11
www.gaffel.de www.bjoern-heuser.de KÖLSCHES MITSINGKONZERT BJÖRN HEUSER, Gitarrist und Sänger, spielt Leedcher für Kölsche und solche, die es werden wollen. Gaffel. Besonders Kölsch. Maach mit, laach mit, sing mit!

Maach mit, laach mit, sing mit!

  • Upload
    dci-ag

  • View
    274

  • Download
    6

Embed Size (px)

DESCRIPTION

 

Citation preview

www.gaffel.de www.bjoern-heuser.de

KÖLSCHES MITSINGKONZERT

BJÖRN HEUSER, Gitarrist und Sänger, spielt Leedcher für Kölsche und solche, die es werden wollen.

Gaffel. Besonders Kölsch.

Maach mit, laach mit, sing mit!

www.gaffel.de

Gaffel am DomTrankgasse/Bahnhofsvorplatz 1

50667 Köln (Altstadt/Dom)[email protected] • www.gaffelamdom.de

Gaffel. Besonders Kölsch.

Ihr sonniges Plätzchen im Schatten des Doms

INHALT

LOSS MER SINGE 4

ICH HAN NEN DECKEL 5

MÄDCHE 6

MIT DIR 7

DRINK DOCH EINE MET 8

OCH WAT WOR DAT FRÖHER SCHÖN NOCH IN COLONIA 10

UNSERE STAMMBAUM 11

KÖLSCHE BRÖCK 12

JEDE NAACH 13

WENN ET LEECH USJING EM ROXY 14

DAT WASSER VUN KÖLLE 15

KATRIN 16

EN UNSEREM VEEDEL 17

JRAADUSS 18

Jetz simmer all widder he, wie schnell su e Johr doch verjeiht,

ob vun noh oder fään, jeder trick et he hin, öm widder met dobei ze sin;

Et es doch immer widder schön, wemmer all zesamme sin,

un mer singen all die Leeder, die mer vun Kindheit ahn schon kenne,

su e wunderschön Jeföhl kritt mer he schnell, wemmer nur will,

un mir singen all die Leeder, vun däm ahle Mann, jo un och dat vum Veedel ...

Es die Luff in der Kneip ech zom schnigge, dann kritt mer dat Jeföhl, wat mer bruch,

et jitt kein Stadt op d´r Ääd, wo et bekloppter zojeiht, Kölle jeiht uns unger de Huck.

Et es doch immer widder schön, wemmer all zesamme sin,

un mer singen all die Leeder, die mer vun Kindheit ahn schon kenne,

su e wunderschön Jeföhl kritt mer he schnell, wemmer nur will,

un mir singen all die Leeder, vun däm ahle Mann, jo un och dat vum Veedel ...

Ich ston op die Sproch un die Minsche, ich stonn op die Aat wie mer laach,

ich stonn op der Witz, der et söns nirjends jit, ich stonn op die ech kölsche Aat!

Musik & Text: Wolfgang AntonVerlag: Manuskript

Ich han ‚nen Deckel, do ston noch 10.80 dropp.Dä litt en Kölle, en minger Kneipp,beim Struhtse Jupp.Ich han domols nit dran jedaach, moht noch fott en d‘r selven Naach, un ich fuhr noh Berlin met d‘r Bahn, do fi ng ich en neue Arbeit an.

Berlin es ne Wolke, su stund et en d‘r Zeidung dren.He kann mer Levve, kumm her zu uns,Berlin es inn.Am Daach verdeent mer vill mih als zuhuss, un des Naachs jon de Lampe niemols uss,dröm bin ich jetz he en dä Stadt, doch mir fällt irjendjet,ich weiss nit wat.

Ich hätt niemols,niemols Jedaach, dat ich su oft an Kölle denke muss.

Ich han he Fruende un alles,et jeit mer och nit schläch,ävver trotzdem do kummen ich he nit zeräch.

Ich han ‚nen Deckel, do ston noch 10.80 dropp.Dä litt en Kölle, en minger Kneipp,beim Struhtse Jupp.Nächste Mond wenn ich Urlaub maach, will ich sinn dat ich 14 Daach fahre kann, et es zwar Koot,doch ich han,‘ne Jrund dat ich ne neue Deckel maache kann.

Ich hätt niemols, niemols jedaach... Ich hätt niemols, niemols jedaach, datt ich Kölle su Jän maach. Denn Kölle dat es die Stadt, wo ich jross jewode ben,un irjendwan muss ich dann,wenn ich kann,wieder hin.

Musik & Text: Thomas R. Engel, Dieter Jänisch, Hans Knipp, Günter Lückerath, Hartmut Priess, Peter Schütten, Ernst Stoklosa

© by De Bläck Fööss Musikverlag

4 5

LOSS MER SINGE ICH HAN NEN DECKEL

Et es paar Johr her, doch et fällt mer nit schwer, mich zo erinnere wie et wor.Ich wor alles für dich, do wullts nur mich, doch ich wor anders drop, völlig klor.

Ich han dich verletz, han met dir jespillt, han jeschwoore, wat ich nie schöre kunnt.Et wor mir nie Ähnz, doch hück weiß ich,´t wor wohl ähnzter als et sullt...

Ich ben noch immer verlore, wenn do bei mir bes,föhl mich wie fessjefroore, wenn do vüür mir steihs.Jeföhle explodiere, dat litt wohl an dir, Mädche – wat määs do met mir?

Hück sin mer jet älder, han dich lang nit jesinn, nur he un do ahn dich jedaach.Bes zo dem Moment, wo du vüür mir stunds, han dich kaum erkannt en d´r Naach.

Do sääts ´t jeiht dir joot, et wör alles wie´t sull, un dinge Neue wör e Jeschenk vun janz huh.„Dat freut mich“ stammel ich, doch irjendwie es et schon komisch, ihr zwei: er un du.

Ich ben noch immer verlore, wenn do bei mir bes,föhl mich wie fessjefroore, wenn do vüür mir steihs.Jeföhle explodiere, dat litt wohl an dir, Mädche – wat määs do met mir?

Musik & Text: Björn Heuser

Erschienen auf dem Album „Jestern, hück, morje“ von HEUSER!

En heile Welt, häs do mir prophezeit, saats jet vun Liebe, vun Rääsch un Freiheit.Wenn ich dich han, fessels du mich suwiesu, jedesmohl op et neue, un jrad dat määt mich fruh…

Mit dir schwaade, mit dir jonn,met dir waade, em Rään römstonn, mit dir föhle, mit dir laache, mit dir hüüle, Nächte durchmaache;

mit dir lääve, mit dir stirve,mit dir verliere, un mit dir irve,mit dir danze mit dir sin,mit dir zo lääve, dat es schön.

Zick met dir, es wie ene Roman, et passiert, wat passiert, nix muss doch alles kann.Jede Sick es en neue Sick an dir,jed Kapitel weck en neue Loss in mir….

Mit dir schwaade, mit dir jonn,met dir waade, em Rään römstonn, mit dir föhle, mit dir laache, mit dir hüüle, Nächte durchmaache;

mit dir lääve, mit dir stirve,mit dir verliere, un mit dir irve,mit dir danze mit dir sin,mit dir zo lääve, dat es schön.

Bliev he, jangk jetzt bloß nit fott, saach wat du denks, et es suwiesu ze koot!

Mit dir schwaade, mit dir jonn,met dir waade, em Rään römstonn, mit dir föhle, mit dir laache, mit dir hüüle, Nächte durchmaache;

mit dir lääve, mit dir stirve,mit dir verliere, un mit dir irve,mit dir danze mit dir sin,mit dir zo lääve, dat es schön.

Musik & Text: Björn Heuser

6 7

MÄDCHE MIT DIR

Ne ahle Mann steht vür d‘r Weetschaftsdür, der su jään ens einen drinken däht. Doch hä hätt vell zo winnich Jeld, su lang hä och zällt.

In d‘r Weetschaff es die Stimmung jroß, ävver keiner süht dä ahle Mann. Doch do kütt einer met enem Bier un sprich en einfach ahn: Drink doch eine met, stell dich nit esu ahn, du steihs he de janze Zick eröm. Häs de och kei Jeld, dat es janz ejal, drink doch met un kümmer dich nit dröm.

Su mancher sitz vielleich allein zo Hus, dä su jään ens widder laachen däht. Janz heimlich do waat hä nur dodrop, dat einer zo em säät:

Drink doch eine met, stell dich nit esu ahn, du steihs he de janze Zick eröm. Häs de och kei Jeld, dat es janz ejal, drink doch met un kümmer dich nit dröm.

Musik & Text: Fred Hoock

© 1971 by PRESTO Musikverlag, Hans Gerig KG, Köln© 1978 by De Bläck Fööss Musik-verlag GmbH, Bergisch Gladbach

8

DRINK DOCH EINE MET

Artikel 1Et es wie et es.Sieh den Tatsachen ins Auge.

Artikel 2Et kütt wie et kütt.Habe keine Angst vor der Zukunft.

Artikel 3Et hätt noch immer jot jejange.Lerne aus der Vergangenheit.

Artikel 4Wat fott es es fott.Jammere den Dingen nicht nach.

Artikel 5Et bliev nix wie et wor.Sei offen für Neuerungen.

Artikel 6Kenne mer nit, bruche mer nit, fott domet.Sei kritisch, wenn Neuerungen überhand nehmen.

Artikel 7Wat wellste maache?Füge dich in dein Schicksal.

Artikel 8Mach et jot, ävver nit ze off.Achte auf deine Gesundheit.

Artikel 9Wat soll der Quatsch?Stelle immer erst die Universalfrage.

Artikel 10Drink doch ene met.Komme dem Gebot der Gastfreundschaft nach.

Artikel 11Do laachste dich kapott.Bewahre dir deine gesunde Einstellung zum Humor.

Artikel 12Bliev wie de bes.Lass dich nicht verbiegen.

Das kölsche Grundgesetz

www.gaffel.de

Gaffel. Besonders Kölsch.

Artikel 1Et es wie et eSieh den TatAuge.

Artikel 2Et kütt wie eHabe keine Ader Zukunft

Artikel 3Et hätt nochjejange.Lerne aus deVergangenhe

Artikel 4Wat fott es eJammere denicht nach.

Artikel 5Et bliev nix wSei offen fürNeuerungen

Das kölsche Grund

Gaffel. B

Wie hät doch Köln sing Eijenaat verlore, wie wor dat Levve he am Rhing su nett.Hück es mer selver sich nit räch em klore, of mer ne Fim-mel oder keine hät.Dä fremde Krom, et es doch zo bedore, als ahle Kölsche schöddelt mer d’r Kopp,deit mer sich bloß die Dänz vun hück belore, stüß einem jedesmol de Heimat op:

Och wat wor dat fröher schön doch en Colonia,wenn d’r Franz mem Nies nohm ahle Kohberch jing,wann d’r Pitter Ärm en Ärm mem Apolloniastell verjnöch om Heimwäch an zo knutsche fi ng.

Die sechsmol zweiundzwanzich bare Pfennije, dat wor d’r Wocheluhn vun nem Kommiß,dä wood verdanz, mer föhlt sich wie die Künnije - de Zech bezahlte meeschtendeils et Liß.

Die Kavaliere leete met sich handele:wann mer als Mädche Schleß un Kohldamp hatt, trok hä e Dösje met jebrannte Mandele,die woote dann jelötsch, bes dat mer satt.

Och wat wor dat fröher schön doch en Colonia,wenn d’r Franz mem Nies nohm ahle Kohberch jing,wann d’r Pitter Ärm en Ärm mem Apolloniastell verjnöch om Heimwäch an zo knutsche fi ng.

Musik & Text: Willi Ostermann

Ich wor ne stolze Römer, kom met Caesar‘s Legion, un ich ben ne Franzus, kom mem Napoleon. Ich ben Buur, Schreiner, Fescher, Bettler un Edelmann, Sänger un Gaukler, su fi ng alles aan. Su simmer all he hinjekumme,mir sprechen hück all dieselve Sproch. Mir han dodurch su vill jewonne. Mir sin wie mer sin, mir Jecke am Rhing.Dat es jet ,wo mer stolz drop sin.

Ich ben us Palermo,braat Spaghettis für üch met.Un ich wor ne Pimock, hück laach ich met üch met.Ich ben Grieche, Türke, Jude, Moslem un Buddhist,mir all, mir sin nur Minsche, vür‘m Herjott simmer glich.

Su simmer all he hinjekumme,mir sprechen hück all dieselve Sproch. Mir han dodurch su vill

jewonne. Mir sin wie mer sin, mir Jecke am Rhing.Dat es jet ,wo mer stolz drop sin.

De janze Welt, su süht et us,es bei uns he zo Besök.Minsche us alle Ländertriff m‘r he aan jeder Eck.M‘r gläuv, m‘r es en Ankara, Tokio oder Madrid,doch se schwade all wie mirun söke he ihr Glöck.

Su simmer all he hinjekumme,mir sprechen hück all dieselve Sproch. Mir han dodurch su vill jewonne. Mir sin wie mer sin, mir Jecke am Rhing.Dat es jet ,wo mer stolz drop sin.

Musik & Text: H.Knipp/ Bläck Fööss© Bläck Fööss 2000

10 11

OCH WAT WOR DAT FRÖHER SCHÖN ...

UNSERE STAMMBAUM

Ich stonn schon ‘ne lange Zickimmer an d‘r selve Stell.Einmol loch ich em Wasser drin, do wor et endlich ens still.Ming Knoche wullten at lang nit mih, doch m‘r braht mich widder in de Hüh. Ich bin en kölsche Bröckövver die hallev Kölle jöckIch halt minge Buckel hinfür üch he am Rhing.

Der Rhing, der spölt mer ming Fööss schön blank, su lang ich mich erinnere kann.Die Schiffe kitzeln mer höösch d‘r Buch, damit ich jet zo laache han.Off jenoch deit mer d‘r Rügge wieh un des Ovends, do kann ich nit mieh. Ich bin en kölsche Bröckövver die hallev Kölle jöckIch halt minge Buckel hinfür üch he am Rhing.

Un wenn dann em Fröhjohret Wasser örd‘ntlich steich,dann denk ich bei mir: Du leever Jott jetz krie ich och noch en naasse Fott.

Ich bin en kölsche Bröckövver die hallev Kölle jöckIch halt minge Buckel hinfür üch he am Rhing.

Manchmol wed mer dat all zovill – doch wer kann schon su, wie hä will?

Ich bin en kölsche Bröckövver die hallev Kölle jöckIch halt minge Buckel hinfür üch he am Rhing.

Musik & Text: Hans R. Knipp, Hartmut Priess, Thomas R. Engel, Ernst Stoklosa, Peter Schütten, Günter Lückerath, Wilhelm Schnitzler

© 1981 by De Bläck Fööss Musik-verlag GmbH, Bergisch Gladbach

Jeden Daach et selve Spill, jung, drink bloß hück nit zevill,jede Naach die ahl Kassett,un jede Naach die Ahl im Bett.

Jeden Daach der Pissverzäll,„für dich jing ich durch de Höll“. Jo, es klor Schatz, jangk doch vüür, ich kumm bahl noh, drink koot e Bier...

Et jitt Saache, wo mer aff un zo nit weiß, wat sull dat sin,doch et es immer widder schön bei üch zo sin.

Jede Morje fröh erus, Kopp jewäsche, en d´r Bus,Autobahn bes koot noh vier,wemmer Jlöck hätt et eetzte Bier.

Dann en Woosch met Ääpelschloot, selvs jekauf, un richtig joot,met Kabänes noch dobei,föhlt mer sich fass wie doheim...

Et jitt Saache, wo mer aff un zo nit weiß, wat sull dat sin,doch et es immer widder schön bei üch zo sin.

Nä, im Ähnz mir jeiht et joot,he ze spille määt mer Moot,denn mer weiß jo nie wat kütt,deshalv sing, ich lang et jeiht.

Un et schönste jede Naach, es wenn ihr metsingt un jet laach, denn die Leeder die ich sing, sing ich ech nit jään allein.

La, la, la, ......Jo, es joot, ich loss et sinn,söns krich ich fast noch eine ren...

Musik & Text: Björn HeuserErschienen auf dem Album „Kenia“ von HEUSER!

12 13

KÖLSCHE BRÖCK JEDE NAACH

Et Schmitz Marie wor minge Schwarm.Jo, un ich dät et froge, ob et jänmet en et Kino köm et jöv ene Liebesfi lm, doch et Marie woß janz jenau, öm wat et jing.

Denn wenn et Leech usjing em Roxy hatte mer schnell e Kääzje ston.All die Mädche un die Jungesoße, loge eng ömschlungehingen en d’r letzte Reih.Un wenn dann jeder singem Mädche unger et wieße Blüsje jing, do hatte mir och schnell kapeet öm wat et noch em Levve jeit usser Fußball un Karl May.

Doch et Marie sat leider “nä”.

Un wie durch Zufall kom et Lisbeth vorbei.Et wor nit jrad ne Schoß,op dä mer fl eje muß, doch wenn et dunkel weed, sin alle Mädche schön.

Denn wenn et Leech usjing em Roxy hatte mer schnell e Kääzje ston.All die Mädche un die Jungesoße, loge eng ömschlungehingen en d’r letzte Reih.Un wenn dann jeder singem Mädche unger et wieße Blüsje jing, do hatte mir och schnell kapeet öm wat et noch em Levve jeit usser Fußball un Karl May.

Ävver irjendwann jing em Roxy dann et Leech für immer us. Sei maaten dann, wie üvverall,‘ne Supermaat dodrus.

Ming Enkäuf’ maach ich jetz mem Lis, un en dem Lade, wo dä Supermaat es, steit es Marieche röm, et es hück Verkäuferin an d’r Wooschthek janz hingendurch en d’r letzte Reih.

Text: Wolly Anton Musik: Wolly Anton/Bläck Fööss

© by Bläck Fööss

Oh leever Jott, jev uns Wasser,denn janz Kölle hät Doosch.Oh leever Jott, jev uns Wasserun helf uns en d‘r Nuut.

Ming Blome lossen alles hänge,(Wä hilf en d‘r Nut?)D‘r Wellensittich es wie jeck am schänge, (Dä Jung hät secher Woot)Uns Joldfesch han de Auge deck(Un sare keine Ton)De Wäschmaschin spillt total verröck,(Woröm hät d‘r Minsch Calgon?)

Ming Filme entwickel ich ovends em Rhing, dat jeit janz jot, denn do es alles dren.Och wemmer av un zo d‘r Dönnscheß han, mer gläuven wigger dran.

Dat Wasser vun Kölle es jot...

Oh leever Jott, jev uns Wasser...

Nierestein sin schwer am kumme,(Oh Herr, wat deit dat wieh)Och d‘r Hoorusfall hät zojenomme,(Do hilf kei böschte mieh)Alle Wasserrühre sin total verstopp,(Die dröppen vür sich hin)Om Kaffee schwemp ‘ne fi ese Ölfi lm drop,(Wie kütt dat Öl do renn?)

Uns Feuerwehr, die es bestemmp nit schläch, doch wenn se lösch, Jung, dann brennt et eets räch.Oh Herr, dun e Wunder, üvverläch et dir, söns stommer morje vür dinger Dür.

Musik & Text: Hans R. Knipp, Hartmut Priess, Thomas R. Engel, Ernst Stoklosa, Peter Schütten, Günter Lückerath, Wilhelm Schnitzler

© 1983 by De Bläck Fööss Musik-verlag GmbH, Bergisch Gladbach

14 15

WENN ET LEECH USJING EM ROXY DAT WASSER VUN KÖLLE

Ich wor fass schon jenseits von Eden, Adios amore, good bye. Et Jlöck op d‘r Welt kütt zu jedem – an mir jing et einfach vorbei.Do koms du, jo du, un sprengtest die Ketten entzwei.E Wunder wod wohr, d‘r Himmel wor do, für mich war dat ech Zauberei.

Oh, Oh Katrin, ich han mich verlore, verlore an dichOh, Oh Katrin, ich bin neu jebore, neu jebore durch dich.Ich well niemols em Lääve ohne dich mih sin,Denn nur met dir hat ming Lääve wirklich Sinn.

Hallo Engel mit joldblonde Hoore, ich soh dich vun drusse do ston. Mi Hätz, dat su lang deefjefrore, dät schmilze wie Ies en d‘r Sonn,Un d‘r Duff en d‘r Luffich jing ren un du häs mich bedeent – sats: Hello again! Et war ja su schön,

dä Moment, noh dem ich mich jesehnt.

Oh, Oh Katrin, ich han...

Gesprochen: „Oh Katharina, die Sache mit Werner kann ich dir nicht vergessen. Auch die Geschichte mit Peter … Doch als Willy mir erzählte, daß Hartmut gesagt hat, Du hättest auch Günter und Ernst, da war es so, als würde...“

Ich han Stunde jesesse, nur ding BIG MÄCS jejesse für DICH, DICH, DICH.

Musik: Thomas R. Engel, Günter Lückerath, Hartmut Priess, Peter Schütten, Ernst Stoklosa, Wilhelm Schnitzler

Text: Reiner Hömig, Hans R. Knipp, Ernst Stoklosa, Hartmut Priess, Thomas R. Engel, Peter Schütten, Günter Lückerath, Wilhelm Schnitzler

© by De Bläck Fööss Musikverlag GmbH, Bergisch Gladbach

Wie soll dat nur wigger jonn? Wat bliev dann hück noch ston? Die Hüsjer un Jasse, die Stündcher beim Klaafe. Es dat vorbei? En d‘r Weetschaff of d‘r Eck ston die Männer an d‘r Thek. Die Fraulückcher setze beim Schwätzje zosamme. Es dat vorbei?

Wat och passeet, dat eine es doch klor: Et schönste, wat m‘r han, schon all die lange Johr, es unser Veedel. Denn he hält m‘r zosamme, ejal, wat och passeet, en unserem Veedel.

Uns Pänz, die spille nit em Jras. Un fällt ens einer op de Nas, die Bühle un Schramme, die fl eck m‘r zosamme, dann es et vorbei.

Wat och passeet, dat eine es doch klor: Et schönste, wat m‘r han, schon all die lange Johr, es unser Veedel. Denn he hält m‘r zosamme, ejal, wat och passeet, en unserem Veedel.

Dat es doch klor: Mer blieven, wo mer sin, schon all die lange Johr, en unserem Veedel. Denn he hält m‘r zosamme, ejal, wat och passeet. En unserem Veedel.

Musik & Text: Hartmut Priess, Thomas R. Engel, Ernst Stoklosa, Peter Schütten, Günter Lückerath, Dieter Jänisch

© 1973 by PRESTO Musikverlag Hans Gerig KG, Köln© 1978 by De Bläck Fööss Musik-verlag GmbH, Bergisch Gladbach

16 17

KATRIN EN UNSEREM VEEDEL

Manchmohl sitz ich he römm, un ich frooch mich worömet su kumme moot, wie et kohm, wie et jetz ess, un ich saach mer, dat et irjendwo wiggerjonn muß – jraaduss.

noch hängk ding Bild ahn der Wand, un mäht mich rejelrecht krank.Ich hann ding Stemm noch im Uhr un ich frore mich nur,ob dat alles nix wohr en dä letzte paar Johr - met dir.

Bliev do, wo de bessHalt dich irjendwo fessun bliev su wie du woorsjraaduss.

Avv un zo merk ich dann,wie joot et dunn kann,wenn mer Luftschlösser baut un op Zofäll vertraut,janix mieh plant, op janix mieh waat – nur su.

Dann weet alles verdrängk, weil sons nix mieh jet bringk,

weil sons himmelblau grau weet un mir alles zovill weet,weil en jedem Jedanke dat Bild vun dir steck – jank weg.

Bliev do, wo de bessHalt dich irjendwo fessun bliev su wie du woorsjraaduss. Et woor schöön, et woor joot, ahm Engk e bessje ze koot,dausend un ein Naach, wo Donner un Blitz kraach,ne Film ohne Schluß, wo nix ess wie et muß – jraaduss.

Denk ens aff un zo daran, ahn dat wat mer noch hann,wat uns keiner mieh nemmp, weil et woor ess un stemmp,ahn dat Stöck „Ich“ vun dir un dat Stöck „Do“ vun mir – jraaduss.

Musik: Klaus Heuser Text: Wolfgang Niedecken

© 1981 by Musikverlage Hans Gerig KG, Bergisch Gladbach

18

JRAADUSS VIELEN HERZLICHEN DANK AN

Wolfgang Anton – www.defamilich.deWolfgang Niedecken – www.bap.de De Bläck Fööss Musikverlag GmbH – www.foeoess.de Musikverlage Hans Gerig KG – www.gerig.de

Privatbrauerei Gaffel – www.gaffel.deGaffel am Dom – www.gaffelamdom.de

Weitere Infos und Konzerttermine stets aktuell auf: www.heuser-koeln.de

Kontaktadresse und Buchungsanfragen an:BHE-Music Köln - Björn Heuser Tel.: 0173-9896752 • Mail: [email protected]

Folgende Veröffentlichungen sind überall im Handel erhältlich:

Album „Kenia“ (2008) Album „Jestern, hück, morje“ (2009)

Buch „Weltge-schichten“ (2009)

19

www.gaffel.de

Gaffel. Besonders Kölsch.

Kölsch Geblüt fürs kölsche Gemüt

Björn Heuser,Gitarrist, Sänger und Gaffelfreund