean Eskolan hartu ditugun ikasle atzerritarrei ongietorria egiteko ekitaldia antolatu zuen kafetegian. Ikasle horiek ez ezik, eskolak ingelesez ematen dituzten irakasleak ere izan ziren bertan, baita buddie ikasleak ere. Bilera atsegina izan zen, eta irakasleei eta zuzendaritzari ikasle atzerritarrak aurkezteko balio izan zuen, baita ikasleek elkar ezagutzeko ere, haietako batzuek ez baitzuten horretarako aukerarik izan oraindik. Ekitaldia amaitzean, mokadu bat eskaini zitzaien.

Enpresekiko harremanak UPV/EHUren aplikazio informatiko berri bat ipini dute martxan, Praktigest, enpresetako praktikak kudeatzeko, eta hasieran zenbait zailtasun eragin ditu, eta motel ibili da. Hala ere, martxoaren amaierarako, 100 bat praktika izenpetuta zeuden, eta zenbait lan eskaintza jaso ziren, baita Santander erakundearen 5 beka ere.

Hiru irakaslek eta Enpresarekiko Harremanetako zuzendariordeak RPK S. Coop enpresa bisitatu zuten otsailean, Unibertsitatearekin lankidetzan aritzeko aukerak aurkezteko.

Xabi Sanchorekin eta Juan Arrugaetarekin egindako bileraren ostean, Ingeniarien Kutxa Fundazioak (kooperatiba) hitzarmen bat sinatu nahi du, bere zerbitzuak eskaintzeko gure ikasleei, eta adierazi du ERASMUS Jardunaldietan eta Enplegu Foroetan parte hartzeko interesa duela.

Abenduaren 23an, Chema Lomas eta Juan Arrugaeta irakasleak Alonso Moreno Botijarekin bildu ziren, Mirandako Azucarera Ebro fabrikako zuzendariarekin. Ingeniaritza Kimikoa Graduko ikasleek enpresa praktikak bertan egiteko aukerari buruz hitz egin zuten, besteak beste.

Iñaki Ochoa de Eribek, Diseinu Aeronautikoko Aditu Ikastaroaren arduradunak, eta Juan Arrugaetak, Enpresarekiko Harremanetako zuzendariordeak, Aernnova enpresa bisitatu zuten urtarrilean. Enpresa horrek ematen du aipatutako ikastaroaren zati bat, eta bileraren xedea 2014ko ikastaroa ebaluatzea eta 2015eko iraileko ikastaroaren plangintza egitea izan zen.

Forza Herramientas S.L. enpresa gurean izan zen. Bisita horren emaitza gisa, Hezkuntzarako Lankidetza Programako hiru hitzarmen izenpetuko ditugu: bat, Industria Elektronika eta Automatika Graduko ikasle batentzat, eta beste biak, Ingeniaritza Mekanikoa Gradurako.

Everis enpresak Eskola bisitatu zuen otsailean, eta, bisita horren ondorioz, Eskolako egresatu bat haien langile taldean sartu da.

Sariak, aitorpenak eta prentsako agerpenak

El Correo egunkarian elkarrizketa Víctor Monerori, Autopistas de Antofagasta enpresako Bulego Teknikoko buruari.

Ingeniari gazteak Latinoamerikara alde egin behar izan zuen, bere ibilbide profesionala garatzeko. Gasteizko Ingeniaritza Eskolan hasi zituen Topografiako Ingeniaritza Teknikoko ikasketak. Gero Madrilera joan zen, Geodesia eta Kartografia lizentzia egitera. Víctor Montero euskalduna Antofagastan bizi da, Txileko meatzaritza gune nagusian. Herrialde hartara iritsi eta hilabete gutxira aurkitu zuen ingeniari lanpostu bat Autopistas de Antofagasta enpresan. Ingeniari gisa hasi zen Bulego Teknikoan, eta urte eta erdi geroago sail horretako buru izendatu zuten. «Oso eskertuta nago, nire ibilbide profesionala garatzeko aukera eman didatelako», aitortzen du.

Elkarrizketa osoa esteka honetan: http://www.elcorreo.com/alava/sociedad/201501/11/chile-todo-ligado-minas-20150110230342.html

Miguel Calvo Cadena SER irrati katean

Meatzaritza Ingeniaritza eta Metalurgia eta Materialen Zientzia saileko Miguel Calvo irakasleak SER irrati kateko “A vivir que son dos días” programan parte hartu zuen martxoaren 7an, larunbata, 11:00ak baino zertxobait lehenago. Geomatikaren garrantzia azpimarratzeaz gain, gaur egun eskaintzen dituen aplikazioak eta aukerak nabarmendu zituen. Esteka honetan entzun dezakezue elkarrizketa: http://cadenaser.com/programa/2015/03/06/a_vivir_que_son_dos_dias/1425654584_160886.html