Upload
others
View
1
Download
0
Embed Size (px)
Citation preview
Hoërskool Montagu Maandbrief : Maart 2019
Uit die kantoor
Geagte Ouers, Voogde, Leerders en Ondersteuners
Graag gee ek die volgende inligting aan u deur:
1. Akademie
Die vorderingsverslag van hierdie kwartaal is gebaseer op die Mini-
eksamen en deurlopende evalueringspunte. Op 29 April word daar ‘n
gespreksgeleentheid beplan, waartydens ouers / voogde die vordering
van hul kind(ers) met die onderskeie vakonderwysers kan bespreek. Ek
wil u vriendelik uitnooi om van hierdie geleentheid gebruik te maak.
Volgende kwartaal skryf alle leerders eksamen vanaf 20 Mei tot 07
Junie 2019. Die hoeveelheid werk waaroor hulle dan getoets
word, is baie meer as in die geval van toetse. Dit is dus bel-
angrik dat leerders vroegtydig vir die eksamen voorberei. In
die gevalle waar u merk dat u kind se toetspunte nie na wense is nie,
kan u met die betrokke vakonderwyser ‘n afspraak maak. Die slaagver-
eistes is:
Graad 08 -09 Graad 10 – 12 (ses vakke slaag)
50%+ in Afrikaans 40%+ in Huistaal
40%+ in Engels 40%+ in twee vakke
40%+ in Wiskunde 30%+ in drie vakke
40%+ in enige drie ander vakke
30%+ in twee ander vakke
Die volgende leerders behaal ‘n gemiddelde van 80% en meer. Baie
geluk met die mooi prestasies. (in alfabetiese volgorde):
Graad 12: Ferdi Coetzee, Shalomé Neethling, en Henry Viljoen.
Graad 11: Jamay Belelie, Suné den Engelsman, Tia Esterhuyse,
Alisha Gordon, Enrike Groenewald, Anke le Grange en
Tiaan Viviers.
Graad 10: Ankia Ellis, Anton Jordaan, Mechyla Schoeman, Line
Stemmet, Dirk-Louw van der Westhuizen, Wendy Vis-
ser en John Wright.
Graad 09: Chris Carstens, Eben Carstens, Franco de Kock, Janie
Marais, Anro Nel, Philip Olivier, Nienke Strauss, Ama-
ris Strydom, Esma Swanepoel, Hein Swanepoel en JG
van Deventer.
Graad 08: Jansen Enslin, Willem Nel, Raynard Mitchell, Ann-
Lumey Pieterse, Carli Prins, Carlene Segelaar, Geriant
Segelaar, Nina Stemmet en Shani Viviers.
“ ‘n Mens is nie. ‘n
Mens word!”
Deur Dr. Flip Schutte
Jy is nie die produk van
iets nie. Jy is 'n proses.
Jy is ook nooit maar net
wat jy is nie. Jy is konstant
besig om meer of minder
te word, as wat jy is. Jy is
ook nie so gemaak en so
laat staan nie. Jy het 'n
keuse van hoe jy wil wees.
Die Franse filosoof René
Descartes het gesê: "Ek
dink, daarom is ek." Met
ander woorde jou denke en
jou bestaan het iets met
mekaar te doen. Die
Spreuke-digter het ook
geskryf: "Die mens is wat
hy dink!" So, volgens hom
bepaal jou denke jou wese!
Die skrywer van die brief
aan die Filippense sê:
"Bedink alles wat lieflik en
loflik, reg en rein is." By
implikasie sê hy dan dat 'n
mens dit word wat jy dink.
En so is mens op die ou
einde jou denke!
Ek is wat ek myself toelaat
om te dink.
Ek word wat ek myself
toelaat om te wees!
JAARLEUSE 2019: Selfdissipline Ontgin Sukses
H/S MONTAGU POSBUS 85 MONTAGU 6720 TEL: 023-6141390 FAKS: 086 5447251 EPOS:
[email protected] WEB: www.hsmontagu.co.za
2
DAGGA GEWETTIG: HOE RAAK DIT SKOLE?
Die datum 18 September 2018 sal bekend staan as ‘n “groenletterdag” in die geskiedenis van
Suid-Afrika. Koeranthoofberigte het dit uitbasuin dat dagga nou gewettig is, wat plek-plek tot
groot verwarring onder lesers gelei het.
Laat daar geen twyfel wees daaroor, dat die dagga-uitspraak van ons land se hoogste hof,
die krisis in ons skole nog meer gaan verhoog. Dis naïef om te dink dat die gebruik van dagga
nie noemenswaardig in ons skole gaan toeneem nie. Elke onderwyser is uitgelewer aan en is
reeds bekommerd oor wat die effek van die wettiging van dagga op leerders gaan hê.
Hoërskoolleerders, 18 jaar en ouer, word volgens die wet as volwassenes beskou en sal nou
dus dagga vrylik tuis kan kweek en rook. Die vraag wat onmiddellik ontstaan, is wat skole en
skoolbeheerliggame gemagtig is om te doen, indien ‘n leerder, en selfs ‘n onderwyser, onder
die invloed van dagga by die skool opdaag.
Tot op hede was geen persoon toegelaat om die skoolterrein onder die invloed van “onwet-
tige middels” te betree nie. Met die nuwe wetgewing verwys skoolbeleid steeds na “enige
bedwelmende of verdowende stof”. Skole is steeds gemagtig om persone – hetsy leerders
of onderwysers – wat onder die invloed van dagga (of drank, of watter verdowende
middel ook al) skool toe kom, die skool te verbied. Dit nieteenstaande die feit dat dit vir
privaat gebruik gewettig is.
My en baie ander se kommer is die effek wat die onbeperkte gebruik daarvan op jong kinders
en in skole in ons gemeenskappe gaan hê. Dagga het ‘n verslawende element wat op die
lang duur gaan lei tot ‘n vorm van psigose en anti-sosiale gedrag. Die aftakelende uit-
werking van dwelms in ons samelewing is onhoudbaar, en gesinne word uitmekaar geruk
deur die effek daarvan.
Ek is bevrees kinders gaan nou groter en vinniger blootstelling en toegang kry tot dagga.
Hopelik sal die regering die wetgewing met groot omsigtigheid benader en in ag neem wat die
uitwerking daarvan op die toekoms van ons jeug is.
Ons is in ‘n krisis gedompel en wat nou koelkoppe benodig. Visionêre denke moet ingespan
word in hierdie totaal nuwe uitdaging aan gemeenskappe in die algemeen, en skole in be-
sonder.
Deur: Danie van Wyk (Suid-Afrikaanse Onderwysontwikkelingstrust en FEDSAS)
Kompliment vir ons graad 12’s se gedrag tydens die loopbaanuitstalling
Meneer Prins
Baie dankie dat die leerders van Montagu Hoërskool die afgelope loopbaanuitstalling by Ash-
ton SS bygewoon het. Die leerders was, soos bekend: absoluut gedissiplineerd, goed ge-
manierd, goed voorbereid en bedagsaam teenoor die uitstallers en distriksamptenare.
Baie dankie aan hierdie leerders en die personeel wat hul vergesel het. Ons
hoop dat ons volgende jaar weer hierdie geleentheid vir ons leerders kan skep.
Mev. Karien Barkhuizen
Kaapse Wynland Onderwysdistrik: Skoolsielkundige Dienste
Geborgde Gholfdag: Die skool se Onder-steunersklub, onder leiding van mnr. Alewyn Hugo, het op 23 Februarie 2 0 1 9 ’n g e b or g d e Gholfdag op die baan van Montagu Gholfklub aangebied.
Onder leiding van Mnr. Hugo en sy span was dit
die grootste gholfdag nóg
vir die Monties. Die dag het ’n mooi opbrengs van meer as R90 000 opgele-wer. Vanuit hierdie oord, baie dankie vir almal wat ’n oop hand vir die skool het en ons skool getrou
ondersteun.
Skoolgelde Ons wil graag versoek dat die betaling van skoolgelde, waar moontlik, per internet oordragbetaling plaasvind. Dit sal baie bankkoste spaar en administrasie vergemak-lik. Gebruik u kind se naam en van en graad as ver-wysing. Ons bankbesonder-hede is as volg:
ABSA Montagu Hoërskool Montagu
Tjekrekening 1050 5600 97
Toetse en tuiswerk: Dit is baie belangrik dat leerders nie net getrou skool bywoon nie, maar dat tuiswerk daagliks volledig gedoen word en dat daar baie goed vir toetse voorberei moet word. Akademiese ver-pligtinge kom eerste, dan die res van die skoolakti-witeite.
Valentynsbal en “Sivvie” dag
Op 1 Februarie 2019 is daar ‘n Valentynsbal gehou met die tema
“Around the World”. Al 140 kaartjies was uitverkoop en veral
die graad 12’s was in groot getalle daar.
Noodhulp: Op 8 Februarie het 23 juniors leerders noodhulp-
opleiding by SOZO ontvang en op 9 Februarie het 27 senior
leerders die Boksmart Noodhulpopleiding voltooi. Albei
opleidings is baie insiggewend en die leerders het dit baie ge-
niet. Die noodhulpspan is nou goed voorbereid en reg vir die
jaar se sportseisoen.
Die Senior VRL het
baie moeite gedoen om
die saal mooi te versier
en die leerders het spog-
gerig gelyk.
Baie dankie aan almal
wat die Valentyns-
dagverkope en “Sivvie”
dag ondersteun het. Dit
is verblydend, om die
groot getal kinders in
“sivvies” te sien. Dankie
vir die goeie samewer-
king en gedrag.
CSV-Wêreldbiddag: Die kwartaal het ons verskillende ge-
lykenisse in die Bybel behandel in die kringe. Op 8 Maart het
Ds. Wynand Olivier en sy vrou, Ilse, wêreldbiddag vir die
seuns en dogters onderskeidelik gehou. Die boodskap het
beklemtoon dat ons moet besef dat gebed sonder aksies,
waardeloos is. Elkeen van ons is verantwoordelik vir ver-
andering deur gebed en dade. Baie dankie vir Locarno en die
NG Kerk vir die bydraes tot die Wêreldbiddag-geleentheid.
3
Sportafrigting: Indien daar enige ouer is wat bereid is om te help met wintersport- afrigting, vra ons dat u die skool dringend
kontak. Ons is veral op soek na iemand wat kan help met rugby-afrigting.
1ste Netbal Toer: Die eerste netbaloefengroep van 2019, het die naweek van 8-11 Maart, na
Lutzville getoer. Vrydag klop ons Piketberg 21-11. Saterdagoggend, in Lutzville, klop ons Monu-
mentpark (1200 leerders) en Vredendal Sekondêr met gemak. Ons verloor egter die wedstryd
teen Vredendal (die toernooi wenners) met 1 doel. Ons speel teen Worcester Gim vir die 3de plek
en wen met twee doele in 'n baie goeie wedstryd en eindig 3de by die toernooi! Na twee dae se
netbal wen ons 4 van die 5 wedstryde. Dankie, aan al die spelers wat die toer meegemaak het.
Julle samewerking en gedrag was puik. Baie dankie aan Juffrou Mari-Lena Joubert en Mev.
Carien Burger vir al die reëlings, tyd , afrigting en liefde vir die span.
Piketberg: Rugby en Netbal: Op 9 Maart het 11 netbalspanne en 5 rugbyspanne teen Piket-
berg deelgeneem. Ons wen 6 van die 11 netbalwedstryde. Die eerste netbalspan speel puik en
wen 21-11. Op die rugbyveld het ons al 5 wedstryde gewen. Die eerste rugbyspan klop Piketberg
met 35-14. Baie geluk aan al ons spanne en baie dankie vir die puik gedrag en positiewe in-
gesteldheid.
4
Interskole Tennis: Vrydag 22 Februarie is die tennisseisoen op 'n hoogtepunt afgesluit met
die tennis-interskole wedstryde. Die 1ste en 2de spanne het tuis gespeel en die 3de en 4de spanne
het die pad Bredasdorp toe aangedurf. Die wedstryde was baie spannend! Baie geluk aan die
1ste seuns-, 2de dogters- en die 4de seuns- en dogtersspanne wat gewen het. Baie dankie aan
elke tennisspeler vir wedstryde wat gekenmerk is met deursettingsvermoë en baie mooi sport-
mansgees. Die tennis eindig gelykop.
Interskole Krieket: Tydens hulle interskole wedstryd, verloor ons 0/15 span teen Bredasdorp
met 20 lopies. Ons beste kolwers was Leewin Swartz met ‘n uitstekende 53 lopies en Willem Nel
met 20 lopies. Ons beste bouler was Ronaldo Koker met 3 paaltjies vir 15 lopies.
By die 0/18 dogters interskole wedstryd kolf Bredasdorp eerste en behaal 88 lopies. Ons beste
bouler was Shanique Verhoog met 2 paaltjies. Ons gaan kolf en teken 91 lopies aan met 4
paaltjies plat. Ons beste kolwer was Tia Esterhuyse met 35 lopies. Ons wen die wedstryd met 6
paaltjies. Baie geluk aan al ons dogters!
Tydens die 0/18 seuns interskole wedstryd kolf Bredasdorp eerste en teken 177 lopies aan. Ons
beste bouler was Pernell Mendes met 3 paaltjies vir 21 lopies. Die Monties gaan kolf en word
almal uitgehaal vir 153 lopies. Ons beste kolwers was Pernell Mendes met 64 lopies en John
Wright met 26 lopies. Ons verloor die wedstryd met 24 lopies.
SPORTUITSLAE
Baie dankie aan Mnr. Frans Louw van Agrimark vir die mooi toer-klere, ons waardeer dit baie.
SPORTUITSLAE VERVOLG Atletiek: Die Montiespan het goeie uitslae behaal op die Noord-
Boland byeenkoms deur 7 Goud, 7 Silwer en 6 Brons te verower.
Shawn Conradie se 3 000m was die 7de beste uitslag van die dag(778
punte op die ASA-tabel).
Eerste plekke is behaal deur: Ajera le Kay (100m hekkies), Shaun Con-
radie (3000m en 1500m), Chris Carstens (gewigstoot), Casey-Lee
Wilschut (gewigstoot), Deborah Brown (100m hekkies) en Kaylin For-
tuin (verspring). Hierna word 13 atlete in die Noord-Bolandspan op-
geneem om aan die Boland Kampioenskappe te gaan deelneem.
Die Boland Hoërskole Atletiek Kampioenskappe het plaasgevind op
22 en 23 Februarie 2019. Baie geluk aan Curwin Cupido met sy silwer
medalje in die 400m hekkies. Vyfde plekke word behaal deur:
Shaun Conradie (3000m en 1500m), Chris Carstens (gewigstoot) en
Kaylin Fortuin (200m).
Baie dankie vir die personeel wat as beamptes en busbestuurders opge-tree het en dit vir die atlete moontlik gemaak het om deel te neem. Die Montie-atlete waardeer u opofferings!
Landsdiens Pres-tasie
Zindi van Zyl is 1
van 10 leerders uit
die Wes-Kaap wat
verkies is tot die
Provinsiale Junior
Landsdiens Bestuur
vir die volgende 3
jaar. Baie geluk,
Zindi! Ons is trots
op jou!
Biblioteek: Al-
tesaam 17 Bilioteek-
prefekte het hul
balkies ontvang. Baie
dankie aan elkeen
van julle en baie
sterkte vir die be-
langrike taak. Ons is
baie trots op ons bib-
lioteek. Die leerders
neem ’n groot aantal
boeke uit. Lees help
jou taalvaardighede,
lees-en leervermoë.
Die biblioteek is elke
eerste pouse oop,
asook aktiwiteits-
periodes. Elke
leerder mag 2 boeke
uitneem vir ‘n perio-
de van 2 weke.
Krieket: Die 0/15 seuns klop Robertson met 92 lopies. Ons beste kol-
wers is Anro Nel met 30, Willem Nel met 25 en Leewin Swartz met 46
lopies. Ons beste bouler was Junior Pearson met 3 paaltjies vir 8 lopies.
Teen Montana verloor ons 0/15-span met 5 paaltjies. Ons beste kolwers
is Leewin Swartz met 19 lopies en Nathan Jansen met 18 lopies. Ons
beste bouler is Willem Nel met 2 paaltjies vir 12 lopies.
Die o/18 span klop Worcester Hub. met 2 paaltjies. Die beste bouler was
Cobus Nel met 3 paaltjies vir 12 lopies en beste kolwers was Cobus Nel
met 24 en Mickyle Michaels met 17 lopies (n.u.n.). Montagu wen met 2
paaltjies. Teen Swellendam wen die eerste span met 98 lopies. Ons
beste kolwers was Cobus Nel met 31, Rewin Opperman 28, Pernell
Mendes 23 en Cherwin de Koker met 21 lopies. Ons beste bouler was
Cobus Nel met 2 paaltjies vir 8 lopies.
Ons dogterskrieketspan klop Hoërskool de Villiers Graaf met ’n alle-
mintige 102 lopies. Ons beste kolwers was Tia Esterhuyse 23, Nelizia
Fortuin 22 en Dehana Jacobus met 22 lopies. Ons beste bouler was
Brooklyn Kiewiets met 2 paaltjies. 5
Krieket Prestasies: Cobus Nel en Pernell Mandes is opge-
neem in die Noord-Boland 0/17 span, Leewin Swartz in die
Noord-Boland 0/15 span en Willem Nel in die Noord-Boland
0/14 span. Baie geluk manne!
Rugby en Hokkie Toere: Die eerste rugbyspan toer soos gebruiklik
die vakansie na Oakdale, op Riversdal, en die hokkie se twee eerste-
spangroepe gaan aan Charlie Hofmeyr se hokkiekliniek deelneem. Baie
sterkte aan ons spanne en baie dankie vir die afrigters!
Wêreld hardop-leesdag.
Die junior VRL het hul deel gedoen vir hardop-leesdag en gesorg dat die storie wyd versprei word. Hulle was onder an-dere by die hospi-taal, nasorgsen-trums en jeug be-dienings.
Leierskap-Kamp Enrike Groenewald is deur die Rotary Club aangewys om ‘n leierskap kamp van 21 tot 24 Maart op Franschoek by te woon. Ons wens haar sterkte toe.
N a s i o n a l e Toneelkompetisie Isobel Telford en Henry Viljoen het aan die eerste rondte van die Na-sionale Toneelkom-petisie op 27 Febru-arie deelgeneem.
Kommunikasie
Ten einde die skool effektief te laat funksioneer, is goeie kom-
munikasie deur die regte kanale baie belangrik. Om goeie
kommunikasie te verseker, geld die volgende reëlings:
Leerders meld enige navraag of probleem persoonlik en dade-
lik by die betrokke vakonderwyser, graadhoof of sportafrigter
aan. Indien dit nie bevredigend opgelos word nie, meld die
leerder dit by my kantoor aan.
Indien dit dan nog steeds nie bevredigend opgelos is nie, word
die ouers van die betrokke leerder by die aangeleentheid be-
trek.
Ek wil ‘n beroep op ouers doen om eers by u kind uit te vind of
hy/sy bogenoemde reëling gevolg het, voordat u die skool ska-
kel. Die skool kan slegs sinvol optree as ons eerstehands
bewus is van u navraag of probleem en kans gekry het om dit
te ondersoek. Die fasehoofde vir 2019 is as volg: Graad 08:
Mev. Janine Beukes, Graad 09: Mev. Janine Beukes, Graad
10: Mnr. Derick Kotzé, Graad 11: Mev. Ingrid Kriel en Graad
12: Mnr. Tertius Prins.
Bogenoemde persone hanteer nie slegs die navrae of griewe
van die leerders nie, maar is ook verantwoordelik vir die han-
tering van leerderoortredings in die betrokke graad.
6
Hokkie 2019
Vrydag, 1 Maart, is die hokkieseisoen amptelik geopen met 'n hokkiekliniek wat deur Vossie en Ammi van Stellenbosch aangebied is. Ons het vanjaar ook die Laerskool se hok-kiespelers genooi om deel te neem. In totaal het 70 hok-kiespelers die middag bygewoon! Daar is lekker fiksheid ge-doen, 'n geesbou-sessie is gehou en BAIE hokkie is gespeel.
Tennis: Anro Nel
Anro Nel het ‘n besige eerste kwartaal agter die rug. Tydens die Matchpoint Foundation-toernooi behaal Anro ‘n tweede plek in die 0/18 afdeling. Hy het tydens die Bo-land Proewe weereens die nommer 1, Boland 0/15, po-sisie behou. Hierdie span neem vanaf 16 tot 19 Maart aan die Interpro Toernooi deel.
Skoolbywoning Die skoolbywoning van ons leerders is baie goed. Die gemiddelde bywoning vir die afgelope kwartaal is net onder 98%. Baie dankie vir u same-werking in dié verband. Ons vra dat u asseblief sal skakel, indien u kind nie die betrokke dag skool kan bywoon nie. Op die dag wat u kind terugkeer skool toe, moet hy/sy `n briefie van u of van die dokter inhan-dig. Tydens eksamens sal slegs doktersbriewe aanvaar word.
7
Badkamers
Graag wil ons van die geleent-
heid gebruik maak om die
ouers wat spieëls geskenk het
vir die leerders se badkamers,
hartlik te bedank. Baie dankie
vir u bydrae tot die mooi maak
van die badkamers. Dit word
opreg waardeer.
Skooltye / Wintersdrag
Wintersdrag (baadjie en das) word gedra vanaf
Woensdag 2 Mei. Ouers word versoek om asseblief
vroegtydig met die leweransiers reëlings te tref ten opsig-
te van wintersdrag. Die skool heropen Dinsdag 02 April,
soos gebruiklik om 08:00. Leerders word herinner dat
daar wintersport-oefeninge sal wees in aktiwiteitsperiode
op Dinsdag 2 April. Vanaf Woensdag 3 April word win-
terstye gevolg. Ons begin dan 07:35 en sluit om 14:30.
Ek wil ‘n beroep op ouers doen om ongebruikte
skooldrag, veral wintersdrag, aan die klerebank te skenk
of beskikbaar te stel, dat ons dit namens u kan verkoop.
MONTIE GROETE.
SKOOLHOOF: MNR. TERTIUS PRINS
Beheerliggaam 2019
Die Beheerliggaam se ampsdraers en voorsitters is as
volg:
Voorsitter: Mnr. Theuns Carstens
Ondervoorsitter: Mnr. Juan Swanepoel
Tesourier: Mnr. Philippie Olivier
Sekretaris: Dr. Nadine van Zyl
Komitee Voorsitters:
Finansies: Mnr. Phillippie Olivier
Grond en Geboue: Mnr. Alewyn Hugo
Dissipline en Beleid: Mnr. Theuns Carstens
Ondersteunersklub en Bemarking: Dr. Nadine van Zyl
Sosiaal: Mev. Leana van Deventer
Koshuis: Mnr. Vikus Ellis
Baie dankie aan elke ouer/voog wat die belange van die
skool op die hart dra en die skool en die personeel
ondersteun. Ek kan u verseker dit word waardeer.
Ek wil u ook uitnooi om betrokke te wees en u hulp aan
te bied. Daar is baie terreine waar ouers/voogde be-
trokke kan wees en net soos die leerders is betrokke
ouers/voogde, gelukkige ouers/voogde. Mag u die
skoolvakansie tyd kry om kwaliteit-tyd met u kind te
spandeer. Onthou: Tyd gaan vinnig verby!
BELANGRIKE DATUMS : 2DE KWARTAAL 2019
April 02 Skool heropen 08:00 (Somersdrag)
03 Wintertye word gevolg (begin 07:35 in plaas van 07:15)
06 Rugby/Netbal/Hokkie teen Robertson (tuis)
10 Netbal Soneproewe
13 Rugby/Hokkie/Netbal teen Stellenbosch (tuis)
15 SBL vergadering 18:00
16 Mnr. en Mej. Uitdunne
17 Netbal Soneproewe
19 Goeie Vrydag (Openbare vakansiedag)
22 Gesinsdag (Openbare vakansiedag)
26 Indaba Sivviedag
29 Ouergesprekke (Vanaf 16:30 tot 18:30)
Mei
01 Werkersdag (Openbare vakansiedag)
02 Wintersdrag word gedra; Junior- en Senior Redenaars 19:00
04 Rugby en Netbal teen Bonnievale (weg); Wes-Kaap Netbalproewe
08 IEC Verkiesing 2019 (Openbare vakansiedag)
09 Mnr. & Mej. Hoërskool Montagu Finaal
10 Wes-Kaap Netbalproewe
11 Rugby/Hokkie/Netbal teen Swellendam (weg); Wes-Kaap Netbalproewe
18 Sportdag teen Montana (weg)
21 Gr 08-12 Eksamen begin (tye: 08:00-13:00)
30 Hemelvaart
Junie 03 SBL vergadering 18:00
07 Gr 08-12 Eksamen eindig
10 “Sport is Sports”-middag 13:30-16:30
12 Senior Winterbal
13 Junior Winterbal; Sivviedag
14 Skool Sluit ; Algemene Kennis
Gr. 7 OPEDAG 2019
Gr. 7 OPEDAG 2019
8