INTETHO KA BONGINKOSI MADIKIZELA

MPHATHISWA WOKUHLALISWA KOLUNTU ENTSHONA KOLONI

INTETHO YOLWABIWO-MALI

24 MATSHI 2010

Sakha iindawo zokuhlaliswa kwabantu ezimanyeneyo

nezigcinakalayo ezinamathuba okuhlala nawoqoqosho omntu

wonke.

Somlomo oHloniphekileyo,

Nkulumbuso eHloniphekileyo yeNtshona Koloni,

Nkokheli eHloniphekileyo yoMbutho oneGunya lokuPhikisa,

Balingane bam beKhabhinethi yePhondo,

Malungu aHloniphekileyo eNdlu yoWiso-mithetho yePhondo,

Sodolophu abaPhezulu nooSodolophu,

BaPhathi bakaMasipala,

Ziintloko zamaSebe nabaPhathi abaPhezulu,

Mahlakani nani zindwendwe eziHloniphekileyo.

Kwiveki ezayo, ngomhla wama 31 Matshi 2010, iSebe loRhulumente

woMmandla nezeZindlu uza kuphelelwa kukusebenza. Uza

kuthathelwa indawo ngomhla woku-1 ku-Epreli, ngamaSebe amabini:

iSebe loRhulumente woMmandla neSebe lokuHlaliswa koLuntu.

Ndiza kwaziwa njengoMphathiswa wokuHlaliswa koLuntu eNtshona

Koloni. Esi sihloko asichazi nje kuphela indlela yokuvelela

kukarhulumente izibonelelo zamathuba ezindlu, kodwa urhulumente

kaZwelonke wenzile, ngokwenyani, ukuba amkele indlela yokuvelela

kwethu izibonelelo zezindlu.

Kulo nyaka uphelileyo, xa ndandiqala ukubuza ngokugcinakala

kwendlela ekhoyo ndaze ndacebisa ngendlela entsha ebeka phambili

iziza ezinikwa iinkonzo ukodlula izakhiwo ezingaphezulu nezibonelela

ngoncedo olunganeno kubantu abaninzi, abantu abaninzi

bathandabuza.

Nangona kunjalo, indlela yethu yokuvelela ngoku ixhaswa

nguMongameli uJacob Zuma, owathi kwintetho yakhe yokuThetha

neSizwe wabeka i-500,000 yeziza ezinikwa iinkonzo kuzwelonke

njengento emakujoliswe kuyo ebhekisa kuMphathiswa oJongene

nokuHlaliswa koLuntu, uMnu. Tokyo Sexwale. Kwintlanganiso

yeMinMEC ebisandul’ukubakho kancinci nje kangangeeveki ezimbini

ezidlulileyo, kwacaca ukuba zonke ezinye iiprovinsi seziyisebenzisa

le ndlela intsha yokuvelela izinto nazo.

Kuyanelisa ukufumanisa ukuba abanye abantu bayakuvuma

esikwazileyo ukukulondoloza njengendlela elungileyo yokuvelela

kangangeminyaka emininzi.

Mnu. uSomlomo, kwiNtetho yakhe eBhekiswa kwiPhondo,

iNkulumbuso, yasikhumbuza ukuba umyalelo wethu ovela kubemmi

bePhondo leNtshona Koloni kukwakha uluntu olunamathuba

avulelekileyo kumntu wonke.

Indlela yethu yokufikelela sele yaziswa ngokupheleleyo kakhulu ngulo

mbono.

Kuluntu olunamathuba avulelekileyo kubantu bonke, iindawo

zokuhlaliswa kwabantu ziyagcinakala yaye zimanyene, zibonelela

ngokufikelela kwabo bonke kumathuba ezentlalo nezoqoqosho.

Kuluntu olunamathuba avulelekileyo, indlela yakho ebomini

ayimiselwanga ziimeko zokuzalwa kwakho, kodwa singathi

ingokwezipho/iitalente kunye nemizamo yakho. Kuluntu

olunamathuba avulelekileyo, umntwana ozalelwe entluphekweni

unakho ukukwazi ukuba abe ngugqirha wengqondo okanye uMphathi

omkhulu wenkampani (company CEO), xa kusenzeka ukuba abe

unetalente yaye unemigudu efunekayo yokuphumelela.

Ndiyacinga ukuba sonke siyavuma ukuba sinendlela ende

emasiyihambe ukuze sizuze loo mbono. Njengokutsho

kweNkulumbuso, “UMzantsi Afrika awukabi yindawo yoluntu

olunamathuba ngokuba abantu abaninzi bahlala bebanjisiwe

kumnatha wentlupheko, benemibono embalwa ebonakala

njengokuba injalo, bethembela ekukhongozweni ngurhulumente

ukuze baphile.

Kufuneka kwakhona sivume ukuba ezimeko zokuphelelwa lithemba

abaphila phantsi kwazo abemmi bethu abaninzi zinyina/zicutha

kalukhuni amathuba abo okuphucula imeko yabo nokukwazi

ukufikelela kumandla wabo abanawo.

Umntwana ohlala etyotyombeni, elingenamanzi acocekileyo,

elingenambane, nokucocwa kwamanzi, nothutho lwenkunkuma,

kufuneka oyise okuninzi kakhulu ukuze aphumelele ebomini.

Kufuneka simbonelele ngamathuba ukuze abe nokukhululeka kulo

mjikelo wentlupheko ukuze abe koko afuna ukuba kuko.

Nivile, yaye niza kuva, kubalingane bam abaninzi ngamathuba

amaninzi awohlukahlukeneyo ayakubonelelwa okanye

ayakukhawuleziswa ukwenziwa ngulo rhulumente. Ndiya kujolisa

kwindlela iSebe lokuHlaliswa koLuntu eliza kunceda ngalo

ekwandiseni amathuba ayakuxhanyulwa ngabemmi beNtshona

Koloni.

Ngaphambi kokukhupha isicwangciso sethu sobuchule neenkqubo

zethu zonyaka ozayo, mandivume kwakhona ukuba, kuluntu

olunamathuba avulelekileyo, oorhulumente basekukhanyeni yaye

banoxanduva lokuphendula. Ngoko ke, kubalulekile ukucinga

ngesikuzuzileyo nemiceli-mngeni yonyaka-mali esikuwo ngaphambi

kokujongana nonyaka olandelayo.

Imiceli-mngeni esihlangabezene nayo kwakhona ibonelela

ngokusinika ingqiqo kwezinye izithintelo ekufuneka sizoyisile ukuze

sifikelele kumbono wethu wokuhlaliswa kwabantu ngendlela

emanyeneyo negcinakalayo. INtshona Koloni yazuza i-R1. 581

billion eyiNkxaso-mali yeZindlu eziManyeneyo nezokuHlaliswa

koLuntu kunyaka-mali ka 2009/10. Ekupheleni kwale nyanga , siya

kube sichithe malunga ne- R1.501 billion, okanye i-95 pesenti

yenkxaso-mali yethu.

Ngale mali, sakhe izindlu ezili- 16 324 sadlula kwebesijolise kuko

okuli- 16, 000 ezindlu (exceeding our target of 16 000) neziza

ezinikwa iinkonzo ezili-15 182 eziwa nganeno kwebesijolise kuko

okuli-16 000 ngeepesenti ezi-5 (falling short of our target of 16 000 by

5 percent).

I- R80 million (5%) yokuchitha ngaphantsi kokulindelekileyo

inxulumene neengxaki esizifumene kurhulumente wangaphambili

ezivela Projekthi yeN2 Gateway ekuzeni kuvalwa kuka- Thubelisha

Homes.

Nanjengokuba ungakhumbula kwintetho yam yoMthetho oYilwayo

woLungelelaniso loLwabiwo-mali kuDisemba odlulileyo, siphinde

sanohlahlo lwabiwo-mali olungama-R150 lwezigidi zeerandi (R150

million) ezazibekelwe u- N2 Gateway zaze zabhekiswa kwezinye

iiprojekthi ezazisebenza kwiprovinsi. IPhondo liye lathabathela kulo

inxaxheba yokuba ngumakhi ka- N2 Gateway, yaye phantse zonke

iiprojekthi zekhontrakthi zincanyelwe iSebe nguThubelisha yaye

zilawulwa ngaphakathi kwiSebe, yi-Arhente yokwakha ebizwa

ngokuba yi- Housing Development Agency (HDA) encedisa

njengoMphathi weProjekthi.

Nangona kunjalo, iSebe kungoku nje linyula abalamli abaya

kuxazulula iingxabano, ezingazange zasonjululwa nguThubelisha

kunye neentlangano zamaqumrhu ezisebenza kwiN2 Gateway.

Kungoku nje sifaka isicelo kuNondyebo ukuze akhuphe ezazigidi

zingama-R80 million eerandi ezingazange zisetyenziselwe esi

sibophelelo, nangenxa yokuba izezomsebenzi osele ugqityiwe

kakade.

Simcelile kananjalo uThubelisha ukuba abuyise imali engangama-

R33 ezigidi zeerandi (R33 million) eyayihlawulwe kubo ukwenza

lomsebenzi, engazange idluliselwe kwiikhontraktha.

Eyona nkqubela-phambili iqinisekileyo ukusukela kuDisemba

wonyaka ophelileyo, kukuba sifikelele kwizivumelwano no-Ibuyile.

Singalindela ukuba ukwakhiwa kuqhubeke ngokukhawuleza kulo

nyaka-mali umtsha.

Omnye umceli-mngeni esibenawo kulo nyaka kukufumana iiprojekthi

zethu zephondo- –Iqhayiya lethu (Our Pride), Isiqalo esitsha (Nuwe

Begin), Iprojekthi kaMama (Mama’s Project) noThembelihle ukuba

maziqaliswe.

Ngokwesiseko, sichithe unyaka sizama iimfuneko zesicwangciso

sokuxhobisa kwakhona ekwakufuneka kwenziwe kwangaphambi

kokuba iiprojekthi ezi zindululwe (ngaphambi kokunyulwa kwam).

Zidanisa zinjalo iimfuneko zesicwangciso- yaye ndikholelwe, ndiya

luxabisa ngokuphelelyo olu dano– kufuneka silumke ukuze singenzi

abantu balindele ngaphezu kwabanokunikwa, into ke leyo engena

kwenzeka.

Oku sekuthethekile, ndiya kholwa ukuba mkhulu umhlaba wokuba

kungaphuculwa isicwangciso sethu neenkqubo zolawulo lwekhonkco

lokuxhobisa (and supply chain management procedures).

Kufuneka sicwangcise kakuhle kwangaphambili, sithathele ingqalelo

zonke iinkqubo ekufuneka sizilandele, ukuqinisekisa ukuba

ekujoliswe kuko esizibekela ngokwethu kunakho ukuzuzeka.

Malunga nalo mba, iSebe liphonononga ukuba nokwenzeka

kokuphuhliswa koBume obuManyeneyo nobuGcinakalayo

bokuHlaliswa koLuntu kwiNtshona Koloni ngombono ka 2030.

UBume obunjalo bungavumela iSebe libone kwangaphambili izidingo

zokuHlaliswa koLuntu lize licwangcisele ixesha laphakathi nelakude

(medium to long term) ngokufanelekileyo.

Ndiya kholwa kwakhona ukuba uLawulo lweKhonkco leNkxaso

(Supply Chain Management) – kwiSebe nakwiSebe likaNondyebo –

akufunekanga kunyanzelwe ukubambelela kuphela kuMthetho

oLawula iiMali zikaRhulumente; kodwa kufuneka kwakhona incedise

ukukusebenzisa oko kubambelela ngokudlala indima yenkxaso eqine

nangaphezulu ebheka kwiinjongo zobuchule zesebe.

Inkoliso yoomasipala yenza kakuhle kakhulu ukuchitha ulwabiwo

lwabo abalunikiweyo luka 2009/10, nangona kwakukho oomasipala

abaye basokola:

Umasipala waseGeorge waba lixhoba lengxaki yemali esetyenziswe

ziikhontraktha into leyo eyabathintela ukuba baqalise iprojekthi.

Ngeso sizathu, iGeorge yachitha kuphela 55 pesenti yolwabiwo-mali

yayo.

I-Overstrand yaqalisa eyayo iprojekthi eKleinmond sekuleyithi ngenxa

yokuxabana okuphathelele kwi-Arhente eyayiza kuyiphumeza

kwabakho nokubambezeleka kwezigqibo kwiRecord of Decision

nangenxa yeso sizathu, yachitha kuphela iipesenti ezingama-55

zolwabiwo-mali lwayo.

IStellenbosch yafunyanwa kukuxenga-xenga kwezepolitiki kulo

nyaka, yaza yakwazi ukuchitha kuphela i-45 yeepesenti zolwabiwo-

mali yayo, ngeli lixa iSaldanha nayo yafikelela kwi- 45 yeepesenti

kuphela ngenxa yeengxaki zokuxhotyiswa.

I-Laingsburg nePrince Albert banonyino lwesambuku seenkonzo

ezisisiseko ezifuna ukusonjululwa, baze ngoko bachitha

imbandesikhova (iqanda) neepesenti ezintathu ngokulandelelana.

Olu lwabiwo lwemali yezindlu zikamasipala luncinci kakhulu.

Enye yeendlela ekufuneka sizicingisisile ngeSebe likaZwelonke

kukusebenzisa uhlahlo lwabiwo-mali lezindlu lwabo ukuxhasa

isambuku seenkonzo ezisisiseko.

Besisoloko sizixakekisa norhulumente kazwelonke ngokuba

kuchithwe iingxaki zesambuku seenkonzo ezisisiseko

njengesithintelo kuphuhliso lokuHlaliswa KoLuntu. Ifuna umanyano

olusondeleleneyo phakathi kweMIG neNgxowa-mali yeZindlu,

phakathi kwezinye. Ndiya neliseka ngoko kukunazisa ukuba kukho

isicwangciso seNgqungquthela kulo nyaka ukusombulula ukumanywa

kwenkxaso-mali – kuquka nesebe likazwelonke lokuhlaliswa koluntu,

ulawulo lwembumba, nemicimbi yemveli, amanzi nemicimbi

yokusingqongileyo, namandla (energy), kunye namasebe ephondo

orhulumente wemimmandla nezezindlu/ezokuHlaliswa koLuntu.

Ngaphandle kukaN2 Gateway ochithe ngaphantsi kwama- R80

ezigidi zeerandi (R80 million), yonke iinkcitho eyayiphantsi

yabhekiswa kwezinye iiprojekthi ezinamandla okuyisebenzisa,

okwabangela ukuba oomasipala abaninzi bedlula ngekhulu lonke

leepesenti (100%).

Mnu. uSomlomo, injongo yethu yokuqala kule minyaka mihlanu izayo

kukukhawulezisa ukubonelela ngamathuba ezindlu, ngokubeka

phambili inkqubela yokwakha kumatyotyombe asel’enikezelwa

iinkonzo nokubonelela ngokhuseleko lwengqesho kwiziza

ezinikezelwa iinkonzo. Kufuneka siqinisekisa ukuba abantu abahlala

ngasemva ezindlwini (backyard dwellers) nabo baya bonelelwa

kumhlaba ofumanekayo ongenamntu.

Amathuba eZindlu aquka umda ogcweleyo woncedo lwezindlu

oluvela kuRhulumente nabanye abanikezeli ngeenkonzo – ukusuka

kubonelelo lweziza ezinikwa iinkonzo, ukuya kwizindlu ezihlawulelwa

irente, ukuya kwindlu ehlawulelwa ngurhulumente ephuhliswe

ngokugcweleyo.

Awona manani aphantsi abantu bonke kumathuba ezezindlu–

nezalathisi ezingundoqo kuBuchule bukaRhulumente kaZwelonke –

lukhuseleko lwengqesho nokufikelela okungenasithintelo kwiinkonzo

ezisisiseko.

Ngaphandle kokukhawuleziswa kokukhutshwa kweenkonzo, oku

kuya kuvumela abo baxhamli-zinkonzo banezinto zokuphila

(imali/indyebo) ukuba babe zii-arhente zekamva labo baze bazakhele

izindlu zabo ngokwabo kwimihlaba enikwa iinkonzo ekungoku nje

iyeyabo.

Utshintsho olunguNdoqo kukuba onke amaqela athabatha ubumnini

obupheleleyo beemfanelo zabo. URhulumente uya khawulezisa

ukukhupha iziza ezinikezelwa iinkonzo, ezibhaliswe egameni

lomnini/mnikazi omtsha. Umntu ngamnye wenza imigudu

yokuzinqikela obunye ubutyebi/ubuqili aze abilele ukwakha ikhaya

lakhe; necandelo labucala liya khuthazwa nokuba lifake inkuthazo

ekuncedeni – oku kudibanisa uncedo lwemali evela ebhankeni,

uxhotyiso lomanyano lwentlalo, abaqeshi nabantu ngabanye. Inkxaso

yezindlu elungiselelwe abaqeshwa, ingakumbi, babe namandla

okuvula inkxaso-mali eqondakalayo yokuzakhela amakhaya

ngokwabo.

Elinye iqela labaqeshi abasele bebonakalise umnqweno wokunceda

abasebenzi babo ukuba babonelelwe ngendawo yokwakha kwenye

indawo ngabalimi. Ndiye ndahlangana nabalimi baseStellenbosch,

yaye ndiye ndacela umlingane wam, uMphathiswa uvan Rensburg,

ukuba ancedise ukuqhuba intlanganiso nesebe lephondo le- Agri-SA,

ukuze kuthathwe iingxoxo zisiwe phambili malunga neendlela

ezifumanekayo zokunceda abasebenzi basezifama, nokuthi

singasebenza njani na ngokubambisana ukuqinisekisa ukuba bay

lufumana uncedo. Inyathelo lokuqala elihlabeka amadlala kukuba

umasipala kufuneka aqinisekisa ukuba abahlali basezifama baya

fakwa kwidatabheyisi yobango lwezindlu. Indawo yethu yokunduluka,

nako, kukuba, apho kunokwenzeka khona ukuba abasebenzi

basezifama bathuthwe ngezithuthi ukuya emisebenzini, amathuba

ezindlu kufuneka abonelelwe kwidolophu ekufutshane, apho indleko

zokubonelela ngeenkonzo zikamasipala zitshiphu khona

kunasefama, nalapho abahlali bakwaziyo ukufikelela

kwiindawo/nezinto eziluncedo ekuhlaleni.

Nokuba kunjalo, zikhona ezinye iindlela zokunceda abalimi

nabasebenzi basezifama. Amafama angaphuhlisa izindlu

ezihlawulelwa irente nezinenkxaso-mali yezindlu kwiifama zabo

(okanye banike iziko lezindlu zokuhlala ingqesho yexesha elide

ukuba lenze loo nto), okanye bangadlulisela inxenye yomhlaba wabo

kubasebenzi babo. Eyona nto ifunekayo kubonelelo lwezindlu

ezifama, kwakhona, lukhuseleko lwengqesho yezindlu.

Somlomo, apho kuyimfuneko khona, kufuneka sikhuthaze abantu

ukuba bangalindeli urhulumente. Izindlu ezininzi ezakhiwe

emaphandleni – umzekelo, kwiMpuma Koloni naKwaZulu-Natal –

zakhiwa ngaphandle koncedo lukarhulumente. Abantu bazenzela

ngokwabo, ngamanye amaxesha ngokucothayo kakhulu. Kufuneka

siqinisekise ukuba abo bantu abazithathela ulawulo lwekamva labo

banofikelelo kuncedo nenkxaso yemali. Ngokumalunga noku,

ndiyakholwa ukuba sidinga amancedo enkxaso yezindlu

afumanekayo ukuba andiswe ngakumbi aquke nemali-mboleko evela

kurhulumente.

UMongameli wazise ngengxowa-mali eqinisekiweyo engangesigidi-

gidi seerandi (R1 billion guarantee fund) ukukhuthaza iibhanki ukuba

zixhase ngemali izindlu ezifikelelekayo. Nokuba kunjalo, le ngxowa-

mali ijoliswe, ngokuchanekileyo, kwintengiso yokuvala izithuba (gap

market). Ndiya kholwa kwakhona ukuba sidinga ukukhulisa inkxaso-

mali yezindlu ekhutshwa ngesikali esincinci kwintengiso yezindlu

yabamkela imali ephantsi ukuze incede abantu ukuba bakhe izindlu

zabo.

Sendikuthethile oku, ukuvala izikhewu phakathi kwezindlu ezifumana

inkxaso nentengiso enesiqiniselo semali eyakubuyiswa inenzala

ngexesha lezivumelwano ibalulekile. Ukuthekelela ukuba siwuthatha

nzulu njani lo mba, sakhe iCandelo lokuSebenza ngeZindlu

eziFikelelekayo (Directorate of Affordable Housing) kwisebe. Eli

candela liya kusebenza ngeZindlu eziHlawulelwa iRente noko

sikubiza ngokuba ziZindlu zeZikhewu/zamaThuba (Gap Housing).

Kodwa oyena ndoqo womsebenzi weli candelo iya kuba kukwakha

ubuhlakani.

Ndisandul’ukubuya e-United Kingdom apho ndahambela inkomfa

ephathelele kwiZindlu eziHlawulelwa iRente (Social Housing),

nokuhambela iiprojekthi ezininzi nokuhlangana neengcaphephe

ezininzi kulo msebenzi. Into eyandibetha kakhulu kutyelelo lwam

bubukhulu bendlela abakhe ngayo ubuhlakani bamacandelo

amaninzi (multi-sectoral partnerships) ukuhlasela imiba yentlalo

ngezindlu. Yonke into ijikeleza kwizindlu. Umzekelo, imibutho

yezindlu ezihlawulelwa irente ihlasela imiba yokusetyenziswa

kweziyobisi, iindlela zokuphila ezingalunganga, ulwaphulo-mthetho

nokungabikho kwengqesho, yonke le nto yenziwa ngokwezindlu

(through housing).

Sesinazo iiprojekthi zokuqalisa apha eNtshona Koloni – umzekelo,

uThintelo loBundlobongela ngenkqubo yokuQhubela-phambili

iiNdawo zaseziDolophini ngaphantsi kweSixeko saseKapa. Nokuba

kunjalo, namhlanje lusuku lweSifo seMiphunga kwiLizwe lonke

(World TB Day), nomnye ummandla apho singakwazi ukwenza khona

impembelelo ebonakalayo ekulweni i-TB nezinye izifo

ezinokuthintelwa. Ngokuphucula iimeko zokuphila zabantu abaninzi

kakhulu, singanciphisa umthwalo wesifo kweli phondo lethu, yaye

ngethemba siya kukwazi ukonga imali eya kukwazi ukuphoswa

kweminye imimmandla enesidingo.

Kufuneka sibe nendlela yokuvelela izinto elungelelanisiweyo kuyo

yonke le miba. Kodwa akufuneki sizame ukwenza izinto zonke

ngokwethu. Kufuneka samkele ukuba amandla karhulumente

anomda aphela kuwo size sitsale amahlakani kwicandelo labucala

nasebantwini jikelele ukuze basincede.

UBuhlakani baBucala boLuntu bunikezela ngeendlela zobonelelo

lwezindlu ezigcinakalayo– ingakumbi kwintengiso yezirentwayo

nezifikelelekayo. E-UK, urhulumente akaboneleli ngazindlu, IMibutho

ejongene nezindlu ezirentwayo nezifikelelekayo yiyo eyenza loo nto

(Social Housing Associations). URhulumente uxhasa kuphela i- 40

yeepesenti yezakhiwo ezintsha. Iipesenti ezingama 60 kufuneka

yakhiwe kwingeniso nenkxaso-mali yale mibutho. Ukunikezela

ngezindlu simahla asiyonto enokumelwa kwixesha elide. IZindlu

eziRentwayo nePPP zona zinakho.

Kwinyanga ezayo, ndiya kube ndindulula uBuchule beZindlu

eziRentwayo (Rental Housing Strategy), into eza kuba iyila

umkhomba-ndlela kule meko. Owona mgqaliselo ungundoqo wobu

buchule kukwandisa ulawulo lwezindlu ezirentwayo ukuphucula

ukuqokelelwa kwerente nolondolozo lomhlaba.

Sihlangene namahlakani e-UK abanomdla kakhulu wokusinceda

ngenkxaso yaMaziko eZindlu eziRentwayo Entshona Koloni, kunye

nokuxhobisa ngezakhono nobungcaphephe kwisebe lethu. Siza

kubakhondoza ngezi zithemiso zabo zesisa.

Njengokuba ndatshoyo ngexesha iNkulumbuso isenza iNtetho

yoBume bePhondo, ukuphakanyiswa kweziza ezinikwa iinkonzo

akuyi kwenzeka ngobusuku obunye.

ULwabiwo-mali lwethu lonyaka-mali ka- 2010/2011 ludlule nje

kwizigidi-gidi ezi-2 zeerandi (R2 billion), apho i-mali engaphantsi nje

kwe-R1.9 billion ixhaswa yiNkxaso-mali evela kwingxowa-mali

yeZindlu eziManyeneyo neyokuHlaliswa kwaBantu. Ngolu hlahlo

lwabiwo-mali, sijolise ekunikezeleni inkonzo kwiziza ezingama- 18

000 nokwakha izindlu ezili - 15 400. Izikhewu phakathi kweziza

nezindlu zisencinci kakhulu, ngenxa yezibophelelo esezikhona

namaxesha eziqalelo zocwangciso ezifunekayo.

Noxa kunjalo, yinjongo yethu ukuba sisandise kancinci isikhewu

phakathi kwangoku nonyaka wama- 2014. Olu longezelelo luthe chu

luza kusivumela ukuba sibonelele ngeziza eziphuhlisiweyo ezingama-

150 000 kwiminyaka emihlanu, ngokuchasaniswe nezingama- 80 000

kuphela xa silondoloza indlela yokuvelela izinto yoshishino lwesiqhelo

(a business-as-usual approach).

Oku koko iNkulumbuso engabhekisa kuko njengojoliso olutweziweyo.

Kodwa iza kukhupha kwakhona amathuba ezindlu angalinganiswa

ne-sithathu ekhulwini (third) yentsilelo ekhoyo ngoku. Ngoko ke

kufuneka sizitwabulule yaye sizame ukufikelele koko sijolise kuko.

INkqubela-phambili yeNkqubo yaMatyotyombe (Upgrading of

Informal Settlements Programme-UISP) isembindini wokuzuzwa

koko kujoliswe kuko. Ukuze sibe nokuncedwa ngesicwangciso,

sinyule umnikezeli-zinkonzo ukuze amise idatabheyisi

yamatyotyombe kwiNtshona Koloni. Le databheyisi iya kwenza

iingcebiso zokuqala zenkxaso engamandla yexesha langoku,

eliphakathi nexesha elide eliya kunikezelwa ngokuvumelana

nenkqubela-phambili leyo, yaye iza kuthi ekugqibeleni ikhokele

uphuhliso lweSicwangciso esinguNdoqo sePhondo seeNdawo

ezingaMatyotyombe. Sibeke ulwabiwo-mali oluzizigidi-gidi ezili1,9

zeerandi (R1.9 million) kule projekthi, eza kugqitywa kunyaka-mali

olandelayo.

Amanye amatyotyombe akhiwa ngenxa yokusondela kwawo

kwiindawo ezinamancedo eluntwini, iipaseji zothutho namathuba

ezoqoqosho.

Kufuneka sikhulise inani lamakhaya anokushiyeka kwezo ndawo

zokuhlala emva kokuba zilungisiwe. Kufuneka sandise umthamo

wokuxinana weeprojekthi zethu kumhlaba ome kwindawo entle.

Sizibekele oko sijolise kuko okuzizindlu ezingama-90 zeendawo

zokuhlala nehektare (average net density) kumhlaba ome kwindawo

entle ngo 2014/15. Umzekelo omhle woku yiJoe Slovo: ukwela

okokuba kukwazeke ukuhlaliswa abantu abaninzi abakhoyo

kangangoko, siyile indawo yokumisa iziza eya kuzuza umthamo

wokuxinana wezindlu ezingama-110 ngehektare.

Ngaphandle kokukhulisa ixabiso esilikhuphayo kwihektare nganye

esiyilungisayo, uphuhliso lomthamo wokuxinanisa ophakamileyo

unezinye iinzuzo, ezinjengokongiwa kweenkonzo ezisisiseko

nokwandiswa kokufikelela koluntu kwizinto zothutho ezifikelelekayo.

Inyaniso yeyokuba, phakathi kwephondo noomasipala, sinomhlaba

ongenamntu yaye ongasetyenziswanga okumphetho weendawo

ezisezidolophini – ongangeehekthare ezili- 7 800. Ayinguwo wonke

okwaziyo ukuba ungaphuhliswa, uninzi lwawo kufuneka ukhangelwe

ngaphantsi kokusingqongileyo nesicwangciso sokwamkelwa

ngaphambi kokuba ukhululelwe ukusebenza. Iinkoliso yoomasipala

sele belathe umhlaba owaneleyo weminyaka nje emibini elandelayo

yophuhliso lokuhlaliswa kwabantu. Kodwa kufuneka siqalise

ukucwangcisa kwangoku silungiselele ukukhululwa komhlaba esiza

kuwufunela amanani amakhulu eziza eziphuhlisiweyo kwiminyaka

elandelayo.

Endaweni yalo, iSebe liya kukhulula iihekthare ezingama-300

zomhlaba liwunike abakhi noomasipala ukuze bawuphuhlisele

ukuhlalisa abantu kunyaka-mali omileyo. Siza kube sisebenza ne-

HDA ukuqinisekisa ukukhululwa komhlaba ome kakuhle ongowesebe

likazwelonke namaziko akhoyo karhulumente ukuze kuphuhliswe

ukuhlaliswa kwabantu.

Ndingalatha kwakhona ukuba urhulumente wephondo ngomthathi-

nxaxheba omnye kuphela kuphuhliso lokuhlaliswa kwabantu.

OoMasipala, ngokokwabo, basesazulwini sokufikelela kwisiphumo

sombono wethu, ngeli xesha uRhulumente kaZwelonke naye

ephembelela emakuzuzwe – njengoko senditshilo. Kubalulekile

kakhulu ukuba sibe nendlela elungelelanisiweyo kuwo onke

amaqonga karhulumente – nakuwo onke amasebe amaphondo –

ukuya kutsho kwiSicwangciso esiManyeneyo soPhuhliso ne,

ingakumbi iSicwangciso sokuHlaliswa koLuntu.

Somlomo, nanjengokuba sewuvile kwingxelo yam yonyaka-mali

omileyo, kukhona ukusweleka kwemiceli-mngeni yoxhobiso, kwisebe

nakoomasipala abaninzi.

Ukusombulula okuthetheke ngaphambili, simisela iProjekthi

yeCandelo loLawulo (Project Management Unit) kwi-Ofisi yeNtloko

yeSebe ukuze iphuhlise inkcubeko yolawulo lweprojekthi kwisebe.

Silindele ukuba eli candela liza kusebenza ngaphakathi kweenyanga

ezintandathu zokuqala zalo nyaka-mali. Zonke iiprojekthi

zokuhlaliswa koluntu ziza kubekw’esweni yiPMU eya kusebenzisa

indlela ye-Executive Dashboard system – ukusukela kwisicwangciso

sokuqala ukuya enikezelweni kwenkonzo kubaxhamli – zivumela

ukubhaqwa kwezinto ezinganobungozi nezithintelo kwasekuqaleni,

ezinokukwazi ukuthonyalaliswa, zilungiswe okanye ziphetshwe

ngokupheleleyo.

Ukusombulula iingxaki zokuxhotyiswa kumgangatho wesiphaluka,

sinolwabiwo-mali oluyi- R3.3 million ukuze siqinise inkxaso

koomasipala. Kufuneka siqinisekise ngomanyano lweZicwangciso

zokuHlaliswa koLuntu ukuya kutsho kwizicwangciso zobuchule

zikazwelonke. Oku kuqukanisa ukuba uphuhliso lwexesha elizayo

luhlangabezana neenqobo zogcinakalo ezisekelwe kwisithathu

sezinto ezibalulekileyo – oko kukuthi, ezemali, ezentlalo

nokusingqongileyo. Ngokumalunga nalo mbandela wokugqibela,

siqala kolu joliso luncinane lweepesenti ezili-10 lwezindlu ezakhiweyo

kusetyenziswe iindlela ezisebenzisa amandla ombane ngempumelelo

ngo-2010/11; kodwa sifuna ukubona oku kusanda ukuya kwiipesenti

ezingama- 40 ngo 2014/15.

Kulo nyaka, sisebenze noomasipala abathandathu kwiNkqubo

yeNkxaso eyiBuilt Environment Support Programme ukuhlanganisela

IziCwangciso zokuHlaliswa koLuntu noBume bamaThuba oMhlaba

woPhuhliso akholisayo. Eminye imiba etshisayo enqamlezileyo

yalathwa, kuquka nokuswelwa kogqaliselo lobuchule lweZicwangciso

eziManyeneyo zoPhuhliso.

Ngokusekelwa kwizifundo esezifundiwe, sithatha enye indlela

yokuvelela aba masipala bathandathu balandelayo. Siya kunyula

abaniki-zinkonzo ukuze benze uhlahlelo lwezithuba olupheleleyo

kumasipala ngamnye, badwelise izithuba koBume boPhuhliso

lweziThuba nee-IDP, kunye nolwazi-nkqubo oluphakanyiswayo

oluya kusetyenziswa neendleko eziqikelelwayo zomsebenzi

ofunekayo ukuvala ezo zithuba.

Ekupheleni kwale nkqubo, umasipala ngamnye uya kuba nendlela

yokuyila isicwangciso soluhlu lweeprojekthi zexesha elifutshane,

eliphakathi nelide, eziya kuphumela kwisicwangciso esiphuculiweyo

esimanyeneyo.

Siza kuphinda kwakhona simisele iMbutho yokuCwangcisa

kwiphondo kulo nyaka ukwenza bonke abathath’inxaxheba ukuba

bacwangcise ngokungqinelelana neziCwangciso ezintsha

neziphuculiweyo zokuHlaliswa koLuntu. Ngokubeka phantsi

iZicwangciso zokuHlaliswa koLuntu ezikholisayo kwisazulu

socwangciso lwethu olubheke phambili, siza kukwazi ukuqinisekisa

ukuba abemmi abaninzi baya kwazi ukufikelela kwizikolo, iiklinikhi

nezinye iindawo zoncedo loluntu, kunye namathuba ezoqoqosho.

Abo masipala banezakhono baza kuncedwa ukuze benze izicelo

zokuqinisekiswa kwezindlu, nokuze kuthathwe iimfanelo ezininzi

ekungoku nje zigcinwe kakuhle liphondo. ISixeko saseKapa

sesisifakile isicelo yaye sesivavanyelwe umgangatho woku-1 nowesi-

2 wokuqinisekiswa. Silindele ulwamkelo lokugqibela oluvela

kuMphathiswa kaZwelonke.

Ukongeza kugqaliselo lwethu kwisicwangciso esiphuculiweyo – kuyo

yomibini imigangatho owephondo nokamasipala – sazisa indlela

yommandla yokuvelela ukukhutshwa kwezindlu. Sakhe iCandelo

lommandla (Regional Directorate) namacandelwana amabini (two

subdirectorates) – elinye liza kujonga i-Eden neCentral Karoo, elinye

lijongane neCape Winelands. Okokuqala ukuba, iSixeko saseKapa, i-

Overberg neWest Coast ziya kube zincedwa ngamacandelo okuqala

akuluhlu olusebenzayo. Iinjongo zethu kukubeka umthwalo

weprojekthi nokubonelela ngenkxaso yokuphunyezwa esondeleyo

nangaphezulu koomasipala.

Mnu. uSomlomo, njengoko nditshilo ngaphambili, ukuba ukuhlaliswa

koluntu lwethu kufuneka kugcinakele, kubalulekile ukuba abaxhamli-

zinkonzo abafumana uncedo lukarhulumente bathathe inxaxheba

buqu yomsebenzi wabo. Eyona njongo ingundoqo karhulumente

ngokuphathelele koku kukubethelela ingqondo yobango phakathi

kwabaxhamli-zinkonzo bezindlu nokwandisa ukuqonda nokwazi

amalungelo neemfanelo zabo.

Kwixeshana elifutshane, siya hlola kwakhona inkqubo yethu

yemfundo yabathengi. Asanelanga kukuba inkxaso-mali esiyibonelele

oomasipala kwixesha elidlulileyo ikwazile ukuza neziphumo

ebezifuneka. Kulo nyaka, sibeke ulwabiwo-mali oluyi- R1.05 million

yokwenza iindibano zokwabelana ngamava nabaxhamli-zinkonzo

abathembisayo nabatsha kunye namagosa kamasipala asebenza

kuhlaliso loluntu.

Kwixesha eliphakathi ukuya kwelide, sijonge ukunyusa umlinganiselo

wezindlu esizakhayo sisebenzisa inkqubo yePHP. Abantu abenza

igalelo ekwakhiweni kwezindlu zabo – nokuba kungemali okanye

ngamandla okusebenza kwabo – bayazingca ngoko bakwakhileyo

yaye bayalivuyela inyaniso yexabiso lwezinto ezibalulekileyo

abanazo. Ngo 2010/11, iipesenti ezingama-25 zezindlu esizakhileyo

ziya kuvela kwinkqubo yePHP. Ngo 2014/15, oko kuya kunyuka kuye

kwiipesenti ezingama 50.

Kodwa njengoko ndatshoyo kunyaka ophelileyo, kufuneka sixoxe

ngezithuba ezikhoyo kumaziko neengxaki nePHP. Ukuza kuthi ga

ngoku, ndiyavuya ukwazisa ukuba uMlawuli wethu omtsha wePHP

uza kuqalisa ngomhla woku-1 ku-Epreli 2010. Umsebenzi wakhe

wokuqala kukuba aphucule uxhobiso lolawulo nempatho yeprojekthi

kwicandelo lakhe. Siqalisa indlela yokusebenza ngokuzinikela

kwiPHP, sineemanejala zokulawula kunye nabaxhamli-zinkonzo

ngezantsi.

Somlomo, kubalulekile ukuba ukukhethwa kwabaxhamli-zinkonzo

kungabi ngobobulungisa kuphela kodwa bukwazi ukubonakala

bunjalo.

Ngokuphathelele koku, sinolwabiwo-mali engange- R4.5 million

ukuze sikwazi ukuphuhlisa inkqubo esemgangathweni, ecacileyo

nenobulungisa nenkqubo yokukhetha abaxhamli-zinkonzo kusekelwe

kulawulo lwenkcukacha nalapho zigcinwa khona. Oku kuquka

ukuphunyezwa kwenkqubo yenkxaso yedatabheyisi yobano lwezindlu

zikamasipala, eyakuqinisekisa ukuba iinkcukacha ezifanelekileyo

ziqokelelwe zaze zabanjwa kwinational Housing Subsidy System

Needs Register ukuze ziqinisekiswe, zize zilondolozwe ngendlela

eqhubekekayo.

Ukukhethwa kwabaxhamli-zinkonzo kufuneka kuthath’ingqalelo

amabali abantu abahlala ezindlwini ngokungafanelekanga

kumasipala, baphathwe ngobulungisa.

Ngaphandle koko kuqinisekiswe ukuba izidingo zabantu abahlala

ngasemva ezindlwini ziya sonjululwa kukhetho lwabaxhamli-zinkonzo

abaphuhliselwa izindlu phantsi kwegreen field developments,

siqalisile kwakhona ukuphengulula ukuba nokwenzeka kokulungisa

imeko yabahlala ngasemva kwezindlu apho bakhoyo. ISixeko

saseKapa siqhuba iprojekthi esaqalayo ukulungiselela inkqubela-

phambili yabantu abahlala ngasemva kwezindlu kwimihlaba yabo.

Ukulungiswa kwalo mhlaba sele uphuhlisiwe waba bantu kumhlaba

ongengowabo ngumceli-mngeni omkhulu, onemivuka emininzi

ebekungaqondwanga kuyo – into ke leyo eyafundwa naliRhawuti,

nakwindleko yalo.

Asinazo iimpendulo zale mingeni okwangoku. Kodwa asikwazi

kwenza ngathi asiyiboni. Siya kuqhubeka sithetha noomasipala,

iiYunivesiti nezinye iinzululwazi ngokucinga ukuze kuziwe nezinye

iindlela eziphucukileyo zokoyisa le mingeni minzima njenga lona.

Akukho rhulumente naqela lunoxhamlo-lodwa lweengcinga ezintle.

Sinombono omhle, kunye neengcinga ezininzi ezilungileyo

esinokusebenza ngazo ukuya kulo mbono, kodwa sihlala sivulekile

ukuba samkele zonke iinguqulelo ezinokusinceda sifikelele kumbono

wethu woluntu olunamathuba avuleleke kumntu wonke. No

government or party has a monopoly on good ideas.

Enkosi.