MODIFICACIÓN PUNTUAL Nº 2 PXOM DO CONCELLO DA CAPELA€¦ · O 19.10.2015 foi emitido, ao abeiro do previsto no artigo 85.2 da LOUG, informe por parte da Secretaría Xeral de Ordenación

MODIFICACIÓN PUNTUAL Nº 2

PXOM DO CONCELLO DA CAPELA

Documento para Aprobación Inicial

1. Memoria

MODIFICACIÓN PUNTUAL Nº 2 DO PXOM DO CONCELLO DA CAPELA APROBACIÓN INICIAL

CernaArquitectosSCP 2

CernaArquitectos SCP Decembro 2015

Equipo redactor:

Flavia Piñeiro Ces, Arquitecta Urbanista. Máster en Urbanismo pola UdC.

Paula Souto Cañas, Arquitecta.

Cruz Vigo Castro, Arquitecta Urbanista. Máster en Urbanismo pola UdC.

Gael Sánchez Rivas, Enxeñeiro de Camiños, Canles e Portos. Máster en Urbanismo pola UdC.



MODIFICACIÓN PUNTUAL Nº2 DO PXOM DO CONCELLO DA CAP ELA

ÍNDICE DE DOCUMENTOS:

ÍNDICE DE DOCUMENTOS:

1. MEMORIA

2. INFORMACIÓN URBANÍSTICA. ESTUDO DO MEDIO RURAL E ANÁLISE DO MODELO DE ASENTAMENTO POBOACIONAL. DESCRICIÓN DOS ÁMBITOS OBXECTO DE INTERVENCIÓN

3. PLANOS DE INFORMACIÓN URBANÍSTICA

4. PLANOS DE ORDENACIÓN URBANÍSTICA

5. NORMAS URBANÍSTICAS

6. ESTRATEXIA DE ACTUACIÓN E ESTUDO ECONÓMICO FINANCEIRO. INFORME DE SOSTIBILIDADE ECONÓMICA



MODIFICACIÓN PUNTUAL Nº2 DO PXOM DO CONCELLO DA CAP ELA

MEMORIA

ÍNDICE:

1. INTRODUCCIÓN………………………………………………………………………………………………… 5

2. DELIMITACIÓN DO ÁMBITO TERRITORIAL E PLANEAMENTO VI XENTE…………………………… 5

3. ANTECEDENTES DA MODIFICACIÓN PUNTUAL Nº2 ………………………….………………………… 6

4. OBXECTO E ALCANCE DA MODIFICACIÓN PUNTUAL Nº2 ……………………………………………. 7

5. XUSTIFICACIÓN DA MODIFICACIÓN PUNTUAL Nº2……..…………….…………………………………. 9

6. RESUME DE OBXECTIVOS DA MODIFICACIÓN PUNTUAL Nº 2 ……………………………………… 15

7. PROCEDEMENTO DE TRAMITACIÓN DUNHA MODIFICACIÓN PUNTUAL ………………………….. 18

8. MARCO LEGAL ………………………………………………………………………………………………….. 19

9. DESCRICIÓN DAS ALTERACIÓNS DE PLANEAMENTO ……………….……………………………….. 24

10. ALTERACIÓN Nº1: DELIMITACIÓN DE NÚCLEOS RURAIS …………………………………………….. 25

11. ALTERACIÓN Nº 2: REDUCIÓN DO NÚMERO DE SOLOS URBANIZABLES ………………………… 32

12. ALTERACIÓN Nº3: REAXUSTE DE AL IÑACIÓNS NO NÚCLEO URBANO DE AS NEVES ………… 43

13. ALTERACIÓN Nº4: RESERVA DE ESPAZOS LIBRES E ZONAS VERDES …………………………….. 45

14. ALTERACIÓN Nº 5: ACTUALIZACIÓN GRÁFICA …………………………………………………………… 46

15. XUSTIFICACIÓN DE CUMPRIMENTO DE ESTÁNDARES, INDICADORES, CRITERIOS OU LÍMITES ESTABLECIDOS POLA LEXISLACIÓN URBANÍSTICA E SECTORIAL VIXENTE…………

48

16. IMPACTO DA MODIFICACIÓN PUNTUAL SOBRE OS ELEMENTOS ESTRATÉXICOS…………….. 53

17. CONCLUSIÓNS………………………………………………………………………………………………….. 54

18. ANEXO: INFORME DE RESPOSTA AO INFORME DA AXENCIA GALEGA DE INFRAESTRUTURAS DE DATA 24.08.2015

56

19. ANEXO: INFORME DE RESPOSTA AO INFORME DA SECRETARÍA XERAL DE URBANISMO DE DATA 19.10.2015

60



1. INTRODUCCIÓN

O presente documento, formulado a instancias do Concello da Capela, constitúe o Documento para Aprobación Inicial da Modificación Puntual Nº 2 do Plan Xeral de Ordenación Municipal, en orde a cumprimentar o establecido pola Lei 2/2010 de 25 de marzo de Medidas urxentes de modificación da Lei 9/2002, do 30 de decembro, de ordenación urbanística e protección do medio rural de Galicia, desenvolvendo as súas determinacións a través da seguinte documentación:

-Memoria xustificativa dos seus fins e obxectivos, así como as súas determinacións.

-Estudo do medio rural e análise do asentamento poboacional.

-Planos de información.

-Planos de ordenación urbanística.

-Normas urbanísticas.

-Estratexia de actuación e estudo económico financeiro.

-Memoria de sustentabilidade económica.

Imaxe 01. PXOM do Concello da Capela. Estrutura Xeral e Orgánica

2. DELIMITACIÓN DO ÁMBITO TERRITORIAL E PLANEAMENTO VIXENTE

O ámbito territorial da Modificación Puntual Nº 2 do PXOM Concello da Capela é o definido no propio PXOM, e corresponde co termo municipal da Capela, situado na comarca do Eume, ao noroeste da provincia da Coruña, territorio de contacto entre o arco ártabro e a provincia de Lugo.



O primeiro instrumento de ordenación vixente no Concello da Capela foron as Delimitacións do Solo Urbano de As Neves, aprobadas o 29 de Decembro de 1982. Posteriormente, o 26 de Xuño de 1987, aprobáronse as Normas Subsidiarias de Planeamento.

Na actualidade, a ordenación do termo municipal da Capela está regulada polo Plan Xeral de Ordenación Municipal aprobado definitivamente o 18 de Maio de do ano 2006, e publicado no Diario Oficial de Galicia o 01 de Xuño de 2006.

O PXOM foi redactado acorde á Lei 9/2002, de 30 de decembro, de Ordenación Urbanística e Protección do Medio Rural de Galicia, e á súa modificación Lei 15/2004, de 29 de decembro, de modificación da Lei 9/2002, de 30 de decembro, de Ordenación Urbanística e Protección do Medio Rural de Galicia. Non está adaptado, por tanto, á Lei 6/2008, de 19 de xuño, de medidas urxentes en materia de vivenda e solo, pola que se modifica a Lei 9/2002, de 30 de decembro, de Ordenación Urbanística e Protección do Medio Rural de Galicia, nin á Lei 2/2010, de 25 de marzo, de medidas urxentes de modificación da a Lei 9/2002, de 30 de decembro, de Ordenación Urbanística e Protección do Medio Rural de Galicia.

O 28 de abril de 2014 foi aprobada a Modificación Puntual nº1, que ten por obxecto a incorporación de novos elementos ao Catálogo de elementos protexidos, así como a modificación da Normativa Urbanística nos seguintes aspectos:

-A adaptación da normativa urbanística á Lei 2/2010 nos artigos relativos ao réxime de edificación existente fóra de ordenación, o planeamento de desenvolvemento no que atinxe á figura do plan especial de ordenación de núcleo rural, así como á regulación de usos.

-A adaptación á lexislación sectorial, nos apartados referentes ás Normas xerais de edificación, nas Normas de urbanización, Normas de protección ambiental e de procedemento, facéndoa extensiva de forma xenérica á lexislación vixente en cada momento e non particularmente á que estea en vigor no momento de aprobación do PXOM nin da aprobación da modificación puntual correspondente.

-A revisión de certos aspectos das ordenanzas 2 (Residencial Acaroada), 3 (Residencial Mixta), 4 (Residencial Pareada) e RBD (Residencial Unifamiliar de Baixa Densidade).

3. ANTECEDENTES DA MODIFICACIÓN PUNTUAL Nº 2

O Documento de Inicio da Modificación Puntual nº 2 do PXOM do Concello da Capela, recibido na Consellería de Medio Ambiente, Territorio e Infraestruturas o día 21.08.2014, constitúe o anteproxecto das alteracións de planeamento que ten como obxectivo a presente modificación puntual. Redactado en orde a cumprimentar o establecido pola Lei 21/2013 do 9 de decembro de Avaliación Ambiental, na Lei 6/2007 de 11 de maio de Medidas Urxentes en materia de ordenación do territorio e do litoral de Galicia e na Lei 2/2010 de 25 de marzo de Medidas urxentes de modificación da Lei 9/2002, do 30 de decembro, de ordenación urbanística e protección do medio rural de Galicia, o Documento de Inicio contén un estudo detallado do alcance, do contido e dos obxectivos da modificación, así como das propostas e alternativas formuladas. Inclúe, así mesmo, unha avaliación do seu desenvolvemento previsible, dos seus efectos ambientais e dos efectos que se prevé que poida ter sobre os elementos estratéxicos do territorio, a planificación sectorial e territorial implicada e as normas aplicables.

Entre as alternativas de planeamento propostas no Documento de Inicio, seleccionouse como máis adecuada a alternativa 3, que dispón levar a cabo a delimitación dos asentamentos tradicionais de Bidueiro-A Braña, Guillurfe, Augas Roibas, A Pena Grande e Os Picos, a conversión en solo de núcleo rural común dos ámbitos de solo urbanizable non delimitado S UR ND 2-A SERRA e S UR ND 3-OS CAMPOS e a asimilación en solo urbano dos ámbitos de solo urbanizable delimitado SUD 4, SUD 5 e SUD 6. Segundo esta alternativa, a capacidade residencial do PXOM reduciríase nun 19%, acercando o valor do PXOM a termos máis acordes coa dinámica poboacional do Concello.

O Documento foi sometido a consulta pública durante un prazo de vinte días naturais, como paso previo a adoptar a decisión sobre o seu sometemento a avaliación ambiental estratéxica. O día 11.09.2014 rematou o devandito prazo, durante o cal tamén foron consultados os membros do Consello Galego de Medio Ambiente e Desenvolvemento Sostible e outras administracións públicas.

Durante o período de exposición pública e consultas do documento de inicio, recibiuse escrito do Servizo de Planificación e Programación Hidrolóxica de Augas de Galicia, no que se expón o seguinte:

-As actuacións a desenvolver no ámbito da modificación puntual non afectan directamente a ningún río codificado no Plan Hidrolóxico Galicia Costa (PHGC).

-No caso de ser necesaria a utilización de recursos hídricos, deberase xustificar a orixe da auga coa que se vai abastecer o volume do incremento de consumo previsto. Neste sentido, o PHGC establece unhas dotacións que deberán terse en conta.



-O ámbito de actuación afecta ao espazo protexido designado especificamente polo PHGC como zona de captación de auga potable para consumo humano As Neves (ES014MSBT014.014). Non poderá afectarse a este espazo no desenvolvemento da modificación.

-Calquera actuación debe contemplar as solucións de saneamento propostas. Lembrar a prohibición expresa de realizar calquera vertido directo ou indirecto fóra da rede de saneamento municipal (no caso de que exista) agás autorización expresa da administración hidráulica.

-No desenvolvemento das diferentes actuacións asociadas a este plan deberase xustificar a nin incidencia da actuación no réxime de correntes, así como a non afección a terceiros como consecuencia da alteración das escorrentas que comportaría o cambio de uso proposto identificando as zonas con potencial risco de asolagamento. O ámbito de actuación non se atopa en ningunha área consideradas coma área de risco potencial significativo de inundación.

Pola súa banda, o día 11.09.2014, o Instituto de Estudos do Territorio (IET), logo de analizar o alcance da modificación, emitiu informe favorable en materia de paisaxe, considerando que non se producirán efectos significativos sobre a paisaxe e que, en calquera caso, estes serán de carácter positivo.

O día 12.09.2014, o órgano ambiental notificou a decisión ao Concello da Capela, resolvendo non someter ao procedemento de avaliación ambiental estratéxica a Modificación Puntual nº2 do PXOM do Concello da Capela, en base a que non se agardan efectos ambientais significativos, ao afectar a modificación a reducidos ámbitos antropizados nos que non se insiren espazos de valor ambiental. Da decisión deuse publicidade no Diario Oficial de Galicia e na páxina web da CMATI.

Dado que o alcance da Modificación Puntual nº 2 é a reclasificación e recalificación do solo, afectándose deste xeito á capacidade residencial do Plan co obxectivo de reducila, foi preciso remitir o documento ao informe previo á aprobación inicial ao que fai referencia o apartado 1 do artigo 85 da LOUG.

En base este condicionantes previos, foi redactado o Documento para Informe Previo para Aprobación Inicial, o cal foi remitido en abril do ano 2015 tanto á Secretaría Xeral de Ordenación do Territorio e Urbanismo como á Axencia Galega de Infraestruturas, organismos ambos pertencentes á Consellería de Medio Ambiente, Territorio e Infraestruturas.

O 24.08.2015 foi emitido informe por parte da Axencia Galega de Infraestruturas, asinado por Águeda Silva Seoane, xefa da sección de Planificación e Programación e aprobado por Francisco Menéndez Iglesias, Director da Axencia Galega de Infraestruturas. Dito documento conclúese de xeito desfavorable, indicándose que deberán subsanarse as deficiencias detectadas, remitíndose novamente á Axencia Galega de Infraestruturas o documento da Modificación Puntual nº2 cos cambios incorporados para ser sometido a informe, e acompañado de informe no que se analicen os aspectos a corrixir e se explique a forma na que se lles ten dado cumprimento, o cal se achega como anexo ao remate do presente documento.

O 19.10.2015 foi emitido, ao abeiro do previsto no artigo 85.2 da LOUG, informe por parte da Secretaría Xeral de Ordenación do Territorio e Urbanismo, asinado pola Secretaria Xeral Mª Encarnación Rivas Díaz. Dito informe expresa os aspectos que deberán ser subsanados na redacción do presente Documento para Aprobación Inicial, e as solucións aportadas expóñense no anexo ao remate do presente documento.

4. OBXECTO E ALCANCE DA MODIFICACIÓN PUNTUAL

Transcorridos nove anos desde a aprobación definitiva do PXOM do Concello de A Capela, xurde a necesidade de adaptar certas determinacións contidas no mesmo cara a adecualo tanto á nova lexislación vixente como ás necesidades derivadas dos cambios acontecidos na sociedade neste período por mor da crise económica e financeira iniciada no ano 2008.

Superado o 50% do período previsto de vixencia do PXOM sen que se teña chegado a desenvolver ningunha das once bolsas de solo urbanizable programadas, sen que se teñan iniciado as xestións para executar as dotacións pertencentes ao sistema xeral e sen que tampouco se levasen a cabo a totalidade as infraestruturas de servizos urbanos proxectadas, parece necesario reorientar certos aspectos do plan en orde a asegurar unha maior adaptación á realidade municipal, sempre e cando sexa garantida unha construción responsable do territorio, se asegure a utilización do solo dun xeito máis sustentable e racional, se persiga o fomento da rehabilitación do patrimonio edificado fronte á nova edificación e se establezan medidas que posibiliten a dinamización socioeconómica do Concello.

Deste xeito proponse, a través da redacción da presente Modificación Puntual nº 2, mudar aquelas determinacións do instrumento de planeamento vixente que implican importantes desenvolvementos de urbanización residencial con elevada edificabilidade no medio rural (os solos urbanizables non delimitados S UR ND 2- A Serra e S UR ND 3- Os Campos) así coma recoñecer xurídicamente coma solo de núcleo rural de determinados asentamentos de poboación que non foron delimitados polo PXOM.

Paralelamente, é necesaria a corrección dos mecanismos de xestión para o desenvolvemento da trama urbana de As Neves, tanto no relativo á dificultade de desenvolvemento da totalidade de solos urbanizables previstos (SUD 4, SUD



5, SUD 6), para os que se prevén tamén altas densidades de ocupación, coma no tocante ao problema de edificacións fóra de ordenación que se xera polas aliñacións trazadas, especialmente no ámbito da Ordenanza nº1. Por último, cómpre corrixir un erro relativo á grafía dos equipamentos a nivel municipal, así coma incorporar as dotacións executadas nos últimos anos sobre parcelas de titularidade municipal e as novas reservas establecidas para o sistema xeral de espazos libres e zonas verdes.

Deste xeito, o obxecto do presente proxecto, a Modificación Puntual nº 2, é alterar os contidos do Plan Xeral de Ordenación Municipal do Concello da Capela, mediante cambios illados na clasificación e calificación do solo, e das aliñacións no solo urbano, nos seguintes termos:

I. DELIMITACIÓN DE 5 NÚCLEOS RURAIS: Bidueiro-A Braña, Guillurfe, Augas Roibas, Pena Grande e Os Picos. Esta alteración do planeamento supón a reclasificación do Solo Rústico de Especial Protección Agropecuaria no que se atopan os asentamentos en Solo de Núcleo Rural.

II. RECLASIFICACIÓN DE ÁMBITOS DE SOLO URBANIZABLE DELIMITADO E NON DELIMITADO: co obxectivo de reducir o número de figuras de planeamento de desenvolvemento, formúlase a incorporación á ordenación pormenorizada do PXOM dos seguintes ámbitos:

a. Solo Urbanizable Non Delimitado S UR ND 2 - A Serra como Solo Urbanizable ao abeiro da Disposición Transitoria Decimoterceira (asentamentos xurdidos á marxe do planeamento).

b. Solo Urbanizable Non Delimitado S UR ND 3 – Os Campos, coma Solo de Núcleo Rural.

c. Solo Urbanizable Delimitado SUD 4, , coma Solo Urbano Non Consolidado.

d. Solo Urbanizable Delimitado SUD 5 e SUD 6, coma Solo Urbano Consolidado.

III. MODIFICACIÓN DE ALIÑACIÓNS NO NÚCLEO URBANO DE AS NEVES: mediante o trazado de novas aliñacións que respecten a aliñación consolidada do centro urbano, limitando a edificación fóra de ordenación.

IV. RESERVA DE SOLO PARA ESPAZOS LIBRES E ZONAS VERDES: mediante a delimitación de dous ámbitos dotacionais clasificados coma sistema xeral de espazos libres e zonas verdes:

a. Paseo fluvial situado nun tramo da zona de servidume do Rego do Pousadoiro nas proximidades de As Neves, conectando a zona de equipamentos educativo (CEIP) e deportivo (ximnasio e piscina municipal) coa estrada que comunica o solo urbano de As Neves co solo urbano de Poboado de Eume.

b. Parcela de eventos ao aire libre ao noroeste de As Neves, orientada, fundamentalmente, á realización de eventos ao aire libre coma a Festa Gastronómica do Requeixo.

V. ACTUALIZACIÓN GRÁFICA: a través das seguintes incorporacións aos planos de información e de ordenación do PXOM, así como a emenda de erros de grafía atopados nos planos do PXOM vixente:

a. Incorporación nos planos de información das dotacións realizadas durante a vixencia do PXOM: ampliación do cemiterio no núcleo de Os Carballás-A Igrexa e Portal de Entrada ás Fragas do Eume no núcleo rural de A Estoxa.

b. Incorporación nos planos de ordenación dos contornos de protección dos elementos catalogados mediante a Modificación Puntual nº 1.

c. Incorporación nos planos de ordenación dos ámbitos de solo rústico de especial protección de infraestruturas derivados da existencia instalacións para o abastecemento, saneamento e depuración da auga, e as derivadas da política enerxética, así coma o novo ámbito de afección das estradas de titularidade autonómica derivado da aprobación da Lei 9/2013 de Estradas de Galicia.

d. Corrección do emprazamento do espazo libre Merendoiro dos Picos, pertencente ao sistema xeral, que aparece incorrectamente localizado nos planos do PXOM.

En relación cos sistemas xerais programados polo PXOM (terreos calificados como zonas verdes ou espazos libres públicos), a Modificación Puntual nº 2 non ten incidencia sobre os mesmos. Sen embargo, si afecta a solos clasificados coma de especial protección (solo rústico de especial protección agropecuaria) polo que a súa aprobación requirirá do informe favorable da Comisión Superior de Urbanismo de Galicia.

Por outra banda, dado que non se tende a incrementar a intensidade de uso de zona algunha, non se require da previsión de maiores dotación públicas, de acordo cos estándares establecidos no apartado 2 do artigo 47 da LOUG.



5. XUSTIFICACIÓN DA MODIFICACIÓN PUNTUAL Nº2

A Modificación Puntual nº 1, aprobada definitivamente o 28 de abril de 2014, foi iniciada pasados seis anos desde a aprobación do PXOM do Concello da Capela, tras detectarse a necesidade de adecuación de determinados aspectos da Normativa Urbanística ao novo marco normativo e estratéxico sobrevido nos últimos anos en materia de ordenación urbanística e de solo (Lei 2/2010 de 25 de marzo de medidas urxentes de modificación da Lei 9/2002, de 30 de decembro, de Ordenación Urbanística e Protección do Medio Rural de Galicia, Directrices de Ordenación do Territorio, Ley 8/2013, de 26 de junio, de rehabilitación, regeneración y renovación urbanas, entre outras…).

Imaxe 02. Camiño da aldea de Augas Roibas

Continuando coa adaptación do planeamento iniciada coa MP1, a presente MP2, pretende corrixir determinacións do PXOM relativas á clasificación e calificación do solo e ao trazado de aliñacións, co fin de resolver problemas observados nestes anos de aplicación do planeamento, así como completar puntualmente determinados aspectos da ordenación que foron amosándose non completamente adaptados á realidade urbanística municipal, o que dificulta na práctica diaria a aplicación das determinacións do PXOM. Estes conflitos son que se expoñen a continuación:

I- A necesidade de recoñecemento xurídico como solo de núcleo rural de determinados asentamentos de poboación.

II- A existencia dun elevado número de figuras de planeamento de desenvolvemento, o que pode resolverse incorporando a ordenación detallada de certos ámbitos ás determinacións do PXOM.

III- A oportunidade de corrixir as aliñacións na travesía do núcleo urbano de As Neves, evitando a existencia de edificación en situación fóra de ordenación.

IV- A posibilidade de reservar solos de titularidade pública o de dominio público para espazos libres e zonas verdes.

V- A pertinencia de corrixir erros de grafía detectados na documentación do PXOM, ao que se engade a ocasión de incorporar aos planos de ordenación as infraestruturas de xeración e transporte de enerxía (aeroxeradores, gasoduto, minihidráulica) e de abastecemento de auga, marcando as correspondentes zonas de afección.

O Plan, ao servizo dos cidadáns, da administración pública e das institucións, debe perseguir a consecución dos seus obxectivos e a resolución de conflitos tendo en conta sempre a realidade municipal, de xeito que se constitúa nun documento vivo en proceso continuo de adaptación ás constantes mudanzas sociais, económicas, lexislativas, etc. A día de hoxe, no rural galego cómpre adecuar os instrumentos normativos do planeamento de cara a loitar contra problemas coma o despoboamento e o desemprego e mellorar a calidade de vida e cohesión social da poboación, harmonizando as esixencias de ordenación e conservación dos recursos naturais e da paisaxe rural e urbana co mantemento, diversificación e desenvolvemento sostible do territorio. Neste senso, a aplicación da lexislación aprobada nos últimos anos en materia de territorio e rehabilitación, constitúe tamén unha oportunidade de reactivación dentro do contexto socioeconómico actual.



Neste senso, a adaptación do planeamento mediante a presente Modificación Puntual nº 2 establécese cumprindo co disposto no punto 2 da Disposición Transitoria Segunda - Adaptación do Planeamento da LOUG: “(…), os concellos poderán adaptar os seus plans xerais ou normas subsidiarias en calquera momento” e fundaméntase en diversas razóns de interese público, como son as seguintes:

-A adaptación do plan á lexislación vixente autonómica (Lei 2/2010, de 25 de marzo, de medidas urxentes de modificación da Lei 9/2002, de 30 de decembro, de Ordenación Urbanística e Protección do Medio Rural de Galicia, o Decreto 19/2011, do 10 de febreiro, polo que se aproban as Directrices de Ordenación do Territorio de Galicia, Lei 8/2013, do 28 de xuño, de Estradas de Galicia) e estatal (Ley 8/2013, de 26 de junio, de rehabilitación, regeneración y renovación urbanas).

-Recoñecer xurídicamente aqueles asentamentos de poboación situados no solo rústico, os cales contan con topónimo diferenciado no Nomenclátor que cumpren os requisitos establecidos para ser delimitados como núcleos rurais.

-Xerar as condicións para a dinamización da vida no Concello: un Plan Xeral é o instrumento normativo esencial para a regulación do uso do solo, establecendo dereitos, obrigas e limitacións para a propiedade do solo, e ordenando a transformación do territorio municipal en orde a acadar o modelo territorial pretendido mediante o desenvolvemento sustentable.

5.1. OS NÚCLEOS RURAIS NA LEI 2/2010

Os núcleos rurais constitúen o fenómeno máis característico dos asentamentos de poboación en Galicia, conformando un modelo de ocupación de solo propio e identificador do territorio galego. A Lei 9/2002, do 30 de decembro, de ordenación urbanística e protección do medio rural de Galicia, -en diante, LOUG- estableceu o marco definitorio do solo de núcleo rural de cara a favorecer o desenvolvemento harmónico, equilibrado e sustentable do territorio, promovendo a consolidación dos núcleos tradicionais en contra da dispersión da urbanización e das edificacións sobre o territorio.

Sen embargo, dada a multiplicidade de tipoloxías que ofrece a realidade dos asentamentos rurais galegos, no ano 2010 redactouse a Lei 2/2010 de 25 de marzo de medidas urxentes de modificación da Lei 9/2002, de 30 de decembro, de Ordenación Urbanística e Protección do Medio Rural de Galicia, -en diante, Lei 2/2010- co fin de adecuar o contido da LOUG á realidade contemporánea dos asentamentos rurais de poboación, reformulando o concepto legal do núcleo rural, ao que se dotou dun novo estatuto.

Efectivamente, a definición de núcleo rural da Lei 2/2010 ten por obxectivo recoller axeitadamente todos os tipos de asentamento existentes, incluíndo os que non son de orixe tradicional, que ata entón carecían dunha regulación específica. Con esta modificación a LOUG pasa a considerar que non só a existencia de edificacións tradicionais en sentido histórico estrito é condición inescusable para facer o recoñecemento dun núcleo, determinando que os asentamentos sobrevidos de situacións anteriores e que non presentan as características propias dos núcleos rurais histórico-tradicionais poden ser identificables coma solo de núcleo rural sempre e cando se cumpran as condicións de densidade edificatoria establecidas, pertencendo pois ao tipo básico de núcleo rural común.

A finalidade deste recoñecemento é a de que os asentamentos existentes aumenten a súa capacidade de acollida densificándose, coa súa correlativa rede de dotacións e equipamentos públicos ao servizo da comunidade, consolidando o sistema de núcleos tradicionais existentes e impedindo a expansión de ocupación do territorio, na procura da sustentabilidade e a eficiencia dende o punto de vista social e da mobilidade.

A lei 2/2010 fai tamén unha maior incidencia na protección e recuperación dos elementos característicos da arquitectura rural e na conservación da morfoloxía dos núcleos históricos tradicionais, da súa estrutura parcelaria histórica e dos seus usos tradicionais, así como en mellorar substancialmente a calidade da orden urbanística de Galicia cara a favorecer o desenvolvemento equilibrado e sostible do territorio, contribuír a elevar a calidade de vida e a cohesión social da poboación, protexer e potenciar o patrimonio natural e cultural e garantir o dereito constitucional a gozar dunha vivenda digna.

En relación co exposto nos parágrafos previos, a incorporación á ordenación do PXOM coma solo de núcleo rural dos asentamentos de orixe tradicional de Bidueiro-A Braña, Guillurfe e Augas Roibas, e dos asentamentos non históricos de Pena Grande e Os Picos, que a día de hoxe se atopan clasificados coma solo de especial protección agropecuaria, permite o seu o recoñecemento xurídico ao abeiro do novo marco legal. Por outra banda, no caso do asentamento de O Campo, clasificado polo PXOM coma solo urbanizable non delimitado, a súa reclasificación coma solo de núcleo rural supón o recoñecemento de situacións de feito sobrevidas de circunstancias anteriores.

En relación co solo urbanizable non delimitado A Serra, para o que se propuxo a súa clasificación coma solo de núcleo rural común na redacción do documento para Informe Previo para Aprobación Inicial, tal e como se reflicte no Informe da Secretaría Xeral de Urbanismo, este asentamento carece do carácter necesario para ser clasificado coma solo de núcleo rural, polo que se propón a súa delimitación coma solo urbanizable ao abeiro da disposición transitoria decimoterceira da LOUG, “Asentamentos xurdidos á marxe do planeamento”.



5.2. AS DIRECTRICES DE ORDENACIÓN DO TERRITORIO E A LEI 8/2013, DE REHABILITACIÓN, REXENERACIÓN E RENOVACIÓN URBANAS

En Febreiro de 2011 foron aprobadas definitivamente as Directrices de Ordenación do Territorio –en diante, DOT-, que teñen como finalidade precisar a definición dun modelo territorial para Galicia, establecendo as pautas espaciais de asentamento das actividades. As propostas e determinacións das DOT definen unha senda a seguir e perfilan un escenario de futuro, que baixo unha perspectiva de sustentabilidade, aspiran a conseguir a cohesión social e territorial de Galicia, eliminando disparidades territoriais, o cal contribuirá ademais a unha maior eficiencia do sistema produtivo, así como a protección e posta en valor do patrimonio natural, cultural e paisaxístico e a eficiencia ambiental en todos os procesos.

A Capela adscríbese, segundo a clasificación das DOT, no espazo rural intermedio, no que os niveis de despoboamento comezan a ser preocupantes, que mantén unha base produtiva agropecuaria e forestal con diverso grao de desenvolvemento convivindo con pequenas iniciativas empresariais da industria de transformación das materias primas, situado no contorno dunha vila media –As Pontes-, a cal proporciona un nivel axeitado de dotacións e servizos. O territorio mantén un valor de uso como factor de produción, nun equilibrio sostible entre o seu uso e a conservación dos recursos naturais.

As DOT incorporan ao Concello da Capela dentro dos espazos rurais interiores vinculados ao patrimonio rural , singularizados polo gran valor natural, cultural e paisaxístico, recollendo dentro da contorna aos núcleos de As Neves na Capela e Rebordelo en Monfero como potenciais receptores de usos turísticos xeradores de desenvolvemento socioeconómico en base aos espazos de alto valor medioambiental existentes no municipio (a serra do Forgoselo, o parque natural das Fragas do Eume).

Imaxe 03. Mosteiro de Caaveiro Imaxe 04. Fragas do Eume

Efectivamente, a vinculación ao patrimonio rural permítelles a estas capitais municipais desenvolver unha dobre función. Por unha banda, poden actuar como centros de xestión de actividades e servizos asociados aos espazos de interese ambiental de Galicia ou como consecuencia deles, permitindo localizar neles instalacións necesarias para o gozo dos ámbitos de valor paisaxístico e ecolóxico sen afectar a zonas ambientalmente fráxiles, proporcionando un elemento adecuado para controlar o acceso ás áreas de interese natural de forma compatible coa súa capacidade de acollida. Doutra banda, a localización nestas poboacións de actividades e servizos produtivos relacionados cos valores existentes, proporcionará recursos económicos que incentivarán a conservación e xerarán rendas imprescindibles para a dinamización de zonas do territorio con graves problemas demográficos e escasas opcións de desenvolvemento.

Neste senso, o Concello da Capela ten levado a cabo variadas actuacións que, se ben non estaban contempladas no PXOM, foron realizadas co fin de potenciar a oferta de servizos e infraestruturas orientados á promoción do patrimonio natural e cultural, cumprindo deste xeito os obxectivos sinalados polas DOT. Entre estas actuacións atópanse a renovación do patrimonio edificado para a súa reutilización, desenvolvendo dotacións e aloxamentos singulares, como a rehabilitación da escola do Barreiro para albergue, a rehabilitación da Casa do Pazo para Museo Etnográfico, e a da



escola de Guitiriz para centro cultural; en relación co espazo natural, tense creado o Parque Etnográfico do Sesín, e coa finalidade incrementar a entrada de visitantes ao Parque Natural a través da Capela, no ano 2013 edificouse -coa colaboración da Deputación de A Coruña e da Xunta de Galicia- o Portal de entrada das Fragas do Eume, situado no lugar de A Estoxa. Ademais, foron acondicionados e promocionados numerosos roteiros peonís tanto no Parque Natural das Fragas do Eume coma nos Montes Forgoselo e Fontardión.

Alén destas iniciativas, co obxecto de diversificar as opcións, existen outras fórmulas de acollida da actividade turística rural por explotar coma a rehabilitación integral de núcleos case despoboados, como estratexia para protexer a paisaxe e recuperar o patrimonio edificado, ao tempo que se contribúe á revitalización económica coa creación de novas empresas de servizos.

Ademais, en relación ao tratamento da paisaxe, as DOT fan incidencia na importancia de promover a protección e valorización da actividade agraria como factor de mantemento da paisaxe, co fin de facer fronte á redución das actividades do sector primario e o progresivo abandono de terras de cultivo, o que é un feito patente no Concello desde hai un par de décadas. Neste senso, considérase importante o recoñecemento xurídico daqueles núcleos rurais nos que se están a desenvolver na actualidade actividades propias do sector primario, como é o caso, por exemplo de Augas Roibas e Gillurfe. En coherencia co recollido na epígrafe 2.10.1 dos Espazos rurais, o criterio xeral en relación cos espazos agrarios debe ser “realizar unha xestión activa deles, creando incentivos para a conservación e mellora dos seus recursos, mantendo as actividades agrarias na medida en que resulte factible, desenvolvendo accións de mellora ambiental e paisaxística nos terreos abandonados pola agricultura e permitindo a súa utilización para novos usos cando diso se deriven oportunidades para a conservación de trazos singulares, a mellora da percepción do territorio, a introdución de usos ou actividades innovadoras e a evolución ordenada dos espazos ata agora dedicados a funcións de produción primaria”. Estas iniciativas deben apoiarse en tres criterios principais:

-A preservación dos valores naturais e paisaxísticos do territorio, evitando aqueles usos que entren en conflito con este obxectivo no caso dos recursos de maior interese ou fraxilidade, asegurando a identificación do territorio galego como un espazo con importantes valores visuais e garantindo o seu mantemento como factores ao servizo da calidade de vida da poboación e da sostibilidade dos procesos de desenvolvemento.

-O establecemento dos mecanismos de ordenación que per mitan traducir en dinámicas positivas os importantes cambios aos que se enfrontan moitos dos espazos agrarios da Comunidade.

-A consideración dos núcleos de poboación como elementos fundamentais da estrutura territorial cuxo desenvolvemento debe producirse con criterios de calidade e atractivo, evitando a deterioración do seu ámbito e a ocupación desordenada do solo rústico pola urbaniza ción difusa ou pola aparición de novos núcleos e espazos urbanizados illados .

En relación coa sustentabilidade territorial e co fomento do emprego ten especial relevancia a aprobación da Ley 8/2013, de 26 de junio, de rehabilitación, regeneración y renovación urbanas -en diante, Lei 8/2013-, que ten por obxecto regular as condicións básicas que garantan un desenvolvemento sostible e competitivo do medio urbano –no contexto galego enténdese tamén o rural- mediante o impulso e o fomento das actuacións que conduzan á rehabilitación dos edificios e á rexeneración e renovación dos tecidos existentes, cando sexan necesarias para asegurar aos cidadáns calidade de vida e a efectividade do seu dereito a gozar dunha vivenda digna e axeitada. Esta lei expón no seu preámbulo o seguinte:

“Os problemas económicos e sociais existentes arredor do mercado do solo e da vivenda en España son de moi diversa índole e, en boa medida, anteriores á crise económico financeira. A maioría teñen, de feito, un carácter estrutural e non só coxuntural, ben que algúns deles se viron agravados polo cambio de ciclo económico, ao tempo que contribuíron a agudizar a crise. A tradición urbanística española, como xa recoñeceu o lexislador estatal na Lei 8/2007, do 28 de maio, de solo, centrouse fundamentalmente na produción de nova cidade, descompensando o necesario equilibrio entre estas actuacións e aqueloutras que, orientadas cara aos tecidos urbanos existentes, permiten intervir de maneira intelixente nas cidades, tratando de xerar benestar económico e social e garantindo a calidade de vida aos seus habitantes. Estoutras intervencións son moito máis complexas, tanto desde o punto de vista social como económico; complexidade que se agrava no momento presente a consecuencia dun contexto desfavorable para o financiamento público, debido aos procesos de estabilización orzamentaria, e tamén para o financiamento privado, polas restricións no acceso aos créditos, derivadas da crise do sector financeiro e do empobrecemento de moitas familias como consecuencia dos altos niveis de desemprego. Porén, o camiño da recuperación económica, mediante a reconversión do sector inmobiliario e da construción e tamén mediante a garantía dun modelo sustentable e integrador, tanto ambiental, como social e económico, require centrar todos os esforzos naquelas actuacións, é dicir, as de rehabilitación e de rexeneración e renovación urbanas, que constitúen o obxecto esencial desta lei. ”



En consonancia co exposto nos parágrafos precedentes, a Modificación Puntual nº 2 aposta polos seguintes aspectos en orde a cumprir coas determinacións establecidas polas DOT:

1. A redución da superficie de solo urbanizable reservada polo PXOM, e, por tanto, da capacidade residencial, tratando deste xeito de dinamizar a rehabilitación edificatoria. Se ben as previsións de solo urbanizable foron xustificadas no seu momento en base a que “a demanda de solo residencial nun concello destas características non é unicamente a dos habitantes censados no mesmo Concello, senón a dos potenciais habitantes doutros concellos limítrofes maiores e polo tanto cun mercado de solo máis caro”, a día de hoxe, sen embargo, teñen mudado substancialmente estas condicións, existindo unha grande oferta de vivenda baleira en concellos da comarca (Pontedeume, Cabanas) e da comarca veciña de Ferrol (Narón, Neda, Fene), con prezos en descenso continuado como consecuencia da crise do mercado inmobiliario. Nun mercado saturado de vivenda nova, non se considera acertado manter tales reservas, e semella máis conveniente optar por reverter o modelo cara opcións máis sustentables e alternativas, coma potenciar a oferta de vivenda rehabilitada.

2. A reserva de solos para sistemas xerais de espazos libres e zonas verdes, coma o paseo fluvial na marxe do rego Pousadoiro e a parcela para eventos ao aire libre orientada, principalmente, á celebración da Festa do Requeixo, ámbolos dous en As Neves, co obxecto de cumprir o papel que as DOT lle outorgan a este núcleo urbano coma potencial receptor de usos turísticos xeradores de desenvolvemento socioeconómico.

É por isto que, entre os criterios xerais que definen a presente Modificación Puntual nº 2 considérase fundamental, fronte ao desenvolvemento de novas bolsas de solo con elevadas edificabilidades, tanto no medio rural coma a carón do solo urbano, aproveitar as posibilidades que ofrecen os asentamentos existentes, pulando pola consolidación dos mesmos, pola rehabilitación das vivendas e recuperar para novos usos as edificacións auxiliares tradicionais. Só deste xeito se posibilita a protección dun rico patrimonio en serio risco de desaparición, recuperándoo, ben para acoller a novos residentes, ben para o fomento dos usos hoteleiros, hostaleiros e a vivenda de segunda residencia, propiciando unha clase de turismo/residentes atraídos polos valores paisaxísticos, medioambientais e patrimoniais do Concello –tanto os existente coma os programados a través da presente Modificación Puntual- e fomentar a aparición de novas actividades económicas vinculadas ao medio rural.

O obxectivo último é fomentar a conservación dos valores naturais, paisaxísticos, arqueolóxicos, históricos e arquitectónicos, coa finalidade de fortalecer os asentamentos históricos coma legado cultural identificador dos tempos pasados e como medio para evitar a presión non sustentable que exercen os excesos de edificación e urbanización sobre o territorio.

Ao mesmo tempo, é de agardar que esta aposta incida favorablemente no aumento do número de empregados en sectores coma os servizos e a rehabilitación. De feito, o propio PXOM xa fai fincapé na súa memoria xustificativa na necesidade de aproveitar a oportunidade de revitalización económica que pode aportar o sector turístico desde as súas vertentes de turismo rural e turismo de natureza.

Por outra banda, falar de rehabilitación vai da man da eficiencia enerxética, tanto en termos de sustentabilidade ambiental como de aforro económico e, por suposto, de mellora das condicións das vivendas, adecuándoas aos estándares actuais de calidade de vida. É por iso que se considera prioritario introducir nas ordenanzas de edificación os aspectos relativos ao aforro de enerxía, salubridade, habitabilidade… acordes coa lexislación específica. Pero, ademais, a rehabilitación en termos de eficiencia enerxética supón un mercado de traballo emerxente, polo que a aposta por este sector considérase fundamental para recuperar postos de traballo. Enténdese, por tanto, que, en base á nova lexislación e máis no contexto actual de crise, cómpre reorientar os esforzos a dinamizar a vida no Concello da Capela en base á rehabilitación da edificación existente.

5.3. A LEI 8/2013, DE ESTRADAS DE GALICIA

Coa aprobación da Lei 8/2013, de 28 de Xuño, de Estradas de Galicia foron actualizados os conceptos de tramo urbano e travesía, e redefiníuse o sistema de protección do dominio público viario, coa harmonización da definición e das dimensións das súas zonas de protección cos usos autorizables e prohibidos nelas e coa regulación de xeito máis detallado e claro.

Deste xeito, coa Lei 8/2013 de Estradas pasan a considerarse tres zonas de afección e limitación á propiedade nas estradas autonómicas e provinciais, e máis nas vías municipais sinaladas como Sistema Xeral Viario, que son a de dominio público, a de servidume e a de afección, máis unha cuarta zona superposta ás anteriores de limitación da edificación. A liña limite de edificación está situada a ámbolos dous lados da estrada cun trazado que discorre paralelo ás liñas exteriores de delimitación das calzadas a unha distancia, medida horizontal e ortogonalmente a aquelas de quince metros (15 m.) no caso de estradas convencionais e elementos funcionais.



Por outra banda, no seu título I, a Lei de Estradas introduce os conceptos de tramo urbano e travesía:

-Artigo 7, “Tramo urbano”:

“Para os efectos da presente lei, considérase tramo urbano dunha estrada aquel que discorre por chan clasificado polo correspondente instrumento de plan urbanístico como urbano ou de núcleo rural cando, neste último caso, conte con aliñacións marcadas no citado instrumento e aquel tería sido sometido a informe favorable, conforme á presente lei, pola administración titular da estrada”

-Artigo 8, “Travesía”:

“Para os efectos da presente lei, considérase travesía o tramo dunha estrada no que, discorrendo por chan clasificado como urbano, existen edificacións consolidadas que formen parte do núcleo de poboación”.

A Lei prevé as circunstancias para a conversión das travesías urbanas en vías urbanas, momento en que a súa administración titular deberá entregalas ao concello polo que discorran.

Asemade, nos tramos urbanos das estradas, será o planeamento o que determine a aliñación da edificación, segundo se recolle no punto 3 do artigo 23 “Coordinación co plan urbanístico” que establece que: “nos tramos urbanos das estradas, o instrumento de plan urbanístico determinará a aliñación de edificación, que poderá fixarse, de xeito motivada, a unha distancia inferior á que prevé a presente lei con carácter xeral para a liña límite de edificación das estradas, valorando a existencia de edificacións continuadas preexistentes, así como a concorrencia de razóns técnicas, socioeconómicas ou de orografía do terreo que poidan aconsellar a redución”. En relación con isto, os aspectos nos que ten incidencia a Lei 8/2013 de Estradas en relación coa presente Modificación Puntual nº 2 son os seguintes:

-Por unha banda, aproveitando a redacción da presente Modificación Puntual, introdúcense as liñas límite de edificación que determina a nova Lei nos planos de ordenación do termo municipal a escala 1:5.000.

-En segundo lugar, no tramo urbano da AC-564 ao seu paso por As Neves proponse a redefinición das aliñacións no tramo comprendido entre o P.K. 9+450 e P.K. 9+650, tendo en conta a existencia no mesmo de edificacións continuadas preexistentes, co fin de resolver o problema da edificación en situación fóra de ordenación por mor da aliñación, que a día de hoxe afecta á práctica totalidade das edificacións que se atopan nesta zona.

Imaxe 05 - Edificación en situación de fóra de ordenación no centro do núcleo urbano de As Neves (en negro).

-Por último, a reclasificación coma solo urbano das bolsas de solo urbanizable delimitado SUD 5 e SUD 6 situadas ao longo da AC-564 ten como consecuencia o prolongamento da travesía –que actualmente comprende un tramo de 860 metros de lonxitude entre os puntos quilométricos P.K. 9.+450 e P.K. 10.+310- en outros 800 metros (290 metros no ámbito do SUD 5 e 510 metros no ámbito do SUD 6), polo que a travesía vai acadar unha lonxitude total de 1.660 metros.

Nesta condición de travesía, confróntanse os intereses do tráfico interurbano de paso –que require de condución a velocidade constante e mínimas interrupcións- coas necesidades dos residentes, que demandan seguridade, prazas de



estacionamento e máis pasos de peóns. Efectivamente, mentres o tráfico pesado de paso soporta conflitos como ter que deterse nos pasos de peóns, atopar vehículos mal aparcados, xente que cruza por zonas polas que non está permitido, ou a circulación de vehículos lentos (tractores agrarios, etc), pola outra banda, os tráficos locais (incluíndo tamén os ciclistas ou peonís) deben enfrontarse a unha circulación de vehículos pesados que, aínda que se ten reducido un 50% nos últimos 10 anos, xera tensións polo efecto barreira, polo risco que supón para os peóns, e o perigo de atropelo que supón cruzar dunha banda a outra, pois se ben a velocidade está limitada a 50 qm/h no ámbito clasificado na actualidade coma solo urbano (entre o P.K. 9+450 e o P.K. 10+310), a realidade é que non todos os vehículos pesados respectan esta limitación. Esta situación complícase especialmente nas zonas onde se localizan os accesos aos equipamentos escolares e deportivos, onde xa teñen acontecido atropelos.

Esta circunstancia vén dada porque a travesía non é entendida polos condutores coma un tramo urbano, pois, malia que a edificación no núcleo urbano de As Neves se estende ao longo de máis de un quilómetro e medio, a sensación de tramo urbano só existe realmente nunha banda de 200 metros entre o P.K. 9+450 e P.K. 9+650, onde a sección viaria é máis estreita e se atopa franqueada por edificación en ámbalas dúas marxes. Nos extremos clasificados actualmente coma solo urbanizable, sen embargo, a percepción de tramo urbano é reducida, pois a sección da vía é asimilable ao dunha estrada polo seu trazado recto e o ancho dos carrís, a edificación adopta posicións de estrutura suburbana, non existindo nin pasos de peóns nin a limitación de velocidade a 50 qm/h, se ben se admite o aparcadoiro a cada lado -o cal, por outra banda, non é compatible coa concepción dun tramo de estrada interurbano.

Por outra banda, en relación co risco de accidentes neste tipo de treitos, cómpre lembrar que os datos de accidentes de tráfico reflicten que máis do 50% da totalidade dos tramos de concentración de accidentes existentes nas provincias de A Coruña e Pontevedra se localizan nas travesías. Co fin de evitalos, a Dirección Xeral de Tráfico indica que, desde hai anos, a política do Ministerio de Fomento é a de “construír variantes aos tramos de estrada que se internan en poboado e tratar de ceder o tramo antigo ao concello correspondente”. Non obstante, esta opción, aparte de supor maiores custes paisaxísticos e medioambientais, non sempre é viable nin económica nin técnicamente. Neste caso, se ben desde o punto de vista do tráfico pesado interurbano (principalmente traxectos A Coruña-As Pontes, e, en menor medida, Pontedeume / Cabanas-As Pontes), a opción máis cómoda, rápida e segura sería non ter que atravesar o núcleo, a creación dunha variante supón unha alternativa dificilmente realizable, tanto pola repercusión económica (elevado custe de expropiacións e de execución), coma pola influencia negativa na xa de por si pequena economía local (hoteis, bares, comercio…).

Como alternativa, pódense adoptar medidas complementarias de calmado de tráfico no tramo urbano que contribúan á redución de conflitos. Sen embargo, estas medidas poden non ser totalmente compatibles co carácter dunha estrada de titularidade autonómica coma a AC-564. En relación con este aspecto, na presente Modificación Puntual nº 2 valóranse os pros e contras tanto de incrementar a lonxitude da travesía urbana en As Neves, como de incorporar medidas de humanización, procurando solucións que tenten consensuar as demandas dos residentes (seguridade) coas demandas do tráfico interurbano (circulación rápida e segura con aforro de tempo e custes), ao tempo que se mantén a circulación a través do núcleo, que fomenta a actividade dos negocios locais.

6. RESUME DE OBXECTIVOS DA MODIFICACIÓN PUNTUAL Nº2

A través da presente Modificación Puntual nº2 do Plan Xeral de Ordenación Municipal, é vontade do Concello da Capela, fundamentándose nas razóns de interese público expostas no apartado anterior, alterar puntualmente as determinacións do PXOM, levando a cabo os axustes da ordenación que se consideran necesarios, de xeito que a súa aplicación se torne máis áxil e flexible, se desbloquee o desenvolvemento de ámbitos do territorio para os que non existe a capacidade de xestión esixida, e se xeren as condicións para a dinamización da vida no Concello, incidindo favorablemente na consecución dos fins propios da actividade urbanística sinalados no artigo 4 da LOUG, coma a preservación do medio físico, dos valores tradicionais, dos sinais de identidade e da memoria histórica de Galicia.

6.1. OBXECTIVO Nº1: DELIMITACIÓN DE NÚCLEOS RURAIS

Os asentamentos de Bidueiro-A Braña na parroquia de Caaveiro, o de Guillurfe na parroquia de Cabalar e os de Augas Roibas, Pena Grande e Os Picos na parroquia de Capela aparecen identificados no Nomenclátor e diferenciados administrativamente nos Censos e Padróns municipais, mais non contan con recoñecemento legal nin normativo algún como núcleos rurais, o que leva consigo inconvenientes tanto para os propietarios do solo como para a administración local. A finalidade da primeira alteración proposta é a delimitación e ordenación normativa destes 5 asentamentos como solo de núcleo rural, en concordancia ao establecido na Lei 2/2010. Este obxectivo leva consigo a necesidade de redactar ordenanzas reguladoras para cada tipo básico de solo (núcleo rural histórico tradicional e núcleo rural común).

6.2. OBXECTIVO Nº2: REDUCIÓN DO NÚMERO DE SOLOS URB ANIZABLES

A redución do número de solos urbanizables previstos no PXOM (8 urbanizables delimitados e 3 urbanizables non delimitados) motiva a segunda alteración do planeamento, pois a LOUG considera fundamental a redución do número de figuras de planeamento de desenvolvemento a través do artigo 52.2:



“O contido dos plans xerais de ordenación municipal deberá ser congruente cos fins que nos mesmos se determinen e adaptarse ás características e complexidade urbanística do territorio que sexa obxecto da ordenación, garantindo a coordinación dos elementos fundamentais dos respectivos sistemas xerais.”

O obxectivo é incorporar ao PXOM as disposicións necesarias mediante a reclasificación daqueles solos urbanizables para os que non se dan nin se prevé que se poidan dar as condicións que fagan posible o seu desenvolvemento, xa sexa pola falta de capacidade do Concello, pola actual conxuntura socioeconómica, ou pola propia configuración da reserva de solo.

Efectivamente, nas tres bolsas de solo urbanizable delimitado a carón do solo urbano (SUD 4, SUD 5, SUD 6) semella practicamente imposible a súa execución, ao tratarse de solos altamente consolidados e dotados de servizos, nos que se tornarían moi complexas as reparticións de cargas e beneficios. Isto requiriría dunha grande inversión económica fronte a unha mínima rendibilidade, ademais dunha capacidade de xestión da que neste intre carecen tanto o Concello como a iniciativa privada. Deste xeito, propóñense as seguintes transformacións:

- SUD 5 e SUD 6 coma solo urbano consolidado, pois contan con todos os servizos e a consolidación adecuada.

- SUD 4 coma solo urbano non consolidado, pois malia que a consolidación é elevada non existen todos os servizos, sendo necesario levar a cabo completar os procesos de urbanización e reservar solo para dotacións.

No tocante ás dúas bolsas de solo urbanizable non delimitado S UR ND 2- A Serra e S UR ND 3- Os Campos, os criterios de desenvolvemento establecidos nas fichas considéranse moi elevados ao tratarse de zonas situadas no medio rural, o que influiría de xeito desfavorable na paisaxe, a causa dun aumento do número de vivendas moi superior ao que pode acoller a contorna. A formulación para estes solos é a seguinte:

- S UR ND 2- A Serra, coma solo urbanizable ao abeiro da disposición transistoria decimoterceira da LOUG, dado que se trata dun asentamento xurdido á marxe do planeamento.

- S UR ND 3- Os Campos coma solo de núcleo rural común.

Como consecuencia desta alteración do PXOM, reduciríase de xeito considerable a capacidade residencial (en termos xerais, ata un 10%), o que atende de xeito máis realista ás actuais expectativas de crecemento e redundaría nunha maior protección do medio ao non aumentar nin as superficies de solo impermeabilizado nin a carga sobre as redes de abastecemento, saneamento, enerxía eléctrica e residuos urbanos. E é que, malia que o desenvolvemento dos solos urbanizables leve consigo a incorporación de medidas correctoras e de minoración de impactos, sempre vai supor unha maior afección sobre o medio causada polos traballos de urbanización requiridos e polo incremento do solo impermeabilizado.

6.3. OBXECTIVO Nº3: MODIFICACIÓN DAS ALIÑACIÓNS NO NÚCLEO URBANO DE AS NEVES

Na Modificación Puntual nº 1 do Concello da Capela xa se sinalou a existencia de problemas derivados das aliñacións sobre a travesía no ámbito de solo urbano calificado pola ordenanza 1, facéndose referencia a recoller esta alteración nunha posterior modificación puntual do PXOM, dado que fora iniciada a tramitación parlamentaria da nova Lei de Estradas de Galicia. A aprobación da Lei 8/2013, do 28 de xuño, de Estradas de Galicia –en diante, Lei de Estradas- senta as bases para levar a cabo a alteración das aliñacións no centro urbano consolidado. Esta alteración ten, pois, como obxecto corrixir as aliñacións marcadas sobre a edificación na travesía da AC-564 en As Neves, de xeito que se respecte a aliñación marcada polo tecido preexistente, especialmente no ámbito de aplicación da Ordenanza nº1, pois boa parte das edificacións con fronte á AC-564 atópanse en situación de fóra de ordenación por mor das aliñacións trazadas. Alterar o trazado das mesmas seguindo a liña definida polas fachadas das edificacións suporía o mantemento do ancho de vía actual, e evitaría que se deran casos de edificación fóra de ordenación, así coma de retranqueos sobre unha aliñación xa consolidada, no caso de colmatación de parcelas ou de substitución das existentes.

6.4. OBXECTIVO Nº 4: RESERVA DE SOLOS DE TITULARIDA DE PÚBLICA PARA ESPAZOS LIBRES E ZONAS VERDES

A cuarta alteración de planeamento ten como obxectivo ampliar a reserva de solos destinados a espazos libres e zonas verdes, mediante o paseo fluvial a carón do Rego do Pousadoiro e a parcela para eventos ao aire libre en As Neves.

6.5. OBXECTIVO Nº 5: ACTUALIZACIÓN NORMATIVA GRÁFIC A E CORRECCIÓN DE ERROS

A quinta alteración do PXOM do Concello de A Capela ten como finalidade levar a cabo unha actualización gráfica dos planos de ordenación a escala 1:5.000, a través da incorporación dos ámbitos de solo rústico de especial protección de infraestruturas, dos novos elementos catalogados, das dotacións creadas así coma a corrección de erros.



No seguinte cadro recóllense, a modo de resume, o contido das alteracións, os obxectivos a acadar, os ámbitos afectados e as transformacións que provoca no PXOM a Modificación Puntual nº2 do Plan Xeral de Ordenación Municipal:

MODIFICACIÓN PUNTUAL Nº 2 DO PXOM DO CONCELLO DA CAPELA

CONTIDO DAS ALTERACIÓNS

ÁMBITOS AFECTADOS

OBXECTIVOS TRANSFORMACIÓNS NO PXOM

1 DELIMITACIÓN DE NÚCLEOS RURAIS

Bidueira-A Braña, Guillurfe, Os Picos, Augas Roibas, Pena Grande

Recoñecemento xurídico coma solo de núcleo rural ao abeiro do marco legal

Fomento da rehabilitación

Reclasificación de solo rústico de especial protección agropecuaria a solo de núcleo rural

Incorporación de ordenanzas reguladoras de solo de núcleo rural histórico tradicional e solo de núcleo rural común

2

RE

CLA

SIF

ICA

CIÓ

N D

E Á

MB

ITO

S D

E S

OLO

UR

BA

NIZ

AB

LE

NO

N D

ELI

MIT

AD

O

SURND 2-A Serra

SURND 3-Os Campos

Permitir o remate e consolidación dos tecidos existentes

Fomento da rehabilitación

Limitar a impermeabilización do solo

Axilización da xestión das determinacións do PXOM mediante a redución do número de figuras de planeamento de desenvolvemento

Recoñecemento de situacións de feito sobrevidas de circunstancias anteriores

Diminución da edificabilidade global

Evitar a presión non sustentable sobre medio e paisaxe

Reclasificación de solo urbanizable non delimitado a solo de núcleo rural (SURND 3-Os Campos)

Clasificación coma solo urbanizable ao abeiro da disposición transitoria decimoterceira da LOUG (SURND 2- A Serra)

Redefinición da ficha de solo urbanizable

DE

LIM

ITA

DO

SUD 4

SUD 5

SUD 6

Reclasificación de solo urbanizable SUD 5 e SUD 6 delimitado a solo urbano consolidado.

Redistribución da sección da travesía nos tramos da AC-564 correspondentes ao SUD 5 e SUD 6

Incorporación de ordenanza reguladora “RBU Residencial de borde urbano”

Reclasificación de solo urbanizable delimitado SUD 4 e parte do SUD 2 e SUD 3 a solo urbano non consolidado (SUNC 2)

Incorporación de ficha do PERI SUNC 2

Posibilitar o remate do núcleo urbano dunha forma ordenada

Diminución gradual da densidade de edificación nos bordes urbanos

Mellora da calidade espacial

Reaxuste de límites dos ámbitos contiguos SUD 2 e SUD 3

Redefición do sistema xeral viario nos sectores SUD 2 e SUD 3

Reaxuste das superficies e incorporación de novos criterios de desenvolvemento nos sectores SUD 2 e SUD 3

3 CORRECCIÓN DE ALIÑACIÓNS NO SOLO URBANO

Travesía da AC-564

Valorizar a trama interna de As Neves co mantemento da aliñación consolidada existente

Resolver o problema de edificación en situación fóra de ordenación

Incorporación das novas aliñacións nos planos de clasificación e xestión de solo urbano de As Neves

4 RESERVA DE SOLOS PARA ESPAZOS LIBRES E ZONAS VERDES

Paseo fluvial do Rego Pousadoiro

Parcela para eventos ao aire libre en As Neves

Mellora ambiental do contorno de As Neves

Creación de ámbitos dinamizadores do turismo e actividades socioeconómicas

Inclusión de determinacións de desenvolvemento para as novas zonas verdes

5 ACTUALIZACIÓN GRÁFICA E CORRECCIÓN DE ERROS

Sistema xeral de espazos libres e de equipamentos

Corrixir o erro detectado na representación gráfica do equipamento do Merendoiro de Os Picos nos planos do PXOM e incluir as novas dotacións

Incorporación dos ámbitos dotacionais na localización correcta nos planos de ordenación E:1/5000

Infraestruturas viarias, de servizos e de xeración de enerxía

Delimitación de perímetros de afección arredor das infraestruturas

Incorporación aos planos de ordenación E:1/5000 dos ámbitos de solo rústico de especial protección de infraestruturas

Elementos catalogados (MP1)

Actualización normativa do PXOM Inclusión dos contornos de protección dos elementos catalogados na Modificación Puntual nº1



7. PROCEDEMENTO DE TRAMITACIÓN DA MODIFICACIÓN PUNT UAL

Unha modificación puntual consiste nunha alteración do planeamento definida no artigo 93 da LOUG. Pola súa banda, o artigo 94 da LOUG “Modificación dos plans”, determina que:

1. Calquera modificación do plan urbanístico deberá fundamentarse en razóns de interese público debidamente xustificadas.

2. A aprobación inicial ou provisional dun plan xeral de ordenación municipal, ou da súa revisión, non impedirá que poidan formularse e aprobarse modificacións do devandito plan con anterioridade á aprobación definitiva da nova ordenación que se tramita.

3. Cando a modificación tendese a incrementar a intensidade do uso dunha zona, requirirase para aprobala a previsión das maiores dotacións públicas, de acordo cos estándares establecidos no apartado 2 do artigo 47º, debendo emprazarse as novas dotacións no mesmo distrito ou sector, segundo se trate de chan urbano ou urbanizable.

4. Se a modificación dos plans urbanísticos afectase a terreos cualificados como zonas verdes ou espazos libres públicos, a súa aprobación requirirá o previo informe favorable da Comisión Superior de Urbanismo de Galicia, que haberá de ser emitido no prazo de tres meses, a contar dende a entrada do expediente completo no rexistro da consellaría competente en materia de urbanismo e ordenación do territorio. Transcorrido o citado prazo sen que se emita informe, entenderase emitido en sentido desfavorable.A tramitación dunha modificación puntual vén regulada polo exposto no artigo 154 do Real Decreto 2159/1978, de 23 de Junio, por el que se aprueba el Reglamento de Planeamiento para el Desarrollo y Aplicación de la Ley sobre Régimen del Suelo y Ordenación Urbana, así coma nos artigos 93 e 94 da LOUG e no artigo 2.2. da Normativa Urbanística do PXOM, e está suxeita ás mesmas disposicións enunciadas para a tramitación e aprobación do PXOM. As modificacións que impliquen a reclasificación de chan precisarán obter o informe previo á aprobación inicial a que fai referencia o artigo 85.1 da LOUG.

As modificacións de calquera dos elementos dos plans, normas e ordenanzas suxéitanse ás mesmas disposicións enunciadas para a súa tramitación e aprobación, sen prexuízo do disposto no artigo 62 da LOUG.

O primeiro paso na tramitación da Modificación Puntual é a presentación do Documento de Inicio, que constitúe o avance ou anteproxecto base para que o órgano ambiental se pronuncie, nun prazo de dous meses desde que reciba a documentación completa, sobre a necesidade ou non de someter o proxecto ao proceso de Avaliación Ambiental Estratéxica.

Emitida a decisión por parte do órgano ambiental, o Concello procederá á redacción da Modificación Puntual, e antes da súa aprobación inicial, os servizos técnicos e xurídicos municipais haberán de emitir informe respecto á conformidade da modificación coa lexislación vixente e a calidade técnica da proposta, tras o cal o expediente completo será remitido á persoa titular da consellaría competente en materia de urbanismo e ordenación do territorio para o seu informe, que haberá de ser emitido no prazo de dous meses. Transcorrido este prazo sen que se tivese comunicado o informe solicitado, entenderase emitido con carácter favorable e poderá continuar a tramitación do plan.

Ademais, dado que a modificación do planeamento afecta ás estradas existentes no Concello, o Concello deberá remitir, con anterioridade á súa aprobación inicial, o correspondente documento ás administracións titulares das estradas afectadas para que emitan informe sobre este no prazo dun mes, con carácter vinculante.

O Concello procederá á aprobación inicial da Modificación Puntual e, a continuación, o documento de Modificación aprobado inicialmente con todos os documentos integrantes do expediente tramitado, incluídos o informe de sustentabilidade ambiental, no seu caso, de forma simultánea será sometido ás consultas previstas no documento de referencia e ao trámite de información pública durante un prazo de dous meses, mediante anuncio que se publicará no Diario Oficial de Galicia e en dous dos xornais de maior difusión na provincia. Durante este prazo, darase audiencia aos municipios limítrofes. Non será necesaria a notificación do trámite de información pública ás persoas propietarias de terreos afectados. Ao mesmo tempo que o trámite de información pública, a administración municipal deberá solicitar das administracións públicas competentes os informes sectoriais que resulten necesarios, que haberán de ser emitidos no prazo máximo dun mes, salvo que a lexislación sectorial sinale outro prazo.

O Concello, unha vez transcorrido o período de consultas e información pública, e con carácter previo á aprobación provisional ou á definitiva cando aquela non sexa preceptiva, enviará ao órgano ambiental a documentación completa do plan que tome en consideración o informe de sustentabilidade ambiental, as alegacións e os informes presentados no período de consultas, así como unha proposta de memoria ambiental de conformidade co disposto no artigo 12 da Lei 9/2006, do 28 de abril, sobre avaliación dos efectos de determinados plans e programas no medio. Deberá tamén enviar os informes sectoriais e un informe sobre o proceso de participación pública.



O órgano ambiental no prazo de dous meses dende a recepción da documentación completa elaborará a memoria ambiental ao obxecto de valorar a integración dos aspectos ambientais na proposta do plan, na que se analizarán o proceso de avaliación, o informe de sustentabilidade ambiental e a súa calidade, avaliarase o resultado das consultas realizadas e como foron tomadas en consideración e se analizará a previsión dos impactos significativos da aplicación do plan. A memoria ambiental conterá as determinacións finais que deban incorporarse á proposta do plan. Terá carácter preceptivo e terase en conta no plan antes da súa aprobación definitiva. Se tivese transcorrido o prazo para elaborar a memoria ambiental sen que tivera sido comunicado ao órgano promotor, entenderase aceptada a proposta de memoria ambiental enviada ao órgano ambiental e poderase continuar a tramitación do plan.

Cumpridos os trámites sinalados nos apartados precedentes, o pleno do Concello aprobará provisionalmente o contido da Modificación Puntual do PXOM coas modificacións que fosen pertinentes e someterallo, co expediente completo debidamente dilixenciado, ao órgano autonómico competente que deba outorgar a aprobación definitiva. A Consellaría, no prazo dun mes, examinará con carácter previo a integridade documental tanto da modificación do plan coma do expediente e das actuacións administrativas realizadas, e poderá requirir no seu caso a reparación das deficiencias observadas, fixando prazo para o efecto. Unha vez completado o expediente, o conselleiro deberá resolver de xeito motivado sobre a súa aprobación definitiva.

A modificación do planeamento entenderase aprobada definitivamente se transcorren tres meses desde a entrada do expediente completo no rexistro do órgano competente sen que este comunicase a resolución, sempre que a modificación do Plan Xeral de Ordenación conteña os documentos e as determinacións preceptivos.

Alén disto, dado que a Modificación Puntual nº2 afecta a solos clasificados na actualidade coma solo rústico, deberase observar o establecido no Artigo 95 da LOUG “Modificación dos plans en chan rústico ”. Deste xeito, a modificación:

-Non ten por obxecto a conversión ou inclusión directa de chan rústico na clase de chan urbano.

-Non cambia a clasificación de chan rústico en urbanizable.

-Non reclasifica chan rústico que sufrise os efectos dun incendio forestal a partir da entrada en vigor da LOUG ou nos cinco anos anteriores á mesma.

A reclasificación do solo rústico formulada pola MP2 ten por finalidade a transformación de solo rústico de especial protección agropecuaria en solo de núcleo rural no caso da alteración nº1 (delimitación dos núcleos de Bidueiro-A Braña, Augas Roibas, Guillurfe, Os Picos e Pena Grande) e a clasificación coma sistema xeral de espazos libres e zonas verdes aos ámbitos delimitados para paseo fluvial e parcela para eventos ao aire libre en As Neves, no caso da alteración nº4.

Por esta razón, (a reclasificación de chan rústico de especial protección) é de aplicación o 95.4 da LOUG, de xeito que a competencia para a aprobación definitiva corresponde ao Consello da Xunta de Galicia, previo informe favorable da Comisión Superior de Urbanismo de Galicia. O prazo para a aprobación definitiva será de seis meses, a contar desde a entrada do expediente completo no rexistro da consellería competente en materia de urbanismo e ordenación do territorio. Transcorrido devandito prazo sen resolución expresa, entenderase denegada a aprobación da modificación.

8. MARCO LEGAL

A presente modificación puntual do PXOM do Concello da Capela redáctase de conformidade coas determinacións vixentes na LOUG, así coma no disposto nas seguintes normas, leis e decretos de carácter estatal e autonómico, en materia de urbanismo, administración e lexislación sectorial:

LEXISLACIÓN XERAL EN MATERIA URBANÍSTICA DATA DE APROBACIÓN

Ley 8/2013 REHABILITACIÓN, REGENERACIÓN Y RENOVACIÓN URBANAS 26/06/2013

Lei 8/2012 VIVENDA DE GALICIA 29/06/2012

Decreto 244/2011 APROBA OS ESTATUTOS DO ORGANISMO AUTÓNOMO “INSTITUTO DE ESTUDOS DE TERRITORIO DE GALICIA”

29/12/2011

Real Decreto 1492/2011 APRUEBA EL REGLAMENTO DE VALORACIONES DE LA LEY DEL SUELO 24/10/2011

Instrución 1/2011 PARA A APLICACIÓN DA LEI 2/2010, DO 25 DE MARZO, DE MEDIDAS URXENTES DE MODIFICACIÓN DA LEI 9/2002, DO 30 DE DECEMBRO, DE ORDENACIÓN URBANÍSTICA E PROTECCIÓN DO MEDIO RURAL DE GALICIA,

12/04/2011

Instrución 2/2011 PARA A APLICACIÓN DA DISPOSICIÓN TRANSITORIA TERCEIRA DA LEI 2/2010, DO 25 DE MARZO, DE MEDIDAS URXENTES DE MODIFICACIÓN DA LEI 9/2002, DO 30 DE DECEMBRO, DE ORDENACIÓN URBANÍSTICA E PROTECCIÓN DO MEDIO RURAL DE GALICIA, SOBRE EDIFICACIÓNS SEN LICENZA

12/04/2011



LEXISLACIÓN XERAL EN MATERIA URBANÍSTICA DATA DE APROBACIÓN

Instrución 3/2011 PARA A APLICACIÓN DA DISPOSICIÓN TRANSITORIA DÉCIMO TERCEIRA DA LEI 9/2002, DO 30 DE DECEMBRO, NA REDACCIÓN DADA POLA LEI 2/2010, DO 25 DE MARZO

12/04/2011

Instrución 4/2011 SOBRE A METODOLOXÍA DE CÁLCULO DO GRAO DE CONSOLIDACIÓN EDIFICATORIA NA DELIMITACIÓN DO SOLO DE NÚCLEO RURAL, AO ABEIRO DO DISPOSTO NA LEI 2/2010, DO 25 DE MARZO, DE MEDIDAS URXENTES DE MODIFICACIÓN DA LEI 9/2002, DO 30 DE DECEMBRO

12/04/2011

Decreto 19/2011 APROBA DEFINITIVAMENTE AS DIRECTRICES DE ORDENACIÓN DO TERRITORIO 10/02/2011

Decreto 19/2011 APROBA DEFINITIVAMENTE O PLAN DE ORDENACIÓN DO LITORAL DE GALICIA 10/02/2011

Lei 15/2010 MEDIDAS FISCAIS E ADMINISTRATIVAS 28/12/2010

Lei 2/2010 DE MEDIDAS URXENTES DE MODIFICACIÓN DA LEI 9/2002, DO 30 DE DECEMBRO, DE ORDENACIÓN URBANÍSTICA E PROTECCIÓN DO MEDIO RURAL DE GALICIA

25/03/2010

Orde 15/09/2008 APROBA INICIALMENTE AS DIRECTRICES DE ORDENACIÓN DO TERRITORIO DE GALICIA 15/09/2008

Lei 7/2008 DE PROTECCIÓN DA PAISAXE DE GALICIA 07/07/2008

Real Decreto Legislativo 2/2008 TEXTO REFUNDIDO DE LA LEY DEL SUELO 20/06/2008

Lei 6/2008 MEDIDAS URXENTES EN MATERIA DE VIVENDA E SOLO, POLA QUE SE MODIFICA A LEI 9/2002, DO 30 DE DECEMBRO, DE ORDENACIÓN URBANÍSTICA E PROTECCIÓN DO MEDIO RURAL DE GALICIA

19/06/2008

Lei 6/2007 MEDIDAS URXENTES EN MATERIA DE ORDENACIÓN DO TERRITORIO E DO LITORAL DE GALICIA 11/05/2007

Lei 3/2007 PREVENCIÓN E DEFENSA CONTRA OS INCENDIOS FORESTAIS DE GALICIA 09/04/2007

Lei 2/2006 DEREITO CIVIL DE GALICIA 14/06/2006

Real Decreto 417/2006 DESARROLLA EL TEXTO REFUNDIDO DE LA LEY DEL CATASTRO INMOBILIARIO, APROBADO POR EL REAL DECRETO LEGISLATIVO 1/2004, DE 5 DE MARZO

07/04/2006

Lei 15/2004 DE MODIFICACIÓN DA LEI 9/2002, DE 30 DE DECEMBRO, DE ORDENACIÓN URBANÍSTICA E PROTECCIÓN DO MEDIO RURAL DE GALICIA

29/12/2004

Real Decreto Legislativo 1/2004 LEY DE CATASTRO INMOBILIARIO 05/03/2004

Lei 49/2003 DE ARRENDAMENTOS RÚSTICOS 26/11/2003

Lei 9/2002 DE ORDENACIÓN URBANÍSTICA E PROTECCIÓN DO MEDIO RURAL EN GALICIA 30/12/2002

Lei 12/2001 DE MODIFICACIÓN DA LEI DE CONCENTRACIÓN PARCELARIA DE GALICIA 10/09/2001

Lei 10/1995 DE ORDENACIÓN DO TERRITORIO DE GALICIA 13/11/1995

Ley 9/1994 DE ARRENDAMIENTOS URBANOS 24/11/1994

Orde 14/5/1991 NORMAS COMPLEMENTARIAS E SUBSIDIARIAS DO PLANEAMENTO DA CORUÑA, LUGO, OURENSE E PONTEVEDRA

14/05/1991

Real Decreto 3288/1978 REGLAMENTO DE GESTIÓN URBANÍSTICA PARA EL DESARROLLO Y APLICACIÓN DE LA LEY SOBRE REGIMEN DEL SUELO Y ORDENACIÓN URBANA

25/08/1978

Ley 16/12/1954 LEY DE EXPROPIACIÓN FORZOSA 16/12/1954

Ley 11CÓDIGO CIVIL 15/05/1888



LEXISLACIÓN SECTORIAL: PROTECCIÓN DO MEDIO DATA DE APROBACIÓN

Decreto 167/2011 MODIFICA O DECRETO 88/2007POLO QUE SE REGULA O CATÁLOGO GALEGO DE ESPECIES AMEAZADAS E SE ACTUALIZA O DITO CATÁLOGO

1/9/2011

Real Decreto 139/2011 DESARROLLA EL LISTADO DE ESPECIES SILVESTRES EN RÉGIMEN DE PROTECCIÓN ESPECIAL Y EL CATÁLOGO ESPAÑOL DE ESPECIES AMENAZADAS

24/2/2011

Real Decreto 100/2011 ACTUALIZA EL CATÁLOGO DE ACTIVIDADES POTENCIALMENTE CONTAMINADORAS DE LA ATMÓSFERA Y SE ESTABLECEN LAS DISPOSICIONES BÁSICAS PARA SU APLICACIÓN

28/01/2011

Real Decreto 2090/2008 APRUEBA EL REGLAMENTO DE DESARROLLO PARCIAL DE LA LEY 26/2007, DE 23 DE OCTUBRE, DE RESPONSABILIDAD MEDIOAMBIENTAL

22/12/2008

Lei 7/2008 PROTECCIÓN DA PAISAXE DE GALICIA 07/07/2008

Decreto 127/2008 DESENVOLVE O RÉXIME XURÍDICO DOS HUMIDAIS PROTEXIDOS E SE CREA O INVENTARIO DE HUMIDAIS DE GALICIA

05/06/2008

Ley 42/2007 DEL PATRIMONIO NATURAL Y DE LA BIODIVERSIDAD 13/12/2007

Ley 34/2007 DE LA CALIDAD DEL AIRE Y PROTECCIÓN DE LA ATMÓSFERA 15/11/2007

Ley 26/2007 DE RESPONSABILIDAD MEDIOAMBIENTAL 23/10/2007

Real Decreto 1367/2007 DESARROLLA LA LEY 37/2003, DE 17 DE NOVIEMBRE, DEL RUIDO, EN LO REFERENTE A ZONIFICACIÓN ACÚSTICA, OBJETIVOS DE CALIDAD Y EMISIONES ACÚSTICAS

19/10/2007

Decreto 88/2007 REGULA O CATÁLOGO GALEGO DE ESPECIES AMEAZADAS 29/5/2007

Lei 3/2007 PREVENCIÓN E DEFENSA CONTRA OS INCENDIOS FORESTAIS DE GALICIA 09/04/2007

Ley 5/2007 RED DE PARQUES NACIONALES 03/04/2007

Decreto 67/2007 REGULA O CATÁLOGO GALEGO DE ÁRBORES SENLLEIRAS 22/03/2007

Lei 5/2006 PROTECCIÓN, CONSERVACIÓN E MELLORA DOS RÍOS GALEGOS 30/06/2006

Decreto 74/2006 REGULA O CONSELLO GALEGO DE MEDIO AMBIENTE E DESENVOLVEMENTO SOSTIBLE 30/03/2006

Decreto 124/2005 REGULA A FIGURA DE ESPAZO NATURAL DE INTERESE LOCAL E A FIGURA DO ESPAZO PRIVADO DE INTERESE NATURAL

06/05/2005

Resolución 30/04/2004 PUBLICACIÓN DA CARTOGRAFÍA ONDE SE RECOLLEN OS LÍMITES DOS ESPAZOS NATURAIS DECLARADOS ZEPVN POLO DECRETO 72/2004, DO 2 DE ABRIL

30/04/2004

Decreto 72/2004 DECLARACIÓN DE DETERMINADOS ESPAZOS COMO ZONAS DE ESPECIAL PROTECCIÓN DOS VALORES NATURAIS (ZEPVN)

02/04/2004

Ley 16/2002 DE PREVENCIÓN Y CONTROL INTEGRADOS DE LA CONTAMINACIÓN, MODIFICADOS POR LA LEY 1/2005, POR LA QUE SE REGULA EL RÉGIMEN DE COMERCIO DE LOS DERECHOS DE EMISIÓN DE GASES DE EFECTO INVERNADERO

01/07/2002

Lei 9/2001 DE CONSERVACIÓN DA NATUREZA 21/08/2001

LEXISLACIÓN SECTORIAL: P ATRIMONIO DATA DE APROBACIÓN

Lei 5/2006 PROTECCIÓN, CONSERVACIÓN E MELLORA DOS RÍOS GALEGOS 30/06/2006

Decreto 199/1997 POLO QUE SE REGULA A ACTIVIDADE ARQUEOLÓXICA NA COMUNIDADE AUTÓNOMA DE GALICIA

10/07/1997

Lei 3/1996 DE PROTECCIÓN DOS CAMIÑOS DE SANTIAGO 10/05/1996

Ley 8/1995 DO PATRIMONIO CULTURAL DE GALICIA 30/08/1995

Ley 16/1985 DEL PATRIMONIO HISTÓRICO ESPAÑOL 25/06/1985

Decreto 449/1973 POR EL QUE SE COLOCAN BAJO PROTECCIÓN DEL ESTADO ESPAÑOL, LOS HÓRREOS O CABAZOS ANTIGUOS

22/02/1973

Decreto 571/1963 SOBRE PROTECCIÓN DE LOS ESCUDOS, EMBLEMAS, PIEDRAS HERÁLDICAS, ROLLOS DE JUSTICIA, CRUCES DE TERMINO Y PIEZAS SIMILARES DE INTERES HCO. -ARTÍSTICO

14/03/1963



LEXISLACIÓN SECTORIAL: ESTRADAS DATA DE APROBACIÓN

Lei 8/2013 DE ESTRADAS DE GALICIA 08/06/2013

Decreto 138/2008 REGULA A SINALIZACIÓN TURÍSTICA DE GALICIA 22/05/2008

Orden FOM/1740/2006 MODIFICA LA ORDEN DEL MINISTERIO DE FOMENTO DEL 16 DE DICIEMBRE DE 1997, POR LA QUE SE REGULAN LOS ACCESOS A LAS CARRETERAS DEL ESTADO, LAS VÍAS DE SERVICIO Y LA CONSTRUCCIÓN DE INSTALACIONES DE SERVICIO

24/05/2006

Orden FOM/392/2006 MODIFICACIÓN PARCIAL DE LA ORDEN DE 16 DE DICIEMBRE DE 1997, POR LA QUE SE REGULAN LOS ACCESOS A LAS CARRETERAS DEL ESTADO, LAS VÍAS DE SERVICIO Y LA CONSTRUCCIÓN DE INSTALACIONES DE SERVICIO

14/02/2006

Decreto 308/2003 RELACIÓN DE ESTRADAS DE TITULARIDADE DA COMUNIDADE AUTÓNOMA DE GALICIA 20/06/2003

Real Decreto 579/1999 MODIFICACION DEL REGLAMENTO GENERAL DE CARRETERAS 16/04/1999

Real Decreto 1191/1997 MODIFICACION DEL REGLAMENTO GENERAL DE CARRETERAS 19/12/1997

Orden 16/12/1997 POR LA QUE SE REGULAN LOS ACCESOS A LAS CARRETERAS DEL ESTADO, LAS VIAS DE SERVICIO Y LA CONSTRUCCION DE INSTALACIONES DE SERVICIOS

16/12/1997

Real Decreto 1812/1994 REGLAMENTO GENERAL DE CARRETERAS 02/09/1994

Ley 25/1988 DE CARRETERAS Y CAMINOS ESTATALES 29/07/1988

LEXISLACIÓN SECTORIAL: AUGAS DATA DE APROBACIÓN

Lei 9/2010 AUGAS DE GALICIA 04/11/2010

Orden ARM/2656/2008 APRUEBA LA INSTRUCCIÓN DE PLANIFICACIÓN HIDROLÓGICA 10/09/2008

Decreto 127/2008 DESENVOLVE O RÉXIME XURÍDICO DOS HUMIDAIS PROTEXIDOS E SE CREA O INVENTARIO DE HUMIDAIS DE GALICIA

05/06/2008

Real Decreto 1620/2007 ESTABLECE EL RÉGIMEN JURÍDICO DE LA REUTILIZACIÓN DE LAS AGUAS DEPURADAS

07/12/2007

Real Decreto 1620/2007 GESTIÓN DE LA CALIDAD DE LAS AGUAS DE BAÑO 11/10/2007

Real Decreto 1620/2007 APRUEBA EL REGLAMENTO DE LA PLANIFICACIÓN HIDROLÓGICA 06/07/2007

Real Decreto Ley 7/2007 MODIFICA EL TEXTO REFUNDIDO DE LA LEY DE AGUAS, APROBADO POR EL REAL DECRETO LEGISLATIVO 1/2001, DE 20 DE JULIO

13/04/2007

Lei 5/2006 PARA LA PROTECCIÓN, LA CONSERVACIÓN Y LA MEJORA DE LOS RÍOS GALLEGOS 18/7/2006

Ley 16/2002 DE PREVENCIÓN Y CONTROL INTEGRADOS DE LA CONTAMINACIÓN 01/07/2002

Real Decreto Legislativo 1/2001 APRUEBA EL TEXTO REFUNDIDO DE LA LEY DE AGUAS 20/07/2001

Directiva 2000/60/CE ESTABECEMENTO DO MARCO COMUNITARIO DE ACTUACIÓN NO ÁMBITO DA POLÍTICA DE AUGAS. (DIRECTIVA MARCO DE AUGAS)

23/10/2000

Decreto 125/96 APROBACION DOS ESTATUTOS DA EMPRESA PÚBLICA DE OBRAS E SERVIZOS HIDRÁULICOS

07/03/1996

Decreto 108/1996 APROBACION DO REGULAMENTO DO ORGANISMO AUTÓNOMO AUGAS DE GALICIA 29/02/1996

Lei 8/1993 REGULADORA DA ADMINISTRACIÓN HIDRÁULICA DE GALICIA 23/06/1993

Real Decreto 849/1986 APROBACIÓN DO REGULAMENTO DO DOMINIO PÚBLICO HIDRÁULICO QUE DESENVOLVE A LEI DE AUGAS

11/04/1986

LEXISLACIÓN SECTORIAL: A VALIACIÓN AMBIENTAL DATA DE APROBACIÓN

Ley 21/2013 DE EVALUACIÓN AMBIENTAL 09/12/2013

Ley 6/2010 MODIFICA EL TEXTO REFUNDIDO DE LA LEY DE EVALUACIÓN DE IMPACTO AMBIENTAL DE PROYECTOS, APROBADO POR EL REAL DECRETO LEGISLATIVO 1/2008, DE 11 DE ENERO

24/03/2010

Decreto 133/2008 REGULA A AVALIACIÓN DE INCIDENCIA AMBIENTAL 12/06/2008



Real Decreto Legislativo 1/2008 APRUEBA EL TEXTO REFUNDIDO DE LA LEY DE EVALUACIÓN DE IMPACTO AMBIENTAL DE PROYECTOS

11/01/2008

Artículo 127 da Ley 62/2003 DE MEDIDAS FISCAIS, ADMINISTRATIVAS E DO ORDEN SOCIAL 30/12/2003

Directiva 2003/4/CE RELATIVA AO ACCESO AO PÚBLICO DA INFORMACIÓN MEDIOAMBIENTAL E POLA QUE SE DEROGA A DIRECTIVA 90/313/CEE DO CONSELLO

28/01/2003

Directiva 2001/42/CE RELATIVA Á AVALIACIÓN DOS EFECTOS DE DETERMINADOS PROGRAMAS E PLANS NO MEDIO AMBIENTE

27/06/2001

Ley 6/2001 DE MODIFICACIÓN DEL REAL DECRETO LEGISLATIVO 1302/1986, DE 28 DE JUNIO, DE EVALUACIÓN DE IMPACTO AMBIENTAL

08/05/2001

Real Decreto Ley 9/2000 DE MODIFICACIÓN DEL REAL DECRETO LEGISLATIVO 1302/1986, DE 28 DE JUNIO, DE EVALUACIÓN DE IMPACTO AMBIENTAL

06/10/2000

Directiva 97/11/CE POLA QUE SE MODIFICA A DIRECTIVA CEE 85/337 RELATIVA Á AVALIACIÓN DAS REPERCUSIÓNS DE DETERMINADOS PROXECTOS PÚBLICOS E PRIVADOS SOBRE O MEDIO AMBIENTE

03/03/1997

Decreto 455/1996 DE FIANZAS EN MATERIA AMBIENTAL 07/11/1996

Directiva 96/61/CE RELATIVA Á PREVENCIÓN E O CONTROL INTEGRADOS DA CONTAMINACIÓN 24/09/1996

Lei 2/1995 POLA QUE SE DA NOVA REDACCIÓN Á DISPOSIÓN DEROGATORIA ÚNICA DA LEI 1/1995, DE PROTECCIÓN AMBIENTAL DE GALICIA

31/03/1995

Lei 1/1995 DE PROTECCIÓN AMBIENTAL DE GALICIA 02/01/1995

Decreto 327/1991 DE AVALIACIÓN DE EFECTOS AMBIENTAIS PARA GALICIA 15/10/1991

Decreto 442/1990 DE AVALIACIÓN DO IMPACTO AMBIENTAL PARA GALICIA 25/09/1990

Real Decreto 1131/1988 POR EL QUE SE APRUEBA EL REGLAMENTO PARA LA EJECUCIÓN DEL REAL DECRETO LEGISLATIVO 1302/1986, DE 28 DE JUNIO, DE EVALUACIÓN DE IMPACTO AMBIENTAL

30/09/1988

Real Decreto Legislativo 1302/1986 REAL DECRETO LEGISLATIVO 1302/1986, DE 28 DE JUNIO, DE EVALUACIÓN DE IMPACTO AMBIENTAL

28/06/1986

Directiva 85/337/CEE RELATIVA Á AVALIACIÓN DOS EFECTOS DE DETERMINADOS PROXECTOS PÚBLICOS E PRIVADOS SOBRE O MEDIO AMBIENTE

27/06/1985

LEXISLACIÓN SECTORIAL: MONTES E MEDIO RURAL DATA DE APROBACIÓN

Decreto 52/2014 REGULA AS INSTRUCIÓNS XERAIS DE ORDENACIÓN E XESTIÓN DE MONTES DE GALICIA 16/04/2014

Lei 7/2012 MONTES DE GALICIA 28/06/2012

Lei 12/2008 MODIFICA LEI 7/1996 E A LEI 5/2000 DE MEDIDAS FISCAIS E DE RÉXIME ORZAMENTARIO E ADMINISTRATIVO, E SE RACIONALIZAN OS INSTRUMENTOS DE XESTIÓN COMARCAL E DE DESENVOLVEMENTO RURAL

6/1/2009

Orde do 18 de abril do 2007 POLA QUE SE ZONIFICA O TERRITORIO CON BASE NO RISCO ESPACIAL DE INCENDIO FORESTAL

25/4/2007

Lei 3/2007 DE PREVENCIÓN E DEFENSA CONTRA OS INCENDIOS FORESTAIS DE GALICIA 18/4/2007

Orde do 28 de setembro de 2004 POLA QUE SE REGULAN OS APROVEITAMENTOS MADEIREIROS E LEÑOSOS, EN APLICACIÓN DA LEI 43/2003, DO 21 DE NOVEMBRO, DE MONTES

7/10/2005

Orde do 1 de agosto de 2003 POLA QUE SE DEFINE A EXPLOTACIÓN AGROPECUARIA FAMILIAR E TRADICIONAL PARA OS EFECTOS DO INDICADO NA LEI 9/2002, DO 30 DE DECEMBRO, DE ORDENACIÓN URBANÍSTICA E PROTECCIÓN DO MEDIO RURAL DE GALICIA

6/8/2003

Lei 12/2001 MODIFICA A LEI 10/1985 DE CONCENTRACIÓN PARCELARIA PARA GALICIA 30/10/2001

Lei 7/1996 DE DESENVOLVEMENTO COMARCAL 22/8/1996

Lei 10/1985 DE CONCENTRACIÓN PARCELARIA DE GALICIA 14/8/1985



LEXISLACIÓN SECTORIAL: EDIFICACIÓN E REHABILITACIÓN DATA DE APROBACIÓN

Real Decreto 233/2013 REGULA EL PLAN ESTATAL DE FOMENTO DEL ALQUILER DE VIVIENDAS, LA REHABILITACIÓN EDIFICATORIA Y LA REGENERACIÓN Y RENOVACIÓN URBANAS, 2013-2016

05/04/2013

Real Decreto Ley 8/2011 MEDIDAS DE APOYO A LOS DEUDORES HIPOTECARIOS, DE CONTROL DEL GASTO PÚBLICO Y CANCELACIÓN DE DEUDAS CON EMPRESAS Y AUTÓNOMOS CONTRAÍDAS POR LAS ENTIDADES LOCALES, DE FOMENTO DE LA ACTIVIDAD EMPRESARIAL E IMPULSO DE LA REHABILITACIÓN Y DE LA SIMPLIFICACIÓN ADMINISTRATIVA

01/07/2011

Ley 2/2011 ECONOMÍA SOSTENIBLE 04/03/2011

Decreto 29/2010 NORMAS DE HABITABILIDADE DE VIVENDAS DE GALICIA 04/03/2010

Real Decreto 314/2006 CÓDIGO TÉCNICO DE LA EDIFICACIÓN 17/03/2006

Decreto 191/2004 DE ESTABLECIMIENTOS DE TURISMO RURAL EN LA COMUNIDAD AUTÓNOMA DE GALICIA

29/07/2004

Decreto 267/1999 DE ORDENACIÓN DE LOS ESTABLECIMIENTOS HOTELEROS EN LA COMUNIDAD AUTÓNOMA DE GALICIA

30/09/1999

9. DESCRICIÓN DAS ALTERACIÓNS DE PLANEAMENTO PROPOS TAS

Nos seguintes apartados realízase a exposición pormenorizada de cada unha das alteracións de planeamento que ten como obxectivo incorporar a Modificación Puntual nº 2 do PXOM. No tocante ao contido das mesmas, son de aplicación as determinacións establecidas na LOUG consolidada relativas ás modificacións dos plans, á clasificación de solo urbano, solo de núcleo rural, solo urbanizable e solo rústico, ao réxime das distintas clases e categorías de solo, ás condicións de uso, ás condicións de edificación, así coma aos límites de sostibilidade, á calidade de vida e cohesión social. Da aplicación deste conxunto de determinacións resulta o réxime urbanístico que se expón para cada unha das alteracións que constitúen a Modificación Puntual nº2.

Núcleos rurais Solos urbanizables non delimitados

Solos urbanizables delimitados

Solo urbano

1- Bidueiro-A Braña

2- Guillurfe

3- Augas Roibas

4- Pena Grande

5- Os Picos

6- S UR ND 2 A Serra

7- S UR ND 3 Os Campos

8- SUD 4

9- SUD 5

10- SUD 6

11- As Neves

Imaxe 06 – Localización de ámbitos obxecto de alteración do planeamento mediante a MP2



Para cada unha das alteracións de planeamento exponse de xeito detallado o obxectivo da mesma, descríbense as condicións dos ámbitos e a súa contorna, as determinacións do PXOM que se considera que deben ser modificadas e, finalmente, defínense as propostas.

Por outra banda, o estudo pormenorizado de cada ámbito recóllese no Documento 02 -INFORMACIÓN URBANÍSTICA, ESTUDO DO MEDIO RURAL E ANÁLISE DO MODELO DE ASENTAMENTO. DESCRICIÓN DOS ÁMBITOS OXECTO DE INTERVENCIÓN, levándose a cabo unha metodoloxía de traballo que combina o traballo de campo coa análise das diversas fontes de información (fontes históricas, catastro, datos socioeconómicos e estatísticos, distribución dos usos do solo, existencia de elementos protexidos ou con valores culturais relevantes, trazado de infraestruturas e redes de servizos -afeccións xeradas polas liñas de alta tensión ou polo gasoduto Mugardos - As Pontes – Guitiriz-…) coa finalidade de fundamentar as novas determinacións en base a criterios de sustentabilidade, clasificando os espazos segundo a súa capacidade.

10. ALTERACIÓN Nº1: DELIMITACIÓN DE NÚCLEOS RURAIS DE BIDUEIRO-A BRAÑA, GUILLURFE, AUGAS ROIBAS, PENA GRANDE E OS PICOS

O obxectivo da alteración nº 1 é a delimitación dos asentamentos de Bidueiro-A Braña, Guillurfe, Augas Roibas, Pena Grande e Os Picos axustada ao espazo que cumpre as condicións de núcleo de acordo cos criterios establecidos pola Lei 2/2010 e segundo o modelo de asentamento poboacional.

O recoñecemento xurídico no réxime de solo de núcleo rural destes asentamentos nos que se están a percibir dinámicas poboacionais e residenciais non regresivas permite sentar as bases para mellorar a calidade de vida nestes ámbitos, evitando o seu futuro abandono. Con este obxectivo, as delimitacións propostas atenden á capacidade de acollida da demanda previsible de usos residenciais, en función das súas características morfolóxicas, da tipoloxía das edificacións e da vinculación coa explotación racional dos usos do solo, potenciando a estruturación do viario, impedindo crecementos lineais e fomentando o enchido dos baleiros. É por isto que se leva a cabo unha revisión do número e localización das edificacións tradicionais, do parcelario e as actividades desenvolvidas en cada núcleo co fin de determinar de forma precisa os tecidos.

O ámbito de actuación son os núcleos rurais de Bidueiro-A Braña, Guillurfe, Augas Roibas, Pena Grande e Os Picos, non incluídos como tales no PXOM do Concello de A Capela, afectando en todos os casos á categoría de solo rústico de especial protección agropecuaria. Entre os cinco asentamentos suman un total de 21 vivendas e de 51 habitantes (Padrón 2013), o 3,75% da poboación total do Concello.

PARROQUIA NÚCLEO Nº DE HABITANTES Nº DE VIVENDAS

1950 1981 2001 2011

CAAVEIRO O BIDUEIRO-A BRAÑA 21 7 14 6 3

CABALAR GUILLURFE 14 5 5 8 3

CAPELA

AUGAS ROIBAS 13 12 8 4 3

PENA GRANDE - 5 6 9 4

OS PICOS - 7 19 22 7

TOTAL 48 36 52 49 21

Catro dos cinco asentamentos obxecto de análise atópanse no rango de poboación de menos de 10 habitantes, o que acontece nun 60% dos núcleos do Concello. Estas aldeas tamén presentan un número de vivendas na media da maioría - entre 3 e 5 vivendas-. Só Os Picos destaca sobre o resto, probablemente por ser máis recente e localizarse próximo ao centro urbano de As Neves. En termos de evolución da poboación, a suma total de habitantes dos cinco asentamentos non variou sensiblemente entre o ano 1951 e o ano 2011, se ben se aprecia un descenso no ano 1981, probablemente debido á emigración, para volver a remontar entre os anos 1981 e 2011.

Analizados os datos para cada núcleo, si se detectan cambios substanciais, pois mentres os de recente creación (Pena Grande e Os Picos) tenden a medrar, os tradicionais estarían a perder poboación, mais non por abandono das vivendas –como si sucedeu noutras aldeas do Concello, que ficaron deshabitadas- senón porque probablemente se trataba de familias numerosas das que boa parte dos compoñentes se trasladou a vivir a outros lugares. Efectivamente, no traballo de campo detectouse que as vivendas destes núcleos se atopan habitadas e en bo estado.



10.1. DETERMINACIÓNS DO PXOM PARA A DELIMITACIÓN D E NÚCLEOS

A delimitación dos núcleos no PXOM foi realizada segundo as determinacións do Artigo 13º ”Solo de núcleo rural” da Lei 9/2002, de 30 de decembro, de ordenación urbanística e protección do medio rural de Galicia:

1. Constitúen o solo de núcleo rural os terreos que serven de soporte a un asentamento de poboación singularizado en función das súas características morfolóxicas, tipoloxía tradicional das edificacións, vinculación coa explotación racional dos recursos naturais ou de circunstancias doutra índole que manifesten a imbricación racional do núcleo co medio físico onde se sitúa e que figuren diferenciados administrativamente nos censos e padróns oficiais, así como as áreas de expansión ou crecemento destes asentamentos.

2. O planeamento urbanístico deberá realizar unha análise detallada da formación e evolución dos asentamentos, das súas peculiaridades urbanísticas, morfolóxicas, do seu grao de consolidación pola edificación e das súas expectativas de desenvolvemento, así como das tipoloxías edificatorias, forma dos ocos e das cubertas, e características dos materiais, cores e formas construtivas empregadas nas edificacións e construcións tradicionais de cada asentamento.

3. O planeamento delimitará o ámbito dos núcleos rurais atendendo a proximidade das edificacións, os lazos de relación e coherencia entre lugares dun mesmo asentamento con topónimo diferenciado, a morfoloxía e tipoloxías propias dos ditos asentamentos e da área xeográfica en que se atopan (casal, lugar, aldea, rueiro ou outro), de modo que o ámbito delimitado presente unha consolidación pola edificación de, como mínimo, o 50 %, de acordo coa ordenación proposta e trazando unha liña perimetral que encerre as edificacións tradicionais do asentamento seguindo o parcelario e as pegadas físicas existentes (camiños, ríos, regatos, cómaros e outros) e, como máximo, a 50 metros das ditas edificacións tradicionais. Igualmente delimitará a área de expansión dos ditos núcleos, de acordo cos criterios de crecemento que o planeamento urbanístico prevexa. A dita área estará comprendida polos terreos delimitados por unha liña poligonal paralela á de circunscrición do núcleo existente e como máximo a 200 metros lineais dela sen que, en ningún caso, poida afectar a solo rústico especialmente protexido.

Na actualidade, atópanse delimitados polo PXOM 58 núcleos rurais, dun total de 90 asentamentos de poboación. Segundo se expón na memoria xustificativa do PXOM, a delimitación realízase diferenciando o núcleo tradicional e a área de expansión, a cal se prevé para acoller o crecemento que se poida producir, co obxectivo de orientar as novas construcións residenciais cara esa zona. A estratexia ao respecto do crecemento dos núcleos baséase nun criterio de igualdade de oportunidades para cada un deles, pois todos agás un –O Pousadoiro- contan cunha área de expansión.

Ao abeiro do anterior, na comparanza entre os asentamentos que se pretenden delimitar con outros núcleos delimitados polo PXOM, non se aprecian diferenzas substanciais que indiquen que aqueles non reúnan as características necesaria para ser recoñecidos xuridicamente no réxime de solo de núcleo rural. Por outra banda, atendendo á información recollida no PXOM, o Estudo do Medio Rural inclúe o aumento poboacional que experimentaron entre os anos 1981-2001, o que evidencia que non se atopaban abandonados. Na Memoria Xustificativa tampouco se expoñen razóns en contra que indiquen que os ámbitos sinalados non deban ser delimitados.

NÚCLEO NÚCLEOS DE CARACTERÍSTICAS SIMILARES*

O BIDUEIRO-A BRAÑA O AMENEIRO, PAIZÁS

GUILLURFE A CASTIÑEIRA, O COTO, O MACHUCO, O POUSO

AUGAS ROIBAS ARNOSO, GUITIRIZ

PENA GRANDE BERTOÑA, O COTO

OS PICOS XASEN DE BAIXO

*Delimitados na mesma parroquia, en termos de poboación, evolución da poboación, número de vivendas

10.2. RECLASIFICACIÓN DO SOLO RÚSTICO

Os núcleos a delimitar atópanse en terreos clasificados coma solo rústico de especial protección agropecuaria. O artigo 37 da LOUG define esta categoría de solo rústico como aquel que “está constituído polos terreos de alta produtividade agrícola ou gandeira, posta de manifesto pola existencia de explotacións que a avalen ou polas propias características ou potencialidade dos terreos ou das zonas onde se enclaven, así como polos terreos obxecto de concentración parcelaria a partir da entrada en vigor da Lei 9/2002 e polos terreos concentrados con resolución firme producida nos dez anos anteriores a esta data, agás que deban ser incluídos na categoría de solo rústico de protección forestal”. En A



Capela é a categoría de solo que máis superficie ocupa despois do solo rústico de especial protección de espazos naturais, abarcando un 27% do total do Concello, e coincide con toda a parte central do municipio -terreos situados no val do río Belelle e a súa zona de drenaxe-, pola súa capacidade produtiva, características topográficas e edafolóxicas. O artigo 95 da LOUG establece as condicións para a conversión do solo rústico:

Artigo 95. Modificación dos plans en solo rústico

1. Prohíbese toda modificación do plan urbanístico que leve consigo a conversión ou inclusión directa de chan rústico na clase de chan urbano.

2. Só será admisible o cambio de clasificación do chan rústico en urbanizable cando se xustifique de modo fidedigno e manifesto a perda dos valores rurais, tradicionais, paisaxísticos, etnográficos, culturais e, en xeral, as razóns determinantes da súa inclusión no chan rústico. Neste caso, será necesario obter o previo informe favorable da Comisión Superior de Urbanismo de Galicia, que haberá de ser emitido no prazo de tres meses, a contar dende a entrada do expediente completo no rexistro da consellería competente en materia de urbanismo e ordenación do territorio. Transcorrido o citado prazo sen que se emita informe, entenderase emitido en sentido desfavorable.

3. Non se poderá clasificar ou reclasificar como chan urbanizable o chan rústico que tivese sufrido os efectos dun incendio forestal a partir da entrada en vigor da presente lei ou nos cinco anos anteriores a esta, salvo autorización expresa do Consello da Xunta de Galicia e na forma que regulamentariamente se determine.

4. A competencia para a aprobación definitiva das modificacións do plan cuxo obxecto sexa a reclasificación de chan rústico de especial protección corresponde ao Consello da Xunta de Galicia, logo de informe favorable da Comisión Superior de Urbanismo de Galicia. O prazo para a aprobación definitiva será de seis meses, a contar dende a entrada do expediente completo no rexistro da consellería competente en materia de urbanismo e ordenación do territorio. Transcorrido o devandito prazo sen resolución expresa, entenderase denegada a aprobación da modificación.

A alteración do planeamento que se pretende levar a cabo non contravén o disposto no devandito artigo, posto que non leva consigo a conversión do solo rústico na clase de solo urbano nin na clase de solo urbanizable, senón que consiste no recoñecemento legal coma solo de núcleo rural de asentamentos poboacionais xa existentes, con topónimos recollidos no Nomenclátor e presentes nos Censos e Padróns oficiais. Por outra banda, nos ámbitos a delimitar destes asentamentos existe un certo grao de urbanización, e boa parte da edificación residencial que se atopa neles non presenta vinculación cos usos agrograndeiros, polo que os terreos perderon o seu potencial valor agrario, non reunindo, por tanto, todas condicións esixidas para a súa clasificación na categoría de solo rústico de especial protección agropecuaria.

10.3. METODOLOXÍA DA LEI 2/2010 PARA A DELIMITACIÓ N DE NÚCLEOS RURAIS

Na actualidade, o réxime de aplicación aos núcleos rurais do Concello de A Capela é o disposto no apartado e) da disposición transitoria primeira da Lei 2/2010:

“Ao solo incluído no ámbito dos núcleos rurais tradicionais delimitados ao abeiro da Lei 11/1985, de adaptación do solo de Galicia, na delimitación dun núcleo rural segundo a Lei 1/1997 do solo de Galicia ou na da súa área de influencia, ou na de expansión delimitada ao abeiro da Lei 9/2002, do 30 de decembro, aplicaráselle o seguinte réxime:

Aos terreos incluídos na delimitación do núcleo rural, ou na da súa área de influencia, ou na de expansión, que presenten un grao de consolidación pola edificación inferior ao 50% da súa superficie, aplicaráselles o réxime establecido nesta lei para o núcleo rural común, polo que haberá que aterse ás determinacións contidas no planeamento vixente respectivo, coas seguintes especificacións que, en todo caso, deberán respectar as maiores limitacións establecidas no planeamento respectivo:

- Parcela mínima: 500 m².

- Altura máxima: B+1+Bc.

- Ocupación máxima: 40%.

Aos terreos incluídos na delimitación do núcleo rural, ou na da súa área de influencia, ou na de expansión, que presenten un grao de consolidación pola edificación superior ao 50% da súa superficie, aplicaráselles o réxime establecido por esta lei para o núcleo rural común, polo que haberá que aterse ás determinacións contidas no planeamento vixente respectivo, coas seguintes especificacións, que, en todo caso, deberán respectar as maiores limitacións establecidas no planeamento respectivo:

- Parcela mínima: 300 m².



- Altura máxima: B+1+Bc.

- Ocupación máxima: 50%.

Aos terreos delimitados como solo de núcleo rural de conformidade co previsto no artigo 13º.2 da Lei 9/2002, do 30 de decembro, na súa redacción anterior a esta lei, situados dentro da circunscrición do núcleo existente, aplicaráselles o réxime previsto no artigo 29º.1 desta lei (Condicións de edificación).

A través do procedemento de modificación do planeamento xeral, poderase delimitar ou revisar a delimitación e ordenación individualizada dos núcleos rurais existentes, segundo os criterios establecidos polos artigos 13º e 25º desta lei.

Excepcionalmente, en supostos debidamente xustificados e logo de informe preceptivo da Comisión Superior de Urbanismo de Galicia, o plan xeral modificado ou revisado poderá temperar a esixencia de consolidación requirida polo artigo 13º.3.b) e c) desta lei.”

Consonte o disposto na devandita disposición transitoria, mediante a presente modificación puntual lévase a cabo a delimitación e ordenación normativa dos núcleos rurais de Bidueiro-A Braña, Guillurfe, Augas Roibas, Pena grande e Os Picos ao abeiro do establecido nos artigos 13 e 25 da Lei 2/2010, do 25 de Marzo, de medidas urxentes de modificación da Lei 9/2002, do 30 de decembro, de Ordenación Urbanística e Protección do Medio Rural de Galicia.

Artigo 13. Solo de núcleo rural

“O solo de núcleo rural está constituído polos asentamentos tradicionais de poboación singularizados, identificables e diferenciados administrativamente nos censos e padróns oficiais, definidos e delimitados como tales polo planeamento en congruencia co modelo de asentamento poboacional e o estudo do medio rural tendo en conta, entre outros, os seguintes parámetros:

-A súa inclusión como tal ou na da súa área de influencia en plans anteriores.

-O número de edificacións, a densidade de vivendas e o grao de consolidación pola edificación.

-No seu caso, a tipoloxía histórico – tradicional da súa armazón e das edificacións existentes nel.

1. Constitúen o solo de núcleo rural as áreas do territorio que serven de soporte a un asentamento tradicional de poboación singularizado, identificable e diferenciado administrativamente nos censos e padróns oficiais, que o plan xeral defina e delimite como tales tendo en conta, polo menos, a súa inclusión como tal ou na da súa área de influencia en plans anteriores, o número de edificacións, a densidade de vivendas, o seu grao de consolidación pola edificación e, de ser o caso, a tipoloxía histórico-tradicional da súa armazón e das edificacións existentes nel.

2. Os plans xerais, en congruencia co modelo de asentamento poboacional que incorporen no estudo do medio rural, delimitarán o ámbito dos núcleos rurais do seu termo municipal en atención aos parámetros anteriores; significadamente, os antecedentes existentes de delimitacións anteriores, as súas peculiaridades urbanísticas e morfolóxicas e a súa capacidade de acollida da demanda previsible do uso residencial no medio rural. A definición do seu perímetro realizarase en función das condicións topográficas e da estrutura da propiedade e do seu nivel de integración nas dotacións e servizos existentes nel nos termos previstos nos artigos 24º e 172º.1 desta lei, e axustaranse ás infraestruturas e pegadas físicas dos elementos naturais existentes, sendo necesario, se é o caso, prever a total urbanización e suficiencia das redes de dotacións, comunicacións e servizos.

3. A delimitación dos núcleos rurais que o plan xeral estableza virá referida a algún ou algúns dos seguintes tipos básicos:

a) Núcleo rural histórico-tradicional, caracterizado como tal en función das súas características morfolóxicas, da tipoloxía tradicional das edificacións, da vinculación coa explotación racional dos recursos naturais ou de circunstancias doutra índole que manifesten a imbricación tradicional do núcleo co medio físico no que se sitúa. A súa delimitación realizarase en atención á proximidade das edificacións, aos lazos de relación e coherencia entre lugares dun mesmo asentamento con topónimo diferenciado e á morfoloxía e ás tipoloxías propias dos devanditos asentamentos e da área xeográfica na que se atopan (casal, lugar, aldea, rueiro ou outro), de modo que o ámbito delimitado presente unha consolidación pola edificación de, polo menos, o 50%, de acordo coa ordenación proposta e trazando unha liña perimetral que encerre as edificacións tradicionais do asentamento seguindo o parcelario e as pegadas físicas existentes (camiños, ríos, regatos, cómaros e outros) e, como máximo, a 50 metros das devanditas edificacións tradicionais.

b) Núcleo rural común, incluiranse neste tipo aqueles asentamentos de poboación recoñecibles como solo de núcleo rural pero que non presentan as características necesarias para a súa inclusión no tipo básico anterior. A súa delimitación deberá de facerse en función das previsións de crecemento que o plan xeral



estableza para o núcleo e tendo en conta que o ámbito delimitado deberá presentar un grao de consolidación pola edificación, de acordo coa ordenación urbanística que para el se prevexa no plan, igual ou superior a un terzo da súa superficie.

c) Núcleo rural complexo, incluiranse neste tipo aqueles asentamentos de poboación caracterizados por ser resultado da concorrencia e compatibilidade no seo dun mesmo asentamento rural dos dous tipos básicos precedentes; nese caso será obrigatorio diferenciar o correspondente ao tipo a) mediante a súa correspondente delimitación efectuada segundo as previsións contidas na alínea 3.a) deste artigo.

Artigo 25. Usos do solo

O planeamento urbanístico definirá os usos e as condicións de edificación admisibles nos ámbitos delimitados como núcleos rurais de poboación con supeditación ás determinacións contidas nesta lei.

O uso característico das edificacións nos núcleos rurais será o residencial. Consideraranse sempre como usos complementarios aqueles que garden relación directa cos tradicionalmente ligados ao asentamento rural de que se trate ou que lles dean resposta ás necesidades da poboación residente neles.

Sen prexuízo das maiores limitacións que o planeamento urbanístico estableza en función do estudo pormenorizado de cada núcleo, o dito planeamento poderá permitir como usos compatibles os terciarios, os produtivos, os turísticos, os pequenos talleres e as novas tecnoloxías da información, así como os dotacionais, asistenciais e vinculados con servizos públicos.

Pola súa banda, para o cálculo do grado de consolidación, aplicase a metodoloxía contida na Instrución 4/2011, do 12 de abril, sobre a metodoloxía de cálculo do grao de consolidación edificatoria na delimitación do solo de núcleo rural, ao abeiro do disposto na Lei 2/2010, do 25 de marzo, de medidas urxentes de modificación da Lei 9/2002, do 30 de decembro, de ordenación urbanística e protección do medio rural de Galicia. Nos parágrafos seguintes inclúense as definicións dos termos utilizados:

-Grado de consolidación : é a relación entre o número de parcelas edificadas e o número de parcelas edificables, expresada en porcentaxe, para cada ámbito concreto delimitado de núcleo rural.

Grao de consolidación (%) = (nº de parcelas edificadas/nº de parcelas edificables) x 100

-Superficie bruta total do ámbito : é a superficie total delimitada de cada tipo de núcleo, incluíndo o viario e as dotacións, medida sobre a cartografía do PXOM.

-Parcela existente : é aquela recollida no parcelario da cartografía oficial do Catastro.

-Parcela edificada : é a parcela na que existe unha edificación destinada ao uso previsto no PXOM. Non computan como edificadas as parcelas que non teñen consideración de edificación segundo a LOE.

-Parcela edificable : é aquela que, non estando destinada ou prevista a viario ou dotación urbanística, reúne as condicións mínimas para ser edificada segundo a ordenación proposta polo PXOM, coa previsión das posibles operacións de parcelamento. O seu número obtense para o ámbito de cada ordenanza concreta de solo de núcleo rural. Para o seu cálculo, prevense as operacións de segregación posibles aplicables ao parcelario existente coas súas edificacións.

-Superficie mínima edificable : a establecida para cada ordenanza.

En base aos anteriores condicionantes lévanse a cabo as novas delimitacións mediante o método gráfico, que consiste en proxectar sobre o parcelario existente no lugar as posibilidades de parcelación en función dos parámetros urbanísticos establecidos polo planeamento, obténdose deste xeito as posibles parcelas edificables permitidas pola ordenación proposta. O trazado segue, na medida do posible, o parcelario e as pegadas físicas marcadas por elementos físicos do territorio coma estradas, camiños e cursos de auga. Cando a delimitación sobre o parcelario implica un excesivo fondo ou un tamaño de parcela moi grande, redúcese coa finalidade de non acadar fondos maiores de 50 m. Nos núcleos histórico-tradicionais identifícase a trama orixinaria do núcleo na foto do Voo Americano, xa que, a día de hoxe, moitas edificacións tradicionais puideron ser substituídas ou transformadas. O límite nestes casos está condicionado a maiores pola distancia máxima a edificacións tradicionais que marca o artigo 13 da Lei 2/2010 para este tipo de núcleos.

Exclúense das delimitacións as parcelas con pendentes excesivas, presenza de escorrentas non sinaladas na cartografía oficial, ausencia de fronte a camiños públicos, e dáse prioridade á inclusión de parcelas con orientacións sur, sueste e suroeste. Ademais, analízanse os usos do solo e a vexetación para comprobar que non se xeran presións sobre ámbitos con valores naturais, agrarios ou forestais, e que existe capacidade de acollida e aptitude para a asimilación de posibles transformacións.



No cómputo de parcelas edificadas inclúense todas as parcelas ocupadas por construcións que teñen a consideración de edificación segundo a definición da Ley 38/1999, de 5 de noviembre, de Ordenación de la Edificación –LOE- para os efectos de aplicación da devandita lei, tal e como establece a Instrución 4/2011 de abril sobre a metodoloxía de cálculo do grao de consolidación edificatoria na delimitación do chan de núcleo rural. As parcelas ocupadas por alpendres, ao non ter estes a consideración de edificación, non entran no cómputo de parcelas edificadas.

Acompañan á presente documentación os planos de información urbanística, as fichas de cálculo de grao de consolidación mediante o método gráfico e os planos de ordenación dos núcleos rurais a escala E:1/2.000 de O Bidueiro-A Braña, Guillurfe, Augas Roibas, Pena Grande e Os Picos, nos que aparece representada a delimitación proposta segundo as premisas establecidas pola Lei 2/2010, diferenciando os distintos tipos básicos, e incorporando os datos do grao de consolidación para cada núcleo delimitado.

10.4. SUPERFICIE MÍNIMA EDIFICABLE E CONDICIÓNS DE DIVISIÓN DE PARCELAS

Coa ordenación proxectada, na que se delimita exclusivamente o ámbito edificado, o obxectivo é que o crecemento dos núcleos se realice por consolidación mediante o enchido de baleiros, continuando o modelo de implantación en cada asentamento ao ter en conta a parcela media e a tipoloxía de edificación e evitando, deste xeito, as expansións mediante edificacións afastadas do núcleo. En orde a levar a cabo as novas delimitacións, establécense as seguintes determinacións fundamentadas no estudo das tramas existentes e o modelo de asentamento:

-No solo de núcleos rurais histórico-tradicionais, ou no ámbito delimitado como tal nos núcleos rurais complexos, as novas edificacións identificaranse coas características propias do lugar e estarán encamiñadas a consolidar a trama rural existente. A parcela mínima edificable establécese en trescentos metros cadrados (300 m²), que corresponde coa que determina o PXOM para o ámbito de circunscrición de núcleo.

-No solo de núcleo rural común, ou no ámbito delimitado como tal nos núcleos rurais complexos, a parcela mínima edificable establécese en seiscentos metros cadrados (600 m²), que corresponde coa que determina o PXOM para o ámbito de área de expansión, equivalente a unha superficie de 1,09 ferrados -un ferrado na Capela equivale a cincocentos corenta e oito metros cadrados (548 m²)-.

-En solo de núcleo rural histórico tradicional non se permitirá a alteración do parcelario, polo que non poderán autorizarse as divisións de parcelas, ou outras actuacións de parcelamento ou segregación do parcelario orixinal que determinen a desfiguración da tipoloxía do núcleo e a destrución dos valores que xustificaron a súa clasificación como tal.

-En solo de núcleo rural común permitiranse as divisións de parcelas sempre e cando se cumpran as condicións seguintes:

-A superficie de cada parcela resultante será, como mínimo, igual á superficie media de parcela do ámbito delimitado, expresado nas fichas de delimitación de núcleos rurais.

-Fronte mínima: 20 metros a estrada ou vía de titularidade pública.

-Fondo mínimo: 20 metros.

Aínda así, cómpre indicar que as divisións de parcelas edificadas non son habituais, o mesmo que a agrupación de parcelas. A baixa probabilidade de que se leven a cabo estas operacións fai prever que o crecemento sexa menor.

10.5. RÉXIME URBANÍSTICO RESULTANTE

O réxime de solo de núcleo rural en relación cos dereitos e deberes dos propietarios de terreos, usos do solo, obras de derrubamento e demolición e actuacións incompatibles será o establecido para o solo de núcleo rural pola Lei 2/2010 así como pola lexislación que a complemente ou substitúa.

En cumprimento do artigo 56.1.c, LOUG, nos planos inclúese o trazado da rede viaria e a sinalización de aliñacións. Respéctanse todos os camiños públicos existentes, sen necesidade de trazar novos tramos para completar a rede. A ampliación de camiños e demolición de peches tradicionais realizarase xustificadamente no momento da execución da ampliación do viario que sexa necesaria en cada momento por motivos de seguridade viaria e peonil ou fluidez do tráfico.

O tipo de actuacións, a regulación detallada de usos, volume e condicións hixiénico sanitarias dos terreos e construcións, así coma as características estéticas da edificación e o seu contorno recóllense nas ordenanzas definidas para cada un dos tipos básicos de solo que acompañan á presente documentación:

01. Ordenanza reguladora de solo de núcleo rural tradic ional , aplicable a todos os núcleos rurais clasificados na categoría de núcleos rurais histórico-tradicionais, ou no ámbito delimitado como tal nos núcleos rurais complexos.



02. Ordenanza reguladora de solo de núcleo rural común , aplicable a todos os núcleos rurais clasificados na categoría de núcleos rurais comúns, ou no ámbito delimitado como tal nos núcleos rurais complexos.

Non se prevé a localización de novos equipamentos e zonas verdes nos ámbitos delimitados, nin se contemplan actuacións de carácter integral. Por outra banda, o Concello poderá determinar, cando así o considere necesario, a necesidade de redactar un Plan Especial de Ordenación de Núcleo Rural, coa finalidade completar a ordenación detallada dos núcleos rurais. Tamén poderán redactarse Plans Especiais de Mellora dos Núcleos Rurais coa exclusiva finalidade de completar o trazado da rede viaria e a sinalización de aliñacións e rasantes ou para asegurar a existencia de redes de dotación de servizos suficientes. O ámbito de cada plan especial abarcará a totalidade ou parte dos terreos comprendidos na delimitación do núcleo rural respectivo.

10.6. DELIMITACIÓN DOS NÚCLEOS

10.6.1. NÚCLEO RURAL HISTÓRICO TRADICIONAL DE O BID UEIRO-A BRAÑA

A delimitación do núcleo realízase segundo o tipo básico de núcleo rural histórico tradicional, en base ás súas características morfolóxicas, non alteradas con respecto á configuración no ano 1.956.

TIPO BÁSICO SUPERFICIE TOTAL DELIMITADA (Ha.) Nº TOTAL DE PARCELAS

Histórico-Tradicional 0,94 6

CONSOLIDACIÓN SUPERFICIE MEDIA DE PARCELA (m²) Nº DE PARCELAS BALEIRAS

50% 1.566 3

10.6.2. NÚCLEO RURAL HISTÓRICO TRADICIONAL DE GUILL URFE

Lévase a cabo a delimitación do núcleo segundo o tipo básico de núcleo rural histórico tradicional, en base ás súas características morfolóxicas, non alteradas con respecto á configuración no ano 1.956, así como á vinculación coa explotación racional dos recursos agrogandeiros.




50% 1.876 3

10.6.3. NÚCLEO RURAL HISTÓRICO TRADICIONAL DE AUGAS ROIBAS

Realízase a delimitación do núcleo segundo o tipo básico de núcleo rural histórico tradicional, en base ás súas características morfolóxicas, non alteradas con respecto á configuración no ano 1.956, á tipoloxía tradicional das edificacións (vivendas e anexos), así como á vinculación coa explotación racional dos recursos agrogandeiros.




100% 5.318 0

10.6.4. NÚCLEO RURAL COMÚN DE PENA GRANDE

Delimítase segundo o tipo básico de núcleo rural común, pois non presenta as características morfolóxicas nin tipolóxicas nin de relación co medio necesarias para a súa inclusión no tipo básico de núcleo rural histórico tradicional.

TIPO BÁSICO SUPERFICIE TOTAL DELIMITADA (Ha.) Nº DE PARCELAS RESULTANTE

Común 2,33 6


67% 3.883 2



10.6.5. NÚCLEO RURAL COMÚN DE OS PICOS

En base as características do núcleo de Os Picos delimítase segundo o tipo básico de núcleo rural común, pois non presenta as características morfolóxicas nin tipolóxicas nin de relación co medio necesarias para a súa inclusión no tipo básico de núcleo rural histórico tradicional.


Común 3,00 9


55% 3.000 5

11. ALTERACIÓN 2. REDUCIÓN DE ÁMBITOS DE SOLO URBAN IZABLE

No PXOM da Capela establécense once ámbitos de desenvolvemento que deben remitirse para ordenación detallada a plans parciais ou plans de sectorización, dos cales oito teñen a clasificación de solo urbanizable delimitado -seis deles no contorno do núcleo urbano de As Neves-, e os outros tres de solo urbanizable non delimitado:

SOLO URBANIZABLE NON DELIMITADO (S.UR.ND)

SECTOR SUPERFICIE DESCRICIÓN

S.UR.ND 1 24.708 m² Situado no contorno do sector SUD 8, previndo o crecemento do mesmo nunha segunda fase como ampliación do polígono industrial. Plan de Sectorización

S.UR.ND 2 23.452 m² Situado no lugar de A Serra. Uso residencial. Plan de Sectorización

S.UR.ND 3 66.529 m² Situado no lugar de Campos, colindante co núcleo de Os Calzados. Uso residencial. Plan de Sectorización

SUPERFICIE TOTAL S.UR.ND = 102.481 m²

SOLO URBANIZABLE DELIMITADO (S.U.D.)

SECTOR SUPERFICIE DESCRICIÓN

SUD 1 23.407 m² Situado ao norte do núcleo urbano de As Neves, trátase dun solo que nunca se desenvolveu debido ao carácter lineal da AC-564 do núcleo.

SUD 2 31.985 m² Situado ao sur do núcleo urbano de As Neves. Destinado a uso residencial

SUD 3 21.857 m² Situado ao sur do núcleo urbano de As Neves. Destinado a uso residencial

SUD 4 15.871 m² Situado ao sur do núcleo urbano de As Neves, entre os sectores 2 e 3. Destinado a uso residencial.

SUD 5 24.785 m² Situado ao oeste do núcleo urbano de As Neves, ao longo da estrada AC-564. Destinado a uso residencial.

SUD 6 42.073 m² Situado ao leste do núcleo urbano de As Neves, ao longo da estrada AC-564. Destinado a uso residencial.

SUD 7 22.480 m² Lindeiro co núcleo de Os Calzados, onde na actualidade se atopa a Cooperativa Campo Capela. Uso industrial. Desenvolvemento mediante Plan parcial.

SUD 8 34.395 m² A dous quilómetros ao leste de As Neves, con acceso desde a AC-564. Uso industrial. Desenvolvemento mediante Plan parcial

SUPERFICIE TOTAL SUD = 216.853 m²

En total, unha superficie total de 319.334 m² (31 Ha.) atópase remitida a planeamento de desenvolvemento a través de once plans parciais ou de sectorización, dos cales oito están previstos para o uso residencial.

Tanto nos solos urbanizables contiguos ao núcleo urbano (SUD 4, SUD 5 e SUD 6) coma nos asentamentos de A Serra e Os Campos, o obxectivo prioritario é o de adecuar o desenvolvemento ao proceso edificador, á realidade do municipio e á evolución económica e poboacional, ordenando e reestruturando funcionalmente os tecidos con vocación e características urbanas e zonificando os usos acorde coas necesidades e as características arquitectónicas existentes, definindo unhas liñas de actuación que permitan consolidar as tramas actualmente incompletas.

En relación con esta situación, e, en base ás consideracións expostas nos apartados precedentes, formúlase a posibilidade de incorporar estes ámbitos á ordenación pormenorizada dentro do PXOM do seguinte xeito:



-ALTERACIÓN 2.1.: asimilando á clase de solo de núcleo rural común os ámbitos clasificados coma solo urbanizable non delimitado dos sectores S UR ND 2 (A Serra) e S UR ND 3 (Os Campos).

-ALTERACIÓN 2.2.: asimilando á clase de solo urbano consolidado os ámbitos clasificados coma solo urbanizable delimitado SUD 4, SUD 5 e SUD 6 no contorno de As Neves.

11.1. ALTERACIÓN 2.1. SECTORES DE SOLO URBANIZABLE NON DELIMITADO SURND 2 E SURND 3

A LOUG recoñece coma solo urbanizable aos “terreos que non teñan a condición de solo urbano, de núcleo rural nin rústico e poidan ser obxecto de transformación urbanística” nos termos previstos na mesma. Os asentamentos de A Serra e Os Campos teñen actualmente a clasificación de solo urbanizable non delimitado de uso residencial. Corresponden ámbolos dous con asentamentos de vivendas xurdidos nas dúas últimas décadas do século XX.

A Serra constitúe un ámbito clasificado polas NSMP 1987 coma Solo Apto Para Urbanizar de uso residencial, a desenvolver mediante un Plan Parcial que non chegou a redactarse, polo que a edificación executada con posterioridade foi realizada á marxe do plan urbanístico antes da entrada en vigor da LOUG.

Pola súa banda, o asentamento de Os Campos xurdiu coma un crecemento residencial ao longo da estrada entre a cooperativa Campo Capela en Os Calzados e o campo de fútbol e a pista polideportiva de As Covachas, construídos no ano 1994.

Imaxe 07 – NSMP 1987 - A Serra Imaxe 08 - NSMP 1987 – Os Campos

Imaxe 09 - NSMP 1987- SAPU A Serra

Dado que ningún dos ámbitos estaba integrado na malla urbana nin reunía as características propias dun núcleo rural tradicional, foron clasificados polo PXOM como chan urbanizable non delimitado de uso residencial ao abeiro da disposición transitoria decimoterceira da LOUG, ao non afectar a terreos que houberan de incluírse en chan rústico de protección de costas, de augas ou de espazos naturais. O PXOM dispón uns elevados aproveitamentos de edificabilidade para cada un deles (0,30 m²/m²), o máximo permitido polos límites de sustentabilidade da LOUG para concellos de menos de 5.000 habitantes.

Sen embargo, dada a localización de ámbolos dous asentamentos en contornas de solo rústico de especial protección, tales previsións de crecemento residencial considéranse extremadamente elevadas en termos de densidade de vivendas resultante. Por iso, o desenvolvemento de calquera destas reservas de solo nos termos permitidos polo PXOM viría a afectar de forma severa a paisaxe, e suporía unha sobrecarga ás redes de transporte e de servizos.

Tendo en conta a dinámica demográfica regresiva do Concello e a situación socioeconómica actual, considérase altamente improbable que poidan chegar a darse as condicións para o desenvolvemento destas bolsas de solo nas condicións programadas polo PXOM, polo que mentres tanto os propietarios terían “dereito a usar, gozar e dispor dos



seus terreos de acordo coa natureza rústica dos mesmos, debendo destinalos a fins agrícolas, forestais, gandeiros ou similares”, segundo dispón o artigo 21 a da LOUG.

Porén, Os Campos presenta similitudes con outros asentamentos relativamente recentes coma Os Picos e Pena Grande, sendo a súa configuración e características máis asimilables a núcleos rurais comúns que a solo rústico, polo que se xustifica a súa reclasificación nos termos mencionados. Permitir a súa consolidación baixo parámetros urbanísticos propios duns núcleo rural común suporía aumentar a súa capacidade de acollida en termos compatibles coa sostibilidade, rentabilizando a rede de infraestruturas coa que conta na actualidade e consolidando o sistema de núcleos existente.

Pola súa banda, dado que A Serra se recoñece coma un ámbito xurdido á marxe do planeamento, postúlase a súa clasificación como solo urbanizable ao abeiro da disposición transitoria decimoterceira da LOUG:

1. Os asentamentos xurdidos á marxe do plan urbanístico antes da entrada en vigor da Lei 9/2002, que non estean integrados na malla urbana nin reúnan as características propias dun núcleo rural, clasificaranse como chan urbanizable, cumprindo os seguintes requisitos:

a) O ámbito do sector deberá estar ocupado pola edificación, cando menos, nun 50% dos espazos aptos para a mesma, segundo a ordenación que o plan estableza.

b) En ningún caso poderá afectar a terreos que deban incluírse en chan rústico de protección de costas, de augas ou de espazos naturais, segundo a presente lei, salvo cando quede acreditada a vinculación directa da actividade coa localización. Neste caso, será necesario obter o previo informe favorable da Comisión Superior de Urbanismo e someterase á aprobación definitiva do Consello da Xunta de Galicia.

c) O plan poderá reducir ou eliminar xustificadamente as reservas de chan para dotacións públicas e, no seu caso, para vivendas suxeitas a algún réxime de protección pública establecidas pola presente lei.

d) O plan conterá, en todo caso, o trazado e as características da rede de comunicacións propias do sector e da súa ligazón co sistema xeral de comunicacións previsto no plan xeral de ordenación municipal, con sinalización de aliñacións e rasantes; así como as características e o trazado das redes de abastecemento de auga e de redes de sumidoiros, enerxía eléctrica e iluminación pública, e daqueloutros servizos que, no seu caso, prevexa o plan.

e) O plan preverá, ao mesmo tempo, as medidas necesarias para garantir o estrito cumprimento do Decreto 133/2008, do 12 de xuño, polo que se regula a avaliación de incidencia ambiental e daqueloutra normativa sectorial en materia de medio ambiente.

f) O aproveitamento urbanístico das persoas propietarias será o correspondente ao 90% do aproveitamento tipo.

g) A administración actuante non terá que contribuír aos custos de urbanización dos terreos en que, no seu caso, sitúese devandito aproveitamento, que haberán de ser asumidos polas persoas propietarias.

2. As edificacións ou instalacións existentes nos asentamentos industriais a que se refire este artigo poderán manter a súa actividade aínda cando non conten coa preceptiva licenza municipal ou, no seu caso, autorización autonómica, no prazo que medie ata a súa completa regularización tras a aprobación definitiva do plan que conteña a ordenación detallada do sector e dos proxectos de equidistribución e urbanización que resulten necesarios, que non poderá ser superior a tres anos, a contar desde a entrada en vigor da presente lei de modificación.

11.1.1. ALTERACIÓN 2.1.1: RECLASIFICACIÓN DE SOLO U RBANIZABLE NON DELIMITADO DE OS CAMPOS (S UR ND 3) COMO SOLO DE NÚCLEO RURAL COMÚN

As determinacións que recolle o PXOM para o desenvolvemento desta bolsa de solo son as que se reflicten na táboa seguinte:

SOLO URBANIZABLE NON DELIMITADO S UR ND 3 – OS CAMPOS

SUPERFICIE (m²)

Nº PARCELAS CATASTRO

Nº PARCELAS OCUPADAS

EDIFICABI-LIDADE

APROVEIT. LUCRATIVO

(m²)

CESIÓNS MÍNIMAS (m²)

EL ZV

EQ CM PZ 10%AL

66.528 20 7 0,30 m²/ m² 19.958 6.653 1.996 - 399 1.996

EL ZV - Espazos libres e zonas verdes / EQ - Equipamentos / CM - Comunicacións / PZ - Prazas de aparcamento / AL - Aproveitamento lucrativo



A edificabilidade residencial do sector é a máxima permitida segundo os límites de sustentabilidade dispostos no artigo 46 da LOUG para solos urbanizables de uso residencial non contiguos ao solo urbano en concellos de menos de 5.000 habitantes.

A operación de desenvolvemento deste solo require da redacción dun plan de sectorización. As cesións mínimas previstas son de 10.645 m² (o 16% da superficie), ademais de 399 prazas de aparcamento, das cales a cuarta parte será de dominio público. O PXOM non indica onde deberán situarse as cesións. Ao tratarse dun sector situado no contexto rural, rodeado de solo rústico, a densidade edificatoria debería ser, como máximo, a definida para os núcleos rurais, e a tipoloxía de vivenda habería de ser a unifamiliar, preferentemente en posición illada. Dado o elevado aproveitamento lucrativo, e tomando como referencia o valor medio de superficie construída de vivenda tradicional (150 m²) e os valores máximos das ordenanzas de Circunscrición de Núcleo (200 m²) e de Área de Expansión (250 m²), lévase a cabo unha estimación do número de vivendas posible, que se atoparía entre 79 e 133:

EDIFICABILIDADE POSIBLE NO S UR ND 2 – O CAMPO

SUPERFICIE CONSTRUIDA (m²) Nº DE VIVENDAS

150 133

200 99

250 79

En relación con estes datos, fanse as seguintes consideracións:

1- Se o obxectivo do Plan de Sectorización se establecese en substituír o tecido preexistente por unha nova ordenación na que tivese cabida o máximo aproveitamento permitido polas determinacións do PXOM, o número de vivendas por hectárea situaríase en 20 viv/ha., o que suporía unha densidade moi superior á que existe na actualidade nos núcleos rurais –unha media de 4 viv/ha. nos ámbitos de circunscrición de núcleo e de 2 viv/ha. nos ámbitos de área de expansión-. Non se considera adecuado en termos de paisaxe nin de sostibilidade ambiental introducir estas densidades no medio rural, e, por suposto, tamén resultaría totalmente inxustificada a demolición da vivenda preexistente, aparte de que xeraría enormes custes de expropiación. Outro aspecto a considerar son as elevadas reservas para prazas de aparcamento, que suporían un altísimo consumo de solo (4.897,5 metros cadrados só destinados ao estacionamento de vehículos semellan desproporcionados nun entorno rural).

2- Se o obxectivo do Plan de Sectorización fose completar a ordenación iniciada mantendo a edificación existente restarían 37.162 m² de superficie libre, dos que habería que descontar a superficie destinada a localizar as cesións. Iso suporía unha superficie restante con uso residencial de 26.516 m². Para unha superficie mínima de parcela de 600 m², resultarían 44 parcelas edificables, é dicir, o 55% da edificabilidade máxima permitida. Do mesmo xeito que no caso do S UR ND 2, dada a configuración do ámbito e a disposición das parcelas ocupadas, esixiría certa dificultade acadar ese nivel de ocupación sen ter que recorrer a tipoloxías que non existen na Capela, coma as vivendas acaroadas, o que implicaría unha severa distorsión na paisaxe.

En base as características do núcleo proponse a delimitación do ámbito de O Campo segundo o tipo básico de núcleo rural común, pois non presenta as características morfolóxicas nin tipolóxicas nin de relación co medio necesarias para a súa inclusión no tipo básico de núcleo rural histórico tradicional. Seguindo o modelo de ocupación do asentamento pódense establecer as condicións de parcela mínima en 600 m², limitando a un mínimo de 20 metros a fronte a vía de titularidade pública, permitíndose só as divisións de parcelas sempre e cando a superficie mínima de cada parcela resultante sexa igual á superficie media de parcela do ámbito delimitado, dous mil seiscentos metros cadrados (2.600 m²), cun máximo de unha vivenda por parcela. Nestas condicións, as posibilidades edificatorias reduciríanse a un máximo de 12 vivendas ademais das existentes, 60 vivendas por debaixo da proposta máis conservadora para o desenvolvemento do solo urbanizable non delimitado. A capacidade residencial diminuiría, por tanto, en 60 vivendas.

O asentamento podería completarse de xeito directo sen ter que recorrer á redacción dun plan de sectorización, mediante a ocupación das parcelas baleiras -todas aptas para acoller novas vivendas nas condicións actuais sen requirir procesos de reparcelación. O agregado final, deste xeito, non suporía un impacto tan severo sobre a paisaxe. A densidade de vivendas/hectárea en condicións de consolidación do 100% acadaría as 2,8 viv/ha., menos da cuarta parte do que suporía o desenvolvemento do sector coma solo urbanizable.


Común 5,6 19


37% 2.600 13



11.1.2. ALTERACIÓN 2.1.1.: RECLASIFICACIÓN DO SOLO URBANIZABLE NON DELIMITADO DE A SERRA (S UR ND 2) COMO SOLO URBANIZABLE AO ABEIRO D A DISPOSICIÓN TRANSITORIA DECIMOTERCEIRA

As determinacións que dispón o PXOM para o desenvolvemento desta bolsa de solo son as que se reflicten na táboa seguinte:

SOLO URBANIZABLE NON DELIMITADO S UR ND 2 – A SERRA

SUPERFICIE (m²)



EDIFICABI-LIDADE

APROVEIT. LUCRATIVO

(m²)


EL ZV

EQ CM PZ 10%AL

23.452 15 8 0,30 m²/ m² 7.035 2.346 704 - 140 704


A edificabilidade residencial do sector é a máxima permitida segundo os límites de sustentabilidade dispostos no artigo 46 da LOUG para solos urbanizables de uso residencial non contiguos ao solo urbano en concellos de menos de 5.000 habitantes.

A operación de execución deste solo suporía a redacción dun plan de sectorización. As cesións mínimas previstas en total son de 3.754 m² (o 16% da superficie), ademais de 140 prazas de aparcamento, das cales a cuarta parte será de dominio público. A ficha do PXOM non indica onde deberán situarse as cesións.

Enténdese que, ao tratarse dun sector situado no contexto rural, rodeado de solo rústico, a densidade edificatoria debería ser, como máximo, a definida para os núcleos rurais, e a tipoloxía de vivenda habería de ser a unifamiliar, preferentemente en posición illada. Sen embargo, os niveis de ocupación poderían chegar a ser moito maiores dado o aproveitamento lucrativo máximo. Co fin de realizar unha estimación, para os valores de superficie construída tómanse como referencia o valor medio de superficie construída de vivenda tradicional (150 m²) e os valores máximos das ordenanzas de Circunscrición de Núcleo (200 m²) e de Área de Expansión (250 m²):

EDIFICABILIDADE POSIBLE NO S UR ND 2 - A SERRA

SUPERFICIE CONSTRUIDA (m²) Nº DE VIVENDAS

150 46

200 35

250 28

Segundo as estimacións recollidas na táboa anterior, o número de vivendas posible podería situarse entre as 28 e as 46, dependendo da tipoloxía de vivenda escollida e da superficie construída por vivenda, as cales definiría o Plan de Sectorización. En relación con estes datos, anótanse as seguintes consideracións:

1- Se o obxectivo do Plan de Sectorización se establecese en substituír o tecido preexistente por unha nova ordenación na que tivese cabida o máximo aproveitamento permitido polas determinacións do PXOM, o número de vivendas por hectárea situaríase entre as 12 e as 20 viv/ha., o que suporía unha densidade moi superior á que existe na actualidade nos núcleos rurais –unha media de 3 viv/ha. nos ámbitos de circunscrición de núcleo e de 1,5 viv/ha. nos ámbitos de área de expansión-. Non se considera adecuado en termos de paisaxe nin de sostibilidade ambiental introducir estas densidades no medio rural, ademais de que esta opción suporía uns custes de expropiación que farían inviable a operación.

2- Se o obxectivo do Plan de Sectorización fose completar a ordenación iniciada mantendo a edificación existente restarían 12.309 m² de superficie libre, dos que habería que descontar a superficie destinada aos usos dotacionais do sistema local. Para unha superficie mínima de parcela de 600 m², resultarían 14 parcelas edificables, é dicir, o 50% da edificabilidade máxima permitida. Sen embargo, dada a configuración do ámbito e a disposición das parcelas ocupadas, esixiría certa dificultade acadar ese nivel de ocupación, polo que non se estima que a operación puidese resultar factible nin a inversión rendible.

En base as características do asentamento proponse a delimitación de A Serra coma solo urbanizable ao abeiro do disposto na Disposición Transitoria Decimoterceira da LOUG, pois non presenta as características morfolóxicas nin tipolóxicas nin de relación co medio necesarias para a súa consideración coma solo de núcleo rural, e cúmprense os seguintes requirimentos:



-Segundo a delimitación establecida para o ámbito, o sector está ocupado pola edificación nun 53% dos espazos aptos para a mesma (8 parcelas ocupadas dun total de 15 parcelas).

-Non se afectan terreos que deban incluírse en chan rústico de protección de costas, de augas ou de espazos naturais.

Elimínanse as reservas de chan para dotacións públicas, dada a configuración do asentamento.

Inclúense as fichas de desenvolvemento do ámbito, contendo o trazado e as características da rede de comunicacións propias do sector e da súa ligazón co sistema xeral de comunicacións previsto no plan xeral de ordenación municipal, con sinalización de aliñacións e rasantes; así como as características e o trazado das redes de abastecemento de auga e de redes de sumidoiros, enerxía eléctrica e iluminación pública.

Contémplase, asimesmo, as medidas necesarias para garantir o estrito cumprimento da normativa sectorial en materia de medio ambiente.

A administración actuante non terá que contribuír aos custos de urbanización dos terreos, que haberán de ser asumidos polas persoas propietarias.

Seguindo o modelo de ocupación do asentamento pódense establecer as condicións de parcela mínima en 600 m², limitando a un mínimo de 20 metros a fronte a vía de titularidade pública, cun máximo de unha vivenda por parcela.

Nestas condicións, as posibilidades edificatorias reduciríanse a un máximo de 8 vivendas ademais das existentes, o que xa supón 20 vivendas por debaixo da proposta máis conservadora para o desenvolvemento do solo urbanizable non delimitado do PXOM. A capacidade residencial diminuiría, por tanto, como mínimo en 20 vivendas. A imaxe do asentamento non se vería alterada, podendo completarse de xeito directo sen ter que recorrer á redacción dun plan de sectorización.

O desenvolvemento da bolsa de solo permite o remate da mesma mediante a ocupación das parcelas baleiras -todas aptas para acoller novas vivendas nas condicións actuais sen requirir procesos de reparcelación-, así coma a finalización da rede viaria xa iniciada. O agregado final, deste xeito, non suporía un forte impacto sobre a paisaxe.

A densidade de vivendas/hectárea en condicións de consolidación do 100% acadaría as 6,6 viv/ha., a metade do que suporía o desenvolvemento do sector coma solo urbanizable.

TIPO DE SOLO SUPERFICIE TOTAL DELIMITADA (Ha.) Nº DE PARCELAS RESULTANTE

Urbanizable (Disp. Trans. 13ª) 2,2 15


53% 1.500 8

11.2. ALTERACIÓN 2.2.: RECLASIFICACIÓN DE ÁMBITOS DE SOLO URBANIZABLE DELIMITADO DE USO RESIDENCIAL (SUD 4, SUD 5 E SUD 6) EN SOLO URBANO

A ordenación do núcleo urbano de As Neves clasifica como solo urbano consolidado aquel que xa o era nas anteriores NN.SS., o cal se atopa cun alto ou medio grao de colmatación, e coma solo urbano non consolidado unha bolsa de solo carente de edificación situada fronte á Casa do Concello, ao outro lado da AC-564.

O PXOM recolle seis sectores periféricos de solo urbanizable delimitado de uso residencial, cos que se trata de ordenar o crecemento do solo urbano, rompendo a tendencia lineal en torno á AC-564 e diminuíndo o carácter de travesía do mesmo, coa incorporación de viais transversais e paralelos á estrada. Tres destes solos urbanizables delimitados (SUD 1, SUD 2 e SUD 3) corresponden con bolsas de solo practicamente baleiras de edificación e que non contan con servizos urbanos –agás o SUD 2-, mentres outros tres (SUD 4, SUD 5 e SUD 6) presentan un alto grado de consolidación pola edificación e contan coa existencia de servizos -acceso rodado público e servizos de abastecemento de auga, evacuación de augas residuais e subministración de enerxía eléctrica, proporcionados mediante as correspondentes redes públicas con características adecuadas para servir á edificación existente-, feito xa sinalado no PXOM, que recoñece que nos extremos da AC-564 a colmatación dos ámbitos é maior de 2/3.

A día de hoxe, se ben a premisa de romper a tendencia lineal do núcleo podería ter aplicación nos sectores SUD 1, SUD 2 e SUD 3, posto que están baleiros e contan cunha configuración que fai posible o reparcelamento e o trazado de viais internos, nos sectores SUD 4, o SUD 5 e SUD 6, nos que xa existen servizos e un alto grao de consolidación edificatoria, tórnase practicamente imposible a súa xestión coma bolsas de solo urbanizable, pois ao requirir da redacción de plans parciais que regulen os necesarios procesos de reparcelación, de repartición de cargas e benefizos e as cesións de terreos para dotacións, implica que nin os propietarios de vivendas existentes ou de parcelas vacantes nin os inversores alleos van presentar interese algún en levar a cabo a inversión económica que se precisa.



Imaxe 10. Ámbitos de solo urbanizable no contorno do solo urbano de As Neves (SUD 1 a SUD 6)

Imaxe 11. Plano de consolidación do núcleo urbano de As Neves (Fonte: PXOM)

Ademais, nas bolsas de solo urbanizable que non acadan a superficie de vinte mil metros cadrados (20.000 m²), coma a SUD 4, non semella viable técnica e económicamente o cumprimento dos estándares urbanísticos. O destino real destas bolsas de solo é que permanezan sen rematar, dando unha imaxe de ausencia de definición máis que de ordenación. Nestes casos semella, pois, necesaria a revisión dos límites do solo clasificado coma urbano no núcleo de As Neves, incorporando ao PXOM as determinacións necesarias para a ordenación pormenorizada dos ámbitos SUD 4, SUD 5 e SUD 6, dado que esta actuación posibilitaría a redución do número de figuras de planeamento de desenvolvemento en ámbitos xa urbanizados. Os requisitos que establece a LOUG para o solo poida ser clasificado como solo urbano, expóñense a continuación nos artigos relativos á clasificación do solo urbano (artigo 11), e ás categorías de solo urbano (artigo 12):

Artigo 11º.-Solo urbano.

1. Os plans xerais clasificarán como solo urbano, incluíndoos na delimitación que para tal efecto establezan, os terreos que estean integrados na malla urbana existente sempre que reúnan algún dos seguintes requisitos:

a) Que conten con acceso rodado público e cos servizos de abastecemento de auga, evacuación de augas residuais e subministración de enerxía eléctrica, proporcionados mediante as correspondentes redes públicas con características adecuadas para servir á edificación existente e á permitida polo plan. Para estes efectos,



os servizos construídos para a conexión dun sector de solo urbanizable, […] as estradas e as vías da concentración parcelaria non servirán de soporte para a clasificación como urbanos dos terreos adxacentes, agás cando estean integrados na malla urbana.

b) Que, aínda carecendo dalgúns dos servizos citados na alínea anterior, estean comprendidos en áreas ocupadas pola edificación, polo menos nas dúas terceiras partes dos espazos aptos para ela, segundo a ordenación que o plan xeral estableza.

2. Para os efectos desta lei, considéranse incluídos na malla urbana os terreos que dispoñan dunha urbanización básica constituída por unhas vías de acceso e comunicación e unhas redes de servizos das que poidan servirse os terreos e que estes, pola súa situación, non estean desligados do urdido urbanístico xa existente.

Artigo 12º.-Categorías de solo urbano.

Os plans xerais diferenciarán no solo urbano as seguintes categorías:

a) Solo urbano consolidado, integrado polos soares así como polas parcelas que, polo seu grao de urbanización efectiva e asumida polo planeamento urbanístico, poidan adquiri-la condición de soar mediante obras accesorias e de escasa entidade que poden executarse simultaneamente coas de edificación ou construción.

b) Solo urbano non-consolidado, integrado pola restante superficie de solo urbano e, en todo caso, polos terreos nos que sexan necesarios procesos de urbanización, reforma interior, renovación urbana ou obtención de dotacións urbanísticas con distribución equitativa de beneficios e cargas, por aqueles sobre os que o planeamento urbanístico prevexa unha ordenación substancialmente diferente da realmente existente, así como polas áreas de recente urbanización xurdida á marxe do planeamento.

Os ámbitos de solo urbanizable delimitado nos extremos so solo urbano de As Neves no borde da AC-564, SUD 5 e SUD 6 contan con todos os servizos urbanos polo que poden ser incorporados dentro do solo urbano consolidado, ao cumpriren coas condicións esixidas.

Pola súa banda, o ámbito de solo urbanizable delimitado SUD 4 (Mourente) presenta unha parcelación compatible cunha ordenación urbana dadas as súas dimensións, disposición e ortogonalidade con respecto ao viario. No tocante á dotación de servizos, o sector conta cos mesmos, mais desconectados da malla urbana de As Neves (están conectados coas redes do solo urbano de Poboado do Eume), mediando entre Mourente e As Neves os solos urbanizables delimitados SUD 2 e SUD 3, que non contan con servizos. O ámbito reúne, por tanto, as condicións para ser clasificado coma solo urbano non consolidado.

11.2.1. ALTERACIÓN 2.2.1.: SOLO URBANIZABLE DELIMIT ADO SUD 4

As determinacións que recolle o PXOM para o desenvolvemento do SUD 4 son as que se expoñen na táboa seguinte:

SOLO URBANIZABLE DELIMITADO SUD 4

SUPERFICIE (m²)



EDIFICABI-LIDADE

APROVEIT. LUCRATIVO

(m²)


EL ZV

EQ CM PZ 10%AL

15.875 5* 4 0,25 m²/ m² 3.968 1.588 396 725 80 396


*Corríxese a referencia ao total de parcelas afectadas (6 na documentación do PXOM), pois son as 5 parcelas catastrais no ámbito:

A edificabilidade residencial do sector está por debaixo dos límites de sustentabilidade dispostos no artigo 46 da LOUG para solos urbanizables delimitados de uso residencial contiguos ao solo urbano en concellos de menos de 5.000 habitantes.

A execución do sector supón unhas cesións mínimas de 3.501 m² (o 22% da superficie), ademais de 80 prazas de aparcamento, das cales a cuarta parte será de dominio público. O PXOM non indica onde deberán situarse as cesións. Na superficie restante de solo poderíanse edificar un máximo de 3.968 metros cadrados. En relación ao número máximo de vivendas, este fixaríao o Plan Parcial. Enténdese que, tratándose dun ámbito que se atopa no borde urbano, a densidade edificatoria non debería superar a existente nas zonas de solo urbano máis próximas, reguladas polas ordenanzas 3 e RBD (Residencial Unifamiliar Mixta e Residencial de Baixa Densidade). Precisamente, a ordenanza RBD defínese no PXOM co obxectivo de establecer unha gradación edificatoria do centro á periferia dos



núcleos urbanos, así como recoñecer a situación de feito destes ámbitos do solo. Neste senso, a tipoloxía de vivenda debería ser a unifamiliar en posición acaroada ou illada.

Realizando o calculo sen ter en conta tamaños de parcela, só en base á superficie construída de vivenda, supoñendo unha superficie media de vivenda de 150 m² construídos (unha densidade elevada), obteríase un total de 26 vivendas. Sen embargo, facendo unha aproximación aplicando un valor de superficie mínima de parcela de 600 m² obteríanse os seguintes valores para a edificabilidade establecida polo PXOM no ámbito:

EDIFICABILIDADE POSIBLE NO SUD 4

SUPERFICIE MÍNIMA DE PARCELA (m²)

Nº DE PARCELAS SUPERFICIE CONSTRUÍDA MÁXIMA POR VIVENDA (m²)

600 20 198

En relación con estes datos, realízanse as seguintes consideracións:

1- O número de vivendas por hectárea situaríase nas 15 viv/ha., unha densidade claramente superior á que existe na actualidade no propio núcleo urbano –media de 5,7 viv/ha.-, e mesmo superior á do ámbito da ordenanza nº1, a zona onde a edificación se atopa máis colmatada -10 viv/ha.-

2- Descontadas as cesións, tecnicamente non semella posible distribuír o ámbito co fin de acoller o número máximo de vivendas.

3- Por suposto, no sería viable de ningún xeito a operación se se pretendese manter a edificación existente (cuxas parcelas ocupan unha superficie de case o 50% do ámbito) coa finalidade de incorporala á ordenación final, pois tras das cesións non restaría solo suficiente para levar a cabo o novo desenvolvemento.

Doutra banda, en relación ao cumprimento das condicións de solo urbano establecidas pola LOUG:

- O ámbito conta con acceso rodado público e cos servizos de abastecemento de auga, evacuación de augas residuais e subministración de enerxía eléctrica, ademais de contar cunha consolidación do 80%.

- Os terreos atópanse parcialmente desligados do urdido urbanístico xa existente, pois, malia que existen parcelas vacantes entre a bolsa de solo e o ámbito delimitado coma solo urbano, estas non contan cos servizos necesarios.

Formúlase, por tanto, a posibilidade de transformar este solo en solo urbano non consolidado, para o que se formula o seu desenvolvemento a través dun Plan Especial de Reforma Interior que posibilite completar os servizos, e aplicando criterios de baixa densidade, co fin de asimilar o tamaño de parcelas ao existente no ámbito, de xeito que sexa posible edificar un máximo de 5 vivendas ademais das 4 existentes, 11 por debaixo das 20 da proposta de solo urbanizable.


As determinacións que recolle o PXOM para o desenvolvemento do SUD 5 son as que se recollen na táboa seguinte:


SUPERFICIE (m²)



EDIFICABI-LIDADE

APROVEIT. LUCRATIVO

(m²)


EL ZV

EQ CM PZ 10%AL

24.785 15 9 0,25 m²/ m² 6.196 2.479 620 6.264 124 620



A operación supón unhas cesións mínimas de 9.983 m² (o 40% da superficie), ademais de 124 prazas de aparcamento, das cales a cuarta parte será de dominio público. O PXOM non indica onde deberán situarse as cesións. A superficie restante de solo é de 14.802 m², na que se poderían edificar un máximo de 6.196 m². En relación ao número máximo de vivendas, este fixaríao o Plan Parcial. Coma no caso do SUD 4, enténdese que, tratándose dun ámbito que se atopa no borde urbano, a densidade edificatoria non debería superar a establecida para as zonas en contacto coa ordenanza 1, reguladas polas ordenanzas 2, 3 e RBD (Residencial Unifamiliar Acaroada, Residencial Unifamiliar Mixta e



Residencial de Baixa Densidade). Neste senso, a tipoloxía de vivenda debería ser a unifamiliar en posición acaroada ou illada.

Realizando o calculo sen ter en conta tamaños de parcela, só en base á superficie construída de vivenda, supoñendo unha superficie media de vivenda de 150 metros cadrados construídos (unha densidade elevada), obteríase un total de 41 vivendas. Sen embargo, facendo unha aproximación aplicando un valor de superficie mínima de parcela de 600 m², obteríanse os seguintes valores para a edificabilidade establecida polo PXOM no ámbito:

EDIFICABILIDADE MÁXIMA EN VIVENDAS SUD 5



600 24 258

O número máximo de vivendas posible sería de 24. En relación con estes datos, fanse as seguintes consideracións:

1- O número de vivendas por hectárea situaríase nas 16 viv/ha. De novo, coma no caso do SUD 4, se daría unha densidade claramente superior á que existe na actualidade no propio núcleo urbano.


3- Por outra banda, dada a configuración do ámbito e os límites do mesmo, non sería posible mudar a importancia do eixo que constitúe a AC-864, pois non é factible o trazado de vías transversais, polo que a imaxe do desenvolvemento sería a do prolongamento do núcleo urbano con edificación a ámbolos dous lados da estrada.

4- Cómpre ter en conta, tamén, que unha parte do ámbito está afectado pola L.A.T., polo que xa non é posible a edificación nesa zona.


- O ámbito conta con acceso rodado público e cos servizos de abastecemento de auga, evacuación de augas residuais e subministración de enerxía eléctrica. A consolidación neste caso está próxima ao 60%.

- Os terreos non se atopan desligados do urdido urbanístico xa existente, constituíndo un prolongamento do solo urbano mediante unha franxa de 290 metros ao longo da AC-564.

Formúlase, por tanto, a posibilidade de transformar este solo en solo urbano consolidado, aplicando unha ordenanza de baixa densidade, cunha fronte mínima de 15 metros, co fin de asimilar o tamaño de parcelas ao existente no ámbito, as posibilidades edificatorias serían dun máximo de 9 vivendas ademais das 8 existentes, 7 por debaixo das 24 da proposta de solo urbanizable.


As determinacións que recolle o PXOM para o desenvolvemento do SUD 6 son as que se recollen na táboa seguinte:


SUPERFICIE (m²)



EDIFICABI-LIDADE

APROVEIT. LUCRATIVO

(m²)


EL ZV

EQ CM PZ 10%AL

43.073 21 12 0,25 m²/ m² 10.768 4.308 1.077 8.532 215 1.077



A operación supón unhas cesións mínimas de 14.994 m² (o 34% da superficie), ademais de 215 prazas de aparcamento, das cales a cuarta parte será de dominio público. O PXOM non indica onde deberán situarse as cesións. A superficie restante de solo é de 28.079 m², na que se poderían edificar un máximo de 10.768 metros cadrados. En relación ao número máximo de vivendas, este fixaríao o Plan Parcial. Coma no caso do SUD 4 e o SUD 5, ao tratarse dun ámbito que se atopa no borde urbano, a densidade edificatoria non debería superar a establecida para as zonas en



coas que se atopa en contacto, reguladas polas ordenanzas 3 e RBD (Residencial Unifamiliar Mixta e Residencial de Baixa Densidade). Neste senso, a tipoloxía de vivenda debería ser a unifamiliar en posición acaroada ou illada.

Realizando o calculo sen ter en conta tamaños de parcela, só en base á superficie construída de vivenda, supoñendo unha superficie media de vivenda de 150 metros cadrados construídos (unha densidade elevada), obteríase un total de 71 vivendas. Sen embargo, facendo unha aproximación aplicando o valor de superficie mínima de parcela de 600 m², obteríanse os seguintes valores para a edificabilidade establecida polo PXOM no ámbito:

EDIFICABILIDADE MÁXIMA EN VIVENDAS SUD 6



600 46 234

O número de vivendas máximo posible sería de 46, o que supón un incremento considerable (de entre un 191% e un 258%) con respecto á edificación que existe neste intre. En relación con estes datos, fanse as seguintes consideracións:

1- O número de vivendas por hectárea situaríase en 16 viv./ha. De novo, coma nos casos do SUD 4 e SUD 5, daríase unha densidade claramente superior á que existe na actualidade no propio núcleo urbano.


3- Por outra banda, ao igual que no caso do SUD 5, dada a configuración do ámbito e os límites do mesmo, non existe apenas espazo no sentido transversal que permita transformar a configuración cara unha malla, pois tecnicamente no semella viable o trazado de vías transversais. A imaxe do desenvolvemento sería, por tanto, a do prolongamento do núcleo urbano con edificación a ámbolos dous lados da estrada, pero cunha densidade moito máis alta que a actual.


- O ámbito conta con acceso rodado público e cos servizos de abastecemento de auga, evacuación de augas residuais e subministración de enerxía eléctrica. A consolidación neste caso está próxima ao 60%.

- Os terreos non se atopan desligados do urdido urbanístico xa existente, constituíndo un prolongamento do solo urbano mediante unha franxa de 290 metros ao longo da AC-564.

Ademais, na actualidade os vehículos poden aparcar a ámbolos dous lados da vía na zona de SUD 6, o que supón que a vía nesta zona xa funciona como unha travesía.

Formúlase, por tanto, a posibilidade de transformar este solo en solo urbano consolidado, aplicando unha ordenanza de baixa densidade, cunha fronte mínima de 25 metros, co fin de asimilar o tamaño de parcelas ao existente no ámbito, as posibilidades edificatorias serían dun máximo de 13 vivendas ademais das 12 existentes -sempre e cando se leven a cabo reparcelacións de predios xa edificados, o que semella improbable se se ten en conta a dinámica edificatoria do Concello-. En calquera caso, suporían 21 vivendas por debaixo das 46 da proposta de solo urbanizable.

11.3. INCIDENCIA DA RECLASIFICACIÓN DOS SECTORES S UD 5 E SUD 6 SOBRE A ESTRADA AC-564

A alteración de planeamento que leva consigo a reclasificación en solo urbano dos sectores de solo urbanizable delimitado SUD 5 e SUD 6 ten como consecuencia o prolongamento da travesía da AC-564, actualmente comprendida entre o P.K. 9+450 e o P.K. 10+310, cunha lonxitude total de 860 metros. Mediante a Modificación Puntual nº2, o tramo urbano da estrada AC-564 pasaría a ter o seu inicio no P.K. 9+160 e remata no P.K. 10+840, incrementándose a lonxitude total da mesma en 820 metros (290 metros correspondentes ao sector SUD 5 e 530 metros correspondentes ao sector SUD 6). O tramo urbano de As Neves prolongaríase, por tanto, ata acadar unha lonxitude total de 1.660 metros. Dado que o alongamento da travesía pode causar un posible prexuízo sobre o tráfico de paso, cómpre ter en conta as seguintes consideracións:

-A reclasificación coma solo urbano dos sectores SUD 5 e SUD 6 leva consigo a redución de velocidade a un máximo de 50 qm/h tamén nestes ámbitos. Se ben este feito pode ir en contra dos requisitos de eficiencia dunha estrada autonómica, en termos temporais, a incidencia do prolongamento da travesía non ten porque supoñer un impacto tan grave sobre a circulación de vehículos de paso. Se percorrer unha distancia de 860 metros a unha velocidade máxima de 50 qm/h supón un tempo de 1,03 minutos, para unha distancia de 1.660 metros, o tempo do necesario para realizar o percorrido sería de 2 minutos. Nunha estrada cuxa lonxitude total é de 39,9 qm, na que o desprazamento entre o punto de inicio e o punto de remate supón 36 minutos –tendo en conta as reducións de velocidade nos tramos urbanos ao longo da ruta-, un incremento de



tempo de 1 só minuto non se pode considerar especialmente relevante, sobre todo á vista dos datos de decrecemento de intensidade de tráfico pesado na travesía nos últimos dez anos.

-Por outra banda, os sectores atópanse o suficientemente consolidados como para que a colmatación da trama non supoña un incremento de incorporacións á vía desde as parcelas con fronte á mesma, pois semella altamente improbable que se realicen reparcelacións, e as parcelas que permanecen sen edificar con acceso só desde a estrada son 4 no SUD 5 e 1 no SUD 6. De calquera xeito, para a concesión de licenza nestas parcelas deberase contar con acceso alternativo ao da AC-564, dado que non se permitirá a creación de novos accesos desde a estrada autonómica.

-Medidas de humanización ao longo destes tramos da travesía coma a introdución franxas verdes arborizadas en substitución das bandas de aparcamento contribuirían á máxima redución do número de incorporacións de vehículos.

-Por último, tendo en conta o alto grao de consolidación edificatoria e de urbanización en ámbalas dúas marxes dos dous sectores, non se considera necesario redefinir aliñacións distintas das recollidas no PXOM, coa liña límite de edificación grafada a 11 metros desde o eixo da calzada.

11.4. INCIDENCIA DA RECLASIFICACIÓN DO SUD 4 SOBR E OS LÍMITES DOS SECTORES SUD 2 E SUD 3

A alteración de planeamento que leva consigo a reclasificación en solo urbano do sector de solo urbanizable delimitado SUD 4 ten como consecuencia a transformación dos límites dos sectores de solo urbanizable delimitado SUD 2 e SUD 3. Para estes sectores trázanse os novos límites, e como resultado da alteración de planeamento, o SUD 2 pasa a abarcar unha superficie total de 29.056 m² fronte aos 31.985 m² do PXOM, reducíndose a súa superficie total nun 9,15 %, mentres o SUD 3 se amplía un 5,68 %, ata abarcar 23.099 m² fronte aos 21.857 m² delimitados polo PXOM. A superficie global resultante (52.155 m²) é lixeiramente inferior que a delimitada polo PXOM conxuntamente para o SUD 2 e o SUD 3 (53.842 m²). Malia esta diminución, non se reduce a superficie mínima destinada a dotacións do sistema local entre ambos os dous sectores.

Por outra banda, inclúense as seguintes modificacións en relación coas determinacións do PXOM:

-Nas fichas de cada sector engádense novos criterios para o desenvolvemento, entre eles os referidos á localización das reservas dotacionais, de maneira que se favoreza a relación con equipamentos existentes –a Casa Consistorial fronte ao SUD 2 e o CEIP e a piscina fronte ao SUD 3-, asegurando a integración dos novos desenvolvementos ao conxunto da trama urbana, así como determinacións que garantan a adaptación ambiental e paisaxística dos sectores en relación co río, a vexetación e a contorna edificada.

-Modifícase o uso principal ou característico, que poderá ser residencial ou terciario dependendo das prioridades estratéxicas.

-Redefínense os límites do sistema xeral viario que articula os sectores, como efecto do reaxuste dos bordes do solo urbano e urbanizable, ademais de procurar optimizar o novo trazado de xeito que se garanta a continuidade coa rede viaria exterior, perseguindo unha maior integración topográfica e prevendo a adecuación das dimensións do parcelario edificable resultante a usos tanto residenciais como terciarios. A execución deste vial considérase moi necesaria de xeito que contribúa a potenciar a malla urbana.

As novas fichas de ámbitos de solo urbanizable delimitado SUD 2 e SUD 3 acompañan á presente documentación no apartado correspondente á Normativa Urbanística.

12. ALTERACIÓN 3: REAXUSTE DE ALIÑACIÓNS EN AS NEVE S

No núcleo urbano de As Neves, para as edificacións situadas nas marxes da estrada AC-564 rexe como aliñación a correspondente a 11,00 metros do eixo da calzada, de acordo co establecido pola Acta de Establecimiento de Alineaciones fixada o 4 de agosto de 1977 pola Jefatura Provincial de Carreteras de A Coruña.

Esta afección ten como consecuencia que a maior parte da edificación localizada no ámbito de aplicación da Ordenanza 1 (trama de orixe do núcleo) se atopa en situación de fóra de ordenación parcial, debido a que a distancia entre edificacións enfrontadas é menor de 22 metros en case toda a lonxitude, chegando a acadar un mínimo de 13,10 metros no centro urbano. Certamente, é no entronque da AC-564 coa estrada de Nosa Señora das Neves, onde o tecido presenta o máis alto grao de consolidación, pois trátase das primeiras edificacións do asentamento, levantadas durante as tres primeiras décadas do século XX. No resto do solo urbano, a edificación sitúase polo xeral respectando esta liña límite, mais os peches de parcela atópanse, ao longo de toda a travesía, a unha distancia inferior aos 11 metros con respecto ao eixo da estrada, configurando unha aliñación que tamén se podería considerar consolidada.

Se ben a lei de Estradas vixente na aprobación do PXOM establecía que, “cando nunha estrada de titularidade provincial ou municipal as edificacións sexan continuadas, ou as características do lugar fagan imposibles as condicións anteriores, poderán reducirse as mesmas logo de informe favorable da Consellería. Ademais, nos tramos de



estradas que discorran por zonas urbanas a Consellería competente en materia de estradas poderá establecer a liña limite de edificación a unha distancia distinta da fixada.”, en relación co trazado de aliñacións, o PXOM adoptou o criterio de manter a afección asumida polas NNSS en todo o solo urbano. Deste xeito, tanto no solo urbano coma nas bolsas de solo urbanizable SUD 5 e SUD 6, a liña límite de edificación está grafada a 11 metros desde o eixo da calzada (o que supón 22 metros entre aliñacións), agás no caso de dous edificios catalogados, onde o largo de vía entre aliñacións se reduce coa finalidade de respectar a posición do edificio. No espazo comprendido entre a estrada e a liña limite da edificación queda prohibida calquera tipo de obra de construción, reconstrución ou ampliación, excepto as que resulten imprescindibles para a conservación e mantemento das edificacións existentes.

Se ben o aspecto relativo ás edificacións en fóra de ordenación por motivos de aliñación pódese resolver mediante a aplicación do punto 3 do artigo 103 da Lei 2/2010 “Edificios fóra de ordenación”, polo que “nas construcións só parcialmente incompatibles co novo planeamento poderanse autorizar obras parciais e circunstanciais de consolidación, así como as de mellora, reforma e, en casos xustificados, ampliación da superficie construída que se determinen polo plan xeral respectivo”, dadas as características do tecido urbano nesta zona central de As Neves, na que a disposición da edificación é continua en ámbalas dúas marxes da travesía, definindo unha aliñación consolidada, a obriga de se retranquear ás novas edificacións ou ben ás que se deban reedificar en caso de ruína supón introducir elementos discordantes dentro da trama existente e, polo tanto, de desorde no centro do núcleo.

Cómpre sinalar que o obxectivo perseguido co establecemento dunha aliñación é o de introducir unha delimitación entre o espazo público e privado coa que se pretende impedir que os edificios que se implanten ao longo dunha rúa o fagan con recuamentos ou avances desfasados entre eles. Sen embargo, as aliñacións actuais obrigan a que, nas parcelas vacantes, a nova edificación debe disporse retrasada con respecto ao resto de construcións, o que supón un problema de medianeiras vistas en caso de disposicións acaroadas, como é o caso no ámbito das Ordenanzas nº 1 e nº 3.

Imaxe 12- Tramo do solo urbano de As Neves obxecto de redefinición da liña límite de edificación

En orde a resolver este conflito, a terceira alteración de planeamento da Modificación Puntual nº 2 ten como finalidade redefinir o trazado das aliñacións de xeito que se respecte a liña de edificación constituída polas fachadas do tecido preexistente nas marxes da estrada de titularidade autonómica AC-564, no tramo comprendido entre o P.K. 9+450 e P.K. 9+650, onde son de aplicación as Ordenanzas nº 1 e nº 3.

A Lei 8/2013 de Estradas de Galicia establece, no punto 3 do Artigo 23 “Coordinación co planeamento urbanístico”, que “nos tramos urbanos das estradas, o instrumento de plan urbanístico determinará a aliñación de edificación, que poderá fixarse, de xeito motivado, a unha distancia inferior á que prevé a presente lei con carácter xeral para a liña límite de edificación das estradas, valorando a existencia de edificacións continuadas preexistentes, así como a concorrencia de razóns técnicas, socioeconómicas ou de orografía do terreo que poidan aconsellar a redución”.

Por outra banda, no resto do solo urbano proponse a redución de aliñacións de xeito que se respecte a existente na realidade (definida polos peches da edificación), mentres que se mantén a liña límite de edificación a 11 metros do eixo da estrada.



Imaxe 13- Centro urbano de As Neves Imaxe 14- Centro urbano de As Neves

Na zona da Ordenanza 1, a liña límite de edificación establécese como a continuidade da aliñación consolidada pola edificación existente. O trazado de aliñacións proposto mediante a presente Modificación Puntual lévase a cabo tendo en conta a situación particular deste tramo da travesía dentro do solo urbano, segundo se recolle nos planos adxuntos.

Ademais, xunto á redefinición das aliñacións, considérase necesaria a proposta de solucións detalladas de calmado de tráfico coma pasos de peóns elevados ou bandas redutoras da velocidade.

Imaxe 15-Aliñacións no centro urbano de As Neves Imaxe 15- Aliñacións propostas no centro urbano de As Neves

13. ALTERACIÓN Nº 4: RESERVA DE SOLO PARA SISTEMA X ERAL DE ESPAZOS PÚBLICOS E ZONAS VERDES

Esta alteración ten por obxecto a creación de espazos libres e zonas verdes co fin de incrementar as reservas de solo dotacional ao servizo do conxunto da poboación. Para iso, prevese, por un lado, a reclasificación coma sistema xeral dunha parcela do patrimonio municipal situada a carón do solo urbano de As Neves, e clasificada actualmente coma solo rústico de especial protección agropecuaria, co fin de destinala a parcela para eventos ao aire libre, fundamentalmente a Festa do Requeixo, que atrae a un enorme número de persoas cada verán a As Neves.

Por outra banda, na marxe norte do Rego Pousadoiro ao seu paso por As Neves, preténdese reclasificar o ámbito pertencente ao dominio público coma sistema xeral de espazos libres e zonas verdes, recuperándoo mediante un plan de mellora ambiental para o goce e lecer dos veciños, de xeito que se cree unha zona de tránsito que comunique a zona de equipamentos existente (CEIP e Ximnasio e Piscina Municipais, a zona programada no SUD 3, coa zona sur de As Neves (Mourente, SUNC-2).



14. ALTERACIÓN Nº 5: ACTUALIZACIÓN GRÁFICA E CORREC CIÓN DE ERROS

A alteración nº5 da Modificación Puntual nº 2 ten por obxecto a actualización gráfica dos planos de ordenación a escala 1:5000 do PXOM do Concello da Capela.

14.1. ALTERACIÓN 5.1.: GRAFADO DAS NOVAS DOTACIÓN S EXISTENTES

Mediante a incorporación nos planos de información e ordenación das novas dotacións realizadas: ampliación do cemiterio no núcleo de Os Carballás-A Igrexa e Portal de Entrada ás Fragas do Eume no núcleo rural de A Estoxa.

14.2. ALTERACIÓN 5.2.: GRAFADO DOS CONTORNOS DE PR OTECCIÓN

Mediante a incorporación nos planos de ordenación dos contornos de protección dos elementos catalogados a través da Modificación Puntual nº 1.

14.3. ALTERACIÓN 5.3.: GRAFADO DO SOLO RÚSTICO DE ESPECIAL PROTECCIÓN DE INFRAESTRUTURAS

Mediante a incorporación nos planos de ordenación dos ámbitos de solo rústico de especial protección de infraestruturas derivados da existencia instalacións para o abastecemento, saneamento e depuración da auga, e as derivadas da política enerxética, así coma o novo ámbito de afección das estradas de titularidade autonómica derivado da aprobación da Lei 9/2013 de Estradas de Galicia.

Nas actualizacións gráficas do PXOM inclúense as relativas á clasificación coma solo rústico de especial protección de infraestruturas arredor dos emprazamentos de infraestruturas e as súas zonas de afección non susceptibles de transformación, como son as correspondentes aos seguintes elementos:

INFRAESTRUTURAS ELEMENTOS

REDE AUTONÓMICA DE ESTRADAS AC-564 e AC-121

ABASTECEMENTO ETAP E DEPÓSITO

SANEAMENTO FOSAS SÉPTICAS E BOMBEOS

ENERXÍA CENTRAL MINIHIDRÁULICA

AEROXERADORES

O réxime de usos permitidos, autorizables e prohibidos nestas zonas son os definidos no artigo 37 da LOUG modificada pola Lei 2/2010. Ademais, tamén se modifica a liña límite de edificación ao longo das estradas de titularidade autonómica conforme ao establecido pola lei 8/2013 de Estradas de Galicia, que pasa de 12 metros medidos horizontalmente dende a aresta exterior á explanación a 15 metros medidos á partir das liñas exteriores de delimitación da calzada. O réxime de usos autorizables nesta zona pasa a ser o definido pola Lei 8/2013 de Estradas de Galicia.

14.4. ALTERACIÓN 5.4.: CORRECCIÓN DE ERROS

Imaxe 16- Vista da parte inferior merendoiro Imaxe 17- Vista da parte superior do merendoiro

A alteración nº5.4 ten por obxecto corrixir sobre os planos do PXOM a localización dunha parcela do sistema xeral de zonas verdes e espazos libres, existente no momento de aprobación do PXOM, o Merendoiro dos Picos, e que foi sinalado de forma errada sobre a parcela contigua á que realmente ocupa a dotación.



Imaxe 18. Localización das parcelas nas que se corrixe o erro de grafía. Con trama verde, a parcela sinalada como dotacional no PXOM. Sinaladas cun punto verde, as parcelas onde realmente se atopa o espazo libre-zona verde.

De feito, a parcela grafada no PXOM é en realidade unha parcela na que se atopa unha vivenda illada, con licenza do ano 2002 e que no ano 2003 se atopaba en construción, o cal se pode comprobar na foto do Google Earth con data 27/06/2003. Tamén se pode observar, nas parcelas contiguas, o espazo arborado das parcelas contiguas onde se atopa o merendoiro.

Imaxe 19 - Foto do Google Earth do ano 2003

As referencias catastrais das parcelas son as seguintes:

Imaxe 20 - Parcela incorrectamente grafada: 15018A012006950001TD

Imaxe 21 - Parcela 1 do merendoiro: 15018A012006960000RZ



Imaxe 22 - Parcela 2 do merendoiro: 15018A012006970000RU Imaxe 22 - Outra parcela de propiedade municipal:15018A011005180000RX

15. XUSTIFICACIÓN DO CUMPRIMENTO DOS ESTÁNDARES, IN DICADORES, CRITERIOS OU LÍMITES ESTABLECIDOS POLA LEXISLACIÓN URBANÍSTICA E SECTORI AL VIXENTE

A Modificación Puntual nº2 corresponde con levar a cabo o conxunto de alteracións do planeamento expostas nos apartados precedentes, que se enumeran a continuación:

1- A delimitación dos asentamentos tradicionais de Bidueiro-A Braña, Guillurfe, Augas Roibas, A Pena Grande e Os Picos.

2- A conversión en solo de núcleo rural común do ámbito de solo urbanizable non delimitado S UR ND 3-OS CAMPOS.

3- A transformación en solo urbanizable ao abeiro da Disposición Transitoria Decimoterceira do ámbito de solo urbanizable non delimitado S UR ND 2-A SERRA.

4- A asimilación en solo urbano dos ámbitos de solo urbanizable delimitado SUD 5 e SUD 6 (coma solo urbano consolidado) e SUD 4 (coma solo urbano non consolidado), co consecuente axuste de límites dos sectores SUD 2 e SUD 3.

5- A reserva de solo para o sistema xeral de espazos libres e zona verdes.

6- A actualización gráfica dos planos 1:5000 do PXOM.

A consecuencia da Modificación Puntual nº 2 supón a reclasificación dunha superficie de 10,2 hectáreas de solo rústico de especial protección agropecuaria, dunha superficie de 5,6 hectáreas de solo urbanizable non delimitado, que pasan a ser reguladas polo réxime de solo de núcleo rural, e dunha superficie de 8,3 hectáreas de solo urbanizable delimitado, que serían reguladas polo réxime de solo urbano. Estes datos expóñense na táboa seguinte:

CLASIFICACIÓN SEGUNDO PXOM SUPERFICIE AFECTADA

CLASIFICACIÓN SEGUNDO MP2

SUPERFICIE TOTAL

SOLO RÚSTICO DE ESPECIAL PROTECCIÓN AGROPECUARIA 101.848 m² SOLO DE NÚCLEO RURAL

158.164 m² SOLO URBANIZABLE NON DELIMITADO S.UR.ND. 3 - OS CAMPOS 56.316 m²

SOLO URBANIZABLE DELIMITADO SUD 4 15.871 m² SOLO URBANO NON

CONSOLIDADO 15.871 m²

SOLO URBANIZABLE DELIMITADO SUD 5 24.785 m² SOLO URBANO CONSOLIDADO

66.858 m²

SOLO URBANIZABLE DELIMITADO SUD 6 42.073 m²

TOTAL 240.893 m²



15.1. XUSTIFICACIÓN DA APTITUDE DOS TERREOS PARA A SÚA RE CLASIFICACIÓN

15.1.1. SOLO RÚSTICO DE ESPECIAL PROTECCIÓN AGROPEC UARIA

A LOUG modificada pola Lei 2/2010 establece, no artigo 15, que constitúen os solo rústico “os terreos que teñan que ser preservados do desenvolvemento urbanístico, e en todo caso, os seguintes:

a) Os terreos sometidos a un réxime específico de protección incompatible coa súa urbanización, de conformidade coa lexislación de ordenación do territorio ou coa normativa reguladora do dominio público, as costas, o medio ambiente, o patrimonio cultural, as infraestruturas e de outros sectores que xustifiquen a necesidade de protección.

b) Os terreos que, sen estar incluídos entre os anteriores, presenten relevantes valores naturais, ambientais, paisaxísticos, produtivos, históricos, arqueolóxicos, culturais, científicos, educativos, recreativos ou outros que os fagan merecedores de protección ou cuxo aproveitamento deba someterse a limitacións específicas.

c) Os terreos que, tendo sufrido unha degradación dos valores enunciados no apartado anterior, deban protexerse a fin de facilitar eventuais actuacións de recuperación dos devanditos valores.

d) Os terreos ameazados por riscos naturais ou tecnolóxicos, incompatibles coa súa urbanización, tales como inundación, erosión, afundimento, incendio, contaminación ou calquera outro tipo de catástrofes, ou que simplemente perturben o medio ambiente ou a seguridade e a saúde.

e) Os terreos que o Plan xeral ou os instrumentos de ordenación do territorio estimen inadecuados para o desenvolvemento urbanístico en consideración aos principios de utilización racional dos recursos naturais ou de desenvolvemento sustentable”

O punto 2 apartado a) do artigo 32 da LOUG modificada pola Lei 2/2010 define a categoría de solo rústico de especial protección agropecuaria:

“O solo rústico de especial protección agropecuaria é o constituído polos terreos de alta produtividade agrícola ou gandeira, posta de manifesto pola existencia de explotacións que a avalen ou polas propias características ou potencialidade dos terreos onde se enclaven, así coma polos terreos obxecto de concentración parcelaria a partir da entrada en vigor da Lei 9/2002 e polos terreos concentrados con resolución firme producida nos dez anos anteriores a esa data, salvo que teñan que ser incluídos na categoría de solo rústico de especial protección forestal”.

En relación con estas determinacións, sinalar que os ámbitos de solo que se reclasifican (Bidueiro-A Braña, Guillurfe, Augas Roibas, Pena Grande e os Picos) así coma os que se reservan para a execución de espazos libres e zonas verdes (Actuación D4-Paseo Fluvial do Pousadoiro, Actuación D5-Parcela para eventos ao aire libre), ademais da redelimitación do SUD-3 cumpren os seguintes termos:

-Non foron obxecto de concentración parcelaria nos termos sinalados pola LOUG.

-Non presentan existencia de terreos ou explotacións de alta produtividade agrícola ou gandeira.

-Non están sometidos a un réxime específico de protección incompatible coa súa urbanización, de conformidade coa lexislación de ordenación do territorio ou coa normativa reguladora do dominio público, as costas, o medio ambiente, o patrimonio cultural, as infraestruturas e de outros sectores que xustifiquen a necesidade de protección.

-Non presentan relevantes valores naturais, ambientais, paisaxísticos, produtivos, históricos, arqueolóxicos, culturais, científicos, educativos, recreativos ou outros que os fagan merecedores de protección ou cuxo aproveitamento deba someterse a limitacións específicas.

-Non teñen sufrido unha degradación dos valores enunciados no apartado anterior.

-Non están ameazados por riscos naturais ou tecnolóxicos, incompatibles coa súa urbanización.

-Non se estiman inadecuados para o desenvolvemento urbanístico en consideración aos principios de utilización racional dos recursos naturais ou de desenvolvemento sustentable.

15.1.2. SOLO URBANIZABLE

O artigo 14 da LOUG establece que constitúen o solo urbanizable os terreos que non teñan a condición de solo urbano, de núcleo rural, nin rústico e poidan ser obxecto de transformación urbanística, diferenciándose as categorías de solo urbanizable delimitado e solo urbanizable non delimitado. En relación con isto, tanto os ámbitos de solo urbanizable delimitado coma non delimitado que se reclasifican como solo urbano e solo de núcleo rural respectivamente mediante a presente Modificación Puntual nº 2 abarcan zonas onde xa existe edificación, urbanizadas e cun alto grao de consolidación edificatoria.



15.2. CAPACIDADE RESIDENCIAL

A capacidade residencial de cada ámbito obxecto de reclasificación avalíase do seguinte xeito para cada clase de solo:

1- En solo de núcleo rural realízase un cálculo estimativo tendo en conta a ordenanza aplicada a cada zona. En solo de núcleo rural histórico tradicional o número de vivendas edificables é equivalente ao número de parcelas sen edificar. En solo de núcleo rural común, o número de parcelas edificables corresponde co de parcelas equivalentes calculadas segundo a parcela mínima e o grao de consolidación.

2- En solo urbano consolidado realizase un cálculo tendo en conta a ordenanza aplicada a cada zona.

Como resultado dos cálculos de edificabilidade residencial, obtéñense os seguintes valores:

NÚCLEO /SECTOR Nº DE VIVENDAS EXISTENTE

Nº DE VIVENDAS EIDIFICABLES SG CRITERIOS MP2

TOTAL

NÚCLEOS RURAIS 17 15 32

S.UR.ND. 2 - A SERRA 8 8 16

S.UR.ND. 3 - OS CAMPOS 7 12 19

SUD 4 4 5 9

SUD 5 8 9 17

SUD 6 12 13 25

TOTAL 32 62 118

Globalmente, para cada clase de solo:

TIPO DE SOLO VIVENDAS EXISTENTES

VIVENDAS EDIFICABLES

TOTAL EXISTENTES+EDIFICABLES (CONSOLIDACIÓN DO 100%)

SOLO URBANO CONSOLIDADO 24 27 51

SOLO DE NÚCLEO RURAL 32 35 67

Comparando estes datos cos datos calculados tendo en conta o desenvolvemento das determinacións do PXOM, obsérvase que diminúe a intensidade de uso a nivel global, pois a capacidade residencial do plan redúcese en 96 vivendas –tendo en conta a hipótese máis conservadora de desenvolvemento do PXOM, é dicir, o menor número de vivendas dos considerados posibles-, o que corresponde cunha porcentaxe do 4% menos sobre o total previsto.

NÚCLEO / SECTOR Nº MÁXIMO DE VIVENDAS SG CRITERIOS MP2

Nº DE VIVENDAS EDIFCABLE SG CRITERIOS PXOM

DIFERENZA MP2-PXOM

NÚCLEOS RURAIS 32 - +32

S.UR.ND. 2 - A SERRA 16 35 -19

S.UR.ND. 3 - OS CAMPOS 19 99 -80

SUD 4 9 20 -11

SUD 5 17 24 -7

SUD 6 25 46 -21

TOTAL 118 224 -106

Aínda que, en termos xerais, semella unha porcentaxe pequena, cómpre ter en conta que está calculada sobre unha capacidade máxima de 2.300 vivendas, da que o 72% corresponde a núcleos rurais, onde, tal e como recoñece o PXOM, as expectativas edificatorias son moi inferiores debido a que se trata dun mercado pechado. Se o cálculo se realiza sen ter en conta a edificabilidade nos núcleos rurais, é dicir, descontando un total de 128 vivendas posibles nos solos urbanizables sobre o 28% da capacidade residencial en solo urbano e urbanizable (644 vivendas) a capacidade residencial do PXOM reduciríase nun 19%, acercando o valor a termos máis acordes coa dinámica poboacional do Concello.



15.3. CALIDADE DE VIDA E COHESIÓN SOCIAL

O Plan Xeral de Ordenación Municipal prevé as reservas de solo necesarias para a implantación dos sistemas xerais e locais en proporción adecuada ás necesidades da poboación, tendo en conta a capacidade máxima residencial do plan, cumprindo as proporcións establecidas polo artigo 47 da LOUG. Dado que mediante a Modificación Puntual nº 2 se reduce a capacidade residencial do Plan, as reservas de solo de sistemas xerais superan os mínimos establecidos.

Do mesmo xeito, nos ámbitos de solo urbanizable SUD 2 e SUD 3 seguen a cumprirse as reservas mínimas de solo para dotacións urbanísticas, pois mantéñense as previstas no PXOM.

15.4. REQUISITOS DE ADAPTACIÓN AO AMBIENTE

As ordenanzas particulares para cada clase de solo conteñen as determinacións necesarias para asegurar que as construcións e instalacións se adapten ao ambiente. A tal efecto:

-A nova ordenanza reguladora do solo urbano de aplicación en As Neves, Residencial de Borde Urbano, así coma as novas ordenanzas reguladoras de solo de núcleo rural histórico-tradicional e núcleo rural común procuran manter a trama urbana existente en cada ámbito, polo que as construcións de nova planta, así como a reforma, rehabilitación ou ampliación das existentes, serán coherentes coa tipoloxía arquitectónica característica do ámbito, en particular en canto á altura, o volume e o fondo edificables.

-As novas ordenanzas establecen unha equilibrada articulación de usos, actividades e tipoloxías edificatorias compatibles, evitando a repetición de solucións urbanísticas e tipoloxías edificatorias idénticas, e introdúcense condicións estéticas que determinan os materiais a utilizar, perseguen a congruencia das tipoloxías e teñen como obxectivo a integración harmónica das construcións e instalación na paisaxe.

-As novas ordenanzas garanten, a través das súas disposicións e determinacións, as condicións de habitabilidade, salubridade e funcionalidade das vivendas e usos residenciais, respectando sempre os mínimos establecidas pola lexislación vixente. Na redacción das mesmas tivéronse en conta, igualmente, as previsións necesarias para evitar as barreiras arquitectónicas e urbanísticas, de xeito que as persoas con mobilidade reducida vexan facilitado ao máximo o acceso directo aos espazos públicos e ás edificación públicas e privadas, de acordo coa normativa vixente sobre accesibilidade e supresión de barreiras arquitectónicas.

-Dentro do contido das novas ordenanzas fíxase a altura máxima das edificacións en proporción ao ancho das vías e espazos libres, de maneira que quedan garantidas as mellores condicións de soleamento e ventilación natural das vivendas. A altura máxima das edificacións, en calquera caso, limítase a un máximo de dous andares e sobrado habitable (B+1+SH), atendendo ás condicións existentes na actualidade, pois non existen en todo o Concello máis que casos contados de edificación con máis alturas. Prohíbese, ademais, o uso residencial en sotos e semisotos.

15.5. XUSTIFICACIÓN DO CUMPRIMENTO DA NORMATIVA EN MATERIA DE ACCESIBILIDADE

15.5.1. DISPOSICIÓNS SOBRE BARREIRAS ARQUITECTÓNICA S URBANÍSTICAS

Nos novos espazos públicos a urbanizar nos ámbitos obxecto de alteración do planeamento da presente Modificación Puntual nº2 será de aplicación a Orde VIV/561/2010 de 1 de febreiro, pola que se desenvolve o documento técnico de condicións básicas de accesibilidade e non discriminación para o acceso e utilización dos espazos públicos urbanizados. A devandita orde, así coma o disposto na normativa que a complemente ou substitúa será de obrigado cumprimento xunto co establecido a continuación:

-As vías públicas, zonas verdes e demais espazos libres de uso público, así coma as zonas libres de parcelas de equipamentos deberán ser planificadas de forma que resulten accesibles, debendo polo tanto os plans de desenvolvemento e proxectos de urbanización que se executen, cumprir os criterios básicos que establece o artigo 5 da Lei 8/1997 sobre accesibilidade e o artigo 12 do Regulamento que a desenvolve, así coma o disposto na normativa que complemente ou substitúa á devandita Lei.

-Os proxectos de urbanización que se realicen deberán prever no posible itinerarios mixtos destinados ao tráfico peonil e de vehículos, de forma que exista un itinerario que teña un recorrido que permita acceder aos diferentes espazos de uso público e edificacións do seu contorno.

-Os elementos de urbanización e mobiliario urbano que se proxecten neses itinerarios deberán ser adaptados conforme ao disposto no Código de Accesibilidade ou no documento que o complemente ou substitúa.

-Nos núcleos rurais e nos lugares naturais protexidos, cando as rúas existentes ou a orografía dificulten a creación de itinerarios peonís adaptados, poderanse admitir substitucións por outras solucións alternativas, previo informe previsto nos artigos 17.7 e 16.7 do Decreto 35/2000 do 28 de xaneiro.



-As vías públicas, zonas verdes e demais espazos libres de uso público, así coma as zonas libres de parcelas de equipamentos, deberán ser adaptados gradualmente ás condicións de accesibilidade previstas no artigo 13 do mencionado Regulamento.

-As zonas verdes e demais espazos libres de uso público, así coma as zonas libres de parcelas de equipamentos deseñaranse de forma que resulten accesibles a calquera persoa. Para este efecto, as sendas peonís axustaranse aos criterios sinalados no apartado anterior.

-Os aseos de uso público nestes espazos contarán polo menos cun aseo adaptado.

-Nas zonas destinadas a estacionamento de vehículos lixeiros en superficie ou subterráneo, que se sitúen en vías ou espazos de uso público reservase con carácter permanente e tan próximo como sexa posible os accesos peonís, prazas debidamente sinalizadas para vehículos que transporten persoas en situación de mobilidade reducida.

-Os accesos peonís a ditas prazas cumprirán as condicións que se esixen para ser adaptados. Cando sexa preciso salvar desniveis para acceder a ditas prazas, estas salvaranse mediante ramplas ou ascensores adaptados ou practicables.

-As prazas reservadas para uso de persoas con mobilidade reducida deberán cumprir as especificacións e dispor das dimensións que se establecen na lexislación vixente en materia de accesibilidade.

-Os elementos de urbanización, tales como pavimentos, saneamento, sumidoiros, iluminación, etc. e aqueloutras que materialicen as indicacións do planeamento urbanístico, posuirán unhas características de deseño e execución que non constitúan obstáculo para a liberdade de movemento de calquera persoa.

-Os sinais de tránsito, semáforos, postes de iluminación ou calquera outro elemento vertical de sinalización que se sitúe nun camiño ou espazo de acceso peonil deseñarase e colocarase de maneira que non obstaculice a circulación de calquera persa e permita se usado.

-Os elementos de mobiliario urbano, tales como cabinas, papeleiras, bancos e outros análogos deseñaranse e colocaranse de maneira que non obstaculicen a circulación de persoas e permitan ser usados coa máxima comodidade.

-Iguais condicións deberán posuír os elementos saíntes que se sitúen en espazos peonís, tales como marquesiñas, toldos e outros análogos, que deberán evitar, en todo caso ser un obstáculo para a libre circulación de persoas.

15.5.2. DISPOSICIÓNS SOBRE BARREIRAS ARQUITECTÓNICA S NA EDIFICACIÓN

Considéranse edificios de uso público aqueles destinados a un uso que implique a concorrencia de público. En todo o referente ás disposicións sobre barreiras arquitectónicas na edificación estarase ao disposto na lexislación vixente en materia de accesibilidade.

15.6. XUSTIFICACIÓN DA ADECUACIÓN ÁS NORMAS DE HABITABILI DADE DE VIVENDAS DE GALICIA

Na redacción das ordenanzas derivadas do contido da presente Modificación Puntual nº2 tivéronse en conta as disposicións contidas no Decreto 29/2010 de 4 de marzo, polo que se aproban as Normas de Habitabilidade de Vivendas de Galicia, polo que os aspectos relativos á vivenda ou edificio rexeranse polo establecido polo devandito decreto, así como pola normativa en materia de habitabilidade que o complemente ou substitúa.

Todas as vivendas de nova construción, así como as que sexan obxecto ou resultado de obras de ampliación ou rehabilitación nos ámbitos obxecto de alteración do planeamento deberán cumprir as determinacións recollidas de seguido, coa finalidade de que as vivendas obxecto das citadas obras acaden unhas condicións mínimas de habitabilidade:

-Todas as vivendas deberán ter a consideración de vivenda exterior. Defínese a vivenda exterior, como aquela que cumpre que a lo menos a estancia maior, e outra estancia cando a vivenda conte con máis de unha teñen alumeado e ventilación directa a través de espazos exteriores de calidade, públicos ou privados. Estes espazos exteriores deberán cumprir a lo menos as seguintes características:

-Tratarse de rúas, prazas e espazos libres públicos que define este Plan Xeral de Ordenación Municipal.

-A configuración e dimensións do espazo exterior de calidade deberá gardar unha axeitada relación coa altura das edificación que o conforman.

-A distancia mínima de luces rectas deberá ser como mínimo de 3 metros.

-Deberase garantir a continuidade espacial e de deseño dos citados espazos aínda que o seu desenvolvemento sexa realizado por propietarios diferentes.



-O resto das estancias que non sexan a maior e polo menos outra, cando a vivenda conte con máis de unha estancia, poderán ter alumeado e ventilación a través dos espazos exteriores ou a través de patios de parcela, cunhas dimensións nas que deberá inscribirse un círculo dun mínimo de 3 metros de diámetro.

Todos os proxectos deberán incorporar como parte da documentación unha memoria específica sobre o cumprimento da lexislación vixente en materia de habitabilidade. O Concello, pola súa parte, verificará que os proxectos que soliciten licenza cumpran esta normativa.

15.7. XUSTIFICACIÓN DA COHERENCIA DAS DETERMINACIÓNS DA M ODIFICACIÓN PUNTUAL Nº2 CO CONTIDO DOS INSTRUMENTOS DE ORDENACIÓN DO TERRITORIO

15.7.1. ANÁLISE DE COMPATIBILIDADE ESTRATÉXICA DOT – MEMORIA XUSTIFICATIVA DA COHERENCIA E CONFORMIDADE COAS DETERMINACIÓNS E CRI TERIOS ESTABLECIDOS POLAS DOT

As determinacións da presente Modificación puntual nº2 do PXOM do Concello de A Capela son coherentes co contido dos instrumentos de ordenación do territorio e, especificamente, co contido do Decreto 19/2011, do 10 de febreiro polo que se aproban as Directrices de Ordenación do Territorio de Galicia (DOT). Dentro do sistema de asentamento que as DOT establecen para Galicia, segundo se expón na memoria adxunta.

No tocante á planificación territorial o obxectivo das DOT é evitar duplicidades de usos dotacionais que puideran ser compartidos por varios Concellos. A norma establece que os núcleos urbanos que non teñen a categoría de cabeceiras ou subcabeceiras comarcais, como é o caso de As Neves, non poden acoller funcións de carácter supramunicipal. Polo tanto, todos os equipamentos programados dentro dos ámbitos obxecto de alteración do planeamento serán de carácter municipal, e o Concello estará obrigado a darlles contido e dotalos de medios humanos e materiais.

15.8. CUMPRIMENTO DO ARTIGO 94 DA LOG

Xustifícase o cumprimento do artigo 94 da LOUG “Modificación dos plans ” pois:

-A modificación do planeamento fundaméntase en razóns de interese público debidamente xustificadas.

-A modificación non incrementa a intensidade de uso de ningunha zona.

-A modificación afecta a terreos calificados coma zonas verdes e espazos libres públicos, pois precisa de corrixir un erro detectado na cartografía do PXOM en relación coa localización dun espazo libre, polo que a súa aprobación requirirá do informe favorable da Comisión Superior de Urbanismo de Galicia.

16. IMPACTO DA MODIFICACIÓN PUNTUAL SOBRE OS ELEMEN TOS ESTRATÉXICOS

16.1.1. INCIDENCIA SOBRE A PAISAXE

As medidas de adaptación ao ambiente incluídas nas ordenanzas propostas pola presente modificación puntual contribúen favorablemente a preservar os valores da paisaxe.

Nos núcleos rurais, o obxectivo é a delimitación dos mesmos axustada ao espazo que cumpre as condicións de núcleo de acordo cos criterios establecidos pola LOUG e segundo o modelo de asentamento poboacional, potenciando a estruturación coherente do viario, evitando crecementos lineais e fomentando a colmatación dos baleiros.

Especialmente nos núcleos rurais histórico-tradicionais, poténciase o mantemento das texturas, as cores, as xeometrías e as escalas dos volumes da edificación tradicional, favorecendo a rehabilitación e fomentando o emprego das formas construtivas propias utilizando materiais propios do medio rural, permitindo a introdución racional de novos materiais e garantindo a súa integración no medio rural.

As ordenanzas determinan que as edificacións, o parcelario, a rede de camiños e as infraestruturas adecuarán os seus perfís á topografía do terreo, evitando a alteración das pendentes naturais.

A redución da densidade edificatoria supón un efecto positivo sobre a paisaxe, xa que a eliminación de bolsas de solo urbanizable non delimitado no medio rural, as cales terían que ser desenvolvidas mediante actuacións de carácter integral, permite preservar inalterada a topografía, evita o impacto visual das edificacións proxectadas en serie propias deste tipo de urbanizacións e contribúe a que as poucas edificacións que se implanten se adapten ao lugar dun xeito máis doado.

16.1.2. INCIDENCIA SOBRE A NATUREZA

A diminución da capacidade residencial permite limitar a presión urbanística sobre as áreas máis fráxiles.

Nos núcleos de carácter tradicional e nos contornos rurais, co fin de integrar ao máximo as actuacións construtivas, o mantemento da vexetación autóctona ou de singular valor presente nos terreos, así como a conservación das sebes e vexetación asociada aos peches dos terreos permite manter os hábitats que contribúen á conservación da biodiversidade.



No entanto, a limitación da ocupación de parcelas, tanto en termos de edificación coma de superficie pavimentada, e a obriga de preservar as especies autóctonas e a dedicar a horta ou axardinamento os espazos libres de parcela permite evitar a excesiva alteración dos terreos e reduce impermeabilización e a erosión superficial.

Manter o uso preexistente dos terreos cultivados e os baldíos permite o refuxio de moitas especies de aves, insectos e mamíferos.

A redución do número de solos urbanizables de alta densidade edificatoria previstos no PXOM, procurando alternativas de crecemento mediante a rehabilitación e a colmatación dos tecidos dun xeito sustentable, en base á capacidade que poden soportar as redes de servizos existentes, garante un uso responsable da auga e a enerxía.

A diminución da capacidade residencial vai parella á minoración de verteduras e residuos, limitando o impacto sobre as correntes de auga, o que incide favorablemente sobre a vexetación de ribeira e na preservación do ciclo da auga.

16.1.3. INCIDENCIA SOBRE O PATRIMONIO

As actuacións proxectadas non teñen incidencia sobre o patrimonio catalogado, mais si inflúen favorablemente na recuperación da edificación tradicional ao dar prioridade á rehabilitación coa mellora das condicións de habitabilidade, accesibilidade, seguridade estrutural e eficiencia en enerxética das vivendas existentes.

17. CONCLUSIÓNS

No seguinte cadro recóllese a superficie ocupada por cada clase de solo tendo en conta as alteracións determinadas pola presente modificación puntual nº2. Sombréanse en rosa as categorías de solo nas que se incrementa o diminúe o valor con respecto ao establecido polo PXOM.

RELACIÓN DE SUPERFICIES DA CLASIFICACIÓN E CATEGORI ZACIÓN MODIFICADA S

CATEGORÍA SUPERFICIE (HA) % SOBRE TOTAL DIFERENZA CON SITUACIÓN PXOM

SOLO URBANO

CONSOLIDADO 27,8 0,48% + 42 %

NON CONSOLIDADO 1,12 0,02% +25%

SOLO URBANIZABLE

DELIMITADO 16 0,28% -28%

NON DELIMITADO 13,35 0,23% -37,6%

SOLO DE NÚCLEO RURAL

CIRCUNSCRICIÓN DE NÚCLEO RURAL

105,8 1,81%

ÁREA DE EXPANSIÓN 156,5 2,70%

HISTÓRICO TRADICIONAL 4,8 0,08% +100%

COMÚN 11,33 0,19% +100%

SOLO RÚSTICO DE ESPECIAL PROTECCIÓN

AGROPECUARIA 1.527 26 % -0,65%

FORESTAL 1.100 19,22%

DE INFRAESTRUTURAS 145,0 2,54%

DE AUGAS 574,6 10,15%

DE ESPAZOS NATURAIS 1.712 30,29%

DO PATRIMONIO 9,3 0,17%

DE INTERESE PAISAXÍSTICO

302 5,36%



17.1. SOLO URBANO CONSOLIDADO

O solo urbano consolidado aumenta a súa superficie considerablemente con respecto ao clasificado polo PXOM, mais cómpre ter en conta que as áreas que se incorporan a este réxime de solo xa se atopan urbanizadas e consolidadas pola edificación en máis de dúas terceiras partes, cumprindo coa condición de solo urbano. A aplicación da licenza directa nas novas zonas establecendo densidades e tipoloxías acordes co borde urbano permitirá un reparto equilibrado da posibilidade de edificar entre os propietarios, sen aumento do consumo de solo e sen necesidade de tender novas redes de servizos, procurando a compacidade, xerando unha estrutura urbana cualificada, e evitando a imaxe de indefinición derivada da edificación dispersa que existe actualmente nestas zonas.

17.2. SOLO URBANO NON CONSOLIDADO

O solo urbano non consolidado aumenta a súa superficie con respecto ao clasificado polo PXOM, mais cómpre ter en conta que a área que se incorporan a este réxime de solo xa se atopa parcialmente urbanizada e consolidada pola edificación. O novo ámbito (SUNC-2) deberá desenvolverse mediante un plan especial de reforma interior coa finalidade de completar a urbanización e permitir a creación de accesos ao SUD 2 e SUD 3.

17.3. SOLO URBANIZABLE DELIMITADO E NON DELIMITADO

A redución de solo urbanizable delimitado é consecuencia da ampliación do solo urbano no contorno de As Neves. A redución de solo urbanizable non delimitado é consecuencia da delimitación coma núcleo rural dos sectores S UR ND 3-Os Campos e da clasificación coma solo urbanizable delimitado S UR ND 2-A Serra. Esta determinación posibilita minimizar os custes ambientais, sociais e económicos derivados da instauración de edificacións e novas redes de urbanización, minorar os movementos de terra, alteracións dos leitos e cortas de arboredos de interese, evitar as pendentes con forte impacto visual, ecolóxico ou funcional derivadas dos movementos de terra que levan consigo as actuacións de carácter integral para o desenvolvemento de solos urbanizables, así como impedir a formación de barreiras visuais ou funcionais provocadas por altas densidades de edificación no medio rural.

17.4. NÚCLEOS RURAIS

A nova delimitación realízase en cinco casos sobre chan clasificado coma solo rústico de protección agropecuaria, incorporándose ao réxime de solo de núcleo rural cinco asentamentos recoñecidos no Nomenclátor con topónimos diferenciados e que contan co grao de consolidación suficiente.

NÚCLEO (PARROQUIA)

SUPERFICIE DELIMITADA

Nº PARCELAS

SUPERF. MEDIA PARCELA

PARCELAS OCUPADAS

Nº PARCELAS EQUIVALENTE

CONSOLI-DACIÓN

TIPO DE NÚCLEO

O BIDUEIRO -A BRAÑA (CAAVEIRO)

9.400 m² 6 1.566 m² 3 6

50% HIST-TRAD.

GUILLURFE (CABALAR)

19.000 m² 6 3.200 m² 3

6

50% HIST-TRAD.

AUGAS ROIBAS (CAPELA)

13.000 m² 2 6.500 m² 2

3

100% HIST-TRAD.

PENA GRANDE (CABALAR)

23.478 m² 6 4.300 m² 4

6

67% COMÚN

OS PICOS (CAPELA)

30.382 m² 9 3.000 m² 5

10

55% COMÚN

A nova delimitación realízase nun caso sobre chan clasificado coma solo urbanizable non delimitado, incorporándose ao réxime de solo de núcleo rural común, co topónimo O Campo.

NÚCLEO (PARROQUIA)

SUPERFICIE DELIMITADA

Nº PARCELAS

SUPERF. MEDIA PARCELA

PARCELAS OCUPADAS

Nº PARCELAS EQUIVALENTE

CONSOLI-DACIÓN

TIPO DE NÚCLEO

O CAMPO (CAAVEIRO)

56.316 20 2.600 7 19 37% COMÚN

En relación coas condicións da edificación, as novas delimitacións levan consigo a proposta de novas ordenanzas reguladoras para o solo de núcleo rural común e solo de núcleo rural histórico-tradicional, incluíndo condicións de habitabilidade, seguridade, medio ambiente así como estéticas e ambientais específicas para as actuacións dentro das áreas delimitadas como núcleo histórico tradicional en cumprimento dos establecido no artigo 56.1.f da LOUG, así coma para a protección da edificación con valores tradicionais.



ANEXO: INFORME DE RESPOSTA AO INFORME DA AXENCIA GA LEGA DE INFRAESTRUTURAS DE DATA 24.08.2015

1. Obxecto

O obxecto deste escrito é dar resposta ás observacións realizadas pola Axencia Galega de Infraestruturas no seu Informe Sectorial respecto da afección da “Modificación puntual n.º 2 do Plan Xeral de Ordenación Municipal de A Capela” sobre a Rede Autonómica de Estradas de Galicia, emitido en data 26 de Agosto de 2015 no que respecta a distintas cuestións relacionadas coas determinacións dos Instrumentos de Ordenación do Territorio e o Solo Urbano e de Núcleo Rural e as súas aliñacións.

2. Antecedentes

O Concello de A Capela conta cun Plan Xeral de Ordenación Municipal (PXOM) aprobado por orde da Consellería de Medio Ambiente, Territorio e Infraestruturas con data de 18 de Xuño de 2006, do cal publicouse a normativa urbanística no Boletín Oficial da Provincia o 8 de Xuño de 2006.

O devandito PXOM presentaba importantes eivas respecto da ordenación do Solo Urbano e do Solo de Núcleo Rural, xunto cunha significativa superficie de Solo Urbanizable que na situación urbanística e económica actual dificilmente serán desenrolados. Ademais, a gran maioria deste Solo Urbanizable situase ao longo da estrada autonómica AC – 546 e atopase xa urbanizado na súa meirande parte, co cal as posibilidades para o seu desenvolvemento reducense de xeito significativo. Ao mesmo tempo, esta situación nidiamente inaxeitada supón unha eiva de cara a regulación urbanística destes ambitos.

Deste xeito, á vista das eivas existentes no vixente PXOM de A Capela formulouse a Modificación Puntual nº 2 co fin de proporcionar dos instrumentos urbanísticos de regulación e desenvolvemento axeitados para os devanditos Solos Urbanizables, permitindo tamén unha ordenación coherente con respecto da realidade física e urbanística dos mesmos.

3. Obxectivos

Os obxectivos deste informe están relacionados coa xustificación das decisións tomadas na Modificación Puntual nº 2 tras a análise das observacións realizadas pola Axencia Galega de Infraestructuras respecto das determinacións dos Instrumentos de Ordenación do Territorio e o Solo Urbano e de Núcleo Rural e as súas aliñacións.

Neste senso e, en particular, consideraranse os seguintes obxectivos:

− Xustificar a inaplicabilidade das determinacións 3.1.5.a, 3.1.5.d e 3.1.10 das Directrices de Ordenación do Territorio de Galicia á extensión do Solo Urbano en As Neves.

− Xustificar a adopción das aliñacións existentes no PXOM vixente nos Solos Urbanizables reclasificados como Solo Urbano en As Neves

− Xustificar a redución das aliñacións nos Solos de Núcleo Rural de Pena Grande e A Serra.

4. Análise e xustificación das propostas.

Nas seguintes liñas exporanse a análise realizada das observacións formuladas pola Axencia Galega de Infraestructuras á Modificación Puntual nº 2 no período de exposición pública e sectorial, e a xustificación das determinacións tomadas respecto das cuestións analizadas.

4.1. Respecto as determinacións dos Instrumentos de Ordenación Territorial

Dentro das observacións realizadas sobre a proposta de Modificación Puntual nº 2 inclúense varias relacionadas cos Instrumentos de Ordenación do Territorio vixentes e de cumprimento para os Instrumentos de Ordenación Urbanística. Este instrumento son as Directrices de Ordenación do Territorio (DOT) de Galicia, aprobadas no ano 2011. Segundo estas observación serían de aplicabilidade as seguintes determinacións excluíntes recollidas nas DOT.

En primeiro lugar, indicase que segundo a determinación excluínte 3.1.5.a os instrumentos de ordenación territorial e o planeamento urbanístico "non poderán conter previsións de crecementos residenciais desvencellados dos asentamentos preexistentes, agás que se correspondan con aquelas áreas de recualificación identificadas co obxectivo de reconducir as dinámicas de ocupación do territorio incompatibles cun modelo de desenvolvemento sustentable".

No caso da Modificación Puntual nº 2 formulada do PXOM do Concello de A Capela considerase que esta determinación é inaplicable polas seguintes razóns: a inexistencia dun crecemento residencial desvencellado do asentamento existente e a natureza urbana dos ámbitos a reclasificar. Así, ha de entenderse que cando a determinación excluínte devandita das DOT fai referencia a crecementos residenciais desvencellados dos asentamentos preexistentes refírese ao desenvolvemento baixo os correspondentes instrumentos urbanísticos de novas implantacións residenciais, que ademais veñen a aumentar a capacidade residencial do Concello. Ao mesmo



tempo, é evidente que non pode referirse a crecementos de nova implantación á marxe dos instrumentos de desenvolvemento urbanístico correspondentes, en particular Plans Parciais e Plan Especiais de Reforma Interior, xa que estaría a considerarse unha ilegalidade. No caso dos ámbitos que dentro desta Modificación Puntual nº 2 son reclasificados como Solo Urbano, a analise da cartografía e da ortofotografía aerea amosa como non se trata dun crecemento, xa que se trata dun asentamento de feito que xa estaba urbanizado dende hai máis de dez anos, que ademais atopase estrutural, funcional e morfoloxicamente vencellado co núcleo histórico e as súas expansións urbanas de As Neves.

Neste senso, os Solos Urbanizables clasificados polo PXOM vixente e obxecto desta Modificación Puntual nº 2 co fin da súa reclasificación a urbanos han de considerarse como un asentamento preexistente froito da extensión urbana segundo as condicións permitidas anteriormente. Por outra parte, estes solos non poden ser considerados nin con a categoria de urbanizable nin coa de núcleo rural, xa que na actualidade contan con tódalas condicións esixibles para a súa clasificación como Solo Urbano segundo a lexislación urbanística vixente.

Por outra banda, neste caso redúcese a capacidade residencial, xa que fronte a unha clasificación como Solo Urbanizable, que permite, e esixe, unha reparcelación sobre uns determinados parámetros moitos maiores que o urbanizado existente, a clasificación como Solo Urbano nas condicións actuais diminúe a densidade e a edificabilidade, xa que se trata de parcelas cunhas dimensións en xeral moito maiores das que permitiría unha reparcelación.

Polo tanto, e segundo o exposto nas liñas anteriores non se considera aplicable a determinación 3.1.5.a das DOT.

En segundo lugar, indicase que segundo a determinación excluínte 3.1.5.d os instrumentos de ordenación territorial e o planeamento urbanístico "priorizarán a compactación das cidades, vilas e núcleos existentes fronte á súa expansión sobre terreos en estado natural, mediante operacións de rehabilitación, reforma e consolidación no seu interior", e que "asemade, evitaranse os crecementos ó longo das vías de comunicación".

No caso da Modificación Puntual nº 2 formulada do PXOM do Concello de A Capela considerase que esta determinación é inaplicable pola seguinte razón: a existencia dunha extensión lineal que precisa unha ordenación coherente e da súa compactación e consolidación co fin de evitar a artificilización de novos solos. Deste xeito, a consideración de que a extensión de As Neves ao longo da AC – 564 é unha situación de feito e xa consolidada polo tempo implica a necesidade da súa consolidación, no senso urbanístico, xa que ademais estaríase evitando a artificialización de novos solos naturais. Ao mesmo tempo trataría de dotar de compacidade a unha estrutura lineal xa existente, e que non representa un crecemento de nova planta, senón unha realidade morfolóxica e funcional moi clara.

Por outra banda, o termo compacidade non debe entenderse desde unha perspectiva relativa á forma, á morfoloxía, como unha cuestión ligada a unha certa forma urbana agrupada en torno a un punto central, senón que ha de ser entendida como unha propiedade que expresa unha proximidade entre os elementos da urbanización, segundo unha densidade determinada, o cal permite distintas configuracións morfolóxicas sempre que posúan unha proximidade dos seus elementos. Neste senso, e salvando as distancias, é coñecido que a forma lineal cunha certa densidade e continuidade é un modelo urbanístico que permite maximizar o transporte público e mínimizar o custe dos servizos urbanos.

Polo tanto, ante a existencia dunha morfoloxía lineal xa existente semella ser máis axeitado permitir a súa compactación e densificación que outras alternativas que poderían supor unha urbanización de nova implantación e a artificialización de solo natural. Sen embargo, esta consideración non supón que esta morfoloxía lineal teña que afectar e diminuir coa funcionalidade e coa protección da estrada AC – 546, senón que será preciso establecer unha nova relación física e normativa entre a edificación e a estrada.

En terceiro lugar, indicase que segundo a determinación excluínte 3.1.10 "co fin de evitar crecementos lineais, os planeamentos municipais deseñarán á escala pertinente os viarios internos dos núcleos nos que será posible consolidar novas edificacións”. Neste senso, e segundo o exposto nas liñas anteriores, se ben esta determinación pretende evitar os crecementos lineais sobre o viario, o asentamento xa existe e polo tanto non é aplicable este criterio.

Por outra banda, a determinación 3.1.2 das DOT recolle o seguinte: “os instrumentos de ordenación do territorio e os plans xerais de ordenación municipal identificarán aqueles asentamentos ou novas agrupacións que non se integren na malla urbana ou na rede de núcleos e que precisen de accións de recualificación para acadar os obxectivos de calidade de vida, cohesión social e integridade ambiental e paisaxística propostos no Modelo Territorial das DOT. Con dito fin, outorgaráselles a clasificación urbanística que lles corresponda atendendo á lexislación vixente”. Neste senso, unha visión ampla podería considerar que a extensión lineal ao longo da AC – 564 tratase dun asentamento non integrado nunha malla urbana, concepto por outra parte non aclarado en condicións na LOUGA vixente, e que precisa de recualificación a través da mellora da súa ordenación, polo que a súa clasificación debería ser Solo Urbano, xa que posúe as condicións para elo segundo a LOUGA.

Polo tanto, a súa consideración non podería ser a dun crecemento, senón a dunha consolidación dun asentamento xa existente. Deste xeito, realmente trataríase dunha actuación na liña da determinación 3.1.5.d, que ademais completaría



a determinación 3.1.1 de potenciación dos núcleos de referencia de cada nivel, que no caso local do Concello de A Capela trataríase da capital municipal, nun ámbito que posúe significativos vencellos funcionais e morfolóxicos.

En conclusión, considerase que as determinacións sinaladas non son aplicables a este caso segundo o exposto nas liñas anteriores. Non obstante, considerase que é precisa unha nova visión da extensión lineal de As Neves ao longo da estrada AC – 564 tanto en canto a súa natureza estrutural, funcional e morfolóxica como a súa clasificación urbanística, ao mesmo tempo que se formula unha relación axeitada entre o viario e a edificación que considere a protección e funcionalidade da primeira.

4.2. Respecto ao Solo Urbano e as súas aliñacións

Respecto a extensión do Solo Urbano nos ámbitos anteriormente considerados como Solo Urbanizable e apoiados na AC – 564, a Axencia Galega de Infraestruturas considera que esta non está suficientemente xustificada e que repercute de xeito negativo na funcionalidade e seguridade viaria. Novamente, considerarse que esta observación non pode ser aplicable en razón da realidade física, funcional e morfolóxica do ámbito na actualidade.

Deste xeito, e segundo o exposto anteriormente, existe unha clara eiva na clasificación do PXOM vixente. Así, se ben no momento da redacción do PXOM vixente puideran non cumprir con tódalas condicións esixibles pola normativa para a súa clasificación como Solo Urbano, a evolución da urbanización, tanto da edificación como dos servizos urbanos, permite que na actualidade estas condicións existan. Neste senso, a extensión dos servizos urbanos como parte das obrigas dun Concello consolidou un tecido que claramente entra dentro do concepto de solo urbano, por moito que a súa morfoloxía sexa lineal, e que implica a necesidade de establecer unha nova relación viario – edificación. Polo tanto, debido a existencia dunha situación física de feito que claramente é urbana, estes ámbitos non poden ser considerados baixo a óptica duns instrumentos e normativas que claramente produciron unha notable eiva respecto do Modelo Territorial e da clasificación urbanística do termo municipal de A Capela.

Obviamente, a situación física real do ámbito supón unha afección á funcionalidade da estrada AC – 564, sobre todo se neste tramo é considerada como unha vía interurbana. Sen embargo, a existencia na maior parte deste ámbito tanto de aparcadoiros como de entradas ás propiedades colindantes, xunto con unha beirarrúa consolidada, ademais da edificación existente, implica que a súa consideración debería ser urbana. Neste senso, non debe considerarse que a clasificación como Solo Urbano, que na realidade só implica o recoñecemento dunha realidade física e morfolóxica urbanística, supoña unha merma da funcionalidade da estrada AC – 564 cando os principais elementos que caracterizan unha vía urbana (aparcadoiros, beirarrúas) xa existen e non xeran unha diminución da funcionalidade da estrada. Neste senso, a clasificación como Solo Urbano non supón unha incidencia respecto da funcionalidade existente na actualidade, sobre todo, considerando que o estacionamento continuado pode supor a execución de manobras que comprometen do mesmo xeito a circulación que un acceso á edificación.

Non obstante, co fin de non reducir aínda máis a funcionalidade da estrada nestes ámbitos recollerase nas ordenanzas correspondentes do Solo Urbano que os accesos ás parcelas vacantes e non urbanizadas na actualidade realicense por vías alternativas en caso de existir esta posibilidade.

Respecto das aliñacións no Solo Urbano xa existente e no de nova clasificación ao longo da estrada AC – 564 formúlanse as seguintes observacións. No Solo Urbano correspondente co núcleo urbano histórico a aliñación virá dada pola fachada consolidada, mentres que no restante Solo Urbano virá dada por unha aliñación de once (11) metros medidos dende o eixo da vía, segundo o recollido no PXOM vixente e na “Acta de Establecimiento de Alineaciones” do 4 de Agosto de 1977. Deste xeito, neste ámbito urbano a distancia entre aliñacións sería de 22 metros, segundo o recollido na normativa vixente e anterior. No caso, dos Solos Urbanos de nova clasificación mantense o mesmo criterio de once (11) metros medidos dende o eixo da vía.

Respecto da relación entre as aliñacións da estrada AC – 564 e das vías locais en Solo Urbano, considerarase que se manteñen as aliñacións reflectidas no PXOM vixente no caso destas segundas sempre e cando se respecte a prevalencia das primeiras nos puntos de entronque entre ambos viarios.

4.3. Respecto ao Solo de Núcleo Rural e as súas ali ñacións

Respecto das observación sinaladas pola Axencia Galega de Infraestruturas da afección sobre a estrada AC – 564 nos ámbitos clasificados como Solo de Núcleo Rural admítense todas elas.

Deste xeito, a delimitación do núcleo de Pena Grande reduciuse polo Norte tendo en conta que a parcela afectada atopase vacante de edificación e clasifícanse como Solo Rústico de Protección de Infraestruturas os terros situados entre a estrada autonómica e a liña limite de edificación.

No núcleo de Serra considerase que os tramos antigos da Ac – 564 son a referencia para o sinalamento das afeccións e das aliñacións.



En tódolos núcleos afectados por estradas autonómicas sinalanse as aliñacións segundo as recomendacións formuladas pola Axencia Galega de Infraestruturas no seu informe sectorial respecto desta modificación puntual.

5. Conclusións

Segundo o exposto nas liñas anteriores respecto das observacións realizadas pola Axencia Galega de Infraestruturas considéranse as seguintes cuestións:

7. As determinacións 3.1.5.a, 3.1.5.d e 3.1.10 das DOT non son aplicables nos termos expostos e polo tanto os ámbitos recollidos no PXOM vixente poden ser clasificados como Solo Urbano.

8. O Solo Urbanizable clasificado ao longo da AC – 564 posúe as condicións para ser clasificado como Solo Urbano e esta determinación non afecta sobre a funcionalidade da estrada cando xa na actualidade existe unha situación de feito urbana.

9. No Solo Urbano na zona de núcleo históricos as aliñacións reduciranse ata a aliñación consolidada pola edificación.

10. No restante Solo Urbano, tanto no xa existente non histórico como no de nova clasificación, as aliñacións situaranse a once (11) metros medidos dende o eixo.

11. No Solo Urbano de nova clasificación, e recóllese nas ordenanzas correspondentes, o acceso ás parcelas vacantes e non urbanizadas tratarase de realizar por vías alternativas á AC – 564 en caso de existir dita posibilidade.

12. No Solo de Núcleo Rural de Pena Grande admítense as observacións respecto da delimitación do mesmo e da clasificación como Solo Rústico de Protección de Infraestruturas

13. No Solo de Núcleo Rural de A Serra mantéñense as aliñacións existentes no PXOM vixente sinalados a partir dos tramos antigos da AC – 564.

14. Nos Solos de Núcleo Rural recóllense as aliñacións recomendadas polo informe sectorial.



ANEXO: INFORME DE RESPOSTA AO INFORME DA SECRETARÍA XERAL DE URBANISMO DE DATA 19.10.2015

1. Reclasificación de solo rústico de especial protección agropecuaria a solo de núcleo rural:

A delimitación do solo de núcleo rural histórico tradicional supera a distancia de 50 metros das edificacións tradicionais nos núcleos de Guillurfe e Augas Roibas (artigo 13.3 LOUG).

Os planos de análise de consolidación dos núcleos rurais non poden considerarse planos de información, senón de ordenación.

Corríxese a delimitación do solo de núcleo rural de Guillurfe e Augas Roibas, trazándose a 50 metros das edificacións tradicionais.

Corríxese o erro na denominación dos planos de cons olidación de núcleos rurais, incorporándose ao apartado de planos de ordenación.

2. Reclasificación de solo urbanizado non delimitado a solo de núcleo rural:

O lugar denominado A Serra carece do carácter de asentamento tradicional necesario para poder ser clasificado coma solo de núcleo rural.

Clasifícase o ámbito coma solo urbanizable delimita do ao abeiro da disposición transitoria decimoterceira, en base á características do asenta mento, xurdido á marxe do planeamento.

3. Reclasificación de solo urbanizable delimitado a solo urbano consolidado:

De acordo cos planos de información do propio expediente, os terreos que conectan o ámbito edificado coa actual delimitación de solo urbano carecen de rede de saneamento, así como de consolidación pola edificación, polo que non se xustifica a reclasificación coma solo urbano do SUD- 4.

Ademais dos terreos do sector de solo urbanizable SUD-4, parte dos correspondentes aos sectores lindeiros SUD-2 e SUD-3 pasarían a solo urbano consolidado, incrementándose o sector SUD-3 sobre solo rústico de especial protección agropecuaria en dirección ao Rego do Pousadoiro, sen que se grafen nas fichas da normativa as novas delimitacións destes sectores. A reclasificación de solo rústico de especial protección agropecuaria esixiría informe favorable da Comisión Superior de Urbanismo de Galicia e aprobación polo Consello da Xunta (art. 95.4 da LOUG).

Non se xustifica a diferente clasificación dos ámbitos de dous tramos do vial de sistema xeral previsto, SX-C, nun caso solo urbano consolidado e noutro solo urbanizable delimitado, cando as súas características son aparentemente similares.

A estratexia de actuación e estudo económico financeiro do PXOM e o informe ou memoria de sustentabilidade económica deberían reflectir os cambios derivados da diminución do solo urbanizable e da inclusión da parte do viario de sistema xeral SX-C en solo urbano consolidado.

Non se xustifica a clasificación coma solo urbano dos terreos situados ao sur do SUD-6, ocupados por un edificio de vivenda unifamiliar, que carecen de rede de abastecemento de auga e saneamento, segundo a información aportada no proxecto de modificación.

En base á existencia parcial de redes de servizos e á consolidación do ámbito correspondente cos terreos do SUD-4 e aqueles que o conectan co solo urbano, este clasifícase coma solo urbano non consolidado, denom inado SUNC-02, actuación A10, que se desenvolverá a través dun plan especial de refor ma interior. O viario do sistema xeral SX-C forma parte das cesións da devandita bolsa de sol o.

Inclúense nas fichas da normativa correspondentes a os ámbitos SUD-2 e SUD-3 os planos coa nova delimitación.

A estratexia de actuación e o estudo económico e fi nanceiro e o informe de sustentabilidade económica reflicten os cambios derivados da Modific ación Puntual nº2.

Os terreos situados ao sur do SUD-6 contan con rede de abastecemento de auga, saneamento e alumeado, os cales se grafan nos plano s de información de redes de solo urbano.



4. Modificación de zonas verdes e equipamentos:

As modificacións dos ámbitos das zonas verdes do Merendeiro dos Picose dos Carballás-A Igrexa precisarán de informe favorable da Comisión Superior de Urbanismo.

A respecto do núcleo dos Carballás-A Igrexa, non se presentan planos a escala 1:2000 deste núcleo coa modificación pretendida dos ámbitos da zona verde e o novo equipamento (do cal deben determinarse as súas características).

Deben establecerse as determinacións referidas á nova zona verde que aparece nos planos de ordenación a escala 1:5000 ao norte do Rego do Pousadoiro, que non é mencionada nos textos da modificación.

O ámbito da piscina municipal, que é equipamento segundo o plano de ordenación do núcleo urbano a escala 1:2000, aparece no plano de ordenación a escala 1:5000 como zona verde, o que se deberá corrixir.

O equipamento grafado no núcleo Carballás-A Igrexa corresponde coa actualización gráfica dos planos 1:5000 de información e de ordenación do termo municipal coa finalidade de recoller a ampliación do cemiterio existente.

Recóllense na Memoria, na Estratexia de Actuación e Estudo Económico e Financeiro e na Normativa as determinacións referidas ao Paseo Fluv ial e á Parcela para Eventos ao Aire Libre.

A estratexia de actuación e o estudo económico e fi nanceiro e o informe de sustentabilidade económica reflicten os cambios derivados da Modific ación Puntual nº2.

Corríxese o erro de grafado da piscina municipal co ma zona verde, substituíndose polo grafado coma equipamento.

5. Informes sectoriais

Na tramitación da modificación deberán solicitarase os informes preceptivos establecidos na normativa sectorial, entre eles os preceptivos en materia de telecomunicacións, estradas, augas e patrimonio cultural.

Documents

MODIFICACIÓN PUNTUAL Nº 2 PXOM DO CONCELLO DA CAPELA€¦ · O 19.10.2015 foi emitido, ao abeiro do previsto no artigo 85.2 da LOUG, informe por parte da Secretaría Xeral de Ordenación