Upload
others
View
1
Download
0
Embed Size (px)
Citation preview
Republika e Kosovës
Republika Kosovo - Republic of Kosovo
Kuvendi - Skupština - Assembly
T R A N S K R I P T
I MBLEDHJES PLENARE TË KUVENDIT TË REPUBLIKËS SË KOSOVËS,
E MBAJTUR MË 9, 10 DHE 13 KORRIK 2020
SA PLENARNE SEDNICE SKUPŠTINE REPUBLIKE KOSOVA,
ODRŽANE 09., 10. I 13. JULA 2020. GODINE
KORRIK - JUL
2020
2
Rendi i ditës
1. Koha për deklarime jashtë rendit të ditës,
2. Koha për pyetje parlamentare,
3. Zgjedhja e një (1) kandidati për anëtar joekzekutiv të Bordit të Bankës Qendrore të
Republikës së Kosovës,
4. Zgjedhja e anëtarëve të Bordit të Drejtorëve të Ndërmarrjes Publike Operatori i Sistemit,
Transmisionit dhe Tregut (KOSTT)
5. Formimi i Komisionit Hetimor Parlamentar lidhur me procesin e privatizimit në Kosovë,
6. Shqyrtimi i raportit të Autoritetit Rregullator për Shërbimet e Ujit (ARRU) për vitin 2019,
7. Kërkesa e Komisionit Hetimor Parlamentar në lidhje me menaxhimin e pandemisë së
virusit COVID-19 nga Qeveria e Republikës së Kosovës për miratimin e buxhetit,
8. Formimi i Komisionit ad hoc për përzgjedhjen e kandidatëve për shtatë (7) anëtarë
të Këshillit të Pavarur Mbikëqyrës për Shërbimin Civil të Kosovës,
9. Formimi i Komisionit ad hoc për përzgjedhjen e kandidatëve për dy (2) anëtarë të Bordit të
Ankesave të Komisionit të Pavarur të Mediave.
Dnevni red
1. Vreme za izjave van dnevnog reda,
2. Vreme za parlamentarna pitanja,
3. Izbor jednog (1) kandidata za neizvršnog člana Odbora Centralne Banke Republike
Kosovo,
4. Izbor članova Odbora Direktora Javnog Preduzeća Operatora sistema, transmisije i tržišta,
5. Formiranje Skupštinske anketne komisije o procesu privatizacije na Kosovu,
6. Razmatranje Izveštaja Regulatornog Autoriteta za usluge vode (RAUV) za 2019. godinu,
7. Zahtev Anketne Parlamentarne Komisije u vezi sa upravljanjem pandemije sa virusom
COVID-19 od strane Vlade Republike Kosovo, zahtev za odobrenje budžeta,
8. Formiranje ad hoc komisije za izbor kandidata za sedam (7) članova Nezavisnog nadzornog
Odbora za civilnu službu Kosova,
9. Formiranje ad hoc komisije za izbor kandidata za dva člana (2) člana Odbora za žalbe
Nezavisne komisije za medije.
3
Mbledhjen e drejtoi kryetarja e Kuvendit, znj. Vjosa Osmani.
KRYETARJA: Të nderuar deputetë,
Rendi i ditës është miratuar nga Kryesia e Kuvendit, ndërkohë e keni marrë edhe një pikë shtesë
me dakordim të Kryesisë. Ju njoftoj që kurdo që vijmë te miratimi i rendit të ditës pas
deklarimeve dhe pyetjeve, do t’i kem edhe unë dy propozime, mocione për rendin e ditës.
1. Koha për deklarime jashtë rendit të ditës
Në emër të Grupit Parlamentar të Vetëvendosjes e ka kërkuar fjalën Liburn Aliu.
LIBURN ALIU: Faleminderit! Deklarimi im është në emër të grupit.
E nderuar kryetare!
Të nderuar deputetë,
E diela që shkoi ishte vërtet shqetësuese për të gjithë qytetarët e Kosovës, lajmet për vdekjet e
shumta në Klinikën Infektive tronditën dhe shkaktuan pasiguri dhe frikë kudo në vendin tonë.
Duke qenë në mes të pandemisë dhe me raste në rritje vazhdimisht, me këtë stilin e vazhdueshëm
ku qytetari nuk ka ku t’i mbajë shpresat pos te shteti, te sistemi ynë shëndetësor dhe tek
efikasiteti i tij.
Në gjendjen e rëndë të përgjithshme kur ekziston rrezik masiv në shoqëri, shteti është ai që do të
duhej të jetë i pari pranë qytetarit dhe për këtë edhe në fakt do të duhej të ekzistonte shteti, të
mbrojë qytetarët në nevojë, pasi njerëzit dhe i mban besimi te dora e përkujdesjes së shtetit.
Tronditja e së dielës filloi me lajmin për vdekjet e pacientëve nga dita e shtunë dhe që kulmoi me
vdekjet e orëve të hershme të së dielës që ndodhën brenda pak çastesh. Pacientët që ishin të
shtrirë për të kërkuar shërbime shëndetësore gjetën vdekjen pikërisht në dorën e sistemit
shëndetësor, po flitet për rënie të sistemit të oksigjenimit qendror, pra për diçka teknike që
brenda minutash apo dhjetëra minutash hodhi poshtë gjithë mundin dhe përkujdesjen e personelit
mjekësor dhe solli vdekjen te pacientët. Ky sistem i oksigjenimit qendror ra përsëri dje dhe ishim
me fat, edhe dje mund të kishin ndodhur vdekje.
Dhe, ka rënë edhe në të shkuarën kur ishin po ashtu, pa fat kur në vitin 2017 pacientët vdiqën, e
që supozohej se kjo ndodhi nga gazi oksidul. Për vdekjet e vitit 2017 nuk u zbuluan asnjëherë
shkaktarët dhe as përgjegjësit, ato thjesht ndodhën dhe pothuaj u harruan dhe fajtorët ia dolën
paq. Këto vdekje që po na del vazhdimisht se kanë të bëjnë me sistemet e furnizimit dhe që po na
përsëriten, po na bëjnë të qartë se këtu nuk është puna te personeli mjekësor dhe profesionalizmi
i tyre, i cili po lufton çdo ditë kundër pandemisë, është e qartë që këto janë përgjegjësi
menaxheriale që vijnë si rrjedhojë e përgjegjësisë apo papërgjegjësisë politike. Dhe, ky cikël i
vazhdueshëm vdekjesh me tendencë të lënies në harresë duke bartur fajin andej e këndej, e ka atë
4
efektin edhe më të rëndë se vdekja, e ka efektin e humbjes së besimit në sistem shëndetësor dhe
në shtet.
Nuk kthehet besimi në shtet e as në sistem shëndetësor me thirrje që të besohet, në ndërkohë që
të përsëritet e njëjta situatë në mënyrë ciklike në pak javë, e sollët gjendjen ku tanimë nuk
besohet në asgjë. I sëmuri duhet të qëndrojë me shpresën se e mbron Zoti dhe nuk i bie sistemi
dhe për këtë duhet dhënë përgjegjësi dhe mos mendoni se e tëra mbulohet me shkarkimin e
drejtorit të SHSKUK-së, pastaj ishte tanimë në shkarkim e sipër nga bordi për shkak të një
raporti të auditimit. Ideja që qeveria ilegale dhe jolegjitime e ka në programin e saj qeverisës se
pandemia arrin pikun e saj dhe pastaj thjesht kalon, si dhe me idenë e arritjes së imunitetit të
masës, të dyja këto në ndërkohë që e kemi një sistem shëndetësor me kapacitet të limituar, ishte i
gabuar. Tani kur arritëm në momentin e daljes nga kontrolli, kur klinikat vërshohen nga
pacientët, bëhet thirrje dhe merren masa, epo tani kësaj thirrjes suaj nuk i shkon më zëri, pasi nuk
mund të ketë besim te ju. Një sistem shpejt kthehet mbarë kur ka besim në udhëheqjen e vendit
dhe kur politikat janë të orientuara nga e mbara, por edhe më shpejt degradon kur humb besimi
tek udhëheqja, kur ka besim te qeveria, ka moral në rritje, ka zell në punë dhe pasi ka shpresë se
po ndryshon diçka, ka edhe ndryshim për të mbarë.
Por, kur të del zoti Hoti dhe bën thirrje, është e vështirë që mund të motivojë e të inkurajojë dikë
dhe pastaj kur nga ana tjetër na del se qenkan folur për ndarje të vendit, pra nga dy burime nga
zoti Grenell dhe zoti Bolton, dhe pra nuk paskan qenë paranojë paralajmërimet për ndarje dhe në
ndërkohë që vazhdojmë të jemi ende në proces të negociatave, e nuk e dimë se për çka do të
flitet, e tërë kjo situatë na fut në një gjendje edhe më të thellë të pasigurisë, pasi që nuk po dimë
se çka do të na pret dhe kur shohim po ashtu se tani përnjëmend Serbia po e cakton karantinën në
Veri dhe jo sikur atëherë kur ajo në mars bëhej në bashkëveprim të...
(Ndërprerje nga regjia)
(Drejtimin e mbledhjes e merr nënkryetarja e Kuvendit, znj. Arbërie Nagavci.)
KRYESUESJA: Regjia, a ke edhe shumë zoti Aliu? Edhe 30 sekonda, ju lutem!
LIBURN ALIU: Pra, e tërë kjo është e qartë se vendi në përgjithësi po shkon drejt një gjendjeje
të pasigurisë dhe që do të mund të jetë çdo gjë e pritshme. Vendin e futët në gjendjen ku fjala e
vetme që na mbetet ta themi është “në dorë të Zotit”, e nga kjo dilet vetëm me largimin tuaj,
vetëm me zgjedhje të reja dhe me një legjitimitet të ri. Faleminderit!
KRYESUESJA: Faleminderit, zoti Aliu! Nga Grupi Parlamentar i LDK-së, fjalën e ka kërkuar
deputetja Vlora Limani-Hajnuni
5
VLORA LIMANI-HAJNUNI: Faleminderit, e nderuar kryesuese! Flas në emër të Grupit
Parlamentar të LDK-së.
I nderuar kryeministër,
Ministra,
Të nderuar deputetë,
Jemi në një periudhë shumë sfiduese jo vetëm sa i përket shëndetit publik, por edhe ekonomisë
shtetërore. Prandaj, edhe kjo seancë, sikur edhe seancat në vazhdim të këtij Kuvendi do të duhej
të theksojnë vëmendjen dhe përkushtimin tonë si deputetë për të ndihmuar në luftimin e
pandemisë.
Fundja, kjo është detyrë jona, duke qenë të zgjedhurit e popullit është detyrë jona që të kemi
kujdes në diskutimet tona dhe në sjelljet tona, sepse më pas shembulli i sjelljes sonë mund të
ndiqet nga qytetarët. Tanimë është faktike që ditëve të fundit kemi rritje enorme të rasteve me
COVID-19 në Kosovë, kjo si rezultat i shumë faktorëve, për të cilët me dëshirë do të flisja në një
periudhë tjetër post pandemike, atëherë kur edhe qytetarët, shërbyesit shëndetësorë do të jenë të
liruar nga ankthi që ka shkaktuar ky virus, por meqë disa nga ne po përpiqen të gjejnë fajtorë
duke u bazuar në periudhën e inkubacionit të virusit që është periudhë 7 deri 14 ditë, është mirë
të përkujtojmë disa nga skenarët në mes të 30 majit e 12 qershorit. 30 maji kur Qeveria Kurti
vendosi të lirojë shumicën e masave, në veçanti lejimin e tubimeve publike për të hapur rrugë
pastaj për 12 qershorin e tubimit, manifestimit partiak të Vetëvendosjes me afër 5 mijë persona
në sheshin e Prishtinës. As më 30 maj dhe as më 12 qershor nuk kishte përfunduar pandemia,
përkundrazi, më 30 maj në Kosovë ishin rreth 230 raste aktive me koronavirus, e më 12 qershor
pas test-protestave në pikat e kuqe në sheshin e Prishtinës ky numër u rrit në rreth 500 raste
aktive.
Megjithatë, përtej këtyre shifrave manifestimi juaj më 12 qershor, duke grumbulluar një masë të
madhe të njerëzve në Prishtinë, na sjell rezultatin e tanishëm që 30% e qytetarëve në Kosovë nuk
besojnë që koronavirusi është real dhe është vdekjeprurës dhe për këtë nuk janë fajtorë qytetarët,
jeni ju që madje për të rritur numrin e pjesëmarrësve, i kishit me vete edhe fëmijët, duke
rrezikuar edhe shëndetin e tyre në njërën anë, e në anën tjetër duke dhënë shembullin më të keq
për qytetarët se si në pikun e pandemisë mund të thërrasësh dhe të grumbullosh 5 mijë njerëz për
një interes të ngushtë partiak. Për më tepër, këtë thirrje për një tubim të tillë masiv nuk e kishin
bërë njerëz të thjeshtë, këtë thirrje e bënin aktorët kryesorë të deridjeshëm të shtetit, kryeministri
dhe ministri i Shëndetësisë, ata që ishin të vetëdijshëm plotësisht për rrezikun që shkakton
koronavirusi, por që te qytetarët e transmetuan ndryshe. Prandaj, sot kemi rreth 1 mijë e 65 raste
aktive me koronavirus, ndërsa Prishtina ku u mbajt manifestimi është shndërruar në vatrën më të
madhe të infeksionit në Kosovë, me rreth 826 raste aktive vetëm nga 12 qershori. Prandaj, sot
duhet të jemi të kujdesshëm në atë që e themi, sepse nga sot mund të bëhemi shembulli i keq për
të nesërmen dhe për qytetarët. Faleminderit!
6
KRYESUESJA: Nga Grupi Parlamentar i PDK-së, kush e dëshiron fjalën? Nuk ka të interesuar!
Nga Grupi Parlamentar i AAK-së, a dëshiron fjalën dikush? Jo! Nga Lista serbe? Jo! Nga Nisma-
AKR? Domethënë, nuk ka të deklaruar të tjerë për fjalë!
Atëherë, vazhdojmë me disa kërkesa të deputetëve për të folur domethënë në emër të deputetit,
emër individual. Fjala është për deputeten Donika Kadaj-Bujupi.
DONIKA KADAJ-BUJUPI: Faleminderit!
Fjalimi im sot nuk do të jetë aspak politik dhe mendoj që si deputetë të këtij Kuvendi në këtë
kohë pandemie duhet të jemi shumë më konkretë, shumë më pragmatikë, edhe shumë më
kreativë. Pra, seancat t’i minimizojmë në afatet kohore sa më të shkurtra, në mënyrë që të mos
infektohemi, e debatet e gjata s’po prodhojnë asgjë dhe s’po i ndihmojnë qytetarët.
Prandaj, do t’i shtroj tri kërkesa për qeverinë sot, meqë është edhe ministri i Shëndetësisë këtu.
Kërkoj që të hapen dyert e QKUK-së, pra të hiqen pagesat në hyrje. Të gjithë ne që vizitojmë
këtë institucion, që shkojmë ose dërgojmë të afërmit tonë, e dimë që sa herë të hyn i paguan një
euro, çdo orë shtohen edhe 50 cent, çdo pacient ose familjar i cili shkon në QKUK i kalon të
paktën 3-4 orë kohë aty derisa sa i merr shërbimet e nevojshme dhe t’i paguajë 3-4 euro në ditë
në këtë fazë, kur ekonomia është në rënie, kur varfëria po rritet, kur qytetarët kanë nevojë të
shkojnë përditë në QKUK, është e tepërt. Prandaj, kërkoj nga ministri Zemaj që sot, jo më larg të
marrë vendim dhe ta shfuqizojë atë kërkesë për pagesa sa herë që hyn dhe sa herë që dalin.
E dyta, për çdo ditë po dëgjojmë që qeveria po merr ndihma dhe përkrahje, maska, materiale të
ndryshme dhe kjo është për t’u përshëndetur dhe për të falënderuar të gjithë donatorët. Mirëpo,
ende në institucionet tona publike, përveç në Kuvend ku i marrim maskat falas, qytetarët
obligohen t’i blejnë. Kjo është e papranueshme! Ne të gjithë duhet të respektojmë, do të thotë
këtë kërkesë, duhet të respektojmë masat, të ruajmë distancën, t’i vëmë maskat, por studentët në
UP duhet që nga sot, ministër, të furnizohen me maska. E dimë që ka maska të mjaftueshme,
keni marrë mjaftueshëm donacione, dërgoni në UP, dërgoni në të gjitha fakultetet, mbi të gjitha
dërgoni në biblioteka. Është kohë provimesh, unë në shtëpi i kam dy studentë, sa herë të dalin, e
blejnë një maskë 0.80 cent për të shkuar qoftë në provim, qoftë të përgatiten në bibliotekë.
Kështu është për të gjithë qytetarët e Republikës.
Dhe, e treta, ministrja e Financave nuk është këtu, por unë besoj që do të kem komunikim edhe
në të ardhmen. I kemi disa deklarata për tërheqjen e 10% nga Fondi i Kursimeve Pensionale, do
të thotë një e drejtë e qytetarëve. Fillimisht ministria ka thënë që janë në dakordim dhe po
bashkëpunojnë me Trustin dhe së shpejti do të realizohet, Trusti doli dhe e tha të kundërtën.
Pastaj, kishim edhe 2 ose 3 deklarata të ndryshme, pra mund t’i tërhiqni, nuk rimburësohen, nuk
mund t’i tërhiqni, është sjellë ligji, nuk është sjellë ligji. Na duhet këtu zyrtarisht, një njoftim
7
zyrtar nga Ministria e Financave në cilën fazë është ligji, a duhet Kuvendi ta marrë ligjin në dorë
e ta bëjë...
(Ndërprerje nga regjia)
(Drejtimin e mbledhjes e merr kryetarja e Kuvendit, znj. Vjosa Osmani.)
KRYETARJA: Edhe një minutë deputetes!
DONIKA KADAJ-BUJUPI: Faleminderit!
A duhet Kuvendi ta fillojë plotësim-ndryshimin apo Qeveria e ka kryer punën dhe në cilën fazë
është ligji, meqë zëvendësministri i Financave e dha një deklaratë të tillë. Pra, ne kemi nevojë,
kolegë deputetë, që nga sot të bëjmë veprime shumë konkrete, shumë më kreative, në të mirë të
qytetarëve, t’i lëmë debatet e gjata politike, sepse siç e thashë, nuk po prodhojnë asgjë, përveçse
po e rrisin virusin dhe po rrezikojmë të infektohemi çdo ditë e më shumë. Faleminderit!
KRYETARJA: Faleminderit! Deputeti Rexhep Selimi e ka kërkuar fjalën.
REXHEP SELIMI: Faleminderit, kryetare!
Zoti Avdullah Hoti po duket që është bërë gati të niset për një turn të ri të takimeve me Vuçiqin.
Janë paralajmëruar tashmë takime të Hotit me Vuçiqin në Berlin dhe në Bruksel.
Nuk e dimë a është entuziast apo jo, por i gatshëm, po. Madje, shprehet se edhe është i vendosur
që ky dialog s’ka alternativë pa e ditur se a po shkon atje për të dialoguar, për marrëveshje apo
për ndonjë plan që tashmë e kanë bërë të tjerët. Me gjasë, po nisët në gjurmët e atij që ia dha
dekretin, e një pyetje e pashmangshme që do përgjigje është: ku je nisur kështu? Ku po shkon pa
lejen e Kuvendit dhe pa platformë? Pa ekip dhe pa plan? A vërtet edhe ti po mendon e po vepron
sikur ai që ta shtrojë rrugën? Gjurmët e tij veç në një vend të çojnë. Së paku, a e dini ju, zoti
Avdullah Hoti, se ku po shkoni dhe pse po shkoni? Nëse jo, atëherë pse po shkon, e nëse po, pse
s’po na thua?! Sidomos kur tani ish-këshilltari i Presidentit Tramp, Gjon Bolton, e sqaroi se atje
ka një projekt të ndarjes dhe të shkëmbimit të territoreve mes Thaçit dhe Vuçiqit, e këta të dy,
pra Thaqi e Vuçiqi, që njëri po të dërgon e tjetri po të pret, të kanë futur në një sendviç në
shërbim të një plani, për të cilin ju patëm paralajmëruar me kohë e madje na patët quajtur
“paranoikë”.
Pra, a është paranoik edhe vetë Gjon Bolton tash, apo edhe vetë Grenell, zoti Hoti, nuk ke ku
shkon pa i sqaruar këto gjëra në fillim. E hoqët reciprocitetin, pezulluat aplikimet në organizatat
ndërkombëtare, Vuçiqit ia organizuar zgjedhjet kudo që deshi dhe sido që deshi ai në Kosovë, e
kurorëzuat Rakiqin si zëvendëskryeministër me fuqi më të madhe se sa vetë ju sa i përket
çështjes së minoritetit serb në Kosovë, partneri juaj, Lista serbe dhe zëvendësi juaj Rakiq
8
deklarohen haptas tashmë, citoj, se “mbështesim Presidentin Vuçiq në luftën e ardhshme politike
dhe diplomatike për Kosovën”, të cilën Kosovën ata e quajnë me emrin jokushtetues “Kosovë e
Metohi”. Zoti Hoti, ka punë më të rëndësishme dhe më të mençur këtu, Kosova është në gjendje
shumë të rënduar epidemiologjike, situata ka dalë tashmë jashtë kontrollit sa i përket menaxhimit
me COVID-19, njerëzit po vdesin në mungesë të mbështetjes, këtu është Kosova, atje është
Vuçiqi, ndoshta ke menduar se çka do t’i thuash Vuçiqit, por vallë a ke menduar se çka do të na
thuash neve kur të kthehesh. Faleminderit!
KRYETARJA: Deputeti Dimal Basha e ka kërkuar fjalën! Faktikisht, Dimal, të lutem vetëm pak,
se në ndërkohë e paska kërkuar deputetja Besa Ismaili dhe na duhet kështu pas VV-së, partitë e
tjera, secili subjekt të ketë mundësinë, por ka kohë menjëherë pas saj do ta keni edhe ju fjalën.
Urdhëroni, Besa Ismaili!
BESA ISMAILI: Faleminderit, zonja kryetare!
Nuk ka dyshim se rezistenca e armatosur e Ushtrisë Çlirimtare të Kosovës ka krijuar natyrën e
pakapshme të idealeve tona më të dashura, përkundër asaj që vlerat e saj që dy dekada janë duke
u kapur, për t’u përdhosur e humbur nga ata që këto vlera nuk i kanë poseduar kurrë, por pa
sukses. Për historinë që e kemi shkruar së fundmi, si përpjekje shekullore për çlirimin dhe lirinë,
nuk kemi nevojë ta bindim askënd, sepse vlerat sublime nuk interpretohen, nuk rishkruhen, këto
vlera vetëm jetohen, ose i ke jetuar ose nuk i jeton më dot.
Çlirimtarët që dy dekada kanë qenë dhe vazhdojnë të jenë përballë dy rreziqeve të mëdha, në
kohën para njëzet vjetëve, në frontet e luftës kundër Serbisë agresore, duke sakrifikuar jetërat,
gjymtyrët, familjet dhe pasurinë, për një ideal të pakrahasueshëm, lirinë, e që pas saj janë duke u
përballur me ideologët e transformimeve shoqërore, puthadorësh të sistemeve shtypëse dhe
rahatllëkut institucional, që kanë mprehur lapsin tërë këto vite për të përbaltur, njollosur dhe
përbuzur veprën e tyre. Këta nuk e çajnë kokën për dehumanizimin e çlirimtarëve, gjendjen e
rëndë ekonomike, statusin social dhe vendimmarrjen e tyre në proceset shtetformuese. E po të
ishte ndryshe, mbase edhe do të mbështesnin Ligjin për Mbrojtjen e Vlerave të Luftës.
Kësaj i kontribuon edhe dehja e një establishmenti të ri ndaj pushtetit, që përdhosjen e kanë
jetike përkundër çuarjes së ujit në mullirin e Serbisë, si sponzorizuesi kryesor. Nuk mund të
themi se nuk kanë pasur sukses. Por ky është sukses mjeranësh! Ndërtimi i diskurseve politike të
mbështjella me shpifje, akuza të pabaza për çlirimtarët ka krijuar dhe vazhdon të krijojnë kushte
për një tentim rishkrimi të historisë, se gjoja luftëtarët e lirisë paskan bërë krime kundër
njerëzimit. A mund të pyesim me të drejtë, se pse kjo Gjykatë pretendon të hetojë krime ndaj
njerëzimit në kohëra dhe periudha kur Ushtria Çlirimtare të Kosovës nuk ka qenë ekzistente, siç
është koha pas përfundimit të luftës, dhe mu në kohën e marrëveshjeve ndërkombëtare me forcat
e aleancës veri-atlantike? Kjo është shumë e rëndësishme, sepse në rastin konkret, ka shërbyer si
bazë për mveshje të krimeve ndaj historisë së lavdishme të Kosovës në rrugën e saj për liri, e cila
9
në asnjë mënyrë, apo rrethanë nuk është ndërtuar mbi krime dhe vrasje të civilëve. Është
ndërtuar për vetëmbrojtje dhe mbrojtjen e civilëve.
Përballja e saj kundër kësaj situatë të rëndë politike për kombin, nuk njeh diferencim partiak, as
politik, madje as ideologjik, sepse rrezikon shtetësinë e Kosovës dhe imazhin ndërtues të saj.
Kurrë më shumë sesa sot nuk na duhet uniteti, për të plasuar të vërtetën para vetes dhe para
faktorit ndërkombëtar...
(Ndërprerje nga regjia)
KRYETARJA: Edhe një minutë shtesë deputetes!
BESA ISMAILI: Sot çlirimtarët duhet të jenë pranë nesh dhe të jenë pjesë e dialogut me ata që
kryen krime kundër njerëzimit dy dekada më parë, e jo në udhëtime për t’u intervistuar, as si
shënjim emrash për t’u akuzuar, sepse me garancë të plotë e them, si dikush që kam përvojë 20-
vjeçare në ndërtimin e paqes në Kosovë që asnjë proces pajtimi nuk mund dhe nuk ka si të
rezultojë suksesshëm pa pjesëmarrjen e çlirimtarëve, të cilët luftuan për liri, ndërtuan institucione
dhe shtetformim si dhe janë të gatshëm edhe tash, krahas përballjes për drejtësi, të negociojnë
sypatrembur për pajtim dhe paqe të qëndrueshme në rajon. Faleminderit!
KRYETARJA: Deputeti Dimal Basha, urdhëro!
DIMAL BASHA: Faleminderit, kryetare!
Përshëndetje për të gjithë ju, deputetë,
Unë vetëm desha shkurt të ngre çështjen e vendimit të Qeverisë për ndalimin e lëvizjes. Unë
besoj ka shumë rëndësi për shkak se në këtë Kuvend është bërë një luftë e madhe duke thënë se
Qeveria Kurti pati marrë edhe krejt trumbetimi ka qenë se kanë qenë vendime antikushtetuese.
Tani vendimi ka ardhur nga Qeveria dhe Gjykata Kushtetuese e ka shprehur qartë që vendimi
duhet të vijë nga Ministria e Shëndetësisë dhe jo nga Gjykata Kushtetuese, por vetëm po duam ta
shpërfaqim atë hipokrizinë që e keni thënë këtu para qytetarëve, për shkak se ne si Lëvizje
Vetëvendosje nuk dalim të dërgojmë rastin në Gjykatën Kushtetuese për shkak e mendojmë se
shëndeti publik është më me rëndësi, duke marrë parasysh rrethanat se ku gjendemi, mirëpo kjo
vetëm po do ta shpërfaqë se keni bërë politikë edhe në kohë pandemie, por që të bisedime, unë
zoti Hoti, dua t’ju them që ju jeni duke shkuar pa legjitimitet.
Ju e keni zotin Rakiq, me zotin Rakiq doni të shkoni të bisedoni kundër zotit Vuçiq, kuptojeni se
kjo nuk është në interes të qytetarëve, nëse s’e keni përfaqësimin e qytetarëve, nuk besoj që ia
vlen të shkohet në këto bisedime. Mendoj që kryeministri duhet ta udhëheqë, Gjykata
Kushtetuese e ka thënë që kryeministri i vendit duhet ta udhëheqë dhe nëse i përmbahemi një
standardi që LDK u thirr dhe, edhe ju vetë zoti Hoti nëpër emisionet televizive e thoni se fituesi i
10
zgjedhjeve duhet ta ketë karrigen e kryeministrit. Ai kryeministër është Albin Kurti, kështu që
vetë me standardin tuaj që keni krijuar, zoti Hoti, ju qëndroni me një ulëse të uzurpuar, nëse e
doni ndryshe, prandaj qytetarët po kërkojnë zgjedhje, ne si Lëvizje Vetëvendosje po kërkojmë
zgjedhje për shkak se në bisedime duhet të shkojmë me atë standard që e keni thënë edhe vetë ju
fituesi, fituesi e merr pozitën e kryeministrit, atëherë bëhemi bashkë dhe shkojmë kundër
Serbisë.
Për fund, le të ndalojmë për shkak se nëse nuk ka unitet, nuk besoj që e keni as përkrahjen e
Kuvendit për çfarëdo marrëveshje. Marrëveshja duhet të miratohet në Kuvend, ju nuk i keni
votat për të kaluar as ligjet e thjeshta, lëre më 2/3, shumicën e Kuvendit për të bërë marrëveshje
ndërkombëtare. Nuk ka në botë ku garojnë dy ekipe, edhe humbësi e merr trofeun. Përveç asaj,
zoti Hoti, ju nuk keni qenë as lojtari në atë garë, ne e dimë kush ka qenë protagonist, kështu që
nuk e keni legjitimitetin, ne bëjmë thirrje që të shkojmë në zgjedhje, pastaj sipas standardit që ju
e keni thënë nëpër studiot televizive, fituesi ta marrë pozitën e kryeministrit dhe të shkojmë
përpara bashkë kundër Serbisë. Faleminderit!
KRYETARJA: Deputeti Arbër Rexhaj e ka fjalën!
ARBËR REXHAJ: Faleminderit, kryetare!
Gjendja me COVID-19 është tejet shqetësuese, pothuajse në baza ditore kemi mbi 200 raste në
Kosovë dhe si analogji, nëse ju kujtohet sa ishte Qeveria Kurti, kur kishim dhjetëra raste,
presidenti i vendit, Hashim Thaçi, së bashku me zëvendëskryeministrin e Kurtit, zotin Hoti,
kërkon shpalljen e situatës së jashtëzakonshme. Pse sot nuk e shpallni një situatë të
jashtëzakonshme?
Tjetra, në atë kohë nuk kishim të vdekur, sot kemi me dhjetëra dhe së fundmi kemi, pra edhe të
vdekur aksidentalisht, e besa mund të quhet të vdekur ndoshta edhe si “vrasje”. Ministri i
Drejtësisë, më falni ministri i Shëndetësisë, siç ka dëshirë ai t’i thotë vetes në një konferencë
ministër i Drejtësisë, shpik edhe një pozitë për vëllain e vet, domethënë si ambasador për vendet
e Bashkimit Evropian. Nuk mjaftuan, pra, domethënë të gjitha ato, të cilat i ndërmori ish-ministri
Glauk Konjufca, të gjitha ato vendime i shkarkuat dhe tash unë e shtroj një pyetje qenësore: a
patjetër duhet që vëllezërit, motrat e ministrave, kryeministrave të Kosovës, të deputetëve të jenë
aq superiorë dhe të përgatitur për këto pozita, apo nuk kemi ne qytetarë, të cilët përnjëmend i
meritojnë këto pozita. Përnjëmend e shpreh shqetësimin e thellë për gjendjen për COVID, për
keqmenaxhimin e kësaj gjendje dhe se përnjëmend kur kemi mbi 200 raste, të cilat dalin pozitivë
në ditë, e besoj nuk janë 200, sepse normalisht në pamundësi nuk po mund të testohen të gjithë
qytetarët e Republikës së Kosovës, pra ka edhe më shumë.
KRYETARJA: Faleminderit! Nuk kemi të tjerë që kanë kërkuar fjalën për deklarime. Ministri i
Shëndetësisë e ka fjalën!
11
MINISTRI ARMEND ZEMAJ: Faleminderit, kryetare e Kuvendit!
I nderuar kryeministër,
Kolegë ministra,
Të nderuar deputetë,
U ngritën disa çështje, edhe për situatën epidemiologjike në Republikë, edhe interesimi i
deputetëve për menaxhim më të mirë shëndetësor. Më lejoni që në mënyrë kronologjike, sepse
disa janë edhe pyetje parlamentare të drejtuara nga deputetët e opozitës.
E para, ajo çka dua të theksoj është që kualifikimi rreth vdekjeve me fatalitet në klinikat tona nuk
i bën nder as ju dhe asnjë personi, qoftë publik apo privat, pa qenë rrethanat e sqaruara dhe
raportet zyrtare qoftë nga prokuroria, qoftë nga inspektoratet shëndetësore dhe ai farmaceutik.
Andaj, kualifikimi deri në “vrasje” është papërgjegjësi totale, është fyerje për familjet e atyre të
vdekurve dhe mbi të gjitha tregon pafytyrësinë politike të adresimit të një qasje të tillë. Më 5
korrik unë e kam autorizuar Inspektoratin Shëndetësor me të marrë lajmin për katër vdekjet në
Klinikën Infektive, kanë dalë në vendngjarje në orën 11:00 dhe kanë filluar hetimet, investigimin
rreth rrethanave, faktorët, të cilët ndikuan në këtë çështje. Mjekimi intensiv në Klinikën Infektive
furnizohet me oksigjen nga Qendra e furnizimit kryesor, sistem qendror, ku nga i njëjti sistem
furnizohen edhe disa klinika të tjera, sallat operative të kirurgjisë, infektives, emergjencës,
dializës, internos, intensivës e tjerë, në të cilat në bazë të informatave që disponon Inspektorati
Shëndetësor, nuk ka të deklaruar vërejtje rreth furnizimit me cilësi apo ndaljes së oksigjenit.
Personeli që punon në depon qendrore të furnizimit me oksigjen e ka evidentuar sasinë e
oksigjenit në orën 19:00 me të marrë ndërrimin, më datë 4. 7. 2020 zotëria Hasan Hoxha, në
vlerë prej 72.3 oksigjen i lëngët, ku i njëjti deklaron në fletore zyrtare se ka bërë kontrollin në
orën 19:00, 20:00, 21:00, 23:00, 01:00, 03:00, 05:00 dhe deri në 07:00 të mëngjesit, ku të gjitha
aparaturat dhe stabilimentet kanë qenë në gjendje të rregullt.
Më 5. 7. 2020, në orën 7:00 ka bërë dorëzimin me 60,8 oksigjen i lëngët. Fakti që në pikat e tjera
të furnizimit me oksigjen nga njësia qendrore, klinikat e QKUK-së nuk ka pasur probleme të
deklaruara. Inspektorati Shëndetësor është fokusuar në Klinikën Infektive, ku ka ndodhur
incidenti. Aparaturat e furnizimit me oksigjen në mjekimin intensiv të Klinikës Infektive janë të
pajisur me sensorë dhe tregojnë shtypjen e furnizimit me oksigjen dhe sinjalizojnë ndryshim
shtypje në të gjitha elementet që janë profesionale dhe të evidencave, qoftë edhe nga personeli
shëndetësor kujdestar te libri i evidencave. Andaj, deri në këtë fazë nuk ka të arritur të vërtetojë
shkaqe të vërteta ose të parashtrojë gabimet eventuale profesionale shëndetësore dhe tash kjo
është duke vazhduar edhe në aspektin e hetimit profesional shëndetësor dhe presim raportin final
nga Prokuroria e shtetit. Ju kisha lutur shumë që derisa t’i kemi raportet finale të mos
paragjykoni, mos ngritni dyshime të pabazuara, sepse nuk është në etikën tuaj dhe askujt nuk i
bën nder.
12
E nderuar deputete Kadaj-Bujupi, dy çështje të cilat ju i ngritët janë edhe në interesimin tim.
Pagesat aktuale në hyrje janë kompetencë e Bordit të SHSKUK-së dhe menaxhmentit të
shërbimit spitalor, të cilat unë do t’i adresoj jo vetëm në formën, të cilët ju i theksuat dhe në bazë
të nevojave, sepse edhe sipas vendimit të ri të qeverisë janë reduktuar edhe hyrjet-daljet edhe të
qytetarëve për shkak të situatës, e cila duhet të kemi kujdes dhe ta ruajmë personelin shëndetësor
nga infeksionet e jashtme. Për pajisjen me maska dhe pajisjet e tjera mbrojtëse, unë menjëherë
do ta autorizoj administratën që të rishikojë nëse në depot tona kemi sasi të mjaftueshme dhe kjo
pjesë të ndahet edhe për ata studentë ose për kabinetet, të cilat janë funksionale dhe kjo do të
ishte shumë me rëndësi që të ndihmojmë sadopak, edhe ashtu janë pjesë e taksave të prindërve të
tyre dhe mbi të gjitha...
(Ndërprerje nga regjia)
KRYETARJA: Regjia, fjalën ministrit, të lutem, vazhdoja!
MINISTRI ARMEND ZEMAJ: ... donacionet që vijnë të shfrytëzohen në aspektin racional dhe
të mbërrijnë te qytetarët e vendit. Deputeti Dimal Basha, i cili ngriti aspektin e marrjes së
vendimit, është në përputhshmëri me kushtetutshmërinë dhe ligjshmërinë, e cila neve na detyron
ta menaxhojmë situatën epidemiologjike sipas rekomandimeve të Institutit Kombëtar të
Shëndetësisë Publike.
Më lejoni që t’ju njoftoj që me Ligjin nr. 2L/109 për parandalimin dhe luftimin e sëmundjeve
ngjitëse përcaktohen sëmundje ngjitëse, si dhe rregullohen aktivitetet për zbulimin në kohë,
evidencimin e shfaqjes, parandalimin, ndalimin e përhapjes dhe mjekimin e tyre. Kapitulli i
katërt i këtij ligji ka përcaktuar masat e sigurisë për mbrojtjen e popullsisë nga sëmundjet
ngjitëse. Neni 41 i këtij ligji, paragrafi 1, përcakton se për ta mbrojtur vendin nga: kolera,
murtaja, variola, vera, ethet hemorragjike, virojale, ethet e verdha, sars, gripi i shpendëve dhe
sëmundjet e tjera ngjitëse merren masat e parashikuara me këtë ligj dhe me konventa
ndërkombëtare sanitare dhe me aktet e tjera ndërkombëtare. Po ashtu, paragrafi 41.2 përcakton
që për të parandaluar futjen dhe përhapjen e kolerës, murtajës, variola vera, etheve hemorragjike
virojale, etheve të verdha, Sarsit, gripit të shpendëve dhe sëmundjeve të tjera ngjitëse në tërë
vendin Ministria e Shëndetësisë me akte nënligjore përcakton masat e posaçme të
jashtëzakonshme për mbrojtje nga këto sëmundje, si vijon: ndalimi i udhëtimit në vendin ku
është përhapur epidemia të ndonjërës nga këto sëmundje, dhe b). Ndalimi i qarkullimit në rajonet
e infektuara ose drejtpërdrejt të rrezikuara.
Marrë parasysh dispozitat ligjore në fuqi, Ministria e Shëndetësisë në zbatim të rekomandimeve
të Institutit Kombëtar të Shëndetësisë Publike ka propozuar që vendimet për qarkullimin e
personave fizikë jashtë shtëpive, banesave të tyre, në komunat: Prishtinë, Ferizaj, Prizren dhe
Vushtrri t’i nxjerrë Qeveria e Republikë së Kosovës me qëllim të parandalimit të përhapjes dhe
13
kontrollit të infeksionit COVID-19 për mbrojtjen e shëndetit publik të qytetarëve të Republikës
së Kosovës. Meqenëse, mbikëqyrja e zbatimit të këtyre masave është ndërsektoriale, Ministria e
Shëndetësisë ka propozuar që këto masa duhet të ndërmerren me vendimet e Qeverisë së
Republikës së Kosovës. Mbikëqyrja do të bëhet nga Inspektorati Sanitar, ku në përputhje me
kërkesat e Inspektoratit Sanitar të gjitha inspektoratet e tjera i vënë në dispozicion kapacitetet e
veta për ta mbikëqyrur zbatimin e masave në përputhje me legjislacionin në fuqi. Gjithashtu, me
vendim janë obliguar të gjitha institucionet e Republikës së Kosovës të ndërmarrin veprimet e
nevojshme për zbatimin e tyre. Faleminderit!
KRYETARJA: Arbër Rexhaj, dy minuta replikë, koment!
ARBËR REXHAJ: Ministër, nuk m’u përgjigje: në Qeverinë Koti, ku edhe ju keni
bashkëqeverisur, edhe ku zoti Hoti ka qenë kryeministri i tij, ka pasur dhjetëra raste shumë pak
me koronavirus. Atëherë patët krijuar shpallje të situatës së jashtëzakonshme. Sot, kemi me mbi
200 raste në ditë, dhjetëra të vdekur dhe pse nuk po e kërkoni një gjë të tillë? Si pyetje retorike,
unë mund ta jap edhe përgjigjen, sepse bashkëpunimin me presidentin Thaçi e keni tejet të
ngushtë, e keni pasur atëherë. A dini pse po ndodhin këto raste me COVID-19? Krejt janë si
shkak i rrëzimit të Qeverisë në kohë pandemia, prandaj ka humbur busulla dhe me këtë fakt, dhe
me këtë shtyrje shumë shpejt Kosova do të katandiset në një katastrofë humanitare dhe në këtë
farë forme ju do ta rrëzoni komplet përtokë edhe sistemin shëndetësor, ku më si vendet Italia dhe
të tjera, ku kanë pësuar me vdekje, ka rënë edhe sistemi jo vetëm ai shëndetësor, por i tërë
sistemi shtetëror dhe së shpejti nuk dua ta shoh këtë, por siç po shihet, jemi në atë rrugë dhe jemi
shumë afër.
KRYETARJA: Ministri e ka fjalën!
MINISTRI ARMEND ZEMAJ: I nderuar deputet, pandemia i ka vënë në kolaps sistemet më të
avancuara shëndetësore anembanë botës, nuk është imune as Republika e Kosovës, por
fatmirësisht deri më tani situata është mirëmenaxhuar dhe ne po tentojmë dhe po angazhohemi
që ky menaxhim të zgjat çdo ditë.
Nëse i referoheni situatave kur infeksioni dhe COVID-19 ishte i panjohur nuk duhet të përdorni
analogji të marrjes së masave në një situatë të caktuar, kur e gjithë bota ishte në konfuzitet se çka
është COVID-19 dhe për këtë arsye edhe ndërmarrja e masave, qofshin edhe ato kufizim dhe
rikthim në kufizim, ka qenë përgjegjësi e Institutit Kombëtar të Shëndetësisë Publike dhe ne i
përkrahim plotësisht siç i ka përkrahur edhe Qeveria e Republikës së Kosovës, këtë duhet ta bëni
të qartë, ta dini, të mos e përdorni dhe të mos e keqpërdorni. COVID-i ju prek edhe juve, edhe
këtë është dashur ta keni parasysh edhe më 12 qershor. Dhe tash po të tregoj ty dhe të gjithë
qytetarëve të Republikës së Kosovës se çka ka bërë COVIDi pas datës 12 qershor vetëm në
komunën e Prishtinës. Total pas datës 10 qershor i kemi 1 075 raste në Prishtinë, të shëruar janë
14
284, 10 të vdekur, 826 janë aktivë deri më ditën e sodit, kjo është përgjegjësi juaja e
papërgjegjësisë, të cilët i keni nxjerrë ata njerëz, nuk i keni mbrojtur, nuk e keni respektuar
distancën, nuk i keni respektuar masat mbrojtëse. Andaj, kjo është përgjegjësi politike, morale,
etike, profesionale e të gjitha.
KRYETARJA: Sejdi Hoxha e ka fjalën, vetëm tani i kemi deklarimet vetëm në qoftë se lidhen
me atë që e tha ministri.
SEJDI HOXHA: Faleminderit, kryetare!
Realisht, gjendja në sektorin e shëndetësisë është jashtëzakonisht shqetësuese, veçanërisht ditëve
të fundit. Dua t’u shpreh ngushëllimet më të sinqerta familjeve që kanë humbur më të dashurit e
tyre në QKUK, Qeveria nuk duhet t’i politizojë këto raste dhe nuk duhet të marrë vendime për
shkarkime pa i arsyetuar vetë dështimet e saj në qoftë se bëhet fjalë për dorëheqje morale,
mendoj që dorëheqjet duhet të bëhen nga piramida, do të thotë nga qeveria dhe nga ministria, por
në qoftë se ka nevojë të bëhet një hetim detal, mendoj që nuk duhet të politizohet ky proces dhe
të bëhen shkarkime selektive, duke u munduar të arsyetohen veprimet e rënda dhe të
papërgjegjshme që kanë ndodhur atje.
Kisha kërkuar nga Qeveria që të mos na vërë në një pozitë të vështirë para qytetarëve në këtë
kohë kaq të vështirë. Ju i keni marrë përgjegjësitë të udhëheqni vendin, Qeverinë, duhet ta sillni
Ligjin për COVID sa më shpejt. Ne si opozitë do ta japim kontributin tonë. Qeveria ka obligim të
deklarohet dhe të prezantojë strategjinë qysh ta menaxhojë këtë situatë të rëndë të pandemisë.
Kanë marrë përgjegjësi ta udhëheqin vendin dhe nuk është mirë të mundohen që dështimet e tilla
për tema kaq të ndjeshme t’i vihen opozitës. Nëse nuk jeni në gjendje të prezantoni qeveri qysh
të kalohet kjo situatë, ju kishim lutur t’i lironi ato vende dhe ka njerëz që marrin përgjegjësi të
tilla edhe qysh ta udhëheqin sektorin e shëndetësisë në kohë krejt kaq të vështirë.
Edhe pse, jemi opozitë gjithmonë jemi për të mbështetur temat që janë në interes të sigurisë së
qytetarëve të Republikës së Kosovës dhe tema të tilla nacionale, siç ishte rasti me marrëveshjet
ndërkombëtare që i sjellin milionë euro Qeverisë. Pra, kisha pasur dëshirë që...
(Ndërprerje nga regjia)
KRYETARJA: Kryeministri e ka kërkuar fjalën.
KRYEMINISTRI AVDULLAH HOTI: Faleminderit, kryetare e Kuvendit!
Në Qeverinë e kaluar kemi bërë përpjekje që të ndërmarrim masa mbrojtëse kundër Pandemisë,
duke mos e shkelë Kushtetutën dhe si rezultat atëherë patëm kërkuar si partnerë qeverisës që të
shpallet gjendja e jashtëzakonshme. Janë marrë disa vendime të cilat u shpallën jokushtetuese.
Unë jam në konsultim të ngusht me Institutin Kombëtar të Shëndetit Publik edhe me komitetin
15
që udhëheq ministri dhe nuk do të hezitoj të vij para juve për të kërkuar shpalljen e gjendjes së
jashtëzakonshme, nëse këtë e kërkojnë Ministria e Shëndetësisë dhe Instituti Kombëtar i
Shëndetit Publik. S’kam me pas asnjë hezitim në këtë drejtim.
Jemi duke e menaxhuar situatën. Trendi është në rritje, siç është në rritje edhe në regjion e më
gjerë. Ministri i dha shifrat më konkrete. Në mbledhjen e datës 5 korrik kemi marrë vendime në
përputhje me programin tonë qeverisës për të krijuar kapacitete afatgjata për të përballuar këtë
Pandemi. Jemi në proces të riorganizimit komplet të klinikave të shërbimit spitalor për të krijuar
shtesë. Janë krijuar shtretër shtesë, edhe në Klinikën Infektive, edhe në klinikat tjera, po edhe
nëpër spitale regjionale dhe gjithashtu, e kemi autorizuar Ministrinë e Shëndetësisë në përputhje
me ligjin, që të kërkojë edhe nga spitalet private që të vënë në dispozicion shtretër nëse kjo është
e nevojshme për të menaxhuar situatën.
Tek resurset njerëzore në shëndetësi jemi duke e riorganizuar komplet angazhimin e stafit
shëndetësor në nivel vendi, për t’i vënë në funksion, në dispozicion personelin shëndetësor për
rastet e prekura me COVID. E kemi autorizuar prapë Ministrinë e Shëndetësisë që të bëjë
angazhimin e krejt stafit shëndetësor në nivel vendi, që nuk janë të angazhuar tanimë në sektorin
publik, ose në sektorin privat, me fokus të veçantë në shërbimet e mikrobiologjisë, infektologjisë
dhe shërbime që janë të lidhura drejtpërdrejtë me menaxhimin e situatës me COVID.
E kemi autorizuar Ministrinë e Shëndetësisë që shpejt të licencojë, edhe institucione private,
edhe spitalet nëpër regjione, për të kryer testime me COVID në për puthje me procedurat e
standardizuara. Kemi filluar procedurat prokuruese për të blerë deri në 100 mijë teste virologjike,
për të blerë deri në 500 mijë vaksina të gripit sezonal që mundësojnë krijimin e një imuniteti për
vjeshtë. Janë bërë porositë e nevojshme për vaksinën eventuale kundër COVID në përputhje me
protokollet e Komisionit Evropian dhe të OBSH-së, siç po bëjnë edhe vendet tjera, në rast se kjo
vaksinë del së shpejti.
Kemi filluar procedurat vet edhe në bashkëpunim me OBSH-në, për të blerë edhe 7 aparate për
testim, një për Klinikën Infektive edhe 6 tjera për regjione. Kemi autorizuar blerjen e terapive
specifike për trajtimin e të prekurve me COVID-19 prapë në përputhje me protokollet e
Komisionit Evropian dhe të OBSH-së dhe kemi ndarë edhe buxhetin e nevojshëm për të gjitha
këto çështje, duke miratuar sot në Qeveri edhe planin për menaxhimin e Pandemisë.
Kemi marrë disa masa kufizuese të lëvizjes. Nga ora 21:00 deri në orën 5:00 në mëngjes në disa
komuna. Kemi kufizuar veprimtarinë e bizneseve në mbarë vendin, një lloji të bizneseve, ku në
bazë të vlerësimeve të ekspertëve shëndetësorë vlerësohet se aty është burimi kryesor i përhapjes
së virusit, prapë nga ora 21:00 deri në orën 5:00 në mëngjes dhe nuk do të hezitojmë të
ndërmarrim asnjë hap nëse është e nevojshme deri tek shpallja a gjendjes së jashtëzakonshme,
sepse shëndeti është prioriteti ynë.
16
Sot kemi trajtuar në mbledhje të Qeverisë Projektligjin që ka ardhur nga Kuvendi për
menaxhimin e Pandemisë. Vlerësimi i ekspertëve ligjorë të Qeverisë është, se ky ligj nuk e
zgjidh problemin, sepse nuk mundet me ligj të kufizohen të drejtat elementare, siç ka ndodhur
me vendime të Qeverisë së kaluar, të cilat u shpallën jokushtetuese. Pra, e vetmja zgjidhje, nëse
duhet të shkojmë në ekstreme të kufizimit të lëvizjes në nivel vendi, kjo punë nuk bëhet me ligje,
duhet ta shpallim gjendjen e jashtëzakonshme.
Ministria e Shëndetësisë është e obliguar tani që në baza ditore të sjellë raport në Qeveri. Do të
ju mbajmë të informuar për zhvillimet edhe do të marrim të gjitha masat e nevojshme, por ta dini
që jemi duke i përcjellë në detaje protokollet e Komisionit Evropian dhe të OBSH-së për këtë
qëllim. Kemi vendosur kontakte direkte formale me këto dy organizata që po zhvillojnë
procedura standarde që vendet duhet t’u përmbahen, sa i përket menaxhimit të Pandemisë.
Faleminderit!
KRYETARJA: Ka edhe disa deputetë që e kanë kërkuar fjalën. Ju lus, që deklarimet, ose
komentet, të jenë vetëm në lidhje me ato që i thanë ministri i Shëndetësisë dhe kryeministri.
Mirëpo paraprakisht, të nderuar deputetë, po detyrohem sërish ta jap një sqarim. Propozimin për
gjendje të jashtëzakonshme në përputhje me Kushtetutën tonë nuk ka të drejtë ta japë
kryeministri, vetëm presidenti.
Shikoni nenin 131, shikoni nenin 84 të Kushtetutës, shikoni kompetencat e Qeverisë. Presidenti
vërtet e konsulton kryeministrin para se ta lëshojë dekretin, por në këtë Kuvend nuk mund të vijë
propozim, ose akt i Qeverisë për gjendje të jashtëzakonshme, por vetëm i presidentit. Pra, është
mirë që ta kemi të qartë lidhur me kompetencat që i keni.
Fjalën e ka kërkuar deputeti Fitim Uka. Sipas radhës po jua jap fjalën.
FITIM UKA: Faleminderit, e nderuar kryetare!
Personalisht e kuptoj që mund të jetë goxha e vështirë, që prej një vendi model në menaxhimin e
Pandemisë ta kthejmë Kosovën në një vatër të infeksionit me COVID-19, kështu që sinqerisht po
them, gjithë këto arsyetime që i dëgjova prej ministrit janë po aq qesharake, sa edhe premtimet e
tij të kota për testime masive të cilat i ka bërë qysh në ditën e parë të punës së tij.
Në fakt, edhe ky fajësimi i opozitës për gjoja rritjen e numrit të rasteve me COVID-19 në
Kosovë e meriton një sfidim serioz shkencor, por kur e dëgjova deputeten e LDK-së tek sa thotë
që manifestimi është mbajtur në “pikun” e pandemisë, besoj që është rast i humbur, nëse provoj
të ju tregoj se s’ka të bëjë me pik në atë kohë, sepse kjo i bie që tash lakorja është përtokë edhe
në kohën kur kemi mbi 200 raste brenda ditës me COVID-19.
17
Sidoqoftë, çështjet të cilat kërkojnë adresim të menjëhershëm, çështjet të cilat meritojnë
vëmendjen e opinionit publik kanë të bëjnë me daljen nga kontrolli i situatës me COVID-19 dhe
për këtë përgjegjësit dihen. Sidoqoftë, na duhet prapë përgjigje, qoftë ajo edhe retorike, për
bllokadën që i bëhet Kosovës. Jam shumë kurioz të di kush do të marrë përgjegjësinë tash, për
faktin që Maqedonia e Veriut kërkon nga ne testime negative për COVID-19 për ta kaluar
kufirin? Njëjtë ndodh me Malin e Zi. Na duhet gjithashtu, edhe një përgjigje për atë se kush po i
shpall “Zonë karantinë” komunat veriore? Si po ndodh kjo që një ditë pasi ata aleatët tuaj
politikë në bashkëqeverisje...
(Ndërprerje nga regjia)
KRYETARJA: Po i mbledh disa komente të deputetëve, para se t’ia jap fjalën Qeverisë, sepse
kështu besoj se do të mbetemi deri vonë në mbrëmje pa filluar pikat e rendit të ditës.
Blerta Deliu-Kodra e ka fjalën, pastaj Mimoza Kusari.
BLERTA DELIU-KODRA: Faleminderit, zonja kryetare e Kuvendit!
Janë disa pika të diskutimit, meqë e kemi ministrin e Shëndetësisë dhe kryeministrin këtu dhe të
cilat sot nuk u diskutuan, por mendoj se janë të rëndësishme për opinionin.
Ne përgjatë kësaj kohe kemi parë humbje të mëdha në aspektin e zhvillimit ekonomik dhe të
pamundësisë që qytetarët të kenë një vend. Ajo që kam hasur gjatë kësaj kohe ka qenë goditja që
kjo Pandemi ua ka bërë grave, sidomos atyre që janë të punësuara, atyre që kanë filluar ndonjë
biznes të vogël, e të mos flasim për gratë të cilat janë të papunësuara e të cilat kjo pandemi i ka
goditur më së keqi.
Prej problemit me çerdhe, sepse Qeveria ka marrë një vendim që diskriminon prindërit, në këtë
rast grupmosha e fëmijëve që lejohen të jenë në çerdhe është deri në moshën 5 vjeçare. Kam
pasur një numër të madh të ankesave të prindërve që nuk kanë arritur të kenë një vend për
fëmijët e tre, që nuk e kanë këtë grupmoshë, e cila është afektuar menjëherë në vendin e tyre të
punës. Nëse flasim pastaj për gratë në sektorin privat, ato gjatë kësaj kohe të Pandemisë janë
përballë me orar të stërzgjatur të punës, pa pagesë shtesë, pastaj mungesë e theksuar e masave
higjienike, që me të drejtë sot u tha në këtë seancë e deri tek humbja e vendit të tyre të punës, që
po e them prapë, ka prekur shumë gra. Çfarë ka bërë Qeveria gjatë kësaj kohe?
170 euro sa kanë qenë nga Pakoja Emergjente kanë qenë skandaloze, sepse kemi takuar çdo ditë
qytetarë që janë ankuar se nuk kanë arritur dhe nuk kanë pasur qasje që ta marrin këtë ndihmë
simbolike dhe emergjente për këta qytetarë. Qeveria e Kosovës fatkeqësisht nuk ka marrë për
bazë aspak gjatë kësaj kohe, por edhe Qeveria Kurti, integrimin e perspektivës gjinore, një
18
perspektivë tepër e diskriminuar gjatë kësaj faze të Pandemisë. Po e them, kemi gra që janë
prekur më së keqi në vendet e tyre të punës dhe të cilat...
(Ndërprerje nga regjia)
KRYETARJA: Deputetja Mimoza Kusari-Lila.
MIMOZA KUSARI-LILA: Faleminderit, kryetare e Kuvendit!
Është me të vërtet e frikshme dhe e dhembshme që ky debat sot po kalon në akuza dhe
kundërakuza prej përfaqësuesve të Qeverisë, duke qenë se po u ikin obligimeve dhe
përgjegjësive të tyre, edhe kushtetuese, edhe obligimit moral e institucional, e besa edhe penal, e
po e fajësojnë opozitën.
Tash, vetëm disa argumente të cilat i përmendi zoti Hoti.
Zoti Hoti, ju filluat të tregoni masat të cilat po i merr Qeveria për ta tejkaluar, ose menaxhuar,
krizën. Në fakt, nuk e di a të kanë treguar, zoti Hoti, që e njëjta zyrë ligjore që i ka propozuar
kryeministrit Kurti për kalimin e vendimit, të paska propozuar sot, ose dje, që nuk është nevojë
ligji i ri, përderisa është me të vërtetë pafytyrësi politike sot të vihet në ditën kur janë 214 të
infektuar në pikun, në numrin më të madh të mundshëm prej kur ka filluar Pandemia, e ju të
refuzoni një ligj me arsyetimin se “s’paska nevojë”! E, ky ligj ka qenë rekomandim i opinionit të
Gjykatës Kushtetuese, ku jeni thirrur në shkeljet pastaj edhe i keni shfrytëzuar dhe keni bërë
propagandë politike.
Pafytyrësi politike është të marrësh mandatin që nuk të takon, po edhe të rrezikosh shëndetin e
qytetarëve e të mos marrësh përgjegjësi për atë rrezikim. A e dini sa kanë qenë të infektuar në 24
orë, zoti Zemaj, në ditën kur a ka dorëzuar mandatin Arben Vitia? Pesë raste. A e dini sa janë
sot? 214.
E ti e ke gjuhën plotë me debate e argumente për pafytyrësi nga ana jonë. Çka janë testet
serologjike, që doni t’i dërgoni në klinika? Tregojnë a ka kaluar një pacient, ose një individ,
nëpër COVID, ose a e ka pasur virusin, por nuk e identifikojnë. Ju si po e dini që më 12 qershor
ka qenë vatra e Pandemisë? A jeni duke e bërë “tracking”? A jeni duke e përcjellë? Ju nuk jeni
duke bërë testet në bazë të përcjelljes, në fakt ju po i testoni ata që janë me simptome të
theksuara dhe vijnë gati për tu shëruar. Numri...
(Ndërprerje nga regjia)
KRYETARJA: Hajrullah Çeko e ka fjalën.
19
HAJRULLAH ÇEKO: Tash, me e pranua paaftësinë, ose hajde po themi më butë, me e pranua
pamundësinë që ta menaxhosh Pandeminë, është njerëzore bre në fund të fundit. Është njerëzore
edhe të kërkosh ndihmë. Ju as nuk po e pranoni paaftësinë, as nuk po kërkoni ndihmë, e për më
tepër, po i akuzoni të tjerët për situatën sot me virusin.
Domethënë, kjo po i bie që ju i keni marrë të gjitha masat, të gjitha vendimet e duhura, e keni
menaxhuar në mënyrë të përkryer, por dikush tjetër e paska fajin që sot jemi në këtë gjendje
alarmante. Tubimi i Lëvizjes e paska bërë këtë gjendje, se ju i keni kryer punët krejt si duhet
edhe u ka mbetur të akuzoni dikë tjetër!
Nëse doni të kthehemi më 12 qershor edhe një herë, nuk e kemi shkelë asnjë ligj me atë tubim.
Nuk e kemi cenuar demokracinë me atë tubim. Nuk e kemi organizuar pa leje. Me lejen e juaj e
kemi organizuar, pse s’e ndalët pra organizimin, nëse paska qenë kaq i rrezikshëm.
I kemi marrë të gjitha masat, jemi munduar maksimalisht me i respektua rregullat e Institutit.
Çfarë ka qenë në dorën tonë i kemi bërë të gjitha. Mos gënjeni, ju lutem! Nuk ka asnjë evidencë
empirike, që ai tubim ka ndikuar. Kjo është vetëm retorikë. Këto janë gënjeshtra.
Dhe, mos harroni edhe një pikë. Vendimet e Qeverisë Kurti dhe të ish-ministrit Vitija për hapje,
kanë qenë të kushtëzuara. Është dashur me e përcjellë përditë situatën epidemiologjike dhe në
bazë të të dhënave me vendos se çfarë po hapim, çfarë po mbyllim, me qenë e kontrolluar e jo
vetëm kështu siç e keni bërë, hapje, hapje, hapje pa kontroll, pa menaxhim dhe pa kurrfarë
kujdesi, sepse për këtë presion për hapje, hapje, hapje... e keni nisur para se t’i merrni këto zyra
qeveritare në mënyrë ilegale, siç i keni marrë. Prej fillimit keni nis të thoni duhet hapur, duhet
hapur... dhe nuk jeni ndalur deri në fund. E keni marrë me katër raste, mbrëmë janë 214 raste.
Keni dështuar, pranojeni!
Jeni të paaftë të kërkoni ndihmë. Keni përgjegjësi, mos akuzoni. Jeta e njerëzve është në pyetje,
shëndeti publik është në rrezik e kjo retorikë e ju...
(Ndërprerje nga regjia)
KRYETARJA: Kolegë, më lejoni veç një rekomandim të shkurtër.
Nesër, siç e dini, është ftuar seanca plenare me një pikë të vetme të rendit të ditës. Kryeministri
është dakorduar që të raportojë lidhur me menaxhimin e Pandemisë.
Pra, qëllimisht e kemi lënë si pikë të vetme, në mënyrë që të mos i kemi vetëm nga 2 minuta, por
secili deputet t’i ketë dhjetë minuta që të flasë për temën e Pandemisë dhe Qeveria të ketë
hapësirë të mjaftueshme, që të përgjigjet për një temë të tillë. Kështu që, si rekomandim ju lus që
këtë temë ta trajtojmë shumë më në detaje, nesër e kemi në 12:30, e kemi ndryshuar orarin me
20
qëllim që kryeministri të jetë prezent në video samitin e organizuar. Kështu që, ju lus që ta keni
parasysh, në qoftë se ndonjëri prej jush dëshiron ta tërheq fjalën në mënyrë që nesër të bëjmë
debat si duhet vetëm për këtë temë.
Po, disa e tërhoqën fjalën. Faleminderit! Deputeti Bekim Haxhiu e ka kërkuar fjalën.
BEKIM HAXHIU: Faleminderit, kryetare!
I nderuar kryeministër,
Pasi që nuk kishte një renditje në mes grupeve parlamentare te kjo çështja e raportimit të
kryeministrit, po detyrohem shkurt ta them.
Jemi katër muaj pas shpalljes së Pandemisë, i nderuar kryeministër. Nuk është më koha të flasim
në formën dëshirore, “do ta bëjmë, “do të shohim”, “do të blejmë”, “do të riorganizojmë”... Koha
është për veprim! Koha është për Ligjin anti-COVID dhe nuk ka asnjë arsye të ketë fobi ndaj
gjendjes së jashtëzakonshme. Fobia që është krijuar ndaj gjendjes së jashtëzakonshme nga ish-
kryeministri Kurti ka pasur për të mbrojtur pozicionin e tij, sepse gjendja e jashtëzakonshme nuk
do të thotë orë policore, nuk do të thotë kufizim të lëvizjes, por do të thotë bashkërendim të
institucioneve shtetërore në menaxhimin e Pandemisë dhe mundësi e drejtpërdrejtë e shtetit për
ta menaxhuar situatën, ta ndihmojë qytetarin dhe bizneset drejtpërdrejtë, pa ardhur në këtë
bllokadë, siç kemi ardhur sot në bllokadën buxhetore.
Pra, s’ka pse të ketë fobi ndaj gjendjes së jashtëzakonshme, sepse ajo mund të bëhet në data të
caktuara dhe nuk e cenon demokracinë, vetëm se vendet më demokratike në botë kanë qenë të
qarta, kanë thënë se gjendjen e jashtëzakonshme duhet të shpallin kuvendet e vendeve të
caktuara. Nuk është cenuar demokracia, as në Amerikë e as në Bashkimin Evropian, në shtetet që
kanë shpallë gjendje të jashtëzakonshme, por të gjithë dikasterët shtetërorë janë fokusuar në
menaxhimin e Pandemisë.
Dhe, një çështje që duhet gjithsesi me e diskutua, derisa Anglia dhe Shtetet e Bashkuara të
Amerikës kanë hequr nga përdorimi aparatet respiratore të prodhuara në Kinë, me origjinë nga
Kina, Qeveria nën Kurtin...
(Ndërprerje nga regjia)
KRYETARJA: Fatmire Kollçaku fjalën e ka.
FATMIRE KOLLÇAKU: Ju falënderoj!
Unë kisha pyetjen parlamentare lidhur me COVID, por hipokrizia këtu lidhur me shpalljen e
gjendjes së jashtëzakonshme, që u përmend, më detyroi ta marr fjalën, sepse me të vërtetë është
për keqardhje argumenti në atë kohë, i cili u shfrytëzua për ta rrëzua një qeveri legjitime, që ishte
21
duke menaxhuar për së mbari që nga fillimi Pandeminë në vend me COVID-19, do të thotë
tendenca për transferim të pushtetit nga kryeministri te presidenti pa asnjë arsye, në mbrëmje kur
u mbajt takimi i Këshillit të Sigurisë, kështu po i adresohem kryeministrit aktual, ish-ministrit të
Punëve të Brendshme dhe kryetarit të LDK-së, të cilët para konsultimit me atëherë kryeministrin
Kurti dolën publikisht, u shprehën për shpalljen e gjendjes së jashtëzakonshme në situatën kur as
dyshifror nuk i kishim numrat e personave pozitivë me COVID-19, në situatë kur nuk e kishim
asnjë të vdekur, në situatë kur u mobilizua tërë sistemi, edhe ashtu i brishtë shëndetësor, për të
filluar një menaxhim shumë të suksesshëm që u tregua dhe u lavdëruar shumë më shumë jashtë
Kosove, sepse brenda Kosove minohej. Tash, vetëm le ta shohin qytetarët hipokrizinë, kur në një
situatë që jemi sot me numrin e rasteve dhe krejt çfarë po ndodh për të cilat do të flasim
gjerësisht në mënyrë profesionale, sepse sot ekspertët më së paku po flasin, të gjithë po flaisn për
COVID, sepse ekspertët janë duke punuar, duke u ballafaquar me sfidat të cilat Qeveria aktuale e
krijoi një situatë artificiale, e rrëzoi një qeveri në pikun...
(Ndërprerje nga regjia)
KRYETARJA: Faleminderit! Zonja deputete, ju lus për mirëkuptim, sepse do ta kemi këtë temë
sërish gjatë seancës, sidomos nesër. Shkëlzen Hajdini e ka fjalën.
SHKËLZEN HAJDINI: Faleminderit, kryetare!
Përshëndetje kryeministër!
Kabinet Qeveritar,
Deputetë të nderuar,
Me krejt respektin më duhet të ju them se e keni tepruar. Ne jemi deputetë për të bërë ligje, ne
jemi deputetë për t’i shtyrë përpara proceset, për të parë se ku gjendemi.
Jemi në mes të Pandemisë! Nuk ka nevojë këtu të akuzohet, të gjuhet e të shahet secili. Kuptoni
një herë që shteti, vendi, qytetari ka nevojë për ndihmë institucionale. Çfarë ka lidhje se kush
është në Qeveri? Njerëzit kanë nevojë për shërim! Sektori privat ka nevojë për ndihmë! Punëtori
ka nevojë të marrë pagën! Rastet sociale kanë nevojë për mbështetje, skemat sociale. Mjeku ka
nevojë për mbështetje, se 24 orë atje po lodhet, nëpër korridore po fle.
Ju lutem, qiteni gishtin në kokë, çka jeni duke folur! Për çka jemi ne këtu? A jemi për të sharë
njëri-tjetrin apo jemi për të shtyrë përpara proceset, për ta shty përpara vendin?
Kuptojeni mirë, ju lutem, unë kërkoj falje, megjithatë u bë tepër në secilën seancë duke sharë
njëri-tjetrin e duke ndenjur këtu tërë ditën e tërë natën dhe duke mos arritur asgjë. Shikoni,
marrëveshjet ndërkombëtare nuk i votuat. Turp është bre!
22
Po e akuzojmë Serbinë që po na pengon në marrëveshje ndërkombëtare e në Kuvendin tonë nuk i
votojmë marrëveshjet ndërkombëtare e ktheheni këtu e na kallëzoni patriotizëm. Lërini interesat
e kulteve, të partive e interesa të ngushta partiake. Urdhëroni, votoni marrëveshjet!
Nuk ka kohë populli. Qytetari është duke vuajtur. Biznesi është duke vuajtur. Kërkesa agregate
është duke rënë. Të hyrat në buxhet! S’do të kemi me çka t’i dalim në ndihmë qytetarit. Hajde të
ulemi të bëjmë ligje e t’i dalim ballë kësaj pandemie, se nuk i kemi punët mirë. Jo veç ne, nuk i
ka punët mirë kurrkush!
Lëreni çfarë ka bërë dikush, sot është krejt situatë ndryshe. Flisni, bëni çfarë të doni, dilni
qytetarit në ndihmë, se kështu nuk bën. Faleminderit!
KRYETARJA: Deputeti Dimal Basha është i fundit që e merr fjalën për këtë pikë. Pra, nuk do të
ketë më, nuk ka kërkuar askush tjetër.
DIMAL BASHA: Faleminderit, kryetare!
Siç ka thënë ai “po të mos ju njihja, shtrenjtë do të ju paguaja”.
Që po na tregon se është situatë ndryshe, e ke ngritur dorën për ta rrëzuar Qeverinë Kurti në mes
të pandemisë dhe tash po del e po vajton këtu që ne me t’i qa hallet ty, se ti qysh je keq, e ju e
keni pru vendin në këtë gjendje. E para.
E dyta, te zoti Zemaj po dua të lidhem shumë shkurt. Zoti Zemaj, unë e kuptoj që zoti Hoti nuk
merr vesh në vendimet e Qeverisë, as në kompetencat e tij. Domethënë, ai nuk i njeh, mirëpo ti si
jurist unë pres që të kuptosh që vendimi i Qeverisë për kufizimin e lëvizjes është anti-kushtetues.
Merre, lexoje vendimin e Gjykatës Kushtetuese. Thotë, “Ministria e Shëndetësisë duhet të marrë
vendim”. Jo ti t’ia propozosh Qeverisë. Unë pres ti si jurist të dish pak më shumë, se për zotin
Hoti unë e di që s’i njeh kompetencat e veta, qysh e tha edhe më herët, me shpallë gjendje të
jashtëzakonshme.
Kështu që, ne nuk jemi duke shkuar në Gjykatë Kushtetuese, as nuk po bëjmë politikë, qysh
është bërë përpara, vetëm po e shpërfaqim hipokrizinë dhe po ju mësojmë se si duhet të bëhen
ligjet, që ju të mos i shkelni vendimet e Gjykatës Kushtetuese, kur ato janë në fuqi tashmë.
Faleminderit!
KRYETARJA: Për një koment të shkurtër e ka kërkuar fjalën ministri i Shëndetësisë,
kryeministri. Me këtë mbyllet komplet kjo pjesë.
MINISTRI ARMEND ZEMAJ: Faleminderit!
Të nderuar deputetë,
Shumë të respektuar,
23
Unë ju lus që ta leni pandeminë jashtë politike, aq sa keni mundësi!
Tash të tregoj pse politike, sepse ju garantoj juve dhe të gjithë qytetarëve të Republikës së
Kosovës, se institucionet e shëndetësisë në Republikën tonë nuk do të ketë brenda saj zyra
politike dhe parapolitike, siç ka ndodhur në të kaluarën. Dhe, ky është shembulli i parë.
E dyta, nuk është e vërtetë që në fillimin e qershorit kanë qenë zero raste pozitive. Hapja e
tërësishme ka ndodhur më datën 1 qershor. Lirimi i pothuajse 99% të masave dhe është lehtë të
menaxhosh Pandeminë, jo këtu, po kudo në Botë, duke qenë të izoluar. Ne po tentojmë, po
angazhohemi, po punojmë, që me këto masa çfarë janë, me këtë lirim, ta rikthejmë normalitetin,
mos ta ndalim zhvillimin ekonomik, mos ta ndalim normalizimin e jetës në tërësi, mirëqenien,
shëndetin, të gjitha këto.
Tjetra që ju garantoj, nuk ka vendime që janë në kundërshtim me Kushtetutën. Njëherësh nuk ka
teste të kontrabandaura dhe të pranuara në mënyrë ilegale nga Serbia. Nuk ka mjekë të
kontrabanduar dhe të ardhur në mënyrë ilegale nga Serbia. Nuk ka komuna me shumicë serbe që
vihen në karantinë me ligje të Serbisë, po me vendime të ministrit të Shëndetësisë. Dhe, kurdo që
ju kërkoni informata, jeni deputetë kërkoni informata zyrtare, këto do t’i pranoni. Andaj,
respektoni dhe merreni si diçka pozitive, që autoriteti i institucioneve të Republikës së Kosovës, i
ministrisë së Shëndetësisë, respektohet...
(Ndërprerje nga regjia)
KRYETARJA: Kryeministri e ka fjalën, në qoftë se dëshiron? Jo! Faleminderit!
2. Koha për pyetje parlamentare
Po vazhdojmë me pyetjet parlamentare.
Siç e dini i kemi 60 minuta për këto pyetje. Fillojmë me pyetjen e mbetur nga seanca e
mëparshme. Deputeti Bulliqi, pyetje për ministrin Abrashi. Asnjëri as tjetri nuk janë këtu.
Vazhdojmë me të tjerat.
Deputeti Arbër Tolaj, pyetje për ministrin Armend Zemaj. A është deputeti Tolaj këtu? Më falni,
zoti Bulliqi qenka këtu. Vetëm pak, zoti Tolaj, se ke qenë zakonisht ulur këtu përpara, e paske
ndërruar vendin. Shpejtim Bulliqi e ka fjalën për ta lexuar pyetjen për ministrin Abrashi, edhe
pse ai nuk është këtu.
SHPEJTIM BULLIQI: Faleminderit, kryetare e Kuvendit!
Unë vetëm desha ta paraqes problematikën. Është java e dytë që ministri Abrashi i ik kësaj
pyetjeje. Fjala është për rrugën magjistrale Prishtinë - Podujevë, një rrugë që ka filluar së
24
ndërtuari qe nja 6 vjet dhe atëherë kur të gjitha zgjedhjeve, edhe të nivelit nacional, edhe të
nivelit lokal, u vjen koha dalin dhe presin shirite dhe thonë se po e përmbyllin këtë rrugë. Kjo
rrugë është bërë si “ura e shenjtë”.
Prandaj, unë sërish jam i gatshëm që ta pres ministrin Abrashi për të m’u përgjigjur në këtë
pyetje që kam bërë. Unë sot nuk do ta shtroj këtë pyetje, sepse dua ta pres kur të vijë ai. Kjo
rrugë tashmë është kthyer në rrugë të vdekjes. Njerëzit, bashkëqytetarët tanë bëjnë nga 1 200 km
rrugë nga Perëndimi për të ardhur, për të pushuar në Kosovë dhe për ta vizituar Kosovën e vijnë
dhe e gjejnë vdekjen në këtë rrugë. Prandaj, kjo ministri ka përgjegjësi edhe penale për
neglizhimin e deritanishëm të përmbylljes së procesit të zgjerimit të kësaj rruge.
Unë do ta pres, edhe një herë po them, ministrin që në takimin kur do të jetë ai i gatshëm që të
vijë, unë do t’ia parashtroj këtë pyetje. Faleminderit!
KRYETARJA: Faleminderit! Deputeti Arbër Tolaj, në qoftë se është këtu? Po! E ka fjalën
deputeti Tolaj. Pyetje për ministrin Zemaj.
ARBËR TOLAJ: Faleminderit, kryetare e Kuvendit!
I nderuar ministër i Shëndetësisë,
Kabinet Qeveritar,
Të nderuar kolegë deputetë,
Çështja ka të bëjë me pagat jubilare, tri pagat jubilare dhe tri pagat pas pensionimit të punëtorëve
shëndetësor. Pra, pyetja konsiston në atë se a keni paraparë buxhet shtesë për të përmbushur
obligimet shtesë që i parasheh kontrata kolektive sektoriale e shëndetësisë, në të cilën pra janë të
përfshirë të gjithë këta punëtorë shëndetësorë.
Pra, lidhur me tri pagat jubilare dhe tri pagat pas pensionimit të punëtorëve shëndetësorë. Të
gjithë punëtorët shëndetësorë që plotësojnë kriteret për t’i realizuar këto të drejta që njihen
nëpërmjet kontratës kolektive sektoriale e shëndetësore janë të detyruar aktualisht që nëpërmjet
rrugëve gjyqësore, pra nëpërmes gjyqësisë, që ta realizojnë këtë të drejtë dhe që në të njëjtën
kohë po krijohen edhe shpenzime shtesë procedurale në vlerë të kamatës prej 8%, që mendoj se
është e rëndë edhe për buxhetin e xhepin e të gjithë këtyre punëtorëve shëndetësor dhe kjo po
ndodh për arsye të mungesës së mjeteve të institucioneve përkatëse shëndetësore.
KRYETARJA: Urdhëroni, ministër!
MINISTRI ARMEND ZEMAJ: Faleminderit, deputet Tolaj, njëherësh doktor. Është edhe në
interesin e Ministrisë së Shëndetësisë dhe në interesin tim pas takimit edhe me përfaqësues
sindikalë rreth kësaj çështjeje. Më lejoni të ju paraqes në mënyrë telegrafike, se shërbimi spitalor
25
dhe klinik universitar i Kosovës në vazhdimësi kishte kërkuar buxhet shtesë për pagesën e
pagave jubilare dhe pagesat pas pensionimit.
Këto kërkesa nuk janë bërë vetëm gjatë rishikimit të Buxhetit, por janë edhe në kërkesa të
rregullta buxhetore, që ka bërë SHSKUK si organizatë e pavarur buxhetore. Kërkesat buxhetore
sipas qarkoreve buxhetore 2020/01 dhe 2020/02 dhe 2020/03, kanë kërkuar që të merren
parasysh kërkesat për t’i mbuluar pagesat e pagave jubilare për të punësuarit në shërbimin
spitalor bazuar në pikën 3 të nenit 17 të kontratës sektoriale të punëtorëve shëndetësor. Datat i
dini edhe ju.
Ndërsa, me Buxhetin e aprovuar për vitin 2020 nuk janë marrë parasysh këto kërkesa, por edhe
buxheti i pagave i aprovuar për 2020 krahasuar me buxhetin e harxhuar për paga në vitin 2019
është më i vogël për 5 546 079 euro. Me rishikim të Buxhetit për vitin 2020 ne i jemi drejtuar
Ministrisë së Financave dhe Komisionit Parlamentar për Shëndetësi dhe Komisionit Parlamentar
për Buxhet dhe Transfere me kërkesa për buxhet shtesë për pagesë të pagave jubilare, pensionim
dhe mbulim të kujdestarive në shumë totale prej 11 361 982 euro. Këto janë statistikat, por ajo
çka është problematike, unë e kam vënë në dijeni edhe Departamentin Ligjor, i cili nuk është në
dijeni që në kohën e miratimit të kontratës kolektive, e njëjta ka pasur pëlqimin lidhur me
aspektin financiar nga Ministria e Financave si dhe ka pasur kërkesë edhe në rishikim të Buxhetit
për këtë çështje. Faleminderit!
KRYETARJA: Deputet, dëshironi pyetje shtesë? Jo. Faleminderit.
Vazhdojmë me pyetjen e radhës. Deputetja Valdete Idrizi, pyetje për ministrin Abrashi. Ministri
nuk është këtu. A dëshironi ta shtyni për seancën e radhës? Faleminderit! Deputetja Valdete
Idrizi, pyetje për Selim Selimin. Urdhëroni! Fjalën deputetja Idrizi.
VALDETE IDRIZI: Pavarësisht, meqë kryeministri është këtu, desha ta shfrytëzoj mundësinë,
nëse bën?
KRYETARJA: Po, zonja deputete, por pastaj ju harxhohet mundësia që ta bëni kur ministri është
këtu. Fjalën deputetes Idrizi.
VALDETE IDRIZI: E nderuara kryetare,
Kabinet Qeveritar,
Të nderuar deputetë dhe kolegë të dashur,
Pyetjen që kisha për t’i bërë ministrit, respektivisht Qeverisë Hoti, ka të bëjë me një diskriminim
që është bërë në mënyrë të vazhdueshme edhe prej Qeverisë Kurti, sidomos banorëve të fshatit
Cerajë, i cili fshat është i fundit në pjesën veriore të Kosovës, në komunën e Leposaviqit.
26
Përveç diskriminimeve me masa që janë bërë gjatë pandemisë këta banorë janë diskriminuar
edhe me Buxhet. Në kuadër të Buxhetit që është aprovuar këtu në Qeveri, e dimë të gjithë si
është aprovuar, pa pasur as hapësirë edhe për amendamentim, është planifikuar ndërtimi i rrugës
Maxherë - Dedijë - Bistricë - Mitrovicë Veriore deri në vitin 2021 dhe i vetmi fshat, ata dhjetëra
banorë që jetojnë aty, për 5 km rrugë kanë mbetur të diskriminuar. Domethënë, ata janë detyruar
dhe detyrohen për çdo ditë të largohen prej atij fshati. Paramendojeni, kur të kthehen edhe në
normalitet ata nuk mund as të shkojnë e të vijojnë as mësimin nxënësit e në anën tjetër, edhe
nevojat elementare, të drejtën për shëndetësi si dhe të drejtat, ose nevojat tjera elementare.
Po dua t’ua rikujtoj, sepse të dy qeveritë, edhe Qeveria Kurti, edhe Qeveria Hoti, domethënë
pjesëtarë të LDK-së që kanë qenë si partnerë, kanë heshtur. Edhe në rishikim, as nuk e kanë marr
mundin e vetëm që të plotësojnë për këtë pak hapësirë, që t’ua sigurojnë njerëzve rrugën edhe
t’ua sigurojnë njerëzve transportin. Mos harroni, se...
(Ndërprerje nga regjia)
KRYETARJA: Kryeministri përgjigjet në vend të ministrit Abrashi.
KRYEMINISTRI AVDULLAH HOTI: Faleminderit, kryetare e Kuvendit!
E nderuara deputete,
Po e jap si zotim, që gjatë dy leximeve të Buxhetit ta marrim për obligim që të gjejmë një
mundësi, pra duke i rishikuar projektet tjera, që ta fusim edhe këtë projekt në Buxhetin e vitit
2020.
Nëse shtrohet kështu si kërkesë, unë ju kuptoj plotësisht me të drejtë nevojën për ta pasur këtë
rrugë qytetarët atje në fshatin Cerajë të Leposaviqit, në mënyrë që të kenë kushte më të mira
jetese. Nëse shtrohet si kërkesë, është plotësisht e kuptueshme.
Por, nëse e nxirrni kështu si njëfarë... s’po them si akuzë, po si vërejtje për këtë Qeveri, unë besoj
se nuk ka vend, sepse kjo nuk është rrugë që sot është hapur, sigurisht se ka ekzistuar kjo rrugë
me vite e vite. Tash është kërkesë për ta shtruar, krejt në rregull, e shohim mundësinë po mos ta
gjuajmë këtë në anën e akuzave, sepse ka pasur mundësi të bëhet edhe vitin e kaluar.
Faleminderit!
KRYETARJA: Pyetje shtesë, deputete Idrizi?
VALDETE IDRIZI: Do të ju mbaj për fjale, se e keni bërë një zotim publik. Natyrisht, se jam
shumë, shumë e vetëdijshme që ka mundur të bëhet më herët, mirëpo po ua rikujtoj se edhe në
fushatat elektorale, domethënë keni qenë dhe keni premtuar ju si të dy qeveritë, faktikisht si
“Qeveri e Shpresës” edhe për ata, domethënë hedha këtë aktakuzë, dhe sidomos këtë akuzë, e
27
sidomos pasi që domethënë me gjithë deputetët të të gjitha partive politike kemi shkuar i kemi
vizituar, i kemi dëgjuar këto shqetësime, të Komisioneve për të Drejta të Njeriut, edhe kemi
menduar që deri në këtë fazë, së paku në rishikim keni me e fut deri tash. Po më gëzon fakti që ju
e bëtë një premtim publik dhe do të ju mbajmë për fjalë. Faleminderit!
KRYETARJA: Faleminderit, zonja deputete! Pyetjen për ministrin Selim Selimi dëshironi ta
lexoni apo ta leni për seancën tjetër? Fjalën deputetes.
VALDETE IDRIZI: Pyetja e dytë ka të bëjë me dhunën në familje.
Të gjithë e dimë që faktikisht edhe siç është pritur edhe siç është konfirmuar, dhuna në familje
dhe raportimi është rritur për mbi 30%. Tash gratë, vajzat tona i kemi parë që përveç se kanë
qenë viktima të dhunës në familje, janë dhunuar e përdhunuar, edhe po dua thjesht të shpreh këtu
edhe shqetësimin tim. Pyetja ka të bëjë me buxhetin. 900 000 euro që Qeveria ka ndarë për
strehimore, dua të di se ku kanë shkuar ato mjete? Si janë ndarë? A janë rritur shërbimet, sepse
dhuna është rritur? Është fakt se janë raportuar, po a janë rritur shërbimet? Nëse po, cilat janë
rritur?
Ne kemi shkuar, i kemi vizituar ato strehimore dhe kam parë që kanë pasur probleme
jashtëzakonisht të mëdha, përkundër vullnetit që ato kanë pasur për të punuar. Kështu që, thjesht
një punë tjetër që mendoj se është jashtëzakonisht e ndërlidhur me dhunën në familje, është se ju
të ngrini një shqetësim sepse dhunuesit po kthehen në procedura të rregullta në shtëpitë e tyre.
Domethënë, dhuna është vepër penale edhe ju kisha lutur, ju si kryeministër, ta ngrini këtë
shqetësim, gjithnjë duke respektuar pavarësinë e gjyqësorit. Mirëpo, ky problem është
shqetësues. Ato gra dhe vajza po jetojnë pranë nesh dhe ne edhe si legjislacion, edhe ju si
ekzekutiv, nuk guxojmë asnjëherë të heshtim.
Pra, po dua të di planin tuaj, edhe sa i përket Buxhetit si është ndarë, edhe cilat janë masat që ju
do t’i merrni në mënyrë që mos të ketë edhe më shumë viktima? Ato kanë emra dhe mbiemra.
KRYETARJA: Meqenëse, ministri nuk është këtu vazhdojmë me pyetjet e radhës. Deputetja
Ariana Musliu-Shoshi, pyetje për ministrin Ramë Lika.
ARIANA MUSLIU-SHOSHI: E nderuara kryetare,
I nderuar ministër,
Është një numër i konsiderueshëm i mësimdhënësve që janë me sëmundje të rënda shëndetësore,
siç është sëmundja e kancerit, e zemrës, probleme me dëgjim dhe shikim, të cilët detyrohen të
shkojnë në punë edhe përkundër pamundësisë së tyre shëndetësore.
Aktualisht, pensionimi i parakohshëm për mësimdhënës për arsye shëndetësore nuk është i
rregulluar ligjërisht, edhe pse një gjë të tillë e ka kërkuar edhe Sindikata e Arsimit. Nëse një
28
mësimdhënës nuk mund ta vijojë punën, ai e ka vetëm një mundësi, pra që të marrë pension
invalidor në shumë prej 75 euro. Kjo shumë nuk ua siguron asnjë zgjidhje për trajtim të tyre, të
sëmundjes dhe për shpenzime të tjera themelore.
Zoti ministër, a keni informacione të sakta për numrin e këtyre punonjësve të arsimit dhe a mund
të na tregoni se si keni planifikuar që ta zgjidhni këtë problem?
MINISTRI RAMË LIKA: E nderuara kryetare,
Deputetë të nderuar,
I nderuar kryeministër,
Të nderuar kolegë ministra,
Faleminderit, e nderuar deputete, për pyetjen që e keni bërë!
Në bazë të informacioneve jozyrtare po them, ekzistojnë diku 200 deri në 230 mësimdhënës në
tërë territorin e Kosovës që kanë probleme të theksuara shëndetësore.
Kemi pasur takime edhe me Sindikatën e Arsimit dhe ata potencojnë që një numër i tillë sillet
diku rreth 300-ve. Zgjidhja e këtij problemi është rrjedhojë e ligjeve që janë të zbatueshëm
momentalisht në Kosovë për pensionim të parakohshëm, por kjo nuk ka të bëjë vetëm me
mësimdhënësit, por të gjithë punëtorët në sektorin publik. MASHT-i në vazhdimësi ka kërkuar
një trajtim të veçantë dhe një ligj për pensionim të parakohshëm të kësaj kategorie, ku rreth 70%
të pagës bazë ata do të merrnin, por sipas informatave që kam, edhe pse e kemi bërë një kërkesë
javën e kaluar në Komisionin për Buxhet, kjo nuk ka kaluar. Arsyeja ka qenë që këta janë
shërbyes civilë, ndërsa një e drejtë e tillë i takon Ministrisë së Punës dhe Mirëqenies Sociale dhe
nuk është aprovuar si kërkesë.
Në vazhdimësi jemi duke kërkuar dhe kemi plan qeveritar një qasje të tillë, por kompetenca
përsëri i mbetet Ministrisë së Shëndetësisë. Ne do të iniciojmë në vazhdimësi dhe kemi kërkuar
hapjen edhe të një vije buxhetore përkatëse, por duhet të intervenojnë së bashku të gjithë aktorët
dhe Qeveria në Ligjin e punës, meqenëse këta janë shërbyes civilë. Qasja jonë është për të ju
ndihmuar këtyre personave dhe në vazhdimësi do të koordinohemi edhe me Ministrinë e Punës
që t’i bëjmë zgjidhje për probleme të tilla shëndetësore, për arsye se kjo po reflekton edhe në
cilësinë në sistemin arsimor.
KRYETARJA: A dëshironi pyetje shtesë. Deputetja Musliu fjalën.
ARIANA MUSLIU-SHOSHI: Jo faleminderit!
KRYETARJA: Vazhdojmë përsëri. Deputetja Ariana Musliu, pyetje për ministrin Selim Selimi.
Ministri s’është këtu. A e dëshironi për seancën tjetër.
29
ARIANA MUSLIU-SHOSHI: Jo do ta bëjë pyetjen në seancën e radhës. Faleminderit!
KRYETARJA: Faleminderit! Deputeti Jahja Kokaj, pyetje për ministrin Ramë Lika.
JAHJA KOKAJ: Ju përshëndes të gjithëve!
Zoti ministër, kam pyetje shumë eksplicite në lidhje me shkollën fillore në Ponoshec, në periferi
të Gjakovës. Është fjala për një shkollë e cila ka, d.m.th. shkollë fillore e cila ka një rëndësi jo
vetëm emocionale, por edhe rëndësi arsimore, edukative dhe se është në gjendje me të vërtet të
mjerueshme kështu. A ka mundësi që të intervenohet sa më shpejt të bëhen riparimet e
nevojshme? Unë si arsimtar, si profesor i vitit1970, me disa kolegë të tjerë pata fatin që të
shkojmë e ta hapim edhe gjimnazin. Tani gjimnazi është në një ndrërtesë tjetër, por kjo shkollë
ka mbetur tani e sa kohë në një gjendje me të vërtetë dhe kërkon dorën e riparimit. A ka mundësi
që sa më shpejt të bëhet ky riparim? Faleminderit!
MINISTRI RAMË LIKA: I nderuar deputet!
I nderuar profesor Kokaj,
Në vitin 2016, Ministria e Arsimit, Shkencës dhe Teknologjisë në atë kohë ka ndarë buxhetin për
fillimin e punimeve për ndërtimin e shkollës në Ponoshec, mirëpo procedurat e prokurimit dhe
procedurat e tjera për ndërtimin e kësaj shkolle janë bartur në Ministrinë e Administratës
Publike. Në momentin kur është shkuar të ndërtohet shkolla në Ponoshec, ka reaguar komuniteti,
për shkak se kanë thënë që është një shkollë e vogël në krahasim me përmasat që i ka në aspektin
e popullsisë edhe fshati, por edhe fshatrat përreth, se dihet pozita gjeografike e atij fshati dhe
rëndësia që ka edhe për fshatrat përreth. Dhe një shkollë e tillë nuk është ndërtuar në Ponoshec,
por është bartur në një fshat tjetër, në Korenicë të Gjakovës.
Në vitin 2018 përsëri është provuar për të ndarë një linjë buxhetore për ndërtimin e kësaj shkolle,
kur dihet po themi edhe pozita gjeografike dhe numri i nxënësve. Numri i nxënësve në vitin 2018
në këtë shkollë ka qenë 166. Natyrisht që shkolla nuk i plotëson kushtet, është në gjendje shumë
të keqe infrastrukturore, ashtu siç e potencove edhe ti, dhe ne jemi në vazhdimësi duke tentuar të
gjejmë një vijë buxhetore për të ndërtuar këtë shkollë. Por, shkurtime në qarkoren buxhetore
2021-2023 për 5.5 milionë euro për investime kapitale gati e kanë pamundësuar një gjë të tillë.
Ajo çka kam bërë javën e kaluar, kam shkuar në Gjakovë, kam biseduar me kryetarin, drejtorin e
DKA-së dhe jemi duke shikuar mundësinë për investim të përbashkët, për të zgjidhur problemin
e kësaj shkolle.
(Drejtimin e mbledhjes e merr nënkryetarja e Kuvendit, znj. Arbërie Nagavci.)
KRYESUESJA: Faleminderit ministër! Zoti Kokaj, keni pyetje shtesë? Po!
30
JAHJA KOKAJ: Ju lutem shumë!
Është çështje, qytetarët atje janë shumë të brengosur, ngase janë koshientë për faktin që është
krijuar një konfuzion. Të hollat e destinuara për këtë shkollë kanë shkuar diku tjetër, kështu po
rritet konfuzioni, por situata po acarohet, d.t.th. gjithnjë e më e mjerueshme. Edhe 160 e sa
nxënës janë me të vërtetë në gjendje të padëshirueshme apo të mjerueshme. Nuk ka kushte
minimale për t’u strehuar aty, e lëre më për aktivitet edukativo-mësimor.
Pyetja ime është konkrete: a ka mundësi në mënyrë preliminare të thoni njëfarë kohe përafërsisht
se kur do të? Këtë e pyesin qytetarët. Faleminderit! Kur do të realizohet kjo punë?
MINISTRI RAMË LIKA: Unë edhe një herë po të tregoj që shkollën vetë komuniteti e ka
refuzuar. Kanë qenë 5 plus 1 klasë me 1 000 metra katrorë. E kanë refuzuar dhe shkolla është
ndërtuar në lokalitet tjetër. Unë nuk mund të japë afate kohore. Ka shkurtime buxhetore. Unë jam
duke shikuar të gjitha mundësitë, së bashku me Komunën e Gjakovës për një investim të
përbashkët, të zgjidhim problemin e këtyre nxënësve. Është nevojë emergjente, po e kuptojmë,
është infrastruktura shumë e dobët, nuk i përmbush kushtet për mësimdhënie. Nuk mund të
përcaktojë afate kohore, por edhe ju duhet të na ndihmoni në Komisionin për Buxhet për raste të
tilla, mos të bëhen shkurtime buxhetore, sidomos kur janë në pyetje shkolla të tilla dhe një
lokalitet siç është Ponosheci. Kërkesën e kemi bërë, e kemi proceduar edhe një herë dhe
shpresojmë me rishikim të buxhetit ta zgjidhim këtë çështje dhe t’ia fillojmë sa më shpejt.
KRYESUESJA: Faleminderit! Fjalën e ka deputeti Alban Hyseni. Pyetje për ministrin Selim
Selimi. Alban, e dëshironi fjalën?
ALBAN HYSENI: Unë sot kisha planifikuar që të shtrojë dy pyetjet drejt z. Selimi, lidhur me
vetingun dhe koncept-dokumentin për konfiskimin e pasurisë së kundërligjgjshme dhe
pajustifikueshme, mirëpo meqë ministri nuk është këtu, atëherë e shtyj për seancën tjetër.
KRYESUESJA: Faleminderit deputeti Hyseni! Deputeti Elbert Krasniqi ka pyetje për zotin Hoti.
ELBERT KRASNIQI: Faleminderit kryesuese!
Dua të ngre një çështje rreth masës nr. 9 të Pakos emergjente fiskale, e miratuar nga Qeveria
Kurti më 2 prill të këtij viti. Kjo masë ishte paraparë të implementohet nga Zyra e Kryeministrit
për çështje të komuniteteve. Më dt. 23 prill, kjo zyrë e hapi thirrjen publike përveç edhe
bizneseve në mënyrë që të aplikojnë për këtë masë. Thirrja ishte e hapur deri më dt. 7 maj. Më
dt. 20 maj shpall listën preliminare të përfituesve, ndërkaq ata kishin zhvilluar takimet në OJQ
rreth çështjeve administrative dhe njëkohësisht disa nga OJQ-të e kishin nënshkruar kontratën
me këtë Zyrë.
31
Pyetja ime është për z. Hoti. Duke marrë parasysh gjendjen e rëndë socio-ekonomike të
komunitetit egjiptian, ashkali dhe atij rom, situatë kjo e rënduar tej mase nga pandemia COVID-
19, pse masa që i adresohej mu këtyre komuniteteve t’u dalë në ndihmë, e ndaluat? Çka ndodhi
me masën nr. 9 të Pakos emergjente fiskale? Pse pa asnjë sqaarim u ndal implementimi i kësaj
mase që në ditën e parë të punës suaj si Kryesminsitër?
KRYESUESJA: Faleminderit deputeti Krasniqi! Po, kryeministër!
KRYEMINISTRI AVDULLAH HOTI: Faleminderit nënkryetare e Kuvendit!
I nderuar deputet,
Për zbatimin e masës nr. 9, Qeveria e kaluar e ka ngarkuar Zyrën për Çështje të Komuniteteve.
Gjatë kësaj periudhe, siç e theksuat edhe ju, janë bërë disa aktivitete, por të cilat janë ndërprerë
për shkak të vonesës në emërimin e drejtorit të Zyrës për Çështje të Komuniteteve. Siç mund të
jeni në dijeni, kjo zyrë udhëhiqet nga një përfaqësues i komuniteteve, i cili njëkohësisht është i
emëruar politik, pra këshilltar i Kryeministrit. Me ardhjen e Qeverisë së re, është emëruar
drejtori i ri i Zyrës për Çështje të Komuniteteve, i cili e ka vlerësuar këtë situatë dhe ka ardhur në
përfundim se kjo çështje është vonuar shumë dhe e paraqet problem edhe për OJQ-të që janë
përzgjedhur. Kjo për faktin se masa 9 ka qenë me afat të caktuar. Tash ne sot në mbledhje të
Qeverisë e kemi miratuar programin për mbështetje të komuniteteve nga Zyra e Kryeministrit.
Unë kam insistuar në dy javët e fundit që kjo Zyrë t’i përcaktojë qartë prioritetet për çfarë do të
ndahen këto mjete të Zyrës për Çështje të Komuniteteve. Këto do të jenë për familje në asistencë
sociale nga komunitetet. Do të jenë për bursa për studentë të komuniteteve dhe do të jenë për
aktivitete kulturore për komunitete.
Besoj ajo që është më e rëndësishme është që do të ketë një shpërndarje plotësisht të barabartë në
mes të gjitha komuniteteve. Do të jenë të gjitha komunitetet të konsultuara në ndarjen e këtij
buxheti. I kemi rishikuar kriteret për ndarjen e këtyre mjeteve. Sot është pra, siç thash është
miratuar në Qeveri, besoj që në dy-tri ditët e ardhshme bëhet publike dhe unë i ftoj të gjithë
përfaqësuesit e komuniteteve, OJQ-të, organizatat e ndryshme që përfaqësojnë komunitetet, të
konkurrojnë pra për të përfituar nga këto fonde, kriteret janë të qarta dhe do të jenë plotësisht
transparente me këtë drejtim. Por, një gjë ta kemi të qartë, Pakoja e rimëkëmbjes ekonomike që
ka filluar në Qeverinë e kaluar dhe që po vazhdon edhe tash, është gjithëpërfshirëse, nuk është
vetëm për komunitetin shumicë, por për të gjitha komunitetet. Ndërkaq ky buxhet do t’i adresojë
disa çështje specifike vetëm të komuniteteve joshumicë. Faleminderit!
KRYESUESJA: Deputeti Krasniqi, pyetje shtesë?
ELBERT KRASNIQI: Po! D.m.th. kjo masë është anuluar, për shkak se ju po flisni z. Hoti për
kulturë, rini e po flisni për bursa e ne jemi duke e drejtuar pyetjen për pandeminë. Masa nr. 9 ka
qenë e dedikuar për familjet në nevojë të shkaktuar nga pandemia dhe nga bizneset e ndryshme
32
të komuniteteve të vogla, të cilat kanë mund të përfitojnë nga kjo masë. Të gjitha këto që i thatë,
këto janë obligim i juaj kushtetues si Kryeministër i vendit, ndërsa masa nr. 9 nga kjo që ju e
thoni, nënkupton që është ndërprerë nga Zyra juaj.
KRYESUESJA: Edhe një herë përgjigjet kryeministri.
KRYEMINISTRI AVDULLAH HOTI: Jo nuk thashë që ndërpritet. Thash që janë bërë vonesa
në Qeverinë e kaluar dhe nuk është kryer, nuk është zbatuar kjo masë. Atë që e kemi bërë tash,
sot pra në mbledhje të Qeverisë e kemi miratuar programin për komunitete siç kërkohet me ligj
që të kalojë në Qeveri. Në Qeverinë e kaluar nuk e kanë kryer këtë punë. Pra, nuk ka kaluar në
Qeveri programi për komunitete, i cili lejon që në bazë të ligjit të shfrytëzohen këto mjete. Unë
do t’u jap prioritet. Sigurisht Komisioni e kryen këtë punë, familjeve në asistencë sociale dhe
familjeve më në nevojë për komunitetet joshumicë. Por, edhe një herë më lejoni të theksoj, të
gjitha masat e tjera që janë zbatuar, janë zbatuar barazi për të gjitha komunitetet.
KRYESUESJA: Faleminderit! Deputetja Saranda Bogujevci, pyetje për ministrin Selim Selimi.
Z. Selimi nuk është këtu. A e dëshironi fjalën? Po! Regjia fjalën znj. Bogujevci!
SARANDA BOGUJEVCI: Faleminderit, kryesuese!
Po dua ta shtroj pyetjen, për shkak se është me shumë rëndësi. Më dt.25 mars Qeveria Kurti
kishte propozuar plotësim-ndryshimin e Kodit të Procedurës Penale. Qëllimi i kësaj nisme ishte
adresimi i kërkesave të prokurorëve specialë në raport me hetimet e krimeve të luftës. Ky
ndryshim ka pasur rëndësi të madhe për Prokurorinë Speciale dhe pavarësisht kësaj Kryesia nuk
e ka proceduar për votim, me arsyetimin që kemi rrëzuar Qeverinë. Më tutje, pa asnjë arsyetim,
Qeveria aktuale e ka tërhequr nga procedura, pavarësisht rëndësisë që ka kjo. Kjo është e
papranueshme, duke pasur parasysh që ne ende nuk kemi arritur t’i adresojmë krimet e luftës.
Qeveria duhet t’u dalë në ndihmë institucioneve të drejtësisë për secilën kërkesë që kanë e
sidomos në raport me krimet e luftës.
Pyetja ime është pse e keni tërhequr nga procedura plotësim-ndryshimin e Kodit të Proedurës
Penale?
KRYESUESJA: Ju faleminderit znj. Bogujevci! Deputeti Hajrullah Çeko, pyetje për ministrin
Zemaj.
HAJRULLAH ÇEKO: Faleminderit zonja kryesuese!
Në kuadër të masave të reja në përballje me pandeminë, është propozuar edhe një lloj privatizimi
i shërbimeve në trajtimin e virusit. Konkretisht, ashtu siç është thënë, parashihet që laboratorët
privatë të ofrojnë shërbimin e testimeve për COVID-19, ndërsa spitalet private edhe të trajtimit
spitalor të të prekurve me virusin përkatës. Pyetja ime për z. Zemaj është kjo: a mund të na
33
tregoni cila është baza ligjore për një vendim dhe veprim të tillë? Dhe a mund të na siguroni që
duke i detyruar qytetarët të paguajnë për këto shërbime, nuk jemi duke e shkelur ligjin, dhe ose
të drejtën e tyre për shërim, shëndet dhe jetë? Faleminderit!
MINISTRI ARMEND ZEMAJ: Faleminderit deputet për pyetjen!
Duke iu referuar kërkesave në rritje për testim për COVID-19 në Kosovë, si dhe kapaciteteve të
limituara që ofron Instituti Kombëtar i Shëndetësisë Publike për diagnostikë molekulare dhe
serologjike për COVID-19, me qëllim që ky shërbim të jetë sa më i qasshëm për qytetarët e
Kosovës, Instituti Kombëtar i Shëndetësisë Publike ka rekomanduar Ministrinë e Shëndetësisë që
t’i ofrojë mundësinë edhe institucioneve të tjera shëndetësore publike dhe private në Kosovë për
të kryer testimet për COVID-19. Ministria e Shëndetësisë në përputhje me Udhëzimin
Administrativ 08/14 për procedurat për licencimin e institucioneve private shëndetësore dhe
Udhëzimin Administrativ 09/14, kushtet për punë sa i përket hapësirës, kuadrit profesional dhe
pajisje medicinale të institucioneve private shëndetësore jashtë spitalore dhe Udhëzimit
Administrativ 06/15 - kushtet e përgjithshme dhe të veçanta spitalore, bën licencimin e
isntitucioneve private shëndetësore, ku në kuadër të këtyre institucioneve licencon edhe
laboratorët mjekësorë të mikrobiologjisë klinike.
Aktualisht Ministria e Shëndetësisë është duke analizuar bazën ligjore për licencim të
institucioneve private shëndetësore të cilat do të kryejnë testime për COVID-19. Ministria e
Shëndetësisë ka bërë planin e veprimit. Sot është miratuar në Qeverinë e Republikës së Kosovës
për procedurat e testimit për COVID-19 ku përveç testimeve virologjike me RT-PCR që
aktualisht kryhen në Institutin Kombëtar të Shëndetësisë Publike, të kryhen edhe testime
serologjike e në të përfshihet edhe sektori privat, me qëllim të zvogëlimit të barrës që ka Instituti
Kombëtar i Shëndetësisë Publike në testimin e popullatës për COVID-19 dhe shtrirjen e
testimeve në masë.
Me miratimin e planit në Qeveri, Ministria e Shëndetësisë do të përcaktojë kushtet, kriteret
specifike që duhet paraprakisht t’i plotësojë një institucion privat shëndetësor para se t’i jepet
leja për kryerjen e testit për COVID-19, duke siguruar në të njëjtën kohë edhe mbikëqyrjen dhe
raportimin e saktë nga to. Unë mund të garantoj që jashtë bazës ligjore dhe ekspertizës shkencore
nuk do të bëhet asgjë. Faleminderit shumë!
KRYESUESJA: Ju faleminderit! Pyetje shtesë, z. Çeko?
HAJRULLAH ÇEKO: Faleminderit zonja kryesuese!
Faleminderit z. Zemaj,
Atëherë nga përgjigjja juaj janë dy konstatime: e para që është rekomandim i Institutit, dakord në
këtë pjesë. E dyta, që jeni duke e shikuar bazën ligjore, d.m.th. ende nuk e keni.
34
Tani po e bëj një pyetje: nëse sigurohet baza ligjore dhe licencohen institucionet private për të
ofruar këtë shërbim. Cili do të jetë mekanizmi juaj konkret si Ministri për t’u siguruar dhe për të
parandaluar blerjen e rezultatit pozitiv pa e bërë fare testin? Dhe me çmim më të lartë, d.m.th. si
do të parandaloni një lloj tregu të zi që mund të krijohet nga aktiviteti i institucioneve private?
Faleminderit!
MINISTRI ARMEND ZEMAJ: Kërkoj falje zotëri deputet, por në këto hipoteza jashtëzakonisht
mund të jenë shqetësuese vetëm për t’i paramenduar, dhe normal sigurisht që kërkojnë
mbikëqyrje nëse ju personalisht mund të dini apo keni ndonjë indikacion që mund të ndodhë.
Unë vetëm po e përsëris atë që e thash, Ministria e Shëndetësisë do të përcaktojë kushtet, kriteret
specifike që duhet të plotësojë një institucion privat shëndetësor para se t’i jepet leja për kryerjen
e testit për COVID-19.
Edhe një herë po e them, jashtë bazës ligjore dhe ekspertizës shkencore dhe pa e siguruar
mbikëqyrjen, nuk do të ketë asnjë lëvizje.
KRYESUESJA: Ju faleminderit! Deputetja Arbëreshë Kryeziu-Hyseni, pyetje për ministrin
Armend Zemaj po ashtu.
ARBËRESHË KRYEZIU-HYSENI: Faleminderit nënkryetare!
Atëherë në vitn 2016 u nënshkrua një marrëveshje bashkëpunimi dhe bashkëfinancimi në mes të
Ministrisë së Shëndetësisë dhe Komunës së Gjilanit për ndërtimin e objektit të Qendrës Kryesore
të Mjekësisë Familjare pra në qytetin e Gjilanit. Për këtë projekt fillimisht u premtua dhe u tha që
do të përfundojë në vitin 2017 e më pas në vitin 2018, por që nuk ka përfunduar akoma as sot.
Pyetja ime është çfarë po ndodh në fakt me këtë projekt për ndërtimin e këtij objekti dhe kur
pritet të përfundojë. Faleminderit!
MINISTRI ARMEND ZEMAJ: Faleminderit deputete!
Projekti i QKMF-së Gjilan i cili është paraparë me marrëveshjen e vitit 2016 ka përcaktuar që
shuma e kontratës për ndërtimin e QKMF-së Gjilan është 1 milion e 195 e 438 euro e 67 centë.
Me marrëveshje është përcaktuar se projekti menaxhohet nga Komuna Gjilan, ndërsa projekti
financohet nga Ministria e Shëndetësisë 85 për qind dhe Komuna e Gjilanit 15 për qind. Ky
projekt nuk është realizuar deri më tani, pasi fillimisht në 2016 nuk është realizuar asnjë aktivitet
dhe për këtë qëllim mjetet e destinuara për vitin 2016 kanë shkuar në suficit.
Edhe në vitin 2017, projekti në pjesën dërmuese të kohës ka rezultuar pa aktivitete dhe kjo është
evidentuar vazhdimisht nga Ministria e Shëndetësisë. Gjatë vitit 2018, respektivisht më 24. 12.
2018 janë shfrytëzuar 542 mijë e 722 euro e 21 centë të mjeteve të parashikuara dhe janë
realizuar 45.3 për qind të punimeve ndaj sipas pagesës nga kontrata e parë. Në vitin 2019,
Komuna e Gjilanit bën ndërprerjen e kontratës, por nuk ka marrë asnjë masë ndëshkuese për
35
operatorin ekonomik me të cilin u ndërpre kontrata. Më pas, Komuna Gjilan si autoritet
kontraktues ka zhvilluar procesin e dytë të prokurimit, ku në nëntor të vitit 2019 Ministria e
Shëndetësisë është njoftuar që ishin kryer të gjitha procedurat e prokurimit dhe ishte kontraktuar
ndërmarrja e dytë. Në kontratën në mes të Komunës Gjilan dhe punëkryerësit të dytë, shuma e
kontratës është 1 milion e 424 mijë e 372 euro e 83 centë. Kontrata me punëkryerësin e dytë
parashihet dhënie të avancit për punëkryerësin në shumën prej 15 për qind nga kontrata që e
përmenda shifrën.
Këtë proces Ministria e Shëndetësisë nuk e ka proceduar. Në shtator të vitit 2019, Ministria e
Shëndetësisë inicion kërkesë për hetime dhe nga organet kompetente pasi që gjatë zbatimit të
projektit ka pasur parregullsi të evidentuara në mënyrë specifike për marrëveshjen e operatorit
ekonomik, që në mënyrë miqësore të shkëputet kontrata pa u marrë asnjë masë ligjore për
moszbatim të kontratës. Sipas aneks-marrëveshjes së mirëkuptimit, afati i zbatimit ka qenë i
përcaktuar të përfundohet më 31.12.2019, mirëpo në fund të vitit 2019, Ministria e Shëndetësisë
ka nënshkruar marrëveshje bashkëpunimi me dt. 26 dhjetor 2019, e cila parasheh që projekti të
përfundojë në dhjetor të vitit 2020. Por, në vitin 2020, Ministria e Shëndetësisë nuk ka ndarë
buxhet për QKMF-në në Gjilan. Në vitin 2020, punimet kanë vazhduar, por është paralajmëruar
faturimi rreth 150 mijë euro, punime të realizuara deri më tani, operatori ekonomik është zotuar
që deri në fund të vitit do t’i përfundojë.
KRYESUESJA: A keni pyetje shtesë znj. Hyseni? Jo! Atëherë deputeti Agon Batusha, pyetje për
ministrin Blerim Kuçi. Regjia, fjalën deputetit Batusha, ju lutem! Me kartelë të deputetit Elbert
Krasniqi.
AGON BATUSHA: E nderuar nënkryetare e Parlamentit!
Faleminderit për fjalën,
Unë kam pyetjen, sepse tash e dhjetë ditë në Gjakovë po digjet deponia e mbeturinave dhe po
përhapen toksina në formë të tymit dhe e ka bërë mjegull Gjakovën, duke i helmuar qytetarët dhe
banorët e Komunës së Gjakovës. Po ja që pyetjen që ia kemi shtruar ministrit të ekonomisë dhe
ambientit, z. Blerim Kuçi, ai nuk e ka parë të arsyeshme të vjen. Aq serioz është saqë e dëshmon
çfarë ministri koti është. Po të ishte puna për ndonjë tender në Gjakovë për ndërtim të objekteve,
i pari kishte ardhur. Po ja që bëhet fjalë për çështje ambientale, të shëndetit të qytetarëve dhe nuk
e ka parë të arsyeshme të vjen.
Unë e shtyj pyetjen për mbledhjen e ardhshme sepse ai nuk ka nga të ikën nga përgjegjësia që ka.
Faleminderit!
KRYESUESJA: Ju faleminderit deputeti Batusha! Deputeti Gazmend Gjyshinca, pyetje për
ministren Meliza Haradinaj-Stublla. Ministrja nuk është këtu. Zoti Gjyshinca, a e doni fjalën?
Regjia fjalën deputetit Gjyshinca, ju lutem!
36
GAZMEND GJYSHINCA: Faleminderit, e nderuar kryesuese!
Pas konkursit të brendshëm në kuadër të rotacionit të diplomatëve të organizuar për herë të parë
në historinë e Ministrisë së Punëve të Jashtme nga ish-ministri Glauk Konjufca, një komision pra
profesional ku nuk kishte as anëtarë e as ndikim nga kabineti politik i ministrit Konjufca, ka dalë
me rekomandime për dërgimin e diplomatëve tanë në misione në kudër të këtij rotacioni. Në
publikimet e fundit në media dhe po ashtu nga informacionet që ne zotërojmë, kemi kuptuar se
zonja ministre nuk po i merr në konsideratë këto rekomandime profesionale nga ky komision
profesional. Pra çështja që unë po ngre sot, ka të bëjë me lejimin dhe zbatimin e një politike të
pazareve për dërgimin dhe kthimin e diplomatëve tanë nga dhe në misionet tona diplomatike.
Mirëpo, meqenëse kryediplomatja jonë në fjalë nuk e ka parë të rrugës që të vjen dhe të
përgjigjet sot, unë e ruaj të drejtën time që t’ia parashtroj pyetjen për seancën e radhës. Ju
faleminderit!
(Drejtimin e mbledhjes e merr kryetarja e Kuvendit, znj. Vjosa Osmani.)
KRYETARJA: Deputeti Sejdi Hoxha, pyetje për ministrin Ramë Lika.
SEJDI HOXHA: Faleminderit Kryetare!
I nderuar ministër,
Në bazë të informatave që kemi organizimi i mësimit online deri më tani apo për semestrin e
kaluar i ka kushtuar buxhetit të shtetit më shumë se një milion euro. Pavarësisht këtij fakti,
Qeveria ka dështuar që të ofrojë arsim gjithëpërfshirës për të gjithë nxënësit. Janë anashkaluar
plotësisht fëmijët e familjeve në asistencë sociale si dhe fëmijët me nevoja të veçanta. Atyre nuk
u është ofruar asnjë lloj ndihme institucionale për të marrë pjesë në mësimet online. Si pasojë e
diskriminimit dhe mosmbështetjes institucionale për këto kategori nga Qeveria e Kosovës janë
rreth 33 mijë nxënës të cilët nuk kanë pasur mundësi dhe kushte infrastrukturore që ta mbajnë
mësimin online. Ky numër është 11 për qind nga totali i të gjithë nxënësve në Kosovë dhe si i
tillë është një numër jashtëzakonisht shqetësues. Pyetja ime konkrete është a ka bërë Qeveria e
Kosovës ndonjë plan konkret, i cili siguron për të gjitha familjet në Kosovë të integrohen në
mësimin online në shtator në qoftë se nuk do të mund të kemi mësime të rregullta në shkolla për
shkak të pandemisë. Faleminderit!
KRYETARJA: Urdhëro ministër!
MINISTRI RAMË LIKA: Faleminderit, zonja kryetare!
Mësimi në distanca siç e ceku deputeti Hoxha është mbajtur në Kosovë. Unë kam folur edhe në
seancën e kaluar. Një numër i konsiderueshëm i nxënësve nuk kanë pasur qasje në mësimin në
distancë, për shkak të kushteve, d.m.th. mungesës së pajisjes së teknologjisë informative, qasjes
në internet, për shkak të qasjes po ashtu në rrjetin kabllovik e kështu me radhë, ndërsa çka kemi
bërë ne si MASHT edhe sa është ky numër ende nuk dihet i saktë. P.sh. në Komunën e Prishtinës
37
që është një prej komunave më të mëdha, është më pak se 200 nxënës. Më pak se 200 po them.
Çka kemi bërë ne në ndërkohë? E kemi krijuar një grup punues brenda MASHT-it, në të cilin
përfaqësohet jo vetëm përfaqësues të MASHT-it, por edhe të partnerëve, të donatorëve, të gjitha
palëve me interes për të hartuar një plan dinamik edhe për të krijuar udhëzues të ri konform
rekomandimeve të Ministrisë së Shëndetësisë dhe IKSHP-së. Kemi gjetur përkrahje edhe me
ekspertizë të ekspertëve, të cilët kanë punuar përpara d.m.th. gjatë kohës së realizimit të mësimit
në distancë. Një plan konkret së shpejti do ta kemi për këtë çështje. Ndërsa jemi duke u
përgatitur për mësim për t’u kthyer në bankat shkollore, por duke pasur parasysh edhe rrethanat,
edhe duke pasur parasysh përvojat edhe të vendeve të tjera për të respektuar d.m.th. udhëzimet
dhe rekomandimet për gjendjen COVID.
Çka jemi duke bërë tjetër? E kemi një buxhet të caktuar për digjitalizim dhe jemi në procedura të
prokurimit, momentalisht që këtyre fëmijëve t’u ofrojmë qasje, sidomos grupeve të
margjinalizuara, fëmijëve me nevoja të veçanta, komuniteteve e kështu me radhë. Por, jemi në
kontakt, edhe së shpejti do të kontaktojmë edhe Rregullatorin e frekuencave për të na mundësuar
që të kemi qasje 24 orë, sidomos të transmetuesit publik dhe do t’i kontaktojmë edhe ofruesit e
shërbimeve të internetit për të siguruar qasje të internetit këtyre fëmijëve. Po natyrisht se
problemi është pak më i thellë sesa kjo, për arsye se ka fëmijë të cilët kanë një televizor, po janë
dy-tre fëmijë në një familje, s’kanë mund të përcjellin mësimin online në kohën e caktuar, duhet
ofruar 24 orë.
Gjithashtu edhe donatorët na kanë ofruar përkrahje dhe janë në procedura të prokurimit për
tabletë për t’u siguruar qasje. Po edhe njerëz të vullnetit të mirë. Duhet pasur parasysh edhe një
gjë që ne i kemi kontaktuar edhe kompanitë, i kemi kontaktuar edhe institucionet publike dhe
private që kanë ofruar mësim në distancë dhe të zgjedhin edhe platforma të përshtatshme të
thjeshta për përdorim si për nxënësit ashtu edhe për prindërit dhe kujdestarët e tyre.
Besoj që do ta kemi një plan dinamik të shpejtë. Natyrisht se edhe mësimi online, kemi bërë edhe
adoptime ku kemi pasur mungesa.
KRYETARJA: A keni pyetje shtesë deputet? Po, deputeti Hoxha fjalën!
SEJDI HOXHA: Ministër,
E potencuat që jeni duke punuar në këtë projekt. Po më intereson ta di a ka mundësi të krijohet
ndonjë aplikacion ministria, i cili është i thjeshtë për përdorim, i cili mund të përdoret edhe në
telefonat mobilë, për arsye se kemi familje që kanë më shumë nxënës sesa që kanë kompjuterë
në familjet e tyre dhe kjo i pamundëson familjes që të ketë kompjuter për secilin fëmijë. A mund
ta krijoni ndonjë aplikacion lehtë të qasshëm, i cili mund të përdoret edhe nga telefonat mobilë,
në mënyrë që fëmijët të kenë mundësi brenda afatit kohor t’i ndjekin mësimet online?
38
KRYETARJA: Urdhëro, ministër!
MINISTRI RAMË LIKA: Unë i kam kontaktuar edhe komunat të cilat ndaj një pagese të caktuar
kanë pasur aplikacione dhe platforma të tilla. P.sh. Komuna e Prishtinës, Komuna e Malishevës,
Komuna e Drenasit dhe Skenderajt kanë pasur platforma pa pagesë. Natyrisht që këto janë
platforma shumë të mira e të thjeshta. Ne do t’u rekamandojmë, por kjo është një kosto për
komuna, për arsye se për kokë të nxënësit duhet paguar një shumë të caktuar, ndërsa komunat e
kanë buxhetin e limituar. Për këtë arsye, edhe në Pakon Ekonomike është dashur të shihet edhe
kjo kategori për t’u ndihmuar komunave për të blerë shërbime të platformave të tilla. Këto
platforma janë shumë të thjeshta për përdorim, disa janë aq të thjeshta sa kanë edhe udhëzues
brenda me ilustrime se si t’i qasesh, përfshirë jo vetëm përmbajtjen elektronike, po përfshi edhe
evidencën dhe kontrollin qoftë prej Drejtorisë Komunale të Arsimit, prej menaxhmentit të
shkollave, por edhe prej prindërve. Ka platforma të tilla, ne mund të ndodhë që grupi punues
sugjeron t’i rekomandojë disa, por unë sot nuk do të bëjë kurrfarë marketingu për asnjë prej tyre.
Jemi duke menduar edhe për këtë çështje.
KRYETARJA: Deputetja Fitore Pacolli, pyetje për Kryeministrin Avdullah Hoti.
FITORE PACOLLI-DALIPI: Faleminderit, kryetare!
Ditëve të fundit po rikonfirmohen ajo që Lëvizja Vetëvendosje vite më parë ka ngritur alarmin
për idenë dhe për planet që koordinon Presidenti i Kosovës së bashku me presidentin e
Republikës së Serbisë. Ideja për shkëmbim territorial ka më shumë se dy vjet që ka filluar të
diskutohet në mes të dy presidentëve si zgjidhje përfundimtare. Disa ditë më parë John Bolton,
ish-këshilltar për siguri i Presidentit amerikan Donald Trump, për opsionin e korrigjimit të kufirit
mes Kosovës dhe Serbisë, tha se ky projekt është shtyrë e promovuar nga liderët e të dyja
vendeve. Pra, nga Thaçi dhe Vuçiq. Kësaj radhe ai përsëriti atë që kishte thënë dy vjet më parë se
Uashingtoni nuk pengon nëse të dy liderët mund të kenë vullnet për të negociuar këtë çështje të
cilët ata e kanë dëshmuar se e kanë diskutuar këtë edhe në heshtje. Ai kishte shtuar se politika
amerikane është se nëse të dy palët arrijnë marrëveshje, nuk na takon neve që të pengojnë një gjë
të tillë.
Pas gjithë zhvillimeve të fundit, ju akoma duket se jeni të vendosur dhe po prisni që të vazhdoni
me takimet tuaja dhe kjo shihet nga ajo çfarë keni thënë edhe në një intervistë për Dewtche
Wellen se jeni në pritje të ftesës nga Uashingtoni. Pas konfirmimit se plani për shkëmbim
territorial është iniciuar e shtyrë nga Thaçi dhe Vuçiq, Qeveria juaj e projektuar nga vetë Thaçi
dhe e varur nga Lista Serbe nuk ka pasur asnjë reagim. A do të thotë kjo se do të pajtoheni dhe se
do të vazhdoni jetësimin e idesë për ndarjen e territorit të Republikës së Kosovës. Faleminderit!
KRYETARJA: Kryeministri e ka fjalën!
39
KRYEMINISTRI AVDULLAH HOTI: Faleminderit, kryetare e Kuvendit!
E nderuar deputete,
Unë po përgjigjem vetëm në pjesën përmbajtjesore të pyetjes, jo në pjesën kështu
propagandistike.
Për Qeverinë e Republikës së Kosovës të cilën unë e udhëheq, territori i Kosovës është një, i
pandashëm dhe i panegociueshëm. Në asnjë rast dhe nga askush nuk na është kërkuar të sjellim
në tryezë të bisedimeve integritetin tonë territorial e as subjektivitetin tonë. Por, ne jemi të
përkushtuar të jemi protagonistë të rëndësishëm të dialogut për të arritur një marrëveshje
gjithëpërfshirëse me Serbinë e cila duhet të kulmojë me njohjen reciproke në mes të dy vendeve.
Faleminderit!
KRYETARJA: Pyetje shtesë, deputetja Pacolli?
FITORE PACOLLI-DALIPI: Ju nuk treguat se a pajtoheni me atë çfarë ka bërë Presidenti Thaçi.
Ju po vazhdoni të bashkëngjiteni në dialogun të cilin e ka nisur Presidenti Thaçi dhe po thoni që
po shkoni të bisedoni me Vuçiqin për marrëveshje reciproke, a po? Mirëpo, Vuçiqi ka deklaruar
qartë dhe thjeshtë se nëse ju shkoni të flisni për njohje reciproke, ata nuk do të flasin për një gjë
të tillë. Për çka po shkoni ju z. Kryeministër, është me rëndësi të na tregoni dhe si do të
paraqiteni ju në Uashington karshi Vuçiqit i cili ka dominancë të plotë dhe autoritet të plotë
ndërkombëtar? Ndërsa ju jeni ilegal, pa legjitimitet dhe me autoritet ndërkombëtar të shtrirë
përtokë? Pra, çka presim nga ju që të vazhdoni në këto bisedime që i ka iniciuar Thaçi dhe po i
vazhdoni ju?
KRYETARJA: Deputeti Eman Rrahmani, pyetje për ministrin Zemaj.
EMAN RRAHMANI: Faleminderit Kryetare!
Zoti Zemaj,
Sa keni kërkuar buxhet shtesë në rishikim dhe sa donacione janë iniciuar gjatë mandatit tuaj dhe
cilat janë ato?
KRYETARJA: Ju lutem për qetësi, sepse deputeti nuk po dëgjohet duke e parashtruar fjalën.
Urdhëro pyetjen deputet edhe një herë!
EMAN RRAHMANI: Zoti Zemaj,
Sa keni kërkuar buxhet shtesë në rishikim dhe sa donacione janë iniciuar gjatë mandatit tuaj dhe
cilat janë ato?
KRYETARJA: Urdhëro ministër!
40
MINISTRI ARMEND ZEMAJ: I nderuar deputet Rrahmani!
Edhe pse rishikimi i buxhetit ka qenë ristrukturim dhe kursim, Ministria e Shëndetësisë ka
kërkuar mjete shtesë me këtë rishikim, duke pasur përpara edhe nevojat për menaxhimin e
pandemisë COVID-19. Këto vlera janë sikur vijon: 1.443.000 euro e 153 cent për COVID,
mallra dhe shërbime dhe 2 milionë e 500 mijë euro nga huamarrja projekti i shëndetësisë Banka
Botërore dhe 66,049 euro mjete për paga. Total 4 milionë e 9202 euro e 70 centë. Sa u përket
donacioneve, kur e kemi marrë mandatin kemi gjetur disa donacione në vazhdimësi, por edhe të
tjera që janë zhvilluar si aktivitete falë kontributit të partnerëve të ndryshëm, të cilët kanë
shprehur gatishmërinë për të na ndihmuar. Në këtë drejtim, Zyra e Bashkimit Evropian ka ndarë
edhe kontingjentin e katërt të mjeteve mbrojtëse profesionale dhe pajisjeve mjekësore nga
asistenca prej 5 milionë euro dedikuar Kosovës, duke sjellë së fundmi krahas mjeteve mbrojtëse
profesionale edhe dhjetë autoambulanca, 100 shtretër spitalorë dhe pajisje të tjera mjekësore si
dhe 50 respiratorë të siguruar nga fondet e Qeverisë së Norvegjisë, Zvicrës dhe Luksemburgut.
Po ashtu Ambasada Amerikane ka ndihmuar për COVID-19 me një donacion për pajisje
mbrojtëse profesionale për personelin shëndetësor nga programi i ndihmës humanitare i
Komandës Evropiane të SHBA-ve, sikur edhe donatorë të tjerë si biznesmenë të suksesshëm
shqiptarë në diasporë nga kompanitë Ekolog, Eurokoha, Aver Abrum që kanë ndihmuar
Institutin Kombëtar të Shëndetësisë Publike me 12 mijë kite për teste për COVID-19, ndërsa 4
Kariti ka ndihmuar me 6 500 teste dhe gjashtë respiratorë, derisa UNDP në ndërkohë ka sjellë
edhe 6 000 komplete teste për Institutin Kombëtar të Shëndetësisë Publike të Kosovës.
I nderuar deputet,
Po përfundohen procedurat edhe për hyrjen në Kosovë të kontingjentit 24 tonë pajisje mbrojtëse
profesionale të shtetit të Jordanisë, angazhim i zëvendëskryeministrit të Kosovës, sigurimit edhe
të 25 respiratorëve të njërit prej aleatëve më të fuqishëm të Kosovës. Në fillim të shtatorit,
presim edhe kontingjentin e radhës të ndihmave me pajisje mbrojtëse profesionale me 30 tonë
nga UNICEF-i si dhe jemi në kontakt edhe me donatorë të tjerë, sikur është edhe Qeveria e
Japonisë që do të ndihmojë shëndetësinë tonë në këtë kohë të pandemisë me rreth 800 mijë
dollarë amerikanë. Pas marrjes së mandatit përmes komisionit të donacioneve janë realizuar 16
donacione të rëndësishme nga donatorë të ndryshëm dhe janë në përgatitje edhe donacione të
tjera. Faleminderit shumë!
KRYETARJA: Deputet a keni pyetje shtesë? Urdhëro, z. Rrahmani!
EMAN RRAHMANI: Faleminderit, kryetare!
Zoti Zemaj,
Nuk ju pyeta se cilat donacione i ka organizuar dhe i ka sjellë Qeveria Kurti dhe Arben Vitia. Ne
e dimë të gjithë se të gjitha këto donacione që po vijnë tani janë donacione të dizajnuara dhe të
iniciuara nga Qeveria Kurti. Edhe testet nga Katari, edhe nga diaspora, edhe nga Gjermania, edhe
41
respiratorët, edhe shtretërit, edhe monitorët e të tjerat, me të cilat po dilni në fotografi të gjitha.
Çfarë keni bërë ju? Dilni më pak në foto e në emisione, se në një anë po tregoni se jeni i paaftë, e
në anën tjetër punoni diçka se situata është shumë serioze dhe duhet patjetër të merremi me të.
KRYETARJA: Urdhëro, ministër!
MINISTRI ARMEND ZEMAJ: Unë e respektoj memorien dhe angazhimin institucional, por
sipas logjikës suaj, kjo i bie që unë nuk do të duhej t’i pranoja këto donacione. Kjo është logjikë
primitive z. deputet dhe unë jam dhe Ministria e Shëndetësisë është duke u angazhuar
maksimalisht dhe ka edhe donacione të reja, kështu që për interesimin tuaj do ta lë listën, edhe
është në shfrytëzim tuaj, por jo për t’i rishikuar në këtë formë. D.m.th. kjo është formë e
klientelizmit dhe nuk e ndihmon dhe nuk e avancon shëndetin ose përmirësimin e shërbimeve
shëndetësore në Republikën e Kosovës.
KRYETARJA: Faleminderit!
Të nderuar deputetë,
Ju njoftoj se me kaq ka përfunduar koha e pyetjeve parlamentare. Të gjitha pyetjet që nuk janë
parashtruar në këtë seancë, do të barten në seancën e radhës.
Siç ju paralajmërova në fillim të seancës, para se të vazhdojmë me rendin e ditës, kam dy
propozime për mocion që të plotësohet rendi i ditës. Pra, të cilat do të dal t’i lexoj sapo të
dezinfektohet foltorja dhe ndërkohë e kemi edhe një propozim të tretë, por secili veç e veç do të
vendoset në votim.
I lus deputetët të kthehen në sallë, ju lutem. Zilen!
Të nderuar deputetë,
I nderuar Kabinet qeveritar,
Siç e kam paralajmëruar edhe dje, në mbështetje të nenit 42, paragrafi 2 të Rregullores së
Kuvendit, i kam dy propozime për të plotësuar rendin e ditës.
Me mirëkuptimin e deputetëve, po i lexoj të dyja tani që të mos kemi nevojë t’i arsyetoj dy herë,
por votimet do të jenë të ndara për secilën natyrisht, sepse edhe kërkohet shumicë e ndryshme.
Propozimi i parë ka të bëjë me një rezolutë të këtij Kuvendi. Natyrisht që secili deputet e ka të
qartë karakterin e rezolutave. Ato shprehin vullnetin politik të Kuvendit të Republikës së
Kosovës. Pra, e qartësojnë se cili është qëndrimi politik i Kuvendit lidhur me zhvillimet e
ndryshme. Ky Kuvend ka miratuar rezoluta për tema të ndryshme, përfshi për çështjen e
dialogut, për deklarata të ministrave të Listës Serbe edhe në të kaluarën. Rrjedhimisht duke u
42
bazuar në atë praktikë, propozoj që të hyjë në rend dite kjo propozim-rezolutë të cilën do ta lexoj
tani.
Kuvendi i Kosovës, në mbështetje të nenit 65 të Kushtetutës dhe nenit 52 të Rregullores së
Kuvendit, propozon këtë:
R e z o l u t ë
1. Kuvendi i Kosovës rikonfirmon se Kushtetuta e Republikës së Kosovës, karakteri unitar i
Republikës së Kosovës, sovraniteti shtetëror dhe integriteti territorial janë të pacenueshme. Çdo
thirrje për mbështetje të pozicionit politik e diplomatik të Serbisë kundër Kosovës, është thirrje
kundër rendit kushtetues, kundër sovranitetit të vendit tonë dhe kërcënon themelet e shtetësisë së
Kosovës.
2. Kuvendi i Republikës së Kosovës rikonfirmon se të gjitha subjektet politike, qofshin ato në
Qeveri apo në opozitë kanë për obligim të punojnë në përputhje me Kushtetutën e vendit, duke
mos rrezikuar pozicionin dhe interesat shtetërore të Republikës së Kosovës karshi Republikës së
Serbisë.
3. Kuvendi fton Qeverinë e Republikës së Kosovës që të mos lejojë asnjë anëtar të saj të jetë i
përfshirë apo i angazhuar aktivisht në fushatën diplomatike e politike të Serbisë kundër shtetësisë
së Kosovës. Rrjedhimisht Kuvendi kërkon nga Qeveria që të shkarkojë të gjithë ata anëtarë të
Qeverisë që bëhen pjesë e përpjekjeve të tilla.
4. Në rast se Qeveria nuk largon këta anëtarë brenda një afati prej një javësh, do të iniciohet
mocion mosbesimi ndaj anëtarëve individualë që kanë cenuar rendin kushtetues dhe sovranitetin
e vendit.
Të nderuar deputetë,
Vetëm shkurt! Kjo propozim-rezolutë ka të bëjë me një deklaratë shumë specifike që nuk lidhet
me masat për pandeminë. Ka të bëjë me deklarimin e Listës Serbe, kryetar i së cilës është z.
Goran Rakiq, zëvendëkryeministër i Qeverisë së Republikës së Kosovës, ku ai thotë me sa vijon:
që i përkrah përpjekjet politike dhe diplomatike të presidentit Vuçiq për ta kthyer sipas tyre
Kosovën dhe Metohinë. Pra, ka të bëjë me bashkimin e një zëvendëkryeministri të Qeverisë së
Republikës së Kosovës në fushatën diplomatike kundër shtetësisë së Republikës sonë. Masat për
pandeminë janë proces i ndarë. Kjo propozim-rezolutë ka të bëjë me deklaratën se një
zv/kryeministër i Kosovës i bashkohet fushatës politike e diplomatike kundër shtetit tonë.
E dyta, në qoftë se dikush edhe mund të ketë pyetje sa i përket pikës 4, Komentari i Kushtetutës
e sqaron që mocionet e mosbesimit mund të iniciohen edhe ndaj ministrave individual.
43
Pra, ky ishte propozimi i parë, për t’u futu sot në rend të ditës, do të thotë menjëherë pas pauzës,
sepse tash do ta marrim një pauzë. Kjo deklaratë apo rezolutë në fakt, e Kuvendit të Kosovës, për
këtë kërkohet shumicë e thjeshtë.
Me mirëkuptimin tuaj, i nderuar deputet, po e lexoj propozimin e dytë, edhe pse siç e thashë do
të vendosen ndaras.
Propozimi i dytë ka të bëjë me nismën legjislative të të Kuvendit të Republikës së Kosovës për
parandalimin dhe luftimin e pandemisë COVID-19.
Në situatën në të cilën po kalon Kosova, me rritjen e numrit të vdekjeve dhe infektimeve nga
koronavirusi, projektligji për parandalimin dhe luftimin e pandemisë COVID-19 është jo vetëm i
nevojshëm, por është i domosdoshëm.
Prandaj, unë besoj që pikërisht kjo do të jetë ajo pika ose momenti i kësaj seance, kur të gjithë
deputetët që folën për vendosjen e internist qytetar mbi atë të inateve politike, do ta sfidojmë dhe
do ta tregojmë vetën.
Të nderuar deputetë,
Në dy aktgjykime të Gjykatës Kushtetuese, institucion për të cilin, ne vazhdimisht bëjmë thirrje
që ta respektojmë, Gjykata e ka bërë të qartë që kërkohet, madje detyrohet Kuvendi i Republikës
së Kosovës, që ta miratojë ligj të veçantë nëpërmjet të cilit do t’i autorizojë institucionet që të
bëjnë kufizime të lehta të lirive dhe të drejtave të njeriut.
Për sqarim të disave që po i përziejnë këto.
Të nderuar deputetë,
Masat të cilat janë të parapara në ligjin aktual për Parandalimin e Sëmundjeve Ngjitëse, Gjykata
Kushtetuese dy herë e ka sqaruar që nuk krijojnë bazën e mjaftueshme ligjore për ta menaxhuar
pandeminë në situatën aktuale.
Ndërkaq, gjendja e jashtëzakonshme e që është hapi i fundi, është hap i tretë, ka një hap të
ndërmjet, dhe ai është i paraparë në nenin 55 të Kushtetutës, ku e lejon këtë Kuvend, që
nëpërmjet ligjit ta autorizojmë Qeverinë, t’ia lehtësojë punën Qeverisë për të bërë kufizime të
lehta të të drejtave të njeriut.
Në bazë të komunikimeve që i kemi pasur me institucionet e sigurisë, deri tani ka mungesë të
bazës ligjore, në mënyrë që ata të kryejnë në mënyrë të efektshme punën e tyre, sa i përket
zbatimit të masave. Rrjedhimisht ky ligj është i domosdoshëm, por një arsyetim më të gjerë do të
mund ta japim vetëm në qoftë se hyn, natyrisht në rend të ditës.
44
Të nderuar deputetë,
Propozimi është ky; tanimë e kemi një opinion nga ana e Qeverisë që ka qenë i detyrueshëm, në
mënyrë që ne të procedojmë si Kuvend, edhe pse për fat të keq është dashur të presim gati një
muaj, përkundër faktit që nuk ka urgjencë më të madhe sesa çështja e menaxhimit të pandemisë.
Mirëpo, në mënyrë që ne të mos lejojmë vonesa brenda Kuvendit, propozimi im është që të
bëjmë një shmangie nga Rregullorja, nga procedurat e rregullta. Pas konsultimeve edhe me
Komisionin për Shëndetësi, ata kanë shprehur gatishmërinë e plotë që në afat rekord ta
shqyrtojnë, edhe sa i përket leximit të parë edhe sa i përket amendamentimit ndërmjet dy
leximeve.
Prandaj, të nderuar deputetë, në mënyrë që të mos presim dy javë, vetëm për ta vendosur në rend
dite, propozimi është që ta vendosim sot pas pikës për rezolutën, vetëm për lexim të parë dhe
pastaj Komisionit për Shëndetësi, t’i japim afat kohë, përafërsisht një javë. Pastaj në qoftë se
kanë kërkesë për afat shtesë, natyrisht se do ta miratojmë, në mënyrë që ndërmjet dy leximeve,
Komisioni për Shëndetësi të ketë mundësi që t’i bëjë amendamentimet e nevojshme.
Prandaj, duke shpresuar në mirëkuptimin e gjithsecilit prej jush, duke i parë deklaratat publike
nga deputetët e të gjitha partive politike, të cilët e kanë vlerësuar që ky ligj është i domosdoshëm
dhe duke e mirëkuptuar secilin amendament që mund të vijë nga deputetët, për ta plotësuar këtë
projektligj, propozimi është që të kemi shmangie nga afatet procedurale për procedurat tona
kuvendore, konkretisht nga neni 15, paragrafi 7, neni 54, paragrafi 4, neni 56, paragrafi 1 dhe 2,
neni 57, paragrafët 3, 5, 8 dhe 9 dhe neni 64, paragrafi 4, në mënyrë që në kohë sa më të shpejtë,
duke e ditur urgjencën, ta kemi këtë ligj në procedurat tona kuvendore.
Si sqarim për këtë, do të na duhet vendim me 2/3 e deputetëve të pranishëm në seancë. Prandaj,
shpresoj që, edhe pse kemi pasur vonesa të paarsyeshme deri tani, sepse ky ligj hartuar dhe
propozuar qysh në prill, që deputetët ta kenë parasysh që shkaku i rritjes së numrit të infektimeve
dhe të vdekjeve, që sot të votojmë me 2/3, që ta fusim në procedura të përshpejtuara dhe secili
prej nesh të kemi të dejtë të propozojmë amendamente dhe në fund të vendosim sipas vullnetit të
lirë, në qoftë se dëshirojmë ta votojmë apo jo këtë projektligj.
Tani do t’i vendosim që të dyja në votim, por natyrisht ndaras prej njëra-tjetrës. Faleminderit!
(Drejtimin e mbledhjes e merr nënkryetarja e Kuvendit, znj. Arbërie Nagavci.)
ARBËRIE NAGAVCI: Faleminderit, kryetare!
(Drejtimin e mbledhjes e merr kryetarja e Kuvendit, znj. Vjosa Osmani.)
45
KRYETARJA: Para se të shkojmë në votim për këto dy propozime, e ka kërkuar fjalën edhe
deputetja Mirlinda Sopi-Krasniqi, për një propozim tjetër. Mikrofonin, deputetes!
MIRLINDA SOPI-KRASNIQI: Faleminderit!
E nderuar kryetare e Kuvendit, znj. Osmani,
Të nderuar kolegë deputetë,
Të nderuar bashkëqytetarë,
Më lejoni që sot, duke u bazuar në Rregulloren e Kuvendit, të propozoj që në kuadër të
punimeve të kësaj seance, si pikë të parë të rendit të ditës, të shqyrtojmë edhe një rezolutë për
unitetin politik e qytetar në mbrojtje të vlerave të popullit të Kosovës, dhe të njëjtën, Kuvendi ta
aprovojë, meqenëse është e natyrës urgjente.
Konsideroj se shqyrtimi i kësaj draft-rezolute është i natyrës urgjente, prandaj edhe përfshirja e
saj në rendin e ditës së mbledhjes së sotme për shqyrtim parlamentar është po ashtu e
domosdoshme.
Neni 52 i Rregullores së Kuvendit, paragrafi 2, përcakton; kur mocioni përmbajtjesor, nëse është
rezolutë, i dërgohet Zyrës për Propozime dhe Parashtresa, jo më vonë se tetë (8) ditë pune para
debatimit në mbledhje, përveç kur është një çështje urgjente. Zyra për Propozime dhe
Parashtresa e përkthen mocionin në gjuhët zyrtare të Kuvendit, e bën redaktimin dhe ua dërgon
deputetëve, jo më vonë se pesë (5) ditë pune para debatit.
Prandaj, me nenin 49, shqyrtimi i çështjeve urgjente në Kuvend si dhe neni 52 i Rregullores,
propozoj mocionin përmbajtjesor për përfshirjen e rezolutës së mëposhtme për shqyrtim në
seancën e sotme.
Nëse më lejoni, unë do ta lexoj rezolutën, e cila në veta i ka 10 pika.
KRYETARJA: Po, të lutem, lexoje!
MIRLINDA SOPI-KRASNIQI: Duke u bazuar në vlerat më sublime të popullit të Kosovës, të
bindur së lufta e Ushtrisë Çlirimtare të Kosovës ishte e drejtë, duke rikujtuar faktin se Kosova
ishte viktima dhe Serbia agresori, duke e pasur parasysh gjykimin ndaj viktimës dhe ndërprerjen
e ndjekjes së krimeve të agresorit nga bashkësia ndërkombëtar, duke besuar në nevojat e
domosdoshme për unitet politik-qytetar, në mbrojtje të vlerave më sublime të popullit të
Kosovës, luftës së drejtë të Ushtrisë Çlirimtare të Kosovës, duke pasur për bazë faktin se UÇK-ja
përbën vlerën më të lartë të popullit të Kosovës për liri, pavarësi dhe shtetndërtim, duke e pasur
parasysh se akuzat ndaj UÇK-së, nuk janë vetëm kundër individëve, por janë përballje e Kosovës
dhe qytetarëve të saj me Serbinë, sot propozoj këtë rezolutë, e cila ka në vete 10 pika:
46
1. Kuvendi i Republikës së Kosovës rithekson faktin se në Kosovë shteti serb ka kryer spastrim
etnik, duke dëbuar në mënyrë të organizuar rreth 1 milion qytetarë; ka vrarë mbi 12 000 civilë,
në mesin e të cilëve mbi 1 300 fëmijë; ka kryer më shumë se 400 masakra; ka dhunuar rreth 20
000 gra dhe vajza; si dhe ka shkatërruar pasurinë e qytetarëve, monumentet kulturore, fetare e
historike dhe infrastrukturën e Kosovës.
2. Kuvendi i Republikës e Kosovës kërkon që domosdoshmërisht të gjendet zgjidhje sa më e
shpejtë e çështjes së të pagjeturve, të cilët janë zhdukur si rezultat i veprimeve agresore të shtetit
serb ndaj popullit të Kosovës.
3. Kuvendi i Republikës së Kosovës ia rikujton bashkësisë ndërkombëtare përpjekjen 20 vjeçare
për të vendosur drejtësi ndaj veprimeve të shtetit serb në Kosovë, si dhe qasjen e vazhdueshme
refuzuese të Republikës së Serbisë ndaj këtyre kërkesave. Kuvendi i Republikës së Kosovës ri-
përsërit thirrjen për drejtësi të plotë dhe vendosjen e drejtësisë për të gjitha viktimat e krimit të
shtetit serb ndaj popullit të Kosovës. Heshtja ndaj këtyre krimeve, në Kosovë kuptohet si amnisti
dhe tolerim ndaj krimeve të Serbisë të kryera në Kosovë, dhe si privim ndërkombëtar i kërkesave
dhe veprimeve për ndëshkimin e kriminelëve të shtetit serb që kryen krime çnjerëzore në
Kosovë.
4. Kuvendi i Republikës së Kosovës rikujton qasjen selektive ndaj krimeve të shtetit serb në
Kosovë, duke mbrojtur agresorin dhe duke gjykuar viktimën, si dhe sjell në vëmendje rastet e
inskenuara të Serbisë ndaj shtetasve të Kosovës, siç është rasti i njohur si “Panda”, dhe shumë
raste tjera të ngjashme. Kuvendi i Republikës së Kosovës rikujton sakrificat e mëdha të popullit
të Kosovës, të brezave të tërë, për liri dhe pavarësi, dhe i konsideron të papranueshme tentimet e
shtetit serb që me fabrikime të përpiqet ta rishkruajë historinë e Kosovës.
5. Republika e Kosovës në vazhdimësi ka qenë e gatshme për ta vërtetuar drejtësinë e luftës
mbrojtëse të Ushtrisë Çlirimtare të Kosovës, dhe është edhe sot e gatshme ta bëjë të njëjtën gjë
me Dhomat e Specializuara. Pastërtia e luftës së UÇK-së është vërtetuar disa herë në proceset e
zhvilluara nga mekanizmat e drejtësisë ndërkombëtare, siç janë UNMIK-u, Tribunali
Ndërkombëtar për Krimet e Luftës në ish-Jugosllavi, EULEX-i dhe drejtësia vendore.
6. Republika e Kosovës është shtet i ndërtuar mbi sakrificën e popullit të Kosovës, të drejtën e
saj legjitime për pavarësi dhe vetëvendosje, rezistencën paqësore, luftën e drejtë të Ushtrisë
Çlirimtare të Kosovës, vullnetin dhe ndihmën e bashkësisë ndërkombëtare për ndërtimin e
shtetit, bazuar në të drejtën ndërkombëtare të vërtetuar edhe sipas vendimit të GJND-së.
Republika e Kosovës ka shpallur pavarësinë dhe ka ndërtuar shtetin, duke respektuar të gjitha
standardet ndërkombëtare në kuptimin më afirmativ përkitazi me të drejtat e të gjitha
komuniteteve në Kosovë.
47
7. Përkundër agresionit serb, qasjes jo bashkëpunuese të Republikës së Serbisë dhe dëmeve
njerëzore e materiale të Republikës së Kosovës të shkaktuara nga shteti serb, Republika e
Kosovës ka treguar vazhdimisht gatishmëri dhe bashkëpunim, me qëllim të vendosjes së paqes,
stabilitetit dhe fqinjësisë së mirë.
8. Kuvendi i Republikës së Kosovës respekton Dhomat e Specializuara dhe kërkon që puna e
tyre të bazohet në respektimin e ligjeve të Kosovës dhe rregullave ndërkombëtare të funksionimit
të saj, dhe që këto Dhoma të jenë fer e të paanshme në trajtimin e të gjitha lëndëve.
9. Kuvendi i Republikës së Kosovës shpreh shqetësim për shkeljet procedurale të bëra me rastin
e publikimit të emrave përkitazi me propozim-aktakuzën e pakonfirmuar ndaj pjesëtarëve të
UÇK-së.
10. Kuvendi i Republikës së Kosovës e sheh të domosdoshëm unitetin politik e qytetar, për ta
mbrojtur luftën çlirimtare të UÇK-së dhe popullit të Kosovës, duke ritheksuar faktin se Kosova
edhe sot përballet me Serbinë. Ky unitet politik e qytetar, që ka për synim vendosjen e drejtësisë
në pajtim me Rendin Kushtetues të Kosovës, ri-konfirmon përkushtimin për bashkëpunim dhe
miqësi të përhershme me Shtetet e Bashkuara të Amerikës, Bashkimin Evropian, NATO-n, si
dhe përkushtimin për fqinjësi të mirë. Faleminderit!
KRYETARJA: Faleminderit! I lus përfaqësuesit e grupeve parlamentare që të deklarohen për
secilin propozim veç e veç. Pra, është propozimi i parë për rezolutën që e propozova unë, lidhur
me shkarkimin e anëtarëve të Qeverisë.
Të futet menjëherë si pikë e radhës. Pastaj është propozimi që Ligji anti-COVID dhe propozimi i
tretë është rezoluta që e lexoi, deputetja Mirlinda Sopi.
Në mënyrë që ta kursejmë kohën, ju lus që të deklaroheni për të tira. Në këtë rast, jo për
përmbajtjen, por vetëm në qoftë se pranoni që të hyjë në rend të ditës. Për përmbajtjen flasim më
pastaj.
Urdhëro, z. Rexhep Selimi!
REXHEP SELIMI: Faleminderit, kryetare!
Nuk mund të mos i them dy fjali, me lejen tuaj, sa i përket propozimit tuaj për rezolutë.
Që nga shpallja e pavarësisë së Kosovës, e deri më sot, e vetmja është Qeveria Kurti që nuk ka
qenë as e votuar, as e mbështetur e as e varur nga votat e Listës serbe. Pse po përmend këtë? Po e
përmendi këtë, sepse sapo ju, znj. kryetare dolët në foltore, kërkuar që të mbështetet kjo rezolutë,
reaguat me shumë të drejtë sa u përket deklaratave të zv/kryeministrit të Republikës së Kosovës,
48
dhe të njërës nga subjektet parlamentare të Kosovës, anëtarët e Qeverisë koti, u larguan nga salla.
Dhe, jo vetëm anëtarët e kësaj Qeverie, por edhe shumë deputetë, përkrahës të kësaj Qeverie,
ikën nga këtu.
Pra, ata sot po e kuptojnë që eventualisht, nëse ne nxjerrim në mocion mosbesimi
zv/kryeministrin Goran Rakiq, Qeveria edhe mund të bie. Pavarësisht kësaj, Kuvendi i Kosovës
duhet të jetë në një nivel tjetër, jo të politikave ditore dhe jo të varësisë së tij nga njerëz të tillë, të
cilët, tashmë e kanë shprehur, siç thatë ju, edhe qëndrime zyrtare se do të jenë në mbështetje te
politikës dhe të diplomacisë serbe kundër Kosovës, por ne në cilëndo situatë, edhe në këtë
situatë, ne znj. kryetare, e mbështesim këtë projekt-rezolutë dhe do ta votojmë, kurdo që ju ta
sillni për votim.
Sa i përket projektligjit për Ligjin anti-COVID, siç thatë edhe ju, ka qenë edhe kërkesë e
Gjykatës Kushtetuese, për marrjen e masave nga ana e Kuvendit të Kosovës, dhe ne e kemi
deklaruar edhe në mbledhjen e Kryesisë, edhe kur ka ardhur këtu, pavarësisht vonesave që i janë
krijuar dhe i janë shkaktua këtij projektligji, ne do ta mbështesim.
Kurse sa i përket projekt-rezolutës nga përfaqësuesja e Grupit Parlamentar Nisma-AKR, ne
kërkojmë harmonizim, sepse ne po njoftohemi me këtë projektrezolutë qysh tani, dhe nuk mund
ta mbështesim para se të diskutojmë me sponzorizuesin për këtë projektrezolutë.
Kështu që, dy pikat e para i mbështesim, për pikën e tretë kërkojmë koordinim.
KRYETARJA: Faleminderit! E lus deputeten Sopi-Krasniqi që t’ia dorëzojë administratës
kopjen e rezolutës, në mënyrë që ajo në formë elektronike t’ju shpërndahet deputetëve, bashkë
me dokumentet tjera.
Nga LDK, Faton Bislimi e ka fjalën.
FATON BISLIMI: Faleminderit, kryetare!
Të nderuar kolegë deputetë,
Në emër të Grupit Parlamentar të Lidhjes Demokratike të Kosovës, sa u përket dy
projektrezolutave të propozuar nga kryetarja e Kuvendit e para dhe e dyta nga Grupi Parlamentar
Nisma-AKR, ne kërkojmë që të dyja të jepen te deputetët me shkrim ose në mënyrë elektronike,
para se të votohen, në mënyrë që secili prej deputetëve ta ketë të qartë përmbajtjen e tyre.
Ndërkaq, sa i përket Ligjit anti-COVID, pasi nesër është në seancë e veçantë për diskutimin e
pandemisë, ndoshta ia vlen që edhe ligji në fjalë të procedohet për nesër dhe të diskutohen të
gjitha bashkë në seancën e nesërme. Faleminderit!
49
KRYETARJA: Vetëm një sqarim. Vota tani nuk është votë për përmbajtjen e rezolutave e as të
Ligjit anti-COVID. Thjesht, pajtim që të futen në rend të ditës, asgjë tjetër.
Pra, në qoftë se nuk futen në rend të ditës në këtë seancë, unë nuk e shoh problemin çka qenka
vonesa deri nesër e rëndësishme. Pra, në këtë seancë nuk do të vendosim përfundimisht për
përmbajtjen. Thjesht, e lejojmë Komisionin për Shëndetësi që ta merr përsipër ligjin, e
konstatojmë që ka nevojë për një ligj të tillë ose jo, mund të votoni kundër në qoftë se nuk e
shihni të nevojshëm, natyrisht se ekziston ajo mundësi, por jo tua mohojmë deputetëve të drejtë
në që të votojnë, sepse kjo është bërë që katër muaj.
Prej prillit, jemi duke tentuar që atë ligj, thjesht ta vendosim në rend të ditës, prej prillit. Që katër
muaj. Dhe, nuk ka asnjë arsyetim, tani që të kërkojmë vonesa shtesë, por megjithatë le të mbetet
kjo në ndërgjegjen e secilit.
Nga PKD-ja, fjalën e ka z. Bedri Hamza.
BEDRI HAMZA: Faleminderit, znj. kryetare!
Deklaratat e secilit përfaqësues të institucioneve të Kosovës, duhet të jenë korrekte, të
kujdesshme, joshqetësuese dhe duhet të jenë të vendosura në interes të shtetit të Kosovës dhe
brenda kornizave të Kushtetutës së Republikës së Kosovës dhe ligjeve të Kosovës.
Mirëpo, më duhet tua rikujtojë që nuk qëndron konstatimi se të gjitha qeveritë e Republikës së
Kosovës, kanë qenë të mbështetura dhe të votuara nga një subjekt politik, që është subjekt legal
në Republikën e Kosovës, Lista serbe, për shkak se Lista serbe, siç subjekt politik, nuk ka
ekzistuar as në vitin 2008 as në vitin 2011.
Prandaj, qeveritë të cilat, kryeministër e kanë pasur përfaqësuesin e Partisë Demokratike të
Kosovës, ish-kryeministrin, z. Thaçi, nuk kanë qenë të varura nga Lista serbe.
Sidoqoftë, ne si grup parlamentar, do t’i mbështesim me votë për, për t’u vendosur në rend të
ditës, pa paragjykuar votimin edhe diskutimet për këto çështje edhe sa i përket propozimit të parë
nga ju znj. kryetare edhe sa i përket ligjit që ka të bëjë me COVID, edhe sa i përket rezolutës së
propozuar nga deputetja e nderuar. Faleminderit!
KRYETARJA: Faleminderit! Nga grupet e tjera parlamentare, a e ka kërkuar dikush fjalën? Nga
AAK, Teuta Haxhiu me kartelë të Arbër Tolajt.
TEUTA HAXHIU: Faleminderit, kryetare!
Së pari për neve si Aleancë, çfarëdo që është me Kushtetutë, kërkojmë respektim të Kushtetues.
50
Personalisht, kryetare, duke e ditur rëndësinë e rezolutave e aq më tepër që nuk janë fare
obliguese për Qeverinë e Republikës së Kosovës, e kjo është fatkeqësi, sepse kemi me dhjetëra
rezoluta për të pagjeturit, të cilat do duhej ta kushtëzonin çdo bisedim në Bruksel, me çështjen e
të pagjeturve, asnjëherë nuk janë marrë parasysh nga asnjë qeveri, dhe ju këtë e dini fare mirë.
Për këtë edhe dje e kam bërë një reagim, ngase është fjalë koti. Andaj, rezolutat sa për të thënë
apo për të bërë pak politikë, mund të diskutojmë, por në fund të fundit nuk rregullojmë kurrgjë.
Çka unë do të mendoja, kryetare, ju më njohëse e Kushtetutës, unë personalisht do të të
mbështesja sikur ta ndërronim Kushtetutën e vendit edhe t’i tregohet vendi secilit, edhe komshiut
Rakiqit edhe tjetrit. Pra, cilido që vetëm një herë në fjalorin e vet, e përdor fjalën antikushtetuese,
por jo rezoluta koti.
Sa i përket ligjit të pandemisë, ne e kemi thënë çdoherë, cilido ligj që rregullon çështje janë me
interes për vendin, jemi për t’i diskutuar, jemi për t’i debatuar dhe jemi për t’i dhënë propozimet
tona konkrete.
Ndërkaq, e vetmja që jemi dakorduar dhe e kemi biseduar është rezoluta që u ngrit nga kolegia
Mirlinda Sopi. Pra, si grup parlamentar, kemi diskutuar gjatë dhe jemi dakord që kjo të futet si
pikë e rendit të ditës.
Pra edhe një herë, propozimi im është që Lista serbe, të hyjë në votime kur të vijë koha e
zgjedhjeve sikurse të gjithë deputetët edhe sikur kolegët tanë deputetë që janë nga Lugina e
Preshevës, në votimet në Serbi. Por, kur ta marrësh një iniciativë të tillë, kryetare, mua më ke
prapa.
Jo rezolutave të cilat mbesin vetëm sirtarë sa për të bërë paksa politikë, sepse secilit na duhet kujt
më pak e kujt më shumë, vetëm janë konsum ditor dhe asgjë më shumë.
KRYETARJA: Zonja deputete, me fyerjet tuaja në gati secilin seancë, unë tashmë jam mësuar.
Besoj se shumica e deputetëve këtu, të të gjitha grupeve parlamentare, përshirë edhe tuajin, e
dinë se për çfarë e kam fjalën.
Nuk mund të thuash, një rezolutë joobligative, e tjetra është obligative. Rezoluta është rezolutë, e
para. E dyta, unë e sqarova shumë mirë për disa sikurse ju që nuk po e kuptoni.
Rezolutat shprehin vullnetin politik të këtij Kuvendi. Në qoftë se vullneti yt politik, është që të
heshtësh kur një zv/kryeministër i Republikës së Kosovës thotë që do t’i bashkohem Vuçiqit, në
betejën e tij për Kosovën dhe Metohinë, në rregull, voto kundër kësaj rezolute. Por, në qoftë se
51
ke qëndrim politik kundër deklaratave të tilla, atëherë do ta shprehësh atë qëndrim politik
nëpërmjet kësaj rezolute. Pra, nëpërmjet kësaj rezolute, por ofendimet lëri anash.
Vazhdojmë me deklarimet e grupeve parlamentare. Nga Lista serbe e ka kërkuar fjalën z. Igor
Simiq. Igor Simiq e ka fjalën.
(Reagime nga salla)
Nuk është vendi këtu që të bërtasësh, znj. deputete.
IGOR SIMIĆ: Poštovana predsednice Skupštine,
Uvažene kolege poslanici,
KRYETARJA: Nuk ka të drejtë askush për replikë në këtë pjesë. Kur ta merrni fjalën për
përmbajtjen, mund të thoni çfarë të doni. Deputeti Igor Simiq. Të lutem, merre fjalën z. deputet,
sepse në mikrofon dëgjohesh.
Zoti Simiq, a po vazhdon, të lutem!
IGOR SIMIĆ: Molim vas, samo da mi se obezbedi mogućnost da iznesem svoj stav.
Samo želim da mi se obezbedi normalno obraćanje... Molim vas, da mi se obezbedi normalno
mogućnost za obraćanje, to je dužnost predsednice Skupštine.
KRYETARJA: Zoti deputet, ju po dëgjoheni shumë mirë. Kështu që mund të vazhdoni. Pra,
përkundër përpjekjeve që të pengohet puna e Kuvendit, ju mund të vazhdoni, sepse dëgjoheni.
IGOR SIMIĆ: Uvažena predsednice,
Svi ostali poslanici govorili bez da bilo ko priča paralelno sa njima tražim tu isto pravo i za sebe.
Hvala!
Prvo, poštovani kolege poslanici i poštovana predsednice, gospođo Osmani,
Želim da vas podsetim da kada ovako strasno napadate poslanike i ministre Srpske liste, da ste
na poziciju na koju ste sada došli isključivo zahvaljujući glasovima poslanika Srpske liste,
podsetiću vas da ste me u hodnicima ove zgrade jurili da obezbedimo deset glasova za vaš izbor.
I tada vam nije bilo upitna ni politika Srpske liste, ni devovanje bilo kog njenog člana. Odjednom
ste to promenilo, to vi može tek da objasnite.
52
Drugo, izjava koju ste pročitali predstavlja obmanu poštovane kolege poslanici i poslanice, jer
izjavu koju ste pročitalo nije dao gospodin Goran Rakić, predsednik Srpske liste.
Vi ste obmanuli poslanike, obmanuli ste javnost koja prati ovu sednicu, i to je neprimereno i
nedopustivo. Evo ja vas pozivam - nađite izjavu takvu gde je dao gospodin Rakić, video, audio
ili tekstualno sa njegovim potpisom, i ja ću on da razumeti.
Ovo nije istina. A na osnovu neistina se ne mogu predlagati rezolucije u ovoj Skupštini, jer se
time krši pravo poslanika da odlučuju u skladu sa svojim interesima.
Na kraju, vašim izborom za mesto predsednice Skupštine, mi nismo podržali lično vas, podržali
formiranje institucija kako bi te institucije radile u interesu građana, pa i građana srpske
nacionalnosti koje mi prestavljamo u ovoj Skupštini i koji su glasali za politiku Srpske liste.
Deset poslanika Srpske liste u ovom Parlamentu ne predstavljaju samo sebe lično, već
predstavljaju sve one građane koji su na legalnim demokratskim izborima izabrali nas za njihove
predstavnike, kako bi se njihov stav ovde danas čuo.
Dakle još jednom, pozivam sve kolege poslanike da odbace ovu rezoluciju jer je zasnovana na
neistinama. Gospodin Goran Rakić nije dao izjavu koju ste vi pomenuli i koju ste iskoristili kao
materijal za predlog ove rezolucije i ovako nešto jer nezabeleženo u parlamentarizmu do sada.
KRYETARJA: Vetëm grupet parlamentare do të deklarohen lidhur me këto tri propozime. Në
qoftë se hyn në rend të ditës, atëherë deputetët do të mund të deklarohen për secilin, për
përmbajtjen se secilës.
Zoti deputet, nuk keni asnjë nevojë që të paraqitni të pavërteta para këtij Kuvendi. E para, unë
kurrë në jetën time nuk e kam ndjekur askënd korridoreve për asnjë votë. Kjo është një
gënjeshtër e madhe nga ana juaj.
E dyta, deklarata të cilën e lexova, e të cilën e keni lëshuar në gjuhën serbe dhe atë angleze thotë
si vijon: Support president Vucic in the upcoming political and diplomatic fight for Kosovo and
metohia. Kjo është deklaratë e Listës serbe. Kryetar i Listës serbe është Goran Rakiq, përveç në
qoftë se e keni ndryshuar në ndërkohë.
Ndërkaq, në qoftë se kur më keni votuar, keni menduar që unë do të përkrahë këdo që i
bashkohet presidentit Vuçiq, në beteja politike e diplomatike, e keni pasur gabim.
Ju e thatë me të drejtë, keni thënë që po votojmë që të themelohen institucionet, por të gjithë e
dimë që s’keni votuar për mua si person, por për themelim të institucioneve.
53
Tani, pavarësisht asaj vote, ne sot po votojmë vetëm për ta futur në rend të ditës këtë rezolutë.
Në qoftë se deputetët nuk pajtohen me përmbajtjen e saj, natyrisht që e kanë të drejtën e plotë që
të deklarohen.
Nga Grupi 6+, nuk kemi të deklaruar.
Edhe një herë z. Hamza në emër të grupit parlamentar. Nuk e ka kërkuar fjalën. Po shkojmë me
votime. Në emër të grupit ka folur një herë nga AAK-ja.
Në emër të grupit keni folur. Tani do të shkojmë në proces të votimit dhe menjëherë pas votimit
do të marrim pauzë. Pra, me kërkesën e deputetëve dhe me rekomandim të institucioneve të
shëndetësisë, na duhet ta dezinfektojmë edhe një herë sallën dhe po ashtu ta ajrosim para se të
vazhdojmë me përmbajtjen.
Zilen, ju lutem, për deputetët që të ftohen në sallë.
Meqenëse jemi duke i pritur deputetët, po e lexoj një njoftim që e kemi marrë nga deputeti Haxhi
Shala.
Në mbështetje të nenit 20, paragrafi 2, të Rregullores së Kuvendit, deputeti Shala nga data 9
korrik 2020, është tërhequr nga Grupi Parlamentar i Nismës Socialdemokrate dhe i është
bashkëngjitur Grupit Parlamentar të Aleancës për Ardhmërinë e Kosovës.
Me këtë vendim të deputetit Shala, sipas nenit 20, paragrafit 3, të Rregullores së Kuvendit, Grupi
Parlamentar Nisma Socialdemokrate nuk ekziston më, dhe me këtë rast i humb të drejtat e
përcaktuar me rregulloren e Kuvendit siç janë; përfaqësimi në komisione parlamentare, hapësira
të nevojshme për zyrë, staf politik, si dhe pozicione të tjera.
Në lidhje me përfaqësimet në komisione që është gjashtë nga pozita dhe pesë nga opozita, do të
kërkohet ndërkohë, në qoftë se nuk ndryshon diçka në riformim të grupit parlamentar. Në qoftë
se ndryshon diçka, ju lus të na njoftoni. Faleminderit!
Atëherë po vazhdojmë. Kërkohet deklarimi me votim për tri plotësime të rendit të ditës. Po
shkojmë me plotësimin e parë. Pra, që pikë e parë të jetë propozim-rezoluta e propozuar nga unë,
sepse sipas radhës shkojnë. Dhe, në qoftë se hynë në rend të ditës, atëherë pastaj vazhdojmë me
të tjerat.
Ju lus të deklaroheni me votim. Kush është për? Faleminderit! Kush është kundër? A ka
abstenim? A po abstenoni, bile? Faleminderit!
54
Me 54 vota për, dhe 1 abstenim, nuk hyn në rend të ditës, sepse ka deputetë që s’kanë marrë
pjesë në votim, edhe pse në sallë ishin 79.
Po vazhdojmë me propozimin e dytë që Ligji për parandalimin...
E kemi një propozim që të përsëritet votimi. A kanë ardhur deputetë të rinj ndërkohë në sallë? Në
rregull. Edhe një herë, meqenëse s’na merr shumë kohë. Edhe një herë po e përsëritim, meqenëse
ka kërkesë.
Kush është për, që rezoluta të hyjë në rend të ditës? Faleminderit! A ka kundër? Nuk ka. A ka
abstenime? Përsëri, pak a shumë rezultati i njëjtë. 55 vota për, dhe 1 abstenim, rrjedhimisht nuk
hynë në rend të ditës.
Po vazhdojmë me propozimin e dytë. Propozimi i dytë është futja e Ligjit për parandalimin dhe
luftimin e pandemisë COVID-19.
Janë mbi 70 deputetë të pranishëm në sallë, mirëpo në votim kanë marrë pjesë vetëm 56
deputetë. Duhet që patjetër të marrin pjesë 61 deputetë dhe pastaj ta kemi shumicën e nevojshme.
Pra, meqenëse s’kanë marrë pjesë në votim, nuk kalon.
Shkojmë me propozimin e dytë, dhe në mënyrë që të kemi shmangie nga procedurat e gjata të
Kuvendit, për trajtimin e ligjit anti-COVID, i cili futet vetëm për lexim të parë, pra sot, dhe
pastaj i jepet kohë komisionit që ta trajtojë ndërmjet dy leximeve.
Kush është për? Faleminderit! Kush është kundër? A ka abstenime? Nuk ka as abstenime. I kemi
59 vota për, asnjë kundër dhe asnjë abstenim. Rrjedhimisht, as ligji nuk mund të hyjë në rend të
ditës, për shkak se nuk kanë marrë pjesë në votim një numër i deputetëve.
Pra, për fat të keq ky ligj duhet të trajtohet në procedura të stërzgjatura, edhe pse situata është
alarmante. Faleminderit!
Po vazhdojmë me propozimin e tretë, nga deputetja Mirlinda Sopi-Krasniqi. Nuk e di, në qoftë se
ndërkohë e kanë dërguar, sepse nuk kam arritur ta shoh rezolutën.
Deputetë, a jeni gati për votim apo ka nevojë që t’ju pres? Jeni gati! Kush është për?
Faleminderit! Kush është kundër? Nuk ka kundër? A ka abstenime? Nuk ka abstenime.
Ju lus, administrata që ta sillni rezultatin. Janë 82 vota për. Rrjedhimisht, kjo pikë e rendit të
ditës futet si pikë e parë, menjëherë pasi të kthehemi nga pauza.
55
Të nderura deputetë,
Nga grupi i grave deputete është kërkuar që pauza të zgjasë së paku dy orë, meqenëse e kanë
zgjedhjen e kryetares së grave, sot.
Kështu që, tash është ora 14:30, i lusim që ta përfundojnë deri në 16:00, në procedura të
përshpejtuara me ndihmën e Administratës, në qoftë se ka nevojë. Pra, në orën 16:00 kthehemi
për t’i trajtuar pikat e rendit të ditës.
* * *
56
Vazhdimi i mbledhjes, pas pauzës
Mbledhjen e drejton nënkryetarja e Kuvendit, znj. Arbërie Nagavci.
KRYESUESJA: Të nderuar deputetë,
Të pranishëm në sallë janë 62 deputetë.
Vazhdojmë seancën.
Si pikë e parë e rendit të ditës së kësaj seance është:
1. Shqyrtimi i propozim-rezolutës për unitet politik e qytetar në mbrojtje të vlerave të
popullit të Kosovës.
Ftoj deputeten Mirlinda Sopi-Krasniqi që në cilësinë e propozueses të paraqesë propozim-
rezolutën.
MIRLINDA SOPI-KRASNIQI: Faleminderit, kryesuese!
Ashtu qysh e propozova edhe para rendit të ditës, konsiderojmë se shqyrtimi i kësaj draft-
rezolute është i natyrës urgjente. Prandaj, edhe përfshirja e saj në rendin e ditës ishte
jashtëzakonisht e rëndësishme. I falëndëroj të gjithë deputetët dhe kolegët që votuan pro kësaj
pike.
Po kërkoj shumë që nga të gjithë deputetët që janë në sallë të miratohet me votat e të gjithë atyre
kjo rezolutë, sepse është jashtëzakonisht e rëndësishme që të kemi një unitet karshi asaj se çka
propozova më herët. Faleminderit!
KRYESUESJA: Faleminderit, deputetja Krasniqi!
Atëherë ftoj përfaqësuesit, kryetarët e grupeve parlamentare që me radhë të paraqiten për
diskutim.
Ju lutem, kushdo që jeni të interesuar për të marrë fjalën të lajmërohet, aktualisht nuk është
askush i lajmëruar.
Deputeti Ismet Beqiri, nga LDK-ja.
ISMET BEQIRI: Faleminderit, zonja nënkryetare!
Kolegë të nderuar,
Ashtu siç u paraqit nga kolegia deputete teksti i kësaj rezolute, pa dashur të lëshohem më tepër,
unë vetëm po e transmetoj qëndrimin e Grupit Parlamentar të Lidhjes Demokratike të Kosovës,
ashtu siç ishim që kjo të futet në rend të ditës, po ashtu ne kemi qëndrim që këtë rezolutë edhe ta
votojmë.
57
Mendojmë nga ajo që e kemi parë edhe që u lexua është mjaft përmbajtësore dhe mendojmë që i
plotëson të gjitha konditat që si e tillë edhe të votohet. Prandaj, grupi ynë parlamentar do ta
votojë rezolutën në fjalë. Faleminderit!
KRYESUESJA: Faleminderit! Nga Grupi i AAK-së është paraqitur deputetja Time Kadrijaj.
TIME KADRIJAJ: Faleminderit, nënkryetare!
Prokuroria e Dhomave të Specializuara ka nisur punën në mënyrë më të dëmshme të mundshme,
në mënyrë më të paimagjinueshme duke thyer e shkelur çdo ligj, procedurë e etikë të punës.
Aktakuzat e pangritura po i përdor si kërcënim ndaj luftëtarëve të UÇK-së me qëllime politike.
Kjo prokurori dhe kjo gjykatë ka bërë të qartë se ka devijuar nga misioni për drejtësi, nëse kjo
gjë ka qenë ndonjëherë mision i saj.
Ndërkohë që Kosova ndodhet në një situatë të tillë ku rrezikohet stabiliteti i saj, brenda ende
vazhdon loja e kalkulimit politik për ripozicionime në situatën e re, ku Kosovës mund t’i
mungojnë në skenën politike luftëtarët që mund të thirren në procese gjyqësore nga kjo gjykatë.
Ka një refuzim të çuditshme për të kuptuar se Specialja e shndërruar në instrument të fuqishëm
politik të dikujt dhe se përndjekja politike nga kjo gjykatë mund t’i ndodhë secilit që mund të
mos jetë në shërbim të qëllimeve të këtij faktori të fuqishëm prapa saj. Tashmë është gjë e
dëshmuar se kjo gjykatë është e politizuar.
Gjykata Speciale e themeluar me votat e këtij Kuvendi nuk u jep llogari institucioneve të
Kosovës, e as që u shërben atyre. Kjo kreaturë e pazakontë për drejtësi normale nëpër botë
vepron ashtu siç i konvenon Serbisë e Rusisë, duke provuar që kasaphanën që e ka shkaktuar
Serbia në Kosovë ta paraqesë para botës si një luftë ku krimet më të mëdha i kanë kryer
shqiptarët e Kosovës. Kjo është një tragjedi për shtetin e kombin tonë.
Për përfitime minimale politike ndoshta dikush e sheh si mundësi thirrjen e krerëve të Ushtrisë
Çlirimtare në intervistimin e paralajmërimit për aktakuza, por dëmi që po i bëhet imazhit të
UÇK-së në botë si fundament i lirisë dhe pavarësisë së Kosovës e dëmton drejtpërdrejt dhe
subjektivitetin ndërkombëtar të Kosovës.
Le ta harrojë dikush se Kosova përfiton diçka nga ndjekja e Thaçit dhe Veselit nga kjo gjykatë
për rolin e tyre në UÇK, sepse nuk po ndiqen vetëm ata, po ndiqet e tërë Kosova. Nesër mund të
ndiqet secili që ka qenë vetëm një ditë në UÇK për një qëllim, jo zbatimin e drejtësisë, po
shtrembërimin e saj.
58
Kur flasim për drejtësinë, ajo nuk vepron kundër Serbisë tash e dy dekada. Shteti gjenocidial i
Milosheviqit i trashëguar te shërbëtori Vuçiq ende mban të fshehur fatin e 1500 shqiptarëve të
rrëmbyer në luftë. Ndoshta shumë prej tyre janë të vdekur dhe Serbia mban kockat e tyre në
ndonjë varrezë masive duke ua djegur zemrat nënave kosovare që s’kanë as varre ku t’i qajnë
bijtë e tyre. E ndoshta ndonjëri prej tyre është gjallë dhe mbahet në ndonjë kazamat në Serbi.
Ende kemi plagët e hapura, ende kemi të gjalla gratë e përdhunuara, ende kemi të gjallë invalidët
e luftës, sepse kemi të gjallë dëshmitarët e tmerreve serbe në Kosovë.
Serbia kurrë nuk ka bërë një hap prapa për të marrë një përgjegjësi minimale për atë që ka
shkaktuar në Kosovë e në Ballkan.
Ajo ka vazhduar luftën me të gjitha kapacitetet e saj, ndërkohë që ne paradoksalisht e kërkojmë
pajtimin. I ka luftuar pavarësinë, njohjet, ekonominë, integrimin tonë, tash po lufton lirinë e
luftëtarëve të UÇK-së, sepse hapat prapa i kemi bërë ne. Jemi zmbrapsur në të drejtën tonë.
Thirrja ime është për unitet, çka na ka bërë edhe më të dobët përballë Serbisë. Në kohëra të
vështira, kemi ditur të bëhemi gjithmonë bashkë, kjo është e vështirë për Kosovën, ndonëse
dikush mund të mos pajtohet. Andaj, ne e përkrahim këtë rezolutë dhe do ta votojmë.
KRYESUESJA: Faleminderit, zonja Kadrijaj! Fjalën e ka shefi i Grupit Parlamentar të Lëvizjes
Vetëvendosje, deputeti Rexhep Selimi.
REXHEP SELIMI: Faleminderit, nënkryetare!
Duhet të sqaroj se ne e mbështetëm të futet në rend të ditës kjo pikë për ta shqyrtuar këtë projekt-
rezolutë. Po kjo nuk nënkupton që ne e mbështesim këtë projekt-rezolutë ashtu siç është. Nuk do
të thotë se po ashtu nuk e kemi kuptuar se si ka ardhur kjo projekt-rezolutë në këtë seancë. Nuk
është që i ra ndërmend zonjës Sopi sot në pikë të ditës që ta sjellë në këtë seancë, por mirë edhe
rruga prej nga ka ardhur madje ka një kuptim. E pikërisht ashtu siç ka ardhur, unë do t’ia jap
edhe përgjigjet.
Rezoluta për ironi ndoshta do të duhej të përfshinte kundërshtimin ndaj padrejtësisë, por po ashtu
edhe kundërshtimin ndaj atyre që sollën këtë padrejtësi, nëse është padrejtësi ashtu siç kemi
thënë sa e sa herë Gjykata Speciale.
A nuk jeni shumë prej jush që këtë padrejtësi e keni sjellë vetë më 2015 këtu. Nëse keni menduar
që 3 gushti 2015 sjell diçka tjetër, e keni pasur gabim, sepse gjykatat për këtë punë krijohen.
Por, kam disa pyetje ndoshta për sponsorizuesin, kushdo që të jetë ai për secilën pikë veç e veç,
prej pikës së parë deri te pika dhjetë.
59
Për atë çka e trajton pika e parë në draft-rezolutë unë kam një pyetje. A nuk e keni ditur edhe
atëherë në vitin 2015 që shteti serb ka kryer spastrim etnik.
Për pikën dy, a nuk e keni ditur edhe atëherë që ka ende të pagjetur, siç ka edhe sot?
Për pikën tre, a vetëm tani ju ra ndër mend që t’ia rikujtoni bashkësisë ndërkombëtare mungesën
e drejtësisë ndaj veprimeve të shtetit serb në Kosovë? E në ndërkohë, çfarë përpjekjesh ka bërë
Kosova kundër krimeve serbe deri këtu? Madje, as premtimet publike nuk u mbajtën, sepse ka
pasur premtime publike që do ta padisim Serbinë për gjenocid.
Për pikën katër, a vetëm tash po ju bie ndër mend rasti “Panda”? Pse nuk ju kujtua ky rast edhe
në vitin 2015, kur ne e kundërshtonim themelimin e kësaj gjykate?
Për pikën pesë, pse nuk ishit kaq të gatshëm që ta mbroni pastërtinë e luftës së UÇK-së edhe
atëherë kur ne kërkonim ta bëni një gjë të tillë?
Për pikën gjashtë, përse nuk po ju bie ndërmend vendimi i GJND-së, që këtyre ju paska rënë
ndërmend, edhe kur po bisedoni me Serbinë, sepse vendimi i GJND-së kishte të bënte më shumë
për statusin e Kosovës, e këtë status të Kosovës ju po e kontestoni në bisedimet me Serbinë.
Për pikën shtatë, a nuk e keni kuptuar edhe më herët që Serbia nuk është bashkëpunuese kur
bëhet fjalë për t’i dënuar krimet që i ka bërë në Kosovë, dhe ishte shumë bashkëpunuese me
sponzorizuesit e Gjykatës Speciale në vitin 2015.
Për pikën tetë, pse tash, e jo më herët po kërkoni që Dhomat e specializuara të jenë ‘fer’ dhe të
paanshme?
Për pikën nëntë, a vërtet nuk po e dini përse është bërë publikimi i aktakuzës? Ata madje na
treguan me paragrafët e fundit të komunikatës dhe deklaratës së tyre në momentin kur e
publikuan këtë aktakuzë.
Dhe, për pikën dhjetë, pse nuk kërkuat unitet në vitin 2015 për ta mbrojtur pastërtinë e Ushtrisë
Çlirimtare të Kosovës, por kërkonit unitet pikërisht për ta bërë të kundërtën, për ta votuar
Gjykatën Speciale? A nuk ishte UÇK-ja e pastër edhe atëherë kur ju kërkonit që kjo gjykatë do ta
pastrojë luftën e drejtë të Ushtrisë Çlirimtare të Kosovës.
Pra, a nuk e sollën vetë këtë gjykatë, nga e cila tash po ankohemi. Nuk do të duhej të kishte
standarde të dyfishta askush kur bëhet fjalë për një diçka kaq të rëndësishme, e sidomos për
luftën e drejtë të popullit shqiptar në Kosovë.
60
Nëse ju kujtohet në atë kohë Qeveria e Kosovës ka qenë sponsorizuese e kësaj gjykate speciale,
edhe e di unë. Në atë kohë presidenti i sotëm ishte kryeministër atëherë që shumë prej jush e keni
si lider suprem, e a nuk ju thoshte atëherë lideri suprem që kjo gjykatë s’ka të bëjë me UÇK-në,
por me individët. A nuk ju patët bindur shumë prej jush për ta votuar, duke thënë se kjo gjykatë
po bëhet për ta pastruar luftën e drejtë të Ushtrisë Çlirimtare të Kosovës.
Kështu që ne e duam këtë debat, ne e duam edhe rezolutën, madje edhe jua kujtojmë shumë
rezoluta janë nxjerrë në këtë Kuvend të Kosovës edhe për temën e njëjtë, edhe për materien e
njëjtë, por nëse ju nuk e keni ditur se gjykata themelohet për t’i gjykuar, e keni pasur gabim. Ata
për fat të keq të dikujt nuk ishin gjykatës që mund të shkarkohen nga Pronto, është e kundërta,
ata edhe të shkarkojnë.
KRYESUESJA: Faleminderit! Nga PDK-ja është lajmëruar për fjalë shefi i Grupit Parlamentar,
zoti Bedri Hamza dhe pastaj Mirlinda Sopi-Krasniqi.
Të flasin fillimisht shefat e grupeve parlamentare dhe pastaj replika. Zoti Hamza, fjala për ju.
BEDRI HAMZA: Faleminderit, nënkryetare e Kuvendit!
Dëshiroj të shpreh vlerësimin e Grupit Parlamentar të Partisë Demokratike për iniciativën dhe
propozimin e rezolutës nga deputetja Mirlinda Sopi-Krasniqi.
Një rezolutë me një tekst përmbajtjesor gjithëpërfshirës, shumë korrekt dhe ne duke e ditur
rëndësinë e çështjes për të cilën po bisedojmë, gjithmonë insistojmë në ata që për çështje të
caktuara, të cilat e tejkalojnë nivelin politik dhe interesin politik të subjekteve politike në
Kosovë, po janë të nivelit dhe të rëndësisë shtetërore dhe kombëtare. Uniteti është i nevojshëm
dhe kurrë nuk është i tepërt dhe kurrë nuk është vonë që të kërkohet unitet për çështje të
caktuara.
Prandaj, ashtu siç e përkrahëm për ta futur në rend ditës, Grupi Parlamentar i Partisë
Demokratike do ta përkrahë edhe me votim. Faleminderit!
KRYESUESJA: Faleminderit, zoti Hamza.
Deputetja Sopi-Krasniqi.
MIRLINDA SOPI-KRASNIQI: Faleminderit, kryesuese!
Zoti Selimi, unë për vitin 2015 nuk jam përgjegjëse, të gjitha pyetjet që m’i keni drejtuar sot, unë
jua kam drejtuar juve qe sa vjet. Andaj, që deshi fati të vij unë deputete në vitin 2020 dhe të
propozoj këtë projekt-rezolutë, po kërkoj nga ju sot që të bëheni fer, t’i lini demagogjitë dhe
fjalët boshe, hajde të bëhemi bashkë, unikë kur është në pyetje çështja kombëtare në raport me
Serbinë. Faleminderit!
61
KRYESUESJA: Kundër-replikë, deputeti Selimi.
REXHEP SELIMI: Mirlindë, seriozisht nuk ishin këto pyetje për ty. Kështu që më fal nëse e ke
marrë, se s’janë për ty, seriozisht këto pyetje që unë i shtrova nuk janë për ty dhe të kisha lutur
mos i merr për vete, nëse e ke ndier se janë bërë pyetje për ty, unë veç po të siguroj që të tjerë
janë ata që më kanë kuptuar, jo ti.
KRYESUESJA: Faleminderit! Deputeti Hajredin Kuçi është lajmëruar për fjalë, deputeti Daut
Haradinaj, e ka fjalën.
DAUT HARADINAJ: Faleminderit, kryesuese!
Kërkojmë falje më së pari se po krijojmë keqkuptime, por ju e dini që nuk kemi hapësirë atje dhe
mundësi për t’iu drejtuar Kuvendit, për këtë arsye e shfrytëzova kartelën.
Unë kisha pasur dëshirë fillimisht të shpreh shqetësim që si kryetarja e Kuvendi votoi kundër
mocionit për futjen e kësaj rezolute, është e çuditshme dhe mendoj që do ta gjejë formë të
arsyetimit, sepse tash e sa kohë po na lut për unitet e nuk votoi dhe mendoj që gaboi.
Të gjithë e dimë se personalisht kam qenë kundër, edhe jam prapë kundër kësaj gjykate, e kemi
quajtur të njëanshme dhe mendoj që është e njëanshme, por sot nuk mendoj që është momenti i
përshtatshëm që të hedhim gurë mbi njëri-tjetrin që kush më shumë ka faj apo kush më shumë ka
meritë se në çfarë situate jemi.
Një aktakuzë e ngritur apo tendencë për t’u ngritur nga një prokuror, i cili publikon akoma pa u
konfirmuar, është shkelje flagrante dhe ky Kuvend e ka përgjegjësinë ta trajtojë këtë sjellje.
Po ashtu ftesa që i ka ardhur presidentit është në të njëjtën kohë pasi është dorëzuar aktakuza
ftohet i dyshuari, pra edhe këtu ka shkelje.
Po ashtu, publikimi i një letre puro politike është shkelje e llojit të vet, kemi këtu juristë, të cilët
nuk e di pse po heshtin, po këta duhet ngritur zërin, ky është një realitet i ri. Të gjithë ata që kanë
votuar kundër, e mbajnë në mend çfarë situate kemi qenë, të gjithë ata që kanë votuar për, e
shohin që e kanë pasur gabim, por unë mendoj që është një moment i përshtatshëm për një
unifikim të faktorit politik shqiptar, ta ngremë zërin fuqishëm, të kërkojmë drejtësi për viktimat
në Kosovë, t’i dëshmojmë edhe botës që krimet janë kryer prej agresionit serb, saktësisht prej
Milosheviqit dhe aparaturës së tij dhe të njëjtën kohë t’u dalim zot njerëzve që kanë nevojë sot.
Edhe këtë e kemi përgjegjësi si deputetë, si institucione, po edhe si qytetarë të Republikës së
Kosovës. Gjithë ata që mundohen sot të përfitojnë poenë, atëherë unë atyre lirisht u kisha thënë
62
se gjithmonë historinë e kemi krijuar, qoftë ata personale në të kaluarën dhe tash po tentoni të
krijoni fuqi, qoftë politike apo diçka tjetër në kurriz të tjerëve.
Kështu që është moment historik, bashkoni forcat, të dëshmojmë edhe sot që jemi unikë përballë
Serbisë, sepse drejtpërdrejt kemi punë me Serbinë. Faleminderit!
KRYESUESJA: Faleminderit, zoti Haradinaj! Për procedurë, shefi i Grupit Parlamentar të
Lëvizjes Vetëvendosje, deputeti Rexhep Selimi.
REXHEP SELIMI: Besoj që më kuptuat që edhe vota jonë për të ardhur deri këtu është
gatishmëri që ne ta trajtojmë dhe të kemi rezolutë në materien që po trajtojmë.
Po ne për ta mbështetur këtë, do të duhej të konsultoheshim për harmonizim dhe pastaj kur të
harmonizohen, nëse ju keni harmonizuar se po duket që paraprakisht ju e keni harmonizuar, ju
grupet e tjera parlamentare, po nëse doni mbështetjen, atëherë me vullnetin tonë do ta
mbështesnim nëse do të ishte harmonizuar dhe koordinuar.
Kemi shumë vërejtje në shumë pika, kemi vërejtje përmbajtjesore dhe konceptuale gjithsesi.
Kështu që nëse sponsorizuesi është i gatshëm ta harmonizojmë, atëherë ne mund të afrojmë
kontributin tonë, nëse nuk janë të gatshëm të harmonizojmë, atëherë ne po shohim se si jeni
harmonizuar ju.
KRYESUESJA: Faleminderit, zoti Selimi!
Ftoj propozuesen që të deklarohet në lidhje me mundësinë e harmonizimit të kësaj rezolute dhe
në ndërkohë, derisa Mirlinda të marrë fjalën për hir të korrektësisë edhe transkriptit, zoti
Haradinaj, nuk është e vërtetë që kryetarja ka votuar kundër, veç të qartësohet kjo. Pra, s’ka
votuar kundër kësaj rezolute, gjegjësisht s’ka votuar kundër që të hyjë në rend të ditës.
MIRLINDA SOPI-KRASNIQI: Faleminderit, kryesuese!
Unë para pauzës propozova një rezolutë dhe sqarova qartë atë çka kam dashur të them, ftova nga
të gjitha grupet parlamentare të gjejnë mbështetje dhe të kalojë, të hedhet në votim, nëse ka
mbështetjen, le të shkojë kështu, nëse jo, atëherë për një seancë tjetër do të ulemi të gjitha grupet
parlamentare do të dakordohemi për një rezolutë të re, ku do të përpilohet një tekst i ri edhe
mandej vazhdojmë më tutje me seanca të tjera.
Unë po mendoj që duhet të hedhet në votim menjëherë, sepse nuk ka çka të diskutohet më tutje,
ose të tërhiqet në tërësi dhe të shohim të përpilojmë tekst tjetër.
63
KRYESUESJA: Faleminderit, zonja Sopi, ju si propozuese na tregoni sa a dëshironi të
harmonizohet apo dëshironi të tërhiqet krejtësisht për një shqyrtim më tutje. Propozuesja e ka
fjalën, ju të tjerët mos i ndërhyni.
MIRLINDA SOPI-KRASNIQI: Kryesuese!
Unë thashë që rezoluta është e natyrës urgjente dhe duhet të votohet sot, nëse kalon, kalon, nëse
nuk kalon, s’kalon, nuk është asgjë. Faleminderit!
KRYESUESJA: Janë lajmëruar për fjalë zoti Ismet Beqiri dhe zoti Rexhep Selimi. Zoti Selimi.
REXHEP SELIMI: Më fal, Ismet!
Nuk po di qysh po kërkoni unitet para se të ulemi e ta harmonizojmë, këtë s’e kuptova mirë.
Dhe të dytë, nuk po e kuptoj urgjencën. Nëse sponsorizuesi është i gatshëm që të ketë unitet, e
gjithë Parlamenti i Kosovës, atëherë do të duhej që të pranonte kontributin edhe të grupeve të
tjera parlamentare.
Nëse është për ngutë, diçka edhe është urgjente, le të na thuhet pse është urgjente. Kështu që ne
parakusht për ta mbështetur këtë e kemi koordinimin dhe bashkëpunimin dhe nuk mund të
kërkohet bashkëpunimi as unitet nëse paraprakisht mohohet harmonizimi me grupet e tjera
parlamentare.
Kështu që, edhe një herë po them me Lëvizjen Vetëvendosje nuk jeni koordinuar më herët, me të
tjerat ndoshta, jeni koordinuar më herët dhe kjo një herë po e vërteton atë çfarë thashë në fillim
lidhur me burimin e kësaj rezolute.
KRYESUESJA: Faleminderit! Janë lajmëruar për fjalë zoti Ismet Beqiri dhe pastaj Hajredin
Kuqi dhe Memli Krasniqi, më falni, Dauti.
ISMET BEQIRI: Faleminderit, kryesuese!
Unë e thashë qëndrimin e Grupit Parlamentar të LDK-së, tekstin e kemi parë, unë nuk dua të
lëshohem në atë se kush dha vërejtje për secilin pikë, sepse është e drejtë e tyre, e secilit deputet
prej secilit grup.
Ne si Grup Parlamentar pajtohemi që ky tekst si është njëkohësisht edhe kërkojmë meqenëse e
tha edhe propozuesja, që teksti si i tillë të hedhet në votim. Faleminderit!
KRYESUESJA: Faleminderit! Deputeti Daut Haradinaj e ka fjalën. Regjia, ju lutem me kartelë
të Hajredin Kuçit.
64
DAUT HARADINAJ: Faleminderit, nënkryetare!
Po kërkojmë unitet, ishte fjala rreth përmbajtjes së kësaj rezolute dhe shefi i Grupit Parlamentar,
zoti Selimi, unë nuk e dëgjova që kishte vërejtje gjatë fjalimit të tij në përmbajtjen e rezolutës, e
mendoj që ka kohë të mjaftueshme të lexohej, po në rast se nuk janë dakord, unë mendoj që kjo
përmbajtje të hedhet në votim dhe të mbarojë kjo si temë diskutimi. Faleminderit!
KRYESUESJA: Faleminderit, zoti Haradinaj!
Fjala për Memli Krasniqin.
MEMLI KRASNIQI: Faleminderit, kryesuese!
Nuk do të ishte mirë që edhe për një çështje, edhe të ndjeshme, edhe të rëndësishme, edhe shumë
të vlefshme të krijohen paragjykime, të cilat nisen nga mospajtimet politike që i kemi, por
mospajtime politike unë nuk besoj që do të duhen në çfarëdo forme të reflektojnë si mospajtime
në lidhje me këtë rezolutë dhe përmbajtjen e saj që ka në thelb vlerat më sublime të popullit tonë
dhe të luftës së UÇK-së.
Zoti Selimi, ju thatë që çysh po mundeni ta mbështetni, po ta përkujtoj që para kësaj rezolute ne
e mbështetëm edhe një rezolutë të Vjosa Osmanit, kryetares së Kuvendit, as atë rezolutë nuk e
kemi parë deri sot. Edhe ajo është çështje shumë më pak urgjente se sa tema, të cilën po e
trajtojmë këtë pikë. E mbështetëm përfshirjen edhe votimin e rezolutës kundër deklaratës së
Goran Rakiqit, edhe ajo s’pati ndonjë koordinim, puna e deputetëve ma merr mendja dhe e
grupeve parlamentare është të veprojnë edhe politikisht, nuk ma merr mendja që për çështjen e
Ushtrisë Çlirimtare të Kosovës na duhet mbajtur tash këtu seminare për të vendosur çka është e
drejtë e çka s’është e drejtë, atë ma merr mendja secili qytetar i Kosovës e di.
Përmbajtja e rezolutës është absolutisht shumë korrekte, nëse e kishim shkruar secili grup
parlamentar veç e veç, ma merr mendja e kishim shkruar secili pak më ndryshe, dikush e kishte
shkruar qysh i pëlqen, dikush qysh e përjeton, dikush tjetër qysh e percepton dhe normale është
të ketë ndryshime, por unë edhe në atë fjalën tuaj nuk e pashë që patët ndonjë kundërshtim me
përmbajtjen, sepse s’besoj që mund të ketë dikush kundërshtim me përmbajtjen e kësaj rezolute.
Ju mund të thoni që mund ta bëni më të mirë, s’ua mohoj që ndoshta edhe mundeni, mundemi
ndoshta edhe ne nëse e kishim bërë vetë, edhe secili deputet, por tash jemi në një moment ku unë
sinqerisht ju kisha ftuar mos u ndani prej mbështetjes së kësaj rezolute, meqenëse të gjitha grupet
parlamentare e shprehën mbështetjen.
Ma merr mendja që miratimi i kësaj rezolute megjithatë do të ishte nder për secilin prej neve si
deputet që e kemi mundësinë të votojmë, edhe për Kuvendin e Kosovës, edhe do të ishte edhe
një mesazh i mirë për qytetarët e vendit që të dalim si Kuvend të unifikuar edhe në mbështetje të
përmbajtjes së kësaj rezolute dhe kam shpresë shumë të madhe, por edhe ju lus publikisht që të
mos ndaheni si Lëvizje Vetëvendosje prej mbështetjes së kësaj rezolute, e cila në fund të fundit
65
edhe titullin e ka për unitet politik e qytetar, mbrojtje të vlerave të popullit të Kosovës. Nëse
politika na ndan, vlerat e popullit tonë nuk do të duhej të na ndajnë asnjëherë asnjërin.
Faleminderit!
KRYESUESJA: Faleminderit! Replikë, zoti Selimi!
REXHEP SELIMI: Memli, dy herë e dëgjova së paku që është shumë urgjente, s’po e kuptoj
urgjencën në radhë të parë, na thoni pse është urgjente që duhet bërë sot e jo nesër? E dyta, pse
po kërkoni bashkëpunim e po refuzoni harmonizim, edhe këtë s’po ju kuptoj dhe po ashtu, po
kërkoni unitet pa bashkëpunim. Ne thjesht, ti dëgjove çka thashë, pra me këtë rezolutë do t’i
them sidomos Grupit Parlamentar të PDK-së, me këtë rezolutë nuk shlyhet vota për Gjykatën
Speciale të 2015-ës, kot e keni.
Andaj, ne si Grup Parlamentar i Lëvizjes Vetëvendosje mbetemi në pozitat e njëjta siç kemi qenë
në 2015-ën, nëse do ta mbështesim këtë rezolutë, siç na e keni sjellë dhe gatuar kështu, ne
lëvizim nga pozicioni i 2015-ës, prandaj për të mos lëvizur nga pozicioni i 2015-ës, unë kërkova
që ju ta respektoni bashkëpunimin e Lëvizjes Vetëvendosje. Nëse nuk e doni, atëherë thjesht ne
ju shikojmë edhe ju mund të vazhdoni ashtu siç jeni dakorduar. Prandaj, në shërbim të atij
qëndrimi ne sot nuk mund ta mbështesim këtë projekt-rezolutë të paharmonizuar, sepse kemi
probleme konceptuale me atë çfarë përfaqëson Lëvizja Vetëvendosje, e sidomos me atë
deklarime e qëndrimet politike të Lëvizjes Vetëvendosje, ju kujtoj një herë më 3 gusht 2015. Ne
atëherë kemi folur, prandaj nuk e di pse po duhet kaq shumë të riflasim edhe një herë qëndrimin
e Lëvizjes Vetëvendosje. Ne atëherë ju kemi treguar se çka sjell kjo, tash na tregoni ju se çka
mund të ndryshoni me një rezolutë prej votimit tuaj të Gjykatës Speciale në 2015.
KRYESUESJA: Kundër-replikë, deputeti Krasniqi!
MEMLI KRASNIQI: Zoti Selimi, nëse e ke lexuar saktësisht rezolutën, asnjë gjë nuk jemi kah
duam ta ndryshojmë, as nuk jemi duke e mohuar, as duke e ndryshuar votën tonë në vitin 2015,
absolutisht. Ne nuk i ndërrojmë qëndrimet tona, qëndrimet tona janë të ditura edhe për sa i përket
kësaj çështjeje, këtij procesi. Sot, rezoluta ka të bëjë me diçka që shkon përtej asaj vote, sot ka të
bëjë me një mbështetje të unifikuar të politikës së Kosovës, Kuvendit edhe qytetarëve të vendit
tonë për këtë proces që ka filluar. Mund të keni rezervat tuaja, unë mund të mos i kuptoj, ju
mund të keni të drejtë, qoftë mirë, qoftë gabim, por ju njoftova që të mos ndaheni vetëm ju,
meqenëse krejt grupet parlamentare i dhanë mbështetje tekstit që unë konsideroj është shumë i
mjaftueshëm edhe i mirë për temën që po e trajton.
KRYESUESJA: 10 sekonda Rexhep Selimi, me mirëkuptimin e kolegëve.
66
REXHEP SELIMI: Zoti Krasniqi, ju na ftuat që të mos ndahemi, zoti Krasniqi jemi ndarë në
2015-tën.
KRYESUESJA: Fjalën e ka kërkuar deputeti Liburn Aliu dhe pastaj Daut Haradinaj. A ke
replikë, a çka? Replikë me mua?! Urdhëro! Deputeti Haradinaj replikë me mua!
DAUT HARADINAJ: Për hir të opinionit publik kërkoje transkriptin dhe deklaro publikisht
çfarë votimi ka bërë Kryetarja e Parlamentit të Kosovës, zonja Osmani, dhe t’u kisha lutur, nuk
je në përgjegjësinë e zëvendëses së zonjës Osmani, por je kryesuese dhe moderuese e seancës.
Kaq kisha!
KRYESUESJA: Po, thonë që s’bën të lihet karriga vetëm, atëherë po flas prej këtu. Faleminderit,
zoti Haradinaj! Pra, unë konstatova dhe qëndroj pas asaj që konstatova, se zonja Osmani nuk ka
votuar kundër që kjo rezolutë të hyjë në shqyrtim sot dhe votimi deri më tani ishte që të hyjë në
shqyrtim, në rend të ditës dhe për hir prapë të qytetarëve dhe të transparencës duhet ditur që ne
nuk kemi pasur paraprakisht tekstin e rezolutës, nuk e kemi ndarë me të tjerët, madje edhe këtu
vetëm se u lexua në shpejtësi dhe u kërkua që të futet në rendin e ditës.
Fjalën e ka kërkuar deputeti Liburn Aliu!
LIBURN ALIU: Çështja e vlerave të luftës çlirimtare të popullit tonë është çështje me të vërtetë
e ndjeshme dhe këto çështje nuk mund të kalohen ashtu shpejt e shpejt. Prandaj, nëse na vjen një
rezolutë për një çështje kaq të rëndësishme dhe kërkohet unitet për ta votuar aty për aty, kjo është
gabim.
Unë jam që të bëhet një rezolutë e tillë dhe jam që të bëhet një rezolutë jashtëzakonisht e fortë,
qysh janë bërë edhe në të kaluarën. E kemi këtu një rezolutë në vitin 2019, që është miratuar, e
cila ka të bëjë me vlerat e luftës çlirimtare të popullit tonë, e cila për nga përmbajtja është
jashtëzakonisht në nivel dhe ajo që do të doja është që rezolutën që e votojmë sot të jetë po ashtu
në nivel, këtu janë disa gabime për të cilat besoj që në të ardhmen nuk do të kishim dashur që të
merremi pastaj me to. Po duke pasur parasysh gjykimin ndaj viktimës dhe ndërprerjen e ndjekjes
së krimeve të agresorit nga bashkësia ndërkombëtare, është aq shprehje e përgjithshme, që
bashkësia ndërkombëtare qenka duke ndjekur autorët e, një përgjithësim aq i pamatur sa që nuk
do të duhej të kalonte kësisoj. Nëse ne themi që bashkësia ndërkombëtare qenka komplet, duke i
ndjekur këto krimet edhe po na ndiqka neve dhe të kërkohet ndërprerja e kësaj ndjekjeje, kjo
është një gabim, i cili nuk do të duhej të ndodhte. Gabime të tilla të ngjashme ka edhe në pjesë të
tjera tekstuale.
Ju po thoni tash që ka filluar një proces dhe është situata urgjente, meqenëse ka filluar një proces
Gjykata Speciale. Ky proces nuk ka filluar tash, ka filluar më herët dhe kemi mundur ta bëjmë
67
rezolutën më herët dhe tash nëse është urgjente bash ky minutë i sotit, na tregoni pse është aq
urgjent që bash sot, tash duhet votuar. Unë po ju siguroj që Lëvizja Vetëvendosje edhe deputetët
e saj, dhe unë personalisht jemi jashtëzakonisht të gatshëm që në këtë Kuvend të sjellim rezolutë
pikërisht në frymën çfarë e kemi pasur përherë në lidhje me luftën çlirimtare të popullit të
Kosovës dhe në lidhje me Gjykatën Speciale. Kjo Gjykatë Speciale mos harroni që është votuar
në këtë Kuvend dhe nuk është bashkësia ndërkombëtare, kjo Gjykatë Speciale i bie më shumë e
Kosovës të jetë. Nëse disa ndërkombëtarë punojnë në këto Dhomat e specializuara, këto i bie të
jenë Dhomat e Kosovës, sepse Kuvendi dhe Kushtetuta e Kosovës i ka votuar, Kuvendi i ka
votuar dhe i ka futur madje edhe në Kushtetutë. Dhe, rrjedhimisht shprehjet e tilla që janë
gabime të pamatura..., por gabimet e tilla nuk mund të kalojnë, nuk bën të kalojnë, këto mund të
na bëjnë edhe dëm.
Prandaj, unë thjesht kërkoj që ta harmonizojmë dhe ta bëjmë tamam me të gjitha grupet
parlamentare që ta votojmë. Unë jam i bindur që në ato harmonizimet tona që kemi pasur kurrgjë
mangut këtyre shprehjeve, qëndrimeve po flas dhe frymës nuk do t’u lëmë, madje do të kërkohet
ndoshta të jetë edhe më konkrete, edhe më e drejtpërdrejtë. Na tregoni pra urgjencën, pse duhet
sot, e nëse pse është bash dita e sotme ajo urgjencë, nëse jo, pse s’po e bëjmë nesër këtë punë.
KRYESUESJA: Faleminderit! Deputetja Mirlinda Sopi-Krasniqi, replikë apo çfarë, Mirlindë? A
ke propozim diçka?
MIRLINDA SOPI-KRASNIQI: Kryesuese, faleminderit! Unë si deputete e re kam menduar që
bile për këto rezoluta kur është në pyetje çështja kombëtare nuk do të ketë debat dhe nuk do të
ketë pozicione në mbrojtje të interesave partiake. Andaj, si propozuese e kësaj rezolute edhe një
herë po kërkoj nga ana juaj që të hedhet menjëherë në votim. Unë personalisht si deputete nuk
kam nevojë të koordinohem me askënd kur është në pyetje lufta e Ushtrisë Çlirimtare të
Kosovës.
Kështu po besoj që secili deputet këtu që ka ardhur me votën e qytetarit e ka të njëjtën ndjesi.
Është çështja jashtëzakonisht e ndjeshme, nuk është njëjtë të mbash qëndrim politik ndaj
gjykatës, një partie politike, e njëjtë të nxjerrësh një rezolutë në Kuvend. Andaj, po kërkoj shumë
që të bëhemi seriozë edhe si propozuese po kërkoj menjëherë të hidhet në votim. Faleminderit!
KRYESUESJA: Faleminderit, zonja Sopi! E kuptova vullnetin tuaj, por përpara se ta hedhim në
votim, domethënë duhet të shteret e drejta e deputetëve që janë të interesuar për të marrë fjalën
dhe sapo të mos ketë të interesuar, atëherë e hedhim në votim.
Deputeti Liburn Aliu? S’ia ka përmendur emrin, në rregull! Atëherë, më lejoni që edhe unë të
flas në emrin tim si deputete, për mua është në rregull të dal edhe në atë pjesën, por po më
rekomandojnë të qëndroj këtu, pra flas si deputete në emrin tim personal dhe më lejoni të theksoj
68
se ky projekt-propozim i rezolutës ka shumë probleme, përveç tekstit dhe kontekstit. Pra, duke
filluar prej asaj që keni shënuar vlerat në sublime të popullit të Kosovës. Domethënë, është mirë
shumë të përmenden, pajtohem, por cilat janë ato vlera më sublime të popullit të Kosovës dhe
deri te mospërmbushja e gjenocidit të Serbisë dhe synimit të UÇK-së për bashkim kombëtar, siç
përmendet edhe në betimin e ushtarit të UÇK-së.
Kështu që, ju lutem, në mënyrë që të miratojmë këtë propozim është mirë që të harmonizohet
teksti dhe njëkohësisht, paraprakisht të kërkohet një falje nga të gjithë deputetët që kanë votuar
për në vitin 2015, pra është mirë t’u tregojmë qytetarëve që e kanë kuptuar gabimin që kanë bërë
dhe të distancohen edhe nga krimet ekonomike dhe krimet e tjera që kanë ndodhur pas luftës. Ju
faleminderit!
Pra, propozimi im dhe besoj edhe pajtimi i Grupit Parlamentar, e shprehu edhe deputeti, shefi i
Grupit Parlamentar, zoti Selimi, është që në mënyrë që edhe ne të mbështesim këtë projekt-
rezolutë, paraprakisht të kemi një harmonizim. Përndryshe, pra ne nuk mund të vazhdojmë
kështu kur s’kemi pasur as një gjysmë ore për të lexuar projekt-rezolutën. Ka kërkuar fjalën
deputeti Endrit Shala nga Nisma-AKR! Në fakt, deputeti Endrit Shala si deputet i pavarur, sepse
Grupi Nisma-AKR nuk ekziston.
ENDRIT SHALA: Si i pavarur, mos jep komente ti, mos më kallëzo ti mua a jam i pavarur a
s’jam, edhe t’u kisha lutur kur të flasësh në raport me mua, kryesuese, ke kujdes....
KRYESUESJA: Zoti Shala, ju lutem keni kujdes, nuk keni të drejtë të më tregoni mua a duhet të
kem kujdes, si deputet i pavarur zoti Shala e keni fjalën.
ENDRIT SHALA: Unë e kam emrin Endrit Shala dhe jam deputet i Nismës. Kaq, mësohu, se e
di që je munduar me vota të Serbisë të mos e lëni Nismën të hyjë këtu. Edhe unë, zonja
kryesuese, s’di a je duke dëgjuar ti edhe propozuesen, sipas propozueses së kësaj rezolute debati
është shterur... urdhëro, s’isha duke folur unë me ty, nëse s’mund të dëgjosh, i merr ato të
veshëve i shti në vesh.
Zonja kryesuese, propozuesja kërkoi që kjo rezolutë të futet në votim, shumica e grupeve
parlamentare e dhanë qëndrimin e tyre, deputetët të cilët dëshirojnë të flasin për këtë çështje e
dhanë qëndrimin e tyre, atëherë edhe një herë kërkoj që ta fusni në votim këtë rezolutë, kush do
të votojë, voton, kushdo që ka rezoluta të tjera dhe përmirësime të tjera, atëherë i ftoj që t’i
propozojë në seancat e ardhshme në Kuvendin e Republikës së Kosovës. Faleminderit!
KRYESUESJA: Faleminderit, zoti Endrit Shala, deputet i Nismës dhe pa grup parlamentar në
Kuvend. Atëherë, meqenëse është lajmëruar për fjalë deputeti Arbër Rexhaj, unë e kuptova
gatishmërinë edhe vullnetin e propozueses që të hidhet në votim, por ju njoftoj që proceduralisht
69
të gjithë deputetët e pranishëm kanë të drejtë të marrin fjalën së paku një herë dhe për replika
nëse ju përmendet emri.
Kështu që deputetët që nuk e kanë shterur të drejtën e tyre për të marrë fjalën, mund të kërkojnë
fjalën. Fjala është për deputetin Arbër Rexhaj!
ARBËR REXHAJ: Faleminderit, e nderuar nënkryetare! Në asnjë mënyrë nuk e kisha marrë
fjalë, po të mos e kisha dëgjuar hipokrizinë e Endrit Shalës, edhe po më vjen shumë keq, veçse
Endriti aty është ulur falë Hashim Thaçit dhe Listës serbe, pra po të mos ishte Lista serbe dhe
Hashim Thaçi, Nisma s’do të ishte në Kuvend dhe këtë e dimë të gjithë.
Kështu që kur të flet Endriti, të mos na drejtohet neve që domethënë në kuptimin ironik të fjalës
këtë farë metaforën e kufjeve në vesh, sepse ne po flasim gjuhë tjetër. Krejt çka kemi kërkuar
prej fillimit të kësaj seance ka qenë një lloj harmonizimi, nuk jeni domethënë ju më shumë në
mbrojtje të vlerave të UÇK-së se sa ne, as s’jemi duke e bërë këtë matje. Krejt çka po themi
është të ulemi dhe ta harmonizojmë këtë rezolutë, kurrgjë tjetër, doni ta nxirrni në votim,
nxirreni, veçse pa ironi dhe mos ofendoni, edhe në formën e atij sarkazmi mos lëshoni këtu
deklarata, të cilat nuk i përkojnë një deputeti.
KRYESUESJA: Faleminderit! Deputeti Shala, a keni replikë?
ENDRIT SHALA: Replikë, e nderuar kryesuese! Faleminderit, deputet Arbër! Edhe ju besoj,
edhe të gjithë deputetët e tjerë të pranishëm, por të gjithë qytetarët e Republikës së Kosovës e
dinë qysh Lëvizja Vetëvendosje ka kontrabanduar vota të kontaminuara e të helmuara nga shteti
serb, e krejt kjo me qëllimin për të tentuar që ta largojnë Nismën nga Parlamenti i Republikës i
Kosovës. Kjo gjë nuk është arritur, keni dështuar në këtë aspekt, falë zotit ky vend ka ende
drejtësi dhe gjyqtarë të ndershëm në gjykatat e institucioneve të Republikës së Kosovës, të cilat
të gjitha ato kërkesat tuaja e ju si Lëvizje Vetëvendosje keni pasur kërkesë që t’i aprovoni dhe t’i
shpallni të ligjshme ato vota të ardhura në mënyrën çfarë kanë ardhur, ju e dini mirë nga Serbia,
kanë dështuar dhe normalisht që Nisma tash është edhe vazhdon të jetë në Parlamentin e
Republikës së Kosovës.
Sa i përket koordinimit në raport me vlerat e luftës, po i nderuar Arbër,... por tashmë ne para
deputetëve e kemi një rezolutë të propozuar nga propozuesja e kësaj rezolutës dhe shumica e
grupeve parlamentare po kërkohet të futet në votim dhe ajo që e thashë edhe unë si deputet është
që ta fusim sa më shpejt në votim, ashtu siç e propozoi edhe propozuesja e kësaj rezolute.
Faleminderit!
KRYESUESJA: Kundër-replikë, deputeti Arbër Rexhaj!
70
ARBËR REXHAJ: Ju qëllimisht po doni të na përjashtoni nga votimi neve deputetëve të
Vetëvendosjes, veçse keni gabime përmbajtjesore konceptuale, të cilat i përmendën edhe
deputetët tanë, duke filluar prej shefit të Grupit Parlamentar, Rexhep Selimi, nënkryetares
Arbërie Nagavcit, Liburn Aliut dhe të tjerëve.
Sa i përket jashtë temës, prapë nuk po mund ta tejkaloj hipokrizinë tënde dhe po dua që të them
diçka, ju keni bërë kërkesë për heqjen e votave shqiptare të diasporës, ndërkohë pothuajse të
gjithë njohësit e çështjeve politike, situatës politike në përgjithësi e dinë se ju jeni falë Thaçit dhe
falë Listës serbe, mosankimit të Listës serbe në këtë Kuvend dhe pikë, mbaron këtu.
KRYESUESJA: Faleminderit! Fjalën e ka deputetja Fitore Pacolli-Dalipi.
FITORE PACOLLI-DALIPI: Faleminderit! Atëherë, unë kisha dashur me një pyetje: pse jeni
kundër harmonizimit është shumë e qartë kjo, ne duam harmonizim, duhet të deklaroheni edhe
ju, sepse rezolutat, të cilat vijnë, propozimet që vijnë në këtë Kuvend shpeshherë harmonizohen,
jo shpeshherë, por shumëherë harmonizohen dhe sot ju po dilni kundër harmonizimit.
Deputetja po thotë unë jam deputete e re dhe po kërkoj menjëherë që të hedhet në votim, si
deputete e re të tregojmë se rezolutat, të cilat propozohen një herë në Kuvend dhe harmonizohen
brenda grupit parlamentar, po ashtu është mirë kjo deputetja e re të na tregojë se kush është prapa
kësaj rezolute, kush e ka shkruar. Po vërtetohet nga mënyra se si po flet, nga mënyra se si po
argumenton, po duket se edhe po merr sinjale direkte prej disa deputetëve këtu në sallë, të cilët
po i bëjnë presion që ajo të insistojë që kjo të dalë në votim. PDK është mirë që të deklarohet
haptas, të thonë: “Ne e kemi shkruar këtë rezolutë, ne kemi gabuar në vitin 2015 për votën që e
kemi dhënë, kështu që hajde ta përmirësojmë atë që kemi bërë”, sepse s’është marre të pranohen
dështimet. Edhe në fund një pyetje, pse nuk e votuat rezolutën kundër deklarimeve të Listës
serbe?
Pra, pse po paraqiteni kaq patriotë dhe po sulmoni Lëvizjen Vetëvendosje në diçka që ne kemi
deklaruar qysh në vitin 2015 se çka dëshirojmë. Ne kemi deklaruar, ju që keni ndërruar fjalët, ju
që keni vendosur kundër plot gjërave që kanë qenë në të mirën e këtij vendi, tash po dilni që i
keni rënë pishman.
KRYESUESJA: Nuk ka të tjerë të lajmëruar për fjalë. Nëse s’ka, domethënë është Saranda
Bogujveci, Mirlinda, a dëshironi si propozuese, a ke replikë? Replikë, atëherë! Replikë për
deputeten Sopi-Krasniqi, dy minuta keni të drejtë, deputete!
MIRLINDA SOPI-KRASNIQI: Faleminderit, kryesuese! Po besoj që edhe parafolësja dhe plot
këtu më njohin mua dhe e dinë ‘bekgroundin’ tim akademik, por veç për qartësi, unë nuk marr
fjalime prej zyrave të partisë, mua nuk m’i shkruan askush fjalimet, kështu që të gjitha ato që i
71
propozoj, i propozoj ashtu si i mendoj, nëse mendoni ndryshe, është mendim thjesht juaji, kështu
që edhe një herë po kërkoj prej anës suaj le të hedhet në votim, që s’kalon, e tregoni veten ku jeni
dhe ku pozicionoheni kur janë në pyetje çështjet kombëtare. Faleminderit!
KRYESUESJA: Faleminderit! Kundër-replikë, deputetja Fitore Pacolli-Dalipi.
FITORE PACOLLI-DALIPI: Unë kam vetëm një pyetje për juve, deputete: kush po ju dërgon
sinjale në sallë se si të reagoni dhe se si të veproni? Faleminderit!
KRYESUESJA: Fjalën e ka deputetja Saranda Bogujevci! Deputete, s’ke të drejtë tani!
SARANDA BOGUJVECI: Faleminderit, kryesuese!
KRYESUESJA: E nderuar Mirlinda, proceduralisht pas secilës fjalë është e drejta për replikë 2
minuta dhe kundër-replika 1 minutë, pas kësaj më nuk ke të drejtë. Fjalën e ka deputetja Saranda
Bogujevci.
SARANDA BOGUJEVCI: Faleminderit, kryesuese!
Është e pakuptimtë pse ka kundërshtim në harmonizim të rezolutës. Ne kemi pasur edhe rezoluta
të mëhershme që kanë qenë të natyrës së njëjtë sa u përket çështjeve të krimeve të luftës që i
kemi pasur në Kosovë, e kemi pasur rezolutën për personat e pagjetur, ku edhe pse kemi punuar
bashkërisht, prapë para votimit jemi ulur të gjithë dhe kemi bërë harmonizimin, kemi pasur
rezolutën për gjenocidin serb që është kryer në Kosovë, prapë jemi ulur të gjithë së bashku edhe
e kemi bërë harmonizimin e rezolutës.
Nuk po e kuptoj pse qenka problem tani kjo?! Edhe kisha kërkuar sinqerisht përgjigje, pse? Ku
është problemi për t’u ulur dhe t’i japim mendimet tona në këtë rezolutë? Po kërkoj përgjigje, po,
se po dua të di pse, ku është, në fakt, nëse keni mbërritur të bashkëpunoni për një rezolutë që
keni qenë të mendimit të njëjtë dhe prapë jemi ulur për harmonizim, ku është problemi tani?
Edhe tjetra, më fal, nuk ke të drejtë ti, në fakt, të flasësh, edhe tjetra, situata që jemi ne sot këtu
është si rezultat i bëmave tuaja. Nëse doni të flisni prej 2008, nga shpallja e pavarësisë, e qoftë
edhe më herët çka është bërë e çka nuk është bërë në aspektin e adresimit të luftës në Kosovë,
është e bëmave tuaja dhe është e pakuptimtë që kur ju konvenon të dilni këtu për të shitur
patriotizëm, kur kanë qenë krejt mundësitë për t’ i ndalur proceset që kanë qenë të dëmshme për
neve dhe kur kanë qenë krejt mundësitë për t’ i shtyrë çështjet përpara, që na kanë mbrojtur neve,
e sot nuk e di a jeni të vetëdijshëm për çka jeni duke folur.
Pse kemi ardhur ne sot në situatën që jemi për ta mbrojtur UÇK-në, hajde kallëzomëni, pse kemi
ardhur ne sot më 2020 në këtë situatë ku ne duhet mbrojtur luftën e UÇK-së. Kush e ka pru
luftën e UÇK-së deri në këtë gjendje, hajdeni flisni. Duhet t’ju vijë marre! Nëse doni me të
72
vërtetë pa asnjë prapavijë mbrapa kësaj t’i shtyjmë këtë çështje përpara dhe të dalë diçka prej
kësaj, hajdeni të ulemi, ta bëjmë harmonizimin dhe, në fakt, të bëhet harmonizim ku konkretisht
e mbrojnë luftën e UÇK-së. Se për që e keni sjellë ju në këtë deregje, ju jeni ata përgjegjës, e as
nuk jeni në gjendje, në fakt, as një kërkim falje ta bëni. Jo vetëm që e keni sjellë luftën e UÇK-së
në këtë pikë, por edhe mosmbrojtjen e të gjitha viktimave të luftës të fundit që i ka bërë Serbia në
Kosovë, as këtë nuk e keni bërë, as nuk është ngritur kurrë zëri karshi Serbisë, e sot e kemi edhe
Listën serbe këtu që nuk e di as qysh kanë fytyrë të flasin ku e mbrojnë një vend që i ka kryer të
gjitha ato krime këtu në Kosovë. Kaq!
KRYESUESJA: Faleminderit! Deputeti Dimal Basha është lajmëruar për fjalë!
DIMAL BASHA: Faleminderit, nënkryetare!
Po besoj është thënë mjaftueshëm për një harmonizim, po shihet që ka pasur koordinim të gjitha
subjekteve të tjera dhe ne jemi lënë anash për ta bërë një salltë politike, që ta nxirrni veten
patriotë. Ne e morëm shumë vonë këtë draft-rezolutën dhe, ndër të tjera, këtu thuhet, përmendet
çështja e të pagjeturve. Janë këta vetë që i kanë bërë 33 marrëveshje, kanë mbërritur t’i bëjnë 33
marrëveshje, asnjë projekt i tyre nuk është për të pagjeturit. Nëse janë takuar, i kanë bërë 33
marrëveshje dhe asnjë s’qenka për të pagjeturit, problem atëherë, me këto rezoluta nuk zgjidhet
asgjë. Domethënë, është kjo t’u “qitësh hi syve”. Njëra prej pikave thotë, refuzimi i Republikës
së Serbisë. Normalisht që refuzon. E kemi sjellë veten në atë pikë, ku sot Qeveria në koalicion
kërkon të hyjë në bisedime bashkë me Rakiqin kundër Vuçiqit, ku ndër të tjera pajtojnë edhe ta
suspendojnë shtetësinë e Kosovës duke hequr edhe reciprocitetin. Edhe tani ne patriotizëm e
rezoluta shesim sa të duash. Kur t’i dalin aty në mejdan përballë Vuçiqit, po palohen krejt.
Prandaj, edhe ky është një argument tjetër që këqyrin ‘të hedhin hi syve’. Unë mendoj që duhet
harmonizuar. Deputetja në fjalë që ka propozuar këtë draft-rezolutë kur u votua për Rakiqin,
rastësisht e lëshoi sallën e Kuvendit. Ku ishe ti kur votuam ne për Rakiqin që thotë, ose i bindet
Vuçiqit, Republikës së Serbisë dhe punon për një “Kosovë e Metohi”, siç e citon ai? Pse ti s’ishe
këtu që të votosh e tash po më shet patriotizëm me draft-rezolutë? Apo je e re, s’e ke ditur që
duhet ndenjur në sallë të Kuvendit! Mos, se është marre, se janë duke të shikuar 2 milionë njerëz.
Nëse është mburrje, ke ardhur aty, ta kanë çuar rezolutën, duhet kallëzuar atyre që ti është dashur
të rrish e të votosh kundër Rakiqit. Edhe tjetra, ne po kërkojmë harmonizimin. Për shembull, një
prej paragrafëve që unë po kërkoj të shtoj është, krejt ata deputetë, ato subjekte politike që kanë
votuar në atë kohë të shkruajnë që ne i kërkojmë falje popullit të Kosovës që kemi votuar për
këtë Gjykatë. Pra, le të dalin, le t’i qesin nënshkrimet e veta, le të kërkojnë falje, një prej
paragrafëve. Do të thotë, mos u mundoni ‘të hidhni hi syve’. Derisa ti e përkrah Rakiqin e më
nxjerr mua rezoluta për UÇK-në, dihet që janë veç manipulime. Faleminderit!
KRYESUESJA: Faleminderit! Deputeti Bekim Haxhiu nga PDK dhe pastaj Hajrullah Çeko.
73
BEKIM HAXHIU: Faleminderit, e nderuar kryesuese!
Të nderuar kolegë deputetë,
Mendova që në këtë debat do të përmbahem. Të përmbahem për shkak të nevojës për unitet në
një situatë që vërtet e kërkon unitetin. Po nuk mundem pa e thënë në këtë situatë, që si pjesëtar i
Ushtrisë Çlirimtare të Kosovës kur i jam bashkëngjitur Ushtrisë Çlirimtare të Kosovës kam qenë
student i vitit të katërt të Fakultetit të Mjekësisë. E kam pasur një banesë në Prishtinë te “Bill
Klintoni” e një shtëpi në katund trikatëshe me nja shtatë hektarë tokë. Kam pasur një biznes
familjar të suksesshëm me 250 - 300 marka profit ditor, kompani transporti. Nuk i kam lënë të
gjitha këto me dy vëllezërit e mi e të shkoj në UÇK për pasuri. Për liri, veç për liri jam
bashkëngjitur me tërë familjen Ushtrisë Çlirimtare të Kosovës, edhe pse pasuri kam pasur para
luftës ndoshta më shumë se gjysma e deputetëve këtu, edhe më shumë se aktualisht kam sot.
Dhe, tendenca e pasluftës ka qenë, të nderuar kolegë deputetë, që Ushtria Çlirimtre të njolloset,
që lidershipi i saj të akuzohet, veç t’ua zënë vendin. Dhe, kolege të dëgjova, Gjykata Speciale ka
ardhur produkt i disa ish-deputetëve tuaj, që kanë sponsorizuar raporte anti-UÇK, kanë
sponsorizuar raporte kundër Kosovës dhe janë paguar prej kontove private të tyre njerëz që kanë
punuar raporte të tilla.
Libri i Del Pontes dhe Dik Martit është i sponsorizuar prej shërbimit serb, i mbështetur nga
shërbimi serb dhe disa shqipfolës në Kosovë. Me një tendencë, me një qëllim e kanë pasur, që të
gjithë luftëtarët e UÇK-së t’i gjykojnë te gjykatësit rusë e kinezë. Nuk e keni përkrahur edhe sot,
a di, ky fërkim duarsh e lotët e krokodilit që po i derdhni këtu gjoja për harmonizim, a e keni për
minim të rezolutës, çështje të njohura janë, për ata që duan të marrin vesh. E kam thënë këtu në
fjalimin, mund t’i shikoni edhe transkriptet kur është votuar.
Nuk është fajtore Ushtria Çlirimtare e Kosovës edhe nëse pretendohet nga dikush për atë që ka
ndodhur pas 21 qershorit, sepse ka qenë administrata e Kombeve të Bashkuara dhe NATO. Kanë
qenë dy institucione të fuqishme këtu, por kanë qenë ata sponsorizuesit, disa në emër të
organizatave joqeveritare, e disa pastaj me petkun e deputetëve e që kanë mbështetur këto
raporte anti-UÇK me një qëllim, që të minohet Gjykata Speciale këtu e të bëhet e Kombeve të
Bashkuara e të gjykohet nga rusët dhe kinezët.
Kjo kishte qenë dhe ky është zhgënjimi dhe kjo është arsyeja pse ju kur pati një iniciativë këtu, u
bëtë bashkë dhe nuk lejuat që të zhbëhet. Dhe, kur flasim edhe për çështje të tjera, po dua të
kursehem sot, sepse po mendoj që është një moment i rëndësishëm dhe në veçanti ata dhe për ata
që e kanë mbajtur emblemën e UÇK-së këtu dhe këtu, që të mendojnë përtej interesave politike.
Përtej interesave politike dhe nuk është e nevojshme që në emër të harmonizimit të ndodhë
minimi i rezolutës. Faleminderit!
KRYESUESJA: Faleminderit, zoti Haxhiu! Fjalën e ka, me kartelë të deputetit Hajrullah Çeko,
flet deputeti Sali Zyba.
74
SALI ZYBA: Faleminderit, kryesuese!
Unë do të jem shumë i shkurtër, sepse për dallim prej disa kolegëve të mi, unë e kam një
shqetësim, një hall tjetër. Pse këtë rezolutë nuk e solli PDK-ja, meqenëse e dimë se bëhet fjalë
pak a shumë, po u detyrua ta sjellë deputetja më e re e një subjekti, që tashmë as grup nuk ka. Ky
është shqetësimi im, ky është dallimi, përkundër që një subjekt që gjithë kohën ka përfituar, jo
vetëm votë qytetari, po edhe pasuri, edhe ekonomikisht, në të gjitha mënyrat, në emër të luftës
dhe vlerave të luftës. Ky është shqetësimi im. Pse nuk e solli PDK-ja, po e kontrabandoi në
forma të tjera. Andaj, edhe arsyet, edhe sponsorizuesi i deklaruar nuk ka arsye dhe të gjithë të
tjerët e mohojnë, ose e përjashtojnë bashkëpunimin tonë. Faleminderit!
KRYESUESJA: Faleminderit! Nuk ka të tjerë të lajmëruar për fjalë. Propozuesja u deklarua që
nuk dëshiron të marrë kohë për harmonizim. Për procedurë, Rexhep Selimi.
REXHEP SELIMI: Tash e kuptuam edhe më shumë që nuk po duan as bashkëpunim, as
harmonizim me ne. Ne po vazhdojmë t’ua përsërisim, ju s’po doni. Madje, jashtë mikrofonit
edhe thatë “s’po duam”. Atëherë, ne u ofrojmë diçka tjetër.
Meqë nuk jeni të gatshëm ta prekni tekstin e rezolutës suaj, gjë që do të duhej, se ka shumë vend
për ta përmirësuar, për ta rregulluar, nëse doni, e vërtet e keni atë qëllim. Atëherë, zonja
nënkryetare, së paku na jepni mundësinë me një pauzë të shkurtër që të propozojmë edhe ne një
projekt-rezolutë për temën e njëjtë. Ndoshta jua mbushim mendjen juve më mirë, ndoshta edhe
jo.
Sidoqoftë, nëse na e mohoni bashkëpunimin, atëherë mos na e mohoni që edhe ne ta kemi një
projekt-rezolutë dhe pastaj t’i masim rezolutat, pra nëse doni. Kjo ishte kërkesë, zonja
nënkryetare. Nëse ka mundësi, së paku ne ta përgatisim dhe pothuajse ne tashmë e kemi të
gatshme. Edhe e qesim, i qesim të dyja bashkë, cila merr më shumë?...
KRYESUESJA: Faleminderit, zoti Selimi. Ftoj shefat e grupeve parlamentare që të deklarohen
për këtë propozim të zotit Selimi.
Ju lus që të mos bërtisni! A është dikush i grupeve parlamentare i interesuar, i gatshëm për t’u
deklaruar për këtë propozim-rezolutën përpara se të votojmë? S’ka.
Atëherë pra, meqenëse nuk jeni të pajtimit, vazhdojmë me votim, kush është për propozim-
rezolutën e propozuar nga deputetja Mirlinda Sopi-Krasniqi për unitetin politik e qytetar në
mbrojtje të vlerave të popullit të Kosovës.
Kush është për? Faleminderit! Kush është kundër? A ka abstenime?
75
Atëherë, ju njoftoj se me 57 vota për, asnjë kundër, ka ardhur edhe një deputete. Sa e di unë
bufeja nuk punon sot. A ka deputetë të tjerë jashtë, ju lutem? E numërojmë edhe votën e zonjës
Blerta Deliu-Kodra, e cila erdhi tani.
Të pranishëm pra, me 58 vota për, asnjë votë kundër, asnjë abstenim, Kuvendi nuk e miraton
rezolutën për unitetin politik.
Të njëjtën, nëse keni vullnet, unë besoj në emër të Grupit Parlamentar të Lëvizjes Vetëvendosje
mund ta harmonizojmë dhe ta hedhim edhe një herë në votim.
(Ndërprerje e incizimit)
Ju lutem të uleni në vend. Thërrisni deputetët brenda t’i shohim sa janë. Ju lus që të uleni në
vende. Seanca ka qenë e ftuar të vazhdojë në ora 16:00. Të gjithë deputetët e interesuar për fjalë
e kanë shteruar të drejtën e tyre, askujt nuk ia kam mohuar fjalën. Proceduralisht, pasi që janë
shteruar të gjitha votimet, ka qenë obligim imi që ta hedh në votim. U numëruan edhe votat e
atyre që kanë ardhur në ndërkohë, gjegjësisht e deputetes Blerta Deliu-Kodra. Kush është
deputeti tjetër që erdhi?
(Ndërprerje e incizimit)
Shpresoj që jeni të gjithë këtu. E përsërisim edhe një herë votimin. Zilja është duke rënë qe sa
kohë dhe deputetëve ju them që të jenë të përgjegjshëm e të rrijnë në sallë, sepse janë të thirrur
për të qenë këtu, për të diskutuar e për të votuar, e jo për të dalë nëpër buve e pastaj të vijnë këtu
e ta kthejnë krejt prapa. E përsëris votimin.
Kush është për, ju lutem? A është dikush kundër, ju lutem? Abstenim?
Administrata, ju lutem, a i keni numëruar mirë, se patët presion prej deputetëve. A i numëruat
mirë? A është ky numri? OK Po, patën presion, iu afruat administratës afër.
Sipas konstatimit të administratës, me 61 vota për kalon tash kjo rezolutë.
Të nderuar deputetë, ju lutem për qetësi? Uluni në vende, ju lutem! Mbani distancën dhe mbani
qetësi!
Ju njoftoj se në mbledhjen e Kryesisë së Kuvendit të mbajtur më 6 korrik 2020 është vendosur që
pasi të shqyrtohet Projektligji nr. 07/L-014 për plotësimin dhe ndryshimin e Ligjit nr. 07/L-001
mbi ndarjet buxhetore për Buxhetin e Republikës së Kosovës për vitin 2020 nga Komisioni
Funksional, ky projektligj të përgatitet në rend të ditës për këtë seancë.
76
Komisioni Funksional dje, më 8 korrik 2020, e ka shqyrtuar në parim projektligjin dhe i ka
rekomanduar Kuvendit për miratim. Rrjedhimisht, meqenëse Kryesia është dakorduar për ta
radhitur si pikë të rendit të ditës sot, nuk ka nevojë për votim, por vetëm shtohet si pikë e rendit
të ditës. Propozoj që ky projektligj të shqyrtohet në parim në këtë seancë.
Ky projektligj radhitet si pikë e fundit e rendit të ditës. Sipas dakordimi për rendin e ditës,
vazhdojmë me trajtimin e pikave sipas radhës.
Deklarimet jashtë rendit të ditës dhe pyetjet parlamentare janë konsumuar tashmë. Po ashtu, dy
propozimet e kryetares Osmani për Ligjin për COVID, i cili siç duket nga deputetët nuk po
konsiderohet si urgjent dhe prioritet, janë konsumuar tashmë.
4. Zgjedhja e një kandidati për anëtar joekzekutiv të Bordit të Bankës Qendrore të
Republikës së Kosovës
Të nderuar deputetë, Komisioni për Buxhet dhe Transfere ka shqyrtuar listën e kandidatëve të
përzgjedhur nga paneli përzgjedhës i Bankës Qendrore për plotësimin e një pozite për anëtar
joekuzekutiv të Bordit të Bankës Qendrore të Republikës së Kosovës dhe Kuvendit i ka
rekomanduar përzgjedhjen e një anëtari joekzekutiv të Bordit të Bankës Qendrore të Republikës
së Kosovës nga gjashtë kandidatët e propozuar.
Ju njoftoj se në raportin e Komisionit Funksional për Buxhet dhe Transfere janë pasqyruar
opinionet e Fondit Monetar Ndërkombëtar e të Administratës së Kuvendit në lidhje me konfliktit
të interesit të guvernatorit të Bankës Qendrore të Kosovës për propozimin e dy kandidatëve, të
cilët janë punonjës të BQK-së. Ftoj kryetarin e Komisionit për Buxhet dhe Transfere, zotin
Hekuran Murati, që të paraqesë dhe të arsyetojë raportin e komisionit.
HEKURAN MURATI: Faleminderit, e nderuar nënkryetare!
Në bazë të nenit 38, paragrafi 2 të Ligjit nr. 03/L-209 për Bankën Qendrore të Republikës së
Kosovës, Bordi i Bankës Qendrore ka emëruar panelin përzgjedhës në përbërje të tre anëtarëve
joekzekutivë dhe guvernatorit, si anëtar ex-officio i Bordit të BQK-së për përzgjedhjen e
kandidatëve për plotësimin e një pozite të anëtarit joekzekutiv të Bordit të Bankës Qendrore.
Paneli për përzgjedhje i formuar i Bankës Qendrore ka njoftuar se ka zhvilluar procedurat e
konkursit dhe pas vlerësimit të kualifikimeve dhe të performancës së aplikantëve të ftuar për
intervistë, i ka dërguar Kuvendit listën me emrat e 6 kandidatëve të përzgjedhur, të radhitur në
mënyrë alfabetike janë si vijon:
1. Arben Mustafa,
2. Avni Sahiti,
77
3. Bedri Peci,
4. Mimoza Mustafa,
5. Valdrin Kasumaj dhe
6. Veton Zeqiraj.
Njëkohësisht, në bazë të nenit 38, paragrafi 2 të Ligjit të BQK-së, Qeveria i ka dërguar Kuvendit
mendimin e saj dhe është deklaruar se dy kandidatët e propozuar nga paneli, zotëri Arben
Mustafa dhe zotëri Veton Zeqiraj, janë punëtorë aktualë në BQK dhe se përzgjedhja e tyre është
në kundërshtim me nenin 34, paragrafin 2, të Ligjit për BQK-në, ku thuhet se anëtarët
joekzekutivë të Bordit të Bankës Qendrore nuk do të jenë anëtarë të personelit të Bankës
Qendrore. Si rrjedhojë, Qeveria i ka rekomanduar Kuvendit që të mos i marrë në trajtim këta dy
kandidatë të propozuar dhe të kërkojë shpalljen e konkursit sipas kërkesave që ka Ligji për
Bankën Qendrore.
Në lidhje me këtë Komisioni për Buxhet dhe Transfere me qëllim të marrjes së informatave
shtesë dhe sqarimeve ligjore lidhur me propozimet e panelit, në mbledhjen e mbajtur më 27 maj
2020 ka vendosur që të kërkojë si në vijim: raportin e Fondit Monetar Ndërkombëtar për
rishikimin e stabilitetit të sektorit financiar dhe një opinion ligjor nga Drejtoria për Shërbime
Juridike dhe Përafrim të Legjislacionit të Administratës së Kuvendit.
Këto dokumente janë pranuar nga komisioni dhe i janë bashkëngjitur këtij rekomandimi. Raporti
i FMN-së në lidhje me emërimin e personelit ekzistues në Bordin e BQK-së në pikën 18 të
raportit thekson se ekziston rreziku që mungesa e pavarësisë për anëtarët joekzekutivë mund të
ketë pasoja negative, të paplanifikuara. Kjo është posaçërisht e rëndësishme për individët, të cilët
i kanë pasur rolet ku kanë ndikuar drejtpërdrejt në punën e Bankës Qendore apo në
vendimmarrësit, siç janë këshilltarët e lartë apo vendimmarrësit kryesorë.
Se rezultat FMN në këtë raport rekomandon që një ish-nëpunës, i cili është i caktuar në Bordin e
BQK-së, nuk duhet të kishte punuar për BQK-në në një rol me ndikim të konsiderueshëm apo
afër menaxhmentit të lartë, për të paktën një vit para emërimit në Bordin e BQK-së. Ndërkaq,
opinioni ligjor që e kemi pranuar nga Drejtoria e Kuvendit ka nxjerrë përfundimin se guvernatori
i BQK-së është gjendur në konflikt interesi në dukje me rastin e pjesëmarrjes së tij në panelin
përzgjedhës për intervistim dhe rekomandimin e kandidatëve, përkatësisht dy këshilltarëve, pjesë
e Kabinetit të guvernatorit për anëtar joekzekutiv të Bordit të BQK-së.
Komisioni në mbledhjen e radhës të mbajtur më 24 qershor 2020, pasi shqyrtoi propozimet e
panelit, si dhe dokumentet dhe mendimet e lartëcekura, me shumicë votash vendosi t’i
rekomandojë Kuvendit për përzgjedhjen e njërit prej gjashtë kandidatëve të propozuar në pozitën
e anëtarit joekzekutiv të Bankës Qendrore të Republikës së Kosovës. Kandidati i përzgjedhur nga
78
Kuvendi, në pajtim me nenin 38, paragrafin 2, të Ligjit të BQK-së i dërgohet presidentit për
miratim dhe emërim në pozitën e anëtarit joekzekutiv të Bordit të Bankës Qendrore.
Më duhet të theksoj po ashtu që sot na ka ardhur njoftimi në Kuvend që kandidati i lartëcekur,
Bedri Peci, është tërhequr nga gara. Pra, nuk merr pjesë në garë për përzgjedhje të anëtarit
joekzekutiv të BQK-së.
Kjo ishte sa i përket prezantimit të rekomandimit të komisionit, kurse tani e tutje, nëse më
lejohet, do të vazhdoja në emër të grupit parlamentar.
KRYESUESJA: Faleminderit, zoti Murati! Para se të vazhdoni, vetëm më lejoni t’ ju njoftoj se
sot kemi pranuar një letër nga kandidatët, prof. dr. Bedri Peci, kandidat për anëtar të Bordit
Ekzekutiv të BQK-së. Më lejoni që ta lexoj, ka të bëjë me tërheqjen nga kandidatura për anëtar të
Bordit në Bordin joekzekutiv të BQK-së.
Të nderuar,
Pas analizimit të disa obligimeve të sapokrijuara në planin profesional dhe familjar që do të kem
para vetes, mora vendim që të tërhiqem nga kandidimi im për anëtar bordi në Bordin joekzekutiv
të Bankës Qendrore të Republikës së Kosovës. Duke ju falënderuar të gjithëve që keni pasur
vlerësim që të më votoni, si dhe të gjithëve që keni pasur vlerësim të mos më votoni, ju garantoj
që unë do të japë kontributin tim profesional, shkencor dhe kombëtar kudo që të jem.
Të nderuar deputetë,
Ju do të jeni lart të vlerësuar nga unë për qëndrimet dhe vlerësimet që do të bëni për kandidatët e
tjerë, duke besuar se do t’ju plotësojnë me dinjitet dhe profesionalizëm pritjet tuaja në sistemin
financiar të Republikës së Kosovës.
Pra, njëri nga kandidatët, prof. Bedri Peci më nuk do të jetë në listën e kandidatëve që do të
mund të votoni.
Fjalën në emër të Grupit Parlamentar të Lëvizjes Vetëvendosje tani e ka z. Murati.
HEKURAN MURATI: Ju faleminderit nënkryetare!
Pra, në lidhje me rekomandimin, edhe me ato që u thanë më lart, Grupi Parlamentar i Lëvizjes
Vetëvendosje është i mendimit që edhe në rastin e Bordit mbikëqyrës, bordit joekzekutiv të
Bankës Qendrore të Republikës së Kosovës, duhet që ne si Kuvend të respektojmë ligjet në fuqi,
si dhe praktikat më të mira ndërkombëtare për sa i përket funksionimit të institucioneve
financiare. Për shkak se institucionet financiare janë një komponentë shumë e rëndësishme e
ekonomisë.
79
Ne pajtohemi edhe me mendimin e Qeverisë të dhënë, i cili pra kërkon që stafi, ose e interpreton
Ligjin e Bankës Qendrore që stafi apo personeli ekzistues nuk mund të jenë anëtarë të Bordit. Po
ashtu ne pajtohemi edhe me rekomandimin e Fondit Monetar Ndërkombëtar, i cili kërkon që së
paku një vit para se të emërohen anëtarë në Bordin joekzekutiv të kenë pushuar nga puna si
këshilltar apo staf që kanë punar në nivel të lartë si personel në Bankën Qendrore të Republikës
së Kosovës. FMN-ja është institucion i rëndësishëm ndërkombëtar edhe rrjedhimisht ne
konsiderojmë që nuk do të duhej të veprojmë në kundërshtim me rekomandimet e institucioneve
ndërkombëtare. Disa herë me radhë, disa seanca me radhë kemi dëgjuar këtu se si duhet t’i
mirëmbajmë raportet me miqtë tanë ndërkombëtarë, me institucionet ndërkombëtare, ky është
një rast, ky është një moment ku ne mund ta mirëmbajmë këtë raport, duke respektuar
rekomandimin e tyre.
Po ashtu, Lëvizja Vetëvendosje konsideron që është shumë me rëndësi që në rastin kur
përzgjidhen anëtarët për Bordin mbikëqyrës të Bankës Qendrore të Republikës së Kosovës, të
respektohen edhe ligjet në fuqi. E në këtë rast, sipas opinionit ligjor të Zyrës Ligjore në Kuvend,
kemi të bëjmë me shkelje të Ligjit për parandalimin e konfliktit të interesit, meqenëse në
momentin kur Guvernatori ka qenë, ose në momentin kur janë përzgjedhur anëtarët, dy prej të
cilëve të propozuar janë këshilltarë në kabinetin e Guvernatorit, Guvernatori ka qenë pjesë e
panelit dhe nuk është tërhequr nga procesi i përzgjedhjes, e që sipas ligjit do të duhej të ishte
tërhequr çdo moment kur mund të ketë konflikt interesi.
Ne konsiderojmë që duhet të zbatohet ligji. Konsiderojmë që duhet të respektohen rekomandimet
e institucioneve financiare ndërkombëtare, për shkak se është shumë e rëndësishme që Bordi i
BQK-së të jetë i pavarur, në mbikëqyrjen e ekzekutivit të BQK-së. Pavarësia është shumë me
rëndësi, për ta përkthyer për qytetarët, për shkak se kemi parë në të kaluarën sesi një institucion i
cili nuk e ka mbikëqyrjen e duhur nga një bord i pavarur mund të rezultojë me ngritje të çmimit,
sikurse ka ndodhur me policat e sigurimit të automjeteve për 26 për qind, në mënyrë paushalle,
edhe t’i dëmtojë qytetarët në favor të kompanive të sigurimit.
Kemi parë sesi është shkelur Ligji për kompanitë e sigurimit në vazhdimësi, përderisa kemi
pasur kompani që kanë qenë të nënkapitalizuara e nuk janë mbyllur, nuk u është marrë licenca
siç ka kërkuar ligji.
Kemi parë sesi janë shkelur të drejtat e qytetarëve dhe polismbajtësve dhe janë maltretuar, për
shkak se atyre qytetarëve nuk u janë paguar dëmet o me ke kohë, o në plotëni, për shkak se janë
maltretuar nga kompanitë e sigurimeve dhe mbikëqyrja ka munguar, për shkak të mungesës së
kësaj pavarësie në vendimmarrje, se kanë qenë edhe të lidhura me konflikte interesi, me persona
dhe individë të fuqishëm në politikë.
80
Kemi parë po ashtu lejimin, d.m.th. mungesa e një institucioni, e një mbikëqyrje të pavarur ndaj
ekzekutivit, kemi parë sesi ka rezultuar në lejimin e praktikave grabitqare prej anës së bankave,
të cilat rrisin tarifat pa paralajmërim, për shkak se e dinë se qytetarët s’kanë ku të ankohen, të
cilat banka aplikojnë kamata të jashtëligjshme e ndëshkime e dënime shpeshherë për qytetarët pa
i njoftuar qytetarët dhe pa i pasur ato në kontrata, për shkak se e dinë që qytetarët nuk kanë ku të
ankohen dhe kësisoj qytetarët e pambrojtur përfundojnë si skllevër në vetë shtetin e tyre.
Kemi parë po ashtu edhe lejimin e institucioneve mikrofinanciare, siç kanë qenë Monego dhe
LUTE Credit, për të operuar me kamata deri 1000 për qind, të cilat pastaj janë mbyllur, por për
rast për të cilin Kosova edhe rrezikon humbje në arbitrazh.
Ne si deputetë të këtij Kuvendi, jemi të zgjedhur për t’i përfaqësuar qytetarët që na kanë votuar,
edhe për të mbrojtur interesat e tyre, prandaj në këtë aspekt konsideroj që është tepër e
rëndësishme që ky Kuvend të mbrojë interesat e qytetarëve, të respektojë ligjet në fuqi, të mos
lejojë që proceset e tilla me shkelje ligjore të shkojnë tutje.
Andaj është qëndrim i Lëvizjes Vetëvendosje që këta kandidatë të cilët janë gjendur pra në
konflikt interesi, ose në momentin kur Guvernatori është gjendur në konflikt interesi në
përzgjedhjen e këtyre kandidatëve, të mos procedohen tutje. Ju faleminderit!
KRYESUESJA: Ju faleminderit!
A mund ju lutem propozoni edhe një emër për anëtar të Komisionit votues, edhe pastaj secili prej
grupeve, përfaqësuesve të grupeve parlamentare merr fjalën, dhe njëkohësisht propozoni edhe
një anëtar për komisionin votues.
Po, zoti Selimi!
REXHEP SELIMI: Po e propozoj deputetin Sali Zyba.
KRYESUESJA: Ju faleminderit! Nga Grupi Parlamentar i LDK-së, në emër të grupi parlamentar
kush se janë dy deputetë të lajmëruar. Kush flet në emër të grupit, ju lutem? Është Fatmir
Rexhepi dhe është Shkëlzen Hajdini.
Ok! Shkëlzen Hajdini flet në emër të grupit. Dhe ju lutem pastaj në fund, propozoni edhe një
emër për komisionin votues ju lutem!
SHKËLZEN HAJDINI: Faleminderit nënkryetare!
Faleminderit kryetarit të Komisionit për elaborimin,
Unë dëshiroj të flasë në emër të Grupit Parlamentar të Lidhjes Demokratike të Kosovës. Të
gjitha procedurat në komision janë zhvilluar konform ligjeve në fuqi, konform Ligjit të Bankës
81
Qendrore të Kosovës, neni 34.2, i cili thotë se: anëtari i Bordit nuk mund të jetë dhe punëtor i
Bankës Qendrore, po nuk e privon ky ligj të konkurrojë dhe mandej të largohet nga ajo pozitë, ne
kemi vepruar. D.t.th. Komisioni ka aprovuar dhe ka rekomanduar Kuvendit të votohet së bashku
me opinionet që i kemi marrë. Ne kemi kërkuar opinion edhe nga Zyra Ligjore dhe kemi kërkuar
edhe opinionin nga Fondit Monetar Ndërkombëtar. Në opinionin nga Fondi Monetar
Ndërkombëtar është cekur saktësisht neni 34.2. megjithatë, unë pajtohem plotësisht që në të
ardhmen, meqë kjo veç ka ndodhur dhe ne kemi funksionuar, kemi punuar konform legjislacionit
në fuqi, në të cilin duhet të bazohemi. Unë rekomandoj që në të ardhmen t’i marrim parasysh
rekomandimet e Fondit Monetar Ndërkombëtar dhe të gjitha organizatave të tjera, me qëllim të
avancimi të mëtutjeshëm të kualitetit të menaxhimit në Bankën Qendrore.
Megjithatë, edhe një herë po potencoj, që ne kemi vepruar konform legjislacionit në fuqi.
Edhe një gjë, çka kam vërejtur unë, gjatë Komisionit ka pasur tendenca që procedurat të
anulohen. Ne jemi të vetëdijshëm për situatën në të cilën gjendet Banka Qendrore. Është një
kohë e gjatë, e jo për faj të Bankës Qendrore, po për faj të Kuvendit, të këtij institucioni që
Banka Qendrore është pa bord, pa anëtarë të Bordit. Dhe me qëllim të mosrrezikimit të
funksionimit të Bankës Qendrore, ne kemi vepruar konform legjislacionit në fuqi. Faleminderit!
KRYESUESJA: Faleminderit! A mund të propozoni edhe një emër, ju lutem?! Nga Grupi i
LDK-së, deputetja Saranda Musliu. Ju faleminderit!
Nga Grupi Parlamentar i PDK-së, fjala për z. Bedri Hamza, ju lutem!
BEDIR HAMZA: Faleminderit zonja nënkryetare!
Të nderuar deputetë të Kuvendit të Republikës së Kosovës,
E dha prezantimin e vet edhe Kryetari i Komisionit për Buxhet dhe Transfere, edhe shefi i Grupit
Parlamentar të Lidhjes Demokratike të Kosovës dhe e sqaroi shumë drejt nenin 34.2.
Megjithatë u përmend këtu një opinion ligjor i një zyre brenda Kuvendit dhe po dua të ngre një
shqetësim. Një Zyrë brenda Kuvendit të Republikës së Kosovës, një zyrtar i administratës së
Kuvendit të Republikës së Kosovës e jep një opinion ligjor, mirëpo unë këtu para vetes e kam
edhe opinionin ligjor të Agjencisë Kundër Korrupsionit dhe tash kërkoj prej Administratës së
Kuvendit që të shqyrtohet se a ka pasur një opinion korrekt, saktë, a ka pasur tejkalim të
autorizimeve të atij zyrtari i cili e ka dhënë këtë opinion. Dhe po e lexoj opinionin e Agjencisë
Kundër Korrupsionit që besoj që është institucioni më përgjegjës, më kompetent për të
interpretuat Ligjin për konfliktin e interesit.
Po e lexoj vetëm paragrafin e fundit, me qëllim të kursimit të kohës. Pozicioni i Guvernatorit si
anëtar i panelit për ndërmarrjen e veprimeve ligjore në procesin e përzgjedhjes së anëtarëve të
82
Bordit të Bankës Qendrore nuk paraqet kurrfarë konflikti të interesit. Po ritheksoj nuk paraqet
kurrfarë konflikti të interesit. Për më tepër, detyrim ligjor i Guvernatorit për të qenë anëtar i këtij
paneli me përgjegjësi dhe detyrime të njëjta, po aq sa për anëtarë të tjerë të panelit. Ky është
konstatimi i fundit i Agjencisë Kundër Korrupsionit që është për këtë çështje.
Sa i përket raportit të Fondit Monetar Ndërkombëtar, po është për t’u vlerësuar, mirëpo ai raport
kërkon që në të ardhmen, kurdo që të ndodhen proceset e plotësim-ndryshimit të Ligjit për
Bankën Qendrore të merren në konsideratë. Aktualisht qysh është kjo e rregulluar e sqaroi edhe
deputeti i Lidhjes Demokratike, z. Hajdini.
Për fund, është jo e drejtë t’ia njohësh dikujt një të drejtë që s’ia ka njohur ligji. Dhe është
shkelje e ligjit. Po t’ia mohosh dikujt një të drejtë që s’ia ka ndalur ligji, është shkelje e ligjit,
është shkelje edhe e Kushtetutës dhe është cenim i të drejtave që dikush të jetë pjesë e procesit.
Dhe po e përmbyll me propozimin e kandidatit për Komision, që ne propozojmë që deputeti
Sejdi Hoxha të jetë anëtar i Komisionit. Faleminderit!
KRYESUESJA: Ju faleminderit z. Hamza!
Për hir të korrektësisë, Departamenti Ligjor e ka dhënë opinionin ligjor për Komisionin.
Komisioni e ka shqyrtuar dhe të dy këta, sa kuptova prej kolegëve të administratës, të dy
kandidatët për të cilët po bëhet fjalë, janë të përfshirë në listë, kështu që tani deputetët e japin
vlerësimin me votë. Tani jemi në proces të votimit dhe këtë e japim me votë. Atë çështje mund ta
adresoni përsëri d.m.th. nëse është e nevojshme.
Ftoj përfaqësuesin e Grupit Parlamentar të AAK-së. Kush e dëshiron fjalën nga AAK-ja?
Deputetja Time Kadrijaj.
TIME KADRIJAJ: Faleminderit!
Unë mendoj që në Komisionin e caktuar janë shteruar të gjitha këto debate dhe normal se edhe
nëpër komisione parlamentare duhet të respektohet ligjshmëria dhe unë nuk e mendoj që
Komisioni për Buxhet dhe Transfere ka mund të bëjë shkelje ligjore dhe të procedojë tutje një
çështje për të cilën sot po diskutojmë.
Ne për Komision propozojmë deputetin Gazmend Syla.
KRYESUESJA: Ju faleminderit! Nga Grupi Parlamentar Lista serbe!
IGOR SIMIĆ: Hvala podpresednice!
U ime Srpske liste, član Komisije biće poslanik Ljubinko Karadžić. Hvala!
KRYESUESJA: A mundeni ju lutem ta përsëritni edhe një herë emrin se s’po dëgjohet mirë.
83
IGOR SIMIĆ: Ljubinko Karadžić.
KRYESUESJA: Ju faleminderit!
Nga Grupi Parlamentar 6+, z. Rasim Demiri.
RASIM DEMIRI: Hvala!
Naša Grupa 6+ predlaže poslanicu Duda Balje.
KRYESUESJA: Zoti Demiri, a ka mundësi ju lutem emrin edhe një herë. Kërkoj falje por
ndoshta edhe për shkak të maskave nuk po dëgjohet mirë.
RASIM DEMIRI: Parlamentarna Grupa 6+ predlaže poslanicu Dudu Balje.
KRYESUESJA: Kështu, ne jemi në proces të votimit, por janë dy deputetë që janë lajmëruar për
fjalë. Zoti Fatmir Rexhepi dhe zoti Hekuran Murati.
FATMIR REXHEPI: Faleminderit, kryesuese!
Me pak fjalë do t’i bashkëngjitem edhe unë opinionit të Komisionit për Buxhet meqë ne e kemi
trajtuar dhe i kemi shqyrtuar gjithanshëm kandidaturat e gjashtë emrave të propozuar ku secili
është kuadër që i plotëson kriteret për të cilat kërkohen që sot të zgjidhet kandidati i mundshëm.
Prandaj, as atëherë as sot nuk mendoj që Komisioni duhet të bëhet ndonjë barrierë për ndonjë
kandidat, meqenëse të gjithë janë në pajtim të plotë me ligjit, qoftë ajo që u tha nga kolegët e
tjerë për pjesëmarrjen e Guvernatorit në pajtim me Ligjin për Bankën Qendrore në përzgjedhjen
apo në pjesëmarrjen në panel nga ana e tij, qoftë të konfliktit të interesit, apo çështjeve të tjera që
u shtruan për kandidatët, sepse secili prej tyre po them i plotëson kushtet nga ana profesionale,
nga ana e eksperiencës në detyra të caktuara që kanë bërë, prandaj unë si anëtar i Komisionit për
Buxhet, edhe atë ditë kam votuar, edhe sot që t’u mundësohet që vetë deputetët e Parlamentit të
kenë para vetes emrat dhe të zgjedhin kandidatin për të cilin mendojnë se i plotëson më së miri
këto kushte. Ju faleminderit!
KRYESUESJA: Ju faleminderit! Deputeti Hekuran Murati e ka fjalën.
HEKURAN MURATI: Faleminderit e nderuar nënkryetare!
U tha, u prezantua prej z. Hamza një e-mail që e kishte pranuar nga Agjencia Kundër
Korrupsionit në lidhje me mundësinë e konfliktit të interesit të Guvernatorit si pjesëmarrës në
panelin përzgjedhës, mirëpo aty nuk është d.m.th. rezultati se çka merr si opinion ligjor, ka
shumë të bëjë me mënyrën sesi shtrohet pyetja. Tash nëse pyetja është bërë a ka pasur të drejtë
84
Guvernatori i BQK-së të marrë pjesë në panelin përzgjedhës edhe pikëpyetje, atëherë normal që
përgjigjja do të ishte po, për shkak se ashtu parashihet me ligj. Mirëpo, këtu problemin e kemi
tjetërkund. Nuk e kemi problemin pse Guvernatori ka marrë pjesë në panelin përzgjedhës.
Problemi është ose konflikti i interesit është pse Guvernatori ka marrë pjesë në panelin
përzgjedhës ku aplikantë kanë qenë edhe dy pjesëtarë të kabinetit të tij. Opinioni ligjor i
Kuvendit është kërkuar prej Komisionit. Ata nuk e kanë dhënë krye në vete. Ne i kemi kërkuar si
Komision. Në mbledhjen që e kemi pasur jemi pajtuar për ta kërkuar atë opinion, edhe opinioni
ka thënë që meqenëse ata llogariten që janë persona të afërt, pra pjesëtarë të kabinetit të
Guvernatorit, Guvernatori është dashur të tërhiqet nga paneli përzgjedhës. Pra, këtu është
problemi. Këtu është konflikti i interesit.
Sot kur e pashë këtë shkresën që më tregoi z. Hamza, unë e përgatita një shkresë, edhe kam
dërguar kërkesë zyrtare në Agjencinë Kundër Korrupsionit, edhe e kam shtruar si duhet pyetjen.
Pra, jo të pyetet a ka të drejtë Guvernatori, pa e cekur ose duke e fshehur faktin që kandidatë për
t’u përzgjedhur kanë qenë edhe dy këshilltarë të tij.
Pra, e kam dërguar me këtë informatë plotësuese, edhe pres që së shpejti të marrim edhe këtë
konfirmim, në mënyrë që të sigurohemi se me të vërtetë ka konflikt interesi. Por, siç e thash edhe
një herë, ne si Komision asokohe jemi pajtuar që të marrim opinionin ligjor prej Zyrës Ligjore të
Kuvendit.
U përmend edhe diskriminimi, se si nuk duhet të diskriminohen disa persona dhe unë jam i
pajtimit që asnjëherë nuk do të duhej të kishte diskriminim, mirëpo në këtë rast ne mund ta
shohim edhe anën tjetër të medaljes, që nëse kemi një Guvernator i cili përzgjedh këshilltarët e
tij si kandidatë potencialë për t’u emëruar në Bord, atëherë kemi të bëjmë me diskriminim të
kandidatëve të tjerë, të cilëve u mohohet mundësia të jenë pjesë e asaj liste si kandidatë
potencialë. Pra, edhe në këtë rast kemi diskriminim.
Po ashtu, duhet të theksoj që si Komision, për dallim prej herëve të tjera ne nuk e kemi vendosur
ose nuk e kemi përcaktuar mënyrën e votimit që rëndom ka qenë votim i fshehtë, andaj do të
kisha kërkuar nga administrata e Kuvendit që të mundësohet votimi i hapur, për shkak se mendoj
që nuk kemi asnjë arsye që për një institucion të pavarur si Banka Qendrore të bëhet votim i
fshehtë. Le të dihet kush për kë po voton dhe si po votohet për një institucion kaq të
rëndësishëm. Ju faleminderit!
KRYESUESJA: Ju faleminderit z. Murati!
Atëherë më lejoni t’ju informoj se në bazë të nenit 38.2 i Ligjit nr. 03L/209 për Bankën Qendrore
të Republikës së Kosovës, nga lista e kandidatëve të propozuar, Kuvendi i Republikës së
Kosovës përzgjedh një kandidat për pozitën e anëtarit në Bordin e Bankës Qendrore.
85
Pas përzgjedhjes nga Kuvendi i Republikës së Kosovës do t’i dërgohet Presidentit për miratim
dhe emërim.
Komisioni ka propozuar gjashtë kandidatë. Prej tyre njëri tashmë siç u njoftova është tërhequr,
por me ligj nuk është e përcaktuar mënyra dhe forma e përzgjedhjes. Andaj, pas propozimit të z.
Murati, unë lus shefat e grupeve parlamentare që të deklarohen për votimin se a do të jetë një
votim i fshehtë apo i hapur dhe kandidati i cili e fiton shumicën e votave të deputetëve të
pranishëm dhe që votojnë dhe të përzgjidhet në pozitën e anëtarit joekzekutiv të Bordit të Bankës
Qendrore të Republikës së Kosovës.
Kandidatët e propozuar për anëtarë joekzekutivë të Bordit të Bankës Qendrore të Republikës së
Kosovës janë:
Arben Mustafa,
Avni Sahiti,
Mimoza Mustafa,
Valdrin Kasumaj dhe
Veton Zeqiraj.
Ndërkohë që anëtarët e Komisionit votues janë propozuar: deputeti z. Sali Zyba, Saranda Musliu,
Sejdi Hoxha, Gazmend Syla, Ljubinko Karaxhiq dhe nga Grupi Parlamentar 6+, kryetar i grupit,
Sejdi Hoxha.
Ju lus fillimisht me ngritje dore.
Po vetëm fillimisht ju lutem a ta votojmë Komisionin, meqenëse veç filluam. Pra, a jeni të
pajtimit që këta gjashtë anëtarë të jenë anëtarë të Komisionit votues?
Kush është për? Për Komision!
Duket që shumica. Faleminderit!
A është dikush kundër? Abstenim?
Atëherë konstatoj që me shumicën e votave u miratua ky Komision. Ndërkohë, meqenëse kishim
një propozim nga kryetari i Komisionit, të cilin e kanë sjellë edhe sipas propozimit, ftoj
përfaqësuesit e grupeve parlamentare që të deklarohen për këtë propozim të z. Murati.
Nga LDK, z. Ismet Beqiri.
86
ISMET BEQIRI: Ju kisha lutur, nuk ka votim të hapur. Rregullorja e përcakton, në fakt votimit
bëhet i fshehtë. Janë më shumë kandidatë dhe nuk ka. Pavarësisht! Votimi duhet të jetë i fshehtë
dhe jo votim i hapur. Ne kërkojmë që votimi të jetë i fshehtë.
KRYESUESJA: Ju faleminderit, zoti Beqiri!
Rregullorja për aq sa unë e di, e cek saktë se votimi mund të jetë i hapur, i mbyllur. Nuk e
përcakton që për këto çështje as ligji, as Rregullorja. Sidoqoftë, Komisioni ka propozuar që të
jetë i hapur, tani ju deklaroheni dhe sido që të ndodhë shumica, jemi në rregull.
Atëherë vazhdojmë.
Kuvendi emëroi anëtarët e Komisionit votues për përzgjedhjen e një anëtari joekzekutiv të Bordit
të Bankës Qendrore të Republikës së Kosovës. Më lejoni të sqaroj se nëse asnjëri nga kandidatët
nuk e fiton shumicën e votave të deputetëve të pranishëm dhe që votojnë, rundi i dytë i votimit
përsëritet për dy kandidatët që kanë marrë më së shumti vota në raundin e parë të votimit.
Kërkoj nga Komisioni votues që të fillojë me procedimin e votimit, ndërsa deputetët do të ftohen
të votojnë sipas listës.
Ftoj edhe anëtarët e tjerë të Komisionit ju lutem që t’i zënë vendet!
Ndërkohë ftoj deputetët me radhë për votim:
Abelard Tahiri, Adem Hoxha, Agon Batusha, Alban Hyseni, Albena Reshitaj.
Albert Kinolli, Ali Berisha, Arben Gashi dhe Arbër Rexhaj.
Të nderuar deputetë,
Jeni shumë të papërgjegjshëm! Ju lutem mbajeni distancën edhe përdorni dezinfektues. Jemi
duke e parë sa shumë jemi të rrezikuar secili. Ruajeni distancën ju lutem!
Ftoj deputetët: Arbër Tolaj, Arbëreshë Krasniqi, Arbëreshë Kryeziu-Hyseni, Ardian Shala,
Ariana Musliu-Shoshi dhe Arta Bajralia.
Deputetët: Artan Abrashi, Bajrush Xhemajli, Bedri Hamza, Behgjet Pacolli, Bekë Berisha dhe
Bekim Haxhiu.
Deputetët: Besa Gaxherri, Besa Ismaili-Ahmeti, Blerta Deliu-Kodra, Branislav Nikoliq, Daut
Haradinaj, Dimal Basha, Donika Kadaj-Bujupi dhe Doruntinë Maloku-Kastrati.
87
Deputetët: Duda Balje, Ekrem Hyseni, Elbert Krasniqi, Eliza Hoxha, Elmi Reçica, Eman
Rrahmani dhe Deputeti Endrit Shala.
Të nderuar kolegë,
A jeni duke e parë njëri-tjetrin sa afër jeni duke qëndruar? Ju lutem shikoni pak rreth vetes! Të
mos ju thërras me emra për besë, se ju thërras me emra secilin, po uluni në vend e largohuni,
mbani distancë pak!
Ftoj deputetët: Enver Haliti, Enver Hoxhaj, Ethem Arifi, Evgjeni Thaçi-Dragusha, Fatmir Limaj,
Fatmir Rexhepi, Fatmir Xhelili dhe Fatmire Kollçaku-Mullhaxha.
Ftoj deputetët: Faton Bislimi, Ferat Shala, Fetah Rudi, Fidan Yilta, Fidan Rekaliu, Fikrim
Damka, Fitim Haziri, Fitim Uka dhe Fitore Pacolli-Dalipi.
Ftoj deputetët: Fjolla Ujkani, Floretë Zejnullahu, Frashër Demaj, Ganimete Musliu, Gazmend
Abrashi dhe Gazmend Bytyqi.
Vazhdojmë, deputetët: Gazmend Gjyshinca, Gazmend Syla, Hajredin Kuçi, Hajrullah Çeko,
Hatim Baxhaku, Haxhi Avdyli, Haxhi Shala dhe Hekuran Murati.
Ftoj deputetët: Igor Simiq, Ilir Ferati, Ilir Tasholli, Ismet Beqiri, Ivan Todosijeviq, Jahja Kokaj
dhe Jasmina Dediq.
Ftoj deputetët: Kadri Veseli, Kujtim Gashi, Kujtim Shala, Labinotë Demi-Murtezi, Liburn Aliu
dhe Lirije Kajtazi.
Ftoj deputetët: Lubinko Karaxhiq, Marigona Geci, Mefail Bajqinovci, Memli Krasniqi, Mërgim
Lushtaku, Miljana Nikoliq, Milosh Peroviq, Mimoza Kusari-Lila dhe Mirlinda Sopi-Krasniqi.
Ftoj deputetët: Pal Lekaj, Rasim Demiri, Rasim Selmanaj, Rexhep Selimi, Rrezarta Krasniqi,
Sali Zyba, Saranda Bogujevci dhe Saranda Musliu.
Ftoj deputetët: Sejdi Hoxha, Shkëlzen Hajdini, Shkëmb Manaj, Shkumbim Demaliaj, Shkumbim
Gashi, Shpejtim Bulliqi, Slavko Simiq, Teuta Haxhiu dhe Time Kadrijaj.
Ftoj deputetët: Uran Ismaili, Valdete Idrizi, Valentina Bunjaku-Rexhepi, Valon Ramadani,
Verica Çeraniq dhe Veton Berisha.
Ftoj deputetët: Visar Hoti, Vjosa Osmani-Sadriu, Vlora Limani-Hajnuni, Xhavit Ukaj, Yllza
Hoti, Zikreta Aliti dhe Zoran Mojsiloviq.
88
(Drejtimin e mbledhjes e merr kryetarja e Kuvendit të Kosovës, znj. Vjosa Osmani.)
KRYETARJA: Kolegë deputetë,
Ju lus edhe një herë! E para Administrata ta sjellë edhe një tavolinë për Komisionin në mënyrë
që të kenë mundësi ta mbajnë distancën.
E dyta, deputetë që po flasin me njëri-tjetrin, ju lus ta bëni këtë nga distanca e nevojshme, ose në
telefon, ka mundësi të tjera.
Deputetes Saranda Musliu, fjalën, ju lutem!
SARANDA MUSLIU: Atëherë vazhdojmë me emërimin e emrave, për të cilët janë 109 deputetë
të cilët kanë votuar.
Atëherë pa humbur kohë po vazhdojmë direkt me leximin e emrave të kandidatëve:
Arben Mustafa
Arben Mustafa,
Valdrin Kasumaj,
Veton Zeqiraj,
Mimoza Mustafa,
Veton Zeqiraj,
Mimoza Mustafa,
Mimoza Mustafa,
Mimoza Mustafa,
Avni Sahiti,
Avni Sahiti,
Mimoza Mustafa,
Avni Sahiti,
Mimoza Mustafa,
Arben Mustafa,
Avni Sahiti,
Mimoza Mustafa,
Avni Sahiti,
Arben Mustafa.
Kjo si duket është një votë që ka abstenuar, pa vlerë. D.m.th. veç rangoje!
Arben Mustafa,
Valdrin Kasumaj,
89
Arben Mustafa,
Mimoza Mustafa,
Mimoza Mustafa,
Valdrin Kasumaj,
Valdrin Kasumaj,
Mimoza Mustafa,
Mimoza Mustafa,
Veton Zeqiraj,
Arben Mustafa,
Avni Sahiti,
Mimoza Mustafa,
Avni Sahiti,
Valdrin Kasumaj,
Mimoza Mustafa,
Veton Zeqiraj,
Arben Mustafa,
Valdrin Kasumaj,
Avni Sahiti,
Arben Mustafa,
Valdrin Kasumaj,
Veton Zeqiraj,
Mimoza Mustafa,
Valdrin Kasumaj,
Avni Sahiti.
Arben Mustafa
Avni Sahiti
Arben Mustafa
Valdrin Kasumaj
Arben Mustafa
Mimoza Mustafa
Veton Zeqiraj
Mimoza Mustafa
Mimoza Mustafa
Avni Sahiti
Veton Zeqiraj
Arben Mustafa
Veton Zeqiraj
Arben Mustafa
Mimoza Mustafa
Arben Mustafa
90
Avni Sahiti
Arben Mustafa
Valdrin Kasumaj
Mimoza Mustafa
Avni Sahiti
Mimoza Mustafa
Arben Mustafa
Arben Mustafa
Arben Mustafa
Arben Mustafa
Avni Sahiti
Mimoza Mustafa
Mimoza Mustafa
Veton Zeqiraj
Veton Zeqiraj
Mimoza Mustafa
Arben Mustafa
Avni Sahiti
Avni Sahiti
Arben Mustafa
Veton Zeqiraj
Arben Mustafa
Avni Sahiti
Valdrin Kasumaj
Veton Zeqiraj
Arben Mustafa
Arben Mustafa
Mimoza Mustafa
Mimoza Mustafa
Arben Mustafa
Arben Mustafa
Mimoza Mustafa
Veton Zeqiraj
Valdrin Kasumaj
Një sekondë, po dëshironi konsultim?
Mimoza Mustafa
Valdrin Kasumaj
Valdrin Kasumaj
91
Mimoza Mustafa
Valdrin Kasumaj
Veton Zeqiraj
Valdrin Kasumaj
Veton Zeqiraj
Arben Mustafa
Arben Mustafa
Valdrin Kasumaj
Mimoza Mustafa
Dhe e fundit,
Mimoza Mustafa
(Ndërprerje e incizimit)
KRYETARJA: Fjalën deputetit, ju lutem!
SEJDI HOXHA: Të nderuar deputetë,
Më lejoni që në emër të komisionit të bëjmë edhe prezantimin e rezultateve të votimit për
përzgjedhjen e 1 anëtari joekzekutiv në Bordin e Bankës Qendrore të Republikës së Kosovës.
Komisioni në përbërje: Sali Zyba, Saranda Musliu, Sejdi Hoxha, Ljubinko Karaxhiq, Gazmend
Syla dhe Duda Balje.
Në votim kanë marrë pjesë gjithsej 109 deputetë, dy fletëvotime janë të pavlefshme, ndërsa
rezultatet e kandidatëve janë si në vijim: Arben Mustafa ka fituar 29 vota, Avni Sahiti i ka fituar
17 vota, Mimoza Mustafa ka fituar 29 vota, Valdrin Kasumaj ka fituar 17 vota dhe Veton Zeqiraj
ka fituar 15 vota.
Ky është rezultati i votimit. Faleminderit!
KRYETARJA: Faleminderit! Konstatoj se në rundin e dytë, shkojnë dy kandidatët me më së
shumti vota, meqenëse askush nuk e ka marrë shumicën e votave të kërkuara.
Pra, këta janë kandidatët: Arben Mustafa dhe Mimoza Mustafa, në rundin e dytë. E lus
administratën që t’i përgatisë fletëvotimet me këta dy emra. Për pesë minuta do të jemi gati.
Menjëherë pas këtij rundi të votimit, të nderuar deputetë, do të na duhet që ta marrim një pauzë
për ta ajrosur sallën.
(Ndërprerje e incizimit)
92
KRYETARJA: Fillojmë me rundin e dytë të votimit. Dy kandidatët janë: Arben Mustafa dhe
Mimoza Mustafa.
I ftoj deputetët të votojnë:
Abelard Tahiri, Adem Hoxha, Agon Batusha, Alban Hyseni dhe Albena Reshitaj.
Ju lus, përsëri që ta mbani distancën deputetë, t’i mbani maskat, mos i largoni maskat dhe
sigurohuni që kur të ktheheni në ulëse t’i dezinfektoni duart.
Albert Kinolli, Ali Berisha, Arben Gashi nuk është këtu, Arbër Rexhaj, Arbër Tolaj.
Arbëreshë Krasniqi, Arbreshë Kryeziu-Hyseni, Arbërie Nagavci, Ardian Shala, Ariana Musliu-
Shoshi.
Arta Bajralia, Artan Abarashi, Bajrush Xhemajli, Bedri Hamza, Behgjet Pacolli.
Bekë Berisha, Bekim Haxhiu, Besa Gaxherri, Besa Ismaili-Ahmeti, Blerta Deliu-Kodra.
Branislav Nikoliq, Daut Haradinaj, Dimal Basha, Donika Kadaj, Doruntinë Maloku.
Duda Balje, Ekrem Hyseni, Elbert Krasniqi, Eliza Hoxha, Elmi Reçica, Eman Rrahmani, Endrit
Shala, Enver Haliti, Enver Hoxhaj, Etem Arifi, Evgjeni Thaçi-Dragusha, Fatmir Limaj.
Fatmir Rexhepi, Fatmir Xhelili, Fatmire Kollçaku, Faton Bislimi, Ferat Shala, Fetah Rudi, Fidan
Jilta, Fidan Rekaliu, Fikrim Damka, Fitim Haziri, Fitim Uka dhe Fitore Pacolli-Dalipi.
Ju lus që ta mbani distancën, deputetë.
Ganimete Musliu, Gazmend Abrashi, Gazmend Bytyçi, Gazmend Gjyshinca, Gazmend Syla,
Hajredin Kuçi, Hajrulla Çeko, Hatim Baxhaku, Haxhi Avdyli, Haxhi Shala, Hekuran Murati,
Igor Simiq, Ilir Ferati, Ilir Tasholli, Ismet Beqiri, Ivan Todosijeviq, Jahja Kokaj, Jasmina Dediq.
Kadri Veseli, Kujtim Gashi, Kujtim Shala, Labinotë Demi-Murtezi, Liburn Aliu, Lirije Kajtazi,
Ljubinko Karaxhiq, Marigona Geci, Mefail Bajçinovci, Memli Krasniqi, Mërgim Lushtaku,
Miljana Nikoliq, Milosh Peroviq, Mimoza Kusari-Lila.
Pal Leka, Rasim Demiri, Rasim Selmanaj, Rexhep Selimi, Rrezarta Krasniqi, Sali Zyba, Saranda
Bugujevci, Saranda Musliu.
93
Sejdi Hoxha, Shkëlzen Hajdini, Shkëmb Manaj, Shkumbin Demaliaj, Shkumbin Gashi, Shpejtim
Bulliqi, Slavko Simiq, Teuta Haxhiu, Time Kadrijaj.
Teuta Haxhiu, Time Kadrijaj, Uran Ismaili, Valdete Idrizi, Valentina Bunjaku, Valon Ramadani,
Verica Qeraniq, Veton Berisha, Visar Hoti, Vlora Limani-Hajnuni, Xhavit Ukaj, Yllza Hoti,
Zikreta Aliti, Zoran Mojsiloviq edhe unë Vjosa Osmani.
Me kaq përfundon lista. Ju lus përsëri që ta mbani distancën.
Ju lus, filloni me numërimin e votave. Deputetit, fjalën! Deputetes fjalën, deputetes Musliu.
SARANDA MUSLIU: Atëherë komisioni ynë vazhdon për anëtarin e Bankës Qendrore të
Republikës së Kosovës. D.m.th. në rundin e dytë që janë dy vetëm kandidatë. Shkojmë pa
humbur kohë.
Arben Mustafa
Arben Mustafa
Mimoza Mustafa
Arben Mustafa
Arben Mustafa
Arben Mustafa
Arben Mustafa
Mimoza Mustafa
E pavlefshme
Mimoza Mustafa
Arben Mustafa
Mimoza Mustafa
Arben Mustafa
Mimoza Mustafa
Mimoza Mustafa
Mimoza Mustafa
Arben Mustafa
Arben Mustafa
Arben Mustafa
Mimoza Mustafa
Mimoza Mustafa
Mimoza Mustafa
Arben Mustafa
Mimoza Mustafa
Arben Mustafa
94
Mimoza Mustafa
Mimoza Mustafa
E pavlefshme
Mimoza Mustafa
Arben Mustafa
Arben Mustafa
Arben Mustafa
Arben Mustafa
Mimoza Mustafa
Mimoza Mustafa
Mimoza Mustafa
Arben Mustafa
Mimoza Mustafa
Mimoza Mustafa
Mimoza Mustafa
Arben Mustafa
Arben Mustafa
Arben Mustafa
Arben Mustafa
Arben Mustafa
Arben Mustafa
Mimoza Mustafa
Arben Mustafa
Mimoza Mustafa
Mimoza Mustafa
Arben Mustafa
Arben Mustafa
Arben Mustafa
Mimoza Mustafa
Mimoza Mustafa
Mimoza Mustafa
Arben Mustafa
Arben Mustafa
Mimoza Mustafa
Mimoza Mustafa
Arben Mustafa
Arben Mustafa
Arben Mustafa
Arben Mustafa
E pavlefshme
95
Arben Mustafa
Mimoza Mustafa
Mimoza Mustafa
Mimoza Mustafa
Mimoza Mustafa
E pavlefshme
Mimoza Mustafa
E pavlefshme
Mimoza Mustafa
Arben Mustafa
Arben Mustafa
Arben Mustafa
Mimoza Mustafa
E pavlefshme
Arben Mustafa
Arben Mustafa
Arben Mustafa
Arben Mustafa
Mimoza Mustafa
Mimoza Mustafa
Mimoza Mustafa
Arben Mustafa
Mimoza Mustafa
Arben Mustafa
Mimoza Mustafa
Arben Mustafa
Mimoza Mustafa
Arben Mustafa
Arben Mustafa
Mimoza Mustafa
Mimoza Mustafa
Arben Mustafa
Mimoza Mustafa
Arben Mustafa
Arben Mustafa
Mimoza Mustafa
Mimoza Mustafa
Mimoza Mustafa
Arben Mustafa
Mimoza Mustafa
96
Mimoza Mustafa dhe
Arben Mustafa.
KRYETARJA: Fjalën, deputetit, ju lutem!
SEJDI HOXHA: Të nderuar deputetë,
Në bazë të rezultatit të dytë të votimit për dy kandidatët e tjerë, komisioni konstaton që në votim
kanë marrë pjesë gjithsej 107 deputetë. Të pavlefshme janë 6 vota. Zoti Arben Mustafa ka marrë
52 vota, ndërsa znj. Mimoza Mustafa ka fituar 49 vota.
Ky është konstatimi i komisionit përgjegjës. Faleminderit!
KRYETARJA: Faleminderit! Meqenëse, asnjëri nga kandidatët nuk i ka marrë 54 votat e
nevojshme për të kaluar, konstatoj se e gjithë procedura duhet të rikthehet në pikën zero, në
përputhje me ligjet në fuqi.
Të nderuar deputetë,
Tashmë jam konsultuar me disa nga grupet parlamentare, në qoftë se pajtoheni, për shkak se këtu
tashmë edhe është bërë e rrezikshme të vazhdojmë, sepse ajri nuk po mund të qarkullojë, ne do të
mund ta vazhdonim seancën, nesër prej orës 11:00.
Siç e dini, me kërkesë të kryeministrit dhe përkrahje të grupeve parlamentare, seanca lidhur me
debatin për pandeminë, është shtyrë për në orën 16:00. Rrjedhimisht, do të kishim hapësirë të
nevojshme prej orës 11:00-16:00 që t’i trajtojmë pikat e mbetura, në qoftë se pajtoheni.
A ka dikush ndonjë kundërshtim? Në qoftë se nuk ka kundërshtim, kjo seancë vazhdon nesër në
orën 11:00. Faleminderit të gjithëve!
* * *
97
E premte, më 10 korrik 2020
Vazhdimi i mbledhjes plenare, e filluar më 9 korrik 2020
Mbledhjen e drejton nënkryetarja e Kuvendit, znj. Arbërie Nagavci.
KRYESUESJA: Të nderuar deputetë,
I hap punimet për vazhdimin e seancës plenare të Kuvendit të Republikës së Kosovës, e filluar
dje, më 9 korrik 2020.
Të pranishëm janë 79 deputetë, kështu procedojmë me pikat e papërfunduara të rendit të ditës të
seancës së filluar dje.
Në radhë është pika e pestë e rendit të ditës.
5. Zgjedhja e anëtarëve të Bordit të Drejtorëve të Ndërmarrjes Publike Operatori i
Sistemit Transmisionit dhe Tregut KOSTT
Të nderuar deputetë,
Komisioni për Ekonomi, Punësim, Tregti, Industri dhe Investime Strategjike e ka shqyrtuar
raportin e panelit përzgjedhës me kandidatët për zgjedhjen e kryesuesit dhe drejtorëve të Bordit
të Ndërmarrjes Publike Operatori i Sistemit Transmisioni dhe Tregut KOSTT dhe Kuvendit i ka
rekomanduar zgjedhjen e pesë anëtarëve të këtij bordi nga 12 kandidatë të propozuar.
Në emër të Komisionit Funksional për Ekonomi, Punësim, Tregti, Industri dhe Investime
Strategjike ftoj nënkryetaren e komisionit, zonjën Doruntinë Maloku, që të paraqesë dhe ta
arsyetojë raportin e komisionit.
DORUNTINË MALOKU: Të nderuar kolegë,
Ndërmarrja Publike KOSTT është operatori i Sistemit të Transmisionit të Tregut të Energjisë
Elektrike të Kosovës. Ndërmarrje publike me 100% të aksioneve shtetërore sipas Ligjit për
energjinë elektrike numër 05/L-085 dhe funksionon si ndërmarrje publike në pajtim me Ligjin
për ndërmarrjet publike dhe legjislacionin përkatës në fuqi.
Të drejtat e aksionarit për KOSTT-in ushtrojnë nga Kuvendi i Republikës së Kosovës.
Bordi i drejtorëve i KOSTT-it përbëhet prej shtatë anëtarëve, njëri prej të cilëve është kryesues i
bordit.
Kryesuesi dhe pesë anëtarët e tjerë të bordit emërohen nga Kuvendi i Republikës së Kosovës me
mandat katërvjeçar me mundësi për rizgjedhje edhe për një mandat, ndërsa mandati i shtatë është
kryeshefi ekzekutiv sipas detyrës zyrtare.
98
Bordi i Drejtorëve për veprimtarinë e KOSTT-it i raporton Kuvendit të Republikës së Kosovës
në baza të rregullta vjetore dhe sa herë që kërkohet nga Kuvendi një gjë e tillë.
Në bazë të nenit 14 të Ligjit numër 05/L-085 për energjinë elektrike Ministria e Punëve të
Brendshme dhe Administratës Publike ka shpallur konkursin për drejtor të Bordit të KOSTT-it
nga data 22. 2. 2020 deri më 22 mars 2020, pra ishte i hapur 30 ditë.
Ndërkaq dosjen e aplikantëve e ka dorëzuar në Kuvendin e Kosovës më 2 qershor 2020.
Në bazë të nenit 14, paragrafi 6.2 i Ligjit numër 05/L-085 për energjinë elektrike Komisioni
Parlamentar Përkatës për Energji pas pranimit të dosjes të aplikantëve i ka kërkuar Kuvendit të
Republikës së Kosovës së paku dy kandidatë për një pozitë të lirë.
Komisioni për Ekonomi, Punësi, Tregti, Industri, Ndërmarrësi dhe Investime Strategjike si
Komision përkatës për Energji më datën 9 qershor 2020 ka marrë vendim për formimin e panelit
për zgjedhjen e anëtarëve të bordit me këtë përbërje:
1. Endrit Shala, nga Grupi Parlamentar Nisma, kryesues i panelit,
2. Elbert Krasniqi, nga Grupi Parlamentar Lëvizja Vetëvendosje,
3. Doruntinë Maloku, nga Grupi Parlamentar i Lidhjes Demokratike,
4. Ferat Shala, nga Grupi Parlamentar i Partisë Demokratike të Kosovës,
5. Pal Lekaj, deputeti i Aleancës për Ardhmërinë e Kosovë dhe
6. Zoran Mojsiloviq, nga Grupi Parlamentar Lista serbe.
Paneli i caktuar nga komisioni më datën 10 qershor konstatoi se në konkurs kanë aplikuar 32
kandidatë, prej të cilëve 27 kandidatë i kanë plotësuar kushtet formale sipas ligjit dhe duhet të
ftohen në intervistë.
Ndërkaq pesë kandidatë nuk i kanë plotësuar kushtet formalo-ligjore dhe janë eliminuar nga lista
e ngushtë.
Ndërkaq në përputhje me nenin 8 të Ligjit numër 04/L-111 për ndryshimin dhe plotësimin e
Ligjit për ndërmarrjet publike, ku një nga drejtorët e Bordit të një ndërmarrjeje publike duhet të
jetë nga komuniteti joshumicë vendosi që t’i rekomandojë Kuvendit që të kërkojë nga Qeveria që
ta rishpallë konkursin për një pozitë, sepse kishte aplikuar vetëm një kandidat dhe as ai kandidat
nuk i kishte plotësuar kushtet si dhe do të duhej që të jenë edhe së paku dy kandidatë për një
pozitë.
99
Nga data 15 dhe 16 qershor 2020, paneli përzgjedhës zhvilloi procesin e intervistimin të
kandidatëve, ku pas zhvillimit të procesit dhe të poentimit bazuar në performansën e tyre paneli i
propozoi komisionit 10 kandidatët me më së shumti poenë, si në vijim:
1. Kushtrim Krasniqi,
2. Jeton Mehmeti,
3. Ali Hamiti,
4. Nebi Zariqi,
5. Pranvera Dobruna-Kryeziu,
6. Saranda Sadriu-Mehmeti,
7. Xhavit Buzhala,
8. Ibrahim Krasniqi,
9. Gjelosh Vataj dhe
10. Ajrina Gashi-Hamdiu.
Më 16 qershor 2020, komisioni, pas shqyrtimit të raportit të panelit përzgjedhës, vendosi me
shumicë votash të miratojë raportin e panelit dhe i procedoi Kuvendit rekomandimit për shqyrtim
me 10 kandidatët me më së shumti poenë.
Kryesia e Kuvendit më datën 17 qershor 2020 nxori përfundimin nr. 07 dhe 049 dhe i kërkoi
komisionit që ta rishqyrtojë raportin me rekomandime për zgjedhjen e bordit të drejtorëve të
KOSTT-it për respektimin e detyrimit ligjor për përfaqësimin e barabartë gjinor në bordet e
shoqërive tregtare si dhe Kuvendit t’ia paraqesë raportin me rekomandime.
Komisioni më 26 qershor 2020, pasi e shqyrtoi përfundimin e Kryesisë, më datën 17 qershor
2020, vendosi që të shtojë në listë edhe të vetmen kandidate grua që ka plotësuar kushtet për të
qenë anëtare e Bordit të KOSTT-it, po duke u renditur si e 22-ta, si dhe kandidatin në radhë nga
kandidatët burra, si të njëmbëdhjetin në listë për t’ju ofruar deputetëve kushtin ligjor dy kandidat
për një pozitë në bord.
Andaj, komisioni në mbledhjen e mbajtur më 26 qershor vendosi që Kuvendit t’i rekomandojë si
në vijim:
Kuvendi të zgjedhë me votim të fshehtë pesë nga 12 kandidatët e propozuar për kryesues dhe
drejtor të Bordit të Ndërmarrjes Publike KOSTT me mandat katërvjeçar, si në vijim:
1. Kushtrim Krasniqi,
2. Jeton Mehmeti,
3. Ali Hamiti,
4. Nebi Zariqi,
100
5. Pranvera Dobruna-Kryeziu,
6. Saranda Sadriu-Mehmeti,
7. Xhavit Buzhala,
8. Ibrahim Krasniqi,
9. Gjelosh Vataj,
10. Ajrina Gashi-Hamdiu,
11. Arben Dodaj dhe
12. Hyrmet Mydyti.
Kuvendi ta zgjedhë kryesuesin e Bordit të Ndërmarrjes Publike KOSTT, kandidatin më të votuar
nga deputetët.
Kuvendi t’i rekomandojë Qeverisë që të rishpallë konkurs edhe për një drejtor të Bordit të
Ndërmarrjes Publike KOSTT për të plotësuar pozitën vakante për përfaqësues të komuniteteve
joshumicë.
Zonja kryesuese,
Nëse më lejohet ta propozoj edhe kandidatin për panelin zgjedhor në Kuvend. Është deputeti Ilir
Tasholli, nga Lidhja Demokratike e Kosovës.
KRYESUESJA: Faleminderit, zonja Maloku!
Të nderuar deputetë,
Ju njoftoj se në pajtim me nenin 14, paragrafi 2 i Ligjit numër 05/L-085 për energjinë elektrike,
kryesuesi dhe pesë anëtarët e tjerë të Bordit emërohen nga Kuvendi i Republikës së Kosovës me
shumicën e votave të deputetëve të pranishëm dhe të atyre që votojnë.
Komisioni Funksional për Ekonomi, Punësim, Tregti, Industri dhe Investime Strategjike i ka
rekomanduar Kuvendit që me votim të fshehtë të zgjedhë kryesuesin dhe katër anëtarë të Bordit
të Ndërmarrjes Publike Operatori i Sistemit Transmisionit dhe Tregut KOSTT nga 12 kandidatët
e propozuar si në vijim:
1. Kushtrim Krasniqi,
2. Jeton Mehmeti,
3. Ali Hamiti,
4. Nebi Zariqi,
5. Pranvera Dobruna-Kryeziu,
6. Saranda Sadriu-Mehmeti,
7. Xhavit Buzhala,
8. Ibrahim Krasniqi,
9. Gjelosh Vataj,
101
10. Ajrina Gashi-Hamdiu,
11. Arben Dodaj dhe
12. Hyrmet Mydyti.
Komisioni Funksional ka rekomanduar që Kuvendi ta zgjedhë kryesues të Bordit të Ndërmarrjes
Publike KOSTT kandidatin që merr më së shumti vota nga deputetët.
Kryesia e Kuvendit ka propozuar që të jenë dy fletëvotime, një me tetë kandidatët e gjinisë
mashkullore, ku do të votohen tre anëtarë dhe një tjetër fletëvotim me katër kandidate gra, ku do
të votohet vetëm për dy anëtare.
Gjithashtu komisioni i rekomandon Kuvendit që të kërkojë nga Qeveria e Kosovës që të rishpallë
konkursin për pozitën e lirë për një drejtor të Bordit të Ndërmarrjes Publike KOSTT nga radhët e
komunitetit joshumicë.
Ftoj përfaqësuesit e grupeve parlamentare që të propozojnë nga një anëtar për komisionin votues.
Grupi Parlamentar i Lëvizjes Vetëvendosje, fjalën e ka deputetja Mimoza Kusari-Lila.
MIMOZA KUSARI-LILA: Faleminderit!
Përshëndetje, të nderuar deputetë,
Përshëndetje media,
Qytetarë të Republikës së Kosovës,
Arsyeja që dola këtu sot është se dua ta ndaj me ju këtë moment, në fakt që duhet të gjithë ta
marrim shënim dhe ta kemi parasysh që për herë të parë në Kuvendin e Republikës së Kosovës
që pas miratimit të Ligjit për barazi gjinore, pas miratimit të Ligjit për ndërmarrje publike në
vitin 2015, ku është e paraparë barazia gjinore në bordet e ndërmarrjeve publike, pas miratimit të
Ligjit për shoqëri tregtare në vitin 2018, ku parashihej që të gjitha shoqëritë aksionare në Kosovë
duhet të kenë së paku 40% në dy vjetët e para dhe 50% më pastaj të grave në borde, sot do të
votohet me lista të ndara për t’u garantuar barazia gjinore në bord të një ndërmarrje shoqëri
aksionare në Kosovë KOSTT.
Ajo çka duhet theksuar për secilin prej nesh, natyrisht edhe për gratë në veçanti, deputete këtu
sot është se duhet t’ia rikujtojmë vazhdimisht vetit obligimin që e kemi për vajzat dhe gratë që
janë jashtë kësaj salle, qytetarët e Republikës së Kosovës dhe që e kanë të drejtën për t’u
përfaqësuar dhe për t’u zgjedhur.
Prandaj, e di se kemi kritika, kemi beteja të ndryshme politike, sot është një moment, i cili vlen
të shënohet si moment progresi për Kuvendin e Republikës së Kosovë.
102
Procesi deri në këtë pikë ka ardhur pasi që ne si Grup Parlamentar kemi kërkuar nga Kryesia e
Kuvendit, duke e parë që nuk është respektuar barazia në përzgjedhje të kandidatëve në listën e
ngushtë për anëtarë të KOSTT-it që kjo listë që rishikohet. Dua ta falënderoj kryetaren e
Kuvendit, Kryesinë e Kuvendit që ia ka kthyer komisionit dhe ka kërkuar që barazia gjinore e
paraparë me Ligjin për ndërmarrje publike me Ligjin për barazinë gjinore dhe Ligjin për
shoqërinë tregtare të respektohet në këtë rast.
Prandaj, sot do të votojmë dhe do të sigurohemi të gjithë bashkë natyrisht se nuk ka formë tjetër
përderisa gjithmonë i kemi pasur dy kuti të ndara për komunitetin shumicë dhe komunitetin
pakicë, sot i kemi dy kuti të ndara për të siguruar që gratë janë të përfaqësuara në bord të një
ndërmarrje shoqëri aksionare, një ndërmarrje strategjike për sektorin e energjisë në Kosovë.
Andaj, dua t’ju falënderoj të gjithëve, në veçanti anëtarët e Kryesisë së Kuvendit, anëtarët e
Komisionit për Zhvillim Ekonomik që e kanë mbështetur dhe në veçanti të sigurohemi që të
gjitha gratë dhe vajzat profesioniste në të ardhmen e afërt në momentin kur ka konkurse për të
aplikuar, ta dinë se e drejta e tyre për t’u zgjedhur do të respektohet, do të respektohet për shkak
se në secilin bord të ndërmarrjeve që do të votohet në këtë Kuvend, duhet të jenë të paktën 40
ose 50% gra dhe vajza. Faleminderit! Është hap i vogël ndoshta për Kuvendin, por hap i madh
për barazinë në Kosovë. Faleminderit!
KRYESUESJA: Faleminderit! Kë e propozoni?
MIMOZA KUSARI-LILA: Në emër të Grupit Parlamentar të Lëvizjes Vetëvendosje propozoj
Sali Zybën, si pjesë e panelit zgjedhor.
KRYESUESJA: Faleminderit, zonja Kusari-Lila!
Nga Grupi Parlamentar i PDK-së, shefi i Grupit Parlamentar, zoti Bedri Hamza.
BEDRI HAMZA: Grupi Parlamentar i Partisë Demokratike propozon zotin Sejdi Hoxha.
KRYESUESJA: Faleminderit! Nga Grupi Parlamentar i AAK-së, zonja Time Kadrijaj.
TIME KADRIJAJ: Faleminderit, nënkryetare!
Edhe ne e përshëndesim se kemi arritur që në një farë mase të rregullojmë përfaqësimin gjinor,
sepse ka qenë në vazhdimësi grupi i grave deputete, po edhe deputetet e Parlamentit të Kosovës
kanë votuar edhe amendamente dhe në Kryesi të Kuvendit kanë propozuar të respektohet barazia
gjinore po ashtu është detyrë edhe të grupit të grave deputete që ta respektojnë barazinë gjinore
dhe kemi kërkuar në vazhdimësi gjatë amendamentimit të ligjeve, i kemi parë ligjet në aspektin
gjinor sa po prezantohen dhe më vjen mirë që e kemi arritur këtë.
103
Ne për komision e propozojmë deputeten Teuta Haxhiu.
KRYESUESJA: Faleminderit, zonja Kadrijaj. Nga Lista serbe?
IGOR SIMIĆ: Srpska lista je podržala rodno ravnopravnost u Upravnim odborima, a za ovu
Komisiju predlažemo člana Branislava Nikolića. Hvala!
KRYESUESJA: Faleminderit! Nga Grupi Parlamentar 6+.
RASIM DEMIRI: Parlamentarna grupa 6+ predlaže poslanicu Fidan Jilta.
KRYESUESJA: Atëherë, ju faleminderit të gjithëve.
Lus deputetët që me ngritje dore të deklarohen për formimin e Komisionit votues, sipas
propozimit të grupeve parlamentare. Nga Grupi Parlamentar i Lëvizjes Vetëvendosje deputeti
Sali Zyba, Grupi Parlamentar i LDK-së, Ilir Tasholli, Grupi Parlamentar i PDK-së, Sejdi Hoxha,
Grupi Parlamentar i AAK-së, Teuta Haxhiu, Grupi Parlamentar Lista serbe, Branislav Nikoliq
dhe Grupi Parlamentar 6+, Fidan Jilta.
Kush është për, ju lutem? Faleminderit!
A ka kundër? Një.
Abstenim?
Atëherë, konstatoj që vetëm me një votë kundër, shumicën absolute pro, aprovohet ky komision.
Për vëmendje për sqarim, pra vetëm të bëj të ditur që nëse në rundin e parë të votimit nuk
zgjidhen pesë anëtarë të këtij bordi, do të mbahet rundi i dytë i votimit me kandidatë që kanë
fituar më së shumti vota në rundin e parë të votimit.
Kërkoj nga Komisioni votues që të fillojë me procedimin e votimit.
Deputetët do të ftohen sipas listës dhe ju lus edhe sot që të jeni të kujdesshëm për ruajtjen e
distancës dhe rregullave në mënyrë të shmangies së përhapjes eventuale.
Ftoj deputetët sipas listës që të bëhen gati: Fillimisht lus komisionin që të zërë vendet e tyre dhe
pastaj deputetët:
Abelard Tahiri, Adem Hoxha, Agon Batusha, Alban Hyseni, Albena Reshitaj, Albert Kinolli, po
vërejtje me vend për të gjithë për respektim të distancës, ju lutem shmangni grumbullimin në
grupe kështu të mëdha.
Ali Berisha, Arben Gashi, Arbër Tolaj, Arbër Rexhaj, Arbëreshë Krasniqi, Arbërie Nagavci,
Arbreshë Kryeziu-Hyseni, Ardian Shala, Ariana Musliu Shoshi, Arta Bajralija, Artan Abrashi,
104
Bajrush Xhemaili, Bedri Hamza, Behgjet Pacolli, Bekë Berisha, Bekim Haxhiu, Besa Gaxherri,
Besa Ismaili Ahmeti, Blerta Deliu-Kodra, Branislav Nikoviq, Daut Haradinaj, Dimal Basha,
Donika Kadaj-Bujupi, Doruntinë Maloku-Kastrati, Duda Balje, Ekrem Hyseni, Elbert Krasniqi,
Eliza Hoxha, Elmi Reçica, Eman Rrahmani, Endrit Shala, Enver Haliti, Enver Hoxhaj, Etem
Arifi, Evgjeni Thaçi-Dragusha, Fatmir Limaj, Fatmir Rexhepi, Fatmir Xhelili, Fatmire Kollçaku,
Faton Bislimi, Ferat Shala, Fetah Rudi, Fidan Jilta, Fidan Rekaliu, Fikrim Damka, Fitim Haziri,
Fitim Uka, Fitore Pacolli-Dalipi, Fjolla Ujkani, Floretë Zejnullahu, Frashër Demaj, Ganimete
Musliu, Gazmend Abrashi, Gazmend Bytyçi, Gazmend Gjyshinca, Gazmend Syla, Hajredin
Kuçi, Hajrulla Çeko, Hatim Baxhaku, Haxhi Avdyli, Haxhi Shala, Hekuran Murati, Igor Simiq,
Ilir Ferati, Ilir Tasholli, Ismet Beqiri,
Të nderuar kolegë,
Ju lutem respektoni distancën, vendosni maskat dhe respekton distancën.
Ivan Todosijeviq, Jahja Koka, Jasmina Dediq, Kadri Veseli, Kujtim Gashi, Kujtim Shala,
Labinotë Demi-Murtezi, Liburn Aliu, Lirije Kajtazi, Ljubinko Karaxhiq, Marigona Geci, Mefail
Bjaqinovci, Memli Krasniqi, Mërgim Lushtaku.
Ftoj deputetët: Miljana Nikoliq, Milosh Peroviq, Mimoza Kusari-Lila, Mirlinda Sopi-Krasniqi,
Pal Lekaj, Rasim Demiri, Rasim Selmanaj, Rexhep Selimi, Rrezarta Krasniqi, Sali Zyba,
Saranda Bogujevci dhe Saranda Musliu.
Ftoj deputetët: Sejdi Hoxha, Shkëlzen Hajdini, Shkëmb Manaj, Shkumbin Demalija, Shkumbin
Gashi, Shpejtim Bulliqi, Slavko Simiq, Teuta Haxhiu, Time Kadrijaj, Uran Ismaili dhe Valdete
Idrizi.
Ftoj deputetët: Valentina Bunjaku-Rexhepi, Valon Ramadani, Verica Ceraniq, Veton Berisha,
Visar Hoti, Vjosa Osmani-Sadriu, Vlora Limani-Hajnuni, Xhavit Uka, Yllëza Hoti, Zikrete Aliti
dhe Zoran Mojsiloviq.
Lus që nëse edhe është ndonjë deputet që akoma nuk ka votuar, sepse po përfundojmë me
procedurën e votimit për rundin e parë. A ka ndonjë nga deputetët që nuk ka votuar? Atëherë,
ftoj kryesuesin e Komisionit votues që të paraqesë raportin për rezultatin e votimit për zgjedhjen
e anëtarëve të Bordit të Ndërmarrjes Publike Operatori i Sistemit, Transmisionit dhe Tregut
KOSTT, shoqëria aksionare.
Atëherë, vazhdoni ju lutem, kryesues i Komisionit votues! Ju lutem për qetësi edhe deputetët t’i
zënë vendet e tyre dhe të ruajnë distancën.
105
ILIR TASHOLLI: Të nderuar deputetë, ju kërkoj që të uleni në vendet tuaja, tash po fillojmë me
rezultatet e votimit. Na duhet qetësi, sepse në qoftë se ka zhurmë, mund të kemi problem me
numërimin e saktë:
Pranvera Dobruna-Kryeziu,
Ajrina Gashi-Hamdiu,
Pranvera Dobruna-Kryeziu,
Ajrina Gashi-Hamdiu,
Saranda Sadriu-Mehmeti,
Hyrmet Mydyti,
Saranda Sadriu-Mehmeti,
Ajrina Gashi-Hamdiu,
Pranvera Dobruna-Kryeziu,
Saranda Sadriu-Mehmeti,
Saranda Sadriu-Mehmeti,
Ajrina Gashi-Hamdiu,
Saranda Sardiu-Mehmeti,
Ajrina Gashi-Hamdiu,
Saranda Sadriu-Mehmeti,
Ajrina Gashi-Hamdiu,
Një fletëvotim është i pavlefshëm, nuk ka votuar askush.
Saranda Sadriu-Mehmeti,
Hyrmet Mydyti,
Ajrina Gashi-Hamdiu,
Pranvera Dobruna-Kryeziu,
Saranda Sardiu-Mehmeti,
Hyrmet Mydyti,
Hyrmet Mydyti,
Pranvera Dobruna-Kryeziu,
Saranda Sadriu-Mehmeti,
Edhe një fletëvotim është i pavlefshëm, janë votuar të gjithë dhe është një “x”.
Saranda Sadriu-Mehmeti,
Ajrina Gashi-Hamdiu,
Ajrina Gashi-Hamdiu,
Hyrmet Mydyti,
Ajrina Gashi-Hamdiu,
Pranvera Dobruna-Kryeziu,
Pranvera Dobruna-Kryeziu,
Ajrina Gashi-Hamdiu,
Pranvera Dobruna-Kryeziu,
106
Saranda Sadriu-Mehmeti,
Saranda Sadriu-Mehmeti,
Ajrina Gashi-Hamdiu,
Pranvera Dobruna-Kryeziu,
Hyrmet Mydyti,
Pranvera Dobruna-Kryeziu,
Ajrina Gashi-Hamdiu,
Hyrmet Mydyti,
Pranvera Dobruna-Kryeziu,
Hyrmet Mydyti,
Pranvera Dobruna-Kryeziu,
Saranda Sadriu-Mehmeti,
Saranda Sadriu-Mehmeti,
Hyrmet Mydyti,
Hyrmet Mydyti,
Pranvera Dobruna-Kryeziu,
Saranda Sadriu-Mehmeti,
Ajrina Gashi-Hamdiu,
Saranda Sadriu-Mehmeti,
Ajrina Gashi-Hamdiu,
Ajrina Gashi-Hamdiu,
Hyrmet Mydyti,
Ajrina Gashi është e rrethuar, ka dalë pak përtej katrorit, por mund ta diskutojmë si komision.
Ok! Konsiderohet votim i saktë!
Saranda Sadriu-Mehmeti,
Ajrina Gashi-Hamdiu,
Hyrmet Mydyti,
Saranda Sadriu-Mehmeti,
Pranvera Dobruna-Kryeziu,
Ajrina Gashi-Hamdiu,
Saranda Sadriu-Mehmeti,
Ajrina Gashi-Hamdiu,
Pranvera Dobruna-Kryeziu,
Saranda Sadriu-Mehmeti,
Ajrina Gashi-Hamdiu,
Pranvera Dobruna-Kryeziu,
Pranvera Dobruna-Kryeziu,
Ajrina Gashi-Hamdiu,
Hyrmet Mydyti,
Hyrmet Mydyti,
107
Saranda Sadriu-Mehmeti,
Ajrina Gashi-Hamdiu,
Saranda Sadriu-Mehmeti,
Hyrmet Mydyti,
Saranda Sadriu-Mehmeti,
Ajrina Gashi-Hamdiu,
Pranvera Dobruna-Kryeziu,
Ajrina Gashi-Hamdiu,
Saranda Sadriu-Mehmeti,
Hyrmet Mydyti,
Hyrmet Mydyti,
Pranvera Dobruna-Kryeziu,
Hyrmet Mydyti,
Pranvera Dobruna-Kryeziu,
Ajrina Gashi-Hamdiu,
Ajrina Gashi-Hamdiu,
Hyrmet Mydyti,
Ajrina Gashi-Hamdiu,
Hyrmet Mydyti,
Hyrmet Mydyti,
Hyrmet Mydyti,
Hyrmet Mydyti,
Saranda Sadriu-Mehmeti,
Hyrmet Mydyti,
Saranda Sadriu-Mehmeti,
Ajrina Gashi-Hamdiu,
Pranvera Dobruna-Kryeziu,
Ajrina Gashi-Hamdiu,
Pranvera Dobruna-Kryeziu,
Saranda Sadriu-Hamdiu,
Pranvera Dobruna-Kryeziu,
Hyrmet Mydyti,
Saranda Sadriu-Mehmeti,
Ajrina Gashi-Hamdiu,
Ajrina Gashi-Hamdiu,
Saranda Sadriu-Mehmeti,
Hyrmet Mydyti,
Saranda Sadriu-Mehmeti,
Ajrina Gashi-Hamdiu,
Hyrmet Mydyti,
108
Saranda Sadriu-Mehmeti,
Ajrina Gashi-Hamdiu,
Hyrmet Mydyti,
Pranvera Dobruna-Kryeziu,
Ajrina Gashi-Hamdiu,
Hyrmet Mydyti,
Hyrmet Mydyti,
Pranvera Dobruna-Kryeziu,
Ajrina Gashi-Hamdiu,
Pranvera Dobruna-Kryeziu,
Ajrina Gashi-Hamdiu,
Ajrina Gashi-Hamdiu,
Hyrmet Mydyti.
KRYESUESJA: Regjia, mikrofonin, ju lutem!
ILIR TASHOLLI: Pranvera Dobruna-Kryeziu,
Ajrina Gashi-Hamdiu,
Saranda Sadriu-Mehmeti,
Ajrina Gashi-Hamdiu,
Pranvera Dobruna-Kryeziu,
Ajrina Gashi-Hamdiu,
Ajrina Gashi-Hamdiu,
Hyrmet Mydyti,
Ajrina Gashi-Hamdiu,
Saranda Sadriu-Mehmeti,
Ajrina Gashi-Hamdiu,
Pranvera Dobruna-Kryeziu,
Pranvera Dobruna-Kryeziu,
Saranda Sadriu-Mehmeti,
Një fletëvotim s’është votuar askush!
Saranda Sadriu-Mehmeti,
Ajrina Gashi-Hamdiu,
Saranda Sadriu-Mehmeti,
Ajrina Gashi-Hamdiu,
Ajrina Gashi-Hamdiu,
Hyrmet Mydyti,
Pranvera Dobruna-Kryeziu,
Hyrmet Mydyti,
Saranda Sadriu-Mehmeti,
109
Ajrina Gashi-Hamdiu,
Hyrmet Mydyti,
Pranvera Dobruna-Kryeziu,
Hyrmet Mydyti.
KRYESUESJA: Doruntinë, mos i pengo, të lutem, anëtarët e komisionit! Deputetja Doruntinë
Maloku, të lutem, mos i pengo anëtarët e komisionit!
ILIR TASHOLLI: Atëherë, të nderuar deputetë, vazhdojmë me pjesën e dytë të numërimit të
fletëvotimeve për kandidatët e gjinisë mashkullore të propozuar për kryesues dhe anëtarë të
Bordit për KOSTT.
105 deputetë kanë votuar.
Kushtrim Krasniqi,
Ali Hamiti,
Arben Dodaj,
Jeton Mehmeti,
Ibrahim Krasniqi,
Xhelosh Vataj,
Jeton Mehmeti,
Xhavit Buzhala,
Arben Dodaj,
Kushtrim Krasniqi,
Jeton Mehmeti,
Arben Dodaj,
Kushtrim Krasniqi,
Kushtrim Krasniqi,
Jeton Mehmeti,
Nebih Zariqi,
Jeton Mehmeti,
Arben Dodaj,
Nebih Zariqi,
Xhelosh Vataj,
Arben Dodaj,
Jeton Mehmeti,
Xhelosh Vataj,
Arben Dodaj,
Jeton Mehmeti,
Jeton Mehmeti,
110
Ali Hamiti,
Nebih Zariqi,
Jeton Mehmeti,
Arben Dodaj,
Kushtrim Krasniqi,
Xhelosh Vataj,
Arben Dodaj,
Jeton Mehmeti,
Jeton Mehmeti,
Gjelosh Vataj,
Arben Dodaj,
Jeton Mehmeti,
Arben Dodaj,
Jeton Mehmeti,
Nebih Zariqi,
Arben Dodaj,
Kushtrim Krasniqi,
Jeton Mehmeti,
Arben Dodaj,
Jeton Mehmeti,
Nebih Zariqi,
Arben Dodaj,
Ali Hamiti,
Xhavit Buzhala,
Ibrahim Krasniqi, e pavlefshme,
Kushtrim Krasniqi,
Nebih Zariqi,
Ibrahim Krasniqi, e pavlefshme,
Jeton Mehmeti,
Nebih Zariqi,
Kushtrim Krasniqi,
Jeton Mehmeti,
Nebih Zariqi,
Jeton Mehmeti,
Arben Dodaj,
Jeton Mehmeti,
Arben Dodaj,
Arben Dodaj,
Kushtrim Krasniqi,
Jeton Mehmeti,
111
Nebih Zariqi, e pavlefshme,
Jeton Mehmeti,
Ali Hamiti,
Nebih Zariqi,
Jeton Mehmeti,
Arben Dodaj,
Jeton Mehmeti,
Gjelosh Vataj,
Arben Dodaj, e pavlefshme,
Arben Dodaj,
Jeton Mehmeti,
Arben Dodaj,
Jeton Mehmeti,
Arben Dodaj,
Jeton Mehmeti,
Ali Hamiti,
Arben Dodaj,
Kushtrim Krasniqi,
Ibrahim Krasniqi,
Arben Dodaj,
Ali Hamiti,
Nebih Zariqi,
Gjelosh Vataj, e pavlefshme,
Kushtrim Krasniqi,
Jeton Mehmeti,
Jeton Mehmeti,
Arben Dodaj,
Jeton Mehmeti,
Ibrahim Krasniqi,
Nebih Zariqi,
Jeton Mehmeti,
Nebih Zariqi,
Jeton Mehmeti,
Gjelosh Vataj,
Arben Dodaj,
Nebih Zariqi,
Gjelosh Vataj,
Arben Dodaj,
Nebih Zariqi,
Gjelosh Vataj,
112
Arben Dodaj,
Jeton Mehmeti,
Nebih Zariqi,
Arben Dodaj,
Jeton Mehmeti,
Nebih Zariqi,
Arben Dodaj,
Nebih Zariqi,
Nebih Zariqi,
Arben Dodaj,
Jeton Mehmeti,
Nebih Zariqi,
Arben Dodaj,
Jeton Mehmeti,
Nebih Zariqi,
Arben Dodaj,
Jeton Mehmeti,
Ali Hamiti,
Nebih Zariqi,
Jeton Mehmeti,
Xhavit Buzhala,
Arben Dodaj, e pavlefshme,
Jeton Mehmeti,
Nebih Zariqi,
Arben Dodaj,
Jeton Mehmeti,
Nebih Zariqi,
Xhavit Buzhala,
Kushtrim Krasniqi,
Nebih Zariqi,
Ibrahim Krasniqi,
Nebih Zariqi,
Ibrahim Krasniqi,
Arben Dodaj,
Kushtrim Krasniqi,
Jeton Mehmeti,
Ibrahim Krasniqi,
Kushtrim Krasniqi,
Nebih Zariqi,
Xhavit Buzhala,
113
Jeton Mehmeti,
Ali Hamiti,
Nebih Zariqi,
Nebih Zariqi,
Xhavit Buzhala,
Arben Dodaj,
Jeton Mehmeti,
Nebih Zariqi,
Arben Dodaj,
Jeton Mehmeti,
Ibrahim Krasniqi,
Arben Dodaj,
Jeton Mehmeti,
Arben Dodaj,
Kushtrim Krasniqi,
Nebih Zariqi,
Arben Dodaj,
Nebih Zariqi,
Jeton Mehmeti,
Xhavit Buzhala,
Arben Dodaj,
Jeton Mehmeti,
Nebih Zariqi,
Kushtrim Krasniqi,
Ali Hamiti,
Nebih Zariqi, e pavlefshme,
Jeton Mehmeti,
Nebih Zariqi,
Arben Dodaj,
Jeton Mehmeti,
Ali Hamiti,
Nebih Zariqi,
Xhavit Buzhala,
Jeton Mehmeti,
Arben Dodaj, e pavlefshme,
Kushtrim Krasniqi,
Jeton Mehmeti,
Arben Dodaj,
Jeton Mehmeti,
Ali Hamiti, e pavlefshme,
114
Nebih Zariqi,
Ibrahim Krasniqi,
Arben Dodaj,
Jeton Mehmeti,
Xhavit Buzhala,
Jeton Mehmeti,
Nebih Zariqi,
Xhavit Buzhala,
Jeton Mehmeti,
Ali Hamiti,
Nebih Zariqi,
Nebih Zariqi,
Ibrahim Krasniqi,
Arben Dodaj,
Jeton Mehmeti,
Arben Dodaj,
Jeton Mehmeti,
Arben Dodaj,
Arben Dodaj,
Jeton Mehmeti,
Arben Dodaj,
Kushtrim Krasniqi,
Ali Hamiti,
Gjelosh Vataj,
Nebih Zariqi,
Ibrahim Krasniqi,
Gjelosh Vataj,
Jeton Mehmeti,
Xhavit Buzhala,
Arben Dodaj,
Ali Hamiti, e pavlefshme,
Jeton Mehmeti,
Arben Dodaj,
Kushtrim Krasniqi,
Jeton Mehmeti,
Arben Dodaj,
Jeton Mehmeti,
Ibrahim Krasniqi,
Gjelosh Vataj,
Jeton Mehmeti,
115
Xhavit Buzhala,
Nebih Zariqi,
Ibrahim Krasniqi,
Gjelosh Vataj,
Jeton Mehmeti,
Xhavit Buzhala,
Arben Dodaj,
Kushtrim Krasniqi,
Xhavit Buzhala dhe
Arben Dodaj.
(Ndërprerje e incizimit)
KRYESUESJA: Regjia, ju lutem fjalën deputetes për komunikim të raportit.
TEUTA HAXHIU: Faleminderit, kolegë deputetë, për durimin!
Votat e fituara për kandidatët e propozuar për zgjedhjen e kryesuesit dhe anëtarëve të Bordit të
KOST-it nga kandidatët e gjinisë mashkullore janë si në vijim:
1. Kushtrim Krasniqi ka fituar 21 votë,
2. Jeton Mehmeti ka fituar 63 vota,
3. Ali Hamiti ka fituar 14 vota,
4. Nebih Zariqi ka fituar 42 vota,
5. Xhavit Buzhala ka fituar 14 vota,
6. Ibrahim Krasniqi ka fituar 14 vota,
7. Gjelosh Vataj ka fituar 14 vota, dhe
8. Arben Dodaj ka fituar 56 vota.
Meqë nga lista dy kandidatë kanë fituar mbi 56%, domethënë shkojnë Jeton Mehmeti dhe Arben
Dodaj. Në garë hyjnë dy kandidatë tjerë, do të thotë janë Kushtrim Krasniqi me 21 vota dhe
Nebih Zariqi me 42 vota në raundin e dytë për vendin e tretë. Nebihu ka 42 dhe i dyti është
Kushtrim Krasniqi me 21 vota që luftojnë për vendin e tretë. Domethënë, përgatitet edhe një
raund për një pozitë.
Kërkoj falje! Kam menduar që është kryer për gjininë femërore. Votat e fituara për kandidatët e
propozuar për zgjedhjen e kryesuesit dhe anëtarëve të Bordit nga kandidatet femra janë:
1. Pranvera Dobruna-Kryeziu me 32 vota,
2. Saranda Sadriu-Mehmeti ka fituar 37 vota,
3. Ajrina Gashi-Hamdiu ka fituar 48 vota,
116
4. Hyrmet Mydyti ka fituar 36 vota.
Domethënë, në votim kanë marrë pjesë 105 deputetë. Për raundin e parë tek gjinia femërore kanë
qenë 3 të pavlefshme, kurse tek gjinia mashkullore janë 10 të pavlefshme. Tek gjinia femërore
domethënë votat asnjë nuk ka fituar sa unë, janë 48 vota. Më së shumti do të thotë nuk e kemi
asnjë fituese nga gjinia femërore. Domethënë, tani mbetet përsëritje e... thjesht e bisedojmë. Nuk
e di, është komisioni profesional që mund të na thotë çka. E diskutojmë çështjen për grupin e
gjinisë femërore.
KRYESUESJA: Faleminderit! Atëherë, pas raportimit të komisionit konstatoj se duhet të
ripërsëritet pra votimi për burra. Dy kandidatët që kanë marrë më së shumti vota, përveç atyre që
kalojnë në raundin e parë. Pra, kalojnë dy kandidatë në raundin e parë, ndërsa kandidatët e
renditur si i treti dhe i katërti me numrin e votave, përsërisin rivotimin për ta zgjedhur anëtarin e
tretë të Bordit.
Ndërsa, sa u përket kandidateve gra do të ripërsëritet procesi tërësisht. Pra, rishpallet edhe një
herë konkursi, sipas ligjit. Ju lutem, që të keni durim pesë minuta, derisa Administrata t’i bëjë
gati fletëvotimet dhe pas pesë minutave vazhdojmë me rivotim në raundin e dytë, për të zgjedhur
edhe një kandidat burrë për Bordin. Faleminderit!
(Ndërprerje e incizimit)
KRYESUESJA: Atëherë, ftoj anëtarët e Komisionit t’i zënë vendet e tyre dhe të vazhdojnë
punën me rivotim.
Ju lus që t’i zini vendet, në mënyrë që të konstatojmë praninë dhe të vazhdojmë me votim.
A mund ju lutem të uleni në vendet tuaja, në mënyrë që të kemi mundësi të konstatojmë
kuorumin e nevojshëm? Ju lutem deputetëve që të ulen në vendet e tyre!
Të pranishëm janë 64 deputetë. Kështu që mund të vazhdojmë me rivotim. Thërras me radhë
deputetët!
Abelard Tahiri, Adem Hoxha, Agon Batusha, Alban Hyseni, Albena Reshitaj.
Ftoj deputetët: Albert Kinolli, Ali Berisha, Arben Gashi, Arbër Rexhaj, Arbër Tolaj, Arbëreshë
Krasniqi, Arbëreshë Kryeziu-Hyseni dhe Arbërie Nagavci për votim.
Ftoj deputetët: Ardian Shala, Ariana Musliu-Shoshi, Arta Bajralia, Artan Abrashi, Bajrush
Xhemajli, Bedri Hamza, Behgjet Pacolli dhe Bekë Berisha për votim.
117
Ftoj deputetët: Bekim Haxhiu, Besa Gaxherri, Besa Ismaili-Ahmeti, Blerta Deliu-Kodra,
deputetin Branislav Nikoliq, Daut Haradinaj, Dimal Basha, Donika Kodaj-Bujupi dhe Doruntinë
Maloku-Kastrati.
Janë katër kabina për votim, kështu që ju lutem deputetëve që të vijnë edhe të votojnë!
Ftoj deputetët: Duda Balje, Ekrem Hyseni, Elbert Krasniqi, Eliza Hoxha, Elmi Reçica, Eman
Rrahmani, Endrit Shala, Enver Haliti dhe Enver Hoxhaj për votim.
Ftoj deputetët: Ethem Arifi, Evgjeni Thaçi-Dragusha, Fatmir Limaj, Fatmir Rexhepi, Fatmir
Xhelili, Fatmire Kollçaku, Faton Bislimi, Ferat Shala, Fetah Rudi, Fidan Yilta dhe Fidan
Rekaliu.
Ftoj deputetët: Fikrim Damka, Fitim Haziri, Fitim Uka, Fitore Pacolli-Dalipi, Fjolla Ujkani,
Floretë Zejnullahu, Frashër Demaj, Ganimete Musliu, Gazmend Abrashi, Gazmend Bytyqi,
Gazmend Gjyshinca, Gazmend Syla, Hajredin Kuçi, Hajrullah Çeko, Hatim Baxhaku dhe Haxhi
Avdyli.
Ftoj deputetët: Haxhi Shala, Hekuran Murati, Igor Simiq, Ilir Ferati, Ilir Tasholli dhe Ismet
Beqiri për votim.
Ftoj deputetët: Ivan Todosijeviq, Jahja Kokaj, Jasmina Dediq, Kadri Veseli, Kujtim Gashi,
Kujtim Shala, Labinotë Demi-Murtezi, Liburn Aliu, Lirije Kajtazi, Lubinko Karagjiq, Marigona
Geci, Mefail Bajçinovci, Memli Krasniqi, Mërgim Lushtaku, Miljana Nikoliq, Milosh Peroviq,
Mimoza Kusari-Lila, Mirlinda Sopi-Krasniqi, Pal Lekaj, Rasim Demiri, Rasim Selmanaj,
Rexhep Selimi, Rrezarta Krasniqi, Sali Zyba, Saranda Bugujevci, Saranda Musliu, Sejdi Hoxha,
Shkëlzen Hajdini, Shkëmb Manaj, Shkumbin Demaliaj, Shkumbin Gashi, Shpejtim Bulliqi,
Slavko Simiq, Teuta Haxhiu, Time Kadrijaj, Uran Ismaili, Valdete Idrizi, Valentina Bunjaku-
Rexhepi, Valon Ramadani, Verica Qeraniq, Veton Berisha, Visar Hoti, Vjosa Osmani-Sadriu,
Vlora Limani-Hajnuni, Xhavit Ukaj, Yllza Hoti, Zikreta Aliti dhe Zoran Mojsiloviq. Ju
faleminderit!
Ju lus, nëse dikush nga deputetët ka mbetur pa votuar, sepse komisioni d.m.th. është i gatshëm
për të vazhduar tutje. Nëse ndonjëri prej deputetëve, nuk ka votuar, ju lutem që të përfundojmë
me procesin e votimit.
Regjia, ju lutem, fjalën deputetit në mënyrë që t’i numërojë votat, t’i prezantojë.
118
ILIR TASHOLLI: Faleminderit!
Të nderuar deputetë,
Tani, na lejoni që të bëjmë numërimin e votave për raundin e dytë të votimit për të dy kandidatët.
Fletëvotimi i parë shkon për z. Nebih Zariqi. Fletëvotimi nuk është i votuar, është i pavlefshëm,
asnjëri dhe as tjetri.
Nebih Zariqi
Nebih Zariqi
Fletëvotimi është i pavlefshëm.
Nebih Zariqi
Nebih Zariqi
Nebih Zariqi
Kushtrim Krasniqi
Nebih Zariqi
Fletëvotimi është i pavlefshëm.
Nebih Zariqi
Nebih Zariqi
Janë të votuar dy kandidatët, fletëvotimi është i pavlefshëm.
Nebih Zariqi
Nebih Zariqi
Kushtrim Krasniqi
Nebih Zariqi
Nebih Zariqi
Nebih Zariqi
Nebih Zariqi
Nebih Zariqi
Fletëvotim i pavlefshëm
Nebih Zariqi
Kushtrim Krasniqi
Nebih Zariqi
Fletëvotim i pavlefshëm
Nebih Zariqi
Nebih Zariqi
Nebih Zariqi
Kushtim Krasniqi
Nebih Zariqi
Nebih Zariqi dhe Kushtrim Krasniqi, fletëvotimi është i pavlefshëm, sepse janë votuar që të dy.
Nebih Zariqi,
Kushtrim Krasniqi
Nebih Zariqi
119
Nebih Zariqi
Nebih Zariqi
Kushtrim Krasniqi
Nebih Zariqi
Nebih Zariqi
Fletëvotimi është i pavlefshëm, janë votuar që të dy.
Kushtrim Krasniqi
Nebih Zariqi
Nebih Zariqi
Nebih Zariqi
Nebih Zariqi
Nebih Zariqi
Nebih Zariqi
Nebih Zariqi
Fletëvotimi është i pavlefshëm, janë të votuar të dy kandidatët. Po ashtu edhe në këtë fletëvotim
janë të votuar të dy kandidatët dhe është i pavlefshëm. Edhe ky fletëvotim është i pavlefshëm.
Edhe fletëvotimi i radhës, i pavlefshëm.
Kushtrim Krasniqi
Nebih Zariqi
Fletëvotimi është i pavlefshëm.
Nebih Zariqi
Nebih Zariqi
Kushtrim Krasniqi
Edhe në këtë fletëvotim janë votuar të dy, kështu që, shpallet i pavlefshëm.
Nebih Zariqi
Nebih Zariqi
Fletëvotim i pavlefshëm.
Nebih Zariqi
Fletëvotim i pavlefshëm.
Nebih Zariqi
Nebih Zariqi
Nebih Zariqi
Nebih Zariqi
Nebih Zariqi
Nebih Zariqi
Nebih Zariqi
Fletëvotim i pavlefshëm.
Fletëvotim i pavlefshëm.
Kushtrim Krasniqi
Nebih Zariqi
120
Fletëvotim i pavlefshëm.
Nebih Zariqi
Fletëvotim i pavlefshëm.
Nebih Zariqi
Nebih Zariqi
Nebih Zariqi
Nebih Zariqi
Nebih Zariqi
Nebih Zariqi
Nebih Zariqi
Fletëvotim i pavlefshëm
Fletëvotim i pavlefshëm
Nebih Zariqi
Nebih Zariqi
Nebih Zariqi
Fletëvotim i pavlefshëm, janë të votuar të dy kandidatët.
Fletëvotim i pavlefshëm.
Nebih Zariqi
Fletëvotim i pavlefshëm, janë votuar të dy kandidatët. Dhe e fundit,
Nebih Zariqi.
(Drejtimin e mbledhjes e merr kryetarja e Kuvendit, znj. Vjosa Osmani.)
KRYETARJA: Mikrofonin, deputetit, ju lutem!
ILIR TASHOLLI: Faleminderit, kryetare!
Të nderuar deputetë,
Me lejoni që në emër të komisionit t’i shpallim rezultatet e votimit të dytë për zgjedhjen e
kryesuesit dhe anëtarëve të Bordit të Ndërmarrjes Publike KOST.
Nga rezultati i dytë i votimit, kemi këto rezultate. Në votim kanë marrë pjesë gjithsej 97
deputetë, të pavlefshme i kemi 25 fletëvotime. Për z. Nebih Zariqi kanë votuar 62 vota për. Për z.
Kushtrim Krasniqi kanë votuar 10 vota për.
Pra, konstatimi i komisionit është që z. Nebih Zariqi zgjidhet anëtar i bordit, ndërsa për pjesën
tjetër të konkursit, sa i përket gjinisë femërore, besoj që tani kryetarja e Kuvendit, do ta japë një
sqarim. Ju faleminderit!
KRYETARJA: Faleminderit për punën e komisionit.
121
Konstatoj se në Bordin e KOST-it zgjidhen: Jeton Mehmeti, i cili njëkohësisht zgjidhet edhe
kryesues i bordit. Edhe një herë emrin, ju lutem, për kandidatin e dytë. Arben Dodaj dhe z. Nebih
Zariqi.
Ndërkaq, sa i përket përzgjedhjes së grave që është kuotë e paraparë me ligj, do të kërkoj edhe
njëherë nga komisioni përgjegjës, që ta trajtojë këtë çështje dhe të na informojë në qoftë se
kërkojnë që të përsëritet konkursi apo jo, për shkak se kemi votuar në lista të ndara, me qëllim që
të sigurohet barazia gjinore, por për fat të keq asnjëra nuk e ka marrë shumicën e nevojshme për
të shkuar në raundin e dytë.
Megjithatë, do të shohim edhe njëherë, vlerësimin e komisionit, në qoftë se do të kërkojë që të
shkojmë në pikën zero.
Pra, përsëritje të konkursit apo do të gjejë ndonjë mundësi për përsëritje të votimit. Ta shohim se
çfarë përgjigje do të na ktheje komisioni ndërkohë, dhe në bazë të asaj përgjigjeje, do t’ju njoftoj
juve si deputetë.
Të nderuar kolegë,
Tani duhet ta ajrosim sallën, kështu që, po jap pauzë një orë. Megjithatë, neve do të na duhet që
të vazhdojmë me këtë seancë prej orës 16:00, sepse është rishikimi i buxhetit. E menjëherë pasi
të përfundojë kjo seancë, do të vazhdojmë me seancën e re, që ka të bëjë me menaxhimin e
pandemisë.
Shihemi pas një ore!
* * *
Vazhdimi i mbledhjes, pas pauzës
Mbledhjen e drejton kryetarja e Kuvendit, znj. Vjosa Osmani
KRYETARJA: Të nderuar deputetë,
Ju lus t’i zëni ulëset tuaja, sepse po e vazhdojmë seancën.
Para se të vazhdojmë me pikat e radhës së rendit të ditës, e ftoj deputetin Rasim Demiri, i cili e
ka kërkuar fjalën.
RASIM DEMIRI: Më fal, kryetare!
Kisha propozuar, e nderuar kryetare, një minutë heshtje për viktimat në Srebrenicë, se nesër
është 25-vjetori prej gjenocidit në Srebrenicë, nëse bën. (Një minutë heshtje)
122
KRYETARJA: Lavdi për të gjitha viktimat e shtetit gjenocidal serb.
RASIM DEMIRI: Faleminderit!
Poštovani poslanici Skupštine Republike Kosova, poštovani zameniče premijeru, poštovani
ministri, cijenjeni građani.
Sutra bit će 11. juli, Dan genocida u Srebrenici u Bosni i Hercegovini, jedan od najcrnjih dana u
historiji bošnjačkog naroda, ali i Dan sjećanja na taj genocid kod mnogih miroljubivih naroda u
Evropi i svijetu.
Tih julskih dana 1995. godine u Srebrenici i njenoj neposrednoj okolini, oružane snage
takozvane Republike Srpske, uz potporu ondašnjeg srbijanskog režima, počinile su stravične
zločine nad nedužnim bošnjačkim civilima, među kojima je bilo mnogo ubijene djece, žena i
starijih osoba.
Ovaj teški ratni zločin je presudom Hoshkog Tribunala okarekterisan kao GENOCID, te je
komandni i politički kadar te vojske i samoproglašene Republike Srpske je osuđen i za zločin
genocida u Srebrenici.
Naravno, presuda za genocid samo za Srebrenicu - gdje je mučki pobijeno 8.372 bošnjačkih ljudi
- ne znači da genocida nije bilo i u drugim djelovima Bosne i Hercegovine, u kojima je takođe
bilo mnogo ubijanja, mučenja i proganjanja civilnog stanovništva bošnjačke i nekih drugih
nacionalnosti, tokom agresije na Bosnu i Hercegovinu od 1992. do 1995. godine.
Do sada su u Memorijalni centar u Potočare sahranjeni ostaci 6.610 žrtava. Ove godine će biti
ukopani identifikovani ostaci još osmoro žrtava, jer će biti organizirano skromnije obilježavanje
25-to godišnjece genocida zbog opasnosti od virusa Kovid-19. Traga se za još najmanje 1000
nestalih Srebreničana. Neki ostaci žrtava ne mogu biti identificirani, jer nema preživjelih iz
porodica za DNK analizu...
Poštovani poslanici, cijenjeni građani Republike Kosova,
I ovom prilikom najoštrije osuđujemo sve one koji su počinili, organizirali i podržali te
monstruozne zločine nad nedužnim ljudima, i izražavamo naše duboko žaljenje za sve žrtve, kao
i saučešće njihovim porodicama.
Osuđujemo i svaki pokušaj negiranja zločina genocida, što je, nažalost, prisutno, i pored presude
Međunrodnog suda, i pored mnogih rezolucija o genocidu u Srebrenici koje su donijeli
Parlamenti demokratskih država, kao i Parlament Evropske unije.
123
Poštovani predstavnici Vlade,
I ovoga puta pozivamo sve relevantne institucije u Republici Kosovo da intenzivno pojašnjavaju
istinu o geonocidu, kako o onom u Srebrenici odnosno u Bosni i Hercegovini, tako i na Kosovu.
Ovo je prilika da se podsjetimo da su akteri svih tih zlodjela i u BiH i na Kosovu bili isti.
Ovo jeste prilika i da se podsjetimo svih nevinih žrtava, i svih stradalih, svih nestalih i još
neidentifikovanih žrtava tog teškog vremena u devedesetim godinama 20. Vijeka. Na žalost,
veliki je broj onih za čiju se sudbinu još ništa ne zna.
Ovo je i momenat da se sjetimo svih hrabrih boraca Bošnjaka u BiH i Albanaca s Kosova koji su
pomogli u slamanju sile koja je krenula da sve ruši i uništi nevini narod.
Prilika je takođe da se zahvalimo i Međunarodnoj zajednici i NATO paktu na pomoći i Bosni
Hercegovini i na Kosovu!
Želim da sve nas ovdje, podsjetim i one koji nisu ovdje da je u 2015. godini u ovoj Skupštini od
strane poslanika koalicije Vakat, bio iniciran tekst Rezolucije o osudi genocida u Srebrenici
povodom 20-to godišnjice genocida. Tekst te Rezolucije je sličan ali i nešto manje jasniji u
odnosu na onaj koji je te godine usvojen u Parlamentu Evropske Unije. Na žalost, tada nije bilo
dovoljno političke volje da se Rezolucija usvoji u Skupštini Republike Kosova. Nadajmo se da
će u skorije vrijeme ona biti i izglasana!
Još jednom pozivam i sebe i sve Vas da s ciljem postizanja konačnog mira na Balkanu, suživota
među ljudima, narodima i državama, svi zajedno osudimo zločine i da osudimo i one koji
negiraju genocid. Samo tako ćemo iči naprijed, jer nas zaborav i negiranje samo može vratiti u
slične situacije, a naši narodi i te kako zaslužuju bolju budućnost u kojoj će preovlađivati mir,
pravda i suživot i saradnja među ljudima, bez obzira na razlike među njima.
Zahvaljujem se svima!
KRYETARJA: Faleminderit! Për temën e njëjtë e ka kërkuar fjalën edhe deputetja Saranda
Bogujevci.
SARANDA BOGUJEVCI: Faleminderit, kryetare!
Desha veç t’i them disa fjalë për ta përkujtuar masakrën e Srebrenicës.
Kjo masakër është ndër më të mëdhatë prej përfundimit të Luftës së Dytë Botërore në Evropë.
Përveç rëndësisë së përkujtimit të të gjitha viktimave të kësaj masakre, mendoj që në çdo cep të
botës duhet të flitet për këtë masakër.
124
Ndërlidhen shumë gjëra me regjimin e Milosheviqit, qoftë në luftën e Bosnjës, qoftë edhe në
Kosovë.
Është një kontinuitet i vrasjeve dhe gjenocidit që ka shkaktuar në të dy vendet. Fatkeqësisht ky
shtet ka në krye një person që ka qenë pjesë e atij regjimi dhe ky shtet ende vazhdon të na trajtojë
në mënyrën më të keqe të mundshme. E vetmja gjë për momentin që nuk mund ta bëjnë është që
nuk mund të vazhdojnë me vrasje që i kanë bërë në të ‘90-tat.
Dua ta ndaj një fakt që ndoshta shumë pak e dinë që i njëjti njësit që ka kryer gjenocid në
Bosnjë, kanë qenë edhe vrasës i familjes sime dhe familjes Duriqi.
Ka njerëz të njëjtë që janë dënuar për masakrën e Srebrenicës dhe ka njerëz të njëjtë që janë të
dënuar edhe në rastin e familjes sime.
Kjo tregon që nuk kanë qenë këto rastësi, apo siç Serbia pretendon që ka njerëz që i kanë bërë
gjërat krye më vete dhe kanë vrarë njerëz. Kjo tregon që ka ardhur direktivë prej një shteti, prej
një institucioni për t’i zhdukur disa etni, këtë rast po flasim për boshnjakë në Bosnjë dhe po
flasim për shqiptarët në Kosovë.
Është e turpshme, por edhe e dhimbshme që sot e kemi një grup parlamentar këtu në Parlamentin
e Republikës së Kosovës që i përcjell politikat e atij personi dhe, siç e patëm në këtë rast, në
momentin që u përmend Srebrenica, dolën nga salla dhe vazhdojnë, e fatkeqësisht ua kemi lënë
hapësirën që ende edhe përbrenda të na luftojnë.
Nuk ka drejtësi për viktimat, nuk ka drejtësi për këto vende, nuk ka drejtësi për ata që kanë
mbijetuar përderisa u jepet hapësirë këtyre personave dhe e lejojmë Serbinë dhe Vuçiqin që ende
të na maltretojë në forma të ndryshme.
Është e rëndësishme edhe të përmendet që zoti Hoti sot ka qenë pjesë e samitit dhe më kishte
interesuar të di, në fakt, a ka përmendur diçka rreth kësaj çështjeje. Për shkak se jemi këtu ku
jemi, për shkak që nuk përmenden karshi Serbisë masakra që i kanë bërë.
Pjesa tjetër është që duhet të ndërtojmë një bashkëpunim më të afërt edhe me pjesën e Bosnjës,
ku kemi interes të përbashkët t’i mbrojmë viktimat e regjimit serb.
Po shpresoj që, edhe pse ka kaluar gjithë kjo kohë e gjatë që do të mbushemi mend dhe po
shpresoj që tash e tutje sinqerisht do të punojmë në atë drejtim që t’ua kthejmë së paku dinjitetin
këtyre viktimave, por edhe familjarëve të tyre. Faleminderit!
125
KRYETARJA: Faleminderit, zonja deputete! Deputetja Zikrete Aliti ka nga një shenjë
përkujtimi për Srebrenicën, të cilat dëshiron t’ua shpërndajë deputetëve. Faleminderit!
6. Formimi i Komisionit Hetimor Parlamentar lidhur me procesin e privatizimit në Kosovë
Ju njoftoj se deputeti Bedri Hamza, mbështetur nga 20 deputetë të tjerë në bazë të nenit 77 të
Kushtetutës ka iniciuar formimin e Komisionit Hetimor. Kryesia e Kuvendit në mbledhjen e
mbajtur më 6 korrik ka vendosur që Komisioni t’i ketë 11 anëtarë dhe ka kërkuar nga grupet
parlamentare që deri tani, pra kur po e mbajmë këtë seancë, t’i propozojnë deputetët.
Përbërja e komisionit do të jetë si vijon: Grupi i Vetëvendosjes i ka tre anëtarë dhe ndër ta është
kryetari ose kryetarja e këtij komisioni. Grupi i LDK-së, tre anëtarë, Grupi i PDK-së dy anëtarë,
Grupi i AAK-së një anëtar, Lista serbe një anëtar, 6+ një anëtar.
Kryesuesi i komisionit i takon Grupit Parlamentar, i cili nuk është iniciator dhe nuk është pjesë e
koalicionit qeverisës, që i bie Grupi Parlamentar i Vetëvendosjes, kurse zëvendëskryesuesi i
takon grupit iniciator që nënkupton atij të PDK-së.
E ftoj deputetin Bedri Hamza që në cilësinë e propozuesit ta paraqesë propozimin e Komisionit
Hetimor dhe ju lus në qoftë se ka pajtim edhe të grupeve parlamentare që debatin ta bëjmë kur të
vijë raporti i Komisionit Hetimor, kësaj radhe pas propozimit të propozuesit, shkojmë direkt me
emrat e anëtarëve të komisionit. A pajtoheni që t’ia bëjmë ashtu për hir të kohës.
Urdhëro, zoti Hamza!
BEDRI HAMZA: Faleminderit, zonja kryetare!
Të nderuar deputetë,
Kabinet qeveritar,
Në vazhdën e angazhimeve politike në interes të shtetit dhe qytetarëve të Kosovës, Partia
Demokratike e Kosovës në rolin e saj të ri parlamentar këtij Kuvendi i paraqet iniciativa të
rëndësishme ligjore dhe politike, të cilat drejtpërdrejt i bie edhe me funksionin e mbikëqyrjes së
Kuvendit, në mënyrë që proceset, faktet dhe ngjarjet institucionale që kanë ndodhur të
rishikohen, të vlerësohen dhe të nxirren të vërtetat e pathëna, por edhe të eliminohen gjykimet
dhe paragjykimet shpeshherë të padrejta e jokorrekte, të cilat u janë servuar qytetarëve të
Kosovës për shumë vjet.
I tillë është edhe procesi i privatizimeve në Kosovë, për të cilin është diskutuar shumë qoftë në
formë politike po qoftë edhe në forma të tjera për atë se çka është ky proces, si është zhvilluar, si
po zhvillohet, cilat janë sfidat e procesit, a i kanë realizuar ndërmarrjet e privatizuara pritjet apo
qëllime për të cilat janë privatizuar, a është rregulluar statusi i punëtorëve të këtyre ndërmarrjeve,
a ka pasur apo jo ndikime politike dhe nëse po, kush dhe si ka ndikuar, e shumë pyetje të tjera, të
126
cilat me të drejtë edhe sot janë të mirëseardhura të diskutohen, e në rastin më të mirë tani për
herë të parë pas shumë vjetësh edhe të hetohen.
Prandaj, për këtë qëllim, në pajtim me nenin 77 të Kushtetutës së Republikës së Kosovës, nenit
71 të Rregullores së Kuvendit dhe nenit 4 të Ligjit numër 03/L-176 për hetim parlamentar, i kemi
paraqitur si grup parlamentar Kryesisë së Kuvendit propozimin për themelimin e Komisionit
Hetimor Parlamentar me objekt hetimi procesin e privatizimit në Kosovë.
Ne si grup parlamentar kemi propozuar ngritjen përherë të parë të një komisioni hetimor që do të
ketë për qëllim hetimin e përgjithshëm të procesit të privatizimit në Kosovë, nga fillim i tij e deri
në ditët e sotme, përkatësisht hetim të gjithë procesit të privatizimit të menaxhuar dhe
administruar fillimisht nga Agjencia Kosovare e Mirëbesimit, pastaj Agjencia Kosovare e
Privatizimit, proces i cili ka të bëjë me gjithë veprimtarinë e këtij institucioni për sa i përket
privatizimit të ndërmarrjeve shoqërore, ndërmarrjeve publike, duke përfshirë edhe metodat dhe
procedurat e realizuara për qëllime të privatizimit.
Gjithashtu kemi propozuar që puna hetimore e këtij komisioni të përfshijë dhe do të kufizohen në
ndriçimin e fakteve, konstatimin dhe përshkrimin e rrjedhës së ngjarjeve me qëllim të qartësimit
të saj se çfarë ka ndodhur nga vendimet, veprimet dhe mosveprimet e AKM-së, AKP-së,
Qeverisë, Kuvendit si dhe me zbatimin e vendimeve të gjykatave që lidhen me procese të
veçanta në kuadër të gjithë procesit të privatizimit.
Ne, deputetët parashtrues të kësaj kërkese, me qëllim të ushtrimit të mandatit tonë kushtetues
parlamentar theksojmë nevojën e zhvillimit të këtij hetimi veçanërisht kur kihet parasysh fakti që
procesi i privatizimit në Kosovë është njëri ndër zhvillimet më të rëndësishme ekonomike, e
njëkohësisht edhe të përfolura në opinionin publik për gati dy dekada me radhë.
E dimë se deri më tani në disa raste Kuvendi i Republikës së Kosovës përgjatë mandateve
legjislative të tij ka diskutuar qoftë përmes debatit parlamentar për procesin e privatizimit në
tërësi apo qoftë për privatizimet e ndërmarrjeve të caktuara.
Mirëpo, asnjëherë nuk ka marrë përgjegjësinë për ngritjen dhe zhvillimin e një hetimi
parlamentar që do të qartësonte një herë e mirë jo vetëm procesin e privatizimit thjesht si një
procedurë e caktuar ligjore, por edhe do të hidhte dritë mbi të vërtetat e panjohura për qytetarët e
Kosovës lidhur me disa nga pyetjet kyçe si në vijim.
Kush privatizoi e kush përfitoi nga privatizimi në Kosovë, me emër dhe mbiemër, të bëhen
publik persona fizikë dhe juridikë të lidhur me politikën, qofshin edhe politikanë si dhe të
specifikohet objekti dhe vlera e privatizimit.
127
Cila është lista e ndërmarrjeve shoqërore dhe publike të privatizuara deri më tani? Cili është roli i
Qeverisë ndër vite nga fillimi i procesit të privatizimit? Cili ishte roli që ka pasur përfaqësuesi
special i Sekretarit të Përgjithshëm të Organizatës së Kombeve të Bashkuara në procesin e
privatizimit. Roli i Bordit të AKM-së, roli i Bordit të AKP-së, si dhe roli i Kuvendit në procesin
e privatizimit.
A kishte transparencë të mjaftueshme gjatë procesit të privatizimit. Në ç’masë ndërmarrjet e
privatizuara përmbushën pritjet dhe qëllimet për çka ishin privatizuar dhe sa prej tyre kanë
ndryshuar destinimin ekonomik?
Sa janë përmbushur detyrime ndaj punëtorëve të ndërmarrjeve të privatizuara? Sa është fondi i
realizuar nga privatizimi, si u shpenzuan dhe si po vazhdon të realizohet?
Çfarë raportesh dhe sa të tilla i ka pranuar Kuvendi nga AKP-ja për punën e saj dhe a ka nevojë
për auditim të jashtëm ky institucion dhe nëse po, cili do të jetë fushëveprimtaria e këtij
auditimi?
Këto dhe shumë pyetje të tjera, pa paragjykim, Komisioni Hetimor Parlamentar do t’i shtrojë
para vetes dhe një herë e përgjithmonë do të duhej t’u japë përgjigje shumë dilemave dhe të
panjohurave dhe të nxjerr një raport përfundimtar profesional të bazuar në fakte dhe në prova
dhe do t’ia paraqesë Kuvendit të njëjtin për miratim.
Duke marrë për bazë se nga pikëpamja e konceptit të zhvillimit ekonomik procesi i privatizimit
është i rëndësishëm për faktin se në Kosovë kemi themeluar sistemin demokratik me ekonominë
e tregut të lirë dhe të konkurrencës së lirë, si orientim dhe përcaktim kushtetues ligjor, s’do mend
se ky proces është i paalternativë.
Gjithashtu, sa i përket çështjes së privatizimit Partia Demokratike e Kosovës që nga fillimi i
procesit 2001, sikur shumica e subjekteve të tjera parlamentare, e ka mirëpritur fillimin dhe
zhvillimin e këtij procesi, me qëllim që i njëjti të realizojë reforma të nevojshme strukturore dhe
të bëjë përforcimin e sektorit privat si bashkëkryesor i zhvillimit ekonomik, si mënyrë dhe rast
shumë i mirë në tërheqjen e investimeve të huaja direkte, për rrjedhojë dhe si faktor të
rëndësishëm në zhvillimin ekonomik.
Dhe krejt në fund, nëse më lejohet, i kisha propozuar edhe anëtarët nga Partia Demokratike e
Kosovës. Në këtë rast nënkryetar të komisionit zotin Gazmend Bytyçi dhe anëtar të komisionit
zotin Sejdi Hoxha. Faleminderit!
KRYETARJA: Faleminderit! E ftoj zotin Rexhep Selimi t’i propozojë emrat nga grupi i
Vetëvendosjes.
128
REXHEP SELIMI: Faleminderit, kryetare!
Nga Lëvizja Vetëvendosje anëtarët e këtij komisioni do të jenë deputetët: Hajrullah Çeko,
kryesues, Hekuran Murati dhe Liburn Aliu, anëtarë.
KRYETARJA: Faleminderit! Shkëmb Manaj nga LDK e ka fjalën.
SHKËMB MANAJ: Faleminderit, kryetare!
Grupi Parlamentar i Lidhjes Demokratike të Kosovës për këtë komision propozon deputeten
Doruntinë Maloku, deputetin Fidan Rekaliu dhe Shkumbin Gashi.
KRYETARJA: Faleminderit! Grupi Parlamentar i AAK-së, Time Kadrijaj e ka fjalën.
TIME KADRIJAJ: Faleminderit, kryetare!
Grupi Parlamentar i Aleancës propozon deputetin Bekë Berisha.
KRYETARJA: Faleminderit! Grupi Parlamentar Lista serbe, deputeti Simiq e ka fjalën.
IGOR SIMIĆ: Srpska lista predlaže Vericu Ćeranić, za ćlan ovu komisiju. Hvala!
KRYETARJA: A e dëgjove, edhe një herë të lutem, sepse nuk u dëgjua, vetëm emrin në qoftë se
mund ta përsëritësh.
IGOR SIMIĆ: Verica Ćeranić.
KRYETARJA: Verica. Faleminderit! Grupi Parlamentar 6+, fjalën e ka deputeti Albert Kinolli.
ALBERT KINOLLI: Faleminderit, e nderuar kryetare e Kuvendit!
Grupi Parlamentar 6+ propozon deputetin Fikrim Damka.
KRYETARJA: Faleminderit! Të nderuar deputetë, sipas nenit 4, paragrafi 3 të Ligjit për hetim
parlamentar në rastet kur kërkesa për themelimin e komisionit parashtrohet nga 1/3 e deputetëve,
Kuvendi detyrimisht në seancë themelon komisionin.
Në vazhdim kërkohet deklarimi me votim për formimin e Komisionit Hetimor Parlamentar sipas
kërkesës së deputetit Bedri Hamza, mbështetur edhe nga 20 deputetë të tjerë nënshkrues në lidhje
me procesin e privatizimit në Kosovë.
Lus deputetët që me ngritje dore të deklarohen për formimin e komisionit.
Kush është për? Faleminderit!
A ka kundër? Nuk ka.
129
A ka abstenime? Nuk ka abstenime.
Lus administratën t’i sjellë rezultatet.
77 vota për, asnjë kundër, asnjë abstenim.
Konstatoj se Kuvendi e formoi Komisionin Hetimor Parlamentar për procesin e privatizimit në
Kosovë me përbërjen e propozuar nga grupet parlamentare.
Kërkohet nga Komisioni Hetimor Parlamentar që të veprojë në përputhje me Ligjin për hetim
parlamentar dhe Kuvendit t’ia paraqesë raportin me rekomandime në afatin prej gjashtë muajsh
nga dita e formimit të tij.
Të nderuar deputetë,
Po vazhdojmë me pikat e radhës të rendit të ditës:
7. Shqyrtimi i raportit të Autoritetit Rregullator për Shërbimet e Ujit për vitin 2019
Komisioni Funksional i ka rekomanduar Kuvendit që ta miratojë këtë raport. Njëkohësisht edhe
Komisioni i përhershëm për Buxhet dhe Transfere e ka shqyrtuar raportin dhe i ka rekomanduar
Kuvendit që ta miratojë.
Ftoj fillimisht kryetarin e Komisionit për Ekonomi, Punësim, Tregti, Industri dhe Investime
Strategjike, zotin Endrit Shala, ta marrë fjalën dhe pas tij fjalën e ka deputeti Hekuran Murati, të
flasë në emër të Komisionit për Buxhet. Nënkryetarja e komisionit, Doruntinë Maloku e ka
fjalën.
DORUNTINË MALOKU: Faleminderit, e nderuar kryetare!
Të nderuar kolegë,
Në bazë të nenit 10 të Ligjit numër 05/L-042 për rregullimin e shërbimeve të ujit, autoriteti
paraqet raport vjetor të punës për vitin paraprak në Kuvendin e Republikës së Kosovës më së
voni deri më 31 mars të vitit pasues.
Komisioni për Ekonomi, Punësim, Tregti, Industri, Ndërmarrësi dhe Investime Strategjike në
mbledhjen e mbajtur më 9 qershor 2020 shqyrtoi raportin vjetor të punës për vitin 2019 të
Autoritetit Rregullator të Shërbimeve të Ujit, të cilin e paraqiti para deputetëve drejtori i ARU-
së.
Komisioni në bazë të nenit 72 të Rregullores së Kuvendit shqyrtoi raportin vjetor për vitin 2019
të Autoritetit Rregullator për Shërbimet e Ujit, në mbledhjen e mbajtur më 9 qershor 2020 me
shumicë votash vendosi që Kuvendit t’i rekomandojë:
130
- Të miratohet raporti vjetor i Autoritetit Rregullator për Shërbimet e Ujit ARRU për vitin 2019.
Kryetare, nëse më lejoni të paraqes edhe qëndrimin e grupit parlamentar. Faleminderit!
Të nderuar kolegë,
Raporti i Autoritetit Rregullativ për Shërbimet e Ujit për vitin 2019 përmban zhvillimet kryesore
në sektorin e ujit dhe gjendjen e nivelit të shërbimeve, të cilat i bëjnë ofruesit e licencuar.
Ky është një raport që tregon të gjeturat e autoritetit, megjithëse ka disa mangësi.
Gjetjet kryesore të raportit janë bazuar kryesisht në krahasimin e raportit të vitit 2018 dhe
raportin e fundit 2019. Ajo çka vlen të theksohet është se përmes këtij raporti vërehen dallime të
mëdha te pagesat e shërbimeve të ujërave mes konsumatorëve nga Mitrovica e Veriut dhe
konsumatorëve të pjesëve të tjera të Kosovës. Këto dallime në çmime janë mjaft diskriminuese
sa u përket pagesave ndaj këtyre konsumatorëve.
Kjo çështje paraqet një problem mjaft të madh, e cila duhet të adresohet nga Qeveria e
Republikës së Kosovës.
Raporti nuk jep shumë sqarime sa u përket investimeve kapitale dhe nuk ka shumë të dhëna për
sasinë e ujit të humbur.
Raporti jep të dhëna edhe rreth shpenzimeve për furnizimin e ujit me shumicë me nivelin prej
6%. Sqarimet rreth mënyrave se si ka ardhur deri në ngritjen e këtij niveli si dhe çfarë ka ndikuar
në rritjen e shpenzimeve për furnizimin e ujit në raport kanë mbetur të pasqaruara.
Me gjithë mangësitë që mund të hasim në këtë raport, ne jemi të vetëdijshëm për rolin e
rëndësishëm që ka Autoriteti Rregullator për Shërbimet e Ujit, i cili siguron ofrimin e
shërbimeve cilësore, efiçiente dhe të sigurta në baza jodiskriminuese për të gjithë konsumatorët
në Kosovë, duke pasur parasysh mbrojtjen e mjedisit dhe të shëndetit publik.
Si Grup Parlamentar e mbështesim këtë raport dhe rekomandojmë që të votohet. Faleminderit!
KRYETARJA: Faleminderit! Hekuran Murati e ka fjalën.
HEKURAN MURATI: Faleminderit, e nderuar kryetare!
Në Komisionin për Buxhet dhe Transfere kemi pasur në rend dite para dy javësh për ta trajtuar,
mirëpo nuk e kemi trajtuar për shkak se na kanë lajmëruar që stafi i ARU-së ka qenë në
vetizolim për shkak se kanë pasur disa raste pozitive me COVID, kështu që ende si komision nuk
e kemi trajtuar këtë raport. Faleminderit!
131
KRYETARJA: Ne e kemi marrë si Kryesi e Kuvendit një raport nga ana e Komisionit për
Buxhet dhe Transfere, ku thuhet të miratohet raporti vjetor financiar i Autoritetit Rregullator për
Shërbimet e Ujit dhe arsyetimin e raportit me rekomandime e paraqet deputeti Hekuran Murati.
Këtë dokument e kemi marrë nga Komisioni për Buxhet dhe Transfere.
Fjala është për raportin vjetor financiar të Autoritetit Rregullator për Shërbimet e Ujit. Pra, na ka
ardhur më 24 qershor 2020.
Megjithatë besoj që prapëseprapë ne si deputetë mund të procedojmë me procesin e votimit.
A kanë grupet parlamentare diçka për të deklaruar lidhur me këtë çështje.
Në emër të Grupit Parlamentar të Vetëvendosjes, Mimoza Kusari-Lila.
MIMOZA KUSARI-LILA: Faleminderit, kryetare!
Më duhet të deklaroj që në raportin vjetor të Autoritetit Rregullativ për Shërbimet e Ujit për vitin
2019, edhe pse i miratuar në komision, ne si Grup Parlamentar nuk e mbështesim për disa arsye.
Raporti ka mungesë të statistikave për vizitat në terren nga personeli i ARU-së dhe natyrisht
kemi kërkuar që të ketë një specifikim më tepër nga zyrtarët e ARU-së në raport me këto vizita.
Gjithashtu, siç u tha edhe nga parafolësja, çështja e investimeve kapitale nga kompanitë rajonale
të ujit kemi kërkuar informata shtesë, ndërsa nga zyrtarët e ARU-së raportin me përgjigje që e
kemi marrë nuk ka sqaruar, sepse në disa ndërmarrje ose kompani rajonale të ujësjellësit, siç
është ajo në Gjakovë, ata vetëm janë deklaruar se nuk janë përfshirë në faturim, megjithatë nuk
ka sqarim apo informacion të mëtutjeshëm në lidhje me investimet dhe mënyrën që në fakt
ARU-së i takon të përcjellë këto investime në kompani rajonale.
Çka vlen të theksohet është diskrepanca e vazhdueshme që mbetet me komunat në veri dhe
pjesën tjetër të Kosovës. Ende janë humbjet e vazhdueshme nga katër komunat në veri çështje
edhe politike, edhe teknike.
ARU-ja nuk ka një strategji stimuluese si të zvogëlohen humbjet në nivelin e përgjithshëm dhe
nuk ka aplikuar mekanizma motivues të bazuar në analiza për KRU-të në drejtim të rritjes së
performancës në nivel të vendit dhe zvogëlim të humbjeve.
Aprovimi i humbjeve të larta që në vazhdimësi i bën ARU-ja pa vendosur objektava të matshme
mund të ndikojë negativisht në motivim të menaxhmentit të KRU-ve në drejtim të zvogëlimit të
humbjeve në minimum të mundshëm.
132
Gjithashtu, mbulueshmëria me shërbime të ujësjellësit për popullatën e përgjithshme në zonat e
shërbimeve për të cilat janë licencuar vlerësohet të jetë për një milion e 790 mijë banorë, prej të
cilëve qasje në shërbimet e ujësjellësit ende kanë vetëm 75% prej tyre.
Gjithashtu ajo çka vlen të theksohet është se mesatarja e humbjeve të ujit të ujësjellësve vazhdon
të jetë rreth 57% në nivel të vendit, e njëkohësisht humbja e ujit si një nga komponentët kryesor
përballë tarifës së ujit ka ndikuar në nivelin e tarifës.
Humbjet e aprovuara reflektojnë drejtpërdrejt në tarifën e shërbimit të ujësjellësve dhe sa më e
lartë përqindja e humbjeve të aprovuara, aq më e lartë tarifa e ujësjellësit për shërbime të
papranuara nga konsumatorët e rregullt.
Prandaj, konsiderojmë që është momenti final që të krijohet një strategji stimuluese se si të
zvogëlohen këto humbje dhe natyrisht që të kemi një sistem të përgjithshëm dhe strategji në
raport me furnizimin me ujë të pijes.
Prandaj, Grupi Parlamentar i Lëvizjes Vetëvendosje nuk e mbështet raportin e Autoritetit
Rregullativ për Shërbime të Ujit.
KRYETARJA: Faleminderit! Para se të vazhdojmë, po e shoh në të gjitha grupet parlamentare
kemi disa raste që nuk po respektohet distanca. I lus deputetët që të mos kem nevojë t’ju
përmend emrat. Mefail, e ke njërin aty afër ulur që duhet larguar pak. Keni hapësirë të
mjaftueshme për të lënë nga një karrige në mes, ju lus të nderuar deputetë. Qe këtu një rend më
poshtë ka hapësirë të mjaftueshme.
Zoti deputet Ukaj, ju lutem një karrige në mes me deputeten Gaxherri. Ka mjaftueshëm hapësirë
besoj që të qëndrojë në mes nga një karrikë, jo, jo, mundesh në mes të ulesh, përveç në qoftë se
nuk është funksionale karriga, e ke nga një karrige ndërmjet me të dyja deputetet, nuk kemi
nevojë të krijojmë situata ku nuk mbahet distanca. Faleminderit!
Atëherë, nga Grupi Parlamentar i PDK-së, deputeti Ferat Shala e ka fjalën.
FERAT SHALA: Faleminderit, kryetare!
Të nderuar kolegë deputetë,
Ne në komision kemi analizuar hollësisht raportin e ARU-së, mbështetur me të gjeturat dhe ato
që janë tashmë publike. Konsiderojmë që sektori i ujërave në Kosovë edhe rregullatorët që bëjnë
rregullimin e këtij sektori kanë nevojë për mbështetjen institucionale.
Kanë nevojë për një vëmendje më të theksuar të institucioneve shtetërore qeveritare.
133
Prandaj, duke llogaritur që ne me mosvotim nuk i ndihmojmë stabilizimit dhe rregullimit të
sektorit të ujit, Grupi Parlamentar i Partisë Demokratike e voton raportin me rekomandime për
institucionet ekzekutive që ta kthejnë pra kushtin investiv ndaj sektorit të ujërave, e veçanërisht
në fuqizimin e rregullatorëve. Faleminderit!
KRYETARJA: Faleminderit! Time Kadrijaj e ka fjalën.
TIME KADRIJAJ: Faleminderit, kryetare e Kuvendit!
Grupi Parlamentar i Aleancës për Ardhmërinë e Kosovës e ka shqyrtuar raportin e Autoritetit
Rregullator për Shërbimet e Ujit dhe do ta përkrahë.
KRYETARJA: Faleminderit! Grupi Parlamentar Lista serbe. Nuk e dëshiron fjalën. Grupi
Parlamentar 6+, nuk e ka kërkuar fjalën.
Atëherë, meqenëse nuk ka deputetë të tjerë të lajmëruar, vazhdojmë me procesin e votimit.
I lus deputetët që me ngritje dore të deklarohen për miratimin e raportit.
Kush është për? Faleminderit!
Kush është kundër? Faleminderit!
A ka abstenime? Faleminderit!
Në votim morrën pjesë 76 deputetë, 47 deputetë kanë votuar për, 7 kundër dhe 22 abstenime.
Konstatoj se Kuvendi miratoi raportin vjetor të Autoritetit Rregullator për Shërbimet e Ujit për
vitin 2019.
8. Kërkesa e Komisionit Hetimor Parlamentar në lidhje me menaxhimin e pandemisë të
virusit COVID-19 nga Qeveria e Kosovës për miratim të buxhetit
Ky Komision Hetimor Parlamentar, i cili është themeluar nga Kuvendi më 4 qershor, ka kërkuar
miratimin e buxhetit për realizimin e mandatit të tij. Kjo kërkesë është në përputhje me nenin 24,
paragrafi 1 të Ligjit për hetim parlamentar.
E ftoj kryesuesen e komisionit, zonjën Mimoza Kusari-Lila, ta paraqesë dhe ta arsyetojë
kërkesën.
MIMOZA KUSARI-LILA: Faleminderit, kryetare!
Të nderuar deputetë,
Komisioni Hetimor Parlamentar në lidhje me menaxhimin e pandemisë së virusit COVID-19 nga
ana e Qeverisë së Republikës së Kosovës është formuar, siç u cek nga ky Kuvend, në seancë
plenare më 4 qershor.
134
Mbështetur në nenin 24 të këtij ligji komisioni po i propozon Kuvendit miratimin e buxhetit në
shumë prej 16 mijë 440 euro, i cili buxhet do të mbulojë kompensimin e anëtarëve të komisionit
sipas vendimit të Kryesisë së Kuvendit, shpenzimet operative për punën e komisionit dhe
kompensimin e ekspertëve.
Për një punë më efikase të Komisionit Hetimor ju ftoj ta votoni buxhetin e propozuar.
Një dallim nga buxhetet e mëhershme, të cilat janë propozuar nga komisionet hetimore, e kemi
se kemi hequr kompensimet shtesë për kryetaren e komisionit dhe nënkryetaren e komisionit,
domethënë është niveli i njëjtë i të gjithë anëtarëve të komisionit përderisa shumat shtesë kanë
shkuar te kompensimi i ekspertëve, janë tre ekspertë, janë paraparë të angazhohen në kuadër të
komisionit dhe 11 anëtarë që i ka Komisioni Hetimor për menaxhimin e pandemisë të virusit
COVID-19.
Ju ftoj që ta miratoni këtë buxhet. Faleminderit!
KRYETARJA: Meqenëse s’ka të paraqitur, po propozoj të shkojmë drejt në proces të votimit. A
pajtoheni? Faleminderit!
Kush është për? Faleminderit!
A ka kundër? Nuk po shoh kundër.
A ka abstenime?
Atëherë, e lus administratën ta sjellë rezultatin. Faleminderit!
80 vota për, asnjë kundër dhe 2 abstenime.
Konstatoj se Kuvendi e miratoi buxhetin e Komisionit Hetimor Parlamentar lidhur me
menaxhimin e pandemisë së virusit COVID-19 nga ana e Qeverisë së Kosovës.
9. Formimi i Komisionit ad hoc për përzgjedhjen e kandidatëve për shtatë anëtarë të
Këshillit të Pavarur Mbikëqyrës për Shërbimin Civil të Kosovës
Në qoftë se pajtoheni edhe këtu, po shkojmë direkt t’ i marrim emrat nga secili grup parlamentar.
Ftoj së pari Grupin Parlamentar të Vetëvendosjes që t’i propozojë tre deputetë për anëtarë të
komisionit.
REXHEP SELIMI: Unë po i jap emrat për këtë komision dhe ata janë: Valon Ramadani, Sali
Zyba dhe Alban Hyseni.
KRYETARJA: Faleminderit! Grupi Parlamentar i LDK-së, Shkëmb Manaj e ka fjalën.
135
SHKËMB MANAJ: Grupi Parlamentar i Lidhjes Demokratike të Kosovës e propozon deputetet
Valentina Bunjaku-Rexhepi dhe Rezarta Krasniqin.
KRYETARJA: Tre anëtarë na duhet nga LDK-ja.
SHKËMB MANAJ: Tre anëtarë.
KRYETARJA: Po, ju takojnë tre anëtarë në këtë komision ad hoc, sepse shkaku i shuarjes së
Grupit Parlamentar të Nismës tani janë rritur anëtarët për grupe të tjera.
SHKËMB MANAJ: Edhe Faton Bislimi.
KRYETARJA: Edhe Faton Bislimi. Faleminderit! Grupi Parlamentar i PDK-së e propozon një
deputet për kryetar dhe një deputet për anëtar të komisionit.
BEDRI HAMZA: Faleminderit, kryetare!
Për kryetar propozohet deputeti Mërgim Lushtaku, për anëtare deputetja Valdete Idrizi.
KRYETARJA: Faleminderit! Grupi Parlamentar i AAK-së, Time Kadrijaj e ka fjalën.
TIME KADRIJAJ: Faleminderit!
Grupi Parlamentar i Aleancës propozon deputetin Rasim Selmanaj.
KRYETARJA: Faleminderit! Grupi Parlamentar i Listës serbe propozon nënkryetarin e dytë.
IGOR SIMIĆ: Srpska lista predlaže gospodina Slavka Simića.
KRYETARJA: Slavko Simiq. Faleminderit! Grupi Parlamentar 6+, fjalën e ka Fikrim Damka.
FIKRIM DAMKA: Faleminderit, kryetare!
Grupi Parlamentar 6+ propozon Albert Kinollin.
KRYETARJA: Faleminderit! Po procedojmë me votim.
Lus deputetët që me ngrije dore të deklarohen për emërimin e anëtarëve të Komisionit ad hoc.
Kush është për? Faleminderit!
A ka kundër? Nuk ka.
A ka abstenime? Nuk ka.
Ju lus ta sillni rezultatin.
Me 83 vota për, konstatoj se Kuvendi emëroi anëtarët e Komisionit ad hoc për përzgjedhjen e
kandidatëve për shtatë anëtarë të Këshillit të Pavarur Mbikëqyrës për Shërbimin Civil.
136
Ngarkohet Komisioni ad hoc që të veprojë në përputhje me Ligjin numër 06/L-048 për Këshillin
e Pavarur Mbikëqyrës për shërbimin Civil të Kosovës dhe Kuvendit t’ia paraqesë raportin me
rekomandime.
10. Formimi i Komisionit ad hoc për përzgjedhjen e kandidatëve për dy anëtarë të Bordit
të Ankesave të Komisionit të Pavarur të Mediave
Po procedojmë menjëherë me emrat e propozuar nga grupet parlamentare. Ftoj kryetarin e Grupit
Parlamentar të Vetëvendosjes që t’i propozojë tre anëtarë për këtë komision. Zoti Selimi e ka
fjalën.
REXHEP SELIMI: Faleminderit!
Për këtë komision Lëvizja Vetëvendosje propozon deputetët: Agon Batusha, Elbert Krasniqi dhe
Arta Bajralia.
KRYETARJA: Faleminderit! Shkëlzen Hajdini e ka fjalën për të propozuar tre anëtarë nga LDK-
ja.
SHKËLZEN HAJDINI: Faleminderit, kryetare!
Për këtë komision Lidhja Demokratike e Kosovës propozon Shkëmb Manaj, Ardian Shala dhe
deputetin Ilir Tasholli. Faleminderit!
KRYETARJA: Ftoj Grupin Parlamentar të PDK-së që të propozojë nënkryetarin e parë dhe një
anëtar.
BEDRI HAMZA: Faleminderit, kryetare!
Grupi Parlamentar i Partisë Demokratike propozon deputeten Blerta Deliu-Kodra dhe deputeten
Besa Ismaili.
KRYETARJA: Ftoj Grupin Parlamentar të AAK-së, deputeten Time Kadrijaj, ta propozojë
kryetarin e këtij komisioni.
TIME KADRIJAJ: Grupi Parlamentar i Aleancës për Ardhmërinë e Kosovës propozon deputetin
Rasim Selmanaj.
KRYETARJA: Faleminderit! Ftoj Grupin Parlamentar të Listës serbe që ta propozojë një deputet
për anëtar të komisionit.
SLAVKO SIMIĆ: Hvala predsedniće!
Parlamentarna grupa Srpska lista za ćlana Komisije predlaže Igora Simića.
137
KRYETARJA: Igor Simiq. Ftoj Grupin Parlamentar 6+ që ta propozojë një deputet për
nënkryetar të dytë.
FIKRIM DAMKA: Grupi Parlamentar 6+ propozon Rasim Demirin.
KRYETARJA: Faleminderit! Procedojmë me votim.
Lus deputetët që me ngritje dore të deklarohen për emërimin e anëtarëve të Komisionit ad hoc.
Kush është për? Faleminderit!
A ka kundër? Një votë kundër
A ka abstenime? Jo.
76 vota për dhe një kundër. Konstatoj se Kuvendi emëroi anëtarët e Komisionit ad hoc për
përzgjedhjen e kandidatëve për dy anëtarë të Bordit të Ankesave të Komisionit të Pavarur të
Mediave.
Ngarkohet Komisioni ad hoc që të veprojë në përputhje me Ligjin 04/L-44 për Komisionin e
Pavarur të Mediave dhe Kuvendit t’ia paraqesë raportin me rekomandime.
Vazhdojmë me pikën e dymbëdhjetë të rendit të ditës:
12. Shqyrtimi i parë i Projektligjit për plotësimin dhe ndryshimin e Ligjit numër 07/L-001
mbi ndarjet buxhetore për Buxhetin e Republikës së Kosovës për vitin 2020
Të nderuar deputetë,
Komisioni Funksional për Buxhet dhe Transfere, në bazë të nenit 56 të Rregullores së Kuvendit e
ka shqyrtuar projektligjin dhe Kuvendit ia ka rekomanduar miratimin e tij.
Ftoj ministren e Financave dhe Transfereve, zonjën Hykmete Bajrami, që para deputetëve ta
paraqesë dhe ta arsyetojë projektligjin.
MINISTRJA HYKMETE BAJRAMI: Faleminderit, e nderuar kryetare!
Të nderuar deputetë,
I nderuar kryeministër,
Anëtarë të Kabinetit qeveritar,
Të nderuar qytetarë,
Siç e dini nga dita e parë kemi filluar procesin e rishikimit për vitin 2020 dhe kemi arritur që ta
dorëzojmë në Kuvend më 19 qershor.
Buxhetin që e kemi para vetes adreson sfida, të cilat janë shkaktuar nga kriza e pandemisë. Edhe
pse kemi pasur kohë jashtëzakonisht të kufizuar, mendoj se kemi bërë punën më të mirë për të
përgatitur një draft të rishikimit të buxhetit që është gjithëpërfshirës dhe mendojmë që do të
arrijë t’i adresoj disa nga sfidat që ka paraqitur pandemia.
138
Duhet ta kemi gjithashtu parasysh që jemi duke u përballur me një sfidë të pazakontë që na ka
imponuar të ndërmarrim veprime mjaft agresive në mënyrë që t’i kalojmë problemet e
shkaktuara.
Këtu e kam fjalën për pandeminë COVID-19 që ka imponuar masa të ashpra kufizuese për
bizneset dhe qytetarët me qëllim të parandalimit të përhapjes së kësaj pandemie dhe mbrojtjes së
shëndetit të qytetarëve.
Por, natyrisht ashtu si në shumë vende të botës, edhe në Kosovë kjo pandemi dhe masat
kufizuese për parandalimin e përhapjes së saj kanë bërë që bizneset dhe qytetarët, por edhe
institucionet, pra Qeveria vetë të ndikohet nga këto zhvillime.
Duke qenë se shumica e bizneseve për një periudhë tremujore kanë qenë pothuajse komplet të
mbyllura, shumë prej punëtorëve nuk kanë arritur që t’i marrin pagat e plota, disa prej tyre
ndoshta nuk kanë marrë fare paga nga punëdhënësit e tyre.
Këto zhvillime kanë prekur direkt edhe financat publike të shtetit. Pra, si pasojë e rënies së
aktivitetit ekonomik dhe vendimeve të Qeverisë për shtyrje të afateve për deklarim dhe pagesë të
tatimeve, të hyrat buxhetore për periudhën mars-maj 2020 ishin me normë shumë të vogël se sa
ato që ishin të planifikuara. Ndërsa efekti në të hyra pritet të reflektohet edhe në muajt në vijim.
Për më tepër, pagesat për qytetarët dhe bizneset nga pakoja e kaluar nuk janë realizuar në tërësi.
Prandaj, në linjë me këto zhvillime ne kemi përgatitur një propozim për rishikim të buxhetit, i
cili ka dashur që t’i marrë parasysh edhe për bazë t’i adresojë këto çështje.
Fillimisht kemi dashur që të bëjmë rishikimin e të hyrave për të reflektuar në rënien e
deritanishme dhe vlerësimet për pjesën e mbetur të vitit.
Gjetjen e burimeve shtesë të financimit për të financuar pakon e kaluar për pjesën e ekzekutuar si
dhe pjesën e paekzekutuar.
Buxhetimin për financim të programit për rimëkëmbje ekonomike të vendit si dhe buxhetimin
për financim të programeve të tjera që janë nënbuxhetuar në buxhetin e vitit 2020, i cili ishte
aprovuar më 5 mars të këtij viti.
Tani duke qenë se ndikimi i COVID-19 te sektori privat, qytetarët dhe institucionet publike është
tejet i madh, ne jemi detyruar të ndërmarrim veprime të jashtëzakonshme për përballje me
pasojat e kësaj pandemie.
139
Përkundër rritjes së deficitit, rënia e madhe e të hyrave është vlerësuar të jetë rreth 232 milionë
dhe nevoja për financim të programit për rimëkëmbje ekonomike na ka imponuar me të gjitha
kursimet e konsiderueshme në kategoritë e shpenzimeve të tjera.
Pra, në këtë propozim për rishikim të buxhetit jemi detyruar të bëjmë kursime nga kategoritë e
ndryshme ekonomike te të gjitha organizatat buxhetore të nivelit qendror.
Këto kursime janë proporcionale, pra ndikojnë proporcionalisht në të gjitha institucionet që
drejtojmë.
Tani më lejoni t’ju informoj për dy gjëra të ndërlidhura.
E para, ne nuk kemi larguar asnjë projekt nga buxheti fillestar, por alokimet për ato projekte janë
zvogëluar, duke mundësuar kursime.
Dhe, e dyta, kursimet e identifikuara do të kthehen në dy periudha.
Do të kthehen gjatë këtij viti, varësisht nga dinamika e punëve në implementimin e atyre
projekteve. Ne do të bëjmë të pamundurën që duke filluar nga 1 tetori t’i plotësojmë të gjitha
mungesat buxhetore për projekte të cilat implementohen dhe gjithashtu do të kthehen përmes
buxhetit të vitit 2021, ku ne do të sigurohemi si ministri që mjetet e kursyera në këtë vit do t’u
kthehen në tërësi për të gjitha projektet organizatave buxhetore ku jemi detyruar të bëjmë
kursime.
Më duhet gjithashtu të shtoj se për shkak të zhvillimeve gjatë muajve të fundit progresi në
ekzekutimin e buxhetit ka qenë mjaft i ngadaltë. Dhe, duke qenë se jemi në mes të vitit, duhet të
kemi pritje të arsyeshme për kapacitetet tona absorvuese për ekzekutim.
Pra, edhe të mos zvogëlonim alokimet për të mundësuar kursimet buxhetore, ne rrjedhimisht
prapë në fund të vitit do të na tepronin mjete.
Më lejoni t’ju informoj se përkundër sfidave që kemi, ne kemi arritur të gjejmë burime shtesë të
financimit për të siguruar se do të implementojmë me sukses programin e Qeverisë.
Këto burimet e financimit janë kombinim i kursimeve të identifikuara emetimit të letrave me
vlerë të Qeverisë, financime nga jashtë prej institucioneve financiare ndërkombëtare, si dhe
shfrytëzim i fondeve të Agjencisë Kosovare të Privatizimit.
Këto mjete do të përdoren për financimin e projekteve të Qeverisë, siç janë elaboruar në
programin tanimë të aprovuar.
140
Do të kemi mbështetje të të gjitha prioriteteve dhe projekteve, të cilat janë pjesë integrale e
programit qeverisës.
Tani më lejoni pak t’ju flas në detaje për rishikimin, duke u fokusuar në pritje që ne kemi për sa i
përket rritjes ekonomike, e cila është bazë për përgatitjen e çdo buxheti.
Zhvillimet e muajve të fundit dhe ato të tanishme pa dyshim se do të kenë efekte negative në
rritjen ekonomike, duke filluar nga konsumi e më pas investimet, eksportet, e kështu me radhë.
Duke u mbështetur në projeksionet e divizionit për makro-ekonomi pranë Ministrisë së
Financave në vitin 2020 ne presim një rënie ekonomike për rreth 3%, megjithatë ne presim që
rritja ekonomike të kthehet në trend pozitiv në vitin 2021, ku norma e rritjes vlerësohet të jetë
5,4, ndërsa në vitin 2022 rreth 4,2%.
Rritja e viteve të ardhshme pritet të vijë nga investimet private publike, konsumi si dhe rritja e
eksporteve të vendit.
Për sa u përket çmimeve për vitin 2020 dhe vitet vijuese, pritet një stabilitet i theksuar, ku
inflacioni është projektuar të jetë maksimalisht në normën prej 1% në baza vjetore.
Më lejoni të përsëris edhe një herë se po jetojmë në një kohë tepër sfiduese dhe tepër dinamike,
gjë e cila krijon pasiguri të theksuar dhe sa u përket projeksioneve tona.
Në kohën kur ne kemi përcjellë në Kuvend këtë projekt-buxhet më 19 qershor, situata pandemike
në vendin tonë ka qenë e ndryshme nga ajo që e kemi sot.
Duke marrë parasysh edhe institucionet e jashtme, si Fondi Monetar Ndërkombëtar dhe Banka
Botërore, vlerësojmë se ndikimi i pandemisë COVID-19 në rritjen ekonomike do të jetë edhe më
i lartë se sa vlerësimet tona.
Prandaj, ne ju informojmë se Ministria e Financave menjëherë pas aprovimit në Kuvend të
rishikimit të buxhetit do të fillojë me rishikimin e kornizës afatmesme të shpenzimeve, sepse kjo
gjë na imponohet që të bëjmë për të reflektuar në realitetin e krijuar nga pandemia.
Deri në atë kohë ne shpresojmë se normaliteti ekonomik do të jetë i plotë dhe se do të kemi
informata shtesë për efekte të mundshme të pandemisë.
Kur jemi te të hyrat, më lejoni të fokusohem në këto çështje. Duke u bazuar në rishikimet më të
fundit fiskale, projeksionet për të hyrat buxhetore tregojnë se në vitin 2020 të hyrat totale do të
jenë në vlerë prej një miliard e 788 milionë. Krahasuar me vitin 2019, ne presim që të kemi një
141
rënie prej 5%, apo rreth 100 milionë më pak, ndërsa krahasuar me buxhetin e vitit 2020, rënia
është më e theksuar, është 11,5% ose 232 milionë më pak.
Rënia pritet të jetë si rezultat i rënies së të hyrave tatimore, po ashtu edhe të hyrave jotatimore.
Arsyet janë të njohura. Ju e dini, rënia e importeve, rënia e konsumit, çrregullimet në tregun e
punës e kështu me radhë, të gjitha këto kanë ndikuar që të hyrat tatimore të bien.
Edhe të hyrat jotatimore, siç janë pagesat për shërbime të ndryshme, letërnjoftime, pasaporta, të
hyra koncesionare kanë pasur rënie si pasojë e pandemisë.
Me kthimin e rritjes pozitive ekonomike në vitin 2020 dhe vitet pasuese, ne presim që faktikisht
edhe të hyrat buxhetore të rriten me të njëjtin trend.
Për sa u përket shpenzimeve, propozimin që keni para jush reflekton prioritetet e Qeverisë, por
edhe kufizimet e përmendura më lart. Gjithsej shpenzimet buxhetore janë planifikuar të jenë në
vlerë prej 2 miliardë e 620 milionë euro që paraqet një rritje 25% më shumë se buxheti i
ekzekutuar i vitit 2019 ose 520 milionë më shumë.
Edhe në krahasim me buxhetin e aprovuar në mars të vitit 2020, ne kemi një rritje prej 11% ose
262 milionë euro. Kjo është bërë me qëllim për të menaxhuar...
(Ndërprerje nga regjia)
KRYETARJA: Ja vazhdoni fjalën ministres, ju lutem!
MINISTRJA HYKMETE BAJRAMI: ...krizën e shkaktuar nga pandemia.
Te shpenzimet që lidhen me programin për rikëmbjen ekonomike është alokuar shuma prej 385
milionë për vitin 2020 dhe gjithashtu kemi paraparë që do të kemi rreth 146 milionë në
programin për rimëkëmbje ekonomike për vitin 2021.
Nga këndvështrimi i kategorive ekonomike, jemi siguruar që në secilën kategori të kemi mjete të
mjaftueshme për financimin e prioriteteve tona qeverisëse.
Te pagat dhe mëditjet ka buxhet të mjaftueshëm për këtë vit, megjithatë propozimi domethënë që
e kemi sjellë, edhe pse e kemi sjellë më 19 qershor, nuk e ka pasur të reflektuar koston e Ligjit të
pagave. Mirëpo, meqenëse Gjykata Kushtetuese ka vendosur që ligjin ta kthejë në pikën zero,
atëherë besoj që këtu nuk kemi ndonjë problem.
Te mallrat dhe shërbimet kemi propozuar kursimet e konsiderueshme për të krijuar hapësirë
financuese për shpenzimet që lidhen me programin për rimëkëmbje.
142
Te kategoria e subvencioneve dhe transfereve kemi një rritje që reflekton alokimin e mjeteve
shtesë për programet dhe nënprogramet që janë ndikuar nga masat specifike të programit të
rimëkëmbjes.
Por, më duhet të them se në këtë kategori akoma nuk kemi buxhet të mjaftueshëm për financimin
e të gjitha skemave që i takojnë kësaj kategorie, edhe një pjesë të tyre është lënë që të
rregullohet..., ashtu siç e mundëson ashtu siç e mundëson Ligji i buxhetit dhe Ligji për
menaxhim të financave publike dhe përgjegjësitë. Në këtë kontekst, ne do të jemi në koordinim
të ngushtë me Ministrinë e Punës dhe Mirëqenies Sociale për të adresuar sfidën e buxhetimit, por
njëkohësisht për të shqyrtuar seriozisht nevojën e reformimit dhe konsolidimit të plotë të
skemave që janë në kuadër të kësaj ministrie, duke marrë parasysh që në buxhetim kemi disa
kategori sociale.
Ndihma e Ministrisë së Financave, në veçanti për pjesën që lidhet me qëndrueshmërinë fiskale të
skemave të shumta sociale, do të jetë gjithmonë në dispozicion. Shpenzimet kapitale mbesin në
linjë të rëndësishme buxhetore, sepse në kontekstin e ndikimit do të thotë për shkak të rëndësisë
që kanë në kontekst të rritjes ekonomike ne i kemi lënë pothuajse të paprekura, e thashë edhe një
herë, kemi zbritur alokimet për projektet kapitale, duke marrë parasysh që nuk ka pasur
shpenzim në gjashtëmujorin e parë të këtij viti.
Përmes këtyre shpenzimeve do të mundësohet financimi i shumë projekteve të nisura më herët, e
në disa raste do të iniciohen edhe projekte të reja. Ministria e Financave ka alokuar për projektet
e reja kapitale dhe projektet në vazhdim rreth 40 milionë mjete nga Agjencinë i Privatizimit, por
edhe kemi bërë alokime për mallra, shërbime, subvencione dhe transfere, siç e kërkon ligji për
tremujorin e ardhshëm. Kemi hequr kufizimin e Qeverisë paraprake për fillimin e projekteve të
reja dhe i kemi inkurajuar të gjitha organizatat buxhetore që të fillojnë sa më shpejt me
procedurat e prokurimit. Duke u bazuar në projeksionet e të hyrave dhe shpenzimeve, deficiti
buxhetor sipas rregullës fiskale të ndryshuar tanimë nga Kuvendi pritet të jetë rreth 6,5% e bruto-
produktit vendor.
Mbi këtë deficit do të ketë financim shtesë përmes klauzolës për investime në shumën prej 147
milionë eurosh nga fondet e AKP-së në vlerë prej 185 milionë euro. Rrjedhimisht, deficiti i
përgjithshëm që përfshin edhe përjashtimet nga rregulla fiskale është mjaft i lartë. Ky deficit
është planifikuar të financohet edhe nga emetimi i letrave me vlerë dhe financimi i jashtëm, si
rezultat pritet që në tre vjetët e ardhshme, nën supozimin se i gjithë financimi i planifikuar do të
ekzekutohet, borxhi publik të rritet në masë të konsiderueshme. Prandaj, ne duhet të jemi shumë
të kujdesshëm që kjo rritje të jetë e menaxhueshme në periudha afatgjatë dhe natyrisht ne do të
sigurohemi që një gjë e tillë të ndodhë.
143
Për fund, më lejoni të them se përkundër sfidave të mëdha, besoj që ky propozim- buxhet ofron
financim të qëndrueshëm dhe të balancuar të prioriteteve tona. Edhe një herë dua t’ju bëj thirrje
që në seancën e radhës, duke supozuar që rishikimi i buxhetit do të kalojë, të kemi mbështetjen
tuaj edhe për ratifikimin e marrëveshjeve ndërkombëtare, sidomos marrëveshjeve që janë për
financimin e këtij projekt- buxheti, të cilin unë e pres që do ta kalojmë sot. I kemi në proces të
ratifikimit rreth 170 milionë euro mjete, të cilat janë pjesë e programit për rimëkëmbje
ekonomike dhe kërkojnë mbështetjen tuaj. Faleminderit!
KRYETARJA: Faleminderit! Vazhdojmë me grupet parlamentare, faktikisht para grupeve
Hekuran Murati e ka fjalën në emër të Komisionit për Buxhet.
HEKURAN MURATI: Faleminderit, e nderuar kryetare!
Në emër të Komisionit për Buxhet dhe Transfere, ne si komision kemi shqyrtuar në parim
Projektligjin nr. 07/L-014 për plotësimin dhe ndryshimin e Ligjit nr. 07/L-001 mbi ndarjet
buxhetore për buxhetin e Republikës së Kosovës për vitin 2020 edhe komisioni me shumicë
votash ka vendosur që t’i rekomandojë Kuvendit për miratim në parim të projektligjit.
Pas kësaj, nëse më lejohet, kisha vazhduar edhe në emër të Grupit Parlamentar. Është për
keqardhje që mungesa e votave të Qeverisë ilegale dhe jolegjitime të mundohet dhe të hidhet si
barrë mbi shpinën e opozitës për t’ia siguruar këto vota. Është po ashtu për keqardhje apelimi,
thirrja dhe trajtimi çdoherë, pra përdorimi i pretekstit dhe temës së pagesave për qytetarët që të
kushtëzohet edhe opozita të votojë për çfarëdo nisme të kësaj qeverie. Të gjithë e dimë, të
gjithëve na kujtohet që kemi qenë në këtë Kuvend, në seancat e kaluara plenare kur është trajtuar
çështja e deficitit.
Kur prej kësaj qeverie është kërkuar lejimi i rritjes së kufirit të deficitit dhe asokohe na thuhej
nëse krejt çka duhet për të votuar deficitin në mënyrë që t’i bëjmë pagesat prej 170 euro për
qytetarët. Me gjithë kundërshtimin tonë, Kuvendi e miratoi deficitin, lejimin e tejkalimit të
deficitit dhe pagesat nuk ndodhën. Pra, domethënë kërkohej vota edhe bëhej thirrje dhe
manipulohej me qytetarët se kinse vetëm atë kërkesë nëse ia votojmë qeverisë, bëhen pagesat,
tash po vihet këtu në këtë Kuvend prapë dhe po thuhet që edhe ky projektligj, edhe projektligjet e
tjera, marrëveshjet ndërkombëtare, gjithçka po lidhet me pagesat për qytetarët.
Disa po kalojnë, disa jo, por qytetarët nuk po i shohin ato pagesa, pra mos u mundoni si qeveri
t’ia hidhni opozitës fajin për mungesën e numrave tuaj. Sa i përket projektligjit që e kemi para
nesh, në mars të këtij viti kur u miratua Ligji i buxhetit në këtë Kuvend është evidente që ka
pasur disa mangësi, për shkak se kemi pasur kufizime kohore, sapo patën filluar rastet e para të
infektuara në Kosovë, si dhe e kishim një buxhet, i cili në shumicën e projekteve dhe kodeve
ishte i bllokuar paraprakisht prej qeverisë së mëhershme të PAN-it. Por, ideja ka qenë që me
gjithë ato mangësi, të kalohet për shkak se ishte situatë emergjente dhe pastaj në rishikim të
144
rregullohen ato mangësi. Këtu e kemi një qeveri, e cila pretendon që ka ekspertë, ka njerëz të
dijshëm të fushës së financave, mirëpo megjithatë shohim se defektet janë shumë më të numërta
në këtë rishikim, madje ka edhe kundërshtime me ligjet në fuqi, edhe struktura është totalisht
praktikë e gabuar që është përdorur.
Sa u përket defekteve, së pari, për shembull, në tabelën 1 deficiti i prezantuar sipas rregullës
fiskale është 451 milionë euro, apo 304 milionë euro më tepër se sa ka qenë fillimisht në Ligjin e
buxhetit. Kërkesa kur është bërë për ta lejuar rritjen e deficitit, është bërë duke u thirrur në nenin
22b të Ligjit për menaxhimin e financave publike, por në atë ligj thuhet që deficiti mund të
tejkalohet për aq sa ka rënie të të hyrave në krahasim me vitin paraprak. Tash nëse e shohim
tabelën 1, që na është prezantuar prej vetë qeverisë, të hyrat në krahasim me vitin paraprak kanë
rënie prej 100 milionë eurosh, në vitin paraprak kanë qenë 1,88 miliard euro, kurse këtë vit janë
projektuar të hyrat 1,78 miliard euro.
Rrjedhimisht, kërkesat për lejim të tejkalim të kufirit të deficitit do të duhej të ishte 100 milionë
euro. Ndërsa, ne tani para nesh e kemi një deficit shtesë prej 304 milionë eurosh. Këtë gjë e kam
thënë edhe në seancën kur është kërkuar tejkalimi i deficitit që kërkesa e Qeverisë asokohe ka
qenë e pajustifikueshme dhe nuk i ka arsyetuar mjetet që ka kërkuar t’i lejohen për t’u rritur
deficiti, nuk arsyetohen me rënie të të hyrave dhe kjo përbën shkelje të këtij neni të Ligjit për
menaxhimin e financave publike. Defekti tjetër ka të bëjë po ashtu me kundërthëniet dhe
kundërshtimet që janë në raport me Ligjin për menaxhimin e financave publike, më saktësisht,
janë neni 5 dhe neni 10 i projektligjit, ku flitet se si qeveria nuk u nënshtrohet kufizimeve të
nenit 30 të Ligjit për menaxhimin e financave publike.
Çdo jurist, ose çdo zyrë ligjore do t’ua japë interpretimin që kjo nuk mund të bëhet në këtë
mënyrë, pra është e pavlefshme që me Ligj të buxhetit të amendamentohen nenet e Ligjit për
menaxhimin e financave publike. Ky është një defekt mjaft i madh dhe nuk mund të tejkalohet
assesi dhe nuk duhet të kalojë në këtë mënyrë. Kemi një thellim të deficitit total prej diku rreth
500 milionë euro, e cila është mbuluar, është munduar të mbulohet me shkurtime në shpenzimet
kapitale në shumë prej rreth 100 milionë euro, te kategoria e mallrave dhe shërbime në shumë
prej 43 milionë euro, të cilat vijnë edhe për shkak të ngadalësimit, për shkak të pandemisë, por
ka edhe burime të tjera të financimit, ku 109 milionë euro janë marrë prej bilancit bankar, 50
milionë euro shtesë që janë letra me vlerë, 100 milionë euro është planifikuar të merren prej
AKP-së, edhe 71 milionë euro të merren ose të financohen përmes klauzolës për investime apo
me kredi nga institucionet financiare ndërkombëtare.
Tash, kjo strukturë përveç këtyre burimeve të financimit ku mund të ketë pasur shkurtime dhe
prej bilancit bankar, të hyrat nga AKP-ja dhe klauzola e investimeve është e parealizueshme.
Kushdo që ka punuar në Ministri të Financave, kushdo që merret me financa publike e di që kjo
është e parealizueshme dhe assesi nuk do të ndodhë që deri në fund të vitit të merren 100 milionë
145
euro prej AKP-së, apo të shpenzohen 71 milionë euro nga klauzola e investimeve. Po ashtu, në
raport me pakon e rimëkëmbjes kemi dëgjuar prej fillimit shifra të ndryshme, fillimisht ishte
shifra 1,2 miliard euro, pastaj prej 1,2 miliard ra në 700 milionë euro, prej 700 milionë euro
thanë që do të jenë 400 milionë euro, tani në këtë projektligj e kemi shifrën që figuron te pakoja
e rimëkëmbjes ekonomike si 385 milionë euro, e ku nga ato janë të përfshira aty edhe pakoja
fiskale emergjente, pra pakoja e parë që është nisur dhe realizuar prej Qeverisë Kurti. Nëse e
heqim atë shifër që është diku rreth 189 milionë euro, i bie se pakoja e rimëkëmbjes ekonomike
në realitet është vetëm 200 milionë euro. Pra, as 1,2 miliard, as 700 milionë, as 400 milionë, por
200 milionë euro.
Problemi më i madh që kam me këtë projektligj është se përsëri, sikurse në rastin kur u kërkua
tejkalimi i deficitit, po kërkohet prej Kuvendit ‘çek blanko’, që është praktikë e papranueshme
dhe nuk do të duhej të lejohej nga ky Kuvend, çka i bie këtu? Kursimet apo shkurtimet që janë
bërë, shkurtimet edhe të hyrat shtesë që pretendohen të mirren prej AKP-së në vlerë rreth 306
milionë euro, janë shtuar në programin e rimëkëmbjes ekonomike si kod në Ministri të
Financave.
Pra, nuk kemi specifikim se ku do të shkojnë këto para, kush do të jenë përfituesit dhe, madje
nuk kemi as shpërndarjen e mjeteve që tashmë janë shpenzuar nëpër organizatat buxhetore. Pra, i
është lënë një ‘çek blanko’ prej 306 milionë euro Ministrisë së Financave që të bëjë me ato para
çka të dojë, pasi të miratohet ky projektligj. Kësisoj si është, për neve është i papranueshëm,
sepse konsiderojmë që Kuvendi nuk duhet të nënshkruajë ‘çek blanko’, por qeveria sa herë që
kërkon buxhet, miratim të buxhetit në këtë Kuvend, duhet të tregojë me saktësi të plotë dhe me
përgjegjësi të plotë për çdo cent që do të shpenzohet dhe ku do të shpenzohet, në mënyrë që edhe
llogaridhënia në fund të jetë në përputhshmëri me atë se çka është planifikuar. Prandaj, ne si
Grup Parlamentar nuk e mbështesim këtë projektligj. Faleminderit!
KRYETARJA: Faleminderit! Para se të vazhdojmë, të nderuar deputetë, diku 30 deputetë e kanë
kërkuar fjalën që do të thotë përafërsisht në qoftë se secili flet rreth 10 minuta, pa i llogaritur
replikat dhe kundër-replikat, do të jemi këtu rreth edhe 5 orë për rishqyrtimin e buxhetit.
Meqenëse e kemi edhe një pikë tjetër të rendit të ditës, si seancë e re që është, debati për
pandeminë, unë i kam dy propozime: e para, në qoftë se pajtohen shefat e grupeve parlamentare
dhe për hir të shëndetit të secilit, që debatin për pandeminë ta lëmë për të hënën, në një kohë që
do të dakordohemi me kryeministrin.
Kurse, sa i përket kësaj seance, në qoftë se grupet parlamentare dakordohen që diskutimet e
deputetëve të shkurtohen në 5 minuta, atëherë do ta vendosja këtë menjëherë në votim. A ka
kundërshti? Shefat e grupeve i kanë akoma nga 10 minuta, por është vetëm për deputetët. A jeni
që ta shkurtojmë në 5 minuta, ju lus që me ngritje dore të tregoni a pajtoheni? Shumë mirë!
146
Faleminderit, do të thotë në emër të grupeve parlamentare flisni nga 10 minuta, kurse shefat e
grupeve nga 5. Kryeministri e ka kërkuar fjalën, urdhëro, kryeministër!
KRYEMINISTRI AVDULLAH HOTI: Faleminderit, kryetare!
Lidhur me seancën për raportim për COVID, unë ju kërkoj që të mos e caktoni kohën të hënën,
dakordohemi mandej bashkë me juve me kabinetin tuaj ose mund ta mbajmë sot kurdo që e
kryeni, ne jemi këtu, e mbajmë sot. Nëse nuk e mbajmë sot, unë kërkoj nga ju që në koordinim
me kabinetin tuaj e caktojmë një datë gjatë javës së ardhshme. Faleminderit!
KRYETARJA: Problemi është, zoti kryeministër, që nuk mjafton dakordimi vetëm me kabinetin
tim, mua më duhet dakordimi i grupeve parlamentare, sepse më duhet t’i kem deputetët këtu,
kështu që i lus shefat e grupeve parlamentare që të tregojnë që a dakordohen, në fillim ju kisha
lutur për qetësi, që në fillim të javës të dakordohemi bashkë me kryeministrin se kur e ftojmë, a
pajtohen shefat e grupeve? Zoti Selimi e ka fjalën, pastaj zoti Hamza e ka kërkuar fjalën.
REXHEP SELIMI: Ne u pajtuam, pra po flas për të dyja, ne u pajtuam që për shkak të
racionalitetit të kohës diskutimet e deputetëve t’i shkurtojmë në 5 minuta, kurse sa i përket
raportimit të zotit Hoti, sa i përket COVIDit, ne dakordohemi nëse dakordohemi që të jetë këtë të
hënë, pra mund ta caktojmë orën që a mund të jetë të hënën paradite apo pasdite, po do të kishim
marrë dakordimin tonë sikur të bëhej fjalë për të hënën, jo për një ditë të javës. Kështu që nëse
zoti Hoti është i gatshëm për të hënën, atëherë ne gjatë javës ose gjatë ditëve mund të
dakordojmë për orën, por për ditën do të duhej të dakordoheshim tani dhe do të doja të kishim
përgjigjen, sepse çështja e pandemisë është çështje urgjente dhe ne nuk do të duhej që këtë do ta
linim në njërën prej ditëve, por siç thashë, nëse dakordohemi që ky raportim të bëhet të hënën,
atëherë për orën mund të dakordohemi në vijim.
KRYETARJA: Në rregull! Propozimin e kryeministrit e kemi për të hënën në orën 16:00, a
dakordohen deputetët që ta vazhdojmë debatin të hënën në orën 16:00, debati për pandeminë?
Jemi dakord! Zoti kryeministër, Kuvendi i Kosovës duhet të jetë prioritet numër një, ne e
kuptojmë kur ka angazhime, sikur kjo e sotmja që është video samiti, mirëpo për asnjë tjetër nuk
kemi mirëkuptim, por edhe kësaj radhe po bëjmë përjashtim, pra, për të hënën në orën 16:00 do
të vazhdohet debati për pandeminë.
Tani e ftoj deputetin Shkëlzen Hajdini të flasë në emër të Grupit Parlamentar të LDK-së, i ka 10
minuta, kurse të tjerët nga 5.
SHKËLZEN HAJDINI: Faleminderit, kryetare!
I nderuar kryeministër, zëvendëskryeministër, ministra,
Të nderuar deputetë,
147
Lidhja Demokratike e Kosovës përkrah fuqishëm aprovimin e plotësim-ndryshimit të
Projektligjit për plotësim-ndryshimin e Ligjit 07/L-01 mbi ndarjet buxhetore për buxhetin e
Republikës së Kosovës.
Me aprovimin e rishikimit të buxhetit ne do t’i krijojmë mundësi qeverisë të adresojë sfidat e
krijuara nga pandemia COVID-19. Ekonomia e vendit është goditur rëndë nga pandemia,
shumica e bizneseve kanë qenë të mbyllura për muaj të tërë dhe si rrjedhojë nuk kanë pasur
mundësi t’i ushtrojnë aktivitetet e tyre afariste. Punëtorët kanë mbetur pa paga, shumë punëtorë
kanë humbur vendet e tyre të punës që tash duhet t’i krijojë mundësi vendi t’u dalë në
mbështetje, po ashtu i kemi edhe rastet sociale. Nga rishikimi i buxhetit, të cilin e ka prezantuar
qeveria, shohim që ne gjatë kësaj periudhe prej se ballafaqohemi me pandeminë COVID kemi
rënie të të hyrave prej 11,5% ose 231 milionë euro.
Ndërsa, në anën tjetër, kemi rritje të shpenzimeve buxhetore prej 11%, ose 263 milionë euro. Kjo
nënkupton që ne si deputetë duhet të veprojmë përgjegjshëm, ta ndihmojmë qeverinë e
institucionet tona t’i dalin në ndihmë sektorit privat, ngase është shumë e nevojshme tani të
veprojmë shpejt në mënyrë që të evitojmë thellimin e krizës ekonomike. Ky rishikim i buxhetit i
prezantuar në Parlamentin e Kosovës reflekton zvogëlim të shpenzimeve në shumicën e
kategorive ekonomike me qëllim të mbështetjes së zhvillimit ekonomik. Në propozimin e
rishikimit të buxhetit shohim se kemi rritje të kategorive ekonomike, të cilat ndikojnë
drejtpërdrejt në zhvillim ekonomik dhe ruajtje të ekonomisë së vendit.
Edhe një herë Lidhja Demokratike e Kosovës mbështet plotësim-ndryshimin e buxhetit dhe
inkurajon Qeverinë e Kosovës që mbas aprovimit të rishikimit të fillojë shpejt të veprojë, t’i dalë
në ndihmë sektorit privat në kuptimin e subvencionimit të interesave ndëshkuese nga
riprogramimi i kredive, mbulimit të shpenzimeve të qirasë, mbulimit të shpenzimeve për
punëtorët, t’u dalë në ndihmë qytetarëve, t’u dalë në ndihmë punëtorëve, të cilët kanë humbur
vendet e tyre të punës, të kujdeset për skemat sociale dhe të gjitha fushat, të cilat janë efektuar
negativisht nga pandemia COVID. Faleminderit!
(Drejtimin e mbledhjes e merr nënkryetarja e Kuvendit, znj. Arbërie Nagavci.)
KRYESUESJA: Faleminderit, zoti Hajdini! Nga Grupi Parlamentar i PDK-së, zoti Hamza!
BEDRI HAMZA: Faleminderit, zonja nënkryetare!
I nderuar Kabinet qeveritar,
Kryeministri s’është këtu, të paktën prita që të ketë durim t’i dëgjojë shefat e grupeve
parlamentare, po ndoshta buxheti s’është boll temë me rëndësi.
148
Sidoqoftë, mungesa e vizionit, vonesat në vendimmarrje, qeverisja anemike e kësaj shumice
parlamentare kanë sjellë vendin në një situatë delikate politike. Një gjendje me rrezik për
shëndetin e qytetarëve dhe në një situatë të rëndë ekonomike me mundësi të përkeqësimit të
mëtutjeshëm. Ky nuk është buxhet që garanton rimëkëmbje ekonomike, ky nuk garanton as
mbijetesë, ju një pjesë juaja si Kabinet qeveritar bashkë me ish-partnerin, Lëvizjen
Vetëvendosje, në një mënyrë klandestine, jo në një praktikë të mirë e keni aprovuar një buxhet
duke përjashtuar dhe duke privuar deputetët nga mundësia që ta japin kontributin e tyre edhe me
propozime, edhe me alternativa, por edhe me kritika, edhe pse e shpallur pandemi asnjë fond për
këtë qëllim.
Duke e vlerësuar seriozitetin e situatës, propozuam dy iniciativa ligjore, kemi qenë të sigurt që
pa ndryshime ligjore nuk mund të bëhen pagesat dhe nuk mund të adresohen nevojat, të cilat i ka
prodhuar situata. Vazhdimisht obstruksione edhe tani ende nuk janë në rend të ditës, po të
përkraheshin këto iniciativa të propozuara në fillim të prillit, do të thotë para 3 muajsh, sot
bizneset, pronarët e bizneseve do të ishin në një gjendje tjetër. Të punësuarit e sektorit privat nuk
do të ishin në gjendjen aktuale, do ta kishin një gjendje më të mirë, kategoritë e dala nga lufta do
të ishin të përkrahura, familjet me asistencë sociale do ta kishin një gjendje më të mirë, komunat
do të përfitonin mjete pasi që janë në linjën e parë të luftës me pandeminë, komunitetet
joshumicë me gjendjen më të vështirë sociale në vend do të ishin të përkrahura, ndërmarrjet
eksportuese e kështu me radhë.
Ju u përcaktuat për improvizime dhe deri më tani për këtë qëllim janë dhënë vetëm rreth 80
milionë euro që kjo do të thotë është rreth 1% e bruto produktit vendor, derisa në shtetet e tjera
në mesatare është intervenuar me afërisht 10% e bruto produktit vendor. Nga pakoja e
proklamuar me pompozitet, është implementuar vetëm një pjesë e pagesës prej 170 eurove,
vetëm një muaj dhe vetëm për disa kategori dhe mënyrë selektive. Edhe këto pagesa të gjitha nuk
janë bërë në përputhje me ligjin, sot kemi një propozim që tregon mungesën e konsistencës, ka
diskrepancë mes kornizës afatmesme të shpenzimeve dhe propozim apo Projektligjit për
rishikimin e buxhetit.
Programin si qeveri e keni shkruar në mënyrë dëshirore, të pareflektuar në buxhet, as në këtë vit
e as në vitet vijuese. Shërbimi ushtarak, shumë rrugë, stadiume, shikoje në programin e Lidhjes
Demokratike për shëndetësi, ku e keni pas lëshuar dorën edhe veç shpërndanit miliona, dhe jo
pak miliona, qindra miliona vetëm vitin e parë të qeverisjes 300 milionë buxhet shtesë për
shëndetësi, banim social e çka jo, ku janë këto të propozuara, ku janë të reflektuara në buxhet.
Ky është një rishikim i zorit, një propozim që nuk është harmoni me Ligjin për menaxhimin e
financave publike dhe përgjegjësitë dhe ka pasaktësi profesionale.
Si shpjegohet fakti ku në këtë dokument që ne e kemi pranuar thuhet që norma e rritjes do të jetë
negative minus 3%. Ndërsa rënia e të hyrave do të jetë rreth 13-14% ose do të jetë norma
149
negative më e lartë ose të hyrat duhet të jenë më të larta, jo të jetë kjo diskrepancë dhe ky
korrelacion mes këtyre dyjave. Ju keni planifikuar një deficit buxhetor prej 6,5%, e keni
kalkuluar gabim. Deficiti është më i lartë për shkak se i keni llogaritur edhe 42 milionë të hyrat
të bartura nga viti paraprak. Pothuajse të gjitha organizatave buxhetore jua keni shkurtuar
buxhetin, ju i keni vendosur organizatat buxhetore në shumë vështirësi për shkak se komunave as
nuk ju keni dhënë kohë t’i rishikojnë buxhetet, ndërsa me pamundësinë dhe pasigurinë e tyre
rreth sigurimit të fondeve, ato nuk kanë mundësi t’i zhvillojnë procedurat e prokurimit.
Borxhin publik keni planifikuar ta rritni nga 17,5% në 24,8%, për 7,3 % që është dallim shumë i
madh në raport me përqindjen e rritjes së borxhit publik me borxhin publik, derisa në vitin 2019
kemi pasur një rritje të borxhit publik vetëm për 0,6%. Ju e ndërtuat një rrëfim artificial me
numra, i rritët investimet kapitale nga 672 në 735 milionë, gabim. Nuk do të ndodhë kështu me të
gjitha garancat, po ju them dhe kah i keni marrë këto. Fondet prej AKP-së i rritët prej 85 në 100
milionë ende pa e bërë ligjin, ende pa ligj, derisa të draftohet ligji, derisa të vjen në Kuvend, deri
të aprovohet fundi i vitit, kur t’i bëni këto. Dhe, tjetra te klauzola e investimeve i dyfishuat
projektet, por ju mund të qitni aty sa të doni, se janë marrëveshje të ratifikuara, edhe rrugën Pejë
- Prishtinë, Prishtinë - Mitrovicë, edhe projektet e tjera që puna e këtyre dy rrugëve u bë sikur ajo
puna e Urës së Shenjtë.
Pse po i përmend veç disa projekte, pa u lëshuar shumë në detaje. Te rindërtimit i shtëpive në
Veri i latë 100 mijë euro, hiqini, bre, këto 100 mijë euro. S’e kemi hequr asnjë projekt, po çka
bën me 100 mijë euro? Kurrgjë s’bën, apo stadiumin nacional 520 mijë euro, po dëshironi të
ndërtoni stadium nacional me 520 mijë euro. Qitni mjetet te Ministria e Drejtësisë se do të keni
nevojë për t’i përmbushur obligimet ligjore. Ne si Parti Demokratike e tejkaluam veten në
aspektin politik dhe vendosëm aspektin shtetëror dhe interesin e qytetarëve mbi përfitimet tona
politike, ne e votuam vendimin për shfrytëzimit e ndarjeve buxhetore, para një viti në zor kemi
qenë, edhe atëherë ka qenë interes i vendit, edhe atëherë ka qenë interes i qytetarëve, ne votuam,
ne i votuam marrëveshjet financiare ndërkombëtare dhe prapë kur të vinë në rend të ditës do t’i
votojmë, do t’i votojmë, sepse është interes i qytetarëve.
Ne sot ndodhemi në një situatë të zgjedhim mes dy të këqijave, a ta votojmë një buxhet me
shumë defekte apo të mos e votojmë dhe ne kemi vendosur si Parti Demokratike të japim votën
për në leximin e parë të buxhetit. Këtë me qëllim që t’u hapet mundësi përmirësimeve, edhe pse
nuk është e lehtë, është bukur e vështirë në draftin që është propozuar, është bukur e vështirë, por
do ta bëjmë maksimumin që të korrigjojmë me qëllim që të mos bllokohet situata, e cila është
bllokuar me improvizime, me mungesë të vendimmarrjes, me inatet politike dhe njerëzit që i
presin pagesat, edhe punëtorët e sektorit privat, edhe bizneset, edhe familjet në asistencë sociale,
edhe kategoritë e tjera. Prandaj, po e përmbyll, Grupi Parlamentar i Partisë Demokratike, me
gjithë vërejtjet, shqetësimet që i ka në një dokument keq të punuar, me shumë defekte do të japë
150
votën për dhe do të bëjmë përpjekje që mes dy leximeve të korrigjojmë ato që korrigjohen dhe
ky buxhet të aprovohet dhe të zgjedhim të keqen...
(Ndërprerje nga regjia)
KRYESUESJA: Ju faleminderit, zoti Hamza! Nga Grupi Parlamentar i AAK-së!
GAZMEND ABRASHI: E nderuar kryesuese!
Të nderuar kolegë deputetë,
Kabinet qeveritar,
Ata që janë prezentë sot,
Të nderuara media,
Qytetarë të Kosovës,
Sot nga të gjithë ne kërkohet përkushtim dhe vullnet që ta votojmë Projektligjin për plotësimin
dhe ndryshimin e Ligjit nr. 07/L-001 mbi ndarjet buxhetore për buxhetin e Republikës së
Kosovës për vitin 2020.
Rishikimi i buxhetit është obligim sipas ligjit, por gjithashtu po vjen edhe si domosdoshmëri në
kohë kur tashmë të gjithë jemi të vetëdijshëm për situatën në të cilën gjendemi si pasojë e
pandemisë së virusit COVID-19. Buxheti i Kosovës duhet të reflektojë në situatën dhe t’u
adaptohet nevojave aktuale që kjo gjendje në vend të tejkalohet në mënyrë sa më të lehtë të
mundshme. Buxheti i vendit sipas projeksioneve do të ketë rënie të të hyrave tatimore në vlerë
prej 232 milionë euro për këtë vit. Të hyrat, të cilat me masa adekuate për rimëkëmbjen e
ekonomisë do të rikuperohen në vitin 2021. Përkundër kësaj, qeveria me rishikim të buxhetit ka
paraparë që shpenzimet buxhetore nga 2 miliardë e 357 milionë euro sipas buxhetit aktual, të
ngritën në 2 miliardë e 772 miliardë euro.
Një rritje prej 15% do të sigurojë stabilitetin e organizatave buxhetore, buxheteve të komunave,
realizimin e projekteve kapitale dhe sigurisht implementimin e komplet pakos emergjente dhe
fillimin e implementimit të pakos së rimëkëmbjes. Vlen të përmendet edhe rritja e buxhetit për
Ministrinë e Shëndetësisë me rishikim për 48,5% që do të ndihmojë në trajtimin e situatës
shëndetësore në vend të rënduar nga virusi COVID-19. Projektligji i propozuar për plotësimin
dhe ndryshimin e buxhetit ka burimet mbështetëse nga financimet e jashtme dhe të brendshme,
që në total kapin vlerën prej 24,8% bruto të produktit vendor, nga 19,5% sa ishte planifikuar në
buxhetin aktual.
Rritja e borxhit të përgjithshëm do të rritet për 5,3%, e që edhe më tutje e rendit Kosovën në
raport me vendet e rajonit me borxhin më të ulët publik. Me këtë rishikim të buxhetit do të kemi
të mobilizuar edhe 600 milionë euro për të mbuluar mungesën e të hyrave tatimore prej 232
milionë euro dhe të dedikohen 385 milionë euro për vitin 2020 dhe 146 milionë euro për vitin
151
2021 për Fondin e rimëkëmbjes ekonomike. Bizneset në Kosovë janë prekur nga kriza e
shkaktuar nga masat e marra për luftimin e pandemisë, ata kanë nevojë për përkrahjen e shtetit
që ta tejkalojnë këtë krizë. Jemi përgjegjës për më shumë se 250 mijë punëtorë të sektorit privat,
të cilët deri më sot kanë mbetur të anashkaluar dhe që duhet të jenë prioritet i trajtimit në pakon e
rimëkëmbjes ekonomike.
Deputetë të nderuar,
Ju ftoj që sot të tejkalojmë të gjitha dallimet politike e partiake, sot ta vëmë në prioritet qytetarin
e Kosovës që pret nga ne të adresojmë nevojat e tyre. Rishikimi i buxhetit është i rëndësisë jetike
për ta, për ekonominë e vendit dhe tejkalimin e situatës së rënduar nga pasojat e shkaktuara nga
pandemia COVID-19.
Kohët e vështira kërkojnë veprime të guximshme në interes të vendit dhe të qytetarëve të saj.
Faleminderit!
KRYESUESJA: Faleminderit, zoti Abrashi! Nga Grupi Lista serbe? Nuk është lajmëruar askush!
Nga Grupi 6+? Zoti Fikrim Damka!
FIKRIM DAMKA: Faleminderit, nënkryetare!
Grupi Parlamentar 6+ do të përkrahë shqyrtimin e parë Projektligjin për plotësimin e ndryshimin
e Ligjit mbi ndarjet buxhetore për Republikën e Kosovës për vitin 2020.
Kërkesat tona do t’i dërgojmë në komision gjatë leximit të dytë, sidomos për projektet të cilat
kanë qenë në buxhetin 2020 do të provojmë dhe do të amendamentojmë të kthehen këto projekte,
të cilat janë në interesin e komuniteteve. Faleminderit!
KRYESUESJA: Faleminderit! Vazhdojmë atëherë me deputetët e paraqitur sipas radhës dhe
sipas radhës së grupeve parlamentare. Nga Lëvizja Vetëvendosje, deputetja Mimoza Kusari-Lila.
MIMOZA KUSARI-LILA: Faleminderit, e nderuar nënkryetare!
Të nderuar deputetë dhe
Qytetarë të Republikës së Kosovës,
Më lejoni që shkurtimisht në fillim jashtë diskutimit për Projekt-buxhetin apo rishikimin e
buxhetit, të përmend një fakt i cili ndodhi pak më parë nga kolegët tanë deputetë të Listës serbe.
Në fakt, u ndjeva shumë keq për arsye se për aq sa po mundohemi të krijojmë urë bashkëpunimit
minimal, largimi nga salla në momentin kur u bë një minutë heshtje për viktimat e Srebernicës
për 8 mijë e 372 jetë të marra, ata u larguan. Mohimi i krimit është krim në vete dhe sot ka
ndodhur edhe një poshtërim për ato viktima. Na lejoni që të paktën atë se çfarë meritohet një
moment heshtje për ta, ta kishin bërë si Kuvend në tërësi me dinjitet.
152
Zoti Hoti ka kërkuar nesër në orën 13:00 një minutë heshtje në tërë Kosovën, por këtë nuk mund
ta bindë as partnerin e vet të koalicionit, gjegjësisht zëvendëskryeministrin, ministrat dhe
deputetët. Prandaj, në emër të gjithë atyre që sot u ngritën dhe atyre që e meritojnë të nderohen
shpreh keqardhje të thellë, tani te rishikimi i buxhetit, dokumenti që u soll sot është dokumenti i
parë i qeverisë, e cila u instalua siç e kemi parë me pazare politike dhe e cila u mundua të tregojë
se ka kapacitet dhe potencial që të sjellë diçka të re dhe diçka të madhe.
Megjithatë, u tregua se ajo që u mor me një pazar politik dhe jashtë vullnetit të sovranit nuk
mund të sjellë asgjë të mirë. Projekt-buxheti, dorën në zemër, edhe në momentin kur është
përgatitur dhe është miratuar nga ky Kuvend në mars të këtij viti, kishte pjesëmarrje gjysmë-
gjysmë, 50% natyrisht nga njëri partner i koalicionit dhe 50% nga tjetri, dhe ashtu siç e dimë të
gjithë që merremi me buxhet dhe ekonomi, e dimë se hapësira për të pasur kreativitet në projekte
kapitale ka qenë e ngushtuar për shkak të zotimeve të viteve të mëhershme. Megjithatë, shpejt,
edhe pse u tentua të zvogëlohen shpenzimet, u shkurtua numri i ministrive, numri i këshilltarëve
dhe zëvendësministrave, ky trend pozitiv me rrëzimin e Qeverisë Kurti mori kahe negative
prapë. Shumë shpejt me një instalim të qeverisë, u rrit numri i ministrive, po rritet numri i
zëvendësministrave, po rritet numri natyrisht i këshilltarëve dhe rrjedhimisht i të gjitha
shpenzimeve të tjera që do të derivojnë nga stafi shtesë.
Këtu zonja Bajrami sot bëri thirrje dhe tregoi se janë bërë shkurtime dhe do të bëhen kursime të
domosdoshme. Po si mund të kërkohet që të ketë një mirëkuptim për shkurtime të shpenzimeve
dhe atë çka është e domosdoshme kur ju vetë i rritni shpenzimet. Askush nuk mund ta mohojë se
rritja e numrit të ministrive, emërimi i zëvendësministrave, këshilltarëve e kështu me radhë do të
rrisë shpenzimet e qeverisë, për arsye se të gjithë ata kanë një pagë dhe të gjithë ata kanë
shpenzime shtesë të asocuara. Për të vlerësuar gjithashtu se ku është nisur kjo qeveri, natyrisht se
duhet të bëhet krahasimi i programit qeverisës, i cili në Kuvendin e Kosovës apo deputetëve u
është shpërndarë në të njëjtën kohë kur është ardhur edhe rishikimi i buxhetit.
Më lejoni të cek një pjesë nga programi qeverisës, në të cilin janë paraparë fazat nëpër të cilat do
të kalojë menaxhimi i situatës me COVID, faktorin e tretë kjo qeveri e ka paraparë që me
sezonalitet, gjegjësisht me stinët me shumë diell vlen të ceket se për viruset e frymëmarrjes,
përfshirë koronaviruset, të cilët janë aktivë në sezonin e dimrit, ata do të vijnë edhe të bien në
numër, e ndoshta edhe të humbin tërësisht, kur ne sot po shohim që ky parashikim është totalisht
i gabuar dhe kemi të kundërtën, rritjen e numrit të personave të infektuar. Ndërsa, tek i njëjti
program për rimëkëmbjen ekonomike programi qeverisës 2020-2023, citon: “Do të punohet me
bankat që financimi afatgjatë i shtetit për bizneset rrjedh kryesisht përmes bankave. Kështu që
kjo pandemi duhet parë si një mundësi për ndryshimet e mëdha cilësore në strukturën ekonomike
të Kosovës”. Zonja Bajrami e di që në komision kur e kam pyetur për çfarë ndryshimesh të
strukturës, ka thënë që s’kanë pasur kohë të diskutojnë për ndryshimet strukturore.
153
Cilat janë ato ndryshime të strukturës që ne sot i shohim në rishikim të buxhetit? Asnjë! Nuk ka
ndryshime strukturore ekonomike të parapara ashtu siç këta vetë i kanë paraparë dhe i kanë sjellë
në programin qeverisës. Përmes kanalizimit të fondeve në ekonomi vazhdon programi qeverisës,
aty ku ka nevojë dhe ku është efekti maksimal. A keni mundur, deputetë të nderuar, të shihni
përmes rishikimit të buxhetit ku parashihet të jetë efekti maksimal me rishikim të buxhetit. Me
pakon e rimëkëmbjes ekonomike nuk ka sektor industrial apo fushë ekonomike në të cilat këta e
vlerësojnë se ka efekt maksimal dhe ky efekt do të krijonte një momentum të ri për zhvillim të
hovshëm ekonomik, duke e vendosur ekonominë e Kosovës në një trajektore të lartë të rritjes së
zhvillimit afatgjatë. Cili zhvillim afatgjatë? Në bazë të çfarë strategjie? A ka strategji? Ku
parashihet...
(Ndërprerje nga regjia)
KRYESUESJA: Edhe 30 sekonda, ju lutem!
MIMOZA KUSARI-LILA: Rrjedhimisht, ajo çfarë kemi parë që është si një rishikim pa
strategji, pa vizion, pa ide dhe tashmë mbetet vetëm në pikën në të cilën duhet Kuvendi të kryejë
punë për qeverinë. Dhe, argumenti se moskalimi i marrëveshjeve ndërkombëtare, gjegjësisht
kredive kombëtare pengon në disbursimin e pakos së rimëkëmbjes është tërësisht i gabuar dhe i
pavërtetë, po flasim për hua ndërkombëtare, s’po flasim për pako të rimëkëmbjes. Ta dinë
qytetarët e Republikës së Kosovës, të mos bien në lajthitje të pavërtetave, për arsye....
(Ndërprerje nga regjia)
KRYESUESJA: Faleminderit, zonja Kusari-Lila! Ju lutem deputetëve që të kenë kujdes për
kohën që u pajtuat bashkërisht, pra 5 minuta për secilin deputet, mund të shtoj 30 sekonda për
secilin, meqenëse e bëmë përjashtimin e parë, pra do të jem korrekt me të gjithë.
Ministrja Bajrami e ka kërkuar fjalën! Ministre, e keni fjalën, megjithatë duke qenë se me siguri
do të keni nevojë për replika, ju kisha lutur që nëse keni mundësi pas këtij rasti të mbani shënim
dhe pastaj u adresoheni kurdo që keni nevojë.
MINISTRJA HYKMETE BAJRAMI: Faleminderit, nënkryetare!
Në fakt, ashtu jam duke vepruar, jam duke marrë shënime në mënyrë që aq sa kam mundësi dhe
sa kam informacion t’u përgjigjem kritikave, vërejtjeve, por dola këtu enkas për t’i thënë zonjës
Kusari që nuk i kam thënë që s’kemi pasur kohë për ndryshime strukturore në Komisionin për
Buxhet e Transfere, por i kam thënë që rishikimi i buxhetit është bërë për të reflektuar në rënien
e të hyrave për financimin e pakos emergjente dhe për financimin e programit për rimëkëmbje
ekonomike.
154
Gjithashtu, i kam rikujtuar që ndryshimet strukturore nuk bëhen me rishikim të buxhetit dhe i
kam thënë që edhe unë, edhe ajo e kemi votuar buxhetin më 5 mars të këtij viti, pa biseduar fare
për ndryshimet strukturore, sepse siç e pohoi edhe ajo, kemi pasur vetëm 50 milionë projekte të
reja dhe të gjithë ne e dimë që kur ka kontrata dhe kur ka projekte në vazhdim, nuk kemi
mundësi të bëjmë ndryshime të tilla strukturore. Jemi edhe një herë duke bërë rishikimin për
menaxhim të krizës pandemike dhe duke mobilizuar një fond për rimëkëmbje ekonomike, i cili
është tepër i nevojshëm.
Ju e dini të gjithë, deputetë të nderuar dhe qytetarë të nderuar, strukturën e buxhetit. Ne kemi mbi
600 milionë që na shkojnë në faturën e pagave, 600 milionë vjetore, dhe mbi 600 milionë që
shkojnë në skemat sociale. Ndryshimet strukturore nuk bëhen me rishikim, ne duhet ta kemi një
pajtueshmëri shoqërore, politike në mes të pozitës dhe opozitës për të vendosur një herë e mirë
se kah po doni të shkojmë. Në vitin 2013, nuk e di saktë nëse ka qenë viti 2013, kur janë rritur
pagat në sektorin publik, kam qenë e vetmja, e cila e kam kundërshtuar, edhe pse nuk ka qenë
aspak populliste, edhe sot në vend se të formojmë grupe të gjelbra e tjera, hajde të formojmë
grupe, ta zgjedhim një herë e mirë çështjen e veteranëve, jo sepse nuk është popullsite dhe nuk i
konvenon asnjërit. Pse s’po formojmë grupe të tilla? Ejani të formojmë grupe të tilla dhe një herë
e mirë ta orientojmë buxhetin aty ku ka nevojë.
Sot, domethënë mbi 600 milionë euro i kemi subvencionet edhe trasferet, mbi 600 milionë euro i
kemi pagat, ejani t’i rregullojmë. Kur ka qenë në pyetje Ligji i pagave, të gjithë shihnit se ku po
preket, cila shtresë, ku ka vota më shumë. Ta lëmë popullizmin anash nëse duam të bëjmë
ndryshime, ejani t’i bëjmë së bashku, sepse këto nuk i bën një ministër i Financave me një muaj
mandat.
KRYESUESJA: Faleminderit, zonja Bajrami! Kundër-replikë, deputetja Kusari-Lila.
MIMOZA KUSARI-LILA: Faleminderit, zonja Bajrami!
Është e vërtetë që me popullizëm nuk mund të vazhdohet politika, në veçanti jo ajo e Ministrisë
së Financave. E para, si fakt, ti s’e ke votuar buxhetin se ke qenë ministre, ne e kemi votuar si
deputetë më 5 mars.
E dyta, nëse keni interes për të diskutuar për ndryshime strukturore, më tregoni për rishikim të
buxhetit a keni mbajtur ndonjë takim të Këshillit Kombëtar për Zhvillim Ekonomik, në të cilin
janë pjesë sektori privat dhe të gjitha agjencitë relevante shtetërore. Nuk keni mbajtur, nuk keni
hapur debat për mundësinë dhe për potencialin e ndryshimeve strukturore. Për informatën tënde,
Grupi i Gjelbër është më se i domosdoshëm. Kjo qeveri tregon që s’ka asnjë vizion, në vjeshtë
Bashkimi Evropian vjen me pakon shumëmiliardëshe “Green Deal” apo “ Pakoja e Gjelbër”, e
cila u dedikohet edhe vendeve të Ballkanit Perëndimor, dhe në këtë rast kur të pyetet Kosova ku
155
jeni me projekte, ju i thoni jo, se kemi pasur angazhime, jemi veç tre muaj qeveri. Shkaku dhe
pasoja, zonja Bajrami, ju e rrëzuat qeverinë ku pati pak ministra...
(Ndërprerje nga regjia)
KRYESUESJA: Faleminderit! Nga Grupi Parlamentar i LDK-së, deputeti Fatmir Rexhepi!
FATMIR REXHEPI: Faleminderit, kryesuese!
Përshëndetje kolegë deputetë,
Përshëndetje ministre,
Fillimisht deklarohem se e mbështes parimisht buxhetin, kemi pasur rastin ta dëgjojmë paraqitjen
e ministres edhe në Komisionin për Buxhet, në të gjitha detajet lidhur me ndryshimet dhe
plotësimet që i kanë projektuar, i kanë planifikuar dhe të cilat presin të aprovohet ky buxhet nga
Kuvendi i Kosovës.
Mund të them se buxheti ose ndryshimet janë përgatitur në mënyrë shumë të mirë, qoftë nga ana
teknike, qoftë nga ana e përmbajtjes, duke i pasur parasysh të gjitha kufizimet, të cilat kanë
ndodhur brenda kësaj periudhe në këtë vit më të rëndin që po kalojmë ndoshta pas kësaj periudhe
20-vjeçare, e për të cilat si duket nuk po reflektojmë nga ana politike dhe të qëndrimeve tona të
njëanshme që të jemi në funksion të përkrahjes dhe tejkalimit të situatës apo të japim ndihmesën
e plotë që të kemi një rishikim të buxhetit dhe një rimëkëmbje të asaj pakete, e cila po pritet dhe
janë pritjet e mëdha nga biznesi.
Prandaj, duke i lexuar të gjitha krahasimet qoftë për të hyrat, qoftë për shpenzimet, qoftë për
investimet kapitale, qoftë nga ajo që e tha nga ministrja se nuk është larguar asnjë projekt nga
kjo, por determinuese kanë qenë kufizimet që të prolongohen, unë besoj që projektbuxheti është
punuar shumë. Prandaj, jap përkrahjen në parim! Në anën tjetër, po thuhet këtu se nuk kanë
ndikim marrëveshjet ndërkombëtare në këtë buxhet dhe po bëjmë çështje politike, unë mendoj që
asnjë deputet këtu nuk ka kredi politike që ta dëmtojë Kosovën për inate politike dhe të mos i
aprovojmë ato marrëveshje ashtu qysh u kërkua këtu, së paku në ditë dhe në datën kur do ta
aprovojmë leximin e dytë së bashku t’i aprovojmë edhe marrëveshjet, sepse drejtpërdrejt kanë
impakt në përkrahjen financiare, e cila është përfshirë brenda rishikimit të buxhetit.
Prandaj, ta lexojmë drejt, nëse e duam Kosovën, nëse duam të dalim pak nga kjo situatë, nëse
dëshirojmë të ndihmojmë, kemi për obligim si buxhet t’i lexojmë gjërat jashtë dioptrisë politike.
Personalisht do të angazhohem për atë që të mos bëjmë bllokada asnjëherë kur është në interes të
vendit dhe në interes të qytetarëve, në interes të biznesit. Nuk na i ka borxh kurrkush neve këto
kalkulimet tona politike këtu, e luajmë atë lojë sa herë të duam, por kur është në pyetje buxheti
dhe kur është në pyetje ajo çka presin ndihmë qytetarët, bizneset, ekonomia e vendit, trendi kah
po shkon, unë mendoj që këtë luks nuk e kemi asnjëri prej nesh.
156
Prandaj, unë e them që duhet t’i japim përkrahje edhe tash e deri në leximin e dytë, ashtu qysh
tha edhe deputeti nga PDK, shefi i grupit, Bedriu, aq sa kemi mundësi, aq sa na lejon hapësirë, të
ulemi bashkërisht si komision edhe si kuadro të tjera ta shikojmë se çka kemi mundësi të
ndryshojmë, ta plotësojmë dhe ta aprovojmë. Pra, të mos vonohemi, vonesat do të jenë me pasoja
të mëdha për vendin, për ekonominë, e cila edhe ashtu u dërrmua. Po i them tri gjërat, të cilat i
kemi parasysh: e kemi vitin më të vështirin pas 20 vjetësh.
Pra, e kemi krizën politike, e cila po thellohet, se një herë e kemi thelluar ne si Parlament, si parti
politike dhe do të na presin ditë shumë të vështira, a do ta kalojmë a s’do ta kalojmë këtë provim,
do ta shohim. E kemi, pra, krizën biologjike, pra e kemi jetën në pyetje të qytetarëve, tonën dhe
të njerëzve që varet shumë nga masat edhe nga sjellja jonë politike, por edhe nga mendimet që i
bëjmë dhe e kemi krizën ekonomike, e cila do të shndërrohet në një krizë shumë të thellë sociale.
Këto tri gjëra duhet t’i kemi parasysh si deputetë, si qeveri dhe të bashkëpunojmë në interes të
tyre që t’i lehtësojmë. Prandaj, unë mendoj që kemi interes dhe duhet të punojmë bashkë, ta
krijojmë një klimë pak më të mirë së paku për këto tema, edhe një herë po e them në mos sot,
atëherë në leximin e dytë të gjithë bashkë, opozitë e pozitë, t’i aprovojmë marrëveshjet
ndërkombëtare, t’i bëjmë pjesë e paketës emergjente dhe pjesë e rishqyrtimit apo e këtij
programi për rimëkëmbjen ekonomike. Faleminderit!
KRYESUESJA: Faleminderit, zoti Rexhepi! Nga PDK, deputeti Sejdi Hoxha.
SEJDI HOXHA: Faleminderit, kryesuese!
Të nderuar deputetë,
Të nderuar qytetarë,
Ligjin e buxhetit Qeveria e kaluar Kurti-Hoti e bëri nën presion të kohës, e votoi në formë
klandestine pas orës 02:00 të mesnatës, pa debat parlamentar nga partitë opozitare. Ajo çka është
më skandaloze është fakti që kjo qeveri e aprovoi këtë ligj për t’i ndihmuar qytetarët dhe bizneset
që preken nga pandemia dhe për këtë çështje nuk ndan buxhet, qysh doni ta arsyetoheni sot,
Vetëvendosja dhe LDK-ja, këtë buxhet që e përshpejtuat për shkak të pandemisë e nuk keni
ndarë mjete për pandemi.
Problemin e dytë apo dështimin e dytë me Ligjin e buxhetit e bëtë kur Qeveria Kurti-Hoti e
aprovoi një pako fiskale në vlerë prej 170 milionë eurosh, e cila sot e asaj dite nuk po mund të
implementohet. As nuk i paguat pagat për punonjësit që edhe ashtu ishin shumë të ulëta në vlerë
prej 170 eurosh, as nuk paguat qiranë e objekteve, më së miri është të tregoheni korrektë dhe t’u
kërkoni falje qytetarëve që i mashtruat.
Të nderuar qytetarë, imagjinoni sa mund të jetë serioze një qeveri si ajo që ishte Kurti-Hoti, e
cila e aprovon një pako të rimëkëmbjes në qeveri pa pasur mjete në buxhet, e pasi e aprovojnë
pakon, e marrin vesh që nuk i kanë paratë për ta zbatuar pakon. Sinqerisht, skandaloze! Pra, e
157
aprovon një pako në vlerë prej 170 milionë eurosh në qeveri e nuk i keni paratë ta zbatoni. Pse
nuk i përkrahët pakon e Partisë Demokratike të Kosovës, të kryetarit Veseli, e cila ishte një pako
gjithëpërfshirëse, shumë profesionale dhe e modeluar.
Tash, kur po vini në situata të rënda, hajde prapë opozita të na nxjerrë prej krizës, por nuk është
mirë të keqpërdoret gjendja e pandemisë e të na vëni në pozita të tilla edhe si deputetë. Keni bërë
skandal me projekte kapitale, imagjino, i keni lënë vetëm 500 mijë euro për stadiumin kombëtar
në Drenas, që me ato mjete as ekskavatorët për ta rrafshuar terrenin nuk mund të ndezen. Unë
jam i vetëdijshëm që bizneset dhe qytetarët e presin me padurim rishikimin e planit të buxhetit,
sepse janë në një gjendje shumë të vështirë. Për buxhet kemi edhe një kërkesë nga Oda
Ekonomike e Kosovës, e cila me plot të drejtë na kërkon që ta përshpejtojmë këtë proces si
deputetë. Sinqerisht, në aspektin profesional më vjen turp të votoj për këtë buxhet, i cili është
shumë joprofesional.
Por, duke marrë parasysh situatën në të cilën ndodhet vendi, duke marrë për bazë kërkesat që ka
marrë dhe personalisht nga shumë qytetarë dhe shumë biznese, edhe unë do ta tejkaloj veten dhe
për hatër të tyre do ta votoj sot rishikimin e buxhetit, por asnjëherë për dështimet e tilla si kjo e
kësaj qeverie që buxhetin e bën pa debat parlamentar, pa iu dhënë hapësirë ekspertëve nga të
gjitha partitë politike për ta trajtuar, por vetëm e shfrytëzon krizën e pandemisë për të na vënë në
pozita jo të lehta. Faleminderit!
KRYESUESJA: Nga Grupi Parlamentar i AAK-së nuk ka të pranishëm, të tjerët nuk kanë
kërkuar fjalën. Vazhdojmë me deputeten Yllza Hoti nga Lëvizja Vetëvendosje.
YLLZA HOTI: Faleminderit, nënkryetare!
Më lejoni në fillim të sqaroj dhe një herë se mosmiratimi i rishikimit të Projektligjit për buxhetin
nga ana jonë aspak nuk është kalkulim partiak, por bëhet për arsye parimore, pasi që ky
projektbuxhet ka ardhur me shkelje dhe tejkalime ligjore, të cilat janë të papranueshme nga ana
jonë.
Me këtë kërkesë qeveria ilegale po vazhdon me mungesën e patransparencës dhe me
shfrytëzimin e situatës së krijuar nga pandemia për t’i përmbushur agjendat e saj. Me arsyetimin
se nuk kemi mjete për t’i paguar masat e pakos emergjente, Qeveria ilegale po mundohet t’i
dezinformojë publikun e qytetarët, përderisa interesi i qytetarëve për ta është në rend të fundit.
Përveç shtimit të pakos së rimëkëmbjes në Projektligjin për buxhet, rishikimi i buxhetit ka
ndryshime të tjera, të cilat nuk përputhen aspak me situatën e tanishme dhe as me programin
qeverisës.
Ndër ndryshimet më të dukshme është rritja e shpenzimeve kapitale për 63 milionë euro,
kryesisht për projekte infrastrukturore. Duke e ditur ndikimin e madh negativ që ka pasur
158
pandemia COVID-19 në gjendjen ekonomike globale, shumë organizata ndërkombëtare kanë
dhënë sugjerime se planifikimi për rimëkëmbjen ekonomike duhet të ketë një qasje të re, e cila
largohet nga strategjia e investimeve tradicionale infrastrukturore drejt projekteve më moderne, e
sidomos atyre në teknologji që i përgjigjen menaxhimit të situatës së krijuar nga pandemia.
Në këtë rishikim ju jo që nuk keni marrë parasysh rekomandime të tilla, mirëpo i keni shkurtuar
edhe projektet ekzistuese që do të ndihmonin me situatën, për shembull: në komunën e Prizrenit
ka pasur ulje të financimit për projekte shumë të rëndësishme në rimëkëmbjen e shoqërisë pas
ballafaqimit me pandeminë. Në projektin krijimi i qendrës për ekselencë digjitale në parkun e
inovacionit dhe trajnimit në Prizren ju e keni zvogëluar buxhetin total për 800 mijë euro,
përderisa e tërë bota po bën përpjekje për zhvillimin e projekteve të shumta, për fuqizimin e të
rinjve, digjitalizimet dhe investimet në fushën e teknologjisë informative, ju e keni zvogëluar
financimin e këtij projekti, mirëpo i keni rritur shpenzimet për asfalt. Buxheti për qendrat rinore
në disa komuna është zvogëluar deri në 66%, e mënyra se si janë zvogëluar këto shuma, s’ka
aspak konsistencë.
Pra, përderisa në programin qeverisës ju pretendoni që rinia e sporti janë ndër prioritetet tuaja,
buxheti po reflekton diçka tjetër. Mënyra se si e keni bërë rishikimin e buxhetit duket sikur ju
jeni të sigurt që pandemia do të përfundojë në një datë të caktuar gjatë muajve në vijim, e pastaj
buxheti do të vazhdojë të implementohet sikur të mos kishte nodhur asgjë.
Përveç që e keni përfshirë si shpenzim shtesë pakon e rimëkëmbjes, rritjet e shpenzimeve jashtë
kësaj pakoje nuk janë aspak të arsyetuara sipas situatës së tanishme. Kjo është problematike për
disa arsye, duke e parë sa lehtësisht mund të rikthehet virusi, është shumë e papërgjegjshme që
në këtë rishikim të buxhetit të mos keni përfshirë asnjë masë që kërkon qëndrueshmëri dhe
gatishmëri që t’i përgjigjemi në rast të një situate të tillë. Përderisa ju vazhdimisht po e përdorni
pandeminë si arsye për t’iu aprovuar qasje në financa, numri i qytetarëve të infektuar po rritet në
mënyrë të pakontrolluar. A keni përfshirë ndonjë projekt në këtë rishikim për digjitalizimin e
arsimit, për vazhdimin e mësimit në shtator, apo që studentët të mund t’u nënshtrohen provimeve
në mënyrë elektronike. Për çka do të përdoren 32 milionë euro në klauzolën e investimeve për
Ministrinë e Shëndetësisë? A do të përdoren këto fonde në përgjigje të situatës së krijuar apo
sikurse në rastet e tjera, do të vazhdoni me investime tradicionale që nuk e forcojnë pozitën e
Kosovës?
Pandemia COVID-19 ka ndikuar në jetën e secilit qytetar në Kosovë dhe në shumicën e vendeve
të botës. Edhe nëse kjo pandemi përfundon së shpejti, që e dëshirojmë të gjithë, efektet e saj në
jetën e qytetarëve dhe në ekonominë e vendit do të jenë afatgjate, pra edhe në rastin më të mirë
që pandemia do të përfundojë plotësisht brenda vitit 2020, buxheti i Republikës së Kosovës
duhet të reflektojë ndryshimet e nevojshme për t’iu përshtatur situatës së re ekonomike, duke
159
përfshirë iniciativa për rritjen e vendeve të punës dhe zhvillimit ekonomik të qëndrueshëm.
Faleminderit!
KRYESUESJA: Faleminderit, Yllza! Nga Grupi i LDK-së, deputetja Rrezarta Krasniqi!
RREZARTA KRASNIQI: E nderuar nënkryetare e Kuvendit,
I nderuar Kabinet qeveritar,
Të nderuar kolegë deputetë,
Si deputete e Kuvendit të Republikës së Kosovës dhe përfaqësuese e qytetarëve jam përcaktuar
që të angazhohem pareshtur për t’i zgjidhur hallet e qytetarëve, në mënyrë të veçantë
bashkëvendaseve të mi, të cilëve ua njoh problemet me të cilat përballen çdo ditë.
Sot, kur po diskutojmë për rishikimin e buxhetit, dua ta ngre një shqetësim të madh të pjesës
dërrmuese të fshatrave të Vushtrrisë, të cilat akoma po përballen me problemin e sigurimit të ujit
të pijes. Nisur nga parimi jetësor se uji është jetë, në mungesë të tij atyre po iu bëhet një e
padrejtë fundamentale për të jetuar. Buxheti i ndarë për ndërtimin e rrjeteve të ujësjellësit nga
Ministria e Infrastrukturës dhe Ambientit në vlerë 750 mijë euro është përgjysmuar në shumë
prej 375 mijë eurosh shkaku i pandemisë COVID-19. Mendoj se duhet të rishikohet edhe një
herë mundësia që shuma prej 750 mijë euro të jetë ashtu siç ishte në fillim.
Arsyeja pse po kërkoj të mos përgjysmohet kjo shumë është se Vushtrria dhe të gjithë banorët e
kësaj komune vazhdojnë të jenë në gjendje më të rëndë sa i përket furnizimit me ujë të pijes,
gjithashtu mungesa e ujit po e thellon edhe më tepër rrezikun e përhapjes së pandemisë. Andaj,
ky shqetësim imi dhe i bashkëvendaseve të mi duhet të trajtohet me seriozitet në mënyrë që një
pjesë e shumës së përgjysmuar që kanë qenë të dedikuara për ndërtimin e rrjetit të ujit të pijshëm
të ridestinohen në planin që kanë qenë për vitin 2020 dhe t’u sigurohet atyre njëra prej bazave
esenciale për jetesë, siç është uji i pijes. Faleminderit!
KRYESUESJA: Nga Grupi Parlamentar i PDK-së, deputeti Kujtim Gashi.
KUJTIM GASHI: Faleminderit, nënkryetare!
Të nderuar deputetë,
Të dashur qytetarë të Republikës së Kosovës,
Siç e dinë të gjithë, Qeveria e kaluar Kurti pati kontrabanduar buxhetin e vitit 2020 në mes të
natës, duke përjashtuar opozitën nga diskutimi dhe nga kontributi për buxhetin në një periudhë
mjaft të vështirë për vendin, siç ishte fillimi i gjendjes me pandeminë.
Sot, qeveria e re si trashëgimtare e qeverisë së kaluar, e vazhdon të njëjtin avaz, duke sjellë
rishikimin e buxhetit në shpejtësi dhe pa i pajisur paraprakisht deputetët me materialin e
nevojshëm, ku ata do të mund të jepnin kontributin e tyre në këtë rishikim të buxhetit, i cili aq sa
160
është i ndjeshëm, është mjaft edhe i rëndësishëm për vendin, duke pasur parasysh problemet me
të cilat ballafaqohet vendi ynë në këtë kohë. Te komponenta programi i rimëkëmbjes thuhet se
ndikimi i COVID-19 në ekonominë e Kosovës ka detyruar Qeverinë e Kosovës që të ndërmarrë
masa për rimëkëmbjen ekonomike në shumë prej 385 milionë eurosh. Ky program përbëhet si në
vijim: te pagat dhe shtesat planifikohen 14 milionë euro, te mallrat dhe shërbimet 13 milionë
euro, subvencionet dhe transferet 131 milionë euro, kontigjenca për subvencione dhe trasnfere 74
milionë euro, kontigjenca kapitale nga fondet e likuidimit të AKP-së 100 milionë euro dhe
shpenzimet kapitale përmes klauzolës investime dhe nën huazim 53 milionë euro.
Duke pasur parasysh se në të gjitha ministritë dhe organizatat buxhetore pothuajse kemi shkurtim
të buxhetit dhe kemi ngritje vetëm në disa ministri, si për shembull, te Ministria e Punës dhe
Mirëqenies Sociale, kjo nënkupton qartë se kjo qeveri me këtë rishikim të buxhetit për
rimëkëmbje ekonomike e ka paraparë vetëm tek skemat sociale dhe pensionet. Pra, shtrohet
pyetje krejt e thjeshtë se si do të rimëkëmbet ekonomia e vendit, me skema sociale apo me
pensione? Natyrisht, se me asnjërën prej tyre.
Për shembull, tek Ministria e Bujqësisë është zbritur buxheti për 2.5 milionë euro, ministri kjo që
ndikon drejtpërdrejtë në zhvillimin ekonomik të vendit, sidomos te pjesa e prodhimit. Pra, me
këtë rishikim bujqit dhe fermerët tanë, jo që do të kenë mbështetje, por ata natyrisht se do të kenë
për 2.5 milionë euro buxhet.
E njëjtë është edhe tek Ministria e Industrisë dhe Tregtisë. 78 milionë, ose 88% ka zbritje të
buxhetit. Pra, kjo Qeveri nëpërmjet kësaj ministrie as që ka menduar që industrisë së vendit
duhet t’i jepet mbështetje dhe të subvencionohet. Po e njëjta është edhe tek Ministria e
Infrastrukturës, pra nga 243 milionë euro është zbritur buxheti në 166 milionë euro.
Nuk e di a jeni të vetëdijshëm se sa shumë operatorë ekonomikë do të mbesin pa punë,
rimëkëmbja ekonomike pa investime të qarta kapitale. Pra, të gjitha pozicionet janë zvogëluar
nga shumat e parapara në Buxhetin e vitit 2020.
Po ashtu, te Ministria e Kulturës, Rinisë dhe Sportit nga 44 milionë euro sa ishin të parapara
gjatë këtij viti, janë zbritur për afro 6 milionë buxheti. Pra, do të thotë që edhe këtë vit rrezikohen
që të shuhen shumë klube sportive, e mos të flasim tani për mbështetje të kombëtareve tona të
suksesshme në futboll, basketboll e në xhudo, e as mos të bëhet fjalë për ndonjë projekt të madh
kapital, siç bie fjala ndoshta edhe për stadiumin kombëtar. Natyrisht, që kjo Qeveri kësaj
ministrie është dashur t’i japë prioritet të veçantë, duke pasur parasysh se në kohë pandemie
kultura e sporti e luajnë një rol të veçantë.
Fatkeqësisht, edhe tre muaj pasi propozuam për miratim dy ligje që parashohin pako prej 320
milionë eurosh, kjo Qeveri, por edhe Qeveria e kaluar Kurti, as që e morën për bazë se sa e
161
rëndësishme ishte propozimi i Partisë Demokratike të Kosovës, edhe pse i njëjti ishte mjaft
fleksibil dhe jepte hapësirë, edhe për sugjerime, edhe për rekomandime, po të njëjtën kohë edhe
për propozime për shumë projekte që kanë mundur të futen në atë propozim, të cilin e kemi
dhënë pothuajse tre muaj më parë.
Ne mendojmë se ky rishikim i Buxhetit kështu siç është propozuar nuk adreson sfidat me të cilat
është duke u ballafaquar vendi ynë, megjithatë, e tha edhe shefi i grupit parlamentar edhe unë si
deputet po e ripërsëris...
(Ndërprerje nga regjia)
KRYESUESJA: Edhe 30 sekonda, regjia!
KUJTIM GASHI: Natyrisht, ne votën do ta japim vetëm për hir të qytetarëve të Republikës së
Kosovës dhe për hir të atyre që janë duke e pritur me shumë kohë nga dy qeveritë e mashtrimit
edhe atë shumën prej 170 euro për muaj.
KRYESUESJA: Fjalën e ka deputeti Gazmend Gjyshinca.
GAZMEND GJYSHINCA: Faleminderit, e nderuara kryesuese!
Të nderuar deputetë,
Të nderuar qytetarë të Republikës,
Sot para vetes kemi Buxhetin e rishikuar të Kosovës.
Ky rishikim vjen në kohë të vështira për të gjithë ne. Në njërën anë jemi goditur në ekonomitë
tona, për pasojë në të hyrat në shtet. Në anën tjetër, të qeverisurit me shtetin ka rënë në duart e
një grupi politikanësh, pa legjitimitet dhe përkrahje qytetare. Për pasojë jemi zhytur në
paqëndrueshmëri dhe në thellim të varfërisë.
Të nderuar deputetë,
Kam lindur e jetuar në Vushtrri. Jetoj edhe sot. Atë rrugën e prishur, copa-copa, pra magjistralen
Mitrovicë - Vushtrri - Prishtinë, që disa prej jush e keni vizituar gjatë fushatës zgjedhore, atë
rrugën që nuk po përfundon tash e më shumë se një dekadë, e bëj thuajse çdo ditë, sikur shumë
studentë e punëtorë të tjerë nga Vushtrria e Mitrovica.
Të nderuar deputetë, nëse ka një problem me të cilin komuna e Vushtrrisë e sidomos fshatrat e
sajë janë përballur për dekada është problemi i ujit të pijes. E kam ëndërruar si diçka të afërt
ditën kur ne nuk do të flasim më për problemin e ujit, shenjë kjo e ecjes përpara dhe kalimin në
probleme tjera që shqetësojnë komunitetin. Por, ja që kjo nuk po ndodh.
162
Duket paradoksale, por është shumë e vërtetë. Në kohën kur bota flet për projekte të suksesshme
si Space-ex, ne na duhet të flasim ende për ujin e pijes si problem. Në këtë kuptim e drejtim
Qeveria Kurti në Buxhetin që ne patëm miratuar, në mars të këtij viti, pati ndërmarrë një hap
tejet të rëndësishëm për të vazhduar përmbylljen e këtij problemi njëherë e mirë, duke ndarë 750
mijë euro për zgjerimin e rrjetit të ujësjellësit në fshatrat, që ende vuajnë mungesën e ujit në
Vushtrri.
Por sot, në kohë pandemie, neve na vjen lajmi që Qeveria e tanishme ka bërë shkurtimin e
buxhetit, pra të këtij buxheti, nga 750 mijë euro në 375 mijë euro, gjë që përkthehet në
vështirësim e gati në pamundësim të përfundimit të punëve që janë duke u bërë në terren për
zgjerimin e rrjetit të ujësjellësit në Vushtrri. Ndërsa, që është më e çuditshmja, por je e papritura,
buxheti për investime në asfalt në komuna të caktuara që udhëhiqen nga parti që janë në
koalicion qeverisës në Kosovë nuk është prekur, përkundrazi është rritur. Pra, këtu kemi një
panoramë të tillë. Më i rëndësishëm është asfalti sesa uji. Pra, para ujit asfalt për qytetarët.
Në kohë pandemie, në kohë lufte ndaj virusit, qytetarët tanë po mbesin pa masën kryesore
mbrojtëse, ujin, Kabinet qeveritar!
Zotërinj, zëvendëskryeministra që jeni këtu, zonja e zotërinj deputetë, të gjithë që jeni të
pranishëm, më lejoni të pyes ndërgjegjen tuaj. Si do t’u themi vushtriasve tanë që nuk kanë ujë,
mbani higjienën vazhdimisht dhe lani duart shpesh, pra masat që janë kryesore për luftën ndaj
COVID.
Të nderuar deputetë,
Para se të vij në këtë seancë kaq të rëndësishme për të gjithë ne, kam kontaktuar dhe jemi takuar
me kryetarin e Komunës së Mitrovicës, zotërinë Agim Bahtiri dhe nënkryetarin e Komunës së
Vushtrrisë, zotërinë Besim Muzaqi. Po ua përcjell edhe papajtueshmërinë e tyre dhe të
qytetarëve të këtyre komunave në lidhje me vazhdimin e kësaj qasjeje të padrejtë dhe
joprofesionale ndaj Mitrovicës dhe Vushtrrisë, qasje që shpërfaqet në shumë raste të shkurtimit
të Buxhetit për plotë projekte vitale në këto dy komuna.
Dhe, për ta kristalizuar këtë shpërfaqje të kësaj qasjeje me anë të shembujve, sidomos kundruall
ministres së Financave, që është këtu, më lejoni t’i përmend vetëm disa prej rasteve kryesore kur
ne kemi shkurtim drastik të Buxhetit. E kemi zgjerimin e ujësjellësit në Vushtrri nga 750 mijë
euro që janë dhënë nga Qeverisë Kurti në 375 mijë euro. Memoriali i Martirëve në Studime në
Vushtrri, nga 40 mijë euro në 20 mijë euro, që është shumë i rëndësishëm, për shkak se pas
njëzet viteve një Qeveri ka ndarë mjete për këtë memorial. E kemi rrethrrotullimin në
Magjistralen Prishtinë - Mitrovicë në fshatin Pestovë, nga 50 mijë në 25 mijë euro. Qendra e
Kulturës “Hasan Prishtina” ende pret investimet, por kemi shkurtim nga 200 mijë euro në 150
mijë. E kemi rregullimin e shtratit të lumit Sitnica nga 500 mijë euro në 250 mijë.
163
Për të kaluar te qyteti i Mitrovicës, meqenëse nuk kam kohë dua t’i përmend shkurtimisht vetëm
dy projekte kryesore. Të gjithë ne kemi qenë dëshmitarë për rëndësinë e hapësirave publike për
qytetarët tanë që jetojnë nëpër banesa kolektive, pra parqet, hapësirat e gjelbra afër lumenjve
tanë sa kanë qenë të rëndësishme. Mirëpo, kjo Qeveri në kohë pandemie rregullimin e shtratit të
lumit Ibër në Mitrovicë e ka reduktuar nga 1 milion euro në 500 mijë euro, ndërsa rregullimin e
shtratit të lumit Sitnica në Mitrovicë e ka reduktuar nga 1 milion euro në 750 mijë euro.
KRYESUESJA: Fjalën për replikë e ka kërkuar ministrja Bajrami.
MINISTRJA HYKMETE BAJRAMI: Faleminderit, nënkryetare!
Ndoshta vetëm sa për t’i kursyer deputetët. Është e vërtetë që është shkurtuar edhe projekti i
ujësjellësit në Vushtrri, por edhe plotë projekte të tjera.
Po ju tregoj kështu, që ne me rishikim të Buxhetit, të nderuar deputetë, është dashur të
reflektojmë dhe t’i gjejmë 617 milionë euro. Tani, ju kur flisni për shkurtim të Buxhetit është
mirë të na tregoni se si ka mundësi që të mos shkurtohet Buxheti edhe të implementohet Pakoja
Fiskale Emergjente?
Projektet kapitale... po, i kam pyetur dhe ashtu sipas rekomandimeve edhe kemi vepruar.
Projektet kapitale nuk janë shkurtuar vetëm në Komunën e Vushtrrisë dhe vetëm në Komunën e
Mitrovicës. Pikësëpari ta keni në dijeni që asnjë projekt kapital dhe asnjë euro buxhet nuk është
shkurtuar në asnjë komunë të Kosovës. Sa u përket projekteve kapitale që shkojnë nëpër komuna
nga ministritë e linjës është marrë gjysma e buxhetit tek të gjitha projektet ku nuk ka pasur
kontratë dhe kur nuk ka pasur zotim.
Unë personalisht kam biseduar me kryetarin e Komunës së Vushtrrisë, zotin Xhafer Tahiri, dhe
jam zotuar në emër të Ministrisë së Financave që ai ta implementojë projektin dhe në momentin
kur vijnë në euron e fundit Ministria e Financave do e plotësojë të gjithë pjesën tjetër. Dhe,
kështu u kemi thënë të gjitha organizatave buxhetore. Më 19 qershor e kemi përcjellë Buxhetin e
rishikuar në Kuvend. Ne i kemi hequr mjetet tek ato projekte ku nuk kanë filluar ende.
Tani, ma thoni ju, në qoftë se një projekt ka qenë 700 milionë dhe nuk ka filluar deri më 19
qershor, si mendoni që do të implementohet i tëri deri në fund të vitit?
Ne qëndrojmë prapa zotimeve tona dhe kemi biseduar me të gjitha organizatat...
(Ndërprerje nga regjia)
KRYESUESJA: Faleminderit! Kundër-replikë, deputeti Gjyshinca!
164
GAZMEND GJYSHINCA: Zonja ministre,
Unë ju thashë që jemi në gjendje të vështirë të gjithë. Kanë rënë të hyrat në shtet, e kuptoj.
Mirëpo, si mund të flisni për rishikim të Buxhetit dhe reduktim të Buxhetit për ujë të pijes. Në
ndërkohë, keni thyer rekord me emërimin e zëvendësministrave.
Pra, paska para për zëvendësministra dhe për këshilltarë gjithandej nëpër zyrat qeveritare, por jo
për ujë të pijshëm në Vushtrri! E para.
E dyta, si është e mundur që ta reduktojmë buxhetin për ujë ndërsa buxhetin për asfalt në
komuna të caktuara ta ruajmë, ta ngremë? Unë e thash, e përdora shumësin kur thash “jemi në
gjendje të vështirë”, jo “jeni në gjendje të vështirë”. Po kërkoj pak ndërgjegje.
KRYESUESJA: Zëvendëskryeministri Tahiri e ka kërkuar fjalën.
ZËVENDËSKRYEMINISTRI BESNIK TAHIRI: Faleminderit, kryesuese!
Të nderuar deputetë,
Më lejoni t’i bëj disa sqarim dhe për çështjet që i ngriti zoti Hamza, mirëpo edhe kolegu
Gjyshinca.
E para që dua të them, është shumë e vërtetë që ky nuk është një buxhet ideal dhe është një
buxhet pak a shumë qysh i reflektoi disa elemente edhe Zoti Hamza. Mirëpo, çka është ky
buxhet? Ky është buxhet emergjent, është buxhet i zorit, është buxhet i cili vjen pa një procedurë
se si duhet të ndodhë një rishikim i buxhetit dhe vjen për t’ju përgjigjur një situate, të cilën e dini
edhe ju e të gjithë qytetarët e Kosovës.
Sa u përket dy çështjeve që i ngriti edhe zoti Gjyshinca e u ngritën edhe më herët, unë jam
personi përgjegjës në Qeveri që kam bërë Rregulloren e Punës së fushëveprimit të ministrive. Ju
siguroj që asnjë këshilltar politik dhe asnjë i emëruar politik nuk është rritur dhe nuk dallon nga
Rregullorja e Punës së kryeministrit Kurti, ju siguroj.
Po ashtu, ju siguroj që Ligji për Qeverinë është qe një javë në platformën për konsultim publik, i
cili zvogëlon edhe në bazë të Rregullores që ka qenë të Qeverisë Kurti edhe të kësaj të Hotit, të
emëruarit politikë. Po, është e vërtetë që e kemi rritur numrin e zëvendësministrave. Me sa di unë
janë 48 tani dhe janë pakë më shumë, edhe një më shumë, zëvendëskryeministra, edhe kjo është
e vërtetë. Por, nuk dallon Rregullorja e fushëveprimtarisë me Rregulloren e Qeverisë Kurti, për
këtë ju siguroj. Asnjë njeri më shumë nuk është në rregullore.
Te komunat, vetëm disa fjalë. Shikoni, unë udhëheqi në emër të Qeverisë Këshillin Konsultativ
Komunë - Qeveri. Nuk ka kryetar..., po e nis prej Aleancës, të cilët besoj se janë duke me
dëgjuar, që nuk janë ankuar dhe nuk kemi marrë e-mail-a për shkurtime që kanë ndodhur në
165
komuna. Pra, nuk është një zvogëlim i projekteve kapitale që është bërë pick and choose, që
kemi marrë prej një komune në një komunë. Është një zvogëlim linear, i cili ka ndodhur në të
gjithë pushtetin lokal dhe ka ndodhur mbi parimin që e tha ministrja e Financave.
Tani jemi në mes dy dilemash, a duam të shkojmë përpara në leximin e parë dhe a duam të
vendosim që t’i bëjmë pagesat dhe obligimet që i kemi si Qeveri, në këtë rast ndaj të gjitha
strukturave që i dini, mos t’i përmend, apo të rrimë pa Buxhet. Unë mendoj që ky buxhet si i tillë
duhet të kalojë, edhe në leximin e parë, edhe në të dytin, për t’i marrë hapat emergjentë karshi
kërkesave dhe pastaj do të ndodhë rishikimi i dytë, në të cilin do të duhet të ulemi e të shohim sa
fonde na kanë mbetur, sa mjete kanë mbetur në buxhet dhe në këtë formë të adresohen
investimet kapitale, që pajtohem plotësisht se uji gjithmonë është më i rëndësishëm se investimet
tjera kapitale që mund të jenë në ndonjë komunë. Faleminderit!
KRYESUESJA: Faleminderit, zoti Tahiqi. Replikë, deputeti Gjyshinca!
GAZMEND GJYSHINCA: Është shumë për t’u mirëseardhur kjo pajtueshmëri që uji është më i
rëndësishëm.
Të nderuar, Vushtrria nuk ka ujë!
Për ujë po flasim. Nuk kemi nevojë ta komplikojmë. Le ta thjeshtësojmë çështjen. Nuk kemi ujë.
Unë sot po ju lutem sikur i eturi për ujë! Qytetarët e Vushtrrisë, fshatra të caktuara do ta
përballojnë Pandeminë pa ujë. Si do të mund të flasim pastaj për higjienën e për të tjera gjëra?
Zonja ministre pak më herët tha, “le ta gjejnë një shembull ku është rritur buxheti për rrugë”. Ja
ku e keni, komuna e Gjakovës, ndërtimi i rrugës së Radoniqit. Pra, në një anë ka rënie të buxhetit
për ujë, në anën tjetër rritje. Është shumë thjesht.
Pyetje e fundit, a ka nevojë Vushtrria për ujë? Pikë!
KRYESUESJA: Kundër-replikë, regjia!
MINISTRJA HYKMETE BAJRAMI: I nderuar deputet,
Sinqerisht, në asnjë projekt të investimit kapital, në rrugë dhe askund tjetër, nuk ka shtim. Ka
pasur vetëm shkurtime. Nuk ka shtim në asnjë projekt. Duhet parë se ku i keni marrë të dhënat,
se sinqerisht nuk ka në krahasim me atë. Përndryshe, ja ku po ta them si ministre e Financave, le
t’i shpenzojë komuna e Vushtrrisë ato 375 mijë euro dhe unë do të dal para jush këtu, brenda 24
orësh, që t’i mobilizoj mjetet tjera. Kaq e thjesht!
KRYESUESJA: Ilir Ferati e ka fjalën.
166
ILIR FERATI: Faleminderit, e nderuara kryesuese!
I nderuar Kabinet qeveritar,
Të nderuar kolegë deputetë,
Të dashur qytetarë të Republikës,
Jemi të gjithë dëshmitarë të gjendjes apo krizës, në të cilën po kalojmë, si shëndetësore ashtu
edhe ekonomike. Gjendje kjo, që për mua si deputet është motiv i fortë për të cilin jam këtu në
këtë sallë, për t’u munduar me gjithë qenien time politike që ky plotësim-ndryshim apo rishikim i
Ligjit për Buxhetin e Republikës t’i marrë votat e mjaftueshme.
Ne kemi pasur një Buxhet që u propozua nga një Qeveri tjetër, në një situatë tjetër. Por, të
nderuar qytetarë, jemi duke e përcjellë çdo ditë krizën në të cilën gjendemi e jo vetëm ne, por e
gjithë Bota. Krizë e cila po afekton direkt familjet tona, po afekton direkt ekonomitë tona,
bizneset tona, sjelljen tonë si konsumatorë. Andaj, ne si Kuvend sot jemi të obliguar moralisht e
politikisht, që ta përkrahim këtë propozim, i cili lejon që të fillohet implementimi i Pakos për
rimëkëmbjen ekonomike, pako që do të shtrihej deri te qytetarët direkt, do të ndikojë në
qëndrueshmërinë e bizneseve, do të ndikojë në qëndrueshmërinë e ekonomive familjare e në
përgjithësi të sektorit privat, sektor ky që na mban gjallë neve si shoqëri e si shtet, sektor ky i cili
ka nevojë urgjente që të marrë përkrahje nga institucionet të cilat i mban aktive me pagesat e
tatimeve nga aktiviteti ekonomik që realizon.
Të nderuar kolegë,
Të dashur qytetarë,
Në krizën që po kalojmë, si atë shëndetësore po ashtu, edhe ekonomike, konsideroj që vlerat tona
morale dëshmohen para jush vetëm në bazë të veprimeve tona. Veprime këto konform
Kushtetutës dhe ligjeve që janë në fuqi. Nuk është morale e as politike të tentosh të krijosh
norma të reja, duke shfrytëzuar panikun dhe pasigurinë tuaj si rezultat i gjendjes në të cilën
gjendemi, e pastaj me retorika e veprime super-populliste të tentosh të arsyetosh apo të
argumentosh ato në konferenca për shtyp para popullit. Moral e politikë normale do të ishte sikur
ne sot si deputetë t’i tejkalojmë politikat tona ditore e partiake dhe të votojmë në parim
propozimin e Qeverisë sonë për rishikimin e ndarjeve buxhetore me këto arsye, që qytetarëve të
cilëve u është rrezikuar vendi i punës t’u vazhdohet për shkak të lehtësirave që ofron për bizneset
ky Buxhet.
Qytetarëve të cilët kanë punuar apo kanë mbetur pa punë dhe po presin kompensimin nga pakoja
e kaluar në vlerat prej 130 dhe 170 eurosh t’i marrin ato dhe sadopak t’u lehtësohet jeta. Bizneset
të cilat kanë mbetur mbyllur gjatë masave për kufizim të lëvizjes, që kanë operuar nëpër objekte
me qira t’u lehtësohet sadopak barra e atyre muajve. Bizneset që janë ndëshkuar me pagesë të
interesit ekstra përgjatë riprogramimit të kredive t’u lehtësohet sadopak ajo pagesë përmes fondit
të garantimit të kredive.
167
Të nderuar kolegë deputetë,
Jemi më se të vetëdijshëm për ndikimin e COVID-19-shit në ekonominë e Kosovës, ndikim ky
që ka detyruar Qeverinë e Kosovës që të ndërmarrë masa për rimëkëmbje ekonomike dhe të
krijojë një pako në shumën prej 385 milionë eurosh, shumë kjo që është siguruar duke bërë
kursime nëpër programet e kategoritë buxhetore të organizatave buxhetore të nivelit qendror,
kursime këto që planifikohet të kthehen nëpër këto kategori nga të cilat janë marrë, varësisht nga
dinamika e realizimit të punimeve nëpër projekte e po ashtu, nga Buxheti i vitit 2021. Theksoj,
pa e prekur buxhetin e komunave të Kosovës, që i bie se aktiviteti ekonomik nuk do të ketë
mbyllje, por do të ndryshojë dinamika e realizimit të punimeve, fakt ky shumë i rëndësishëm,
sepse lejon bizneset apo kompanitë lokale që të operojnë dhe rrjedhimisht qytetarët të punojnë
dhe të krijojnë të ardhura.
E ripërsëris, janë 385 milionë euro pako për rimëkëmbje ekonomike, që do të lëshohen si
infuzion në ekonominë tonë për të siguruar vazhdimësi të aktivitetit ekonomik. Është shumë e
rëndësishme që në treg të diskursohen këto mjete me të vetmen arsye që sektori privat të mbahet
në këmbë dhe të mos jepen sinjale, se aktiviteti ekonomik rrezikon të mbyllet. Të gjithë e dimë
se ka vend për vërejtje e që ka vend për ndryshime, propozime e rekomandime. Por, e dimë edhe
se gjendemi në pandemi që po vazhdon e me numra që po rriten. Nuk dua të lëshohem në
polemika politike, por po i përmend si fakte të cilat do të duhej të ishin të mjaftueshme për të
gjithë ne, pozitë e opozitë, që të përkrahim këtë propozim në parim e pastaj të shohim format dhe
mënyrat për të ndërhyrë nëpër programe e kategori, sepse është shumë e kuptueshme se ne të
gjithë këtu përfaqësojmë politika, po ashtu përfaqësojmë bazat tona deleguese që presin nga ne
që t’i përkrahim me projekte e me buxhetime të reja dhe me forma të reja të përkrahjes buxhetore
për ato vende prej nga ne vijmë.
Du të ritheksoj edhe një herë rëndësinë e lartë të votimit të rishikimit të Buxhetit që të
garantojmë funksionim normal të institucioneve, duke filluar nga ato të shëndetësisë, nga
heronjtë tanë mantelbardhë e deri te Ministria e Shëndetësisë, barra e të cilëve në këto kohë është
e pamatshme. Pastaj, në garantimin e vazhdimësisë së shpërndarjes së fondeve nga Ministria e
Bujqësisë për dëmet e shkaktuara e që po vazhdojnë të shkaktohen nga fatkeqësitë natyrore, të
cilat po godasin të gjithë territorin e Kosovës e veçanërisht komunat e Istogut, Pejës e Klinës,
dëme këto që ata po mirëpresin që t’u kompensohen me çfarëdo përqindje, në mënyrë që
sadopak të kenë mundësi të planifikojnë ekonomitë e tyre për vitin e ardhshëm.
Në kohën në të cilën po jetojmë çdo ditë e më shumë po e shohim rëndësinë e produkteve bazë të
ushqimit të familjeve tona e këto ushqime prodhohen nga bujqit tanë e ata bujq po ashtu, presin
përkrahje nga ky Buxhet, në mënyrë që të vazhdojnë punën dhe prodhimtarinë e tyre.
Në fund, dua edhe një herë të bëj thirrje që të votohet ky rishikim dhe të lejohet në funksionim
normal, për aq sa mund të jetë, të... (Ndërprerje nga regjia)
168
KRYESUESJA: A ke nevojë edhe për 30 sekonda? E përfundove? Faleminderit, zoti Ferati!
Fjalën e ka nga Grupi Parlamentar i PDK-së, deputeti Memli Krasniqi.
MEMLI KRASNIQI: Faleminderit, zonja kryesuese!
Të nderuar zëvendëskryeministra, ministre,
Të nderuar kolegë deputetë,
Nuk do të flas fare për strukturën e Buxhetit, as për projektet e as për linjat buxhetore, as për
tabelat, sepse meqenëse u morëm vesh që do të diskutohet për pesë minuta, jo që s’dalin pesë
minuta për të folur për ato, po pesë orë nuk besoj që do të më mjaftonin për të diskutuar për të
gjitha fushat, të cilat absolutisht mendoj se janë të rregulluara keq dhe që kanë nevojë për
përmirësim. Për çfarëdo që flasim edhe në kuptimin parimor apo politik për këtë rishikim të
Buxhetit, ne s’mund të flasim pa u kthyer te origjina e tij, pra në fillim.
Ky rishikim është i Buxhetit të cilin e keni miratuar në koalicionin Vetëvendosje-LDK në këtë
Kuvend dhe e keni kaluar apo më mirë thënë e keni kontrabanduar në mënyrë klandestine.
Realisht, përkundër vullnetit që ua kemi shfaqur edhe atëherë si opozitë, që të diskutojmë brenda
disa ditësh e ta miratojmë një buxhet që do të reflektonte vërtet nevojat e kohës, duke përfshirë
edhe pandeminë që sapo ishte deklaruar në nivel global, ju na mashtruat. Erdhët pas shpine këtu
dhe e kaluat Buxhetin në gjysmë të natës dhe sot po ia shohim sherrin e ia kemi parë sherrin
gjatë gjithë këtyre muajve.
Po e përmend Pandeminë, sepse ju nuk ndatë fonde për pandeminë, përkundër që ne vet edhe në
fjalën tonë hyrëse propozuam që së paku 20 milionë euro t’i ndahen Ministrisë së Shëndetësisë
dhe ato s’ju ndanë kurrë. Realisht, tash po e shohim çfarë defektesh të mëdha kemi, sepse
përkundër situatës e cila pati njëfarë lloj kontrollimi në kohën e muajve gjysmë e marsit, prill e
maj, Ministria e Shëndetësisë dhe Qeveria e kaluar e as kjo nuk arritën që t’i ngrenë kapacitetet e
nevojshme shëndetësore, në mënyrë që ta trajtojmë në mënyrë shumë më të organizuar dhe më të
sigurt rrezikun real që e kemi dhe që po e shohim çdo ditë për sa i përket pandemisë. Dhe,
rreziku më i madh është stërngarkimi i sistemit shëndetësor, gjë që fatkeqësisht po duket se po
ndodh nga dita në ditë dhe ju nuk e trajtuat, as si ish-qeveria e përbashkët e as si kjo Qeveri e
LDK-së.
Shikoni, unë mendoj se gjendja aktuale është ekuivalente me gjendje të luftës. Por, e vërteta
është se, si kjo Qeveri, si ajo Qeveri, jeni duke e neglizhuar situatën dhe jeni duke e neglizhuar
gjendjen. Për COVID s’do të zgjatem, sepse vendosëm që të flasim të premten, por po i kthehem
pak më shumë ekonomisë.
Më 7 prill ua kemi propozuar pakon ekonomike e cila i ka pasur masat specifike që duhen të
ndërmerren dhe të votohen në këtë Kuvend. Ajo ka qenë pako për qytetarët, jo për opozitën,
sepse në fund të fundit ishte Qeveria e Albin Kurtit ajo që do ta zotonte. Por, ju jo vetëm që e
169
neglizhuat por edhe në mënyrë përqeshëse nuk u morët me atë punë. Në anën tjetër, i premtuat
180 milionë euro në një pako tjetër, i keni shpenzuar veç 55 në Qeverinë Kurti dhe nja 25 a 30 në
Qeverinë Hoti, ndërsa nuk keni arritur as gjysmën e atyre mjeteve t’i shpenzoni.
Sikur ta kishit marrë propozimin tonë qytetarët e Kosovës sot do t’i kishin pasur në kontot e tyre
900 euro e jo 170 euro, që ua keni ndarë deri tash. Bizneset nuk i keni mbështetur me pagesat e
qirave e as me shtyrjen e kredive, ose uljen e kamatave të kredive. Nuk keni krijuar fond
mbështetës për financim të tyre, pavarësisht që e keni përmendur të dy partitë, Vetëvendosje dhe
LDK. Sot ata i kanë sytë kah ne këtu në Kuvend, duke menduar se votimi i sotëm është shpëtim
për ta, por ju është mirë t’u tregoni se as 10% të asaj që keni premtuar s’keni mundur ta realizoni
edhe me këtë rishikim të Buxhetit.
Jam i bindur që këta të Vetëvendosjes në Qeverinë e kaluar këta, as s’kanë ditur, as s’kanë
dashur. Tash, për juve të LDK-së, po më duket se ju po doni, por po e shoh që s’po dini. E ne
edhe në opozitë po duhet të jemi në zor prej juve, si prej Qeverisë Kurti, si prej Qeverisë së
Hotit, ne jemi në zor, se ju s’dini ta kryeni punën për të cilën i keni marrë votat dhe për të cilën e
keni marrë Qeverinë. Edhe tash, normalisht si Qeveri s’mund ta lëmë qytetarin tonë në lloç,
sepse sa për juve ai në lloç është, veç do të shkojë duke u fundosur pak më shumë.
Dhe me thënë të drejtën, zoti Hamza e tha shumë drejtë, se jemi në mes dy të këqijave. Po i
shikoj sekondat. Ne jemi në mes dy të këqijave dhe ky votim i yni s’është për juve, Qeveri.
Ky votim është për qytetarët, se ata janë duke e pasur nevojën e ndihmës së shtetit dhe po
mendojnë se kjo do t’i shpëtojë dhe ne s’mund t’ua shpjegojmë që realisht do të vijmë në një
situatë edhe më të rëndë se sa kjo që jemi sot. Edhe është një shans për ta përmirësuar sado pak
Buxhetin, nëse do të ketë vullnet për ta diskutuar bashkë. Edhe tridhjetë sekonda dhe po
mundohem ta përfundoj.
KRYESUESJA: Edhe tridhjetë sekonda, ju lutem, regjia!
MEMLI KRASNIQI: Shikoni, ne ia kemi votuar edhe Albin Kurtit zgjatjen e ndarjeve
buxhetore, pa asnjë kusht, pa asnjë nevojë, sepse kemi menduar që qytetarët duhet t’i marrin
pagat. E njëjta situatë dhe për të njëjtën arsye jemi këtu. Këtë shans po ia japim edhe Qeverisë
Hoti sot. Por, ta dini që ky s’është çek blanko. Në leximin e dytë ne do të takohemi prapë. Se cila
është alternativa. E bllokojmë sot Qeverinë, korrim fitore opozitare e çka? Presim të na thërrasin
ambasadat a? Ne nuk jemi si ju. Ne nuk lodhemi a na thërrasin ambasadat për ta ndërruar
qëndrimin. Interesi ynë janë qytetarët e jo diçka tjetër.
KRYESUESJA: Fjalën e ka deputeti Liburn Aliu.
170
LIBURN ALIU: Faleminderit!
Sa i përket këtij propozim-ndryshimi të Buxhetit, unë do të ndalem vetëm te çështjet që lidhen
me fushën e planifikimit, bujqësisë, te fusha pra në të cilën punoj në komision.
Unë po i shoh këtu disa projekte, projekte kapitale në departamentin e Planifikimit Hapësinor,
pra planifikimit të banimit dhe ndërtimit, ku po e shoh atë idenë e ndarjes përgjysmë të projekte,
që po konsideroj në bazë të sqarimit që u dha, që për shumicën e tyre i bie sikur kam planifikuar
të blej një gotë, por meqenëse duhet të shkurtojmë buxhetin po e blej gjysmë gote. Ajo nuk mund
të ndodh kësisoj. Nuk ka sens logjik kjo.
Ndërsa, ajo çka mua më çon në pika të skajshme të non sensit në këtë projektligj është te çështjet
e planifikimit, që nuk iu është kushtuar fare rëndësi. Nuk ka zhvillim ekonomik pa planifikim.
Kudo në Botë planifikimi hapësinor dhe zhvillimi ekonomik janë të lidhura ngusht dhe
imagjinoni, këtu e kemi ne tek planifikimi hapësinor, konkretisht te hartat zonale për komunat
dhe për zonat e veçanta është ndarë zero euro.
Tjetra, lejet elektronike, pra lejet online nga projekti 100 mijë euro në zero euro. Kjo nuk ka
logjikë. Nëse mendoni të fitoni ose të kurseni diku, mos shikoni të fitoni te lejet online, sepse në
zhvillimin ekonomik, nëse mendojmë ne zhvillim, ju po e shihni që në Pandemi është e
pamundur të aplikohet në mënyrë të rregullt, kur të gjitha zyrat e administratave janë duke
punuar me staf të reduktuar, madje disa gati edhe po mbyllen për shkak të të prekurve nga
coronavirusi, më shumë se kurrë tash janë të nevojshme pikërisht lejet online. Dhe, ju te lejet
online nga 100 mijë euro e ndani në zero euro! Këtu shikoni të kurseni, a?
Pra, kursimin e bëni te lejet online! Nuk mund ta imagjinoj unë zhvillimin ekonomik pa leje
ndërtimi dhe nuk mund ta imagjinoj zhvillimin ekonomik me ato leje ndërtimi, ku detyrohen
aplikantët të shkojnë në komunë dhe i gjejnë dyert e komunës mbyllur për shkak të Pandemisë
dhe mundësinë e aplikimit online ua mohojmë. Kjo s’ka absolutisht sens.
Imagjinoni ju bazën e të dhënave që është bazë e komplet planifikimit dhe zhvillimit ekonomik
në vend, që shumë prej komunave e kanë bërë gati dhe është çështje vetëm të aplikohet kjo,
imagjinoni edhe këtu janë prekur paratë dhe këtu shikohet që të kursehet!
Programi për banim social nga 400 mijë në 200 mijë. Pra, s’qenka punuar fare, i bie, a po? Apo,
s’paska në plan fare që të punohet!
Pastaj, në këtë kuptim, madje veç dua të ju them, as në kohën e PDK-së nuk ka qenë kështu.
Bashibuzukqe edhe ata kanë punuar, por bash kështu planifikimin me e qit për toke, planifikimin
hapësinor... kjo nuk ka ndodhur asnjëherë te ne.
171
Te bujqësia premtuat që do t’i dyfishoni subvencionet, por është e njëjta shumë që ka qenë edhe
me Buxhetin e miratuar deri më tash. Të dalësh te kombajna aty e të fotografohesh e të thuash që
do t’i dyfishojmë subvencionet, por këtë punë duhet bërë këtu në Buxhet.
Çështja tjetër, tek kompensimi i të burgosurve politikë po e shoh se ka mbetur 5.5 milionë, ashtu
siç ka qenë, por aman bëjeni më shpejt më atë komision, se janë duke pritur të gjithë. Kryejeni
atë komision që do të merret me çështjen e rasteve të të burgosurve politikë, sepse atë ditë që
është bërë një pyetje parlamentare dhe kryeministri na është përgjigjur këtu, zoti Hoti, na e citoi
vetëm ligjin. Ligjin e dimë të gjithë. Duhet ta bëni komisionin dhe atë sa më shpejt.
E për sa u përket kolegëve nga Partia Demokratike, pozicioni oportunist i kritikës dhe në fund i
votimit na e kujton edhe të kaluarën. Kemi pasur situata të tilla edhe me Lidhjen Demokratike,
edhe me PSD-në e me krejt, por ky qëndrim oportunist nuk sjell ndonjë dobi. Pra, është... “Ne po
e dimë që ky Buxhet çon në shkatërrim dhe rëndim edhe të mëtejmë të situatës, por megjithatë
do ta votojmë sepse populli mendon se do të heqin më keq”, kjo është mashtrim.
KRYESUESJA: Faleminderit! Replikë deputeti Uran Ismaili.
URAN ISMAILI: Faleminderit!
Realisht, ne thamë disa herë që vota jonë që është sot, është votë për qytetarin. Mirëpo, deputeti
Aliu e konsideroi se kjo votë është oportuniste, por nuk e kishte një qasje të tillë kur ne votuam
kërkesën e Qeverisë Kurti. Pra, edhe atëherë e votuam një lejim të Buxhetit dhe nuk kërkuam
asgjë nga ju, përkundrazi e vazhduam punën tonë si opozitë.
Edhe sot jemi në situatë të njëjtë, ku konsiderojmë se si opozitë nuk jemi opozitë ndaj
formacioneve politike në dëm të qytetarëve. Konsiderojmë se opozitarizmin tonë mund ta bëjmë
kundër politikave të gabuara, por jo doemos kundër qytetarëve, ose kundër një vendimi që duhet
të jetë për qytetarët.
KRYESUESJA: Kundër-replikë deputeti Aliu.
LIBURN ALIU: A nuk është qëndrim oportunist me thënë “ne po e dimë që ky Buxhet çon në
shkatërrim, por megjithatë populli mendon, qytetarët mendojnë që e kanë shpëtimin nga kjo dhe
ne po e ndihmojmë këtë mashtrim”, e para. E dyta, për sa i përket atij votimit që e keni bërë për
vazhdimin e Buxhetit, mos të harrojmë se ka qenë situatë në të cilën Buxheti i mëhershëm është
dashur vetëm të vazhdohet edhe për një muaj, në mënyrë që të jepen pagat. Këtë nuk ia keni bërë
ju Vetëvendosjes. Këtë e keni bërë për ato paga që janë për qytetarët nga i njëjti Buxhet. E
Buxhetin, pastaj kur e kemi sjellë ne, atë nuk e keni votuar. Kuptohet. Atë nuk e keni votuar.
172
Prandaj, ky qëndrimi oportunist lidhet tek situata këtu PDK-LDK e cila ju çon, ju lidhë në të
njëjtën pikë. Kjo bashkësi po deshifrohet çdo ditë e më tepër.
KRYESUESJA: Faleminderit! Fjalën e ka deputeti Shkëmb Manaj.
SHKËMB MANAJ: Faleminderit, e nderuara kryesuese!
Të nderuar anëtarë të Kabinetit Qeveritar,
Të nderuar kolegë deputetë,
Të dashur qytetarë të Republikës së Kosovës.
Projektligji për plotësimin dhe ndryshimin e Ligjit për Buxhetin e Republikës së Kosovës për
vitin 2020 lidhet drejtpërdrejtë me mirëqenien e qytetarëve të Republikës, si dhe me zhvillimin
ekonomik të vendit, sidomos në kohë të Pandemisë, pasi që shumë punëtorë të sektorit privat
janë duke pritur që t’i marrin mbulimin e pagesave të tyre në vlerë prej 170 eurosh, bizneset e
mesme dhe të vogla presin subvencionimin e 50% të qirasë dhe mbështetjen financiare të
qëndrueshmërisë së tyre, sidomos sektori i gastronomisë, por edhe sektorët tjerë, pastaj të
papunët presin asistencën sociale, si dhe të gjitha skemat tjera presin mbështetje emergjente nga
shteti.
Prandaj, sot qytetarët e vendit dhe bizneset i kanë sytë dhe vëmendjen e tyre kah Kuvendi i
Republikës, sepse ky vit është vit i mbijetesës sonë të përgjithshme.
Ky projektligj për rishikimin e Buxhetit konsideroj se i ka disa elemente tejet të rëndësishme në
aspektin ekonomik, sidomos tani që jemi në kohë Pandemie. Projektligji për rishikimin e
Buxhetit parasheh intensitet të rëndësishëm të realizimit të projekteve kapitale. Duhet ta kemi
parasysh se koha në të cilën po ecën ekonomia globale, por edhe rajoni ynë dhe Kosova
paraqesin mundësi të mirë të realizimit të investimeve kapitale me kosto më të ulëta. Gjithashtu,
në këtë kohë kur shumë biznese ballafaqohen me vështirësi në kontraktimin e punëve të reja
është e një rëndësie të veçantë që Qeveria t’i japë prioritet realizimit të projekteve kapitale. Kjo
sepse, projektet kapitale e vënë në lëvizje zinxhirin ekonomik në vend, duke ndikuar që
ekonomia të përmirësohet. Rrjedhimisht, redukton nevojën e dhënies së ndihmave apo
kompensimin e pagave të humbura.
Ky Projektligj i Buxhetit po ashtu, parasheh rënie ekonomike prej 3%. Dikush edhe mund të
thotë, se rënia do të jetë edhe më e lartë. Për korrektësi, sot institucionet ndërkombëtare, por edhe
vendore, parashohin normë të rënies ekonomike nga 4 - 6%, por në asnjë nga këto parashikime
këto institucione nuk i kanë përfshirë planprogramin e këtij rishikimin, por edhe programin e
Qeverisë, program i cili adreson në mënyrë profesionale shumë probleme të shkaktuara nga
Pandemia. Si shembull ilustrativ po përdor edhe orientimin e Qeverisë që të ndryshohet Ligji për
Trustin, ku qytetarëve do t’u lejohet të tërheqin 10% të kursimeve të tyre.
173
Një rënie ekonomike prej 6% nënkupton që ekonomia e Kosovës do të jetë afërsisht prej 300 -
400 milionë euro më e vogël, por me realizimin e kthimit të 10% të kursimeve të kursimeve të
Trustit tek pronarët e tyre kjo nënkupton që rreth 200 milionë euro që të hyjnë në qarkullim në
ekonominë e Kosovës. Megjithëse nuk jam ekonomist, një matematikë e çdo fillestari tregon se
vetëm efekti i kthimit të 10% të Trustit e përgjysmon efektin negativ të Pandemisë në ekonomi.
Të mos flasim pastaj se këto 200 milionë eurot e Trustit do të kenë një efekt multiplikues, që
domosdo për bindjen time do të neutralizojë edhe më shumë efektin negativ të Pandemisë.
Qytetarë të nderuar,
Si pasojë e ndikimit të COVID-19 në ekonominë e vendit Qeveria e Kosovës është e obliguar që
të ndërmarrë masa për rimëkëmbjen ekonomike, me qëllim që të krijojë një program të veçantë
në vlerë prej 385 milionë euro për mbështetjen e qytetarëve dhe bizneseve, për shkak të stagnimit
ekonomik si pasojë e izolimit dhe pamundësisë së ushtrimit të afarizmit, për shkak të masave të
vendosura. Ky program konsideroj se do të adresojë pjesët më të dëmtuara të ekonomisë nga
Pandemia.
E mira e këtij projektligji është se nuk janë prekur projektet të cilat financohen nga buxheti
vetjak i komunave. Po ashtu, alokimet që u bëhen komunave me këtë rishikim të Buxhetit, sipas
vlerësimeve të tyre, nuk duhet të preken dhe duhet të miratohen si të tilla, sepse në këtë situatë
emergjente unë konsideroj se ata bëjnë vlerësimin më së miri të gjendjes në terren. Komunat
megjithatë duhet të përkrahen nga Qeveria që të intensifikojnë realizimin e projekteve kapitale,
sepse siç e thash edhe më herët, projektet kapitale do ta forcojnë ekonominë tonë.
Të nderuar anëtarë të Kabinetit Qeveritar,
Duke ju përgëzuar për punën e bërë brenda këtij afati të shkurtë për të sjellë Projektligjin për
rishikimin e Buxhetit dhe krijimin e programit për rimëkëmbjen ekonomike, kërkoj nga ana juaj
që këto fonde të ndahen në mënyrë transparente, të drejtë, sipas një analize të shpejtë dhe të
detajuar dhe sipas parimit të barazisë, që prekin gjithë sektorët e jetës sonë.
Fokusi i mbështetjes financiare për bizneset duhet të jetë varësisht nga dëmi i krijuar, aspekti i
qëndrueshmërisë, si dhe duke identifikuar bizneset...
(Ndërprerje nga regjia)
KRYESUESJA: Keni nevojë edhe për 30 sekonda? Edhe 30 sekonda zotit Manaj fjalën.
SHKËMB MANAJ: Atëherë, në përmbyllje të kësaj, unë konsideroj që është shumë me rëndësi
që të subvencionohen organizatat joqeveritare, klubet dhe shoqatat sportive dhe kulturore, që të
orientohen në temat që ndikojnë kryesisht në vetëdijesimin lidhur me pasojat e mundshme të
174
virusit në jetën dhe shëndetin e qytetarëve të Republikës dhe mendoj se është mirë që të
mbështetet nga të gjitha partitë politike ky projektligj, në mënyrë që t’i hapim rrugë Qeverisë që
t’u përgjigjet me përkushtim kërkesave të qytetarëve dhe bizneseve për t’i sanuar pasojat e
shkaktuara për shëndetin e qytetarëve...
(Ndërprerje nga regjia)
KRYESUESJA: Faleminderit, zoti Manaj. Fjalën e ka deputeti Uran Ismaili.
URAN ISMAILI: Faleminderit!
Sot janë dy të vërteta që duhet theksuar, se asnjëherë qytetari i Republikës së Kosovës nuk ka
pasur nevojë më shumë për Buxhetin dhe Qeverinë e vendit, dhe e vërteta tjetër është se kurrë
më i braktisur qytetari nuk ka qenë se sa nga Qeveria Kurti dhe Qeveria Hoti.
Se cilat kanë qenë fryma e pakove të rimëkëmbjes, të Qeverisë Kurti apo Qeverisë Hoti, është
një lloj enigme. Modelet që janë për pakot e rimëkëmbjeve gjithandej kanë dy karakteristika.
Janë gjithëpërfshirëse dhe janë të shpejta. Në Kosovë, as nuk ka pasur pako gjithëpërfshirëse,
përkundrazi ajo ka qenë shumë selektive, ndërsa po ashtu një tempo jashtëzakonisht e ngathtë, e
cila fare nuk ka rezultuar në dispursim të mjeteve për qytetarët tanë.
Janë duke na ndalur njerëzit në rrugë si deputetë të Republikës së Kosovës dhe na pyesin
gjithnjë, se përse nuk na dalin ato para që Qeveria flet për to. Pra, gojën e kanë plot qeveritë, por
xhirollogaritë e qytetarëve tanë janë zero, sepse politika e Qeverisë Kurti dhe Qeverisë Hoti ka
qenë qeveri e fjalëve, por jo e rezultateve për qytetarët tanë. Ku janë pagesat për qytetarët që janë
premtuar? Ku janë pagesat e qirave? Ku janë grandet? Ku janë kreditë që do t’i garantonte shteti?
I kemi kërkuar edhe Qeverisë Kurti, por edhe Qeverisë Hoti, që ta mbështesin pakon ekonomike
të propozuar nga Partia Demokratike e Kosovës për t’i ndihmuar qytetarët në Pandemi. Nuk
kemi kërkuar që ajo pako të ekzekutohet nga ne. Ka qenë një dëshirë e opozitës për t’i ndihmuar,
edhe Qeverisë, edhe qytetarëve. Po ta kishim bërë atë gjë rezultati sot do të ishte tjetër. Deri më
tani do të kishim 320 milionë euro në ekonominë e vendit, prej të cilave 300 euro në muaj për
sektorin privat. Pra, po të ishte përkrahur ai propozim deri më sot sektori privat do t’i kishte
marrë çdo punëtor 900 euro deri më sot. Qeveria Kurti dhe Qeveria Hoti në realitet ndanë 170
euro, pra kjo është shifra krahasuese në mes të dy pakove.
Sot kemi mjaftë kritika për këtë buxhet. Është një buxhet, i cili edhe pse është votuar nga
shumica Lëvizja Vetëvendosje dhe LDK nuk ka rezultuar me nevojat që i ka pasur qytetari. Po
rishikohet edhe sot duke pasur në mendje nevojat e qytetarëve, por që ne kemi një drojë se nuk
do të kenë mundësi ta bëjnë ashtu siç po flasin. Por, siç thotë një fjalë popullore, kur nuk ka shi
175
bën edhe breshër. Prandaj, dëshira jonë është që ne të krijojmë një mundësi, t’ua japim një shans
që përfitimi të jetë tek qytetarët.
Ajo çfarë dua të theksoj është se shpresoj që ky Buxhet do të jetë Buxhet i qytetarëve dhe jo i
tenderëve, buxhet që duhet t’i shkojë në ndihmë sektorit privat e jo kompanive të caktuara dhe jo
të pasurohen disa, gjersa sot kemi një varfërim dhe një stagnim të ekonomisë në Kosovë. Ne do
të vazhdojmë me opozitarizmin tonë, por jo sot në kohën kur kemi pyetje të shumta të qytetarëve
se çfarë po ndodh me ne. Këtë përgjigje është dashur t’ua japin qeveritë e vendit, por duke qenë
në një luftë të vazhdueshme njëra me tjetrën, partnerët e koalicionit e lanë ekonominë e vendit në
plan të dytë. Sot po duhen votat e Partisë Demokratike të Kosovës, që të zhbllokohet ajo që e
bllokuat për një kohë të gjatë.
Do të votojmë për qytetarin, do të votojmë që Buxheti të shpenzohet për qytetarin dhe do të jemi
këtu për të vrojtuar, për të vëzhguar në qoftë se thyhen këto premtime, për të cilat edhe ne sot po
votojmë. Faleminderit!
KRYESUESJA: Faleminderit! Replikë në emër të Grupit Parlamentar të Lëvizjes Vetëvendosje,
deputetja Mimoza Kusari-Lila.
MIMOZA KUSARI-LILA: Faleminderit!
Desha zotit Ismaili t’ia them vetëm një fjalë. Votoni rishikimin e Buxhetit. Mirë do të bënte edhe
sot ta sillte koalicionin e ri qeverisës, do ta votonim “me këtë harxh”, kështu që s’ka nevojë
kurrkush të ketë dyshime se çfarë do të ndodh midis koalicionit PDK-LDK, e para.
E dyta, Uran, publikisht po të sfidoj, hajde e bëjmë një prezantim të pakos së rimëkëmbjes së
PDK-së dhe pakos së rimëkëmbjes që është prezantuar nga ministri Bislimi në Qeverinë Kurti.
Ju garantoj, që kushdo që merr vesh në financa e sheh që është komplet kopje e saj, vetëm
dyfishimi i secilës pagesë. Çka i ka munguar asaj pakoje kanë qenë burimet e financimit. Ju keni
kërkuar ndryshimin e ligjit, është shtyrë me një vendim deficiti buxhetor.
E kam analizuar pikë për pikë. Ka qenë kopje origjinale e pakos së prezantuar nga ministri
Besnik Bislimi në kohën e Qeverisë së Albin Kurtit. Me pas prezantua diçka të re do të thosha.
Të gjitha kategoritë kanë qenë aty, përveç se të dyfishuara. Jo 170 euro, po 300 euro për pagë, jo
kështu... veç pak më gjerë i keni rënë edhe veç s’keni treguar se ku do t’i merrni ato mjete. Për
170 euro ministrja Bajrami ka problem t’i paguajë. Ju i keni treguar, i keni dhënë burimet e
financimit të përgjithësuara. Në ekzekutim po kanë problem edhe këta që e kanë kritikuar atë
pako e kanë thënë kemi ofruar 1.2 miliardë. Edhe tash po vajtojnë pse s’po mund t’i paguajnë
170 euro.
176
Është mirë kur të flisni me i pas edhe argumentet. Publikisht të bëj sfidë. Hajde dalim e
prezantojmë. E prezantojmë edhe i shohim pikë për pikë se si e keni përcjellë ju listën e pakos së
rimëkëmbjes. Nuk u ka ikur asnjë vijë pakos që është prezantuar prej ministrit Bislimi. Bile ta
kishit bërë renditjen ndryshe. Vijë për vijë është gati e njëjta.
KRYESUESJA: Faleminderit! Kundër-replikë deputeti Ismaili dhe pastaj ministrja Bajrami.
URAN ISMAILI: Për një politikane që ka traditë në bashkëpunimi ndërpartiak po më çudit
Mimozë, qysh po thua, hajde bëni koalicion. Domethënë, unë të kam model ty të bashkëpunimit
ndërpartiak, kështu që s’do të ishte çudi edhe sot ne të kemi një lloj bashkëpunimi për hir të
qytetarit.
Një ekonomiste e vendit që beson se më mirë është të varfërohet shteti në kohë krize, domethënë
të flet që ti do të ishte mirë ta dorëzosh edhe diplomën. Pra, ti të vish në një pozicion të tillë që të
ftosh kur ka recesion të thellë të ndalet Buxheti, të mos votohet, mua po më çudit në shumë
dimensione. Ti, ju keni tentuar të bëni fjalë. Asnjëherë nuk keni realizuar me ministrin që ka ulur
papunësinë 6% në kohë të Pandemisë, nuk keni arritur asnjë veprim ta bëni. Fjalë keni shumë,
është e vërtetë, edhe të bukura, vepra jo.
MINISTRJA HYKMETE BAJRAMI: Deputet Ismaili, vetëm dëshiroj të ju them, për të satën
herë, që nuk është se unë si ministre po kam vështirësi me e pagua 170 euro, ose Qeveria Hoti po
ka vështirësi. Këto janë pengesa ligjore, që i ka secila qeveri. Edhe Qeveria Kurti kur ka qenë,
erdhi në pikën kur nuk mund të ekzekutonte më pagesa. Janë shpenzuar 80 milionë euro duke
bërë lëvizje edhe jashtëligjore nëpër organizata buxhetore dhe janë shpenzuar ato mjete. Tash,
ato 80 milionë euro janë te fondi për rimëkëmbje ekonomike. Plotë organizatave buxhetore ua
kemi marrë buxhetin e rregullt për ta paguar 170-shin, për ta paguar qiranë, për të paguar masat
sociale, siç është masa numër 15.
Do të thotë, këtë kufizim e ka gjithsecili edhe nëse nuk votohet rishikimi, këtë do ta ketë cilido
tjetër. Domethënë, nuk është kjo se duhet dikush ta zbulojë. Ndërsa, sa u përket masave, unë
besoj se të gjitha masat kanë ngjashmëri, sepse problemet janë të ngjashme. Është kohë e
pandemisë dhe nuk po zbulojmë asgjë. Po përcjellim thjesht atë që po ndodh në Botë dhe çfarë
po ndodh në rajon. Janë protokolle ndërkombëtare.
Një gjë që neve na ka dalluar është se më herët është marrë vendim që me i stopua investimet
kapitale, ne kemi menduar që kjo është e gabueshme. Kemi thënë që nuk duhet të çojmë sinjal
negativ te sektori privat. Sektorit privat më së shumti mund t’i ndihmojmë duke i dhënë punë dhe
i kemi liruar ato. Kaq!
177
Mirëpo, pa u rishikuar Buxheti... nuk është faji i Qeverisë, është çështje ligjore dhe teknike. Nuk
mund të kryhen pagesat. Faleminderit!
KRYESUESJA: Replikë, deputetja Kusari-Lira!
MIMOZA KUSARI-LILA: Faleminderit!
Më erdhi rasti, edhe për deputetin parafolës, edhe për zonjën Bajrami.
E para, ky nuk është Buxhet, po është rishikim i Buxhetit, pasi që deputeti po ka problem t’i
dallojë. E dyta, unë e pyeta për pakon e rimëkëmbjes, që ata po i referohen e ky kur s’pati çfarë
të më përgjigjet më kërkoi ta dorëzoj diplomën. Diplomën nuk ia dorëzoj askujt, për shkak se
kam marrë me meritë dhe si të tillë të konfirmuar e kam. Po, nëse s’keni përgjigje për pako të
rimëkëmbjes, nuk ka nevojë të bini në nivel personal, në akuza, ose ofendime, si zakonisht që u
është bërë shprehi.
Dhe zonjës Barjami, po ta përcillnit, zonja Bajrami, çfarë po ndodh nëpër botë do të fokusoheshit
pak kah ekonomia e gjelbër, kah fonde inovative, kah kreativiteti, kah debati publik-privat dhe
këshilli kombëtar, ose këshilli nacional për zhvillim ekonomik, gjë që s’e keni bërë. Po, s’jeni
duke e përcjellë, jeni duke përcjellë mbijetesën, ose jeni duke u munduar për një mbijetesë.
U tha më herët nga bashkëpunëtori juaj në Qeveri, ky është rishikim i zorit. Pse? Kush u dha zor?
Kush e bëri këtë zor ta rrëzoni Qeverinë që ishte në funksion e me e rritë këtë Qeveri, me i rritë
shpenzimet, edhe tash ju ka kapur zori me i mbledh votat. Zori është pasojë e shkakut që ju e
keni iniciuar.
MINISTRJA HYKMETE BAJRAMI: Zonja Kusari, e para edhe unë të sugjeroj që me e
përcjellë çfarë po bën Qeveria e Kosovës sa i përket aspektit të gjelbër dhe mbrojtjes së
ambientit.
Më lejoni të ju njoftoj që ne kemi bërë zhbllokimin e fondeve të sfidave të mileniumit dhe janë
mbi 50 milionë euro, të cilat do të shkojnë kryesisht në mbrojtje ambientale dhe pastaj është faza
e dytë e investimeve, e cila ka të bëjë me kyçjen e Kosovës në rrjetin e gazit, domethënë me
Maqedoninë Veriore dhe kjo do të ndikojë shumë më shumë, se secila iniciativë tjetër.
Sa i përket këshillit kombëtar për zhvillimin ekonomik, më lejoni t’ua rikujtoj që një kohë kur ai
këshill ka funksionuar është kur unë kam qenë koordinatore dhe Isa Mustafa ka qenë kryesues.
Atëherë edhe ka kaluar pakoja fiskale edhe është përmirësuar ambienti i biznesit dhe gjithçka.
Ne kemi ardhur qe një muaj edhe kemi takuar të gjitha asociacionet e biznesit. Nuk ka masë dhe
kërkesë e asociacioneve të biznesit që nuk është përfshirë aty.
178
KRYESUESJA: Faleminderit! Në emër të Grupit Parlamentar të Lëvizjes Vetëvendosje deputeti
Hekuran Murati replikë ministres.
HEKURAN MURATI: Faleminderit, e nderuar kryesuese!
U tha që ka pasur lëvizje të jashtëligjshme për t’i kryer pagesat. Kjo është një e pavërtetë e
madhe. Nuk ka pasur asnjë lëvizje të jashtëligjshme. Ministrja, besoj se e di, se është në ministri
aty dhe ishte dashur dhe ka mundësinë ta shohë se si janë bërë.
Përkundrazi, nëse duam të flasim për paligjshmëri është pikërisht ky rishikim, ky Buxhet i
rishikuar, ky projektligj, që ka kundërshtime ligjore me pikërisht nenin 30 të Ligjit për
menaxhimin e financave publike, të cilit po i referohet ministrja. Pra, paligjshmëria është në këtë
projektligj që na e keni sjellë. Është në kundërthënie me Ligjin për menaxhimin e financave
publike, me nenin 30, për të cilin ju po pretendoni se ka pasur shkelje në të kaluarën, që është e
pavërtetë. Ju keni bërë shkelje me këtë projektligj.
KRYESUESJA: Ministrja edhe një herë. Më falni, jo, sepse po ka reagime. Për korrektësi, në
fjalën tuaj replika ishte e deputetes Kusari dhe ju kishit pastaj kundër-replikë. Në fjalën e
ministres replikë në emër të Grupit Parlamentar të Vetëvendosjes referuar fjalimit të saj pati
deputeti Hekuran Murati. Regjia, replikë ministres Bajrami. Ju lutem, mos bëni zhurmë prej
vendeve.
HYKMETE BAJRAMI: Nënkryetare,
E para, sa i përket procesit të udhëheqjes së seancës, neve si pjesëtarë të Qeverisë Rregullorja e
Kuvendit na lejon ta kemi fjalën sa herë na duhet dhe ne nuk i kemi sekondat të kufizuara.
Domethënë, nuk i kemi, kështu që ju lutem shumë. Ne dëshirojmë ta shfrytëzojmë kohën tonë.
Deputet Murati, po ju njoftoj. Merreni dhe shikojeni mirë ligjin të cilin e kemi aprovuar bashkë,
prapë po e them, edhe unë edhe ju, më 5 mars. Ne e kemi aprovuar një ditë më herët në Qeveri,
sepse edhe më herët edhe deputetja tha që ju nuk e keni aprovuar, se keni qenë ministre, edhe
ministrat e aprovojnë buxhetin, por e aprovojnë në Qeveri, pastaj ligji vjen në Kuvend.
Në Buxhetin e aprovuar të këtij viti, që është aprovuar më 5 mars në këtë seancë, në seancën
plenare, më lejoni të ju them, që neni 6, paragrafi 6, neni 11, paragrafi 3, neni 14, paragrafi 3,
neni 14 paragrafi 4, neni 16 paragrafi 11, shikojini mirë këta paragrafë, mund të t’i dërgoj edhe
mesazh, të gjitha thonë se përjashtohet neni 30 i Ligjit për menaxhim të financave publike dhe
përgjegjësitë. Dhe, ne e kemi tani këtë përjashtim në dy nene, po në ligjin bazë ju e keni
përjashtuar, ne e kemi përjashtuar në të gjitha këto nene. Merreni ligjin, shikoni, në të gjitha këto
nene. Ne flasim për ridestinim të fondeve duke përjashtuar nenin 30 të Ligjit për menaxhim të
financave publike dhe përgjegjësitë.
179
Tani më lejo të them, që kushdo që do të ishte në Qeveri dhe në Ministri të Financave do të
vepronte njëjtë. Ne e kemi paguar masën 15 prej skemave të rregullta të Buxhetit në Ministrinë e
Punës dhe të Mirëqenies Sociale. Në kushte normale një gjë e tillë nuk do të ndodhte, sepse nuk
do të kishe mundur prej buxhetit...
(Ndërprerje nga regjia)
KRYESUESJA: Edhe 30 sekonda, regjia!
HYKEMETE BAJRAMI: Deputetë,
E dini edhe ju, edhe unë, se ne nuk do të kishim pasur mundësi t’i marrim komplet buxhetet e
rregullta prej kategorive buxhetore dhe t’i shpenzojmë për komplet diçka tjetër, por kjo ka qenë e
kuptueshme, e mirëkuptueshme për të gjithë. Tani kemi ardhur në një pikë, ku ne më nuk mund
të marrim buxhet prej kategorive të ndryshme për zbatimin e masave.
Më lejoni të ju informoj, që me Ligjin e Buxhetit që është në fuqi edhe konti...
(Ndërprerje nga regjia)
KRYESUESJA: Faleminderit, ministre! Të nderuar kolegë deputetë dhe ministre e të gjithë ju që
edhe pse jeni deputetë, si duket nuk i keni kushtuar vëmendje më herët kësaj Rregulloreje dhe po
bërtisni. Më lejoni, ju lutem, t’ua citoj nenin 48, lidhur me deklaratat e ministrave.
Në çdo mbledhje plenare të Kuvendit, ministri me kërkesë dhe në marrëveshje me kryetarin e
Kuvendit mund të flasë në Kuvend për ndonjë çështje që ka të bëjë me fushëveprimin e
përgjegjësive. Pasi ta ketë mbajtur fjalën, kryetari i Kuvendit, në këtë rast kryetarja, ose
kryesuesja, lejon të parashtrohen komente ose pyetje në emër të grupeve parlamentare dhe nga
deputetët e Kuvendit individualisht. Ministri që ka mbajtur fjalën ka të drejtë t’u përgjigjet
shkurtimisht komenteve, ose pyetjeve, që mund t’i parashtrohen. Pra, ashtu siç e dini, këta janë
këtu për t’u përgjigjur shkurtimisht pyetjeve dhe komenteve.
Meqenëse, po kërkohet që të ajroset pak salla, kthehemi pas 15 minutave dhe në radhë për fjalë
është deputetja Fitore Pacolli.
(Ndërprerje e incizimit)
Një propozim në emër të grupit... po çfarë? Regaim! Po, në emër të Grupit Parlamentar...
Përndryshe, ju njoftoj se ishte edhe kërkesë e Administratës dhe kryetares që të ajroset për 15
minuta salla në ora 19:30 dhe të vazhdojmë pas 15 minutave, sepse kemi qëndruar gjatë dhe
180
dezinfektimi nuk mund të bëhet, për shkak se duhet pritur 3 orë pas dezinfektimit. Pas 15
minutave takohemi. Domethënë, në orën 20:00 vazhdojmë me seancë. Faleminderit!
* * *
Vazhdimi i mbledhjes, pas pauzës
Mbledhjen e drejton kryetarja e Kuvendit, znj. Vjosa Osmani
KRYETARJA: Deputetë të nderuar,
Ju lutem të uleni! Po vazhdojmë me seancën.
Deputetja Fitore Pacolli nuk po e shoh që është këtu. Deputetja Arbëreshë Kryeziu-Hyseni e ka
fjalën.
ARBËRESHË KRYEZIU-HYSENI: Faleminderit, e nderuara kryetare!
Te planifikimi buxhetor për Komunën e Gjilanit, sektorë të shumët mbeten kryesisht të paprekur,
te disa të tjerë shohim qoftë ka rritje të lehtë, ose e kundërta rënie të lehta. Por, ajo që në fakt
duket të jetë shqetësuese është shkurtimi buxhetor që i është bërë sektorit të bujqësisë për 72.7
për qind.
Pra, janë 80 mijë euro më pak, çka nënkupton se do të ketë zero mjete për ndërtimine rrugëve për
nevoja të bujqësisë. Kjo madje bie edhe në kundërshtim me vetë programin tuaj qeverisës kur ju
zotoheni se do të mbështesni sektorin e bujqësisë, në mënyrë që ai të jetë i qëndrueshëm.
Në pikën 10.8 të programit, ndër të tjera thuhet se do të merren masa për parandalimin e
degradimit të tokës dhe se ndër të tjera do të ndërmerrni politika stimuluese për fermerët që të
punojnë tokën. Ky shkurtim buxhetor që i është bërë Komunës së Gjilanit thotë të kundërtën e
asaj që ju e keni shkruar në letër. Pra, ju jeni për zhvillim, por për zhvillim në letër dhe jo në
terren dhe as duke i ndihmuar dhe përkrahur fermerët. Në Komunën e Gjilanit numri i fermerëve
po rritet çdo ditë e më shumë, sidomos i atyre që merren me kultivimin e pemëve dhe perimeve,
pra janë prodhues vendorë. Në vend që këta prodhues vendorë të përkrahen, në mënyrë që të
rritet edhe prodhimi i produkteve vendore, më me prioritet shihet ndërtimi apo asfaltimi i
rrugëve, sesa lehtësimi dhe ofrimi i kushteve për prodhim për fermerët tanë.
Duhet ta kemi parasysh nivelin e papunësisë dhe varfërisë që ekziston jo vetëm në Komunën e
Gjilanit, por në të gjitha komunat e Kosovës. Nuk është se ne nuk kemi potencial për të nxjerrë
nga varfëria e për t’i ndihmuar shumë fermerë. Rrugët për qasje në bujqësi jo vetëm që krijojnë
181
kushtet më të mira për bujq, por ato krijojnë edhe vende pune, por edhe produkte vendore të
sigurta, si për qytetarët e Gjilanit dhe rrethinës dhe si për çdo qytet tjetër që i përkrah këta.
Pra, në bazë të sektorëve ku ju keni bërë rritje në Komunën e Gjilanit, duket se interesin e shihni
në asfalt, dhe kjo nuk është për t’u çuditur, sepse edhe si koalicion jeni krijuar me prioritete të
veçanta në ndërtim autostradash e duket që po shfrytëzohen edhe lidhjet me nivele komunale, në
mënyrë që t’i jepet përparësi asfaltit, më shumë sesa kërkesave dhe nevojave të bujqësisë.
Ka një rritje të konsiderueshme te planifikimi buxhetor për tregun e gjelbër për shembull, pra nga
30 mijë në 560 mijë, por vetëm më lejoni t’ju përkujtoj që ndërtimi i tregut të gjelbër në Gjilan
është investim i përbashkët i Komunës dhe i Bashkimit Evropian që kap vlerën 1 milion e 600
mijë euro, diku mbi 1 milion e 600 mijë euro. Sikur duket e dyshimtë kjo kërkesa për rritje kaq të
madhe, sepse janë kërkuar 560 mijë euro më shumë sesa që kanë qenë të planifikuara në
buxhetin e marsit. Këtu e kemi kontradiktën tjetër, pra kërkohen kaq shumë mjete për tregun e
gjelbër, ndërkohë që hiqen mjetet që do t’ia bënin më të lehtë punën fermerëve. Prandaj, këtu na
lind edhe pyetja: për kë në fakt po ndërtohet tregu? Pra pikërisht për këta fermerë që do të mund
të shisnin pemë e perime vendore, në qoftë se do të përkraheshin e mbështeteshin nga
institucionet shtetërore, dhe jo pemë e perime të importuara nga kushedi se ku.
Pra, janë shkurtuar mjetet për ndërtimin e rrugëve për nevoja të bujqësisë. Janë shkurtuar mjetet
për mirëmbajtjen e objekteve shëndetësore. Janë shkurtuar mjetet për pajisje shëndetësore,
ndërkohë që ka rritje te mjetet për asfaltim të rrugëve. Kjo tregon më së miri pra çfarë qëllimesh
kozmetike kanë udhëheqësit e Komunës së Gjilanit dhe se si po e shfrytëzojnë të qenit në pushtet
për të çuar përpara fiks projekte me të cilat garohen në zgjedhjet e niveleve lokale, dhe jo
projekte që janë në fakt nevojë dhe kërkesë e qytetarëve të Gjilanit.
Për fund, sa i përket marrëveshjeve ndërkombëtare me të cilat po e drejtoni vazhdimisht sulmin
ndaj nesh, më lejo të ndalem te ajo për ndërtimin impiantit për ujërat e zeza në Gjilan, në mënyrë
që t’u tregojmë qytetarëve si qëndron vërtet puna me këtë.
Zonja Bajrami, na thoni ju lutem cila është mbështetja që ju si Qeveri po i jepni buxhetit të
Komunës së Gjilanit, sepse ky buxhet parasheh vetëm 900 mijë euro për shpronësime, ndërkohë
që Komuna e Gjilanit është 9 milionë euro borxh për shpronësime, shto këtu plus dy milionë, sa
edhe kushton shpronësimi për pronat për këtë projekt për impiantin. Pra, ju na bëni presion neve,
ndërkohë që ju nuk i ofroni mbështetje Komunës në rritjen e buxhetit për shpronësim. Pa
përfunduar shpronësimi, nuk mund të bëhet realizimi i projektit, apo jo? Këtë e dimë që nuk ka
mundësi të ndodhë. Komuna e Gjilanit në muajin qershor ka bërë rishqyrtimin e buxhetit
komunal dhe aty nuk përfshihet puna e shpronësimit. Prandaj, vetëm po mundoheni të çoni
përpara një projekt që nëse çështja e shpronësimit nuk zgjidhet, do të mbetet vetëm në letër,
njëjtë siç ka mbetur përgjatë këtyre 11 viteve të fundit. Faleminderit!
182
KRYETARJA: Deputeti Ilir Tasholli e ka fjalën!
ILIR TASHOLLI: Faleminderit Kryetare!
Përshëndetje zëvendëkryeministër,
Kabinet qeveritar,
Kolegë të nderuar,
Sot deputetë, kolegë të Kuvendit kemi përpara vetes një shqyrtim të parë të Projektligjit për
rishikimin e buxhetit, që të gjithë e dimë që është një dokument shumë i rëndësishëm, me pak
fjalë për zhbllokimin e sistemit ekonomik. Po them për zhbllokimin e sistemit ekonomik, për
shkak se do të mund që me aprovim të këtij Projektbuxhetit, do të mund të adresojmë shumë
çështje, që janë me shumë prioritet dhe janë shumë urgjente për vendin tonë, duke filluar nga
implementimi i Pakos Emergjente që përfshin ndihmën në sektorin privat, punëtorë që kanë
humbur vendet e punës, riprogramimin e borxheve, qytetarëve të tjerë që përkrahen me skema
sociale. Një ndër çështjet më të rëndësishme luftimin e pandemisë COVID-19 dhe të gjitha
çështjet e tjera që kanë të bëjnë me funksionimin normal të shtetit.
Sigurisht që e pash edhe në diskutimet e mëhershme, sikur krijohet një përshtypje që ne po
ngutemi për të aprovuar këtë Projektligj. E them me përgjegjësi të plotë që ne jo që po ngutemi,
po ne jemi shumë vonë. Kosova si shtet nuk ka arritur të adresojë problemet e qytetarëve në
masën e duhur, derisa shtetet e tjera, shikojmë përreth shtetet e Ballkanit, shtetet e Bashkimit
Evropian po edhe të tjerat qysh moti kanë bërë implementimin e pakove emergjente me shumë
qindra miliarda dollarë. Dikush tha pak më herët po ne nuk i kemi qindra miliarda dollarë. Mirë!
Ndoshta nuk i kemi, po si ekonomi që jemi mendoj që neve na ka takuar shumë më herët mos të
sillemi sikur në Kosovë nuk po ndodh asgjë. Në fjalimet paraprake me të vërtet me çfarë
komoditeti flitet, thua se këtu as nuk ka pandemi, as nuk ka COVID, edhe ne mund t’i trajtojmë
këto çështje kështu në pafundësi, sikurse po i trajtojmë ratifikimin e marrëveshjeve
ndërkombëtare.
Unë e di që nuk është një vit i lehtë, por për herë të parë në historinë tonë si shtet, qytetarët janë
duke e pritur ta ndjejnë dorën e shtetit. Për herë të parë ndodh që shteti duhet të ndihmojë
qytetarin për shkak të gjendjes që ne e kemi. Edhe ne vazhdojmë me prolongime, me diskutim
pas diskutimi, me shtyrje një pas një të mbledhjeve. Edhe ata janë duke na parë, duke na shikuar.
Sot jemi duke aprovuar në shqyrtim të parë këtë Projektligj dhe po sillemi zakonshëm. Po sillemi
zakonshëm në një situatë shumë të jashtëzakonshme. Nuk e di a ka situatë më të
jashtëzakonshme me të gjithë qytetarët e Republikës së Kosovës që kanë drejtuar sytë nga ne dhe
po presin që ta aprovojmë këtë projektligj.
Unë e di që mund të jetë ndoshta edhe shkencë buxheti, por këtu s’ka kohë për shkencë më. Ne
do ta kemi gjithë kohën përpara, gjithë kohën e nevojshme, që me aprovim të këtij rishqyrtimi të
183
vazhdojmë me rirregullimin e çështjeve që neve na presin dhe që nuk kanë mund të jenë të bëra
ashtu si duhet.
Andaj, duke bërë thirrje edhe një herë që në mbledhje sa më shpejt dhe atë urgjente të bëhet
ratifikimi edhe i marrëveshjeve ndërkombëtare që kanë impakt direkt në zhvillimin ekonomik.
Përgëzoj të gjithë deputetët që sot kanë shprehur vullnetin dhe dëshirën ta votojnë këtë
Projektligj që janë duke e mirëpritur qytetarët e Republikës së Kosovës. Faleminderit!
KRYETARJA: Deputeti Uran Ismaili. Nuk është këtu. Deputetja Fitore Pacolli-Dalipi e ka
fjalën.
FITORE PACOLLI-DALIPI: Të nderuar qytetarë të Republikës së Kosovës!
Të nderuar deputetë,
Në kohë krizash si kjo e pandemisë COVID-19, shteti duhet të ketë qeveri që tregon vendosmëri,
që ka imagjinatë, që fleksibilitetin dhe pjekurinë për ta nxjerrë vendin, jo të gjunjëzuar nga kriza,
por për ta nxjerrë vendin nga kriza, duke e bërë më të fortë, më të drejtë edhe më të përgatitur për
t’u ballafaquar me sfidat e radhës. Qeveria Kurti ishte Qeveri e duhur dhe në kohë të duhur,
sepse kjo Qeveri përveç që do të nxirrte vendin nga kriza me sa më pak humbje në njerëz dhe në
ekonomi, kishte kapacitet e plan që Kosovën ta bënte shtet social e të drejtë për të gjithë. Përveç
rimëkëmbjes ekonomike, do të kishim në të njëjtën kohë edhe rimëkëmbje mjedisore. Sepse
rimëkëmbja ekonomike nuk mund të ndodhë dot pa rimëkëmbje mjedisore.
Goditja nga pandemia është e rëndë për ekonominë e vendit dhe për mirëqenien e qytetarëve, por
goditja më e rëndë është rrëzimi i një Qeverie të mirë në kohë pandemie nga njerëz të pangopur e
të paaftë për ta nxjerrë vendin nga kriza pandemike dhe ekonomike.
Neve pandemia në mënyrë të dhimbshme po na ekspozon çdo ditë pabarazinë e thellë sociale,
sistemin tonë të korruptuar politik e sistemin tonë të brishtë e atë shëndetësor. Ne duhet të
kujtojmë se krizat, fatkeqësitë natyrore e pandemitë gjatë gjithë ekzistencës së njerëzimit, në
vazhdimësi, përkundër dëmeve në njerëz dhe në ekonomi, kanë krijuar mundësi të reja për të
përmirësuar politikat sociale dhe ekonomike. Pandemia globale në vitin 1918 pati shtyrë shtetet
evropiane që të themelojnë sistemin e shëndetësisë publike, ndërsa depresioni ekonomik dhe
Lufta e Dytë Botërore kanë krijuar mundësinë e krijimit të shtetit social.
Shtetet të cilat kanë histori dhe e dinë shumë mirë historinë dhe ndryshimet që kanë shtyrë
pandemitë dhe krizat e fatkeqësitë natyrore të bëhen, atëherë e kanë kuptuar saktë se edhe
ndikimi i kësaj pandemie duhet të trajtohet saktë dhe drejt në pakot e tyre dhe në buxhetet e tyre
për rimëkëmbje ekonomike. Në këto pakot e tyre të cilat tashmë i kanë bërë dhe i kanë vënë në
funksion, kanë solidaritetin dhe drejtësinë sociale parim themelor. Planet e tyre janë për
rimëkëmbje ekonomike dhe rimëkëmbje mjedisore, në përputhje me nevojat e qytetarëve të tyre
184
dhe me situatën e re të krijuar pas COVID-19. Investimet e tyre janë fokusuar në krijimin e një
normaliteti të ri, më të drejtë e më solidar sesa normaliteti që kishin para COVID-19.
COVID-19 ua ka hapur sytë qeverive anembanë botës, përveç kësaj qeverie ilegale që kemi ne.
Pabarazia, varfëria, niveli i lartë i papunësisë, niveli i lartë i ndotjes së ajrit, cilësia e dobët e ujit
të pijes dhe ndotja e tokës bujqësore e pasurimi i pafund i disa individëve, pra janë gjëra që ne i
kemi përjetuar edhe pandemisë, e këto do të përkeqësohen e thellohen edhe më tutje edhe pas
pandemisë, e pasuria e këtyre individëve vetëm sa do të shtohet.
Pastaj ju sillni në Kuvend një rishikim të buxhetit dhe na flisni për rimëkëmbje ekonomike. Kjo
qeveri ilegale ka një mendësi të stërvjetruar politike, nuk është e aftë ta nxjerrë vendin e tij nga
kriza e as të përgjigjet për nevojat e qytetarëve, e as të ndjekë hapat e shteteve evropiane, të cilat
janë duke implementuar projektet të cilat do të ndërtojnë një normalitet të ri, një normalitet më të
drejtë, më të gjelbër dhe më të mirë.
Nga reagimi shihet se ju po vazhdoni të qeverisni me këtë mendësinë tuaj të stërvjetruar politike.
Ju ende me idetë dhe imagjinatën tuaj keni mbetur në vitet 2010-2015 e ndoshta edhe më herët.
Paramendoni ju shkurtoni buxhetet te projektet sociale, shëndetësore e mjedisore, por shtoni
shpenzimet për pagat e ministrave dhe zëvendësministrave. Ju keni zvogëluar buxhetin për
ndërtimin dhe renovimin e shtëpive për raste sociale në Komunën e Obiliqit që i bie se dy-tri
familje do të mbeten pa kulm mbi kokë, mirëpo zëvendësministrat dhe ministrat e juaj do të
marrin pagat e majme. Pastaj keni ulur buxhetin për zgjerimin.
KRYETARJA: Faleminderit! Do të vazhdojmë, meqenëse jemi shumë vonë dhe për shkak të
shëndetit të gjithsecilit, ju lus që të planifikoni që t’i shfrytëzoni pesë minuta secili maksimum.
Deputeti Faton Bislimi do ta ketë fjalën, por vetëm paraprakisht një lajmërim. Në mandatin e
kaluar ka qenë i iniciuar një amendament kushtetues, i cili i ka kaluar të gjitha procedurat edhe
në Gjykatën Kushtetuese, që ka të bëjë me përfshirjen e Konventës së Stambollit, e cila i
referohet barazisë gjinore. Siç e dini kanë qenë shumica dërmuese e deputetëve të mandatit të
kaluar që e kanë nënshkruar këtë iniciativë, por për shkak të shpërndarjes së Kuvendit, është
dashur që gjithçka të kthehet në zero. Në mënyrë që ta riprocedojmë, sepse Gjykata ka kërkuar
që ta riprocedojmë amendamentin, ju lus kushdo që ka interesim dhe shpresoj mos të ketë vetëm
gra, por edhe burra, që janë pro barazisë gjinore, që ta nënshkruajnë këtë amendament. Do ta lus
administratën që ta shpërndajë. E keni edhe sqarimin. Pra, është vetëm riprocedim, sepse na
duhet të kthehemi në pikën zero, e pastaj pas kalimit të procedurave në Gjykatën Kushtetuese
edhe një herë kthehet te ne dhe i kërkon siç e dini dy të tretat, shumicën e dyfishtë.
Deputeti Bislimi e ka fjalën.
185
FATON BISLIMI: Faleminderit, zonja kryetare!
I nderuar Kabinet qeveritar,
Të nderuar deputetë,
Qytetarë të dashur të Republikës,
Diskutimi që sot po bëhet për buxhetin ose rishikimin e buxhetit, po bëhet në një gjendje
emergjente me të cilën ballafaqohet shteti dhe shoqëria jonë. Jemi në kohë pandemie dhe nevojat
e qytetarëve, të bizneseve dhe të shoqërisë në përgjithësi janë të mëdha dhe të paprecedenta
ndonjëherë më parë.
Pamundësia që t’i dalim në krah të gjithë atyre që kanë sot nevojë, nuk do të duhet të jetë
formulë që të mos bëjmë maksimumin e mundshëm që t’u ndihmohet sa më shumë njerëzve, sa
më shumë bizneseve dhe sa më shumë shoqërisë në përgjithësi, që kjo pandemi shëndetësore, në
asnjë moment të mos kthehet në një tragjedi ekonomike më pastaj.
Prandaj, ky buxhet në një kohë të vështirë siç është kjo që po jetojmë sot, në mënyrë maksimale
duhet të shmangë çfarëdolloj perceptimi që fondet në dispozicion që i ka Qeveria e Republikës
së Kosovës të shkojnë për çfarëdo blerje, për çfarëdo kosto e cila për kohën e sotme do të
konsiderohej luks.
Janë disa çështje të vogla që do të doja t’i veçoja dhe shumë të tjera, por për shkak se dua të mos
e tejkaloj kohën time dhe dua t’i përgjigjem asaj që u tha më herët për qytetin tim. Kisha kërkuar
nga ministrja që të ketë konsideratë për amendamentet dhe kërkesat me shkrim që do t’i paraqes
në lidhje me disa nga çështjet që janë vërejtur në buxhetin e dorëzuar për lexim të parë.
Ndërsa sa i përket asaj që u tha më herët për Gjilanin, krejt çka më duhet të them është se është
goxha e panjerëzishme, e pahijshme, për të mos thënë më shumë, që ata të cilët preventojnë dhe
bojkotojnë votimin e marrëveshjeve ndërkombëtare, veçanërisht atë për ujërat e zeza në Gjilan,
të flasin për Gjilanin. Kjo është më shumë se faqe e zezë. Është njëfarë afeksioni për këto ujërat
e zeza, që veç këta mund t’i kuptojnë edhe t’i duan.
Ndërsa sa i përket pjesës tjetër të buxhetit, kisha pasur qejf t’ia rikujtoj parafolëses se Komuna e
Gjilanit vazhdon me hap dhe intensitet të madh të jetë përgjegjëse për ndërtimin e një standardi
më të mirë të jetës për qytetarët e Gjilanit. Në qoftë se nuk e ka lexuar buxhetin voluminoz prej
511 faqesh, shkurtimisht ia kisha rikujtuar që ka me qindra mijëra euro të cilat do të përdoren për
ndërtimin e rrugëve në fshatrat e Gjilanit, Pogragjë, Stublinë, Dobërçan, Zhegër, Uglar, Zabel,
Kosaqë, Livoç e kështu me radhë. Në qoftë se nuk e ka ditur që këto fshatra janë në Gjilan, është
mirë t’i dijë. Është mirë të dijë që qytetarët e këtyre fshatrave kanë nevojë për rrugë, qysh ka
nevojë komplet Gjilani të heqë problemin e ujërave të zeza. Është mirë të dijë deputetja në fjalë
që Gjilani ka përfituar edhe vazhdon të jetë përfitues për shkak të performansës së mirë të shumë
granteve të tjera, të cilat shkojnë në sistemin e arsimit. Mbi 1 milionë euro ose në ndërtimin, ta
186
veçoj vetëm një, p.sh. ndërtimin e shkollës së muzikës 325 mijë euro e kështu me radhë. Ka
shumë investime që po bëhen në Gjilan dhe do të vazhdojnë të bëhen në Gjilan, për shkak se janë
pjesë e pandashme e strategjisë dhe vizionit të udhëheqjes komunale për të çuar përpara misionin
që ata e kanë për një Gjilan me një jetë më të mirë për qytetarët që jetojnë aty.
Ndërsa po i rikthehem edhe një herë çështjes së draft-buxhetit që është prezantuar. Kisha lutur
ministren dhe thash do t’i dorëzoj këto kërkesa edhe me shkrim, që gjërat siç janë mobiliet,
automjetet e blinduara, ose kjo që ma ka tërhequr vëmendjen shumë, 425 mijë euro nga Dogana
e Kosovës për programin Linuks, a gjithë bota e di që programi Linuks është falas, është
platformë falas. Është e pakuptimtë! Për mendimin tim këto mjete për mobilie e këso gjërash nuk
është koha t’i çojmë sot, po siç e thash unë do t’i dorëzoj edhe me shkrim kërkesat e mia, sepse
prej krejt këtyre mjeteve veç pak t’i reduktojmë, s’po them t’i heqim krejt, ne mund të nxjerrim
një fond diku prej 555 mijë eurove, i cili do të mund të ndahej për një fond nacional të
ekselencës e t’i përkrahim studentët, sepse në fund të ditës është pjesë elementare e shoqërisë
sonë edhe unë nuk e dëgjova askënd që e përmendi deri tash. Është barra më e madhe që e kanë
prindërit, edhe secila familje në Kosovë. E sa për mobilie të reja, prej Presidencës që ka kërkuar
e deri te Ministria e Jashtme, le të rrinë në ato karrige që i kanë pasur deri sot se mund ta shtyjnë
edhe një vit, mandej vitin tjetër po ua blejmë të reja pa problem. Por ta tejkalojmë këtë situatë
emergjente, edhe të ndihmojmë dorën e shtetit ta hetojë edhe ajo pjesë e shoqërisë sonë, pra
studentët. Faleminderit!
KRYETARJA: Deputetja Arbërshë-Kryeziu, replikë!
ARBËRESHË KRYEZIU-HYSENI: Atëherë, z. Bislimi, ju e dini mjaft mirë. Është tjetër gjë që
po mundoheni ta mbuloni këtë sot, por projekti për trajtimin e ujërave të zeza ka njëmbëdhjetë
vjet që zvarritet nga qeverisjet komunale, edhe që zakonisht riaktualizohet vetëm kur komuna e
gjen veten para fushatave zgjedhore. Njëjtë po bëni edhe tash, kështu që kur po mundoheni ta
bindni opinionin publik që ne gabuam e ju patët të drejtë, sepse në fakt juve as nuk ju intereson
ta zgjidhni këtë problem shumëvjeçar, sikur nuk ju ka interesuar asnjëherë deri më tash.
Ndërkohë që akoma më e pahijshme sesa ajo që konsideroni ju që është e pahijshme nga ana
ime, është që të mos votoni Ligjin për COVID-19 në një kohë kur ne po e përjetojmë pikun e
përhapjes së virusit në vendin tonë, e që jeni pjesë e një koalicioni me Listën Serbe, e ku
kryeministri juaj është i varur nga secila votë e secilit deputet të Listës Serbe, ku keni një
zëvendëskryeministër si Goran Rakiq, të cilin ju madje nuk votoni as ta shkarkoni kur ai i
referohet shtetit tonë me Kosovë e Metohi.
Sa i përket buxhetit për nivelin komunal, unë e di mjaft mirë dhe ju gënjeni kur thoni që e keni
përfshirë, sepse nuk është i përfshirë shpronësimi që ndërlidhet me pronat ku pritet të ndërtohet
impianti.
187
Sa i përket shkollës së muzikës që e përmende pak më herët, më lejo ta kujtoj që nga viti 2016
zvarritet ky projekt dhe tavani i shkollës së muzikës ka filluar të bie përtokë, sepse askush nuk
merr përgjegjësi për atë shkollë, ndërkohë që nxënësit e kësaj shkolle enden në shkolla të
ndryshme për të vijuar mësimet. Sa i përket asaj se si do të na përgjigjen qytetarët ndaj këtyre
veprimeve tona, e kemi sondazhin e fundit të UBO Consulting që e ka nxjerrë 56 ulëse për neve
Lëvizjen Vetëvendosje. Qytetarët kanë votuar dhe madje edhe qytetarët e Gjilanit, kështu që nuk
keni nevojë të merakoseni fort për këtë punë. Faleminderit!
KRYETARJA: Kundër-replikë, Faton Bislimi!
FATON BISLIMI: Faleminderit, zonja kryetare!
Mua më vjen keq, unë nuk dua të degradoj foltoren e Parlamentit e t’i them dikujt po gënjen.
Gënjeshtra vjen pikërisht nga parafolësja. Le ta shikoj kodin buxhetor 18746. Le ta lyp atje në
Projektbuxhet. Ndoshta s’ka pasur kohë ta shfletojë se goxha voluminoz, 511 faqe, e gjen se nga
projektbuxheti janë planifikuar minimum një milion euro për këtë vit për impiantin e ujërave të
zeza, pjesë e të cilave ka të bëjë me kompletimin e këtij projekti deri në fund. Edhe me
shpronësimet zonjës deputete ia rikujtoj se shpronësimet bëhen me marrëveshje, dhe në bazë të
ligjit ka afat dyvjeçar për kryerjen e pagesave dhe në atë periudhë proceset e ndërtimit
vazhdojnë. Kështu që nuk ka të bëjë me pengesa dhe vonesa nga institucionet komunale, ka të
bëjë me papërgjegjësinë totale, me injorancën totale që këta janë duke ia bërë qytetit të Gjilanit.
Ju jeni duke i bërë zullum Gjilanit, vazhdoni t’i bëni zullum se e paguani kur të vjen minuta.
KRYETARJA: Deputetja Time Kadrijaj e ka fjalën.
TIME KADRIJAJ: Faleminderit, kryetare e Kuvendit!
Normal që jemi në një pikë duke e diskutuar buxhetin e rishikuar dhe atë që presin të gjithë
qytetarët prej neve është sot që ta miratojmë dhe njëkohësisht pas kësaj në një seancë të radhës
edhe marrëveshjet që po presin.
Por, Kryetare e Kuvendit jam ndier mirë kur je zgjedhur Kryetare e Kuvendit, por po ndihem çdo
ditë keq, ngase në fjalën e juaj pak më parë, harruat apo me qëllim nuk e përmendët inicimin e
nënkryetares së Kuvendit në legjislaturën e gjashtë Aida Dërguti, e cila ka iniciuar propozimin
për ndryshimin e amendamentit, pra sa i përket Konventës së Stambollit dhe më 9 gusht të vitit të
kaluar ka marrë edhe miratimin nga Gjykata Kushtetuese. Në fakt, edhe ajo ju është drejtuar me
një letër juve. Është e moralshme mbi të gjitha si femër dhe si nënkryetare ta përmendni, se
iniciativa ka qenë e saj, e mbështetur nga 80 deputetë. Të paktën vetëm emrin t’ia përmendni,
sepse meritat nuk mundet askush askujt t’ia marrë. Por, mbi të gjitha si femra duhet të tregojmë
një shembull. Në këtë rast Kryetare duhet ta përmendësh si gra, duhet përmendur sepse Aida
Dërguti në cilësinë e nënkryetares së Kuvendit në legjislaturën e gjashtë e ka dhënë propozimin
dhe në këtë legjislaturë ju është drejtuar juve me një shkresë.
188
Unë besoj që edhe deputetet e kanë, një shkresë zyrtare që ju ka çuar juve si Kryetare e
Kuvendit, por ajo më 9 gusht e ka marrë edhe miratimin prej Gjykatës Kushtetuese. Tani të
paktën vetëm ta përmendni, ka mbetur pa u votuar për shkak të votave të Listës Serbe.
Prapëseprapë dhuna nuk njeh as moshë as gjini, as etni. Po mbi të gjitha kjo është një meritë dhe
si një grua po dua ta përmend sepse ka qenë meritë e saj. Unë normal që pres që edhe në këtë
legjislaturë ta marrë mbështetjen e parezervë të të gjithë deputetëve.
KRYETARJA: Ishit jashtë temës për të cilën po debatojmë, në kundërshtim me Rregulloren e
Kuvendit. Por, megjithatë ish-nënkryetarja e Kuvendit, është e vërtetë që e ka iniciuar. Unë e
përmenda qartë që ka qenë e iniciuar në mandatin e kaluar. Pra, nuk është iniciativë tash e dikujt
me emër e mbiemër, edhe është tejkalim i çdo norme normale në këtë Kuvend, në qoftë se ju tash
e nxirrni prej kontekstit dhe thoni që dikush po do të marrë merita. Merita do të marrë secili
deputet që e nënshkruan këtë nismë tash. Nuk është nismë e imja, është nismë e Kuvendit dhe e
sqarova shumë mirë për këdo që ka vesh dhe këdo që nuk është verbuar nga mëria e sqarova
tepër mirë, që tani po duhet të riprocedohet për shkak se ka pasur zgjedhje në ndërkohë, dhe
sikurse çdo ligj tjetër, për juve që nuk e dini, sikurse çdo ligj tjetër, duhet edhe ky dokument të
riprocedohet, pra në mblidhen 30 nënshkrime. Kur të mblidhen 30 nënshkrime, shkon prapë në
Gjykatën Kushtetuese dhe në Gjykatën Kushtetuese e ka për obligim ta dërgojë Kryetarja e
Kuvendit, secilin propozim-amendament, në qoftë se s’e ke ditur zonja deputete. Edhe kur të
kthehet prej Gjykatës Kushtetuese do të vjen në këtë Kuvend dhe unë shpresoj që do t’i marrë dy
të tretat e nevojshme preja asaj që kërkohet në Kushtetutë.
Po vazhdojmë me debatin në lidhje me rishikimin e buxhetit. Ju lus të qëndroni brenda temës.
Natyrisht që ne e vlerësojmë edhe kontributin e ish-nënkryetares Dërguti edhe secilit deputet që e
përkrah një nismë dhe cilëndo nismë që ka të bëjë me barazinë gjinore, por ajo që është e
patolerueshme është që njerëzit të fyhen dhe të nxirren prej konteksti kinse po marrin merita pa
asnjë arsye.
Fjalën e ka deputeti Artan Abrashi.
Deputetë të nderuar, mbajeni distancën! Minimum një karrige në mes duhet ta keni përgjatë tërë
seancës.
ARTAN ABRASHI: Faleminderit, kryetare!
E nderuar kryetare e Kuvendit,
Të nderuar deputetë,
Meqenëse ka probleme teknike atje, nuk po mund të adresohemi nga vendi. Në pika të shkurtra,
rishikimi i buxhetit është instrument ligjor dhe natyrisht e kuptojmë kur vjen puna te ndryshimet
ndoshta të domosdoshme dhe që mund të bëhen, por çështja është se për çfarë ndryshime po
bëhet fjalë.
189
Në shikim të parë kur ia lëshuam ne këtij propozimi që erdhi në Kuvend, realisht nuk kemi të
bëjmë me asgjë konkrete dhe asgjë të rëndësishme. Tashmë është bërë praktikë nga kjo Qeveri
që sa herë duan t’i kalojnë çështjet të cilat janë hesape të pazareve politike, duke filluar nga
kalimi i mocionit të mosbesimit ndaj Qeverisë Kurti, pastaj nga votat e fituara me zor për
Qeverinë koti, e deri te votat eventuale të ndonjë interesi të ulët individual grupor. Pra kemi të
bëjmë me një projekt për akomodimin e kërkesave banale. Ky buxhet nuk ka lidhje me COVID-
19. Ky buxhet nuk ka lidhje me kursime. Ky buxhet nuk ka lidhje me asnjë interes të qytetarëve
të Republikës së Kosovës. Ju lutem!
E dyta, është me të vërtetë për keqardhje që praktikat e hakmarrjes politike që ne si deputetë të
Kuvendit të Kosovës është dashur që moralisht për hir të një mirëbesimi t’ia lëmë të kaluarës, po
të instrumentalizohen në përmasat e politikave buxhetore të shtetit, kjo është absurde. Pra, kemi
të bëjmë me një përpjekje ku shumë komunave të cilat nuk janë partitë politike që sot aktualisht
janë në qeverisje, nuk janë parti politike të cilat pritet të vijnë në qeverisje së shpejti, pra ky
buxhet po ndëshkon qytetarët e Republikës së Kosovës që nuk kanë të bëjnë me parti politike.
22 marrëveshje të bashkëfinancimit të nënshkruara me Komunën e Prizrenit pothuajse janë
anuluar. Po them janë anuluar, a e dini pse? Sepse në marrëveshjet e bashkëfinancimit, po u
zvogëlua një shumë, ai projekt anulohet. Këtu mund t’i lexoj, po nuk po dua ta ngarkoj
mbledhjen. Kemi anulimin e çerdheve publike, që është kërkesë imediate. Po privohen qytetarët
e Prizrenit që ta kenë dorën e shtetit të përkujdeset për fëmijët e tyre. Për çka? Në emër të
kursimit? Shumë bukur! Shitini xhipat! Shkarkojini këshilltarët! Shkarkojini zëvendësministrat
që nuk dinë as vetë çfarë pune kanë aty. Mos i mbyllni çerdhet në Prizren!
Çfarë politika kursimtare po flasim këtu? Po flasim për anulimin e rrugëve të cilat kanë karakter
të zhvillimit ekonomik, sepse turizmi, zhvillimi i kulturës janë asete ekonomike të rajonit prej
nga vij. Po anulohet shkolla e muzikës, shkollat. Po anulohet stadiumi, shtëpia e kulturës, edhe
këto të minoriteteve është fjala. Po anulohet objekti i Ministrisë së Kulturës që ka qenë premtim.
Muzeu arkeologjik. Edhe me muze keni probleme. Rivitalizimi i rrugës Marin Barleti që është
bashkëfinancim me Ambasadën Britanike për të rivitalizuar zonën historike të Prizrenit.
Ky buxhet-propozim, rishikim, është në funksion të hakmarrjes politike e cila po instalohet nga
kjo Qeveri dhe kjo është me të vërtetë për keqardhje. Këto praktikat mesjetare mbi bazën e
diskriminimeve rajonale janë për të ardhur keq. Janë për të ardhur keq, por le të mbetet në
ndërgjegjen tuaj.
Lëvizja Vetëvendosje nuk do ta votojë ashtu siç thanë edhe parafolësit këtë përpjekje skandaloze
për të instaluar një diktat politik ndaj qytetarëve të cilët nuk pajtohen me politikat e juaja të
gabuara. Nuk do ta votojmë. Pra, nuk jemi si disa parti të cilat sot na mbajtën ligjërata se është
190
keq, është planifikuar keq, është projektuar keq, nuk i shërben qytetarëve, nuk i shërben
zhvillimit ekonomik, nuk i shërben pandemisë, kalimit të kësaj sfide, por do ta votojmë.
Lëvizja Vetëvendosje nuk voton projekte të këqija. Do t’i kundërshtojë të gjitha ato. Kurse sa i
përket PDK-së e cila secilin fjalim ia nis me Qeverinë Kurti, ta merr mendja që ky rishikim ka
ardhur nga Qeveria Kurti, e kisha lutur Kryetaren e Kuvendit së paku që ta informojë edhe
zyrtarisht që është.
KRYETARJA: Kolegë të nderuar,
Vazhdimin e seancës e filluam me nga pesë minuta strikt për secilin. Ju lus që ta planifikoni si të
tillë, sepse pastaj po ka edhe replika e kundër-replika dhe ato po u mundësojnë të flasin përsëri
dhe t’i thoni gjërat që s’keni arritur t’i thoni.
Fjalën e ka deputetja Besa Gaxherri nga LDK.
BESA GAXHERRI: Faleminderit, zonja kryetare!
Të nderuar kolegë deputetë,
Ju Kabinet qeveritar,
Projektligji i buxhetit apo rishikimi i buxhetit gjithmonë është dokumenti më i rëndësishëm për
një shtet, në këtë rast edhe për Republikën e Kosovës. Por, rishikimi i buxhetit kësaj radhe apo
këtë vit është ndryshe nga sa mbaj mend unë nga mandati i parë në historinë e Kosovës si
Kuvend i Republikës së Kosovës.
Prandaj, me këtë rast po dua të them se nuk ka nevojë të përgëzojmë Qeverinë sepse çdo Qeveri
e ka obligim të punojë, por unë me këtë rast dua të përgëzojë ministren Bajrami e cila vetëm për
një muaj, duke pasur parasysh që ne ekonomistët të cilët e dimë çka do të thotë të bëhet një
rishikim i tillë çfarë e kemi sot si dokument para sysh. Dhe nga ata të cilët kanë përvojë në punën
për të hartuar qoftë buxhetin, qoftë rishikimin, në një situatë çfarë jemi sot në Republikën e
Kosovës, shkaktuar nga pandemia botërore. Prandaj, aprovimi i rishikimit të këtij buxheti është
natyrisht shpresë për punëtorët, është shpresë për bizneset, edhe për kategoritë sociale në
Republikën e Kosovës.
Kolegë të nderuar deputetë,
Ky vit me gjithë këto probleme të shkaktuara nga pandemia, për secilin deputet i cili gjen arsyen
për të votuar dhe për t’i dalë qytetarëve përpara me arsyen se vërtet ne po u zgjedhim probleme,
unë ju përgëzoj, sidomos deputetët nga opozita. Natyrisht që më vjen shumë keq për ata deputetë
të cilët derdhin lot krokodili duke vajtuar për qytetarët e Republikës së Kosovës, ndërsa nuk janë
të gatshëm të marrin pjesë në proces, të japin mendime konkrete apo amendament konkret, po
natyrisht që procedurat t’i kalojmë ashtu si duhet. Kjo është për të ardhur keq dhe pikërisht sot
këtu të diskutohet për komunat e caktuara, e për komunat e caktuara ishin marrëveshje
191
ndërkombëtare, për të cilat nuk e gjetët fuqinë për t’i votuar, ndërsa sot vajtoni për ujin nëpër
komuna të caktuara, për kanalizime e kështu me radhë.
Për shkak të kohës së shkurtër që e kemi për të diskutuar, do të mundohem të ndalem shkurt në të
hyrat, në shpenzimet e këtij buxheti që janë planifikuar dhe natyrisht në investimet kapitale. Dua
ta ritheksoj për qytetarët, në rend të parë, sepse në projektet e investimeve kapitale nuk është
devijuar asnjë investime kapital. Ato të cilat janë veç të aprovuara dhe kanë filluar, faktikisht as
nuk ka të drejtë ligjore kush t’i tërheqë mjetet. Natyrisht që janë tërhequr mjetet nga ato projekte
të cilat nuk janë aranzhuar, ose nga ato projekte të cilat për këtë vit janë të ndara kushtimisht
miliona të caktuar, por nuk mund të shpenzohen. Sepse ne e dimë që tashmë e kemi kaluar
gjysmën e vitit dhe e dimë që për katër-pesë muaj nuk mund të shpenzohen paratë e caktuara dhe
me të drejtë ministrja i ka planifikuar dhe i ka ndarë si kursime.
Siç e dimë të gjithë pra, janë planifikuar të jenë diku 2 miliard e 20 milionë euro si të hyra, por
natyrisht që tashmë me krizën e pandemisë ne i kemi 1 miliard e 788 milionë euro dhe prandaj
duhet të planifikojmë në bazë të këtyre të hyrave që kemi, edhe shpërndarjen e tyre. Pra, po i
kaloj të hyrat me kaq, sepse unë e di që e keni dokumentin secili para jush dhe po flasim në
lidhje me shpenzimet që sipas Ligjit nr. 07/001 për ndarjet buxhetore pra për vitin 2020 ishin
paraparë të jenë 2 miliardë e 357 milionë euro, kurse gjatë rishikimit të buxhetit parashikohen të
jenë 2 miliardë e 772 milionë euro, pra duke parashikuar programin e rimëkëmbjes, i cili
program parashihet të jetë 385 milionë euro dhe këto para parashihet të vijnë nga kursimet që
janë bërë, pra i diskutuam shumicën prej tyre, nga donacionet dhe nga kreditë.
Unë mendoj se ka hapësirë apo duhet të gjejmë arsyen që vërtet të jemi të arsyeshëm. Për shumë
kërkesa që unë kam parasysh që janë të drejta nga komuna secili që vijmë, por ne kemi para
vetes një krizë të thellë pandemike, e cila ka shkaktuar krizë të thellë ekonomike. Prandaj, ky
buxhet.
KRYETARJA: Deputeti Shpejtim Bulliqi e ka fjalën.
SHPEJTIM BULLIQI: Faleminderit, kryetare!
Të respektuar deputetë,
Të dashur qytetarë të Kosovës,
Nëse e analizojmë këtë buxhet të rishikuar do të hasim shumë diskrepanca në lidhje me një
numër të madh të projekteve buxhetore të nevojshme dhe me prioritet. Mjafton të ndalemi te
Ministria e Arsimit. Është një ministri e cila vërtet është përballur relativisht shumë me çështjen
e pandemisë dhe duket që kjo ministri prapë ngecet në të njëjtin buxhet, të cilin faktikisht e ka
pasur, përkundër faktit që parashikohet që edhe në muajt në vijim, do të jenë muaj problematikë,
dhe për këtë arsye është dashur që të ketë një ngritje buxhetore brenda kësaj ministrie.
192
Te çështja e programit të rimëkëmbjes ku janë grumbulluar një shumë prej 385 milionë euro, në
suaza të këtij programi parashihet te pagat dhe shtesa diku rreth 14 milionë euro. Shpresojmë që
këto ose më mirë të them këtu shtrohet pyetja se këto ndarje të specifikuara në këtë kategori
shpenzimesh, a janë planifikuar që t’i kompensoni numrin enorm të zëvendësministrave tuaj apo
ashtu siç e do rendi dhe nevoja t’i ndani për kategoritë e rrezikuara të stafit mjekësor, të cilët në
kushte relativisht të rënda, janë duke bërë një punë të pamohueshme në këtë fazë të pandemisë.
Sigurisht që të njëjtën problematikë e ka edhe kategoria e zjarrfikësve të cilët qysh moti është
premtuar që do të rregullohet çështja e pagave të tyre dhe sot e kësaj dite d.m.th. kjo Qeveri as
qeveritë e mëhershme nuk janë marrë me këtë kategori.
Një pozicion i cili bie në sy, këtu është në kodin buxhetor 181615, ku shkruhet impianti për
trajtimin e ujërave të zeza dhe prapa saj është një pikëpyetje. Është ndarë një shumë buxhetore
për Komunën e Podujevës 2 milion e 670 mijë euro dhe duhet t’u bëhet me dije qytetarëve se
nuk është fjala për impiant dhe kjo terminologji e përdorur është sa për t’u hedhur hi syve
qytetarëve të Llapit, por është fjala për një kolektor, ose më mirë të themi një gyp F-1000, i cili
buxhetit të Kosovës po i kushton mbi 500 mijë euro një kilometër, dhe këto para janë marrë kredi
dhe do t’i kthejnë qytetarët e Podujevës në vitet në vijim.
Po ndalem tani te planifikimet buxhetore për Komunën e Podujevës. P.sh. e kemi një kategori
buxhetore ku thuhet kësisoj: ngritja e pendave dhe kanaleve ujitëse, ku është ndarë një shumë
buxhetore dhe ajo planifikohet të realizohet nga rrjedha e lumit Llap dhe mund ta keni parasysh
që lumi Llap është aq i ndotur dhe uji i tij është aq i ndotur saqë nuk ka mundësi në asnjë formë
të përdoret për kategori. D.m.th. janë shpenzime të planifikuara pa asnjë justifikim, vetëm e
vetëm që të zihet një kod buxhetor.
Ose në një kategori tjetër, ku thuhet ndërtimi i një qendre të mjekësisë familjare, pa e specifikuar
vendin, ku është ndarë po ashtu një shumë e mjeteve. Në qoftë se ndalemi dhe e analizojmë
planifikimin hapësinor për Komunën e Podujevës ose për Llapin në përgjithësi, është komplet i
dedikuar për asfalt dhe këtu shtrohet një pyetje shumë e thjeshtë, ku janë hartat zonale të qytetit
të Podujevës dhe pse a thua nuk bëhet? Për arsye pushteti lokal atje do të manipulojë me
qytetarët në format dhe mënyrat çfarë ka manipuluar deri sot.
Për Llapin është jetike çështja e ndërtimit edhe e ndarjes së buxhetit për një shtëpi të kulturës,
për arsye se jemi e vetmja komunë ndoshta në Kosovë e cila nuk ka shtëpi të kulturës. Edhe pse
qeveria lokale atje planifikon para për teatrin e qytetit, pavarësisht faktit se s’kemi fare shtëpi të
kulturës.
Çështja tjetër që është jashtëzakonisht jetike për qytetarët llapjanë, janë çerdhet publike, të cilat
Llapi e ka vetëm një publike në krejt komunën dhe mendojmë, të gjithë e dimë se cila është
rëndësia e edukimit të hershëm për fëmijët tanë.
193
Një numër i rrugëve të disa lokaliteteve të cilat duket se janë përmendur në buxhetin komunal,
faktikisht janë rrugë të cilat janë përcaktuar dhe të padefinuara dhe janë thirrur në rrugë të një
lokaliteti të caktuar, sepse ju e dini shumë mirë, edhe opinioni publik e di shumë mirë, që
lokalitetet tona kanë një numër të madh të rrugëve brenda për brenda lokaliteteve, prandaj për të
kalkuluar më vonë rreth këtyre rrugëve, është bërë një formë e kalkulimit të tillë.
Po jap edhe një shembull të keq të përgatitjes së këtij buxheti. Është planifikuar për një kompleks
memorial.
KRYETARJA: Faleminderit! Fjalën e ka Hajrullah Çeko!
HAJRULLAH ÇEKO: Faleminderit, zonja kryetare!
Janë tri çështje që dua t’i ngre sot si reagim ndaj Projektligjit për rishikimin e buxhetit: është
trashëgimia kulturore, planifikimi hapësinor dhe Komuna e Prizrenit.
Nisim nga trashëgimia, një nga sektorët që ka pësuar më së shumti nga neglizhenca
institucionale dhe veprimet e paligjshme të grupeve të fuqishme të interesit në Kosovë.
Në programin qeveritar për trashëgimi keni premtuar shumë, skajshmërisht shumë. Sa për
ilustrim, aty flisni për shumë zotime: zbatimi i strategjisë nacionale, funksionalizimi i të gjitha
institucioneve, fondi i veçantë për hulumtime, mbrojtje e monumenteve, fondi i veçantë
kombëtar për restaurime etj. Të gjitha këto zotime, e në ndërkohë e keni shkurtuar buxhetin për
trashëgimi kulturore. Ose nuk keni qenë serioz nga fillimi dhe keni përpiluar një listë të
dëshirave për trashëgiminë, ose ndërkohë e keni ndërruar mendjen, dhe keni hequr dorë nga
mbrojtja e trashëgimisë kulturore. Na tregoni cila është e vërteta. Rrënimi i monumenteve në
Kosovë është realitet i dy dekadave të fundit. Këtë e dinë të gjithë. Por, në shumë qytete tona,
grupe të interesit janë duke e shfrytëzuar pandeminë për të rritur dinamikën e rrënimeve. Humbja
e vlerave ka ardhur si pasojë e buxhetit të vogël shtetëror për mbrojtjen e monumenteve. Ju me
këtë rishikim po e shkurtoni edhe më shumë buxhetin, edhe ashtu të pamjaftueshëm për
trashëgiminë kulturore.
E dyta, planifikimi hapësinor. Në këtë fushë keni dëshmuar konsistencë të plotë. Ju përgëzoj për
këtë! Megjithatë, kjo konsistencë është për keq, dhe jo në kuptim pozitiv.
Në programin qeverisës nuk e keni thënë as edhe një fjalë për planifikimin hapësinor, njëri ndër
sektorët esencial për zhvillimin ekonomik. Si rrjedhojë, nga totali 1.7 milion euro, buxhetin për
planifikim hapësinor e keni zbritur në vetëm 660 mijë euro. Ky është një fakt i frikshëm që ndër
të tjera tregon që kjo Qeveri nuk ka pikë interesimi për t’u marrë me problemet jetike të vendit,
si degradimi urban, ndërtimet pa leje, uzurpimi i hapësirave publike, e kështu me radhë.
194
Së treti, banorët e Komunës së Prizrenit i keni diskriminuar pa dhimbje.
Banorët e komunës së Prizrenit do të pësojnë rëndë me këtë rishikim. Me propozimin tuaj,
parashihen shkurtime në të paktën 22 projekte të rëndësishme, në shumën 1.9 milionë euro.
Vetëm për këto projekte po flas. Një pjesë e madhe e këtyre janë projekte në realizim dhe me
heqjen e këtyre 1,9 milion eurove do të shkaktoni vonesa në kryerjen e punëve, deri në rrezikim
të plotë të tyre, duke e futur komunën në obligime të pashlyeshme ndaj kontraktorëve.
Këto linja buxhetore i keni shkurtuar të ulur në zyrat tuaja, duke i lëvizur numrat në tabelat e
Excel-it. Pra, pa asnjë ndjeshmëri ndaj qytetarëve dhe nevojave të tyre në komunat e Kosovës.
As edhe një konsultim me kryetarin e Komunës së Prizrenit ose zyrtarët e tjerë komunalë atje.
Në listën e projekteve të goditura, një numër i madh i tyre janë në fshatrat e komuniteteve
joshumicë në Prizren. Ky është një diskriminim shtesë ndaj komuniteteve joshumicë - sidomos
atij boshnjak - të cilët edhe ashtu përballen me probleme pakrahasimisht më të mëdha sesa
popullsia shumicë. Faleminderit!
KRYETARJA: Fjalën e ka Mefail Bajqinovci.
MEFAIL BAJQINOVCI: Përshëndetje, e nderuara kryetare e Kuvendit!
Të nderuar kolegë,
Qytetarë të Republikës së Kosovës,
Unë sot do të flas për një kategori e cila është lënë anash dhe do të flas në emër të tyre, pra bëhet
fjalë për zjarrfikësit e Kosovës, të cilët më kanë shkruar sot dhe kanë kërkuar ta marrë fjalën për
kërkesat e tyre, të cilat nuk janë marrë parasysh as në këtë rishikim.
Kur po flasim për rishikimin e buxhetit, prapë janë lënë anash kjo kategori mjaft në kushte të
rënda. Ata janë zjarrfikësit e Kosovës. Edhe në këtë projektbuxhet nuk janë paraparë asgjë nga
ata që kanë kërkuar, dhe që i meritojnë të kenë. Zjarrfikësit që nga viti 2012 janë pa vijë të
planifikuar të buxhetit. Ministria e Punëve të Brendshme nuk ka planifikuar buxhet, për shkak se
nuk e lejon Ligji për financa lokale, pra për komuna. Komunat nuk kanë planifikuar buxhet, se
thonë për shkak se aludojnë se zjarrfikësit janë staf i MPB-së, pra AME-së, Agjencisë për
Menaxhimin e Emergjencave dhe nuk kanë mundësi që të planifikojnë buxhet për një subjekt
tjetër.
Kjo do të thotë se zjarrfikësit janë pa buxhet. Merreni me mend, janë staf i MPB-së, ndërsa
paguhen nga komunat. Edhe në pasqyrat buxhetore pra në këtë rishikim të buxhetit po vërehet se
nuk ka buxhet të planifikuar, edhe pse çdo herë nga viti 2012 në vazhdimësi në planifikim të
buxhetit dhe në rishikim të buxhetit, çdo vit është kërkuar nga sindikata e tyre, por edhe nga
zjarrfikësit komplet që të planifikohet buxheti, por kjo nuk është marrë parasysh. Vetëm janë
anashkaluar.
195
Po ju njoftoj pak me pozitën e zjarrfikësve dhe po ju bëj një kronologji të shkurtër, sepse jam
marrë me vite të tëra me problemin e tyre. Zjarrfikësit që nga paslufta janë kategoria më e
diskriminuar dhe janë ballafaquar me një trajtim joadekuat. Pothuajse asnjë Qeveri nuk është
marrë me problematikën e këtij shërbimi, i cili është transferuar nga niveli qendror në atë lokal
1999-2003, kurse nga viti 2012 ky shërbim është transferuar në nivel qendror. Për sa i përket
kushteve të zjarrfikësve, ato janë kushte që i ngjajnë një shteti të Afrikës, pra botës së tretë.
Trajtimi jo i duhur dhe neglizhent për zgjidhje të problemit të cilat ballafaqohen zjarrfikësit, e
kanë vendosur këtë shërbim në gjendje që askush nuk qan kokën për ta e askush nuk merr
përsipër obligimet dhe detyrimet që i kanë.
Çdo qeveri që nga paslufta i ka mashtruar zjarrfikësit, duke u premtuar zgjidhje të problemit të
tyre. Sot zjarrfikësit ballafaqohen me problemin e definimit të statusit të tyre, ata janë punëtorë të
Ministrisë së Punëve të Brendshme, por pagat dhe investimet bëhen nga komunat. Kjo ka sjellë
te një gjendje ku komunat nuk çajnë kokën për investime, nuk parashohin investime për ta, kurse
Ministria arsyetohet me mungesë kompetence. Dikush e ka fajin, po askush s’e merr.
Me këtë rast, zjarrfikësve u është shtuar edhe ky problem, kush është punëdhënësi i vërtetë i
tyre? Rasti i Prishtinës, kur shpallet konkursi për zjarrfikës, ata pranohen nga AME-ja, por
Komuna refuzon futjen e tyre në listën e pagave. Pra, secili mundohet të marrë kompetencat kur
është puna te punësimet.
Kur jemi te koeficienti i pagave, duhet ditur se një zjarrfikës koeficientin e ka 4.83, kurse
pastruesit e kanë 5. Nuk u bëhen pagesat për punët e natës, orët e tepërta, orët e festave dhe
vikendet. Zjarrfikësit nuk kanë kushte, pra nuk kanë sigurim shëndetësor, edhe përkundër që
puna e tyre e ka shkallën e lartë të rrezikut. Hiqni zëvendësministrat, hiqni xhipat, paguani
zjarrfikësit.
Sa për informacion, rreth 300 zjarrfikës kanë pësuar lëndime në vendin e punës dhe mbi 10 mijë
ndërhyrje urbane dhe rurale janë bërë nga ta: fikje zjarri, aksidente të ndryshme. Duhet
urgjentisht të planifikohen mjete shtesë për këtë shërbim, duke përfshirë mjete për furnizimin me
pajisje për zjarrfikje, për shpëtim, mjete për ngritje të koeficientit dhe sikurse sektorët e tjerë të
sigurisë. Pra, kërkojnë të jenë të barabartë me policinë e Kosovës dhe institucionet e tjera të
sigurisë, pasi janë pjesë e Ministrisë së Punëve të Brendshme.
Po ashtu duhet të bëhet në mënyrë urgjente zgjidhja e problematikës së sigurimit shëndetësor dhe
të definohet sa më parë kompetencat menaxhuese të definimit dhe statusit të zjarrfikësit. A e dini
që ata janë shërbyes civilë sikur një që e bën punën e fotokopjes.
KRYETARJA: Faleminderit! Deputeti Fitim Uka e ka fjalën.
196
FITIM UKA: Faleminderit, e nderuar kryetare!
Në fakt, mjafton të shohësh paragrafin e parë të programit për arsim të kësaj Qeverie për të
kuptuar joseriozitetin që e kanë në lidhje me këtë fushë. Një paragraf që më shumë është kopje e
zbehtë e strategjive të shteteve të zhvilluara për arsimin. Por edhe kur e mendon që nuk ka ku të
shkojë më keq, ja teksa vjen edhe ky vendim i radhës i Qeverisë që te Ministria e Arsimit,
Shkencës dhe Teknologjisë, me rishikim të buxhetit të kemi zvogëlim prej 11.7 milionë euro.
Duke e njohur mënyrën sesi funksionon kjo qeverisje, nuk përbën ndonjë lajmi a befasi fakti që
10 për qind e buxhetit të shkurtuar për arsimin është në Komunën e Prizrenit.
Sidoqoftë, tash kur si rezultat i pandemisë po përjetojmë edhe një krizë të re në fushën e arsimit,
kjo qeverisje e godet edhe një herë tjetër këtë fushë, të cilën bashkë edhe me subjektet e tjera, e
ka degraduar për plot 21 vjet. Më së shumti në fakt do ta pësojnë universitetet publike si ai i
Prizrenit, Pejës, Gjilanit, Gjakovës, Mitrovicës dhe Ferizajt, që do të kenë 1 milion e gjysmë më
pak buxhet.
Para një muaji këto universitete janë ankuar për mungesën e mbështetjes financiare në
Komisionin parlamentar për Arsim dhe mund ta marrë me mend se si e kanë pritur këtë lajm.
Përtej këtij shkurtimi, nëse nisemi nga premisa e thjeshtë që buxheti duhet të mbulojë
shpenzimet që janë të domosdoshme për të realizuar programin qeverisës, atëherë konkludimi
është i thjeshtë. Pothuajse asnjë nga premtimet e paraqitura në pamfletin tuaj qeverisës në fushën
e arsimit nuk i arsyeton një buxhet i tillë. E para dhe më e rëndësishmja, akoma nuk ka plan të
mirëfilltë të asaj sesi do t’i kthehemi mësimit në shtator. Akoma nuk e dimë se çfarë do të
ndodhë me testin e arritshmërisë dhe maturës, por veprimi paska filluar me shkurtim të buxhetit.
Imagjinojeni janë plotë 32 mijë nxënës të papërfshirë në mësimin virtual dhe nuk ka një plan
konkret se si do të adresohet mësimi i humbur i tyre. Ndërkaq mjetet modeste që janë ndarë për
pajisjet teknologjike nuk i adresojnë nevojat e mirëfillta që ata kanë. Këta janë kryesisht fëmijë
që vijnë nga familjet e varfra dhe kanë humbur në gjysmëvjetorin që shkoi.
Lajm tjetër i keq për fushën e arsimit është shkurtimi i buxhetit, sepse edhe një premtim tjetër i
kësaj qeverisjeje nuk do të mund të gjejë zbatim. Këtu flasim për mungesën e buxhetit të
mirëfilltë për zhvillimin e edukimit të hershëm në Kosovë, kështu që 60 për qind e fëmijëve të
moshës së hershme do të humbin kështu mundësinë që të vendosin fundamentin e tyre për sukses
të mëvonshëm akademik.
Tutje, një nga shqetësimet kryesore që i kemi adresuar në kuadër të Komisionit për Arsim,
përfshin edhe mungesën e ekipeve multidisiplinare në shkolla. Në veçanti, në kohën e pandemisë
bëhen të domosdoshme prezenca e profesionistëve shëndetësorë në shkollat tona, sepse
problemet e ndryshme psiko-sociale dhe emocionale meritojnë trajtim. Prandaj, këto resurse
profesionale nuk janë luks, por janë domosdoshmëri. Mungesa e psikologut, logopedit, punëtorit
social është e pakuptimtë dhe e pajustifikueshme, sepse lufta ndaj COVID-19 e nënkupton
197
gjithashtu edhe luftën ndaj çrregullimeve të shëndetit mendor dhe problemeve të tjera sociale që
vijnë si pasojë e saj.
Si do ta adresojë ky modifikim buxheti nevojat e fëmijëve me aftësi të kufizuara? Si do t’i
mbështesim ata në këtë kohë të vështirë? A e keni idenë çfarë do të thotë për një familje të ketë
një fëmijë me aftësi të kufizuara, cilat janë sfidat dhe vështirësitë e tyre? A i keni parë dhe
dëgjuar ndonjëherë kërkesat e tyre apo ata nuk janë as në fushën e perceptimit e lëre më interesin
tuaj?
Reduktimi i buxhetit e pamundëson edhe rishikimin e sistemit të pagave që ju e keni proklamuar,
por ajo që i vë vulën këtij copëtimi të buxhetit për arsim, është zvogëlimi i buxhetit për furnizim
me pajisje laboratorike dhe logjistike për kërkim shkencor. Mos harroni e gjithë bota stimulon
hulumtimin shkencor, në veçanti për të adresuar problemet që lidhen me pandeminë, por për ju
kjo po duket të jetë e panevojshme.
Meqë po kërkoni një zgjidhje, po e ripësëris atë që ju thanë edhe kolegët e mi më parë, në vend
se t’ju jepni hapësirë në Qeveri armatës së zëvendësministrave pa fakultet e kredibilitet,
kujdesuni që buxhetin edhe ashtu të copëtuar ta orientoni në nevojat e vërteta të qytetarëve të
Kosovës dhe në veçanti në nevojat e arsimit, sepse më duhet t’ju rikujtoj që arsimi është
epiqendra e zhvillimit të gjithmbarshëm. Pa një arsim të fortë, nuk mund të flasim as për një
zhvillim të mirëfilltë ekonomik, që ju aq shpesh e përmendni. E shembullin që në mungesë të
mirëfilltë, e shkatërrojmë edhe shëndetin, e keni në Qeveri. Kështu që mbase keni kohë ta
përmirësoni këtë gabim.
KRYETARJA: Faleminderit! Ministrja e Financave e ka kërkuar fjalën!
MINISTRJA HYKMETE BAJRAMI: Faleminderit, kryetare e Kuvendit!
Të nderuar deputetë,
Ju faleminderit shumë për komentet dhe sugjerimet e juaja!
Po filloj nga kjo e fundit, buxheti për arsim. I nderuar deputet, gjatë kohës së pandemisë, para një
muaji unë isha ministre e arsimit ndërsa kryetari i partisë suaj ishte Kryeministër i Arsimit.
Në kohën, me lejoni t’ju informoj që në kohën kur është dizajnuar pakoja fiskale emergjente, i
dini të gjitha masat. Në atë buxhet janë ndarë 5 milionë për Ministrinë e Kulturës dhe 5 milionë
të tjera për Ministrinë e Bujqësisë.
Kërkesa ime kundrejt kryeministrit dhe ministrit të Financave në atë kohë ishte, i nderuar
kryeministër të përgëzoj për masat, shumë mirë që ke ndarë për buxhet për arsim, për kulturë dhe
shumë mirë që ke ndarë buxhet edhe për bujqësi, mirëpo ta keni parasysh që jemi duke zhvilluar
198
mësim në distancë, dhe në atë kohë ishim duke xhiruar 1 800 njësi mësimore, që në kushtet të
jashtëzakonshme i kemi ofruar të gjithë nxënësve në Republikën e Kosovës.
Përkundër kësaj, nuk është ndarë asnjë buxhet.
Buxhetin që po e përmendi e që shkurtuar dhe jo vetëm ky, por në të gjitha projektet kapitale
janë përdorur pa parime të njëjta për shkurtim të buxhetit. I kemi parë si Ministri Financave,
dinamikën e implementimit dhe kemi marrë gjysmën e mjeteve të lira, por ju kemi thënë të gjitha
organizatave buxhetore, nëse ju keni filluar procedurat në momentin kur e shpenzoni buxhetin,
atëherë ne do t’ju përgjigjemi.
Në anën tjetër, u përmend edhe Prizreni dhe u tha që e kemi lënë pa çerdhe. Ja ku e kemi ish-
ministrin e Financave, mund t’ju tregojë. Dy vite radhazi, buxheti i çerdheve për Prizren ka
shkuar në suficit, për shkak se nuk ka pasur lokacion, dhe ne nuk kemi mundur të vendosim në
Ministri të Arsimit, buxhet në mënyrë eksplicite për çerdhet në Prizren, po e kemi krijuar një kod
të veçantë, ku kemi thënë se, çerdhe në komunën e Republikës së Kosovës, dhe kemi bërë
kërkesë Prizrenit që ta gjejë lokacionin.
Le ta gjejnë ata lokacionin, ka buxhet në Ministrinë e Financave sa të doni, në mënyrë që të
fillojnë çerdhet e tilla. Nuk kemi asgjë kundër muzeve, as kurrgjë kundër rrugëve, jemi në kohë
të pandemisë dhe e kemi marrë buxhetin aty ku ka qenë i lirë edhe ku pa, sipas parallogaritjeve
tona që të do jetë e pamundshme që të implementohet.
Çështja e zjarrfikësve. Unë besoj që zotin Bajqinovci, zjarrfikësit e kanë njohur edhe para datës 5
mars, kur e kemi aprovuar Buxhetin. Kështu që, nuk e di se çfarë ju kanë thënë atëherë, sepse në
atë kohë nuk e ke ngritur fare shqetësimin e zjarrfikësve.
Po de mirë, po pse s’e keni ngritur çështjen në Qeverinë Kurti? Pse s’e ke kërkuar që kjo çështje
të zgjidhet në Qeverinë Kurti? Kjo është pyetja.
Sot, jemi në kohë pandemie, zjarrfikësit i kanë rrogat e sigurta për aq kohë sa i kanë edhe të
gjithë zyrtarët e tjerë në sektorin publik, por nuk mundemi me rishikim, kur po mundohemi që
t’ju dalim në ndihmë qytetarëve që janë në varfëri ekstreme dhe bizneseve me probleme, që të
zgjidhim probleme të tilla.
Ne do t’i zgjidhim këto probleme, por natyrisht që na duhet kohë.
Çfarë pati tjetër? Edhe një herë po e them, asnjë projekt nuk është shkurtuar në komuna.
Projektet të cilat kanë ndryshuar në komuna, janë ndryshuar me vendim të kuvendeve komunale.
Me vendim, sepse ne as nuk e kemi në kompetencë që komunave t’ua shkurtojmë buxhetin.
199
Ka ndodhur që, po ka pasur raste kur komuna ka vendosur që të shtohet buxheti në një projekt
kapital, sepse është më përpara me implementim, edhe e ka munguar në një projekt tjetër, por kjo
është bërë me votat e asamblistëve në kuvendin komunal, dhe jo domethënë, si vendim i
Ministrisë së Financave.
Ne kemi shkurtuar buxhetin në Ministrinë e Infrastrukturës, përreth 70 milionë euro. Përreth 70
milionë, sepse janë projekte të cilat ende nuk kanë filluar edhe sikur ta kishin pasur buxhetin aty,
ato nuk do të shpenzoheshin në tërësi në këtë gjashtëmujorin e dytë.
Unë e kam brengë shumë të madhe, se edhe këtë buxhet që e kemi lënë, nuk do të ketë mundësi
që të shpenzohet deri në fund të vitit, mirëpo ligji na mundëson që më 1 tetor, t’i bëjmë
rregullimet e duhura.
Edhe një herë, ambientin e kemi prioritet, dhe ju thashë se është bërë zhbllokimi i fondeve të
MCC-së, do të lidhemi në gypin e gazsjellësit. Jemi duke punuar në efiçiencë të energjisë dhe
gjithashtu, dje jemi zotuar me ekipin e MCC-së, qe ne do të bashkëfinancojmë në shumën prej 10
milionë eurosh, projekte të cilat kanë të bëjnë kryesisht me ambientin...
KRYETARJA: Replikë, kanë kërkuar... Hekuran, a ke replikë apo fjalim? Atëherë, replikë Artan
Abrashi, fillimisht.
ARTAN ABRASHI: Faleminderit, do jem i shkurtër!
Ju lutem, e nderuar, ushtroni pozicionin e ministres së Financave dhe ju udhëzoj që të shërbeheni
me informacione të sakta.
Lokacionet janë caktuar. Mjetet nga komuna janë ndarë. Janë marrëveshje të bashkëfinancimit.
Pjesën e tyre e kanë kryer dhe po e presin pjesën tuaj, dhe papritmas vjen lajmi se është
shkurtuar bashkëfinancimi.
Vlera totale e projekteve të anuluara, të shkurtuara në Prizren, apo më mirë të themi, vlera e
hakmarrjes suaj politike që po fshihet prapa pandemisë, mirëpo duhet ta dini se qytetarëve të
Prizrenit u ka kushtuar 2 milionë e 111 mijë euro.
Unë dua përgjigje për 2 milionë e 111 mijë euro. Lërini lokacionet, ato i keni. Faleminderit!
KRYETARJA: Replikë, Mefail Bajqinovci!
MEFAIL BAJQINOVCI: Ministre, as për informacion, e kam ngritur këtë çështje në të gjitha
qeveritë, edhe në ato të mëparshmet, por fatkeqësia më e madhe është se ju zjarrfikësit as nuk i
keni pritur.
200
Kryetari i Sindikatës ma ka thënë se kjo Qeveri as nuk do të na takojë. E ne i kemi takuar dhe
kemi diskutuar me ta për të gjitha modalitet, kurse ju as hesap s’po i bëni. Ata kanë mbetur nën
mëshirë, pra nuk kanë kod buxhetor, ju tregova. Nuk kanë asgjë hiç, dhe nuk ka ndonjë arsyetim
që kërkesat e tyre të mos i merrni parasysh.
Hiqni luksin dhe zjarrfikësve plotësojani kërkesat të cilat i kanë. Ata po kërkojnë vetëm të
paguhen sikurse institucionet e tjera të sigurisë, si policia, si FSK-ja etj.
Pra, unë e kam ngritur këtë çështje, jo tani dhe në Qeverinë e kaluar tonën, Kurti, i cili i ka pritur
dhe ka biseduar me ta, por edhe më herët edhe si gazetar. Ju faleminderit!
KRYETARJA: Fitim Uka, replikë!
FITIM UKA: Faleminderit, e nderuar kryetare!
Në fakt, sa është e çuditshme aq është edhe pakuptimtë që çdolloj dështimi të kësaj qeverisjeje,
duhet që t’ia atribuoni qeverisjes së kaluar.
Sidoqoftë, më lejoni t’ju them që, kur është draftuar buxheti në Qeverinë Kurti, ju keni harruar
zonja ministre, që duhet të bëhet edhe mësimi online. Kjo është arsyeja pse i keni kërkuar
kryetarit të Komisionit për Buxhet dhe Financa, 500 mijë euro shtesë, të cilat ju kanë ardhur aty,
dhe për këtë mund ta konfirmosh.
Ndërkaq, ajo çfarë unë e shtrova si problematikë edhe nuk mori fare përgjigjen tuaj, ka të bëjë
me programin qeverisës. Pra, na thoni si mund t’i adresoni të gjitha ato që unë i ngrita në fjalim,
nëpërmjet këtij buxheti apo rishikimi të Buxhetit, sepse ajo çfarë keni shkruar aty, në asnjë
mënyrë nuk mund të realizohet me këtë rishikim të Buxhetit.
Pra, ose duhet të ndryshoni programin tuaj qeverisës dhe t’ju kërkoni falje qytetarëve për të
gjitha ato premtime që i bëtë në momentin kur e morët qeverisjen, ose duhet të bëni një rishikim
tjetër të Buxheti. Kaq e thjeshtë është.
KRYETARJA: Zëvendëskryeministrat e kanë kërkuar fjalën. Cili po doni që të dilni dhe të flitni
i pari? Zoti Selmanaj!
ZËVENDËSKRYEMINISTRI DRITON SELMANAJ: Të nderuar deputetë,
Kabinet qeveritar,
Në fakt, kur po diskutojmë, nganjëherë më krijohej përshtypja sikur po jetojmë në dy shtete të
ndryshme, por jo, kjo është pak. Po më duket, sikur po jetojmë në dy planetë të ndryshëm.
201
Pse e them këtë? Sepse, merreni me mend se çka flisni ju. Më flisni për trashëgiminë kulturore,
më flisni për muze, më flisni për stadiume, më flisni për doktorët në shkolla, ndërkaq ne i kemi
mbyllur shkollat krejt. Më flisni për kolektorë, më flisni për parqe. Dikush thotë, shtretërit e
lumenjve. More e keni krejtësisht gabim.
Pikënisja e rishikimit të këtij Buxheti, pse ka ardhur? Ka ardhur si rezultat i situatës së rëndë që e
kemi në Kosovë. Kemi pandemi, nëse keni harruar dje, ku tërë ditën keni folur, po ua rikujtoj.
Kemi një krizë që e gjithë bota po ballafaqohet, dhe ne tash çfarë po bëjmë. Në vend se të flasim
se çfarë të bëjmë me 170 euro kërkesat e njerëzve. Si t’ia bëjmë, si t’i paguajmë qiratë e njerëzve
që po na kërkojnë, pra edhe bizneset. Si t’i trajtojmë 67 mijë kërkesa, raste të reja sociale që na
kanë ardhur, e ndërkohë deri tash janë trajtuar veç 20 mijë nga to, e që kanë hyrë në sistemin
tonë, ne po flasim tash për muze e për trashëgimi kulturore.
Unë e kam përshtypjen se nuk jeni në ngjarje fare se çfarë është duke ndodhur në këtë vend.
Çfarë kemi bërë ne? Kemi provuar që t’i ridizajnojmë këto kapacitet buxhetore që i kemi. T’i
mobilizojmë, disa para t’i marrin kudo nëpër këtë buxhet që e kemi dhe kemi arritur diku 385
milionë euro që t’i nxjerrim.
Ne po i ndërmarrim këto që t’i shpëtojmë ekonomitë që të mos dalin nga tregu, sepse frika jonë
është se nëse dalin nga tregu edhe me 3 miliardë të tjera, më pas, nuk do të mund t’i kthejmë, dhe
ky është përkushtimi ynë. Ky duhet të jetë debati.
Nëse po kthehemi, çka i mungon Kosovës 20 vitet e fundit që i ka munguar, e kemi humbur
idenë, konceptin, busullën se për çfarë po diskutojmë këtu.
Unë po ju them, ta kalojmë këtë rishikim, sepse nuk jam i sigurt, dhe po e them kështu
publikisht, nuk jam i sigurt që do të arrijmë që të marrim veç me rimëkëmbje ekonomike nëse
vazhdon kjo gjendje e rëndë e pandemisë. Ndoshta do të detyrohemi që pas tre muajsh, të vijmë
edhe njëherë në Kuvend, dhe të themi; s’qenka rendi i ekonomisë, se njerëz po na vdesin shumë.
Pra, në këtë koncept të diskutojmë ne. Nëse do të diskutonim kështu, do t’ju mirëkuptoja, por të
më flisni për mize, që Kosova paska telashe që të shkohet për t’u vizituar një muze ose shtratin e
lumenjve, kur shtretërit në spitale janë të mbushura, unë po e shoh që s’jemi kurrkund hiq.
Prandaj, po ju lus ta kalojmë këtë dhe na e mundësoni që të vijmë me një projektligj tjetër për
rimëkëmbjen ekonomike, e që përfshihen edhe ndryshimet tjera, trustin e të gjitha të tjerat, dhe
më pas, jam i sigurt që vitin e ardhshëm, kemi me pas kohë, nëse e kalojmë këtë pandemi
globale, jo vetëm ne, po bashkë me të tjerët, të flasim pastaj edhe për teatër edhe për muze, edhe
202
për çerdhe publike edhe për lumenj edhe për kolektorë, madje edhe për zjarrfikësit, që të zgjidhet
statusi i tyre, jo për pagë, po edhe për status. Faleminderit!
KRYETARJA: Faleminderit! Sikur të ishit mërzitur për krizë, do ta miratonit dje Ligjin anti-
COVID.
E kanë kërkuar disa deputetë fjalën. Jo, s’keni të drejtë që të flisni më. Fjalën e ka Hajrulla Çeko
për replikë dhe pastaj do të vijmë te ju, zoti zëvendëskryeministër.
HAJRULLA ÇEKO: Faleminderit, zonja kryetare!
Me aq sa e njoh dhe e kam përcjellë aktivitetin e zotëri Selmanajt nga e kaluara, mbaj mend që
ka qenë shumë i zëshëm për të ruajtur parlamentarizmin dhe gjuhën parlamentare, por të dilet
këtu dhe t’ju drejtohesh deputetëve, të na tregojë se çfarë po flasim e si po flasim, është goxha e
papranueshme.
Pra, kjo nuk hynë në ato suaza, çfarë vet keni promovuar me vite të tëra, para se të hysh në
politikë.
Tash, mënyra sesi na u drejtuat, po i bie që duhet të marrim leje ne, dhe t’ju pyesim sesi duhet të
flasim këtu e për çfarë temash, do të mund të bisedojmë ne e çfarë jo. Kjo është totalisht e
papranueshme. Mos e bëni këtë gabim, sepse vet e keni ligjëruar të kundërtën e kësaj. Çfarë
ndodhi tash?
Të mos harroni që pandemia, nuk është çështje e shkëputur prej temave tjera. Ju kur e keni
sakatuar këtë buxhet në çështje të planifikimit hapësinor, të mjedisit, të lumenjve, të ujit e të
tjera, këto janë pjesë e trajtimit të pandemisë. Janë mënyra sesi ne përballemi me efektet e kësaj
pandemie. Nuk janë të shkëputura prej kësaj. Edhe natyrisht, nëse përnjëmend jeni kaq të
përkushtuar në çështjen e luftimit të pandemisë, jepni një dëshmi bazike, silleni atë ligj më këtu,
ta votojmë dhe në atë moment e kuptojmë që e keni përnjëmend seriozisht edhe punën e
pandemisë. Silleni ligjin. Kaq e thjeshtë është. Pastaj e pranoj edhe këtë diskursin që këtu nuk po
bëka që të flasim për gjera të tjera.
A qenka aq prioritet pandemia dhe të tjerat duhet t’i lëmë anash? Fillojeni prej ligjit, pra. Të mos
na i sillni këtu marrëveshjet ndërkombëtare për të krijuar iluzione se ato qenkan prioritet.
Dëshmoje që njëmend, pandemia qenka prioritet, sille ligjin këtu, e pastaj vazhdojmë e
diskutojmë edhe për gjëra të tjera. Faleminderit!
KRYETARJA: Për replikë, Fitim Uka!
203
FITIM UKA: Faleminderit!
Atëherë, më lejoni që t’i kërkoj falje zoti Selmanaj, që sot nuk mund të debatojmë për alienët,
por të kthehemi dhe të debatojmë për problemet konkrete, të cilat i kemi në Kosovë.
E para, nuk do ta trajtoja me kaq seriozitet deklaron tuaj, mirëpo ju njoh mjaftueshëm mirë, e
njoh edhe deklaratën tuaj që e keni dhënë pak vite më parë, që nuk do të pranonit kurrë që të
hynit në një koalicion, i cili varet direkt prej Listës serbe edhe votave të tyre, por tash keni hyrë.
Nuk do ta trajtoja me kaq seriozitet, gjithashtu dikë që flet për pandeminë, e nuk është në gjendje
që të shtyjë përpara Ligjin për Pandeminë. Dhe e fundit, më duhet t’ju them që ju duhet të
merreni vesh mes vete si kabinet qeveritar, sepse sinqerisht jeni duke na vënë në lajthitje neve si
opinion publike tekefundit. Njëri thotë që kemi gjendje kaotike, nuk kemi shtretër, tjetri thotë që
e kemi situatën nën kontroll.
Prandaj, merruni vesh, ju lutem, sepse në këtë mënyrë siç po debatoni me neve dhe si debatoni
me qytetarët, është krejt joserioze.
KRYETARJA: Replikë, Artan Abrashi!
ARTAN ABRASHI: Faleminderit!
Ne nuk po flasim këtu për planete paralele as për jashtëtokësorë apo gjëra të tilla, po flasim për
probleme reale të qytetarëve të Kosovës.
Nëse për juve, çështja e kulturës, turizmit është joadekuate në këtë kohë, po, po ua them që për
qytetarët e asaj ane është burim kryesor i ekonomisë. Janë sektorë vitale të ekonomisë sonë
lokale.
Është shkatërruar kapaciteti jonë prodhues për shkak të privatizimeve që janë bërë gjatë pushtetit
tuaj të mëhershëm e të pushteteve të tjera më vonë. Është shkatërruar mundësia për investime për
shkak të korrupsioneve endemike. Na ka mbetur turizmi, kultura, gjëra prej të cilave ne po
mbijetojmë.
Sot, kjo na u mohuar, i nderuar. Prandaj, të mos thoni se janë të parëndësishme, janë vitale.
Faleminderit!
KRYETARJA: Artan Abrashi e përfundoi replikën. Ju lus, regjia e largoni emrin. Fitore Pacolli
ka replikë.
204
FITORE PACOLLI: Me të vërtetë, kjo Qeveri ilegale shpeshherë po na habit me qëndrimet e
tyre. Paramendojeni, një zëvendëskryeministër del në foltore dhe thotë, po flisni për mbrojtjen e
lumenjve, për rregullimin e shtretërve të lumenjve. Po flisni për mjedisin e të tjera.
Zoti kryeministër, zëvendëskryeministër, nuk e di nëse jeni duke i përcjellë zhvillimet jashtë
Kosovës, në Evropë, investimet masive janë duke u bërë në fushën ambientit. Pandemia lidhet
direkt me ajrin që e thithim e me ujin që e pimë, e me ushqimet që marrim nga toka jonë që është
helmuar.
Ndërkaq, ju e keni larguar vendimin që e ka marrë Qeveria Kurti, që të ndalohen punimet e
dëmshme nëpër hidrocentrale, nëpër lumenjtë tanë, ku fshatra të tëra kanë mbetur edhe pa qasje
në ujë të pijshëm edhe pa ujë për ujitje.
Ju i jepni vetës të drejtë e të dilni në foltore edhe të tregoni se nuk është me rëndësi ambienti, po
është me rëndësi pandemia. Që të dalësh prej kësaj krize, prej pandemisë, duhet të investojmë
jashtëzakonisht shumë në rimëkëmbje mjedisore, e nuk mund të na tregoni se për çfarë flasim.
Për çka ne kujdesimi dhe çfarë çështje ngremë.
Është e drejtë e jotja që të tregoni sesa të paditur jeni, e as të paaftë jeni për të zgjidhur probleme
me të cilat po ballafaqohemi ne.
Prandaj, çdo natë kemi shifra shumëfish më të larta të rasteve të reja me COVID, sepse ju e dini
se cilat çështje janë të rëndësishme dhe si t’i adresoni. Kjo po shihet. Po shihet.
Po të isha në vendin tënd unë sot, për qëndrimin tënd këtu në foltore, për mënyrën sesi na treguat
se ku do të fokusoheni...
KRYETARJA: Kanë qenë katër replika, që do të thotë, i keni katër minuta për të përgjigjur për
ato që i thanë deputetët.
ZËVENDËSKRYEMINISTRI DRITON SELMANAJ: Faleminderit!
Jo, në fakt unë do t’i përgjigjem vetëm njërit, sepse kam respekt për të. Për të tjerët rezervohem.
Zoti Çeko, me juve e kam. Për shkak të respektit po dua që t’ju përgjigjem vetëm juve.
Po të them kështu, nëse jeni ndjerë i fyer, ju kërkoj ndjesë, por s’e kam pasur në plan që t’ju fyej.
Jo.
Çfarë kam thënë unë dhe çfarë po them edhe një herë, të gjitha temat për të cilat ne mund të
flasim, edhe për astronomi, mund të jenë relevante, interesant, nuk janë prioritare, për shkak të
temës shumë të rëndë me të cilën po ballafaqohet Kosova.
205
Nuk është e rëndësishme sot, unë mendoj, që në këtë fazë, deri në rishikim të vitit të ardhshëm të
shikojmë buxhetin, çështja e trashëgimisë kulturore dhe e muzeve dhe e pendëve, meqë dikush e
ngriti edhe ndërtimin e pendëve.
Jemi duke u ballafaquar me shëndetin e njerëzve dhe kjo është kryesorja. Prandaj, unë po ju
them, kini fokusin e saktë. Prioritetet duhet të jenë kësaj shoqërie, jo të kësaj Qeverie, po të
gjithëve. Pra, si ta luftojmë pandeminë, si ta mbrojmë ekonominë, aq sa mund ta mbrojmë, sepse
ashtu-kështu buxheti i Kosovës është tejet i vogël.
KRYETARJA: Replikë në emër të grupit, Rexhep Selimi.
REXHEP SELIMI: Nuk ju mora vesh se çfarë deshe të thuash më këtë, për dikë ke respekt për
dikë s’ke respekt. Veç dola këtu t’ju tregoj se ne për juve , s’kemi respekt hiq.
KRYETARJA: Zëvendëskryeministri Tahiri e ka fjalën.
ZËVENDËSKRYEMINISTRI BESNIK TAHIRI: Faleminderit, kryetare!
Duke qenë kah fundi, po dua t’i them disa të vërteta për të cilat mendoj që ia vlen që të
ritheksohen edhe një herë.
Në historinë e përpilimit të Buxhetit të Kosovës, të Republikës së Kosovës, pra edhe para luftës,
nuk ka ndodhur ndonjëherë një situatë e tillë, kur një qeveri është dashur t’i mobilizojë 617
milionë euro. Pra, për ta thënë më troç, 617 milionë euro të gjenden prej reflektimit që e kemi
bërë në rënien e të hyrave. Pra, 232 milionë i kemi pasur rënie në të hyrat e shtetit dhe i kemi
adresuar 385 milionë për pakon e rimëkëmbjes ekonomike. Kjo është e vërteta, tjetër të vërtetë
nuk ka, e para.
E dyta, po flasim për buxhetet sektoriale, nuk qenkan shumica e ministrave këtu, po më duhet ta
them vetëm një element. Në debatin që e kemi pasur në Qeveri, të hapur dhe të mbyllur
konsultativ ndërmjet veti, ka pasur një po them ‘një luftë’, mes sektorëve që të mund të
akomodohen kërkesat e ministrive, respektivisht sektorëve, u përmenden, arsimi, shëndetësia e
kështu me radhë.
Pra, nuk ka qenë në buxhet, i cili ka buruar prej një diskutimi normal të rishikimit buxhetor, po
ka qenë një shkëputje, respektivisht, një zvogëlim i buxhetit sektorial në mënyrë lineare në
sektorë dhe në organizata buxhetore, duke i përfshirë edhe komunat.
Të kthehem te çështja e tretë që u përmend prej disa kolegëve. Shikoni, unë personalisht në emër
të Qeverisë, i kam takuar Sindikatat e Zjarrfikësve. Katër ditë përpara i kam takuar, dhe kryetari i
206
Sindikatave e ka të postuar takimin që e ka pasur me mua për këtë temë, dhe tema ka qenë Ligji i
Pagave.
I kam takuar Sindikatat e Shëndetësisë, i kam takuar Sindikata e Shërbimit Civil, kam takuar
Sindikatat e Punëtoreve, dhe të gjitha këtyre sindikatave ua kam bërë transparente atë që e kemi
në pozicion. Çka kemi në dispozicion? Ne e kemi në dispozicion një vendim për këtë buxhet, i
cili është buxhet edhe një herë po them, emergjent, po mesë i nevojshëm që ta tejkalojmë këtë
kohë.
Ku të vije puna te rishikimi, ju garantoj, duke e njohur edhe procesin e prokurimit publik, po
duke e njohur edhe procesin e organizatave buxhetore si funksionojnë, shumica e këtij buxheti
nuk do të mund të shpenzohet dhe aty do të hyjë debati edhe parlamentar për rishikim buxhetor
dhe për investimet që ju i keni kërkuar.
Andaj, kërkoj prej jush dhe ju lus që të reflektoni dhe ta votojmë këtë dhe ta mbyllim.
Faleminderit!
KRYETARJA: Faleminderit! Deputeti Arbër Rexhaj, e ka fjalën.
ARBËR REXHAJ: Faleminderit, kryetare e Kuvendit!
Meqenëse kërkova edhe fjalën për replikë, e nuk m’u dha, atëherë po e përdori fjalën time në
vend të replikës.
Eksperti i evazionit të alienëve në botë, tha që, Buxheti dhe orientimi i diskursit këtu, duhet të
orientohet kryesisht rreth pandemisë.
Dje, ky Kuvend nuk e ka votuar Ligjin për pandeminë, dhe kryesisht Lidhja Demokratike e
Kosovës, e ka pamundësuar votimin e këtij ligji.
Ndërkaq, sot, del edhe flet edhe na jep ligjërata e leksione këtu, që ne duhet të flasim për
pandeminë. Kur qeverisja Kurti ka qenë shembull, jo vetëm në rajon, por jemi përmend për të
mirë në botë e në Evropë për menaxhimin e pandemisë.
Së dyti, ju jeni komplet analfabetë që qeverisjes. Kampion, tash për tash, i keqmenaxhimit në
rajon edhe në Evropë, për keqmenaxhimin e kësaj pandemie. Po ashtu, ky ekspert evazionit të
alienëve në botë është nga Prizreni, ku rishikimi i buxhetit e ka sakatuar Komunën e Prizrenit
edhe nuk ka thënë asnjë fjalë të vetme.
207
Unë do t’i përmend disa, i mbeta borxh pra qytetarëve të Prizrenit, pra disa kode, ku është
dëmtuar qytetari i Prizrenit. Nuk është me rëndësi se kush udhëheqë në Prizren, por me rëndësi
qytetari i Prizrenit.
Për shembull, te Parku i Inovacionit, kanë qenë 1 milion e 200 mijë euro, në rishikim 800 mijë,
diferenca 400 mijë. Po i lexoj vetëm diferencat. Ndërtimi i çerdhes, 107 e 500, çerdhe në Prizren,
prapë 61 e 687, shkolla e mizikës 108 e 741, rruga Prevallë, asfaltimi Mazrek-Gionaj-Bishtazhin,
asfaltimi Prizren-Velezhë, rregullimi i rrugës “Jeta e Re”, lidhja e autostradës në hyrje të
Prizrenit, Pisha Olimpike.
Pra, janë dhjetëra projekte, për shkak të minutazhës, unë nuk po i përmend, sepse po dua që t’i
tregoj se çfarë i kanë bërë edhe një rajoni, që ju e dini shumë mirë, rajonit të Hasit, sepse është
goxha e rëndësishme që të dihet dhe të cilën do ta them këtu.
Rruga që përmenda këtu e Hasit, që fillon nga Gjonaj, Komuna e Prizrenit dhe përfundon në
Bishtazhin, Komuna e Gjakovës, ka afërsisht 35 kilometra dhe është pjesë e kodit R-112. Në këtë
rrugë gravitojnë rreth 42 mijë hasianë, pothuajse çdo ditë.
Ata, me angazhim të madh, me mundin e tyre kishin participuar qindra-mijëra euro. Natyrisht,
me ndihmën simbolike edhe të Komunës së Prizrenit, Gjakovës dhe Ministrisë së atëhershme të
Transportit.
Barrë kryesore të participit për këtë rrugë e kishin bizneset hasjane, sidomos furrtarët e kësaj që
janë të shpërndarë anembanë Ballkanit dhe më gjerë. Por, që nga viti 2003, kur është asfaltuar
kjo rrugë, me gjithë punët jocilësore, për shkak të mungesës së mjeteve, por që u pranuar nga
banorët e kësaj ane, pasi që projekti ishte paraparë që nga viti 1972, por që nuk ishte realizuar
kurrë.
Kjo rrugë ishte shtruar pa u bërë zgjerimi i nevojshëm i saj, urat nuk ishin ndërtuar fare, gjë që
shpesh ka rrezik për aksidente për shkak që janë njëkalimëshe, dhe asfalti nuk ishte cilësor.
Me të gjitha këto probleme, hasjanët ishin të lumtur që më në fund po mbërrinte asfalti edhe në
këtë rajon, por që nga ai moment, kjo rrugë nuk u përmbajt asnjëherë. Asnjë qeveri nuk i ka
kryer intervenimet e duhura në atë rrugë, përfshirë Qeverinë Haradinaj, ku në prag të fushatës
kishte filluar, nga pjesa e Bishtazhinit dhe Demjanit për një pjesë shumë të vogël.
Qeveria Kurti së bashku me Komunën e Prizrenit, kishin paraparë një shumë të mjeteve, por me
këtë Qeveri, domethënë kjo rrugë, pra nuk do të bëhet.
208
Për fund, kur zëvendëskryeministri u drejtohet deputetëve dhe na cilëson e na etiketon këtu, se
për kë ka respekt, ky është cilësim individual i tij e le ta mbajë respektin, e jo respektin për
gjithsecilin, por jo në Kuvendin e Kosovës.
Si zëvendëskryeministër, pa dallim, pas asnjë parti politike, pa as dallim të emrit e mbiemrit, ky
duhet të na respektojë të gjithëve.
(Drejtimin e mbledhjes e merr nënkryetarja e Kuvendit, znj. Arbërie Nagavci.)
KRYESUESJA: Faleminderit, zoti Rexhaj! Fjalën e ka deputeti Shkëlzen Hajdini i LDK-së.
SHKËLZEN HAJDINI: Ne folëm shumë dhe secili dolëm me fontanë dëshirash, çka po na bie
në gojë e çka po na shkruajnë në letra.
Veç disa gjëra dua t’i përmend. U tha që ky rishikim i Buxhetit është jo i ligjshëm. A janë të
ligjshme marrëveshjet ndërkombëtare që s’po i votoni? Këto janë qëndrime politike, jo pse nuk
është duke ju pëlqyer buxheti.
Disa herë thuhet që ky Buxhet është i asfaltit e tash çohemi e kërkojmë asfalt e çohemi e
kërkojmë projekte kapitale. Për ata deputetë të Vetëvendosjes që po i thonë rishikim i Buxhetit i
asfaltit, veç po dua tua jap një fakt. Uroj ta keni lexuar rishikimin e Buxhetit edhe uroj ta keni
lexuar planifikimin e buxhetit të sjellë nga ish-ministri Besnik Bislimi, ministër i Financave nga
Vetëvendosja.
Në vitin 2019, buxheti i vitit 2019, shpenzimet kapitale në Buxhetin e vitit 2019, kur ministër ka
qenë Bedri Hamza kanë qenë 531 milionë. Në vitin 2020, kur ministër ka qenë Besnik Bislimi,
shpenzimet kapitale kanë qenë 672 milionë. Do të thotë që ne duhet të jemi realë.
Çfarë jemi duke bërë ne sot? Ne jemi duke e rishikuar planifikimin e Buxhetit të sjellë nga
Besnik Bislimi dhe jemi duke e shikuar se ku kemi mundësi që të gjejmë mjete që t’i dalim në
ndihmë qytetarëve.
Kjo është situata. Ne jemi në pandemi, nuk jemi në rrethana normale. Në rrethana normale, krejt
është në rregull që të kërkojmë edhe projekte green deal, siç e përmendi Mimoza, por në këto
rrethana ne jemi duke biseduar, jemi duke e trajtuar rishikimin e Buxhetit të planifikuar në mars
nga ministri Besnik Bislimi.
U tha nga një deputet i Vetëvendosjes që ky rishikim i Buxhetit nuk është për rimëkëmbje
ekonomike. Po me këtë rishikim të Buxhetit të cilin po shikojmë që ta votojmë ne sot, ne po
209
mundohemi që t’i paguajmë pagat 170 euro të punëtorëve. Po mundohemi që t’i paguajmë nga
130 për punëtorët që i kanë humbur vendet e punës.
Me këtë rishikim të Buxhetit, ne e kemi planifikuar rritje të Buxhetit bë shëndetësi. E si nuk
qenka ky Buxhet i rimëkëmbjes ekonomike? Ju lutem, ne këtu mund të lexojmë letra që na
sjellin sa të duam, por realiteti është ky. Ne jemi duke e rishikuar këtë Buxhet, dhe edhe një fakt
po ua jap atyre që s’e kanë lexuar Buxhetin e planifikuar në mars, që ka ardhur prej ish-ministrit
Besnik Bislimi.
Edhe për juve që plot gojën e keni zhvillim ekonomik, e që nuk po lexoni dokumentet e veç po
dilni dhe po lexoni çka po sjellin.
Nëse flasim për zhvillim ekonomik, në Buxhetin e planifikuar të vitit 2019, 3.6 milionë euro
kanë qenë të ndara për ndërtimin e zonave ekonomike. Në Buxhetin e aprovuar nga Besnik
Bislimi, ish-ministri, veç 1 milion euro kanë qenë të ndara për zona ekonomike.
Këto janë paradoksale, ne mund të dalim dhe të flasim çfarë të duam, po çka veprojmë është
diçka tjetër dhe çfarë po themi është krejt diçka tjetër.
Edhe njëherë, kërkoj prej të gjithëve që ta kemi parasysh kohën e pandemisë. Ky rishikim i
Buxhetit është i vështirë. Nga të hyrat që po na mungojnë prej 231 milionë euro, nga shpenzimet
që na janë rritur prej 263 milionë euro, e që në total nëse e marrim dallimin mes të hyrave dhe
shpenzimeve, neve na duhen 800 milionë euro që t’i mbulojmë shpenzimet që kanë derivuar nga
pandemia COVID-19.
Andaj, me këtë rishikim të Buxhetit, ne po synojmë që t’i plotësojmë këto shpenzime në mënyrë
dhe me një qëllim. Jo të bëjmë parqe tash, se nuk po flasim për parqe, por për t’i dalë në ndihmë
që të intervenohet shpejtë në parandalimin e pandemisë dhe në intervenimin ekonomik. Në
sigurimin e stabilitetit ekonomik të vendit. Faleminderit!
KRYETARJA: Faleminderit! Në emër të Grupit Parlamentar të Lëvizjes Vetëvendosje, Fitore
Pacolli. Pastaj, ju Mimozë, meqë ta ka përmendur emrin. Atëherë, Mimoza Kusari, replikë.
MIMOZA KUSARI-LILA: E di se kolegu Shkëlzen është në Komisionin për Buxhet, edhe kisha
besuar që në investimet kapitale do të dinte ta bënte dallimin, që jo krejt investimet kapitale janë
në alfat, po ka investime kapitale që hyjnë në kapital tjetër përveç asfaltit.
Të thuhet investime të asfaltit duhet të lidhet me sa rrugë po investohet. Në tërësi investimet
kapitale mund të jenë edhe të tjera shumë të nevojshme, e para. E dyta, struktura e investimeve
kapitale ka të bëjë me planifikim dhe me ekzekutim. Domethënë, nuk mund ta krahasosh se sa ka
210
qenë në Qeverinë që ka qenë Bedri Hamza e sa ka qenë kur ka qenë Besnik Beslimi, se nuk e di
procesin e planifikimit dhe ekzekutimit, që kushdo që është në nivel qendror e di këtë.
E treta, klauzola e investimeve që është këtu është e dyfishuar. Të gjithë e dimë sa vështirë është
që të realizohet edhe ajo bazike që ka qenë, e lërë më që kjo Qeveri me rishikim e ka sjellë prej
77 milionë në 148 milionë klauzolën e investimeve. E më së pari që ka diskrepanca shumë të
mëdha në shpenzime të tjera bazike.
Green Deal, unë e përmenda, zonja Bajrami më kundërshtoi, për arsye se e përmendi grupin e
gjelbër, por mandej filloi ta plotësojë se sa të rëndësishme janë projektet e MCC-së.
Po e ritheksoj edhe një herë, që projektet në tërë vendet e Bashkimit Evropian që kanë të bëjnë
me rimëkëmbje ekonomike, lidhen me projekte që janë me bazë në mbrojtjen, ruajtjen e mjedisit
dhe shtimin e vlerës në strategji zhvillimore.
Ajo çka nuk e keni, nuk mund të kompensohet me fjalë dhe me retorikë të thjeshtë. Edhe tjetra,
kurrkush nuk po na shkruan letra, qysh po e sheh, po e diskutojmë e po komentojmë vet.
Nëse e ke ndonjë pikë diku që po ta merr mendja që dikush është duke më mësuar mua që të
flasë ose dikë tjetër, e ke shumë gabim. Secili është shumë i sigurt për çfarë ka ardhur. Dhe kjo
pandemi ka qenë edhe ka pasur efektin e njëjtë kur e keni rrëzuar edhe Qeverinë, tash bile ende
më keq është, e tash s’ka nevojë që të kërkoni ndihmë, kur vet e keni shkaktuar një situatë,
pasojat e secilës s’po mund t’i përballoni. Më mirë thoni, s’po mund t’i përballojmë.
(Drejtimin e mbledhjes e merr kryetarja e Kuvendit, znj. Vjosa Osmani.)
KRYETARJA: Kundër-replikë, deputeti Shkëlzen Hajdini!
SHKËLZEN HAJDINI: Veç pak! A është e vërtetë që jeni ankuar në rritje të shpenzimeve
kapitale, që është ngritur prej 672 milionë në 735 milionë? Shikojeni, dëgjojini incizimet edhe e
shihni.
E dyta, Mimozë, a mund të më tregosh sa kanë qenë mjetet e ndara për ndërtimin zonave
ekonomike në Buxhetin e planifikuar të vitit 2020?
KRYETARJA: Pas kundër-replikës, për fat të keq Rregullorja nuk na ofron mundësi, po e gjejmë
një mundësi për Mimozën që të përgjigjet. Besoj që dikush ia përmend emrin tash, ndërkohë
gjatë fjalimeve.
Po shkojmë me radhë, ministra e Financave, pastaj e kemi deputetin Bekim Haxhiu në radhë.
211
MINISTRJA HYKMETE BAJAMI: Shkurtimisht, edhe një herë.
Të nderuar deputetë,
Në Qeverinë Kurti, ne kishim një ministri të quajtur Ministria MEPTINIS, në kuadër të së cilës,
kishte projekte për ambient, projekte për rregullim të shtretërve të lumenjve, për zona
ekonomike, për parqe e të tjera, pra projekte të ndryshme.
Në fakt, ambienti ka qenë te Ministria e Infrastrukturës, po në kuadër të MEPTINIS-it, ka qemë
Ministria e Zhvillimit Ekonomi dhe Ministria e Tregtisë dhe Industrisë.
Tani, më lejoni t’ju them që mbi 50 milionë euro, të cilat shpenzuar që të implementohen masat
nga pakoja fiskale emergjente, janë marrë nga mjetet e rregullta të të gjitha këtyre ministreve,
dhe ne me rishikim jemi duke i plotësuar këto projekte.
Gjatë asaj kohe, nga ministria Financave ka pasur edhe një letër që të mos fillohen projektet e
reja kapitale. Ne kemi zhbllokuar atë dhe kemi flokuar 40 milionë të mjeteve të cilat kanë ardhur
nga Agjencia Kosovare e Privatizimit.
Andaj, kur ne sot flasim për projekte të shkurtuara, ta keni parasysh që këtu është marrë për bazë
dinamika e implementimit. Janë shkurtuar dhe janë stopuar në një kohë, sepse janë nevojitur
mjete për implementim të masave për pakon fiskale emergjente. Edhe sikur të ishit ju në pozita
të tilla, besoj që do ta bënit të njëjtën gjë.
Çka jemi duke bërë ne me rishikim, jemi duke gjetur burime të financimit për 617 milionë euro,
sepse është kostoja e pakos për rimëkëmbje 335 milionë euro dhe kemi reflektim, zëvendësim të
financimit të rënies së të hyrave të rregullta buxhetore, në shumë prej 232 milionë eruarve.
Andaj, nuk ia vlen të bisedohet për shkurtim të projekteve, sepse nuk janë shkurtuar. Është marrë
për bazë vetëm koha e humbur në implementim të tyre. Edhe një herë, as Prizrenit dhe as dhe
asnjë komune tjetër nuk i është hequr buxheti, sepse buxheti i komunës rishikohet me vendim të
asamblesë komunale.
Janë hequr mjetet nga ministritë e linjës, me formulën e njëjtë për të gjitha organizatat buxhetore,
prapë duke marrë parasysh dinamikën e implementimit.
KRYETARJA: Deputeti Bekim Haxhiu, përgatitet deputeti Sali Zyba. Mikrofonin për deputetin
Haxhiu, ju lutem!
BEKIM HAXHIU: Faleminderit e nderuar, kryetare!
I nderuar kabinet qeveritar,
Të nderuar kolegë deputetë,
212
E nderuar deputete, Mimoza,
Po ta jap mundësinë që t’i përgjigjesh kolegut, sepse po diskutojmë një çështje të rëndësishme,
siç është Buxheti dhe po mendoj që dakordanca për të diskutuar dhe për të debatuar për këtë
çështje është shumë e rëndësishme.
Para së gjithash, të nderuar kolegë deputetë, ta kuptojmë situatën në të cilën ndodhemi. Pra, po
shqyrtojmë Buxhetin e vitit 2020, të cilin katër muaj më parë e keni votuar bashkë LDK e LVV,
bile e keni votuar me urgjencë, se thoshit se po ju duhen mjetet për menaxhimin e koronavirusit.
E patët bërë në gjysmë të natës, duke na anashkaluar neve deputetëve opozitarë.
Pra, po diskutojmë plotësim-ndryshimin e ligjit që Lëvizja Vetëvendosje së bashku me LDK-në e
kanë përgatitur. Çfarëdo që sot e kritikoni njëri-tjetrin, vetëm se po dëshmoni paaftësinë tuaj për
përgatitje të Buxhetit, në udhëheqje, në menaxhimin dhe po dëshmoni edhe abuzimet e ndërsjella
dhe mashtrimet që ua keni bërë qytetarëve deri më tani.
Interesante kjo situatë, të njëjtit deputetë që këtë Buxhet e lavdëronin katër muaj më parë, sot po
e kritikojnë, ndërsa këta që janë në Qeveri, po e mbrojnë Buxhetin, nga ata me të cilët së bashku
e kanë punuar.
Ne deputetët e PDK-së, opozitarë atëherë opozitarë sot, por konstruktiv, nuk na ishte dhënë
mundësia që të debatojmë për Buxhetin atëherë, prandaj po na jepet mundësia që sot t’i themi ato
që kemi dashur t’i themi atëherë, sepse një analizë të mirëfilltë të këtij Buxheti, e tha shefi ynë i
grupit parlamentar, Bedri Hamza, njëri prej ekspertëve më të mirë të ekonomisë që e ka Kosova.
Unë, këtu dua ta bëj publik një qëndrim timin që nëse Buxhet nuk reflekton rritja e pagave për
profesionistët shëndetësorë sipas planifikimit që ishte paraparë me Ligjin e Pagave, duke
përfshirë në rritje edhe kërkesat e infermierëve dhe mamive, vota nuk do të shkojë për këtë
Buxhet.
Paraprakisht, Qeveria duhet të marrë një vendim për rritjen e pagave për të gjithë profesionistët
shëndetësorë, përfshirë edhe infermierët dhe mamitë dhe të gjitha kategoritë që për çdo ditë po
përballen me pandeminë. Lëvdatat për profesionistët shëndetësorë, policinë dhe të tjerët që janë
duke menaxhuar dhe udhëhequr situatën aktualisht, janë të mjaftueshme deri tani. Tash e tutje,
shkoni në Qeveri edhe merrni vendimin për ngritjen e pagave për ta ashtu siç e meritojnë për
punën që e bëjnë.
Të nderuar kolegë,
Dua tua rikujtoj disa prej premtimeve që i keni dhënë në fushatë bashkë edhe LDK-ja edhe
Lëvizja Vetëvendosje, sepse për çdo politikan të ndershëm, premtimet janë zotim para besimit
qytetar.
213
Premtuat zhvillim dhe punësim, ndërsa vendit ia humbët miliona dollarë. Premtuat rritje të
buxhetit për skemat sociale për pesë herë më shumë në fushatë, ndërsa në planifikimin buxhetor,
atë më herët dhe këtë tani, as për vitin 2020 dhe as 2021 dhe as 2022, nuk keni planifikuar asgjë
për 23 skemat sociale.
Premtuat rimburësim për familjet që kanë buxhet vjetor më të vogël se 5 mijë deri në 7 mijë
euro, premtim bosh atëherë edhe sot. Premtuar paga minimali 600 euro gjatë fushatës, ndërsa
nuk planifikuat as atëherë as sot ndonjë rritje për këto kategori, bile, tani po ka vështirësi që të
sigurohen edhe ato pagesat prej 130 euro dhe 170 euro, prandaj duhet ky rishikim i Buxhetit,
sepse edhe gjatë udhëheqjes premtonit bosh.
Premtuat se nuk do të jetë një qeveri e asfaltit, ndërsa Buxheti që votuat atëherë dhe tani që e
keni në planifikim, keni vepruar me logjikën e njëjtë, edhe pse thirreshit se keni pasur një Buxhet
të trashëguar, edhe pse vetëm 12.6%, pra ishin obligimet e trashëguar, ndërsa 87.4% të Buxhetit
keni pasur mundësi që ta planifikoni dhe ta ridizajnoni si keni dashur vetë. Edhe Qeveria Kurti
edhe Hoti, pra të dyja janë qeveri të asfaltit.
Premtuat paga më të larta për mjekët me koeficient 6, ndërsa nuk e bëtë asnjë vendim për rritjen
pagave as në Qeverinë Kurti as në Qeverinë Hoti, prandaj vota ime nuk do të jetë pro Buxhetit
nëse nuk ka planifikim për rritjen e pagave për profesionistët shëndetësore.
Në fund, premtuat...
KRYETARJA: Deputeti Sali Zyba e ka fjalën. Më fal se replikë ka Mimoza Kusari, ia ka
përmendur emrin. Ju thashë Mimozë.
MIMOZA KUSARI-LILA: Falënderoj deputetin Haxhiu që ma dha rastin t’i kthej përgjigje,
deputetit Hajdini.
Si e para, krejt referencat negative që po i bëni në Qeverinë Kurti, përfaqësuesit e LDK-ës,
shumë interesant, thua se s’keni qenë aty. 50% të ministrive ose shumicën e dikastereve e keni
mbajtur dhe po jepni përshtypjen tani, që gjithçka që ka bërë ka qenë përgjegjësi e veç njërës
anë.
Nëse ka pasur çështje konkrete të cilat mund t’i ngrini ose që i keni ngritur publikisht edhe nuk
janë marrë parasysh, atëherë thoni me emër.
E dyta, sa u përket zonave ekonomike, është shumë interesant me pyet për zona ekonomike, kur
Ligji për Zonat Ekonomike, në funksion me fizibilitet e ka për zonë ekonomike Gjakovën,
Mitrovicën, edhe në fund është shtuar edhe Prizreni.
214
Në fakt, për Gjakovën, kur unë kam qenë kryetare, ndërsa ministër i Financave ka qenë zoti Hoti,
dhe kur i kam shkuar me fizibilitet që t’i nxjerrën prej Agjencisë së Privatizimit, tri ndërmarrje
dhe të kthehen në zonë industriale, e ka kthyer përgjigje, pse veç Gjakovës.
Domethënë, për të ka qenë më e lehtë që ta refuzojë një komunë komplet edhe t’ia ndalë çfarëdo
mundësie që e ka për zhvillim, përderisa që të investohet me 1 milionë euro në zona ekonomike,
nuk mbërrin asgjë.
Kosova ka infrastrukturë të mjaftueshme industriale që nuk është duke e shfrytëzuar, e ka lënë në
Agjencinë e Privatizimit.
Kur Qeveria Kurti i anuloi vendimet për privatizimit, erdhi kjo Qeveri edhe tash të gjitha
vendimet i ktheu siç kanë qenë. Në fakt, privatizimi nuk po i lë, por likuidimin dhe dhënien me
qira po e lë. Për çfarë arsye, e dinë ata.
Ndërsa për marrëveshjet që i kanë bërë edhe me AAK-në edhe me Nismën, qoftë për zonën në
Malishevë, që duhet të shkohet arave, duke i pasur fabrikat të cilat janë ende duke ndenjur djerrë.
Nëse ka strategji për zhvillim, kjo është mënyra.
Mund të lidhet edhe me green deal, me pas ekonomi të gjelbër që kryhet ose kapacitetin
industriale që shfrytëzohen për ekonomi të pastër, dhe këto janë ide që duhet të vijnë, mirëpo që
bëhen këto, duhet të dish e para, duhet ta kesh guxim, e natyrisht duhet të kesh, gjithashtu edhe
vizion për ta ditur se ku është fundi, e kur s’ke vizion, natyrisht që pret secilën ditë se kur po ju
shkarkojnë.
KRYETARJA: Faleminderit! Deputeti Sali Zyba. Faktikisht, kundër-replikë, sepse Mimoza e
pati replikë, kështu që ju mund të keni kundër-replikë. E di çfarë, meqenëse ia përmende emrin,
Shkëlzeni i ka dy minuta, Mimoza pastaj e ka edhe një minutë shtesë kundër-replikë, dhe me
këtë përmbyllet gjithçka.
SHKËLZEN HAJDINI: Nëse ia përmend emrin apo? Ne po flasim tani dhe unë nuk dua të
spekuloj për qeverinë që e kemi pasur së bashku, asnjë fjalë të keqe nuk e flas, se kemi qenë
bashkë.
Nëse nuk është e vërtetë kjo që tani po dua të them, sot s’keni nevojë që më përgjigjes, kurdo
mund të më përgjigjeni.
Shkurtimet a i kem i nisur së bashku sa kemi qenë në Qeveri? Këtë po dua ta dëgjoj, pra që të
mbulohet pakoja emergjente. Në këtë pyetje dua të përgjigjesh, se kjo ndërlidhet me të gjitha
215
diskutimet tuaja që i keni bërë te shkurtimet që janë bërë në rishikim, ndërkaq shkurtimet ne i
kemi nisur së bashku sa kemi qenë në Qeveri.
Në këtë pyetje, ju lutem, nëse s’mundeni sot, konsultohu me ministrat tuaj që i kemi pasur së
bashku në Qeveri edhe pastaj ma ktheni përgjigjen. Shkurtimet i kemi nisur sa kemi qenë në
Qeveri, plus janë premtuar po ashtu sa kemi qenë në Qeveri, nuk kemi mundur t’i shpenzojmë se
s’kemi pasur bazë ligjore, e tash ne çfarë jemi duke bërë? Ne jemi duke i mbuluar, duke e bërë
rishikimin që t’i mbulojmë premtimet që i kemi dhënë për mbulim të shpenzime të pandemisë.
Ju lutem, krejt e kthejmë debatin në baza profesionale.
E vërtetë është që ne kemi zona të licencuara për zhvillim ekonomik, zona ekonomike dhe kjo
është e vërtetë, mund t’i referohemi Buxhetit të vitit 2019 edhe Buxhetit të vitit 2020.
Kemi 30% shkurtim të mjeteve të ndara të fondeve për zhvillim ekonomik, për zona ekonomike,
po flas konkretisht, zonë e licencuar është zona ekonomike e Lipjanit.
Megjithatë, ne e kuptojmë që ka qenë vështirë, kemi qenë së bashku dhe asnjë fjalë prapë nuk e
flas, por shkurtimet, edhe një herë po e përmend, që i kemi nisur së bashku, e s’ka nevojë tani që
të akuzohet ministrja Bajrami. Faleminderit!
KRYETARJA: Mimoza Kusari, kundër-replikë!
MIMOZA KUSARI-LILA: Nëse flasim me fakte, ashtu qysh po kërkon e që unë po mundohem
në vazhdimësi që të flasë, fakt është më 5 mars është votuar Buxheti. Po ashtu është fakt që ka
pasur vazhdimësi të projekteve të viteve më pare e ndoshta edhe dy apo tri qeverive të
mëhershme.
Fakt është që më 25 mars është votuar rrëzimi i Qeverisë Kurti, ndërsa fakt është që pakoja e
rimëkëmbjes ka filluar që të bëhet pasi që është rrëzuar Qeveria, gjegjësisht më 30 mars.
Domethënë pasi që është tregua qëndrimi i Lidhjes Demokratike ndaj Qeverisë Kurti, ka qenë
Qeveri në detyrë ku janë marrë këto masa. Domethënë, nuk mund të flasësh për orientim
strategjik e të tjera, kur ju keni treguar mosbesimin bazik ndaj partnerit qeverisës edhe e keni
rrëzuar në Parlament. Tash këto të tjerat janë krejt post festum.
E thashë, hera e tretë që po e përsërisë, këto janë pasojë e një shkaku që e keni shkaktuar ju.
Tash, a po mundeni a s’po mundeni t’i bartni pasojat, ato po i shohin të gjithë të tjerët.
KRYETARJA: Deputeti Sali Zyba!
216
SALI ZYBA: Faleminderit, kryetare!
Të nderuar kolegë deputetë,
Të dashur qytetarë të Republikës së Kosovës,
Qeveri koti,
Zëvendëskryeministër paranoik, Selmanaj,
Unë, Ligjin për rishikim s’kam pasur mundësi që ta marrë krejt, sepse koha na kufizon. Kështu
që, me vete kam marrë vetëm një fletë nga 511 që ka Ligji për rishikim.
Tash, meqenëse e mori primatin zëvendëskryeministri i Qeveri koti, njëherësh paranoik, për të
cilin njihet tashmë, unë po dua që t’i përmend disa prej projekteve, nuk jam lokalist, por më së
miri e shfaqin këtë, projektet për lokalitetin prej kah vjen ky zëvendëskryeministër, gjithnjë
paranojik.
Pra, nga 15 projekte, se është mirë që ta shohin edhe qytetarët. Nga 15 projekte që Komuna e
Therandës, ka me mbështetje të Qeverisë të parapara nga Qeveria Kurti, me ndryshimet që i ka
pasuar, 10 prej tyre janë zvogëluara, tri janë të njëjtat, ndërsa dy janë rritur.
Por, për t’i treguar këtij zëvendëskryeministri pranoik, mua më duhet gjithsesi ta përmend se ky
na këshilloi neve që t’i lëmë lumenjtë, ta lamë mjedisin, ta lëmë muzeun, t’i lëmë gjërat tjera.
I tregoj që nga këto projekte, po veçoj dy projekte që tash kanë pësuar rritje, e këto janë
projektet, ndërtimi i rrugës “Brigada 123” në sheshin e Therandës, pra është edhe një projekt
tjetër që ka pësuar rritje, por e përmend këtë me qëllimin e vetëm, sepse për 125 mijë euro ka
pësuar rritje ky projekt.
E keni parasysh, ky projekt realizohet ose përfiton ministri i kësaj Qeverie koti, e ky është
Blerim Kuçi. Do të thotë se ka përfituar firma e tij, e jam i sigurt që nga ky Buxhet në mënyrë siç
e kam rishikuar unë, nuk ka biznes a nuk ka qytetar të Republikës së Kosovës që përfiton 125
mijë euro. Pra, do të thotë se ka rritje në projektin në infrastrukturë.
Andaj, ministre ka rritje në disa prej projekteve, ku ka përzgjedhje. Ndoshta ka ndikuar ky
zëvendëskryeministër i kësaj Qeverie koti, gjithnjë paranojik, por ju lutem të na shpjegoni ju
këtë.
Është edhe një projekt tjetër që i njëjti zëvendëskryeministër koti, e ka kushtëzuar Qeverinë
Kurti, në rishikim gjatë seancave duke qenë anëtar i komisionit, pjesëmarrës në Komision për
Buxhet, e ka kushtëzuar projektin për ndërtimin e shtëpisë së kulturës. E ka kushtëzuar me një
mbështetje 300 mijë euro. Nuk i ka mjaftuar kjo mbështetje, i ka dhënë edhe 187 mijë euro
shtesë.
217
Ama ta keni parasysh që kjo shtëpi e kulturës që e mbanë një emër të një veprimtari Ukë Bytyqi,
për të cilin e kam dashur dhe e kam respektuar më shumë se vet ky, por poenë politikë, i njëjti i
ka dhënë përfitime këtij tenderi dy dëshmuar si i korruptuar, për ta mbuluar me vota me arsyet që
i ka dhënë ky.
Andaj, i lutem këtij zëvendëskryeministri, meqenëse na tha që jemi në kohë pandemie. Kohën e
pandemisë e ka shpallur Qeveria Kurti, sepse ka qenë e vetëdijshme dhe ka marrë masa në
parandalim.
Andaj, edhe ministrja tha se jemi në kohë pandemie dhe i arsyetoi disa prej projekteve dhe
zvogëlimeve, por vetëm të keni parasysh diçka, ky ose kjo Qeveri të themi më mirë, koti, nuk e
lufton më virusin, sepse virusi janë vetëm këta, janë vetë këta dhe duhet të ruhemi nga këta, nga
kjo Qeveri.
Ta keni parasysh, nuk shpresojnë më qytetarët që këta e luftojnë virusin. Të mos thirreni në
pandemi e në virus, thirruni në përfitime që e mora shembullin në komunën prej nga vjen
zëvendëskryeministri.
Nuk e kam personale, qytetarët e dinë dhe më vjen keq prej qytetarëve të tjerë, nuk e kam
zgjedhur komunën që i përkas edhe unë, për këto projekte, por kjo është një pasqyrë reale për të
cilën kam marrë sot shumë shqetësime sesi nga të gjitha këto projektet e tjera, shumë biznese
janë kursyer dhe kanë hyra në minus, ndërsa ministri i kësaj Qeverie përfiton.
Tani, ju lutem ministre, një shpjegim. Nëse nuk ke shpjegim, qytetarët tashmë e kanë kuptuar
qeverisjen koti.
Ndërsa, kam edhe një propozim për zëvendëskryeministrin, i ka mbetur edhe një mundësi, nëse
presidenti tashmë nuk është nisur për rrugë, t’ia realizojë një dëshirë, ta shpallë gjendjen e
jashtëzakonshme. Faleminderit!
KRYETARJA: Ismet Beqiri e ke fjalën.
ISMET BEQIRI: Faleminderit, kryetare!
Po flas në emër të grupit, unë sinqerisht s’e pata ndërmend të flasë. E kam një lutje, fillimisht për
grupin tim parlamentar të cilin e përfaqësoj, që më pakta që mund të bëjmë është që të mos biem
në provokime. Po ju lus që nëse ka dikush çfarë të debatojë, le të debatojë, sepse qëllimi i dikujt
është këtu që me polemikë, replikë, kundër-replikë që ta zgjasë këtë punë.
218
Unë ju lus që kjo të bëhet, sikur që të bëhet edhe nga ana zëvendëskryeministrit dhe ministres, të
presim deri në fund, të flasin çfarë të duan. Kur po flasin disa gjëra vërtet të paqëlluara, por në
fund përmblidhini dhe e thoni fjalën tuaj përfundimtare.
Pra, qëllimi ynë edhe i qytetarëve është që të kalojë Buxheti, ky rishikim. Kjo është me rëndësi
jetike për neve. Ndërkaq, është shumë normale që në emër të grupit parlamentar, unë
distancohem nga fyerjet që po bëhen këtu meqë kjo është e ulët.
Zonja kryetare, jeni një njeri që e dini mirë këtë punë. Është fyerje t’i thuash paranoik
zëvendëskryeministrit, edhe t’i thuash virus.
Prandaj, unë po e them në emër të grupit dhe po i lus kolegët e mi të respektuar të grupit që të
jemi sa më racionalë, sikundër që edhe një numër i madh i deputetëve, po ashtu të opozitës, pjesë
që thanë fjalën më herët, ishin shumë konstruktivë, e thanë fjalë e tyre përkundër vërejtjeve që i
kanë.
Andaj, janë edhe shtatë të lajmëruar dhe unë e kam këtë apel. Ne do të përmbahemi, vazhdoni,
sepse do të kemi të tjera seanca dhe nëse dikush mendon që me fyerje e etiketime mund të
zgjidhen problemet, e ka shumë gabim.
Nuk mund të jetë dikush i mirë gjatë bashkëqeverisjes, profesionist, i përgatitur dhe kundër e
kësaj kur s’jemi bashkë.
Po ju lus, ne si kolegë do të përmbahemi. Jemi me atë që ta kryejmë këtë debat dhe të votohet ky
rishikim dhe të gjitha ato që kemi për t’i thënë, t’i themi mes dy lexime.
Unë besoj që mirëkuptojnë zëvendëskryeministri edhe ministrja. Duroni edhe gjëra që vërtet janë
absolutisht jo të dinjitetshme çfarë po thuhen. Por, në fund e keni ju, sigurisht kryetarja e di këtë,
fjalën përfundimtare besoj, dhe ne ta kryejmë këtë proces të votimit.
Do të kemi kohë që të ballafaqohemi me argumente edhe për gjëra për të cilat shumëkush i ka
futur kot, gjatë kësaj seance. Faleminderit!
KRYETARJA: Unë jam duke e zbatuar Rregulloren në përpikëri. Fjalën për replikë e ka zoti Sali
Zyba.
SALI ZYBA: Ju emrin nuk ma përmendet, por më mirë që s’ma përmendet, se as mua nuk do të
më bëje nder, e as respekt jo. Faleminderit!
219
Atëherë, keni parasysh diçka. Ky ka post publik, ka edhe përgjegjësi publike. Prandaj, në vend se
ta mbështesë Qeverinë Kurti, ta luftojë virusin dhe t’i luftojë dukuritë negative, ky i njëjti nuk e
ka luftuar virusin, po ka zgjedhë që ta përqafojë virusin e ta luftojë zotëri Kurtin.
KRYETARJA: Deputetja Ganimete Musliu e ka fjalën.
GANIMETE MUSLIU: Faleminderit, kryetare!
Përshëndetje kabinet qeveritar,
Të nderuara kolege dhe ju kolegë deputetë,
Të dashur qytetarë të Republikës së Kosovës,
Unë, sot nuk dua që të flasë aspak për Buxhetin ose projektbuxhetin të cilin jemi ne jemi duke e
diskutuar, rishqyrtimin e projektbuxhetit, sepse vërtet është shumë patetike dhe shumë e rëndë të
dëgjohet ky debat i kontaminuar...
Fitore, mbylle gojën kur të flas unë! Ky ambient i kontaminuar nga dy parti politike...
KRYETARJA: Të lutem kolege, keni kujdes me gjuhën që e përdorni.
GANIMETE MUSLIU: Edhe një herë po them, mbylle gojën Fitore, kur unë flasë! A po
dëshironi edhe një herë që ta them.
KRYETARJA: Jo, kolege, po ta tërheq vërejtjen, sepse gjatë tërë kohës, kur kanë folur kolegët e
tjerë edhe ju keni folur edhe dikush tjetër ka folur.
Nuk keni nevojë të përdorni gjuhë të tillë fyese.
GANIMETE MUSLIU: Edhe unë prapë po e përsëris, kur flas unë, kur e kërkoj fjalën, le të
dëgjojë deri në fund. Nuk është ajo që ma përcakton mua rendin e ditës edhe fjalën time. Pikë.
Ju jeni ajo që ma tërhiqni vërejtjen dhe ju e dini se pse e kam marrën fjalën tani.
KRYETARJA: Prandaj, po jua tërheq vërejtjen. Unë pata mirëkuptim për juve, zonja deputete.
A po ulesh, zoti deputet...! A po ulesh dhe mos bërtit...! A po ulesh dhe mos bërtit...! A po ulesh
dhe mos bërtit, sepse jeni ju që më së shumti e keni përdorur për 52 ditë fjalën paranojak. A po
dëshiron ta dish!
Ulu, ose kërkoj prej sigurimit që t’ju nxjerrë jashtë. A kuptove? A kuptove se çfarë ju thashë?
Vazhdo, zonja Ganimete Musliu e ka fjalën. Po, te foltorja!
220
GANIMETE MUSLIU: Edhe një herë.
E nderuara kryetare e Kuvendit,
Ky është rezultati i Fitore Pacollit. Edhe një herë.
E nderuara kryetare e Kuvendit,
I nderuar kabinet qeveritar,
Kolege dhe ju kolegë deputetë,
Zonja dhe zotërinj,
Qytetarë të nderuar,
Nuk do të flas për Buxhetin sot, sepse është shumë e rëndë t’i dëgjosh dy parti politike, të cilat
në orën 1:00 të natës kur e patën votuar në mënyrë klandestine këtë Buxhet, e patën përmbyllur
me duartrokitje.
Arsyeja, pse unë sot jam në foltore është, sepse një faqe e Facebook-ut e afërt me Vetëvendosjen,
konkretisht, faqja ‘Qeveria Kurti’, ka bërë një shpifje dhe një gënjeshtër në emrin tim.
Në atë faqe shkruan se Ganimete Musliu është e dyshuar për COVID dhe është e
papërgjegjshme, se merr pjesë në seancën parlamentare.
Kërkoj nga Vetëvendosje, në këtë rast...
(Reagime nga salla, debate, ndërhyrje, tensionim i situatës...)
KRYETARJA: Të nderuar deputetë,
Kjo seancë ndërpritet për shkak të paedukatës së disa deputetëve dhe do t’ju ftojmë vetëm kur të
vendosë Kryesia e Kuvendit.
* * *
221
E hënë, 13 korrik 2020
Vazhdimi i mbledhjes pleanre, e filluar më 9 korrik 2020
Mbledhjen e drejton kryetarja e Kuvendit, znj. Vjosa Osmani.
KRYETARJA: Të nderuar deputetë!
Para se të vazhdojmë me pikat e rendit të ditës, më lejoni që sërish t’ju informoj lidhur me
rëndësinë e respektimi të masave për mbrojtje nga pandemia COVID-19.
Duke u bazuar në manualin e Ministrisë së Shëndetësisë, si dhe në rekomandimet e Institutit dhe
vendimet e tjera, përgjatë seancës jeni të obliguar që në mënyrë strikte të respektoni distancën
fizike prej rreth 2 metrash dhe të përdorni maska gjatë tërë kohës. Rekomandohet mbajtje e
higjienës personale, duke dezinfektuar duart vazhdimisht. Rekomandohet që diskutimi i deputetit
të realizohet nga ulësja, përveç kur mikrofoni nuk u punon tek ulësja e tyre. Rekomandohet të
dezinfektohet dhe ajroset hapësira kohë pas kohe, në mënyrë që të pamundësojë përhapjen
eventuale të infeksionit. Të gjithë ata që kanë shfaqje të simptomave duhet të qëndrojnë në
shtëpi, pra të vetizolohen, e jo të jenë në seancë. Nëse keni qenë rast kontakti, duhet të
vetizoloheni për 14 ditë dhe nuk duhet të keni asnjë kontakt gjatë kësaj kohe.
Kush është me simptoma, ju kisha lutur të mos vazhdoni të qëndroni në seancë.
Atëherë, po i hap punimet për vazhdimin e seancës plenare të Kuvendit të Kosovës të filluar më
9 korrik dhe të ndërprerë më 10 korrik.
Në lidhje me këtë ndërprerje të seancës Kryesia e Kuvendit në takimin e mbajtur më 10 korrik ka
vendosur që kjo seancë t’i vazhdojë punimet sot, më 13 korrik 2020, në orën 14:00.
Të nderuar deputetë,
Para se të fillojmë me rendin e ditës, më lejoni t’ju informoj se në seancën plenare të mbajtur më
10 korrik, te pika e rendit të ditës formimi i Komisionit ad hoc për përzgjedhjen e kandidatëve
për 7 anëtarë të Këshillit Pavarur Mbikëqyrës, për shërbimin civil të Kosovës, nga Grupi
Parlamentar i PDK-së është propozuar për kryetar të këtij komisioni deputeti Mërgim Lushtaku.
Megjithatë, sipas Rregullores së Kuvendit, një deputet nuk mund të jetë kryetar i dy komisioneve
dhe meqenëse zoti Lushtaku tashmë e udhëheq një komision parlamentar, e lus Grupin
Parlamentar të PDK-së që të bëjë propozimin e ri për udhëheqës të këtij Komisioni ad hoc. Zoti
Hamza e ka fjalën!
BEDRI HAMZA: Faleminderit, kryetare!
Atëherë, zonja Valdete Idrizi është kryetare, ndërsa zoti Mërgim Lushtaku është anëtar i
komisionit.
222
KRYETARJA: Faleminderit!
Po procedojmë me Projektligjin për plotësim-ndryshimin e Ligjit 07/L-001 mbi ndarjet
buxhetore për buxhetin e Republikës së Kosovës. Disa deputetë e kanë kërkuar fjalën, më lejoni
ta sqaroj që në përputhje me Rregulloren e Kuvendit, në qoftë se një deputet tashmë një herë ka
folur lidhur me këtë procedim të buxhetit, rishikim të buxhetit, sipas Rregullore së Kuvendit nuk
ka të drejtë ta kërkojë fjalën përsëri.
Këtu do ta konfirmojmë tani me Administratën, nga 4 deputetët që e kanë kërkuar fjalën, në
qoftë se ndonjëri prej tyre tashmë e ka ezauruar këtë të drejtë nga seanca e kaluar. Ju lus për
mirëkuptim për disa minuta!
Fjalën e ka deputeti Elbert Krasniqi!
ELBERT KRASNIQI: Faleminderit, kryetare e Kuvendit!
Të nderuar deputetë,
Mjafton një analizë të shkurtër e këtij projektligjit të shikim buxhetit që të vërehet qëllimi i
përgjysmimit të projekteve specifike në zonat ku banohen nga grupet etnike, e të cilat ishin të
mbështetura nga Qeveria Kurti. Për të qenë më i detajuar, po ju përmend vetëm dy. Asfaltimi i
rrugës në komunën e Istogut, në fshatin Llukaci i Thatë, nga shuma fillestare e projektit 130 mijë
euro, ky rishikimi i buxhetit e përgjysmon në vetëm 65 mijë euro, pra Qeveria Kurti ndau 130
mijë euro, ndërsa Qeveria Hoti e përgjysmon 65 mijë euro.
Kanalizimi i ujërave të zeza në Gjakovë, në Lagjen Dardania, me shumën fillestare 90 mijë euro,
ky rishikim e sjell në 47 mijë euro. Këto dy projekte ishin të projektuara nga komunat në fjalë
dhe realizimi i tyre do të mund të bëhet vetëm ashtu siç ishte planifikuar edhe në aspektin
buxhetor. Për banorët e këtyre dy lokacioneve në rast që këto projekte nuk do të implimentohen
apo do të implimentohen vetëm pjesërisht, përgjegjësinë duhet ta kërkojmë te kjo qeveri, e cila
për qëllim ka dëmtimin e projekteve specifike dhe fokusohet në krimin e vjedhjeve buxhetore
gjenerale, të cilat më lehtë mund t’i keqshfrytëzojë sipas agjendës së tyre politike.
Arsyetimi që me rishikim të buxhetit qeveria është fokusuar në menaxhim të situatës me
pandeminë e demaskon një gatishmëri për të mbështetur Ligjin anti-COVID. Asnjë projekt për
mbështetje në teknologji për mësimin online për fëmijët e grupit të margjinalizuara, asnjë
mbështetje për fshatrat dhe lagjet për sistemet e ujësjellësit ku jetojnë komunitetet, thjesht asnjë
projekt, i cili do të ndihmonte jetën e qytetarëve. Kjo qeveri minoritetet i shikon si pakicë edhe
në buxhet, përjashto Listën serbe, nga e cila varet dhe të cilës i nënshtrohet.
Të dashur qytetarë, këta pushtetarë nuk e kanë mendjen e vullnetin për të na ndihmuar, sepse e
kanë mendjen dhe planin për të rrëmbyer çka të munden për veten e tyre. Zoti Hoti, në
ekspozenë e tij kur u votua kjo qeveri jolegjitime theksoi: Qeveria do të promovojë mundësitë e
223
barabarta për të gjithë qytetarët, dëmtimi i projekteve në interes të komuniteteve nuk është
mundësi e barabartë, zoti Hoti, është diskriminim që ju bëhet këtyre qytetarëve. Faleminderit!
KRYETARJA: Deputetja Fjolla Ujkani e ka fjalën.
FJOLLA UJKANI: Faleminderit, kryetare!
Të nderuar qytetarë të Republikës, pandemia COVID-19 ka shkaktuar shumë vështirësi
ekonomike te qytetarët, por edhe ka shkaktuar dëme të pallogaritshme te biznesi i vogël dhe i
mesëm. Shumë nga këto biznese që mbajnë gjallë ekonomi lokale po mbyllen çdo ditë, tregtarë,
zejtarë e prodhues të vegjël po humbin biznesin e tyre dhe të ardhurat për familjet e tyre.
Pakoja emergjente ekonomike siç është propozuar nga kjo qeveri nuk ka qartësi si do të
shpenzohet, as nuk ka qartësi nga kjo qeveri si do të menaxhohet. Pra, nuk dihet kush do të
përfitojë nga kjo pako emergjente, e cilat kritere duhet të zbatohen. Janë qindra e miliona euro
nga taksat e qytetarëve që ka rrezik të keqpërdoren e të mos shkojnë në vendin e duhur, ka rrezik
që në mungesë të këtyre kushteve e kritereve të përfitojnë oligarkët e lidhur me pushtetin, ndërsa
ata që kanë nevojë e janë dëmtuar nga pandemia COVID-19 të mos e përfitojnë asnjë cent.
Biznesi i vogël e i mesëm, prodhuesit vendorë, sidomos në qytete si Vushtrria kanë nevojë për
mbështetje financiare nga shteti, sepse e kanë ndërtuar këtë shtet 20 vjet me taksat e tyre.
Qeveria qendrore nuk ka as mekanizma t’i kontrollojë si do të ndihmohen biznesi i vogël e i
mesëm dhe ekonomitë familjare. Andaj, do të duhej që kjo pako ekonomike dhe ndihma
financiare e shtetit për rimëkëmbje ekonomike të kalojë përmes pushtetit lokal, i cili ka
kapacitete dhe është më afër në terren për të mbikëqyrur në përpikëri zbatimin ligjor të saj.
Ndërsa, sa i përket ujësjellësit në Vushtrri, pavarësisht arsyetimit të ministres Bajrami, në
mbledhjen e seancës së kaluar çështja e furnizimit me ujë të pijes për banorët e komunës së
Vushtrrisë është jetike. Shkurtimi i kodit buxhetor prej 750 mijë eurove në 375 mijë euro është i
papranueshëm.
Komuna e Vushtrrisë tashmë ka dorëzuar... e parë për pagesë në ministri linjë në vlerë prej 292
mijë eurosh, ndërsa kanë mbetur vetëm 80 mijë euro. Duke u nisur nga informatat që i kemi
marrë nga Komuna e Vushtrrisë, situacioni i dytë për pagesë në vlerë prej 80 mijë eurosh
dorëzohet deri në fund të muajit që nënkuptojmë që nga muaji gusht kemi zero mjete në kodin e
ujësjellësit. Andaj, është më se evidente që në këtë projektligj ju i keni vendosur pazaret politike
para interesave të qytetarëve. Faleminderit!
KRYETARJA: Faleminderit! Deputeti Agon Batusha e ka fjalën! Faktikisht kërkoj falje Agon,
se ndërkohë e paska kërkuar edhe dikush i LDK-së. Saranda Musliu e ka fjalën!
224
SARANDA MUSLIU: E nderuar kryetare e Kuvendit!
I nderuar kryeministër,
Kabinet qeveritar,
Të nderuar kolegë deputetë,
Qytetarë të Kosovës.
Projektligji për rishikimin e buxhetit sigurisht se është i rëndësishëm për qeverinë, kjo pasi që
planifikimet e bëra për atë vit e ka momentumin e vet me rishikim, a po dëgjohet? Dhe të
vlerësohet mundësisht me ndryshimet eventuale. Megjithatë, këtë vit rëndësia e këtij rishikim
tejkalon çdo rishikim të buxhetit gjatë gjithë këtyre viteve, kjo për shkak se aktualisht, sikurse
edhe çdo vend i botës, edhe Kosova është duke synuar të zvogëlojë efektet negative në
ekonominë e vendit të shkaktuara nga pandemia COVID-19.
Siç edhe mund të vërehet, nga tabelat e bashkëngjitura të hyrat buxhetore tanimë janë
parashikuar të jenë më të ulëta në masë të konsiderueshme. Kjo domosdo jep sinjal se ekonomia
ka nevojë për ndërhyrje me masa konkrete nga Qeveria. Megjithatë, edhe pse të hyrat janë më të
ulëta, kjo nuk do të thotë se qeveria nuk do të shfrytëzojë çdo instrument të mundshëm për të
tejkaluar efektet e krizës ekonomike të shkaktuara nga pandemia. Personalisht jam mjaft e
kënaqur që ky projeksion i buxhetit i parasheh masat direkte për të ndërhyrë në pikat ku më së
shumti është goditur ekonomia e vendit. Do t’i përmend kategoritë kryesore buxhetore, të cilat
kanë rëndësi jashtëzakonisht të madhe, si për shembull: është lajm shumë i mirë se niveli i
shpenzimeve për paga të sektorit publik nuk ka ndryshuar fare. Pra, shteti do t’i paguajë pagat
për punonjësit në sektorin publik ashtu siç e ka paraparë në fillim të vitit, askush nuk do të
goditet në paga. Qeveria ka paraparë reduktim të shpenzimeve në mallra dhe shërbime,
megjithëse kjo kategori është e rëndësishme, konsideroj se reduktimi i këtyre shpenzimeve është
adekuat, pasi që mjetet e kursyera nga kjo kategori do të mundësojnë që të financohen
shpenzimet me kategoritë e tjera më emergjente.
Një domosdoshmëri e këtij projektligji, e këtij buxheti është dhe kategoria e re, që ka për synim
rimëkëmbjen ekonomike të vendit nga kriza e pandemisë. Mjetet e parapara në këtë kategori janë
në 385 milionë euro, por se efektet e kësaj kategorie në ekonomi do të jenë edhe më të mëdha.
Kur e analizojmë strukturën e programit për rimëkëmbje, lirisht mund të konstatojmë se
buxhetimi i 385 milionë eurove do të gjenerojë aktivitet ekonomik shumëfish më të lartë se sa
kaq. Kjo pasi që kjo kategori financon kategori shumë të rëndësishme, përfshirë këtu edhe
investimet klauzole për investime. Po ashtu, konsideroj se rritja e investimeve kapitale do t’i
kontribuojë jashtëzakonisht shumë në reduktimin e efekteve negative për ekonomi, edhe pse
vendi ballafaqohet me kriza ekonomike për shkak të pandemisë duhet të kemi parasysh se
gjithmonë është koha e mirë për të ndërmarrë investime kapitale. Edhe tash, përveç se krijojmë
kushte për aktivitete më efikase ekonomike përmes instrumenteve e kapitalit, gjithashtu
gjenerojmë aktivitetet për sektorin privat, që gjithsesi duhet të jetë bartës i zhvillimit ekonomik
të vendit. Konsideroj se Projektligji për rishikim të buxhetit gjithmonë e ka rëndësinë e veçantë,
225
por kësaj radhe, për të mundësuar Qeverinë që të bëjë shpërndarjen e mjeteve, sidomos për
kategoritë ekonomike të prekura nga kriza ekonomike, është e rëndësishme që të përkrahet ky
buxhet.
Jam thellë e bindur se Qeveria do të ketë po ashtu përkrahjen e partnerëve tanë ndërkombëtarë që
të fuqizojë potencialin tonë ekonomik, sikur që është rasti me marrëveshjet ndërkombëtare, të
cilat fatkeqësisht po hasin në vështirësi të aprovohen në Kuvendin e Kosovës. Ka marrëveshje
ndërkombëtare që janë të trashëguara nga qeveritë e kaluara, prandaj nuk ka askush arsye të mos
i përkrahë dhe këto marrëveshje.
Duke shprehur bindjen se përmes këtij projektligji do të lehtësojmë vuajtjet ekonomike të shumë
njerëzve, e shpreh përkrahjen time të plotë për këtë buxhet, duke i bërë Qeverisë apel që sa më
parë e menjëherë pas aprovimit të fillojë të zbatojë këtë ligj.
KRYETARJA: Deputeti Agon Batusha e ka fjalën.
AGON BATUSHA: E nderuar kryetare!
E nderuar nënkryetare Arbërie,
Të nderuar kolegë deputetë,
Rishikimi i buxhetit dhe në përgjithësi buxheti është politika kryesore që e bën Kuvendi i
Kosovës. Përmes buxhetit ne shohim vizionin që e ka Qeveria, i shohim planet që i ka Qeveria
dhe projektet që i ka Qeveria për qytetarët e Kosovës.
Realisht kjo Qeveri koti përmes këtij buxheti nuk i adreson shqetësimet e qytetarëve dhe ky
rishikim i buxhetit nuk do të arrijë t’i adresojë pritshmëritë e qytetarëve. Për buxhetin, në
mbledhjen e kaluar, e cila u ndërpre në mënyrë të turpshme nga një koleg yni këtu, kanë folur
shumë kolegë, të cilët kanë adresuar shumicën e shqetësimeve që i kemi ne për këtë rishikim të
buxhetit. Por, nuk mundem pa e përmendur në seancën e 15 marsit 2020 kur e miratuam
buxhetin e shtetit, ku kolegët tanë nga LDK-ja deri në 2 të mëngjesit na lanë duke pritur për t’i
shtyrë amendamentet e veta që i kanë projektet e veta nga zonat ku i kanë votat, duke na
kërcënuar që për një-dy vota nuk do të na e votojnë buxhetin dhe kështu ta dështojnë projekt-
buxhetin e shtetit dhe mbetëm deri në dy të mëngjesit. Ndërsa sot, në fakt, të premten dëgjuam
kabinetin qeveritar duke thënë që buxheti është i zorit, duhet të miratohet se pandemia. Edhe më
15 mars qe pandemia, por nuk deshën t’ia dinë kolegët tanë. Njëjtë kolegët tanë nga AAK-ja, të
cilët bënin zhurmë aq të madhe për projektet në Gjakovë, e që sot Gjakovës i janë hequr 1.5
milion euro, apo janë prekur 40 projekte, janë përgjysmuar shumat, dhe nuk bëjnë zë fare.
Ky është paradoksi që ndodh këtu në Parlament, ku varësisht prej interesave bëjnë zhurmë, e kur
janë vetë në Qeveri, bëhen shumë të qetë. Gjithmonë kam qenë dhe jam kritik i mënyrës se si
bëhen projektet në Kosovë, për shkak se projektet bëhen sa për të shtruar një grimë asfalt, një
226
copë asfalt dhe nuk e adresojnë komplet problemin dhe përfundojnë pas tri-katër vjetësh, duke
ndërhyrë prapë në ato projekte. Pikërisht ky buxhet, ky rishikim i buxhetit, prapë na sjell te këto
projekte të dëmshme, të cilat pas tri-katër vjetësh me këto para që u kanë lënë nuk do të mund të
përfundojnë dhe pas tri-katër vjetësh ne do të duhet të ndërhyjmë prapë për shkak të cilësisë së
dobët që do të punohet.
Ministri i Arsimit të enjten tha që me rishikim të buxhetit do ta shikojmë ndërtimin e shkollës në
Ponoshec. Ne e kemi rishikimin e buxhetit para syve dhe nuk e kemi atë projekt këtu.
Ministri Kuçi nuk erdhi të përgjigjet të enjten këtu, ndërsa të premten nënshkroi memorandum
mirëkuptimi 400 mijë euro për të larguar deponinë e mbeturinave në Gjakovë. Sot prapë Gjakova
është në tym, por askund në buxhet nuk e kemi atë memorandum të mirëkuptimit.
Kështu që njëjtë, edhe ministrja Bajrami tha që komunat kanë bërë rishikim të buxhetit të tyre,
por jo të gjitha komunat kanë bërë rishikim të buxhetit. A thua se ata kanë parashikuar krejt
situatën që do të ndodhë në vitin 2020. Pra, ky buxhet është tërësisht për interesa politike e
partiake për të shkuar drejt zgjedhjeve lokale të 2021-ës dhe aspak nuk i adreson nevojat e
qytetarëve.
Ndërsa, një pyetje tjetër e kam për znj. Bajrami, kur është te shpenzimet kapitale, në
Departamentin e Planifikimit Hapësinor, Ndërtimit dhe Banimit, prej 500 mijë eurove të
parapara në projektin ndërtim i shtëpive në veri të Mitrovicës, tash është zero. Pse të mos u
ndërtohet shqiptarëve në veri të Mitrovicës? Edhe pse është pandemi, ata kanë nevojë për ato
shtëpi.
Ndërsa një pyetje për kolegët e AAK-së, ku mbetën premtimet për çdo qytetar t’i marrë nga 100
euro? Faleminderit!
KRYETARJA: Faleminderit! Deputeti Veton Berisha e ka fjalën.
VETON BERISHA: Faleminderit, e nderuar kryetare!
I nderuar kryeministër,
Ministra,
Kolegë deputetë,
Qytetarë të Republikës së Kosovës,
Me vetëdije të plotë po flasim për rishikim të buxhetit në një situatë, e cila vërtet është e
nevojshme dhe me vetëdije të plotë që secili i ka sytë nga ne se a e votojmë një buxhet, i cili do
të na japë mundësi që ne të garantojmë që të paktën të japim shpresë që ne do ta kemi një shpresë
që do të dalim nga një situatë, e cila vërtet është e pasigurt dhe parashikueshmëria është
minimale.
227
Arsyet pse unë do ta mbështes rishikimin e buxhetit janë të ditura, sepse vërtet situata në të cilën
jemi, është e nevojshme. Po ashtu me anë të këtij rishikimi janë plotësuar disa prej çështjeve të
cilat unë i kam parashtruar para Qeverisë dhe para Kryeministrit, e të cilat në buxhetin, i cili u
votua në mars të këtij viti, ne nuk u përfillëm. E njoftoj opinionin dhe komunitetin egjiptian se
arsyet pse e mbështes këtë projektligj, një prej atyre është edhe, sigurisht e tha edhe kolegu
paraprakisht, edhe unë do të doja ta sqaroja. Unë kam marrë garanci për mbështetjen e projektit
të mbeturinave në lagjen Kolonia, e cila vërtet jo vetëm komunitetin që po e kontaminon, por
tërë Gjakovën. Dhe ajo ka ndodhur një memorandum mirëkupimi, ku janë ndarë rreth 400 mijë
euro dhe unë e falënderoj Kryeministrin dhe ministrin, i cili menjëherë ka vepruar pas kërkesës
sonë dhe normalisht do të doja ta dija që në çfarë forme do të mbulohet ky buxhet. Me sa unë
kam informacion, z. Kryeministër, nuk mjafton. D.m.th., është gjysma e atij buxheti që kërkohet
për ta eliminuar në tërësi.
Kështu që është një zgjidhje e mirë për banorët atje dhe mendoj që është një veprim konkret, i
cili lidhet direkt edhe me pandeminë, sepse po flasim për gjendje dhe kushte higjienike, ndërsa
atje tymoset çdo gjë në prezencë të banorëve.
Gjithashtu e njoftoj komunitetin egjiptian dhe të gjithë ata përfitues të shtëpive të cilat ishin të
parapara në 2019-ën, ku ne kishim një buxhet për ndërtimin e rreth 230 shtëpive, me miratimin e
buxhetit në fillim të këtij viti, prej 3.2 milionë janë ndërprerë ose janë marrë rreth 1.9 milion euro
dhe procesi i ndërtimit të shtëpive, është edhe ministri këtu, ministri i Punës dhe Mirëqenies
Sociale, për çdo rast mund ta konfirmoj, janë pezulluar 1.9 milion, ku procesi i ndërtimit të
shtëpive ka mbetur në gjysmë. D.m.th., një situatë, e cila kursehet në pjesë ku vërtet ka nevojë
për mirëqenie sociale dhe ruajtje dhe kufizim edhe prej gjendjes ekonomike dhe tash një
komunitet me gjithë ata përfitues me rishikimin e buxhetit janë rikthyer në buxhet 1.9 milion. I
njoftoj të gjithë ata përfitues të shtëpive që do të vazhdojë ndërtimi, me shpresën që para Vitit të
Ri të gjitha ato familje do të hyjnë në shtëpi.
Është për t’u përshëndetur vendimi i Qeverisë për ridestinimin e buxhetit të famshëm prej dy
milionë, i cili ka qenë i ndarë po ashtu nga Qeveria e kaluar, një buxhet i cili nuk ka pasur asnjë
procedurë të ditur dhe pikërisht në kohën kur ne kemi qenë të izoluar, ka qenë buxhet i dedikuar
vetëm për komunitetet dhe në kohën kur ne kemi pasur nevojë më së shumti të kemi ndihmë, ai
buxhet nuk ka arritur te ne. Dhe, ka qenë në procedura të tilla saqë i ka humbur edhe efekti, edhe
mundësia për t’u implementuar, ka qenë e pamundur bazuar në kushtet ligjore. Ndërsa tani ai
buxhet është ridestinuar dhe do ta menaxhojë Zyra e Kryeministrit për Komunitete dhe sigurisht
që do të ketë veprim të menjëhershëm, duke u bazuar në kërkesat dhe nevojat ku ne më së shumti
do të kemi nevojë në procesin e mësimnxënies dhe normalisht në mbështetjen e familjeve, të
cilat kanë nevojë më së shumti.
228
Gjithashtu ne e kemi pasur një takim edhe me ministrin e Arsimit dhe e dimë të gjithë, rreth 30
deri 35 për qind e fëmijëve nga komunitetet nuk e kanë ndjekur procesin mësimor online nga
distanca. Ky buxhet në rishikim të tij do të duhej të planifikohej në atë formë dhe ne kemi marrë
garanci dhe kemi marrë mbështetje që secili fëmijë do të ketë qasje dhe do të ketë mësimnxënie
dhe mendoj që është në interes të secilit prej neve që ata fëmijë të kenë mbështetje edhe
financiare dhe besoj që në këtë aspekt, d.m.th., një prej arsyeve pse unë e mbështes, është edhe
kjo pjesë.
Sigurish që do të interesohemi edhe për çështje të tjera, pra brenda mundësive, sepse të
vetëdijshëm që po flasim për një situatë pandemie, edhe procesi i punësimit brenda mundësive
që ekzistojnë, i arsimimit, ambientit dhe mbështetje të gjitha formave, në mënyrë që komunitetet,
e në veçanti komuniteti egjiptian, të cilin unë e përfaqësoj, të jetë i mbështetur dhe ta ketë një
perspektivë, një mundësi të rimëkëmbjes ekonomike përmes buxhetit të planifikuar.
KRYETARJA: Faleminderit! Deputetja Arta Bajralia e ka fjalën. Replikë ka kërkuar? A e ka
përmendur emrin? Elbert, për dikë tjetër e paska pasur fjalën. Se deputeti po thotë që s’e ka pasur
për fjalimin tënd.
Në qoftë se ka dikush në emër të Grupit Parlamentar, mund t’ia jap fjalën për replikë, mirëpo
meqenëse deputeti insiston që nuk ka të bëjë me fjalim specifik. Në emër të grupit parlamentar,
deputeti Krasniqi ka replikë, në qoftë se iu ke referuar fjalimeve të grupit parlamentar. Dy
minuta replikë. Do të kesh mundësi për kundër-replikë, z. deputet. Urdhëro!
ELBERT KRASNIQI: Faleminderit, kryetare!
Mirë që koordinimi me deputetin dhe Qeverinë është në atë nivel që i demaskon çdoherë kur
njëri mundohet ta mbulojë tjetrin. Kryeministri në pyetjen parlamentare deklaron që nuk është
anuluar masa nr. 9 për pandeminë, dy milionë euro. Deputeti në fjalë tash tha që është anuluar.
Anulimi i saj nuk di si mund të bëhet, për shkak se nuk ka qenë në vijat buxhetore, por ka qenë
pako emergjente fiskale, e cila është dedikuar në mënyrë ekskluzive për komunitetin egjiptian
dhe dy komunitetet e tjera. Tash e kanë bërë për të gjitha komunitetet dhe ne e dimë që ajo do të
shkojë në veri të Kosovës te Lista serbe. Po nëse një deputet ka interes t’u ndihmojë atyre dhe e
anashkalon komunitetin të cilin ai është i thirrur ta mbështesë, kjo është edhe zgjedhje e tij.
Për Koloni, veç për informimin e të dyve, edhe të Kryeministrit, edhe të deputetit, me 400 mijë
euro nuk mund të zgjidhet problemi. Problemi i Kolonisë, i qendrës transit të mbeturinave, është
shumë më kompleks. Duhet mbështetur Komunën së pari me ekspertë dhe me mjete adekuate
dhe me 400 mijë euro veç mund të bëjnë fushata dhe parafushata dhe jo të zgjidhin problemet.
Kështu që është mirë të koncentrohen, kur njëri thotë që nuk është anuluar, tjetri po e demaskon,
kjo është me rëndësi, kjo edhe e shpërfaq edhe koalicionin, edhe interesin për komunitete.
Komunitetet me këtë Qeveri në buxhet janë pakicë. Këtë duhet kuptuar mirë.
229
KRYETARJA: Kundër-replikë, deputeti Berisha!
VETON BERISHA: Kryetare!
Me gjithë respektin për ty, verifikoje! Nuk mendoj që ka pasur të drejtë të replikojë, sepse fare
s’jam marrë me të, edhe s’ka pasur të bëjë me çështjen për të cilën ai po flet. E konstatova
gjendjen. Nuk thashë anulim. E thashë ridestinim. Kështu e thashë, nëse është ndryshe, atëherë
urdhëro, verifikojeni!
Më së paku komuniteti ynë egjiptian ka nevojë që unë edhe Elberti të replikohemi, edhe të kemi
këso qasje, të mundohemi të mbajmë krahët te njëra Qeveri ose te tjetra. Ai komunitet yni ka
nevojë që unë dhe Elberti të jemi bashkë përballë cilësdo Qeveri, për gjendjen në të cilën ka
mbetur. Edhe ne nuk kemi nevojë të servilizohemi para askujt, e në këtë rast as para
Kryeministrit, as para atyre më herët. Edhe nuk kam asnjë arsye të përballem me Elbertin, sepse
e kam të bashkëkomunitetit dhe do të duhej vërtet interesi i komunitetit të jetë në vijë.
Nuk kemi nevojë të manipulojmë opinionin me çkado tjetër. Është mirë të dalim në terren, edhe
të mos mundohemi të bëjmë këso poena politikë, duke mbajtur politika, duke iu qëndruar anash
karshi politikave të qëndrueshme.
Zoti kryeministër, do të qëndrojmë.
KRYETARJA: Faleminderit! Ju lus t’i përmbahemi kohës. Siç e dini pas diskutimeve, deputeti e
shfrytëzoi të drejtën e replikës, ju e shfrytëzuat të drejtën e kundër-replikës. Kështu që besoj do
të keni mundësi gjatë debatit për pandeminë t’i trajtoni secili temat që kanë mbetur pa trajtuar.
Ai debat fillon në orën 16.
Deputeti Agon Batusha ka kërkuar replikë, mirëpo vetëm në emër të Grupit Parlamentar,
diskutoi deputeti Elbert Krasniqi, kështu që po vazhdoj me deputetin e fundit për këtë debat. Më
fal Arta, se ke mbetur pa folur. Kërkoj falje!
Arta Bajralia dhe pastaj i fundit që diskuton është Hekuran Murati.
ARTA BAJRALIA: Të nderuar qytetarë,
E nderuar kryetare,
Të nderuar deputetë,
I dëgjova shumë kolegë deputetë teksa tregojnë ndryshimet buxhetore që kanë dalë si rezultat i
projektligjit apo rishikimit buxhetor, që kjo Qeveri jolegjitime po dëshiron ta bëjë.
I dëgjova shumë kolegë të tjerë deputetë, duke treguar sesi projektet e ndryshme infrastrukturore,
po zvarriten investimet, duke bërë që një projekt të zgjasë me vite të tëra, por ajo çfarë ka
230
ndodhur me projektet e Komunës së Kamenicës, është interesante dhe njëkohësisht e dhimbshme
sesi kjo Qeveri jolegjitime ka vepruar me projektet e kësaj komune. Njëkohësisht, shpërfaq edhe
orientimit e vërtetë të kësaj qeverie.
Nga ky rishikim buxhetor nuk ka asnjë projekt i komunës që nuk ka pësuar shkurtime buxhetore.
Nga gjithsej 18 projekte të ndryshme që janë paraparë të investohen për periudha të ndryshme
kohore, kjo Qeveri ka bërë shkurtim në secilin prej këtyre projekteve, për më keq, nuk ka bërë
asnjë dallim për nga rëndësia e projektit në komunitet, zhvillim, ekonomi, bujqësi e arsim.
Për të qenë sa më të saktë, me ketë rishikim buxhetor të kësaj Qeverie jolegjitime, Komunës së
Kamenicës i është bërë një shkurtim buxhetor në vlerë prej 785 mijë e 294 eurove apo 11,01% në
tërësinë e projekteve. Madje, shkurtimet më të mëdha kanë ndodhur në investime shumë të
rëndësishme, të mos themi jetike dhe zhvillimore, siç është projekti i digës në hidrosistem,
ndërtimi i hidrosistemit Kikë-Kremendal, Komuna e Kamenicës, ku një projekt i kësaj rëndësie
ka pësuar një shkurtim buxhetor prej 125 mijë eurosh.
Përderisa edhe sot pjesa dërrmuese e fshatrave nuk kanë ujë të pijshëm, ndërsa ato pak fshatra që
kanë sistem të ujësjellësve, përfshirë këtu edhe qytetin e Kamenicës, kanë probleme të theksuara
të mungesës së ujit. Këtu nuk po flasim për mundësinë e ujitjes së tokave bujqësore.
Është interesante sesi i keni renditur projektet në këtë rishikim buxhetor. Për juve më me prioritet
është ose mbetet asfalti sesa uji i pijes për qytetarët.
Më duhet ta bëj një krahasim mes dy projekteve të Komunës së Kamenicës për ta vërtetuar këtë.
Ju keni bërë një shkurtim buxhetor, siç e theksova, prej 125 mijë eurove në projektin e digës,
ndërsa keni bërë 50 mijë euro shkurtime për asfalt. Pra, kjo është logjika që është përdorur në
këtë projektligj për buxhetin.
Një projekt tjetër shumë i rëndësishëm që ka pësuar ndryshime është edhe ndërtimi i shkollës
fillore “Fan Stilian Noli” në Kamenicë. Zonja Hykmete Bajrami e ka parë nga afër gjendjen e
kësaj shkolle kur ishte ministre e Arsimit në Qeverinë Kurti. E ka parë se në çfarë kushtesh
mizore, fëmijët e qytetit e vijojnë mësimin. Ajo shkollë, e cila nuk plotëson as për së afërmi
nevojat themelore të nxënësve e as të mësimdhënësve, për më keq, sipas analizave të kryera nga
Instituti Kombëtar për Shëndetësi Publike në Kosovë, konstatohet që nuk i plotëson kushtet për
vijimin e mësimit.
Sipas institutit, ambientet e kësaj shkolle paraqesin rrezik për shëndetin e fëmijëve dhe për
punonjësit e shkollës.
231
Gjithashtu, instituti pati rekomanduar që mësimi në këtë shkollë të mos vazhdojë deri në
përmirësimin e kushteve që ndikojnë në shëndetin e fëmijëve dhe stafit.
Për këtë projekt keni bërë shkurtim të buxhetit prej 100 mijë eurosh. Është jashtë logjike e çdo
parimi profesional që të mendosh se një zonë ekonomike të ndërtohet me një buxhet prej 100
mijë eurosh, po aq sa keni bërë edhe shkurtim buxhetor.
Me këtë buxhet të paraparë, ju qysh në start po dëshironi që kjo zonë ekonomike të dështojë dhe
ky buxhet i ndarë të mos tregojë rezultat. Pra, logjika me të cilën është vepruar për shkurtime
buxhetore është e gabueshme, nuk garanton as zhvillim e as cilësi në projektet e parapara.
Nuk do të duhej që të bëheshin shkurtime buxhetore në projekte të rëndësishme kapitale, të cilat
paraqesin potencial për zhvillim ekonomik e bujqësor dhe në anën tjetër, ta rrisni buxhetin për
asfalt, siç ka ndodhur me projektet e komunave të tjera.
Në fakt, Komuna e Kamenicës në vazhdimësi ka qenë njëra ndër komunat që më së paku është
përkrahur. Pra, që nuk ka gjetur mbështetje nga niveli qendror, duke qenë të diskriminuar në
investime kapitale.
Sot, kjo komunë po vazhdon të zbrazet dhe rinia po kërkon rrugë të ndryshme për të ikur nga
atje. Mostrajtimi i barabartë, nëse jo me prioritet të komunave, të cilat janë afër zonave kufitare
apo të cilat kanë numër të madh të fshatrave dhe hapësirave, dhe që duhet ofruar infrastrukturë
dhe kushte të nevojshme për jetesë, ka bërë që fshatra të tëra të boshatisendhe rinia të mos shohë
perspektivë zhvillimore në vendin e vet.
Politikat diskriminuese, duke favorizuar komuna në bazë të partisë së kryetarit prej nga vjen, apo
edhe interesave të tjera, nuk u kontribuojnë qytetarëve dhe nuk janë në interesin e tyre.
Është koha që ndarjet buxhetore të bëhen me barazi të plotë dhe çështjet të trajtohen në interes të
qytetarit. Faleminderit!
KRYETARJA: Deputeti Hekuran Murati e ka fjalën.
HEKURAN MURATI: Faleminderit, e nderuar kryetare!
Më duhet ta bëj një sqarim për qytetarët në lidhje me pagesat prej 170 eurove edhe rishikimin e
buxhetit, për shkak se po e shoh që po manipulohet vazhdimisht.
Pra, po tentohet të manipulohet me qytetarët, duke u munduar që të fajësohet Lëvizja
Vetëvendosje për vonesat që po ndodhin në pagesën e këtyre ndihmave për qytetarët.
232
Për ta sqaruar, vonesat në pagesën e këtyre ndihmave janë bërë për shkak se është rrëzuar
Qeveria. Është rrëzuar prej jush, është rrëzuar prej jush dhe prej jush atje lart. Andaj, të gjithë
jeni hipokritë kur e akuzoni Lëvizjen Vetëvendosje për mospagesë të 170 eurove.
Po të mos ishte rrëzuar Qeveria, pagesat, të gjitha pagesat do të ishin kryer deri në fund të muajit
maj.
Ju lutem, qetësi! Respekt!
KRYETARJA: Deputet, kush dëshiron ta kërkojë fjalën, e kërkon, e para. E dyta, ju lus të mos
përdorni gjuhë joparlamentare, e cila mund të nxisë pastaj tensione në debat.
Kushdo që e kërkon fjalën, nuk keni nevojë të bërtisni, në mënyrë që seanca të vazhdojë në
mënyrë të rregullt, patjetër duhet ta kërkoni fjalën.
HEKURAN MURATI: Nëse më lejohet! Pra, ne nuk po i kundërshtojmë pagesat për qytetarët,
tamam puna t’i kundërshtojmë ato, kur ato janë pako e Qeverisë Kurti. Ne po e kundërshtojmë
keqpërdorimin e buxhetit nga kjo Qeveri ilegale dhe jolegjitime.
Sa për sqarim, paratë që do t’i marrin qytetarët, janë diku rreth 30 milionë euro, kurse këta po
kërkojnë që ne si Kuvend t’i autorizojmë që t’i shpenzojnë 300 milionë euro, pa treguar se ku do
ta çojnë pjesën tjetër.
Pra, le ta harrojnë qytetarët që do t’i shohin ato 300 milionë euro aq sa i kanë parë 20 vjetët e
fundit kur kanë qeverisur këta.
Që 20 vjet këta kanë menduar veç si t’u japin tenderë të afërmve të tyre, e qysh t’u ndihmohet
oligarkëve, me të cilët e kanë ndarë tallen. Pra, këta janë dëshmuar se nuk e kanë interesin e
qytetarit prioritet, pro pasurimin e vetes.
Sa për referencë, pra vetëm për ta krahasuar, në këtë projektligj për rishikim të buxhetit
pothuajse të gjitha projektet kapitale janë shkurtuar me 50%, për një projekt ka pasur rritje për
125 mijë eurosh. Dhe, a dini se cili është ai projekt? Është projekti, tenderin e të cilit e ka fituar
kompania e Blerim Kuçit, ministër në këtë Qeveri jolegjitime.
Pra, me fjalë të tjera, këta po na thonë neve na jepni votat për rishikim që t’ua qesim qytetarëve
nga 170 euro, ama s’po kallëzojnë që pjesën tjetër, pra qindra-miliona e kanë për t’i dhënë në
tenderë e për t’i ndarë mes vete.
Pra, qytetarit 170 euro, Blerim Kuçit e vetes 125 mijë euro. Kjo është çka po kërkojnë këta.
233
Prandaj, kjo është arsyeja pse nuk mund ta mbështesim këtë rishikim, nuk mund të lejojmë
keqpërdorim të qindra-miliona eurove në emër të disa milionëve ndihmë për qytetarët e këtij
vendi.
Kur është miratuar buxheti, në mëngjesin e 15 marsit, situata ka qenë emergjente, sepse në njërën
anë sapo ishin lajmëruar rastet e para me COVID dhe nuk dihej nëse mund të mblidheshim si
Kuvend, sikur tani që po na ndodh që po ka çdo ditë të infektuar, kurse në anën tjetër, çdo vonesë
në miratimin e atij buxheti, nënkuptonte që më datën 1 prill e tutje Qeveria nuk do të mund ta
shpenzonte asnjë cent, as për paga të mjekëve, as për paga të policëve e madje as për të blerë
teste për COVID.
Edhe, çfarë ndodhi pas kësaj? Për dallim prej shteteve të tjera, ku Kuvendi mblidhej për të
miratuar pako të Qeverisë në mënyrë që të ndihmohen qytetarët, dhjetë ditë pas miratimit të
buxhetit, në këtë Kuvend mbledhja e parë nuk ishte për t’i ndihmuar qytetarët, por ishte për ta
rrëzuar Qeverinë midis pandemisë, madje krenoheshin me 2/3.
E tash i keni ato 2/3? Ju i patët 2/3 për ta rrëzuar Qeverinë, të shkaktoni kaos, ta rrisni numrin e
të infektuarve, t’i lini qytetarët pa ndihma, e tash s’po i kini, tash po ju nevojiten votat e Lëvizjes
Vetëvendosje për t’jua legjitimuar keqpërdorimin që po doni ta bëni.
Ju flisni për interesa të qytetarëve. Kjo është hipokrizi, siç e thashë edhe në fillim. Kur bën diçka
tjetër, e në fakt flet diçka tjetër. Ju faleminderit!
KRYETARJA: Faleminderit! A e dëshiron dikush nga Qeveria fjalën për ta përmbyllur.
Në emër të grupit parlamentar mund të lejoj replika, përndryshe asnjë emër nuk është përmendur.
Vetëm në qoftë se ka në emër të grupit.
Nuk po shoh. Ju lutem ta sillini numrin e deputetëve që janë në sallë në ndërkohë, dhe ta
përdorni zilen që deputetët të kthehen dhe të përgatiten për votim.
Dikush nga Qeveria s’është lajmëruar, po presim derisa të vijnë.
Atëherë, ju lus, deputetë të nderuar, që të përgatiteni për votim. Në vazhdim kërkohet deklarimi
me votim për miratimin në parim të Projektligjit 07/L-014 për plotësim-ndryshimin e Ligjit
07/L-001 mbi ndarjet buxhetore për buxhetin e Republikës së Kosovës për vitin 2020.
I lus deputetët që të përgatiten për votim. 89 deputetë janë sallë. Kush është për rishikim?
Faleminderit! Kush është kundër? Nuk po shoh kundër. A ka abstenime? Nuk po shoh
abstenime. Faktikisht e kemi një abstenim.
234
E lus Administratën ta sjellë rezultatin.
Me 67 vota për dhe 1 abstenim, konstatoj se Kuvendi e miratoi në parim Projektligjin 07/L-014
për plotësim-ndryshimin e Ligjit 07/L-001 mbi ndarjet buxhetore për buxhetin e Kosovës.
Kërkohet nga Komisioni Funksional dhe komisionet e përhershme që në afatin e paraparë me
Rregulloren e Kuvendit të shqyrtojnë projektligjin dhe Kuvendit t’ia paraqesin raportin me
rekomandime.
Para se ta mbyll këtë seancë, që të përgatitemi për seancën e radhës, më lejoni ta përmend që
kërkesa për distancë vlen edhe për ministrat. Rrjedhimisht, ne nuk do të mund ta vazhdojmë
seancën e radhës, në qoftë se edhe Qeveria nuk i respekton njëjtë sikurse deputetët distancën e
kërkuar nga institucionet e shëndetësisë. Ka karrige të mjaftueshme për secilin.
E përgatiti:
Njësia për Transkriptim dhe Lekturë