54
MAYANG, GACETA GABAMINT MABANI TINGNITA ULWI YAKWA Teléfonos: 2228-3791 / 2222-7344 Yayakna:750 wayani Minit C$ 45.00 28 Páginas Córdobas KURIHNICXIV Managua, Tausdi, Kurihbin wainiku 16, 2010 No. 176 GACETA GABAAMINT MABANI TINGNITA 16-09-10 176 NICARAGUA SAUNI LANI RIKNI WAUHNITAYA, ADIKA PAS AKAT BANG KI, LANI SAT UK WIRLANA PISNI BALNA, BARANGNI YAYAMNA KIDIKA, “KUAH WAINIKU 25 MANI 1990 KURIHNI YAK ILIKSAN YAMNIN YULNI, SAT UK WIRLANIN LANI “ YAYAMNA DAI KIDI, LA NUMBA 192 KAU, “NICARAGUA SAUNI LANI RIKNI PISNI AS SAT UK WIRLANIN LANI “ KAU ULNA BANA KIDI, LA NUMBA 330, “NICARAGUA SAUNI LANI RIKNI PISNI AS SAT UK WIRLANIN LANI”, KAU ULNA KIDI, LA NUMBA 490 “ LA RIKNI LANIBIN 138 PISNI 12 KAU PISNI 12 YAK SAT UK WIRLAWA LANI”, LA NUMBA 521, “LA RIKNI PISNI AS SAT UK WIRLAWA LANI”, NICARAGUA SAUNI LANI RIKNI PISNI AS, LANIBIN 140 SAT UK WIRLAWA LANI” DAWI LA NUMBA 527, “LA RIKNI PISNI AS SAT UK WIRLAWALANI”

MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

  • Upload
    others

  • View
    6

  • Download
    0

Embed Size (px)

Citation preview

Page 1: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

MAYANG,

GACETA GABAMINT MABANI TINGNITA ULWI YAKWA

Teléfonos: 2228-3791 / 2222-7344

Yayakna:750 wayani

Minit C$ 45.00

28 Páginas

Córdobas

KURIHNICXIV Managua, Tausdi, Kurihbin wainiku 16, 2010 No. 176

GACETA – GABAAMINT MABANI TINGNITA

16-09-10 176

NICARAGUA SAUNI LANI RIKNI WAUHNITAYA, ADIKA PAS AKAT BANG KI, LANI SAT UK WIRLANA PISNI BALNA, BARANGNI YAYAMNA KIDIKA, “KUAH WAINIKU 25 MANI 1990 KURIHNI YAK ILIKSAN YAMNIN YULNI, SAT UK WIRLANIN LANI “ YAYAMNA DAI KIDI, LA NUMBA 192 KAU, “NICARAGUA SAUNI LANI RIKNI PISNI AS SAT UK WIRLANIN LANI “ KAU ULNA BANA KIDI, LA NUMBA 330, “NICARAGUA SAUNI LANI RIKNI PISNI AS SAT UK WIRLANIN LANI”, KAU ULNA KIDI, LA NUMBA 490 “ LA RIKNI LANIBIN 138 PISNI 12 KAU PISNI 12 YAK SAT UK WIRLAWA LANI”, LA NUMBA 521, “LA RIKNI PISNI AS SAT UK WIRLAWA LANI”, NICARAGUA SAUNI LANI RIKNI PISNI AS, LANIBIN 140 SAT UK WIRLAWA LANI” DAWI LA NUMBA 527, “LA RIKNI PISNI AS SAT UK WIRLAWALANI”

Page 2: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

KING SAUNI AISKA LANI YAMYANG UNI

Ma Sauki Daklana Aiska Kingni Yaklauwi

Nicaragua walanibis balna kau diyulwa ki, King Sauni Lani Yamyang balna Kidi, pa

muihni balna kau yulwi dakana, yulbauwi tatalna dawak ma takitkau La ukna kidi

barangni yayamna ki:

KING SAUNI AISKA LANI RIKNI:

Tuna Niningkawa Yulni

MAYANG,

Nicaragua Pani Muihni Tanituna, King Sauni Aiska Lani Rikni yamyang balna kapat

kaluduhna mayang,

Ma ising katda ki

Sara mani kaupak ma inkidian sulani balna kalbauwi aina kidi.

Abya Abya Yala sulani bitik kaluduh yalahnin kulnin lani duda kidi, dawak ma paki

balna nining kulnin parasni duwi tanitdakwi aina balna kidi, dawak tannika laih talnin

sip mayang, General JOSE DOLORES ESTRADA, ANDRES CASTRO dawi

ENMANUEL MONGALO, balna yayamna yak, witinna kuduh, kuma paskaupak

dimalyang ma sauki yak aina balna dawak miriki suku turukyang balna niningkauh bik

kalbauwi minit bayayakna dai kidi.

BENJAMIN ZELEDON Sau uk muihni balna ai kawi ma sauki daknin yayamna nining

kauh kalbauna kidi.

Pri Ahalni Balna Generalni, AUGUSTO C. SANDINO, Pa Muihni dawi MuihTaihyang

Niningkauh Ribulusanni Papangni.

Kulnin dadasni duwi kalbauna RIGOBERTO LOPEZ PEREZ, witin kuduh

Muihtaihyang gabamintni witnin tani tunan bahna kidi.

CARLOS FONSECA warkni yamna wayani talda kidi, Sandino warkni yamna usnit

uiyang baisa nuhni kidi, Frente Sandinista de Liberación Nacional tuna bahna muihni,

dawi Ribulusan tanituna.

King sauni aiska pri yaknin yulni tani tunan duwi kalbauwi dadauna balna balna dawak

minit bayayakna balna biitk kau.

Adika balna ayangnina kau

Nicaragua walanibis balna; Sahwi kalahwi, kaluduhna satni balna bitik kau; saunina kau

dalani talwi ribulusan usnit uywa bitika kau; Nicaragua ahalni dawi yayalni balna bitik

kau: wark muihni dawi di dahyang balna bitik kau; minit bayakyang wahnima dawi

sirauni balna; minit bayakyang itangni balna; krisitian balna, papang kau barangni kulwi

muih miniknakunni yulni kalbauwi aina balna kidi; sins duna balna saunini kulwa

muihni balna; dawak angdika bitik warkni yamwi minik yakwi sauni aiska tanitdaknin

warkni kau paraswa balna bitik kau.

Page 3: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Sulani wisamni aiwa balna barangni alasna atnin yulni muihtaihyang balna niningkauh

kalbauwi aiwi dawak sangninaka bik diawa muihni balna yulnina bik.

Yulni kat

Ribulusan wark yamwi minik yakna balna, dawak pa muihni yalahwa satni wisamni as,

taihna lani dis yalahwa tannika as binin yulni kat, warkni yamwi anipis balna bibina

karang, dawak Nicaragua muihni balna sangnika, barakgnin tani yak, papatni yalahwa

atnin, dawak muih ramhnina kidi kasak palni risnipik kalana karang.

MA SAUNI AISKA, RIBULUSAN MA SAUKI SULANI BIITK KALUDUHWI

YALAHNIN YULNI DAWAK PRI LANI YULNI KAT

Ma takitkau la adika ukwa ki

NICARAGUA KINGNI KAWA SAUNI AISKA LANI RIKNI

YULNI TUNAN AYANGNI I

KULNIN TUHNI RIKNI BALNA

SAPATA TUNAN ASLAH

Lanibin 1 Nicaragua Sauni dakwi Kingni awi duwi, Sauni tanitdakwi, Alas lani awi

duwi Yalahwa kidi, pa muihni ramhnina kapat sip dadawas karang ki, dawak Nicaragua

sulani kingni awi yalahwa kulnin lani tuhni rikni as ki. King sauni uk kaupak Nicaragua

sangnika pasyak kulnin lani anin trai talwa awaskat, ramhnina parasni parahkau laknin

trai talwa bitik kidika pa muihni sangnika niningkauh yamwa karang ki. Nicaragua

walanibis bitik salahni yak duwa ki, adika ramhni balna tanit dakwi minit talna atnin.

Lanibin 2 Nicaragua sauni daklawi Kingni awi yalahwa parasni kidi pa muihni

sangnika pas yak sakki, dawak warkni yamwa ki, pa muihni bitik parasni anin tani balna

munah, pri lani munah wark pasyak kawi dawi kulnin barangni awa ki, yaka munah

sangnika baraknin, pulitik dawak pa muihni tani yayamni balna bibiwa ki. Gabamint

warkni parasni kidi, pa muihni balna tunan duwa ki, witinna balna kuduh, tanituna balan

pri lani munah, papatni, barangni dawak minitpakwi walwi yayakwa ki, muih uk

awaskat kaluduhna as yaklauwi taihwi di pakwak walwi yayakwas ki tanituna balna.

Dawak bik sip karang, pa muihni bitik kaluduhwi tanituna walwi yakna atnin, ampat

tani balna adika lani rikni dawak lani uk kau barangni yayamna yaka munah yamnin sip

karang.

Lanibin 3. Pri lani dawak King sauni uk balna pas yakat bik la barangni papatni as

duwi yalahnin usnit uywi patni kalahnin yulni, Nicaragua walanibis kapat pranimis

duwa kidi sip rumhwi dawas karang. Yaka yulni kat, muih uk kau taihnin, taihwi di

yamwi King sauni uk balna manah baraknin wawalwa kidika lani bitik niningkauh

mayang, dawak pa muihni balna taihna lani dawi ahni kau danin lani ninigkauh

kalbabauwa balna bitik kau di parasda ki.

Page 4: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Lanibin 4. Muih bitik yamnini yulni kat, gabamint yaklauwi paraswi barangni yamwa

karang, pa muihni sangnika dawi warkni baraknin yulni, yaka yulni Nicaragua ahalni,

yayalni bitik sangninaka baraknin yulni di parasna karang, kaput bahang tanit dakna

karang taihna lani, ahni kau danin dawak, kangwi yaknin lani balna bitik niningkauh.

Lanibin 5. Nicaragua walanibis balna kulninna tuhni kau duwa ki, pri lani kidi, la

barangni kidi, muih muihni nuhnini risnipik kalanin kidi, pulitik, pa muihni dawi sulani

satni mahni kidi, sau dawi yamnini daniwan satni duwa kidi, King sauni uk karak, pri

lani kat biri biri kalparasnin lani kidi, dawak sulani balna bitik pri lani kat kingni lani

awi duwi yalahnin kidika.

Pulitik daknini satni mahni kalpakwi wark yamwa munah, barangni yamwa ki, pulitik

kaluduhna satni mahni kidi kalpakwi wark yayamwa atnin, pa lalahnin, gabamint

warkni dawai pa muhni balna bitik sangnika baraknin yulni kat, kulnin lani satni bitik

kau ramhnina duduwa ki, kaunah niningkauh karang ki, angdika dakni balna, pa muihni

kau taihwi diyamnin awaskat, pa muihni kulnin lani niningkauh yayamwa balna kidika.

Gabamint parasni adika indian sulani bang kidika risnipik kalawa ki, dawak adika King

Lani Rikni kau ramhnina, dawi yamnin duwa balna kidi bitik yus munnin ramhnina

duwa ki, baisa palni laih, sara mani kaupak sulani lanina duduwa kidika ban duwi yus

munwi barakna atnin, pani muihni balna alas kaluduhnin lani duduwa kidika, dawak

witinna pas kau di duduwa kidi alas tuna duwi wauhna atnin, kaput bik, pa binina kal

uduh yalahwi saunina dakwi lawi yu smumunwa kidika ban duduwa atnin, dawak

yamnini balna ban duwi yus munwa atnin, bitik kidika la yulwa pas munah karang.

Atlantik Kus pani muihni pani binina yulni kat, Alas Lani kat Yalahnin lani as yamwi

dawa ki, adika Nicaragua Kingni Lani Rikni pas akat.

Di daniwan kalahnin satni bitik kidika: Gabamint dini, Alas dini, Dakni as dini,

didahyang daknini as dini dawak indian pani muihni dini kidi, barangni tanit dakna

karang, ahni kau danin lani dis, pa ritsni dulaunin yulni kat, dawak bitik kidika,

kulninna pri lani kat, pa muihni sangninnaka barakin warkni yamna karang.

Nicaragua kidi King sauni uk karak kalpakwi wark yamwa ki, King sauni as King sauni

uk karak biri biri kalpakwi kalparaswa lani munah. Yaka bahang, King sauni uk kau

kawi, gabamnit warkni yamnin, arakbus karak kanin, lalahni tani kau, sulani sangnika

kau, awaskat, suts warkni yayamwa kulnin munah duwi, King sauni uk sangnika pas

kanin lani kidi rumhwi dawa ki dawak yamwas karang. King sauni as dawi King sauni

uk karak isninglak lani sat uk sat uk duduwarang kat, King sauni mahni kalpakwi la

yayamna pasmunah kawi barangni yayamna karang, dawak King as sauni paskau,

awaskat, King biri biri tranibil duwa yulni, bumba dudutni rumhnin lani balna, dawi di

mahni daukalnin dini rumhnin lani balna bitik niningkauh ki; King as yaklauwi sauni

walanibis as kau trabil kalyamnin usnit uywa kat, tanit dakna karang, kaput bik, King as

yaklauwi, King uk kalni dinit kau buknin lani kidi nining kau ki.

Nicaragua kidi kalirikwa ki Derecho Internacional Americano kulnin lani tuhni rikni

ukna balna pasyakat, kidika kuduh, Kingnina lani parsni duwa munah, talwi yakwi

ayangnina rawasna ki. Nicaragua Abya Yala papus kingni sauni balna karak kalpakwi

yalahnin kidi yaksihni talwa ki, dawak trai talwa ki, mani as Abya yala papus kingni

sauni balna kidi sau aslah kapat yalalahna atnin lani watwi dulauna atnin.

Page 5: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

YULNI TUNAN AYANGNI II

GABAMINT SAUNI PARASNINI YULNI

SAPTA TUNAN ASLAH

Lanibin 6. Nicaragua kuduh gabamint as parasni alas duwi, pri ki, sauni daklawi tanit

dakwi duwi, sauni parasni uduhna aslah ki, dawi sip sahwi kalahwas ki.

Lanibin 7. Nicaragua kuduh pa muihni balna karak kalpakwi gabamintni tunan duwa

ki, pa muihni balna wark pasyak kawi tunana duduwa ki. Gabamint tingni rikni balna

ki: La Binin Parasni, Gabamnit Warkni Wauhnin Parasni, Gabamnit Lani Laihwi

Yamnin Parasni, dawi Iliksan Tunan Wauhnin Parasni.

Lanibin 8. Nicaragua pani muihni balna kuduh sulani satni mahni ki, dawak Abya Yala

papus sauni pasyak sak ki.

Lanibin 9. Nicaragua laih barangni tanit dakwa ki, Abya Yala papus kingni sauni balna

kidi kalpakwi aslah yalahna atnin, yaka yulni Abya Yala papus sauni balna paskau wark

ni balna dawak lalahni baraknin warknin yamnin dawi biri biri kalparsnin kulnin lani

kidi paraswi tanitkau dulauwi kiwa ki, kaput bik, sauni pisni akat, pri lani duwi yalahnin

lani kidi barangni diparaswa ki.

Nicaragua dukih kalawi Abya Yala aiska dawi kuma paskau kalansah sauni walanibis

balna bitik kidika kalpakwi aslah yalahna atnin, Bolívar dawi Sandino kulnin lani

duduwa dai munah. Yaka bahang, Abya yala papus dawak Abya Yala aiska sauni kingni

balna karak kalpakwi adika warkni yamnin yulni kat, kaluduhna satni balna walwi

bibina karang, dawak bik walwi yayakna karang.

Kulnin lani tuhni rikni adika warkni yamni kat, King sauni uk uk balna karak kalpakwi

yulbauwi la yayamwarang munah yayamna karang ki.

Lanibin 10. King sauni daklana aiska adika kuduh libitna sakki, karibi kumani dawi

pasipik kumani, kaput bik Honduras dawi Costa Rica Sauni daklana papus yakat.

Nicaragua sauni kingni, parasni dawak ramhni kidi bayakwa ki, kumani kung kalansah

nunuhni dawi bikikisni balna, kaput bik, kaumah yaihnitkau bang balna kidika bik,

kaput bik paskau was bang balna kidika bik, kuma pisni bik, yaihnit kau sauni bik,

kuma dinit sauni bik, lalahni barakin warkni yamnin pisni bik, dawak ma kau wing kira

pisni daklana bik, bitik kidika, King sauni mahni kaluduhwi la yayamna yakat lani awi

duwa ki.

Nicaragua kingni sauni adika king sauni uk kau karak risnipik lani kalana karang,

angdika balna pri lani munah kulnin lani barangni ana balna kidika manah, dawak bik

Nicaragua kingni lani rikni munah, dawi dawi king mahni kaluduhwi la yayamna balna

balna kidika manah. Kaput bahan, angdika lani balna, king sauni uk balna rawaswasna

karang bik, Nicaragua pas kau kawi rawaswas balna kalaih risnipik kalawas karang.

Lanibin 11. Ispayul tuni kidika king sauni pas akat tuni palni kapat yus munna karang.

Nicaragua Atlantik Kus sauni kau sulani tuni uk yuyulwa balna kidika bik, la kau ais

yulwarang yakat, tuni palni kapat yus munna karang.

Page 6: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Lanibin 12. Managua pani adika king sauni Kapitalni ki, dawak King Tingni Rikni

Parasni balna anipis rikni duwarang ki. Tannika uk as kalahwarang laihtak, pa uk kau

dunin sip karang, adika king sauni daklana pas akat.

Lanibin 13. King sauni daklana wayani balna kuduh: King Sauni Lanwana, Sauasna

dawak Sauasna wayani, dawak la ukna munah yaman ki, dawak bik ampat yus munnin

bik lani ana ki.

Lanibin 14. King sauni parasni adika alas sutsni kapat as diski.

YULNI TUNAN AYANGNI III

NICARAGUA WALANIBIS SULANI KIDIKA

SAPTA TUNA ASLAH

Lanibin 15 Nicaragua walanibis balna kidi sipki sulani atnin, awaskat sulani kalna

atnin.

Lanibin 16. Sulani balna ki:

1) Kingni sauni pas akat batanhna balna kidi. Kidi pasyak kakawas ki, king sauni uk

balna , kingni warkni yamwa bang walanibis balna, Kin sauni uk muihni balna aninapis

warkni yulni aiwi kakana balna kidika, kaput bik, kingnina yaklauwi Nicaragua sauni

kau warkni yamnin sisihna balna kidika, ban bik, Nicaragua walanibis kalnin yulni

yuyulwarang laihta kat, sip karang ki.

2) Walabis papangni kidi awaskat itangni kidika Nicaragua walanibis kat.

3) Sau uk kau batanhna muihni bin kidi papangni awaskat itangni kidika tanitkau

Nicaragua walanibis dai kat, kauna kidika bik, kurihni muihbarak laihwarang mani

Nicaragua walanibis kalnin yulwarang kat.

4) Nicaragua sauni pas akat, muihbinina dini almuk dis kat walwi yayakna balna kidika,

trabil as bik dis karang ki, dini almuk kalahwarang mani lani uk yamnin mani

kaiwarang balna bik.

5) Batanhna muihni bin dini almuk balna king sauni uk muihni balna karang bik,

Nicaragua plinni awaskat kuringnuhni paskau batatanhna kat, yaka bik kaput dukih

yuyulwarang kat.

Lanibin 17. Abya Yala papus kingni sauni walanibis palni balna kidi ramhnina duduwa

ki, Nicaragua walanibis kalnin yulna atnin, dawak witinna saunina kaupak dakwi

kalahwas ban yulna atnin sip ki, dawak sip karang yulna atnin gabamint parasni duwa

anipis as kau, muihni kidi Nicaragua sauni pas akat yalahwa kat.

Lanibin 18. Gabamint lani yamwa anipis rikni kidi sip karang ki, Nicaragua walanibis

kapat yulwi yakna atnin, king uk sauni walanibis as, Nicaragua yulwi wark nuhni

minitbayak yamna muihni as kau.

Page 7: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Lanibin 19. King sauni uk walanibis kalna kidi sip karang Nicaragua walanibis kalna

atnin, tanit kau kingni sauni kaupak dakwi kalahna atnin ki, dawak bik, parasni duwa

anipis as kau yulna karang ki, angdika mani, adika lani kau ais yulwa bitik kdikika

barangni yamwi duwa karang kat.

Lanibin 20. Nicaragua walanibis as kau bik, Nicaragua walanibis kapat wauhnitaya

duwa kidi sip dakyakwas karang. King sauni uk walanibis kalna yulni, Nicaragua

walanibis wauhnitaya duwa kidi diswas karang.

Lanibin 21. Nicaragua sauni walanibis kalnin, disnin dawi watwi dunin tani balna

kalaih la balna munah barangni yamna karang.

Lanibin 22. King sauni bu walanibis atnin kalaih, kingni sauni bu biri biri ampat

kalpakwi lani yayamna munah lani barangni yamna karang.

YULNI TUNAN AYANGNI IV

NICARAGUA MUIHNI BALNA RAMHNINA, YAMNIN DUWA, DAWI TANIT

DAKWA BALNA

SAPTA I

MUIH BANI RAMHNINA

Lanibin 23. Muih sangnika ramhni kidi, sip minit bayakwas ki, dawak muih kapat dini

palni ki. Nicaragua akat la munah muih inin lani dis ki.

Lanibin 24. Muih bani kidi di yamnin duwa ki, wanaihni yulni, pani yulni, king sauni

yulni, dawi muih bitik yulni bik.

Muih bani ramhni kidi kidi witwa ki, muih uk ramhni duwa balna yakarak, muih bitik

sangnika tanit daknin daknin yulni dawi muih bitik yamnini yuyulwa yulni kat.

Lanibin 25. Muih bani kidi ramhni duwa ki:

1) Muihni kat pri ni lani.

2) Sangnika tanit daknin.

3) Muihni nuhni dawi la munah parasni duwa kidi rsinipik kalana atnin.

Lanibin 26. Muih bani kidi ramhni duwa ki:

1) Alas sangnika lani dunin dawi pamalini sangnika dunin bik.

2) Unipas kau muih kawi lani bahnin awas, muih uk wauhtaya awas kat di sisihwa kat

muih uk yaklauwi laihwi talnin lani dis ki.

3) Muihni kalkulna lani dawi ayangni yamnini risnipik kalana atnin.

4) Gabamint muihni balna witin yulni ais duduwa balna kidi amanglanin lanin ramhni

duwa ki, dawak ais yulni dawi ais yamnin yulni kidika yulni duduwa pa amanglanin

ramhni duwa ki.

Page 8: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Muih as uni pas kau kiwi kanin sip karang ki, La wihta parasni duwa yaklauwi anidar

kalawa munah,

Kaunah sip karang kana atnin:

a) upas kau kawa muihni balna yaklauwi yaka unipas yak la nining kauh dini balna

yamwa bang ki atwarang kat, awaskat pas yakaupak ilp yuyulwarang kat;

b) kuh buswa karang kat, awas kat trabil dutni as yulni upas muihni balna sangninaka

disninna sip kat, awaskat uni disnin sip karang kat;

c) upas yak talwas muihni uiwi kakana kat, dawak muihni balna kidi di dutni yamnin

trai talwa bang karang kat;

d) la bahna muihni as laihnin atwi uywi kiwa awarni balna yak kiri kiwi yakat kaki

yakmalda sak karang kat;

e) muih malwi duwi kiuna muihni as laih yaknin yulni kat.

Adika dini bitik pas akat la munah yamna karang ki.

La yaklauwi laih yulwa ki, wauhtaya satni balna, numba kulwi yakna, dawi wauhtaya

sat uk uk bik, laihwi talnin yulni kat, kidika bitik, la wihta balna awaskat, di minit

daknin wihnita balna laihwi talnin nitni sak karang kat.

Wauhtaya ulwi sihna, dawak muih wauhnitaya sat uk uk balna, la pirini kaupak laihwi

yayakna balna bitik kidi la yamwa paskau, awaskkat ahni yak bik parasni dis karang ki.

Lanibin 27. Muih bitik kidi la muhni yak papatni ki, dawak papatni Tania daknin

ramhni duwa ki. Di awas kapat klakulnin lanin lani dis karang ki, batanhna pani yulni,

King sauni as paskaupak yulni, pulitik yulni, sulani, al awasskat yal yuulni, tuni yulwa

yulni suts duwa yulni, kulnin lani, sara sulani duwa yulni, lalah dis awaskat minikunni

yulni.

King sauni uk kaupak muihni balna kidi Nicaragua walanibis balna karak di yamnin

duduwa kidi dawak ramhnina papatni duduwa ki, Kaunas pulitik ramhni dawi la yulwas

balna kalaih ramhnina dis ki; king sauni pas kau pulitik yulni pasyak kanin anidar dis ki.

Gabamint sauni parasni kidi rispik mundi Tania dakwa ki, adika lani rikni kau ais yulwa

bitik kidi, sauni pas akat ai kana muihni bitik kau ramhni kalawa ki, dawak witin

parasni dinityak Tania dakna karang.

Lanibin 28. Nicaragua walanibis balna, king sauni uk bang kidika bik gabamint sauni

parasni yaklauwi tanit dakwi mint talwa ki, kidika bitik laih yamwa karang ki, gabamint

warkni yamnin tada king sauni uk sihna muihni balna munah.

Lanibin 29. Muih bitik kidi ramhni duwa ki pri lani kat yul kulnin, sinsni lani dunin,

dawi suts lani as laihnin awaskat laihwas atnin. Muih as kau bik taihna lani karak

diyamwi adika ramhni dakyakwas karang, dawak taihna lani karak diyamwak sutsni

yulni, kulnin lani, ais kau kulwa balna kidi yul yakwas karang.

Lanibin 30. Nicaragua walanibis balna kidi ramhni duwa ki, yul kulwa balna kidi pri

yulwi yaknin, muih mahni awaskat, bulah, aslah aslah karak awaskat dakni bin as kau

yulwi yakna atnin, yulbauwa munah, ulva munah awaskat tani uk munah bik.

Page 9: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Lanibin 31. Nicaragua walanibis balna ramhnina duduwa ki, king sauni aiska pas akat

awaihna atnin, dawak kin sauni pas akat, angdika pani yak karang bik sip ki pani duwi

yalahnin; king sauni pas akat pri lani kat kai kanin dawak kalahnin ramhni duwa ki.

Lanibin 32. Muih as kau bik taihna lani karak diyamwak yamwas karang ki, La kau

yulwas dini balna kidi, dawak bik taihna lani karak kalawak laihwatwas karang, La

yaklauwi putwas dini balna kidi.

Lanibin 33. Muih as bik, ban kaupak muih aslah kulnin lani yulni, silak uni awaskat

prisin uni kau awas karang ki, dawak prini lani bik dakyakwas karang ki, La munah ais

yulwa yakat dawak ampat yamnin tani ukna balna munah sip karang ki, yamna atnin.

Kaput bahang:

1) Silak kau laih watnin sip karang ki, La wihta parasni duwa muihni as adar ulwi sihwa

karak manah, awaskat La yaklauwi parasni kalana muihni balna ulwi sihwarang kat,

Kaunah sip karang yamna atnin awarni yak ramh palni laih la bahwa karang kat.

2) Silak kau laihwatna muihni bani kidi ramhni duwa ki:

2.1 Laih watwi duwas isningpaknin karang ki, witin amanglawa tuni kau, dawak

yayahni kaupak kalyulna karang, ais yulni silak kau laihwatwa tannika, dawak witin

niningkauh ais yulni dutni yayakwa kidika; pulis muihni balna dawak witin palni

yaklauwi bik kalawak wanaihni balna kau isning paknin ki; dawak bik muih mayang

lani kat, risnipik karak di yamna karang ki.

2.2 Silak kau laihwatna kaupak awar 48 bayakwa pasyakat pri yaknin karang ki,

awaskat, La yamnin parasni duwa tingni kau lanin karang ki.

3) La bahna minit lauwi bayakna kaupak, la parasni duwa muihni yaklauwi silak kaupak

yaknin anidar lana kaupak, muih as bik baisa silak uni kau sak atnin anidar dis ki.

4) La minit bayakwi muih kau silak awa bani kidi, La parasni duwa muihni niningyak

trabil kaiwa karang, warkni yulni dawak la bahna yulni bik.

5) Muih silak uni kau duwa tanituna balna kidi, trai tatalna karang, silak muihni baisa

lani yamwa balna, dawak lani yamwi paat kau rumhna balna kidi wayah yakwi pani uk

uk kau duduwa atnin.

Lanibin 34 Lani yamwa muihni bani kidi ramhni duwa ki, papatni lani kat, adika

sangnika tanit dakna balna bikikisni balna adika:

1) Trabil dis muihni kapat kalkulna karang, La yamwa munah patni duwa kidi baisa

nining kawas karang mani.

2) Laihwatwas palni Lani yamna karang ki, la yaklauwi, La wihta parasni kalana muihni

balna yaklauwi. Silak muihni kidi la wihta uk tingni kau murwi lanin lani diski. Muih as

bik La wihta lani yamwa tingni kaupak yakwi, la wihta uk tingni kau duwi lanin yamnin

lani dis ki.

Page 10: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

3) La yaklauwi kapat yamnin pakna balna kidi, La amanglayang dakni as tingni kau

lanin karang ki, lani kidi yamnin yulni. Lani yamna kidi watwi laihwi talnin lani kidi

awi dawa ki.

4) Lani yamwa tuna kaupak sansni kalana karang,witin dawi tanitdakwa muihni kidi

yulbaunin, kaput bik sansni kalana karang, ma ampus dawak ampat tanitdaknin tani

duwa atnin yulni.

5) La yamwa tuna bahwa kaupak tanitdakyang muihni dis karang kat, gabamint

yaklauwi layar as pakna karang, tanitdaknin yulni; awaskat la awa wauhnitaya ulwi

sihna mani kaupak tanitdaknin muihni pakwas karang kat. La kau duwa muihni kidi

ramhni duwa ki, tanitdakwa laniyar karak pri lani kat albulah yulbauwa atnin.

7) Taihna lani karak kalyamwak alas niningkauh yulwas karang ki, maritni awaskat

yalni awaskat alni niningkau yulwas karang ki, kaput bik wanaihni balna ani palni

muihni balna dawak maritni wanaihni balna niningkauh bik, kaput bik taihna lani karak

yamwak trabil duyang kapat yulwi yakwas karang ki.

8) La yaklauwi ma ampus pas yak lan yamwi saran laihni yulna yakat, lani yamwi saran

laihnin karang ki, la yamnin anipis parasni bani yak.

9) La bahna yulni, lani yamwi pat kau rumhna mani, ramhni duwa ki, wihta baisa

parasni duwa muhni kau kiwi lani walna atnin, lani yamna kidi watwi laihwi talnin

yulni.

10) La as bahna yulni la yamwi bayakwi silak kau awah kawi lauwi bayakna awaskat,

kawi bayakwi pri ni lani duna kat, sim patni yulni watwi la kau duwi kiwas karang ki.

11) La tingni kau duwi uywas karang, dawak la awi pat kau bik rumwas karang, trabil

as yamna awaskat di as yamwas dana yulni, kidika mani balna yak, dini kidika, La

yaklauwi La bahna dini kapat kalkulwas dai kat, kaput bik La ukna paskau yulwas dini

as yulni sip muih as kau pat tingni kau awas karang ki. Adar diski La as dini balna kat

ulwi yaknin awas kat, silak muihni kau tanka dutni karak kalyamna atnin.

Silak anin yulni la yamna kidi param laih yamwarang ki. Wingkau ulwi yakwa balna

dawak muih bitik muhni yak laih apis tanitdakna karang ki, muih kulnin risnipik dawi

pa muihni la kat yalahwa risnipik yulni.

Pat kalyamna muihni kidi La yamwa tuna kaupak, dawak La yamwa parasni pisni bani

yak, lani yamwa pasyak awi duna karang ki.

Lanibin 35. Muih baisasa balna kidi, la satni as pas kau anin anidar dis karang ki, kaput

bik, La wihta la yamwa satni as kau bik anin anidar diski. Muih baisasa balna la bahna

muihni balna kidi sip silak satni pani as kau duwi kiwas karang, dawak parasni duwa

anipis as apatnah amanglayang balna tingnina kau dana karang. Adika yulni laih, La as

yamna karang adika dini yulni kat.

Lanibin 36. Muih bitik kidi ramhni duwa ki, muihni nuhni, sinsni lani dawak muhni

risnipik kalana atnin. Muih as bik wisnin lani kau awas karang, dutni waraunin, dawak

Page 11: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

muih awas kapat kalyamnin lani kau awas karang ki. Adika ramhni minit bayakwi

yamwarang kat, la bahna as kalkulna karang dawak, la tingni kau bik bukna karang.

Lanibin 37. Trabil as yulni la yaklauwi pat kau rumhwa muihni kidika, muihni minit

yakat manah bukwa ki. La bahna yulni pat kau rumhwa kidika, patni aslah, awaskat, uk

uk libitwi kulwi yakwak, pat tingni kau kurih 30 minitkau bayakwas karang ki.

Lanibin 38. Bayakna mani kau la parasni disna as karak sip watwi yakarak yus munwi

la yamwas karang, silak anin yulni la yamwa yakat manah sip karang, kaunah, silak

muihni ilpni kau karang kat.

Lanibin 39. Nicaragua akat, Silak Uni tunan wawauhwa kidika muih muihni nuhni

risnipik kalawi warkni yayamwa ki, dawak yaka munah ramh palnin yamnin wawalwa

kidika kuduh, silak kau bukna muihni kidika tani tani sumalwi dulauwi watwi pa

muihni sangnika paskau ana atnin. Tani tani sumalwi dulauwi yakarak, diparaswi kiwa

ki, silak muihni kidika wanaihni karak watwi aslah kalahnin, muihni sangnika yamni

dunin, skul dunin, yamni yalahnin, dawak silak uni paskau wark yamwa kidika minit

bik kalwa atnin ki. Silak kau bukna yakaupak watwi di sumalwi dulaunin walwa ki.

Yayal silak kau bubukwa kidika, ahal balna sinilak uni karak wayah yakwi pa uk kau

duduwa karang, dawak bik, silak main talyang idika bik, yayal balna karang.

Lanibin Arto Muih as bik albah lani kau bukwas karang. Albah lani dawi muih laihwi

pa ukkau dulawi bakannin lani satni bitik kidi la yaklauwi adar kalawas ki.

Lanibin 41. Muih as bik taras yulni silak bukwas karang. Kulnin lani tuhni adi karak,

laih watwas karang ki, muih as walanibis kau plun minit kalawas kat, la wihta parasni

duwa as yaklauwi, , la parsani minityak ilna atnin. Nicaragua walanibis, awaskat King

sauni uk walanibis bik salahni yak duwa ki, ais taras duwa kat launa atnin.

Lanibin 42 Nicaragua akat, sau uk muihni as, sauni kau trabil duwa yulni dawak

kingni yaklauwi usnit uywa kat, ramhni duwa ki kaiwak tanit dakna atnin. Trabil yulni

dawak kingni usnit uywak tanit daknin kidika laih, yamna karang, mjuihni kidika tawan

yulni, pri lani yulni, la yulni dawak muih ramhni minit kalbauwa yulni kingni yaklauwi

usnit uhuywa kat. La yaklauwi muihni yak ampat tanit daknin tani balna ana karang ki,

yaka bik Nicaragua king sauni uk balna karak kalpakwi yul bauwi la rawawasna balna

munah. Ma sauki pas akat, tanitdakwa muihni as, sauni akaupak kangwi yaknin nitni

sak karang kat, muihni yak usnit uywa kingni sauni kau laih nawatwi sihwas karang ki.

Lanibin 43. Nicaragua akaupak, pulitik awaskat, la bahna as pulitik karak libitna kat,

sauni akaupak walanibis as King sauni uk kau silak anin yulni sihwas karang ki,

Nicaragua lani kulwa yakat. La bahna as yulni King sauni uk kau silak kau sihnin kidi,

King sauni mahni kalpakwi la yayamna munah yamna karang. Nicaragua walanibis as

bik sauni akaupak King sauni uk kau silak anin sihwas karang ki.

Lanibin 44. Muih di duwa balna, pa as kaupak dulanin sip dini, dawak dulanin sip

awas U, sau, wark yamnin dini balna kapat kidka daniwan yak risnipik kalawa ki.

Yulwa dini balna kidika pa muihni baraknin kau paraswa bahang, ramhni kalawa adika,

warkni yamwi kiwa yakat, pa muihni bitik yamnini yulni nitnina pasyak kawa ki. Pa uk

kau dulanin sip awas dini balna kidi La munah tingni dakyaknin sip karang ki, kaunah

tanit kaupak minit yamni as launa karang.

Page 12: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Gabamint di dahnin warkni yamnin yulni, sau pisni nuhni warkni yayamwas dauh bang

balna kidi dakyaknin yulni kat, La yaklauwa ulwi yakna karang, ampat yamnin,

nuhnini, ampat launin dawi mint pakwi launin tannika bitik, sauni pisni lauwi bayaknin

ahana yakat. Muih dini yamnin dakyamknin anidar diski. Gabamint warkni muihni as

adika lani minit bayakwarang kat, witin ais dini yamni duwa karak minit launa karang

ki, ais dini dutni yamna bitik yulni.

Lanibin 45., Angdika muihni as talwak lani rikni akat yulwa balna kau ramhni duwa

kidi mint bayakwa kat, awas kat, mint bayaknin awa kat, sip karang ki, la walnin

Gabamint yaklauwi muihni nuhni tanitdaknin lani, muihni nunhni awaskat, lani rikni

kau ramhni balna tanitdaknin, lani kidi sip ki walna atnin, La yaklauwi ampat yamnin

tani ukwi dana yaka munah.

de Amparo.

Lanibin 46 King sauni pas akat muih bitik kidika gabamint parasni yaklauwi

tanitdakwa ki, dawak bik, muih kapat, muih bitik muihni nuhni risnipik duduwa yakat

risnipik kalawa ki, muih ramhnina duwa kidi, laihwatwas risnipik kalawi, paraswi

dawak tanitdakwa ki, dawak parasni kalawa ki, Adika lani nunuhni Declaración

Universal de los Derechos Humanos; Declaración Americana de Derechos y Deberes

del Hombre kau yulwa kidi; Pacto Internacional de Derechos Económicos, Sociales y

Culturales dawak Pacto Internacional de Derechos Civiles y Políticos de la

Organización de las Naciones Unidas kau yulwa kidi, dawak Convención Americana de

Derechos Humanos de la Organización de Estados Americanos, kau ais yulwa bitik kidi

yamna atnin..

SAPTA II

PULITIK YAK RAMHNI DUWA KIDI

Lanibin 47. Pa dawan kalkulna ki, Nicaragua walanibis balna kurih salap minitkau

tiaskau kuihna muihni balna kidi.

Pa dawan balna manah, ramhni duwa ki, adika Lani Rikni dawak la uk balna kau pulitik

yulwa kidika laihwi yus munnin, kidi laih kurihni uywi kuihna atnin yulwa kidika

manah ki.

Pa dawan ramhnina kidika laih watwa ki, muih trabil dutni as yamwi silak bukna kat,

as, awaskat, trabil as yamna yulni la yamni bayakwi muihni yak di as as yamnin sip

awas kapat la yaklauwi pakna kat.

Lanibin 48. La awi dawa ki, Nicaragua walanibis bitik kidika ramhnina papatni duwa

ki, pulitik paskau kawi warkni yamna atnin, dawak ais yamnin salahni kau duwa balna

bitik kidi yakat yamna atnin bik, ahal dawak yayal karak papatni palni di kulna ki.

Gabamint sauni parasni salahni yak sakki Nicaragua walanibis balna sangninaka

duduwa pasyak, papatni aws lani balna bang kat, laihwi dispamnin, dawi sansni

kalawak king sauni pas akat, pulitik warkni, lalahn baraknin dawi pa muihni sangnika

warkni yaman atnin.

Page 13: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Lanibin 49. Nicaragua akat kaluduhna atnin ramhni duduwa ki, tawan nuhni dawi

asangpas warkni kalahyang balna, yayal balna, wawahma sirarau, di dahwi sahyang

balna, tingkau di yamyang balna, skul saran laihna balna, sins muihni balna, aiwanyang

satni balna, suts muihni balna, Atlantik kus muihni balna dawi pa muihni bitik, ahni kau

danin lani dis karak, ais dukih diawa kidi parasdak uywi kuihnin yulni manah, kaput

munah, pa muihni sangnika wisamni as bina atnin yulni. Adika kaluduhna balna kidi

yayamna karang pa dawan balna kulninna lani kat kaluduhwi, tatuna walwi yakwa

munah, pa baraknin warkni yayamwa karang, pulitik daknini, awaskat, daknini awas

atnon bik sip ki, ais warkni yayamnin kukulwa yakat.

Lanibin 51. Pa dawan balna ramhnina duduwa ki, iliksan yayamwa mani, tatuna walwi

yaknin dawak witin yak tatuna kapat walwi papakna atnin, dawak gabamint warkni bik

laihna atnin, kaunah sip ki kal laihwatna atnin, adika Lani Rikni, laihwatnin dini pakna

balna yulni.

Pa dawan balna yamnin duwa ki, dakni kau kalpakwi la yamnin papaiwarang kat, La

yaklauwi sansni kalawarang manah sip karang yamwas atnin.

Lanibin 52. Pa dawan balna ramnhni duduwa ki, Gabamnit Tingni Rikni Parasni balnan

kau di yulna atnin, di dudutni yayamwa kat yulwi yakna atnin watwi barangni yamnin

yulni kat, alas alas awaskat dakni kau kalahwi yamna atni sipki; dawak biri bik sirihni

nangnit lana karang, kaput bik, sirihni isning pakna karang, ais as isningpaknin kat,

ampat la kau yulwa yakat.

Lanibi 53. Sanni lani kat kaluduhwi yulbaunin kidi rispik munwa ki; adika ramhni

warkni yamnin laih tanit kaupak adar yaknin nit awas ki.

Lanibin 54. Muih mahni kaluduhnin, kaluduhwi lapaknin, tapas kau kalahwi lapaknin

ramhni kidika rispik munwa ki, bitik kidi La kau ais yulwa yakat.

Lanibin 55. Nicaragua upa dawan balna pulitik dakni paskau kanin ramhni duduwa ki,

King parasni usnit uiwi laihnin tani walna atnin bik.

SAPTA III

PA MUIHNI BARAKNIN RAMHNINA

Lanibin 56. Gabamnit sauni parasni yaklauwi, baraknin warkni bitik paskau muih

sakahwa kalna balna kau diparasna karang, dawak war kau bubukna wanaihni balna

bitik kau parasna karang..

Lanibin 57. Nicaragua walanibis balna kidi, muih kapat wark kalahnin ramhnina

duduwa ki.

Lanibin 58. Nicaragua walanibis balna kidi skul kanin dawi sinsni baraknin ramhni

duduwa ki.

Labinina 59. Nicaragua walanibis balna muihni nuhni yamni dunin papatni ramhni

duduwa ki. Gabamint yaklauwi warkni tani yamwarang, diparasnin, tanit daknin, dawi

watwi sangnika dulaunin yulni.

Page 14: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Gabamnit parasni tingni yak sakki, muih sangnika yamni dunin warkni tunan duwi

yamna atnin, dawak pa muihni balna kau diparasna karang warkni tanit daknin yulni.

Pa dawan balna sakahni yak sakki, pa ampat klin dunin lani ahawarang kidi laihwi

yamna atnin.

Lanibin 60 Nicaragua walanibis balna kidi ramhnina duduwa ki, pa sangnika yamni as

kau yalahnin. Gabamint parasni salahni yak sakki sau sangnika dawi sau ritsni balna

mint talnin, tanit daknin dawak watwi dulauna atnin.

Lanibin 61. Gabamnit yaklauwi Nicaragua walanibis balna kau, Sangnika Yamnin

Tanitdaknin ramhni kidi kalawa ki, ma sangkika dawak wark malahwa paskyak ais mai

kalahwarang yulni, ampat munah yamnin kidika la ais yulwa yakat yamna karang.

Lanibin 62. Muih sakahwa kakalna balna yulni Gabamint yaklauwi di prasnin warkni

satni dulauna karang, watwi muihni nuhni, sinsni lani dawak skul duna balna dulauna

atnin, kaput bik wark paskau ana karang.

Lanibin 63 Nicaragua walanibis ramhnina duduwa ki, yuh niningkauh tanit dakna

atnin. Gabamint yaklauwi baraknin warkni dukauna karang di kasnin yamni duwa atnin

yulni, dawak papatni sakyakwi diawa lani balna bik.

Lanibin 64. Nicaragua walanibis balna kidi ramhni duwa ki, U yamni, alahni dawak

upas muihni balna barangni tanitdakwa kat kakawa atnin. Gabamint parasni yaklauwi

wark yamna karang adika ramhni uywi kuihnin yulni.

Lanibin 65. Nicaragua walanibis balna ramhni duduwa ki, yakisdinin, muihni iksasais

dunin, alasna dunin dawak muih uk karak kalpaknin. Gabamint yaklauwi parasna

karang yakisdinin dawak iksasais satni skulni duna atnin, pa muihni balna mahni

uduhwi duwi sumalwa munah, Nicaragua walanibis balna muihni aiska baraknin yulni

kat. Adika warkni laih baraknin warkni yayamni karak yamna karang.

Lanibin 66. Nicaragua walanibis balna kidi, di kalahwa yulni ramh palni kidi dakanin

ramhni duwa ki. Adika ramhni pasyak kawa ki, pri lani karak walnin, dunin dawak

yulni dawi kulnin lani yulwi yaknin, yul bauwa karak manah, awaskat, ulwa munah, di

waya yamwa munah, awaskat, tani uk as angdika baisa yus munnin kulwarang kat.

Lanibin 67. Di kalahwa balna yulwi yaknin ramhni kidi pa muihni kau risnipik kalanin

bik salahni yak sakki, dawak warkni adika yamwa ki, Gabamnit Lani Rikni kau ais

yulwa risnipik yakat. Adiak ramhni duwa kidi putnin sip awas karang ki, ma takit kau

ais tranibil kaiwarang yulni La munah tanit dakwa yakat.

Lanibin 68. Di kalahwa balna yulwi yakyang kamnipani balna kidi, pa muihni kau di

parasnin warkni yamwa pasyakat, King sauni aiska baraknin warkni yak bik parsnin

karang ki. Nicaragua walanibis balna kidi, di kalahwa balna yulwi yakyang kamnipani

kawi yus munnin sansni duwa atnin ki, dawak ramhnina dawi tanitdakwa balna kau

trabil di yamna kat, laih yakwi kalyulnin ramhni duduwa ki.

Page 15: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Gabamint parasni kidi mint talna karang, di kalahwa balna yulwi yakyang kamnipani

balna kidi, King uk sauni kaupak muihni balna tingnina yak buknin awas yulni,

awaskat, dakni as kalahwi puwi duna atnin awas yulni. La yaklauwi adika warkni

yamna karang.

Di kalahwak yulwi yakyang kamnipani balna, ulna kau, wing munah, wayani munah

yayakwa balna, wauhtaya, misin dawak warkni kau yus munwa dini balna satni sau uk

kaupak bakanwi duwi aiwa balna kidi, kaput bik, sau uk kaupak wauhtaya bakanwi

duwi aiwi wauhi bakakanwa balna, wauhtaya bikis, di waya, skul wauhnitaya, sumalnin

dini, ma bani ulwi yakna balna, bakanwa yulni, alkaldi, Alas yalahwa gabamnitni,

dawak gabamintni rikni yaklauwi tunan minit dakwas karang. Tunan mint daknin lani

balna yaklauwi tunan duna karang. Di kalahwa balna yulwi yakyang kamnipani,

gabamnit dini, awas kat dakni uk dini balna karang bik, tanit kaupak sip laih watwas

karang ki. Mani as bik, trabil as kalahna wayani kapat yus munnin yulni, tingni

dakyakwas karang, muih lulnin lani wauhtaya ulwi yakwa misinni as bik dakyakwas

karang.

Lanibin 69. Muih bitik kidika, alas alas awaskat dakni kau kalahwi, angdika sutsni kau

kulwa yamwa atnin ramhni duwa ki, muh bulah awskat muih mahni muhni kau, prias

yamwa munah, warkni yamwi awaskat sumalwa munah.

Muih as bik La balna kidi yamwas dawi bayakwas karang ki, kaput bik, muih ramhni

duwa balna dawi yamnin duwa balna kidi sip laih watwas karang ki, muih as kulnin lani

awaskat, suts as kulnin lani karak..

SAPTA IV

UPAS MUIHNI (pamali) RAMHNINA

Lanibin 70. Upas muihni kidika kuduh pa muihni isning palni ki, dawak pa muihni

dawi gabamint parasni yaklauwi tanitdaknin ramhni duwa ki.

Lanibin 71. Nicaragua walanibis ramhnina ki, pamali as yamna atnin. Pamali dini

yamni balna kidi tanit dakwa ki, dawi la awi tingni dakyakwas karang dawak gabamint

yaklauwi tunan mint dakwas karang. Ramhni balna adika, La yaklauwi tunan duwarang

dawak tanitdakna karang. Muihbinina kidi barangni tanitdakna karang, dawak muihbin

kapat ramhni satni bitik kalana karang, kidika yulni kat, King Sauni Mahni Kalpakwi

Muih Binina Lani Yayamna kidika parasni aiska duwa ki.

Lanibin 72. Marit lani dawak muih yalni kapat duwi yalahwa kidika Gabamint parasni

yaklauwi tanitdakwa ki; kidika laih, al dawak yal karak yulbauwi wilin kalahwi kulnin

aslah barangni kalalahna ki, dawak sip karak dakwi kalahnin witinna kulninna lani kat,

awaskat as yaklauwi kapat yulwarang kat. La yaklauwi adika dini laihwi yamna karang.

Lanibin 73. Pamali karak kalpakwi yalahnin kidika, rispik lani, biri biri kalparasnin lani

dawak papatni lani sak atnin ki, al dawak yal karak ramhnina dawak ais yamnin duwa

balna bik pasyakat.

Di almuk alna kidi upas nitnina bitik barangni yamwa atnin ki, dawak walaninabis, al

bu kalparaswi skul awi muhninna ki, al bupak ramhnina dawak yamnin dini duwa balna

Page 16: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

kidi papatni salahnina yak sak ki. Walanibis balna bik, salahnina yak sakki, dini almuk

balna kau, risnipik kalanin dawi diparasnin. Yamnin dini dawak ramhnina yulwa laih,

adika yulni La yayamna munah laihwi yamna karang.

Lanibin 74. Gabamint parsni yaklauwi muih kalsahnin mahnin lani kidika tanit dakwa

ki.

Yal muihkaruk kalna mani yamni tanitdakna lani as duwarang dawak wark paskaupak

ris lani kalana karang, minit duwa yakarak, kaput bik, muihni sangnika tanit daknin

yulni bik minit kalana karang ki.

Muih as bik yal as muihkaruk yulni wark kalawas atnin sip awas karang, dawak

muhkaruk kalna mani awaskat, muihbin duwi bayakna mani sip wark kaupak kangwas

karang ki; bitik kidika La munah laihwi yamna karang.

Lanibin 75. Muih walanibis bitik kidi ramhnina papatni duduwa ki. Wanaihni ayangni

pakwa yak, ahni pirini kau danin lani dis karang ki. La bitik pasyakat, walanibis as as

kau baisa nuhni awaskat papatni awas lani balna yayamwa karang kat, as bik parasni

dis karang ki.

Lanibin 76. Gabamint parsani yaklauwi muih baisasa balna tanitdaknin yulni baraknin

warkni lani satni dulauna karang ki; adiak pasyakat ramhnina duduwa karang ki,

tanitdaknin, minittalnin dawak skul kalana atnin ais nitni yakat, wanaihni balna, Pa

muihni dawak gabamint parasni yaklauwi.

Lanibin 77. Muihbarak balna kidika ramhnina duduwa ki, tanitdakna atnin, wanaihni, P

amuihni dawak Gabamint parsni yaklauwi.

Lanibin 78. Gabamint parasni yaklauwi papang dawak itang lani yamni yayamwa

kidika tanitdakwa ki. Papangi awaskat itangni pa tannika walwi talnin ramhni bik la ni

ulwi dawa ki.

Lanibin 79. Walabis as walanibis kapat duwi muhnin ramhni kidika la kau ulwi dawa

ki, muihbin kidika muihni nuhni aiska yamni baraknin palni yulni. Lani yaklauwi laihwi

barangni yamna karang.

SAPTA V

WARK KALAHNIN RAMHNINA

Lanibin 80. Wark kalahnin kidi ramhni as ki, dawak pa muihni baraknin salahni yak

sak ki. Nicaragua walanibis balna wark kalahnin kidika munah kuduh, pani muihni

dawak muih balna nitnina barangni yayamwa kidika, dawak King sauni ritsni dawi

baraknin lani dukauwa ki. Gabamint yaklauwi trai talwarang, Nicaragua walanibis balna

bitik kau diawak wark yamwi minik yakwa karang, dawak muih kapat ramhnina diawak

wark yayamwa karang.

Lanibin 81. Wark muihni balna kidi ramhnina duwa ki, kampani tunan dunin pasyak

kawi wark yamna atnin, witinna kaluduhna duduwa munah dawak La ais yulwa yakat.

Page 17: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Lanibin 82. Wark muihni balan kidi ramhnina duwa ki wark as kalahwa kat adika

yamnini balna duwa atnin:

1.- Minit papat duna atnin, sim warkni yamna yulni, dawak wark pani yamnin bik

papatni duna atnin, pa muihni paskau ais warkni yamwa lani yakat, pirini kau danin lani

dis karang ki, pulitik yulni, sutsni yulni, pa muihni as yulni, al awaskat yal kidika yulni,

awaskat, di uk yulni karang bik, dawak warkni kalawak sangnika yami duwi muih kapat

yalahna karang.

2.- Minit launa karang ki, parasni duwa lalahni karak dawak, warkni pani kat.

3.- Warkni minit dibin palni dawak sangnika tanitdaknin dakwa balna kidi sip laih

watwas karang ki, kaunah pamalini balna tanidaknin yulni laihtak, dawak bik la munah

yamna karang ki.

4.- Wark pani yamni as dunin karang ki, muihni nuhni, muihni sangnika, muihni klinni

dawak warkni yamwa kaupak sangnika kau trabil kalyamnin niningkau tanitdaknin lani

balna duwa atnin ki.

5.- Wark mani as awar tiaskau bas duwa karang ki, sandi bani ris dunin, bakisan mani,

King sauni aiska kau wark dis mani kidi minit lauwi kalanin karang ki, kaput bik, waiku

salap minit kau bas minit bik kalanin karang ki, bitik kidika La ais yulwa yakat.

6.- Wark pani yak nining wark duwa atnin sansni kalanin, wark baisa yamni kau ilnin

sansni papatni duna atnin ki, yaka pasyak di uk talwas karang ki, ma ampus wark

kalahna kidi, warkni yamna, wark yamni yamwa tannika dawak kasuk palni yamwa

tannika balna manah.

7.- Sangnika aiska tanitdaknin ramhni dawak kaswi sangka yalahnin dini balna bik

kalanin, di sip awas kalahwarang, muihbarak kalwarang mani, wark kaupak sakahwa

kalahwarang mani, siknis kalwarang awaskat, muihbin dunin mani balna yak ilp duini

yulni; kaput bik, wanaihni as dauwarang mani yus munnin yulni, bitik kidika ampat

dawak ais yamnin kidika La munah yamna karang ki.

Lanibin 83. Wark laihwatnin ramhni kidika kalawa ki.

Lanibin 84. Muih baisasa balna wark kalahnin anidar diski, muihni yamni baraknin kau

awaskat, skulni kawi baraknin kau trabil kalyamnin warkni balna kapat kau. Muih

binina dawak apis bararak balna kau tanitdakna karang wark awi waraunin, awaskat,

minit launin kau waraunin awas yulni.

Lanibin 85. Wark muihni balna kidika, skul dunin, sinsni lani baraknin, wark tannika

lan kalnin ramhni duwa ki; Gabamint yaklauwi warkni tani satni karak parasna karang.

Lanibin 86. Nicaragua walanibis bitik kidi ais skulni dunin dawak ais warkni kalahnin

kidi walwi dunin ramhni duwa ki, dawak wark pani as walwiduna atnin, yaka pasyak

skluni saran wauhnitaya manah nit karang, dawak pa baraknin dini as yamwa atnin.

Page 18: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Lanibin 87. Nicaragua pas akat wark muihni kaluduhnin ramhni param duwa ki. Wark

muihni balna kidika alas kulnin lani kat, wark kaluduhna balna yamnin sip karang ki,

dawak adika bik, La kau ais yulwa yakat yayamna karang ki.

Wark muihni as kau bik, taihwi kalyamwak, wark muihni kaluduhna as pas kanin anidar

dis ki, dawak kaluduhna as paskau sak yakaupak bik kalyamwak dawi kalahnin anidar

dis ki. Wark muihni kaluduhna balan alas lanina duwi wark kalahnin ramhni kidi rispik

munwa ki, dawak wark muihni kaluduhna parasni kidi rispik munwa ki.

Lanibin 88. Wark muihni balna ramhnina laih watnin sip awas dini balna kidi

tanitdakwi rispik munwa ki, yaka munah, muihni bani awaskat, daknini yamnini

tanitdaknin, kidika yulni kampani daniwan karak ayangni rawawasna karang:

1) Muih alas alas kannitrak.

2) Daknini yulbauwi barangna lani. Bupak pasyak, la ais yulwa yakat yayamwarang.

SAPTA VI

ATLANTIK KUS KAU PA BININA RAMHNINA

Lanibin 89. Atlantik kus pani binina balna kidi Nicaragua pani sahyaknin sip awas

pisni as ki, kaput bahang sim ramhnina duduwi, dawak ais yamnin dini balna bik

papatni duduwa ki.

Atlantik kus kau pani binina kidi ramhni duduwa ki, sara mani kaupak sulani

laniduduwa kidika tanitdakwi barakna atnin, King sauni aiska aslah pas yakat; Alas

ampat kaluduhnin lani duwa kidi yus munna karang dawak witinna dinana kidi tunan

duna atnin, witinna sara mani kaupak ampat yalalahwa dai lani kat.

Gabamint yaklauwi Atalntik kus kau pa binina kidi ampat saunina duwi daniwan kalwa

lani kidika rispik munna karang. Kaput bik, wasni dawi asangnipas sangnika yus

munwi, yamnini dunin yulni bik rispik munwa ki.

Lanibin 90. Atlantik kus kau pani binina kidi ramhnina duduwa ki, tunina yulnin,

sinsnina dawak yalahwa tannika pri lani duduwa atnin. Yalahwa tannika dawak,

kulninna lani balna kidi, King sauni aiska yalahwa tannika yak baisa parasni ilwa ki.

Gabamint yakaluwi baraknin warkni dulauna karang, adika ramhni laihwi yamnin yulni.

Lanibin 91. Gabamint salahni yak duwa ki, La satni balna ana atnin, yakarak kalawak

Nicaragua walanibis as bik, tuni yulwa, yalahwa tannika dawi sulanini yulni di dauh

kapat pirini kau lanin awas yulni.

YULNI TUNAN AYANGNI V

KING SAUNI AISKA TANITDAKNIN

SAPTA TUNA ASLAH

Page 19: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Lanibin 92 Nicaragua araknibus turukyang balna kuduh, gabamint araknibus tingni

parasni ki, King sauni daklana, alas gabamnitni parasni dawi sauni aiska uduhna adi

tanitdaknin yulni.

Di tannika aslah aslah yulni manah laih, Nicaragua Prisidinniti kidi, gabamint tingni

parasni duwa karak kaluduhwi yulbauwi talwi, sip karang ki, Nicaragua araknibus

turukyang balna, Pulis yak di parasna atnin, kaunah kidika bik King sauni aiska

pasyakat trabil mahni yaklauwa karang kat, pat nuhni balna awaskat, sau daukalwa

tranibil balna kapat kalahwa mani yak.

King sauni pas akat, King sauni uk kaupak arakbus turukyang ai kawi pani duwi wark

yamnin anidar diski. Sip karang adar parahni kalanin kuma kuringni, wing tinima,

dawak war misinni satni balna King sauni uk kaupak, ai kawi muih sangnika kau ilp

munnin warkni kapat balna laihtak, kaunah kidika bik, Ma sauki kingni yakaluwa yulna

karang, dawak King sauni aiska lani yamyang parasni yakaluwi anidar kalawarang laih

tak sip karang.

Lanibin 93. Nicaragua araknibus turukyang balna kidika, King sauni aiska tingni

parasni ki, arakbus warkni palni duwa ki, pulitik daknini dis ki, adar kalawa kat yamwi,

yulbauwi talwi lik awas ki. Arakbus turukyang muihni balna kidi tawan yalahnin

tannika dawi muih ramhnina yulni sumalwi ridi yamna karang ki.

Arakbus turukyang warkni pasyakat, la bahna awaskat trabil bikisni yamna kat, dawak

arakbus turukyang muihni as yamna kat, arakbus turukyang Lani wihta yakaluwi lani

yayamwarang, ais la yulwa yakat.

Arakbus turukyang muihni as, La as bahna awaskat trabil bikisni as yamankat, La wihta

aihwa balan yakalauwi lani yamna karang.

Mani as bik, pa muihni as kau, arakbus turukyang lani wihta as yaklauwi lani yamwas

karang.

Lanibin 94. Nicaragua araknibus turukyang dawak Pulis muihni balna kidi pulitik

dawak pulitik daknini warkni kapatnah yamnin sip awas karang, dawak pulitik

kaluduhna as kau wark pani dunin sip awas karang. Kaput bik, iliksan munah wark pani

as dunin walwi yayakwa kapatnah kau kanin sip awas karang, witin arakbus turukyang

awaskat pulis warkni kaupak dawi kalahwas ban warkni yamwa kat, dawak bik, angdika

liksan ni kau kanin kulwa kat, baisa kurih as tanit kaupak, warkni dawi kalahna atnin ki.

Adika warkni muihni balna pasyakat, kaluduhna lani, warkni pisni, warkni yamwa,

warkni yamwa pisni, wark pani kaupak baisa ma kau ilnin, warkni kau muihbarak kalna

lani dawak warkni yamwi baraknin tannikka bitik kidika, kidika lanina kau ais yulwa

yakat yayamna karang.

Lanibin 95. Nicaragua araknibus turukyang balna kidi, warkni yamna karang, king

sauni aiska lani rikni kau ais lakna yakat, dawak yakat rispik munna karang dawi ais

yulwa yakat ulni dakana karang. Tawan muihni parasni dinit kau kana karang, dawak

King Sauni Prisidinniti yaklauwi tunan duan karang, Nicaragua Araknibus Turukyang

Tanituna Nuhni Palni kapat, awaskat gabamint anipis parasni duwa as munah.

Page 20: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

King saumi pas akat, arakbus turukyang dakni uk as dis karang ki, dawak bik, arakbus

turukyang warkni yamwa parasni satni balna bik dis karang, la yulwa yaihnit yakat.

Lanibin 96. Taihwi diyamwak arakbus turuknin warkni paskau kanin Lani diski, dawak

adar dis ki, taihwi diyamwi Nicaragua araknibus turukyang dawak Pulis warkni pas kau

kana atani.

Arakbus turukyang daknini, dawak Pulis balna dawi, gabamint anipis as kau bik adar

kalawas ki, pulitik yulni muih usnit uywi pakwi talnin.

Lanibin 97. Pulis balna kidi ma sauki aiska, pa muhni araknibus turukyang ki. Warkni

palni kidika kuduh, tawan pasyak barangni duwa atnin, pa dawan sangnika tanitdaknin,

la bahnin tanit kau laihwatnin dawak, usnit uynin, dawak di uk balna bik, ais La yulwa

yakat. Pulis witin warkni kat yamwa ki, pulitik daknini as dis ki, yulni kat dakawa ki,

yulbauwi talwi lik awas ki. Tawan muihni parasni dinit kau kana karang, dawak King

Sauni Prisidinniti yaklauwi tunan duan karang, Nicaragua Araknibus Turukyang

Tanituna Nuhni Palni kapat, awaskat gabamint anipis parasni duwa as munah.

Pulis warkni yamwa pasyakat, La yamwa parsani duwa yak di paraswa karang. Pulis

warkni yamwa paskau kaluduhna tani balna kidi ampat paskau di sumalwi sahyakwi

warkni yamwa yakat yayamwa ki.

YULNI TUNAN AYANGNI VI

LALAH WARKNI, DI DAHNIN WARKNI DAWI GABAMINT LALAHNI

WARKNI

SAPTA I

KING SAUNI LALAHNI

Arto. 98 Gabamint parasni kidi lalah warkni yamwa pasyakat warkni palni duwa kalaih,

King sauni kidi kalawak barakna atnin; barakdas lani dawak sara mani kaupak muih uk

kau tani ada lani kidi dispamnin; pa muihni sangninaka baisa bitar yamnin dawak ritsni

balna ma ani yak baisa papatni sakyakwi diana atnin.

Lanibin 99. Gabamnit parasni kidika, tingni yak sa ki, King sauni aiska kalawak

barakna atnin, dawak muih bitik yamnini tani walyang kapat, muih bani, pa muihni,

dakni balna, sau pisni dakna balan bitik nitnina barangni yamnin yulni warkni yamwa

karang ki. Gabamint parasni salahni yak sak ki, di daniwan kalahwa lani kidi

tanitdaknin, parasnin dawak dulauna atnin, kaput bik, lalah baraknin tani, dakni as

kamnipani, dawi gabamint kamnipani balna, di dahyang kaluduhna, pa binina

kaluduhna satni bitik kidi di parasna atnin, lalah dawak pa muihni baraknin kidi

kalpakwi warkni yamna atnin.

Lalah baraknin warkni yamnin bitik kidika pa muihni balna warknina palni ki. Pa

muihni dakni satni balna warkni parasni yamwa kidika risnipik kalawa ki, kidi pasyak

bang ki, pahna lani kau taldarang kat, kamapni nunuhni, apis nunuhni dawak bikikisni

bik, kampanibikis, didahyang kaluduhna kamnipani, kaluduhna uk uk bik.

Page 21: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Banco Central kuduh gabamint tingnirah parsni duwa ki, lalah tannika tunan duna

atanin. Gabamint bankni balna, dawak gabamint lalahni wauhyang anipis uk balna bik,

lalah baraknin warkni yamyang baln akarang, wark kau lalah awi baraknin tani walwa

atnin, lalaj satni kau sahyakwi lin munwa karang, baisa palni laih, di dahyang binina

dawi papus muihni balna kau di parasnin yulni. Gabamint salahni kau sak ki, warkni

dawas palni, warkni yamwi tanitkau barakwi kiuna atnin.

Gabamint yaklauwi pri lani kalawa ki kampani dawi bank balna warknina yamnin,

kaput bik lalah warkni yamyang anipis uk balna bik, dakni as dini awaskat gabamint

anipis balan karang bik, bitik kidika l amunah yamna karang. King sauni uk karak di

bakannin warkni, dini tanitdaknin dawi baisa yamni tanitdaknin, gabamint dawak

kampani uk dini karang bik, biitk kidi la munah yamna karang ki.

Lanibin 100. King sauni uk kaupak kaiwi wark yamnin lalahni awarang kidi yulni,

gabamint la as ana karang ki, yaka munah, King sauni adika lalahni dawi pa muihni

barakni lani kau di parasnin yulni, King sauni daklana akat uswas wark yamna karang.

Lanibin 101. Wark muihni balna, dawak wark dulauyang daknini uk balna bik, lalah

baraknin warkni ridi yamnin, warkni yamnin dawak dulaunin ramhnina duduwa ki.

Lanibin 102. Sau ritsni balna kidi King sauni aiska dini balnaki. Sau ritsni balna

tanitdakwi yus munnin, baraknin dawak ritsni balna yaknin kidi Gabamint parasni

tingni yak sakki; dawak witin sip karang ritsni balna yakwi yus munnin kannitrak

rawasna atnin, King sauni nitni kapat duwarang kat.

Lanibin 103. Gabamint yaklauwi tanitdakwa ki, pri lani kat di dawan satni balna kidi

bang atnin, gabamint dini balna, muih as dini, di dahyang kaluduhna dini, pa binina

aslah kalahna dini balan bitik; kidi bitik uduhna yak, lalah baraknin warkni satni kau

kalahwa ki, King sauni yamnini nuhni dinit yak bang ki, dawak pa muihni baraknin

warkni as yamwa ki.

Lanibin 104. Kampani balna, adika Lani Rikni kau, di dawan kalnin satni pakwa as kau

aslah kalahwi wark yamwa kidi, L amuhni kau,dawi gabamint lalahni warkni yamwa

muhni yak papatni kalkulna ki. Lalah baraknin tani walnin kidika pri lani duwa ki.

Lalah baraknin warkni yamnin kidika barangni dawak yamwa karang, laihwatna lani as

bik dis karang, pa muihni dawak King sauni aiska yamnini yulni. La ahana karang

kidika manah.

Lanibin 105. Gabamint parasni salahni yak sak ki, pa muihni yus munwa dini balna,

pawa yaringni, wayalis yulnin, was, truk, truk kira tani, plin bukwa pani minit yus

munnin balna kidi dulaunin, diparasnin dawak launin praisni ana atnin, kaput, p amuihni

balna yus munnin yak laih watwas karang ki. Kampani wark baraknin lalahni awa balna

kidi, dawak sau ritsni balna, sauni pisni balna yak amput yakwarang balna bani yak, lani

kat yamwi duwi yamna karang ki. Skul kalanin, muih sangnika tanitdaknin balna kidi,

gabamnit salahni yak duwa ki, dawak, yamwas danin sip awas karang ki, dawak salahni

yak sakki, muih bitik yak diana atnin, ahni kau dawas, baisa bitar dawak apahni yaman

atnin. Adiak warkni yamwa uni dawak dini balna, gabamint dini kidi, sip tingni

dakyakwas karang.

Page 22: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Muih miniknakunni muihni balna yak muihni nuhni yamnini kidi minit dis duna karang,

yaka pas yak baisa parasna karang, itang muihbin dunin warkni balna yak. Gabamint

yakalauwi muih muih muihni nuhni dawak skul warkni yamwa balan kidi, nining baisa

apahni dawak diparaswa karang. Ma muihki nuhni yamnini dawak skul warkni yak,

kampani uk balna wark yamnin ramhni kalawa ki.

Gabamint salahni yak sak ki, pa muihni di yus munwa dini bitik kidi, minit talwak

yamni atnin, kaput bik, muih balna bulah duwi minit nuhni ilnin awas yulni tanitdakwa

karang ki.

SAPTA II

DI DAHNIN WARKNI

Lanibin 106. Gabamint di dahnin warkni dulauwa kidika munah kuduh, pa muihni

balna sau dawan kalnin dawi barangni lani kat sau sahyakwi diawa tani duduwa kidi,

kaput bik, King sauni pas akat sau sangnika dulaunin warkni dawi, sau baraknin warkni

yamnin tani palni duwa ki. Gabamint sau warkni yamwa pasyakat barangni duwa

karang muih al dawi sau karak ampat biri biri kalparasnin nitni duwa kidi; kaput di

paraswa ki, di dahyang balna saunina duduwarang kidi adika lani munah.

Lanibin 107. Gabamint di dahnin warkni dulauwa karak, muih sau mahni dakwi duwi

wark yamwas kidi, diswi kiwarang ki, dawak gabamint sauni karak libitwi aslah yamna

karang. Sau nuhni daklawi warkni yamwas dauh duduwa kidi, tingni dakyakwi kiwa

pasyak, di dahayang sauni as kau trabil kalyamwarang kat, adika Lani Rikni, lanibin 44

kau yulwa yakarak laihwi yamna karang. Gabamint di dahnin warkni dulauwa akarak,

di dahyang dawak indian sulani balna kau di taihwi diayamwa lani bitik dismukwarang

ki, dawak King sauni paskau, dawi adika Lani Rikni kau ampat baraknin sip balna lani

ulnas yakat, pa muihni balna kau sau diana karang. Indian sulani sauni duwi daniwan

kalahnin kalaih, lani wisamni ulwi yakwarang munah yamna karang.

Lanibin 108. Sau dawan balna, angdika balna kasuk warkni yamwi minik yakwa balna

yak, risnipik kalana karang ki. La ulna pasyakat, apatnah ramhnina bik tanitdakna

karang, gabamint di dahnin warkni dulauawa kau uywi kuihni walwa dini balna yamnin

yulni kat.

Lanibin 109. Gabamint yaklauwi di parasna karang,di dahyang balna alas kulninna lani

kaluduhnin warknin yayamwa yak, ahal pa awaskat, yayal yulni pirini kau lawas karang

ki, dawak wark yamnin dini duwa yakarak di parasna karang ki, di dahwi yaknin

tannika baisa amanglanin skulni duinin yulni kat, kaput munah di dahyang balna

sangnika yalahwa lani kidi baisa bitar dulaunin yulni.

Lanibin 110. Gabamint yaklauwi diparasna karang, di dahyang binina dawi apis papus

balna bik, King sauni aiska dawak pa muihni baraknin warkni ridi yamwa pasyak alas

kulninna lani kanin wawalarang kat, kaluduhwi aiwarang awaskat, alas alas aiwarang

bik diparaswarang ki.

Lanibin 111. Di dahyang balna dawak di minik dulauyang daknini uk balna bik, di

dahnin warkni wisamni wirlanin ridi yamwa pasyakat kawi warkni yamnin ramhni

duwa ki, witinna kaluduhna duduwa munah.

Page 23: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

SAPTA III

GABAMINT LALAHNI WARKNI

Lanibin 112. King Sauni Aiska Warkni Lalahni Lani kidika kurih as dini ridi yamwa

ki, dawak warkni palni kalaih, gabamint tunan wauhwa yak, lalah ampus kawa kidi

dawak kalahwi kiwa warkni yamnin yulni ridi yamna ki. Gabamint Tingni Rikni Parasni

balna lalah ampus yus munnin sip karang kidi La yaklauwi awarang ki, dawak bik,

angkaupak llah ai kawa dawi angkat yus munwa dini balna bitik niningkana karang ki,

angdika biri biri kapapat balna kidika. King Sauni Aiska Lani Yamwa Parasni kidi,

Wark Lalahni Ampus yus munnin ridi yamwi Prisidinti sihwa kidi sip karang ki sat uk

wirlana atnin, kaunah, di wisamni uk kau lalah disnin yulni laih yamnin sip awas

karang, la munah laihtakat, kaunah kidi bik, sim mani yak, lani yamnin dawak minit

paknin karang ki, lalahni anin yulni. King Warkni Lalahni Ridi Yamnin Lani yaklauwi

adika dini yamna karang.

King Sauni Aiska Warkni Lalahni kidi sat uk wirlanin kat, taras balna kidi am kau ilnin

awaskat parahkau laknin karang kat, lalah kawa kidi awaskat gabamint anipis biri biri

lalah lawi wark yayamwa balnan kidi parahkau laknin kat, King Sauni Aiska Lani

Yamwa Parasni yaklauwi barangni yamnin karang ki. Kurih bani Wark Lalahni Ridi

yamwa Lani kidi sip awas karang, di tunana minit launin wisamni yakna atnin.

Lanibin 113. Prisidinti tingni yak sak ki, Kurih bani Wark Yamnin Lalahni Lani kidi

Ridi Yamnin, dawak kidika King Sauni Aiska Lani Yamwa Parasni tingni yak kalana

karang barangni yamna atnin, yaka lani kau ais yulwa yakat.

Kurih bani Wark Yamnin Lalahni Lani Ridi Yamwa kidi pasyak duwa atnin ki, King

Sauni Aiska Lani Yamwa Parsni kidi amanglanin yulni, Gabamnit Tingni Parasni

dawak gabamint kamnipani warkni lalahni balna bitik.

Lanibin 114. King Sauni Aiska Lani Yamwa Parasni tingni yak sa ki, dawak parasni

duwa uk tingni kau sip lawas ki, di tunan minit launin kidi paknin, barangni yamnin, sat

uk wirlanin, awaskat dispamnin. Di Tunan Minit Daknin Anipis kidi kulwi duwa atnin

ki, ritsni lani dawi tunan mint yakwa balna ampat sahyakwi yus munnin tannika kidika.

Di tunan minit launin, tingni kaupak di daknin lani kapat balna kidi anidar diski. Tunan

minit kulwas karang ki, panabas balna kapat, indiksan wasni, a parasnin wasni muih yus

munwa dini balna, dawak wakalni bahwak birnin unitak balna kapat, dawak kidika dini

balna yamnin yak yus munwa dini balna bitik, kidika bitik laih, lanina bani kau ridi

yayamwarang munah laihwi yamna karang.

Lanibin 115. Di tunan minit daknin balna kidi, kidika warkni yamnin yulni La ulwi

yakwi minit pakwarang ki, dawak lalauwa muihni yak bik tanitdakna karang. Gabamint

yaklauwi muih as kau taihna lani karak yamwak di tunan minit lauwas karang, La ulna

paskau yulwas kat.

YULNI TUNAN AYANGNI VII

SKUL LANI DAWI YALAHDA TANNIKA

Page 24: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

SAPTA TUNA ASLAH

Lanibin 116. Skul lani karak walwa kidika kuduh Nicaragua walanibis balna muihni

dawak sinsni aiska diawak barakna atnin; kulnin lani apahni diana atnin, sins lani tuhni

dawak muih yak dalani talnin; muihni nuhni yamwa balna dawak muihni risnipik

dulaunin, dawak ridi yamnin karang ki, King sauni aiska baraknin yulni ais nitni duwa

balna kidika warkni laihwi yamnin yulni; kidika bahang, skul lani kidika muih bani

dawi pa muihni yalahwa bitik, sat uk wirlanin dawi baraknin yak rikni nuhni palni ki.

Lanibin 117. Skul lani kidika kuduh wark yamwa tani aslah ki, kulnin pri warkni

yamwi, di wisamni biwi dawak kalpakwi yamwi, yul kulwa balna dawi di yamwa karak

libitwi yamwa ki, ting kau yamda dini balna kidi sinsni lani dini karak libitwa ki dawak

sins tuhni tannika walwi talnin warkni paraswa ki. Ma sauki pas risnipk dini kau

kalparaswa ki, sara mani ma yulki balna dai karak libitwa ki, ampat yalahda tannika kat,

ma sauki tannika dawi sau aiska tannika bik, kaput bik sins tuhni lani dawi wark yamnin

sinsni nining barakwa bik libitwi; Nicaragua walanibis kapat bik risnipik lani balna

baisa dulaudi, adika Lani Rikni kau aisi yulwa yakat, kaput bik, kalada kat baisa tuhni

kau laihwi talwi kiunin ki.

Lanibin 118. Gabamint parasni kidika, di paraswa ki, pamali balna, pani bin dawak pa

muihni bitik skul lani warkni pas yakat kawi parasna atnin, kaput bik di kalahwa balna

yulwi yaknin kamnipani balna yak sansni kalawa ki di parasna atnin yulni.

Lanibin 119. Skul lani kidi gabamint warkni palni ki, dawak sip dawas karang ki. Wiitn

tingni yak sakki, warkni ulnin,tunaan dunin dawak ridi yamnin. King sauni aiska kau

skul lani warkni yamnin kidika paskau aslah uduhwi duwi warkni yamwa ki, King sauni

aiska warkni ridi yamwa pasyakat. Ampat ridi kalahwi dawi warkni yamwarang

tannikka kidi la munah yamwa ki. Gabamint salahni yak sakki, skul warkni kalahyang

dawi warkni muihni palni balna yak, di tanka mahni kau sumalnin dawak ridi yamna

atnin, King sauni aiska adika kalawak baraknin dawak sat uk wirlanin yulni.

Lanibin 120. King sauni aiska paskau skul sumalyang balna warknina palni ki,

sinsnilani wsiamni yakwa warkni dawi skul sumalnin sinsni lani warkni yaman atnin.

Skul sumalyang balna kidi ramhnina duwa ki sangnika yamni dunin, dawak wark yamni

yamwa risnipik lani kat yalahnin, kaput bik, warkni baisa ma kau ilna karang dawi

yamni diyamna karang La kau ais yulwa yakat.

Lanibin 121. Skul lani dunin kidi Nicaragua walanibis bitik kau Pri ki dawak papatni

ramhnina duduwi. Primaria skulni kidi minit diski, dawak gabamint skulni uni balna

kau brangni kalyamwak kanin karang ki. Secundaria skulni kidika gabamint skulni uni

balna kau minit dis ki, kaunah, pri ki papang balna kulninna lani di parasnin kulwarang

kat. Lalah tranibil yulni, muih as kau bik, gabamint skulni uni kaupak kangwi yakwas

karang. Indian sulani balna dawi Atalntik Kus kau sulani satni pani binina kidi, sauni

pasyakat ramhnina duduwa ki, yalahwa satnitanikka kat itangni tuni kau skul sumalna

atnin, ais La kau yulwa yakat.

Lanibin 122. Muihbarak balna kidika sansni duduna karang ki, di yamnin sip parasni

duwa kidi diawak bsrakna atnin, sumalnin lani satni balna karak. Gabamint sumalnin

warkni yamwi kiuna karang ki, wauhtaya yulwi talwas lani kidi dispamnin yulni.

Page 25: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Lanibin 123. Skul sumalnin uni, gabamint dini awas balna kidika, sumalnin satni bitik

kau yamnin sip karang ki, bitik kidika adika Lani Rikni kau ais yakat duwi yamna

karang.

Lanibin 124 Nicaragua akat skul lani kidi suts tingni paskau awas ki. Gabamint rispik

munwa ki, gabamint skulni awas balna skul sumalnin warkni yayamwa kidi, dawak

kristian daknini skulni uni kat, Suts yulni bik pakwi sumamalwa kidi risnipik kalawa ki.

Lanibin 125. Unibersidad balna dawak Skul Uni Nunuhni uk balna bik, alas lanina kat

skul sumalnin ramhni duduwa ki, kaput bik, warkni lalahni, anispis satni sahwi dunin

dawak tunan dunin warkni balna alas awi dunin ramhni duduwa ki, ais la yulwa yakat.

Warkni yamwa yulni, gabamint kau, Alas lani gabamintni kau dawak alkaldi balna kau

tunan minit launin as bik dis karang ki. Yamnini dawak minit yayakwa kidi, kawi laihwi

talwi tingni dakyaknin sip awas karang ki, kaunah, sip karang ki yamna atnin, tranibil

balna kidi muih karak, kampani dawi wark yulni kantrak munah yayamna kat.

Unibersidad skulni sumalyang balna, skluni muihni dawak, tuna wauhyang balna kidi,

universidad yak kawi tunan dunin ramhni duduwa ki.

Unibersidad balna dawak Skul Uni Nunuhni uk balna bik, La kau yulwa munah,

Gabamint yaklauwi warkni lalahni dianin balna kidi, kurih bani duna karang, King

Sauni Aiska Warkni Lalahni kaupak, 6% kiidka, dawak kidika bik, La kau ampat yulwa

yakat sahyakwi diana karang. Gabamint yaklauwi yaka Unibersidadni dawak Skul Uni

Nunuhni uk balna yak, sip karang minit pakwi lalah karak parasna atnin, wark minit

pakwi yamwi llah baisa yus munnin nintni duduwa karang kat.

Skul nununhni sumalyang balna kidi pri lani duduwa ki, ampat sumalnin lani ridi

yamwarang kidi. Gabamint yaklauwi tanitdakwi paraswa ki, di wisamni pri yakna atnin,

sins lani walwi talwi sumalnin, dawak tunan ba kaupak di wisamni yakna kidi

tanitdakwa akrng.

Lanibin 126. Gabamint salahni yak sak ki, King sauni aiska yalahwa lani kidi laihwi

dulaunin, kalawak baraknin dawak parasni yamna atnin, bitik kidi pa muihni balna

paskau kawi di wisamni biwi uywa munah.

Gabamint di paraswarang ki, King sauni aiska yalahwi barakwa lani satni bitik kidi,

kaluduhwi yyamwa dini awaskat alas alas kalahwi di wisamni bibiwa balna kidika bik.

Lanibin 127. Tun ba kaupak dawak yalahda lani balna pasyak bik di wisamni walwi

yaknin lani kidi pri lani duwa ki, dawak laihwatnin lani dis ki. Pa muihni yalahwa lani

warkni muihni balna kidi pri lani duwa ki, ampat tannik adawi tani munah kulnin lani

balna yul yakna atnin. Gabamint di paraswarang ki, warkni yamwi ayyakwa kidi muih

kau niningkana atnin dawak, yamna muihni yak di dawan kapat tanitdakwa ki.

Lanibin 128. Gabamint yaklauwi tanitdakwa ki, King sauni pas akat, sara mani kau di

bibina pisni balna, sara mani yulni, tuni yulwa, yalahwa tannika dawak tun ba kau di

yayamna balna kidika.

YULNI TUNA AYANGNI VIII

Page 26: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

GABAMINT SAUNI PARASNI KALUDUHNA KIDI

SAPTA I

KULNIN LANITUHNI TUNAN BALNA

Lanibin 129. King Sauni Lani Binin Parasni, Gabamnit Warkni Wauhnin Parasni,

Gabamnit Lani Laihwi Yamnin Parasni, dawi Iliksan Tunan Wauhnin Parasni, balna

kidi biri biri alas alas parasnina duduwa ki, dawak kalpakwi wark tunan wawauhwi,

dawak King sauni aiska nintnini dawi adi Lani Rikni manah dinityak abukwi warknina

yayamwa ki.

Lanibin 130. Nicaragua kingni sauni adika Pa Muihni Ramnina munah King sauni

Parasni awi duna ki. Wark as bik, warkni yamwa muihni yakat, wark yamwa minityak

baisa parasni pakwi kalawas ki, adika Lani Rikni dawak La balna kau ais yulwa minit

yakat.

Gabamint warkni tunan wauhyang bitik kidi, baisa warkni laihwas tanityak, dawak dawi

kalahwa mani yak, ais yamnini duwa balna kat niningkana karang ki. La yaklauwi adika

dini laihwi talwa ki. King Sauni warkni Yamwa Parasni as, warkni kalahyang bani kidi,

pa muihni yaklauwi muihni kat, awaskat sat uk munah walwi yakna balna kidi,

Gabamint Tingni Rikni Tanituna dawak Usnit balna bik, Gabamint Anipis satni

Tanituna balna, dawak King sauni uk kau sihwak Nicaragua Gabamintni ayangni kau

wark yayamwa balna bitik kidi, gabamint kaupak anidar as bik duwas kaang ki. Minit

yakat, gabamint kamnipani awaskat, daknias kamnipani, ma sauki pas akaupak, awaskat

King uk sauni kaupak dini balna pasyak kawi tunan dunin awaskat, tani walyang kapat

warkni yamnin anidar dis, gabamint karak kantrak yayamwa mani, gabamint warkni

muihni kapat. Adika lani minit bayakwarang kat, kantrak yamwi yamnini duna balan

kidi bitik diswarang dawak, muihni kidika warkni kaupak yakna karang. King Sauni

Lani Binin Parasni daknini paskaupàk, muihni papusdak minit kau Apis karak sip

karang King sauni Aiska Prisidinniti La kal laihnin awas parasni duwa kidi tingni

dakyaknin. Gabamint warkni kalahyang uk balna yak laih, sip karang, daknini kaupak

papusdak karak yakpamnin. Adika tani munah yamwas karang laih, adika Lani Rikni

munah, gabamint warkni tunan duyang balna, La kal laihnin awas parasni duduwa balna

yak, laihwi silak anin dawi la anin sip awas karang ki, kaunah pamalini dawak wark

yulni laihtak sip karang L aana atnin. La kal laihnin awas parasni kidi sip ki muihni

yakaluwi dapamnin. La yaklauwi adika dini barangni yaman karang.

King sauni aiska Prisidinniti dawak usnit muihni bik, La laihnin awas parasni duwa

kidika tingni dakyakna mani, lani yamnin parasni duwa kalaih Corte Suprema de

Justicia dakninin muihnni bitik kaluduhwi.

King Sauni Warkni Yamwa Parasni duwa anipis bitik kau, dawak adika Lani Rikni

munah gabamint anipis apapahna bitik yakat, kalawak warkni tunan duwa muihni

yakalauwi wanaihni yaihnit palni muihni yak wark kalanin ayangni paknin sip awas

karang, tatuna parasni duwa kaupak bik sip awas karang pakna atnin. Apis tunan

duyang nunuhni balna wark kalanin pasyakat, adar diskarang kalwanaih palni balna

muihni, ani duwa pasyak, sulani arungka kat, dawak marit munah wanaihni laih, sulani

bu pitni kat, wark tuna pakna atnin.

Page 27: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Pa Muihni Warknina Yamnin Lani, Wark Pani Tunan Wauhnin Lani, Sumalnin Warkni

Lani, La Wihta Warkni, King Sauni Uk Gabamint Warkni Yamnin Lani dawak kapapat

lani uk balna yak laih, anidar dakyakwa lani kidi dilaihwas karang.

Lanibin 131. King Sauni Aiska warkni Yamwa Parasni arungka sahyakna warkni

muihni balna kidi, pa muihni balna muhni yak warkni yamni yamninna ki, dawak, Apis

warkni ais yayamwa balan bitik kidi ulwi niningna kanin kaang ki. Traninabil kidika

dakanin ki dawak laihwi talnin ki, kaput bik trai talwi baangni yamninna ki. Gabamint

warkni yamwa kidi, pa muihni ilpnina yulni wark yamnin karang ki. Gabamint kidika

La yulwa yaka munah, mint lauwi dianin karang ki, gabamint warkni muihni balna

yakaluwi, warknina yamwa pasyakat, didau kalna kat, awaskat yamnin bik yamwas

dawak di daukalna kat, yaka munah pa muihni dinina, ramhnina awaskat, yamnini as

daiklapamna kat, kidi pasyak kawas ki, sau daukalwi kaiwa kaupak di dau kalna balna

kidika. Gabamint yaklauwi warkni muihni trabil yaman yak di laihna karang ki.

Gabamint warkni kalahyang satnibalna kidi salahni yak sak karang ki, La Rikni kau ais

yulwa balna lanibahna karang kat, gabamint dini laihwi warkni kasuk yamwas kat,

awaskat, warkni yamwa munah la bahna awaskat, trabil bikisni as yamna karang kat.

Kaput bik Gabamint muhni yak trabil duduwa karang ki, warkni yamwa munah, parasni

minit bayakwi trabil yamwarang, baskiwi yamwas dawak trabilkalahna balna kidika. Pa

muihni karak wark yamnin dini kidi, arakbus turukyang warkni kapat wirlawas akrang

ki. Pa muihni dawak Apis dini tunan wauhnin warkni kidi La yakalauwi warkni yamna

karng.

SAPTA II

KING SAUNI LANI BININ PARASNI

Lanibin 132. King Sauni Lani Binin Parasni kidika, King Lani Ulnin Pani yak warkni

yamwarang, pa muihni balan yaklauwi kaput anidar kalana. King Lani Ulnin Pani kidi

pasyak bangki Diputado Muih as luih arungka minitkau salapm dawak usnit muihni

karak, dawak walwi yayakna muih bitik but munwi, papatni, barangni, pri lani dawi

tanitdakna lani munah, muih yapak yalahwa bani yak laihwi talwi tanituna walwi yakma

ki. King sauni aiska yak iliksan Lani kau yulwa munah yayakwarangki, 20 Diputado

dawak sau pisni sahyakna satni balna, dawak Alas Lanikat yalahwa sauni bitik dawak

70 diputado balna, parasni lani karak kalawa kat, King Sauni Aiska Warkni yamnin

lalahni kaupak, lalah aitani kalana karang ki, King Sauni Lani Ulnin anipis yakat.

Lanibin 133. Kaput bik, Diputado dawak sutni muihni kapat, King Sauni Aiska Lani

Ulnin pas yakat bang ki, Prisidinti dawak sutni muihni, wisam palni iliksan yamwak

win kalahwi bayakwi saran laihwa muihni balna kidi, kaput bik, Diputado dawi surni

muihni kapat wawatwa ki, iliksan paskau Prisidinti dawi sutni muihni kalnin yulni kiri

bayakna dawi usnit watna muihni balna kiid bik.

Lanibin 134 1. Diputado kalnin yulni kat apatnah muihni atnin ki:

a) Nicaragua walanibis atnin. King uk sauni walanibis kalna dai kat, ayangni yakaupak

yakpamnin ki, baisa iliksan yamwas kurih arungka tanit kaupak.

Page 28: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

b) Pa muihni kapat dawak pulitik warkniyak bik ramhni barangni kat duwa atnin ki.

c) Kurih muihas luih as minit kau as kuihwi bayakna atnin ki.

d) Baisa iliksan yamwas tanityak, King sauni pas akat, dawai kalahwas kurih arungka

yalahna atnin ki, kidi pasyak kawas ki, king sauna uk kau ma gabamintki warkni yamwa

muihni balna, king mahni kaluduhna anipis kau warkyamw amuihni balna kaput bik,

king sauni uk kau skul kawa muihni balna kidi. Minit yakat, sauni yakna pisni awaskat,

Alas Lani kat yalahwa diputaduni kalnin walwa pani yak batanhna atnin ki awaskat,

kurih bu yalahwa sak atnin ki.

2. Adika muihni balna sip Diputado, tunani dawak sutni muihni kapat kiras karang ki:

a) Gabamint minisnitru dawak sutni muihni, King Sauni Aiska Lani laihwi yamwa

tanituna balna, King Sauni Aiska Iliksan Tanituna balna, Gabamint Warkni Yamwa

Yamnini Minit Talwa Muihni balna, Gabamint Lani Minit Talwa Tanituna balna, Pa

Muihni Ramhnina Tanitdakwa Tanituna dawak Usnit muihni bik, King Sauni Aiska La

Wihnita mint talyang balna, dawak yaihnitkau gabamint yaklauwi ana muihni balna bik,

Alkaldi balna bik, sip karang kirana atninm kaunah warkni kaupak dawi kalahnin

karang ki, baisa iliksan yamwas tanit yak, waiku salap minit kau bu yak.

b) Suts satni bitik kau tani duyang muihni kidi, kaunah baisa iliksan yamwas tanitkau

waiku salap minit kau tanitkaupak warkni dawi kalahna laihtak sip karang.

Lanibin 135. King sauni Lani ulwa anipis Diputaduni as bik sip awas karang gabamint

kaupak sau ritsni yaknin anidar duna atnin, awaskat gabamint kamnipani, dakni as

awaskat King sauni uk kamnipani, tanituna awaskat, tani walyang kapat kalna atnin,

gabamint karak kantrak rawaswa munah. Adika lani minit bayakwi yamwarang kat,

kantrak yamna munah ais yamnini duna bitik parasni diswarang ki, dawak kampani

tanituna parasni bik diswarang ki.

Lanibin 136. King Sauni Aiska Lani ulwa anispis Diputaduni balna kidi walwi yakna

karang ki, kurih singka warka yamnin yulni, dawak warkni kau awi parasni kalana mani

kaupak kulna karang ki, iliksan yamwi bayakna kaupak, kurihni uk kuskus wainiku ma

tiaskau arungka kawa mani kaupak.

Lanibin 137. Diputado muihni daswak usnit muihni, King Sauni Lani ulnin anipis kau

wark yamnin yulni but munwi yayakna kidi, Iliksan Yamnin Parasni Tanituna muhni

kau pramis yamna karang ki. King Sauni Aiska Lani Ulnin anipis kidi, King Sauni

Aiska kau Iliksan yamnin Parasni yaklauwi pani kalana karang.

Lanibin 138. King Sauni Aiska Lani Ulnin Anipis kidi adika yamnin parsni duwa ki:

1) La balna dawak gabamint lani ulnin dawi parasni kalana atnin, kaput bik, La pat bang

kidika sat uk wirlanin dawi parasni lakpamnin.

2) La kidi tannika laih palni yakwi kalanin.

3) Witin alas tuna duwa munah awaskat, Prisidinti yulwarang munah, silak muihni

tranibil dawak disnin awaskat, silak kaupak yakpamanin.

Page 29: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

4) Gabamint Minisnitru dawak usnit muihni balna kau, Gabamint Laniyar balna dawak

usnit muihni balna kau, Gabamint Anipis Satni Tunan duwa muihni balna kau,

diyulwak warknina yayamwa kidika niningkana atnin, dawak adika muihni balna,

salahnina yak sakki, sip minit bayakwas, ramh palni niningkana atnin. Kaput di yulwak

muihnina palni kalahwi diputadu muhnina yakat nangnit lana karang ais kalyulwi

dakawarang balna kidi. Muhnina yak kalahwi yulnin kidi, taihwi bik yamnin sip karang

ki, La yamwa tani balna kau ais yayamwa lani kat yamna karang. Sip kulnin lani,

diputado muihni kalahwi diyulwas karang kat, warkni kaupak yakpamnin sip karang ki.

Trabil nuhni as duwa kapat di kulnin sip karang kat, adika kulwi yakwa yakarak, La

laihnin sip awas parsani duwa kidi tingni dakwa karang ki, muihni yulwa kidi kapatnah

parasni duwa karang kat.

King Sauni Aiska Lani Ulwa Anispis kidi talwak gabamint warkni yamwa muihni kidi

warkni kidi yamnin sip awas kapat kalkulwarang kat, Diputadu paskaupak siksti pursint

karak, but munwi warkni kaupak yakpamna karang ki, dawi Prisidinti kau isningpakna

karang, yakaupak ma bas bayakawa pasyakat, kulnin lani duduna yakat yamnin yulni.

5) Pa muihni kaluduhna satni Lani wauhnitaya kalanin dawak tingni daknin.

6) King Sauni Aiska warkni Lalahni ulwi ridi yamna kidika laihwi talnin, yulbauwi

talnin dawak barangni yamnin, dawak wat wat warkni yamwi kiwa yulni niningkana

karang, La Rikni dawak La kau ais yulwa yakat.

7) Muih ayangni sahyakwi sihwa yakaupak, Corte Suprema de Justicia wihnita balna

walwi yakna karang, kidika warkni pani kidika King Sauni Prisidinniti dawi La

Yamyang diputaduni balna karak kalpakwi lalana karang, pa muihni balna kauduhna

satni duduwa yak yulwi dakawi bayakna munah. Muih ayangni ulwi lanin mani kalaih,

ma salap minitkau singka pas yak yamna karang, King Sauni Lani Ulyang balna muih

walwi yaknin mani yuyulwarang mani kaupak. Prisidinti kaupak muih ayangni ulwi

laws karang kat, King Sauni Aiska Lani Ulyang Anispis diputaduni balna ulwi lawarang

yakarak yayamna karang. Lni wihta bani kidi walwi yakna karang, King Sauni Lani

Ulyang diputaduni paskaupak siksti pursint butni karak.

Kaput bik, Corte Suprema de Justicia wihnita yaihnityak, sim kapatnah wihnita dawak

sim kapatnah muihni balna kat walwi yakna karang, dawak sim parasni kapapat duduwa

karang, wihnita tanituna balna uywas kat, witinna La yayamwa karang.

8) Iliksan King Sauni Aiska kau tunan muihni dawak usnit muihni balna walwi yakna

atnin, Prisidinti dawi King sauni Aiska lani yamyang Diputaduni balna karak, muih

ayangni pa muihni aslah kalalahna kaupak yulwi dakawi dawi, muih ayangni ulwi

lalana yakaupak walwi yakna karang. Muih ayangni ulwi lanin mani kidi, ma salap

mintkau singka akrang, King Sauni Aiska Lani ulyang anipis yaklauwi ulwi lawa

yakaupak. Lani wihta balna walwi yayakna karang, Diputadu balna kaupak, muih sikti

pursint butni karak.

9) King sauni Aiska Lani Ulyang Diputaduni balna kaupak, siksti pursint karak, walwi

yakna karang, Prisidinti yaklauwi, Diputadu balna karak kalpakwi, warkni pani bani

Page 30: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

yulni muih ayang ulwi lawa yakaupa, kidika bik, pa muihni aslah kaluduhna balna kau

yulwi dakawi dawi yayamna karang.

a) Bank balna dawak lalah warkni yamwa anipis uk balna mint talnin anipis tanituna

dawak usnit muihni; b) La Wihta Warkni yamwa minit talnin, dawak King yaklauwi

yaihnit yak wihta uk awa kidika bik, bitik kidika Corte Suprema de Justicia Wihnita

walwi yaknin yak ais sat muihni atnin yuyulwa kapat atnin karang ki; c) Gabamint

Warkni Yamwa Yamnini Minit Talwa Muihni balna; d) Muih Ramhnina Tanitdakyang

tanituna dawak usnit muihni bik; e) Pa Muihni Diparasnin warkni tanituna dawak

warkni uk tunan duduwa balna bik; f)Tawan paskau, dawak asangpas kau Sau di dawan

balna warkni yamnin tanituna dawi usnit muihni bik. Adika warkni muihni balna bitik

kidi kurih singka wark yamnin yulni walwi yakna karang, dawak La Laihnin awas

parasni duduna karang.

Adika warkni pani balna sahyakna numba 7), 8) kau yulwa balan kidi King sauni

Prisidinniti dawi Diputadu balna muih ayang papakwa muihni balna karak kalwanaih

muihnki atnin awas ki, Ani muihni kat, sulani arungka kat, dawak marit munah

kalwanaih kalna kat, sulani bu kat karang ki, dawak bik, pulitik daknini balna sau

daklana pisni, alkaldi sauni paskau, pulitik kaluduhna daknini tanituna paskau wark

yayamwa atnin awas ki, warkni yayamwa kat, warkni kidi dawi kalahna atnin ki.

Wark pani kalanin ayangni ulwi lanin mani kidika ma salap minitkau singka duwa

karang ki King Sauni Aiska Lani Ulwa Anipis yaklauwi, walwi yaknin tada isningpakna

mani kaupak. Prisdinti yakalauwi muih ayangni lawas karang kat, Diputadu balna muih

ayangni duduwa yakarang amungni karang ki.

King Sauni Lani Aiska Lani Ulwa Anipis, kapatnah warkni kuminiti duduwa yakarak,

ayangni papakna mihni balna kau, uduhwi duwi di yulwi dakana karang ki. Ayangni

papakna muihni balna kidi warkni yamnin aitani sip muihni atnin ki, dawak ayangni

lana yaihnit yakat, skul duna wauhnitaya amungni kat duwa atnin ki, ais wauhnitaya

yuyulna yakat.

10) King Sauni Aiska Lani Ulwa anipis Diputaduni balna trabil nuhni duduwa karang

akt, laihwi talnin, laihwi dunin dawak kulnin lani barangni dunin. Trabil nuhni duwa

kapat kulna karang, dawak bik Diputadu warkni parasni duwa kidi bik disna karang,

apatnah dini kalahna karang kat:

i. Warkni kaupak dawi kalahnin ulwi lawarang kat.

ii. Dauwarang kat.

iii. La bahna nuhni as yulni, silak kau bukna kat, awaskat trabil nuhni as yulni ma naini

silak kau anin patni duwa kat, dawak warkni duwa mani kidi praisni awaskat, baisa ma

mahni praisni sinilak kau bukna kat.

iv. La yamwa mani as ahana pasyakaupak, adar dis bik, ma muihas luh bas praisni

warkni dapamna kat, kidi bik King sauni Aiska lani ulyang tanituna balna kau

isningpakwas yamna karang kat.

v. Adika Lani rikni kau, lanibin 130, pisni sahyakna bas kau ulna niningkauh la bahna

karang kat

vi. Gabamint warkni pani uk kaupak warkni uk as duwi yamwi, minit yulni lalahni

laihna karang kat, kidi pasyak kawas ki, sumalnin warkni awaskat, sika warkni kapatnah

balna. Diputado as King sauni parasni anipis uk kau wark pani as duwarang kat, King

Page 31: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Sauni Aiska Lani Ulnin warkni pasyakat watwi kanin sip karang ki, warkni uk laihna

kidi saran laihna dana karang kat.

vii. Warkni laihna mani, Gabamint warkni yamnini minit talyang muhni kau, ais

yamnini duwa balna yulwi yaknin salahni yak duwa bik, yulwi yakwas dana karang kat.

11) Gabamint warkni muihni, warkni dawi kalahnin dawak Lanibin akat, sahyakna

numba 7), 8) dawi 9), kau yulwa tranibil yulni warkni kaupak yakpamnin lani balna kidi

laihwi talnin, dawak bik, laihwi duna atnin, ampat la kau yulna yakat;

12) King Sauni Mahni Ramhnina yulni, King Sauni Mahni kalpakwi la yayamna balna

kidi laihwi duna atnin awaskat dapamna atnin. King sauni mahni Ramhnina yulni la

uhulna balna kidi, minit tang manah, laihwi talnin, yulbauwi talnin, laihwi dunin

awasakt dapamnin manah sip karang, kaunah lani wauhnitaya sat uk kau wirlanin laih

sip awas karang. King sauni lani yamwa paskau dunin kidika, sip ki, Nicaragua paskau,

dawak ahni kau bik, la lainni yak di usna atnin, King sauni uk balna paskau lani parasni

laihna mani, biri biri ayangnina rawawaswa munah, awasakt warkni yamnin mani ahana

kat yayamwas karang kat.

13) King sauni aiska kau parasni kalawa wayani balna laihwi barangni yamna atnin;

14) King sauni aiska pas akat, muih kau kalkulna lani kalanin dini balna yamna atnin;

15) King sauni akaunah kalkulna lani kalanin balna anidar lawi kalana atnin;

16) Rispik nuhni lakni karak klauduhwi Prisidinti dawi usnit muihni yak laihwi duna

atnin, kurih as warkni yamna kidika ulwi niningkawa kidi dakana atnin yulni;

17) Tanituna balna walwi yaknin;

18) Nining wark yamnin Kuminiti, wark aslah dini dawak di tanka walwi talnin

kuminiti balna binin;

19) King sauni akat dawak muih bitik sangnika kau wark yamni yamna muihni kau

prisantni kapat minit as lauwi kalanin;

20) King sauni adi gabamint warkni yamnin pisni kau ampat sahwi sahwi yaknin kidi

barangni yamnin;

21) King sauni aiska pas akat pulitikni, lalahni dawak pa muihni sngnik abaraknin yulni

warkni balna ridi yamna atnin;

22) King sauni Prisidinniti usnit muihni, Prisidinti dawak, Prisidinti usnit muihni pani

albupak, sim mani yak, muih dis dadawarang kat, pani yak muihni awi barangni

yamnin;

23) Prisidinti kidi ma sauki kaupak, ma salap minitkau singka kalahwi kiunin karang

kat, anidar kalanin, dawak Prisidinti usnit muihni kidika bik, Ma sauki paskau Prisidinti

kidi dis awa mani;

Page 32: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

24) Gabamint La wihnita balna awaskat, pa daniwan balna kaupak, barangni, gabamint

warkni muihni La laihnin awas parasni duduwaa balna,laihwi talwi dawi barangni

yamnin yulni;

25) Witinna paskau lanina dawak ampat warknina yamnin lani kidi, awi dunin awaskat

sat uk wirlanin;

26) Gabamint araknibus turukyang balna, King sauni pas akaupak, King uk sauni kau

alahwi uynin kat, anidar kalanin awaskat kalawas atnin;

27) Di tunan minit launin tani yamnin, lani anin awaskat, sat uk wirlanin, dawak alkaldi

balna di tunan mint daknin tani ridi yamnin;

28) Gabamint Warkni Tunan wauhwa kaupak, La Rikni kau Muih Ramhnina dawi

Sangnika Tanitdakwa lani balna parasni laihwatnin Lani ulwi yakwa kidi, dawak King

Sauni Trabil duwa Lani ulwi yakwa kidi, parasni kalanin, dapamnin awaskat sat uk

wirlana atnin, kaput bik, mani baisa naini dawa tannika bik;

29) Gabamint Warkni Yamnini balna Minit Talwa Prisidinniti, awaskat, kuminiti

kaupak wais kau pakna karang kat bik; Pa Muihni Ramhnina Tanitdaknin Tanituna; La

Wihta warkni Minit Talyang tanituna; Bank balna MInit Talayang tanituna dawi lalah

warkni yamyang aninpis uk balna, dawi Gabamint Bankni Rikni Prisidinniti kaupak, ais

warkni yayamna yulni, kurih bani ulwi lalawa kidi laihwi duna atnin, warkni yulni satni

uk balna nitni kalahwa minit yakat;

30) King sauni Prisidinniti yakalauwi warkni muihni pakna balna kidi, Minisnitru dawi

usnit muihni, Gabamint Warkni Laniyar tanituna dawi usnit muihni, King uk sauni kau

gabamint warkni yamnin sihwa muihni balna, dawak gabamint anipis uk balna warkni

tunan muihni awa balna kidi, parasni kalana atnin, wark mani salap mintkau singka pas

yakat, Diputado siksti pursint bunitu karak. Wark muihni pakna balna kidi parasni

duduwarang ki, King sauni Aiska Lani yamyang balna yakaluwi parasni kalana mani

kat. Parasni kidi kalawas karang kat, King sauni Prisidinniti yaklauwi muih uk kau

pakna karang, wark mani muihas luih minitkau salap pasyakat, dawak adika muihni

balna bik, ampat parasni dianin tani yayamna yaka munah bayakna karang.

31) Warkni mani ridi yayamna kat, dawak wark wisamni bik kaluduhwi yamna atnin;

32) Parasni uk balna La Rikni dawi La balna yaklauwi diawa balna bitik.

Lanibin 139. Diputadu balna kidi, King Sauni Aiska lani yamwa pasyakat, ais kulnin

lani yulwi yakwa dawak but mumunwa balna yulni salahni yak trabil dis karang, dawak

la yulwa yakat, La laihnin awas parasni duduwa ki.

Lanibin 140. Adi muihni balna La wisamni as yamnin Ta bahnin parasni duduwa ki:

1) King Sauni Aiska Lani Ulwa Diputaduni balna, mint yakat sip ki, gabamint lani, l

ayamyang balna kulninna lani dawak yulwi yakwa balna bik tani bahna atnin.

2) King sauni aiska Prisdinniti.

Page 33: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

3) King sauni Lani Wihta Rikni, King Sauni Aiska Iliksan Tunan Muihni balna, Alas

Lani Gabamintni Tanituna, Alkaldi Sauni tanituna balna, ais warkni yamnin parasni

duwa pas yakat.

4) Nicaragua gabamintni yaklauwi Abya Yala Papus kingni sauni balna muhnina kau

Diputadu sihwa balna kidi. Apatnah pas yak laih, Sauni pisni akat aslah kalpaknin lani

dawak gabamint lani balna manah yak ta bahnin parasni duwa ki.

5) Pa dawan balna. Apatnah yak, muih tausin singka minitkau ayangnina rawaswi

parasna atnin ki. Adika pas akat kawas ki, Gabamint Anipis Nunuhnio balna lanina, di

tunan minit launin lani, awaskat, King sauni uk karak wark yamnin lani, dawak silak

muihni tranibil dawak disnin dawi silak kaupak yakpamnin lani balna kapat.

Lanibin 141. King sauni Lnai yamnin kaluduhwa kidi, parasni duwa karang ki,

Diputadu bitik kaupak papusdak minit kau as kaluduhna karang kat. La balna, Gabamint

warkni lani, kulnin lani, kulnin aslah kalahna, dawak yul yakwa balna ridi yamwa lani

balna yak laih, barangni yamnin yulni kat, Diputadu bang yakaupak, mahnini palni

yakauh bunitu nitni karang ki, kaunah sip karang ki sat uk atnin, La Rikni yaklauwi sat

mahnini satni uk yulwarang laihtak.

La wisamni as ta bahnin kidika, ulwi lana karang, King Sauni Aiska La ni Yamwa

Ulyang balna yakat, yaihnityak awarang ki, ais yulni lani wisamni walwa tannika balna.

La wisamni as Ta bahwa bani ulwi tingnina kau awa kidi, Diputadu bitik muhnina kau

yulwi talwi bayakna usnit kat, barangni kuminiti tingni yak lana karang. King Sauni

Aiska Prisidinniti yaklauwi di sirihni as yulni, La wisamni Ta bahwa kat, tunan duwa

daknini balna yaklauwi barangni diputadu balan bitik pasyakat, lana karang ki, laihwi

yulbauwi talnin yulni, dawak lani ridi yamna kidi, awar muihas luih bu minitkau tiaskau

bas tanitkau, Diputadu tingnina yak ana karang kat.

La Rikni Usnitkau balna dawak la nanaini warkni ridi yayamwa balna kidi, Diputadu

kaluduhna bang kidi kulnin lani kat, Sapta bani laihwi talwi barangni ahawa karang.

Tunan laihwi talwi kulnin lani uknin kuminiti ulwi lana kidi laihwi duwi, diputadu bitik

muhnina yakyulwi talna karang, yakaupak yulni tuna balna manah alihwi tatalwarang;

barangni ahawarang kat, yayahni bikikis kaupak laihwi tatalna karang.

La wisamni yamnin ridi yamna kidi, King sauni Aiska lani yamyang balna yaklauwi

barangni yamwi bayakna kat, Prisidinti kau sihna karang ki, lani parasni kalawi, ulwi

yakwi dawi muih bitik muhnina kau niningkanin yulni, kaunah apatnah tani munah

bayaknin nintni awaskat laih kapat yayamwas karang. Gabamint Tunan Wauhwa

parasni kaupak, parasni kalanin nitni dis karang ki, La Rikni, dawak La Rikni Lani

balna, sat uk wirlawa balna kidi, dawak King sauni Aiska lani yamyang balna yaklauwi

gabamint lani ulwi yayakwa balna kapat.

King Sauni Prisidinniti kidi La Rikni dawi la rikni lani balan sat uk wirlanin ridi yamna

balna kidi ulwi yakwi muihyak niningkanin yamwas karang kat, awaskat lani uk balna

kidi ma salap mintkau singka pas yakat parasni kalawas, ulwi yakwas dawi muihyak

niningkawas karang kat, King sauni Lani Ulwa Anipis Prisidinniti yaklauwi sihna

karang ki, muihyak ulwi yakwi niningkana karang, di kalahwak ulwi yakwa kamnipani

tani munah dawak yaka mani kaupak Lani kidi Parasni duna karang, , Gabamnit Warkni

Mabani Ulwi Yakwa wauhnitaya kau ma uk kau ulwi yakna karang bik, kaput bik

Page 34: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

mampat mani, di kalahwa balna ulwi yakwa tani munah, niningkana mani kidi, ulwi

dana karang ki.

La balna kidi ampat laihwi warkni yamnin tani balna ulnin karang ki, la ni yak kapat

yulna karang kat. King Sauni Lani Ulwa anipis yaklauwi, La balna ampat laihwi warkni

yamnin lani ulnin kiidka, kuminiti tingni yak dana karang, diputadu kaluduhna

yulbabauwa yaklauwi barangni anin yulni, King sauni Prisidiniti yaklauwi mani kalana

pasyakat barangni yamwas dana karang kat. La balna kidi Parasni lakwa ki, awaskat sat

uk wirlawa ki, La uk yamna munah, dawak parasni laihna karang ki, Gabamint warkni

Mabani Ulwi yakwa munah ulwi yakwa yakarak, kaunah lani munah, tani uk pakna

karang laihtak taniuk munah parasni duna karang.

King Sauni Aiska Lani Ulwa anipis yaklauwi La balna tuhnini kaupak sat uk wirlawa

balna mani, adar lanin sip karang, wauhnitaya aiska, sat uk wirlana dini balna bik pas

yak awi, Gabamint Warkni Mabani Ulwi yakwa yak ulwi yakna atnin, La Wihta lani

rikni balna laih kapat yamwas karang. La wisamni tunan bahna as, la yamwa kurihni as

pasyakat ridi yamwi niningkana, dawak yulbauwi barangni yayamwas dana kat, la

yamwa kuirhni uk yak laihwi tatalna karang. Laihwas dapapamna lani balna kidi, sim

La yamwa kurihni payakat laihwi talnin sip awas karang ki.

Lanibin 142. King Sauni Aiska Prisidinniti kidi sip karang ki, la ridi yamna as, tingni

kau basia kawas kat, ma salap minitkau singka pasyak, laih watna atnin, lani aiska

awaskat pisni as yak. Adika parasni duwa yakat yamwas karang kat, lani parasni

kalawas, ulwi yakwas dawi yakwi niningkawas karang kat, King Sauni Aiska Lani

yamwa anipis Prisidinniti yaklauwi lani kidi sihwak ulwi yayakna karang, ma sauki kau

di kalahwa balna ulwi yakwa tani munah. King sauni Prisidinniti yalauwi La pisni as

kau laihwatna karang kat, lanibin pisni yakat, sat uk wirlana pisni anin sip karang ki.

Lanibin 143. La ridi yamna as, King Sauni Aiska Prisidinniti yaklauwi lani aiska

awaskat pisni as kau laihwatna kidika nawatwi King sauni aiska Lani Uhulwa paniyak

suhna karang ki, ais yulni laihwatna tannika ulwi niningkawa karak.

King Sauni Aiska Lani ulwa Anipis kidi sip karang, La aiska laihwatna kidika, laihwas

dana atnin, Diputadu bitik paskaupak papusdak Apis bayakwa butni karak, kaput kalna

karang kat, King Sauni Aiska Lani Ulwa anipis yaklauwi Lani kidi sihwah ulwi

yayakna karang.

La as laih watna kidi, pisni as yak manah kat, lanibin laih watna pisni bani yak, ais yulni

laihwatwa tannikka yulwa atnin ki. Adika laihwi talnin kuminiti kidi laihwi talwi lani

ukna karang ki, lanibin laihwatna bani yak. King Sauni Aiska Lnai Ulwa anipis kidi,

Diputaduni bitik paskaupak papusdak minitkau apis bunitu karak, sip karang laihwatna

lanibin bani kidi laihwas dana atnin, kaput karang kat, King Sauni Aiska lani Ulwa

anipis yakalauwi sihwak lani kidi ulwi yakna karang.

SAPTA III

GABAMINT WARKNI TUNA PARASNI

Page 35: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Lanibin 144. Gabamint warkni Tuna Parsni kidi, King Sauni Prisidinniti yaklauwi

tunan duwa ki, witin kuduh King Sauni Aiska Parasni Tanituna ki, Gabamint tanituna

dawak Nicaragua Gabamintni Araknibus Turukyang Tanituna Nuhni Palni.

Lanibin 145. King sauni Prisidinniti usnit muihni kidi, warkni yamwa karang, adika

Lani Rikni kau ais yamnin ulna balnan yakat, awaskat, King Sauni Prisidinniti yaklauwi

barangni ais pakwarang yakat, awakat la munah pakna karang.

Kaput bik, Prisidinti pani yak laihna karang, ma parahni as awaskat, barangni warkni

dawi kalahwa kat.

Lanibin 146. King Sauni Prisidinniti dawak usnit muihni kidi iliksan munah walwi

yakwa ki, muih bitik munah, papatni, barangni, pri lani dawak tanitdakna lani balna

munah. Walwi yakna karang, baisa but mahni yakna muihni kiidka.

Lanibin 147. King Sauni Prisidinniti dawi usnit muihni walwi yaknin kat, but

mumunna yamni yakaupak pati pursint yakna atnin ki, kaunah sip karang pani kidi

laihnin, angdika muihni tarhti paip pursint laihna karang bik, usnitkau kira daknini

muihni kidi mintyak paip pursint manah bin karak mintikau but yakna karang kat.

Iliksan kau kira muihni as bik, walwi yaknin pursintni yulwa kidi uywi kuihwas dadana

kat, watwi iliksan uk as yayamwarang, dakni tatuna dawak usnitkau kau but baisa

mahni yakna daknini balna manah, dawak win kalahna karang, angdika baisa but mahni

yakwarang kidika.

King Sauni Prisidinniti, awaskat usnit muihni kalnin yulni kira kidi, iliksan yamwa

mani pasyakat, warkni danin ulwi lawarang kat, barangni dawarang kat, awaskat, di sip

awas kalahwarang kat, angkaupak kira pulitik daknini yakaluwi pakwarang, wais balna

pani yak kawarang muihni balna kidi.

King sauni Prisidinniti awaskat usnit kau muihni kidi kalnin kat apatnah muihni atnin

ki:

1) Nicaragua sauni walanibis atnin ki. La munah King uk sauni walanibis kalna kat,

yakaupak ulwi lawi kalahnin ki, baisa iliksan yamwas kurih arungka tanit kaupak.

2) Pa muihni kapat dawak pulitik tani yak bik trabil dsi atnin ki.

3) Kuirih muihas luih minitkau singka laihna muihni atnin ki.

4) King sauni pas akat, dawi kalahwas, kurih arungka yalahna atnin ki, iliksan yamwas

tanityak, kiidka pasyak kawas ki, gabamint yakaluwi King sauni uk kau sihwak wark

yamwa balna, King sauni mahni kaluduhna warkni yamwa dai kat, awaskat King uk

sauni kau skul kawa lik dai kat.

King sauni Prisidinniti dawak usnit muihni bik kalnin sip awas karang ki:

a) Tanityak King sauni Prisidinniti kalnin yulni iliksan yamwa mani balna pasyak, King

sauni Prisidinniti kidika, awaskat, King sauni tunan duwi warkni yamwi bayakna

muihni kidika, kaput bik, King sauni Prisidinniti wat bu kawi bayakna muihni balna

kidi;

Page 36: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

b) Tanityak King sauni Prisidinniti yaknin yulni iliksan yamwa tanityak waiku salap

minitkau bu pasyaakt, Prisidinti usnit muihni kidi, awaskat la munah warkni pani yak

ana muihni kidi, awaskat Prisidinti pani yak kawi wark yamna muihni kidi;

c) Tanityak King sauni Prisidinniti kalnin yulni iliksan yamwa mani balna pasyak, King

sauni Prisidinniti, awaskat kidi warkni duwi bayakna muihni wanaihni balna kidika, ani

sulani arungka kat, dawak amrit lani munah klawanaih kalna laih sulanibu kat, wanaihni

balna kidika sip awas karang Prisidint kalnin;

d) Gabamint as parasni kaupak bauwi yakwa muihni kidi, awaskat lalah kau diparasna

muihni kidi, La Rikni munah gabamint wauhwa sak kidi, laihwi bahwi Gabamint tuna

duna muihni, Mininstru awaskat sutni muihni, awaskat, King sauni parasni as kau kawi

wark tunan kana muihni kidi;

e) Suts satni kau tani duyang muihni kidi, kaunah sip karang kana atnin, basia iliksan

yamwas tanityak waiku salap minit kau bu praisni warkni kaupak dawi kalahna kat;

f) King Sauni Lani Ulwa Anipsi Prisidinniti, Mininstru dawak usnit muihni, La Wihta

Rikni tanituna balna, dawak Iliksan Warkni Parasni Tanitunan balna, Gabamint Warkni

Yamwa Yamnini Minit Talwa Muihni balna, La Wihta Warkni yamwa minit talnin,

dawak King yaklauwi yaihnit yak wihta uk awa kidika bik, bitik kidika, Gabamint

warkni Laniyar dawak usnit muihni kidi, Muih Ramhnina Tanitdakyang tanituna dawak

usnit muihni bik, dawak alkaldi warkni duwa muihni balna kidika, kaunah sip karang

ki, baisa iliksan yamwas tanityak warkni kaupak dawi kalahwarang kat.

g) (tappamna)

lanibin 148. King Sauni Prisidinniti dawak usnit muihni iliksan yamwi yayakna kidi

warkni pani duna karang, King Sauni Lani Ulyang muhnina yak, rispik lani kaluduhna

nuhni kau La pranimis yamna karang, King sauni Lani Ulwa Prisidinniti muhni yak.

Prisidinti dawak usnit muihni kidi, kurih singka warkni duwi yamna karang. Mani kidi

kulna karang, warkni pani duna mani kaupak, iliksan yamwi bayakna kurihni usnit kau

kuskus wainiku ma salap kaupak. Adika mani balna pasyakat La laihnin awas parasni

duwa karang ki, la kau ais yulwa yakat.

Lanibin 149. King Sauni Prisidinniti adika warkni yamwi, sip karang ki, adar dis, ma

salap mintkau singka praisni King sauni uk kalahna atnin. Ma salap mintkau singka

mintkau dawak, ma muihas luih minitkau salap praisni kat kalahnin karang laih, King

Sauni Lani Ulwa anipis kaupak anidar yakna atnin ki. Apatnah kalahwa mani yak King

sauni Prisidinniti usnit muihni kidika tingni yak sakkarang ki Gabamint warkni tunan

dunin kidika.

Kaput bik, King Sauni Prisidinniti kidi King sauni uk kau kalahwi kiunin sip karang ki,

waiku bas praisni, King Sauni Lani Ulwa Anipis anidar karak, dawak gabamint warkni

tunan dunin kidi prisidinti usnit muihni tingni yak dana atnin ki; kaunah dawai kalahna

kidi waiku bas minitkau bayakwa kat, ais yulni karang bik, mani bayakna kidika yulni

manah, warkni pani kidi disna karang, kaunah sip karang, King Sauni lani Ulwa anipis

Page 37: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

yaklauwi kulwi talna atnin, sip minit bayaknin awas tranibil kaupak kalahwa kat, dawak

sip karang baisa mani apis minit pakwi naini kalana atnin.

King Sauni Prisidinniti kidi, anidar yaknin nitni duwa bik, King Sauni Lani Ulwa

Anipis kaupak anidar dis kalahwi kiwarang kat, awaskat, anidar kalana minitkau

diswarang kat, warkni kaupak dapamna kapat kalkulna karang.

King Sauni Prisidinniti kidi ma parahni as dis mani yak, Prisidinti usnit muihni kidi

kalahnin sip awas karang ki, King Sauni Lani Ulwa anipis kaupak adar dis karangkat.

Anidar dis ban kalahwi kiwarang kat, warkni dapamna kapat kalkulna karang. King

sauni Prisidinniti usnit muihni kidi, King sauni uk kau lik mani, dawak Prisidinti bik

warkni yulni King sauni uk kau kalahwi kiunin karang kat, gabamint warkni tunan duwi

yamnin balna kidi, yaihnit palni kau ministru duwa muihni tingni yak dana karang ki, la

munah usnit yak ampat parasni duwi aiwa munah.

King Sauni Prisidinniti, La bahna traniibl nuhni as duwa kat, baisa lani yayamwas kat,

apis bik King sauni uk kau kalahnin sip awas karang ki.

King Sauni Prisidinniti tranibil bikikisni kapat kulna ki:

1) Ma parahni as ma sauki kaupak dawi kalahnin, ma salap minitkau singka minitkau.

2) Ma parahni as, laih palni warkni yamnin sip awas kalahnan kat, dawak King Sauni

Lani ulwa anipis yaklauwi yulwi yaknakarang, dawak diputadu balna paskaupak

papusdak minitkau butnina karak.

Adika lanibin kau ulwi dana minit yakat, King Sauni Prisidinniti dawi usnit muihni

pasyakat tranibil barangni nuhni kalkulna ki:

a) dauna karang kat;

b) warkni danin ulwi lawarang kat, King Sauni Lani Ulwa Anipis yaklauwi laihwi duna

karang kat;

c) barangni sakahwa kalna karang kat, King Sauni Lani Ulwa Anipis yaklauwi yulwi

yakwarang kat, dawak Diputado paskaupak papusdak minitkau bunitu kalana karang

kat.

Ma parahni as King Sauni Prisidinniti kidi dis karang kat Prisidinti usnit muihni kidi

gabamint warkni kidi laihwi duna karang.

Prisidinti dawi usnit muihni kidi, sim mani yak, wark as bik yamnin sip awas

kalalahwarang kat, Gabamint tunan dunin warkni kidi, pas munah, King Sauni Lani

Ulwa anipis Prisidinniti kidi tunan duna karang ki. Gabamint pas munah, Prisidinti

warkni tunan duwi kiwa mani yak, witin warkni palni kidika, King sauni Lani Ulwa

Anipis prisidinniti usnit muihni tuna kidi warkni kidi laihwi yamwa karang ki. King

Sauni Prisidinniti kidi barang diswarang kat, baisa tanitkau duwi liunin mani balna yak,

Prisidinti usnit muihni kidika tunan duna karang, dawak King sauni Lani Ulwa anipis

yaklauwi prisidinti usnit muihni uk as walwi yakna karang.

King sauni Prisidinniti usnit muihni kidi barang warkni kaupak diswaranag kat, King

Sauni Lani Ulwa Anipis yaklauwi as pakna karang ki, paniyak kawarang muihni kidi.

Page 38: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

King Sauni Prisidinniti dawi usnit muihni kidi warkni kaupak barang didiswarang kat,

pastuan paniyakat, King Sauni Lani Ulwa Anipis Prisisdinniti, awaskat, warkni duwa

muihni kidi kana karang ki. King Sauni Lani Ulwa Anipis yaklauwi, pani kau muih dis

kalna kaupak, awar muihas luih bas minitkau bu laihwarang pasyakat pakna karang ki,

wais paniyak kanin muihni kidi. Pani yak pakna muihni balna kidi warkni

yayamwarang, tanitkau baisa ma ampus duwa pasyakat.

Tranibil kalahna pakwa bitik pasyakat, King Sauni Lani Ulwa Anipis yaklauwi, witinna

pas kaupak, walwi yakwi dadana pani yak ahana karang ki.

Lanibin 150. King Sauni Prisidinniti warkni balna ki, ma tacit kau pakwa balna kidi:

1) La Rikni dawak L auk balna ais yulwa yakat yamnin karang ki, dawak witin dinit kau

warkni muihni balna yak bik diyamwak ais la yulwa yayamna karang.

2) King Sauni daklana kidi tunan kanin.

3) La wisamni ta bahnin dawak La Laihwatnin Parasni duwa kidi warkni laihwi yamnin,

ampat adika La Rikni kau lakwi dana yakat..

4) Apis warkni tunan dunin yak, gabamint Lani ridi yamwi ana atani.

5) King sauni Aiska Warkni Lalahni ridi yamna atnin dawak, King Sauni Lani Ulwa

Anipis kau niningkana atnin, yakaupak laihwi barangni yamnin, lani parasni kalanin

dawi ulwi yakna atnin, barangni yayamna usnit yakat.

6) Gabamint Parasni Minisnitru dawi usnit muihni balna kau, Gabamint warkni minit

talyang balna dawak usnit muihni bik, Gabamint anipis satni tanituna balna, King sauni

kau gabamint ayangni kau wark yamnin tanituna balna, warknina pani dianin dawak

yakpamnin bik, dawak King Sauni lani Ulwa Anipis kau niningkanin karang ki, ma bas

pasyakat, warkni pani kidi barangni parasni kalanin yulni, dawak warkni pani barangni

laihna karang, King Sauni Lani ulwa Anipis yaklauwi parasni kalana munah.

Gabamint warkni kaupak yakpamna atnin, King sauni Lani Ulwa Anipis yaklauwi

parasni duwa yaka munah, kaput kulnin lani duwarang kat.

7) King Sauni Lani Ulwa Anipis bakisan kau sak awa mani balna yak, prisidinniti yak

yulwa karang ki, trabil nuhni as kalahna yulni, diputaduni balna kidi uduhwi duwi

yulbauwi la yamna atnin.

8) King sauni adika King sauni uk balna karak ampat kalpakwi wark yamnin kidika

tunan dunin karang ki. Adika Lani Rikni, lanibin 138, pisni 12) kau yulwa yakat, King

sauni uk balna karak kalpalwi la yamwi, kulnin aslah kalahwi ayangni rawaswasna

karang, adika bik, King Sauni Lani Ulwa Anipis yaklauwi barangni yamna karang ki.

9) Adika Lanki Rikni kau ulwi dana yakat, Muih Ramhnina dawak sangninaka

tanitdaknin lani duwa bitik kidi parasni lakpamnin Lani kidi Ulwi yakwi warkni yamna

atnin, dawak lani ulwi yakna kidi, King sauni Lani Ulwa Anipis kau sihna karang, awar

muihas luih bas minitkau salap minitkau bu pasyakat, barangni yamnin, sat uk wirlanin

awaskat dapamnin yulni.

Page 39: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

10) Nitni duwa lani balna kidi, ampat warkni yamnin lani ulwi anin karang, Lani nuhni

uhulna kaupak ma muihas luih bas bayakwas pasyakat.

11) King sauni pas akat, rispik nuhni dawak parasni kalanin anidar diana atnin.

12) Gabamint warkni ridi yamwi tunan duna atnin.

13) King sauni lalahni warkni kidi tunan duna atnin, pa muihni sangnika ampat

baraknin tani ridi yamwi tanityak duwi kiuna karang.

Pa Muihni Sangnika Baraknin Warkni ridi Yamnin Daknini as binin karang, yakarak

kalparaswi King Sauni Aiska Pulitikni, lalahni warkni dawi pa muihni sangnika

baraknin warkni tunan duna atnin. Daknini pasyakat bang karang ki, kampani

kaluduhna, wark muihni kaluduhna, Di dahyang kaluduhna, pa binina kaluduhna

tanituna balna, dawaj uk uk bik, King sauni Prisidinnit wais balan pakwarang bitik.

14) King Sauni Lani Ulwa Anipis yak pakwi lawi kaLana karang, gabamint warkni

nuhni tunan anin muihni ayangni balna, La Wihta Rikni tanituna balna, Iliksan Warkni

Parasni Tanitunan balna, Gabamint Warkni Yamwa Yamnini Minit Talwa tanituna

balna, Bank bitik minittalyang Tanituna dawak usnit muihni kidi dawi Lalah warkni

yamwa anipis uk balna tanituna, La Wihta Warkni yamwa minit talnin, dawak King

yaklauwi yaihnit yak wihta uk awa kidika balna bitik.

15) King Sauni Lani Ulwa Anispis kau, witin muihni palni kiwi, awaskat usnit muihni

kidi sihwak, kurih bani ais wark yamwa kidi, wark uk yamna yulni dawi yul wisasamni

bik kiwi yulwi niningkana karang.

16) La Laihwi Yamwa Wihta Parasni balna kau, ais nitnita duduwa kidi bitik diana

karang, warknina yayamwa bitik kidi laihwatwas sirihni yayamwa atnin yulni.

17) Adika Lani Rikni dawi la uk balna pasakau, wark yamnin parasni diawa balna bitik.

Lanibin 151. Gabamint Minisnitru balna, gabamint anipis uk balna, dawi gabamint

lalahni warknin yamnin anipis, yapak anin, ampat warkni yamnin ridi kalahnin dawi ais

parasni duduwa akrang bitik kidi la munah yamna karang ki. Ministru dawak usnit

muihni kidi la laihnin awas parasni duduwa karang ki. King Sauni Prisidnti yaklauwi

gabamint lani dawi adar lawa balna kidi, wais kau sihwa Mininsnitru kidi ayangni

rawasna karang ki, kaunah rawasnin nit awas karang, Ministru awa, awaskat yakpamnin

anidar lalawa balna kid.

Minstru bitik kaluduhna daknini kidi, King Sauni Prisidinniti yaklauwi tuna duna

karang, witin dis karang kat, usnit muihni kidi tunan duna karang. Ministru bitik

kaluduhna daknini pasyak bang karang ki, King Sauni Prisidinniti usnit muihni kidi

dawak gabamint parasni Minisnitru balna bitik. Ais warknina yamninna kalaih, La

Rikni yakaluwi ukwi dana karang.

Gabamint Parasni Minisnitru dawak usnit muihni balna dawi gabamint anipis uk balna

prisidinniti balna kidi, muihnina palni salahni yak sak karang ki, ais anidar wauhnitaya

rawasna karang kat, kaput bik, King Sauni Prisidinniti karak, awaskat Gabamint Parasni

Page 40: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

MInisnitru uk balna karak ais yulbauwi talwi rawasna balna bik, salahnina yak duwa

karang ki.

Gabamint Parasni Minisnitru dawak usnit muihni balna dawi gabamint anipis uk balna

prisidinniti, awaskat tanituna balna kidi, King Sauni Lani Ulwa Anipis yaklauwi, ais

warknina yayamwa yulni diyulwi dakawarang kat, warkni palni yulni diyulna karang ki,

wauhtaya ulna kau awaskat, yul kau diyulna karang ki. Dawak bik King Sauni Lani

Ulwa Anispis yaklauwi la wauhnitaya bin as ulwi lawi yulwi dakanin sip karang ki.

Lanibin 152. Ministru, usnit muihni, Gabamint anipis uk balna Prisidinniti awaskat,

tunan muihni, King sauni uk kau sihwah gabamin ayangni kauwark yamnin tatuna,

Gabamint Araknibus turukyang dawi Pulis tanituna nuhni balna warkni pani balna kidi

laihni kat, muihni balna kidi apatnah satni atnin ki:

1) Nicaragua sauni walanibis atnin ki. La munah King uk sauni walanibis kalna kat,

yakaupak ulwi lawi kalahnin ki, baisa iliksan warkni pani yak awas tanit kaupak, kurih

arungka praisni.

2) Pa muihni kapat dawak pulitik tani yak bik trabil dis atnin ki.

3) Kuirih muihas luih minitkau singka laihna muihni atnin ki.

4) King sauni pas akat, dawi kalahwas, kurih arungka yalahna atnin ki, warkni kau baisa

kalawas tanityak, kidika pasyak kawas ki, gabamint yakaluwi King sauni uk kau sihwak

wark yamwa balna, King sauni mahni kaluduhna warkni yamwa dai kat, awaskat King

uk sauni kau skul kawa lik dai kat.

Usnit kau muihni, Gabamint anipis uk balna Prisdinniti, awasakat tanituna dawak

gabamin sushwak King sauni uk akua Gabamint ayangni kau wark yamwa warkni pani

kidi sip laihwas karang ki, adika sat muihni balna kidi:

a) Arakbus Turukyang muihni kat, ban warkni yamwa muihni kidi.

b) Sim mani balna yak, Gabamint Parasni anispis uk kau wark satni as duwi wark

yamwa muihni kidi.

c) (tappamna ki)

d) Gabamint lalahni, awaskat alkaldi lalahni uduhwi duwi awaskat uduhwi duwi warkni

tunan duwa dai kat, baisa warkni yamwa kidi bitik saran laihwas muihni balna kidi.

e) Gabamint lalahni wauhwa rikni kau, lalah yus munna balna baisa taras duwa muihni

balna

f) Adika Lani Rikni, lanibin 130 pisni tiaskau as kau yulwa paskau bukwa muihni balna

kidi.

Lanibin 153. Ministru balna, Usnitkau muihni balna, Gabamint anipis Prisidinniti

awaskat tuna duwa muhni balna salahnina kau sakki, ampat warknina yayamwarang kat,

La Rikni kau ais yulwa parasni yakat.

SAPTA IV

KING SAUNI AISKA WARKNI YAMNIN MINIT TALYANG YULNI

Page 41: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Lanibin 154. King Sauni Aiska Warkni Yamwa Yamnini Minit Talwa anipis kidika

kuduh, Gabamint Warkni Tunan wauhwa kidi minit talwi warkni yamni yaman atnin,

dawi gabamint yamnini dawi ristni dini balna kidi minit talna atnin warkni duwa ki.

Kidika warkni tunan dunin yulni Apahwa ki, King sauni Aiska Warkni Yamwa

Yamnini MInit Talnin Anipis tanituna balna, yaka pasykat bang karang ki, tanituna

muihni singka dawak, usnitkau muihni balna bas, dawak King Sauni Lani Ulwa Anipis

yaklauwi walwi yakna karang, kuirh singka wark yamnin yulni, kidika pasyakat La

Laihnin awas parasni duwa karang ki. Usnit kau muihnni balna kalaih, tanituna muihni

balna, ma parahni as dis mani yak, pani yak kawi warkni yamnin yulni manah papakna

ki, dawak muihni kalaih, pakna karang ki, tanituna dis karang muihni yaklauwi pakna

karang ki.

Lanibin 155. King Sauni Aiska Warkni Yamwa Yamnini Minit Talwa anipis tingni

yak sak karang ki adika warkni yamnin balna:

1) Gabamint anipis kasuk yus munnin yulni, tanit kaupak, ampat warkni yamnin yamnin

tani balna ridi yamnin.

2) King Sauni Aiska warkni Yamnin Lalahni warkni laihwi yamwi kaina balna bitik yak

usnit uywi mint talna atnin.

3) Gabamint anipis balna lalahnina, gabamint yaklauwi di paraswa lalahni, gabamint

kamnipani awaskat dakni uk kamnipani gabamint lalahni bik yus mumunwa warknina

Tani barangni dunin, laihiw talwa atnin dawak ampat warni yamwa bik minit talwa

atnin.

Lanibin 156. King Sauni Aiska Warkni Yamwa Yamnini Minit Talwa anipis kidi Alas

parasni duwi warkni yamwa ki, La Rikni dawak La balna kau yulwa yakat yulni manah

tingni dinit yak abukwa ki; warkani dawak warkni yamnin lalahni kidi alas tunan

wauhnin parasni duwa ki. King Sauni Lani Ulwa Anipis yaklauwi adar lawa karang,

warkni ampat yus munwa tannika minit talnin yulni.

Yamnini minit talyang anipis kidi, gabamint warkni muihni balan ampat warknina

ayamwa tannika walwi talwi yayakna dini balna kidi laih ulwi yakwi muihyak

niningkawa atnin ki, dawak yak pasyakat talwak La bahna bang karang kat, walwi

yakna dini balna kidi La wihta kau sihwa atnin ki, kapat yamwas karang kat, trabil

yamna muihnina yulni malyang kapat kalkulna karang.

King Sauni Aiska Warkni Yamwa Yamnini Minit Talwa Anipis Prisidnniti dawi Usnit

kau muihni kidi, yaka tanituna daknini kaluduhwi wiitnna pas muinah walwi yakna

karang ki, angdika baisa bunitu mahni yakwarang muihni yak, dawak kuirh as wark

yamwarang dawak bik sip karang warkni yak watwi pakna atnin. King Sauni Aiska

Warkni Yamwa Yamnini Minit Talwa Anipis Prisidnniti kidi awaskat, pas munah wais

kau pakna muihni kidi, warkni yamwa yulni kidi kurih bani, King Sauni Lani Ulwa

anipis kau kiwi niningkana karang, awaskat yulwarang mani balna yak. Kiwi

niningkanin kalaih Prisidinniti palni awas kat, pakna muihni kidi yamna karang.

SAPTA V

LA LAIHWI YAMWA PARASNI

Page 42: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Arto. 158 La yamnin parasni kidi pa muihni balna kaupak utuhwa ki, dawak yaka

ayangni yak dawi La Laihwi Yamnin Parasni kau pakna ki, La kidi laihwi yamna atnin

yulni, yaka pasyak bang karang ki, La Wihta balna, La kau pakwi dana yakat.

Arto. 159 La Yamwa Wihnita balna kidi, aslah kaluduh lani pasyakat warknina

yayamwa ki, dawak tanituna nuhni kidika, La Wihta Rikni Parasni duwa balan kidika

ki. La Laihwi Yamwa Parasni kidika King Sauni Aiska Warkni lalahni kaupak

4% minitkau wark lalahni karang ki. La yamwi baykawak Watwi kiwi La walnin

wihnita bang karang ki, La Wihta Nuhni dawak Pa Lani wihnita bik bang karang ki,

dawak amapt kaluduhwi warknina yamnin tannika laih, La munah yamna karang ki. La

wihta warkni yamna atnin tani apahwi dawa ki, dawak adika laih, L ayaklauwi yamna

karang ki.

Lani yamnin dawak la yamwi bayakna kidi kat yamna atnin parasni kidika La Laihwi

Yamwa Parasni tingni yak manah duwa ki. Gabamint Araknibus Turukyang wihnita

balna kidi, arakbus turukyang la babahna lanina manah yayamwa karang, kaunah, La

Wihta Rikni kau tanitdaknin lani balna kalaih sip karang wawalna atnin.

Lanibin 160. La yamnin tunan wauhnin kidika parasni kalawa ki, La kat Yalahnin

kulnin lani tuni kidika; muih ramhnina mint talwi tanitdakwa ki, la ais yulwa yakat

yamwa munah, awaskat, la yamnin parasni kalana yakat yamwamunah.

Lanibin 161. La Wihta Rikni Tunan Muihni Kalninkat, apatnah muihni atnin ki:

1) Nicaragua walanibis atnin. La munah King uk sauni walanibis kalna balna kidi,

kingni uk sauni kaupak ayangni yakpamin karang ki, baisa walwi yakwas yak, kurih

arungka tanit kau.

2) Layar atni ki, dawak rispik muihni laih atnin ki, la wihta apni as tunan duwi bayakna

atnin ki, awaskat, La yamnin warkni kuirh salap mintkau yamna muihni atnin ki, dawak

La Rikni Palni Wihnita kalnin walwa kat laih, kuirih singka praisni La yamwi

bayakwak watwi La wawalwa wihnita pasyak wark yamwi bayakna muihni atnin ki.

3) Pa muihni kapat dawak pulitik warkni yak bik trabilas bik dis atnin ki.

4) Kurih muihas luih minitkau salap minitkau singka (35) duwas atnin dawi kurih

Muihas luih bas minitkau salap minitkau singka(75) minitkau atnin awas ki, warkni kau

kalanin mani yakat.

5) Layar warkni dawi La wauhnitaya warkni yamna yakaupak, la awi pat kau bukna

muihni atnin awas ki.

6) Gabamint araknibus turukyang warkni muihni atnin awas ki, kapatnah muihni kat,

warkni dawi kalahna atnin ki, warkni kalawas tanit kaupak, waiku salap minitkau bu

praisni yak.

7) King sauni pas akat, dawi kalahwas, kurih arungka yalahna atnin ki, warkni kau baisa

kalawas tanityak, kidika pasyak kawas ki, gabamint yakaluwi King sauni uk kau sihwak

Page 43: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

wark yamwa balna, King sauni mahni kaluduhna warkni yamwa dai kat, awaskat King

uk sauni kau skul kawa lik dai kat.

Lanibin 162. La Wihta Rikni Tatuna balna kidi dawak La yamwi bayakwak watwi la

wawalkat lani yamyang Wihnita balna walwi yakwarang waarkni kaupak sip karang

yakpamna atnin, La Rikni dawi La balna ulna kidi minit bayakwarang yulni manah. La

Wihta Rikni Tanituna balna kidi Lalaihnin awas parasni duduwa karang ki.

Lanibin 163. La Wihta Rikni Palni kidi, pasyakat La Wihta salap mintkau salap

minitkau tiaskau as bang karang ki, King Sauni Lani Ulwa Anipìs yaklauwi walwi

yakna karang, kurih singka wark yamnin yulni.

La Wihta Rikni Palni daknini kidi warkni kau sahyakwi diawak warkni yayamwa

karang, Sahyakna banikau muih yapakbang karang kidi dawak ampat warkni yamnin

ridi kalnin kalaih witinna kaunah barangni yayamna karang, ais la yulwa yakat.

Gabamint warkni muihni La Rikni kau yulwa kidi minit bayakwarang

kat, awaskat Gabamint warkni parasni parasni satni paskau, biri biri, La Rikni minit

bayakna yulni trabil duduwa karang kat, La Wihta Rikni tanituna bitik kaluduhwi

barangni yamna karang. King Sauni Lani Ulwa Anipis yaklauwi, La Wihta Rikni bani

yaihnit yak Wihta uk as pakna karang, adika balna paina karang, La Wihta Rikni Palni

warknina pasyakat kawi yamna atnin, Wihnita as dis karang mani yak, adar yakwi

kalahna karang kat, Lani yamwa muihni balna karak libitna lani as duwa yulni dawi

kalalahna karang kat.

La Wihta Rikni Palni Tanituna balna kidi, King Sauni Lani Ulwa Anipis muhnina yak

warkni pani lalaihwarang ki, La Praminis yamwi bayakwarang usnitkat, dawak witinna

pas munah, butmunwi yayakwarang ki, Prisidinniti dawak usnit kau muihni kidi,bunitu

baisa yakna muihi kat, kurih as wark yamwarang ki, dawak sip karang watwi ana atnin

warkni yamni yamwarang kat.

Lanibin 164. La Wihta Rikni Palni warkni yamnin duwa karang ki:

1) La barangni yamnin warkni kidi ridi yamnin dawak tunan duna atnin.

2) King sauni pas akat La wihta balna layamwi bayakwa, Pat muihni kidi tanitdaknin

lani wawalwarang kat laihwi talwi barangni yamnin karang ki, La kau ampat yamnin

yulni tani balna ulwi dana balna munah.

3) La Rikni paskau muih ramhnina diawa balna kidi lani bahna kat, tanit daknin lani

walwa kat, laihwi talwi talwi barangni yamnin karang ki, Tanit Daknin Lani kau

ais yulwa yakat.

4) La Rikni kau ais ulwi dana balna minit bayakwi yamwarang kat, laihwi talwi

barangni yamnin karang ki.

5) Lani yamwi bayakwak Tanitdaknin Lani Wihnita balna warkni kalanin dawi warkni

kaupak yakpamnin, La Wihta Rikni pas kaupak bunitu kuata bas karak.

6) King uk sauni kaupak, akat silak bukna balna kat, kingnina kaupak yuyulwak sihnin

yulni kidi barangni yamnin, dawak Nicaragua walanibis balna kat laih, sihwas atnin kidi

barangni yamnin.

7) King sauni aiska kau wihta balna, la daknitar balna, muih yamnini

duwa balna dawak di bakannin ayangni ulnin wihnita balna warkni kalanin dawak

warkni kaupak yakpamnin, Ampat La Rikni kau yulwa yakat.

Page 44: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

8) Layar dawi La wauhnitaya ulnin warkni yamnin yulni yuyulwa balna yak, anidar

kalana atnin, kaput bik anidar tingni daknin, dawak watwi dianin bik, ais la kau yulwa

yakat.

9) King uk sauni Lani wihnita balna la yamwi yulwi yakna balna kidi, lani laihwi

yamnin yulni anidar parasni kalanin.

10) Gabamint warkni tunan wawauhwa pas munah biri biri trabil duduwa kat, awaskat,

adika balna dawi pa muihni as karak trabil duduwarang kat laihwi talwi barangni

yamnin karang.

11) Alkaldi warkni tunan muihni paskaunah trabil duduwarang kat, awaskat, adika

balna dawi gabamint warkni rikni muihni balna karak, laihwi talwi barangni yamna

atnin.

12) Gabamint Warkni Rikni Parasni duduwa pasmunah, La Rikni kau ais yamnin

parasni diana yulni trabil duduwa karang kat, laihwi talwi barangni yamna atnin.

13) Gabamint Rikni Anipis balna dawi Alkaldi dawi Atlamtik Kus kau,Alas Lani kat

Yalahwa Gabamint balna karak La Rikni kau ais yamnin parasni diana yulni trabil

duduwa karang kat, laihwi talwi barangni yamna atnin.

14) Anipis paskau ampat wark yamnin lani kidi yamwi dunin dawi anipis warkni

muihni balna pakna atnin.

15) La Rikni dawak La balna yaklauwi ais parasni uk kalawa balna kidi yamna atnin.

Lanibin 165. La Rikni Wihnita palni balna dawak wihta balna lani yamwa pasyakat,

alas parasnina duduwa ki, dawak LaRikni dawi La balna yak manah rispik mumunna

karang ki; adika kulninna tuhni yak usnit uywa karang ki, papatni lani, muuhnina laih

dawi muih tanitdaknin ramhni duwa kidi. Nicaragua akat La barangnin tani kidi minit

dis ki.

Lanibin 166. La barangnin warkni tunan wauhnin kidi, ridi kalahwi warknik yamna

karang pa muihni balan karak kalpakwi, la yaklauwi tani balna ukwi dana karang. La

wihta muihni balna kidi Layar, awaskat Layar awas karang bik, warkni yamwa pasyak

papatni parasni duduwa karang.

Lanibin 167. La wihta nunuhni dawi wihta uk balna kaupak la yamwi lalakwa balna

kidi, Gabamint warkni tanituna, Kaluduhna balna, muih balna dawi, muih kaluduhna

balna bitik kidi, minit bayakwas yakat yamnin karang ki.

SAPTA VI

ILIKSAN WASRKNI YAMNIN PARASNI

Lanibin 168. Iliksan Warkni Yamnin Parasni tingni yak warkni palni duwa ki, iliksan,

warkni riid yamnin, tunan dunin dawi minit talnin, dawak pa dawan balna kaluduhwi la

ahawarang balna bitik.

Lanibin 169. Iliksan Warkni Yamnin Parasni pasyakat bangki, King Sauni kau Iliksan

Tunan muihni balna dawi iliksan warkni yamnin anipis bikisni balna tingnina dinitkau

bang balna kidika.

Lanibin 170. King sauni Kau Iliksan Warkni tanituna pasyak bang karang ki, lani

tanituna tiaskau bu dawi usnit kau muihni balna bas, adika balna King Sauni Lani Ulwa

Page 45: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Anipis yaklauwi walwi yakna karang, adika La Rikni, lanibin 138, numniba 8) kau ais

yulwa yakat.

King Sauni kau Iliksan Warkni Tanituna balna pasmunah witinna yaklauwi Prisidinniti

dawi usnit kau muihni kidi walwiyayana karang.Kurih as wark yayamna karang,dawak

sip karang warkni yak watwi pakna atnin.

Lanibin 171. King Sauni kau Iliksan Warkni Tanituna Kalnin kat, apatnah muihni atnin

ki:

1) Nicaragua sauni walanibis atnin. La munah King uk sauni walanibis kalna kat,

yakaupak ulwi lawi kalahnin ki, baisa warkni pani yak awas tanit kaupak, kurih arungka

praisni.

2) Pa muihni kapat dawak pulitik tani yak bik trabil dis atnin ki.

3) Kuirih muihas luih minitkau salap dawak muihas luih bas mintkau singk akuihwas

atnin ki, warknikauawamani yak.

4) King sauni pas akat, dawi kalahwas, kurih arungka yalahna atnin ki, warkni kau baisa

kalawas tanityak, kidika pasyak kawas ki, gabamint yakaluwi King sauni uk kau sihwak

wark yamwa balna, King sauni mahni kaluduhna warkni yamwa dai kat, awaskat King

uk sauni kau skul kawa lik dai kat.

King Sauni Kau Iliksan WarkniTanituna Muihni kalnin sip awas karang ki.

a) King Sauni Aiska Prsidinniti dawi usnit kau muihni wanaihni kat, ani palni kat,

sulani arungka yakat, dawi marit lani munah sukanini kat laih, sulani bu kat. Iliksan

yamwi Prisidinti walwi yakna mani yak, pat warkni paskau sak dai kat, traniibl pasyak

bukna karang, dawak warkni kidi dawak iliksan yamwa mani balna yak sipyamwas

karang, dawak usnit kau muihni yak warkni kidi dana karang ki.

b) Iliksan yamwa munah wark pani laihnin pasyak kana muihni kat, awaskat but

munwa pas kau kira muihni kat.

c) King Sauni Warkni Rikni Parasni uk kau wark duwa muihni kat, dawak gabamint di

tunan minit dakwa kaupak minit lauwi kalawa balna, Alas lani awaskat alkaldi

gabamintni kaupak minit lauwi diawa muihni balna, pasyak awas ki, skul sumalyang

awaskat, daktar warkni yayamwa balna kidi.

d) Arakbus turukyang warkni duwa balna, awaskat, warkni palni yamwas bik, warkni

pani diawa mani kawas tanit yak, waiku salap minit kau bu pasyak, warkni danin ulwi

lawas muihni kidi.

e) (tap pamna).

Lanibin 172. King Sauni kau Iliksan Warkni tanituna balna kidi kurih singka warkni

yayamna karang, warkni laihna mani kaupak; adika mani balna pasyakat, La laihnin

awas parasni duduwa karang.

Lanibin 173. King sauni kau Iliksan Warkni Tanituna balna kidi adika warkni yamnin

duduwa karang:

1) La Rikni kau ais yulwa yakat, iliksan yamnin, pa muihni kaluduhwi la yamwarang

warkni balna kidi ridi yamwi tunan duna karang.

2) Iliksan yamnin Lani kau yulwa yakat, iliksan warkni anipis uk balna kau wakni

muihni balna pakna atnin.

3) Ilkiksan warkni yamnin mani balna ridi yamna atnin.

Page 46: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

4) Iliksan warkni yamwa pasyakat, ais tranibil bang karang kat, La Rikni kau dawi la

balna kau ais yulwa yakat tranibil laihwi barangni yamna karang.

Kaùt bik, minit talna karang ki, King sauni aiska iliknisan dawi Alkaldi iliknisan yamwa

paskau kira muihni balna kidi, La kau ais yuyulwa yakat yayamwa atnin yulni. Alkaldi

yaknin iliknisan balna kau laih, Alkaldi, usnit kau muihni dawak sauni pisni tunan

muihnni walwi yaknin muihni balna kidi, King sauni pas akat, laihwatwas kurih

arungka wark kalahna muihni atnin ki, iliksan yamwa mani kat, yaka paskau kawas ki,

kingsauni uk kau sihwak gabamint ayangni kau wark yamwa da, awaskat sau uk kau

skul kawa muihni balna kidi.Minit yakat, alnikaldi sauni pasyakat dawi kalahwas kurih

bu praisni warkkalahna atnin ki.

5) Iliksan warkni yayamwa anipis satni balna tingnina dinit kau warkni yayamwa

kaupak wark wauhnitaya barangni yamwi lalawa balna, dawi pulitik daknini balna la

bahnaatwi anwi yuyulwa balna kidi laihwitalwi barangni yamnin.

6) Iliksan lani yakat ulwi lana karang, ilikksan warkni yamnin tani yamnin ridi yamna

karang, warkni bitik kidi laih barangni sangnika tanitdakwi yamna atnin.

7) Warkni yamwa anipis balna yak diyulnin, pulitik daskni iliksan paskau kana muihni

sangnika yamni tanit daknin yulni.

8) Iliksan paskau, pa muihni kaluduhwi la yayamna balna kulwi yakwi saran laihna

atnin, dawak, warkni saran kat ais kalahna balna kidi ulwi yakwi muihkau laihni di

yulna atnin.

9) Anipis paskau warkni yamnin lani ulwi anin.

10) Witin warkni tingni yakat Pa Muihni Bitik Ayangni Ulnin warkni Anipis kiid ridi

yamna atnin, kaputbik, pa dawan ayangni wauhniraya dawi but munnin pani balna.

11) La kau ais yulwa yakat yamwi kuihna daknini balna kau Pulitik Daknini kapat Lani

wauhnitaya kalana atnin.

12) Pulitik daknini balna, tatuna yaknin iliksan yamwi bayakwak but munna bitik

paskaupak, kuata as yakwas kat, lani wauhnitaya kidi tingni dakyakna karang, dawak

bik, barang tappamnin , kaput yamnin la kau ulna sak karang kat.

13) Pulitik daknini balna tanituna palni walwi yakna yulni kal bibilwa kat, dawak

pulitik daknini yulni La balna bang kidi yulni, daknini warkni yamnin lani balna yulni

bik kalbilnin lani sak karang kat, mint talwi barangni yamnin.

14) La Rikni dawi la uk balna kau ais uk yulwa balna kidika bitik.

KIn Sauni kau Iliksan Warkni Yamwa Tanituna balna kaupak ais lani ulwi yayakwa

balna niningkauh, watwi lani walnin tani satni as bik dis karang ki.

Lanibin 174. King Sauni kau Iliksan WarkniYamnin Tanituna palni balna dawi sutni

kau muihni balna kidi, King Sauni Aiska Lani ULwa Prisidinniti muhni yak warkni pani

lalauhna karang, La pranimis yamwi bayakwa munah.

YULNI TUNA AYANGNI IX

KING SAUNI WARKNI YULNI SAHYAKNA KIDI

SAPTA I

ALKALDI SAUNI BALNA YULNI

Page 47: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Lanibin 175. King sauni warkni yamnin yulni apat sahwi yakna karang, Sahyakna

Nuhni, Atlantik Kus kau Alas Yalahwa Sauni dawi Alkaldi Sauni. Yamwi yakna kid,

sauni nuhnini, yapak, ampat lauduhna kidi, warknipani dawi sauni pisni bikisni kau

ampat warkni yamnin tannika laih, adika warkni lani munah yamna karang.

Lanibin 176. Alkaldi sauni kidika, king sauni warkni yulni sahyakna yakat, rikni tuna

palni ki.

Lanibin 177. Alkaldi sauni balna kidi warknina yamnin dawi llahni tani yak alas

parasni duwi wark yayamwa ki. Warkni tunan gabamintni bin wauhnin kidi alkaldi

sauni tanituna tingnina yak sak ki.

Alas lanikat warkni yamwa yakarak Gabamint Warkni Rikni dawi King Sauni Warkni

Parasni tingni dinit kaupak kalahwa tannika awas ki, Alkaldi sauni balna kau wark

yamnin duwa balna pas yakat. King Sauni Aiska Warkni yamnin lalahni paskaupak,

wark lalah aitani kat kalanin lani kidi awi dawa ki, dawak sahwi yakwi diana karang

angdika alnikaldi sauni, baisa llah dibin yakwa balna yak baisa parasna karang ki.

Yapak praisni sahwi yakwi kalanin kidi la kau ais yulwa yakat yamna karang. Alas

warkni yamnin parasni kidi, alkaldi sauni lani munah laihwi yamwa karang, dawak

kidika lani barangni awi dunin kat, nitni duwa karang, Diputado biitk kaupak, baisa

mahnini palni bunitu kalana atnin.

Alkaldi sauni gabamintni binina kidi, parasni duwa ki, sauni bin pasyakat, pani muihni

sangnika baraknin warkni yamna atnin. Witinna saunina pasayaakt sau ritsni yaknin

yulni kantrak rawawaswa balna kiidka yulni, King Sauni rikni yakaluwi alnikaldi sauni

tanituna kulninna lani yulwi dakanin nitni sa karang ki, basia barangniyamwastanit yak.

Alkaldi sauni Lani pasyak anin karang ki, di uk balna minit yakat, alkaldi sauni warkni

yamnin parasni duwa balna kidi, Gabamint rikni, King sauni aiska kau indian sulani

balna, King Sauni Warkni Parasni karak dawi gabamint anipis ukbalna karak ampat

kalpakwi wark yamnin tani balna kidika.

lanibin 178. Alkald, usnit kau muihni dawi sauni pisni tanituna balna kidi pa muihni

balna yaklauwi walwi yayakna karang, muih bitik, papatni, barangni, pri lani karak dawi

tanitdakwi kalawak but munwi yayakna karang, La ais yulwa yakat. Alkaldi dawi usnit

kau muihni kidi angdika baisa but yakna kidika laihna karang. Sauni pisni tanituna

balna kalaih, butmunwi bayakwak pa muihbni karak libitwi kulwi yakwi ahana karang.

Alakaldi dawi sutni kau muihni kidi nawatwi wat aslah manah watwi alkaldi kalnin sip

karang. Dawak Alkaldi dawi usnitkau muihni kidi warkni yamwi saran laihna asluih,

nawatwi butmunwi yaknin sipawas karang.

Alkaldi kalnin kat apaynah muihni atnin ki:

1) Nicaragua walanibis atnin ki.

2) Pa muihni kapat dawi pulitik warkni yak trabil as bik dis atnin ki.

3) Kuirh muihas luih minitkau as laihna atnin ki.

4) Alkaldi sauni tanituna balna kidi kurih arungka wark yayamna karang, king sauni

kau Iliksan warkni yamwa tanituna muhnina yak warkni pani lalaihna mani kaupak.

Page 48: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

5) Alkaldi kapat sip kiras karang, gabamint Minisnitru dawi usnit kau muihni kidi, sip

karang kirana atnin warkni kaupak ulwi lawi dapamna kat, baisa ilksan yamwas tanit

kaupak waiku bas pasyakat.

Sauni pisni tanituna, Alkaldi dawi usnit muihni balna kidi warknina disnin sip karang ki

apatnah tranibil yulni kat:

a) Warkni kaupak ulwi lawi dapamwa kat.

b) Dauwa yulni.

c) Trabil as yamna yulni la kalyamwi silak kau bukna muihni, awaskat, La as bahna

yulni, la munwi silak kau bukna kat, warkni kau sak atnin mani duwa dai praisni

awaskat mintkau silak kau sak atnin dini kat.

d) Ma muihas luih bas praisni warkni kaupak dawi kalahna kat.

e) La Rikni kau Lanibin 130, pisni sahyakna baskau yulwa dini kidi yamwas minit

bayakna kat.

f) King Sauni warkni Yamnini Minit Talwa Anipis muhni kau, ais dini duwa balna

kidika, warkni duna mani yulwi yaknin bik yulwi yakwas dana kat.

g) Alkaldi warkni lalahni warkni yamni yamwas dana yulni, King Sauni Warkni

Yamnini Minit Talwa Anipis yaklauwi warkni yamnin sip awas muihni kapat papakna

muihni kat,

Lanibin sahyakna pisni d) dawi e), Alkaldi sauni tanituna la yamwi ulwi yaknin karang

ki, Alkaldi awaskat, tanituna uk as di dutni yamna yulni, warkni kaupak tingni

dakyakwa tannika kidi.

La yamwi ulwi yayakwa dini awaskat, la wauhnitya parasni duwa balna, sahyakna bin

yulwa yulni ulwi yayakna kidika, Iliksan Warkni Yamwa tanituna balna kau sihnin

karang ki, dawak ayangni birwisihnin karang ki, Alkaldi usnit kau warkni yamwa

ayangni kidi, Alkaldi pani yak kawa kidi yulni, awaskat, tanituna uk ayangni as, Alkaldi

usnit kau miuhni kidi pani yak anin karang kat, awaskat Alkaldi sauni tanituna muihni

as pani yak anin yulni kat, wais kau anin kidi anidar yuyulna karang.

Iliksan Warkni Yamwa Tanituna kidi ma salap minitkau singka pasyak, la pranimis kidi

kalawak yamwak warkni pani kalana karang.

Alkaldi Sauni tanituna balna warkni tunan dunin angkat parsani duwa kidi, dawi ais

praisni wark yulni lalah laihnin sip kidi La munah barangni yamna karang.

Lanibin 179. Gabamint parasni yaklauwi parasna karang King sauni aiska yak baraknin

lani papatni duwi kiuna atnin yulni.

SAPTA II

ATLANTIK KUS SAUNI KAU PANI BININA YULNI

Lanibin 180. Atlantik Kus sauni kau pani binina kidi ramhnina duwa ki, sangnika duwi

barakwi kiuna atnin, sara mani kaupak pani muihni balna ampat kaluduhwi sasngnika

aina tannika yakat.

Gabamint parasni yaklauwi adika pani binina yak tanitdakwa ki, saunina ritsni balna yus

munna atnin yulni, Ampat saunina dakwi duwi aina kidi parasni kalana karang, dawak

pani tanituna balna pri lani kat diawak walwi yayakna karang.

Page 49: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Kaput bik, yalahwa tannika dawi tunina, sutsni lani dawi ampat lanina duduwa kidi,

tanitdakwi diawak nining ban duduwa karang.

Lanibin 181. Gabamint parasni yaklauwi ridi yamna karang, Atlantik Kus kau Indian

Pani dawi Sulani uk pani balna kau Alas Lani kat Yalahnin Lani As, yaka pasyak, La

balna duwa karang ki, gabamintni anipis ais warkni yayamwarang kidika, Gabamnit

warkni rikni dawi King Sauni Aiska Lani Rikni Yamwa parasni karak, dawi Alkaldi

balna karak ampat kalpakwi warkni yamwarang tannika, dawak ais ramhnina duduwa

tannika bik. Lani kidika barangni yamnin dawi sat uk wirlanin kat, La Rikni kau ampat

yayamwa tani munah yayamwa karang ki.

Atlantik Kus kau Alas Lani Kat Yalahwa Gabamintni sauni kau, sau ritsni balna yakwi

yus munnin yulni gabamint yaklauwi adar dawi kantrak diawa kidi, Alas lani kat

yalahwa gabamintni tanituna kaupak anidar karak yamna karang ki.

Atlantik Kus kau Alas Lani Kat Yalahwa Gabamintni Tanituna iliksan yamwi yayakwa

kidi, parasni duwa kidi disna karang ki, La kau ais yamwa munah disnin sip ki tada ulwi

dawarang yakarak.

YULNI TUNA AYANGNI X

KiING SAUNI LANI RIKNI LA BITIK MINITKAU PARASNI TANNIKA,

SATNI UK WIRLANIN DAWAK LA RIKNI LANI BALNA YULNI

SAPTA I

KING SAUNI LANI RIKNI

Lanibin 182. King Sauni Lani Rikni kidi, King sauni lani baisa nuhni palni kiidka ki;

la uk balna kidi adika dinityak abukwa ki. La balna, la yayamna balna, gabamint lani,

wark yamnin lani, adar balna dawak lani satni bitik, la rikni niningkauh yuyulwa kat,

parasni as bik dis karang ki.

Lanibin 183. Gabamnit Warkni Rikni Parasni as bik, gabamint warkni anispis awaskat,

warknimuihni as bik, King Sauni Lani Rikni dawak Lani uk balna kau wark yamnin

parasni kalawa minit kau baisa parasni dis kaang ki.

Lanibin 184. La Rikni lani balna ki, Iliksan Lani, Trabil Klahwak Lani dawi

Tanitdaknin Lani, King Sauni Lani Rikni parasni duwamani yak lani ulwi yayakna

balna kidika.

Lanibin 185. King sauni Prisidinniti, Ministru balna Kaluduhna kidi sip karang, King

sauni aiska kau, awaskat saunipisni as yak, muih ramhnina dawak muih sangnika

tanitkdakwa kidi laih watnin lani as ulwi yakna atnin, ma bulah dini, awaskat, baisa ma

naini dini bik yamnin sip karang ki, King sauni sangnika, lalahni warkni awaskat,

mintkau trabil as kaiwa yulni.ampat yamnin tannika kalaih, Trabil kalahwak Lani kidika

yaklauwi barangni yamna karang.

lanibin 186. King Sauni Prididinniti kidi sip laih watwas karang muih ramhnina dawi

sangnika tanitdaknin yulni lanibin 23, 24, 25 numnibal 3), 26 numniba

Page 50: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

3), 27, 29, 33 numniba 2.1) sutni pisni yak daak numniba 3 dawi 5), 34 kau ulna balna

kidi, yaka pasyak kawas ki, numniba 2 dawi 8), 35, 36, 37, 38, 39, 40, 41, 42, 43, 44,

46, 47, 48, 50, 51, 56, 57, 58, 59, 60, 61, 62, 63, 64, 65, 67, 68 sahyakna pisni tuna, 69,

70, 71, 72, 73, 74, 75, 76, 77, 78, 79, 80, 81, 82, 84, 85, 87, 89, 90 dawi 91 kau ulna

balna kidika.

SAPTA II

LA EIKNI TUNAN DUNI PARASNI

Lanibin 187. La balna, Gabamnit lani awaskat, ampat la warkni yamnin lani balna La

Rikni kau yulwa balna nininglauh yulwarangkat, La Rikni Tanitdakwi La awas kapat

yamnin Lani awi dawa ki, adika laih, pa dawan muihni bitik yus munnin sip

karang ki.

Lanibin 188. La bikisni as, wark yamna lani as, awaskat yul bauwi laana as, dawak

gabamint warkni muihni as di yamna awaskat yamwas kat,di as trabil kaina kat,

awaskat, gabamint warkni muihni as, adika Lani Rikni kau yulwa balna dini as, lani

bahna awaskat, la bahnin trai talwa kat, nining kauh tanitdaknin lani kidi ulwi dawa ki.

Lanibin 189. Muih muihni nuhni tanitdaknin Lani kidi awi dawa ki, muih prini

lani, muihni nuhni, dawak tanitdaknin dinibalna kidi lani bahwa kat, awaskat, lani

bahnin tranibil duwabalna kat tanitdaknin yulni.

Lanibin 190. Tanit Daknin Lani kidi adika sapta kau ulna balna yak warkni yamna

karang.

SAPTA III

LA RIKNI SAT UK WIRLANIN

Lanibin 191. King Sauni Lani Ulwa Anipis kidi adika Lani Rikni pisni as kau sat uk

wirlanin parasni duwa ki, dawi Lani Rikni aiska satuk wirlanin tunan bahwa lani ridi

laihwi talwi baangni yamna atnin.

Lani Rikni pisni as kau sat uk wirlanin tunan bahwa lani kidika, King sauni Prisidinniti

tingni yak sakki, awaskat, Diputadu bitik paskaupak tarhti pursin bunitu karak sip

karang yamna atnin, La Rikni aiska sat uk wirlanin tunan bahnin lani kalaih, Diputadu

bitik pas kaupak, papusdak minitkau as karak sip karang.

Lanibin 192. La Rikni pisni as sat uk wirlanin tunan bahnin lani kidika angdika lanibin

awaskat lani binina wirlani awa kidi laih pakna atnin ki, dawak ais yulni wirlawa

tannika bik ulwi lawa atnin ki; dawak kuminti as kau lana karang, dawak ma muihas

luih bas pasyaakt lani as ulwi lana karang. Lani pisni as satuk wirlanin walwa kidi tanit

yak, La ampat ulwi yayakwa tani kat awi yayamna karang. La Rikni pisni as wirlanin

lani kiidka kurih bu la yamwa warkni pasyakat laihwi tatalna karang.

Lanibin 193. La Rikni aiska sat uk wirlanin tunan bahnin lani kidika, lanibin bayakna

kau yamnin yulwa tani balna munah yamna karang, niningkanin dawi lani ulwi yaknin

tani balna yakat.

Page 51: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

La Rikni aiska sat uk wirlanin tunan bahnin lani kidika barangni yayamna mani, King

Sauni Lani Ulwa Anipis yaklauwi mani as pakna karang ki, ikiksaqn yamwi King Sauni

Lani Ulnin Diputaduni balna wisamni uk walwi yaknin yulni. King Sauni Lani Ulwa

Diputaduni balna kidi parasnina ban duduwa karang, Diputaadu wi samni walwiyakwi

ahawarang mani kat. La Rikni wisamni kidi, Diputadu wiasmni balna yaklauwi yulwi

talwi barangni yayamwas kat, La Rikni umani kidi ban parasni duwa karang ki.

Lanibin 194. La Rikni pisni as sat ukk wirlanin yakat, Diputadu bitik paskaupak siksti

pursint bunitu nit karang ki. La Rikni aiska sat uk wirlanin tunan bahnin lani barangni

yamnin laih, bitik paskaupak, papusdak mintkau bunitu nit karang ki. King Sauni

Prisidinniti kidi yaklauwi, la Rikni Pisni as satuk wirlawa kidi parasni kalana karang.

Akat laih, laihwatnin ramhni duwa kidi ramhni diswa ki.

Lanibin 195. La Rikni lani balna sat uk wirlanin kidika, la Rikni pisni as sat uk

wirlanin yak ampat yamnin tani yuyulwa yaka munah yayamna karang, La yamnin

warkni kurih bu yamnin yulwa kidika manah kapat yayamwas karang.

YULNI TUNA AYANGNI XI

LANI SUTNI BALNA DAWI SIRIHNI BAYAKWALANI BALNA

SAPTA TUNAN ASLAH

Lanibin 196. Adika Lani Rikni parasni duna karang, Gaceta, Gabamint Warkni Mabani

Ulwi yakwa kau ulwi yakwarang mani kaupak, dawak King Sauni Warkni Palni

Yamnin lani dawi, Nicaragua Walanibis balna Ramhnina dawi Sangnika Tanitdakwa

Lani, kaput bik angdika lani as adika Lani Rikni niningkauh yulwarang bitik kidi

parasni parasni lakpamwa ki.

Lanibin 197. Adika Lani Rikni laih, King sauni aiska kau, ispayul tuni kau, ulwi yakwi

niningkana karang, sim kaput Atlantik Kus pani binina kau tunina yuyulwa kau

ulwi yakwi niningna karang.

Lanibin 198. King sauni paskau la satni balna bitik kidi parasnina ban duduwa karang,

La Rikni nining kauh yuyulwas balna kidika, sat uk wirlawas maniyak.

Lanibin 199. La Wihta satni asbalna kidi, adika Lani Rikni parasni laihwamani kat,

ban warknina yayamwa karang ki, La Barangni Parasni tingni dinitkau bukwas mani

yak. Warkni muihni paknin dawak ampat warkni warkni laihwi yamnin tannika balna

kidi, lani yayamna kau ais yulwa yakat yayamna karang ki.

Kasput bik, La Wihta Aihwa balna kidi ampat warknina yayamwa yakat yamwi uywa

karang ki, tawan muihni karak kalpakwi la yamnin kulnin lani tuhni kidika awi duwi

yus mumunwas karang mani. Adika kulnin lani tuhni adika, sip karang King saui

aiska kau yamwi kiwa atnin, ais nitnina duwa karang kat.

Lanibin 200. Waramni kat, King sauni warkni yamnin yulni sahwi yakna yakat duwa

karang lani wisamni ulwi, sat uk sahwi yakwas karang mani yak.

Page 52: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Lanibin 201. Kuah wainiku 25 mani, 1990 kurihni yak, Diputadu balna walwiyyakna

kidi, Iliksan Warkni Yamnin Tanituna yaklauwi warkni paniyak dana karang, dauna

wainiku 24 mani sim kurihni yak, yaka mani parasnina witwa ki, Diputadu balna wing

wainiku 4 mani, 1984 kurihni kau walwi yayakna muihni balna kidi, dawi witinna

parasnina diawa ki, adika Lani Rikni, lanibin 136 kau yulwa yakat.

King sauni Prisidinniti dawak usnit kau muihni kuah wainiku 25 mani 1990 kurihni yak

walwi yakna kidi Diputadu balna yaklauwi warkni pani yak awi dana karang, La

praminis yamwi bayakna usnit kat, dauna wainiku 25 mani, sim kurihni yak,

yaka mani parasnina witwa ki, Prisidiniti dawi sutni kau muihni, wing wainiku 4 mani,

1984 kurihni kau walwi yayakna muihni balna kidi, dawi witinna parasnina diawa ki,

adika Lani Rikni, lanibin 148 kau yulwa yakat.

La Barangni Wihta Rikni Palni dawi Iliksan warknin Yamnin Tanituna balna, dawi

King Sauni warkni Parasni dawi tanituna uk balna bik ban warknina yayamwa karang

pani kau kanin muihni balna baisa walwi ahawas kat, adika Lani Rikni kau yulwa yakat.

Lanibin 202. Adika Lani Rikni kau Ayangnina rawasnin kidika, King Sauni Lani Ulwa

Prisidinniti dawi Diputaduni balna karak, dawi King Sauni Prisidinniti bik kalpakwi,

wayani arungka kau rawawasna karang. Dawak apapakna karang, King Sauni Lani

Ulwa Prisidinniti anipis yakat, King Sauni Prisidinniti Anipis yakat, La Barangni Wihta

Rikni Prisidinniti Anipis yakat dawi Iliksan Warkni Yamwa Prisidinniti Anipis yakat,

dawak wayani bani kidi Nicaragua Sauni Lani Rikni Wauhnitaya Palni kapat parasni

kalana karang ki. King Sauni Prisidinniti yaklauwi ulwi yakna karang, Gaceta,

Gabamint Warkni Mabani Ulwi Yakwa kau.

King Sauni Lani Ulwa Anipis warkni Yamwa pasyakat yakna ki, Managua pani akat,

tingpal wainikua, ma salap minitkau tiaskau arungka mani yak, andat naintin iti siks

kurihni yak, lanibin wirlalawas dini balna kidika, dawak sat uk wirlana balna kidi la

Numba 192, lanibin 20, numniba tuna VI kau yulwa balna pasayak anin anidar lana

yulni. King sauni Lani Rikni pisni as sat uk wirlanin Lani, barangni yayamna kidi,

kuskus wainiku ma as mani yak, naintin nainti paip kurihni yak, La numba 330, lanibin

8, numnibatuna VI kau yulna kidi, King sauni Lani Rikni pisni as sat uk wirlaninlani

barangni ahana kidi, kuskus wainiku itin mani, tauisn bu kurihni yak, dawi la numba

520 lanibin 7 yak yulwa kidi, King sauni Lani Rikni pisni as sat uk wirlanin Lani,

barangni yayamna kidi kuskus wainiku salap minit kau bas mani, tausin bu minit kau

singka kurihni yak, Gaceta, Gabamint Warkni Mabani ulwi yakwa numba 35 yak ulwi

kuah wainiku itin mani yak, sim kurihni yak, La Rikni kau adika pisni binina yak sat

uk wirlalana ki:

1) Lanibin 201, Sahyakna pisni tuna kidi sat uk wirlana, dawak barangni yayamna La

Rikni Satu k wirlanin lani, kuskus wainiku 25 mani 1990 kurihni yak iliksan yamnin

yulni barangni yayamna dai yakat, dawak barangni yayamna dai, kuskus wainiku

muihas luih miniykau salap mani yak, dawi Gaceta, Gabamint Warkni Mabani ulwi

yakwa Numba 46, kama wainiku tiaskau as mani sim kurihni yak ulwi yayakna dai.

2) Adika lanibin sat uk wirlalana 1, 2, 4, 5, 26, 28, 33, 34, 42, 44, 51, 56,68, 71, 92, 93,

94, 95, 96, 97, 99, 104, 105, 106, 107, 112, 113, 114, 121,125, 130, 131, 132, 134, 136,

138, 140, 141, 142, 144, 145, 147, 148, 149,150, 151, 152, 154, 155, 156, 159, 161,

162, 163, 164, 170, 171, 172, 173,175, 176, 177, 178, 181, 185 dawi King Sauni Lani

Page 53: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Ulwa Anipis Muihni ayangni pakwa dai kidi sat uk wirlalana, King Sauni Lani Ulwa

Anipis Tanituna balna kapat, La numba 192 kau yulwa ki, Nicaragua Sauni Lani Rikni

sat uk wirlanin barangni yayamna yak, kuah wainiku tuna mani, naintin naintipaip

kurihni yak, dawak Gaceta, Gabamint Warkni Mabani ulwi yakwa Numba 124, waas

wainiku maarungka sim kurihni yak;

3) Lanibin sat uk wirlalana kidi 10, 20, 130, 133, 134, 138, 147, 150, 152, 154, 156,

161, 162, 163, 164, 170, 171, 173 y 178, La numba 330 paskau duwa ki, , Ley de

Nivaragua lani Rikni pisni as Sat Uk Wirlanin barangni yayamna kidi kuskus wainiku

itin mani, tausin bu kurihniyak, dawi Gaceta, Gabamint Warkni Mabani ulwi yakwa

Numba 13, kuskus wainiku naintin mani sim kurihni yak ulwi yayakna dai;

4) Lanibin 138 kidi sat uk wirlana, La numba 490 paskau duwa ki, La Rikni lanibin 138,

pisni 12 kidi, barangni yayamna dai, dapa wainiku salap minitkau singka mani, tausin

bu mintkau arungka kuirhni yak, dawi Gaceta, Gabamint Warkni Mabani ulwi yakwa

Numba 132, dapa wainiku 7 mani sim kurihni yak ulwi yayakna dai,

5) Lanibin 138, 143 dawi 150 kidi sat uk wirlalana ki, la numba 520 paskau sak ki,

Nicaragua Lani Rikni pisni as sat uk wirlanin lani yak, barangni yayamna dai, kuskus

wainiku salap minitkau bas mani, tausin minit kau singka kurihni yak, dawi Gaceta,

Gabamint Warkni Mabani ulwi yakwa Numba 35, kuah wainiku itin mani sim kurihni

yak, yaka pasyak ana dai, Gaceta Gabvamint warkni Mabani ulwi yakwa numba 97,

was wainiku 23 mani tausin bu mintkau tiaskau bas kurihni yak;

6) Lanibin 140, kidi sa tuk wirlana ki, La numba 521 paskau sak ki, Nicaragua Lani

Rikni lanibin 140 kidi sat uk wirlanin lani yak, barangni yayamna dai, kuskus wainiku

salap minitkau bas mani, tausin minit kau singka kurihni yak, dawi Gaceta, Gabamint

Warkni Mabani ulwi yakwa Numba 35, kuah wainiku itin mani sim kurihni yak,

7) Lanibin 68 dawi 93 kidi sat uk wirlana la numba 527 paskau sak ki, Nicaragua Lani

Rikni pisni as sat uk wirlanin lani yak, barangni yayamna dai, kama wainiku salap minit

kau singka mani, tausin bu minitkau singka kurihni yak, dawi Gaceta, Gabamint Warkni

Mabani ulwi yakwa Numba 68, kauna wainiku ma tiaskau bas mani , sim kurihni yak,

dawi

8) La Barangni Wihta Rikni yaklauiwi La.numba 52 ana kidi saring wainiku

muihasluih minitkau salap mani, tausin bu minitkau singka kurihni, mapiris it minitkau

pausdak awarni yak, yakat yulna dai, “La sutni bin as” kidi sip yus munwas karang,

yakat aput yulwa ki, “2002-2007 kuirhni yak gabamintni kidi, adika lanbin sat uk

wirlana kau yulwa kidika, laihwi yamnin sip karang ki, angdika mani, king sauni pas

akat pulitik Dakni baisa pararasni bas kidika: Gabamint Lani Rikni Ulwa Anipis

paskau Dakni bu baisa parasni duduwa kidi dawi King Sauni Gabamintni karak

yalahwi yulbauwi kulninna aslah kalalahna mani kats ,kapu munah kalpakwiwarknina

yamni yaymnin yulni kat.”.

La Rikni lanibin 141 sahyakna pisni tiaskau bas yulwa yakat, dawi Gabamint sauni

Prisidinniti yaklauwi, lani parasni kalana dsi karak, ulwi yakwa ki Gaceta, Gabamint

warkni Mabani Ulwi yakwa kau, adika ayangni rawaswa kidi Nicaragua Sauni Lani

Rikni wauhnitaya, dawi pisni as as sat uk wirlalana paskau ana kidi ulna sak ki.

Page 54: MAYANG, GACETA...mayang, dawak pa muihni balna taihna lani dawi ahni kau danin lani ninigkauh kalbabauwa balna bitik kau di parasda ki. Lanibin 4. Muih bitik yamnini yulni kat, gabamint

Managua pani yak ulwi yakna, King Sauni Lani Binin Anipis Rikni, kuirihbin wainiku

ma salapa minitkau tiaskau as mani, tausin bu minitkau salap kurihni yak RENÉ

NÚÑEZ TÉLLEZ, King Sauni Lani Ulva Anipis Prisdinniti. ALBA PALACIOS

BENAVIDEZ, King sauni Lani Rikni Anipis yak Ulyang muihni usnit.