TAPAK 10TAPAK 9

India nunger osangbenertemi nianema tesempa proker: Mallya

VOL. XIV NO. 237 (ADOK 237) DIMAPUR THURSDAY JUNE 15, 2017 ` 5.00

US House of Representativezüngsem ka dak akha

Regd. No. RNI. NAGAAO/ 2004 / 13113. Postal-NE/RN-717. e-mail : tiryimyim@gmail.comwww.tiryimyim.in

Nü VOTEEnoktsütettsüsa anguba nüchiso jenjangji

Tongtibang temeten ka dangbo masü,Saka nai nü tarutsü tia shimtetba mapa ka lir.

Kohima, June 14 (TYO):Bodbarnü Naga Students'Federation (NSF)-i Old MLAHostel junction, Kohima nungNSCN(K) mendenbuba, asür S.S. Khaplang nem tetushiagütsüba sentong ka ayongzükaagi.

Iba sentong nung Naga civilsociety temi anir nisung noklangaika adenshia asür S. S.Khaplang nem akhüm tetushiagüja liasü.

Sentong nung Naga Hohotir, Chuba Ozukum-i ojembidang, asür Khaplang jiNaga nunger lennir tajungrongnung ka liasü aser chichibararar ka liasü, ta ashi.

Khaplang-i Naga nunger

asoshi senmang tajung yutsürogo. Pa ya mangdang tulu alibalennir ka liasü aser pai 'Nagalinük ka' ta asüba tangatetbanung masetshii nokdak. AsürKhaplang-i Naga nunger kaküma longjemtsü atema nokdakaser Naga kibong ka atema rara,ta Chuba Ozukum-isa ashi.

NPMHR secretary generalNeingulo Krome-ia o jembidang,NSCN(IM) mendenbuba asürIsak Chishi Swu-a yaküm kasaita nung alima nungi pila o aserNaga nunger mangdang akabalennirtem ajak samara amatebilemtsü akar, ta ashi.

Nisung aikati asür Khaplangji mengudang asütsü akok, sakaNaga nungertemi pa dang kanga

pelatsü tim, kechiyong NagaNational Council tenzükba nungipai Naga nüjiso atema rarar shiatango sashitettsü atema tangolaagütsü, ta Neingulo Krome-isametetdaktsü.

Naga nunger tarutsüji East lenlir aser Khaplang-i Eastern Nagatesemtem atema inyakba aserasenok asoshi lendong nungikümzüka ayuba atema pa dangkanga pelatsüla, ta paisa shisem.

"Naga nunger atema takümbendanga agütsür lennir kajikiralongrar ka ama masü saka teti'hero' ka ama züngshitsü" ta NagaMothers Association, Advisor,Rosemary Dzuvichu-ia tanüsentong nung jembidang ashi.

(Maneni tapak 12 nung...)

Naga civil society temi anir asür S.S Khaplang nem tetushi agütsüKohima, June 14 (TYO): MKRPillai-i state police departmentnung consultant ama inyakbaanentsütsü atema Nagalandsorkari telemtetba agiogo.

Police Headquarters nungosangbenertem den jembidang,Director General of Police (DGP)L. L Doungel-i Pillai mapa nungianentsüba osangji tejangjametetdaktsü aser anogo ka-analir iba order ji agütsütsü ta ashi.

DGP Doungel tanüanungdang Aizawl nungi tongaaru aser pa tongli Pillai dangasüngdangya asüdang, Pillai-i paifile asüba income tax returns daksendakba nung iba onük yaadokba lir ta kü dang langzü, taDGP-i osangbener dang ashi.

Kerala kübok Pandalam nungPillai'er kima nung NagalandPolice indang truck gari ka anenaaliba atema osangbenertemiasüngdangdang, DGP-i ibaosangji media ajanga angazükogoaser department-i garitem Keralatonga aoba osang tejangjabushitsü ta paisa langzü.

2009 nungi Pillai NagalandPolice atema consultant inyaktsüshimba atema Doungel-isa ashibaagi, "Pillai-i mapa kanga junga

inyaker aser Delhi nungketdangser aikati den pai kangajunga metettepa lir. Union HomeMinistry nungi project balalainyaktsü atema department-iteyari meshiba mapa nung Pillai-i tiyongtsü nung melamela mapakokteta inyak."

"Iba jagi Pillai ji tang tashi ibamapa inyakdakja aru aser paijunga inyakba agi pa nem mapangapuloktsü. Pillai-i policemodernization, Motor Transportaser police department nung tangnüngdakba onüktem atemainyaker," ta Nagaland DGP-isametetdaktsü.

Nagaland nung Pillai indangbank account aika aliba atemametenüa asüngdangdang, DGP-i iba osangji junga memetet aserPillai indang nija rongsen asershishilembabatem osang tejangjamemetet ta langzü.

State vigilance commission-iaPillai 'consultant' ama inyaktsüshimba indang copy ka pa dangmeshiogo, ta Doungel-isa shisem.

Osang angazükba agi, PillaiKohima nung arua lir aser tanü-apa office-i aru aser PHQ nungpolice ketdangsertem densendentem amen.

Kohima, June 14 (TYO):Prime Minister, Narendra Modilenisüba kübok BJP-i aniba NDAsorkar küm asem ajungbanüngtem nung Sabka SaathSabka Vikas Sammelan(Together with All, Developmentfor All) sentong ka NBCCConvention Hall nung ayongzükaagi.

Iba sentong ya AirportAuthority of India, Dimapurajanga ayongzük aser tongti

tesemdangerji Arunachal PradeshDeputy Chief Minister, ChownaMein liasü.

Sentong nung jembidang,Chowna Mein-i "North East statetem nung khuret kasasa dang liraser item asoshi asenok külemilongjemer inyaktsüla. Asenokroadways, airways aser railwaysrenloktsüla aser item onük yaModi'er sorkari meteta lir" taashi.

Paisa, arrtsülen terenlok mapa

inyaktsü aser border connectivitynüngdakba onüktem lemsatep.

Sentong nung DAN ViceChairman aser BJP Nagaland tir,Visasolie Lhoungou-i ojembidang, Prime Minister,Narendra Modi lenisüba kübokBJP-i aniba NDA sorkar kümasem tembangba aser kümpezübuba nung ayaoka aibatenüng nung 'Modi Fest'amunger ta ashi.

(Maneni tapak 12 nung...)

Dimapur, June 14 (TYO):Rajendran Pillai (Pillai Sir) ta sernisung kati Nagaland state policeindang senotsü tim mesüiamshiba aser pai Centre nungisenotsü angutsü atema statepolice department tenüng nungmapa inyakba atema kanga süokiia bilemer, ta Central NagalandTribes Council (CNTC)-i tanümetetdaktsü.

Küm 30 tejakdang constable(NCO) nung shimokba nisung kajenjang temaba atongba aser sencrore meyirjang ka temabendenbaji tesüngmangtsüka lir.Nagaland police garitem ajangaKerala tashi senotsü belenba aserbushisüngdangertemi NagalandPolice indang gari pungu jungnüaanguba osang angashia kangaaoksar, ta CNTC-i sangdong kanung ashi.

PHQ nung policeketdangsertemi osangbenertemdang, 'Pillai Sir' mapa nungi

agienra state police departmentnung tetsükdaktsü ajurutsü,kechiyong Pillai-i kanga merangainyakba ajanga policedepartment-i pa dang nungi teyaritulu angur ta ashibaji tim masüaser pei sasa police departmentmezüngmeshiba ka dang lir. Ibaolen ajanga Naga policeketdangsertem mezüngmeshirkechiyong Nagaland Policenunga tetemjen, tekolok techiraaser mapa tiptema inyaktetbaketdangsertem aika lir, ta CNTC-isa metetdaktsü.

2005 küm Pillai-i President'smedal for Meritorious Serviceangutsüsa, state vigilancecommission-i pa indang rongsenatema kuli komaser agütsü ta kangarata bilemer. Ochimashir asertangar külakoktsür ka nem iba amaakhümket sempet agütsüba ajanganüngsen ang bener arutsüogo, taparnokisa shisem.

(Maneni tapak 11 nung...)

Kohima, June 14 (TYO):Centre sorkari nübortemachiajemba nung tenokdangbamagütsütsü atema shiang ta tanüNaga People's Front's (NPF)Central Executive Council(CEC)-i Nagaland sorkar dangmetetdaktsüogo.

Centre sorkari linük nungnashi tepsetba nokdangtsütelemtetba agiba sülen NPF CEC-i iba temepishiba agütsü.

Bodbarnü NPF CEC sendenamendang, Centre sorkaritelemtetba agiba ajanga Naganunger achiajemba, sobaliba,tamangba mesüra inyaksangshinung timtem magütsütsüla taCEC-i state sorkar dang ashi.

NPF CEC-isa state sorkar

dang Nagaland Municipal Act daksendakba tebilembatem aseronüktem lemsateptsü atemaConsultative Committee katentettsü ayongzük.

Urban Local Bodies (ULBs)elections magidang, sorkariULBs ajak nung AdvisoryCommittee tem shimtsüla. Ibajagi ULBs nung ketdangsübarentiptema inyaktsü aserreprangtettsü, ta parnokitebilemba ka metetdaktsü.

NSCN(K) mendenbuba asürSS Khaplang asüba atemamangyimba lemsatepdang, ChiefMinister aser NPF Party tir, DrShurhozelie Liezietsu-i Nagayimten tebilemtsü atema ajakiagizüktettsüsa telemtetba ka

agitsü atema Naga nunger ajaklongjemtsü ayongzükba atemaNPF CEC-i Dr Shurhozelie dangpelar ta metetdaktsü.

Iba dak sendakba nung CEC-i Naga nunger ajak aser talisaNSCN (K) lennirtemi DrShurhozelie-i ayimoktsübaagizüktsü aser ozüng alemamapa inyakba anener, Indiasorkar den yimjung olemteptenzüktsü atema tayongzükbaagütsü.

Chief Minister-i asürKhaplang mang ayimba osanglemsatepba nung nationalelectronic media nung nisungkari tai apuba khukhua aitsür, taNPF CEC-isa metetdaktsü.

(Maneni tapak 12 nung...)

Centre dang achiajem nung tenokdangba magütsütsü atema ashitsüla: NPF CEC

Nagaland sorkari MKR Pillai mapa nungi anentsür

Bendangertemi state sen auyazükaagiba bushisüngdangtsüla: CNTC

Kohima nung Sabka Saath Sabka Vikas Sammelan agi

June 14, 2017 nü Kohima kübok Old MLA Hostel junction nung asür S.S Khaplang nem tetushi agüjacandlelight memorial service agidang tangokba noksa ka angur.

TIR YIMYIM, DIMAPUR THURSDAY JUNE 15, 2017 NAGALAND TAPAK22

Dimapur, June 14, 2017: Longsa Eagle Club taküm December ita nung Golden Jubilee amungtsüaliba nüngtem nung, taküm küm piyong lokti nem teyari agütsüba mapa balala inyaka arudar.Ajioda tanü ‘World Blood Donor Day’ anogomung nung Dimapur nung alir Eagle Club züngsemparnok nisung 17-i Jubilee tenüng nung azü tenlaba sülen tangokba noksa ka angur.

Mkg/Dimapur, June 14(TYO): ITTN teloki‘Confluence’ ta sür rosep-onamato kentenba denwawamenü, tsüngsangba aserfashion show ajak meyokteperagitsüba entertainment sentongka June 16 Hokolbar aonung6:00 ako nungi tenzüka yangiMokokchung town hall nungayongzüka lir.

Iba sentong nung tang atuyaalir liso lanur sempet aketertemden tanü asüng Naga nungerluyim balala nung takok nguaatur artist tajungtemi shilemagitsü. “Iba aonungji tangamapang dang nungi khenyongibalaka asütsü terenemba lir”, tatayongertemi The RestaurantMokokchung nung osangbenersenden ka nung lemsatep.

Hokolbar aonungji; mezüngNaga Idol 2006 Moanüngsang,kentener Alobo Naga, stand-up

comedian Hopong Naga,kentener Tiameren Jamir(Impur), Naga Idol 2012Wabang Lkr, Ao kentenerSamaro telok, country kentenerImye Longkumer, 1st runner upNaga Idol 2014 Limayanger,kentener Soul Sisters,tsüngsanger Popcorns, dancecrew, fashion designer RamoklaPongen aser Mokokchung nungaliba model teshimtettemi rampjajatsü.

Jangratemtsü kaji; ibaaonung Town Hall kima stallslapoka chiyungtsü tapu balalaangutsü aser yangji asenokibulua machiba chiyungtsü tasenaika angutsü, ta parnokisa ashi.

Mokokchung nung iba amasentong ya mezüngbuba balakaayongzüka akar aser iba showya teimba agi ghonda ana shidang asütsü, anungji ajakilanurtem ajungshia arua

reprangdaktsünür, ta parnokisaayongzük.

Naga nunger sempet aketerlanur tajung jenti lir, ajisüakasabang peria maliba aser timlenmang sayua manitetba agitsükdaker, ajangla asenok yatangar den tekübokba masü,anungji, “onoki lanurtem atemalangka ka inyaknür”, tatayongertemisa tejangraba kalemsatep.

Iba show atema ticketjenjang tapu ana lir; ka 1000/-(meyi ka) aser kaji 300/-(noklang asem) ta alitsü. Ibaaonungji taoba ParliamentarySecretary, Khriehu Liezietsütongti tesemdanger asütsüjaoka lir. Iba den tetushitesemdanger Brig. M.S SidhuCommander 7 Sector AR aserspecial guest Film Producer &Director Rebecca Changkija najaoka lir.

ITTN-i Mkg nung kentenmenü sentong balaka ayongzüker

Kohima, June 14 (TYO):Taruba Kohima DistrictPlanning & DevelopmentBoard (DPDB) senden June15, 2017 anepdang(Brihostibar) 10:00 ako nungiDPDB Meeting hall, Kohima

Tuensang, June 14, 2017: IDCF (Intensified Diarrhoea ControlFortnight) programme dak sendakba nung BodhbarnüTuensang jila nung Chief Medical Officer Tuensang, Dr. T.Pangjung Sangtam leniba kübok District Health Societyayongzüka school tem nung Hand Washing Techniquesayuba noksa nung angur. Iba sentong nung SDEO Tuensang,Wt. Jongshimongla-i merükmejua aliba ajanga tashidak aikanungi kümzüka aliba indang lemsatep. Iba sentong nungEducation Dept & DHS Tuensang nungi staff tem densemaliasü. IDCF ya District nung June 26, 2017 nü tashi akatsü.

Kohima, June 14 (TYO):June 14, 2017 nü Raj Bhavan,Kohima nung sentong tilakaayonga Nagaland Angh, PBAcharya-i Kevizatuo MiachieoState InformationCommissioner shimogo, ta tanüPRO to Governor-i sangdong ka

Kohima, June 14 (TYO):June 13, 2017 nü Hotel Japfu,Kohima nung NationalCommission for De-notifiedNomadic and Semi -Nomadic(NCDNT) mendenbuba, BhikuRamji Idate leniba nungCommission züngsemtemi statesorkar ketdangsertem densenden amen; Secretary, Home,C. Kikon mendenbuba ser

nung metetdaktsü.Iba sentong ya Nagaland

Chief Secretary, Pankaj Kumarleniba nung agi, aser Angh,Acharya-i ketdangsüaKevizatuo nem tenangzükbaagidaktsü.

Iba sentong nung State Chief

Information Commissioner(CIC), Toshi Aier, ACS & HomeCommissioner aser tongtiketdangser aika dena liasü.

Kevizatuo Miachieo-iNagaland sorkar tenzüka liasüaser Engineer in Chief (Power)mapa nungi anisüngzüka liasü.

Dimapur, June 14 (TYO):Tanü Phek DeputyCommissioner, Kovi Meyase-isangdong ka ajanga, 22nd Assam

Rifles Phek-i June 12 nungi June17, 2017 nü tashi firing rangenung anepdang 8:00 ako nunginikongdang 4:00 ako tashi firing

practice asü tenzükogo, anungjijila nüburtem aser anasa alibayimtsüng nüburtem firing rangeanasai maotsü metetdaktsü.

Kevizatuo State Information Commissioner shimogo

Phek DC-i nüburtem dang tekümdangtsü osang sangdonger

amenba senden nung Homeaser Social WelfareDepartment na nungiketdangsertem dena liasü.

Iba senden nung olemtepdang Commission dang,Nagaland ya tribal state ka lir,anungji iba nungji ajemdakerNagaland ya "Nomadic mesüraSemi Nomadic" telemsa kübokimaittetsü, ta metetdaktsü.

NCDNT-i Nagaland state sorkarketdangsertem den senden amen

Zunheboto, June 14 (TYO):June 14, 2017 nü taoba mapangMLA, Atomi K. Zhimomi-iHezukhu Memorial DistrictHospital, Zunheboto gatesemzüktsü.

Iba sentong nung jembidangtongti tesemdanger, Atomi-i,Member of Parliament-LocalArea Development Scheme(MP-LADS) 2015-2016 nungisenotsü lemzüktsüba atemataoba Rajya Sabha MP, asür

Khekiho Zhimomi dang pelabalemsatep.

Ano MedicalSuperintendent, Dr. KheshitoZhimo-ia, district hospital gateyanglutsü atema mangdang yurinyakba asoshi asür, KhekihoZhimo dang pelaba lemsatep.

Iba gate ya Sheyipu BaptistChurch Pastor, Tohoshe Chishi-i semzüktsü aser Senior MedicalOfficer, Dr. Aron Muru-i tepelaanküp o jembia liasü.

Zunheboto nung taoba MLA AtomiK Zhimomi-i HMDH gate semzüktsü

nung amentsü, anungji DistrictOfficers a jak den boardzüngsemtem iba senden nungmedema adentsü metetdaktsür,ta tanü Kohima DeputyCommissioner-i sangdong kanung metetdaktsü.

Kohima DPDB senden ayonger

Kohima, June 14 (TYO):Kohima district atema SVEEPsentong dak sendakba nungKohima district nung voteagütsütsü temsüa alir arishiküm 18 nungi 21 lanurtemdang 'Clean Election' omennung ajemdaker Quotes/Slogans agütstsü jaoker, taosang ka ajanga metetdaktsü.

Yimyim aser quotestajungtiba asem nem 2018 küm

Januray 25 nü NationalVoters ' Day benjungmungamungdang senpet dencitations agütsütsü, ta kasaosang nung shia lir.

Quotes aser Slogans den peitenüng, arishi küm, tetsür/teburaser pei talidak osangji June 14nungi 23 nü tashi nung SMS/WhatsApp ajanga phone no.9402041751 nung agütsütsüakok, ta parnokisa metetdaktsü.

Clean Election atema yimyim

TIR YIMYIM, DIMAPUR THURSDAY JUNE 15, 2017 REGIONAL 33

Agartala, June 14(Agencies): Tripura nungTribal Indigenous party,People's Front of Tripura(IPFT) puri state balakakümtettsüba atema khangaarudar aser Mongolbarnüparnoki July 10 nungi tenzükaNational Highway-8 aser trainlenmang mapang telatet kamakai nokdangtsü tasangdongogo.

NH-8 ajanga dang state yaAssam adena India nungtanüngba tesemtem densendaktepdaktsür.

"Onoki akhangba nungita July10 nungi tenzüka onoki NationalHighway 8 aser train lenmangmapang telatet ka makainokdangtsü. Maneni iba ken o daksendakba nung onoki August 23nü lokti senden (rally) kaayongzüktsü," ta IPFT tir NarendraChandra Debbarma-i ashi.

"Onoki Prime MinisterOffice nung Minister of StateJitendra Singh den May 17 nüNew Delhi nung ajuruteba onoktakhangbatem lemsatepogo.Minister-i onok takhangbasorkari asadangtsü ta shiogo," tapaisa ashi.

Singh ya Development ofNorth-Eastern Region(DoNER) Minister of State(Independent Charge) lir.

IPFT puri taoba küm ishika,Tripura Tribal AreasAutonomous District Council(TTAADC) nungi jenjang katemabai ajungketa state tasenka akümtsü asoshi khanga

IPFT puri state balaka meshia longkak ait

arudar. TTAADC ya IndianConstitution Sixth Schedulekübok 1987 küm tribal temyimden yimsüsüba ,rongsenketsüng aser sobalibaren nung parnok temedenkümzüka ayutsü asoshi kümtet.

Tripura Tribal AreasAutonomous District Councilkübok Tripura litsü 10,491sq.km. lir aser state nungnütsüng yongsük lakh 37 nungiiba tesem nung alirtem1,216,465 koba timbakatribaltem lir.

IPFT puri state balakameshiba ya sangküm Februaryita election matong tsüngdasorkar atema tebilemtsü ken otulutiba lir.

Tang yimsü tesüdakCommunist Party of India-Marxist (CPI-M) den politicalparty aikati state nung kin o kinna tsüngda mangatettepadoktsü ta shia, IPFT puri statebalaka akhangba ya anemer.

CPI-M State SecretaryBijan Dhar-i ashiba agi,"Manipur assembly electionsmadong tsüngda BJP-iCongress sorkar jenjang raksajaparnoki sorkar kümtettsünükjidong nung Naga nungerlokti ajungshia NationalHighway nokdangdaktsü. Ibasülen BJP party-i Manipur nungsorkar menden kümtetba sülenita aika lenmang nokdanger alibaanogo ishika nung lapokadok.Manipur nung BJP pur-i takoknguogo saka Tripura nungboibaji madaloktsü."

Tsünglanglen sign süa alisang ya Export-Import Bank of India (Exim Bank) nungAuthorised Officer ka ama Securitisation & Reconstruction of Financial Assets aserEnforcement of Security Interest Act, 2002 (the said Act) kübok & kasa ozüng section13 (12) den Security Interest (Enforcement) Rules, 2002, Rule 3 nung shia aliba, July14, 2014 nü Demand Notice ka Mr. Chuba Ao, House No. 250, Island Colony, P.S. WestDimapur, Nagaland- 797112 nung alir, (having guaranteed the financial assistancegranted by Exim Bank to Takozulu Tea Estate, a sole proprietorship concern of Mr.Chuba Ao. Mr. Chuba Ao is hereinafter referred to as the "Borrower' as per the definitioncontained in the said Act), pa dangi iba shidi nung shia aliba sentsü sen ` 2,17,88,747.33 (Rupees Two Crore Seventeen Lakh Eighty Eight Thousand Seven Hun-dred Forty Seven and Thirty Three Paise Only) June 30, 2014 tashi nung ano interest@Exim Bank's Long Term Minimum Lending Rate plus 380 basis point per annum andliquidated damages as per contractual rates and other expenses/costs thereon w.e.f.July 01, 2014 nugi sentsü magütsü tashi iba Notice a ngur anogo 60 tsüngda agütsütsüasoshi metetdaktsüogo.Ajissüaka, sen apuri tang tashi nung sen ` 35,50,000 (Rupees Thirty Five Lakhs andFifty Thousand only) dang aoa lir. June 6, 2017 anogo tashi nung sen apuba sentsüagütsütsü aliba sentsüji ` 2,84,04,718.36 (Rupees Two Crore Eighty Four Lakh FourThousand Seven Hundred Eighteen and Thirty Six Paisa only) den further interest asercontract yanglu dang latetba aser tanga nüngdak nung endokba ajak dena lir.Sen apuri tekalen shia aliba sen ̀ 2,84,04,718.36 Exim Bank nem magütsütet nungji, ibanotice ya talisa sen apur aser nübortem dang tsünglanglen sign süa aliri Exim Banktenüng nung shia aliba Act nung Section 13( 4) kübok Rule 8 nung shia aliba tashiamshia June 14, 2017 anogo nung yangi shia aliba ali kimong aser kiojen ajak agiadoker.Anungji, talisa sen apua alir aser nübortem shingaia iba kiojen/ rongsen shibelen masütsüaser kari danga iba kiojen/ rongsen atema shibelenra Exim Bank nem agütsütsü alibasen security document nung aliba den interest, costs, expenses aser charges ajaksentsü aoba anogo tashi nung adokba agütsütsü.Sen apur asoshi rongsenji alangzüktsü atema mapang agüja aliba metettsü asoshitekalen shia aliba Act section 13, sub-section (8) reprangdangtsü metetdaktsür.

ALI RONGSEN / KIOJEN INDANG :Ali tasazük OOB-03K-12Ls (963 sq. m), ibai Dag No.643/644/474/1342, Patta No.802,Block No. 3, Mouza No.1, nung mortgage süa lir aser House No.250, Island Colony, P.S.West Dimapur, Nagaland nung lir. Iba ali nung ki ana lir aser ki shiaji storey kaka lir. Ibaki compound nung floor tiles lema lira ser longru agi atsübanga lir. Iba li artsü yamai :

Item ki aser yanglua aliba kiojentem aser ano plant aser machinery ajak teti atema alidakji keta lir.

Sd/-Authorised Officer

Date : June 14, 2017Place : Dimapur

Centre-i Arunachal aser Mizoram nung tzümetsüngagi kongshir alirtem nem teyari agütsü

Tura, June 14 (Agencies):Bodhbarnü Dainadubi yimtsüngnungi nisung meyirejanga aikati,arishi küm 6 tanur ka puer aobaanema yimdong nung longkak aitasenzüba sentong nung shilem agi.Tanur ya anogo ana tejakdang NorthGaro Hills nung Damas anasayimdaklirtemi kümzüka liasü.

Iba sentong ya iba tesemnung aliba NGO; GSU, AAYF,ADE, AYWO MKJDO, PJAC,FKJGP Manda AkaweMultipurpose DevelopmentMother's Union, Depa areaSordar Association aser DCYOnunger-i ayongzüka aka asernisung 7000 dak tali-i iba

Arishi küm 6 tanur ka tashiyim agi pur aoba anema yimdong nung longkak aitsentong nung shilem agi.

Sentong ayongertemi ashibaagi, iba sentong ya pei tanurkümzüka ayutsüba nungtekümdangtsü agütsütsübanükjidong nung nung ayong.

"Iba amala tatalokba ajangaasen lokti menentsüogo. Maneniiba ashi kelak maparen nungtanur sanger kinunger denadensema aliba ya kangataoksatsüka lir. Onoki ibamaparen ya aitsür aser tarutsünung iba amala tatalokba yamadaloktsü imlar," ta GSU tir,Depa Regional Unit,Chengchang Marak-i ashi.

tang tashi nung nisung puer

aoer parnok 6 nungi 5bo police-i puogo saka parnok rongnunglenir shiba Sevenson Sangma tajangjaogo pa tang tashi meputetilir. Sangma ya ozüng alemainyakba maparen nung tongtishilem agir William Sangmatenu lir. Osang ka ajanga ashibaagi, tanur puer aoba ya Williamjail nungi agizüktsüba asoshi senmeshitsüba atema liasü. Tangtashi nung pua alirtem ya taobamapang nung William denkülemi inyaka liasü.

Mezüngbo tanobusangmelena parnoki sen lakh 50meshi saka mapang tatsüka lirsen jenjang lakh 2.1-i alu.

June 14, 2017 (Agencies):Centre-i tanü ArunachalPradesh aser Mizoram sorkardang tzümetsüng dak sendakbanung maparen ajak nung teyariagütsütsü, ta nangzükogo.

Union Minister of State,Home Kiren Rijiju Twitter nungyamai tweed sütsü: "MHA-iArunachal Pradesh, Mizoramaser tanga State tem nungtzümetsüng agi kongshiaalirtem nem teyari agütsütsüasoshi asadangdar."

Paisa ashiba agi, Centresorkari state sorkar den osangmaneni agitepdar.

"Para-Military ajak, Army,Border Road Organisation(BRO) aser National DisasterResponse Force (NDRF) teamtem state sorkar nem teyariagütsütsü asoshi aposuogo."

Ministry of Home Affairs(MHA) 24×7 Control roomajanga iba state tem nungtzümetsüng aser anentsü agikangshir tem nem teyariagütsütsü asoshi asadangdar, tapai maneni tweed asü.

Mizoram, Lunglei districtkübok Tlabung sub divisionaltesem nung tzümetsüng alubalendong nung tang tashi nungjakrep ka tetsü densema parnok8 süogo aser parnok 6 tangtashi monguteti bushidar.

State tesem balala nungtzümetsüng ajanga ki 350 shimetsüngbangogo. Maneniyimtsüng 8 indang tzülumetsüngbanga lir.

Aizawl ajanga ayimbaayong Tlawng lendongtemaitsü agüja aliba adena aturyimdar. Tzü ‘Bailey’ apu tonga

atua yimdar aser tzümetsüngajanga ki 15 apongerogo.

Tang tashi nung kibong 52iba tesem toktsürogo.

Aizwal yimtiba nungaanentsü ajanga ki 5 raksatsüogoaser lenmang aika nokdanga lir.Ajisüaka lemangtem merektetaogo aser tekümzükba maparenbalala tenzükogo. Anogo anatashi tzünglu kanga sashiaaruba ajanga iba lendongatalok. Aizawl district nungtzümetsüng tang mezüngbubaarur asütsü.

Khen atema jenoka alitsüatema yimtsüngshiaketdangsertemi achaayangogo.Tsüngsang majungba ajangacommunication line temraksaogo aser iba ajanga tangtashi state sorkari teraksa kwiali aji mejangjateti lir.

Dharmanagar, June 14 : Tripura kübok Dharmanagar tesem nung konger tsüner ka paitsünütetba konger anepaludang tangokba noksa nung angur.

OLEMSABANG

DIMAPUR THURSDAY, JUNE 15, 2017

YIMOBILEM (EDITORIAL)TIR YIMYIM

TIR YIMYIM, DIMAPUR THURSDAY JUNE 15, 201744

Naga nunger lenirtem tesümar

Taoba mapang ka iba yimobilem nung Naga nungerlinük tenzükertem rongnung mezüng lenirtemtesümar, anungji parnok masü dangsa Naga yimten

tebilemtsü latettsü nüngdakba indang shisalemsatepa liasü.Iba yimobilemji züluer mapang talangka melii NSCN-IM tirIsak Chishi Swu süogo aser tang NSCN-K tir S.S.Khaplangasür. Iba amaji ano anünga alir lenir taintembo küma ishikatsüngda ka khen, ka khen ta oa adoktsü, kechiyong nisungerarishibo tatsüka dang lir. Aji oda, linük tenzükertem dangmasü saka Nagaland state akümer mezüng yimsüsütemajoko tesümar. Aji oda, tang taküm alir Naga nungertem asoshipei tsürabur aser lenirtem dak nungi amangtsüba senmangjitamaren yimten yimli ka masü saka telemsa, meputep asermejangjatetba tarutsü anogotem asütsü. Ibaji tanü lanurtemasoshi dang masü saka anünga aliba taintem asoshiatebilemtsü tuluka lir. Atangji, Naga nungertem ya Indiayimten ka kübok masü saka yimten balaka lateter alitsüdalang aser tetemtsü, kechiyong India kübok aliba state-tem nung alir nisungtem den Naga nungertem yatereprangtsü soru kenyongi balaka, oshi balaka, chiyongtsübalaka aser sobaliba kenyongi balaka lir. Aji oda, Naganungertem India kübok aliba ya, jungjunga bilemdangra,India nungertem asoshia bendanger kar anioka alir amai lir.Ibayongji, Nagaland nungi talangka pilar aliba yimtakyimtsüng nung alir India nungertembo toktsür,tashitemeteter alidak Delhi, Gurgoan aser Mumbai amanung alirtemia Naga nungertem dang Nepali nunger, Japanaser Korea nunger ta ajar. Parnok aikati Nagaland aser Naganunger indang memetet. Aji oda, asenoki item nisungtemdang onoka India nunger ta shira, parnoki mamanger. Ibatensa tia nung asenok lir aser iba tetsüngda nungji asenokNaga nungera memesük aser India nungera masü amai tamejeper. Iba amaji masütsü aser mataloktsü atema asenoktsürabur lenir aikati pei taküm tenla agütsüogo aser Naganunger senso tajung taküm aika samaogo. Ajisüaka, tangtashi Naga nunger yimten nüjiso tongpang metembangtetiraraa arudang, telokang teimba küma lemsa ashi, Naganunger asoshi anogo tajung ka adoka mangur. Iba ama tensatia ka yutsür lenir taintem ka khen ka khen ta akümli toktsüraodang tali-tali shisabolur. Shitakba jembidi süra akhitsüraburtemi Naga yimten temeten indang angatetba amatanü lanurtemi angateta mali. Aji oda, tamalen linüktenzükertembo arem nung lia süngolemba dang mejakaanogo aika tetsüng agi jaja arema linük tenzük. Parnoki peiasoshi ali rongsen bendentsü mebilem. Parnok temulung asertashi ajunga agi Naga yimten nüchiso asoshi bendanga agüjainyak. Tanü lanurtemi item tsüraburtemi linük tenzükba amametenzükteter. Ashiko, tanü lanurtemibo arem nemasenzütsübajibo yutsür yimti yimdong nunga ghonda jungatetsüng agi mejajatettsü. Aji oda, tanübo aika asoshi linükdang nungibo pei takümang taoba aser temeimba kümogo.Ibayongji, linük tenzüker lenir taintem arishi anogo tatemleniarudang, Naga nunger lanurtem shisatsü nungbo alirongsenang taoba ama bilema inyakba jakla ngua kangashisabolua bilemer. Aji oda, tangsa tang anünga aliba lenirtaintem ya angümdema mouma dang Naga yimten telatetbaka dangi arutsüla. Atangji, Naga yimten nüchiso jenjang kaalangteta meyutsütettsüa akok saka tanüa tanü tensa putumapang dak apet Naga nunger linük tenzüker telok ajakkülemi menteper telatetba ka dangi arutsüla. Ashiko, tarutsünungbo Naga nungertemi makangyonga, akhidang USSR ama,India lemsaa aoba ajanga Naga kin-a yimten nüchiso angutsüaakok. Aji oda, tang ama center government-i chiyongtsü nungdena ashishira aser tamangba yimsü nung amuokra, ashikomemenui India-a akhidang ama state ajunga ya pei pei linükkaka kümadoktsü. Iba tangatetba nung tang taküm alir linüktenzüker taintem mesümadangsa Naga nunger yimtentelemtetba ka dangi arutsüla. Ibaji ataloktsü atema Naganunger yimten, lokti aser arogo lenirtem ajaki temulunglapoka teindang shisatsü agi yariteptsüla.

Iba Olemsabang nung lemsaba ken-o aser shisatsü ya iba ocet zülur-ibilemba ken-o ama tazünger-i angateta agitsü mepishir

“Lenir tajung dak aketsüba jakla kar”L.Kika Pongener, Aoyimküm, Dimapur.

Lenir tajung kati ajemalua tila kümteter, ajak den süngpo aputeter,

Lenir tajung kati nisung ajak den jungtepa, putepa, ammalitepa alir,

Lenir tajung kati kodanga ken o tangar mezüngmeshia mejembir,

Lenir tajung kati kodanga takok asaa mejembir, saka yimli o jembir,

Lenir tajung kati teti tangari jembiba ken o tanemi anga-a ataa alir,

Lenir tajung kati teti kanga junga shisadanger dang ken o jembir,

Lenir tajung kati tangar ajung reprangteter aser tenük memeremer,

Lenir tajung kati kodanga yakyakta ain madoker, ainapong azüoker,

Lenir tajung kati pei kija mulongba agi dang lokti anitsü memeranger,

Lenir tajung kati teti tangar nem yimli agüja, tangar züngshia inyaker,

Lenir tajung kati teti tamalen tenzüka arur lenirtem dangakümtsübur,

Lenir tajung kati teti tamalen tenzüka arur lenirtem nungi shisatsüagir,

Lenir tajung kati kodanga tamalen tenzükertemi inyakba mapamaitsür,

Lenir tajung kati külemi tenzüker medemertem den angatettepa alir,

Lenir tajung kati teti ken o tebilemtetba ajakbo mejembii soita ayur,

Lenir tajung kati teti ken o tatempang küma mejembii anünga ayur,

Lenir tajung kati kodanga takok asa-a taochi maket mapa meinyaker,

Lenir tajung kati tamasa pei taküm libaliro, jaklaliro yimya azüoker,

Lenir tajung kati peisasa paji shiba ? kechi jenjang ? aji angateter,

Lenir tajung kati pei külem tenzüker tsüngda tulu-tila mebendanger,

Lenir tajung kati pei yangku asüngtsü arishia mapa kecha meinyaker,

Lenir tajung kati lokti dang jungrabang, pei kija jurila takoksa aremer,

Lenir tajung kati rongsen tajangzük kisüng nung ranglokermetenzüker,

Lenir tajung kati pei dang metet amai asüküma mezümeküm masür,

Lenir tajung kati nisung dang masü, saka Tsüngrem dangakümtsübur,

Lenir tajung kati nisung tsübua masü, saka Tsüngrem tsübua inyaker,

Lenir tajung kati tangari mezüngmeshia sensamasa-aka aremzüker,

Lenir tajung kati teti tangar lenisüba kübok-a tashi angaa anidakteter,

Lenir tajung kati pei pur medemeri metongshitsüba pelaseta agizüker,

Lenir tajung kati nalok-nara mejembir mesüra jaksajaklemamejembir,

Lenir tajung kati ni alep, ni atsüng, ni dang metet, ta kodangamejembir,

Lenir tajung kati ozü yimer, ozü tsükong, ozü kin ta apia kechameinyaker,

Lenir tajung kati tangar shilem tashiyim agi rakzüka agitsümemeranger,

Lenir tajung kati koker ta-ser tali-tapong tashiyim agi kechameinyaker,

Lenir tajung kati teti pei mapa tashimait mekokmein meyipareprangshir

Lenir tajung kati tangar nem tai tatok agütsüteter aser temeim sayur,

Lenir tajung kati mapa tulu inyaker, ajisüaka o-bo tulu mejembir....

"Lenir ajungai aji oda, inyaktet asübo asen lima kodasermajungtsü" ???

TIR YIMYIM, DIMAPUR THURSDAY JUNE 15, 2017 KHRISTAN TAPAK 55ANOGO ABEN TSÜNGREM DEN

NÜ TENYABA MAPA TSÜNGREMI DANGIANIR ARUNG

'Nai ni alimai kechi koda yok. Yamaji nia parnok alimaiyoker'. - Yohan 17:18

Na Yisu sülen anidaker süra Tsüngremi nü nem tenyaba mapaagütsüogo. Na yangi alibaji odang alitsü atema metoktsü.Nü nükjidongji dang ataloka alitsü asoshi na iba lima nungtoktsü masü. Tsüngremi Pa asoshi nü nem mapa nungloktsür.Joko nü takümji na asoshi masü, Tsüngrem tenyaba mapaasoshi lir. Tsüngremi adianutem Pa chir akümtsü asoshi aniraruba nung yaritsü asoshi mulunga dang lir.Naia kodang Yisu metetdir- na apusoang aser medemerdang aser kibongtem dang Pa indang shia, saka yangjimanendi. Tsüngremi meimchir shinga Paimekümzüknütsüsa meyanglu. Pai ajak meimer, anungjialima tatem tonga oa shidi.Alima asoshi Tsüngrem sentong ka lir aser ibaji na asoshitenyaba mapaji l ir. Pai alima nung alir ajak nem Pametetdaktsünür aser ibaji ataloktsü asoshi Pai na amshinür.

SARASADEM:Yisu, nai ni yokba ama inyaktsü ni agiang. Amen

Tsüngrem mapa nung tenzüktsü ajaba- L.Kika Pongener,Aoyimküm,Dimapur.

Mathi-4:18. Aser Galil tzüyim anasa Yisu jajadang pai adianu ana angu; Simon shibadang Peter ta aja aser pa tenu Andria. Parnok tzüyim nungji zütsük onya-a liasü, kechiyongparnok angopurtem liasü. Aser Yisui parnok dang ashi "Arung kü sülen anidakang, aser ninenok nisung apurtem kümdaktsüdi". Aser idangyongjisa parnoki rong aser zütsük toktsürYisu sülen anidak. Mathi-4:21. Ano yang nungjagi oa tangar adianu ana Zebedi-er jabasoYakob aser tenu Yohan rong ka nung parnok tebu Zebedi den zütsük yanglushia angu. AserYisui parnok-a aja, aser idangyongjisa parnoki rong, zütsük aser pei tebu toktsür Yisu sülenanidak. Yisu-i pa Ministry nung pa den yariteptsü atema nutsüng shimba asenoki tasen laiosangtajung kakettem nungji angur. Mezüngbuba nung pai Peter aser tenu Andria Galil tzüyimnung zütsük onyaa lia ajurua pa nutsüng asütsü aja, aser parnoki pei zütsük aser rong toktsürmulongsoa anidak. Ano tanabenbuba nung pai tangar adianu ana Yakob aser tenu Yohanrong nung zütsük yanglushia lia parnok-a aja, aser idangyongjisa parnoki zütsük, rong aserpei tebu toktsür mulongsoa anidak. Mathi-9:9. Ano Yisui lenmang nung aodang Mathi taajaba nisung ka alimelen sarudak mena angu aser Yisui pa dang ashi, "Kü sülen anidakang".Aser Mathi-i nokdak aser pa sülen anidak. Ashiko Mathi yabo kaket shisatsü shisaliok terabometetba nisung ka liasü südi ta asenoki bilemer, kechiaser Yisui pa ajuruba mapang nung paalimelen sarudak (Office) nung mapa inyakya-a lia, Yisui pa nütsüng ka asütsü aja, aser paiidangyongjisa kecha menungnangi mulongsoa anidak. Aji oda, shirnoki pei akaba ajungatoktsür Yisu sülen anidaker parnokji dang chichiba nütsüng ta ajatsü akok. Mathi-19:29.Aser shibaisa ki süshia, chirnur süshia, lim süshia, kü nüng asoshi toktsüogo, pai noklangbenaangutsü aser teti taküm senmang amangtsü. Saka shirnoki pei akaba, pei adianu sosem aserpei tsürabur metoktsüteter parnokji shidakba nütsüng masü. Luke-14:26. "Shibai kü dangiarudir, pai pei tebu, tetsü, kinungtsü, tanurtem, adianutem, aianutem aser ano pei taküm-amesempara, pa kü nütsüng mekümtet". Ano aji tang masü shirnoki Yisu Khrista indang nisungmatsüngdang kuli asür, parnokji dang chichiba nuütsüng ta ajatsü.Saka shirnoki nisungmatsüngdang Yisu Khrista menangzükteter parnok dang chichiba nütsüng ta majatsü. Mathi-10:32. "Shibaisa nisung madang ni nangzükdir, kodak nung aliba ku Bu madang nia panangzüktsü, saka shibaisa nisung madang ni menangzüklir, kodak nung aliba ku Bu madangnia pa menangzüktsü. Sürabangla nisung madang Yisu Khrista indang koda nangzüktsü ?Shirnoki alima temenen tongpang den tasü-ita nokdakteter, memeshiba chiyungtsü achi-ajembaazüokteter, shi tejangraba toktsüteter, yimya süpaba temenentem nungi pilaa liteter, parnokjagi dang pei taküm yimya agi Yisu nangzüker ta ashitsü akok. Shirnoki alima temenen talenbasungra nungi pilaa liteter, shirnoki temulong ana adenba temenen ajak toktsüteter, parnokjidang chichiba nutsüng asütsü. Lipok-12:1-4. Tang Kibuba Tsüngremi Abram dang ashi, Nerlima nungi, ner kinunger nungi, aser nebu ki nungi apusoa ni sayutsüba limai oang......AbramiTsüngremi ashiba anga-a Haran nungi apusoa ao. Abram-i Haran lima nung küm aika liazüsena rizüngba senti rongsen, küm aika meranga mesutetba kiset shiruru, küm aika merangatsünuba yokya-sonu lim, aser tebu senmang ki tajung, item ajunga kecha mapayui toktsürTsüngremi ashiba anga-a Haran nungi Tsüngremi sayuba limai apusoa ao. Aser ano Abram-i pa chir ka dang aliba jabaso Isak Tsüngrem nem tenla agutsütsü-a mapayu, anungji YihovaTsüngremi Abram dangbo ku tembar ta aja. Shirnoki pei akaba ajunga toktsür Yisu Khristasulen anidaker, parnokji dangji dang shidakba nutsüng ta ajatsü akok.

(Maneni asüng adok nung...)

Islamabad/Beijing, June 14(Agencies): Taoba ita IslamicState den sendaktepa alibakiralongrartemi China nungerana pur tepsetbajisayutsüngirtem liasü, taPakistan interior ministry-imetetdaktsü.

Kiralongrar densendaktepa aliba Amaq NewsAgency-i ashiba agi, taoba itaBaluchistan province nungChina nunger ana tepsetbajiIS-i inyak aser tenati Mandarinoshi tesayurtem liasü.

"Baluchistan provincenung Islamic State

züngsemtemi China nungerana tepset" ta Amaq-imetetdaktsü.

Hombarnü Pakistan sorkariChina nunger anaji jangjaogoaser parnoki ashiba agi, tenajiarishi küm 24 tain LeeZingyang aser arishi küm 26tain Meng Lisi na liasü.

Lee aser Meng na visatelatetba alema mapa inyak,kechiyong tena Urduangazüktsü melenasayutsüngi, ta interiorministry-isa ashi.

"Tena shishi lembabamaparen inyaktsü melena,

Korea nunger ka nungi Urduoshi angazüktsü ta ser Quetta-i ao aser idakji tenatisayutsüngi asü" ta parnokisashisem.

Ajisüaka, Pakistan interiorministry-i Korea nungbajikoba linük nungi aser Chinanunger jagi kechisayutsüngi'ar osang tejangjamemetetdaktsü.

Quartz, The Global Timesaser Shanghai nung amenokaaliba The Paper temi ashibaagi, China nunger anajiChristian missionary group kanung züngsema liasü aser ibazüngsem 13 telok lennirjiSouth Korea nunger ka lir.

Pakistan nung Muslimnunger telok kati missionarytelok jagi parnok dang Khristantesayubatem sayu ta ashi.

China nunger ana tepsetbasülen Pakistan nung interiorministry-i China nungerindang visa policyreprangshitsü telemtetba

agiogo, ta ministry otongdarkati ashi.

Interior Minister Nisar AliKhan-i Pakistan nung aruaaliba China nunger osangtejangja asüngdangogo.

"Iba osangji NationalDatabase and RegistrationAuthority ajanga renemtsüaser security agency ajak denlemsateptsü" ta minister-isaashi.

Yaküm nungi IS-i Pakistannung mapa inyaktsü tenzük.Iraq, Syria, Egypt aserAfghanistan nung IS densendaktepa alirtemikiralongra mapa inyakba amataküm Pakistan nungainyakogo.

Taküm February ita ISkiralongrartemi Sehwan nungLal Shahbaz Qalandar indangtekülem kidang amakdangnisung 90 tashi tepset aser 300shi yiruja liasü.

Taoba ita Quetta nungSenate Deputy Chairman

Abdul Ghafoor Haideri indangconvoy bomb agi amakdangnisung 25 tepset aser ibatatalokba atema IS-i tenüngagiogo.

Külen, China-ia Pakistannung ISIS kiralongrartemi parsenso ana pur tepsetbaindang osang jangjashitsü aserozüng alema sayutsüngibaonük bushisüngdangba nungyariteptsü ta Bodbarnümetetdaktsü.

South Korea Khristanteloktemi China nungerlanurtem temulungmeyipdaktsür aser parnokiMuslim linüktemisayutsüngitsü atema yoker, taMongulbarnü China nungofficial media-i metetdakjaliasü.

Pakistan nungi nisungtepsetba indang osang officialsüa kecha meshiok lir sakaonoki iba osang jangjashitsüta Foreign Ministry otongdarLu Kang-i yasüng ashi.

ISIS-i Pakistan nung China nunger missionary 2 tepset

Vatican City, June 14(Agencies): Pa sülenanidaktsütsü memulunger aserRoman Catholic Church-i shimbanübotem magizükba Nigeria nungputirtem anentsütsü ta PopeFrancis-i metetdaktsü.

Nigerian Diocese of Ahiaranung putir aikati Bishop PeterEbere Okpaleke magizüker. Paya 2012 nung Pope BenedictXVI-i shimba liasü, ta VaticanRadio-i metetdaktsü.

"Pope ketdangsüba anemaapusortem odangbo meyutsütsü,ta Pope Francis-i ashi.

"Diocese of Ahiara nungaliba putir shia, pa idakji liakamesüra tangalen inyaker asütsüakok, nenok ajaki kü dangi tatokmeshia shidi zülutsüla. Nisungajaki pei sasep nung kü dangishidiji zülutsüla" ta paisatetuyuba agütsü.

Tatok meshiba mezülubaputir tem mapa nungi

anentsütsü aser tangteinyakdak mapa agientsü, taPope-isa metetdaktsü.

"Shibaiasa Bishop Okpalekeanema nokdaker, parnokjiArogo samatsütsüpurtem lir.Iba ya memelar, kechiyongnenoki anema nokdakba ajangaArogo aser nübortem kangshir"ta Francis-isa shisem.

Okpaleke shimbaji kin onüknung ajemdaker lir, kechiyongpa ya local putir ka masü, taCrux Now ajanga metetdaktsü.

Africa nung Catholic Churchkanga renloker aser Diocese ofAhiara nung Catholic 520,000 shi lir.

2015 tashi nung iba Diocesenung diocesan priests 128 asertanga putir 7 liasü.

Nigeria nunger putirtem denjembidang, Pope Francis-i, paitetuyuba agütsübaji kangatesashi ama lir, saka tashiangatsüla mesüra Arogo nungtelemsa tuluba adoktsü, ta ashi.

Pope Francis-i tashi mangabaputirtem anentsütsü amokmerener

NAIA YA METETER MA

OJANG LUTEP TELANGZÜBA # 4058

OJANG LUTEP # 4059

OLONG PAITEP # 4451

NISUNG AJAKI MAONGKA ANGUR SAKANISUNG KARI DANG IBAJI AGITETER

TIR YIMYIM, DIMAPUR THURSDAY JUNE 15, 2017

99

OLONG PAITEP # 4450 TELANGZÜBA

SUDOKU # 3564 TELANGZÜBA # 3563

: : : : : : : : : :

ÜNGTREMSKIOONANHOCINETALAGAISÜLKEMTÜMAATETNTBAAAGTEAANGGÜJ

============================ (Taruba adok nung onoki langzütsü)YASHI ADOK TELANGZÜBA : Soumitra Chatterjee

Q: France putiotsü nung Tir tanubosangji arishi küm 39 tain EmmanuelMacron lir, süra pa kodang aso?

TIPLEN :1. Kilem, 5. Lasüng, 7. Samaru,11. Jala, 12. Naro, 15. Langzü,17. Sabang, 18. Arong.

LANGTSÜNGLEN :2. Lasa, 3. Kar, 4. Ana, 5. Langtsüng,6. Sujung, 8. Rajem, 9. Arogo,10. Tanela, 13. Züno, 14. Lao, 16. Anu.

Portuguese-American musician Domingos-Antonio Gomes-iGuinness World Record tasen ka yangluogo. Pa dang 'AntonioDomingos' ta-a ajar aser pai yangluba otsüji 'Most piano keyhits in one minute' lir. Piano atemer mongin Antonio-i minuteka (second 60) nung key B7 824 tashi atem aser ibaji secondka nung 13 ben atemba lir.

Minute ka nung piano key teimba atemba

Kodak nungi Ola tulu agiAlokba den jembir

Ola : Hai Alokba, nenok Naga nungerya kechiakümerba ya?

Alokba : Kibuba koda asü?Ola : Nenok jogo kü tsütsü nungi tejak meyiper

süngyanglu külemer tsütsü ang shir, NagalandChristian lima ta, tangbo BJP nung adentsürakteper südito?

Alokba : Tamarener, ya oda alima nung ali tashi sen yanüngdakerjito, Modiba power-i aruli nungi Naganunger Minister-MLA temto ongpanglu tsükbenerama, kar tarur kar taor ta Delhi len apuzüdangNaga nunger Waist coat denang Delhi nunganguba narojung ajunga alia central ministertem semdangyonga kecha magütsüba agi, haatya mekümtettsüa, taji BJP kümdi ta sürmeyipteper ati.

Ola : Nenok majungtsü! Aser na, ni alima yangludangnür lima ayongtem paikaya meyanglu, sakatangbo ayong aikasa angur, ya koda?

Alokba : Kibuba, na terata, onoki yangluba lenmangtemtojoko black topping punger omar ayong amaangurbaar.

Ola : Oh Alokba!Lili: SMS

TIPLEN

1. O jembitsü tashi - 8

5. Süngjang tapu ka - 5

7. Tekanük nung enokba - 5

8. Teka amtep - 5

12.Tsük asendak - 5

14.Ki temalen - 5

15.Ken atenba yimya - 5

16.Asangur - 8

LANGTSÜNGLEN1. Tepok nung shilem ka - 72. Tamajung aküm - 53. Chi den külemi chiyungba - 34. Meimchir alimai aruba - 36. Laishiba nung ayong ka - 49. Tarutsü nükla - 710.Tamendakdak - 411.Tenük-telen mejungi aküm - 513.Trok nungi adokba - 314.Meimchir telemsa - 3

1 2 3

4

5 6 7

8 9

10

11 12

13

14 15

16

Anü i ta pet inu ajanga a lima nung t süngsang mopungmelenshidaktsüba ama nisunger t ia-a melenshidaktsürta anü i ta pe t inu t etzür temi a shi r , parnok i ashiba j ishidak asü ta i ’ar nai-a na asoba ita anogo den tanünü t ia medem dangang (Horosco pe):

Taurus20/4-20/5

Gemini21/5-20/6

Cancer21/6-22/7

Leo23/7-22/8

Virgo23/8-22/9

Scorpio23/10-21/11

Sagittarius22/11-21/12

Capricorn22/12-19/1

Aquarius20/1-18/2

Pisces19/2-20/3

Libra23/9-22/10

TIR YIMYIM, DIMAPUR THURSDAY JUNE 15, 2017 77

Aries21/3-19/4

Nai mapa junga tenzükteter saka sentong jungameyangluba ajanga aiben tamakok alir. Nü mapanung takok ngunüra, junga shisadanger nisung karden inyakang.

Nü dak mapa inyaktsü yimya tajung lir, saka naijunga meshisadanger. Anungji tanü tangaritenzüker aliba mapa nung nai oa shilem agibatajungba asütsü.

Nai tangar mapa kar nung teyari agütsütsümerangang. Lokdi tajangzük angutsü asoshisentong kar yanglua tangar den lemsateptsüanogo tajung asütsü.

Nür kibong asoshi nai aiben kanga süoki iabilemer. Aser tanü nai nür kinunger asermedemertem lokdi nung shilem agidaktsüra, naasoshi anogo tajung asütsü.

Nai ketdangseba mapa inyaktsü jangra lira, telokka nüngdaktsü. Anungji tanü nai lokdi ka ayungamapa kar inyaktsü merangang aser iba telok nungnai ketdangser shilem agiang.

Nai sentong tasen yanglua inyaktsü memetetakanükjitong tajung yur inyakteter. Anungji terenlokaketba mapa inyaker nisung kar nai tanü yaritsümerangang.

Tanü nisung aika lungjemer maparen balalainyaka nai ajurutsü südi. Anungji nai-a tajung kaasoshi inyakba mapa kar nung tangar denyariteptsü merangang.

Nai temolung agüja bilemba lokdi mesüra mapakar asendenshitsütsü bilemtsü südi. Nüngdakbamapang nü yimya azüokang aser tanü nai mapatulu inyaktettsü.

Nai aiben telok nung junga shilem magiteter südi.Anungji tanü nai sadema inyaktettsü telok tila karbushia shilem agira nü temolung nung tesünepalitsü.

Nai aiben mapa meranga inyaker aser nü dangtemaba jenjang nung alir tsüngdang tila kümainyaker. Tanü mapa kera inyaknüra nai tangaratema mebilem tajungba asütsü.

Nai angatetba aser ajitetba mapa ji nisung aikaasoshi tamakoktsü asütsü. Anungji tanü nai mapanung takok ngunüra na ama nisung kar bushiaparnok den külemi inyakang.

Nai aiben mapa ka nung temolung agüjameinyakteter südi. Anungji nai tanü nü mapangnung inyaktsü mapa tem dang shimtetbatajungtiba asütsü.

TAN HOPTA ATEMA - KOMA SÜLA ?

Olong 20 shi nung June 16, 2017 tashi nung iba telangzüba ya onok dangi e-mail - tiryimyim@gmail.com mesüra SMS - 9856121232 / 9436072422mesüra Tir Yimyim Facebook account ajanga yokang. Telangzübatemji taruba Deobarnü adoktsütsü.

Q. Center sorkari nashi maleptsü ozüng latetba ya magienra, Nagaland India kübok malitsü ta Nagaland nung aliba loktitentettemi ola adok nunga koma süla ?

Mumbai, June 14 (Agencies): Rajkummar Rao adokba film‘Newton’ August 18 nung sayatsü asoshi renema lir.

Film yanglur Hansal Mehta-i Mongolbarnü yamai tweed sütsü,"Kanga dang nüngtugu film 'Newton' August 18 nü sayatsü. Filmnung Rajkummar Rao-i maneni kanga junga shilem agir."

Mehta-i maneni film indang poster ka post sütsü, koba nungRajkummar ‘helmet’ ka aser ‘military vest’ ka semer ElectronicVoting Machine ka bener asema aliba angur. Poster nung paicaption yamai inoktsü. "Seedha Aadmi Ulti Duniya".

Mehta aser Rajkummar na taoba mapang Shahid aser Aligarhfilm nung külemi shilem agia liasü. Pai jangjashitsüa ashiba agi,pa Amit Masurkar-i direct asüba film "Newton" sapur ka danglir.

Iba film ya Drishyam Films nungi Manish Mundra-i produceasü. Iba company ya nüngtugu project Masaan aser Umrika amalanem teyari agütsüba atema ajaki tali jangjaa aküm.

'Newton' film ajanga 67buba Berlin International Film Festivalnung Forum section atema Art Cinema Award ngua liasü.

Iba film otsü ya clerk ka tensa mejungi aliba tesem; Chhattisgarh nung election duty yokba daksendakba otsü ka lir.

Rajkummar Rao adokba film ‘Newton’ August 18 nung sayatsü

June, 14 2017 (Agencies):Hombarnü ‘Hollywood Walk of Fame’nung Ice Cube-i star ka agizükogo.

Arishi küm 47 tain rapper,shidakba tenüng O'Shea Jacksonlir. Pai iba sempet agizüker partsürapur Doris Benjamin aserHosea Jackson nati pa careertepiyong nungita yariba atematena dang pelaba lemsatep. Pai ibatetushi sempet Los Angeles,California, Musicians Institute

Hollywood Walk of Fame nung Ice Cube nem star ka agütsü

kima Hollywood Boulevard nungagizüka liasü.

"Oja nü dang kanga dangpelar, nai ni inyaknüba maparenajak nungita yariba atema. Nai küdang yamai ashiba bilemteter: 'Nayimtong nung dang mesenzülibonai kechi inyakner inyakang .Nisung aika tebu mali lir asernünoki iba amala nisung kamesütetnüra ner chirnur anasaliang," ta pai ashiba osang ka

ajanga metetdaktsü.Iba tetushi sempet agizükba

mapang nung pa medemer JohnSingleton aser rapper WC natirepranga liasü aser tatem nungparnokia kecha meshi melitetnung o tatsütsü jembi.

WC shiba Chichiba tenüngboWilliam Loshawn Calhoun Jr lir,pai Ice Cube solo artist ka amaaser rap group N.W.A. nungzüngsem ka ama pa ken ajangaaika dak kongshiba indanglemsatepa liasü.

Pai ashiba agi, "Pai ajak dakalakteta tajung ka inyaktetbaji, pailyric tem amshia tanülatem mesor."

Ice Cube Rock & Roll Hall ofFame nung züngsemer küm katsüngda nung tang pa nem ibastar ya agütsür. Pai manenikinungtsü Kimberly Woodruffaser par chir O'Shea Jackson Jr.,26, Darrel, 24, Karima, 23,Shareef, 21, aser Deja nungertenüng sanga liasü.

London, June 14 (Agencies):Hombarnü nikongdang MetalHammer Golden God Awardssentong aliba mapang BlackSabbath nem Golden Godssempet agütsü.

London nung aliba The O2indang IndigO2 nung 'heavymetal magazine' indang annualaward show nung Paranoid kenatener telok nem iba sempet ya'metal music world' nung BlackSabbath-i jenjang tajung yangluayutsüba asoshi agütsü.

Roadrunner Records-iagütsüba sempet ya BlackSabbath telok nungi TonyIommi-i agizük.

"Densa tamajung ka nungtaoba küm tembangba sülen ibamagazine ya tarutsü asoshi nüklamali ama bilem, iba amaibenjungtsü onoki mebilem," taMetal Hammer indang yim ozülur, Merlin Alderslade-i ashi.

"Küm asem tashi ChrisJericho-i iba sendong ketdangsüaaniba den, Tony Iommi, TomMorello aser Chuck D nungerama tejen nisungtem sapang-iarua angudang kanga pelar," taMerlin-isa shisem.

Orange Goblin ajanga ibashow lapoktsü aser iba telok nungtongti shilem agir, Ben Ward aserpa den külem züngsem, SandieSoriano-na nem Metal Hammerindang company tebu,TeamRock nem sen bendentsübanung yariba asoshi 'Defender OfThe Faith' sempet agütsü.

Metal Hammer Golden GodAward angurtem yamai alitsü:Best New Band: Venom PrisonBest Underground Band: PallbearerBest UK Band: ArchitectsBreakthrough Band presented byWorld Of Tanks: AvatarBest Live Band presented byMonster Energy: MastodonBest International Band presentedby Nuclear Blast: AvengedSevenfold

Best Independent Label: NuclearBlastDimebag Darrell 'Shredder': JoelO'KeeffeBest Game: 'Legacy Of TheBeast' by Iron MaidenRiff Lord presented by CenturyMedia: Devin TownsendInspiration presented bySpinefarm Records: ExodusBest Album: 'Magma' by GojiraIcon presented by UdiscoverMusic: The Dillinger Escape PlanDefender Of The Faith presentedby Orange Amplification: BenWard & Sandie SorianoSpirit Of Hammer: Prophets OfRageGolden God presented byRoadrunner Records: BlackSabbath

Black Sabbath nem Golden Gods sempet agütsüogo

TIR YIMYIM, DIMAPUR THURSDAY JUNE 15, 201788

June 14, 2017 (Agencies):'Defibrillators' bener senzübaDrone temi 'electric current'dose ka bener otsüba ajangaheart attack asüba nisungtemtekaraba kümzüktettsü.Bushisüngdangertemi ashibaagi, drone temi Ambulance dangnungi pezüben agi tesem katekaraba tongtettsü.

Mozüki nung masü sakakidang mesüra yimtong nung'cardiac arrest' asürtem takümkümzüktsü asoshi kangaboteimla mali aser nisung takümka kümzüktsü asoshi'defibrillation' mapang shidaknung asütsübaji tongtibangtibamaparen ka lir.

Nisung ka 'cardiac arrest' ser'defibrillation' masü tsüngdamapang minute idokba shia pa

taküm kümzüktsü asoshi shilem10 agi tajemba akümer, tabushisüngdanga ajangangutetba metetdaktsü.

Bushisüngdang koba JAMAnung adokja liasü iba ajangaashiba agi, mozüki nung mesüikidang aser yimtong nungcardiac arrest asüba asadangbanung drone tem-i 'automatedexternal defibrillator' bener'emergency medical services'dang nungi minute 16 shi agitekaraba tongteter.

"Mapang minute 16kümzüktetbaji kanga tongtibanglir. Maneni dorne tem ayimbayimya tali tendangtsü nüngdakeraser iba den külemi iba maparenachayangtsü asoshi dispatchcentres aser aviationadministrator tem nüngdaker,"

ta Sweden, Karolinska Institutenungi Andreas Claesson-i ashi.

Swedish TransportationAgency ajanga eight-rotoraketba drone ka yanglua certifisüogo. Iba drone nungdefibrillator (tozük nung 1.7 lbs)ka, global positioning system(GPS) ka, high-definitioncamera ka aser autopilotsoftware system inoka yanglualir.

Drone tem nung'defibrillator' rasaa shitettsüsayangluloka lir aser iba ajangatamshirtemi melamelaamshitettsü, koba ajanga anomapang tali kümzüktsü. Itemdrone tem ya dispatcher katiactivate sür address tejangjaagütsür 'defibrillator' tem beneryoker.

Parnoki bushisüngdangbamapang parnok base nungi six-mile radius nung cardiac arrestsasüba nisung 18 nem droneajanga teyari agüja liasü, aserdrone tem yokba shia parnokiambulance dang nungi tekarabatongtet. Drone temi minute16:39 shi agi tekaraba tongtetaliasü.

Drone temi taküm ka Ambulance dang nungi tekaraba kümzüktettsü

Bengaluru, June 14(Agencies): India nungResearch & Development(R&D) centre tasenamenloktsü asoshi alima nungchip yangluba nung kanganüngtugu company, IntelCorporation ajanga sen crore1,100 ($178 million) indoktsü, taketdangser ajanga Bodhbarnüashi.

"India nung iba sentongtuluba kümdaktsütsü asoshiBengaluru nung R&D centre kalapoktsü atema sen crore 1,100indoktsü," ta Intel India indangGeneral Manager, Nivruti Rai-iosangbener senden ka nungjembidang ashi.

R&D centre ya ali acre 44nung amenloktsü aser ibaajanga ita 18 tsüngda nung mapa3,000 adokdaktsütsü imlar. Ibacentre nung ya computersoftware yangluba, hardwaredesign asüba aser verificationfacility alitsü.

June 14, 2017 (Agencies):Samsung Galaxy J7 Pro aserGalaxy J7 Max na ya Galaxy Jseries nung tasentibasmarthphone ana lir. SamsungGalaxy J7 Pro jenjang 20,900aser Samsung Galaxy J7 Maxjenjang 17,900 alitsü. GalaxyJ7 Pro nung 5.5-inch Full HDSuper AMOLED display aserLED Flash dena 13MP cameraketa lir. Camera tejaklen asertesülen naprongla nung flashketa lir.

Galaxy J7 Pro nung maneni1.66GHz octa-core Exynos7870 processor den 3GB RAMaser 64GB internal storageketa lir. Phone nung batterytashiji 3,600mAh lir aser USBType-C port keta lir. Galaxy J7Pro nung OS ji Android 7.0

Nougat lir.Iba den külemi Reliance Jio

amshirtemi ita shia sen 309 agirecharge süa ita 12 tashi 10GBdata talila amshitettsübasangdongogo. Manenicompany ajanga Galaxy J7Max nungi tenzüka J seriessmartphones ajak nungSamsung Pay Mini keterangutsü, ta metetdaktsü.

Kasa mapang nungSamsung Galaxy J7 Max nung5.7-inch Full HD display aserocta-core MediaTek Helio P20processor den 4GB RAM aser32GB internal storage keta lir.Iba phone nung battery tashiji3,300mAh lir aser tanungbafeatures tembo SamsungGalaxy J7 Pro den kasa dangasütsü.

Samsung Galaxy J7 Pro, Galaxy J7 Max120GB Reliance Jio Offer densema sayaogo

India nung sen crore 1,100 jenjang R&D tasen amenloktsü"Ki 9 atongtepa tua yangluba

nung ya office atema tasazüksquare feet 620,000 alitsü aseriba ki ya ita 9 tsüngda nungrenemtsü," ta Rai-i ashi.

Intel company India nungamenokba sülen linük nungtaoba küm 15 tsüngda sen crore28,000 indoka lir aser US dakalaka iba company ajangadesign centre tulutiba ya Indianung amenloka lir.

"Iba facility tasenba ajangaIndia nung oset tasenyanglutetba maparen maneniinyakyonga aoba nung yaritsü,"ta Rai-isa shisem.

India nung aliba Intelcompany nung technician7,000-shi lir aser parnoki alimaajunga nung amshitsü atema'power semiconductor chips'yanglur aser computer indangoriginal equipmentsmanufacturers (OEMs), smartphone aser electronic osettemyanglur.

Iba sentong nung KarnatakaChief Minister, Siddaramaiahaser state IT Minister, PriyankaKharge nungera densema liasü.

"Invest Karnataka" sentongajanga tajangzük anguba kulisayutetogo, iba ajanga mapaadokdaktsütsü aser linük nungIT industry tali tashi taitbakümdaktsütsü, ta iba sentongtasenba indang 'blueprint'sayatsüdang Siddaramaiah-iashi.

Bengaluru nung IT sectorrenloktsü asoshi sabang tajunglir, aser iba ajanga state kisüngmasü saka linük ajunga jenjangtemabai ajungkettsü, ta Kharge-ia ashi.

Chief Minister-i aniba statehigh-level clearance committeeka ajanga iba sen indoktsüasüngdangba ya 2016, February1 nung temelaba agütsü aserKarnataka IndustrialDevelopment Board ajanga ibaali ya lazüktsü.

June 14, 2017 (Agencies):LG G6 smartphone nungmaneni sen jenjang tajembaküma tangbo sen 38,990 agiangur. LG G6 ya India nungApril ita saya aser iba sayabamapang phone jenjang sen51,990 liasü. LG G6 smartphoneya tangbo jenjang ajembakisüng masü saka Play Storenungi sen 14,000 jenjang gamealitettsü maongka agütsür. Iba"EA special gifts" Temple Run2, Spider Man Unlimited aserCookie Jam densema game trokangati agütsür.

LG G6 smartphone indangspecification yamai alitsü:

Processor: QualcommSnapdragon 821

Display: 5.7-inch (18:9)QHD+ FullVision (2880 x 1440/ 564ppi)

Memory: 4GB LPDDR4RAM / 64GB UFS 2.0 ROM /

Mumbai, June 14(Agencies): DirectorMostofa Sarwar Farookiindang film; 'Doob - No BedOf Roses' koba nung actorIrrfan Khan-i shilem agir, ibafilm ya 20buba ShanghaiInternational Film Festivalnung syatsü.

Iba film ya Abdul Aziz aserIrrfan nati Jaaz Multimediaaser Irrfan Khan Films tenüngnung co-produce asüba film kalir. Film otsü ya kibong anatitemeim ngutetba indang lir

Doob - No Bed Of Rosesfilm sayatsü asoshi BangladeshFilm Development Corp(BFDC)-i temelaba agütsüogoaser film nung maneni Nusrat

Imrose Tisha, Rokeya Prachyaser Parno Mittra nungeritongti shilem agir.

Shanghai film festival June17 nungi 26 tashi akatsü aseriba film ya June 25 nü sayatsüasoshi renema lir.

Taküm küm tetenzüklen ibafilm nung asür Bangladeshnunger kaket zülur aserfilmyanglur Humayun Ahmedtaküm otsü nung sendakayanglua lir ta aija, Bangladeshnung iba film nokdangbaosangkakettem nung adokaliasü.

Irrfan dang New York nungKelly Macdonald denHollywood film "Puzzle" nungshilem tagidak lir.

Irrfan Khan indang film DoobShanghai nung sayatsü

LG G6 sayar ita ana sülen sen 38,990 agi angurMicroSD (up to 2TB)

Tesülen camera: 13MPWide (F2.4 / 125°) aser 13MPStandard OIS 2.0 (F1.8 / 71°)

Tejaklen camera: 5MP Wide(F2.2 / 100°)

Battery: 3,300mAh(embedded)

OS: Android 7.0 Nougat OSTasazük: 148.9 x 71.9 x

7.9mmTuozük: 163gNetwork: LTE-A 3 Band CAConnectivity: Wi-Fi 802.11 a,

b, g, n, ac / Bluetooth 4.2 BLE /NFC / USB Type-C 2.0 (3.1compatible)

Sentsü: Astro Black / IcePlatinum / Mystic White

Tanga features: Tzü aserauyi mamonger / FingerprintSensor / UX 6.0 / Dolby Vision/ HDR10 / Qualcomm QuickCharge 3.0 / 32-bit Hi-Fi QuadDAC

New Delhi, June 14: Ducati India Managing Director Ravi Avalur-i Bodhbarnü New Delhinung Monster 797 aser Multististrada 950 sayadang tangokba noksa nung angur.

TIR YIMYIM, DIMAPUR THURSDAY JUNE 15, 2017 INDIA OSANG 99

Tir candidate shimtsü atema BJP-i Sonia aser Yechury ajurutsü

India nunger osangbenertemi ni anema tesempa proker: Mallya

Nashi masü terenlok nung ranglokang: Panchajanya

New Delhi, June 14(Agencies): BJP nungi linükTir candidate shimtsü atemaparty-i committee katentetogo, aser iba committee-i Hokolbarnü Congress PartyTir, Sonia Gandhi ajurua ibaonük nung o lemteptsü.

Züngsem asemi akumbacommittee-i Sonia Gandhiajuruba sülen CPI-M GeneralSecretary, Sitaram Yechury-aajurutsü, ta Union minister MVenkaiah Naidu deninyaksemer kati New Delhinung osangbenertem nemmetetdaktsü.

New Delhi, June 14(Agencies): India nung bankaika dang sentsüh aika tsüaalisang, Vijay Mallya-i Indiatiluja, "Sen pound billionpongmanga ataang" ta jembibasülen tanü pai, India nungermedia-i pa anema tesempamapatong tenzükogo, ta aitsü.

Bodhbarnü Mallya-i, "Indianunger osangbenertemi nianema tesempa mapatenzükogo. India sorkari ken oka benokogo, aser iba ken ojiUK court ka nung lir. Obendangagütsüba atatsüla," ta ashi.

Mallya-i India nunger banktem nem sen crore 9,000agütsütsü lir. Yaküm March itanung pai India toktsür ajenbasülen nungi tang tashi pa UKnung jenoka lidar.

Taküm February ita nungIndia-i UK dang pa bendanga

India-i Child Labour nokdangtsü nangzük

New Delhi, June 14, 2017: Bodhbar nikongdang New Delhi, Parliament House nung OppositionParty balala nungi lenirtem senden ka mena linük Tir candidate atema jembiba noksa nung angur.

Opposition party tem ajuruaTir candidate atema jembitsüasoshi June 12 nü BJP Tir, AmitShah-i Union Home MinisterRajnath Singh, FinanceMinister Arun Jaitley aserNaidu nunger shima liasü.

Osang ajanga ashiba agi,Naidu-ibo Praful Patel (NCP)aser Satish Chandra Misra(BSP) na ajurua iba onük nungo lemtepogo.

Patel aser Misra natia BJPcommittee ajurutsü ta osangangazüker.

July 17 nü Tir electionagitsü, aser iba election atema

tanü Election Commission-isentong sangdongogo. Tenüngagütsütsü atematatembangbuba anogoji June28, 2017 nü lir.

BJP-i Tir election atema olamadoki mapang talangka arurtesüsa Shah-i züngsem asemiakumba committee tentetaliasü.

Ano külen, tanü nikongdangopposition lenirtema ajurutepaTir election atema o lemtepogo.

Tawa Sonia Gandhi-izüngsem 10-i akumba sub-group tentetba sülen tanümezüng parnok senden menogo.

agütsütsü mepishiba sülen April18, 2017 nü Scotland Yard nungpa pua liasü, ajisüaka bail nungchiok.

Tawa London nung alibaoval ground nung ChampionsTrophy, India-South Africaasaya reprangtsü atema Mallyaarudang India nungertemi padang 'auer, auer' ta ayimtenaliasü. Taoba hopta Mallya-itwitter ajanga, tang tasayadakChampion Trophy nung paiIndia nunger asaya ajakreprangtsü, ta metetdakja liasü.

Mongolbarnü Westminstermagistrates' court chiefmagistrate, Emma Arbuthnot-ihopta ana ken o angadangtenzüktsü atema December 4nü anogo shiteta ayu. Ibaanogo tashi Mallya nem bailagüja lir.

Arbuthnot-i ashiba agi, India

sorkar nungi kuliji menor angangutsü ta la dang ashibayonglai iba ken o angadangtsü atemaita pongu dak tali mapangatsülang.

India atema ken o jembitsürCrown Prosecution Service(CPS)-i, Mallya anema ken oakatsü asoshi nüngdakba kuliajak mangu, ta shia ano mapangtali meshisem.

Ajisüaka taoba hopta CBIaser Enforcement Directoratenungi teshimtet telok katiLondon semdangba mapangnung parnokibo, CPS lawyerjenjang ajungtsüsa parnok ketnung tapet kulitem lir, ta shiogo.

Yakünü Mallya-iosangbenertem dang, "Nenokisen pound billion ka mangpuaataang, kuli tejangja makainenoki kuli magütsütettsü," tashia liasü.

New Delhi, June 14(Agencies): RSS den affiliatesüa aliba osangkaket,Panchajanya-i, "Hindu yimsü yajoka (sorochokba tesem)tamangba yimsü kam e k ü m d a k t s ü t s ü l a .Sensakertem taküm jenjangajungkettsütsü atema ranglokerinyaktsüla," ta ashi.

Nashi tenüng amer raraprokba aija Panchajanya-isanashi kümzükertem dang,Swami Vivekananda, taoba RSSsarsangachalak MS Golwalkaraser Hindutva lenir VeerSavarkar nunger mapatemrepranger ibaji benshiang, taashi.

Taoba mapang nungPanchajanya yimobilem zülur,Tarun Vijay-i, "Kannur (Kerala)nung nashi tepsetba yimyajiaitsütsü tetemsü, koba ajangaIndia nunger sobaliba kongshir,"ta ashi.

"Yimtenren rara atemashiruru amshiba asoshiCongress aser Communists

Party nem temerenshiagütsütsüla. Ajisüaka nai nüsasareprangdangang. Nenoktekülem ki merüka lir ma?Nenoki nashi junga anepalurama?" ta paisa asüngdang.

"Northeast nung alirtemsobaliba aser chiyungba yimyajiIndia tesem ajaklen benoktsümakok," ta shia pai, Hindu loktinung nashi aser tekülemi kikoma sendoka yutsürar nenokshisadangtsüla, ta ashi.

"Hindu nunger rongnungtemenen tulutiba menartemjisorkar nem nashi kümzüktsümapa lemzüktsü, saka parnokinashi nembo chiyungtsü periamagütsübaji asütsü. Asennashitem nem medical teyaritamajung agütsür, aser nashichanutem nem tetsü mamatzüperia magütsür. Item mapajimelenshitsü nüngdak," ta Vijay-isa ashi.

Lokti tsüngda telemsaadokdaktsüba nung masü sakaterenlok nung ranglokerinyaktsüla, ta paisa ashi.

Ahmedabad, June 14, 2017: Tawa BJP Tir, Amit Shah-i Mahatma Gandhi anema jembiba o anemaBodhbarnü Ahmedabad nung Sabarmati Ashram anasa Congress party nung inyakertem aserCongress clenirtemi mener longkak aitba noksa nung angur.

Geneva/New Delhi, June 14(Agencies): MongolbarnüGeneva nung tang tagidakInternational LabourOrganisation (ILO) conferencenung India linüki child labournung onük ana- Minimum AgeConvention, 1973 (Number138), aser Worst Forms of ChildLabour Convention, 1999(Number 182) atema inyaktsünangzükogo.

Iba ya ajanga ConventionNumber 138 atema inyaktsünangzüker rongnung India ILOnung züngsem 170buba kümogoaser Convention Number 182atema inyaktsü nangzükerrongnung India ILO nungzüngsem 181buba kümogo.

ILO nung züngsem linük 187lir.

Iba conference nung LabourMinister, Bandaru Dattatreyadendar aser pai ashiba agi, tangozüng yanglushiba- ChildLabour (Prohibition andRegulation) Central Rules

ajanga arishi küm 14 sertekübok tanurtem mapainyakdaktsütsü memelar, asertainlonglongpur (arishi küm 14nungi 18 tashi) temang nungtimtem adokdaktsüba mapateminyakdaktsütsü memelar.

Paisa, tang yanglushibaozüng nungji- tanur mapainyakdaktsüba nokdangtsü,tanurtem kümzüktsü aser teyariagütsütsü atema inyakyim latetalir, ta metetdaktsü.

Iba senden nung jembidangDattatreya-i, "Linük nung tanurmapa inyakdaktsüba khenyongiagientsü lemtetba ya, 2030 kümtashi nung sustainabledevelopment goalsnükjidongtem ataloktsü atemakanga tongtibang," ta ashi.

India-i iba telemtetba agibapelaa agizüka ILO director-general, Guy Ryder-i, "Tawaküm ishika India-i child labouranema shilem junga agia inyakbaasenoki metetogo," tametetdaktsü.

Hyderabad, June 14, 2017: Bodhbarnü Hyderabad nung YSRCongress Tir, YS Jagan Mohan Reddy-i TDP lenir aser taobamapang minister, Silpa Mohan Reddy Congress party nungagizükba noksa nung angur.

TIR YIMYIM, DIMAPUR THURSDAY JUNE 15, 2017 BENDANGLI OSANG1010

Jun 14, 2017: London nung aliba Grenfell Tower nung mi adoka arongba mapang tangokbanoksa nung angur. London nung aliba Metropolitan Police ajanga ashiba agi iba ki nunginisungtem maneni anizükba mapang lir. Iba mi lendong ajanga floor tanabuba nungi floor24buba tashi nung kongshi.

London, June 14(Agencies): London nungnisung aliba ki, Grenfell Towernung Bodhbarnü kitsük-kironglendong adokba ajanga nisung12 asü aser 68 yiru. Iba ki nungstorey 24 lir aser tsüraburtemisü tayi agi tanurtem aleperlendong nungi ajentsü merang.

"Tang tashi nung iba milendong agi nisung 12 takümsamatsüogo aser anu manenialitsü südi," ta police tanishir,Stuart Cundy-i osangbener dangashi.

Ambulance service ajangaashiba agi, nisung 50 bo mozükinung anir oa lir. Mi adokbaosang ya anepdang 1:00 akoatongtsü lia angashi aser ghondaka majungdang block ajunga miagi asüng.

Iba ki adongtepa süa aliba

Dhaka, June 14 (Agencies):Bodhbarnü tashi nungBangladesh linük nunganentsüh lendong nung asürajak agi 152 jungogo, aser ibaya Bangladesh linük putiotsünung tamajungtiba lir tazüngshir.

Nüburtem mejanga liaanentsüh lendong tesem aikanung atalok, aser kanga mejungiatalokba tasemtem nungyimdaklirtemi tasümangtembushia kakteta liasü.

Ketdangsertemi ashiba agi,ghonda 24 tsüngda nungtzünglu 343 millimetres (13.5inch) aruba ajanga tenemlennungi anentsüh alua ki noklangaika anenbangogo.

London Grenfell Tower nung mi agi nisung 12 rongsetWashington, June 14(Agencies): US tir, DonaldTrump indang shishilembabamaparen ajanga bendangerlinüktem nungi sen aruba anemaUS Congress nung Democratsnisung 200 jungnüa-i ken obenok.

US indang Constitution nungtir ka taa indang shia aliba nungUS Congress malemi tir-isempet agizüktsü makok, ta shiaaliba nung ajemdaker iba ken obenok.

US tir ka anema legislator-iiba ama ken o benokbarongnung tang ya timba lir, taparnoki ashir.

Iba ama kasa ken o yasorkar ketdangser aser nijashishilembar temia benoka lir.

Maryland aser District ofColombia indang attorneygeneral-i Hombarnü iba ken obenok. Saka White House-ikicha tai mali, ta ashir.

Justice department-i iba keno nung kicha telangzübamagütsü saka tir ka nija rongsendak ajemdaker ken o benokbaya constitution anema lir, tataoba mapang shia lir.

Iba ken o nung Senate nungizüngsem 30 aser representative166 densema lir. Trump-i tir

Washington, June 14(Agencies): Alexandria,Virginia nung United Statesindang House ofRepresentative nung züngsem,Steve Scalise dak mejangjabanisung kati teberem nung akhaaser pa den külemi ketdangserana aser staff ka dak akha, takelem züngsem Republicantelok nungi, Mo Brooks-iosangbener dang ashi.

"Iba lendong agütsüba tesemnungi nisung pongu mozü agüjaanepalutsü bener ao," taAlexandria police tekolakba,Michael Brown-i osangbenersenden ka nung metetdaktsü.

Iba lendong agütsür südi, tatemolung malemba nisung kapolice temi pua lir.

"Louisiana nungi medemertajung aser linük meimer SteveScalise mejungi yiru saka jungaakümtsü. Pa atema onokisarasademtsür," ta US tir,

Disaster ManagementDepartment tongti, Reaz Ahmed-i, linük putiotsü nung iba anentsühlendong ya tamajungtiba lir, aserano asürtem züngdangba aikaajungtsü.

Osangbenertem denjembidang tetsür kati,Mongolbar anepdangsangwatsüng nung lai tenemlennungi anentsüh alubaji angu.

Anentsüh lendongtamajungba atalokba district,Rangamati nung Bodhbarnüatasümang trok nguogo.

"Tasümangtemji lishitelunglen feet 3 nungi 5 telungnungi kaktet. Lishi indoktsüatema onoki tzü 'pump' sülokjaliasü," ta fire service nung

tongti, Didarul Alam-i ashi.Ketdangsertemi tejenokdak

ki 18 yanglur nisungtemjenokdakja lir, iba den küleminisung 4,500 shiaeinshidaktsüogo, ta ministerkati metetdaktsü.

Hopta ana atejaklenCyclone Mora agi Bangladeshanüdoklen tiplen kongshia liasü,aser iba lendong nung nisung 8asü aser ki meyirjang aikaraksaja liasü. Iba tatalokbasülen anogo ishika tsüngdalinük nung anentsüh lendong yaataloker.

2007 küm nungaBangladesh, Chittagong nunganentsüh lendong tulu kaataloka nisung 127 asü.

Bangladesh nung anentsüh lendong nung asür 152 jungogo

nung alir ajanga ashiba agi, miya ki tezülen nungi asemshia ao.

Iba ki tulu nung mi adokerghonda 10 jungaka ki telungnung mi maneni jangruba anguraser iba ki anasa aliba anüngajunga mokozü tanak agi süngalir, ta iba ki nung alir katiosangbener dang ashi.

Firefighter temi iba ki nung floor12buba tashi dang tongtet, taLondon Mayor, Sadiq Khan-i ashi.

"Iba block nung nisungnoklang aika liasü südi," taKensington & Chelseaketdangser, Nick Paget-Brown-ia osangbener dang ashi.

Iba ki indang structure yatashi tait asüba ajanga miremsepertem ki telungi ia mapainyaker, ta London Fire Brigadetekolakba, Dany Cotton-i ashi.

Iba block ya 1970s nung iba

tesem nung ketdangserteminorth Kensington tesem nungyangluba lir.

Fire Brigade ketdangserajanga ashiba agi, iba miremseptsü asoshi fire engine 40aser mi remseper nisung 200dak tali mazüngi inyakdar.

Nisung alitsü asoshi iba kitulu ya 1974 küm yanglu asertaoba küm May ita iba ki ya senmillion $11 indoka yanglushirliasü. Taoba küm iba kiyanglushiba mapang kitsükdaktsütsü aser tzütsükdaktsütsü osettem inoksemayanglushir liasü.

Iba ki yanglushiba mapangbendenba jana-reja ajanga milendong adokdaktsütsü ananung lir, ta iba tesem nung alirdang kümdangshia alitsü taobaküm nungi shia aru.

Donald Trump-i Twitter nungzülutsü.

Iba osang Twitter nungmezülutsüdang Trump-i "Ibalendong ajanga kanga jashiabilemer. Congress züngsem,staff, Capitol Police aser ibalendong ajanga kongshia alirajunga den kü sarasademtamang dena lir," ta shia liasü.

Iba tesem nung Senate aserCongress züngsem 25-shi Golfpractice süa liasü, aser ibalendong ya anepdang 6:30 ako(1030 GMT) meda atalok, taSenator Jeff Flake-i ashi.

Lendong agütsüsang yatemesüng nisung ka, kuo tanak,tereprangtsü nung arishi küm 40nungi 50 tsüngta aser tula anüngsentsü ka semer liasü, ta Flake-isa shisem.

Scalise ya Louisiana nungiCongress nung 2008 küm electasü aser pa ya Republican StudyCommittee nung tekolakba lir.

US House of Representativezüngsem ka dak akha

menden nung amenba sülenbendanger sorkar-i pa indangshishilembaba maparen nungsenotsü agütsüba nungCongress temelaba kata agiamali, ta item ken o benoker temiaitsür.

"Linük 25-shi den tir Trumpindang tejangraba nungmangatettep adoka lir, aser patajangzük angutsü asoshi tirtashi amshir. Onoki iba mapa yapa den kelemi inyaktsü mesüraonok pela alitsü asoshi inyakbamasü, saka pa indang inyakyimajanga ajungshir," taRepresentative, John Conyers-i osangbener dang ashi.

Trump indang shishilembabaya alima ajunga nung 500 daktali lir aser item rongnung hotel,golf course aser nisung aliba kitem lir. Item ajangashishilembaba ya bendangerindang sorkar den inyaker.

January ita Trump US tirakümba sülen pa indangshishilembaba yimli ya parjabasotem nemketdangsüdaktsür, saka pai katamayok lir.

Citizens for Responsibility &Ethics in Washington (Crew)ajanga kasa ken o ya Januarynung benoka lir.

US nung ozüng yanglur 200-shiajanga Trump anema ken o benok

Beijing, June 14 : Beijing, China nung aliba Great Hall of the People nung Luxembourg AtoKelonser, Xavier Bettel-i China tir, Xi Jinping ajurua 2017, June 14-nü senden amenba mapangtangokba noksa nung angur.

TIR YIMYIM, DIMAPUR THURSDAY JUNE 15, 2017 1111

ALI AJUNGBENA AYOKER1 Pura/4 biga

Old and New Showba tsüngdaContact : 9402845281 / 9436604385

IMDH Mokokchung nung ‘World Blood Donors Day’ sentong ayongzüka munger külen IMDHketdangsürtem den shilem agirtem külemi noksa nung angur. Mokokchung, June 14, 2017

Late Punalemzung Lemtur (Merangkong)ASO : 27.11.1910 - ASÜ : 11.6.2017

Ozü temeim obala arishi küm 107 nung June 11, 2017 nüiba lima nungi pilar onok mangyim jashi nung alidang, shirnokisasarasadem, nübo aser rongsen agi onok den yaritepogo, nenokajak den onoki kanga pelaba lemsateper.

Onoki nenok kija shia tenüngteta pelaba meshitetba atemasasar, ajisüaka asen Tematiba Tsüngremi nenok ajak talubosamoajangma ta onoki sarasademtsür.

- Temeim chirnur, anük-apang, aser semchirsemnurtem.

Pelaba Lemsateper

Kangadang meimlaba mapang ka nung onoki teti meima alibajabaso Aremchang Walling, iba lima nungi June 4, 2017 nü pila-aaodang Arogopur, yimeryimsanger, kiyonger, medemer asertemeimertem ana aser talang nungi kwikati ozu temolungshirangba mapang nubo, rongsen aser sarasadem ajangalemsatepba yariogo, nenok ajak dang pelaba iba zülu ajangalemsateper. Asen teyanglur Tsüngremi nenok mapa tajung metetalir, aser Pai nenok moatsütsü ta aji onok sarasadem.

- Tsürabur aser kinungertem.

Pelaba Lemsateper

ASO 1.7.1993 ASU 4.6.2017

No.14011/01/2016-P&CGOVERNMENT OF INDIA

MINISTRY OF INFORMATION AND BROADCASTINGSONG AND DRAMA DIVISION

*******************Private Cultural Troupes aser Casual Artistes ( anoshirnok Individual Artistes/Empanelled Artistes lir),

parnok dang nungi Song and Drama Division, RegionalCentres, Bhopal, Bangalore, Chandigarh, Delhi,

Kolkata, Guwahati, Lucknow aser Pune nung registerasütsü asoshi temulunger nungi application meshir.

Application/applications agütsütsüba tesüsaba anogoatsülangogo. Iba application ya prescribed proforma nungjungjunga zülur taoba mapang kasa advertisement agütsübaanogo 18th - 20th May, 2017 aser 1st - 2nd June, 2017 nungagüja aliba address nung Regional Centre, Song & Drama Divisiontemenutiba agia tang melenshiba anogo 25th July, 2017 tashinungbosa atongtsüsa yoktsüla.

Iba dak aketba tanga terms & conditions tamalenadvertisement nung adokba ama kasa alitsü.

-Sd-Director

Song and Drama Divisiondavp 22207/11/0006/1718

Mokokchung, June 14(TYO): Alima ajunga nung‘World Blood Donors Day’amungba den külemiMokokchung nunga Blood BankMokokchung, DAPCU aserMVBDA nungertemi IMDHnung “give blood, give now,give often” omen nungajemdaker sentong kaayongzüka mungogo.

Taküm jangratemtsü kajiLongsa Eagle Club tenzükertaküm küm tenem (50 years)ajungba tenüng nungMokokchung Blood Bank IMDHnem club züngsem 30-i azü(blood) tenla aser kasa clubzüngsem 11-i Dimapur nungaazü tenla agütsüogo.

Tanü iba sentong nung IMDHmedical superintendent Dr.Medemi mapang tatsüka agiajembidang, taküm yatongtibangsa rongdak nüngdak(emergency) mapang azü benerarutettsü ta asüba nung ranglokerinyaktsü nükla lir, ta ashi.

Tanü alima nung azü angutsütasak kümogo, “azü ya kechaagia memelentsü makok (nosubstitute), azüji azü agi dangmelenteter”, ta pai ashi. Kodanglendong kar atalokdir, “ni kechiinyaktsü, ni kechi agi yaritsü?”ta asüba tangatetba nung azütenlara, iba jagi nisung takümaika kümzüktettsü, ta paisa

shisem. Paisa Longsa EagleClub-i taküm kümzükba mapanung shilem tajung agiba asoshipelaba metetdaktsü.

Longsa Eagle Club (LEC)Jubilee Planning Committeenung Convener, BendangwatiPongeni jembidang, LEC ya1967 küm lanurtem saisapong,sobaliba, kentenmenü aserloktiliba maparen balalalirumedema ajungkettsünükjidong yur tenzük asertaküm jubilee omen “molushidi’omen dak rangloker maparentapu balala inyaka arudaki, taashi.

Jubilee nüngtem nung June5 ‘World Environment Day’ nüLongsa yim aser temeket nungsüngdong tapu balala temogo,

June 14 ‘World Blood DonorsDay’ nü züngsemtemi azü tenlaagütsür, ano asüng yanü SwachhBharat Mission nunga shilemagitsü, anema alitsü asoshimedical camp ayongtsü aserskill development amalaayongzüka pei dak alibasempettem metetakümdaktsütsü asoshi sentongbalala küm piyong agiyonga orkülen Dec ita Jubilee sentong kaagia tembangtsü nükjidong lir, tapaisa lemsatep.

Tanü iba sentong nungMokokchung Blood Bankketdangsür Dr. Chubalai “WorldBlood Donors Day” komatenzük aser koma mungyongaarur, item indang otsütemtatongi lemsatepa liasü.

World Blood Donors Day nü Longsa Eagle Club züngsemtemi azü tenla

Na taküm alidang aika temoatsüngudaktsüogo. Na asüba agi nisungaika taküm melenshiogo. Tanü nayangi onok den meliaka, asenokmajurutep tashi na onok mulungjangnung teti alitsü.

- Temeim kinunger& adianutem.

ASÜR MANGREPJUNGBAASO : 10.05.1931 - ASÜ : 15.06.2016

SÜR KÜM KA AJUNGER

Temeim Obala Asür T.Pangerpokyim Tzudir(Molungkimong) shiranga alibamapang nungi akumli wadangtembangba Anogo tashi, kija,kibong aser lokti balala-i nubu,rongsen, shisatsü asersarasadem agi onok den yaritepnung, nenok ajak dang pelabaiba ocet ajanga lemsateper.

Yariteper aika rongnung itemya metetshii melitet nung karzulusemer :1. Majakong Ward Yimden2. Molungkimong Senso

Mungdang3. Molungkimong Village

Council4. All ward Union, Mokokchung5. Mokokchung Town Baptist Arogo6. Kohima Ao Baptist Arogo7. Molungkimong Baptist Arogo8. Sumi Baptist Church 'A', Mokokchung9. Sumi Baptist Church 'B', Mokokchung10. Pensioner Association, Mokokchung11. Molungkimong Senso Union, Kohima12. Molungkimong Senso Union, Mokokchung13. Molungkimong Fellowship, Kohima14. Molungkimong Fellowship, Mokokchung15. Kohima Molungkimong tetsür Telongjem16. Doctors, Nurses and Staff, Putuonuo Nurshing Home17. Doctors, Nurses and Staff, ICU, NHAK18. Youth Association, Majakong Ward, Mokokchung19. Aoer Telongjem, Upper Majakong

Nenok ajak dangi tsüngdong arua mesüra tenüng tetshia pelabameshitet nung kanga sasa-a bilemer. Nenok mapa tajungtem tetionok den alitsu. Tsungremi nenok ajak moajangma.

Temeim Kinungtsu, chirnurtem,semchirtem aser kinungertem

Molungnen O

15th Dec 1949 - 6th June 2017

Nagaland state sorkari stateadena orr alirtem, sorkar mapanungi anisüngzük anguba sülen-a 'consultants' aser 'advisors'ama shima inyakdaktsüba, kechitangatetba nung aser kechibaparnok nem state indangrongsen auyazüka agidaktsür taasüngdanger, ta CNTC-sangdong nung shia lir.

Sreevalsam Group aser tangataila tenüngtem kübok statenung maparen inyakba ajungabushisüngdang asütsüla. Centre-i state nem lemzüktsüba sentangar nem auyazükaagidaktsüba ya CNTC-imagizüker aser iba inyakyimodangbo meyutsütsü.

Nagaland nung alirtem aikapei taküm liyonga moutetitimtem aser tuoshi jentiajurudang, bendangertemboNagaland nem agütsüba rongsenauyazüka takar akümbajimagizüker aser memelatsü, taCNTC-isa metetdaktsü.

Bendangertemi state...(Tapak 1 nungi...)

Owner, Printer, Publisher and Editor- K. Temjen Jamir, Published from H.No. E/449 Nepali kashiram, Dimapur- 797112, Nagaland. Printed at Tzuwar Publications, H.No. E/449 Nepali Kashiram,Dimapur- 797112, Nagaland. Phone: (03862) 248129 / 9436002285, e-mail : tiryimyim@gmail.com, tiryimyimdmp@rediffmail.com . Mokokchung Office : MTBA Complex,

Phone: (0369) 2226650. Kohima Office: Glass Mart, Opp. War Cemetry, Kohima Contact No. 9436001045. Delhi office- Paschim vihar, ph- 9818655933

TIR YIMYIM, DIMAPUR THURSDAY JUNE 15, 2017 SAISAPONG OSANG1212

“Nai nisung kar yimya maginüra melenshijang, nai

parnok memelenshitsütetra nü yimya melenshiang”.

B I L E M D A N G A N G

London, June 14 (Agencies):French Open champion RafaelNadal taruba hopta nungasayatsü a liba AegonChampionships, Queen's Clubnung shilem magitsü. Ibatelemtetba ya pa doctor-ianisüngzüktsü asoshi tetuyubaagütsüba sülen agi, taasayamong ayongertemiMongolbarnü metetdaktsü.

"Ni taruba hopta Queen's cupnung shilem magitsüba osang yakanga sasaa lemsateper. Ni iba

Rafael Nadal Queen's cup nung masayatsütelemtetba ya kanga jashisütaagir, ni Queen's nung kangaasayaner aser iba asayamong yani 2008 küm kokogo. NiWimbledon final tongtetba kümshia Queen's cup nung asayaaliasü," ta Nadal-i ashi.

Spain nunger tenses asayarworld No.2 ya mapang talangkayiruba ajanga junga masayatetilir tawa kanga junga asayatenzükogo. Pai taoba hoptaRoland Garros 10 ben bubakokogo aser ibaji masüdang

taoba ita ana tsüngda nungMonte Carlo, Barcelona aserMadrid open kokogo.

"Ni anogo ishikaanisüngsükba sülen ibaasayamong asoshi renemtsübilema liasü, ajisüaka arishi küm31buba nung claycourt seasonnung mapang talangka shilemagir kü team aser doctor denjembiteper ni Wimbledon nungjunga asayanera anisüngzüktsününgdaker ta lemtetogo," taNadal-isa shisem.

June 14, 2017 (Agencies):Premier League taruba seasonAugust 12 nungi tenzüktsü aserChelsea telok atema mezüngbubaasaya Burnley den asayaatenzüktsü.

Iba asayamong atema fixturesBodhbarnü sangdonga liasü asermaneni Antonio Conte-i anibatelok ya tanabuba asaya nungTottenham Hotspur den asayatsü.Tottenham pur stadium 'WhiteHart Lane' yanglushiba ajanga ibaseason nung parnok home asayaajak 'Wembley' nung asayatsü.

Asayamong tenzüker mezünghopta nung Manchester City purtaküm EPL-i tasen aitba telokBrighton and Hove Albion denmezüng asayatsü aserManchester United pur 'OldTrafford' nung West Ham Unitedden asayatsü.

Liverpool pur manager tasenbaMarco Silva kübok mezüng asaya'Vicarage Road' nung Watfordnung asayatsü aser Spurs purtanabuba division championNewcastle United den asayatsü.

Primer league-i iba seasonnung tasen aitba telok rongnungtanabuba telok HuddersfieldTown pur küm 45buba nung tangmezüngbuba EPL nung CrystalPalace den asayatsü aser Arsenal

Premier League Fixtures sangdongogopur home nung Leicester City denasayatsü.

Fixture nung Everton purhome nung Stoke City den asayaatenzüktsü aser September tatemtashi nung parnok ManchesterCity, Chelsea, Spurs aserManchester United den asayatsü.

Mezüngbuba hopta FixtureSwansea City aser Southamptonna aser Bournemouth o WestBromwich Albion na ta asayaatembangtsü.

Manchester United aserLiverpool na Anfield nung Oct. 14nü asayatsü aliba ya iba seasontetenzük nung ajaki yongyaa atabaasaya ka asütsü. United aser City natsüngda mezüngbuba asaya Dec. 9nü Old Trafford nung asayatsü.

Asaya mapangtem ajak TVscheduling dak sendakba nungterara melenshitsü akok. ManeniSpurs pur Wembley nungasayatsü alibatem tetsükdaktsüadoker. Fixture sangdongliparnoki Burnley den Aug. 26 nühome asaya asayatsü alibajimelenshitsüsa akümtsü tametetdaktsü, kechiyong iba anogonung Rugby League ChallengeCup final asayatsüba lir.

Tanungba division asem atemaEFL fixtures June 21 nüsangdongtsü.

Doha, June 14 (Agencies):Mongolbarnü World Cupqualifier South Korea den masayatsüngda Qatar national team puriparnok indang T-shirt nung linükindang 'emir' noksa ajenokerwarm up agiba atema FIFAparnok merenshitsü akok.

Doha nung asaya metenzüktsüngda asayartemi tolatemesüng nung 'Emir SheikhTamim bin Hamad Al-Thani'indang noksa ajenoker renemshi.

Iba noksa ya Qatarnungertemi anemba temaitsü kaama amshir aser iba ya tawa Gulfnung mangatettep adoka SaudiArabia, United Arab Emirates aserBahrai-i Doha den tesendaktepajak nungi atsünginba nungtelangzüba agüja anembatemaitsü ka lir.

Maneni iba T-shirt ya Qatarnunger attacking midfielderHasan Al-Haydos-i goal kaidaktsüba sülena pai lokti alileniasema or T-shirt ka ayeploktsü.

Saudi aser parnok teloki

Qatar-i kiralongraba maparenpusemer ta shia parnok dentesendaktep raksa, koba Doha-iaitsüogo aser ibaji tim masü taparnoki ashir.

Qatar-i 2022 nung World Cupayongzüka akatsü.

FIFA-i tola nung temelabamaliba yimden yimsüsüba rennung aser tamangba yimsürennung osang agütsütsünokdanger.

Iba hopta tetenzüklen Gulfnung mepetmesü aliba daksendakba nung FIFA tir GianniInfantino-i ashiba agi, FIFA-i'geopolitics' nung teka maier sakaQatar nung 2022 nungasayamong akatsü aliba painungita yariba pai metetdaktsü.

Qatar tema coach Uruguaynunger Jorge Fossati-i parasayartem pusema ashiba agi, "T-shirt nung 'emir' noksa inokerasemba nung kechi tai ali, ibaatema temerenshi angutsümalang. Iba ajanga shinga anemakecha shia mali."

FIFA-i Qatar nungi asayar merenshitsü akok

Birmingham, June 14(Agencies): Virat Kohli IndianPremier League (IPL) nung küm10 tashi asayaba indang yanglubanoksa ka British Indiaentrepreneur, Poonam Gupta-isen crore 2.4 agi alizük.

Nüburtem timtem nung alibayaritsü asoshi Virat Kohli-itentetba telok ka ajangachiyongba sentong kaayongzükba nung Sacha Jafri-iyangluba noksa ya bener aru.Sacha ya sempet angur aseralima nung noksa yanglurnüngtugu nisung ka lir.

Virat Kohli indang IPL noksa ka sen crore 2.4 agi ayokKohli-i taoba mapang-a

David Beckham, MS Dhoni aserYuvraj Singh nunger denlungjemer timtem nung alirtemyaritsü asoshi iba ama mapa teminyaka lir.

"India nunger cricket asayarlanurtem dak ni kanga saklokbaji, parnok dak tangatetba tajunglir aser cricket asayaba tesemnung kisüng masü saka cricketmasayaba mapang nungaparnoki temelenshi bener arutsümeranger. Virat-i iba ama mapatajung inyakba den ni kangajunga sendaktepa lir," ta

Scotland nung aliba PG Paperscompany indang CEO, PoonamGupta-i ashi.

"Alima nung alar ayurtemasoshi tesem mali aser ibatemenen anema asenoki akokbamapa inyaka nokdaktsüla. Virat-i iba mapa inyakba asoshi aser niatema noksa yanglur tajungtiba,Sasha Jaffrey-i yangluba noksaalitetba atema kanga pelar. Nimapa ana inyaktetogo. Ni iba'masterpiece' kidangi bener aotsüaser mapa tajung ka asoshi kütashi yari teyari agütsür," taGupta-isa shisem.

Bengaluru, June 14(Agencies): Mongulbarnü Indiaaser Kyrgyz Republic tsüngda2019 Asian Cup football qualifierasayaba mapang asaya tenzükerminute 69buba nung India nungercaptain, Sunil Chhetri-i goal kaagüja iba asaya India-i akok.

2019 Asian Cup qualifier nung India-i Kyrgyz Republic madak takok angu

Kyrgyz Republic den asayabaya Chhetri asoshi asaya 94bubaaser pai iba asaya nung goal kayokba ya India nunger asoshi paigoal 54buba agütsür liasü.

Group A nung India telokiasaya anaprong akokba ajanga ibatelok nung temaba jenjang nung

points trok nguteta lir. KyrgyzRepublic aser Myanmar telokaasaya anana nungi points asem-sem nguteta lir. Iba telok nungiMacau ya anu khen-amasayadang lir.

Group shia telok pezü-prongya 'home' aser 'away' asayatsüaser temaba jenjang nungi telokana United Arab Emirates nungasayatsü aliba 2019 AFC AsianCup nung shilem agitsü.

India-i mezüng qualifierMyanmar den asayaba mapang1-0 aki koka lir aser iba ajangaIndia-i International asaya 7bubaatonga akoker aküm.

India-i iba qualifier tarubaasaya Macau den September 5nung 'away' asayatsü lir.

Kohima nung Sabka Saath Sabka... (Tapak 1 nungi...)

Naga civil society temi asür SS Khaplang... (Tapak 1 nungi...)

Centre dang achiajem nung... (Tapak 1 nungi...)

Laisa, India sorkar dangNSCN (K) den ceasefire alitsüatema mapa inyaktsü mepishi aserNSCN (K)-ia yimjung nung alitsüatema ceasefire tenangzüktepagitsü atema ayongzük.

Sentong nung NSFPresident, Subentung Kithan-i ojembidang, Naga linük nunglennir ka asüba atema jashiba

metetdaktsü."Asür Khaplang ji Naga

nationalist ka liasü aser Naganüjiso atema mapa inyaktsütenzükba nung pai tongti shilemagi," ta Subentung-isa ashi.

Asür Khaplang asübaji Naganunger atema takoksa ulura lir.Naga putiotsü nung asürKhaplang ji tashi ka asütsü aser

nüjiso atema inyakba mapanung tangar ajungmesor kaasütsü, ta paisa shisem.

Iba sentong nung KonyakBaptist Church sannüker, H.Moba Konyak-i temoatsümeshia sarasadem aser ChristKing Church Kohima ParishPriest, Rev. Dr. Peter Salew-isentong tembanga sarasadem.

Anogo 21 benjungmungnung nübortem dang sorkaritenzükba scheme temmetetdaktsütsü aser itemteyari agitsü atema maongkaagütsütsü nükjidong lir, tapaisa ashi.

Nagaland nung iba benjungya Dimapur dak alaka districtsheadquar ters 10 nungayongzüka amunger. Dimapurnungbo June 12-16 tashi ModiFest amunger aser ibamapang Modi promotional Van

garii Dimapur kübok tesembalala sema senzür, taLhoungou-isa metetdaktsü.

Nagaland state BJP tir-isa,Modi'er sorkar i tenzükbascheme 105 nungi state nunginyakba scheme tem karmetetdaktsü.

Scheme balalatemjiMinistry of Power, Coal, New& Renewable Energy andMines; Ministry of Child andWomen Development;Ministry of Agriculture;

Ministry of UrbanDevelopment; Ministry ofTribal Affairs; Ministry ofHome Affairs; Ministry ofElectronic and InformationTechnology aser Ministry ofRural Development kübokinyaker, ta paisa shisem.

BJP nem sorkar kümtetainyaktsü tashi agütsüra,schemes aser policies ajakmapa küma inyaktsü asertangutsüpur ket tongdaktsütsü,ta Lhoungou-isa tanü ashi.

Iba ya ajanga Nationalelectronic media nung nisung karilinük nung northeast pur indangosang tejangja memetetba jungkaiadoka sayur, ta CEC-isa ashi.

Dr. Shurhozelie-i Nagalandnung alirtem tenüng nung Francetashi oa, Naga Labour Corpsnem tetushi agütsüba atema panem tenüngsang agütsür, ta NPFCEC-isa metetdaktsü.

Maneni, CEC-isa Dr.Shurhozelie-i by-election nungtokteptsü atema Khriehu Liezietsu-i pa menden toktsüba atemaKhriehu nem tenüngsang agütsü.

NPF CEC-isa ElectionCommission of India dangtekaratiba nung 10 NorthernAngami-I AssemblyConstituency indang by-electionagitsü atema mepishitsütelemtetba agi.

NPF Manipur State Unit-iManipur Assembly electionsnung NPF candidate 4 takokngudaktsüba aser sorkarkümtetba nung shilem agiba aserManipur Chief Minister, N BirenSingh-ia NPF MLA pezüpronglasorkar nung aniokba atema NPFCEC-i pelaba metetdaktsü.