Wenn an dr Wand e Lyynwand hänggte mängge druff gnaisst und sich dänggt

was het dr Kinschtler saage wellewon äär mit Bämsel und dr Kelle

Faarben uff em wysse Grundverdailt het - dängg zer spoote Stund.

Wenn hinter Droot e Huffe stootvo altem Schrott, wo nimme goote mängge dänggt, das isch dr Hit

dr Kinschtler dailt is ebbis mitwon äär mit Yyse voller Roscht

dä Staab montiert het - Richtig Oscht!

Wenn hinter Glaas vor Staub biwaarten alte Strääl in s Lääre staart

wo schyynts e Grais vor hundert Joore Schaitel zooge haig dur d Hoor.

Vyyli Zagge dien em fäälekuum e Hoor wuurd dää no strääle!

Wenn uff em Soggel bresendierte Hiirni gläbt - frisch blaschdiniert

gschyyblet, so wie Ratatouillefindet daas e mängge pfui

doch aanegaffe wänn sy glyychme kennti maine, s miech se ryych!

Denn gseesch us waas d Kultuur hit bstootus altem Blunder – Hauptsach doot!

Doch läbt d Kultuur isch daas e Sachdenn macht sy nämli schambaar Grach

wo mängg fyyn Basler Eerli steertund drum bigoscht verbotte gheert!

Im Joggeli wiird uff de Rängals Leesig geege luti Gsäng

fir jeede Fan, no gnauem Maase Kischte baut, us Panzerglaas.

So rund e halbe Meeter langschluggt die sicher jeede Gsangund dr Bescht isch dooderbyyesoo leen die au s Schleegle syy!

Us groosse Boggse brummt dr Bass d Lyt am Danze - dasch e Gspass.

Jä doodermit isch jetze Schlussdr Stegger isch ab soffoort duss.

Verbyy sinn wildi Woodstock-Zytes Ummeziggle mit de Gryte

will dr Noochber immer motztund hässig duur sy Fänschter glotzt.

D Fasnacht wott sich nit schenierewild und lut sich zelebriere

beesi Pointe - schaarfi Woort«Fertig jetz! S herrscht Culture Morte!»

Drum zaige miir am Waage groossmit stille Helgen uff der Stroosswenn d Kultuur deert aane goot

waartet hindedraa dr Dood!

Helge: www.artleo.ch - Drugg: Krebs AG, Dalbevoorstadt 56, Basel