Plan Estrategikoa 2013-2015

GEU Elkartea 2013-2015 Plan Estrategikoa

1

PLAN ESTRATEGIKOA 2013-2015


2

1. AURKEZPENA ETA AURREKARIAK

2. METODOLOGIA ETA FASEAK

3. ARDATZ ESTRATEGIKOEN ANALISIA

a. 1. ARDATZA: BARNE EGITURA

i. EGOERAREN DESKRIBAPENA ii. ALDAGAIAK

iii. HELBURU ESTRATEGIKOAK, LAN ILDOAK ETA NEURGAILUAK

b. 2. ARDATZA: KANPORA BEGIRA i. EGOERAREN DESKRIBAPENA

ii. ALDAGAIAK iii. HELBURU ESTRATEGIKOAK, LAN ILDOAK ETA NEURGAILUAK

c. 3. ARDATZA: EGITASMOAK

i. EGOERAREN DESKRIBAPENA ii. ALDAGAIAK, HELBURU ESTRATEGIKOAK, LAN ILDOAK ETA

NEURGAILUAK

4. KRONOGRAMA

5. ONDORIOAK


3

1. AURKEZPENA ETA AURREKARIAK

GEU Gasteiz Euskalduna elkartea 1992 urtean sortu zen Gasteizen, euskararen erabileraren normalizazioa eta Gasteizen euskaraz bizitzeko aukerak sortu, landu eta lortzea helburu zituelarik. Hasiera hasieratik elkartearen ibilbidea oso lotuta egon zen GEU Gasteiz aldizkariarekin, elkartearekin bat sorturikoa eta elkartearen egitasmo nagusia izan zena hainbat urtetan, gaur egun, oraindik ere hainbat dira elkartea ezagutu ez baina aldizkaria ezagutzen dutenak. 2009 urteko abenduan argitaratu zen GEU Gasteiz aldizkariaren azken zenbakia, baliabide ekonomiko ezak baldintzatuta bertan behera gelditu zen. Baina ordurako GEU elkarteak beste hainbat egitasmo martxan zituen dagoeneko; Gasteizko Mintzalaguna edo Kultur Errota esaterako eta aldizkariaren desagertzearekin batera berregituraketa sakon bat egin zen elkartean. Aldizkariko harpidedun zirenei elkarteko bazkide izateko aukera eman zitzaien eta elkartearen barne egitura sendotzeko ere lan eskerga egin zen. Existitzen ez ziren elkarte egiturak sortuz, zuzendaritza batzordea edo elkarteko egitasmoen jarraipena egingo zuten beste zenbait azpi batzorde. Estatutuak berritzearekin batera esan daiteke elkartea ia ia birsortu egin zela. Gaur egun elkarteak 850 bazkidetik gora ditu, zuzendaritza batzordea eta funtzionamenduan dauden bizpahiru azpi batzorde (egitasmo komunikatiboa, kultura eta bazkidetza esaterako). Lau pertsonaz osaturiko soldatapeko lan taldea du, udalak eta aldundiak lagatako egoitzak eta egitasmoak gauzatzeko baliabide tekniko zein ekonomiko nahikoak. Topaguneko, Tokikom edo Hekimen bezalako elkarteetan bazkide da, Eusko Jaurlaritza, Arabako Foru Aldundia edo Gasteizko Udalarekin lanean jarduten du eta Gasteizko euskalgintzan erreferente da, era berean, asko dira, enpresa, elkarte edo norbanakoak GEUrengana jotzen dutenak Gasteizen euskararekin zerikusia duen gaien inguruan kontsulta egiteko. Beraz, laburbilduz, esan daiteke GEU Gasteiz Euskalduna elkartea osasuntsu dagoela 2013-2015 Plan Estrategiko hau definitzeko orduan, baina hala ere, asko dira hobetu beharreko eta hobetu daitezkeen arloak. Plan estrategiko honen helburua datozen hiru urteetarako elkarteak jarraitu beharreko gidaliburua osatzea da, helburu konkretu zehaztuz eta horietara heltzeko hartu beharreko neurriak definituz. Ondoren helburu horien asebetetze erreala ahalbidetuko duten neurketa sistemak definituz.


4

2. METODOLOGIA ETA FASEAK

Plan estrategikoa bulegoko lan talde teknikoak zehaztuko du Zuzendaritza Batzordearekin kontrastean eta elkarlanean. Behin txostena amaitutzat emanda, 2013ko Ohiko Batzar Orokorrean aurkeztuko da bazkideen aurrean, hauek onespena eman diezaioten edo ekarpen eta zuzenketak egin ditzaten. Horren ondotik, behin Plan Estrategikoan zehazten direnak garatzen hasita Zuzendaritza Batzordea izango da jarraipena egingo duena eta urte bakoitzaren amaieran ebaluazioa egingo duena, ebaluazio hori urteko Ohiko Batzar Orokorrean aurkeztuko da. Azkenik 2016ko lehen hiruhilekoan ospatuko den bazkideen Ohiko Batzar Nagusian 2013-2015 epealdiko Plan Estrategikoaren ebaluazio orokorra egingo da eta hurrengo epealdirako plan estrategiko berria aurkeztuko da.


5

3. ARDATZ ESTRATEGIKOEN ANALISIA

Plan Estrategiko hau garatzerako orduan hiru ardatz nagusi zehaztu ditugu. Alde batetik, elkartearen barne egiturari dagokiona eta hemen jasoko ditugu bazkide, batzorde, lan talde, egoitza edo ekonomiarren ingurukoak. Bigarren ardatz bezala kanpora begirakoak definitu ditugu, hau da, elkartearen kanpo komunikazioa eta harremanak, izan hedabide, erakunde edo elkarte ezberdinei dagozkienak. Eta azkenik, hirugarren ardatza, elkarteak garatzen dituen egitasmo konkretu ezberdinei dagokiena da. Guztietan ere, gaur egungo egoeraren deskribapen batetik abiatuta, datozen urteetarako helburuak, lan ildoak eta neurgailuak zehaztu dira.

1. ARDATZA: BARNE EGITURA

i. EGOERAREN DESKRIBAPENA Hasieran aipatu bezala 2009 urtetik elkartean ia birsortu egin dela esan dezakegu, estatutu berriak onartu dira, gobernu organoak ezarri eta bazkideen partaidetza ahalbidetu Batzar Orokorraren bidez. Honekin esan daiteke elkarte egitura bat existitzen dela eta funtzionatzen duela, nahiz eta bazkideen parte hartzea ez den izan beharko lukeen bezain handia. Elkartearen gaur egungo egitura honakoa litzateke.

Lehen ere aipatu dugu GEU Gasteiz aldizkaria bertan behera gelditu zenean harpidedun zirenei aukera eman zitzaiela elkarteko bazkide izateko, baina datu aldaketa horretan eta aldizkariko harpidedun zirenen datuak ere eguneratu gabe zeudela kontuan hartuta, gaur egun elkarteko bazkideen datu basearekin arazo handia dago.


6

Alde batetik, datu base horretan 1.200 erreferentzia inguru daude, helbide fisikoekin, horietatik 850 inguru dira ordaintzen duten bazkideak; ia laurehun erreferentziako aldea dago bien artean eta arazoa zera, ditugun bankuko kontu korronte zenbaki guztiak ez daudela dagozkien pertsonekin identifikatuta. Ondorioz, ez dakigu zehatz mehatz 1.200 erreferentzia horien artean zenbat diren ordaintzen dutenak. Arazo nagusi horretaz gain, datu osagarriak ere falta dira posta elektroniko helbideak esate baterako, guztira 400 pasa daude eta bazkide bakoitzaren edo gehienen posta elektronikoa izateak komunikazioa erraztu eta arintzeaz gain merkeeagoa egingo luke. Bestalde, gaur egun, elkarteak soldatapeko lau langile ditu, elkarteko koordinatzaileaz gain egitasmo ezberdinetaz arduratzen direnak, Gasteizko Mintzalaguna eta Hirinet nagusiki. Elkartearen egoeran ezinbestekoa da alor ekonomikoa aipatzea, gaur egun, elkarteak ez du diru arazorik baina diru laguntza publikoek baldintzatzen dute urtez urteko jarduna, zenbait egitasmo urtetik urtera kolokan gelditzeko arriskua agertu daitekeelarik.

ii. ALDAGAIAK Sendotu egin da baina badirudi zenbait batzordek indarra edo zentzua galdu dutela, garrantzitsua da bazkide aktiboak izatea baina eraginkorrak diren formatuetan, hala ere, batzar orokorretara adibidez bazkideen %5 ere ez da agertzen Bazkide kopurua 850 inguruan dago, kopuru garrantzitsua da baina zaila izaten da bazkideak inplikatzea eta elkartean edo antolatzen diren ekimenetan parte hartzea. Datu basean ere zailtasunak daude bazkide eta ez bazkideak identifikatzeko. Elkarteko barne komunikazioari dagokionez posta elektronikoa hobestu nahi da baina bazkide guztien helbideak izan gabe zenbait komunikazio, oinarrizkoenak, posta arruntez egiten dira, batzar orokorra, etab. Lan taldea badirudi egonkortu egin dela, lau pertsona daude momentu honetan lanean eta jardunaldi osoan izateko aukera dagoela dirudi. Egoitza ere gaur egun Rogelia de Alvaro elkarteen etxean dago ezarrita eta honek lan taldearentzat behintzat onura suposatzen du, baldintza egokietan eta denak batera lanean aritzeko, hala nola, kostu gutxiago suposatzen du bi egoitza ezberdinetan izatea baino, Seminarioko egoitza biltegi bezala mantentzen da. Elkartearen baliabide ekonomikoei dagokionez, esan daiteke nahiko osasuntsu dagoela, likidezia aldetik arazorik ez dago baina aurrekontuak osatzerako orduan diru laguntzekiko menpekotasuna handia da oraindik, aurrekontu osoaren %70 izan zen 2011an eta %60 2012an, 2013rako aurkezten den aurrekontuan %60 horretan mantentzea aurreikusten da. 2012an lehen aldiz txosna jarri da eta horrek beste diru iturri garrantzitsu bat suposatu du.


7


Hauek izango lirateke barne egiturari dagokion atalean ezarritako helburu estrategikoak.

Helburu estrategiko horiek betetzeko jorratuko diren lan ildoak honakoa dira.


8

Lan ildo horiek garatuz eta aurrez ezarritako helburuak betetzeko bidean, emaitza konkretuak neurtzeko ondoko parametroak ezartzen dira, horiek lirateke urtez urte aztertu beharrekoak helburuak betetzeko bidean diren ala ez definitzeko.


9

2. ARDATZA: KANPORA BEGIRA

i. EGOERAREN DESKRIBAPENA Neurri batean Gasteizko euskara alorrean erreferente baldin bada ere, hirian dagoen euskara elkarterik garrantzitsuena izanik, herritarren gehiengoak ez du elkartea ezagutzen eta elkartea ezagutzen duten askok ez dute garatzen dituen egitasmoen bultzatzaile bezala identifikatzen. Honek esan nahi du komunikazio arloan lan handia egin behar dela elkartea ezagutzera eman eta egitasmoen garatzaile bezala identifikatzeko. Erakunde eta eragile ezberdinekin harremana sendoa da, Gasteizen euskararen inguruan lanean ari diren eragileekin komunikazioa zuzena eta eraginkorra da, hainbat kasutan aldizkako bilerak egiten direlarik eta elkarlana jorratzen delarik. Erakunde ezberdinekin ere harremana egunerokoa da (batez ere teknikariekin) nahiz eta gobernuan dauden talde politikoekin askotan tirabirak eta eztabaidak izan, batez ere, azkenaldiko aurrekontuetan ematen diren murrizketak direla eta. Komunikabideen alorrean ere harreman sendoa dago hainbat eragilerekin, Tokikom edo Hekimen-en bitartez baina baita proiektu berrien aukerak aztertzeko Aiaraldea, Berria, Goiena edo Hala Bedi Irratiarekin.

ii. ALDAGAIAK Komunikazioaren arloa etengabe aldatzen ari den atala da, gaur egun internet bidez garatzen dena neurri handi batean, sare sozialak dira hor nagusi. GEU elkarteak lan handia egiten du sare sozialen bidez baina agian bide bateratu bat ezarri gabe edo aurretiazko helburu batzuk zehaztu gabe. Ezinbestekoa da, azken eguneraketen berri izatea arlo honetan eta ahal den neurrian ematen diren aldaketei aurre hartzea. Harremanei dagokionean berriz, aldagai nabariena erakundeetan hauteskundeen araberako politika lantzen dela, gobernuan dagoen alderdi politikoaren arabera oso ezberdina izan daiteke harremana eta euskara arloarekiko jarrera. Baina horietatik haratago jo beharko litzateke eta proiektu bat sortu eta landu, baita erakunde eta alderdi politikoen aurrean ere, duen kolorea duela.


10


Hauek lirateke atal honetan zehazten diren helburu nagusiak.

Helburu horiek lortzeko jorratu beharreko lan ildoak berriz hauek izango lirateke


11

Kanpora begirako lan honetan ezarritako helburuak, zehaztutako lan ildoak garatuz, betetzen direla neurtzea ez da erraza, helburu kuantitatiborik ez dagoelako baina hala ere neurgailu batzuk zehaztu dira.


12

3. ARDATZA: EGITASMOAK

i. EGOERAREN DESKRIBAPENA GEU elkarteak hainbat egitasmo garatzen ditu Gasteizen euskararen erabilera bultzatzeko bidean, horietako batzuk osasuntsu daude eta erreferente bilakatu dira hirian, Gasteizko Mintzalaguna edo Euskararen Agenda esate baterako, beste batzuk hasi berriak dira eta erreferentzialtasun hori bilatzen dabiltza, Hirinet adibidez, eta badira urteetan garatu arren elkartearen egunerokotasunetik nahiko autonomoak direnak eta hedapen mugatua dutenak, GEUrekin mendira edo Irakurle Kluba esate baterako. Hauekin batera 2012an aldaketa izan da beste egitasmo batzuetan; Kultur Errotari dagokionez Parral Tabernan hileroko emanaldia eskaintzen jarraitzen du baina baliabide ekonomiko ezagatik, gaur egun aretoak berak ordaintzen ditu emanaldiak eta elkarteak komunikazioan egiten du lan soilik. Azkenik berrikuntza izan da Aihotz plazan GEU elkarteak 2012ko Gasteizko Jaietan jarritako txosna, Blusa eta Nesken Batzordeari alokatu ondoren. Diru iturri berri bat suposatzeaz gain, elkarteko bazkide eta lagunak aktibatu eta elkartearen egunerokotasunera hurbiltzeko aukera paregabea izan da. Egitasmo berriak abiarazteko aukera ere aztertu beharra dago, gaur egun lantzen ez diren arloak garatzeko batez ere, adibidez; gazte eta haurrei zuzendurikoa.

ii. ALDAGAIAK, HELBURU ESTRATEGIKOAK, LAN ILDOAK ETA NEURGAILUAK

Kasu honetan egitasmoz egitasmo aztertuko ditugu bakoitzari dagozkion aldagaiak eta jarraian zehazten dira helburu estrategikoak, horietara iristeko garatu beharreko lan ildoak eta emaitzen asebetetzea zehazteko neurgailuak.

Gasteizko Mintzalaguna Egunerokotasunean euskaraz hitz egiteko aukerarik ez duten pertsonei talde txikietan elkartu eta mintzapraktika garatzeko aukera ematen zaie egitasmo honen bitartez. Jatorrian eta oinarrian ez da GEU elkartearen egitasmo bat soilik, Gasteizko euskalgintzako hainbat eragileren eta Gasteizko Udalaren babesetik jaio zen 2007an, GEU elkarteak kudeaketa bere gain hartu zuelarik. Praktikan GEU elkarteak du egitasmoaren egunerokotasunean kontrola eta aurretik aipatutako eragileekin jarraipen batzordea besterik ez da egiten. Neurri batean, GEU elkartearen berrindartze prozesuan Mintzalaguna izan da oinarrietako bat, izan ere martxan jarri zen lehen ikasturtean 227 pertsonek izena eman baldin bazuten, 2012/2013 ikasturtea amaitzerako 700dik gora izango dira. Honek elkartearen irudia asko indartu eta ezagutarazi du, aldi berean, bazkide potentzial eta egitasmo ezberdinetarako parte hartzaile poltsa garrantzitsu bat suposatu duelarik. Erreferentziazko proiektua da honenbestez Gasteizen, Araban eta Euskal Herri mailan, izan ere abian dagoen mintzapraktika proiektu jendetsuena da. Egitasmoa hobetu eta zabaltzen joateko asmoarekin Gaztelaguna eta Gurasolaguna aldaerak martxan jarri ziren 2011/2012 ikasturtean, lehena 18-28 urte arteko gazteei zuzendua eta bigarrena ikastetxe berean ikasten duten seme alabak dituzten gurasoei zuzendua, horiek sendotzea da momentu honetan erronka nagusia.


13

2012/2013 ikasturte hasierako kanpainaren datuen arabera:

MINTZALAGUNA 12/13

PARTE HARTZAILEAK 636 %100

Gasteizko Mintzalaguna

502 %78

Gaztelaguna 58 %10

Gurasolaguna 76 %12

Emakumezkoak 471 %74

Gizonezkoak 165 %26

Mintzalaguntzaileak 83 %13

Gasteizko Udalean onartutako EBPNan jasota egon da egitasmo hau, erreferente eta babestu beharreko proiektu bezala, ikusteko dago 2013-2017 EBPN berria prestatzen ari den une honetan zer nolako garrantzia emango zaion, hala ere, pentsatzekoa da proiektu estrategikotzat hartuko dela. Jarraian zehazten dira egitasmo honi dagozkion helburu eta lan ildoak 2013-2015 epealdirako.


14

Definitutako helburu horiek betetzen diren ala ez definitutako neurgailuak dira honako hauek:

Euskararen Agenda Elkartearen egitasmoen artean errotua dagoen beste bat Euskararen Agenda da, hasiera batean Gasteizko Euskararen Agenda izan zenak 2012 urtetik aurrera Arabako osoko ekintzak jasotzen ditu Euskararen Agenda izenpean. Hasierako helburua gasteiztar orok euskaraz egiten zen zerbaiten berri izan nahi zuenean, izan kontzertu, antzerki, ikastaro edo dena delakoa, Gasteizko Euskararen Agendara jotzea zen, erreferentzia bat bihurtzea euskarazko egitasmo guztiak bilduko zituena. Zaila da esaten erreferentzialtasun hori bilatu duen ala ez baina gaur egun 1.500 helbide elektronikotara bidaltzen da hilabete hasieran eta Hirinet atarian dago egunero ikusgai, eraginkortasuna handitzen delarik. Euskararen Agenda ere 2010-2012 urte bitartean Gasteizko Udalean indarrean egon den EBPNan jasota egon da.


15

Euskararen Agendari dagozkion helburu eta lan ildoak dira jarraian zehazten direnak.


16

Helburu horiek dagozkien lan ildoak jorratuz, asebetzen diren neurtzeko berriz ondorengo parametroak ditugu.

Hirinet

GEU Gasteiz aldizkaria bertan behera gelditu zenean, 2009ko abenduan, elkartea hankamotz gelditu zen, baita Gasteiz eta Arabako euskarazko hedabideen alorra ere. Elkartea berrindartzeko prozesuan berebiziko garrantzia izan du egitasmo komunikatibo bat garatzeko proiektuak, horretara bideratu dira indar gehienak estrategikoa iritzi zelako tokian tokiko euskarazko komunikabide bat izateari. Papereko edizioa bat hasiera batean bideragarri ez zela ikusita internet bidezko atari batekin hasiera eman zitzaion ibilbide berri honi eta honela, 2012ko apirilak 19an sareratu zen Hirinet, gasteizko euskaldunon ataria. Luze joko luke hilabete hauetan egindako lana hemen zehazteak baina esan daiteke urtea bete aurretik proiektua egonkortzen ari dela, gero eta bisita kopuru handiagoa duela. Hasiera batean hilabetean 4.000 inguru baziren, gaur egu, 6.000tik hurbil gabiltza. Lan taldea eta kolaboratzaile sarea ere egonkortuta daude, elkarlanerako bideak irekita eta aztertzen ari dira (Tokikom, Goiena, Berria, Aiaraldea, etab.) eta erakundeen aldetik ere begi onez ikusten da. Azken finean, esan dezakegu, Gasteizen, gasteiztarrek eta gasteiztarrentzat eginiko euskarazko webgune multimedia bat existitzen dela interneten.


17

GEU elkartearen baitan ezinbesteko garrantzia izango duen beste egitasmo bat Hirinet izango da datozen urte hauetan. Honekin lotuta, honako helburu eta lan ildoak zehaztu ditugu.


18

Eta egitasmo guztiek bezala Hirinet-ek ere ezarritako helburuak betetzen dituen ala ez jaiteko ondorengo neurgailuak ezarriko dira.

Kultur Errota GEU elkarteak urteetan garaturiko beste proiektu bat eta dagoeneko gasteiztarren eguneroko bizitzan barneratua dagoena. Euskarazko kalitatezko klutur programazio bat eskaintzea da helburua eta horretarako hileroko azken asteartean Parral Tabernan emanaldia antolatzen da; honekin batera beste ekimen puntual batzuk ere garatzen dira, dokumental eta filma laburren proiekzioa esaterako. Kultur Errota garatzeko Gasteizko Udaletik jasotzen zen diru laguntza eten egin zen 2012an baina egitasmoa bertan behera utzi ordez Parral Tabernako arduradunekin jarraitzea adostu zen, ikuskizunaren kostua bere gain hartu dutelarik eta elkartea artistaren aukeraketaz, komunikazioaz eta zabalpenaz arduratzen delarik.


19

Azken urtean, 2012an Kultur Errotaren inguruan aldaketa nabaria izan da, aurrekontuen murrizketak direla eta, baina hala ere, GEU elkarteak arlo hau lantzen eta egitasmoa garatzen jarraituko du. Hauek dira ezarritako helburu eta lan ildoak.

Neurgailu batzuk ere zehaztu dira helburuen betetze maila neurtzeko.


20

GEUrekin mendira Ia elkartearen sorrerarekin lotu genezake ekimen hau, 1995az geroztik hilabeteko azken aurreko igandean mendi irteera egiten delarik. Egitasmo erabat autonomoa da elkartearekiko, pertsona talde bat arduratzen da ibilbideak aukeratzeaz eta ondoren elkartearen esku gelditzen da komunikazioa eta bazkideen artean zabaltzea. Azken urteetan Gasteizko Mintzalagunarekin batera egiten dira pare bat irteera. Ohiko irteeretan 10-15 pertsona inguru biltzen dira. Egitasmo honetarako ere zehaztu ditugu zenbait helburu eta lan ildo.

Eta horiek betetzen diren ala ez bermatzeko neurgailuak hauek lirateke.


21

Gasteizko Irakurle Kluba Iban Zalduak koordinatzen duen egitasmoa da hau eta honek oso modu autonomoan funtzionatzen du, elkartea finantzazioaz eta komunikazioaz arduratzen delarik baina gainontzeko guztia; liburuen aukeraketa, egileekin harremanak, etab. Iban Zalduaren esku geratzen direlarik. Gasteizen dagoen euskarazko irakurle klub bakarra da eta parte hartzaile nahiko fidelak dituela esan daiteke, 20-30 pertsona inguru artean biltzen dira hileroko azken ostegunean Ignacio Aldekoa Kultur Etxean. Datozen urteetarako hauek dira helburuak.


22

Eta helburuak betetzen diren zehazteko, ondorengo neurgailuak.

Txosna 2012ko Gasteizko jaietan lehen aldiz GEU elkarteak txosna jarri du Aihotz plazan, Blusa eta Nesken Batzordearena da berez txosna hori eta akordio batera iritsi ondoren 14.000 €ren truke alokatu zuen elkarteak., bi helbururekin, bata etekin ekonomikoa lortzearena eta bigarrena ikusgarritasuna eta bazkideen aktibazioa. Lan handia suposatu duen arren bi helburuak bete dira lehen urtean, etekin ekonomikoa 14.000 €tik gorakoa izan da eta bazkide, mintzalagun , etab.-en inplikazioa ere izugarria izan, 100 pertsonatik gora ibili baitira txosnaren


23

bueltan lanean. Kontratua bi urterako sinatu zen eta ondorioz 2013 urtean ere txosnarekin jarraitzeko asmoa dago. Txosnarekin lotutako helburu eta lan ildoak ditugu honako hauek.

Plan estrategiko hau indarrean dagoen urte bakoitzaren amaieran neurgailu hauen arabera helburuak betetzen ari diren zehaztuko da.


24

Nahi Baduzu Euskaraz


25

2011 urtean Gasteizko Udala eta Arabako Foru Aldundiarekin elkarlanean abiatu zen ekimen hau. Gasteizen merkataritza eta ostalaritzan bezeroei euskaraz arreta ematen dieten establezimenduak nolabait nabarmentzea da helburua, horretarako Nahi baduzu euskaraz lemadun pinak, pegatinak eta mahai gainekoak banatu zirelarik 100dik gora saltoki edo establezimendutan. Hala ere, ekimen hau gaur egun ez dago martxan nahiz eta moduren baten berhartzeko asmoa dagoen. Gasteizko Udalak ere badirudi asmo horixe duela Artez enpresarekin batera. Helburu eta lan ildo hauek ezarri ditugu honekiko.

Horiek betetzeko neurgailu bezala berriz hauek jarri ditugu.

Bestelakoak


26

Urtero garatzen dira ohikoetaz gain egitasmo ezberdinak, izan daiteke urteurrena ospatzea edo euskalgintzako eragileekin batera egun berezi bat antolatzea. Askotan horiek ez dago aurrez zehazterik baina zehaztu liteke horrelako aukera, proposamen edo egoeren aurrean jarraitu beharreko ildoa.


27

Lan ildo horiek jorratuz eta helburu horiek lortzeko bidean, asebetetze neurgailu batzuk ere zehaztu dira, ahalik eta konkretuenak eta neurtzeko errazenak ezarri nahi izan dira, ondorengo jarraipen eta ebaluazioa prozesua errazteko asmoarekin

4. KRONOGRAMA Plan Estrategikoa garatzerako orduan beharrezkoa da garaturiko diren ildoak eta aldez aurretik zehazturik dauden lanak denboran kokatzea. Zaila da bi urteko aurreikuspenarekin kronograma bat osatzea baina gutxienez lehen urterako aurreikuspena egin da eta honakoa izango litzateke 2013 urterako GEU elkartearen kronograma orokorra.


28


29

5. ONDORIOAK

GEU elkarteak lehen aldiz Plan Estrategikoa diseinatu du eta hori berez aurrerapauso bat da elkartearen beraren funtzionamenduan, duela zenbait urte elkarte egiturarik ere ez zuen elkarte batentzat. Zehazten diren helburuak, lan ildoak edo neurgailuak garrantzitsuak izanik ere are garrantzitsuagoa baita elkarteak norabidea definitzea, datozen urteetan garatu nahi duen lana eta nola egin nahi duen zehaztea. Lehen proiektu bat da hau, hiru urterako ibilbidea definitzen duena, espero dezagun hemendik hiru urtera elkartea are sendoago eta egonkortuago izatea eta hurrengo Plan Estrategikoan bost urterako ibilbidea diseinatzeko gai izatea. Helburu nahiko zehatzak definitu dira, handinahirik gabe baina elkarteak etorkizunera begira garapen garrantzitsu bat izateko modukoak, beteko balira. Lan ildoak ere, gaur egun garatzen direnen bidetik doaz baina azpimarratzekotan bi dira ia egitasmo guztietan eta elkarteari dagozkionetan aipatzen direnak, parte hartzea eta elkarlana. Bazkideen parte hartzea bilatu, sustatu eta bultzatu behar da eta era berean agente ezberdinekin elkarlana. Gasteizen euskararen erabilera bultzatzea eta euskaldunon komunitatea trinkotzea berez baitira helburu garrantzitsuak baina betezinak gizartearen parte hartzerik eta bultzadarik gabe eta GEU elkarteari dagokionez bere bazkideak dira aktibo garrantzitsuena lan horretan.

Documents

Plan Estrategikoa 2013-2015