ÍNDICE - Vigoxmu.vigo.org/docs/IOP_20190724/IOPv5_navegable_s/...2019/07/24 · Memoria, foron remitidos ao Concello de Vigo en data 20 de outubro de 2017. O 18.07.2018 o Pleno do

XERENCIA MUNICIPAL DE URBANISMO. CONCELLO DE VIGO INSTRUMENTO DE ORDENACIÓN PROVISIONAL

V.5. APROBACIÓN DEFINITIVA MEMORIA - ABRIL 2019

Páxina 1 de 116

MEMORIA INFORMATIVA E XUSTIFICATIVA

ÍNDICE

Parte 1. MEMORIA INFORMATIVA ............................................................................................................................4

1. OBXECTO .............................................................................................................................................................4

2. ANTECEDENTES ....................................................................................................................................................6

2.1. A SENTENZA DO TS DE 10.11.2015, RECAÍDA NO RECURSO DE CASACIÓN N.º 1658/2014. ................... 6

2.2. O PLAN QUE RECOBRA VIXENCIA: O PXOU 1993 ......................................................................................... 9

2.3. O PLAN XERAL DECLARADO XUDICIALMENTE NULO: O PXOM 2008 ....................................................... 10

2.4. INICIACIÓN DO PROCEDEMENTO DE APROBACIÓN DO INSTRUMENTO DE PLANIFICACIÓN

URBANÍSTICA QUE SUBSTITÚA AO INSTRUMENTO ANULADO ............................................................................. 12

3. ANÁLISE DA SITUACIÓN DERIVADA DA ANULACIÓN DO PXOM 2008. SITUACIÓN ACTUAL.......................14

3.1. ANÁLISE DO PXOU 1993 COMO INSTRUMENTO QUE RECOBRA A SÚA VIXENCIA E LEXISLACIÓN AO

ABEIRO DA CAL SE APROBOU ............................................................................................................................... 14

3.1.1. O MODELO DO PXOU 1993 (Adaptación do PXOU de 1988 á LEI 11/1985, do 22 de agosto,

de adaptación da do solo a Galicia - LASGA) ........................................................................................... 14

3.1.2. ANÁLISE DA LEI 11/1985, DO 22 DE AGOSTO, DE ADAPTACIÓN DA DO SOLO A GALICIA. ....... 17

3.2. ADECUACIÓN DO PXOU 1993 Á LEXISLACIÓN URBANÍSTICA E SECTORIAL VIXENTE, Á REALIDADE

URBANÍSTICA VIXENTE NO ÁMBITO AFECTADO XURDIDA AO ABEIRO DO INSTRUMENTO DE

PLANIFICACIÓN ANULADO .................................................................................................................................... 18

3.2.1. A LEXISLACIÓN URBANÍSTICA: .......................................................................................................... 18

3.2.2. A LEXISLACIÓN SECTORIAL: .............................................................................................................. 21

3.2.3. REALIDADE URBANÍSTICA XURDIDA AO ABEIRO DO PXOM 2008: .............................................. 25

3.2.4. A MAIOR ADECUACIÓN DO PXOM 2008 Á LEXISLACIÓN URBANÍSTICA VIXENTE: .................. 26

4. ÁMBITO DA ORDENACIÓN PROVISIONAL .......................................................................................................30

4.1. DELIMITACIÓN DO ÁMBITO ............................................................................................................................. 30

4.2. CARACTERIZACIÓN MEDIO AMBIENTAL DO ÁMBITO ................................................................................. 31

4.3. O MEDIO URBANO E PERIURBANO / A MALLA URBANA ............................................................................ 33

Parte 2. XUSTIFICACIÓN .........................................................................................................................................36

5. MARCO LEGAL DA ORDENACIÓN PROVISIONAL PROPOSTA ........................................................................36

Data sinatura: 29/07/2019 CSV: 2DEAC5-35A8B1-C5CE53-D7HTSN-PYY3WC-HE Verificable en www.vigo.org/csv APROB. DEFINITIVA PLENO 24/07/19



Páxina 2 de 116

6. XUSTIFICACIÓN DO RESPECTO ÁS SENTENZAS FIRMES QUE DECLARAN A NULIDADE DO PXOM DE VIGO

DE 2008 (Art. 84.2 da LMFAO). ...............................................................................................................................37

6.1. SENTENZA DO T.S. DE 10.11.2015 RECAÍDA NO RECURSO DE CASACIÓN 1658/2014 E DERIVADAS. . 37

6.2. SENTENZAS ANTERIORES Á DO T.S. DE 10.11.2015, QUE DECLARAN A NULIDADE DALGUNHA

DETERMINACIÓN DO PXOM 2008. ........................................................................................................................ 37

6.2.1. SENTENZAS XA EXECUTADAS .................................................................................................................. 38

6.2.2. SENTENZAS NON EXECUTADAS QUE REQUIREN DA MODIFICACIÓN PUNTUAL DO

PLANEAMENTO.- ................................................................................................................................................. 38

7. XUSTIFICACIÓN DA PROTECCIÓN DO PATRIMONIO CULTURAL (ART.86 LMFAO). .......................................40

8. XUSTIFICACIÓN DO CUMPRIMENTO DO PROCEDEMENTO PREVISTO NA LMFAO (ART.87 LMFAO). ...........41

9. XUSTIFICACIÓN DO CONTIDO E VIXENCIA DA ORDENACIÓN PROVISIONAL. (ART.90 LMFAO) ................44

9.1.ORDENACIÓN PROVISIONAL EN SOLO URBANO E DE NÚCLEO RURAL (ART.91) .................................... 45

9.1.1. ORDENACIÓN PROVISIONAL EN SOLO URBANO ............................................................................... 45

9.1.2. ORDENACIÓN PROVISIONAL EN SOLO DE NÚCLEO RURAL ............................................................. 55

9.2. ORDENACIÓN PROVISIONAL EN ÁMBITOS SUXEITOS A DESENVOLVEMENTO URBANÍSTICO ............... 56

9.2.1.ÁMBITOS CON INTERESE XERAL POLO SEU CARÁCTER DOTACIONAL OU EQUIPAMENTO

PÚBLICO OU PRIVADO ...................................................................................................................................... 56

9.2.2.ÁMBITOS CON INTERESE XERAL EN ATENCIÓN AO SEU GRAO DE DESENVOLVEMENTO

URBANÍSTICO (Artigo 92 da LMFAO). ............................................................................................................. 58

9.3. XUSTIFICACIÓN DO CUMPRIMENTO DA LEXISLACIÓN SECTORIAL E DOS INFORMES AMBIENTAL E

URBANÍSTICO ............................................................................................................................................................ 60

9.3.1. CUMPRIMENTO DA LEXISLACIÓN SECTORIAL ..................................................................................... 60

9.3.2. CORRECCIÓNS DERIVADAS DOS INFORMES URBANÍSTICO E MEDIOAMBIENTAL ......................... 70

9.4. CORRECCIÓNS EFECTUADAS EN RELACIÓN CO ESTUDO PREVIO DA ORDENACIÓN PROVISIONAL.

.................................................................................................................................................................................... 71

9.5. XUSTIFICACIÓN DA NORMATIVA DA ORDENACIÓN PROVISIONAL E DAS CORRECCIÓNS INCLUÍDAS

EN RELACIÓN COA NORMATIVA DO PXOM 2008. ............................................................................................ 72

9.6. VIXENCIA DA ORDENACIÓN PROVISIONAL. ................................................................................................ 76

9.7. XUSTIFICACIÓN DO CUMPRIMENTO DAS DETERMINACIÓNS ESTABLECIDOS NO INFORME AMBIENTAL

ESTRATÉXICO. ............................................................................................................................................................ 76

9.7.1. DETERMINACIÓNS ESTABLECIDAS NO IAE. .......................................................................................... 77

9.7.2. CONSIDERACIÓN DAS OBSERVACIÓNS FORMULADAS NOS ESCRITOS RECIBIDOS NO

PERÍODO DE CONSULTAS. ................................................................................................................................ 82

9.7.2.1. INFORME DO MINISTERIO DE FOMENTO/ SECRETARÍA GENERAL DE INFRAESTRUTURAS. ... 82




Páxina 3 de 116

9.7.2.2. INFORME DO MINISTERIO DE FOMENTO / DIRECCIÓN GENERAL DE CARRETERAS/ UNIDAD

DE CARRETERAS DE PONTEVEDRA/ DEMARCACIÓN DE CARRETERAS DEL ESTADO EN GALICIA ........ 82

9.7.2.3. INFORME DO INSTITUTO DE ESTUDOS DO TERRITORIO (IET) ..................................................... 82

9.7.2.4. INFORME DA DIRECCIÓN XERAL DO PATRIMONIO CULTURAL .............................................. 83

9.7.2.5. INFORME DA AXENCIA GALEGA DE INFRAESTRUTURAS (AXI). ............................................... 85

9.7.2.6. INFORME DA DIRECCIÓN XERAL DE PESCA, ACUICULTURA E INNOVACIÓN

TECNOLÓXICA/ CONSELLERÍA DO MEDIO RURAL E DO MAR. ................................................................... 86

9.7.2.7. ESCRITOS RECIBIDOS NO PERÍODO DE CONSULTAS DOS COLECTIVOS: ASOCIACIÓN

ECOLOXISTA VERDEGAIA, E CONXUNTA DE “A TERRA NON SE VENDE”, “A RÍA NON SE VENDE “ E

“SALVEMOS MONTE FERRO”. ........................................................................................................................... 86

9.7.2.8. OUTROS ESCRITOS RECIBIDOS DE PARTICULARES ........................................................................... 88

9.8. XUSTIFICACIÓN DAS CORRECCIÓNS EFECTUADAS EN RELACIÓN CO BORRADOR DE

PLANEAMENTO ......................................................................................................................................................... 90

9.9. XUSTIFICACIÓN DAS CORRECCIÓNS REALIZADAS NO DOCUMENTO PARA APROBACIÓN INICIAL EN

RELACIÓN COS INFORMES SECTORIAIS................................................................................................................ 91

9.9.1. INFORME EN MATERIA DE COSTAS DA DIRECCIÓN XERAL DE MEDIO AMBIENTE E ORDENACIÓN

DO TERRITORIO. XUNTA DE GALICIA ............................................................................................................... 91

9.9.2. INFORME DA DIRECCIÓN XERAL DE AVIACIÓN CIVIL. MINISTERIO DE FOMENTO ....................... 91

9.9.3. INFORME DA DEMARCACIÓN DE ESTRADAS DO ESTADO EN GALICIA: REQUIRIMENTO DE

SUBSANACIÓN. ................................................................................................................................................... 93

9.9.4. INFORME Á DIRECCION XERAL DE FERROCARRIS .............................................................................. 94

9.10. PERÍODO DE INFORMACIÓN PÚBLICA/ INFORMES SECTORIAIS/ ALEGACIÓNS / XUSTIFICACIÓN DAS

MODIFICACIÓNS REALIZADAS NO DOCUMENTO APROBADO INICIALMENTE V.4. ...................................... 96

9.10.1. INFORMES SECTORIAIS RECIBIDOS E CORRECCIÓNS DERIVADAS DOS MESMOS. .................... 99

9.10.2. CONTESTACIÓN E MODIFICACIÓNS DERIVADAS DO INFORME DAS ALEGACIÓNS RECIBIDAS.

105

9.10.3. OUTRAS CORRECCIÓNS DERIVADAS DE ERROS OBSERVADOS NA VERSIÓN V.4. APROBADA

INICIALMENTE. ................................................................................................................................................... 106

9.11. XUSTIFICACIÓN DA VIABILIDADE E SUSTENTABILIDADE ECONÓMICA DA IOP ................................... 112

10. CONTIDO DOCUMENTAL DO INSTRUMENTO DE ORDENACIÓN PROVISIONAL. ..........................................114

10.1. CONTIDO ....................................................................................................................................................... 114

10.2. DOCUMENTACION GRAFICA: INFORMACIÓN CARTOGRÁFICA E VECTORIAL ................................. 115

10.3. NORMAS PARA A INTERPRETACIÓN .......................................................................................................... 116




Páxina 4 de 116

Parte 1. MEMORIA INFORMATIVA

1. OBXECTO

Este instrumento de ordenación provisional (en diante IOP) para diversos ámbitos de solo situados no

Termo Municipal de Vigo, redáctase, nesta fase de aprobación definitiva, polos servizos técnicos e

xurídicos municipais do Concello de Vigo, en desenvolvemento do disposto na Lei 2/2017, do 8 de febreiro,

de Medidas fiscais, administrativas e de ordenación (no sucesivo, LMFAO 2017).

Nomeadamente, na redacción do presente documento participaron os seguintes técnicos municipais:

María Sobrino del Río (xefa da Área Técnica, arquitecta), Antonio Alonso Fernández (xefe de

Desenvolvemento Urbanístico, arquitecto), Mª Lorena López Rodríguez (adxunta do xefe de

Desenvolvemento Urbanístico, técnica de admón. xeral), Sonia Pérez Sánchez (arquitecta da oficina de

Planeamento e Xestión) e Paula Martínez Vidal (arquitecta da oficina de Planeamento e Xestión).

O 21.04.2017, por resolución da Vicepresidenta da XMU, ordenouse tramitar o Estudo das Medidas

Provisionais de Ordenación previsto no artigo 88 da LMFAO 2017, elaborado polos técnicos da Xerencia

de Urbanismo do Concello de Vigo en abril de 2017 e remitir o nomeado Estudo á Consellería de Medio

Ambiente e Ordenación do Territorio, solicitando a emisión do informe urbanístico e do informe ambiental

referidos no artigo 88.2 da LMFAO 2017.

O estudo, rematado en abril de 2017, parte do respecto polos pronunciamentos das sentenzas firmes que

declaran a nulidade do PXOM08 de Vigo, así como das resolucións xudiciais recaídas na súa execución,

de conformidade co esixido pola LMFAO 2017 e identifica aqueles solos urbanos, de núcleo rural ou

incorporados a ámbitos de desenvolvemento urbanístico, cuxas características ou singulares

circunstancias, configúraos, de partida, como máis idóneos ou necesitados das medidas de ordenación

provisional previstas na LMFAO 2017.

O Consello da Xerencia Municipal de Urbanismo na sesión ordinaria de data 27 de abril de 2017 tomou

coñecemento do nomeado Estudo, o cal, mediante oficio da Vicepresidenta da XMU de data 21 de abril

de 2017 remitíaselle á Consellería de Medio Ambiente e Ordenación do Territorio, solicitando a emisión do

informe urbanístico e do informe ambiental referidos no artigo 88.2 da LMFAO 2017.

Recibidos os amentados informes autonómicos previstos no artigo 88 da LMFAO 2017 (Doc. 170090015 do

20.06.2017) e incorporadas as observacións neles formuladas, o Pleno do Concello de Vigo en sesión

plenaria ordinaria do 26 de xullo de 2017 acordou aprobar o Estudo e o seu complemento, xustificando

a necesidade da aprobación das medidas de ordenación provisional previstas.

Consonte ao disposto no artigo 93 da nomeada LMFAO, logo do devandito acordo municipal, o Concello

de Vigo remitiu ao órgano ambiental a solicitude de inicio de avaliación ambiental estratéxica

simplificada, acompañando unha copia en soporte dixital do Borrador de ordenación provisional e do

Documento ambiental estratéxico, elaborados polos servizos técnicos da Xerencia de Urbanismo do

Concello de Vigo, en data xullo de 2017, co contido establecido na lexislación vixente.




Páxina 5 de 116

O órgano ambiental (a Dirección Xeral de Calidade Ambiental e cambio Climático da Consellería de

medio Ambiente e Ordenación do Territorio da Xunta de Galicia), iniciou o 23 de agosto de 2017 un

período de consultas ás administracións públicas afectadas e ás persoas interesados polo prazo dun mes

habilitando a súa sede electrónica para a formulación de observacións e suxestións (cod. 1990/2017).

O 16 de outubro de 2017, mediante resolución da Directora xeral de Calidade Ambiental e Cambio

Climático, a proposta da Xefa de Servizo de Avaliación Ambiental de Plans e Programas, co conforme

do subdirector xeral de Avaliación Ambiental da Dirección Xeral de Calidade Ambiental, resolveuse non

someter ao procedemento de avaliación ambiental estratéxica ordinaria o Instrumento de Ordenación

provisional do Concello de Vigo, ao considerar que non se producirán efectos significativos no ambiente

e no que se establecen unhas determinacións a ter en conta para favorecer a sustentabilidade da

proposta.

O Informe Ambiental Estratéxico, publicado no DOG núm. 209 de data 03 de novembro de 2017, e as

copias dos comentarios e informes recibidos no período de consultas, tanto de organismos oficiais, como

de asociacións e colectivos ecoloxistas e varios particulares, que se considerarán no punto 9.7. desta

Memoria, foron remitidos ao Concello de Vigo en data 20 de outubro de 2017.

O 18.07.2018 o Pleno do Concello de Vigo aprobou inicialmente a documentación do IOP, na súa versión

V.4 de xuño de 2018. Posteriormente foi publicado no Faro de Vigo o 24.08.18 e no DOG núm. 176 do

14.08.2018. Practicáronse notificacións individualizadas a todas as persoas titulares catastrais dos terreos

afectados, que supuxo a práctica de máis de 37.000 notificacións, así como a publicación dos anuncios

esixidos na Lei 39/2015, do 1 de outubro, do procedemento administración común das Administracións

públicas (BOE núm. 54 do 04.03.2019 e núm. 68 do 20.03.2019), recibíndose as alegacións que figuran no

Certificado do Secretario da Xerencia Municipal de Urbanismo, e que figura no expediente administrativo.

Xa que logo, o obxecto deste documento de aprobación definitiva é dar cumprimento ao disposto na

LMFAO 2017, e a tódalas observacións formuladas tanto nos informes urbanísticos, como ambientais e

sectoriais obrantes no expediente, e proseguir co procedemento establecido no artigo 93, apartado 3 e

seguintes da LMFAO, coa aprobación inicial por parte do Concello, a apertura dun trámite de

información pública como mínimo durante vinte días, mediante anuncio que se publicará no DOG e nun

dos xornais de maior difusión da provincia, e notificación a todas as persoas titulares catastrais dos terreos

afectados, ademais de solicitar das administracións públicas competentes os informes sectoriais e

consultas que resulten preceptivos.




Páxina 6 de 116

2. ANTECEDENTES

2.1. A SENTENZA DO TS DE 10.11.2015, RECAÍDA NO RECURSO DE CASACIÓN N.º 1658/2014.

En data 10 de novembro de 2015, o Tribunal Supremo ditou sentenza no recurso de casación n.º1658/2014

cuxo faio literalmente di: “1. Que debemos declarar y declaramos haber lugar al recurso de casación

interpuesto en representación de la ASOCIACIÓN ALTERNATIVA VECINAL DE VIGO contra la sentencia de

la Sección Segunda de la Sala de lo Contencioso-Administrativo del Tribunal Superior de Justicia de

Galicia, de 20 de febrero de 2014 -recurso contencioso administrativo 4530/2008- que ahora queda

anulada y sin efecto. 2. Que debemos estimar y estimamos el recurso contencioso-administrativo

interpuesto en representación de la citada Asociación contra la Orden de la Consejería de Política

Territorial, Obras Públicas y Transporte de la Junta de Galicia, de fecha 16 de mayo de 2008, por la que se

aprueba definitiva y parcialmente el Plan General de Ordenación Urbana de Vigo y contra la Orden de

la Consejería de Medio Ambiente, Territorio e Infraestructuras, de fecha 13 de julio de 2009, por la que se

aprueba definitivamente el documento de cumplimiento de la citada Orden en cuanto a las cuestiones

que en la misma quedaron en suspenso, y en consecuencia debemos declarar y declaramos la nulidad

de las referidas Órdenes aprobatorias del Plan General de Ordenación Urbana de Vigo. 3. No hacemos

imposición de costas en el proceso de instancia, debiendo correr cada parte con las suyas en el recurso

de casación.”

Desta forma, declarábase xudicialmente a nulidade do dito instrumento de planeamento xeral;

declaración de carácter xeral que a Lei ordena que sexa erga omnes, ata o punto que dispón, para

coñecemento xeral, a publicación da sentenza no mesmo diario oficial no que fora publicada a

disposición anulada (artigo 72.2 da LRXCA).

A motivación da sentenza baséase fundamentalmente no seguinte: “La Administración autonómica

ambiental ha empleado en este caso, a fin de justificar la inviabilidad de someter el Plan General de

Ordenación Municipal de Vigo a evaluación ambiental, idéntica argumentación a la que unos meses

después, el 20 de octubre de 2008, utilizó para justificar la inviabilidad de someter el Plan General de otro

municipio, concretamente Teo, a dicha evaluación ambiental, justificación que esta Sala del Tribunal

Supremo, en su referida sentencia de fecha 23 de diciembre de 2014 (recurso de casación 3158/2012),

declaró insuficiente e injustificada, doctrina que ahora reiteramos por las razones que acabamos de

expresar, determinantes todas ellas de la estimación del motivo de casación invocado, al haberse

vulnerado lo establecido por la Ley 9/2006, de 28 de abril, y por la Directiva comunitaria 2001/42/CE, de

27 de junio.”

As súas consecuencias e consideracións xurídicas proxectáronse sobre outras sentenzas ditadas polo

Tribunal Supremo en recursos formulados igualmente contra as ordes autonómicas aprobatorias do PXOM

2008 e que se detallan a continuación:




Páxina 7 de 116

Data Procedemento Faio

29.10.2015 recurso de casación 1758/2014 estima o recurso contencioso-administrativo contra a orde da

CPTOPT de 16.05.2008.

29.10.2015 recurso de casación 1860/2014 estima o recurso contencioso-administrativo contra a orde da

CPTOPT de 16.05.2008 e da CMATI do 13.07.2009.

30.10.2015 recurso de casación 1755/2014 estima o recurso contencioso-administrativo n.º 4660/2010 contra a

orde da CPTOPT de 16.05.2008.


orde da CPTOPT de 16.05.2008 e da CMATI do 13.07.2009.

11.11.2015 recurso de casación 1814/2014 estima o recurso contencioso-administrativo formulado pola

Asociación de Afectados pola Ronda de Vigo e declara

radicalmente nulas as ordes autonómicas aprobatorias do PXOM

2008.



11.11.2015 recurso de casación 1913/2014 ratifica a nulidade xa declarada das ordes autonómicas

aprobatorias do PXOM 2008.

12.11.2015 recurso de casación 1817/2014 estima o recurso contencioso administrativo n.º 4630/2008 contra a


15.06.2016 recurso de casación 1814/2014 estima parcialmente as pretensións deducidas na demanda dado o

non sometemento do PXOM 2008 a avaliación ambiental

estratéxica.

Do exame das citadas sentenzas resulta que todas elas comparten como fundamento da estimación dos

recursos contencioso-administrativos interpostos, a nulidade xa declarada do PXOM 2008 por mor da

sentenza do Tribunal Supremo do 10.11.2015 no recurso de casación n.º 1658/2014, ben por coherencia e

unidade de doutrina, ben coñecendo, como causa de impugnación, do feito de que o dito plan xeral

no fora sometido a avaliación ambiental estratéxica, cando, a criterio do Tribunal Supremo, a

argumentación empregada pola Administración autonómica ambiental para xustificar a inviabilidade de

tal sometemento resultaba insuficiente e inxustificada, producíndose con elo a vulneración do

establecido pola Lei 9/2006, do 28 de abril, sobre avaliación dos efectos de determinados plans e

programas no medio ambiente e pola Directiva comunitaria 2001/42/CE, do 27 de xuño.

Ademais, no presente estudo téñense en conta as consecuencias das sentenzas parcialmente anulatorias

daquelas ordes autonómicas pois, por imperativo do establecido no artigo 84. dous, inserido no Título IV

“Medidas provisionais de ordenación urbanística” da Lei 2/2017, de 8 de febreiro, de medidas fiscais,

administrativas e de ordenación: “En todo caso, a adopción das medidas previstas no presente título

deberá respectar o disposto nas sentenzas firmes que declaren a nulidade dos instrumentos de

planificación urbanística ou dos decretos de suspensión, e as resolución xudiciais recaídas na súa

execución”.




Páxina 8 de 116

A continuación recóllense as diferentes sentenzas recaídas na materia:

a) Sentenzas do TSXG que declaran a nulidade dalgunha determinación do PXOM 2008:

Data Procedemento Obxecto Observacións

13.01.2011 P.O. 4653/2008 Omisión de aliñacións en solo urbano Executada coa aprobación

definitiva da modificación

puntual n.º7 do PXOM 2008

09.06.2011 P.O.: 4662/2008 Anula a delimitación da «AOD-4-06

PRAZA DE ESPAÑA»

14.06.2012 P.O.: 4469/2008 Sobre clasificación como SUC dunha

parcela sita no «S-03-R TRONCAL»


parcela sita na UA 03 MOLEDO do PXOU

1993

Executada coa aprobación

definitiva da modificación

puntual n.º8 do PXOM 2008


superficie incluída na r/Couto de San

Honorato, n.º95

confirmada por sentenza do

05.05.2014 do Tribunal Supremo,

no recurso de casación

n.º6222/2011

14.06.2012, P.O.: 4463/2008 Sobre clasificación como SUC dunha







parcela sita no «A-4-37 OFIMÁTICO»


parcela sita no PERI SAN ROQUE

31.01.2013 recurso de apelación

n.º4561/2012

Sobre clasificación como SUC dunha

parcela sita na «A-4-76 SEARA»

21.02.2013 cuestión de

ilegalidade

n.º4873/2012

Sobre clasificación como SUC dun terreo

sito na «APR A -4-09 Calvario 6»


parcela sita no PERI SAN ROQUE


ilegalidade

n.º4837/2012






Páxina 9 de 116



ilegalidade

n.º4846/2012



22.10.2015 recurso n.º4593/2008 Sobre clasificación como SUNC de

terreos sitos na «AOP-22 UNIÓN

CERVECERA» e da r/Serafín Avedaño

b) Sentenzas do TS que declaran a nulidade dalgunha determinación do PXOM 2008:


07.07.2015 recurso de casación

n.º3659/2013

Sobre vinculación singular casou a sentenza do TSXG do

20.06.2013, recaída no recurso

n.º4545/2008

c) Sentenzas do TSXG recaídas sobre o planeamento de desenvolvemento do PXOM 2008:

Data Procedemento Obxecto

15.12.2016 P.O.: 4141/2014 Sobre determinacións do PERI da «APR A-5-31 POULO» e do PXOM 2008 SOBRE

“Infraestrutura de enerxía eléctrica”

16.06.2016 P.O.: 4025/2015 Anula o Plan Especial de Dotacións AV/SX/B 8 “Eixo Avenida de Europa –

Avenida de Castelao”

28.01.2016 P.O.: 4293/2014 Sobre nulidade do PERI da «APR A-4-01 BARRIO DO CURA», no relativo á

inclusión de determinada parcela na área de reparto AR-1 Polígono 2-e

Nestes casos, o Tribunal sentenciador parte tamén da nulidade radical do PXOM 2008 xudicialmente

declarada, polo que non entra a valorar o fondo das concretas pretensións formuladas polas

demandantes, estimándoas por mor daquela nulidade.

2.2. O PLAN QUE RECOBRA VIXENCIA: O PXOU 1993

Como consecuencia do xa exposto, o planeamento urbanístico xeral actualmente vixente é o Plan Xeral

de Ordenación Urbana de Vigo aprobado definitivamente por acordo do Consello da Xunta de Galicia

de 29.04.1993 (PXOU1993), e que está constituído polo denominado Expediente de Subsanación de




Páxina 10 de 116

deficiencias na adaptación do PXOU-88 á Lei 11/1985 de adaptación da do Solo a Galicia (DOG do

10.05.1993 e BOP do 14.07.1993), xunto coas súas modificacións puntuais definitivamente aprobadas.

O PXOU de 1993 é, xa que logo, o resultado dun expediente de subsanación elaborado en cumprimento

da Resolución da COTOP de 19/09/1991 que revogaba e suspendía a Orde de 30/01/1990 de aprobación

definitiva do “PROXECTO DE ADAPTACIÓN DO PXOU DE VIGO Á LEI DO SOLO DE GALICIA”, comunmente

nomeado PXOU 1990 e que se abordou, en principio, a partir do respecto ao modelo establecido no

PXOU de 1988 ao que se incorporaba un novo Estudo do Medio Rural e de delimitación de núcleos

consonte á Lei 11/1985, do 22 de agosto, de adaptación da do solo a Galicia (LASGA), sen prexuízo das

modificacións xustificadas que se precisasen.

Dito PXOU de 1993, foi aprobado inicialmente no Pleno do 7/05/1992 e provisionalmente no Pleno de

outubro de 1992, sendo aprobado definitivamente polo Consello da Xunta de Galicia o 29 de abril de

1993 (DOG 10/05/1993), manténdose en vigor ata a aprobación definitiva do PXOM en maio de 2008. É

por elo, que tendo en conta as suspensións derivadas do estudo e inicial aprobación do PXOM 2008,

resultaría unha vixencia total aproximada do PXOU-93 duns 15 anos, aos que agora se ten que engadir a

súa reviviscencia tras da nulidade do PXOM 2008.

O PXOU-93 foi completándose coa aprobación dalgunhas modificacións puntuais e coa aprobación do

seu planeamento de desenvolvemento e foi obxecto dun primeiro intento de adaptación, no ano 1996,

á lexislación de solo do Estado do ano 1990 (Lei 8/1990 e texto refundido do 1992), que non acadou

aprobación.

2.3. O PLAN XERAL DECLARADO XUDICIALMENTE NULO: O PXOM 2008

O día 09.10.2000 o Alcalde-Presidente do Concello de Vigo formulou a proposta de elaboración dun novo

Plan Xeral de Ordenación adaptado á normativa entón vixente, en substitución do PXOU-93, conforme

ás previsións contidas na Disposición transitoria primeira da Lei 1/1997, de 24 de marzo, do Solo de Galicia

e a Disposición transitoria segunda da Lei 6/1998, de 13 de abril, sobre Réxime do solo e valoracións.

Desta forma, o día 20.10.2000 o Pleno do Concello de Vigo, asumindo os termos daquela proposta,

acordaba proceder á redacción dun novo Plan Xeral de Ordenación en substitución do PXOU-93, co

obxectivo de definir un novo modelo de cidade e incorporar os instrumentos e técnicas previstas na

normativa urbanística (áreas de reparto, aproveitamentos tipo, clasificación do solo, etc.) coas que

asegurar o desenvolvemento harmónico da actividade urbanística da cidade no novo marco

metropolitano, entendéndose esgotado o programa de actuación do PXOU-93 e evidenciadas as

carencias e insuficiencias da ordenación contida nel. Con este novo instrumento de planeamento xeral,

tratábase, ademais, de favorecer o desenvolvemento dos novos proxectos de infraestruturas e de

sistemas xerais integrantes da estrutura xeral e orgánica do territorio e que resultarían determinantes

dunha alteración do modelo territorial asumido polo PXOU-93.

Logo dos traballos de estudo e elaboración pertinentes, o día 29.07.2002 o Pleno do Concello de Vigo

acordaba tomar coñecemento do Avance do PXOM e abrir un trámite de información pública polo prazo




Páxina 11 de 116

de dous meses coa publicación de anuncios e remisión de exemplares á Subdelegación do Goberno de

Pontevedra, á CPTOPV e aos concellos integrantes da mancomunidade de Vigo.

O 30.12.2004, o Pleno do Concello de Vigo acordaba aprobar inicialmente o novo PXOM na súa versión

de decembro de 2004 e os convenios unidos como Anexo a súa Memoria, suspender o outorgamento de

licenzas urbanísticas en toda a área territorial do municipio de Vigo, nos casos nos que a nova ordenación

inicialmente aprobada resultase incompatible coa establecida no planeamento vixente, abrir un trámite

de información pública polo prazo de dous meses mediante publicación de anuncios no DOG e en dous

xornais de maior circulación na provincia, neste último caso, en dous días consecutivos, e conceder un

trámite de audiencia polo mesmo prazo aos municipios limítrofes, así como solicitar os informes sectoriais

e municipais relacionados no informe do 15.12.2004 do arquitecto xefe e do TAX da oficina de

planeamento obrante no expediente.

O acordo de aprobación inicial publicouse no DOG n.º 31 do 15.02.2005 e nos xornais “Faro de Vigo”,

“Atlántico Diario” e “La Voz de Galicia” dese mesmo día e do día seguinte.

O 19.05.2006, o Pleno do Concello de Vigo acordou aprobar provisionalmente o novo PXOM e remitir

copia dilixenciada do expediente completo á Consellería de Política Territorial, Obras Públicas e

Urbanismo para a súa aprobación definitiva.

Con data 04.08.2006, a Dirección Xeral de Desenvolvemento Sostible asinou o oficio polo que informaba

ao Concello de Vigo da entrada en vigor da Lei 9/2006 e da necesidade de sometemento do PXOM ao

procedemento de avaliación ambiental estratéxica, solicitándose, por parte deste último, mediante

oficio do 26.09.2006, a declaración de inviabilidade dese sometemento a tal tramitación ambiental.

Na resolución de data 10.09.2007 da Dirección xeral de Desenvolvemento sostible (DOG n.º 184, do

21.09.2007), establecéronse os requisitos para declarar a inviabilidade do sometemento do PXOM

aprobado provisionalmente en data 29.12.2007, ao procedemento de avaliación ambiental estratéxica

e en data 28.03.2008 a Dirección xeral de Desenvolvemento sostible resolveu declarar a inviabilidade do

sometemento do PXOM de Vigo ao devandito procedemento.

Así pois, tras unha dilatada e complexa tramitación procedimental, con data 16.05.2008 a Conselleira da

Consellería de Política Territorial, Obras Públicas e Transportes emitiu orde de aprobación definitiva e

parcial do PXOM de Vigo (orde publicada no DOG n.º 106, de 03.06.2008 e normativa publicada no Boletín

Oficial da Provincia de Pontevedra n.º 151 - suplemento, de 06.08.2008) e mediante Orde do Conselleiro

da CMATI de 13.07.2009 (orde publicada no DOG n.º 144, de 24.07.2009 e normativa publicada no Boletín

Oficial da Provincia de Pontevedra n.º 175, de 10.09.2009) aprobouse o documento cumprimentando as

deficiencias observadas pola Orde do 16 de maio de 2008.

Neste novo contexto, as determinacións normativas do PXOM 2008 desenvolvéronse dende a súa entrada

en vigor transformando a ordenación urbanística do noso municipio, cun nivel de execución que quedou

reflectido nos plans de seguimento elaborados durante a súa vixencia, ata que, en data 10.11.2015, o

Tribunal Supremo declarou a nulidade de pleno dereito das ordes autonómicas polas que fora

definitivamente aprobado, de acordo cos fundamentos xurídicos da sentenza ditada no recurso de

casación n.º 1658/2014, máis arriba exposta, que, estimando un recurso de casación interposto contra a




Páxina 12 de 116

sentenza da Sección Segunda da Sala do Contencioso-Administrativo do Tribunal Superior de Xustiza de

Galicia de 20 de febreiro de 2014, considerou que coa resolución autonómica do día 28.03.2008,

declaratoria da inviabilidade de sometemento ao procedemento de avaliación ambiental estratéxica,

arriba citada, eludirase inxustificadamente a tramitación medioambiental esixida polos artigos 7 e 9 da

Lei 9/2006, de 28 de abril, sobre avaliación dos efectos de determinados plans e programas no medio

ambiente. Os efectos desta sentenza proxectáronse sobre outras, tamén reflectidas máis arriba, que

declararon igualmente a nulidade das nomeadas ordes autonómicas.

A dita declaración xudicial de nulidade, aínda que fundamentada en cuestións exclusivamente formais,

significou a reviviscencia do PXOU-93, tendo en conta os efectos “ex tunc” que tal declaración supón a

respecto do plan xeral aprobado mediante ordes dos anos 2008 e 2009, pois a nulidade esténdese aos

efectos derrogatorios que o plan xeral que desaparece do mundo xurídico puidera despregar.

2.4. INICIACIÓN DO PROCEDEMENTO DE APROBACIÓN DO INSTRUMENTO DE PLANIFICACIÓN URBANÍSTICA

QUE SUBSTITÚA AO INSTRUMENTO ANULADO

O Pleno do Concello de Vigo, en sesión extraordinaria e urxente do 18.12.2015, adoptou o acordo cuxa

parte dispositiva reza:

“Primeiro: Proceder á elaboración dun novo Plan Xeral de Ordenación Municipal adaptado a

lexislación vixente que substitúa ao actual Plan Xeral de Ordenación Urbanística de 1993,

nomeado de “Subsanación de Deficiencias na Adaptación do PXOU á Lei 11/1985, de 22 de

abril, de Adaptación da do Solo a Galicia” conforme coas disposicións normativas contidas

na lexislación urbanística vixente así como en concordancia coas lexislación de solo,

ambiental e sectorial de aplicación.

Segundo: Encomendar á Xerencia Municipal de Urbanismo a tramitación do procedemento

de aprobación do novo PXOM e a realización dos traballos necesarios para a elaboración do

novo documento, sen prexuízo da contratación daqueles traballos ou asistencias que, de ser

o caso, resultasen precisas a tal efecto”.

Entre outras consideracións, sinala o plenario, na fundamentación do acordo adoptado, como unha

realidade imprescindible e urxente: a necesidade de dotar ao municipio dunha ordenación urbanística

que supere as limitacións do PXOU-93 e se adapte á lexislación vixente, aos cambios acontecidos na

cidade ao longo dos derradeiros anos e que, igualmente, dea resposta ás necesidades de Vigo.

Entre os meses de xaneiro de 2016 e febreiro de 2017 os servizos técnicos e xurídicos municipais da XMU

de Vigo solicitaron da consellería competente en materia de urbanismo, dos diferentes órganos da Xunta

de Galicia e da administración central, e de todas as áreas municipais, canta documentación

considerasen necesaria ou de interese para a redacción do novo plan xeral de ordenación municipal

(artigo 84.3 da LOUGA, actualmente artigo 60.1 da LSG) e redactaron o Documento inicial estratéxico e

o Documento de prioridades do Borrador do Plan que deberán ser validados polo órgano municipal

competente e completados coas novas determinacións e escalas de traballo introducidas polo




Páxina 13 de 116

Regulamento da Lei 2/2016 do Solo de Galicia, aprobado por Decreto 143/2016, do 22 de setembro

(DOG, núm. 213, de 9 de novembro de 2016).

Así pois, o Borrador recolle e reproduce, no básico, as análises urbanísticas e medioambientais efectuadas

con motivo da redacción de ditos documentos, coordinándose para evitar situacións de conflito entre a

ordenación provisional proposta e a nova ordenación que xurda froito da revisión do planeamento xeral.

Polo tanto, excluiranse desta proposta de ordenación provisional as áreas de solo nas que sexa previsible

unha necesidade de estudo ou posible reconsideración do PXOM 2008 no seo do plan que o substitúa.




Páxina 14 de 116

3. ANÁLISE DA SITUACIÓN DERIVADA DA ANULACIÓN DO PXOM 2008. SITUACIÓN ACTUAL

3.1. ANÁLISE DO PXOU 1993 COMO INSTRUMENTO QUE RECOBRA A SÚA VIXENCIA E LEXISLACIÓN AO

ABEIRO DA CAL SE APROBOU

3.1.1. O MODELO DO PXOU 1993 (Adaptación do PXOU de 1988 á LEI 11/1985, do 22 de agosto, de

adaptación da do solo a Galicia - LASGA)

O modelo do PXOU de 1993 parte, como se citou nos antecedentes, do modelo proposto no PXOU de

1988, ao que se lle incorporou un novo Estudo do Medio Rural e as modificacións derivadas, entre outras,

dunha cartografía e unha realidade xa transformada dez anos despois da súa formulación inicial.

Os obxectivos fixados en dito instrumento foron:

• A consecución dun modelo territorial nucleado mediante a definición dun sistema de núcleos de

poboación urbanos e rurais, potenciando o mantemento, estruturación e mellora dos núcleos

existentes a través da súa identificación, tipificación e clasificación.

• A pormenorización das determinacións nos núcleos a través de tres actuacións:

i. Consolidar: mediante a definición das condicións de ordenanzas e aliñacións;

ii. Completar: mediante a definición de planeamento de desenvolvemento nas bolsas de solo

vacante con superficie apreciable e naqueles en que a problemática xerada pola consolidación

abusiva e excesiva esixía a realización de operacións de reforma interior e;

iii. Conservar: mediante intervencións sempre no entorno dos núcleos históricos en protección puntual

mediante a elaboración dun Catálogo e a potenciación da morfoloxía pola calidade dos seus

espazos.

• O control do crecemento do medio rural evitando actividades incompatibles co mesmo e a

delimitación de núcleos de nova creación que contribúan a estruturación dos núcleos existentes,

dinamicen a obtención de infraestruturas e completen os equipamentos, actuando como áreas de

absorción dos novos crecementos.

• A xeración de polígonos industriais de nova creación e o recoñecemento de situacións como os

crecementos lineais da industria escaparate: Avenida de Madrid, Autovía e estrada de Baiona.

• A eliminación das expectativas urbanísticas inadecuadas para o solo non urbanizable.

• A protección dos recursos naturais a través da delimitación de ámbitos susceptibles de ser protexidos,

de acordo cos seus valores diferenciadores, en particular, o recoñecemento dos sistemas ecolóxicos

da xunqueira do Vao e a marisma do Lagares.

• A racionalización da obtención de infraestruturas e a urbanización difusa.




Páxina 15 de 116

• A mellora da vialidade e estruturación interna dos núcleos e a creación e mellora do viario

interparroquial.

• A dotación de ordenanzas adecuadas aos fins propostos e control disciplinario.

Ademais da proposta de grandes actuacións como:

° PAU Industrial de Cotogrande: xurdido fronte á necesidade de solo industrial na cidade.

° PAU Universidade: para servir ao sistema universitario do sur da CCAA, podendo converterse o

núcleo de Vilariño nunha zona residencial vencellada á Universidade.

° Xardín botánico: nas parroquias de Valadares e Zamáns, de carácter recreativo-cultural, cunha

extensión de 500.000 m2, sería unha importante reserva de flora e cubriría as necesidades de

infraestruturas da zona.

° Parque Tecnolóxico: cubriría a carencia de solo industrial de alto nivel, cunha superficie de 800.000

m2, promovido polo Consorcio da Zona Franca de Vigo (preservar os valores naturais do val

potencialmente agrícola). Xerador de infraestruturas para a zona.

° PAU de Navia: cubriría as necesidades de vivenda suxeita a algún réxime de protección pública.

O Estudo do Medio Rural, efectuado parroquia a parroquia e núcleo a núcleo, incluíu un estudo da

tipoloxía dos asentamentos do hábitat periurbano de Vigo e a delimitación de núcleos consonte aos

criterios da LASGA, integrados nun sistema de núcleos de poboación con 281núcleos: 55 núcleos de tipo

A, urbano existente (19,57%), 98 núcleos de tipo B, de nova creación (34,87%), 96 núcleos de tipo C, rurais

existentes tradicionais (34,16%) e 32 núcleos de tipo D, rurais existentes de recente formación (11,40%).

Consonte á lexislación ao abeiro da cal se tramitou o PXOU 1993, dentro destas delimitacións de núcleo,

clasificouse o solo nalgunha das clases posibles (urbano, urbanizable programado ou non programado,

ou solo non urbanizable) segundo figura no seguinte cadro:

CLAVE

TIPO

TIPO DE NÚCLEO CLASES DE SOLO Nº

NÚCLEOS

A URBANO EXISTENTE SOLO URBANO 55

B DE NOVA CREACIÓN SOLO URBANIZABLE PROGRAMADO

SOLO URBANIZABLE NON PROGRAMADO

98

C RURAL EXISTENTE TRADICIONAL SOLO URBANO

SOLO NON URBANIZABLE

96

D RURAL EXISTENTE DE RECENTE

FORMACIÓN

SOLO URBANO 32

O PXOU 1993 non distinguiu categorías de solo urbano consolidado ou non consolidado, pois estas

incorporáronse á lexislación urbanística galega coa Lei 1/1997, do 24 de marzo do solo de Galicia e coa

Lei 6/1998, do 13 de abril, sobre réxime do solo e valoracións, o que non obsta a que gran parte do solo




Páxina 16 de 116

clasificado como urbano no PXOU 1993 estivese remitido a operacións de reforma interior a desenvolver

mediante PERIs, delimitado en unidades de actuación (UAs) con ordenación detallada ou, nalgúns casos,

remitidas a estudos de detalle, como instrumentos de desenvolvemento que naquel Plan Xeral se

consideraban competentes para ordenar volumes e completar aliñacións e rasantes en

desenvolvemento das determinacións do plan xeral.

Pola súa parte, a estrutura xeral e orgánica do modelo proposto no PXOU 1993, comprende os seguintes

sistemas xerais:

a) Sistema xeral de comunicacións e as súas zonas de protección

O viario proposto estrutúrase a diversos niveis, de menor a maior:

a) viario interno dos núcleos.

b) viario local de relación entre núcleos.

c) viario interparroquial, entre os que se propoñen como Sistema Xeral Viario cunha anchura de 16

metros e unha reserva a cada lado de 10 metros para viabilidade do seu trazado, os seguintes:

- Acceso a Cotogrande

- Vial San Andrés de Comesaña-Pousa

- Vial de acceso ao Tecnolóxico-Botánico-Universidade

- Ramal N-120-Universidade

d) O viario da Xunta de Galicia, que ademais do existente recolle a proposta do denominado:

- Vial Seminario-Corredoira destinado a derivar o tráfico pesado cara á Zona Franca

- Viario dependente do MOPT (actual Ministerio de Fomento) que incluía: o denominado 1º cinto:

tramo Avenida de Madrid-Castrelos e tramo Zona Franca-Bouzas e o 2º cinto, que se traza máis

afastada do núcleo central, bordeando as parroquias da primeira coroa.

Por outra banda, programábase a ampliación do Aeroporto e o acceso ao mesmo mediante un

Convenio entre o Concello de Vigo e o MOPT.

b) Sistema xeral de espazos libres e zonas verdes

Este sistema xeral amplíase incorporando o tratamento integral da franxa litoral viguesa, dende A Guía

ata as praias do Vao e Canido, incluíndo a reserva costeira de Cabo Estai.

Unha segunda proposta neste sistema é unha banda de protección do río Lagares en coordinación co

Plan de Saneamento integral.

c) O sistema xeral de equipamentos comunitarios

Neste Plan relaciónanse dúas grandes actuacións en diferentes fases de execución no momento da

redacción: a Universidade Sur de Galicia, o Palacio de exposicións e o Recinto Feiral; e tamén se




Páxina 17 de 116

programan dúas actuacións illadas para reserva de solo para dotacións escolares de ensinanzas medias

(o instituto de Hispanidade).

Grandes actuacións

Cítanse o PAU DE COTOGRANDE, PAU UNIVERSIDADE, XARDÍN BOTÁNICO, PARQUE TECNOLÓXICO, PAU

DE NAVIA.

En canto ás infraestruturas de servizos urbanos, o PXOU 1993 incorpora as determinacións do Plan Especial

de saneamento Integral de Vigo (PESIV) e a programación da xestión da concesionaria (daquela Seragua

-Focsa).

3.1.2. ANÁLISE DA LEI 11/1985, DO 22 DE AGOSTO, DE ADAPTACIÓN DA DO SOLO A GALICIA.

Tal como avanzamos, o PXOU 1993 formulouse e aprobouse vixente a Lei 11/1985, de 22 de agosto, de

Adaptación da do Solo a Galicia (LASGA), sendo esta a primeira lexislación autonómica galega que

desenvolvía a competencia exclusiva que, en materia de “ordenación do territorio e do litoral, urbanismo

e vivenda” atribuíalle, á nosa Comunidade Autónoma, o artigo 27.3 do Estatuto de Autonomía de Galicia.

Non obstante, dita Lei non supuxo unha substitución en bloque do réxime xeral establecido na Lei do solo

estatal entón vixente, senón que, tal como se expón no seu prólogo, configúrase como unha Lei de

adaptación que “respecta o esquema de ordenación contido na lexislación estatal, modificando

aqueles aspectos concretos nos que, pola xeneralidade e abstracción dos preceptos, se presentan

dificultades de aplicación a un territorio como o galego con peculiaridades moi singulares con respecto

ó resto do territorio nacional”.

Polo tanto, o marco lexislativo vixente en Galicia naquel momento e que serviu de referencia para a

aprobación do PXOU de Vigo de 1988, foi o integrado pola Lei 11/1985, de 22 de agosto, de Adaptación

da do Solo a Galicia, por unha parte e, por outra, polo Real decreto 1346/1976, do 9 de abril, polo que se

aproba o texto refundido da Lei sobre réxime de solo e ordenación urbana e os regulamentos estatais de

planeamento, xestión e disciplina urbanística, así como polas modificacións que neste marco normativo

operaron a Lei 8/1990, do 25 de xullo, sobre Reforma do réxime urbanístico e valoracións do solo e o Real

decreto lexislativo 1/1992, do 26 de xuño, polo que se aproba o texto refundido da Lei sobre o Réxime do

solo e ordenación urbana.

Nese contexto, a LASGA pretendeu que os plans e normas urbanísticas dedicasen maiores esforzos ao

estudo do medio natural e rural, da bisbarra, das parroquias e dos núcleos de poboación, non deixando

as superficies do territorio non ocupadas polo feito urbano como residuais del.

A principal novidade que estableceu a LASGA foi o recoñecemento da existencia dun sistema de núcleos

de poboación característico do sistema de asentamentos de poboación de Galicia, constituído por

núcleos urbanos e rurais e a introdución do concepto de NÚCLEO RURAL, constituído por áreas do territorio

nas que existen agrupacións de vivendas con relacións propias da vida comunitaria que as convertan en

asentamentos poboacionais singularizados, diferenciados e identificables, definidos polos plans xerais en

función de parámetros de número de vivendas, densidade de vivendas, distancia entre edificacións,




Páxina 18 de 116

ademais de pola súa situación, especial vinculación e preeminencia de actividades de carácter agrícola,

gandeiro, forestal, pesqueiro ou análogas. Así mesmo, os núcleos rurais dividiranse, segundo as súas

características en NÚCLEOS RURAIS TRADICIONAIS E NÚCLEOS URBANOS DE RECENTE FORMACIÓN e os

núcleos urbanos en NÚCLEOS URBANOS EXISTENTES e os solos urbanizables en NÚCLEOS POBOACIÓN DE

NOVA CREACIÓN.

En canto á clasificación de solo, a LASGA estableceu no seu artigo 1 a obriga de que os plans xerais

clasificaran o solo de acordo cos criterios legais e regulamentariamente establecidos, tendo en conta as

peculiaridades dos asentamentos de poboación en Galicia, a súa organización territorial e estrutura

comarcal. No título II, sobre o réxime urbanístico do solo e a xestión, refírese ás mesmas clases de solo que

a lexislación estatal: é dicir; ao solo urbano, solo urbanizable (nomeado como solo apto para urbanizar

para o caso de Normas Subsidiarias) e solo non urbanizable.

Polo tanto, a delimitación de núcleos rurais por parte dos plans xerais non constituía unha clasificación de

solo específica (a clase de solo de núcleo rural apareceu na lexislación urbanística galega coa Lei 1/1997,

de 24 de marzo) e dentro das delimitacións dos distintos tipos de núcleos, antes citados, cabería todo tipo

de clasificacións de solo.

No caso do PXOU de Vigo de 1993, que incorporou, como se ten dito, o esixible estudo do medio rural e

do sistema de asentamentos, os tipos de núcleos que se identificaron axustáronse ao tipos especificados

na LASGA e, dentro deles, delimitáronse ámbitos de PERIs, unidades de actuación en solo urbano, sectores

de solo urbanizable programado e ámbitos de PAUs en solo urbanizable non programado.

3.2. ADECUACIÓN DO PXOU 1993 Á LEXISLACIÓN URBANÍSTICA E SECTORIAL VIXENTE, Á REALIDADE

URBANÍSTICA VIXENTE NO ÁMBITO AFECTADO XURDIDA AO ABEIRO DO INSTRUMENTO DE PLANIFICACIÓN

ANULADO

3.2.1. A LEXISLACIÓN URBANÍSTICA:

O PXOU de 1993, redactado no marco da LASGA (Lei 11/85), non se adecúa, xa que logo, á lexislación

urbanística vixente: nin á lexislación básica estatal do solo plasmada no Texto refundido da Lei de Solo e

Rehabilitación Urbana (RDL 7/2015) nin á lexislación autonómica vixente na actualidade: Lei 2/2016, do

10 de febreiro do solo de Galicia (LSG) e o seu Regulamento de desenvolvemento, aprobado por Decreto

143/2016, do 22 de setembro (RLSG).

As principais eivas que se poden apreciar no PXOU 1993 e que ilustran a súa inadecuación á lexislación

urbanística vixente son:

- A clasificación de solo non se axusta ás clases de solo vixentes na actualidade.

- Non se distingue a categorización do solo urbano en solo urbano consolidado e non consolidado.

- Non existe a clase de solo de núcleo rural, nin unha delimitación de núcleos rurais axustada aos

tipos básicos de núcleo rural tradicional ou núcleo rural común da actual LSG. As condicións e




Páxina 19 de 116

indicadores de desenvolvemento dos núcleos rurais remiten a uns instrumentos (os Plans Especiais

de Mellora do Medio Rural) actualmente inexistentes.

- Existe solo clasificado como urbanizable programado (SUP) e unha gran cantidade de solo

(9.858.378 m2) clasificado como solo urbanizable non programado (SUNP) no que, finalmente, se

desenvolveron importantes bolsas como o PAU e PP de Navia ou a Cidade Universitaria, este último

a través dun Plan Especial de Infraestruturas e dotacións.

- O solo protexido preservado da urbanización inclúese na clase de solo denominado solo non

urbanizable (SNU) nas categorías: SNU0 COMÚN, SNU1 COSTAS, SNU2 RÍOS E XUNQUEIRAS, SNU3

ENCOROS, SNU4 PAISAXE E MASAS FORESTAIS, SNU 5 AGRÍCOLA, SNU6 VÍAS e SNU7 ARQUEOLÓXICO

e SNU8 DAS ILLAS CÍES, que non se axustan á actual clasificación e determinacións da LSG de solo

rústico de protección ordinaria e solo rústico de especial protección agropecuaria, forestal, de

augas, de costas, de infraestruturas, de espazos naturais, paisaxística e patrimonial.

- En canto ás determinacións do PXOU 1993, carece da delimitación de áreas de repartición e

fixación do aproveitamento tipo.

- PXOU 1993 non efectúa ningunha reserva de vivendas sometidas a algún réxime de protección.

- A meirande parte dos sistemas xerais que se nomean na memoria non están delimitados nos planos.

- Carece de sinalamento de aliñacións nunha parte importante do solo urbano.

Certamente, dende a definitiva aprobación do PXOU 1993 sucedéronse na nosa Comunidade Autónoma

varias iniciativas lexislativas en materia de solo, resultado das cales foron: a Lei 1/1997, de 24 de marzo, de

Solo de Galicia; a Lei 9/2002, de 30 de decembro, de Ordenación urbanística e protección do medio rural

de Galicia (LOUGA) coas súas diversas modificacións, e a actualmente vixente, Lei 2/2016, do 10 de

febreiro, do Solo de Galicia (LSG) co seu Regulamento de desenvolvemento (RLSG) aprobado por

Decreto 143/2016, do 22 de setembro.

Comparten todas elas un novo entendemento na clasificación do solo que, como se avanzou no epígrafe

anterior, non rexía no momento da elaboración do PXOU 1993 e, aínda que presentan diferenzas

conceptuais (así, por exemplo, a Lei 1/1997 non fai referencia ao concepto de malla urbana dentro da

clasificación do solo urbano; suprime (ao igual ca LSG) a categoría de solo urbanizable non programado

(recuperado pola LOUGA como non delimitado) e considera, a diferencia da LOUGA, o solo rústico

(singularmente o especialmente protexido), como unha clasificación residual, isto é, reservada tamén a

todos aqueles solos aos que non se asigne unha clasificación específica), o certo é que en todas está

presente a seguinte diferenciación:

CLASIFICACIÓN Lei 1/1997 LOUGA* LSG

Urbano Consolidado Consolidado Consolidado

Non consolidado Non consolidado Non consolidado

De núcleo rural De núcleo rural Histórico-tradicional Tradicional Común




Páxina 20 de 116

CLASIFICACIÓN Lei 1/1997 LOUGA* LSG

Común

Complexo

Urbanizable Urbanizable Delimitado Urbanizable

Non delimitado

Rústico Común De protección ordinaria De protección ordinaria

De especial protección De especial protección De especial protección

*Pártese unicamente da categorización vixente ao momento da súa derrogación.

Consecuentemente, o PXOU 1993 ten a consideración de instrumento de planeamento aprobado

definitivamente con anterioridade á entrada en vigor da LSG e non adaptado á LOUGA e, polo tanto,

na actualidade conserva a súa vixencia consonte ás regras establecidas na Disposición transitoria

primeira, apartado 2, da LSG, en cuxa virtude:

“a) Ao solo urbano que reúna as condicións establecidas no artigo 17.a) desta lei, aplicaráselle o

disposto nela para o solo urbano consolidado.

Ao solo urbano que reúna as condicións establecidas no artigo 17.b) desta lei, aplicaráselle o

disposto nela para o solo urbano non consolidado.

b) Ao solo urbanizable delimitado, aplicaráselle o disposto nesta lei para o solo urbanizable.

Ao solo urbanizable non delimitado, apto para urbanizar ou rústico apto para o desenvolvemento

urbanístico, aplicaráselle o disposto nesta lei para o solo rústico.

Malia o anterior, ao solo urbanizable delimitado, non delimitado, apto para urbanizar ou rústico

apto para o desenvolvemento urbanístico con planeamento de desenvolvemento aprobado

inicialmente antes da entrada en vigor desta lei, aplicaráselle o réxime do solo urbanizable

previsto nela.

Así mesmo, ao solo urbanizable delimitado, non delimitado, apto para urbanizar ou rústico apto

para o desenvolvemento urbanístico con planeamento de desenvolvemento aprobado

definitivamente antes da entrada en vigor desta lei, aplicaráselle integramente o disposto no

planeamento respectivo.

c) Ao solo incluído no ámbito dos núcleos rurais ou nas delimitacións de solo non urbanizable de

núcleo rural, nas súas áreas de influencia ou tolerancia, aplicaráselle integramente o disposto no

planeamento respectivo, agás no que se refire ás edificacións tradicionais existentes, ás que será

aplicable o previsto no artigo 40 desta lei.

d) Ao solo non urbanizable ou solo rústico, aplicaráselle o disposto nesta lei para o solo rústico”.

Nunha primeira aproximación ao réxime de equivalencias establecido pola citada Disposición transitoria,

resultaría o seguinte:




Páxina 21 de 116

CLASIFICACIÓN DO SOLO

PXOU 1993

RÉXIME URBANÍSTICO APLICABLE

SOLO

URBANO*

Artigo 17.a) da

LSG

LSG para o SOLO URBANO CONSOLIDADO

Artigo 17. b) da

LSG

LSG para o SOLO URBANO NON CONSOLIDADO

SOLO

URBANIZABLE

PROGRAMADO LSG para o SOLO URBANIZABLE

PAU aprobado

definitivamente

LSG para o SOLO URBANIZABLE

PAU sen

aprobación

definitiva

LSG para o SOLO RÚSTICO

PP aprobado

inicialmente

antes da LSG

LSG para o SOLO URBANIZABLE

PP aprobado

definitivamente

antes da LSG

PP aprobado

SOLO NON

URBANIZABLE

SNU LSG para o SOLO RÚSTICO

SNU de núcleo

rural

LSG para o SOLO NÚCLEO RURAL

*Solo urbano de núcleo existente tradicional ou existente de recente formación encadraríase na clase de solo de

núcleo rural

Ademais, tense que considerar que o PXOU 1993 se elaborou ao abeiro dun texto lexislativo do 1985 que

prevía unha programación para o planeamento xeral de dúas etapas de catros anos cada unha e ás

que tería que referir, de forma diferenciada, as actuacións previstas no solo urbano, no solo urbanizable

programado e á execución dos sistemas xerais segundo a estratexia establecida para o

desenvolvemento do plan; horizonte máis que superado ao día da data.

3.2.2. A LEXISLACIÓN SECTORIAL:

Dado que a ordenación urbanística está condicionada polo contido das normas sectoriais que

proporcionan unha especial tutela ao territorio, analízase seguidamente, tal como exixe a Lei 2/2017, a

principal lexislación sectorial con incidencia no noso termo municipal e a súa coherencia co PXOU 1993.

Así pois, no referido á lexislación sectorial vixente na actualidade, o PXOU 1993 non se axusta ás

determinacións legais, principalmente, nas seguintes materias:




Páxina 22 de 116

- COSTAS: non reflicte correctamente os deslindes públicos marítimo-terrestres actualmente vixentes:

DPMT aprobado por O.M. 18/12/2003, DPMT aprobado por O.M. 29/09/2006, DPMT 26 de marzo de

2010, exclusión de 22 m² no deslinde en Bouzas segundo planos de novembro de 2013 (Resolución de

12 de decembro de 2013), redución da zona de servidume de protección a 20 metros entre os vértices

122 a 133, en Gondesende (Teis), con motivo da sentenza do Tribunal Supremo de 31/10/2013 e

redución da zona de servidume de protección a 20 metros entre os vértices 201 a 204, en A Lagoa

(Teis), con motivo da sentenza do Tribunal Supremo de 14/12/2013.

- AUGAS: non recolle correctamente as zonas de dominio público hidráulico e as zonas de policía e

zonas de fluxo preferente derivadas da lexislación estatal de augas (texto refundido RDL 1/2001), da

Lei 9/2010, do 4 de novembro, de Augas de Galicia, nin no Plan Hidrolóxico Galicia-Costa 2015-2021

(aprobado por RD 11/2016 do 8 de xaneiro).

Elo explícase porque a evolución lexislativa acontecida dende a Lei 29/1985, do 2 de agosto, de

Augas, proxéctase en varios aspectos sobre o proceso urbanizador e, así, esíxese agora, para os novos

desenvolvementos ou para levar a cabo unha reclasificación tal do solo que permita o seu paso

dunha situación básica de rural a urbanizado, a garantía da suficiencia dos recursos hídricos, da

evacuación das augas residuais e a preservación do entorno, isto é, a consideración na planificación

urbanística do ciclo hidrolóxico. Introdúcese, desta forma, a participación da administración hidráulica

na tramitación dos plans urbanísticos e territoriais mediante a emisión do informe preceptivo do

organismo de bacía (artigo 22.3 a) do TRLS 2015 e 39 da Lei 9/2010, do 4 de novembro, de Augas de

Galicia). Ademais, a potestade de planeamento está condicionada polos usos permitidos nos terreos

de dominio público hidráulico e nas zonas de protección xogando un relevante papel a identificación

das zonas inundables.

Na actualidade, a lexislación vixente esixe ao planificador que considere os datos e estudos

dispoñibles sobre avenidas elaborados polos organismos de bacía e, neste senso, o Decreto 1/2015,

do 15 de xaneiro, polo que se aproba o Regulamento da planificación en materia de augas e

regulación de determinadas cuestións de desenvolvemento da Lei 9/2010, do 4 de novembro, de

Augas (que derrogou a Lei 8/1993, do 23 de xuño, reguladora da Administración hidráulica de Galicia

e a Lei 8/2001, do 2 de agosto), establece como instrumentos da planificación para a xestión da

demarcación hidrográfica de Galicia-Costa: o Plan de Seca e os plans de xestión do risco e

inundacións.

O Plan de xestión do risco de inundación Galicia-Costa 2015-2020 identifica como áreas de risco

potencial significativo de inundación (ARPSIs): a) Fluviais: ES014-PO-01-02-06 Río Barxa-Vigo, ES014-PO-

01-02-07 Río Lagares-Vigo e b) Costeira: ES014-PO-01-02-28-C Vigo.

- PORTOS: Pola súa parte, o Porto de Canido non figura tramado no PXOU 1993 como sistema xeral

portuario aínda que se reflicte no plano 7-34 como un ámbito con competencia transferida á Xunta

de Galicia (Grupo de portos), cunha clasificación de solo urbano con ordenanza 4.4. para uso de

recreo e, en parte, remitido ao Plan Especial de Mellora Ambiental (PEMA) do Vao que non conta con

aprobación definitiva. A ausencia da dita trama motivou que a Consellería de Medio ambiente e

ordenación do territorio apuntara, no informe emitido o día 25.08.2016, no período de consultas previo




Páxina 23 de 116

ao IAE, do Plan Especial do Porto de Canido promovido por Portos de Galicia, á necesidade de

promover unha modificación puntual do PXOU 1993. A delimitación do sistema xeral debe axustarse á

DEYUP aprobada polo Presidente de Portos de Galicia, por delegación da conselleira do Medio rural

e do mar (orde do 30.03.2012), por Resolución do 28.08.2015.

- AEROPORTOS: o Aeroporto de Vigo é un aeroporto civil internacional de interese xeral do Estado con

categoría de AOCI «4C», clasificado como aeródromo de letra de clave «B» polo Real Decreto

2278/1986, do 25 de setembro, polo que se establecen as novas servidumes aeronáuticas do

Aeroporto de Vigo.

Dende o 2010 conta con Plan Director aprobado mediante Orde FOM/2385/2010, de 30 de xuño, no

que se definen as grandes directrices de ordenación e desenvolvemento do aeroporto ata acadar o

seu desenrolo previsible e no que se delimita a súa zona de servizo cunha superficie estimada de

201,991 hectáreas; instrumento non vixente no momento da elaboración do PXOU 1993.

Así pois, actualmente, de acordo co artigo 29 do Real Decreto 297/2013, do 26 de abril, a aprobación

do establecemento, modificación ou confirmación das servidumes aeronáuticas comporta para

calquera plans ou instrumentos de ordenación estatais, autonómicos ou locais que se encontren

afectados, a incorporación das limitacións que estas impoñen ás determinacións que legalmente

constitúen o ámbito obxectivo de cada un dos instrumentos referidos de acordo co establecido na

disposición adicional única da Lei 48/1960, do 21 de xullo, na que se establece, a este respecto, que

o planeamento territorial, o urbanístico ou calquera outro que ordene ámbitos afectados polas

servidumes aeronáuticas, incluídas as acústicas, incorporarán as limitacións que estas impoñen ás

determinacións que legalmente constitúen o ámbito obxectivo de cada un dos instrumentos referidos.

Neste punto, as servidumes aeronáuticas non se representan nos planos do PXOU 1993, nin se reflicte

a delimitación do aeroporto de Peinador resultante do Plan Director aprobado por Orde

FOM/2585/2010, do 30 de xuño.

- SECTOR FERROVIARIO: a Lei 16/1987, do 30 de xuño, de Ordenación dos transportes terrestres

considerou que, nos transportes por ferrocarril, o conxunto camiño-vehículo, constituía unha unidade

de explotación e atribuía á explotación unitaria das liñas e dos servizos da Rede Nacional Integrada á

Rede Nacional de Ferrocarrís Españois.

Hoxe, rexe a Lei 38/2015, do 29 de setembro, do Sector ferroviario mediante a que se incorporan ao

ordenamento xurídico español as normas contidas na Directiva 2012/34/UE do Parlamento Europeo e

do Consello de 21 de novembro de 2012, pese a manter un bo número dos preceptos da Lei 39/2003,

de 17 de novembro que derroga. A nomeada Lei prevé que, con ocasión das revisións dos

instrumentos de planeamento urbanístico, se incluirán as novas infraestruturas contidas en estudos

informativos aprobados definitivamente con anterioridade e, a tal fin, estes incluirán unha proposta da

banda de reserva da previsible ocupación da infraestrutura e das súas zonas de dominio público.

Establece igualmente a obriga para os plans xerais de cualificar os terreos que se ocupen polas

infraestruturas ferroviarias que formen parte da Rede Ferroviaria de Interese Xeral, así como aqueles

que deban ocuparse para tal finalidade, de acordo cos estudos informativos aprobados

definitivamente, como sistema xeral ferroviario ou equivalente, de titularidade estatal, e non incluirán




Páxina 24 de 116

determinación que impidan ou perturben o exercicio das competencias atribuídas ao administrador

de infraestruturas ferroviarias. A mesma cualificación e prohibicións establécese para os terreos

destinados a zona de servizo ferroviario.

O PXOU 1993 recolle incorrectamente o trazado ferroviario, acceso Norte do Eixo Atlántico e

bifurcación Chapela-Vigo Guixar.

- ESTRADAS: no momento da elaboración e definitiva aprobación do PXOU 1993 rexía a Lei 6/1983, de

22 de xuño, de limitacións da propiedade nas estradas non estatais de Galicia, na que, en apenas

cinco artigos, impoñíanse unhas limitacións non coincidentes coas hoxe recollidas na Lei 8/2013, do 28

de xuño, de estradas de Galicia (que derrogou a Lei 4/1994, de 14 de setembro, de estradas de

Galicia) e no Decreto 66/2016, do 26 de maio, polo que se aproba o Regulamento xeral de estradas

de Galicia e Lei 37/2015, do 29 de setembro, de estradas. Nesta última, entre outros, homoxeneizase o

tratamento das estradas non incorporadas á rede do Estado con itinerario comprendido integramente

no territorio da nosa Comunidade Autónoma, renóvase a clasificación das estradas e redefínese o

sistema de protección do dominio público viario, coa harmonización da definición e das dimensión

das súas zonas de protección.

Tamén na lexislación estatal sectorial téñense sucedido cambios, sendo derrogada a Lei 25/1988, do

29 de xullo, de estradas pola Lei 37/2015, do 29 de setembro, de estradas, abordándose nesta a

relación entre as estradas, a ordenación do territorio e o planeamento urbanístico e recolléndose a

necesidade de que os desenvolvementos urbanísticos integren a súas previsións para satisfacer as

demandas locais de mobilidade que se xeren. Outra novidade significativa consistiu en permitir que

os distintos corredores incluídos nun estudo de estradas en redacción poidan ser obxecto dun

determinado grao de protección que permita que, en tanto non se desenrole e aprobe o dito estudo,

a proliferación de actuacións urbanísticas e construcións de todo tipo impida o futuro

desenvolvemento das infraestruturas sobre o corredor seleccionado.

O PXOU 1993 non reflicte correctamente o viario executado nos últimos anos de titularidade estatal

(principalmente a VG-20 e a AP-9) e autonómica (PO-325 e AG-57), nin as servidumes de protección

e clasificacións derivadas da Lei 8/2013 de Estradas de Galicia e Lei 37/2015 de Estradas do estado.

- PAISAXE, PROTECCIÓN DA NATUREZA e PATRIMONIO NATURAL E CULTURAL: o PXOU 1993 non se adapta

á lexislación sectorial vixente na materia: as Illas Cíes, zonas de interese natural da Rede Natura 2000,

carecen de cartografía no PXOU 1993 e soamente hai unha referencia (incorrecta) ás mesmas na

normativa da clase de solo SNU8; non se recollen os miradoiros e os espazos do interese paisaxístico

dos Catálogos da Paisaxe, nin as zonas de protección do POL (Plan de Ordenación do litoral de

Galicia, aprobado por Decreto 20/2011); tampouco se recollen correctamente os bens de interese

cultural e xacementos arqueolóxicos e as súas áreas de amortecemento consonte ao disposto na Lei

5/2016, do 4 de maio do patrimonio cultural de Galicia. Tampouco tivo en consideración,

evidentemente, as determinacións da Lei 7/2012, do 28 de xuño, de montes de Galicia, que recoñece

a importancia económica e social do monte xunto coa súa crecente función medioambiental e

contempla, no seu artigo 2.2, que non teñen a condición de monte ou terreo forestal: a) o solo urbano

e o solo de núcleo rural; b) o solo urbanizable delimitado; c) os terreos de dominio público, agás o que




Páxina 25 de 116

se integran no dominio público forestal; d) os terreos rústicos de protección ordinaria destinados ao

cultivo agrícola e e) os terreos rústicos de especial protección agropecuaria, sen prexuízo do

establecido no artigo 61 desa Lei.

- ORDENACIÓN DO TERRITORIO: O PXOU 1993 non ten en consideración os instrumentos vixentes en

materia de ordenación do territorio, en canto que descoñece as DOT (Directrices de Ordenación do

Territorio do 2011), o POL (plan de ordenación do litoral, como plan territorial integrado) e os Plans

sectoriais de Áreas Empresariais de Galicia, o Plan Sectorial do Campus Científico-Tecnolóxico Cidade

do Mar ou o Proxecto Sectorial do Novo Hospital de Vigo, que, non obstante, prevalecen sobre el.

3.2.3. REALIDADE URBANÍSTICA XURDIDA AO ABEIRO DO PXOM 2008:

No referente á situación urbanística actual do municipio, o PXOU 1993 non se axusta á realidade existente,

pois convén ter presente que, dun lado, os plans xerais son normas singulares que gardan unha vocación

innovadora e transformadora do territorio e, por outro, este, a súa vez, é unha realidade cambiante, que

xurdiu e transformouse, en parte, ao abeiro do instrumento de planificación anulado (PXOM 2008):

- PXOU de 1993 ten como base unha cartografía do ano 1985 que, en absoluto, reflicte a realidade

existente no territorio do termo municipal de Vigo na actualidade. O PXOM 2008, utiliza unha

cartografía do ano 2003, máis axustada, aínda que non actualizada, á realidade actual.

- PXOU 1993 non recolle todas as grandes obras de infraestruturas e equipamentos: o segundo cinto

(VG-20) e a AG-57 está simplemente apuntada a trazos descontinuos cun trazado non coincidente co

realizado. O Hospital Álvaro Cunqueiro non existía para o planificador do ano 1993 nin as necesidades

derivadas dunha gran infraestrutura sanitaria como esa.

- solo urbano (39.020.000 m2s) non se axusta á malla urbana existente, máis extensa e complexa, nin ás

condicións realmente existentes de consolidación e urbanización. O PXOM 2008, que efectúa un

recoñecemento do territorio máis preciso, clasifica 49.233.171 m2s (10 millóns de m2 máis que o PXOU

1993).

- A rede viaria en solo urbano e a definición de aliñacións é moito máis axustada á realidade no PXOM

2008 que no PXOU de 1993.

- As ordenanzas de edificación e uso do solo urbano do PXOU 1993 foron modificadas de xeito

importante no PXOM 2008 co que se pode concluír, tamén como corolario dos dous puntos anteriores,

que a realidade xurdida das licenzas concedidas con arranxo ao PXOM 2008, é diferente da prevista

no PXOU de 1993, xerándose situacións de fóra de ordenación a edificacións con licenzas firmes

concedidas no período de vixencia do PXOM anulado.

- Os ámbitos remitidos a PERIs e estudos de detalle polo PXOU 1993, que foron executados durante a

súa vixencia, recolléronse no PXOM 2008 como APIs. Sen embargo, as actuacións executadas en Solo

Urbano Non Consolidado ou Solo Urbanizable, en desenvolvemento do PXOM 2008 (malia o escaso

grao de execución que se puido observar nos anos 2008-2015, dada a aguda crise do sector

inmobiliario), non coinciden coas previsións de ámbitos a desenvolver no plan de 1993 revivido.




Páxina 26 de 116

3.2.4. A MAIOR ADECUACIÓN DO PXOM 2008 Á LEXISLACIÓN URBANÍSTICA VIXENTE:

Aínda que o PXOM 2008 se iniciou no ano 2000 e, polo tanto, ao abeiro da Lei 1/1997, do 24 de marzo, do

Solo de Galicia, que tentaba reparar parcialmente as consecuencias producidas pola sentenza do

Tribunal Constitucional 61/1997, do 20 de marzo, pronto tivo que se adaptar ás disposicións normativas

contidas na Lei 9/2002, do 30 de decembro, de Ordenación urbanística e protección do medio rural

(LOUGA), sendo este o texto normativo que o acompañou durante a maior parte do seu proceso de

elaboración e aprobación.

Ademais, en desenvolvemento da habilitación contida na disposición final quinta da LSG a favor do

Consello da Xunta de Galicia, aprobouse o Decreto 143/2016, do 22 de setembro, polo que se aproba o

Regulamento da LSG (RLSG), o que significaba que, por primeira vez, a nosa Comunidade Autónoma

dotábase dunha regulación regulamentaria íntegra nos aspectos relacionados co planeamento, a

xestión e a disciplina urbanística.

A este respecto, o RLSG precisa, no apartado primeiro da súa disposición transitoria segunda que, se

entenderá por planeamento adaptado á LOUGA, o aprobado definitivamente de conformidade coa

mesma e, en todo caso, o planeamento que ao abeiro da disposición transitoria segunda da LSG, por ter

obtido a súa aprobación provisional no momento da súa entrada en vigor, continuou a súa tramitación

ao abeiro da LOUGA, sen adaptar as súas determinacións á mesma.

Neste novo contexto normativo, o PXOM 2008 tería a condición de instrumento de planeamento

adaptado á LOUGA, de acordo coas previsións contidas na disposición transitoria primeira, punto 1, da

Lei do solo de Galicia a cuxo tenor:

“O planeamento aprobado definitivamente con anterioridade á entrada en vigor da presente lei

e adaptado á Lei 9/2002, do 30 de decembro, de ordenación urbanística e protección do medio

rural de Galicia, conservará a súa vixencia ata a súa revisión ou adaptación á mesma, consonte

ás seguintes regras:

a) Ao solo urbano, se lle aplicará integramente o disposto no planeamento respectivo.

b) Ao solo urbanizable delimitado e non delimitado, se lle aplicará integramente o disposto no

planeamento respectivo.

A ordenación do solo urbanizable non delimitado realizarase a través de plans parciais, que

deberán de conter, ademais da delimitación do sector que será obxecto de transformación e

das determinacións esixidas no artigo 68 da presente lei, as seguintes especificacións:

-Os sistemas xerais incluídos ou adscritos á xestión do sector.

-O trazado das redes fundamentais de abastecemento de auga, redes de sumidoiros, enerxía

eléctrica e demais servizos que, se é o caso, prevexa o plan.

-A determinación das conexións cos sistemas xerais existentes e exteriores ao sector e, se é o caso,

a previsión das obras necesarias para a ampliación e o reforzo dos devanditos sistemas en función

das necesidades xeradas pola actuación e de forma que se asegure o seu correcto

funcionamento.




Páxina 27 de 116

Para estes efectos, o plan deberá incluír un estudo que xustifique a capacidade das redes viarias

e de servizos existentes e as medidas procedentes para atender as necesidades xeradas e, se é

o caso, a implantación do servizo público de transporte, recollida de residuos urbanos e cantos

outros resulten necesarios.

-As características, dimensións e capacidade mínima das infraestruturas e servizos necesarios para

o desenvolvemento do sector, así como os terreos necesarios para a conexión co sistema xeral

viario e de infraestruturas e servizos urbanos existentes que deberán incluírse ou adscribirse ao

desenvolvemento do sector.

-A asignación dos usos globais do sector e a fixación da edificabilidade e das tipoloxías

edificatorias.

-A previsión de solo para novas dotacións de carácter xeral, na proporción mínima establecida

polo artigo 42.1, con independencia das dotacións locais. Os novos sistemas xerais deberán

localizarse dentro do sector, agás no caso de que o plan xeral determine especificamente a súa

localización concreta noutro lugar.

c) Ao solo de núcleo rural e ás súas áreas de expansión, aplicaráselle integramente o disposto no

planeamento respectivo, agás no que se refire ás edificacións tradicionais existentes, ás que será

aplicable o previsto no artigo 40 desta lei.

d) Ao solo rústico, aplicaráselle o disposto nesta lei para o solo rústico, mantendo, en todo caso,

a vixencia das categorías de solo contidas no planeamento respectivo”.

Obsérvase unha maior correspondencia no réxime de equivalencias entre o PXOM 2008 e a LSG do que

resultaba a respecto do PXOU 1993:

CLASIFICACIÓN DO SOLO PXOM 2008 RÉXIME URBANÍSTICO APLICABLE

SOLO URBANO (consolidado e non consolidado) PXOM 2008

SOLO URBANIZABLE (delimitado e non delimitado) PXOM 2008 + plans parciais para o SUND

SOLO DE NÚCLEO RURAL (+ áreas de expansión) LSG + maiores limitacións PXOM 2008

SOLO RÚSTICO LSG

E así, todo o solo urbano (consolidado e non consolidado) clasificado como tal polo plan xeral, mantería

a clasificación asignada nel e as correlativas determinacións normativas previstas nese instrumento de

planeamento; todo o solo urbanizable delimitado clasificaríase e rexeríase polo previsto no plan xeral; o

solo urbanizable non delimitado mantería igualmente a clasificación e determinacións previstas no PXOM

coas pequenas adaptacións requiridas, en canto ao seu contido, na dita disposición transitoria e

acollendo as previsións de dotacións do artigo 42.1 da LSG que, neste punto, resultarían coincidentes

coas xa esixidas no artigo 47.1 da LOUGA e aos instrumentos idóneos para o seu desenvolvemento (plans




Páxina 28 de 116

parciais en lugar de proxectos de sectorización); o solo de núcleo rural e as súas áreas de expansión

rexeríase polo PXOM en canto as maiores limitacións referidas aos parámetros urbanísticos e posibilidades

de utilización, aínda que o réxime xurídico xeral será o da LSG, permitíndose nas edificacións tradicionais

(anteriores á entrada en vigor da Lei 19/1975, do 2 de maio, de reforma da Lei sobre réxime do solo e

ordenación urbana -25.05.1975-) a aplicación do réxime de usos e ampliacións previstas no artigo 40 da

LSG e; o solo rústico mantería a categorización contida no PXOM aínda que lle resultaría de aplicación o

disposto na LSG, sen as maiores limitacións que viñeran esixidas polo PXOM e que resultan derrogadas

pola LSG. En todo caso, as medidas de ordenación provisional que eventualmente se adoptaran non

serían de aplicación ao solo clasificado no PXOM 2008 como rústico, consonte o disposto no artigo 84.4

da Lei 2/2017, do 8 de febreiro.

A propia Lei 2/2017, do 8 de febreiro, de medidas fiscais, administrativas e de ordenación, no seu artigo

90, exime aos instrumentos de ordenación provisional que se adopten ao seu amparo, de adaptarse á

LSG e engade que será de aplicación en todo caso esta, de acordo co disposto nas súas disposicións

transitorias, segundo a data da aprobación definitiva do instrumento de ordenación anulado e a

lexislación á que este estea adaptado, circunstancia que se indicará expresamente na ordenación

provisional (subliñado non orixinal).

Pola súa banda, a vixente regulación estatal dista do da Lei 6/1998, do 13 de abril, de réxime do solo e

valoracións, que acompañou en gran medida a tramitación do PXOM 2008, se ben, un ano antes da súa

aprobación definitiva parcial (o 16.05.2008), producíase a entrada en vigor da Lei 8/2007, do 28 de maio

(o 01.07.2007). Así o Real decreto lexislativo 2/2008, do 20 de xuño, polo que se aproba o texto refundido

da Lei de solo, entraba en vigor logo da aprobación definitiva e parcial do PXOM en 2008. A nova

normativa estatal, separándose da antecedente, contemplaba os dereitos e deberes dos propietarios e

da cidadanía, sobre a base de situación básica de solo: rural e urbanizado, abandonando os conceptos

relacionados coa técnica clasificatoria, modelo que hoxe se perpetúa no Real decreto lexislativo 7/2015,

do 30 de outubro, polo que se aproba o texto refundido da Lei de solo e rehabilitación urbana.

A nova norma estatal regula as condicións básicas que garantan a igualdade no exercicio dos dereitos

e no cumprimento dos deberes constitucionais relacionados co solo, así como o desenvolvemento

sostible, competitivo e eficiente do medio urbano, mediante o impulso e fomento das actuacións que

conducen á rehabilitación dos edificios e á rexeneración e renovación dos tecidos urbanos existentes,

cando sexa necesario asegurar á cidadanía unha adecuada calidade de vida e a efectividade do seu

dereito a desfrutar dunha vivenda digna e adecuada.

O TRLSRU de 2015 afonda nos retos da cidade compacta fronte á cidade dispersa e na exixencia dunha

maior e máis racional fundamentación cando se pretenda transformar o solo rústico en solo urbanizable,

de forma que o paso da situación de solo rural á de solo urbanizado, mediante a urbanización, só afecte

ao solo preciso para satisfacer as necesidades que o xustifiquen (artigo 20.1 a) do TRLSRU de 2015).

Con todo, o PXOM 2008 expresaba dalgunha forma estas ideas ao definir entre os seus obxectivos

estratéxicos: “A consecución dun equilibrio harmónico entre a preservación do medio natural e o

desenvolvemento urbano que se ten que dar en todas as partes da cidade (a cidade compacta, a súa

ampliación e conformación futura, e a cidade espallada), equilibrio que se consegue non só pola




Páxina 29 de 116

exclusión da urbanización en todas aquelas áreas e elementos que deben ser protexidos por mor dos

valores que neles se atopan, senón tamén, pola introdución da natureza dentro do propio medio urbano

e a eliminación de efectos nocivos do propio devalar urbano [...]” (2.3.a) da Memoria Xustificativa). E

mesmo expón os mecanismos previstos para a consecución dun desenvolvemento sostible (obtención de

novos sistemas xerais, renovación e apoio do sistema de infraestruturas, aproveitamentos limitados que

xeren maior porcentaxe de espazos abertos, etc.) e para a rexeneración dos ensanches.




Páxina 30 de 116

4. ÁMBITO DA ORDENACIÓN PROVISIONAL

4.1. DELIMITACIÓN DO ÁMBITO

A identificación dos ámbitos, enumerados a continuación, que por razóns de idoneidade da ordenación

prevista no PXOM 2008 ou de seguridade xurídica, aconsellan a súa recuperación para evitar as

consecuencias derivadas das imprecisións, carencias e obsolescencia do PXOU 1993, é o resultado tras o

“Estudo das Medidas Provisionais de Ordenación” de abril de 2017 e o documento “Complemento do

Estudo previo de ordenación provisional” do 22.05.2017 redactado para cumprimentar o requirimento da

Dirección Xeral de Ordenación do Territorio e Urbanismo de 11/05/2017, elaborados polos servizos técnicos

e xurídicos da Xerencia, a incorporación dos informes autonómicos (Doc. 170090015 do 20/06/2017)

previstos no artigo 88 da LMFAO, o Borrador e Documento ambiental estratéxico, o informe ambiental

estratéxico e os informes e comentarios recibidos durante o período de consultas (Doc. 170143551 do

20.10.2017).

A delimitación do ámbito deste documento para aprobación definitiva tamén é o resultado final, das

alegacións formuladas no trámite de información pública e dos informes sectoriais preceptivos.

A. SOLO URBANO CONSOLIDADO

De conformidade co disposto no artigo 91 da LMFAO 2017, o ámbito da ordenación provisional que

se propón inclúe as seguintes zonas de ordenación do PXOM 2008:

a) As zonas de SUC en ordenanzas 3, 4, 6 e 7 que no PXOU 1993 non estaban cualificadas en

ordenanzas 1.1. ou 1.2.

b) As zonas de SUC en ordenanzas 9, 10, 11 e 12.

c) As zonas de SUC cualificadas polo PXOU 2008 coa ordenanzas 13 (áreas e edificacións dotacionais)

que se corresponden con equipamentos ou dotacións existentes (tanto de titularidade pública ou

privada), e coa ordenanza 14 (espazos libres e zonas verdes) que son de titularidade pública.

d) As zonas de ordenanza especial 16 (AOPs) nas que se solicitaron, ou concederon, licenzas de

edificación ou legalización axustadas á dita ordenación no período de vixencia do PXOM 2008:

AOP-02 VISTA-ALEGRE, AOP-03 ROSALÍA CASTRO-I, AOP-04 CAMILO JOSÉ CELA, AOP-08 FILIPINAS-

COUTO, AOP-09 SAN GREGORIO, AOP-11 TOMÁS A.ALONSO 91-111, AOP-12 PASTORA, AOP-13

ARQUITECTO PALACIOS, AOP-15 PORTO DE CANIDO, AOP-16 POVISA, AOP-17 AVENIDA ATLANTIDA,

AOP-18 SUBIDA A COSTA, AOP-20 PITEIRA, AOP-21 CORDELERIAS MAR.

En todo este ámbito así definido, a ordenación provisional proposta será coincidente coa ordenación

prevista no instrumento de ordenación anulado (PXOM 2008).

B. ÁMBITOS SUXEITOS AO DESENVOLVEMENTO URBANÍSTICO.

Na Ordenación Provisional proposta inclúense, de acordo co artigo 92 da LMFAO, os seguintes:




Páxina 31 de 116

a) Ámbitos con interese xeral polo seu carácter dotacional ou equipamento público ou privado:

- O PORTO DE CANIDO

- O AEROPORTO

- A SUBESTACIÓN ELÉCTRICA DE BALAÍDOS

C. ÁMBITOS CON INTERESE XERAL EN ATENCIÓN AO SEU GRAO DE DESENVOLVEMENTO URBANÍSTICO

- ÁMBITO DE SUNC A-3-37 TOMÁS PAREDES 1

- AMBITO DE SUNC A-3-10 ESTURÁNS (POLÍGONO II)

4.2. CARACTERIZACIÓN MEDIO AMBIENTAL DO ÁMBITO

A delimitación final do ámbito do instrumento de ordenación provisional é o que pode apreciarse na

imaxe seguinte:

Ámbito da ordenación provisional proposta

Fonte: Elaboración propia

A superficie incluída no instrumento de ordenación provisional para aprobación supón unha superficie

duns 22 Km2 (22.065.599 m2), aproximadamente un 20% da superficie total do Termo Municipal.

Dentro de dito ámbito pódense estimar un total aproximado de 24.118 vivendas existentes e unhas 9.000

parcelas catastrais vacantes, cunha poboación de 60.490 habitantes empadroados, é dicir, dun

aproximado 21 % dos totais do municipio.




Páxina 32 de 116

Aínda que o mosaico poida dar unha imaxe dunha certa dispersión, debe terse en conta que a mancha

ten continuidade co resto do agregado e a malla urbana dos terreos colindantes non incorporados a

esta ordenación provisional que configuran no seu conxunto un solo urbano “de facto” polas súas

condicións de integración, grao de urbanización efectiva e consolidación.

Pero dito ámbito, coa forma que se pode apreciar na imaxe anterior, non se pode descontextualizar na

súa caracterización medio ambiental do resto do seu contorno e do territorio íntegro do Termo Municipal

de Vigo.

Sen ánimo de volver a reproducir a información contida no Documento Ambiental Estratéxico (DAE)

redactado conxuntamente co Borrador (incorporado no anexo 4), dun modo sintético pódese falar de

que a caracterización do Medio na situación actual consiste nun MEDIO FÍSICO centrado na presenza da

Ría de Vigo, cunha climatoloxía temperada, un relevo constituído por unha liña Costa, unhas serras en

varias liñas paralelas e os Vales do Fragoso e Miñor, con rochas graníticas na metade oriental e

metamórficas na occidental, e un lugar de interese xeolóxico nos gneises de Zamáns. Como riscos naturais

detéctanse unicamente zonas inundables nas beiras do Lagares e o Barxa e de inundación costeira nas

parroquias de Coruxo, Oia e Saiáns, e como zona de riscos de incendios a parroquia de Zamáns. Os riscos

tecnolóxicos refírense ao transporte de mercadorías perigosas por ferrocarril desde a terminal de Guixar

e polas estradas principais.

O MEDIO BIÓTICO caracterízase, en canto á FLORA, por unha gran riqueza biolóxica e diversidade vexetal,

con carballeiras, sotos e árbores senlleiras pertencentes ao Catálogo Galego, e especies ameazadas

principalmente nos hábitats dunares e areais costeiros. A FAUNA característica do medio mariño, das

costas e dos humidais, ademais do medio urbano, presenta especies ameazadas e vulnerables como a

píllara das dunas ou o sapoconcho e fauna exótica invasora. Como espazos protexidos e enclaves de

especial interese natural destácanse o Parque Nacional marítimo-terrestre das Illas Atlánticas de Galicia,

coas Illas Cíes no T.M. de Vigo, consideradas Zonas de especial conservación dos valores naturais ZEC

ES00000001 e Zonas e de especial protección de aves ZEPA ES000001, e os humidais da Xunqueira do

Lagares e a Lagoa dos Nenos nas Illas Cíes incluídos no Inventario de Humidais de Galicia, ademais estase

a tramitar como Espazo de Interese Natural de interese local o ENIL do areal do Vao-Baluarte.

O MEDIO CULTURAL E ETNOGRÁFICO comprende, no caso de Vigo, Bens de Interese Cultural BICs

declarados do Conxunto Histórico do Casco Vello, dos xardíns históricos de Castrelos e do Pazo de Santo

Tomé de Freixeiro, os gravados rupestres de Fragoselo e San Lourenzo en Coruxo e de Pedra da Auga

(Teis), o Pazo Quiñones de León (Castrelos), as zonas arqueolóxicas de Casa dos Mouros, Chan dos

Touciños e o Monte Vixiador .

Ademais o Plan Xeral de Ordenación Municipal de 2008 incorporou un Catálogo de patrimonio

arquitectónico que inclúe 211 inmobles, e conxuntos, e un catálogo de bens etnográficos con 1654

Hórreos, 8 petos de ánimas e 35 cruceiros, 84 vivendas tradicionais e 6 conxuntos de vivendas, 161 fontes

e pozos, 55 lavadoiros e 4 pontes e 6 palcos de música. E a maiores se incorporaron os catálogos dos

Plans Especiais de Protección do Casco Vello, de Bouzas e do Plan Especial de Edificios, Elementos e

Conxuntos (PEEC).




Páxina 33 de 116

O MEDIO SOCIO ECONÓMICO segundo o censo oficial de poboación e vivenda de 2015 do INE (remitido

polo IGE) a poboación é de 294.098 habitantes: 139.688 homes (47,49 %) e 154.410 mulleres (52,50%) e

segundo datos do departamento de estatística municipal, á data de 1/01/2015 o número de habitantes

sería de 297.934: 141.828 homes e 156.106 mulleres.

No ano 2011, a poboación ocupada en Vigo de máis de 16 anos ascendía a 113.948 persoas: 1.809 na

agricultura e pesca (1,58%, 5.996 na construción (5,26%), 20.197 na industria (17,72%) e 85.947 nos servizos

(75,42%). O último dato de paro rexistrado (do ano 2005) era de 19.618 demandantes de emprego.

O número de vivendas, correspóndese co Censo do INE del 2011, segundo o cal en Vigo hai un total de

143.637 vivendas: 143.579 vivendas familiares e 58 colectivas, 114.455 vivendas principais, 10.536 vivendas

secundarias e 18.588 vivendas baleiras.

O MEDIO PERCEPTUAL. Nos instrumentos da Lei 7/2008 de protección da paisaxe de Galicia Vigo se inclúe

na Área paisaxística das Rías Baixas e na comarca paisaxística denominada Vigo Litoral. Ofrece unha

paisaxe diversa con montañas, parques forestais, xardíns, rutas de sendeirismo, ríos e encoros, praias, calas

e miradoiros, pero tamén paisaxes urbanas degradadas, explotacións mineiras e canteiras abandonadas,

actividades industriais e empresariais mal integradas na paisaxe, e zonas abandonadas e degradadas

por un desenvolvemento urbanístico desordenado. O catálogo da paisaxe delimita como áreas de

especial interese paisaxístico as ribeiras do Río Eifonso, Os montes Alba; Serra do Galiñeiro e A Madroa, e

os miradoiros dos montes Alba, Cepudo, A Madroa, O Castro, A Guía e Os Pozos, e o miradoiro do Paseo

de Alfonso. O POL (Plan de Ordenación do Litoral) considera espazos de interese paisaxístico o monte de

A Guía e as Illas Cíes.

En canto á ATMOSFERA E CAMBIO CLIMÁTICO, a demanda de enerxía eléctrica e de gas, a

contaminación lumínica condicionada polas emisións de luz artificial e pola presenza habitual de nubes,

contaminación acústica principalmente debida ao tráfico de vehículos, á calidade do aire móvense nuns

parámetros que cumpren os requisitos legais, con descensos nos contaminantes relacionados coa crise

económica, e unhas tendencias climáticas nas que se observan incrementos nas temperaturas e

insolación, e descensos nas precipitacións e na velocidade media do vento, con episodios extremos

meteorolóxicos cada vez máis frecuentes.

4.3. O MEDIO URBANO E PERIURBANO / A MALLA URBANA

O agregado urbano da cidade de Vigo é a superficie artificializada na que se dan fenómenos

principalmente urbanos, que abarcaría a cidade central e o porto cunha trama intensiva, o agregado

urbano do litoral (identificado nas DOT como o crecemento periférico da cidade central) que se estende

cun tramado máis extensivo pola franxa litoral das parroquias de Teis, Alcabre, Navia, Coruxo, Oia e

Saiáns, e o crecemento periférico da cidade central cara ás parroquias interiores de Matamá, Castrelos,

Sárdoma, Lavadores, Candeán e Cabral, consideradas como a primeira coroa de expansión urbana e

na que, dado o seu carácter de área de transición, se mesturan tramados máis compactos xunto con

asentamentos extensivos.




Páxina 34 de 116

O agregado urbano así considerado abarca unha superficie de 49,91 quilómetros cadrados, un 46% do

total da superficie do concello, e nel viven aproximadamente 216.000 persoas, un 70% da poboación do

Termo Municipal.

Imaxe do agregado urbano da cidade de Vigo

Fonte: Elaboración propia do Documento inicial estratéxico da revisión do PXOM 2017

A cidade central ten unha densidade aproximada de 24.000 habitantes por quilómetro cadrado, as

parroquias de Lavadores e Castrelos máis de 2.000 habitantes por quilómetro cadrado, as parroquias

litorais de Alcabre e Navia máis de 1.000 habitantes por quilómetro cadrado, e as de Teis, Coruxo, Oia,

Saiáns, Matamá, Sárdoma, Candeán e Cabral, todas elas máis de 500 habitantes por quilómetro

cadrado.

Este agregado urbano apóiase nunha malla urbana (rede de dotacións e infraestruturas ao servizo dos

núcleos de poboación), que lle serven de soporte e xustificación para a clasificación como urbanos dos

terreos adxacentes.

En canto á MALLA URBANA, a LSG considera incluídos na malla urbana os terreos que dispoñan dunha

urbanización básica constituída por unhas vías de acceso e comunicación e unhas redes de servizos das

que poidan servirse os terreos e que estes, pola súa situación, non estean desligados do urdido urbanístico

xa existente.

Polo tanto, a definición precisa da malla urbana, é un tema fundamental para poder concretar a

clasificación do solo como urbano.

No PXOM 2008 consideráronse os conceptos de trama urbana e malla urbana como os máis axeitados

para definir as dúas realidades urbanas significativas de Vigo:

“a cidade compacta ou tramada: a rematada no esencial, onde o groso do seu ámbito

corresponde á categoría de solo urbano consolidado (e só se asiste nela as pequenas bulsas de




Páxina 35 de 116

solo non consolidado, pero si mallado, como imos ver), sobre os que o plan forzosamente ten que

prever operacións de reforma interior (a traveso dunha ordenación detallada no propio PXOM ou,

sobre todo, a traveso da figura dun PERI a desenvolver con posterioridade)....”

“ e a cidade espallada ou mallada: onde a urdirme do feito urbano responde máis ao concepto

de rede e malla. A rede é un tecido de mallas, un conxunto de vías estruturadas por nós ou lazos

que forman os cruces. A rede está formada, pois, por elementos que cohexionan os territorios e por

nós, nun sistema radicular, que enlazan elementos de maior peso que son os que mellor estruturan

o territorio. A malla fórmana vías e nós en sucesivos niveis. Por conseguinte a malla, do mesmo xeito

que na rede de pescar, fórmana substancialmente baleiros (concepto que subxace na propia

redacción do artigo 11.2 da Lei 9/2002).”

Xa desde o borrador comprobouse a pertenza, ou non na malla urbana cun método gráfico a través dun

sistema de “buffers” empregado nos sistemas de análise e información xeográfica como zonas de

influencia das redes de servizos e equipamentos.

Dito método permite facer un mapa da malla urbana, tal como se aprecia na figura seguinte, e

comprobar a integración, ou non da mesma, de calquera parcela do Termo Municipal.

Malla urbana considerada

Fonte. Elaboración propia, concesionarias de servizos (trabalos da revisión do PXOM 2018)

Se se superpoñen a malla urbana co ámbito da ordenación provisional proposta (solo urbano

consolidado do PXOM 2008 coas exclusións dos terreos que se citan na parte xustificativa desta Memoria),

pódese comprobar que tódolos terreos incorporados á Ordenación provisional teñen, de feito, a

consideración de Solo Urbano segundo os requisitos do artigo 16 da LSG, e ademais os de solo urbano

consolidado, do artigo 17 a) do mesmo texto legal.




Páxina 36 de 116

Parte 2. XUSTIFICACIÓN

5. MARCO LEGAL DA ORDENACIÓN PROVISIONAL PROPOSTA

O marco desta ordenación provisional que se propón polo Concello de Vigo insírese nos fundamentos da

Lei 2/2017, do 8 de febreiro, de Medidas Fiscais, administrativas e de ordenación (publicada no DOG

número 28, o xoves 9 de febreiro de 2017).

Establece a dita LMFAO no seu Título IV, artigos 84 a 93, unhas Medidas Provisionais de ordenación

urbanística que serán de aplicación naqueles supostos en que a declaración de nulidade de todo ou

parte dun instrumento de planificación urbanística municipal ou dun decreto polo que se suspenda a

vixencia da planificación urbanística municipal por unha sentenza firme supoña que recobre a súa

vixencia un instrumento de planificación anterior que, segundo o que se establece nesta lei, non responda

á realidade urbanística existente no termo municipal, xurdida ao amparo do instrumento anulado.

Tanto nos documentos integrados neste expediente nomeados “Estudo da Situación derivada da

anulación do PXOM de Vigo pola Sentenza do Tribunal Supremo de data 10.11.2015 no Recurso de

Casación Nº 11658/2014” de data abril de 2017 e o seu complemento nomeado “Complemento do

Estudo previo de Ordenación provisional” de data maio de 2017, elaborado polos técnicos da Xerencia

de Urbanismo do Concello de Vigo, reproducidos basicamente nos puntos 2 e 3 da parte informativa

desta Memoria, xustifícase que no Concello de Vigo se dan os supostos contemplados na LMFAO que

recomendan a aplicación das medidas provisionais de ordenación que dita lei permite.

O obxecto desta parte xustificativa da memoria do instrumento de ordenación provisional é comprobar

puntualmente que nesta proposta de ordenación se observan todas as condicións e limitacións legais de

aplicación.




Páxina 37 de 116

6. XUSTIFICACIÓN DO RESPECTO ÁS SENTENZAS FIRMES QUE DECLARAN A NULIDADE DO PXOM DE

VIGO DE 2008 (Art. 84.2 da LMFAO).

6.1. SENTENZA DO T.S. DE 10.11.2015 RECAÍDA NO RECURSO DE CASACIÓN 1658/2014 E DERIVADAS.

A principal sentenza a ter en conta é a de 10.11. 2015, que declarou a nulidade, con carácter xeral, do

Plan Xeral de Ordenación Municipal de Vigo aprobado definitivamente por ordes de 16.05.2008 e

123.072009.

Dita sentenza (que sen entrar no fondo da ordenación proposta polo PXOM 2008 céntrase na declaración

de inviabilidade da Avaliación Ambiental Estratéxica) respéctase en canto a que o instrumento de

ordenación provisional que se propón, tal como esixe a LMFAO, incorpora a intervención do órgano

ambiental da Comunidade Autónoma e o procedemento de Avaliación Ambiental Estratéxica,

xustificándose no Documento Ambiental Estratéxico (DAE) anexo a este Borrador a modalidade da

avaliación ambiental estratéxica simplificada.

As sentenzas ditadas polo TS con posterioridade á devandita sentenza, en datas 29.10.2015,

30.10.2015,11.11.21015, 12.11.2015 e 15.06.2016, nos recursos de casación 1758/2014, 1860/2014, 1755/2014,

194/2014, 1814/2014, 1824/2014, 1913/2014 1817/2014 e 1914/2014, sen entrar no fondo do recurso toman

como fundamento da estimación dos recursos a nulidade xa declarada anterior polo TS o 10.11.2015 no

recurso 1658/2014.

Do mesmo carácter son as sentenzas do TSG posteriores á sentenza do TS, como son as de datas

15.12.2016, 16.06.2016 e 28.01.2016 nos recursos 4141/2014, 4025/2014 e 4293/2014 sobre determinados

instrumentos de desenvolvemento do PXOM 2008 que se anulan partindo da nulidade radical do PXOM

2008 xudicialmente declarada polo Tribunal Supremo.

Estas sentenzas, igualmente son tidas en conta na mesma medida no instrumento de ordenación

provisional, coas limitacións establecidas na LMFAO en canto a que non se incorporan determinacións

de ordenación nin en solos urbanos non consolidados, urbanizables, nin rústicos.

6.2. SENTENZAS ANTERIORES Á DO T.S. DE 10.11.2015, QUE DECLARAN A NULIDADE DALGUNHA

DETERMINACIÓN DO PXOM 2008.

Dentro deste tipo de sentenzas cómpre diferenciar aquelas que xa foron executadas a través das

Modificacións Puntuais de Planeameno, e que se incorporan (as que atinxen á ordenación do solo urbano

consolidado desta ordenación provisional) daqueloutras que non foron executados, e que requirirían, na

meirande parte dos casos, da Modificación Puntual de Planeamento, ou da incorporación ao proceso

de revisión en marcha.




Páxina 38 de 116

6.2.1. SENTENZAS XA EXECUTADAS

-Sentenza do 13.01.2011 no P.O. 4653/2008 sobre omisión de aliñacións en solo urbano en Balsa,

executada con Modificación Puntual n.º 7 do PXOM aprobada definitivamente. Incorporada na

ordenación provisional nas aliñacións que figuran no plano da ordenación provisional 16-J da serie 2

(escala 1/2000)

-Sentenza de data 16.06.2011 sobre categorización como SUC dunha parcela incluída no SU UA03

MOLEDO do PXOU 1993.

Esta sentenza foi executada coa Modificación puntual nº 8 do PXOM 2008, con aprobación definitiva, na

que á parcela obxecto da sentenza e varias colindantes se lles dotou dunha ordenanza de solo urbano

consolidado 10 1ª.

O cumprimento desta sentenza incorpórase á proposta desta ordenación provisional como pode

comprobarse no plano 12-N da serie 2 de ordenación a 1/2000.

6.2.2. SENTENZAS NON EXECUTADAS QUE REQUIREN DA MODIFICACIÓN PUNTUAL DO PLANEAMENTO.-

A maioría do resto das sentenzas anulatorias do PXOM anteriores á declarativa de nulidade do 2015

refírense á categorización de solo, declarando como SOLO URBANO CONSOLIDADO, parcelas que o

PXOM incluía no SOLO URBANO NON CONSOLIDADO ou URBANIZABLE .




Páxina 39 de 116

Este tipo de sentenzas non son executables nada máis que a través dunha Modificación Puntual de

Planeamento, ou da incorporación a un proceso de revisión, xa que ademais da categorización do solo

(algo sobre o que se pronuncia a sentenza) é preciso dotar a esa parcela dunha ordenación detallada

(no que, como é normal, non se pronuncia a sentenza) e reaxustar o equilibrio de beneficios e cargas nas

áreas de reparto modificadas, a través do exercicio da actividade discrecional do planeamento,

xustificando a ordenación que se propón como a máis axeitada entre tódalas posibles.

Tampouco estas sentenzas son abordables a través dun instrumento de ordenación provisional sometido

ás determinacións da LMFAO, que esixe que a ordenación sexa coincidente co instrumento de

ordenación anulado (un PXOM 2008 que non contiña a ordenación detallada desas parcelas), e que, por

outra banda, no seu artigo 84.3 precisa que a adopción de ditas medidas establecidas nesta lei

entenderanse sen prexuízo da posibilidade de modificar puntualmente o plan que recobra vixencia cos

requisitos previstos na lexislación vixente.

En consecuencia co dito, enténdese que sentenzas como as de 9.06.2011, no P.O. 4662/2008 (exclusión

dunha parcela na AOD 4-06 PRAZA DE ESPAÑA), de 14.06.2012, nos P.O. 4469/2008, 4463/2008, 4482/2008,

de 21.06.2012 (P.O.4471/2008) (categorización como SUC de parcelas en S-03-R TRONCAL), de 29.07.2011

(P.O.4440/2008), de 26.07.2012 (P.O.4439/2019),27.03.2013 (P.O.4440/2010) sobre categorización como

SUC de parcelas no PERI SAN ROQUE, do 21.02.2013 na cuestión de ilegalidade 4837/2012 sobre

categorización como SUC solar en A-4-09 CALVARIO, sentenza de 26.07.2012 (P.O.4439/2010) sobre

categorización como SUC terreo en A-4-37 OFIMATICO, e sentenzas de 31.01.2013 no recurso de

apelación 4561/2012, as de 27.06.2013, sobre cuestións de ilegalidade 4837/2012,o 4846/2012, ou a de

22.10.2015 sobre clasificación como SUNC de terreos na AOP-22 UNION CERVECEIRA, deben de resolverse

en expedientes de modificación puntual de planeamento, ou na revisión do PXOM actualmente en

marcha, e non deben formar parte das áreas incorporadas no instrumento de ordenación provisional.




Páxina 40 de 116

7. XUSTIFICACIÓN DA PROTECCIÓN DO PATRIMONIO CULTURAL (ART.86 LMFAO).

O artigo 86 da LMFAO 2017 especifica que “ Para os efectos da protección do patrimonio cultural e da

aplicación da Lei do patrimonio cultural de Galicia, a simple declaración de nulidade do instrumento de

ordenación urbanístico non implicará a perda da condición de bens declarados de interese cultural ou

de bens catalogados dos bens incluídos no catálogo do instrumento de ordenación anulado, sendo de

aplicación en todo caso o réxime derivado da lexislación indicada.”

No caso do Concello de Vigo, a aprobación do instrumento de ordenación provisional non afectará á

protección do Patrimonio Cultural, toda vez que se manteñen vixentes tanto a declaración de Bens de

Interese Cultural, do Catálogo de protección do PXOM 2008, na súa tripla vertente de arqueolóxico,

etnográfico e arquitectónico, con independencia da súa moi necesaria revisión, actualización e

complemento que se abordará conxuntamente coa revisión do PXOM, así como os Catálogos do Plans

Especiais de Protección do Casco Vello, Bouzas e do PEEC (Plan Especial de edificios, elementos e

conxuntos a conservar), tal como se menciona no punto 6.3. do DAE e se confirmaba no informe emitido

pola Dirección Xeral de Patrimonio do 19.09.2017 en relación co trámite de consulta formulada á

avaliación ambiental estratéxica simplificada.




Páxina 41 de 116

8. XUSTIFICACIÓN DO CUMPRIMENTO DO PROCEDEMENTO PREVISTO NA LMFAO (ART.87 LMFAO).

Na tramitación do Instrumento de Ordenación provisional estase a seguir escrupulosamente, e se seguirá

en adiante, o procedemento establecido nos artigos 87 a 93 da LMFAO.

O primeiro requisito do art. 87.1. para os efectos de aplicar as medidas de ordenación provisional previstas,

cumprimentouse polo Pleno do Concello de Vigo, en sesión extraordinaria e urxente, do 18.12.2015, que

adoptou o acordo cuxa parte dispositiva reza:

“Primeiro: Proceder á elaboración dun novo Plan Xeral de Ordenación Municipal adaptado a

lexislación vixente que substitúa ao actual Plan Xeral de Ordenación Urbanística de 1993, nomeado

de “Subsanación de Deficiencias na Adaptación do PXOU á Lei 11/1985, de 22 de abril, de

Adaptación da do Solo a Galicia” conforme coas disposicións normativas contidas na lexislación

urbanística vixente así como en concordancia coas lexislación de solo, ambiental e sectorial de

aplicación.

Segundo: Encomendar á Xerencia Municipal de Urbanismo a tramitación do procedemento de

aprobación do novo PXOM e a realización dos traballos necesarios para a elaboración do novo

documento, sen prexuízo da contratación daqueles traballos ou asistencias que, de ser o caso,

resultasen precisas a tal efecto”.

En todo caso, o Concello de Vigo queda obrigado a presentar o borrador do novo instrumento de

planificación no prazo dun ano, aprobar inicialmente o novo instrumento no prazo de dous anos e

aprobar provisionalmente o novo instrumento de ordenación no prazo de tres anos e seis meses. Os

anteriores prazos contaranse cada un deles desde a data de publicación do acordo de aprobación

definitiva do instrumento de ordenación provisional.

Con carácter previo á adopción do instrumento de ordenación provisional previsto na LMFAO,

cumprimentouse o disposto no artigo 88 da LMFAO: Os servizos técnicos municipais do Concello de Vigo

realizaron un estudo específico da situación derivada da anulación do instrumento de ordenación para

o ámbito que se pretende ordenar a través do devandito instrumento provisional.

Mediante oficio da Vicepresidenta desta XMU de data 21.04.2017 (núm. De saída 4515-2017) remitíaselle

á Consellería de Medio Ambiente e Ordenación do Territorio da Xunta de Galicia, dous exemplares en

formato dixital do nomeado Estudo, aos efectos de que polos órganos competentes se emitiran os

informes urbanístico e ambiental, ao abeiro do previsto no artigo 88 da LMFAO.

Con data do 16.05.2016 tiña entrada no rexistro xeral da XMU un oficio subscrito o 11.05.2017 pola

Directora Xeral de Ordenación do Territorio e Urbanismo da Xunta de Galicia, no que, ao abeiro do

establecido no artigo 73 da Lei 39/2015, do 1 de outubro, do Procedemento administrativo común das

administracións públicas, requírese a esta administración, a achega dunha serie de documentación

complementaria.

En cumprimento do requirido pola devandita Consellería, e dentro do prazo conferido a dito efecto, en

data 22.05.2017 incorporouse ao expediente o documento nomeado “Complemento do Estudo Previo




Páxina 42 de 116

de Ordenación Provisional” elaborado polos mesmos facultativos municipais, datado en maio de 2017 e

que foi remitido ao órgano competente da Xunta de Galicia, mediante oficio da Vicepresidenta desta

XMU de 23.05.2017 (núm. De saída 5484-2017)

Así as cousas, en data 20.06.2017 tiña entrada no rexistro xeral da XMU baixo o doc. Núm. 170090015, un

oficio subscrito pola Secretaria Xeral Técnica da Consellería de Medio Ambiente e Ordenación do

Territorio, polo que se remiten o informe urbanístico e ambiental regulados no artigo 88.2 da LMFAO, co

contido que de seguido se expoñerá.

O 26.07.2017 o Pleno do Concello de Vigo acordou aprobar o Estudo das Medidas Provisionais de

Ordenación previsto no artigo 88 da Lei 2/2017, do 8 de febreiro, de medidas fiscais, administrativas e de

ordenación, que inclúe o documento nomeado “Estudo da Situación derivada da anulación do PXOM

de Vigo pola Sentenza do Tribunal Supremo de data 10.11.2015 no Recurso de Casación Nº 11658/2014”

de data abril de 2017 e o seu complemento nomeado “Complemento do Estudo previo de Ordenación

provisional” de data maio de 2017, elaborado polos técnicos da Xerencia de Urbanismo do Concello de

Vigo, dando así cumprimento ao artigo 88.5.da LMFAO.

O Borrador e Documento Ambiental Estratéxico do IOP redactado polos servizos técnicos da Xerencia,

de data xullo 2017, incorporou xa as correccións derivadas dos informes urbanístico e ambiental subscritos

pola Directora Xeral de Calidade Ambiental e Cambio Climático e pola Directora xeral de ordenación

do Territorio e Urbanismo en data 14 e 15 de xuño de 2017 respectivamente, informe que, facendo constar

expresamente, o seu carácter favorable a ordenación proposta, inclúen unha serie de consideracións e

condicionantes que son tidas en conta na solicitude de inicio de avaliación ambiental estratéxica

simplificada, no borrador das ordenacións provisionais e no documento ambiental estratéxico.

A continuación, de conformidade co establecido no artigo 93 dous a) da LMFAO, con carácter previo á

aprobación inicial do documento, mediante Resolución de 04.08.2017 da Concelleira de Urbanismo, se

remitiu ao órgano ambiental a solicitude de inicio da avaliación ambiental estratéxica simplificada, xunto

co borrador das ordenacións provisionais e o documento ambiental estratéxico, co contido establecido

na lexislación vixente.

O día 23.08.2017 o órgano ambiental abriu un trámite de consultas durante un mes, que finalizou en data

25.09.2017. Ao tempo consultou ás administracións públicas afectadas de acordo co establecido na

normativa indicada. Os informes emitidos se remiten xunto co informe ambiental estratéxico de data

16.10.2017 e con rexistro de entrada na XMU de 20.10.2017, publicado no DOG núm. 209 de 03.11.2017,

no que se resolve non someter ao procedemento de avaliación ambiental estratéxica ordinaria o

instrumento de ordenación provisional ao considerar que non ten efectos significativos no ambiente. Non

obstante, sinala que para evitar ou minimizar os posibles efectos ambientais se integre no IOP a

determinación que se transcribe:

“ - Compre valorar as recomendacións sinaladas polo IET, a fin de evitar ou mitigar as posibles

afeccións á paisaxe urbana.”

Se redacta o documento para que, de conformidade co artigo 93 punto 3 da LMFAO, o órgano municipal

competente proceda á súa aprobación inicial e o someta á información pública como mínimo durante




Páxina 43 de 116

vinte días, mediante anuncio que se publicará no Diario Oficial de Galicia e nun dos xornais de maior

difusión na provincia. Así mesmo, notificaráselles individualmente a todas as persoas titulares catastrais

dos terreos afectados.

Durante o mesmo tempo no que se realice o trámite de información pública, a Administración municipal

solicitará das administracións públicas competentes os informes sectoriais e as consultas que resulten

preceptivos. Os informes sectoriais autonómicos deberán ser emitidos no prazo máximo dun mes,

transcorrido o cal entenderanse emitidos con carácter favorable.

Emitirase informe dos servizos xurídicos e técnicos municipais sobre a integridade documental do

expediente, das actuacións administrativas realizadas, da calidade técnica da ordenación proxectada

e da conformidade da ordenación coa presente lei .

A aprobación definitiva das ordenacións provisionais corresponderalle ao Pleno do Concello de Vigo.

Unha vez aprobadas definitivamente, as ordenacións provisionais publicaranse de acordo co establecido

nos apartados 2, 3 e 4 do artigo 82 da Lei 2/2016, do 10 de febreiro, do solo de Galicia.




Páxina 44 de 116

9. XUSTIFICACIÓN DO CONTIDO E VIXENCIA DA ORDENACIÓN PROVISIONAL. (ART.90 LMFAO)

A efectos de asegurar que a ordenación provisional que se propón no ámbito delimitado fora coincidente

coa prevista para ese ámbito no instrumento de ordenación anulado (PXOM 2008) utilizáronse as mesmas

capas gráficas de ordenación, aliñacións, etc. do documento en formato dixital do PXOM 2008, que se

“recortou” cos polígonos do ámbito.

Para facilitar a comprensión da ordenación provisional que convivirá co PXOU93, a Serie 2 Planos de

ordenación a escala 1/2.000, inclúe un subgrupo Serie 2-B ORDENACIÓN PORMENORIZADA E O PXOU 1993

nos que comprobar (coas normas de interpretación que figura no punto 10 desta Memoria) a vixencia de

cada un dos instrumentos e as diferencias entre a ordenación do PXOU 93 vixente e a ordenación

proposta (do PXOM 2008).

A ordenación provisional represéntase sobre a cartografía máis actualizada do Concello de Vigo,

ocupando 16 follas da cartografía 1/5000 (serie 1) e 244 follas da cartografía 1/2000 (serie 2), segundo o

esquema da cuadrícula das imaxes seguintes:

Ordenación provisional na distribución das follas cartográficas da Serie 1 (Escala 1/5000)




Páxina 45 de 116

Ordenación provisional na distribución das follas cartográficas da Serie 2 (Escala 1/2000)

9.1.ORDENACIÓN PROVISIONAL EN SOLO URBANO E DE NÚCLEO RURAL (ART.91)

9.1.1. ORDENACIÓN PROVISIONAL EN SOLO URBANO

Consonte ao indicado xa desde o Estudo previo, Borrador do IOP, e no punto 4 da Memoria referido á

delimitación concreta do ámbito, este inclúe o Solo Urbano Consolidado do PXOM 2008, cunha serie de

exclusións xustificadas:

a) Ámbitos de SUC con ordenación detallada derivada de Plans Especiais de Protección aprobados na

vixencia do PXOU de 1993: Plan Especial de Edificios a Conservar, Plan Especial de Protección e

Reforma Interior do Casco Vello e Plan Especial de Protección e Reforma Interior de Bouzas, que o

PXOM 2008 inclúe en zonas de ordenanza 1 e 2 de SUC.

Xustificación: Ditos ámbitos dos núcleos de Bouzas, do Casco Vello e do ensanche da cidade remítense

na súa ordenación no PXOU de 1993 a estes Plans Especiais redactados ao abeiro de dito planeamento,

recollidos basicamente no PXOM 2008 como planeamentos incorporados, e ofrecen unha solución

urbanística aceptable en canto aos seus obxectivos de protección e ordenación.

b) Ámbitos de SUC con ordenación detallada derivada de planeamentos de desenvolvemento do

PXOU-93 con aprobación definitiva e que foron incorporados ao PXOM 2008 como APIs (ámbitos de

planeamento incorporado): API-01 ED AVDA. DE GALICIA, API-02 ED DOCTOR CORBAL, API-03 DOCTOR




Páxina 46 de 116

CORBAL, API-04 MONTECELO, API-05 BAILÉN, API-06 PLANOSA, API-07 PARADELA, API-08PINO, API-09

RAMÓN NIETO1, API-10 PP CAMBESES, API-11 17-06 BARREIRO, API-12 ED PLAZA ELÍPTICA, API-13 RAMÓN

NIETO 3, API-14 RAMÓN NIETO 155-157, API-15 RAMÓN NIETO 5, API-16 RAMÓN NIETO 177, API-17 RAMÓN

NIETO 4, API-18 RAMÓN NIETO 6, API-19 RAMÓN NIETO 7, API-20 CALVARIO, API-21 DOBLADA, API-23

NEBRIJA, API-24 ANTELA, API-25 CASTRO CASTRIÑO, API-27 MIGUEL SERVET, API-28 Carmelitas, API-29

Santa Baia, API-30 IGREXA, API-31 AGARIMO, API-32 ROADE, API-33 ATLÁNTIDA, API-34 CORUÑA, API-35

OTERO PEDRAYO, API-36 CASTAÑA, API-37 RÚA DO CONDE, API-38 QUIRÓS, API-39 VIÑA GRANDE, API-

40 ROCÍO, API-41 ED ROCÍO, API-42 CANCELAS, API-43 06-12 POMBAL, API-44 01-11 FINCA SOLITA, API-

45 FLORIDA B, API-46 GÁNDARA, API-48 BALAIDOS, API-49 MONTECELO ALTO, API-50 GALINDRA,API-51

INDUSTRIAL, API-52 INDUSTRIAL, API-53 CARRASQUEIRA, API-54 CANTEIRA, API-55 CASÁS, API-56

ZAPATEIRA, API-57 GRADES, API-58 12-06 ROTEAS, API-61 A BOUZA SUR, API-63 UA ARAGÓN V-F, API-64

UA ARAGÓN V-e, API-65 UA ARAGÓN V-d, API-66 PADRE CELSO, API-67 UA ARAGÓN V-AB, API-68 SAN

ROQUE A, API-69 PUERTO RICO, API-70 ATALAIA DO CASTRO, API-71 PARADAIÑA. API-72 CHANTADA,

API-73 JOSÉ MATO, API-74 PEDREIRA, API-75 QUINTELA.

Xustificación: Trátanse de ámbitos nos que a ordenación do PXOU-93 e o PXOM 2008 coinciden, polo que

non procede o establecemento de ordenación provisional algunha.

c) Zonas de SUC en ordenanza 1.1.B (edificación pechada), 1.2.A, 1.2.B e 1.2.C. (edificación aberta) no

PXOU-93, incluídas polo PXOM 2008 en Ordenanzas 3, 4 e 6 de SUC.

Xustificación: nestas zonas as desconformidades entre o PXOU-93 e o PXOM 2008 non presentan un

carácter substancial, xa que:

A ordenanza 1.1.B de Edificación Pechada da Área Central, do PXOU-93, correspóndense

maioritariamente con zonas cualificadas coas ordenanzas 3 “Edificación en couzada pechada “ e coa

ordenanza 4 “Edificación en aliñación de rúa” do PXOM 2008. Estas ordenanzas, en ámbolos dous plans

xerais, presentan moitas similitudes nas súas condicións tipolóxicas e edificatorias.

Os solos urbanos en ordenanza 1.2.A de Edificación aberta de alta densidade, a ordenanza 1.2.B de

Edificación aberta de media densidade e mesmo a ordenanza 1.2.C. de edificación aberta de baixa

densidade do PXOU-93, están cualificadas polo PXOM 2008 maioritariamente como ordenanza 6

“Edificación en bloques abertos”, presentando, igualmente, moitas similitudes unhas e outras normativas.

d) Zonas de SUC que no PXOM 2008 se incluíron en ordenanzas 5 e 8 de mantemento da edificación e

conxuntos reformables que poden manterse nas condicións de ordenación do PXOU-93.

Xustificación: Estas zonas de ordenanzas 5 e 8 do PXOM 2008 recollen zonas totalmente consolidadas e

edificadas en que as condicións de edificación nun e outro plan son idénticas ao xa edificado. As

ordenanzas 5 e 8 do PXOM 2008 non aportan nada ás condicións de orixe.

e) Zonas de SUC cualificadas polo PXOM 2008 coa ordenanza 13 (áreas e edificacións dotacionais) que

non foron consideradas como existentes polo PXOM 2008; e coa ordenanza 14 (espazos libres e zonas

verdes) que non son de titularidade pública e foron consideradas no PXOM 2008 como sistemas xerais

e locais existentes ou a obter mediante actuacións illadas en solo urbano consolidado.




Páxina 47 de 116

Xustificación: Neste caso a ordenación do PXOM 2008 é moito máis real que a do PXOU-93 en canto á

información das parcelas de zonas verdes e dotacionais existentes no solo urbano consolidado que

deben se cualificadas con ordenanzas 13 e 14 e, por outra banda trátase de evitar recoller como

ordenación provisional superficies de zonas verdes e dotacións, que por non ser de titularidade municipal

requirirían de actuacións illadas en solo urbano ou expedientes expropiatorios. Na Táboa ao final deste

apartado poden comprobarse os axustes realizados, en relación con este punto.

f) Zonas de SUC no PXOM 2008 incluídas en núcleos rurais do PXOU-93 e inicialmente como solo de núcleo

rural nos estudos do Borrador da revisión do PXOU: núcleos de San Xoán e Freixo (en Valadares) e Luz

(en Coruxo).

Xustificación: Os traballos de borrador de Plan Xeral de Ordenación Municipal de Vigo en execución xa

efectuaron un primeiro diagnóstico sobre o estudo do asentamento poboacional e os núcleos de

poboación, cos novos criterios de delimitación dos núcleos rurais establecidos na LSG, no que se

recomenda, a lo menos, do estudo destes núcleos de Valadares e Coruxo como posibles solos de núcleo

rural. Atendendo a un principio de precaución no parece recomendable incluír a estes núcleos no

expediente de ordenación provisional.

g) Zonas de SUC afectadas pola servidume aeronáutica de vulneración polo terreo nas que non se

permiten modificacións na ordenación, de acordo coa lexislación sectorial.

Xustificación: Procúrase, con esta medida, velar polo cumprimento da lexislación sectorial de protección

das servidumes aeronáuticas e ás observacións de AENA e da Dirección Xeral de Aviación Civil, do

Ministerio de Fomento. Nunha segunda revisión, ao respecto do ámbito que figurou no Estudo Previo

corrixiuse a delimitación excluíndo zonas na parroquia de Candeán nas follas 4-Q, 4-R,5-Q, 5-R, 5-S, 5-T, 6-

U e 7-V, nos barrios de Madroa, Herminde, Rabadeira, Freiría, Carballal e Ameal.

h) Outras zonas de SUC nas que se comprobe unha clara incompatibilidade entre a ordenación do

PXOM 2008, as condicións do contorno e as análises e previsións do Borrador do novo planeamento

xeral en revisión.

Xustificación: Os traballos da revisión do PXOM non se deben ver condicionados por unhas ordenacións

que se establecen provisionais, polo que se deben excluír deste expediente todas aquelas zonas nas que

os traballos de revisión permitan apreciar disfuncionalidades de ordenación entre planeamentos,

necesidades de reforma da ordenación, ou simplemente áreas que merezan ser estudadas de cara á

futura ordenación do novo plan.

Como zonas que expresamente se fan constar como excluídas en base a este criterio cítanse as seguintes:

- Zonas situadas na zona de Ríos (Teis), nas follas 2-P e 2-Q da cartografía, entre a zona portuaria da

DEYUP e a vía do tren, ás que o PXOM 2008 non da unha solución correcta de ordenación, e que

deben ser estudadas de novo na revisión .

- Zonas en ordenanzas directas 3 ou 4 do PXOM 2008, incluídas no PXOU 1993 en PERIS ou ámbitos

pendentes de estudo as súas ordenacións detalladas, como é o caso dos PERI II-06 CARBALLA, PERI




Páxina 48 de 116

II-07 FRAGOSO-CASTRELOS, PERI II-10 MANUEL DE CASTRO, PERI III-04 CALVARIO, PERI IV-02 ASTURIAS

( parcialmente), PERI I-07 ATALAIA DO CASTRO-HISPANIDADE ( parcialmente) ou U.E. III-04 LAGARES.

- Zonas en ordenanza 4 do PXOM 2008, sobre ordenanzas de equipamentos.

- Zonas en diversas ordenanzas con viario proposto de difícil execución, xa sexa por estar sobre

parcelas municipais ou en zonas de protección do patrimonio cultural.

- Partes de Zonas de ordenanzas incluídas nos supostos da ordenación provisional, pero que se

atopan sobre viarios existentes, tanto no PXOU 93 como no PXOM 2008.

A ordenación provisional así delimitada inclúe as seguintes superficies de SOLO URBANO CONSOLIDADO

remitidas as seguintes ordenanzas do PXOM 2008:

ORDENANZA SUPERFICIE **

3 ED.COUZADA PECHADA 81.129

4 ED.ALIÑACION RUA 230.979

6 ED.BLOQUES ABERTOS 105.563

7 RESID.L MEDIA DENSIDADE 227.182

9 EDIF. VILAS E CHALES 4.257.553

10 EDIF. RESID. EXTERIOR 12.324.094

11 EDIF. TERCIARIA 225.713

12 EDIF. INDUSTRIAL 2.124.634

13 DOTACIONAIS 1.728.790

14 ZONAS VERDES 226.954

15 INFRAESTRUTURAS 271.908

16 AOP 224.363

ORDENANZA 3. EDIFICACIÓN EN COUZADA PECHADA

Polo xeral trátase de superficies que estaban cualificadas polo PXOU de 1993 noutras tipoloxías de

edificación (ordenanzas de edificación aberta ou unifamiliar) ou de uso (usos industriais, ord. 2.2.A), e que

o PXOM 2008 os cualificou coa ordenanza 3 por tratarse de couzadas xa iniciadas, e semipechadas ou

xa executadas, por condicións de contorno.

Exemplo: Couzada entre Marqués de Valterra e Jacinto Benavente en ordenanza 2.2.A do PXOU 93. (Folla 7-k)




Páxina 49 de 116

ORDENANZA 4. EDIFICACIÓN EN ALIÑACIÓN DE RÚA

Solos cualificados no PXOU 93 en ordenanzas de tipoloxías abertas, unifamiliares o de usos non

residenciais, en zonas xa iniciadas en tipoloxía en aliñación de rúa, recoñecidas no PXOM do 2008.

Exemplo: Zona entre a Avenida Hispanidade e Rúa Romil cualificadas no PXOU 93 con ordenanza 1.3.A. de vivendas

familiares, e no PERI I-06 HISPANIDADE xa executado, con tipoloxías de edificación enliña de rúa, así recollidas no PXOM

2008. (Folla 9-K)

ORDENANZA 6. EDIFICACIÓN EN BLOQUES ABERTOS

Zonas de solo cualificado con ordenanzas de tipoloxías diferentes ou en edificación aberta de baixa

densidade que pasaron no PXOM 2008 a cualificarse coa ordenanza 6 nos seus diferentes graos. Entre

estas zonas atópanse a fronte da praia de Samil que no PXOU 93 estaba incluída no núcleo 11 11 SAMIL 2

A con tipoloxías mixtas unifamiliares ou abertas hostaleiras, xa parcialmente executadas.

Exemplo: Zona na fronte da praia de Samil: O Gran Hotel de Samil, dentro do Polígono 1 do Plan Parcial de Samil, no núcleo

01 05 de Argazada no PXOU de 1993. Pasa a ordenanza 6 no PXOM 2008 e na ordenación provisional.(folla 12-F)

ORDENANZA 7. RESIDENCIAL DE MEDIA DENSIDADE




Páxina 50 de 116

Superficie de solo cualificada con esta ordenanza no PXOM 2008, ordenanza mixta que responde a zonas

parcialmente consolidadas con simultaneidade de tipoloxías edificatorias con ou sen mantemento de

aliñación a viario, entre medianeiras ou con edificacións illadas, multifamiliares ou unifamiliares

intercaladas nas frontes da edificación.

Exemplo: Borde Sur da Avenida Atlántida, zona de tipoloxías mixtas cualificada polo PXOM 2008 coa ordenanza 7 (folla 10-G)

ORDENANZA 9. EDIFICACIÓN DE VILAS E CHALÉS

As áreas delimitadas con esta ordenanza no PXOM 2008 correspóndense con tipoloxías de edificación

illada, pareada, acaroada ou en fileira de vivendas unifamiliares, que no PXOU 2008 situábanse en

núcleos de solo urbano con ordenanzas 1.3. do PXOU 93, maiormente nas parroquias das periferia.

Trasladadas á ordenación provisional pola súa maior adecuación á realidade existente, supoñen a

segunda maior superficie incorporada á ordenación provisional, trala ordenanza 10.

Os diferentes graos desta ordenanza 9 abarcan rangos de parcelas mínimas, a efectos de futuras

parcelacións e reparcelacións entre 1.000 m2 no grao 1º ata 125 m2 no grao 6º, e edificabilidades entre

0,40 m2/m2 no grao 1º ata 1,20 m2/m2 no grao 6º.

Exemplo no núcleo da Garrida, parroquia de Valadares onde solos con distintas ordenanzas (1.3.B., 1.3.C) de solo urbano e

mesmo clasificados erroneamente como Solos Urbanizables, son clasificados e cualificados polo PXOM 2008 como Solo

Urbanos, ordenanza 9. (Folla 23-M)

ORDENANZA 10. EDIFICACIÓN RESIDENCIAL EXTERIOR.




Páxina 51 de 116

É a maior superficie incluída dentro da ordenación provisional (uns 13 km2) que se corresponden con

áreas de edificacións en zonas exteriores ao núcleo central, aínda que integradas na malla urbana de

infraestruturas e servizos coas características “ de facto” de solos urbanos consolidados en antigos núcleos

de diversas parroquias, cuxo proceso de crecemento e consolidación, en palabras do PXOM 2008, “pode

non ter sido consecuencia expresa de procesos planificados”.

A tipoloxía desta ordenanza corresponde con edificación illada ou pareada, admitíndose a tipoloxía

acaroada ou agrupada en fieira, nas condicións que para o efecto se regulan:

Exemplo: Zona de Rozo e Cean en Coruxo, no núcleo 08 01 CARRASQUEIRA C, pasan no PXOM 2008 a Solo Urbano

consolidado en Ordenanza 10, e así se recollen na ordenación provisional. (folla 16-E)

ORDENANZA 11. EDIFICACIÓN TERCIARIA

É unha zona de ordenanza propia do PXOM 2008 que non ten comparación coas ordenanzas do PXOU

de 1993. Trátase de edificios de uso Terciario xeral, comercial ou hostaleiro en tipoloxías pechadas ou

abertas. Supoñen unha pequena superficie duns 226.700 m2.

No PXOU 93 estes terreos foron normalmente cualificados coa ordenanza 2.2. industrial, ou 4.5. ou 4.6. de

servizos urbanos, tendo en moitos casos dificultades para acoller unha demanda cada vez máis crecente

de solo para usos terciarios e comerciais. NO PXOM 2008, zonas xa utilizadas para industria escaparate,

concesionarios de automóbiles, distribuidores comerciais, etc., pasaron a cualificarse coa ordenanza 11,

de edificación terciaria, ordenación que se pretende manter coa ordenación provisional.

Exemplo: Zona de concesionarios de automóbiles no borde da Avda. De Madrid: Pasan da ordenanza 2.2. industrial do PXOU

93 á ordenanza 11 do PXOM 2008. Intégrase na ordenación provisional. (Plano 11-N).




Páxina 52 de 116

ORDENANZA 12. EDIFICACIÓN INDUSTRIAL

2,27 km2 de solo urbano consolidado con tipoloxías de edificacións industriais entre medianeiras ou illadas,

e parcelas que manteñen unha vinculación co uso industrial.

Xeralmente, no PXOU 93 foron cualificadas coa ordenanza 2.2. en todos os seus graos, pero enténdese

que a ordenanza 12 do PXOM 2008, responde mellor ás condicións, normativa e demandas dos usos

industriais na actualidade. Por esta razón na ordenación provisional proponse utilizar esta zona de

ordenanza coa normativa do PXOM 2008.

Exemplo: Asentamentos de naves industriais no camiño do Caramuxo (entre Navia e Comesaña). Cualificados coa

ordenanza 2.2. D no PXOU de 2008, pasa á ordenanza 12, grao 3º no PXOM 2008 e á ordenación provisional (folla 14-H).

ORDENANZA 13. AREAS E EDIFICACIONS DOTACIONAIS

Pertencen a esta zona de Ordenanza as áreas incluídas en delimitacións da trama que a define nos

planos de Solo Urbano Consolidado, aínda que se atopan illadas noutras zonas de ordenanzas.

Corresponderan as tipoloxías illadas ou pareadas, con acaroamento a outro edificio de categoría

análoga ou Terciario con actividades non molestas e que non poidan producir perturbacións ao uso

dotacional, con uso característico Dotacional en todas as súas categorías.

A Ordenanza diferencia entre usos públicos e usos privados, segundo expresa o réxime xeral de usos do

Título V das Normas.

O obxectivo desta Ordenanza foi recoñecer e mante-la vinculación do uso dotacional a edificacións nas

parcelas do Solo Urbano, e a condición de aplicación desta Ordenanza ás edificacións dotacionais

existentes permitira as posibles ampliacións en aplicación dos parámetros que se definen na mesma. Con

independencia da súa regulación específica, o contido da Ordenanza 13 será de aplicación ou

referencia para os Sistemas Xerais.

Xeralmente no PXOU de 1993 estes solos estaban cualificados con ordenanzas de solo urbano 3.3. (cultural

escolar), 4.5. (zonas para outras institucións, 4.6. (ou servizos urbanos), 3.2 (zonas deportivas) cunha G.

rotulada no caso de que foran sistemas xerais.




Páxina 53 de 116

Como se indicou no Estudo Previo da Ordenación Provisional, procurouse incluír na ordenación provisional

aquelas Zonas de SUC cualificadas polo PXOM 2008 coa ordenanza 13 (áreas e edificacións dotacionais)

as dotacións existentes, comprobando a titularidade pública daquelas consideradas como sistemas

xerais.

Exemplo: Dotacións existentes no Polígono de Coia, con ordenanzas 3.2., 3.3. e 4.5. do PXOU 1993, que pasan a ordenanza 13

no PXOM 2008 e na ordenación provisional (folla 12-I).

ORDENANZA 14. ESPAZOS LIBRES E ZONAS VERDES

As áreas incluídas nesta ordenanza teñen como uso característico o de Espazos Libres e Zonas Verdes en

todas as súas categorías; que engloban:

1ª. Os espazos libres, áreas próximas a vivendas, pequenas zonas verdes locais, espazos interbloques de

uso público, prazas e paseos nos que hai máis predominio de pavimento ou terreo que de vexetación.

2ª. Areas axardinadas, Zonas de xogo de nenos, Zonas verdes de barrio. (Sistemas Locais.)

3ª. Parques de cidade. (Sistemas Xerais e Locais) parques de tamaño de certa entidade que poden ter

máis de cinco Has, ou ser excepcionalmente inferiores, parques urbanos con altas doses de deseño pero

que inclúen equipamentos singulares como estanques, foros, auditorios, etc. Poden, así mesmo, conter en

réxime de concesión instalacións de Terciario Xeral Clase Recreativo e Reunión Categoría 10a.

Dentro desta Categoría, por asociación con Usos Dotacionais Deportivos, poden configurar Parques

metropolitanos nos que pola súa dimensión poden practicarse actividades deportivas de varios tipos

incluídas as de sendeirismo, cross, etc.

4ª. Espazos libres privados.




Páxina 54 de 116

5ª. Espazos libres de protección: franxas de protección de vías de comunicación, redes viarias e

ferroviarias, constituídas polas bandas lonxitudinais, normalmente de ancho constante, situadas nas

marxes daquelas. Teñen escaso tratamento urbano.

Exemplo: Na mesma folla da cartografía do exemplo anterior (12-I) obsérvanse varias zonas verdes en torno á Rúa Nigrán e a

parte norte do Parque da Bouza Sur, que pasaron da ordenanza 3.1.A. do PXOU 1993 á ordenanza 14 do PXOM 2008, e así se

propón na ordenación provisional.

ORDENANZA 15. SERVIZOS E INFRAESTRUTURAS

Son áreas destinadas a aloxa-las instalacións de infraestruturas urbanas o servizo dos espazos urbanos,

recollidas ou non nos planos de ordenación. Pertencen, así mesmo, o ámbito desta Ordenanza as áreas

Delimitadas nos planos de Ordenación Pormenorizada coa Clave 15, co carácter de usos e construcións

o servizo do Transporte e as Comunicacións.

Con esta ordenanza, que basicamente remite á propia lexislación sectorial de aplicación, unicamente se

cualifican a zona de servizo portuario do Porto de Canido, e a zona de servizo aeroportuario do aeroporto

de Vigo, segundo ás delimitacións oficiais dos seus expedientes de “Delimitación de Espazos e usos

portuarios (DEYUP) e, do Plan Director do Aeroporto, tal como se xustifica no punto 9.2.1. desta Memoria.

ORDENANZA 16. AREAS DE ORDENACION PORMENORIZADA

Segundo xustificábase na Memoria do PXOM 2008 esta Ordenanza 16 " Corresponde a áreas de solo

urbano consolidado onde os parámetros e/ou a regulación prevista nas quince ordenanzas anteriores se

amosan manifestamente insuficientes ou non ofrecen unha adecuada resposta a complexa realidade

destas zonas, que presentan peculiaridades propias en atención a diversas circunstancias: espazos

urbanos que xurdiron nun contexto histórico e sociocultural determinado, zonas xurdidas como

consecuencia do desenvolvemento de planeamentos de desenvolvemento que executaban e/ou

pormenorizaban determinacións xerais dos anteriores instrumentos de planeamento xeral da cidade,

espazos onde a realidade física condiciona excesivamente o desenvolvemento urbanístico dos mesmos,

etc. "

Pertencen ao ámbito desta Ordenanza as áreas delimitadas nos planos de Ordenación Pormenorizada

coa Clave 16.




Páxina 55 de 116

Aínda que se agrupan nunha soa Ordenanza, as particularidades propias de cada unha destas áreas

obrigaron ao Plan a establecer ordenacións específicas pero uniformes para cada especie das mesmas,

que son as contidas no Anexo a esta Ordenanza 16.

No caso do instrumento de ordenación provisional, incorpóranse á mesma (como xa se sinalaba no

Estudo Previo da Ordenación Provisional) as Áreas de Ordenación Pormenorizada, nas que se solicitaron

ou concederon, licenzas de edificación ou legalización axustadas á dita ordenación no período de

vixencia do PXOM 2008. Desta forma, cada área de ordenación pormenorizada (AOP) está regulada,

con carácter xeral, por esta Ordenanza 16 e, especificamente, pola ordenación pormenorizada do

Anexo antedito que corresponda segundo o listado seguinte:

AOP-03 ROSALI A DE CASTRO 1

AOP-04 CAMILO J. CELA (JACINTO BENAVENTE)

AOP-08 FILIPINAS-COUTO

AOP-09 SAN GREGORIO

AOP-11 TOMÁS A.ALONSO 91-111,

AOP-12 PASTORA

AOP-13 ARQUITECTO PALACIOS (FINCA DO CONDE)

AOP-15 PORTO DE CANIDO (CANIDO-PORTO)

AOP-16 POVISA

AOP-17 AVDA. ATLANTIDA (SENSAT)

AOP-18 SUBIDA A COSTA (COLINA DE CASTRELOS)

AOP-20 PITIEIRA

AOP-21 CORDELERIAS MAR

Tal como xa se estruturou no PXOM 2008, as condicións particulares de cada Área de Ordenación

Pormenorizada son as sinaladas, para cada caso, nos documentos que figuran como Anexo

independente das Normas Urbanísticas, que teñen o carácter de continuación desta Ordenanza 16, no

que se recollen tanto as determinacións gráficas, nos planos específicos, como nos textos escritos coas

Ordenanzas específicas.

9.1.2. ORDENACIÓN PROVISIONAL EN SOLO DE NÚCLEO RURAL

Como xa se anunciou no Estudo previo da ordenación provisional, esta non inclúe ningún Solo do Núcleo

Rural delimitado no PXOM 2008.

Os estudos do medio rural e dos asentamentos poboacionais actualmente en marcha no Borrador da

revisión do PXOU, recomendan non manter ningunha ordenación provisional en ditos núcleos, que, por

outra banda, na maioría dos casos, están pendentes da redacción dun planeamento especial para

concretar a súa ordenación detallada, nas áreas de actuación integral.




Páxina 56 de 116

9.2. ORDENACIÓN PROVISIONAL EN ÁMBITOS SUXEITOS A DESENVOLVEMENTO URBANÍSTICO

9.2.1.ÁMBITOS CON INTERESE XERAL POLO SEU CARÁCTER DOTACIONAL OU EQUIPAMENTO PÚBLICO OU

PRIVADO

A) O PORTO DE CANIDO:

O Porto de Canido (adscrito para a súa xestión ao ente público Portos de Galicia), con DEYUP ten

aprobada en virtude de resolución do 28.08.2015 do Presidente de Portos de Galicia.

Imaxe da DEYUP do Porto de Canido de 2015

No mes de xaneiro de 2016 a Consellería do Mar iniciou a tramitación do Plan especial de Ordenación

do Porto de Canido, obténdose o 15 de setembro de 2016 a Resolución da Secretaría Xeral de Calidade

e Avaliación Ambiental de sometemento a AAE simplificada. Sen embargo a Secretaría Xeral de

Ordenación do territorio e Urbanismo informou nese expediente da necesidade de tramitar unha

modificación puntual do plan, algo que se resolve coa presente ordenación provisional.

B) O AEROPORTO DE VIGO

No sistema xeral aeroportuario procede, igualmente, adoptar xa como ordenación provisoria a correcta

delimitación da zona de servizo aeroportuario axustada ao Plan Director do aeroporto aprobado,




Páxina 57 de 116

remitindo a súa ordenación ao preceptivo Plan Especial de Ordenación do aeroporto, substituíndo así, e

corrixindo as delimitacións que figuran tanto no PXOU 93 como PXOM 2008.

Dende o 2010 conta con Plan Director aprobado mediante Orde FOM/2385/2010, de 30 de xuño, no que

se definen as grandes directrices de ordenación e desenvolvemento do aeroporto ata acadar o seu

desenrolo previsible e no que se delimita a súa zona de servizo cunha superficie estimada de 201,991

hectáreas; instrumento non vixente no momento da elaboración do PXOU 1993.

Imaxe da delimitación do Plan Director do Aeroporto de Vigo de 2010

D) A SUBESTACIÓN ELÉCTRICA DE BALAÍDOS

E, finalmente, dentro da trama dos sistemas xerais, se aborda mediante esta proposta de ordenación

provisional, a situación do sistema xeral eléctrico tramado como Actuación Illada nº.1 «Subestación de

Balaídos».

A localización precisa da Actuación Illada nº 1 do PXOM 2008 figura na folla cartográfica e axústase á

Modificación Puntual nº 1 do PXOM 2008 na trama AA-01/ trama do SXE da AA-01 (Expediente 11471/411),

que foi aprobado definitivamente por resolución da Secretaria Xeral de Ordenación do Territorio e

Urbanismo o 5 de abril de 2011.

No mesmo ano 2011 iniciouse o Proxecto de expropiación dos terreos necesarios para a nova localización

da subestación, presentándose no 2013, por parte de Unión Fenosa, a solicitude de licenza da instalación




Páxina 58 de 116

(expedientes 40972/422 e 219/403), outorgándose o 20/07/2016 a Licenza de construción e instalación

dunha subestación eléctrica de alta tensión e unha galería de formigón.

Trátase, xa que logo, dun sistema xeral en solo urbano consolidado que cabe encadrar nos supostos do

artigo 92.1 da LMFAO pola concorrencia dun especial interese xeral polo seu carácter dotacional ou de

equipamento público ou privado.

Imaxe do proxecto da subestación eléctrica de Balaídos de Unión Fenosa de 2013

9.2.2.ÁMBITOS CON INTERESE XERAL EN ATENCIÓN AO SEU GRAO DE DESENVOLVEMENTO URBANÍSTICO

(Artigo 92 da LMFAO).

Neste apartado inclúense unicamente dous ámbitos de solo urbano non consolidado: AOD «A-3-37 Tomás

Paredes 1», e o polígono II da AOD «A-3-10 Esturáns», toda vez que o terceiro que se citaba no Estudo

Previo da ordenación provisional (AOD «A-5-71 Metalúrxica»), retírase á vista do informado

urbanísticamente pola Directora Xeral de Ordenación do Territorio e Urbanismo, o 15 de xuño de 2017, en

relación co Estudio da situación derivada da anulación do PXOM de Vigo.

As ordenacións detalladas que se incorporan (coas xustificacións que figuran na documentación

complementario do Estudio Previo) polo tanto son:

AOD «A-3-37 Tomás Paredes 1»




Páxina 59 de 116

O ámbito de Solo Urbano non consolidado A-3-37 Tomás Paredes, tiña no PXOM 2008 unha ordenación

detallada (AOD) que permitía a súa execución trala aprobación definitiva do PXOM sen necesidade de

ningún instrumento de planeamento de desenvolvemento.

O procedemento de xestión iniciouse o 28/04/2009 coa resolución de incoación, constituíndose a Xunta

de Compensación o 20/10/2010 por adhesión ao modelo municipal de Bases e Estatutos. O Proxecto de

Compensación (expediente 4916/401) aprobouse definitivamente o 30/08/2011, e o Proxecto de

Urbanización (expediente 4975/401), atopábase en tramitación, con aprobación inicial pola Xunta de

Goberno Local do 7/11/2011.

O ámbito figura reflectido no plano 10 da serie 1 escala 1/5.000 e na folla 11-H da serie 2 escala 1/2000,

ademais de que a súa Memoria expositiva e xustificativa, as súas ordenanzas específicas, ponderacións,

delimitación poligonal, criterios para implantación de servizos, cálculo de demandas, xustificación do

cumprimento das normas de accesibilidade e planos figuran nun documento específico, incluído neste

instrumento de Ordenación Provisional nos anexos.

Imaxe do plano de ordenación da A-3-37 TOMAS PAREDES

AOD «A-3-10 Esturáns»

A AOD A-3-10 Esturáns, no Solo urbano non consolidado do PXOM 2008, aparece delimitada na folla 5 da

cartografía da serie 1, e na folla 10-J da cartografía da serie 2.




Páxina 60 de 116

A súa xestión levouse a cabo en desenvolvemento das determinacións do PXOM 2008, coas seguintes

aprobacións definitivas: Aprobación definitiva do Proxecto de equidistribución do polígono II de

propietario único (exp. 4855/401) o 7/12/2012, e o Proxecto de Urbanización (4856/401) está en

tramitación.

O documento específico da ordenación detallada da AOD A-3-10 ESTURÁNS que figurou como Anexo á

documentación do PXOM 2008, incorpórase tamén como Anexo a este instrumento de Ordenación

Provisional, referido parcialmente ao seu polígono II.

Imaxe do plano de ordenación da A-3-10 ESTURÁNS con delimitación de polígonos

9.3. XUSTIFICACIÓN DO CUMPRIMENTO DA LEXISLACIÓN SECTORIAL E DOS INFORMES AMBIENTAL E

URBANÍSTICO

9.3.1. CUMPRIMENTO DA LEXISLACIÓN SECTORIAL

Nos puntos 6 e 7 do DAE (Documento ambiental estratéxico) no anexo 4 do Documento, analízanse os

posibles efectos ambientais previsibles sobre a paisaxe, o patrimonio natural, o patrimonio cultural, a

economía, e sobre os plans sectoriais e territoriais concorrentes, en relación coa súa lexislación sectorial

específica, concluíndo que non se observan efectos negativos significativos.

Relaciónase a continuación as afeccións das lexislacións sectoriais que teñen incidencia no instrumento

de ordenación provisional proposto.




Páxina 61 de 116

a) Costas: Lei 22/1988, do 28 de xullo de costas, Lei 2/2013, do 29 de maio, de protección e uso sostible

do litoral e modificación da lei de costas, Real Decreto 876/2014, de 10 de outubro, polo que se

aproba o regulamento xeral de costas e Decreto 158/2005 de competencias autonómicas en zona

de servidume de protección do DPMT.

Nos planos da ordenación provisional replanteouse o deslinde oficial da liña de dominio público marítimo

terrestre, e as zonas de servidume, segundo a última información facilitada pola administración de costas

do estado.

A ordenación provisional non afecta a solos rústicos de protección de costas nin a terreos de dominio

público marítimo terrestre.

No Solo Urbano Consolidado a ordenación provisional afecta a 123,743 m2 (un 0,48% do total de ámbito

da OP) de superficie en zona de servidume de protección coa seguinte distribución por ordenanzas:

ORDENACIÓN PROVISIONAL (OP) EN ZONA DE SERVIDUME

ORDENANZA 4 6 7 9 10 12 13 14 AOP TOTAL

SUPERFICIE 819,2 355,1 3.697,0 58.192,2 19.710,3 1.150,0 16.207,1 3.455,1 20.157,2 123.743,2

As follas da serie 2 nas que se aprecia incidencia da ordenación provisional en zona de servidume de

protección aparecen sinaladas en vermello no gráfico seguintes:




Páxina 62 de 116

Planos da serie 2 nos que se reflicte a zona de servidume de protección de costas

Requirirase informe da administración sectorial estatal e autonómica de costas.

b) Estradas: Lei 37/2015, do 29 de setembro de estradas do estado, Lei 8/2013, do 28 de xuño, de

estradas de Galicia.




Páxina 63 de 116

A ordenación provisional afecta unicamente ao solo urbano consolidado, e non a solos rústicos de

protección de infraestruturas, tratándose, xa que logo, de travesías urbanas de estradas estatais,

autonómicas e Deputación que transcorren por ámbitos de solo urbano consolidado.

Afección de estradas sobre o ámbito da ordenación provisional

As estradas que transcorren próximas, ou polo interior da ordenación provisional son as seguintes:

- Estradas estatais: Autoestrada AP-9, Autovía A-55, VG-20 e as estradas convencionais N-552, N-555 e

N-556.

A ordenación provisional non incide nos trazados dos estudos informativos da Variante Trazado Vigo-O

Porriño e o correspondente á autovía A-59 do trazado entre Arrufana e enlace AP-9 en Peinador.

- Estradas autonómicas: Autoestrada AG-57 (non afecta na O.P.) e as estradas PO-323, PO-324, PO-325,

PO-330, PO-331 (non afecta a O.P.), PO-552, e PO-010.

- Estradas Deputación: EP-2001, EP-2004, EP-2003, EP-2005 e EP-2603.

Polo tanto, o IOP debe remitirse as administracións titulares das estradas afectadas para que emitan

informe. Enténdese que o instrumento deberá ser informado pola administración sectorial estatal,

autonómica e da Deputación de Pontevedra.




Páxina 64 de 116

c) Augas e planificación hidrolóxica: RDL 1/2001, do 20 de xullo, Texto refundido da lei de augas, Plan

Hidrolóxico Galicia Costas.

O instrumento de ordenación provisional non incide en solos rústicos de protección de augas, nin en zonas

de fluxo preferente da planificación hidrolóxica, agás as que afectan ao solo urbano clasificado no PXOM

2008.

O que deberá corroborarse no informe da administración sectorial correspondente.

d) Liñas Ferroviarias : Lei 38/2015, do 29 de setembro do sector ferroviario.

A ordenación provisional non incide na lexislación sectorial ferroviaria por non afectar a sistemas xerais

ferroviarios nin a solos rústicos de protección de infraestruturas. Non obstante, a ordenación provisional

que mantén as determinacións do PXOM 2008, recolle no solo urbano os trazados ferroviarios dos tramos

da rede ferroviaria de interese xeral: 06-812-Bifurcación Chapela-Vigo Guixar (Sistema común de

transporte); e P362. “Puerto de Vigo y su ría (rede portuaria e accesos)”, situada no interior do porto, así

como os tramos de acceso exteriores. As liñas en servizo son a 06-812 e o eixo Atlántico.

Deberá solicitarse o informe sectorial correspondente do Ministerio de Fomento (ADIF).

e) Aeroportos e aviación civil: RD 2591/1998, do 4 de decembro, sobre a ordenación dos aeroportos

de interese xeral e a súa zona de servizo. Decreto 584/1992, do 24 de febreiro, de servidumes

aeronáuticas, e Decreto 297/2013, do 26 de abril, de modificación do anterior.

O instrumento de ordenación provisional incorpora os límites correctos da zona de servizo aeroportuario,

segundo o Plan Director aprobado mediante Orden FOM/2385/2010, e o cualifica como sistema xeral

aeroportuario.

A ordenación provisional terá en conta a zona de servizo aeroportuario e a súa área de cautela, a

pegada sonora (afeccións acústicas orixinadas pola operación das aeronaves), así como as afeccións

sobre o territorio de operación de aeronaves e as radioeléctricas, que establece unha imposición de

servidumes segundo a propia lexislación sectorial.

As servidumes acústicas sitúanse sobre a propia zona de servizo, no que se refire ao T.M. de Vigo, e en

canto as servidumes aeronáuticas polo terreo, é dicir aquelas áreas nas que o propio terreo vulnera as

superficies limitadoras de alturas, nas parroquias de Candeán, Cabral e Bembrive, no instrumento de

ordenación provisional excluíronse tódalas zonas de solo urbano consolidado do PXOM 2008 situadas

nestas áreas, áreas que, en todo caso, deberán ser estudiadas, principalmente en canto ás edificacións

xa existentes, no documento de revisión do PXOM.

As disposicións normativas, que rexeran en relación co Aeroporto de Vigo, son:

- Lei 48/1960, de 21 de xullo sobre Navegación aérea, modificada pola Lei 55/1999 sobre medidas

fiscais, administrativas e de Orde Social, de 29 de decembro.

- Lei 21/2003 de 7 de xullo, de seguridade aérea.

- Lei 37/2003 de 17 de novembro, do ruído (Disposicións adicional 3ª e transitoria 3ª)

- Lei 13/1996, de 30 de decembro, de Medidas Fiscais, Administrativas e de Orde Social. (artigo 166).




Páxina 65 de 116

- Decreto 584/1972, de 24 de febreiro, de servidumes aeronáuticas, na súa actual redacción.

- Real Decreto 2591/1998, de 4 de decembro, de Ordenación dos Aeroportos de Interese Xeral e a

súa zona de servicio na súa actual redacción.

- Real Decreto 2278/1986, de 25 de setembro, polo que se establecen as novas servidumes

aeronáuticas do aeroporto de Vigo.

- Real Decreto 1367/2007, de 19 de outubro polo que se desenvolve a Lei 37/2003, do Ruído no

referente á zonificación acústica, obxectivos de calidade e emisións acústicas.

- Orde FOM/926/2005, de 21 de marzo pola que se regula a revisión das pegadas de ruído dos

aeroportos de interese xeral.

- Orde FOM/2385/2010 Ministerio de Fomento, de 30 de xuño, pola que se aproba o Plan Director do

Aeroporto de Vigo.

Afección acústica e zonas de vulneración do terreo, superpostas ao ámbito da ordenación provisional

No documento tomouse en consideración o informe e a documentación gráfica da Dirección xeral de

Aviación civil de data 29/01/2016, para a revisión do PXOM. Este organismo deberá, así mesmo, informar

o instrumento de ordenación provisional, en base á lexislación sectorial da súa competencia.

f) Portos de interese xeral do Estado: RDL 2/2011, do 5 de setembro, Texto refundido da Lei de Portos

do Estado e da mariña mercante.

No instrumento de ordenación provisional para aprobación inicial foi delimitado a zona de servizo

portuario segundo a Delimitación Oficial dos Espazos e Usos Portuarios (DEYUP) aprobada orde

FOM/822/2015, de 13 de abril (BOE n.º108, de 06.05.2015),no que concirne ao T.M. de Vigo.




Páxina 66 de 116

Habida conta da sentenza acaecida, no presente documento para aprobación definitiva foi suprimido,

tal e como se explica no apartado 9.10.3 desta memoria.

g) Portos de titularidade autonómica: Lei 5/1994, do 29 de novembro, de creación do ente público

Portos de Galicia.

No instrumento de ordenación provisional proposto delimítase o Porto de Canido, de titularidade

autonómica, segundo a DEYUP aprobada en virtude de resolución do 28.08.2015 do Presidente de Portos

de Galicia.

Informe de Portos de Galicia

h) Patrimonio Cultural: Lei 16/1985, do 25 de xuño, do patrimonio histórico español, Lei 5/2016 do

patrimonio cultural de Galicia.

O instrumento de ordenación provisional incorpora, na súa documentación gráfica, a localización de

tódolos elementos catalogados no PXOM 2008 (plan anulado por sentenza xudicial), coas súas áreas de

respecto e protección.

O informe sectorial corresponde á Dirección Xeral de Patrimonio Cultural.

i) Montes: Lei 7/2012, do 28 de xuño, de Montes de Galicia

A ordenación provisional refírese a solo urbano consolidado, e, xa que logo non incide en zonas de

montes.

Non obstante detéctanse as seguintes ocupacións, como solos urbanos consolidados da ordenación

provisional, sobre delimitacións oficiais de montes:

FOLLA OP PXOU-93 TITULO Ocupacións

8-U 13+10 SU 3.2 MVMC

8-U 10 SU 1.3.B CONCELLO+PARTICULAR

8-W RPI - SXAP SNU AEROCLUB Y MVMC AEROPORTO

9-U 13 SU 3.2 MVMC

9-V RPI - SXAP SUNP PAU MVMC AEROPORTO

9-W RPI - SXAP SUNP PAU MVMC AEROPORTO

12-P 13 SU 4.5 DP T.G.S.S. MEIXOEIRO

12-Q 13 SU 4.6 DP T.G.S.S. RESIDENCIA XERIATRICA

12-R 13 SU 4.5 XUNTA GALICIA GERIATROS

12-R 12 SU 3.1.B.b PARTICULAR

12-S 12 PERI GORXAL VIARIO EXISTENTE LINDA CON CLH

13-R 12 SU 4.6 CLH HIDROCARBUROS

13-R 12 SU PERI MVMC

14-L 9 SU 1.3.B + SUP PP1 CONCELLO DE VIGO




Páxina 67 de 116

FOLLA OP PXOU-93 TITULO Ocupacións

14-M 9 SUP PP1 PortoLoureiro CONCELLO DE VIGO

15-L 10 SNU-C MONTE MACAL Parc. 163 e Parcela 53 - tb en MV

19-D 10 SU UA Roteas PARTICULAR No 2008 en SUC fora do API Roteas

19-G 9 SNU-C PARTICULAR

20-C 9 SU 1.3.B MVMC

O informe sectorial corresponde á Dirección Xeral de Ordenación e Produción Forestal da Consellería do

Medio Rural.

j) Paisaxe: Lei 7/2008, do 7 de xullo, de protección da paisaxe de Galicia, Decreto 119/2016, do 28

de xullo, de aprobación dos Catálogos da Paisaxe.

A ordenación provisional non inclúe ningunha AEIP (área de especial interese paisaxístico), nin a

localización de ningún dos miradoiros do catálogo da Paisaxe no T.M. de Vigo. En canto aos EIP (espazos

de interese paisaxístico do POL) hai que sinalar que o delimitado no Monte da Guía inclúese parcialmente

na ordenación provisional por tratarse de solo urbano consolidado, no que, en todo caso, o posible

impacto negativo sería corrixido a través do Plan Especial de Protección do Monte da Guía delimitado

no PXOU de 1993.

O informe sectorial corresponde ao Instituto de Estudos do Territorio.

k) Protección da Natureza: Lei 9/2001 de Conservación da Natureza, Plan director da Rede Natura

2000 de Galicia,, Directiva 92/433/CE sobre conservación de hábitats naturais.

O instrumento de ordenación provisional que se propón non afecta a ningún terreo incluído na Rede

Natura 2000, nin LICs, ZECs, nin ZEPAs), nin aos hábitats da escribenta, o chorlitejo nin o sapoconcho, e

non afecta ao ENIL do complexo dunar e areal do Vao-Baluarte.

O Informe correspondería á Dirección Xeral de Patrimonio Natural.

l) Accesibilidade e supresión de barreiras: Decreto 35/2000, do 28 de xaneiro, polo que se aproba o

regulamento da Lei de accesibilidade e supresión de barreiras arquitectónicas de Galicia e lei

10/2014, de 3 de decembro, de accesibilidade.

Na normativa adaptada que se incorpora á ordenación provisional, actualízanse as referencias

normativas sectoriais ás vixentes na actualidade na materia, co que se produce unha adaptación

normativa.

Informe do Consello Autonómico para a promoción da accesibilidade e a supresión de barreiras

arquitectónica.

m) Telecomunicacións: Artigo 35 da Lei 9/2014, do 9 de maio, de telecomunicacións.

Na ordenación provisional que se propón, por non se tratar dun instrumento integral de ordenación

municipal como será o novo PXOM, non se efectúa ningunha previsión de infraestruturas de




Páxina 68 de 116

telecomunicación: En todo caso o informe sectorial correspondería ao Ministerio de Enerxía, Turismo e

Enerxía Dixital.

n) Habitabilidade: artigo 4 do Decreto 29/2010, de 4 de marzo de 2010, polo que se aproban as

normas de habitabilidade de vivendas de Galicia (NHV) sobre coordinación co planeamento.

A ordenación provisional contempla una ordenación idéntica á que establecía el PXOM 2008 para o solo

urbano consolidado, este plan xa establecía na súa normativa condicións xerais e específicas (nas

ordenanzas 3 e 4) que debían cumprir as vivendas para ter a condición de vivenda exterior; e, así mesmo,

procedeuse a adaptar a normativa do instrumento de ordenación provisional ás NHV.

o) Informe de impacto de xénero:

O informe de impacto de xénero atópase regulado na lexislación estatal na Lei 30/2003, do 13 de outubro,

sobre medidas para incorporar la valoración del impacto de xénero nas disposicións normativas que

elabore o Goberno” e que deu nova redacción a determinados artigos da Lei 50/1997, do 27 de

novembro, do Goberno; na Lei orgánica 3/2007, do 22 de marzo, para a igualdade efectiva de mulleres

e home e no Real Decreto 1083/2009, de 3 de xullo, polo que se regula a memoria da análise do impacto

normativo. Finalmente, a Lei 40/2015, do 1 de outubro, do réxime xurídico do sector público dotou dunha

nova redacción ao artigo 26 da Lei 50/1997, do 27 de novembro, do Goberno relativo ao procedemento

de elaboración de normas con rango de lei e regulamentos. Pola súa parte, o Decreto lexislativo 2/2015,

do 12 de febreiro, polo que se aproba o texto refundido das disposicións legais vixentes na Comunidade

Autónoma de Galicia en materia de igualdade exixe aos regulamentos elaborados pola Xunta de Galicia

tamén a emisión dun informe relativo ás repercusións en materia de impacto de xénero. O dito informe

non será vinculante.

Centrándonos na consideración da normativa vixente e as súas repercusións prácticas no ámbito local,

comprobamos que o Concello de Vigo está realizando esta valoración na tramitación de ordenanzas

municipais.

Non obstante, no ámbito urbanístico, non pode deixar de recoñecerse que o planeamento posúe unha

regulación específica e completa que ven así recoñecida na propia normativa xeral, pois o noso

ordenamento xurídico diferencia a potestade regulamentaria e de autoorganización, da potestade de

programación ou planificación (Lei 7/1985, do 2 de abril, reguladora das bases de réxime local). Nese

concreto, singular e específico marco xurídico que regula o planeamento, non se contempla

normativamente un instrumento equivalente ao nomeado informe de impacto de xénero. Sen embargo,

en diversas sentenzas o Tribunal Supremo ten establecido que non estamos ante unha cuestión que poda

considerarse neutral para o eido urbanístico, sendo así que dende o propio prego do contrato de servizos

para a elaboración do futuro plan xeral de Vigo exixiuse a integración da perspectiva de xénero no

documento a elaborar.

É por elo, que á vista do marco normativo vixente, dos diferentes pronunciamentos xudiciais recaídos na

materia e en coherencia coas anteriores consideracións, cómpre realizar unha valoración da citada

perspectiva de xénero no seo do presente expediente, tomando como punto de partida a

transversalidade desta materia, así como a necesidade da súa consideración durante todo o proceso de




Páxina 69 de 116

elaboración da norma, aínda cando, no presente caso, como máis abaixo se exporá, non estamos ante

un instrumento de planeamento habilitado para realizar o estudo da situación socioeconómica,

ambiental, territorial, etc. que permitiría ao planificador recabar e valorar datos desagregados, estudar a

división de roles e as súas consecuencias ou introducir, entre outros, propostas de mellora respecto da

ordenación que se recupera.

Xa que logo, cómpre lembrar que o nomeado informe de impacto de xénero concíbese como unha

ferramenta para a análise e valoración dos resultados que se podan seguir da aprobación da norma ---

e que, en termos xerais, incorporarase na tramitación de: anteproxectos de lei, proxectos de real decreto

lexislativo e de normas regulamentarias--- desde a perspectiva da eliminación de desigualdades e da súa

contribución á consecución dos obxectivos de igualdade de oportunidades e de trato entre mulleres e

homes, a partires dos indicadores de situación de partida, de previsión de resultados e de previsión de

impacto.

No concreto caso do instrumento de ordenación provisional que nos ocupa non pode descoñecerse,

que o planificador urbanístico encóntrase ante un instrumento limitado, parcial e provisional, que nace

co obxecto de dar unha resposta transitoria e nun prazo razoable, á problemática xurídico urbanística

xurdida logo da declaración xudicial firme de nulidade das ordes autonómicas de definitiva aprobación

do nomeado PXOM 2008. Enténdese, así, que o dito instrumento nace, no presente caso, como un

elemento de transición entre o plan xeral vixente (PXOU-93) e un plan xeral en elaboración, e só tenta

recuperar parcialmente as determinacións urbanísticas do PXOM 2008 alí onde a realidade técnico-

xurídico urbanística o fai aconsellable pero que non pode confundirse cun plan xeral nin atribuírse as súas

funcións.

Xa que logo, como xa se ten explicado ao longo da presente Memoria, a presente IOP nace nese

contexto, precisamente, coa vocación de propoñer unicamente a incorporación de ordenacións

urbanísticas coincidentes coas previstas para os ámbitos afectados no instrumento de planeamento

anulado (PXOM 2008). Este é pois, o punto de partida e o elemento a ter en conta en calquera valoración

que poda realizarse a respecto da consideración do principio de igualdade ou da perspectiva de xénero,

sen que, polo demais, se observe unha incidencia negativa deste instrumento na materia analizada.

Nótese, así mesmo, que o vixente PXOU-93, tributario dunha lexislación anterior (previo incluso á Lei de

igualdade), carece dunha valoración equivalente.

E dado que o IOP non ten vocación innovativa, non define un novo modelo de cidade, nin a obtención

de novos espazos, infraestruturas ou dotacións nin a redistribución destas, nin se observan impactos ou

propostas que deban introducirse nel, cómpre concluír este apartado realizando unha obrigada e breve

referencia á integración no PXOM 2008 da materia analizada.

Así pois, aínda cando o PXOM 2008 non contou cun expreso informe de impacto de xénero, que non se

pretende aquí substituír, sí que contiña a valoración e o estudo desta cuestión nos diferentes documentos

urbanísticos (Avance, Diagnose, Memoria de Información Urbanística e Memoria Xustificativa) que

estendéronse na súa tramitación e elaboración ao longo do período 2002-2008.

Pode afirmarse, no senso exposto e sen entrar a analizar polo miúdo ese concreto contido, que o PXOM

2008 visibilizaba a diferente problemática asociada a homes e mulleres e introducía propostas coas que




Páxina 70 de 116

satisfacer as distintas necesidades sociais, expresando ao longo da súa exposición de motivos que un dos

seus obxectivos era a mellora da calidade de vida e, en concreto, “... que esa mellora do vivir nos espazos

habitábeis sexa algo que se poida sentir , valora e apreciar por cada individuo, home ou muller, nenos,

adultos ou vellos, moradores da cidade compacta, da cidade espallada ou do xa cativo medio rural,

vigueses de “toda a vida” máis tamén por aqueles outros que o son dende hai pouco ou que o serán

para o futuro...” (Avance, Memoria Informativa, capitulo 1).

A partir de aí, compróbase a búsqueda dunha información desagregada que permitira un certo

coñecemento da desigual situación por xéneros nas análises sociodemográficas, extraéndose como

datos o maior envellecemento de Vigo en relación con outras cidades galegas debido, en parte, á maior

proporción de mulleres, así como á incidencia na recuperación da mellora das taxas de fecundidade e

da inmigración. Igualmente aínda que se constata que a taxa de desemprego feminino era superior ao

resto de Galicia entre 1991 e 1996, detectábanse “máis mulleres entre a poboación activa, máis

estudantes entre a inactiva e alto e continuo desemprego”.

E, tal análise finaliza reflectíndose na información urbanística do documento, cando, por exemplo, na

panorámica xeral dos equipamentos faise mención á necesidade prioritaria e asistencia sociosanitaria do

grupo: (1º) das mulleres (apoiándose na súa maior lonxevidade, así como na maior presenza de

vulnerabilidades en áreas sociais, económicas e de saúde), tamén da existencia do Punto de información

da Muller como equipamento educativo no IME e do programa de alfabetización de persoas adultas con

actividades de formación a colectivos de mulleres, así como a presenza da muller na Universidade de

Vigo, onde acada un 54% do alumnado e un 62% do persoal de administración e servizos. Entre as

cuestións a resolver menciónanse tamén as necesidade de dotacións de comedores nos centros de

ensino infantil e primario, “ posto que os comedores escolares deviñeron na actualidade nunha

necesidade social das familias, sobre todo das mulleres que traballan”.

Finalmente, nos documentos normativos, ordenanzas, fichas e planos do PXOM 2008 non se fai ningunha

mención expresa, determinación ou cita diferencial entre homes e mulleres.

Compróbase con elo que a análise da situación e a elaboración de propostas nesta materia dificilmente

poderían abordarse nun instrumento coas limitacións do presente IOP, a diferencia do plan xeral en

elaboración que deberá ter presente o principio de igualdade e a valoración do impacto de xénero en

todas as fases de elaboración e na toma de todas as decisións que teñan lugar, por exixencias do prego

do contrato.

9.3.2. CORRECCIÓNS DERIVADAS DOS INFORMES URBANÍSTICO E MEDIOAMBIENTAL

- Informe Urbanístico da Directora Xeral de Ordenación do Territorio e Urbanismo, de 15 de xuño de

2017:

Retírase da ordenación provisional o ámbito “A-5-71 Metalúrxica”, que xa non figura entre os ámbitos

de ordenación suxeitos a desenvolvemento urbanístico incluídos polo seu grao de desenvolvemento

urbanístico, como se pode apreciar nos planos 6 da serie 1, e 7-M da serie 2 da cartografía anexa.




Páxina 71 de 116

- Informe sobre a tramitación ambiental para a probación da ordenación provisional, asinado pola

Directora Xeral de Calidade Ambiental e Cambio Climático, de data 14 de xuño de 2017:

Retírase da ordenación provisional o ámbito “A-3-23 Fenosa-Balaídos” por presentar condicionantes

ambientais (afección da zona de fluxo preferente do Río Lagares ES014-ZP-PO-01-02-07) que

determinaría a necesidade de sometemento ao procedemento de avaliación ambiental estratéxica

ordinaria. Esta corrección pode observarse nos planos 11 da serie cartográfica 1, e 13-J da serie 2.

9.4. CORRECCIÓNS EFECTUADAS EN RELACIÓN CO ESTUDO PREVIO DA ORDENACIÓN PROVISIONAL.

No período comprendido entre o Estudo previo da Ordenación Provisional e a redacción do Borrador de

planeamento, efectuouse un repaso de tódolos bordes da delimitación da ordenación provisional que

figurou naquel Estudo, con arranxo aos criterios anteriormente citados, para detectar os problemas de

servidumes de protección, titularidades dos equipamentos e zonas verdes, de contacto entre

ordenacións e coas primeiras conclusións do Borrador da Revisión do PXOM en marcha.

Así, as principais modificacións que se poden observar entre a delimitación que figurou no estudo previo

e o borrador foron as seguintes:

Na parroquia de Teis, excluíuse da ordenación provisional a zona de contacto entre a solo urbano e a

zona de servizo portuario en Ríos, entre a vía do Tren e o porto, con naves e instalacións sen contacto coa

malla urbana de servizos que se serven a través do Porto, e que deberá ser resolta na revisión do PXOM

en coordinación co Plan Especial do Porto.

Na parroquia de Teis, Candeán e Cabral excluíronse da delimitación terreos da Madroa e dos núcleos de

Herminde, Devesa, Rabadeira, Freiría, Carballal e Ameal, as áreas nas que os propios terreos vulneran as

servidumes aeronáuticas, consonte a información da Dirección Xeral de Aviación Civil. Na parroquia de

Cabral tamén se suprimiu a zona coincidente coa traza do estudo informativo autovía A-59 enlace AP-9

(Arrufana-Peinador) en Cotogrande.

Tamén se repasaron os límites da zona de servizo portuario (corrixindo no Auditorio Mar de Vigo e zona en

Castro Castriño), e aeroportuario, e, en xeral a de numerosos equipamentos públicos e privados e zonas

verdes (como a Igrexa de Teis, Igrexa dos Picos, Pavillóns de deportes da Avenida de Galicia e Candeán,

colexio das Carmelitas, Clínica El Pinar, zonas verdes en Figueiro, etc.). Igualmente se corrixiu, suprimindo

da delimitación, a parte do ámbito en Valadares (Vigo) do Proxecto Sectorial de A Pasaxe (Gondomar),

nas follas 25-L e 25-M.

Efectuáronse, así mesmo, numerosas exclusións de ordenanzas do PXOM 2008 sobre superficies do viario

que nada aportan á ordenación provisional, así como zonas nas que as aliñacións do PXOM 2008 se teñen

comprobado como incorrectas ou incongruentes, como son o caso do entorno das Igrexas parroquial de

Bembrive ou Candeán ou áreas de Barreiro, Ricardo Mella ou Segade.

Na procura de non comprometer o desenvolvemento de planeamento derivado do PXOU 93,

redefiníronse os límites da ordenación provisional no seu encontro con estes desenvolvementos




Páxina 72 de 116

(reaxustando polo límite das parcelas, etc.), tendo en conta que estes desenvolvementos teñen unha

marxe de axuste.

Asemade, eliminouse do ámbito da ordenación provisional, zonas de borde por axuste de parcelas

completas, zonas de protección de viais, como a franxa sur da Avenida do Aeroporto, e zonas de solo

urbano de 2008 que carecían de viais existentes polo que resultaba dubidosa a súa consideración como

solo urbano consolidado, como é o caso das parcelas industriais en Raviso e a Raposeira pendentes de

apertura dun vial novo mediante a actuación illada AA-13, ou parcelas en Vilar (Valadares) sen aliñacións

en solos non urbanizables de protección no PXOU do 93, sen consolidación nin condicións de

urbanización.

E por último, elimináronse zonas de ordenanza 6 xa construídas, incluídas nun primeiro momento no Estudo

Previo, xa que se comprobou que moitas delas eran coincidentes coa ordenanza 1.2.C de Edificación

Aberta de Baixa Densidade do PXOU 93, polo que non presentan desconformidades de carácter

substancial entre o PXOU 93 e o PXOM 2008. Encadraríanse, por analoxía, dentro das zonas de SUC

excluídas xustificadamente no Estudo Previo, cuxa xustificación pode atoparse no punto c) do apartado

9.1.1. no presente documento.

9.5. XUSTIFICACIÓN DA NORMATIVA DA ORDENACIÓN PROVISIONAL E DAS CORRECCIÓNS INCLUÍDAS EN

RELACIÓN COA NORMATIVA DO PXOM 2008.

Como xa se anunciou no Estudo Previo da Ordenación Provisional, a normativa de aplicación que se

empregará no instrumento de ordenación provisional non será outra que a do PXOM 2008. Non obstante,

tanto porque as ordenanzas a utilizar non serán todas como pola reiteración de numerosos artigos, e as

numerosas referencias a lexislacións sectoriais derrogadas, procede elaborar un texto refundido que

seleccione os artigos que serán de aplicación, evite repeticións e suprima referencias a normativas

sectoriais xa reguladas.

A Normativa inclúese no Anexo 1 da Memoria do IOP, co contido e xustificación seguinte:

TÍTULO I: DISPOSICIÓNS XERAIS

Redáctanse as disposicións xerais relativas ao instrumento de ordenación provisional e a súa normativa

urbanística. Este título contén as normas de interpretación da normativa e dos planos.

TÍTULO II: INTERVENCIÓN MUNICIPAL NA EDIFICACIÓN E USOS DO SOLO, INCIDENCIA DO PLAN SOBRE

SITUACIÓNS PREEXISTENTES

CAPÍTULO 2.1 LICENZAS E OUTROS TÍTULOS ADMINISTRATIVOS HABILITANTES PARA ACTUACIÓNS

CONSTRUTIVAS E OUTROS USOS DO SOLO: Elimínase o capítulo completo xa que os diferentes aspectos

sobre licenzas e outros títulos habilitantes recóllense xa na Lei 2/2016 do solo de Galicia (LSG) e na

Ordenanza municipal reguladora da tramitación das licenzas urbanísticas e outras formas de intervención

administrativa




Páxina 73 de 116

CAPÍTULO 2.2 PARCELACIÓNS: Elimínase o capítulo completo xa que as determinacións sobre

parcelacións se recollen xa na Lei 2/2016 do solo de Galicia.

CAPÍTULO 2.3 DEBERES DE USO E CONSERVACIÓN: Elimínase o capítulo completo xa que non ten

incidencia no solo urbano consolidado ou xa esta recollido na Lei 2/2016 do solo de Galicia.

CAPÍTULO 2.4 ESTADO RUINOSO DAS CONSTRUCIÓNS: Elimínase o capítulo completo xa que as

determinacións sobre ruínas se recollen xa na Lei 2/2016 do solo de Galicia.

CAPÍTULO 2.5 FOMENTO DA CONSERVACIÓN E REHABILITACIÓN DAS EDIFICACIÓNS TRADICIONAIS: Non é

de aplicación.

CAPÍTULO 2.6 OBRAS DE EDIFICACIÓN E OUTRAS ACTUACIÓNS. Elimínase ao tratarse de definicións de

obras xa recollidas nos anexos da Ordenanza municipal reguladora da tramitación das licenzas

urbanísticas e outras formas de intervención administrativa.

CAPÍTULO 2.7 RÉXIME TRANSITORIO: Unicamente mantense o réxime transitorio das edificacións e parcelas

existentes con anterioridade á aprobación definitiva do instrumento de ordenación provisional,

adaptándoo ao réxime de fóra de ordenación e edificacións desconformes establecido na Lei 2/2016 do

solo de Galicia. O resto do réxime transitorio non é de aplicación no ámbito deste instrumento.

Renoméanse como CAPÍTULO 2.1 e 2.2 e renuméranse os artigos que se manteñen.

Ademais trasládanse, co fin de recoller todas as determinacións de carácter xeral sobre a edificación

existente, a este capítulo os artigos sobre modificación de usos e condicións das obras nos edificios en

función das modificacións, que na normativa do PXOM 2008 se incluían en todas as ordenanzas de

aplicación neste Instrumento.

TÍTULO III: RÉXIME URBANÍSTICO DA PROPIEDADE DO SOLO

Elimínase o título completo xa que o réxime urbanístico do solo xa está regulado na LSG.

TÍTULO IV: DESENVOLVEMENTO E EXECUCIÓN DO PLAN XERAL

Unicamente mantéñense os artigos 4.1.3 e 4.1.4 referentes aos estudos de detalle e os artigos 4.3.2 a 4.3.6

referentes as obras de urbanización, xa que o resto do título non é de aplicación neste instrumento.

Renoméase como TITULO III, divídese en dous capítulos e renuméranse os artigos.

TÍTULO V: NORMAS XERAIS DE USO

CAPÍTULO 5.1 DISPOSICIÓNS XERAIS: Mantéñense os artigos referidos aos usos pormenorizados. Elimínanse

en xeral as referencias ao cumprimento da normativa sectorial. Trasládase a sección 4º Condicións Xerais

para tódolos Usos o apartado terceiro do artigo 5.6.3 sobre condicións da maquinaria e instalacións de

iluminación, ventilación e climatización dos locais desde o capítulo do uso industrial xa que é de

aplicación a todos os locais nos que se instalen estas máquinas, independente do uso ou actividade do

local. Tamén se traslada a esta sección os artigos 6.74, 6.75, 6.7.9, 6.710 e 6.8.8 pertencentes ao titulo VI

pero que regulan condicións hixiénicas dos locais.

CAPÍTULO 5.2 USO RESIDENCIAL: Elimínanse as determinacións que xa están reguladas no Decreto 29/2010

polo que se aproban as normas de habitabilidade de vivendas de Galicia, posterior as normas do PXOM




Páxina 74 de 116

2008 e de obrigado cumprimento, así como as referencias ao código técnico e a normativa de

accesibilidade. Trasládase o artigo 6.7.11 do título VI ao tratar sobre condicións do uso residencial.

CAPÍTULO 5.3 USO TERCIARIO HOSTALEIRO: Elimínase a enumeración da lexislación aplicable e as

referencias ao cumprimento da normativa sectorial.

CAPÍTULO 5.4 USO TERCIARIO XERAL: COMERCIO, OFICINAS, RECREATIVO E REUNIÓN: Agrúpanse todas as

determinacións comúns as distintas clases do uso terciario nun artigo sobre disposicións comúns do uso

terciario que se completa coas disposicións particulares da clase terciario-comercial e terciario-recreativo

co fin de simplificar a súa lectura. Ademais, elimínanse referencias a normativa sectorial de obrigado

cumprimento. Adáptase a dotación mínima de aparcamento nas categorías 4ª e 5ª do uso comercial a

Lei 13/2010 do comercio interior de Galicia.

CAPÍTULO 5.5 USO DOTACIONAL: Agrúpanse nun artigo as determinacións comúns as distintas clases e

categorías do uso dotacional, completándose coas disposicións particulares dalgunhas clases de uso

dotacional co fin de simplificar a súa lectura.

CAPÍTULO 5.6 USO INDUSTRIAL: Trasládase o artigo 5.6.6. ao primeiro artigo do capítulo, para facilitar a

comprensión dos límites de cada unha das categorías do uso industrial. Agrúpanse as disposicións comúns

a todas as categorías completándose coas condicións particulares seguindo o esquema dos anteriores

capítulos. Elimínanse referencias a normativa sectorial de obrigado cumprimento.

CAPÍTULO 5.7 GARAXE APARCADOIRO: Seguindo o criterio dos capítulos anteriores agrúpanse as

disposicións comúns as dúas categorías do uso. Elimínanse referencias a normativa sectorial de obrigado

cumprimento.

CAPÍTULO 5.8 USO ESPAZOS LIBRES E ZONAS VERDES e CAPITULO 5.9 USO DE INFRAESTRUTURAS BÁSICAS:

Mantense sen cambios.

CAPÍTULO 5.10 USO DO TRANSPORTE E COMUNICACIÓN: Elimínanse as condicións da rede viaria xa

reguladas no título VII destas normas, ademais das referencias aos viais en solo urbanizable ou rústico ao

non ser obxecto deste instrumento. Ademais, elimínanse as condicións de desenvolvemento da rede

ferroviaria e as condicións dos intercambiadores e os centros básicos de transporte ao non ser de

aplicación no obxecto deste instrumento. Elimínanse as condicións da categoría Portos do estado ao

estar reguladas no Plan Especial do Porto.

CAPÍTULO 5.11 USO AGROPECUARIO: elimínase por no ser de aplicación no solo urbano.

CAPÍTULO 5.12 USOS CLASIFICADOS: Elimínase o capítulo por ser contrario ao establecido na Lei 9/2013 do

emprendemento e da competitividade económica de Galicia.

Renoméase como TITULO IV e renuméranse os artigos.

TÍTULO VI: NORMAS XERAIS DE EDIFICACIÓN:

CAPÍTULO 5.1 DISPOSICIÓNS XERAIS: Unicamente se elimina algún artigo reiterativo.

CAPÍTULO 5.2 CONDICIÓNS DAS PARCELAS: Elimínase o artigo sobre a aplicación no solo urbano non

consolidado, as regulación sobre condominios que xa se establece nas Norma Xerais de Uso e algún

artigo sen contido normativo. Agrúpanse algúns artigos para facilitar a lectura.




Páxina 75 de 116

CAPÍTULO 5.3 CONDICIÓNS DE POSICIÓN DO EDIFICIO NA PARCELA: Elimínanse as definicións de

referencias que despois non aparecen na normativa.

CAPÍTULO 5.4 CONDICIÓNS DE OCUPACIÓN DA PARCELA POLA EDIFICACIÓN: Elimínanse as definicións

de referencias que despois non aparecen na normativa e as reiteracións.

CAPÍTULO 5.5 CONDICIÓNS DE EDIFICABILIDADE: Elimínanse as definicións de referencias que despois

non aparecen na normativa e os artigos reiterativos.

CAPÍTULO 5.6 CONDICIÓNS DE VOLUME E FORMA DOS EDIFICIOS: Elimínanse as definicións de

referencias que despois non aparecen na normativa e os artigos reiterativos.

CAPÍTULO 5.7 CONDICIÓNS DE CALIDADE E HIXIENE DOS EDIFICIOS, CAPÍTULO 5.8 CONDICIÓNS DAS

DOTACIÓNS DE SERVIZO DOS EDIFICIOS e CAPÍTULO 5.9 CONDICIÓNS DE ACCESO E SEGURIDADE NOS

EDIFICIOS: Elimínanse os artigos sen contido normativo ou os xa regulados na normativa sectorial como o

Código técnico da Edificación.

CAPÍTULO 5.10 CONDICIÓNS ESTÉTICAS: Unicamente se eliminan os artigos sen contido normativo.

Renoméase como TITULO V e, xa que logo, se renumeran os artigos.

TÍTULO VII NORMAS XERAIS DE ORDENACIÓN E URBANIZACIÓN

Elimínanse os artigos referidos ao solo urbanizable e ao solo rústico. Renoméase como título VI e

renuméranse os artigos.

TÍTULO VIII NORMAS XERAIS DE PROTECCIÓN

Elimínanse as referencias a lexislación vixente. Renoméase como título VII e renuméranse os artigos.

TÍTULO IX: NORMAS PARTICULARES DO SOLO URBANO

Suprímense as ordenanzas 1, 2, 5 e 8 xa que non teñen aplicación no ámbito do instrumento de

ordenación provisional, se ben mantéñense os capítulos para non perder a concordancia entre a

numeración dos capítulos e a numeración das ordenanzas.

En cada ordenanza elimínanse os artigos ou apartados que reiteran condicións xa reguladas

identicamente nas Normas Xerais de Edificación. Ademais agrúpanse algunhas determinacións e táboas

para facilitar a súa lectura. Renoméase como título VIII e renuméranse os artigos.

Finalmente, os títulos das Normas urbanísticas quedan coa seguinte numeración:

TÍTULO I: DISPOSICIÓNS XERAIS

TÍTULO II: RÉXIME TRANSITORIO. INCIDENCIA SOBRE A EDIFICACIÓN PREEXISTENTE

TÍTULO III: DESENVOLVEMENTO E EXECUCIÓN DO PLAN XERAL

TÍTULO IV: NORMAS XERAIS DE USO

TÍTULO V: NORMAS XERAIS DE EDIFICACIÓN:

TÍTULO VI NORMAS XERAIS DE ORDENACIÓN E URBANIZACIÓN

TÍTULO VII NORMAS XERAIS DE PROTECCIÓN




Páxina 76 de 116

TÍTULO VIII: NORMAS PARTICULARES DO SOLO URBANO

9.6. VIXENCIA DA ORDENACIÓN PROVISIONAL.

De acordo co prescrito no artigo 90.2 da LMFAO a ordenación provisional, unha vez aprobada, sen

prexuízo da posibilidade da súa modificación polos procedementos de modificación do plan

establecidos na Lei do solo, estará en vigor ata que se substitúa pola prevista no novo instrumento de

ordenación para ese ámbito ou, de ser o caso, ata que transcorra calquera dos prazos sinalados no artigo

87 da LMFAO:

- Presentación do borrador do novo PXOM: prazo de 1 ano dende a publicación da aprobación

definitiva do instrumento de ordenación provisional.

- Aprobación inicial do novo PXOM: prazo de 2 anos dende a publicación da aprobación definitiva

do instrumento de ordenación provisional.

- Aprobación provisional do novo PXOM: prazo de 3 anos e seis meses dende a publicación da

aprobación definitiva do instrumento de ordenación provisional.

Transcorrido calquera dos prazos sinalados sen se cumpriren os trámites previstos o instrumento de

ordenación provisional aprobado esgotará a súa vixencia por ministerio do previsto na lei e quedará

inmediatamente sen efecto.

Todo isto, sen prexuízo da posibilidade de adopción de medidas suspensión do outorgamento de licenzas

de parcelación de terreos, edificación e demolición para áreas e usos determinados (artigos 47 da LSG e

86 e 87 do Regulamento), ben para o estudo da revisión do PXOM, ou a suspensión automática

consecuencia da aprobación inicial naquelas áreas do territorio obxecto de planeamento no caso de

que as novas determinacións este supoñan unha modificación da ordenación urbanística vixente.

9.7. XUSTIFICACIÓN DO CUMPRIMENTO DAS DETERMINACIÓNS ESTABLECIDOS NO INFORME AMBIENTAL

ESTRATÉXICO.

A Resolución da Dirección Xeral de Calidade Ambiental e Cambio Climático de data 16 de outubro de

2017, pola que se formula o Informe Ambiental Estratéxico (en diante IAE) do Instrumento de Ordenación

Provisional do Concello de Vigo, e que se incorpora como anexo 5 deste IOP, conclúe a non necesidade

de someter o IOP ao procedemento de Avaliación ambiental estratéxica ordinaria, establecendo, non

obstante, dúas determinacións que se deberán integrar no documento, ademais da recomendación,

non incluída na proposta da resolución, da toma en consideración da totalidade das observacións

formuladas nos escritos recibidos no período de consultas, dos que se remiten ao Concello os seus textos

íntegros.




Páxina 77 de 116

9.7.1. DETERMINACIÓNS ESTABLECIDAS NO IAE.

1ª/ “O punto 4.1. do borrador no seu apartado “B” segue a incluír na delimitación do ámbito do IOP a A-

3-23 Fenosa-Balaídos como ámbito con interese xeral polo seu carácter dotacional ou equipamento

público ou privado. Deberá ser eliminada calquera referencia a este desenvolvemento, o cal foi excluído

do IOP pola súa afección ambiental”.

Efectivamente trátase dun erro material da Memoria Xustificativa, no que se procurou suprimir, ao igual

que en todo o documento do IOP, calquera referencia a dito ámbito A-3-23, tal como se xustificaba no

punto 9.3.2. anterior e, sen embargo, non se quitou da relación do punto 4.1. do Borrador.

Procedeuse a comprobalo e a suprimir do documento de aprobación inicial o erro material no punto 4.1.

do documento da Memoria Xustificativa, como se pode comprobar.

2ª/ “Cómpre valorar as recomendacións sinaladas polo IET, a fin de evitar ou mitigar as posibles afeccións

á paisaxe urbana”.

O Informe de data 10 de outubro de 2017 do Instituto de Estudos do Territorio, da CMAOT da Xunta de

Galicia, efectúa unha análise do IOP e a súa incidencia sobre a paisaxe consonte ao disposto na Lei

7/2008 da paisaxe de Galicia, e recoñece a escasa marxe de manobra que ten un instrumento de

ordenación provisional que, no seu caso, se limita a recoller a mesma ordenación dun plan xeral anulado

cuxa aprobación foi anterior á entrada en vigor da propia Lei 7/2008.

As cinco primeiras destas suxestións, que se refiren a pautas de cualificación de solo e de utilización de

tipoloxías edificatorias enténdense que se tratan, máis ben, de recomendacións de cara ao planeamento

xeral, que, evidentemente se deberán ter en conta no instrumento de revisión do PXOM, ou nos

planeamentos de desenvolvemento, pero non teñen encaixe inmediato no IOP que se propón

Outras recomendacións xa estaban recollidas nos distintos artigos da normativa urbanística deste

instrumento:

- A eliminación e ocultación de medianeiras: A normativa establece nas distintas ordenanzas do solo

urbano consolidado, co obxectivo de eliminar medianeiras existentes, condicións de posición da

nova edificación en función das edificacións lindeiras. Ademais nos casos de medianeiras

permanentes establece no artigo 5.10.17 a obriga de que as medianeiras que queden ao

descuberto se traten como fachada e se decoren cos mesmos materiais e características das

fachadas existentes, ou con outros de suficiente calidade e a posibilidade de ditar ordes de

execución para a mellora das medianeiras.

- A normativa establece en distintos artigos 5.10.19 Protección do arboredo, 6.3.8 Protección das

zonas verdes ou 7.4.2 Árbores e Elementos Illados a protección das árbores existentes no solo urbano

consolidado, non só nos espazos públicos senón tamén nos espazos privados.

- A regulación pormenorizada dos peches valados e pavimentos realizase no titulo V normas xerais

de edificación e no título VI normas xerais de ordenación e urbanización.




Páxina 78 de 116

O resto das recomendacións poderían ter encaixe no apartado 7.2. “protección da paisaxe e da imaxe

da escena urbana”, e así se recollen no texto de dito artigo da normativa urbanística anexa a esta IOP.

En canto as ordenacións pormenorizadas, o informe fai unha distinción entre aquelas dez áreas que se

refiren a situacións preexistentes sobre as que non fai ningunha obxección, daqueloutras que teñen todo

ou parte da súa ordenación pendente de desenvolvemento.

En concreto, verbo da AOP-11 TOMAS A.ALONSO 1, colindante coa área de desenvolvemento en solo

urbano non consolidado con ordenación detallada APR A-3-10 AOD ESTURÁNS o informe entende que

non resolven “o problema visual derivado do gran medianil visto existente na parcela”. Hai que manifestar

que, en primeiro lugar o tal problema existente no é tal dende o punto de vista do planeamento, toda

vez que precisamente o PXOM 2008 (a diferencia do PXOU de 1993) e a proposta de IOP, converten dito

medianil existente nunha fachada ao abrir un vial e fixar como aliñación a liña de dito medianil, polo que

non só se permitirá, senón que calquera obra de mellora que se pretenda levar a cabo en dito medianil

actual deberá darlle un tratamento de fachada.

Esquerda: Medianil do edificio de Tomás A.Alonso 87 Dereita: Simulación de conversión en fachada trala apertura do

vial previsto

En segundo lugar dicir que a mellora da escena e a paisaxe urbana mediante o pintado dos medianís

por artistas da cidade é un programa municipal levado a cabo nos últimos anos na cidade de Vigo, ao

que podería acollerse o medianil da rúa .

Exemplos de distintas medianeiras do programa municipal Dereita: Simulación de tratamento do medianil do edificio

de Tomás A.Alonso 87

E, por último, recoñecer que a solución volumétrica da ordenación pormenorizada AOP-11 TOMÁS A.

ALONSO que procura unha apertura da Rúa Tomás A. Alonso é, dende o punto de vista da paisaxe

urbana, máis favorable á que se producía coa aplicación da ordenanza 1.1.B. do PXOU 93, evitando o

efecto túnel en rúa-corredor .




Páxina 79 de 116

Esquerda: Solución de ordenación do PXOU 93 Dereita: Ordenación pormenorizada AOP-11 TOMÁS A.ALONSO no

PXOM 2008

Esta ordenación pormenorizada, coa apertura do vial que comunica a APR colindante A-3-10 ESTURÁNS

coa Rúa Tomás A. Alonso, mellora a relación visual co edificio de Tomás A. Alonso número 87, sempre que

se adopten as medidas para converter o medianil de dito edificio en fachada, como se apunta no

parágrafo anterior.

No tocante á ordenación colindante da APR-A-3,10 ESTURÁNS, e as observacións que formula a Dirección

Xeral da Paisaxe, débese reiterar, en canto á primeira delas, o dito verbo da AOP-11 anterior coa que se

relaciona no propio informe, e, en canto á segunda parte (“.. e ademais, a nova ordenación produce un

mal encaixe con áreas edificadas lindeiras, como por exemplo a zona de ordenanza 7 situada na parte

noroeste”.) débese recoñecer que é certamente atinada: A relación entre a ordenación detallada da

AOD APR A-3-10 ESTURANS, na parte do Polígono II e o grupo de vivendas existentes na parte noroeste

con estreitos canellóns en fondo de saco no camiño da Rañeira, é difícil e non está axeitadamente resolta

no PXOM 2008.

Vista de paxaro do ámbito da APR A-3-10 ESTURANS e da AOP-11 TOMÁS A.ALONSO.

Na zona superior esquerda vivendas en ordenanza 7 do camiño da Rañeira e límite da Rúa Tomás A.Alonso.

Por esta razón parece prudente atender á observación formulada no informe, e retirar, tanto a

ordenación detallada do Polígono I da AOD A-3-10 ESTURÁNS, como a zona de ordenanza 7 da Rañeira

e a fronte da edificación á Rúa Tomás A. Alonso nesa parte para proceder a un mellor estudo na revisión

do PXOM en marcha.




Páxina 80 de 116

Na ordenación detallada AOP-13 ARQUITECTO PALACIOS, que se incluía no Borrador da IOP no apartado

de solo urbano consolidado danse as dúas situacións identificadas polo IET no seu informe: por unha

banda, nunha parte se trata dunha situación preexistente sobre a que non fai ningunha obxección, e por

outra, sobre a que fai a principal obxección é unha parte da súa ordenación pendente de

desenvolvemento.

O informe da Dirección Xeral da Paisaxe é tallante verbo dos dous edificios de 6 e 10 plantas previstos

nunha parcela pequena situada ao Leste do ámbito que cualifica como “un importante impacto

paisaxístico”.

Esquerda: Vista de paxaro do ámbito da AOP-13 ARQUITECTO PALACIOS Dereita: Simulación da ordenación dos edificios

pendente

Sen entrar a valorar a rotundidade de dita afirmación nun tecido urbano en transformación no que

aparecen novas infraestruturas e mestura de tipoloxías, parece oportuno recoñecer que a parte da

ordenación pendente de desenvolvemento desta AOP é susceptible dun mellor estudo na revisión do

novo PXOM, tendo en conta, tamén, a proximidade do BIC do Pazo da Pastora, cuxa área de respecto

ocúpase en parte por esta ordenación, así como a definitiva concreción da rotonda e nó de enlace do

acceso previsto no PXOM 2008 da variante de Porriño-Vigo nesa zona, diferente da solución prevista polo

Estudo Informativo aprobado polo Ministerio de Fomento.

Esquerda: Ordenación detallada da AOP-13 ARQUITECTO PALACIOS. Dereita: Inserción da AOP-13 na ordenación do

PXOM 2008 e área de protección do BIC da Pastora ( raiado en cuadrícula diagonal)

No caso da AOP-09 SAN GREGORIO, incorporada na documentación V.4, como se xustifica no punto 9.8

seguinte, e que non figurou, por erro, no Borrador do PXOM, a nomeada incorporación queda




Páxina 81 de 116

condicionada ao informe que emita en materia de paisaxe o IET, cando se lle solicite o informe

preceptivo.

Dende o punto de vista paisaxístico, segundo se especifica na Memoria Xustificativa de dita AOP “Coa

ordenación proposta se pretende dar un remate acaído aos tecidos edificados do contorno ao tempo

de procurar a protección de vistas do mar desde a rúa Tomás Alonso, dispoñendo para elo un dos corpos

de edificación previstos por debaixo da cota da dita rúa, de tal xeito que se posibilita a creación dun

miradoiro nesta rúa que se conecta coa Avda. de Beiramar a través dun espazo público. A especificidade

desta ordenación non permite a súa resolución por medio da aplicación das ordenanzas xenéricas do

solo urbano consolidado, o que fai precisa a determinación desta AOP para a súa ordenación polo

miúdo.”

Esquerda : Curva de San Gregorio e Medianil Centro : Vista panorámica Dereita: Vista de paxaro do ámbito AOP-09

Ordenación detallada da AOP09 SAN GREGORIO




Páxina 82 de 116

9.7.2. CONSIDERACIÓN DAS OBSERVACIÓNS FORMULADAS NOS ESCRITOS RECIBIDOS NO PERÍODO DE

CONSULTAS.

9.7.2.1. INFORME DO MINISTERIO DE FOMENTO/ SECRETARÍA GENERAL DE INFRAESTRUTURAS.

DATA: SETEMBRO DE 2017

CONTIDO: A IOP afecta á liña ferroviaria de Chapela-Vigo-Guixar, lembrando a obriga de cumprir coa

Lei 38/2015 de 29 de setembro, do sector ferroviario, especialmente no referido co planeamento

urbanístico, as zonas de servidume do ferrocarril e as súas limitacións de uso.

CONSIDERACIÓN: Nos planos de IOP reflectiuse graficamente o trazado desa liña ferroviaria, e,

igualmente foi solicitado, con carácter previo á aprobación inicial, o informe sectorial previsto no artigo

7.2. da Lei 38/2015, do 29 de setembro, do sector ferroviario.

9.7.2.2. INFORME DO MINISTERIO DE FOMENTO / DIRECCIÓN GENERAL DE CARRETERAS/ UNIDAD DE

CARRETERAS DE PONTEVEDRA/ DEMARCACIÓN DE CARRETERAS DEL ESTADO EN GALICIA

DATA: 26/09/2017 E 11/09/2017

CONTIDO: Conforme ao previsto no artigo 16 da Lei 37/2015, de 29 de setembro, de carreteras o Concello

de Vigo remitiu a este organismo o IOP con carácter previo á súa aprobación inicial, para que fora

informado no referente ás afeccións sobre as estradas da súa competencia.

CONSIDERACIÓN: Atendeuse o informe e remitirase á Dirección General de carreteras do Ministerio de

Fomento, como esixe a Lei e como xa se apuntou no punto 9.3.1. do Borrador e da Memoria.

9.7.2.3. INFORME DO INSTITUTO DE ESTUDOS DO TERRITORIO (IET)

DATA: 10 de outubro de 2017

CONTIDO: Saliéntase que no documento ambiental non se analizan os efectos sobre a paisaxe, nin a

visibilidade desde os miradoiros e as AEIP. Tamén se fai constar que non foron analizados os valores

paisaxísticos do concello e as áreas degradadas. Porén se sinala que a ordenación provisional se limita a

recoller a mesma ordenación do PXOM anulado en canto se refire, en xeral a realidades existentes, non

presentando incidencia significativa sobre a paisaxe. Achéganse unha serie de pautas, orientadas á

paisaxe na ordenación urbanística que poderían ter encaixe nas normas xerais de protección da IOP.

Efectúa unha serie de recomendacións para tres áreas de ordenación pormenorizada: AOP-11 TOMÁS A.

ALONSO 91-111, AOP-13 ARQUITECTO PALACIOS e A-3-10 ESTURÁNS. O informe conclúe que o IOP non

terá uns efectos significativos sobre a paisaxe.

CONSIDERACIÓN: Con carácter xeral, as observacións do informe no que se consideran que non se

analizan os efectos sobre a paisaxe da nova ordenación, nin a visibilidade desde os miradoiros, e as AEIP,

nin tampouco se analizan os valores paisaxísticos do concello nin as áreas degradadas, son

inmediatamente moduladas polo recoñecemento, no mesmo informe, do carácter singular do IOP, ao




Páxina 83 de 116

que non lle corresponde ningunha marxe ampla de discrecionalidade para establecer unha nova

ordenación urbanística, senón que se limita a recoller a mesma ordenación do plan xeral anulado.

Non obstante, débese matizar que no punto 6.1 do Documento ambiental estratéxico DAE integrante

deste expediente, figuraron dous cadros nos que se analizou a incidencia e os posibles efectos sobre a

paisaxe da IOP, especificamente por cada AEIP, e cada miradoiro dos Catálogos da paisaxe de Galicia,

e por cada espazo de interese paisaxístico (EIP) do POL.

En canto ás recomendación concretas sinaladas polo IET a fin de evitar ou mitigar as posibles afeccións

á paisaxe urbana, e que figuran recollidas no IAE, dáse cumprida e pormenorizada resposta no punto

9.7.1. anterior desta Memoria, coas correccións que se propoñen con relación ao Borrador.

Por outra banda, e na asimilación ao procedemento de aprobación dos Plans Xerais, solicitouse na

tramitación deste IOP informe sectorial do IET en relación coa paisaxe, e de conformidade co disposto no

artigo 7 da lei 7/2008 de protección da paisaxe de Galicia.

9.7.2.4. INFORME DA DIRECCIÓN XERAL DO PATRIMONIO CULTURAL

DATA: 19 de setembro de 2017

CONTIDO: O informe fai mención expresa á vixencia do catálogo de bens do patrimonio cultural do PXOM

2008, en atención ao disposto no artigo 86 da LMFAO e o artigo 31.4 da LPCG. Lémbrase que no caso de

que se proceda á revisión ou modificación do Catálogo, se deberán aplicar os criterios recollidos na

LPCG, en especial os criterios relativos aos contornos de bens catalogados.

Débese revisar o sistema de representación empregado (asteriscos), empregando un código de

identificación do ben. Finalmente incídese na necesidade de solicitar informe vinculante á Consellería de

Cultura, Educación e Ordenación Universitaria unha vez o IOP sexa aprobado inicialmente ( artigo 34 da

LPCG).

CONSIDERACIÓN: Tendo en conta o mantemento da vixencia do catálogo de 2008, o IOP limítase (como

xa se manifestou no borrador e neste documento nos puntos 9.3 e 10 da Memoria Xustificativa) a

incorporar, na súa documentación gráfica, a localización de tódolos elementos catalogados no PXOM

2008 (plan anulado por sentenza xudicial), coas súas áreas de respecto e protección, aos meros efectos

informativos.

É certo que por un erro gráfico de impresión nos planos de ordenación do Borrador non figuraron, como

se pretendía, as claves dos elementos catalogados do patrimonio etnográfico co mesmo código de

identificación do ben como figurou no PXOM 2008, polo que se procedeu a corrixir na documentación

V.4. para aprobación inicial do IOP.

Esta corrección non pretende introducir ningún novo código nin ningún novo sistema de representación,

tendo en conta que non é obxecto deste documento do IOP nada máis que reflectir a localización e

identificación e referencia dun Catálogo que se mantén vixente, coa súa documentación propia á que

haberá de acudir para a súa aplicación.




Páxina 84 de 116

Para facilitar a lectura dos planos, procedeuse a desglosar na lenda dos planos os códigos identificativos

dos elementos que veñen precedidos dunha inicial, tal e como figurou no catálogo 2008 e se explica no

seu documento de memoria:

A; Arquitectura: Inclúe vivendas e edificios exentos e entre medianeiras de autoría recoñecible ou

anónima destinada a usos residenciais, terciarios, dotacionais, artesanais e/ou industriais, relixiosos, etc.

C; Achados arqueolóxicos: Refire xacementos achados catalogados pola Dirección Xeral de

Patrimonio da Xunta de Galicia segundo a definición que destes elementos fai o art. 59 da Lei 8/1995.

Se ben nos planos do PXOM 2008 se identificaron coas iniciais ACH_.

E; Etnografía: Refírese a toda arquitectura ou construción de carácter produtivo de características

tradicionais, tal que: pombais, canastros, muíños de vento e hidráulicos, palleiras, fornos, eiras, lagares,

pesqueiras, fontes, lavadoiros e outros elementos análogos.

I; Infraestruturas: Fai referencia a aqueles elementos de carácter tradicional, con funcionalidades de

transporte, comunicación, servizo á economía tradicional, etc... tal que: faros, pontes, pontellas, pasos,

regos, pasais, e outros elementos análogos de relevancia patrimonial.

S; Espazos: Fai referencia a aquela parte do territorio construído desprovisto de edificación e/ou

construcións que teñen valor de seu na conformación da paisaxe urbana e rural, tal como: camiños

históricos, curros, alamedas, prazas, adros parroquiais, xardíns históricos ou espazos agrarios singulares,

e outros elementos análogos.

U; Urbanísticos: Pensada para recoller couzadas ou conxuntos de edificacións de calidade.

X; Xacementos Arqueolóxicos: Refire xacementos arqueolóxicos catalogados pola Dirección Xeral de

Patrimonio da Xunta de Galicia segundo a definición que destes elementos fai o art. 55 da Lei 8/1995.

Se ben nos planos do PXOM 2008 se identificaron coas iniciais GA e o código identificativo do

xacemento.

O; Outros; Aqueles outros que, sen estar incluídos nalgunha das clases anteriores, se entende polo

PXOM que deben dispor das necesarias medidas de protección que garantan a súa acaída

conservación.

No que respecta ao conxunto de bens etnográficos, cada un deles aparece identificado nos planos

unicamente cunha clave numérica de dous (2) díxitos que referirá a tipoloxía do elemento catalogado,

sucedida e separada por un guión alto dun número identificativo do número do elemento de que se

trate, identificación que non superará os catro (4) díxitos. Estas claves son as que seguen:

- 01 HÓRREO

- 02 MUÍÑO HIDRÁULICO

- 03 FONTE

- 04 LAVADOIRO

- 05 LAGAR

- 06 ALBOIO




Páxina 85 de 116

- 07 CASA TRADICIONAL

- 08 FORNO

- 09 PETO DE ÁNIMAS

- 10 IGREXA

- 11 CRUZ

- 12 CONXUNTO DE INTERESE

- 13 POMBAL

- 14 ERMIDA

- 15 ADEGA

- 16 PONTE

- 17 ENTRADA MONUMENTAL

- 18 PALLEIRO

- 19 ESCOLA

- 20 CRUCEIRO

- 21 CEMITERIO

- 22 PAZO

- 23 MUÍÑO DE VENTO

- 24 CAPELA

- 25 ESCUDO-BRASÓN

- 26 CASA REITORAL

- 27 POZO

- 28 INMOBLE SAÍÑAS

- 29 CONSERVEIRA

- 30 CORREDOIRA

- 31 SILO

- 32 EIRA

- 33 ASERRADOIRO

Todo isto sen prexuízo da revisión do Catálogo que se está a iniciar con motivo dos traballos de revisión

do PXOM.

Finalmente, confirmar, como xa se deduce do punto 9.3.1. f da Memoria, que na tramitación deste IOP,

e trala aprobación inicial, se solicitou o informe vinculante á Consellería de Cultura, Educación e

Ordenación Universitaria previsto no artigo 34 da LPCG.

9.7.2.5. INFORME DA AXENCIA GALEGA DE INFRAESTRUTURAS (AXI).


CONTIDO: No dito informe faise constar que non é correcta a relación de estradas autonómicas que

figuran no Borrador, e se pide a súa corrección. Tamén se indica que o plano da Xerencia Municipal de

Urbanismo está mal grafiada a titularidade dos enlaces da AG-57 coa VG-20. Apórtase información sobre

cartografía dispoñible na páxina web da AXI e sobre contaminación acústica.

CONSIDERACIÓNS:

O erro observado no Borrador localízase, en efecto, no punto 6.2.2. da Normativa anexa a IOP, na que se

transcribiu exactamente a que figurou na normativa do PXOM 2008, polo que en efecto corrixiuse na

versión V.4. do IOP .




Páxina 86 de 116

Sobre os erros no plano informativo das estradas que está colgado na páxina web, tómase en

consideración para a súa corrección, aínda que non sexa o obxecto deste documento.

O documento corrixido remitiuse a informe sectorial da AXI, para a súa comprobación, trala aprobación

inicial, consonte ao disposto no artigo 23.2 da Lei 8/2013, do 28 de xuño, de estradas de Galicia, e o artigo

60 do seu Regulamento xeral (Decreto 66/2016, do 26 de maio), segundo xa se expón no punto 9.3.1.b da

Memoria Xustificativa.

9.7.2.6. INFORME DA DIRECCIÓN XERAL DE PESCA, ACUICULTURA E INNOVACIÓN TECNOLÓXICA/

CONSELLERÍA DO MEDIO RURAL E DO MAR.


CONTIDO: Sinala que no ámbito do Concello non constan autorizados establecementos de acuicultura

mariña ou continental. Si constan autorizados, no ámbito portuario instalacións nas que se desenvolven

actividades relacionadas cos produtos pesqueiros. Fanse consideracións a ter en conta sobre

planificación de acuicultura en Galicia, referidas basicamente á Estratexia galega de acuicultura e ao

Plan Director de Acuicultura Litoral.

CONSIDERACIÓN: Debe de terse en conta que o IOP que agora se tramita é un instrumento de

ordenación urbanística provisional tramitado consonte ao disposto na LMFAO, e que ten moi limitadas as

súas capacidades discrecionais de ordenación, toda vez que se trata, como se explica nesta Memoria,

de recuperar a ordenación dun plan xeral anulado por unha sentenza nuns determinados supostos, e

sempre que dita reviviscencia non precise dunha avaliación ambiental estratéxica ordinaria.

A actividade da acuicultura mariña, litoral e continental require, en determinadas localizacións e

intensidades, a avaliación de impacto ambiental e a implantación de medidas correctoras e de

seguimento dos seus posibles impactos e interaccións con outras actividades (portuarias, comerciais,

turísticas ou residenciais).

Por estas razóns, en tanto o Plan Director de Acuicultura Litoral non entre en vigor, enténdese que as

recomendacións que se fan no Informe da Dirección Xeral de Pesca, deben de estudarse no expediente

de revisión do PXOM de Vigo en tramitación.

9.7.2.7. ESCRITOS RECIBIDOS NO PERÍODO DE CONSULTAS DOS COLECTIVOS: ASOCIACIÓN ECOLOXISTA

VERDEGAIA, E CONXUNTA DE “A TERRA NON SE VENDE”, “A RÍA NON SE VENDE “ E “SALVEMOS MONTE

FERRO”.

DATAS: 25 /09/2017

CONTIDO: Trátase de dous escritos, cun contido similar, dirixidos ao órgano ambiental da Xunta de Galicia

(Dirección Xeral de Calidade Ambiental da Consellería de Medio Ambiente e O.T.), no período de

consultas do Documento Ambiental estratéxico e o Borrador de IOP remitido polo Concello de Vigo.

No corpo dos escritos arguméntase diversas cuestións: a inadecuada base xurídica do IOP de Vigo de

2017; a necesidade de tramitación da IOP como un novo PXOM en base ao disposto na Lei 2/2016 do




Páxina 87 de 116

Solo e da Lei 21/2013 de Avaliación Ambiental; a necesidade de someter a IOP a AAE ordinaria; a

inadecuación da cartografía empregada e, no caso do primeiro dos escritos, recóllense unha serie de

reflexións sobre as características e evolución histórica do modelo territorial da cidade de Vigo.

CONSIDERACIÓNS:

A Base xurídica da IOP figura mencionada no punto 5 desta Memoria Xustificativa relacionada cos

fundamentos da Lei 2/2017 de Medidas Fiscais, administrativas e de ordenación (LMFAO), do 8 de febreiro

de 2017 da Xunta de Galicia,(publicación no DOG número 28, o xoves 9 de febreiro de 2017). O Concello

de Vigo acordou acollerse a esta LMFAO e propoñer un instrumento de ordenación provisional mediante

acordos do Consello da Xerencia Municipal de Urbanismo do 27/04/2017 e do Pleno Municipal do

26/07/2017.

A LMFAO non considera equivalente un IOP, sometido a unha serie de limitacións e condicións tanto

formais como procedimentais, a unha revisión nin a unha modificación do PXOM. O informe urbanístico

emitido pola Dirección Xeral de Urbanismo, en cumprimento do artigo 88.2 da LMFAO, en relación co

Estudo previo remitido polo Concello de Vigo, non formula ningunha observación que implique a

tramitación da IOP como Modificación ou revisión do PXOM, senón que conclúe “En consecuencia, e

analizada a documentación aportada polo Concello de Vigo correspondente ao Estudo das Medidas

Provisionais de Ordenación aos efectos do informe urbanístico referido no artigo 88.2 da Lei 2/2017,

pódese concluír que este se axusta ao establecido na lei, agás no ámbito “A-5-71 Metalúrxica”, que

carece do requisito legalmente establecido canto á existencia de contar con instrumento de

equidistribución aprobado definitivamente de acordo co PXOM 2008 obxecto de anulación, polo que

debe ser excluído da proposta de Ordenación Provisional”.

En canto á decisión sobre necesidade de someter o IOP á avaliación ambiental ordinaria ou simplificada

é, en todo caso, unha competencia do órgano ambiental (Dirección Xeral de Calidade Ambiental e

Cambio Climático) que, á vista do DAE e o Borrador de IOP elaborado polo Concello de Vigo, e tralo

período de consultas e respostas recibidas, resolveu no Informe Ambiental Estratéxico de 16.10.2017 non

someter ao procedemento de avaliación ambiental estratéxica ordinaria o IOP do Concello de Vigo.

A cartografía empregada na IOP e os medios técnicos empregados son os últimos dispoñibles no Concello

de Vigo. No punto 3.1. desta memoria xustificativa recoñécese a obsolescencia (data de 1985) da

cartografía sobre a que se debuxou o PXOU 93 vixente trala anulación por sentenza do PXOM 2008, un

plan, por outra banda, debuxado de forma manual, sen que exista un soporte gráfico dixital.

Nos puntos 9 Xustificación do contido da IOP e 10 Normas de interpretación desta memoria xustificativa

do IOP explícase o complexo proceso de fusión entre a ordenación proposta nos dous plans, que obrigou

a preparar un xogo de planos serie 1 a escala 1/5000, e dous xogos de planos series 2-A e 2-B a escala

1/2000 nos que se representa, no primeiro deles (2-A) a ordenación provisional sobre unha cartografía

actualizada con respecto ao PXOM 2008, e no segundo (2-B) a combinación da ordenación provisional

coa ordenación do PXOU 93 vixente no resto do Termo Municipal. Esta cartografía que serve de base

agora para o IOP é o froito da fusión por un lado da parte da cartografía que no seu momento serviu de

base para o PXOM08, restituída no ano 2006 sobre voo do 2005, e outra parte (dende a folla 10-k cara ao

sur e cara ao oeste) restituída e debuxada no ano 2013 a partir do voo de setembro de 2011.




Páxina 88 de 116

Figura: superposición das follas da cartografía empregada. (Cor morada: ano 2011/ branca: ano 2006)

Non obstante, dicir, que a IOP se debuxou en formato SIX, xeorreferenciado en coordenadas ETRS89/ UTM

fuso 29, o que permite a utilización das súas capas en visores e a superposición sobre as ortofotografías

máis actualizadas. Igualmente, en canto a documentación gráfica xerada nos xogos de planos, no

tempo transcorrido entre a elaboración do Estudo previo, do Borrador de Plan e desta documentación

para a aprobación inicial, introducíronse melloras e correccións no sistema de representación, tendentes

á mellor comprensión e entendemento da ordenación provisional que se propón.

Todo isto sen prexuízo da necesaria actualización da cartografía que se está a abordar para a súa

utilización na revisión do PXOM en marcha.

E por último, verbo das reflexións xerais sobre o modelo territorial de Vigo engadidas pola Asociación

Verdegaia, os servizos técnicos municipais coinciden no seu interese e desexarían se tiveran en conta na

maior medida posible no novo Plan Xeral que xurda da revisión que se tramita en paralelo a esta IOP.

9.7.2.8. OUTROS ESCRITOS RECIBIDOS DE PARTICULARES

DATAS : VARIAS ata o 25/09/2017

CONTIDO: Trátase de 15 escritos de particulares recibidos na sede electrónica da Dirección Xeral de

Calidade Ambiental e Medio Climático da CMAOT, Xunta de Galicia, e por correo, durante o período de

consulta pública do documento ambiental estratéxico e borrador da IOP.




Páxina 89 de 116

CONSIDERACIÓN: En xeral, trátanse de escritos que se refiren a cuestións de índole particular de

ordenación referentes a parcelas concretas propiedade dos interesados, que non están relacionados

coa fase procedimental de consultas ambientais na avaliación ambiental estratéxica.

No que atinxe ás suxestións recibidas que propoñen a modificación da ordenación detallada do PXOM

2008, ou a incorporación á IOP de casos non encadrables entre os supostos contemplados nos artigos 91

e 92 da LMFAO débese ter en conta que un Instrumento de Ordenación Provisional (IOP) tramitado con

suxeición ao disposto na Lei 2/2017, do 8 de febreiro, de medidas fiscais, administrativas e de ordenación

non ten practicamente ningunha marxe de discrecionalidade para establecer unha nova ordenación

urbanística, e debe limitarse a recoller a ordenación do plan xeral anulado (art. 90 LMFAO), polo que non

cabe introducir modificacións á ordenación do PXOM 2008, e este tipo de suxestións deben de remitirse

á revisión do Plan en tramitación.

Por outra banda, noutro orde de cousas, lémbrase que os interesados disporán das canles de

participación e información pública legalmente establecidas para garantir a súa intervención no

instrumento que finalmente se aprobe, así o artigo 93 da nomeada LMFAO, que contempla un trámite de

información pública do documento aprobado inicialmente, por un prazo mínimo de vinte (20) días,

mediante anuncio que se publicará no Diario Oficial de Galicia e en un dos periódicos de maior difusión

da provincia, prazo durante o cal poderá efectuar as alegacións que considere convenientes. Nese

período, procurarase a maior divulgación e dotación de medios, que permita a mellor información e

participación pública no proceso.

Nos mesmos termos pódese dar resposta á maioría das suxestións presentadas por particulares

directamente no Concello neste período de redacción do IOP.

No que respecta ás presentadas que solicitan a incorporación á IOP de determinados ámbitos de Solo

Urbano non consolidado ou de Solo Urbanizable danse dúas situacións: Nalgunhas delas (como na APR

AOD A-5-16 GUIXAR, ou na APR AOD 5-39 VÍA NORTE) non se dan as condicións establecidas no artigo

92.2. para considerar o interese xeral en atención ao seu grado de desenvolvemento urbanístico, xa que

non conseguiron no seu día nin a aprobación definitiva do instrumento de equidistribución nin cumprido

co deber de cesión e de distribución de cargas e beneficios.

Noutros (como son os casos dos ámbitos S-23-R PARROCHA ou S-29-R SEGADE), sectores de solo

urbanizable do PXOM 2008, que se pretenden incorporar á ordenación provisional en atención ao

disposto no artigo 92.1 da LMFAO en canto a ámbitos cun especial interese xeral por tratarse de

planificación de actividades produtivas ou empresariais que acubillen usos industriais, terciarios,

comerciais en substitución de usos residenciais, remitímonos ao dito no punto 5.3.2. do Estudo previo da

situación derivada da anulación do PXOM 2008 pola STS integrante deste expediente, no que en

referencia a este tipo de ámbitos dicíase:

“ 5.3.2.Ámbitos con interese xeral na planificación de actividades económicas, produtivas ou empresariais

con substitución de usos industriais, terciarios ou comerciais.-




Páxina 90 de 116

En relación con este epígrafe do artigo 92 da LMFAO 2017 non se aprecia, de momento, a existencia de

ningunha iniciativa concertada, viable e xustificada que, refrendada pola institución municipal,

recomende a adopción dunha ordenación provisional concreta a ningún ámbito do termo municipal.”

A aparición neste momento de iniciativas deste tipo, sobre ámbitos que nos sete anos de vixencia do

PXOM 2008 non houbo ningunha iniciativa privada de desenvolvemento, por parte de propietarios que

non dispoñen da totalidade da propiedade dos mesmos, e sen ningunha seguridade en canto a

viabilidade inmediata, nin garantía do seu desenvolvemento, recomendan, cando menos, a non

incorporación dos mesmos nesta IOP, para, no seu caso, un estudo máis polo miúdo en expediente

independente.

A maior abundamento se debe ter en conta a necesaria coordinación coa revisión do PXOM en marcha ,

e a circunstancia de que a presente Ordenación Provisional ten superada a decisión de sometemento a

avaliación ambiental estratéxica simplificada, cun Borrador que non inclúe ningún deste ámbitos.

En canto á solicitude de incorporación ao IOP dunha parte do ámbito A-4-37 OFIMATICO como SUC, xa

se expoñen no punto 6.2.2. desta memoria Xustificativa as razóns polas que esta cuestión debe de

resolverse en expedientes de modificación puntual de planeamento, ou na revisión do PXOM

actualmente en tramitación, e non deben formar parte das áreas incorporadas no instrumento de

ordenación provisional.

9.8. XUSTIFICACIÓN DAS CORRECCIÓNS EFECTUADAS EN RELACIÓN CO BORRADOR DE PLANEAMENTO

Na versión V.4 do IOP do concello de Vigo, ademais das correccións derivadas dos recomendacións

incluídas no Informe Ambiental, que se recollen no punto anterior, efectuáronse correccións derivadas

das comprobacións e erros materiais detectados no Borrador, e que se poden resumir na seguinte

relación:

- Incluír no IOP zonas en ordenanza 14 que se situaban en franxas de protección de viais de ordenanza

3.1.B. no PXOU 93.

- Retirar do IOP algunhas zonas en ordenanza 1.2. do PXOU 93 que pasaron a ordenanza 6 no PXOM

2008 e que se incluíron erroneamente no Borrador do IOP.

- Incluír no IOP algunhas zonas de ordenanza 1.3. no PXOU 93 que pasaron a ordenanzas 3 e 4 no

PXOM 2008 que non figuraron no Borrador do IOP.

- Eliminar da ordenación provisional zonas de ordenanzas 13 ou 14 no Borrador do IOP unha vez

detectada a titularidade privada ou a súa inclusión en delimitacións de Plans Especiais de

Protección, en solo urbano consolidado.

- Excluír o sistema xeral do Monte da Mina, en termos similares aos expostos no apartado 9.1.1.h) desta

memoria, co obxecto dun mellor estudio do ámbito (igrexa parroquial de Castrelos e o seu entorno,

accesos e viario previsto) na revisión do futuro PXOM, con maiores garantías de preservación do

medio ambiente da paisaxe e o patrimonio cultural.




Páxina 91 de 116

- Eliminar do IOP zonas de ordenanza 15, de titularidade privada, que non se vinculan ao sistema xeral

portuario ou aeroportuario.

- Incorporar á documentación gráfica do IOP os trazados viarios resultantes das Modificacións Puntuais

do PXOU 93 e Seminario-Corredoira (A Raposeira).

- Mellorar a representación e localización das etiquetas de cualificación de ordenanzas e graos nos

planos do IOP que non figuraron correctamente no Borrador do IOP.

- Incorporar ao IOP zona de ordenanza 16, da AOP-09 SAN GREGORIO do PXOM 2008, que por erro

non figurou no Borrador da IOP, atopándose no suposto contemplado no punto 4.1.d) da Memoria

Xustificativa “As zonas de ordenanza especial 16 (AOPs) nas que se solicitaron, ou concederon,

licenzas de edificación ou legalización axustadas á dita ordenación no período de vixencia do PXOM

2008”. No caso desta AOP consta a solicitude de licenza en tramitación 70130/421.

9.9. XUSTIFICACIÓN DAS CORRECCIÓNS REALIZADAS NO DOCUMENTO PARA APROBACIÓN INICIAL EN

RELACIÓN COS INFORMES SECTORIAIS

9.9.1. INFORME EN MATERIA DE COSTAS DA DIRECCIÓN XERAL DE MEDIO AMBIENTE E ORDENACIÓN DO

TERRITORIO. XUNTA DE GALICIA

En data 12 de xaneiro de 2018 tivo entrada no Rexistro da XMU (doc. 180009002) o informe da directora

xeral de Ordenación do Territorio e Urbanismo, de data 08.01.18, en materia de costas en relación co

artigo 24 do Decreto 158/2005, de 2 de xuño, polo que se regulan as competencias autonómicas en la

zona de servidume de protección del dominio público marítimo-terrestre.

Derivadas do dito informe efectuáronse as seguintes correccións e/ou modificacións:

• Engadiuse no apartado 9.3.1 na relación de normativa en materia de costas a Lei 2/2013, do 29

de maio, de protección e uso sostible do litoral e modificación da lei de costas e o Real Decreto

876/2014, de 10 de outubro, polo que se aproba o regulamento xeral de costas; que xa se tiveron

en conta na redacción do documento, pero non se incluían na dita relación.

• Reflíctese nos planos a liña da ribeira do mar (empregáronse os arquivos vectoriais facilitado polo

Servicio Provincial de Costas do Estado)

9.9.2. INFORME DA DIRECCIÓN XERAL DE AVIACIÓN CIVIL. MINISTERIO DE FOMENTO

1.- En data 06 de febreiro de 2018 tivo entrada no Rexistro da XMU (doc. 180020385) o informe da Dirección

Xeral de Aviación Civil de data 31 de xaneiro de 2018, de conformidade co disposto na Disposición

Adicional 2ª do Real Decreto 2591/1998 de 4 de diciembre, sobre la Ordenación de los Aeropuertos de

Interés General y su Zona de Servicio.

Derivadas do dito informe efectuáronse as seguintes correccións e/ou modificacións:

• Incorpórase no apartado 9.3.1 desta memoria un subapartado de normativa sectorial en materia

aeronáutica.




Páxina 92 de 116

• Incorpóranse á normativa urbanística as disposicións establecidas no antedito informe,

concretamente:

o Modificase, na sección 3ª Clase Aeroporto do Capítulo 4.10. Uso do Transporte e

Comunicacións do Título IV Normas Xerais de Uso da normativa urbanística, o artigo 4.10.7

Definición incorporando a disposición proposta en materia de “Sistema Xeral Aeroportuario”.

o Substitúese, no capítulo 7.1 Protección Medioambiental do Título VII Normas Xerais de

Protección da normativa urbanística, o apartado 4 do artigo 7.1.8 Contaminación acústica

e vibratoria polo texto proposto.

o Modificase na sección 3ª Clase Aeroporto do Capítulo 4.10. Uso do Transporte e

Comunicacións do Título IV Normas Xerais de Uso, da normativa urbanística, o artigo 4.10.8

Servidumes incorporando as disposicións contidas no artigo 10 e 16 do Decreto 584/72 de

servidumes aeronáuticas na súa actual redacción e as disposicións que permiten acreditar

que, en caso de contradición con calquera disposición da Normativa Urbanística,

prevalecerá o establecido pola normativa estatal en materia de servidumes aeronáuticas.

• En canto ao sistema xeral aeroportuario, incorpóranse os planos relativos á instalación

radioeléctrica aeronáutica “Centro de Emisores”, concretamente se engaden os seguintes planos

de ordenación: da Serie 1 folla 13 e da Serie 2 folla 11-U.

• Tómase en conta a recomendación de que se recolla a Área de Cautela no IOP, polo que se

reflicte agora nos correspondentes planos de ordenación (concretamente na Serie 1 folla 8, Serie

2 follas 8-V e 8-W) e tamén na súa lenda/cartela.

• No que se refire á representación das servidumes aeronáuticas, incorpóranse nunha nova serie 0

de planos de ordenación a escala 1:10.000, polo que se elimina a información incorporada aos

planos da Serie 1. Nesta serie represéntanse as servidumes do Real Decreto 2278/1986 e as

servidumes do Plan Director do estado actual e do desenvolvemento previsible, debuxadas tal e

como se sinalan nos arquivos (en formato .dwg) enviados pola Dirección Xeral de Aviación Civil.

• En relación ás zonas incluídas no ámbito da ordenación provisional, afectadas polas servidumes

aeronáuticas, se modificaron os seguintes ámbitos/zonas da delimitación do IOP:

Superficies Horizontal Interna e Cónica:

o Folla 5-R: Suprímense as zonas de solo urbano consolidado (en adiante, SUC) cualificadas

coa Ordenanza 10-1ºao norte e ao oeste do plano nas que, segundo o informe, o propio

terreo vulnera as superficies e nas que as alturas das construcións do seu entorno poderían

producir vulneración das superficies.

o Folla 6-U: : Suprímense as zonas de SUC cualificadas coa Ordenanza 10-1º ao nordeste do

plano nas que, segundo o informe, o propio terreo vulnera as superficies e nas que as alturas

das construcións do seu entorno poderían producir vulneración das superficies.

o Folla 13-S: Suprímense as zonas de SUC cualificadas coa Ordenanza 12-3º nas que, segundo

o informe, o propio terreo vulnera as superficies, nas que as alturas das construcións do seu

entorno poderían producir vulneración das superficies e aquelas que estaban clasificadas

como solo non urbanizable de especial protección.

o Folla 6-T: Suprímense as zonas de SUC cualificadas coa Ordenanza 10-1º do plano nas que,

segundo o informe, as alturas das construcións poderían producir vulneración das superficies.




Páxina 93 de 116

o Folla 7-U: Suprímense as zonas de SUC cualificadas coa Ordenanza 10-1ºao norte-nordeste

do plano nas que, segundo o informe as alturas das construcións poderían producir

vulneración das superficies.

o Folla 6-P: Suprímense o sistema xeral SXA nas que, segundo o informe, as alturas das

construcións poderían producir vulneración das superficies.

o Folla 10-T: Suprímense o sistema xeral SXA no que, segundo o informe, as alturas das

construcións poderían producir vulneración das superficies.

o Folla 12Q e Folla 12-R: Suprímense os sistemas (de equipamentos) nos que, segundo o

informe, as alturas das construcións poderían producir vulneración das superficies.

o Folla 12-S, Folla 13-R e Folla 13-S: suprímese os sistemas (de equipamentos) nos que, segundo

o informe, as alturas das construcións poderían producir vulneración das superficies, así como

o entorno das vulneracións de SUC cualificadas coa ordenanza 12-3º e conforme ao disposto

no mesmo apartado.

Superficies de limitación de alturas das instalacións Radioeléctricas

o Folla 10-V: Suprímese o sistema xeral (área do IFEVI) xa que, segundo o informe, o propio

terreo vulnera a superficie de limitación de alturas e o seu entorno, que pode producir a

vulneración de ditas superficies.

o Folla 7-W: Suprímese a zona de SUC cualificada coas ordenanzas 12-3º e 10-1º que, segundo

o informe, pode producir a vulneración superficie de limitación de alturas.

o Fola 7-U e 7-V: Suprímese as zonas de SUC ao este e nordeste cualificadas coa ordenanza

10-1º nas que, segundo o informe, pode producir a vulneración superficie de limitación de

alturas.

2.- En data 01 de Xuño de 2018 tivo entrada no Rexistro da XMU (doc. 180084347) o informe da Dirección

Xeral de Aviación Civil de data 30 de maio de 2018, de conformidade co disposto na Disposición Adicional

2ª do Real Decreto 2591/1998 de 4 de diciembre, sobre la Ordenación de los Aeropuertos de Interés

General y su Zona de Servicio, respecto do documento V.2 do IOP remitido xunto co oficio da

Vicepresidenta da XMU do 12.03.2018 . Nos seus apartados 4, 5 e 7 sinálase o sentido favorable do informe,

no referente á delimitación e determinacións relativas ao sistema Xeral Aeroportuario de Vigo, ás

afeccións acústicas e as servidumes aeronáuticas do aeroporto de Vigo, respectivamente.

9.9.3. INFORME DA DEMARCACIÓN DE ESTRADAS DO ESTADO EN GALICIA: REQUIRIMENTO DE

SUBSANACIÓN.

En data 20 de febreiro de 2018 tivo entrada no Rexistro da XMU (doc. 180027160) o informe, de 14 de

febreiro de 2018, do enxeñeiro xefe da demarcación en materia de estradas do Estado, en relación co

artigo 16.6 da Lei 37/2015 de 29 de setembro, polo que previo á aprobación inicial, o órgano competente

para aprobar inicialmente o instrumento correspondente, deberá poñelo en coñecemento do Ministerio

de Fomento, para que este emita informe. Neste informe requírese unha serie de correccións e

documentación adicional.




Páxina 94 de 116

Conforme ao disposto no requirimento de subsanación, redactouse a documentación do IOP na súa

versión v.3, á que se acompañou unha Separata específica, no anexo 7 da v.3, na cal describíronse ao

por miúdo as incorporacións e correccións derivadas de dito informe, que se resumen nas seguintes:

• A incorporación da liña de edificación e a aresta exterior da calzada nos ámbitos que recupera o

IOP, representadas na Serie 2.

• A incorporación das liñas anteriores e as de servidume e afección no ámbito de ordenación

detallada A-3-37 Tomás Paredes 1.

• A incorporación dos estudios informativos aprobados establecendo as reservas de terreos que

permitan o seu desenvolvemento.

• Incorporación na normativa urbanística dos extremos sinalados no informe sobre a definición das

zonas de protección de viario e de contaminación acústica e vibratoria.

En data 22 de xuño de 2018 tivo entrada no Rexistro da XMU (doc. 180097412) o informe da Demarcación

de Estradas do Estado. O apartado de Conclusións sinala que se informa favorablemente o instrumento

de ordenación provisional v.3 remitido coas condicións que se sinalan no mesmo, e que, en resumo:

- Incorporación á normativa de diversos aspectos relacionados coas estradas estatais, para o que se

modifican os artigos: 6.2.3. Limitacións da propiedade nas estradas da Rede de Estradas de Estado,

ao que se engade un punto 2; 5.10.15 Publicidade en estradas, ao que se engade un punto 2, e 7.1.8

Contaminación acústica e vibratoria, do cal se modifica o punto 4.

- Outras recomendacións de índole menor, tales como a non inclusión en ámbitos de futuros

desenvolvementos de terreos de titularidade estatal ou recomendacións sobre a iluminación ou

drenaxes das estradas.

9.9.4. INFORME Á DIRECCION XERAL DE FERROCARRIS

En data 05 de decembro de 2018 remítese á Subdirección Xeral de Planificación Ferroviaria-ADIF, en

formato dixital para a emisión do informe previo á aprobación inicial, previsto no artigo 7.2. da Lei 38/2015,

do 29 de setembro, do sector ferroviario, o documento V.1. do INSTRUMENTO DE ORDENACIÓN

PROVISIONAL (IOP no sucesivo).

Transcorrido o prazo previsto no artigo 7.2 da Lei, de dous meses computados desde a data de súa

recepción (14 de decembro de 2017) se non se houbese evacuado o informe citado polo referido

Ministerio, entenderase a súa conformidade co proxecto urbanístico.

9.9.5. INFORME EN MATERIA DE COSTAS. SERVIZO PROVINCIAL DE COSTAS DO ESTADO

En data 03 de abril de 2018 tivo entrada (xustificante de recepción do SIR) no Concello de Vigo, informe

da Dirección xeral referido ao Instrumento de Ordenación Provisional, emitido o 28 de marzo do 2018.

Segundo o informe, unha vez sexan tidas en conta as observacións sinaladas, o expediente completo,




Páxina 95 de 116

dilixenciado e previamente a súa aprobación definitiva, remitirase de novo a esa Dirección Xeral, a través

do Servizo Provincial para a emisión do informe dos artigos 112.a) e 117.2 da Lei de Costas.

Para dar cumprimento as observacións e suxerencias contidas no informe, realizáronse as seguintes

aclaracións e incorporacións, que se resumen en:

• A escala empregada, a escalas 1/5.000 para a clasificación do solo, e escala 1/2.000 para a

ordenación pormenorizada do solo urbano, son escalas reguladas no Regulamento da Lei 2/2016, do

10 de febreiro, do solo de Galicia. A lenda incorpora a simboloxía referida ao IOP.

A serie 2B Ordenación pormenorizada e PXOU93, sirve como documento de referencia para identificar

o documento que operará nunha parcela ou ámbito determinado. Xa que, como se indica no

parágrafo anterior, o instrumento que se tramita é o IOP, é a simboloxía deste a que se incorpora na

lenda dos planos.

• Para a representación das afeccións en materia de Costas, empréganse os cores grises para facilitar

a reprodución dos mapas e a identificación dos elementos que os compoñen, por calquera usuario,

polo que se primou a representación gráfica por simboloxía. Non obstante, engádese a maiores un

sistema de cores que facilite a súa comprensión, empregando os da simbolización da cartografía

facilitada polo servizo Provincial de Costas.

• Para a delimitación do Porto de Vigo, empregouse a documentación gráfica remitida a esta Xerencia

de Urbanismo pola Autoridade Portuaria de Vigo (con rexistro de entrada do 23/11/2015), da

Delimitación de Espazos e Usos Portuarios, aprobada definitivamente mediante ORDE FOM/822/2015,

do 13 de abril (BOE 06.05.2015).

• Non se realizaron os planos correspondentes a aquelas áreas do termo municipal que non afectan nin

son obxecto do Instrumento de Ordenación Provisional, por ese motivo non se atopan entre eles os

planos, por exemplo, das Illas Cíes.

• Represéntanse as liñas de servidume, conforme ao disposto no artigo 227 do Regulamento da lei de

Costas. Para elo, empregáronse os arquivos vectoriais e formato .dgn facilitado polo Servicio Provincial

de Costas do Estado en informe de data 11/01/2016 con referencia AA/IA e Rexistro Entrada do

Concello de Vigo de 19/01/2016. Neste senso, e tras as conversas mantidas no Servizo Provincial,

incorporáronse:

o A ribeira do mar

o A servidume de tránsito

o A servidume de acceso ao mar (no solo urbano consolidado do IOP, coincidente coas

aliñacións representadas)

o A zona de influencia

• O IOP non incorpora solo urbanizable, xa que non forma parte dos obxectivos do propio instrumento,

de conformidade coa LMFAO.




Páxina 96 de 116

• Incorporación, na normativa urbanística, dos extremos sinalados no informe en relación a lexislación

de costas, aos valados e ao catálogo, unha vez revisado polos servizos xurídicos.

• O IOP non contempla o desenvolvemento de ámbitos de planeamento. Unicamente se incorporan

ao IOP dous ámbitos de planeamento remitido en solo urbano (APR A-3-10 e A-3-37), que xa contan

coa súa ordenación detallada, que se recupera do propio PXOM08, así como o seus instrumentos de

equidistribución definitivamente aprobados, e cumpre co disposto no artigo 92 da LMFAO, tal e como

se xustifica na propia memoria e no anexo 3 do IOP.

9.10. PERÍODO DE INFORMACIÓN PÚBLICA/ INFORMES SECTORIAIS/ ALEGACIÓNS / XUSTIFICACIÓN DAS

MODIFICACIÓNS REALIZADAS NO DOCUMENTO APROBADO INICIALMENTE V.4.

Tras a aprobación inicial que tivo lugar en data 18.07.2018, o expediente someteuse ao trámite de

información pública previsto no artigo 93.3 da LMFAO mediante a publicación de anuncios no DOG núm.

176 do 14.09.2018 e no xornal Faro de Vigo o día 24.08.2018, e practicáronse notificacións individualizadas

a todas as persoas titulares catastrais dos terreos afectados, de acordo co modelo definido dende a

Secretaría da XMU.

A notificación individualizada supuxo a práctica de máis de 37.000 notificacións, así como a publicación

dos anuncios esixidos no artigo 44 da Lei 39/2015, do 1 de outubro, do procedemento administración

común das Administracións públicas (BOE núm. 54 do 04.03.2019 e núm. 68 do 20.03.2019) para o caso de

notificacións infrutuosas por non resultar esta posible ao tratarse de propietarios descoñecidos, ignorarse

o lugar da notificación ou ben cando, intentada esta, no se puido practicar.

A documentación inicialmente aprobada e o texto íntegro da notificación, estiveron dispoñibles no

seguinte enderezo: http://hoxe.vigo.org/movemonos/urb_plan_gest_1aa.php?lang=cas#/

Asemade, durante ese mesmo período solicitáronse os seguintes informes sectoriais, de acordo co

previstos no artigo 93.4. da LMFAO, na súa relación coa vixente lexislación sectorial, segundo a

continuación se detalla:

1) AUGAS DE GALICIA

De acordo co previsto no Decreto 143/2016, do 22 de setembro, polo que se aproba o Regulamento da

Lei 2/2016, do 10 de febreiro, do solo de Galicia, na súa relación co artigo 39 da Lei 9/2010, do 4 de

novembro, de Augas de Galicia e artigo 43 da Lei 12/2014, do 22 de decembro, de medias fiscais e

administrativas e demais de aplicación, solicitouse informe sectorial nas materias da súa competencia.

2) AUTORIDADE PORTUARIA DE VIGO

De acordo co Decreto 143/2016, de 22 de setembro, polo que se aproba o Regulamento da Lei 2/2016,

do 10 de febreiro, do solo de Galicia, na súa relación co artigo 56.1 do Real decreto lexislativo 2/2011, do

5 de setembro, polo que se aproba o texto refundido da Lei de portos do Estado e da mariña mercante,

previo ditame, de ser o caso, da Comisión de Faros, solicitouse informe nas materias da súa competencia.

3) AXENCIA GALEGA DE INFRAESTRUTURAS




Páxina 97 de 116

De acordo co Decreto 143/2016, do 22 de setembro, polo que se aproba o Regulamento da Lei 2/2016,

do 10 de febreiro, do solo de Galicia, na súa relación co artigo 23.2 da Lei 8/2013, do 28 de xuño, de

estradas de Galicia, solicitouse informe sectorial en todas as materias da súa competencia.

4) CONFEDERACIÓN HIDROGRÁFICA


do 10 de febreiro, do solo de Galicia, na súa relación co artigo 25.4 do Real decreto lexislativo 1/2001, do

20 de xullo, polo que se aproba o texto refundido da Lei de augas e 22.3 do Real decreto lexislativo 7/2015,

do 30 de outubro, polo que se aproba o texto refundido da Lei de solo e rehabilitación urbana, solicitouse

informe nas materias da súa competencia.

5) CONSELLERÍA DE MEDIO AMBIENTE E ORDENACIÓN DO TERRITORIO

Solicitouse informe nas materias da súa competencia e informóuselle dos diferentes informes sectoriais

peticionados, instándolle a que comprobara se, ao seu xuízo, debería recabarse algún outro.

6) CONSELLERÍA DE MEDIO AMBIENTE E ORDENACIÓN DO TERRITORIO. DIRECCIÓN XERAL DE

CONSERVACIÓN DA NATUREZA


do 10 de febreiro, do Solo de Galicia, na súa relación co artigo 59.3 do anexo II do Plan director da Rede

Natura 2000, artigo 6 da Directiva 92/43/CEE, relativa á conservación dos hábitats naturais e da fauna e

flora silvestre e, no seu caso, artigo 5.4 do Decreto 106/2015, do 9 de xullo, sobre contaminación acústica

de Galicia.

7) DELEGACIÓN DO GOBERNO


do 10 de febreiro, do solo de Galicia, na súa relación coa disposición adicional segunda da Lei 13/2003,

do 23 de maio, reguladora do contrato de obras públicas, artigo 5 da Lei 34/1998, do 7 de outubro, do

sector de hidrocarburos, artigo 5 da Lei 24/2013, do 26 de decembro, do sector eléctrico e artigo 68 do

Real decreto 1434/2002, do 27 de decembro, polo que se regulan as actividades de transporte,

distribución, comercialización, subministración e procedemento de autorización e instalacións de gas

natural, solicitóuselle que, no exercicio das súas funcións, recabase os informes que resulten preceptivos.

8) DEPUTACIÓN PROVINCIAL DE PONTEVEDRA


do 10 de febreiro, do solo de Galicia, na súa relación cos artigos 23.2 da Lei 8/2013, do 28 de xuño, de

estradas de Galicia, 42 da Lei 12/2014, do 22 de decembro, de medidas fiscais e administrativas e

correlativos de aplicación, solicitouse a emisión de informe nas materias da súa competencia.

9) DIRECCIÓN XERAL DE EMERXENCIAS E INTERIOR




Páxina 98 de 116


do 10 de febreiro, do solo de Galicia, na súa relación coa disposición adicional quinta da Lei 5/2007, do

7 de maio, de emerxencias de Galicia, solicítase que, previa valoración da súa procedencia, solicitouse

o informe da Comisión Galega de Protección Civil referido na nomeada normativa.

10) INSTITUTO DE ESTUDOS DO TERRITORIO


do 10 de febreiro, do Solo de Galicia, na súa relación co artigo 7 da Lei 7/2008, do 7 de xullo, de Protección

da paisaxe de Galicia, solicitouse informe sectorial nas materias da súa competencia.

11) CONSELLERÍA DE MEDIO RURAL. DIRECCIÓN XERAL DE ORDENACIÓN E PRODUCIÓN FORESTAL


do 10 de febreiro, do solo de Galicia, na súa relación co artigo 66 da Lei 7/2012, do 28 de xuño, de

Montes de Galicia e 39 da Lei 43/2003, do 21 de novembro, de montes, solicitouse a emisión de informe

sectorial nas materias da súa competencia.

12) CONSELLERÍA DE CULTURA, EDUCACIÓN E ORDENACIÓN UNIVERSITARIA


do 10 de febreiro, do solo de Galicia, na súa relación co artigo 34.2 da Lei 5/2016, do 4 de maio, do

patrimonio cultural de Galicia, solicitóuselle a emisión de informe sectorial nas materias da súa

competencia.

13) PORTOS DE GALICIA


do 10 de febreiro, do solo de Galicia, na súa relación co artigo 40 da Lei 6/2017, do 12 de decembro, de

portos de Galicia, solicitouse informe nas materias da súa competencia, que terá carácter vinculante no

que respecta á ordenación da zona de servizo do porto afectado nos aspectos relacionados coa dita

competencia.

14) MINISTERIO DE ECONOMÍA Y EMPRESA

De acordo co Decreto 143/2016, do 10 de febreiro, do solo de Galicia, na súa relación co artigo 35 da Lei

9/2014, do 9 de maio, de telecomunicacións, solicitóuselle informe nas materiais da súa competencia.

O período de información pública finalizou 15.10.2018, isto é, vinte días despois da última publicación

(neste caso, no DOG). Finalmente, dada a magnitude do número de notificacións a practicar e a

complexidade do seguimento de tal volume de comunicacións, o prazo para presentar alegacións neste

caso rematou o día 22.04.2019.




Páxina 99 de 116

Resultado do período de información ao público e o contido dos informe sectoriais, modificouse a

documentación gráfica do IOP, dando lugar a versión V.5. Todas estas correccións e/ou modificacións

se analizan de seguido nos seguintes subapartados. As zonas modificadas sinálanse segundo o corte das

follas cartográficas escala 1:2000 (usado na Serie 2):

Referencia aos planos da Serie 2 con sinalación das follas corrixidas/modificadas

9.10.1. INFORMES SECTORIAIS RECIBIDOS E CORRECCIÓNS DERIVADAS DOS MESMOS.

En contestación á solicitude formulada durante o período de información pública recibíronse os informes

das administracións sectoriais seguintes:

DOC* DATA ORGANISMO SENTIDO

180149652 14/09/2018 EMERXENCIAS FAVORABLE

180156767 27/09/2018 IET FAVORABLE

180157208 28/09/2018 COSTAS GALICIA FAVORABLE

180157208 28/09/2018 POL FAVORABLE

180159696 02/10/2018 PATRIMONIO FAVORABLE CONDICIONADO

CORRECIONS

180161383 04/10/2018 PORTOS GALICIA DESFAVORABLE

180162691 08/10/2018 TELECOMUNICACIONES DESFAVORABLE




Páxina 100 de 116

180177983 07/10/2018 DEPUTACIÓN FAVORABLE

180183078 15/11/2018

DIRECCION XERAL CALIDADE

AMBIENTAL E CAMBIO CLIMATICO

(residuos)

FAVORABLE

180185185 19/11/2018 TELECOMUNICACIONES FAVORABLE

180191951 30/11/2018 CONFEDERACION HIDROGRAFICA

MIÑO-SIL FAVORABLE

190042531 22/03/2019 PORTOS GALICIA FAVORABLE

* Todos estes informes figuran no expediente administrativo do IOP.

Os informes relativos a Portos de Galicia (Entidade pública empresarial Portos de Galicia/ Consellería

do Mar da Xunta de Galicia) e de Telecomunicacións (Dirección General de Telecomunicaciones y

Tecnologías de la información del Ministerio de Economía y Empresa), nun primeiro momento

desfavorables, requiriron de correccións no documento inicialmente aprobado, segundo se explica a

continuación e, tras unha nova solicitude de informe, recibíronse, en ámbolos dous casos, senllos

informes favorables.

Tocante ao informe de Patrimonio cultural de Galicia (Dirección Xeral de Patrimonio, Consellería de

Cultura, Xunta de Galicia), a observancia das consideracións realizadas nel levou a efectuar as

modificacións que se citarán máis abaixo.

Así pois, de acordo co previsto no artigo 90 da LMAFO, o IOP debe dar cumprimento ao exixido pola

lexislación sectorial de acordo cos informes recaídos no procedemento.

PORTOS DE GALICIA:

O informe desfavorable de data 27/09/2018, recibido o 04/10/2018, referíase ao Porto de Canido, de

titularidade autonómica, a súa correcta delimitación segundo á DEYUP definitivamente aprobada, así

como á normativa transitoria en tanto non conte cun Plan Especial.

Como consecuencia do dito informe, modificouse o seguinte:

• Engadiuse a ficha do sistema xeral P02 segundo a DEYUP definitivamente aprobada

• Rectificouse a delimitación do solo urbano dos terreos adxacentes ao SX do Porto de Canido e

que a versión inicialmente aprobada da IOP incluía en ordenanza 15, de tal forma que agora

deíxanse fora da IOP.

• Elaboráronse novos planos da serie 2A e 2B (follas 16-C e 17-C) e da serie 1 (folla 14) con data

novembro 2018.

Ademais, na normativa:

- Modificáronse as categorías do uso Portos, deixando unha categoría única, independente da

titularidade do porto, (artigos Art.4.1.17.Estrutura xeral de usos e Art 4.10.1 Definición Clases e

Categorías).

- Modificouse o artigo 4.10.6, introducindo as normas de aplicación directa da Lei 6/2017, do 12 de

decembro, de portos de Galicia.




Páxina 101 de 116

Con estas modificacións o documento recibiu, en data 22.03.2019, o informe favorable asinado o

12.03.2019 pola xefa de Área de Explotación Portuaria e do director da Entidade Pública Empresarial

Portos de Galicia.

TELECOMUNICACIÓNS:

Polas observacións formuladas no informe desfavorable de data 8/10/2018, introducíronse

modificacións no documento inicialmente aprobado na parte correspondente á normativa

urbanística; en concreto, nos artigos 4.9.3. de Centrais e elementos de telefonía, 5.8.10. Dotación de

servizos de comunicacións, 6.5.10. de Antenas de telecomunicación e radio, artigo 7.2. de Tendidos e

elementos de infraestruturas e servizos e 8.15.3. de Canalizacións, obténdose o informe favorable do

director General de Telecomunicaciones y Tecnologías de la Información, del Ministerio de Economía

y Empresa, en data 13.11.2018, recibido o 18.11.2018.

PATRIMONIO:

En relación ao informe emitido pola directora xeral de Patrimonio Cultural da Xunta de Galicia, asinado

en data 27.09.2018, cómpre expoñer as seguintes consideracións a respecto ás observacións

realizadas nel:

I. BENS A PROTEXER.

O presente IOP non recupera o Catálogo de Edificios, Bens e elementos Protexidos do PXOM 2008,

como incorrectamente afírmase no parágrafo I.b.1.a. do nomeado informe sectorial, xa que o dito

Catálogo continúa vixente en aplicación do artigo 31.4 da Lei 5/2016, do 4 de maio, de patrimonio

cultural de Galicia e artigo 86 da LMFAO, a cuxo tenor: “ Aos efectos da protección do patrimonio

cultural e de aplicación da Lei do patrimonio cultural de Galicia, a simple declaración de nulidade do

instrumento de ordenación urbanístico non implicará a perda da condición de bens declarados de

interese cultural ou de bens catalogados dos bens incluído no catálogo do instrumento de ordenación

anulado, sendo de aplicación en todo caso o réxime derivado da lexislación indicada”.

Tampouco o IOP modifica nin revisa o dito Catálogo e nin sequera realiza a súa actualización e posta

ao día dos elementos que o integran. O expediente de revisión do PXOU-93, na actualidade en fase

de redacción polo equipo redactor adxudicatario do contrato, contempla entre os seus traballos, a

revisión e actualización do Catálogo anexo ao PXOM. Por isto, a maioría das recomendacións que se

formulan no informe emitido pola directora xeral do Patrimonio Cultural procede referilas a aquel

expediente de revisión. Xa que logo, darase traslado ao nomeado equipo redactor das ditas

observacións para a súa toma en consideración no novo plan xeral.

A documentación do IOP aprobada inicialmente unicamente transcribe a Normativa urbanística do

PXOM 2008, polo que incorpora as referencias que esta normativa realiza á normativa propia do

Catálogo (fichas individualizadas, listados e referencias).




Páxina 102 de 116

Non obstante, o IOP localizou sobre planos propios, a título informativo, a situación dos elementos

catalogados incluíndo a capa de xeorreferenciación dos mesmos. Esta localización non significa máis

que unha transcrición automática dos datos do Catálogo do PXOM 2008.

En canto á información dos elementos, xacementos e contornos que figuraban nos planos,

comprobáronse e corrixíronse os erros postos de manifesto no informe da Dirección Xeral de Patrimonio

Cultural, corrixíndose nos seguintes planos que se citan:

a) Elementos:

-Ámbito de Finca da Pastora (BIC): Exclúese do IOP (Follas 11-K e 11-L)

-Conxunto parroquial de San Pedro de Sárdoma: Exclúese do IOP (Folla 11-M)

-Achados arqueolóxicos do C-1 a C-32:

Comprobouse que agora se representan tal e como estaban no PXOM08. A codificación C-00,

correspóndese coas fichas do catálogo, e nos planos represéntase co acrónimo ACH-00 e un

perímetro de contorno de protección, e así aparece no IOP.

b) Xacementos e áreas de protección:

-Follas 17-J: Petróglifos de Millaradas 1 (GA36057049) X-049: foi corrixida a área de protección

-Follas 10-G: Xacemento do Fiunchal (GA36057087) X-087 do catálogo: foi corrixida a área de

protección

-Camiño de Santiago: o catálogo vixente (PXOM 2008) contén unha ficha que describe o seu

trazado, pendente de concreción definitiva a través dun Plan especial que non foi redactado nin

aprobado.

Non obstante, debe significarse que a cartografía do IOP non abrangue todo o termo municipal, dado

que o IOP non recupera as determinacións urbanísticas do PXOM 2008 en todo el, senón só nunha

parte. É por elo, que o IOP só inclúe a cartografía das zonas sobre as que intervén (zonas nas que

recupera as previsións do PXOM 2008) e prescinde das demais, ao non intervir nelas. Así pois, nas follas

cartográficas que sí forman parte do IOP representáronse os elementos catalogados existentes, tanto

cando se sitúan dentro das áreas afectadas por este instrumento como cando se sitúan en terreos non

afectados polo IOP. Sen embargo, dado que, como se expuxo, o IOP non incorpora as follas

cartográficas representativas de todo o termo municipal, existen no municipio máis elementos

catalogados dos que poden observarse na cartografía do IOP.

II. NORMATIVA DE PROTECCIÓN.

No tocante á normativa xeral integrada no PXOM 2008, incorporáronse nela as suxestións formuladas

pola Dirección Xeral de Patrimonio Cultural, principalmente encamiñadas a unha mellor adaptación

aos criterios e determinacións da vixente Lei 5/2016 do patrimonio cultural de Galicia (en diante

LPCG).

Así, suprimíronse as referencias que figuraban na normativa urbanística ao Inventario Xeral do

Patrimonio, e corríxense as denominacións dos contornos de protección, que pasan a denominarse

área de protección integral e áreas de respecto (contorno de protección).




Páxina 103 de 116

Tamén modifícanse os artigos 4.7.4. , 4.7.8, 4.8.3., 5.5.5 e 7.5.4. para precisar as limitacións nos usos do

subsolo derivadas da necesaria protección do patrimonio arqueolóxico, de acordo cos criterios do

informe de referencia.

E, no artigo 7.3.1. “Articulación da Protección” introdúcense referencias directas á aplicación dos

criterios e articulado da LPCG.

III. ORDENACIÓN

III.a) Exclusión zonas de ordenanza 1 e 2

No que se refire á exclusión do IOP do ámbito das zonas de ordenanza 1 e 2, que o Informe de

Patrimonio Cultural (punto III.a.) entende non xustificada, debe informarse que no punto 9.1.1.a) da

Memoria Xustificativa do IOP xustifícase tal exclusión do seguinte xeito:

“ Ditos ámbitos dos núcleos de Bouzas, do Casco Vello e do ensanche da cidade remítense na súa

ordenación no PXOU de 1993 a estes Plans Especiais redactados ao abeiro de dito planeamento,

recollidos basicamente no PXOM 2008 como planeamentos incorporados, e ofrecen unha solución

urbanística aceptable en canto aos seus obxectivos de protección e ordenación.”

O criterio dos técnicos municipais redactores do presente IOP é que a inclusión no IOP das ordenanzas

1 e 2 do PXOM 2008 non aporta unha mellora substancial en canto á protección do Patrimonio

edificado dada, por unha banda a pervivencia dos catálogos de protección tanto do PXOM 2008

como dos PEPRIs do casco vello, Bouzas e do PEEC (este último que contén elementos exteriores ao

seu propio ámbito) e, por outra banda, porque as devanditas ordenanzas 1 e 2 remiten,

principalmente, as propias ordenanzas de ditos plans especiais. E así:

• A ordenanza 1 de cascos Históricos do PXOM 2008 referíase aos ámbitos dos Cascos Vellos de

Vigo e de Bouzas. O primeiro deles trátase dun BIC declarado como Conxunto Histórico e remitía

na súa ordenación ás determinacións dos respectivos PEPRIs, da mesma forma que o PXOU de

1993 prevía a redacción de ditos PEPRIs.

• A ordenanza 2 de protección ambiental referíase a un ámbito non exactamente idéntico, e algo

superior en dimensións, ao do Plan Especial de Edificios, Conxuntos e Elementos a Conservar (PEEC

en adiante), onde o PXOM 2008 prevía a redacción dun novo Plan Especial a redactar,

denominado Plan Especial do Ensanche. A redacción deste plan chegou a contratarse no seu

momento e hoxe traballan no novo documento a elaborar e tramitar, os técnicos municipais.

En tanto non se aprobase o Plan do Ensanche, a ordenanza 2 propoñía unha ordenanza

transitoria cunha protección xeral e preventiva, que operaba principalmente na zona do ámbito

da ordenanza 2 non incluída no PEEC. Esa ordenanza transitoria, elaborada cunha vontade de

provisionalidade, presentou, ao longo da súa vixencia, dificultades de interpretación dada a súa

complexa redacción, o que non favoreceu a súa aplicación, polo que considerouse que requiría

un mellor estudo e aclaración no marco da revisión do PXOU.




Páxina 104 de 116

Así, a proposta de exclusión das zonas de ordenanza 1 e 2 do IOP figura no documento desde a

fase de inicio da avaliación ambiental estratéxica no DAE e no Borrador de planeamento, sen

que a Dirección Xeral do Patrimonio Cultural formulara ningunha observación a tal exclusión no

seu informe de data 19.09.2017.

Incorporar neste momento os ámbitos das ordenanzas 1 e 2 a este IOP suporía unha modificación

substancial do seu ámbito, que con toda posibilidade requiriría un novo inicio da fase de

avaliación ambiental estratéxica onde se valoraran os efectos sobre o medio ambiente. E, dado

que a propia Xunta de Galicia, recoñece co seu proceder a viabilidade de presentar nun mesmo

termo municipal unha ou varias propostas de IOP, non pode comprometerse neste momento, a

seguridade xurídica deste expediente nin o resultado da avaliación ambiental estratéxica

formulada, mediante a inclusión neste procedemento deses ámbitos (lémbrese que de

declararse a necesidade de sometemento a avaliación ambiental estratéxica ordinaria sería

inviable o presente instrumento, ex. artigo 84.5 da LMFAO).

III.b) Solo urbano consolidado nos contornos dos pazos de Castrelos e da Pastora

Excluíronse do IOP os seguintes ámbitos de ordenación: en ordenanza 4 ao redor de A-173 PASTORA,

e en ordenanza 10 na zona de Castrelos, CORREDOIRA.

Excluíuse da delimitación do IOP a zona de ordenanza 4 grao 1º no contorno do Pazo da Pastora (folla

11-K).

III.c) Bens catalogados que non aparecen recollidos

Corrixíronse os contornos de ARQUITECTURA:

- A-156 Igrexa Castrelos: contorno ficha e arquivo vectorial dwg non coinciden. (corríxese co

da ficha)

- A-154 Freixeiro: Contorno ficha e arquivo vectorial dwg non coinciden (corríxese co da ficha)

E fóra do ámbito do IOP corrixíronse as xeometrías das delimitacións dos seguintes xacementos

arqueolóxicos: X-90, X-035, X-112, X-113 e X-024

III.d) AOP-11 TOMÁS A. ALONSO

En canto á observación formulada de que no AOP-11 Tomás A.Alonso se faga constar a necesidade

de autorización en materia de patrimonio cultural “pola proximidade a un ben catalogado”

comprobouse graficamente que o ámbito non está no área de respecto (contorno de protección) de

ningún elemento catalogado, polo que non se introduce tal modificación na documentación do IOP.

Non obstante, na tramitación da/s licenza/s de edificación solicitaranse todos os informes que sexan

preceptivos pola lexislación sectorial de aplicación.

III.e) AOP-09 SAN GREGORIO E AOP-21 CORDELERÍAS MAR

As AOP-09 San Gregorio e AOP-21 Cordelerías Mar, foron incluídas no IOP polo seu carácter de solo

urbano consolidado recoñecido no PXOM 2008 e en atención ao seu grao de execución (expedientes

de concesión de licenzas iniciados ao abeiro do PXOM 2008). Desta forma, o criterio técnico tomado

para a incorporación de determinadas AOP ao presente IOP foi a iniciativa ou interese amosado por




Páxina 105 de 116

estas áreas ao abeiro do PXOM 2008, así como, por exemplo, para tratar de preservar a seguridade

xurídica nalgunha delas, habida conta da complexidade que caracterizaba a situación que deu orixe

ás mesmas.

No informe sectorial do 27.09.2018 póñense en cuestión estas ordenacións detalladas (disposición dos

edificios, altura, etc.) chegando a propoñer unha nova ordenación.

É por elo, que debe informarse que a dita suxestión excede do obxecto do presente expediente, posto

que este IOP trata e incorporar de forma fiel e coincidente a ordenación que recupera do PXOM 2008.

Non se trata, xa que logo, de introducir determinacións ex novo nin adoptar criterios discrecionais

Esta mesma liña de actuación é a sinalada no informe de data 10/10/2017 do Instituto de Estudos do

Territorio, servizo de planificación da paisaxe, no que fíxose constar o seguinte; “ o carácter singular

do instrumento de ordenación provisional, ao que non lle corresponde ningunha marxe ampla de

discrecionalidade para establecer unha nova ordenación urbanística, senón que se limita a recoller a

mesma ordenación do plan xeral anulado, en canto se refire, de forma xeral, a realidades existentes.

Por tanto, a súa incidencia sobre a paisaxe debe cualificarse como non significativas...”. Dito informe

formulou unicamente observacións de índole paisaxística ás AOP-11, AOP-13 e á A-3-10, que foron

tidas en conta na documentación V.4. de aprobación inicial, posibilitando o informe favorable do

departamento de paisaxe do IET o 25/09/2018 que figura no expediente.

Doutro lado, non consta que pola Dirección Xeral de Patrimonio Cultural da Xunta de Galicia se

formularan observacións a respecto desas dúas ordenacións detalladas no expediente de aprobación

do PXOM 2008, nin nas autorizacións xa outorgadas pola Comisión Territorial do Patrimonio Histórico nin

a propia Dirección Xeral de Patrimonio Cultural nos expedientes de licenzas de obra que se tramitaron

no seu momento.

DEPUTACIÓN PROVINCIAL:

Corríxense as denominacións das estradas provinciais na Memoria do IOP, apartado 9.3.1.b, e no artigo

6.2.2 da normativa urbanística, ademais no dito artigo engadíronse as estradas EP-2603 e EP-2604.

9.10.2. CONTESTACIÓN E MODIFICACIÓNS DERIVADAS DO INFORME DAS ALEGACIÓNS RECIBIDAS.

Segundo consta na certificación do secretario municipal de data XXXX, durante o período de

información pública do expediente do IOP, recibíronse un total de 428 alegacións.

O total das alegacións foron estudadas polo miúdo e respondidas no informe das alegacións que

constitúe o Anexo 6 que se incorpora a esta versión V.5 para aprobación definitiva.

As alegación foron estudadas seguindo as seguintes premisas:

- Manter os criterios de inclusión ou exclusión de ámbitos de solo no IOP, nos que se recuperará a

ordenación establecida no PXOM 2008 (declarado nulo na sentenza do TS de data 10.11.2015, recaída

no recurso de casación núm. 1658/2014), xa expostos no previo “estudo específico da situación derivada

da anulación do instrumento de ordenación que se pretenda parcialmente recuperar” e no borrador




Páxina 106 de 116

deste instrumento, ao tratarse o IOP dun instrumento dotado dunhas notas singulares, tales como a súa

provisionalidade e parcialidade, e que debe convivir durante a súa vixencia co PXOU 1993 vixente no

resto do solo e coa súa revisión actualmente en redacción.

- Procurar que a ordenación que se recupere sexa coincidente co PXOM 2008 declarado nulo,

entendendo que o IOP, dado o seu carácter provisional e a súa capacidade limitada, non é o instrumento

apropiado para realizar modificacións ou revisións da ordenación de dito planeamento e considerando

que todas aquelas cuestións que non se resolven adecuadamente no PXOM 2008 ou necesitan unha

maior reflexión; clasificación do solo, elementos estruturantes, modelo de cidade, deben resolverse na

revisión do PXOU 1993 actualmente en redacción. Non se realizan modificacións na clase, categoría ou

cualificación do solo, nin nas aliñacións propostas ou a normativa.

Por todo iso, naqueles casos en que se consideraron razoables os motivos expostos nas alegacións para

solicitar unha modificación da ordenación establecida no plan que se recupera, optouse por excluír eses

solos do ámbito do IOP, mantendo a ordenación vixente, e que sexa, no seo dos traballos de revisión do

PXOU 93, onde se resolvan ditas cuestións.

- Non incorporar novos solos ou ámbitos que puideran incidir nos fundamentos que sustentaron a decisión

adoptada no seu momento polo órgano ambiental do someter ao IOP de referencia a avaliación

ambiental simplificada ou supoñan unha modificación substancial do ámbito que puidese supor a

necesidade de someter de novo o instrumento aos informes sectoriais xa emitidos.

A proposta de estimación, estimación parcial ou desestimación das alegacións segundo dito informe

orixina a modificación xustificada da documentación da V.4. aprobada inicialmente que se cita en

detalle no devandito informe de alegacións.

A modificación en planos derivada do proceso de resposta das alegacións, en moitos casos non se

circunscribe á parcela concreta obxecto de alegación, senón que levou a un estudo da contorna que

orixinou a modificación de condicións dunha área máis ampla.

De tódolos xeitos as modificacións proposta sobre a ordenación incluída no documento aprobado

inicialmente o 18/07/2018 non pode considerarse un cambio substancial no documento inicialmente

aprobado, nin a adopción de novos criterios ao respecto da clasificación, cualificación do solo nin sobre

a estrutura xeral e orgánica do territorio.

9.10.3. OUTRAS CORRECCIÓNS DERIVADAS DE ERROS OBSERVADOS NA VERSIÓN V.4. APROBADA

INICIALMENTE.

Despois de aprobada inicialmente a documentación do IOP na súa versión V.4. advertíronse algúns erros,

tanto na súa documentación gráfica como na escrita. Estes erros lístanse a continuación e se explican as

medidas concretas para as súas correccións:

• Non se incluían as follas 17-O dos planos das Series 2A e 2B. A zona incluída nesta folla está

ordenada polo IOP, e aparece reflectida no resto de series de planos do Instrumento de Ordenación

provisional. Non cabe dúbida de que esta folla 17-O debería formar parte da documentación do dito




Páxina 107 de 116

instrumento. De feito, no período de información pública engadíronse as dúas follas (Serie 2A e 2B) aos

arquivos navegables que estaban a disposición do público na web municipal, coa advertencia de que

tiñan soamente efectos informativos, xa que non formaban parte do documento aprobado inicialmente

polo Pleno do Concello.

• Incluíanse as follas 5-Q e 23-N dos planos das Series 2A e 2B: Nestas follas non se ordena ningunha

zona no IOP, xa que o seu ámbito non está incluído nelas. Elimínanse estas follas.

Folla 5-Q da Serie 2A do IOP na súa versión V.4

• Omisión da Cartela da ordenanza de aplicación. Non se grafía a ordenanza correspondente

nunha zona da avenida Ramón Nieto na folla 8-O das Series 2: corríxese o erro e procédese a situar a

cartela de dita ordenanza.

Fragmento das follas 8-O da IOP V.4 e do PXOm 2008

• Omisión de aliñacións. Debúxanse de novo as aliñacións que non se reflicten en varias zonas do

IOP, descoñécese a causa da súa desaparición na saída gráfica. Isto ocorre, por exemplo, nas seguintes

follas: 9-K, 6-P, 5-P, 7-P, 7-O.




Páxina 108 de 116

Fragmento da folla 7-P da IOP V.4.

• Erro na liña de servidume de tránsito de costas. Corríxese o erro detectado na liña de servidume

de tránsito de costas (as liñas de costas teñen efectos meramente informativos ), xa que aparecía

debuxada en zonas onde non existía ribeira do mar.

• Inclusión de zonas de solo urbano consolidado que non cumpren os criterios de inclusión ou

exclusión de ámbitos de solo no IOP. Na súa versión V.4 o IOP incorporaba algunhas zonas de ordenanzas

que non cumprían os criterios establecidos no apartado 9.1.1 da memoria do propio IOP, xa que logo

procédese a suprimir estas zonas.

Na folla 9-L se suprimen dúas zonas de ordenanza 3 que no PXOU93 están cualificadas coa ordenanza

1.1.B:

Imaxe da delimitación do IOP V.4 e o PXOU 1993.

Na folla 14-O se suprime a zona de viario de 16 metros en proxecto dentro dunha zona de ordenanza 10.




Páxina 109 de 116

Imaxe da delimitación do IOP V.4 e o PXOU 1993.

Nas follas 9-M e 10-M suprímese a zona de ordenanza 6 que estaba incluída dentro do polígono do Nudo

do PERI Calvario.

Imaxe da delimitación do IOP V.4.

• Non inclusión de zonas de solo urbano consolidado que cumpren os criterios. Na folla 10-M da

Serie 2 non se incluíu na V. 4 do IOP unha zona de ordenanza 3 que cumpre os criterios establecidos:

incorpórase na versión V.5.




Páxina 110 de 116

Fragmento da folla 9-M do IOP V.5.

• AOP-02 VISTA ALEGRE- e vivenda na rúa OURENSE-esquina López Mora: Estas actuacións

comparten antecedentes comúns que as vencella intimamente dado que proceden da Unidade de

execución Vista Alegre-Ourense que aprobou a Delimitación do ámbito descontinuo da Unidade de

Execución “UE V-02 VISTA ALEGRE e ED I-07 OURENSE” (expte: 3984/401), no desenvolvemento do PXOU

1993.

No proceso de elaboración do IOP evidenciouse tanto esta vinculación , que leva á imposibilidade de

realizar unha lectura illada de ambas ordenacións, como a maior complexidade que aporta a

localización dun elemento catalogado coa clave A-107 no PXOM 2008, que tiña naquel instrumento

como ámbito protexido toda a parcela da rúa Ourense.

Estas circunstancias, e a prudencia que aconsella que o presente IOP non deba obstaculizar nin

condicionar o modelo e as decisións que lle corresponden adoptar ao futuro plan xeral, motiva a

exclusión da delimitación do IOP da parcela de vivenda unifamiliar da Rúa Ourense-esquina López Mora

e a AOP-02 Vista Alegre, que manterán a ordenación actualmente vixente.

Imaxes da delimitación do IOP V.4

• SX ETEA: Axuste do Sistema Xeral de Equipamentos e Dotacións Comunitarias Culturais coa clave

SX/EQ-DC/C04/5 ETEA. Este sistema remitido no seu día a un planeamento non aprobado, segundo a

ficha, axústase agora a súa delimitación para a coincidencia co Plan Sectorial de Ordenación Territorial

do Campus Científico-Tecnolóxico do Mar nos Terreos da ETEA, que foi aprobado definitivamente o

23.02.2012.




Páxina 111 de 116

• CIDADE DA XUSTIZA: Exclúese do IOP o sistema xeral SX/EQ-DC/C05/1 CIDADE DA XUSTIZA

delimitado polo PXOM 2008, xa que será a revisión do novo plan en tramitación o que determine a

ordenación axeitada para estas dotacións existentes que nun breve período de tempo cambiaran o seu

uso actual, xa que a cidade da xustiza xa está en proceso de execución nas instalacións do antigo

Hospital Xeral.

Imaxes da delimitación do IOP na súa V.4 e na V.5

Asemade, modifícase o “destino” do sistema xeral SX/EQ-DC/C03/1 COMPLEXO XERAL CÍES para unha

parte do Hospital Xeral (SX/EQ-DC/C03/1/01), quedando o Cíes e o anexo do Hospital no dito sistema

xeral ((SX/EQ-DC/C03/1/02). No ano 2017 autorizouse o proxecto (exp. 91453/421 e 93567/421) para a

rehabilitación do antigo Hospital Xeral como Cidade da Xustiza de Vigo, presentado pola Vicepresidencia

e Consellería de Presidencia, Administracións Públicas e Xustiza.

Xa que logo, o antigo Hospital Xeral pasa a formar parte do sistema xeral de administracións públicas

como SX/EQ-DC/C05/1 CIDADE DA XUSTIZA.

Imaxes do PXOM 2008 e do IOP V.5

• PORTO DE VIGO. Suprímese a delimitación do sistema xeral do Porto de Vigo, que na versión V.4.

de aprobación inicial do IOP axustouse á delimitación da zona de servizo portuaria contida na Orden

FOM/822/2015, de 13 de abril pola que se aproba a Delimitación de Espazos e Usos Portuarios (DEUP) do

Porto de Vigo. Tendo en conta a sentenza de 4 de decembro de 2017 da Audiencia nacional no recurso

324/2015 pola que se anula dita DEUP do Porto de Vigo exclúese do IOP a trama e a ordenanza que

figurou na aprobación inicial.

• CORRECCIÓN DE BORDES DO IOP: Durante o proceso do estudo das alegacións e da

reelaboración da documentación gráfica do IOP comprobouse a inexactitude do “recorte“ do ámbito




Páxina 112 de 116

do IOP sobre a ordenación do PXOM 2008, que orixinaba, nos bordes da delimitación, a inclusión aparente

de pequenísimas superficies de parcelas non clasificadas como solos urbanos consolidados , xeralmente

doutro lados de viais existentes, que en ningún caso poden considerarse incluídas no documento por non

axustarse ás condicións da LMFAO.

Por esta razón revisáronse os bordes exteriores da delimitación do IOP contra outras clases de solo.

• CORRECCIÓN NO ARTIGO 8.4.7 DA NORMATIVA URBANÍSTICA.

No documento de aprobación inicial deste IOP, versión V.4., no artigo 8.4.7. relativo ao Fondo

edificable na ordenanza 4 de edificación en aliñación de rúa, transcribiuse o artigo 9.4.9. da normativa

do PXOM 2008, pero non se tivo en conta a Modificación Puntual nº 4 do PXOM de Vigo , aprobada

definitivamente o 25 de xuño de 2013, e a corrección de erros na Resolución da vicepresidenta da

Xerencia Municipal de urbanismo do 15 de xullo de 2013 na que se ordenaba a publicación das

Ordenanzas do PXOM de Vigo derivada da dita modificación , publicada no BOP número 5, do 9 de

xaneiro de 2014.

Advertido o erro, localizado no artigo 8.4.7. da Normativa do IOP na versión V.5. para aprobación

definitiva, efectuouse a rectificación no seu apartado 1, debendo dicir:

1. O fondo máximo edificable está delimitado como aliñacións interiores nos Planos de Ordenación

Pormenorizada. No suposto de que nalgún caso non estivese definida a aliñación interior, a nova

edificación non poderá exceder os quince (15) metros, medidos ortogonalmente en tódolos puntos

da fachada e manterá unha separación ao lindeiro de fondo mínima de tres metros .

9.11. XUSTIFICACIÓN DA VIABILIDADE E SUSTENTABILIDADE ECONÓMICA DA IOP

A LSG e o seu Regulamento esixe aos Plans Xerais de Ordenación Municipal a incorporación dunha

Memoria de viabilidade económica, en termos de rendibilidade, de adecuación aos límites do deber

legal de conservación e dun adecuado equilibrio entre os beneficios e as cargas derivados da

ordenación proposta, co contido mínimo sinalado na lexislación estatal, e un informe de sustentabilidade

económica que analizará o impacto da actuación urbanizadora sobre as Facendas Públicas.

A lexislación estatal (Lei 8/2013, de 2 de xuño, de rehabilitación, rexeneración e renovación urbana), no

seu artigo 11, regulaba o contido da memoria de viabilidade económica que debe acompañar tanto

aos instrumentos de ordenación como de execución das actuacións de rehabilitación, rexeneración e

renovación urbana. Non obstante dito artigo 11 da Lei 8/2013 viuse afectado pola sentenza 143/2017, de

14 de decembro de 2017 sobre recurso de inconstitucionalidade 549/2013.

A LMFAO ( Lei 2/2017, do 8 de febreiro, de Medidas fiscais, administrativas e de ordenación) que crea a

figura do instrumento de ordenación provisional (IOP) non precisa con claridade a documentación

necesaria de dito documento, nin fai referencia algunha a unha Memoria de Viabilidade económica nin

ao informe de sustentabilidade económica.




Páxina 113 de 116

No caso das dúas únicas actuacións de urbanización que agora se pretenden recuperar en razón do seu

desenvolvemento urbanístico polo IOP, como instrumento de ordenación que recupera a ordenación do

PXOM 2008 para determinadas zonas do Termo Municipal de Vigo, a viabilidade económica enténdese

subsumida na xustificación que figura no Estudo Económico Financeiro daquel documento e que

demostraba que os beneficios superaban ás cargas de urbanización.

Posteriormente, no desenvolvemento dos respectivos instrumentos de xestión, calculáronse e

actualizáronse as valoracións dos custos de urbanización e das imputacións e cargas urbanísticas de

cada un destes ámbitos (aods A-3-10 ESTURÁNS-polígono II e A-3-37 TOMÁS PAREDES ) que xustifícanse

polo miúdo no punto específico do Estudo do Custe das obras de urbanización que figura nas respectivas

Memorias dentro desta IOP, así como no Anexo de Viabilidade funcional de cada unha delas, que tamén

se incorporan ao documento.

En canto ao impacto da IOP sobre a facenda pública municipal enténdese favorable:

Segundo a Memoria Xustificativa a IOP afecta aproximadamente a un 24% da superficie total do Termo

Municipal, e a unhas 9.000 parcelas vacantes, o que suporá unha reactivación das licenzas directas.

Por outra banda no tocante ao custo das novas infraestruturas, debe dicirse que a IOP non incorpora

ningunha actuación illada en solo urbano consolidado e as actuacións incorporadas polo o seu grao de

desenvolvemento serán executadas pola iniciativa privada sen custo para a administración pública.

En canto á prestación de servizos resultantes pódese estimar que os custos de mantemento e

conservación dos espazos públicos e a posta en marcha e a prestación de servizos públicos de específica

competencia municipal resultantes da IOP, será inferior ao cálculo aproximado da contía económica dos

ingresos municipais derivados dos tributos locais.

A conclusión é que os gastos de mantemento de viais, mantemento de zonas verdes, mantemento de

alumeado público, abastecemento e saneamento, recollida de residuos e limpeza viaria será inferior aos

ingresos municipais resultantes da aprobación da IOP, derivados de tributos locais (IBI, IVTM,IAE e Entradas

de vehículos) e a maiores os ingresos polo ICIO, IAE, o IIVTNU , e polas taxas de licenzas de obras e de

primeiras ocupacións.




Páxina 114 de 116

10. CONTIDO DOCUMENTAL DO INSTRUMENTO DE ORDENACIÓN PROVISIONAL.

10.1. CONTIDO

O presente Instrumento de ordenación provisional do Concello de Vigo, que se redacta para aprobación

definitiva (na versión v.5), componse dos seguintes documentos:

- MEMORIA INFORMATIVA E XUSTIFICATIVA

- DOCUMENTACIÓN GRÁFICA

Serie 0. CLASIFICACION DO SOLO. AFECCIONS E SERVIDUMES AERONAUTICAS. escala 1/10.000

- Serie 0. AFECCIÓNS ACÚSTICAS (Pegada sonora).

- Serie 0. CLASIFICACION DO SOLO. SERVIDUMES AERONÁUTICAS: RD 2278/1986.

- Serie 0. CLASIFICACION DO SOLO. SERVIDUMES AERONÁUTICAS: ESTADO ACTUAL.

- Serie 0. CLASIFICACION DO SOLO. SERVIDUMES AERONÁUTICAS: DESENVOLVEMENTO PREVISIBLE.

Serie 1: CLASIFICACIÓN DO SOLO (17 follas DIN A1) escala 1/5.000

Serie 2: ORDENACIÓN escala 1/ 2.000

- Serie 2-A. ORDENACIÓN PORMENORIZADA SOBRE A CARTOGRAFÍA (244 follas DIN A-3)

- Serie 2-B. ORDENACIÓN PORMENORIZADA E O PXOU 1993 (244 follas DIN A-3)

- ANEXOS:

- ANEXO 1. NORMATIVA URBANÍSTICA DA ORDENACIÓN PROVISIONAL

- ANEXO 2. ORDENANZA 16 AOPS

Cada Área de Ordenación Pormenorizada inclúe unha memoria que contén as determinacións do

Plan Xeral para esta área (condicións de edificación, usos, ...) e tres planos de ordenación (plano

de Estado actual e determinación do PXOM, plano de estrutura viaria e aliñacións e plano de

Ordenación e usos pormenorizados). Inclúense as seguintes AOPs:

AOP-03 ROSALI A DE CASTRO 1

AOP-04 CAMILO J. CELA (JACINTO BENAVENTE)

AOP-08 FILIPINAS-COUTO

AOP-09 SAN GREGORIO

AOP-11 TOMÁS A.ALONSO

AOP-12 PASTORA

AOP-13 ARQUITECTO PALACIOS (FINCA DO CONDE) parcialmente.




Páxina 115 de 116

AOP-15 PORTO DE CANIDO (CANIDO-PORTO)

AOP-16 POVISA

AOP-17 AVDA. ATLANTIDA (SENSAT)

AOP-18 SUBIDA A COSTA (COLINA DE CASTRELOS)

AOP-20 PITIEIRA

AOP-21 CORDELERIAS MAR

- ANEXO 3. SUNC AODS

Cada Área de Ordenación Detallada inclúe unha memoria que contén as determinacións do Plan

Xeral para esta área (obxectivos, criterios de ordenación, cadro de superficies,...) e planos de

información, de ordenación, seccións e de servizos. Inclúense as seguintes AODs:

- AOD A-3-10 ESTURANS (Polígono II)

- AOD A-3-37 TOMAS PAREDES

- ANEXO 4. DOCUMENTO AMBIENTAL ESTRATEXICO (DAE)

- ANEXO 5. DOCUMENTAL

- CERTIFICADO PLENO DO CONCELLO DE VIGO DE 26.07.2017 POLO QUE SE APROBA O ESTUDO

PREVIO DAS MEDIDAS PROVISIONAIS DE ORDENACION PREVISTO NA LEI 2/2017, DO 8 DE

FEBREIRO, DE MEDIDAS FISCAIS, ADMINISTRSTIVAS E DE ORDENACION.

- INFORMES URBANISTICO E AMBIENTAL DA CONSELLERIA DE MEDIO AMBIENTE E ORDENACION DO

TERRITORIO EN RELACION AO ESTUDO DAS MEDIDAS PROVISIONAIS.

- RESOLUCION DO 16.10.2017 POLA QUE SE FORMULA O INFORME AMBIENTAL ESTRATEXICO

RELATIVO AO INSTRUMENTO DE ORDENACION PROVISIONAL DO CONCELLO DE VIGO E ANUNCIO

DO DOG 03.11.2017.

- ANEXO 6. INFORME DE ALEGACIÓNS

10.2. DOCUMENTACION GRAFICA: INFORMACIÓN CARTOGRÁFICA E VECTORIAL

Para a elaboración da documentación gráfica do presente documento da ordenación provisional (IOP)

empregáronse arquivos en formato SIX, xeorreferenciado en coordenadas ETRS89/ UTM fuso 29, composta

por arquivos en formato ESRI shapefile e raster.

A base cartográfica empregada correspóndese coa cartografía municipal (a disposición no seguinte

enlace http://hoxe.vigo.org/movemonos/urbanismo_cartograf_gral#/)




Páxina 116 de 116

10.3. NORMAS PARA A INTERPRETACIÓN

Na normativa urbanística da ordenación provisional, incorporada no Anexo 1 do documento, se

establecen as normas de interpretación que rexeran durante a vixencia do instrumento.

Para resolver as incidencias que puideran xurdir no contacto entre as determinacións de ordenación

grafadas entre o planeamento vixente (PXOU 93) e a ordenación provisional, que se puideran apreciar

nun estudo que permita o acercamento a unha maior escala (aliñacións ou seccións de viarios non

coincidentes, ...), prevese introducir na normativa unha Norma de harmonización que permita axustes no

procedemento de concesión de liña.

En canto á interpretación e recoñecemento da simboloxía dos planos que forman o instrumento de

ordenación provisional, sinálase que:

- SERIE 0: Os planos, a escala 1/10.000, recollen o ámbito da ordenación provisional en cor gris, e

identificados cunha liña e superficie que se identifican coa clave de simboloxía nas marxes do plano

(clasificación do solo, plans especiais, sistemas xerais e locais, ...), e as cotas de nivel. Represéntase a

zona de servizo aeroportuario e a área de cautela do Aeroporto de Vigo, as servidumes aeronáuticas,

acústicas e radioeléctricas. Nesta serie se inclúe un plano guía e de referencia aos mapas da Serie 2.

- SERIE 1: Os planos, a escala 1/5.000, recollen o ámbito da ordenación provisional en cor gris, e

identificados cunha liña e superficies que se identifican coa clave de simboloxía nas marxes do plano

(clasificación do solo, plans especiais, sistemas xerais e locais, ...), pódense observar os límites municipal

e parroquiais, as servidumes de costas, os miradoiros do catálogo da paisaxe, e as áreas de protección

integral e de respecto dos elementos arqueolóxicos.

- SERIE 2-A: Os planos, a escala 1/2.000, representan a zona de ordenación provisional en solo urbano

consolidado en cor gris, e as zonas de desenvolvemento en solo urbano non consolidado, incluídas,

cunha trama raiada e a súa clave. As zonas de sistemas xerais e locais represéntanse con simboloxía

de tramas e claves igual á que figurou no PXOM 2008, o mesmo que as aliñacións do viario e os

elementos catalogados, cunha representación gráfica e claves de identificación tal e como figuraron

no Catálogo de 2008, así como as súas áreas de protección e áreas de respecto, se ben na lenda dos

mapas se identifican os tipos para a súa mellor comprensión.

A base cartográfica é a que se sinalaba no apartado 9.7.2.7 anterior, unha fusión das cartográficas

dos anos 2006 e 2011 que posúe este concello.

- SERIE 2-B: Os planos, a escala 1/2.000, se presentan como unha serie de planos refundidos da

ordenación provisional (sobre a cartografía municipal) e o resto da ordenación que se segue rexendo

polo PXOU vixente de 1993 (escaneados e xeorreferenciados), sen superposicións entre ambas.

Vigo, na data da sinatura dixital

Servizos técnicos Municipais


Documents

ÍNDICE - Vigoxmu.vigo.org/docs/IOP_20190724/IOPv5_navegable_s/...2019/07/24 · Memoria, foron remitidos ao Concello de Vigo en data 20 de outubro de 2017. O 18.07.2018 o Pleno do