Embed Size (px)
DESCRIPTION
今期焦點： 我係1，但我好0、 時間與愛情、 拍拖活動、 愛情養分
Citation preview
ContentsLearning我係1，但我好0 3
Uniqueness時間與愛情 5-6
Vitality拍拖活動 9
Alliance愛情養分 11
達夫人性病愛滋病信箱今期心事 13達夫人的話 13
1
Visit http://www.men2mentesting.com/zh/page/sti/ to learn more
人的性格，心態跟著我們的經歷成長，每個經歷都可以成為你獨有的體會，而每個體會都為你營造下一個的經歷。在這裡，我們收集了member朋友的學習與感受，與你們一同分享:
我係1，但我好0作為member，我相信大家已經知道呢個世界唔剩係得男同女嘅異性戀，至少仲知道有我地男同男嘅愛情。但係，你地有冇發覺我地member拍拖，其實都有一種好傳統嘅異性戀拍拖模式? 仲可能現在異性戀都唔興呢樣野。
好似我地圈子有分1、10、0仔咁，大家都知道呢樣只係反映我地「做愛」既喜好，1仔就鍾意入人，0仔鍾意比人入，10就兩樣都得。咁我地就唔知點解將呢d性喜好加多左一個定義，就係-性格。
好似1仔就要被規定樣樣野都要主動，試過有個1仔朋友同我分享，話佢識左個0仔，咁個0仔就成日覺得我個1仔朋友要主動d問佢野，約佢出街。其實，如果你真係想主動問人野或約人出街，點解要分1同0呢?好啦，咁佢地真係約左出街食飯睇戲，個0仔係個次約會係完全冇諗過AA制，因為佢嘅諗法係，同1仔出街緊係佢比曬錢啦，咁樣先Gentlemen喎。結果，我朋友覺得e種相處方式好大壓力，之後就同佢斷絕來往啦。
唔知大家係咪仲係有呢種傳統嘅異性戀拍拖模式呢?其實現在有d情況係，女仔主動過男仔。而我地Member既拍拖模式，又洗唔洗一定要將性格同性喜好放埋一齊講呢? 我可以講野好陰聲細氣，但唔代表我係0囉。而我外表係men到爆嘅大隻仔，都唔代表我係1架，最重要係自己真心喜歡自己既生活，又唔會傷害到人，做咩角色，做咩身份，又如何呢 ? 否則樣樣野都要框住自己，俾人覺得自己應該要點做就點做，生活好大壓力姐! 所以…性格呢樣野邊可以同性喜好拉埋一齊講架。
3
有人說時間是愛情的朋友,因為時間可以證明自己對愛人的付出 ; 有 人 卻 說 時 間 是 愛 情 的 敵人,因為時間會令愛情轉淡.曾經有MEMBER向我投訴跟另一 半 相 處 時 間 很 少 , 對 方 經 常說很忙沒空拍拖,連談電話甚至WHATSAPP也沒時間.“回一個WHATSAPP只需十幾廿秒,一天廿四小時,沒可能忙到連十幾廿秒都沒有!”這個我很認同!不過,我不能說這句話全對.因為背後有太多因素影響著他這個回覆的決定, 我也不能妄下判斷這是對方的錯.究竟愛情佔時間有幾大部分?又或者自己怎樣分配時間去談戀愛?
MEMBER之間談戀愛也不是容易的事. 有人說“大家都係男人,比較容易理解對方,知道對方習慣”對!大家的確因為習性相近而容易走在一起,但當兩個男人關係發展後.各自有自己工作,社交圈子,尤其男人比較事業心重,分配在愛情的時間就變成一個考驗.
相信LUVA 成員大多數還在讀書階段,但自己另一半有機會已經是在職人士,而且他們往往比較忙碌, 自己就無可避免要做遷就對方的一位.日子久了,往往要遷就的一方就很容易覺得受委屈, 而且出現磨擦的機會大. 忍讓當然是一個方法, 但我不能總叫大家一直忍下去, 也不要一下子爆發跟對方吵得面紅耳熱. 這樣對大家都沒好處!
溝通是最直接的方法, 平常心去說出你自己的需要, 也說出你自
己需要對方給時間和自己相處. 但切忌用一個命令的方式, 男人比較討厭被人命令! 也不要胡亂猜度對方為甚麼沒時間, “隻死野成日話無時間, 一定落BAR 唔講比我知”, 雖然這樣的情況未必可能發生. 但猜度對方只會令自己鑽牛角尖, 而且自己會無意識地去打一些比較煩擾的電話/短訊去 “問長問短”. 這樣只會令對方更加逃避和說更多大話. 這樣的話一天24小時, 可能10秒也不會給你!
建立互信固然重要, 給對方新鮮感也是一個好辦法. “拍拖來來去去也是看 戲 / 行 街 / 吃 飯 , 無乜野好做咁” 如果把每次約會的活動改變一下, 或者做一些活動去迎合對方的興趣, 給對方一些驚喜, 這樣雙方對拍拖的意慾就會大大提高! 緊記, 不要規限對方的時間與生活, 反而要裝備好自己, 給予對方驚喜, 令自己在對方心目中地位提高, 對方的時間就會自然送給你.
情人節過去了， 下年情人節除了吃飯看戲， 大家有甚麼新意給對方？
作者: 雀仔
時間與愛情雀仔手記
5
時間與愛情雀仔手記
*文章只表達義工的意見與看法，與LUVA 立場無關。*
6
拍拖活動最近，我地LUVA搞左個行山活動，成班朋友仔齊齊去左西貢遊山玩水。跟住我就諗，其實好多拍緊拖嘅朋友成日話好悶，其實拍拖活動都唔淨係得行街睇戲食飯搞野啫。
我幻想緊，如果個次帶埋個拖友仔一齊去，我地就一路行山一路望下周圍嘅風景，起碼唔洗係市區度食塵先啦。行到去沙灘，我地又可以玩下水，跟住坐係沙灘度傾下計，仲可以係個沙灘度寫一個「I love you」比佢，幾sweet。
但如果次次拍拖都係睇戲，大家都只係坐係個位度望住個螢幕，其實大家都係冇咩交流架，最多咪睇完戲講下有邊d位好睇咁囉。你可能會話：「我地都唔鍾意outdoor。」咁我咪去做d indoor 嘅活動囉，譬如一齊報D興趣班呀，呢期都好興蛋糕班、油畫班之類嘅野。
拍拖活動唔係冇，係睇下你有冇比呢個商業社會框死住啫。
9
10
種植物就知道要有養分，咁佢先可以健康咁成長啦。咁愛情又需唔需要養分，如果要，咁要D咩養分先可以令到愛情好似開花結果?
A君同B君佢地係交友網度認識，識左唔夠一個星期就一齊拍拖，大家都覺得冇咩所謂。
但係A君就想同B君發展得再快D，好快佢就同B君發生左性行為啦。咁A君以為大家肉帛相見，應該呢段關係會維持到。
但點知B君過左幾日就同佢講分手，話其實大家性格都唔係咁夾。A君就緊係好傷心啦，佢覺得自己付出左好多，點知到頭來都要分手收場。
如果用種植物黎做比喻，咁A君一開始就為呢棵植物灌左太多水，但其實呢棵植物嘅根都未抓得住D泥土，結果就好快枯死囉。最後A君明白了種植物同愛情都一樣，你比過多嘅養分唔代表係好架。
其實一段愛情需要幾多、邊幾種養分，係個個都唔同。最起碼知道，建立一段感情真係要時 間 同 耐 性 ， 咁 先 會 開 花 結果。
愛情養分作者：當瘋（LUVA SCHOOL 學員）
11
作者：達夫人編輯：細PAT
今期心事死啦，死啦，達夫人，我一個月前用達夫人，您好呀，我叫細細粒，咁我同男朋友一齊左1年架啦，D朋友都話我地好勁，可以一齊左咁耐。但係，我其實覺得我地好似已經冇咩激情啦，我地已經唔似以前咁，見親面都好多野講。到底條路應該點行，達夫人您指點下迷津啦
達夫人的話KK , 我感受到你而而家既擔心，不如我地而細細粒，我諗你應該唔係而家電視好紅個個細細粒。嘻嘻，入番正題，其實你有冇諗清楚自己想要既相處方式? 同埋重要既係，你地有冇傾過呢樣野，可能你另一半都察覺到大家嘅關係已經變得唔同左，再可能其實佢覺得而家呢個細水長流嘅階段都唔錯呢，最緊要係要了解大家嘅諗法。往往好多感情問題都係，單方面嘅一廂情願，如果樣樣野都係得你一廂情願去諗，咁你係應該同緊你自己拍拖囉。所以話，條路真係要靠你地自己去行，而唔係靠我去指點迷津，可能我都會點左條錯路比你地架。
當然，我都有以下少少意見俾你多d想法去處理大家既關係: 唔好去要求對方要為自己做d咩，覺得對方要為自己付出激情，要制造好多開心俾自己。一旦佢冇做到，節日計劃得唔夠好，就覺得大家都冇左份互相令對方開心既心情。如果你有e種心態，好容易就令對方感覺到你既情緒變化。記住情緒係好容易感
資訊爆炸的年代，我們還需要真實而有用的資料嗎？在情感泛濫的一刻，我們還需要一個用心聆聽，給予忠中肯意見的渠道嗎？
LUVA現為member 自己人特設一個愛情/性病及愛滋病專區 - 「達夫人信箱」，由「性、愛」小博士- 達夫人，為大家解剖心裡謎。
透過這個專區，達夫人與你：
1. 解構奇難雜症- 一個電郵，任何問題包括愛滋病、性病資訊盡在你手。2. 情感申訴- 愛情難題，有怨無路訴? 你說我聽。3. 掌握社群資訊- 互相update最新最潮社群動向，路路通性。
染人的。唔多唔少對佢都比到壓力。更重要係，要求對方改變自己點去對你係冇咩可能既事! 你要做既係，識得點樣令人為了你去改變!! 兩者既效果係差好遠嫁!
積極自己，唔好將重心都放哂係對方身上，唔係對方幾多既激情總有一日都比你用哂! 予期係度諗對方點解對自己冷漠左，不如你去參加下d咩蛋糕班呀，煮餸班呀! 增值下自己! 學成之後，無啦啦俾個驚喜佢，等佢將你既愛食哂落肚，記住，要留住男人，就要先留住佢既胃!!! 如果你話，你係煮野食白痴，甘都可以不時留意下有咩地方有好野食，平時同人又可以多個話題，又可以帶佢去食好野，簡直雙得益鄣啦!
多角度進入對方既生活，放多少少心機去觀察一下究竟你身邊果個，有d咩生活上既喜好，習慣。係適當既時候比d鼓勵佢，而如果自己都有興趣，可同佢一齊傾下係咪下次可以一齊做下果d野。多d生活上既交集可以令你地有更多共同興趣，共同目標。大家一齊為一d野努力既感覺比一刻既激情更加感人呢!
細細粒，希望你可以諗清楚其實自己想追求點樣既相處，同佢都搵到大家合適既相處模式。~達夫人上
13
投稿人：John (網上投稿義工)當瘋 (LUVA School 學員)統籌：呀達文字校閱：呀德 & Joe設計：龜邦
