Naustdal kommune som inkluderer parkeringsplass for bubil, vil vere eit positivt supplement til området. Samkøyring av planarbeida er eit viktig grep for at ønska utvikling vert

Oppdragsnr.: 5175973 Dokumentnr.: 001 Versjon: H01

Planprogram | Kommunedelplan og områdereguelringsplan for Naustdal sentrum

n:\517\59\5175973\5 arbeidsdokumenter\53 planprogram\5175973_rapp_planprogram_h01.docx 2017-10-30 | Side 1 av 31

Naustdal kommune

Planprogram

Kommunedelplan og områdereguleringsplan

Naustdal sentrum





Oppdragsgjevar: Naustdal kommune

Oppdragsgjevars kontaktperson: Ørjan Stubbhaug

Rådgjevar: Norconsult AS, Firdavegen 6, NO-6800 Førde

Oppdragsleiar: Iren Meisterplass

Fagansvarleg: Iren Meisterplass

Andre nøkkelpersonar: Johannes Myrmel

H01 2017-10-30 Til politisk handsaming IrHMe JOHM IrHMe

Versjon Dato Omtale Utarbeidet Fagkontrollert Godkjent

Dette dokumentet er utarbeida av Norconsult AS som del av det oppdraget som dokumentet omhandlar. Opphavsretten

tilhøyrar Norconsult. Dokumentet må berre nyttast til det formål som går fram av oppdragsavtalen, og må ikkje kopierast eller

gjerast tilgjengeleg på annan måte eller i større utstrekning enn formålet tilseier.




Forord

Naustdal kommune har i samsvar med §11-13 i Plan- og bygningslova og Forskrift om

konsekvensutgreiing utarbeida felles planprogram for to planarbeid; Rullering av kommunedelplan

med fokus på å auke næringsareal i Naustdal og utarbeiding av områdereguleringsplan for betring av

trafikkavvikling og trafikktryggleik i Naustdal, vegserviceanlegg ved Sanden og næringsområde under

Kletten.

Dei to planarbeida vert gjennomført parallelt fordi utvikling av Naustdal heng saman med eit godt

fungerande vegsystem.

Planarbeida er ei oppfølging av kommunen sitt vedtak i utval for plansaker 08.06.2017, i samsvar med

kommunale planstrategi.

Kommunedelplanen for Naustdal sentrum skal fokusere på å finne gode areal til

næringsformål i tilknyting til rv. 5.

Områdereguleringsplanen skal fokusere på trafikktrygging og realisering av næringsareal på

Bøtun, under Kletten. Trafikktryggingsarbeidet skal ha fokus på dei tre kryssa langs rv. 5 til

Øyravegen, fv. 611 og Tunavegen og på riksvegbrua over Nausta.

Fastsett planprogram skal leggast til grunn i planarbeida og ved utarbeiding av

konsekvensutgreiingane knytt til planarbeida.

Formålet med planprogrammet er å greie ut formål med planarbeida og kva problemstillingar som vert

funne viktige i høve til miljø og samfunn. Dokumentet sikrar medverknad og samråd kring dagens

situasjon og informerer om kva som er føremålet med planarbeidet. Planprogrammet skal vere med

og sikre forutsigbar og effektiv prosess.




Innhald

Innleiing 6

Bakgrunn for prosjektet 6

Organisering og roller 6

Planoppgåvene 6

Planarbeid og plannivå 6

Planprogram 7

Informasjon og medverknad 7

Plandokument 8

Tidsplan 8

Føringar og mål 9

Mål for planarbeidet 9

Definerte mål i kommunedelplan – samfunnsdel 9

To planarbeid 10

Revisjon av kommunedelplan for Naustdal sentrum 10

Områdereguleringsplan 10

Situasjon og utfordringar 11

Utbyggingsmønster og kommunikasjon 11

Trafikk 12

Trafikkanalyse 12

Sårbare punkt på vegnettet 13

Vegstandard og vegløysingar 13

Trafikktryggleik 14

Verknader av trafikksystemet 14

Mogelege løysingar 15

Utgreiing av vegløysingar 17

Landskap 18

Naturmangfald 18

Nærmiljø og friluftsliv 20

Kulturmiljø 21

Naturressursar 23

Samfunnstryggleik 24

Oppsummering 24

Kommunedelplan for Naustdal 24


Plan og utgreiingsprogram 26





Kommunedelplan for Naustdal sentrum 27

Prinsipp og løysingar 27

Konsekvensutgreiing 28

Samfunnstryggleik 29

Samanstilling av konsekvensar, avbøtande tiltak,

trong for nærmare granskingar 29

Referanser 30




Innleiing

Bakgrunn for prosjektet

Som følgje av vekst og investeringar opplever Naustdal kommune press på areal til næringsformål.

Kommunen ynskjer eit større og fleire mindre næringsområde nær rv.5 for å støtte opp om vidare

vekst.

Ei aukande trafikkmengde på rv.5 kombinert med utviklinga i Naustdal bidreg til eit vegsystem som har

manglar i høve til å utvikle tettstaden og gi trafikktrygge løysingar. Kommunen opplever at

trafikkmengda og løysingar langs rv. 5 er eit hinder for denne utviklinga. Dei ynskjer difor at det vert

vurdert tiltak for å betre framkomst og trafikktryggleik i Naustdal, langs riksvegen.

Organisering og roller

Forslagstillar er Naustdal kommune.

Planarbeidet er organisert i Naustdal kommune ved Plan- og landbruksavdelinga.

Planfagleg konsulent er: Norconsult AS

Planoppgåvene

Dette er eit felles planprogram for:

• Å søke etter plassering til hovudutviklingsareal for næring nær rv. 5

• Å finne mindre næringsområde nær rv. 5

• Å vurdere trafikktryggleik og trafikkavvikling langs rv. 5 og fastslå utbetringar for eit vegsystem

som bygger opp under utvikling av Naustdal

• Å vurdere omfang og løysing for bruk av området ved Sanden regulert til vegserviceanlegg i

kommunedelplanen

Planarbeid og plannivå

Kommunedelplan for Naustdal sentrum skal rullerast for å finne aktuelt hovudutviklingsareal for

næring innanfor grensene til kommunedelplanen.

Kommunedelplanen skal også rullerast med tanke på å finne mindre næringsområde og i høve til

andre endringar av arealbruk som vert gitt av dette planarbeidet.

Det skal utarbeidast områdereguleringsplan innanfor området for kommunedelplanen for

næringsområde under Kletten, for vegserviceanlegg ved Sanden og for vegtiltak som går ut over

eksisterande vegareal.




Planprogram

Dette planprogrammet er det første formelle leddet i planarbeida for rullering av kommunedelplan og

utarbeiding av områdereguleringsplan.

Framlegg til planprogram søker å gi planmyndigheitene eit grunnlag for å treffe dei rette vedtaka.

Arbeidet bygger på plan- og bygningslova og forskrift om konsekvensutgreiing. Forskrifta skal sikre at

omsynet til miljø og samfunn blir vurdert og teke omsyn til under planarbeidet. Det er også eit mål å

forenkle prosessane og sikte mot dei utgreiingane som er relevante for vedtaka.

Formålet med planprogrammet er:

• Klargjere formålet med planarbeida

• Gjere greie for rammer og premissar som er avklara gjennom overordna plan

• Skildre alternativ som vert vurdert

• Fastslå kva endringar som skal konsekvensutgreiast

• Skildre problemstillingar som vert belyst, herunder val av metode

• Tilpasse omfanget av, og nivået på, planarbeida og dei aktuelle problemstillingane.

• Beskrive opplegg for informasjon og medverknad

Planprogrammet legg opp til konsekvensutgreiing av tema som er relevante for å endre LNF- område

til næringsområde. Planprogrammet skal sikre prosessar som kan kjennast igjen.

Planprogrammet viser korleis konsekvensar av områdereguleringsplanen skal greiast ut.

Informasjon og medverknad

Naustdal kommune har som mål å har god medverknad, demokrati og openheit for å styrke lokalt

utviklingsarbeid og sikre berekraftig arealbruk (7).

Målet er å gi god informasjon om planarbeidet, slik at alle partar har mogelegheit til å få god innsikt i

prosessane, tilrådde løysingar og konsekvensane av dette. Informasjon vert gitt i ope møte og møter

med råka partar og myndigheiter. Planarbeidet vert varsla i avisa Firda og på nettsidene til Naustdal

kommune https://www.naustdal.kommune.no/ .

For å sikre medverknad vert det lagt opp til ope informasjonsmøte medan planprogrammet er på

høyring. Det vert også vurdert å halde kontordag der direkte råka grunneigarar kan gå informasjon om

planarbeidet.

Kommunen ynskjer at planarbeidet vert tema i Sogn og Fjordane fylkeskommune sitt Planforum.

https://www.naustdal.kommune.no/




Plandokument

Følgjande plandokument skal utarbeidast

• Områdereguleringsplan for mindre næringsområde, vegserviceanlegg ved Sanden og

vegtiltak, med plankart og planføresegner

• Rullering av kommunedelplanen for Naustdal sentrum.

o Det skal utarbeidast notat med endringar og der konsekvensar av endringane er

klargjorde.

Tidsplan

Kommunen har som mål at planarbeida skal gjennomførast parallelt med mål om vedtak innan

utgangen av 2018.




Føringar og mål

Mål for planarbeidet

Kommunen ynskjer å legge til rette for etablering av næringar nær Naustdal sentrum og i tett tilknyting

til rv.5. Dei ser dette som attraktiv plassering på aksen mellom Florø og Førde. To aktuelle område for

hovudutvikling av næring skal samanliknast. Planarbeidet skal synleggjere kven av desse to område

som er best egna til dette.

Kommunen ynskjer også mindre område tilrettelagt til næring nær riksvegen og Naustdal sentrum.

Rv. 5 er både ei viktig transportåre og ein barriere i Naustdal. Kommunen ynskjer å utvikle

vegsystemet til å fylle den viktige transportfunksjonen vegen har både lokalt og som gjennomfartsåre.

Fokus i planarbeidet vert å finne trafikktrygge løysingar innanfor rammene til eksisterande vegsystem,

som sikrar god trafikkavvikling og at Naustdal kommune kan fortsette å utvikle seg.

Området ved Sanden er eit attraktivt friluftsområde som ligg nær rv.5. Utvikling av dette området til

vegserviceanlegg som inkluderer parkeringsplass for bubil, vil vere eit positivt supplement til området.

Samkøyring av planarbeida er eit viktig grep for at ønska utvikling vert sikra gjennom prosessar knytt

til begge plannivåa.

Definerte mål i kommunedelplan – samfunnsdel

I kommuneplan sin samfunnsdel for Naustdal kommune for perioden 2014-2025 (7) er det ei rekke

mål som er viktige for arealbruk. Nedanfor følgjer eit utdrag av måla i kommuneplan som kan ha

innverknad på dei to planane og utviklingsarbeida som dette planprogrammet er grunnlaget for. For

nærmare gjennomgang av dei langsiktige utviklingsmåla vert det vist til kommuneplanen.

Visjon Folkevekst med god kvalitet i samfunnsutviklinga

Hovudmål og delmål

• Det overordna målet er å få fleire til å bu, besøke og etablere seg i Naustdal ved å bygge sosial og fysisk infrastruktur som gjev kvalitet i samfunnsutviklinga og legg til rett for at fleire arbeidsplassar kan skapast.

• Medverknad, demokrati og openheit skal prege utviklinga i kommunen.

• Planen skal gi kommunen auka gjennomføringskraft og vere eit inspirasjonsdokument for tilsette og politikarar

Folketalsutvikling • Styrke lokalt utviklingsarbeid og sikre berekraftig arealbruk

Samferdsle • Prioritere trafikktrygging

Kultur • Synleggjere Naustdal gjennom utvikling av særmerkte kulturarenar og kulturkrafta i heile kommunen, for eksempel Tusenårsstaden Sanden

Næringsutvikling • Sikre sentralt næringsareal på aksen Flora - Førde

Tettstadutvikling • Bygge vidare på dugnadsånd

• Bygge infrastruktur

Samfunnstryggleik • Fremje trygge og gode oppvekstvilkår for alle som grunnlag for helse, opplæring og utvikling

• Arbeide for at klima- og miljøspørsmål vert tillagt vekt i aktuelle saker

• Definere overordna strategiar for samfunnstryggleik og beredskap

Naturmangfald • Sikre balansen mellom vern og bruk i Landskapsvernområdet Naustdal – Gjengedal




To planarbeid

Utfordringane som planarbeida skal løyse kan delast i (1) detaljering av arealbruk gjennom

områdereguleringsplan, og (2) omdisponering av nye utviklingsareal for næring, endring av formål og

mindre tilpassing av føresegner i kommuneplanen basert på erfaring med gjeldande plan.

Planarbeida er samkøyrt for å trygge at arealbruken som kommunedelplanen legg til rette for er

samordna med dimensjonering og utviklinga av det offentlege vegnettet.

Figur 3.1: Kart som viser områda som skal handsamast gjennom planarbeida

Revisjon av kommunedelplan for Naustdal sentrum

Gjennom arbeidet med kommunedelplanen skal det:

• Leggast til rette for nytt hovudutviklingsareal for næring, der valet står melom arealet på Jonstad

HN1 og Jarane HN2

• Vurdere nytt næringsareal på Flatane N2

• Vurdere omdisponering av bustadarealet ved Kletten til næring N1

I tillegg skal det i kommuneplanen gjerast naudsynt justeringar i planføresegnene og utarbeide

føresegner som tryggjar samordna utvikling av arealbruken innanfor området.

Områdereguleringsplan

Områdereguleringsplanen skal regulere:

• Endringar på vegareal som sikrar trafikale løysingar og god trafikkavvikling funne gjennom

planarbeidet kring kryss rv 5 – Øyravegen (K1), kryss rv 5 – fv 622 (K2) og kryss rv 5 –

Tunavegen (K3)

• Vegserviceanlegg B1 på Sanden med fokus på tilrettelegging for bubilparkering

• Næringsområde ved Kletten N1




Situasjon og utfordringar

Naustdal kommune er lokalisert på nordsida av Førdefjorden i Sunnfjord og grensar mot kommunane

Flora i vest, Gloppen og Jølster i nord-nordaust, Førde og Askvoll i sør. Landarealet er på 368,8 km2.

Kystlinja er på 45,5 km dersom ein ikkje tek med øyar. Kommunen har eit hovuddalføre, Naustedalen,

med elva Nausta som eit sentralt element. Kommunesenteret og planområda er lokalisert ved utløpet

av Nausta i Førdefjorden.

I dette kapittelet er det gjort greie for dagens situasjon. Grunnlaget er i stor grad henta frå

strandsoneanalysen som vart utarbeidd av Asplan Viak i 2012, men supplert med informasjon henta

frå databasar med stadfesta informasjon.

Utbyggingsmønster og kommunikasjon

Planområdet og Naustdal sentrum er lokalisert på nordsida av Førdefjorden. Planområdet femnar om

areal som strekkjer seg frå fjorden og opp til høgareliggande fjellområde. Busetnaden er spreidd langs

fjorden og kring utløpet av elva Nausta der kommunesenteret er etablert med både kommersielt og

offentleg tenestetilbod.

Hovudtyngda av privat og offentleg tenestetilbod er lokalisert vest for elva Nausta, medan

hovudtyngda av bustader er lokalisert aust for elva. Det vert jobba med betring av sambandet mellom

aust og vestsida av elva.

Dei seinare åra er fylkesvegen mot Mallasvika og Sæla rusta opp og det er etablert gang- og

sykkelveg. Bustadområdet i Mallasvika er nærast ferdig utbygd. På Sæla er det regulert nytt

hovudutviklingsområde til bustad der det er eit antatt potensiale for etablering av 300 bueiningar.

Figur 4.1: Kart som syner avgrensing av tettstadområde og det statleg sikra friluftsområde Sanden.

Det meste av transporten i Naustdal vert utført med bil. Det er ikkje bussruter mellom bustadfeltet på

austsida og sentrum på vestsida.

Gangruta i nord, ved Fossen er ei godt egna og planfri løysing frå/til skule, barnehage og idrettshall.

Gangrute i sør, på smalt fortau over riksvegbrua og med dårlege kryssingspunkt, vert nytta til/frå privat

og offentleg tenestetilbod og tilkomst til friområdet ved Sanden. Begge kryssingspunkta ligg langs ei

turrute rundt Naustdal. Det er godkjent reguleringsplan for gangbru over Nausta som gir god kopling

mellom bustadområdet i aust og sentrumsfunksjonar i vest.




Trafikk

Trafikkanalyse

Det vart gjennomført trafikkteljingar i Naustdal onsdag 15.november 2017. Analyse av teljingane og

informasjon om kjend utvikling gir trafikkbiletet vist nedanfor.

Riksveg 5 er ein del av Rute 5c mellom Sandvika og Bergen med arm via Sogn til Florø. Ved planlegging av veg er det trafikkmengda 20 år fram i tid som skal leggast til grunn for dimensjonering av vegen. Vegklasse vert særskilt drøfta med vegstyresmaktene

Figur 3.2: Årsdøgntrafikk (ÅDT) på dei ulike offentleg veglenkene i Naustdal.

Figuren over er frå handbok N100 og viser når det er behov for venstresvingfelt basert på trafikk i

dimensjonerande time. Dimensjonerande time er definert som den timen i døgnet som har høgast

trafikk (rush-trafikk).




På bakgrunn av trafikkteljingane er det berekna årsdøgntrafikk (ÅDT) og trafikk i dimensjonerande

time om ettermiddagen og føremiddagen. Berekningane er for trafikk i 2017 og i 2048 (25 år fram i

tid). Som det går fram av figur 3.2 på førre side er det høg trafikk på rv.5 gjennom Naustdal.

Berekna timetrafikk i dimensjonerande time viser at det er god nok kapasitet i alle dei tre kryssa på

føremiddagen, både i 2017 og 25 år fram i tid. Tunavegen og Øyravegen har marginalt redusert

kapasitet på ettermiddagen, medan krysset mellom rv. 5 og fv. 611 er berekna å ha

kapasitetsproblem.

Sårbare punkt på vegnettet

Det er naudsynt å analysere trafikksystemet og avklare behov for tiltak slik at tettstaden kan fortsette å

utvikle seg.

Vegsystemet med rv. 5 som gjennomgåande veg har stor trafikk. Krysset mellom rv. 5 og fv.611 har

feil utforming i høve til trafikkmengda. Krysset til Øyravegen og Tunavegen grensar til å få redusert

kapasitet. Vegsystemet ved Øyravegen og over riksvegbrua er dårleg avgrensa og utflytande.

Rv. 5 er utforma slik den vart bygt, på 60-talet. Krav til løysingar har endra seg. Det er manglar ved

løysingane som kan representere fare for alvorlege ulukker.

Mjuke trafikantar vel kortaste veg. Brua til rv.5 over Nausta inviterer gåande til å bruke denne.

Løysingane for dei mjuke trafikantane representerer fare for alvorlege ulukker.

Vegstandard og vegløysingar

Standard og utforming av vegnett er definert i vegstyresmaktene si handbok N100, Veg og

gateutforming. Utforminga er gitt av vegen sin funksjon, trafikkmengder i dimensjoneringsåret og

fartsgrense.

Rv. 5 er nasjonal hovudveg med ÅDT > 4000

Vegbreidde på slik veg når den vert utbetra skal vere minst 8,5 meter inkludert skulder. For utbetring

av slik veg er standard at farten skal vere 80 km/T. Minste horisontale kurve vert R=200. Minste kurve

gjennom kryss vert R=400. Minste avstand mellom kryss bør vere 800 meter. Minste stoppsikt er 130

meter.

Fv. 611 er øvrig hovudveg, ÅDT gjennom sentrum < 4000. For vurdering av vegstandard er det lagt til

grunn utbetrings-standard til vegen. Dimensjonerande fart frå kryss med rv. 5 er 50 km/t. Vegbreidde

på slik veg skal vere minst 6,5 meter.

Dei kommunale vegane Øyravegen og Tunavegen har ÅDT<2000. Vegbreidde for slik veg skal vere

5,5 meter utanom skuldre. Det skal vere fortau langs vegen. Fartsgrense er 50 km/t.

Rekkverk: Faremoment langs vegen som for eksempel faste sidehinder, bratte skråningar eller sjø kan

føre til store personskadar dersom trafikantane ikkje er beskytta mot dette. Rekkverk er i seg sjølv eit

faremoment, men skal brukast dersom det ikkje er mogeleg å fjerne faremomentet. Mjuke trafikantar

bør skiljast frå biltrafikk med rekkverk eller rabatt når farten er 50 km/t eller høgare.

Tilbod til mjuke trafikantar: Gåande og syklande skal ha eit tilbod som bør løysast via lokalt vegnett.

Eventuell kryssing mellom gang- og sykkelveg og stamveg med så høg trafikk bør være planskilt.




Trafikktryggleik

Mellom kryss Øyravegen og kryss fv. 611 er det fleire manglar ved vegsystemet som har potensiale

for alvorlege ulukker. Ved val av løysingar skal trafikktryggleik analyserast. Det skal også vurderast

effekt av redusert fart.

Verknader av trafikksystemet

Rv. 5 er ein barriere gjennom Naustdal fordi vegen har forelda løysingar. Riksvegen fungerer som del

av ei gangrute i eksisterande vegsystem mellom Øyravegen og fv. 611, via bru for rv. 5 over Nausta. I

strekket mellom Naustdalsbrua i sør og Naustdalsfossen manglar i dag trygg gang- og sykkelveg.

Vegstandard

Basert på type veg og trafikkmengde langs riksvegen bør vegen vere minst 8,5 meter brei. For

stamveg med slik trafikkmengde er det for mange kryss på ei kort strekning. Horisontalkurve til vegen

er mellom brua og krysset til rv. 5 er 140. Denne kurva er for skarp for slik veg. Det er heller ikkje

plass til lang nok overgangskurve mellom rettlinja over brua og denne kurva.

Trafikkavvikling

Berekningar viser at det er for dårleg kapasitet i krysset mellom rv. 5 og fv. 611slik krysset er utforma,

både på grunn av trafikkmengda på rv.5 forbi Naustdal og på grunn av trafikkmengda i krysset. Dei

andre kryssa er berekna til å ha marginalt god nok kapasitet.

Sikt

Det er for dårleg sikt i krysset til Øyravegen nordover langs rv. 5, og langs rv. 5. Det er rekkverket til

brua som hindrar sikt og eit skilt som står i vegkanten rett nordvest for brua. Dette er ein risiko både

for mjuke trafikantar og for biltrafikk.

Sikring av farlege sidehinder

Farlege sidehinder langs køyrevegar skal sikrast for å hindre alvorlege ulukker. Det manglar slik

sikring langs rv. 5 ved at brurekkverk ikkje har avslutning eller har for dårleg avslutning. Dette gir

potensiale for alvorlege ulukker.

Tilbod til mjuke trafikantar

Tilrådd løysing for mjuke trafikantar på hovudveg med så stor trafikkmengde som gjennom Naustdal

sentrum er eigne vegar og planfrie kryssingspunkt. Det er godkjent plan for slik løysing, med gangbru

som kryssar over elv og riksveg lenger oppe i elva. Dette er ei god framtidig løysing.

Eksisterande løysing med kryssing av rv. 5 i plan og fortau på begge sider av brua, utan fysisk skilje

mellom køyreveg og fortau, er mykje brukt som rute for mjuke trafikantar. Den har manglar som gir at

dette er ei dårleg løysing med risiko for alvorlege ulukker; dei mjuke trafikantane er skilt frå køyreveg

med avvisande kantstein (kravet på veg med fart 50 km/t eller høgare er rabatt og rekkverk);

kryssingspunkt der dette rekkverket vert avslutta, på nordsida av brua, er på eit punkt med særs

dårleg sikt.




Mogelege løysingar

Fartsgrense

På bakgrunn av manglar ved eksisterande vegsystem og begrensingar i området er det vanskeleg å

utbetre vegsystemet slik at risiko for ulukker vert redusert, på kort sikt. Å redusere fartsgrensa

gjennom Naustdal er eit enkelt tiltak som kan setjast raskt i verk i påvente av å utbetre riksvegen

gjennom bygda. Dette vil truleg redusere risiko for ulukker med potensiale for alvorleg utfall.

Justering og separering av trafikkareal ved Øyravegen og over riksvegbrua

Skissa over viser eit forslag til justering av kryss mellom Øyravegen og rv. 5 og separering av trafikk i

dette vegsystemet.




Skissert løysing tek sikte på at eksisterande bru er brei nok. Fortau skal vere på berre ei side av brua (

mot fjorden) og det skal vere rekkverk mellom køyrebane og fortau:

• Breidde eks bru ca. 11,25 meter

• Bruk av bredde på brua:

o Køyrebane 3,25 x 2

o Skulder på begge sider av køyrebane 0,5 m x 2

o Rekkverk på mot elva 0,75 m

o Rekkverk mot fortau 0,75

o Fortau 1,5 m ( noko smal, men sikra mot påkøyring)

o Rekkverk langs fortau 0,75 m

Å flytte krysset vekk frå brua slik skissa over viser aukar tryggleik i krysset ved at:

• Det vert betre sikt i krysset (oppfyller siktkrav for 60 km/t)

• Dei mjuke trafikantane vert leia inn på eit avgrensa kryssingspunkt, med god avstand frå

brua, der det er god sikt.

• Det vert plass til å avslutte rekkverket på rett måte på begge sider av brua

• Dei mjuke trafikantane har kryssa over rv. 5 på tryggast plassen, og ikkje på nordsida av brua

der kryssingspunkt er svært farleg

• Dei mjuke trafikantane er sikra mot påkøyring bak køyresterkt rekkverk

Løysinga føreset at brua er minst 11,25 meter brei og at den toler å få etablert nytt rekkverk.

Kanalisering av kryss fv. 611

Kanaliseringa til venstresvingfeltet vil strekke seg inn i den skarpe kurva mellom krysset og brua.

Kurva vert såleis definert som del av kryssområde med ein radius langt under det som er krav i kryss

(R>400). Sikttilhøva i dette krysset stettar krava.

Utviding av vegen for kanalisering kan føre til inngrep ut i elva da det er vanskeleg å endre kurvatur på

slik veg.

Figuren over er frå Handbok N100 og viser krav til utforming av kryss med venstresvingfelt.

Kryss med Tunavegen

Det er ikkje vurdert tiltak for krysset med Tunavegen

Tilkomst til Sanden

Det er lagt til rette for tilkomst til friområdet ved Sanden, ved gangveg frå rv. 5, ved nordsida av brua.

Dette gir gangtrafikk over rv. 5.

Det vil truleg ha liten nytte i å fjerne gangtilkomsten slik vegsystemet er i dag, da mjuke trafikantar vel

kortaste veg. Det kan føre til enda farlegare situasjonar ved at mjuke trafikantar må klatre over eit

rekkverk eller gå lenger langs rv. 5.




Når vegsystemet vert løyst slik at rv. 5 igjen kan få fartsgrense tilrettelagt for slik veg, bør denne

tilkomsten fjernast

Utgreiing av vegløysingar

I planarbeidet vil det bli utgreidd om det er mogeleg å få gode løysingar for riksvegen og for kryssa,

langs eksisterande rv. 5. Best mogelege løysingar på kort og lang sikt vil danne grunnlag for kva tiltak

som vert teke inn i områdereguleringsplan.

Vegløysingar som vert drøfta skal også vurderast i høve til risiko for ulukker og kor god kapasitet

løysingane gir.

Vegløysingar vert tema for konsekvensutgreiing i høve til utbyggingsmønster og trafikk, sjå kapittel

5.2.2.




Landskap

Naustdal kommune er ein del av landskapsregion 21 Ytre bygder på vestlandet og 22 Midtre

fjordbygder på vestlandet.

Indre delar av Førdefjorden er klassifisert som landskapstypen middels breie fjordar og er gitt

landskapsverdi C, dvs. representativ/vanleg førekommande.

Landskapsbildet langs fjorden er prega av ei samanhengande skogkledd li eller fjordside som strekker

seg bratt opp til 700 moh. Strandsona er på lange strekker utilgjengeleg som følgje av tett skog og

bratte kantar ut mot fjorden. Busetnaden i Naustdal sentrum er lokalisert der fjordsida slakar ut.

Småelvar i bratt terreng og mykje nedbør gjer at små og store elvar og fossefall pregar

landskapsopplevinga frå fjorden. I tillegg er den sørvende fjordsida prega av eit relativt stort innslag av

edellauvskogar og varmekjære artar.

Figur 4.2: Kart som syner kvalitetar ved landskapet, med definering av verdfullt landskap (Kjelde:

Asplan Viak, 2012).

Det vert ikkje vurdert endringar av planen i område med middels og stor verdi for landskap.

Naturmangfald

Berggrunnen er dominert av gneis. Det er harde bergartar som forvitrar seint og gjev eit surt jordsmon.

Lausmassekartet syner at den vestre delen av planområdet er dominert av skrinn mark eller bart fjell,

medan den austre delen kring Naustdal sentrum er dominert av morenemateriale.

Vegetasjonen i Naustdal er ikkje svært rik, men den sørvende fjordsida har eit stort innslag av

varmekjære artar og eldellauvskog. I området finn ein eik, ask, alm hassel og krossved. I naturbasen




til direktoratet for naturforvaltning er det registrert enkelttre av edellauvskog. I tillegg er det i EDNA

registrert nokre førekomstar av kulturlandskap med lokal verdi.

Det er to områder innanfor planområdet som er verna etter føresegnene i naturmangfaldslova. Dei

femnar om Grønøyra naturreservat (brakkvassdelta) ved utløpet til Nausta og edellauvskogen i

Mallasvika.

Det er ikkje registrert inngrepsfrie naturområde (INON-område) nær område der det gjennom

planarbeidet vil verte vurdert endringar av arealbruken.

Nausta er verna vassdrag. Av grunnlaget for vern går det fram «Urørthet. Vassdraget er viktig del av

et variert og kontrastrikt landskap frå høgfjell med til dels store vann og elver, rike bygdesamfunn og

med utløp i fjord. Stort naturmangfold knytt til elveløpsform, lausmasser, botanikk, landfauna og

vannfauna. Store kulturverdiar. Utfyller villmarksområde i øvre del. Friluftsliv er viktig bruk».

Elva Nausta er Nasjonalt laksevassdrag og Førdefjorden er Nasjonal laksefjord.

Figur 4.3: Kart som syner registrerte naturmangfald med tilhøyrande verdivurdering (Kjelde: Asplan

Viak, 2012).

Grunnlaget er basert på registreringar i nasjonale databasar med stadfesta informasjon, samt

lokalkunnskapen til planadministrasjonen. Uvissa er i fyrste rekkje knytt til at datagrunnlaget i EDNA-

registeret er frå tideleg på 1990-talet. Dessutan endrar bruken seg over tid, men samla er

vedtaksgrunnlaget for areala på land vurdert til å vere tilfredsstillande for ei overordna vurdering av

konsekvensane for deltemaet. Det er lite tilgjengeleg informasjon om naturkvalitetar i elva Nausta.

Det vert ikkje vurdert endringar av arealbruk i område med registrerte naturkvalitetar, men endringar

vil likevel kunne påverke naturmangfald både på land og i elva Nausta. Det gjeld spesielt dei

alternative hovudutviklingsareala for næring.




Nærmiljø og friluftsliv

I tettstaden Naustdal er det vel 1100 innbyggjarar. Hovudtyngda av busetnad er konsentrert til

austsida av elva Nausta i bustadfelt. I tillegg er det langs fjorden vest for sentrum etablert

bustadområde i Mallasvika. Nytt hovudutviklingsområde for bustad med potensiale for opp mot 300

bueiningar er regulert på Sæla.

Offentleg og privat service og tenestetilbod som femnar om ny skule med fleirbrukshall og

tilgrensande idrettsbane, nye barnehagar, kyrkje, samt privat service er lokalisert på vestsida av

Nausta.

Frå sentrum og ut mot Sæla er fylkesvegen utbetra og det er etablert eiga løysing langs vegen for

mjuke trafikantar. Det er ikkje etablert samanhengande gang- og sykkelsamband mellom sentrum og

bustadområde aust for Nausta, men det ligg føre eiga vedteken reguleringsplan for gang- og sykkelbru

som vil sikre samanhengande samband frå bustadområde til sentrum. Mjuke trafikantar brukar

riksvegbrua som del av rute til sentrum.

Sanden er eit statleg sikra viktig friluftsområde og aktivitetsområdet tilrettelagt for bading. Vest for

badeplassen er det etablert småbåthamn

Laksefiske i Nausta vert leigd ut. Temaet er nærmare skildra under naturressursar.

Figur 4.4: Kart syner viktige rekreasjonsområde. Nærmiljøanlegg er ikkje synt på karta (Kjelde: Asplan

Viak, 2012).

Nærmiljøanlegga som ikkje er synt på kartet er lokalisert i og ved bustadområda og ved skulen og

idrettsbana. Sanden er både eit viktig nærfriluftsområde og nærmiljøanlegg.

Det er ikkje avdekt at endra arealbruk vil røre ved eller få verknader for etablerte nærmiljøanlegg.

Friluftsområde eller areal som er viktige for utøving av friluftsliv vil kunne vere påverka. Det gjeld

spesielt dei alternative hovudutviklingsareala for næring og næringsarealet ved Bærelva.




Kulturmiljø

Dei sørvende liene ved Førdefjorden har i kombinasjon med lunt klima gjeve godt grunnlag for

busetnad lang tilbake i tid. Funn tyder på jordbruksbusetnad allereie i yngre steinalder. Kring år 1300

budde ætta «Eilivane» på sjølve garden Naustdal. Mange av naustedølene må ha vore leiglendingar

under Eilivane. Denne ætta sat i kongens råd (18). Næringsgrunnlaget i mellomalderen var jordbruk

og hysdyrhald, fiske, jakt og fangs. Det har vore to store periodar for bruksdeling på 1600-talet og

1800-talet.

Fjord- og kystfiske har tradisjonelt spelt ei viktig rolle i dei ytre fjordstroka, medan jordbruket har vore

viktigast lenger inne i fjorden.

Naustdal sentrum har truleg alltid vore ein samlingsstad, både for folk langs fjorden og der dalingane

måtte i båt med folk og varer ut av bygda. Her kom kyrkja og staden utvikla seg som tettstad på

grunnlag av handel og mange slags tenesteytande tiltak (18).

Innanfor planområdet er det registrert både objekt i SEFRAK-registeret og automatisk freda

kulturminne. Naustdal kyrkje vart bygd i 1891. Kyrkja er den største i Sunnfjord og vert kalla

«Sunnfjordskatedralen». Kyrkja står på freda middelaldergrunn. Kyrkjeporten er Korbogen til den

gamle steinkyrkja som vart riven i 1890-åra. (18)

På sørvestsida av Naustdal kyrkje, ikkje langt frå korbogen, står to gravminne. Desse er laga i

støypejern, men tidens tann har tæra på dei i over hundre år. Dei har sjeldan fin utforming og fin

dekor. (18)

Naustdalsgarden hadde handel og gjestgiveri. Her ligg Friis Gundersenhuset. Garden har elverettar

ved Naustdalfossen. Det vert bygd ei mølle ved fossen. Her låg tidlegare ein snikkarverkstad. (18)

I samband med utgravingar er det funne restar etter eit 30 meter nedbrent naust nær kyrkjegarden,

datert til mellom 400 og 600 e. Kr. Det er funne eit anna naust i same området, datert til 550 e. Kr.

Desse var truleg del av ein storgard i Naustdal. Truleg har denne garden vore med og lagt grunnlag

for lennsmannsgarden ein kjenner frå 1200-talet.

På bøen nedanfor skulen står ein bautastein. Denne vart reist våren 1914 til minne om deltakarar frå

Naustdal som var med på Napoleonskrigane 1807-1814. Steinen vart funne i Eikelia i Naustdal. (18)

Rodestein stod langs vegane og opplysa om kven som var ansvarleg for vedlikehald av

vegstrekningar. Ein slik stein står på Berrvellene, under hekken like ved bautaen. (18)

Langs Øyravegen står det stabbesteinar. (18)

Bærelva bru vart opna i 1913. Dette er ei vakker kvelvingsbru. (18)

I 1937 opna riksvegen mellom tettstadane Førde og Naustdal, inkludert bru over Naustdalsfossen.

Dette er ei jarnfagsverkbru med spennvidde på 43 meter. (18)

Ny riksvegbru vart bygt på elvebarden og offisielt opna i 1973. Dette inkluderte veg på fylling i fjøra.

Stranda vart fylt opp med sand frå sjøområdet utanfor. Soleis vann ein nytt land og Naustdal sentrum

fekk endra «ansikt» mot sjøsida. (18)

Ned mot elva, ikkje langs frå naust, ligg eit støypekar på ca. 1x1 m, frå 1950. Karet er nytta til

impregnering av hampenot for å hindre algevekst. (18)

I skulpturparken på Sanden er det ein skulptur kalla «Kyra». Denne er laga utifrå biletet

«Nedkomsten» måla av Oddvar Torsheim. (18) Området er gjenskapa slik det var på slutten av 1960-

talet. Her står andre skulpturar, blant anna «Budeia2 av Kjartan Slettemark.




Potensialet for funn av kulturminne i område der det vert vurdert endringar av arealbruken er vurdert

som middels. Av strandsoneanalsyne går det fram at ein reknar med at berre 10 prosent av

kulturminna er kjende og kartfesta. Vurderinga av potensialet er basert på ei kvalitativ vurdering av

kjende automatisk freda kulturminne, samt arkeologfaglege vurdering av flyfoto, høgdekoter og kart.

Figur 4.5: Kart som syner registrerte kulturminne med tilhøyrande verdivurdering av området. (Kjelde:

Asplan Viak, 2012).

Det er ikkje lagt opp til registrering av kulturminne gjennom arbeidet med rullering av

kommunedelplanen. Tema vil vidare verte handtert som plantema og ikkje eit utgreiingstema.




Naturressursar

Landbruket er ein viktig næringsveg i kommunen og innanfor planområdet er det viktige

landbruksareal. Landbruksareala er synt på fig. 4.3.

Store delar av sentrum er lokalisert på ein elveavsetning som inneheld sand og grus. Førekomsten er

nedbygd av skule, bustader og idrettsanelgg. Viktige grusførekomstar er ikkje registrert i området.

Elvesletta har eit antatt betydeleg grunnvasspotensiale.

Fiske er ein viktig friluftsinterrese, samtidig som fiske etter laks og sjøaure i Nausta gev inntekter i

form av sal av fiskekort og utleige av lakserett, overnatting, guiding ,osv.. Grunneigarane innanfor den

lakseførande delen av vassdraget er organisert i Naustdal Elveeigarlag.

Figur 4.6: Kart som næringsareal langs fjorden og nedre del av elva Nausta. Landbruksareal og

geologiske førekomstar er ikkje synt (Kjelde: Asplan Viak, 2012).

Planarbeidet vil kunne føre til nedbygging av store samanhengande landbruksareal, samtidig som dei

vil kunne påverke tilhøva for fisken og ikkje minst fiske. Det gjeld spesielt dei alternative

hovudutviklingsareala for næring og næringsarealet ved Bærelva.




Samfunnstryggleik

Ved utarbeiding av kommuneplan skal det avklarast om område er sårbare for hendingar/fare, dvs. at

arbeidet skal avklare potensiell hendingar. Områdereguleringsplanen skal avklare reel fare. Gjennom

arbeidet med kommunedelplan er det sentralt å få avklart i kva grad planen gjer samfunnet sårbart for

hendingar. I tillegg er det gjennom dette arbeidet sentralt å få avklart den konkrete skred og

flaumfaren i område der det vert vurdert å lagt til rette for utbygging og som vert regulert i

områdereguleringsplanen.

Figur 4.7: Kart som syner område med ein potensiell fare for flaum og skred (Kjelde: Miljøstatus.no).

Informasjon på NVE sine temakart syner at alle dei framtidige områda er lokalisert inn til eller i

fareområde for flaum eller skred. Flaumfaren er nedstraums Naustdalsfossen kartlagt. Skredfaren er

vurdert innanfor nyare utbyggingsområde. I andre områder ligg det ikkje før anna informasjon enn den

som er tilgjengeleg i nasjonale databasar. Ved vurdering av nye utbyggingsområder skal den konkrete

flaumfaren vurderast.

Oppsummering

Gjennomgangen av situasjonen syner at dei ulike delane av planarbeidet reiser ulike utfordringar og

eit ulik utgreiingsbehov.

Kommunedelplan for Naustdal

Det er ikkje avdekt at justering av planføresegnene reiser spesielle utfordringar som må nærmare

utgreiast.

Nytt hovudutviklingsareal for næring på enten Jonstad eller Jarane reiser utfordringar i høve

naturressursar og til vassdraget Nausta (ferskvasslokalitet og funksjonsområde for fisk, vassmiljø,

fiske), natur- og viltområde område på land, flaum, nedbygging av overflaumingsareal, støy og

konsekvensar for trafikk. Endringa må vurderast opp mot kriteria for forvaltning av Nasjonale

laksevassdrag og rikspolitiske retningsliner for verna vassdrag.

Nytt mindre næringsareal på Flatene reiser utfordringar i høve nærmiljø, Bærelva (ferskvasslokalitet

og funksjonsområde for fisk, vassmiljø, fiske), skredfare, flaum, for trafikk. Endringa må vurderast opp

mot rikspolitiske retningsliner for verna vassdrag.




Endring av næringsarealet ved Kletten frå bustad til næring reiser i fyrste rekke utfordringar knytt til

trafikk. I tillegg må det avklarast om og ev. kor stor del av området som er utsett for skredfare.


Løysingar for vegsystemet arbeidd med gjennom områdeplanen skal legge til rette for og sikre

utvikling av Naustdal sentrum slik kommunedelplanen legg opp til. Løysingane kan krevje utviding av

vegareal, inn på tilgrensande areal.

Nytt næringsareal ved Kletten er på areal regulert til bustad gjennom vedteken kommunedelplan.

Serviceområde ved Sanden, med fokus på tilrettelegging for bubil-parkering er på areal regulert til

fritid- og turistformål gjennom vedteken kommunedelplan.

Planarbeidet femnar såleis om allereie omdisponert areal og areal i randsona til omdisponert areal.

Gjennomgangen har ikkje synt at planarbeidet reiser spesielle utfordringar som må utgreiast. Det er

vurdert om planarbeidet fell innanfor virkeområdet til forskrifta om konsekvensutgreiingar, og

konkludert med at dei særskilde handsamingsreglane ikkje gjer seg gjeldande. Planen kan difor

handsamast vidare som ei ordinær plan. Den er i samsvar med vedteken gjeldande kommuneplan.




Plan og utgreiingsprogram

Eit hovudmål med planarbeidet er å samordne arealutviklinga samtidig som ein ivareteke omsynet til

framkomme på vegnettet og legg tilhøve til rette slik at det kan etablerast gode og funksjonelle

samband mellom målpunkt.

Behov for nytt utbyggingsareal til næring skal avklarast gjennom kommunedelplan medan det skal

leggast til rette for utbetring av kryss og etablering av Vegserviceanlegg ved Sanden gjennom

områdereguleringsplan.


Områdereguleringsplanar etter §12-2 skal konsekvensutgreiast når planane set rammer for tiltak i

Vedlegg I og II.

Omdisponering av bustadområdet ved Kletten til næringsområde er innanfor hovudformål for bygg og

anlegg. Endringa utløyser såleis ikkje krav til konsekvensutgreiing.

Regulering av fritids- og turistområdet ved Sanden til serviceområde gir ei endring frå hovudformål

bygg- og anlegg til samferdsleanlegg. Området er i dag påverka av nærleik til veg og bensinstasjon.

Området ligg nær friområdet ved Sanden. Planarbeidet vil ha fokus på å legge til rette for tiltak som

tilpassar seg friområdet ved Sanden. Løysingane vil også sikre universell tilkomst til friområdet.

Endra utbyggingsformål frå fritids- og turistformål til serviceanlegg er vurderast opp mot forskrift om

konsekvensutgreiing §6 bokstav a. Dette gjeld tiltak i Vedlegg I (tiltak som alltid skal

konsekvensutgreiast dersom betingelsane for oppfangingskriteria er til stades) og Vedlegg II (tiltak

som alltid skal konsekvensutgreiast).

Det er funne at endring frå fritids- og turistformål til serviceanlegg ikkje fell inn under tiltak i vedlegg I

eller i vedlegg II.

Regulering av utbetringstiltak langs eksisterande veg og etablering av gang- og sykkelvegar langs

eksisterande veg er omfatta av §8 i forskrift om konsekvensutgreiing. Slike tiltak krev nærare

vurdering av om plikt om konsekvensutgreiing vert utløyst. Slike tiltak skal handsamast etter forskrifta

dersom dei kan få vesentlege verknader for miljø og samfunn, jf. §10 i forskrift om

konsekvensutgreiing.

I vurderinga av om tiltaket kan få vesentlege verknader på miljø eller samfunn, skal det sjåast på

eigenskap til tiltaket (1) og tiltaket sin lokalisering og påverknad på omgivnadane (2). Det skal også i

naudsynt grad sjåast på eigenskapane ved verknadane:

1. Utbetring av eksisterande veg vil føre til utviding ut over tilgjengeleg vegareal. Dette vil

inkludere inngrep ut i Nausta og ut mot sjø. Det kan også inkludere inngrep mot areal regulert

til Næring.

Tiltaka vil redusere fare for alvorlege ulukker.

2. Utbetring av eksisterande veg ut i elva kan gi inngrep i randsona til verneområdet

«Grønøyra». Elva er også eit verna vassdrag.

Gjennomgangen syner at det er behov for å få avklart kva verknader reguleringsplanen får for Nausta

og spesielt Grønøyra, samt forvaltningskriteria i rikspolitiske retningslinjer for verna vassdrag og

kriteria for forvaltning av nasjonale laksevassdrag. Det er føresett ivareteke gjennom arbeidet med





Utviding av eksisterande veg vert i randsone til verneområdet ved Grønøyra, der det frå før er

påverknader frå trafikk. Det vert difor konkludert med at det ikkje er krav om konsekvensutgreiing for


Kommunedelplan for Naustdal sentrum

Med utgangspunkt i gjeldande arealbruk og framlegg til framtidig arealbruksalternativ som er omtalt i

kap. 4.9.1, vert det utvikla framlegg til justerte føresegner og arealbruk. Den endra arealbruken og

føresegnene følgjer hovudprinsippa som er omtalt nedanfor.

Revisjon av Føresegner

Hovudutviklingsområde for næring

Konsekvensutgreiinga skal synleggjere konsekvensar for dei to områda Alternativ 1 – Nytt

hovudutviklingsareal på Jonstad og Alternativ 2 – Nytt hovudutviklingsareal på Jarane. Basert på

utgreiinga skal det tilrådast kva alternativ som er best egna til formålet.

Areal ved Flatane vert greidd ut for å vurdere om området kan omdisponerast frå LNF-område til

næringsområde.

Omdisponering av området ved Kletten frå bustad til næring

Prinsipp og løysingar

Kommunedelplanen er eit politisk styringsverktøy og målet med planarbeidet er å gjere

hovudavklaringane gjennom kommunedelplanen. Meir detaljerte krav skal ivaretakast gjennom den

vidare reguleringa av dei einskilde områda.

Planen skal vise:

- Rammer for framtidig arealbruk der utviklingsretning og grenser mot samanhengande ikkje

utbygde områder er avklart.

- Det skal for dei valte utviklingsareala definerast planstrategiar som klargjer behovet for vidare

detaljplanlegging samt omsyn som bør vektleggast gjennom den vidare planlegginga.

Formålet med planstrategiane er å synleggjere området sitt potensiale samt integrere

oppfølgjande prosessar der ein utviklar eit robust og funksjonelt utviklingsområde som

fungerer saman med den øvrige arealbruken.




Konsekvensutgreiing

Utgangspunktet for vurdering av verknader er dagens situasjon, dvs. noverande planavklart og faktisk

arealbruk. I konsekvensutgreiinga skal overordna verknader vurderast. Spørsmål og vurderingar som

naturleg høyrer heime på eit seinare plannivå, for eksempel ved utarbeiding av områdereguleringsplan

eller detaljreguleringsplan, er ikkje teke med i konsekvensutgreiinga av den endra arealbruken.

Gjennom utgreiinga skal det takast utgangspunkt i framgangsmåten som ein finn i Statens vegvesen

si handbok V712, men tilpassa plannivået og utfordringane innanfor planområdet.

Vurdering av konsekvensar vert gjort ut frå den verdien eit gitt utgreiingstema og omfanget av

påverknad av den framtidige arealbruken gjev for det aktuelle temaet.

Ut frå dagens situasjon og moglege endringar, er dei vedtaksrelevante utgreiingane knytt til:

1. Utbyggingsmønster og trafikk

2. Naturmangfald og naturressursar

3. Nærmiljø og friluftsliv

For kvart tema i konsekvensutgreiinga er det spesifisert i planprogrammet:

- Hovudproblemstilling og fokus for utgreiinga

- Tilrådd metode

- Oversikt over eksisterande kunnskap i form av utgreiingar, retningslinjer, registreringar, databasar

osv.

1 Utbyggingsmønster og trafikk

Hovudproblemstilling og forkus for utgreiinga

Prinsipp for eit godt utbyggingsmønster er definert i stortingsmeldingar og RPR for areal og transportplanlegging samt planretningslinjer for arealbruk

Metode Kvalitativ vurdering av i kor stor grad planen byggjer opp om mål for eit godt utbyggingsmønster

Grunnlagsmateriale Framtidig arealbruk Trafikkanalyse med vurdering av kapasitet i kryssa mellom rv. 5 og fv. 611, Øyravegen og Tunavegen

2 Naturmangfald og naturressursar


Planen legg til rette for omdisponeriing av jordbruksareal som er lokalisert på geologisk ressurs tett opp til elva Nausta (ferskvasslokalitet og funksjonsområde for fisk, vassmiljø, fiske) I tillegg er det på land også registrert natur og viltområde.

Metode Dei registrert områda for naturmangfald og naturressursar som vert rørt av endringar – vert skildra og verdivurdert. Omfanget og endringa vert vurdert på bakgrunn av framlegg til endra arealbruk.

Grunnlagsmateriale Framtidig arealbruk Synfaring Registreringar av naturmangfald og naturmangfald i nasjonale databasar med stadfesta informasjon Vann-nett og Vannportalen Verneplan for vassdrag Fylkesatlas




3 Nærmiljø og friluftsliv


Planen skal ivareta omsynet til nærmiljø og friluftsliv slik at alle har moglegheit til å drive med friluftsliv som helsefremjande, trivselsfremjande og miljøvennleg aktivitet i nærmiljøet.

Metode Relevante kvalitetar vert dokumentert med utgangspunkt i føreliggande registreringar. På bakgrunn av føreliggande informasjon vert område verdivurdert. Omfanget og konsekvensane vert vurdert vurdert på bakgrunn av endringane i planen.

Grunnlagsmateriale Framtidig arealbruk Fylkesatlas Informasjon frå offentlege instansar, kommunen og lokale organisasjonar

Samfunnstryggleik

Det skal utarbeidast ei risiko- og sårbarheitsanalyse som ivareteke krava i § 4-3 i plan- og

bygningslova. Analysen skal vere tufta på kjend kunnskap, både om situasjonen i området og endra

arealbruken.

4 Samfunnstryggleik


Risiko- og sårbarheitsanalysen skal avklare potensielle fare. Sentrale stikkord er naturlege tilhøve (inkl. klimaendringar), kritiske samfunnsfunksjonar og infrastruktur, næringsverksemd, tilhøve ved utbyggingsformålet, tilhøve til omkringliggande område og tilhøve som påverkar kvarandre.

Metode Det vert utarbeidd ei sårbarheitsvurdering, der samfunnet si evne til å motstå verknadene av eit vidt spekter av uønska hendingar og evna til å gjennopprette sin funksjon vert vurdert. I vurderinga vert det nytta ein gradering frå robust, nøytralt og sårbart.

Grunnlagsmateriale NS 5814:2008 Krav til risikoanalyser Risiko- og sårbarheitsanalyse for Sogn og Fjordane Risiko- og sårbarheitsanalyse for SIS Samfunnstryggleik i kommunens arealplanelgging

Samanstilling av konsekvensar, avbøtande tiltak, trong for nærmare granskingar

I samsvar med § 4-2 i plan- og bygningsloven skal det følgje plana ei planomtale som klargjer mål,

prinsipp og plana sine verknader. I planomtalen skal det gjerast greie for verknadene av planen i høve

kulturmiljø, nærmiljø og friluftsliv samt naturressursar. I tillegg skal konsekvensane av planen i høve

utbyggingsmønster, naturmangfald og naturressursar samt nærmiljø og frilutsliv oppsummerast.

Gjennom planomtalen skal det i tillegg til vurderinga av verknader, gjerast spesielt greiast for i kva

grad planen har innverknad på mål/formål med:

- Dei miljørettslege prinsippa i naturmangfaldslova

- Regimet for å ta vare på nasjonale laksevassdrag Nausta

- Rikspolitiske retningslinjer for verna vassdrag

- Statlege planretningsliner for forvaltning av strandsona

- Det skal gjevast ein oversikt over avbøtande tiltak




Referanser

1. (u.d.). kommunedelplan for Naustdal sentrum 2011-2013. Naustdal kommune.

10. (u.d.). Verneplan 084/1 Nausta. Henta frå https://www.nve.no/vann-vassdrag-og-miljo/verneplan-

for-vassdrag/sogn-og-fjordane/084-1-nausta/: https://www.nve.no/vann-vassdrag-og-

miljo/verneplan-for-vassdrag/sogn-og-fjordane/084-1-nausta/

11. (u.d.). NGU Arealinformasjon . Henta frå http://geo.ngu.no/kart/arealis_mobil/:

http://geo.ngu.no/kart/arealis_mobil/

12. (u.d.). Naturbase. Henta frå http://kart.naturbase.no/: http://kart.naturbase.no/

13. (u.d.). Handbok V712 Konsekvensanalysar. Henta frå

https://www.vegvesen.no/_attachment/704540/binary/1132472?fast_title=H%C3%A5ndbok+V

712+Konsekvensanalyser.pdf:

https://www.vegvesen.no/_attachment/704540/binary/1132472?fast_title=H%C3%A5ndbok+V

712+Konsekvensanalyser.pdf

14. (u.d.).

https://kilden.nibio.no/?topic=arealinformasjon&layers=ar5_bonitet&X=6857485.22&Y=9349.8

4&zoom=11&lang=nb&bgLayer=graatone_cache&layers_opacity=0.75. Henta frå KILDEN,

NIBIO:

https://kilden.nibio.no/?topic=arealinformasjon&layers=ar5_bonitet&X=6857485.22&Y=9349.8

4&zoom=11&lang=nb&bgLayer=graatone_cache&layers_opacity=0.75

15. (u.d.). Vegnormal N101 Rekkverk og vegens sideområde. Henta frå

https://www.vegvesen.no/_attachment/69909/binary/1140041?fast_title=H%C3%A5ndbok+N1

01+Rekkverk+og+vegens+sideomr%C3%A5der.pdf:

https://www.vegvesen.no/_attachment/69909/binary/1140041?fast_title=H%C3%A5ndbok+N1

01+Rekkverk+og+vegens+sideomr%C3%A5der.pdf

16. (u.d.). Handbok R610 Standard for drift og vedlikehald av riksvegar. Henta frå

https://www.vegvesen.no/_attachment/61430/binary/964067?fast_title=H%C3%A5ndbok+R61

0+Standard+for+drift+og+vedlikehold+av+riksveger.pdf

17. (2012). Naustdal kommune. Strandsoneanalyse utarbeidd av Asplan Viak. Naustdal kommune.

18. (u.d.). Naustdal kommune. Kommunedelpaln for kulturminne 2017-2020.

2. (u.d.). Trafikktryggingsplan for Naustdal kommune 2013-2017. Naustdal kommune.

3. (u.d.). Forskrift om konsekvensutgreiing. Henta frå https://lovdata.no/dokument/LTI/forskrift/2017-

06-21-854

4. (u.d.). Plan- og bygningslova. Henta frå https://lovdata.no/dokument/NL/lov/2008-06-27-71

5. (u.d.). Verneplan for Nausta. Henta frå https://www.nve.no/vann-vassdrag-og-miljo/verneplan-for-

vassdrag/sogn-og-fjordane/084-1-nausta/

6. (u.d.). Flaumsonekart Delprosjekt Nausta. Henta frå

http://publikasjoner.nve.no/rapport/2012/rapport2012_23.pdf.

7. (u.d.). Kommuneplan for Naustdal - samfunnsdelen 2014-2025. Naustdal kommune.

8. (u.d.). Planstrategi. Naustdal kommune.

9. (u.d.). Fylkesatlas. Henta frå https://www.fylkesatlas.no/: https://www.fylkesatlas.no/




Documents

Naustdal kommune som inkluderer parkeringsplass for bubil, vil vere eit positivt supplement til området. Samkøyring av planarbeida er eit viktig grep for at ønska utvikling vert