KAWITAN WARGASARI

Purwa kaning angripta rum, Ning wana wukir

Kahadang labuh, Kartika panedenging sari

Angayom tanguli ketur, Angringring jangga mure

Sukanya arja winangun, Winarna sari

Rumrumning puspa, Priyeka ingoling tangi

Sampuning ririsumahur, munggwing srengganing rejeng

WARGASARI

Ida ratu saking luhur, Kaula nunas lugrane

Mangda sampun tityang tandruh, Mengayat betara mangkin

Tityang ngaturang pejati, Canang suci lan daksina

Sami sampun puput, Pratikaning saji

Asep menyan majagau, Cenana nuhur dewane

Mangda ida gelis rawuh, Mijil saking luhuring langit

Sampun medabdaban sami, Maring giri meru reko

Ancangan sedulur, Sami pada ngiring

Batharane saking luhur, Ngagana ring ambarane

Panganggene sarwa murub, Parekan sami mengiring

Widyadara widyadari, Pada madudon dudonan

Prabawa kumetug, Angliwering langit

Dibale manike luhung, Mapanyengker ring tlagane

Kadagingin tunjung tutur, Tunjung abang tunjung putih

Ring madyaning bale alit, Ida bhatara malinggih

Ngangge sekar Jepun,Sekar sane wangi

Ring bale emase parum, Linggih Ida Bhatarane

Bale mas ngranyab murub, Upacara sarwa luwih

Luhure sutra putih, Ida Bhatara mabawos

Bawose diluhur, Pacang turun gelis

RIKALA NUNAS TIRTA

Turun tirta saking luhur, Tirta Panca Dewatane

Wisnu Tirta Kamandalu, Hyang Iswara Sanjiwani

Maha Dewa Kundalini, Hyang Brahma Tirta Pawitra

Hyang Siwa Pamuput, Amerta Kinardi

Turun tirta saking luhur, Nyenyiratang pemangkune

Makalangan muncrat mumbu, Mapan tirta amertha jati

Paican betara sami, Panglukatan dasa mala

Sami pada lebur, Malane ring bumi

Maketis ping tiga sampun,Pabahan siwa dwarane

Wasuhane raris hinum, Ping tiga raria masugi

Ring waktra magentos genti, Toyo amerta hyang wiidhine

Sami sampun puput, Mengalangin hati

RIKALA NUNAS TIRTA (Javanese version)

Nuwur tirta amerta suci manulus

Icha duh Hyang Pasupati

Papa naraka kalebur

Klawan sarwa dosa sami

Panjang tuwuh duh ring awon

Tirta maring kamandalu muncrat mumbul

Sinirat pamangku sakti

Saha mantra sidhi tuhu

Sarira mwang kertanjali

Tuwuh waken Hyang Pangayom

Om dhirgayu subham astu tatstu astu

Sukham purnam sriyam swasti

Awignam astu bhawantu

Tatstu astu sapta wredhi

Om Shanti shanti shanti Om