litteratura 29 – generaziuns

PartenzaLa Litteratura è la revista annuala da l’Uniun per la Litteratura Rumantscha. La Litteratura è ina plattafurma per novs texts – per auturs giuvens ed etablids – che preschenta la litteratu-ra rumantscha actuala.La Litteratura 29 tracta il tema ge-neraziuns. Ina nova generaziun è en la suprastanza da l’ULR. generaziuns è in tema, che occupa la societad e quest onn en spezial l’ULR. – giu-vens, creschids, attempads – l’ULR collia tuts, perquai che tuts han la medema passiun: la litteratura – il scriver. Scriver po mintgin, che ha la veglia da s’exprimer.

Ils texts or da noss project dialog litterar furman ina part da la Littera-tura 29. Tar il dialog litterar scrivan adina duas persunas agens texts, ch’els discuteschan ensemen – ils texts e las discussiuns vegnan publi-tgads cun in purtret en la Litteratura 29.

FinamiraLa Litteratura duai retschaiver in caracter individual, che represchenta mintgamai il tema particular – cun ina lingua pregnanta (furma). La con-cepziun duai favurisar il leger cun ina realisaziun consequenta. – Il cudesch duai funcziunar…

Ina realisaziun custaivla duai divertir – provocar mirveglias e pus-sibilitar da »far cun«. Il concept duai animar il segund sguard e far tschaf-fen per la proxima Litteratura.

LayoutLa parita duai esser »modesta« – simpla e clara . Il layout sa funda sin la(s) furma(s) dal(s) text(s) e duai procurar per ina legibilitad maximala. (il layout duai esser flexibels…)

Il(s) text(s) litterar(s) è(n) tschentà(ds) armonic sin il palpiri – ils urs gronds eviteschan disturbis durant il leger… Ils texts èn structu-rads minimalmain e tschentads cun la scrittira da leger – la Bembo; quai è ina scrittira ruassaivla cun bellas proporziuns e furmas individualas. Tar il text litterar dal dialog litterar èn las lingias numeradas nua ch’ì gida da suandar a la discussiun.

Il purtret è tschentà sin ina (duas) colonna(s) stretga(s), il text è struc-turà levamain – quai favurisescha il leger »diagonal« ed infurmativ…

La(s) discussiun(s) è(n) tschenta(das) ubain sin duas colon-nas ubain sin ina colonna engrondi-da – la furma da la discussiun vegn surpigliada; uschia è in dialog (sur duas colonnas), notizias u mails (sin ina colonna) pussaivel… Ils texts èn structurads fermamain – cun distinc-ziuns, stritgar u engrondir…

Texts libers (purtret e discussiun) èn tschentads cun la scrittira Meta – in »lavurer dinamic«, cun proporziuns armonicas e bustabs stretgs…

PalpiriIl cudesch duai esser stampà sin in palpiri »mellen« (Munken Print Cre-am). Il palpiri »mellen« favurisescha il leger e sminuescha il stanclentar. Il palpiri è part dal concept e sustegn il caracter »modest«…

BroschadaJau propon ina broschada da fils – questa broschada evitescha la trida fauda dal dies (tar igl avrir), favuri-sescha il leger (ur) e pussibilitescha dapli variaziun dal layout…

SeriaJau vai era pensà ad ina seria da Litteraturas, dentond sun jau dal maini ch’ina »standardisaziun« da la parita fiss negativa per in cudesch cun temas individuals… la Litteratura duess avair mintg’onn in caracter individual. Mia ponderaziun è: l’ULR pussibilitescha mintg’onn ad in gi-uven furmader (ambizius) da crear in cudesch. – Uschia savess la Litte-ratura era daventar ina plattafurma per »grafica giuvna (rumantscha)« e savess profitar dal »exclusivitad«…

CuvertaTar la creaziun da la cuverta hai jau empruvà da respunder a dumondas pertutgant »generaziuns« e da cre-ar in object che reflectescha certs aspects…

La societad u ina generaziun è ina multiplicaziun d’individis (cun diffe-rentas opiniuns ed interess) che han colliaziuns emoziunalas u economi-cas – gruppas ch’èn influenzadas da la istorgia e da la situaziun politica/economica. (Nossa societad è struc-turada…)

La creaziun da la cuverta sa cumpona d’ina multiplicaziun da la rosetta (individi/pitschna gruppa) – la rosetta è in simbol per la fritgaivla-dad ch‘è populara surtut tar purs (en Engiadina). La rosetta sa furma tar ina structura… (generaziun)

Inspiraziun per questa idea èn stadas las tablas dad Ernst Haeckel, »Kunstformen der Natur«. La cuverta (dal concept) mussa la tabla 35… in-teressanta è la sumeglientscha da la spungia e da l‘ornament creà.

Il muster duess vegnir realisads cun ina tecnologia che sa numna »flock« – tar il »flock« vegnan curts fils tatgads cun agid d’in spazi elec-tromagnetic sin il palpiri… (muster en la annexa – gia influenzà: purla)

Senn dal »flock« è da crear in process analog a la furmaziun d’ina generaziun – in process che cuzza e ch’influenzescha l‘object (la cuver-ta)… sco la spungia duess la cuverta tschitschar en particlas ord il conturn (mintga generaziun vegn influenzada e »modelada» d’eveniments ex-terns…), uschia (tras las differentas influenzas) daventa mintga cudesch unics/individuals.

Dialog litterar illustraziunsIl dialog litterar è il punct central da la Litteratura 29 – jau hai fatg suandants patratgs per rinforzar la tematica e la qualitad (emoziunala): il project »dialog litterar« duess ac-cumpagnar in project da fotografias (perditga dal temp) – il project cuzza (p. ex.) 10 onns – ils auturs (dal di-alog litterar) vegnan fotografads oz ed en 10 onns… ils auturs scrivan (oz) sur da »generaziuns«, sur dal futur (spetgas) e da siemis, damaun reflecteschan ils auturs quels 10 onns (en la Litteratura), puspè illustrada cun fotografias da mintgin. – la Litte-ratura savess profitar d’in project cun qualitads (socialas/istoricas)…

Interessant fiss era da mirar co la Litteratura 29 è sa midada e da respunder a conflicts creativs (vegl e nov)…

abcdefghijklmnopqrstuvwxyzABCDEFGHIJKLMNOPQRSTUVWXYZ

a r W R

abcdefghijklmnopqrstuvwxyzABCDEFGHIJKLMNOPQRSTUVWXYZ

a l g R