John Anthony B. Teodosio

1. (Isang tulang may politika sa kalikasan)

Balsang Tabla

Nang isang umagang langit ay masungitSinikap ko pa ring lumabas, lumusong.Umindayog ako sa hampas ng alon;Inihags-hagis ng hanging mabagsik.Ang paglalayag ko ay naging mabilisHabang sa kandungan, mga bata’y kalongKayanin ko kaya sa buong maghapon,Sa kabilang kalye, sila’y maitawid?

Ay! Nakakaligaw lumangoy sa s’yudad;Nagpa-ekis-ekis bago ko sinapitPaaralang pakay ng kandong kong musmos.Atras, sulong ako sa ragasa’t hampasNg hangin at alon sa buong paligid.Ngunit nanguyapit at hindi lumubog.

2. (Isang tulang pambatang gumagamit ng operasyon ng bugtong)

Tao

Apat ang paaNang makita ang unang liwanag ng imaga.

Dalawang paaNang nagsaya sa mga landas ng hapon.

Tatlong paaNang hinarap niya ang dilim ng gabi.

Wala nang paaPagkat muling nagkipaglaro sa mga anghel.

3. (isang malayang taludturan)

Kalaro

(matapos mapanood ang pelikulang "the conjuring")

Gulat!!

Kabado kapag loob

Di makita kapag labas

Itago man sa balanang mata, bakas pa rin ang

pagkatulala

pagkadurog ng puso.

Payapa na sana ang kamalayan

Nang may...

"Manikang nananakot!

                     Naninindak!

                          Nanggugulat!

                                         Gulat!!"

Habambuhay, nasa isipan mo ako

Makikita sa iyong mga bangungot

Magugunita sa mura mong isip

Tagalan ko pa

Upang malaman mong 

Di ka pa handa

Sa telon ng kadiliman

Alam kong…

Hindi mo ako malilimutan...

Ayokong mag-isa

Samahan mo ako.

Sasamahan din kita

Sa sarili kong lagim

Muli,

Pag-uusapan mo ako at magugunita.

Di naman ako nanggugulat.

Naghahanap lang

ako

ng

Kalaro....