ORDINAZIUN DAVART ILS FATGS DA SEPULTURA E DA SANTERI … · 2016-01-25 · 33.11 Ordinaziun da sepultura 2 III. Uorden da santeri Art. 5 Viseta dil santeri Igl ei scumandau da duvrar

ORDINAZIUN DAVART ILS FATGS DA SEPULTURA E DA SANTERI DALLA VISCHNAUNCAILANZ/GLION

Tabla da cuntegn

I. Disposiziuns generalas

Art. 1 Valeivladad 1Art. 2 Obligaziun d‘annunzia 1

II. Fatgs da sepultura

Art. 3 Uras da sepultura 1Art. 4 Tuchiez da sepultura 1

III. Uorden da santeri

Art. 5 Viseta dil santeri 2Art. 6 Scamond general da traffic 2Art. 7 Fiugs artificials 2Art. 8 Urnas en fossas existentas e piglialauncas 2Art. 9 Profunditad dalla fossa 2Art. 10 Monuments 2Art. 11 Lubientscha da monuments e ramas 2Art. 12 Fundaments 3Art. 13 Termin per tschentar monuments e far inscripziuns 3Art. 14 Plontaziuns 3Art. 15 Sendas da glera 3

IV. Cumpetenzas ed execuziun

Art. 16 Suprastonza communala 3Art. 17 Direcziun 4Art. 18 Canzlia 4Art. 19 Responsabels per il santeri 4

V. Tariffas da taxas

Art. 20 Taxas per construir e mantener 5Art. 21 Taxas per persunas che havevan buca

lur davos domicil en vischnaunca 5Art. 22 Taxas da sepultura per persunas che havevan

buca lur davos domicil en vischnaunca 5Art. 23 Diversas taxas 6Art. 24 Pagament 6

VI. Disposiziuns finalas

Art. 25 Entrada en vigur 6

Annexa dall’ordinaziun da sepultura

I. Santeri da Castrisch

1.1 Geners da sepultura 71.2 Distanzas dallas fossas 71.3 Ramas dallas fossas 71.4 Material dils monuments 71.5 Mesiras e formaziun dils monuments 81.6 Inscripziuns e formaziun dils monuments 81.7 Fossa communabla 8

II. Santeri da Duvin

2.1 Geners da sepultura 82.2 Distanzas dallas fossas 92.3 Ramas dallas fossas 92.4 Material e mesiras dils monuments 9

III. Santeri s. Martin, Glion

3.1 Geners da sepultura 93.2 Distanzas dallas fossas 93.3 Ramas dallas fossas 93.4 Material dils monuments 9

IV. Santeri s. Giusep, Glion

4.1 Geners da sepultura 104.2 Distanzas dallas fossas 104.3 Ramas dallas fossas 104.4 Mesiras dils monuments 104.5 Material dils monuments 104.6 Fossa communabla 11

V. Santeri da Ladir

5.1 Geners da sepultura 115.2 Distanzas dallas fossas 115.3 Ramas dallas fossas 115.4 Mesiras dils monuments 115.5 Material dils monuments 12

33.11 Ordinaziun da sepultura

4

VI. Santeri da Luven

6.1 Geners da sepultura 126.2 Distanzas dallas fossas 126.3 Ramas dallas fossas 126.4 Monuments dallas fossas 12

VII. Santeri da Pigniu

7.1 Geners da sepultura 127.2 Distanzas dallas fossas 137.3 Ramas dallas fossas 137.4 Monuments 137.5 Nischas per urnas 13

VIII. Santeri da Pitasch

8.1 Geners da sepultura 138.2 Distanzas dallas fossas 148.3 Ramas dallas fossas 148.4 Monuments 14

IX. Santeri da Riein


X. Santeri da Rueun


XI. Santeri da Ruschein

11.1 Geners da sepultura 1511.2 Distanzas dallas fossas 1611.3 Ramas dallas fossas 1611.4 Formaziun dils monuments 1611.5 Mesiras dils monuments 16

Ordinaziun da sepultura 33.11

5

XII. Santeri da Schnaus

12.1 Geners da sepultura 1612.2 Distanzas dallas fossas 1612.3 Ramas dallas fossas 1712.4 Mesiras dils monuments 1712.5 Material dils monuments 17

XIII. Santeri da Sevgein

13.1 Geners da sepultura 1713.2 Distanzas dallas fossas 1713.3 Ramas dallas fossas 1813.4 Monuments 1813.5 Fossa communabla 18

XIV. Santeri da Siat


1

Ordinaziun davart ils fatgs da sepultura 33.11 e da santeri dalla vischnaunca Ilanz/Glion(Ordinaziun da sepultura; OSep)

dils 14 da december 2015

La suprastonza communala dad Ilanz/Glion,

sebasond sin art. 20 al. 2 dalla lescha davart ils fatgs da sepultura e da santeri dalla vischnaunca dad Ilanz/Glion (LSep; LIG 33.1),

decida:

I. Disposiziuns generalas

Art. 1 Valeivladad

Las disposiziuns specificas dils singuls santeris ein regladas ell’annexa. Ellas han precedenza allas disposiziuns generalas da questa ordinaziun.

Art. 2 Obligaziun d‘annunzia1 Mintga mortori ni anflada d’ina bara sin territori da vischnaunca ei d’annunziar enteifer 48 uras all’administraziun communala, direcziun dalla canzlia.2 L’obligaziun d’annunzia sedrezza ultra da quei tenor l’Ordinaziun davart il stadi civil1.

II. Fatgs da sepultura

Art. 3 Uras da sepultura

Las sepulturas han liug per regla denter las 9.00 e las 16.00, usits locals ston vegnir risguardai.

Art. 4 Tuchiez da sepultura1 Tier tut las sepulturas vegn il tuchiez da sepultura ordinaus tenor usit local, aschinavon ch’ils parents desistan buc explicitamein da quel.2 La vischnaunca statuescha en scret ils usits pertuccont il tuchiez da sepultura.

1 Ordinaziun davart il stadi civil (OSC; CC 211.112.2).


2

III. Uorden da santeri

Art. 5 Viseta dil santeri

Igl ei scumandau da duvrar il santeri sco plazza da giugs e da divertiment.

Art. 6 Scamond general da traffic

Per ils santeris dalla vischnaunca vala in scamond general da traffic. Ina excepziun fuorman il traffic da lavur ed ilsvehichels cun lubientscha da carrar..

Art. 7 Fiugs artificials

Igl ei scumandau d’envidar fiugs artificials sin ed entuorn ils santeris.

Art. 8 Urnas en fossas existentas e piglialauncas1 Ina deposiziun posteriura dad in’urna ni da tschendra en ina fossa en retscha ei pusseivla, sch’ins sa presupponer che la fossa en retscha vegni buca rumida ils proxims 5 onns.2 Sin giavisch dils parents vegn ina piglialaunca defuncta satrada communabla-mein cun siu affon miert.

Art. 9 Profunditad dalla fossa

Las fossas ston haver las suandontas profunditads minimalas:a. fossas en retscha per carschi 1.50 m;b. fossas en retscha per affons 1.20 m;c. fossas en retscha per urnas 0.80 m;d. urnas en fossas en retscha existentas 0.80 m.

Art. 10 Monuments

Sin mintga fossa en retscha sto vegnir tschentau in monument. Sin ina fossa en ret-scha ni ina fossa en retscha per urnas astga vegnir tschentau mo in monument. Tier ina deposiziun posteriura dad in’urna ni da tschendra en ina fossa en retscha sa il monument vegnir cumpletaus ni ch’ei sa vegnir montau ina plachetta d’inscripziun supplementara.

Art. 11 Lubientscha da monuments e ramas

Avon ch’entscheiver las lavurs per il monument e la rama sto il producent ni ils pa-rents inoltrar la damonda per la lubientscha en scret.


3

1 La damonda sto cuntener:a. duas skizzas dil monument en perspectiva frontala e laterala cun indicaziun

dallas mesiras, alla scala 1:10;b. l’indicaziun dil material, il gener d’elaboraziun e las proporziuns dalla

scartira;c. las mesiras ed il material dalla rama;d. l’indicaziun digl incumbensader responsabel, dil producent dil monument e

dalla numera dalla fossa.2 Per monuments figurativs san vegnir pretendi models ellas mesiras normativas.

Art. 12 Fundaments

Ils monuments duein vegnir tschentai sin ina platta da fundament massiva, adatta-da a lur grondezia e peisa, e vegnir colligiai professiunalmein cun quella. Sin terren schelau ni fetg bletsch astgan negins fundaments e monuments vegnir tschentai.

Art. 13 Termin per tschentar monuments e far inscripziuns1 Il monument duei vegnir tschentaus sil pli baul 6 meins e sil pli tard 12 meins su-enter la sepultura. Tratsch che vegn buca pli duvraus ei da deponer el liug indicau per quei intent.2 Nischas per urnas e fossas communablas ein d’enscriver enteifer 3 meins suenter la sepultura.

Art. 14 Plontaziuns1 Plontas decorativas astgan buca survargar la rama. 2 Plontas che restrenschan las fossas cunfinontas entras lur altezia e dimensiun ein da tagliar ni d’allontanar.3 Ei astga buca vegnir plantau plontas e pumera.

Art. 15 Sendas da glera

La vischnaunca fa e mantegn las sendas da glera.

IV. Cumpetenzas ed execuziun

Art. 16 Suprastonza communala

La suprastonza communala decida, sche persunas che havevan buca lur davos domicil ufficial en vischnaunca vegnan consideradas sco talas cun davos domic-il en vischnaunca.


4

Art. 17 Direcziun1 La direcziun s’occupescha oravontut dallas suandontas incumbensas:a. decider davart la planisaziun e formaziun dils santeris, involvond la pleiv

relativa;b. nominar ils responsabels locals pils santeris;c. limitar la tscharna libra dil santeri;d. lubir occurrenzas;e. dar castitgs ed ordinar mesiras substitutivas.2 Maunca ina cumpetenza da decider ni ei in’incumbensa buc attribuida ni ei la repartiziun nunclara, decida la direcziun davart l’attribuziun.

Art. 18 Canzlia1 La canzlia s’occupescha oravontut dallas suandontas incumbensas:a. prender encunter las annunzias da mortoris;b. decider davart la sepultura da persunas defunctas che havevan buca lur davos

domicil en vischnaunca;c. ordinar las mesiras necessarias per organisar ed exequir la sepultura;d. decider davart damondas per prolungir termins en connex cun satradas ni

cremaziuns;e. disponer ed organisar la clamada e la rumida da fossas;f. garantir il menaschi ed il manteniment dils santeris en collaboraziun cun il

sectur d’infrastructura;g. decider davart sbozs per monuments che corrispundan buca claramein allas

disposiziuns relativas;h. decider davart igl allontanament da monuments che corrispundan buc allas

disposiziuns;i. decider davart l‘obligaziun da mantener fossas negligidas;j. la facturaziun.2 La canzlia sa delegar incaricas als responsabels pils santeris.

Art. 19 Responsabels per il santeri

Ils responsabels pils santeris s’occupeschan oravontut dallas suandontas incumben-sas:a. survigilar generalmein il santeri respectiv e garantir uorden e ruaus;b. approbar ils sbozs da monuments che corrispundan claramein allas

disposiziuns relativas;c. survigilar la montascha da monuments;d. menar ina gliesta dallas persunas responsablas per il manteniment dallas

fossas; e. menar in register dallas fossas;


5

f. far in plan da santeri;g. far contracts per il manteniment da fossas;h. conceder lubientschas da carrar.

V. Tariffas da taxas

Art. 20 Taxas per construir e mantener

Ei vegn incassau las suandontas taxas per construir e mantener nischas per urnas e fossas communablas (art. 18 al. 2 lit. a ed al. 3 lit. c LSep):a. nischas per urnas 1500 francs;b. fossa communabla 800 francs.

Art. 21 Taxas per persunas che havevan buca lur davos domicil en vischnaunca

Per persunas che havevan buca lur davos domicil en vischnaunca vegn incassau supplementarmein las suandontas taxas per fossas e nischas per urnas (art. 18 al. 3 lit. a LSep):a. fossa en retscha 2500 francs;b. fossa en retscha per affons da 0 – 7 onns 1000 francs;c. fossa en retscha per urnas 2000 francs;d. fossa en retscha per urnas per affons da 0 –7 onns 800 francs;e. nischa per urnas 1300 francs;f. urna en ina fossa en retscha existenta 1000 francs;g. fossa communabla 1000 francs.

Art. 22 Taxas da sepultura per persunas che havevan buca lur davos domicil en vischnaunca

Per persunas che havevan buca lur davos domicil en vischnaunca vegn incassau las suandontas taxas da sepultura (art. 18 al. 3 lit. b LSep):a. satrada 1300 francs;b. satrada d’affons da 0 – 7 onns 500 francs;c. deposiziun dall’urna en ina fossa en retscha per urnas 800 francs;d. deposiziun dall’urna en ina fossa en retscha existenta 800 francs;e. deposiziun dall’urna en ina fossa en retscha per

urnas d’affons da 0 – 7 onns 300 francs;f. fossa communabla 200 francs.


6

Art. 23 Diversas taxas

Survetschs prestai vegnan facturai tenor lavur e cuosts. Per ils suandonts sur-vetschs vegn incassau taxas pauschalas (art. 18 al. 2 lit. b ed al. 3 lit. d LSep):

survetsch davos domicil davos domicil en vischnaunca ordeifer vischnaunca dislocaziun urna, da nischa en nischa 100 francs 150 francs;dislocaziun urna, da nischa en fossa 200 francs 300 francs;manteniment dalla fossa per 1 onn 400 francs 500 francs;manteniment dalla fossa per 20 onns 6000 francs 7000 francs.

Art. 24 Pagament1 Las taxas ein per regla da metter a quen enteifer 30 dis suenter la sepultura.2 En cass da sepulturas da persunas che havevan buca lur davos domicil en vischnaunca ha la vischnaunca il dretg da pretender avon la sepultura in paga-ment anticipau commensurau dalla taxa.

VI. Disposiziuns finalas

Art. 25 Entrada en vigur1 Questa ordinaziun entra en vigur igl 1. da schaner 2016.2 Cull’entrada en vigur da questa ordinaziun ein las disposiziuns d’auters decrets che stattan en contradicziun cun ella abrogadas.


7

Annexa dall’ordinaziun da sepultura

Sebasond sin art. 1 dall’ordinaziun da sepultura vala per ils singuls santeris il suan-dont:

I. Santeri da Castrisch

1.1 Geners da sepultura

Per la sepultura ein a disposiziun:a. satrada, deposiziun dall’urna ni dalla tschendra en ina fossa en retscha;b. satrada, deposiziun dall’urna ni dalla tschendra en ina fossa en retscha

d’affons (tochen 10 onns);c. deposiziun dall’urna ni dalla tschendra en ina fossa en retscha existenta;d. deposiziun dall’urna ni dalla tschendra en ina fossa en retscha per urnas;e. fossa communabla.

1.2 Distanzas dallas fossas

La distanza denter las fossas en retscha ei 0.40 m. La distanza ad ina nova ret-scha da fossas ei 0.70 m.

1.3 Ramas dallas fossas

Las mesiras exteriuras dallas ramas per fossas en retscha e fossas en retscha per urnas ein:a. fossa en retscha per carschi 1.60 x 0.60 m;b. fossa en retscha per affons 1.20 x 0.60 m;c. fossa en retscha per urnas egl ost 1.00 x 0.60 m;d. fossa en retscha per urnas el nord 0.80 x 0.60 m

1.4 Material dils monuments1 Sco material per monuments ein lubi:a. crap natiral formaus cun effect ruasseivel e dueivel;b. blocs erratics; craps entirs senza deposits, fessas ni scarps;c. cruschs da lenn;d. cruschs da fier.2 Sochels per monuments da crap ston esser da medem material, sochels per cruschs ston esser da crap natiral. Sch‘il sochel vegn sfundraus ella tiara, sa il material vegnir tscharnius libramein.


8

1.5 Mesiras e formaziun dils monuments1 Per ils monuments da fossas en retscha valan, inclus il sochel che astga buc esser pli aults che 0.15 m, las suandontas mesiras minimalas respectiv maxima-las:

altezia maximala ladezia naven dalla platta maximalaa. fossa en retscha per carschi 1.10 m 0.50 mb. fossa en retscha per affons 0.80 m 0.40 mc. fossa en retscha per urnas egl ost 0.90 m 0.50 md. fossa en retscha per urnas el nord:

horizontal ni uiersch tochen max. 0.20 me. tabla da nums 0.50 m2 Cruschs astgan buca survargar questas mesiras.3 Per ornaments gronds vegn tolerau crappa scalprada tochen 5 cm. Quella astga buc esser pli ch’ina tiarza dall’altezia ni ladezia dil monument.4 Monuments da crap natiral astgan buca survargar la grossezia maximala da 0.15 m. Blocs erratics ston secunfar cun il maletg dils monuments vischinonts. Els duein buc esser pli profunds che 0.40 m.5 Il sochel sto esser silmeins 6 cm gross, astga buca vargar ora davostier pli che 5 cm e sto esser dalla vart pli bass che la canta sut dallas plattas lateralas.

1.6 Inscripziuns e formaziun dils monuments

L’inscripziun sa vegnir fatga aschia ch’ei sa vegnir cumpletau pli tard ulteriuras indicaziuns en cass d’ina deposiziun posteriura dad in’urna. Maunca sin in mo-nument existent il plaz leutier, sa en cass da satradas vegnir montau ina tabla d’inscripziun supplementara che s’accorda cun il monument.

1.7 Fossa communabla

Sin giavisch sa vegnir scret sin la fossa communabla il num dalla defuncta res-pectiv dil defunct.

II. Santeri da Duvin


Las suandontas sepulturas ein pusseivlas:a. satrada, deposiziun dall’urna ni dalla tschendra en ina fossa en retscha;b. deposiziun dall’urna ni dalla tschendra en ina fossa en retscha existenta;c. deposiziun dall’urna ni dalla tschendra en ina fossa en retscha per urnas.


9




Las mesiras exteriuras dallas ramas per fossas en retscha ein:a. fossa en retscha per carschi 1.60 x 0.60 m;b. fossa en retscha per urnas 0.60 x 0.60 m.

2.4 Material e mesiras dils monuments1 Per ils monuments ei da duvrar crap natiral buca glimau da granit ni gneis.2 Per ils monuments valan las suandontas mesiras naven dalla canta sura dalla rama:

grossezia: ladezia alteziaa. fossa en retscha 0.12– 0.16 m 0.50 – 0.55 m 0.90 –1.10 m;b. fossa d’urnas en retscha 0.08 – 0.12 m 0.50 – 0.55 m 0.60 –0.80 m.

III. Santeri s. Martin, Glion


Las suandontas sepulturas ein pusseivlas:a. satrada, deposiziun dall’urna ni dalla tschendra en ina fossa en retscha;b. deposiziun dall’urna ni dalla tschendra en ina fossa en retscha existenta;c. deposiziun dall’urna ni dalla tschendra en ina fossas en retscha per urnas;d. fossa communabla.


La distanza denter las fossas en retscha ei 0.60 m. La distanza ad ina nova ret-scha da fossas ei 0.95 –1.00 m.


Las mesiras exteriuras dallas ramas per fossas en retscha e fossas en retscha per urnas ein:a. fossa en retscha per carschi 1.60 x 0.60 m;b. fossa en retscha per urnas 1.00 x 0.60 m.

3.4 Material dils monuments

Las fossas en retscha ein da fittar cun in monument da crap.


10

IV. Santeri s. Giusep, Glion


Las suandontas sepulturas ein pusseivlas:a. satrada, deposiziun dall’urna ni dalla tschendra en ina fossa en retscha;b. satrada, deposiziun dall’urna ni dalla tschendra en ina fossa en retscha per

affons;c. deposiziun dall’urna ni dalla tschendra en ina fossa en retscha existenta;d. deposiziun dall’urna ni dalla tschendra en ina fossa en retscha per urnas;e. fossa communabla.




Las mesiras exteriuras dallas ramas per fossas en retscha e fossas en retscha per urnas ein:a. fossa en retscha per carschi 1.60 x 0.70 m;b. fossa en retscha per affons 0.90 x 0.50 m;c. fossa en retscha per urnas 0.70 x 0.60 m.

4.4 Mesiras dils monuments1 Egl interess d’in maletg cumplessiv harmonic valan per monuments las suandon-tas mesiras maximalas:a. altezia maximala 1.10 m;b. ladezia 0.55 m;c. grossezia minimala 0.12 m.2 Ils monuments cun ina crusch astgan esser 1.40 m aults. Plattas tschentadas ein buca lubidas.

4.5 Material dils monuments1 Sco material per ils monuments ei lubiu crap natiral, lenn, fier battiu e bronz.2 Monuments da lenn, fier battiu e bronz ein da tschentar sin in sochel da crap natiral.3 Per la rama ei da duvrar crap artificial culau ni crap natiral.


11

4.6 Fossa communabla1 Ella fossa communabla sin las duas sdremas da pastget san ins satrar mo ur-nas.2 Il liug exact dalla satrada vegn buca marcaus. Ils nums vegnan menai el regis-ter dallas fossas.3 Il num dalla persuna satrada vegn engravaus sin ina platta da crap el monu-ment. 4 Donaziuns da cumiau ni decoraziuns per la fossa astgan vegnir postadas el liug dalla sepultura naven dil di dalla sepultura tochen 6 jamnas suenter quella. Silsuenter eis ei da desister da decoraziuns individualas.

V. Santeri da Ladir





5.3 Ramas dallas fossas1 Las mesiras exteriuras dallas ramas per fossas en retscha ein 1.60 x 0.60 m.2 Las ramas han da vargar ord la tiara per 0.10 tochen 0.15 m. Las ramas han dad esser da crap natiral ni betun.

5.4 Mesiras dils monuments1 Las cruschs dallas fossas en retscha han in’altezia da 1.20 tochen 1.40 m, me-sirau naven dalla rama. La ladezia dallas cruschs ei 0.60 m. Il crap, sil qual la crusch ei, ha dad esser denter 0.20 e 0.40 m pli aults che la rama. La ladezia dil crap, sil qual la crusch stat, ei denter 0.30 e 0.40 m.2 Tier fossas en retscha per urnas ei l’altezia dalla platta da crap 0.15 m, la lunghezia e ladezia mintgamai 0.55 m. Sper la platta d’urnas astgan buca veg-nir deponiu ornaments.


12

5.5 Material dils monuments1 Las fossas en retscha han da vegnir fittadas cun ina crusch da fier battiu. Mo-numents da crap ein buca lubi. 2 Igl ei mo lubiu crap natiral. Craps vegls allontanai astgan puspei vegnir duvrai. Craps glimai ein buca lubi. Per las plattas d’urnas astgan vegnir duvrai mo craps natirals.

VI. Santeri da Luven


Las suandontas sepulturas ein pusseivlas:a. satrada, deposiziun dall’urna ni dalla tschendra en ina fossa en retscha;b. deposiziun dall’urna ni dalla tschendra en ina fossa en retscha existenta;c. deposiziun dall‘urna en ina nischa per urnas.



6.3 Ramas dallas fossas1 Las mesiras exteriuras dallas ramas per fossas en retscha ein:a. fossas en retscha per carschi 1.60 x 0.60 m;b. fossas en retscha per urnas 0.70 x 0.60 m.2 Las ramas han dad esser da crap ni betun.

6.4 Monuments dallas fossas

Mesirau naven dil terren astgan monuments buc esser pli bass che 0.80 m e buca pli aults che 1.00 m.

VII. Santeri da Pigniu


Las suandontas sepulturas ein pusseivlas:a. satrada, sepultura dall’urna ni dalla tschendra en ina fossa en retscha;b. deposiziun dall‘urna en ina nischa per urnas.


13

7.2 Distanzas dallas fossas1 La distanza denter las fossas en retscha ei 0.40 m. 2 Per las fossas en retscha ein da risguardar las suandontas distanzas denter las retschas:a. denter retscha 1 e 2 1.40 m;b. denter retscha 2 e 3 1.20 m;c. denter retscha 3 e 4 0.70 m.

7.3 Ramas dallas fossas1 Las mesiras exteriuras dallas ramas dallas fossas en retscha ein:a. retscha 1 (sper la caplutta da morts) e 2 1.50 x 0.60 m;b. retschas 3 e 4 1.40 x 0.60 m;2 Ellas ston esser 0.30 m profundas e 0.03 m grossas.3 Las ramas han dad esser orda quarzit da Val. Plattas tschentadas ein buca lu-bidas.

7.4 Monuments1 Sco monuments ein da duvrar cruschs sin in sochel. Ellas han dad esser da fier battiu e/ni bronz.2 Per ils monuments valan las suandontas mesiras:

grossezia max: ladezia max. altezia max.a. crusch 0.15 m 0.55 m 1.30 m;b. sochel 0.50 m 0.30 m;c. crusch e sochel (naven dil terren) 1.45 m.

7.5 Nischas per urnas

Las nischas e plattas per urnas han dad esser da quarzit da Val. La grondezia dallas plattas ei 0.69 x 0.55 x 0.03 m. Las ruosnas da fermar vegnan mintgamai 2.5 cm (center dalla ruosna) naven digl ur dallas plattas.

VIII. Santeri da Pitasch


Las suandontas sepulturas ein pusseivlas:a. satrada, deposiziun dall’urna ni dalla tschendra en ina fossa en retscha;b. deposiziun dall’urna ni dalla tschendra en ina fossa en retscha existenta;c. fossa communabla.


14



8.3 Ramas dallas fossas1 Las mesiras exteriuras dallas ramas da fossas en retscha ein 1.60 x 0.60 m.2 Las ramas han dad esser orda crap ni betun.

8.4 Monuments

Mesirau naven dil terren astgan monuments buc esser pli aults che 1.10 m.

IX. Santeri da Riein




La distanza denter las fossas en retscha ei silmeins 0.30 m. La distanza ad ina nova retscha da fossas ei silmeins 0.45 m.

9.3 Ramas dallas fossas1 Las mesiras exteriuras dallas ramas dallas fossas en retscha e dallas fossas en retscha per urnas ein:a. fossa en retscha per carschi 1.60 x 0.60 m;b. fossa en retscha per urnas 0.80 x 0.60 m.2 Las ramas han dad esser da crap ni betun.

9.4 Monuments

Ils monuments han dad esser orda crap ni betun ed astgan buc esser pli aults che 1.10 m, mesirau naven dil terren.


15

X. Santeri da Rueun




La distanza denter las fossas en retscha ha da s’adattar allas lingiadas existen-tas. La distanza ad ina nova retscha da fossas ei 0.60 m.

10.3 Ramas dallas fossas1 Las mesiras exteriuras dallas ramas per fossas en retscha e fossas en retscha per urnas ein:a. fossa en retscha 1.60 x 0.60 m;b. fossa en retscha per urnas 0.60 x 0.60 m.2 Las ramas han dad esser orda crap ni betun.

10.4 Monuments1 Ils monuments dallas fossas en retscha han dad esser orda crap ni fier. Mesirau naven digl ur sissum dalla rama astgan els buc esser pli aults che 1.60 m e buca pli lads che 0.60 m.2 Ils monuments dallas fossas en retscha per urnas han dad esser orda crap ni fier. Mesirau naven digl ur sissum dalla rama astgan els buc esser pli aults che 0.80 m e buca pli lads che 0.60 m.3 Plattas d’urnas ston haver in’inclinaziun da 15 grads. En lur pli ault punct han ellas da vargar ord la tiara per 0.12 m.

XI. Santeri da Ruschein




16




Las mesiras exteriuras dallas ramas per fossas en retscha e fossas en retscha per urnas ein:a. fossa en retscha 1.60 x 0.60 m;b. fossa en retscha per urnas 0.80 x 0.60 m.

11.4 Formaziun dils monuments

Las fossas ein da marcar cun ina crusch ni in monument ord material natiral.

11.5 Mesiras dils monuments1 Per cruschs e monuments da fossas en retscha valan las suandontas mesiras:a. altezia dalla crusch naven dalla canta dalla rama 1.10 m - 1.30 m;b. altezia dil monument naven dalla canta dalla rama 0.95 m – 1.00 m;c. ladezia dil monument/dalla crusch 0.50 m – 0.70 m.2 Il crap, sil qual la crusch ei tschentada, astga buca survargar la rama per dap-li che 0.10 m.

XII. Santeri da Schnaus


Las suandontas sepulturas ein pusseivlas:a. satrada, deposiziun dall’urna ni dalla tschendra en ina fossa en retscha;b. deposiziun dall’urna ni dalla tschendra en ina fossa en retscha existenta;c. deposiziun dall’urna ni dalla tschendra en ina fossa en retscha per urnas;d. fossa communabla.


La distanza denter las fossas en retscha ei silmeins 0.30 m. La distanza ad ina nova retscha da fossas ei 0.30 m.


17

12.3 Ramas dallas fossas1 Las mesiras exteriuras dallas ramas per fossas en retscha e fossas en retscha per urnas ein:a. fossa en retscha 1.60 x 0.60 m;b. fossa en retscha per urnas 0.80 x 0.40 m.2 Las ramas han dad esser orda crap da granit ni betun grisch.

12.4 Mesiras dils monuments1 Per cruschs e monuments da fossas en retscha valan las suandontas mesiras maximalas:a. altezia inclus part sut 0.90 m –1.30 m;b. ladezia 0.60 m;c. grossezia 0.15 m.2 Per cruschs e monuments da fossas d’urnas valan las suandontas mesiras maxi-malas:a. altezia inclus part sut 0.45 m – 0.65 m;b. ladezia 0.40 m;c. grossezia 0.12 m.

12.5 Material dils monuments1 Las fossas en retscha ein da fittar cun ina crusch ni in monument da crap.2 Cruschs han dad esser orda lenn ni fier battiu. Cruschs da fier culau ni fier criu ein buca lubidas. Igl ei mo lubiu crap natiral.

XIII. Santeri da Sevgein


Las suandontas sepulturas ein pusseivlas:a. satrada, deposiziun dall’urna ni dalla tschendra en ina fossa en retscha;b. deposiziun dall’urna ni dalla tschendra en ina fossa en retscha existenta;c. deposiziun dall’urna ni dalla tschendra en ina fossa en retscha per urnas;d. fossa communabla.


La distanza denter las fossas en retscha ei silmeins 0.30 m. La distanza ad ina nova retscha da fossas ei 0.60 m.


18

13.3 Ramas dallas fossas1 Las mesiras exteriuras dallas ramas per fossas en retscha e fossas en retscha per urnas ein:a. fossa en retscha 1.60 x 0.60 m;b. fossa en retscha per urnas 1.00 x 0.60 m.2 Las ramas han dad esser orda crap ni betun.

13.4 Monuments1 Per monuments valan las suandontas mesiras maximalas:a. altezia naven dalla canta sura dalla rama 1.40 m;b. ladezia 0.60 m.2 Las fossas en retscha ein da fittar cun ina crusch da fier battiu. Monuments da crap ein buca lubi.

13.5 Fossa communabla

Eventualas decoraziuns da fossa ein d’allontanar 30 dis suenter la sepultura. Il num dil defunct/dalla defuncta sa vegnir inscrets ellas plattas da crap existentas. Igl ei d‘indicar num, prenum, onn da naschientscha ed onn da mort. Il gener e la grondezia dalla scartira indichescha la vischnaunca.

XIV. Santeri da Siat


Las suandontas sepulturas ein pusseivlas:a. satrada, deposiziun dall’urna ni dalla tschendra en ina fossa en retscha;b. sepultura dall’urna ni dalla tschendra en ina fossa en retscha existenta;c. sepultura dall’urna ni dalla tschendra en ina fossa en retscha per urnas;d. nischas per urnas.


La distanza denter las fossas en retscha ei 0.20 tochen 0.30 m. La distanza ad ina nova retscha da fossas ei 0.80 m.


Las mesiras exteriuras dallas ramas per fossas en retscha e fossas en retscha per urnas ein:a. fossa en retscha 1.40 x 0.60 m;b. fossa en retscha per urnas 0.60 x 1.00 m.


19

14.4 Monuments1 Las fossas en retscha e las fossas en retscha per urnas ein da fittar cun ina crusch ni in monument da fier, crap ni lenn.2 Mesirau naven digl ur sissum dalla rama astgan ils monuments per fossas en retscha buc esser pli aults che 1.40 m e buca pli lads che 0.60 m.3 Mesirau naven digl ur sissum dalla rama astgan ils monuments per fossas en retscha per urnas buc esser pli aults che 1.00 m e buca pli lads che 0.60 m.

Documents

ORDINAZIUN DAVART ILS FATGS DA SEPULTURA E DA SANTERI … · 2016-01-25 · 33.11 Ordinaziun da sepultura 2 III. Uorden da santeri Art. 5 Viseta dil santeri Igl ei scumandau da duvrar