Møtebok - Helse- og omsorgsutvalet - 30.05 · 020/18 Referat og orienteringssaker 021/18 Nytt omsorgsbygg - prosjektet er klar til utlysing 022/18 Mona Lisa AS søkjer om skjenkeløyve

Gloppen kommune

Møtebok

Utval Helse- og omsorgsutvalet Møtestad Søreide Dato 30.05.2018 Tid Kl. 09:00 - 11:30

Følgjande medlemar møtte Frå Arnfinn Jørgen Brekke KRF Olaf Sigurd Gundersen SP Vidar Sandal SP Per Ståle Husevåg KRF Liv Petra Holme AP Anniken Rygg H Forfall/møtte ikkje Frå Følgjande varamedlem møtte Frå Marit Straume SP Oddrun Undheim Slagstad SP Andre som møtte Anita Lothe, helse- og omsorgssjef Møteleiar: Arnfinn Jørgen Brekke Underskrift:

Arnfinn Brekke

Side 2

Sakliste Sak nr. Sakstittel 019/18 Godkjenning av møteprotokoll, innkalling og sakliste

020/18 Referat og orienteringssaker

021/18 Nytt omsorgsbygg - prosjektet er klar til utlysing

022/18 Mona Lisa AS søkjer om skjenkeløyve for lokala i underetasjen på Kobberstadhuset

023/18 Høyringsuttale frå kommunane i Sogn og Fjordane til utviklingsplan Helse Førde 2018 - 2035

024/18 Felles høyringsuttale frå Nordfjordkommunane - prosjekt prehospitale tenester - Helse Førde

025/18 Legevaktspilot i Sogn og Fjordane

Side 3

Gloppen kommune

Arkiv: FE - 033

JournalpostID: 18/7215

Saksbehandlar: Jan Kåre Fure

Saksnr. Utval Møtedato

019/18 Helse- og omsorgsutvalet 30.05.2018

Godkjenning av møteprotokoll, innkalling og sakliste Vedlegg i saka: 11.04.2018 Protokoll - Helse- og omsorgsutvalet - 11.04.2018

Utvalsleiar si tilråding:

1. Helse- og omsorgsutvalet godkjenner møteprotokollen frå sitt møte den 11. april 2018 2. Helse- og omsorgsutvalet godkjenner innkallinga og saklista til møtet den 30. mai 2018.

Møteboka frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet.

Helse- og omsorgsutvalet 30.05.2018 Behandling

HOU- 019/18 Vedtak 1. Helse- og omsorgsutvalet godkjenner møteprotokollen frå sitt møte den 11. april 2018 2. Helse- og omsorgsutvalet godkjenner innkallinga og saklista til møtet den 30. mai 2018. Vedtaket var samrøystes.

Side 4

Gloppen kommune

Arkiv: FE - 033


Saksbehandlar: Jan Kåre Fure



Referat og orienteringssaker

Rådmannen si tilråding Rådmannen legg ikkje fram tilråding i saka.

Referatsaker Tittel Avsendar/mottakar Møte for å diskutere utfordringar knytt til samhandling om utskrivingsklare pasientar

Helse Førde

Rådmannen si årsmelding for 2017 Orienteringssaker: Helse- og omsorgssjefen vil orientere om: - Kvifor Gloppen kommune ikkje er med i samarbeidet om felles kreftkoordinator

Ordet fritt...

Helse- og omsorgsutvalet 30.05.2018 Behandling Utvalet ber om til neste møte: - ei orientering om Stortingsmelding 15 (2017-2018) Leve heile livet - ei kvalitetsreform for eldre - ei orientering frå eininga psykisk helse. Under order fritt... Olav Sig. Gundersen - tok opp att framlegget om trimapparat i Sandane sentrum - minte om oppretting av eit brukarutval, som er vedteke i helse- og omsorgsplanen, og bad rådmannen legge fram sak om retningslinjer for eit slikt utval i neste møte. Brukarutvalet må omfatte dei som bur i bustader med bemanning heile eller deler av døgnet. --- Sidan dette var siste møte med Anita Lothe som sektorleiar, takka leiaren og utvalet elles Anita for samarbeidet.

HOU- 020/18 Vedtak

Side 5

Det vart ikkje gjort formelt vedtak i saka.

Side 6

Gloppen kommune

Arkiv: FE - 614, PROSJEKT - 26158, HIST - 15/1371


Saksbehandlar: Anita Lothe


051/18 Formannskapet 23.05.2018

017/18 Eldrerådet 28.05.2018


Nytt omsorgsbygg - prosjektet er klar til utlysing

Rådmannen si tilråding Formannskapet viser til rådmannen si utgreiing og godkjenner at det nye omsorgsbygget i tilknyting til Gloppen omsorgssenter blir lyst ut som totalentreprise så snart som råd.

Saksutgreiing Bakgrunn for saka Helse- og omsorgsutvalet gjorde 13.04.2016 følgande vedtak i sak 12/16: Helse- og omsorgsutvalet ber om at området ved Gloppen omsorgssenter vert prosjektert for utbygging av nytt omsorgsbygg. Det vart orientert om framdrift i saka til helse- og omsorgsutvalet 15.02.2017 og i same møte gjort vedtak om å prosjektere 20 nye omsorgsbustader. Fakta i saka I arbeidet med å planlegge nytt omsorgsbygg er det bestemt at den gamle trebygningen skal rivast og erstattast med nytt tilbygg. Tilbygget er i utgangspunktet tenkt i 3 etasjar. 1. og 2. etasje er tenkt til omsorgsbustader med tilhøyrande fellesrom og andre nødvendige funksjonar som lager, skyllerom, kontor og møterom. Underetasjen skal nyttast til ulike lager, garderobar, kontor og tekniske rom. I tillegg vert der loftsrom som kan nyttast til lager, teknisk rom m.m. Omsorgsbustadane skal planleggast slik at bruken gjev fleksibilitet i forhold til ulike pasientgrupper. Det er behov for eit framtidsretta og fleksibelt omsorgsbygg. Det må også planleggast for eventuell vidare utbygging i framtida. Ei lokal arbeidsgruppe har vore med i planleggingsprosessen. Dette er tilsette som har erfaringar med tilsvarande prosessar, representerer einingar som har funksjonar i dagens bygg og som vert berørte av ombygging og nybygg. I tillegg har verneombod, vaktmeister, helse- og omsorgssjef og einingsleiar eigedom vore med i arbeidsgruppa. Arbeidet med å utarbeide eit byggeprogram (rom- og funksjonsprogram) for det nye omsorgsbygget er no ferdig. Innhald og funksjonar som ein vil ha i det nye bygget er omtala så nøyaktig som mogleg. Dette er også sett i samanheng med funksjonar i eksisterande bygg og planlagt med tanke på å skulle driftast effektivt og forsvarleg i lag med dagens einingar. Tekniske rådgjevarar har vore med og utarbeidd kravspesifikasjon på det tekniske fagområdet. Behov og funksjon på ulike tekniske fagområde er kartlagt og omtala. Dette omfattar el.kraft, høgspent anlegg, lavspent anlegg, nødstraumsanlegg, tele- og automatiseringsanlegg, telefon, brannvarslingsanlegg, adgangskontroll, TV/radio/AV‐utstyr, sjukesignalanlegg, heisanlegg, sanitærteknisk anlegg, varmeanlegg, ventilasjonsanlegg, kjøleanlegg og sprinkleranlegg. Rådgjevarane har også kartlagt og omtala eksisterande anlegg, og vurdert behov for fornying.

Side 7

Ei eiga tverrfagleg arbeidsgruppe har vurdert behovet for velferdsteknologi i det nye omsorgsbygget. Vi har kartlagt behov for teknologi med utgangspunkt i kvalitet på tenestene for brukarane, effektiv og trygg drift både med tanke på dei tilsette og brukarane. Konsulentar med spesiell kompetanse på området har også delteke i dette arbeidet. Totalentreprenør skal stå for design av heile bygget inkludert tekniske anlegg. Parkering og tilkomst både under byggeperioden og etter ferdigstilling er vurdert og planlagt som ein del av prosjektet. Det er avklara at ‘Annekset’ skal rivast og drifta i dette bygget er planlagt flytta. Det er behov for areal for tilkomst til området i byggeperioden og etter ferdigstilling. Vi planlegg ordinær drift på omsorgssenteret i byggeperioden. Dette innebær å etablere ein del funksjonar i underetasjen i dagens bygg for å oppretthalde drifta. For å få dette til må vi flytte ut lageret av hjelpemiddel til eit mellombels lager i byggeperioden og gjere nokre tilpassingar til eksisterande rom. Dette må gjerast før totalentreprisen startar, og vi har ein plan for korleis dette kan løysast. Det er planlagt drift i nytt omsorgsbygg frå juli 2020. Økonomiske konsekvensar for kommunen Det er beslutta at det skal byggast omsorgsbustader med bemanning gjennom heile døgnet. Maksimalt tilskot frå Husbanken er i dag 1.452.000 kroner per omsorgsbustad. Vi har ikkje sikre tal på kva eit nytt omsorgsbygg vil koste, men i økonomiplanen er det lagt inn 65 millionar i investeringskostnader. Dette er basert på Husbanken sine utrekningar av anleggskostnader per bu-eining som er 3.226.000 kroner. Det er oppretta kontakt med Husbanken og informasjon om planar om nytt omsorgsbygg er sendt inn. Søknad om tilskot kjem seinare i prosessen når planar og teikningar er klar.Det er meininga å lyse ut prosjektet som totalentreprise. Driftskostnader knytt til nytt omsorgsbygg er berekna til om lag 12 mill. i året. Dette er planlagt finansiert m.a. gjennom auka inntekter til kommunen som følgje av fleire innbyggarar som utløyser tilskot og omdisponering av nokre ressursar innan sektoren. I tillegg er det behov for framleis effektivisering av drifta i heile kommunen, for å kunne drifte nytt omsorgsbygg. Rådmannen si vurdering Behovet for fleire omsorgsbustader med bemanning gjennom heile døgnet er allereie i dag stort. Vi har for få plassar i dag sett opp mot behovet. I tillegg har vi den demografiske utviklinga som heilt sikkert seier oss at det vil vere fleire som treng denne typen bustad og tenester i åra framover. Det er difor viktig å kome i gang med bygging av nytt omsorgsbygg no. Kommunestyret vedtok på møte den 28. februar i år at «før anbodsutlysning skal formannskapet gå gjennom alle investeringsprosjekta med siktemål å sjå på reduksjonar/innsparingar.» På bakgrunn at denne orienteringa om arbeidet med nytt omsorgsbygg så langt ber rådmannen formannskapet godkjenne at prosjektet nytt omsorgsbygg med 20 heildøgns bemanna omsorgsbustader blir lyst ut som totalentreprise så snart som råd. Formannskapet 23.05.2018 Behandling Leiar for eigedomsavdelinga Odd Arne Kolseth og teknisk sjef Kjell Petter Solhaug var til stades under behandling av saka.

Side 8

FOR- 051/18 Vedtak Formannskapet viser til rådmannen si utgreiing og godkjenner at det nye omsorgsbygget i tilknyting til Gloppen omsorgssenter blir lyst ut som totalentreprise så snart som råd. Vedtaket var samrøystes. Eldrerådet 28.05.2018 Behandling Sekretær for rådet, rådgjevar Beate Kornberg, orienterte om saka.

ELD- 017/18 Vedtak Eldrerådet tek saka til orientering, og er glad for at framdriftsplanen vert overheldt. Vedtaket var samrøystes.

Helse- og omsorgsutvalet 30.05.2018 Behandling Framlegg frå Anniken Rygg (H): Eitt av vurderingskriteria i konkurransegrunnlaget bør i tillegg vere miljømessige løysingar tilsvarande krava til "grøne" bygg. Framlegget fekk tre røyster og fall.

HOU- 021/18 Vedtak Helse- og omsorgsutvalet tek formannskapet sitt vedtak til orientering. Vedtaket vart gjort med fire røyster.

Side 9

Gloppen kommune

Arkiv: FA - U63


Saksbehandlar: Margrete Anette Solheim



074/18 Formannskapet 06.06.2018

Mona Lisa AS søkjer om skjenkeløyve for lokala i underetasjen på Kobberstadhuset

Rådmannen si tilråding Formannskapet viser til at søkjar oppfyller alle krav i løyvepolitisk del av rusmiddelpolitisk handlingsplan, samt at dei har lang erfaring i å drive serveringsverksemd med skjenkeløyve frå Mona Lisa restaurant. Ut frå dette tildeler formannskapet Mona Lisa AS også skjenkeløyve for lokala i underetasjen i Kobberstadhuset på Sandane. Tillaten skjenketid følgjer normaltidene i rusmiddelpolitisk handlingsplan:

· inne mellom kl 13:00 – 01:00 søndag til torsdag og mellom kl 13:00 – 02:00 på fredagar og laurdagar og dagar før skiftande helge- og høgtidsdagar

· ute mellom kl 13:00 – 24:00 søndag til torsdag og mellom kl 13:00 – 01:00 på fredagar og laurdagar og dagar før skiftande helge- og høgtidsdagar.

Vahdetin Harman skal vere skjenkestyrar med Adem Demirtas som varastyrar.

Saksutgreiing Bakgrunn for saka Mona Lisa AS, ved Vahdetin Harman, søkjer om løyve til å skjenke alkoholhaldig drikke i gruppe 1, 2 og 3 (øl, vin og brennevin) i lokala i underetasjen i Kobberstadhuset (tidlegare Onkel Willy pub) i Grandavegen på Sandane. Fakta i saka Mona Lisa AS har skjenkeløyve for restauranten Mona Lisa i hovudetasjen (inkl 2. etg) i Kobberstadhuset. Dei har også tidlegare hatt skjenkeløyve i underetasjen på huset, løyve gitt av formannskapet den 27.08.2009 (f-sak 83/09). I f-sak 137/16 vart løyvet utvida til også å gjelde gruppe 3, altså brennevin. No søkjer dei på nytt løyve for gruppe 1, 2 og 3 for lokala i underetasjen av huset (tidlegare eigarar av puben la ned drifta hausten 2017). Dei ønskjer å drive pub og diskotek i helgane (fredagar og laurdagar) for å oppretthalde dette tilbodet på Sandane. Det vert ingen endringar i areal, fasilitetar eller driftskonsept i følgje samtale med Vahdetin Harman den 26.04.2018. Rådmannen har på vanleg måte sendt brev til lensmannen og sosialtenesta (NAV Gloppen) og bede om uttale til skjenkeløyvet generelt. Politiet har ingen merknad til søknaden. Sosialtenesta har ikkje kome med tilbakemelding. Vahdetin Harman vert skjenkestyrar med Adem Demirtas som vara. Dei ønskjer å drive pub og diskotek med same tillaten skjenketid som var sett i tidlegare løyve, sjølv om opningstidene jamt

Side 10

over berre var på fredagar og laurdagar. Sidan normalskjenketida for brennevin ikkje startar før kl 13:00 blir då tillaten skjenketid inne frå kl 13:00 – 01:00 på søndag til torsdag og frå kl 13:00 – 02:00 på fredag og laurdag og dagar før skiftande helge- og høgtidsdagar. Serveringa ute skal avsluttast ein time før. Innanfør desse tidene må det bli opp til løyvehavar å bestemme opningstidene. Økonomiske konsekvensar for kommunen Ingen. Rådmannen si vurdering Vahdetin Harman og Adem Demirtas eig og driv Mona Lisa restaurant i hovudetasjen og 2. etg i huset. Dei har vore styrar og vara for drifta av restauranten og skjenkeløyvet der i mange år og har begge både godkjend og bestått etablererprøve i serveringslova og kunnskapsprøve om alkohollova frå tidlegare. Begge har lang erfaring frå drift av restauranten og tidligare erfaring frå drift av lokala til puben/diskoteket i underetasjen på huset. Rådmannen ser positivt på at pub-tilbodet på Sandane kjem i gang igjen, og ser ikkje føre seg pub-drift utan skjenkeløyve. Helse- og omsorgsutvalet 30.05.2018 Behandling HOU- 022/18 Vedtak Helse- og omsorgsutvalet har ingen merknader til tilrådinga. Vedtaket var samrøystes.

Side 11

Gloppen kommune

Arkiv: FA - G00





014/18 Eldrerådet 28.05.2018

015/18 Rådet for menneske med nedsett funksjonsevne 28.05.2018

Høyringsuttale frå kommunane i Sogn og Fjordane til utviklingsplan Helse Førde 2018 - 2035 Vedlegg i saka: 07.05.2018 Høyringsfråsegn til Helse Førde sin utviklingsplan 2018 - 2035 16.04.2018 Høyringsutkast utviklingsplan Helse Førde 2018 - 2040

Rådmannen si tilråding Helse- og omsorgsutvalet viser til KS sin felles høyringsuttale og har ingen merknader til denne.

Saksutgreiing Bakgrunn for saka Helse Førde har utarbeidd høyringsframlegg til utviklingsplan for Helse Førde, med tidsperspektiv fram til 2040. Dette er ein revisjon av planen frå 2015. Planen skal vere heilskapleg og overordna, det vil seie at den ikkje handsamar dei einskilde fagområda. Helse Førde har dei siste åtte-ti åra gjort relativt store endringar i sjukehusstruktur og oppgåvefordeling. Gjennom ein større planprosess i 2010 - 2012 skjedde omlegging av ortopeditilbodet og fødetenestene. Psykisk helsevern har vorte bygd ut og er i stor grad desentralisert. Siste tilskot et er etableringa av ruspost ved Nordfjord psykiatrisenter i 2012. I 2011/2012 gjennomførte ein «Framtidas lokalsjukehus på Nordfjordeid» - eit nasjonalt pilotprosjekt. Planperioden gjeld i fire år, då det er føresett ny revisjon. Utviklingsplanen er bygd opp i seks kapittel. Første kapittel skildrar historikk og prosessen med gjennomføring av planen. Andre kapittel syner no situasjonen i føretaket. I kapittel tre vert det gjort greie for føringar, og i kapittel fire syner utviklingstrekk og framskrivingar. Kapittel fem inneheld analyse og vegval, medan kapittel seks skildrar mål bilde og tiltak i planperioden. Utviklingsplanen frå 2015 bygde vidare på eksisterande struktur. Dei to siste åra har det vore arbeidd med å leggje grunnlag for tenesteutvikling i heile organisasjonen. Dette arbeidet vil halde fram. I kapittel 6 vert det presentert overordna målsetjingar for kvar av dei 10 innsatsområda, og under kvart delkapittel framkjem tiltak som skal stette opp om desse målsetjingane. Felles høyringsuttale frå kommunane i Sogn og Fjordane KS har på vegne av kommunane sendt inn ein felles høyringsuttale. I korte trekk er innspela:

· Det vert naudsynt å gjere prioriteringar etter kvart som omfang og behov for tenester aukar. Planen bør synleggjere korleis Helse Førde vil gjere desse prioriteringane.

· Planen omtalar kapasitetsberekning innan psykiatri til 2040. Det er forventa at kommunane skal overta 0,5% pr. år samstundes som Helse Førde skal redusere tilsvarande. Kommunane ser ikkje at dette er realistisk og vil ikkje tilrå dette, men tilrår ei styrking av poliklinisk og

Side 12

sengepostar i psykiatrien. · Oppmoding til Helse Førde om å konkretisere kva dei ser føre seg er dei viktigaste

utviklingsoppgåvene på kort og lang sikt. · Det er ynskjeleg at spesialisthelsetenesta gir eit tilbod til kommunehelsetenesta i form av

utgreiing, behandling og rettleiing innan eldrepsykiatri. · Utfordring til Helse Førde til å seie noko om korleis kommunane kan trekkast med i og dra

nytte av forskingsarbeid. · Det er uttrykt ei uro for at sengetalet ved helseføretaket går ned, samtidig som ein får

fleire pasientar med samansette og komplekse helsetilstandar. · Utviklingsplanen bør i større grad vise korleis helseføretaket har planlagt å levere meir

helsetenester for mindre ressursar. · Helse Førde bør prioritere å få til ordning med koordinator for å lukkast i å skape

«pasientens helsetenester» også for å betre logistikk og samhandling mellom avdelingane i Helse Førde.

· Rehabilitering/habilitering er eit satsingsfelt i nasjonal samanheng. Vi saknar at utviklingsplanen i større grad speglar denne satsinga og tilrår at Helse Førde viser ei større satsing på området.

· Dersom ein ser føre seg at ein del av det eksterne samarbeidet og samhandlinga skal resultere i oppgåveforskyving, bør planen vere meir konkret i høve korleis samhandlinga skal gjennomførast. Eit anna viktig moment er tidsaspektet, kommunane må settast i stand til å ta over eventuelle oppgåver på ein slik måte at det er fagleg forsvarleg.

Eldrerådet 28.05.2018 Behandling Sekretæren for rådet, rådgjevar Beate Kornberg, orienterte om saka.

ELD- 014/18 Vedtak Eldrerådet tek saka til orientering, og har ingen merknader. Vedtaket var samrøystes.

Rådet for menneske med nedsett funksjonsevne 28.05.2018 Behandling Sekretær for rådet, Åslaug Haugset, orienterte om saka.

RAD- 015/18 Vedtak Rådet for menneske med nedsett funksjonsevne har ingen merknader i saka. Vedtaket var samrøystes

Helse- og omsorgsutvalet 30.05.2018 Behandling Framlegg frå Vidar Sandal (Sp): Helse- og omsorgsutvalet viser til KS sin felles høyringsuttale.

Side 13

Utvalet ynskjer å tydeleg støtte KS sin uttale og ser med bekymring på auka oppgåver i kommunane utan at det følgjer nok økonomiske midlar med. Ved alternativ avrøysting fekk - rådmannen si tilråding ingen røyster og - framlegget frå Vidar Sandal sju røyster.

HOU- 023/18 Vedtak Helse- og omsorgsutvalet viser til KS sin felles høyringsuttale. Utvalet ynskjer å tydeleg støtte KS sin uttale og ser med bekymring på auka oppgåver i kommunane utan at det følgjer nok økonomiske midlar med. Vedtaket var samrøystes.

Side 14

Gloppen kommune

Arkiv: FA - G00





015/18 Eldrerådet 28.05.2018


Felles høyringsuttale frå Nordfjordkommunane - prosjekt prehospitale tenester - Helse Førde Vedlegg i saka: 09.05.2018 Felles høyringsuttale frå Nordfjordkommunane - prosjekt prehospitale tenester -

Helse Førde

Rådmannen si tilråding Helse- og omsorgsutvalet viser til vedlagde fellesuttale frå kommunalsjefnettverket i helse, omsorg og sosial i Nordfjord og har ingen merknader til denne.

Saksutgreiing Bakgrunn for saka Alle helseføretak skal utarbeide utviklingsplanar som ein del av iverksetjinga av nasjonal helse- og sjukehusplan. Utviklingsplanen til Helse Førde blir rullert våren 2018. Arbeidet med dei prehospitale tenestene er ein del av dette utviklingsarbeidet. Omgrepet prehospital betyr «før sjukehus». Det handlar då om ambulanse (bil og båt), AMK-sentral, legevakt og luftambulanse/redningshelikopter. Styret i Helse Førde HF gav i styresak 068/2017 tilslutnad til at prosessen med å utvikle og implementere ein plan for heile det prehospitale området skal gjennomførast i tre fasar. Dei tre fasane er delte opp slik: 1. Etablere prosjekt – forankring internt og eksternt: Avklare prinsipp, premissar og rammevilkår. 2. Detaljering av modellar. 3. Implementering av vald modell. Rapporten for fase 1 i prosjekt Prehospitale tenester er no sendt ut på høyring. Den er å finne på nettsida til Helse Førde. Rapporten er utarbeidd av ei breitt samansett gruppe med deltakarar frå Helse Førde, kommunar og brukarar. Rapporten er ei oppsummering av arbeidet som prosjektet har gjort gjennom haust og vinter 2017/2018 og omhandlar mellom anna kva lover, forskrifter og føringar som gjeld for dei prehospitale tenestene, korleis tenesta vert driven i dag og samanlikning med prehospitale tenester andre stadar i landet. Høyringsfrist er 30. mai 2018. Kommunalsjefnettverket i helse, omsorg og sosial i Nordfjord har laga ein felles uttale til rapporten som er sendt ut på høyring. På bakgrunn av diverse utfordringar som vert omtala i rapporten uttrykkjer nettverket uro for at ambulanseberedskapen i kommunane kan verte redusert og dermed ei svekka prehospital teneste i kommunane. Hovudkonklusjon i høyringsuttalen er ei oppmoding om at tal ambulansestasjonar må verte

Side 15

oppretthalde slik dei er i dag. For å tilpasse seg økonomiske råmer må helseforetaket konsentrere utviklingsarbeidet kring alternativ pasienttransport der dette er forsvarleg og halde fram og intensivere samhanlinga med primærhelsetenesta og spesialisthelsetenesta for å nytte rett transport til rett tid, og bidra til å sikre at den akuttmedisinske kjeda heng saman. Eldrerådet 28.05.2018 Behandling Sekretæren for rådet, rådgjevar Beate Kornberg, orienterte om saka.



RAD- 016/18 Vedtak Rådet for menneske med nedsett funksjonsevne støtter høyringsuttala frå kommunalsjefnettverket i helse, omsorg og sosial i Nordfjord og har ingen merknader til denne. Vedtaket var samrøystes.

Helse- og omsorgsutvalet 30.05.2018 Behandling Framlegg frå Vidar Sandal (Sp): Helse- og omsorgsutvalet ynskjer å understreke betydninga av å overhalde responstida på 25 minutt for å nå 90 % av innbyggarane. Framlegget vart vedteke med fire røyster. Mindretalet røysta for rådmannen si tilråding.

HOU- 024/18 Vedtak Helse- og omsorgsutvalet ynskjer å understreke betydninga av å overhalde responstida på 25 minutt for å nå 90 % av innbyggarane. Vedtaket vart fatta med fire røyster.

Side 16

Gloppen kommune

Arkiv: FE - 026





016/18 Eldrerådet 28.05.2018


Legevaktspilot i Sogn og Fjordane Vedlegg i saka: 27.04.2018 Pilotprosjekt på legevaktfeltet 27.04.2018 PP-presentasjon om prosjektet 27.04.2018 Presentasjon Førde 02.03.2018 - Pilot legevakt (162970)

Rådmannen si tilråding Helse- og omsorgsutvalet godkjenner at Gloppen kommune stiller seg bak søknad frå kommunane i Sogn og Fjordane til Helsedirektoratet om tilskot og deltaking i det 3-årige pilotprosjektet på legevaktfeltet. Det er ein føresetnad at legevaktsressursane i Gloppen ikkje vert sett i spel. Gloppen legevakt skal organiserast som no, det vil seie status som nivå 2 – legevaktstasjon i det skisserte prosjektet, samt at Gloppen kommune ikkje får ekstra kostnader og arbeid som ikkje vert økonomisk kompensert av prosjektet.

Saksutgreiing Bakgrunn for saka Helsedirektoratet har lyst ut tilskot til eit pilotprosjekt knytt til utprøving av ny organisering av legevakt. Prosjektet har finansiering over statsbudsjettet, og det er sett av 10 millionar i 2018. Etter eit møte i regi av Fylkesmannen og KS om legevaktpiloten 2. mars i Førde, vart det sett ned ei arbeidsgruppe som tok på seg oppgåva med å utgreiie og utarbeide ein felles søknad om deltaking frå Sogn og Fjordane. Søknadsfrist er 01.06.18. Det vert truleg Førde kommune som søkjer på vegner av kommunane i Sogn og Fjordane. For å forankre arbeidet med søknaden i kommunane, har gruppa utarbeidd eit felles saksframlegg til politisk handsaming av saka. Denne saka er skrive med utgangspunkt i felles saksframlegg. Fakta i saka Bakgrunnen for tilskotsordninga er frå Helsedirektoratet beskrive slik: «Målet for tilskuddsordningen er å prøve ut nye arbeids- og organiseringsformer innen legevaktområdet, for å sikre en bærekraftig og forsvarlig lokal akuttmedisinsk tjeneste i områder som har utfordringer i tjenesten i dag. Dette inkluderer å bedre tilgjengeligheten til tjenesten, skape større bredde i tilbudet, sikre kvalitetsutvikling, tydelig ledelse, sikre bedre rekruttering og sørge for tjenestens fremtidige bærekraft. Pilotprosjektet vil gi erfaringer og kunnskap om nye måter å organisere akuttmedisinsk beredskap utenfor sykehus. Det skal prøves ut en ny tre-nivås modell for organisering av legevakt. Rammene for

Side 17

pilotprosjektet er nærmere beskrevet i rammedokumentet som lagt ut på Helsedirektoratets nettsider under kunngjøring av tilskuddsordningen. Oppstart av utprøvingen er 1. september 2018 og er et treårig løp. Målgruppen er små- og mellomstore kommuner. Pilotprosjektet er tenkt utprøvd i ett til to distrikter med en befolkning fra 30 000 – 100 000. Kriteriene for å vurdere måloppnåelse for et bedre tilbud til pasientene er basert på følgende effektmål for utprøvingen, som skal belyses av tilskuddsmottaker:

· Befolkningen har tilgang til forsvarlige akuttmedisinske tjenester gjennom hele døgnet, innen rimelig tid.

· Lege er tilgjengelig for avklaring og rådgivning gjennom hele døgnet. · Flest mulig akutte hendelser skal håndteres lokalt. For å få til dette må annet helsepersonell

enn lege, f.eks. ambulansepersonell, og sykepleiere i helse- og omsorgstjenesten være en del av beredskapspersonellet i legevakt.

· Operatører på legevaktsentralene har nødvendig kompetanse og kapasitet til å håndtere akuttmedisinske tilstander på en forsvarlig måte.

· Samlede vaktressurser i kommunen utnyttes bedre. · Bedre rekruttering av fastleger, spesielt i kommuner med høy vakthyppighet. · Ta i bruk telemedisinske løsninger og digital kommunikasjon for å understøtte diagnostikk

og behandling.»

Bakgrunnen for utlysing av tilskotet er at Helsedirektoratet har sett at mange små og mellomstore kommunar har utfordringar med å oppretthalde ei fagleg forsvarleg legevaktordning som ivaretek krav til kompetanse for legar i vakt, utfordringar med rekruttering av fastlegar og utfordringar med sikring av kvalitet og leiing i legevakt. Vidare at ein ynskjer å finne løysingar som skal kompensere for den sentraliseringa ein ser ved større legevaktsamarbeid, for betre å kunne handtere akutte hendingar lokalt. Pilotprosjektet skisserer ei legevakt i 3 nivå. Legevaktsentral med lege som fungerer som bakvakt for heile organiseringa på nivå 1, legevaktsstasjon med lege og eventuelt sjukepleiar på nivå 2 og kommunal sjukepleiar og telemedisinske løysingar på nivå 3. Kommunikasjonen både frå nivå 2 og 3 skal gå inn til nivå 1 ved behov for avklaring på høgare nivå. Dette er ei skisse, og direktoratet har gitt tydelege signal om at gode løysingar som allereie eksisterer skal ein søkje å ta vare på og eventuelt utvikle vidare. Helsedirektoratet har orientert om pilotprosjektet i fleire omgongar i Sogn og Fjordane, både til fagleg/administrativt og politisk nivå. I siste orientering - arrangert i regi av Fylkesmannen og KS i Førde fredag 2/3-18 - var det oppmøte frå 23 kommunar. Fylkesmannen, KS og Helse Førde er positive til at Sogn og Fjordane søkjer om deltaking i pilotprosjektet. Vi er ikkje avhengige av alle kommunane i fylket for å søkje, men det er ein føresetnad at alle 3 nivåa deltek og befolkningsgrunnlaget bør vere minst 30 000. Kommuneoverlegane i Førde og Sogndal og legevaktsjefane frå Nordfjord legevakt, Sogn LMS og Florø legevakt tok initiativ til ei arbeidsgruppe der kommuneoverlegane/legevaktsjefane i dei kommunane som ynskjer deltaking vart inviterte til å vere med og utgreie dei faglege sidene ved pilotprosjektet. Kommunalsjefnettverket i Nordfjord hadde denne saka som tema den 23.03.18. Legevaktsjef, avdelingsleiar for interkommunale helsetenester og kommuneoverlege i Eid var også til stades i møtet. Vi diskuterte om utprøvinga var aktuell i Nordfjord. Det var i møtet semje om stille oss positive til å søkje dersom ikkje nokon av legevaktsressursane i Nordfjordkommunane vert sette i spel. Økonomiske konsekvensar for kommunen Prosjektet har finansiering over statsbudsjettet og det er sett av 10 millionar i 2018. Rådmannen legg

Side 18

til grunn for si tilråding av prosjektet ikkje påfører oss ekstrakostnader. Rådmannen si vurdering For å kunne få ei fullskala reell utprøving av ei framtidsretta legevakt er det ønskjeleg at heile fylket søkjer om deltaking. Med dei prosessane som fylkesmannen og KS har gjennomført, er det grunn til å rekne med brei deltaking i fylket. Den faglege vurderinga i administrasjonen peiker på at einaste reelle alternativ som nivå 1 er Sunnfjord og ytre Sogn interkommunale legevakt (SYS-IKL) i Førde. Dette på grunn av at ein i nivå 1 er avhengig av særleg høg deltaking av vaktkompetente legar og spesialistar i allmennmedisin. I Gloppen har vi eiga legevakt. Det har vore stor semje om å prioritere dette i kommunen. Til denne tid har vi rekruttert fastlegar og legevaktsbelastninga er opplevd som grei. Organiseringa av legevakta er i tillegg basert på faste og kjende vikarar gjennom fleire år som kjem til Gloppen med jamne mellomrom. Nye kompetansekrav til legar i vakt vil likevel kunne utfordre oss i åra framover. I modellen som er skissert kan dette løysast ved bakvakt av lege i vakt på nivå 1 – forsterka legevaktssentral, dersom aktuell lege ikkje har kompetanse til å ha sjølvstendig legevakt. Dette føreset at utrykningkravet til bakbakt fell vekk. Rådmannen er positiv til deltaking i felles prosjekt under føresetnad av at dei lokale legevaktsressursane ikkje vert sett i spel. Det vil verte vanskeleg å reetablere lokal legevakt dersom avtalar med faste vikarar vert sagt opp. Signala er at Gloppen legevakt vil få status som nivå 2 – legevaktstasjon i eit eventuellt prosjekt jamfør skissert modell i vedlegg til saka. Alternativt kan også Gloppen fungere som referanse-kommune i prosjektet. Deltaking i prosjektet føreset også at Gloppen kommune ikkje får ekstra kostnader og arbeid som ikkje vert økonomisk kompensert av prosjektet. Eldrerådet 28.05.2018 Behandling Sekretæren for rådet, rådgjevar Beate Kornberg, orienterte om saka.



RAD- 017/18 Vedtak Rådet støttar ein søknad frå Sogn og Fjordane, med dei føresetnadene som blir gitt i rådmann si tilråding, og ynskjer lykke til med arbeidet.

Side 19

Vedtaket var samrøystes.

Helse- og omsorgsutvalet 30.05.2018 Behandling HOU- 025/18 Vedtak Helse- og omsorgsutvalet godkjenner at Gloppen kommune stiller seg bak søknad frå kommunane i Sogn og Fjordane til Helsedirektoratet om tilskot og deltaking i det 3-årige pilotprosjektet på legevaktfeltet. Det er ein føresetnad at legevaktsressursane i Gloppen ikkje vert sett i spel. Gloppen legevakt skal organiserast som no, det vil seie status som nivå 2 – legevaktstasjon i det skisserte prosjektet, samt at Gloppen kommune ikkje får ekstra kostnader og arbeid som ikkje vert økonomisk kompensert av prosjektet. Vedtaket var samrøystes.

Documents

Møtebok - Helse- og omsorgsutvalet - 30.05 · 020/18 Referat og orienteringssaker 021/18 Nytt omsorgsbygg - prosjektet er klar til utlysing 022/18 Mona Lisa AS søkjer om skjenkeløyve